Magoši wa Mathomo
5 Mo Hirama kgoši ya Tira yi di kwelela gore Solomoni ba mo tlotsiye gore go be kgoši sekgaleng sa papage, Hirama o yye a romela dibereki tsage ga Solomoni ka taba la gore yene le Dafita ke botala go le banghana. 2 Ke mokane Solomoni o yye a fetola Hirama ka gore: 3 “O di tšiba gabutši tsa gore papaka Dafita aa kgona go yaga ntlo ya lebitso la Jehova Modimo wage, ka taba la dintwa tso ne di le gona ka ho le ka ho go segela Jehova a hlula manaba yage. 4 Mara gana byalo Jehova Modimo waka o makiye gore go bebe. A go na ye a mphigisang fote a go na dilo tsa go befa tso di makegang. 5 Byalo, ke tikemisele go yagela Jehova Modimo waka ntlo ya lebitso lage, ka mokgo Jehova a yyeng a tshepisa Dafita papaka gore: ‘Morwayi wago ye a nyoko dulang setulong sago sa go lawola ka nthago gago, ke yene ye a nyoko n’yagelang ntlo ya lebitso laka.’ 6 Gana byalo botsa batho bago ba tle ba nkopele mehlare ya mosidara wa Lebhanoni. Dibereki tsaka di ko bereka le dibereki tsago, ke nyoko patela dibereki tsago ka mokgo wene o nyakang ka taba la gore le wene wa di tšiba tsa gore rune a re di kgone tsa go kopa mehlare go tshwana le Masidoni.”
7 Mo Hirama a kwa mantsu yane ya Solomoni, o yye a jabola ka matla a re: “Nkare Jehova a ka thanakiwa lekgono lo, ka taba la gore o neyye Dafita morwayi wa go hlalefa wa go phala batho ka mokana ga bona!” 8 Ke mokane Hirama a romela molayetsa ga Solomoni a re: “Ke kwile molayetsa wo o nromeleng wona. Ke nyoko maka tso o di hlayang, ke go romele mohlare wa mosidara le dikwata tsa junipha. 9 Malata yaka ma ko di tseya ho Lebhanoni ma di yisa lewatleng, ke nyoko di tlema ka dingata gore mo ke di lahlela ka ho lewatleng di thogo segela ga poleke yo o mputsiyeng gore o nyaka di ye ga yona. Nko ba botsa gore ba di tlemolle mo di segela, wene o ko di tseya. Ke mokane wene o ko nneya tsa go ja tso ke di kgopelelang ba mutši waka.”
10 Byalo, Hirama o yye a neya kgoši Solomoni dikwata ka moka tsa mohlare wa mosidara le wa junipha tso Solomoni a di kgopeleng. 11 Solomoni o mo neyye 3 200 000 ya dikhiloghremo tsa korong gore go be tsa go ja tsage le ba mutši wage, fote a mo neya le 20 000 ya dikhoro* tsa makgura ya mayemo ya gedimo ya diolivi. Ke tso Solomoni a yyeng a di neya Hirama mongwaga wo mongwana le wo mongwana. 12 Fote Jehova o makiye gore Solomoni a hlalefe go ya ka mokgo ne a mo tshepisiye ka gona. Hirama le Solomoni ke mo ba kwana ka matla, fote ba le ka babedi (2) ba yye ba maka kwano ya gore ba ka sa lwe.
13 Kgoši Solomoni o yye a kgopela banna ba Israyele ka mokana ga yona gore ba tle ba mmerekele; banna bone ne go le 30 000 ya bona. 14 Ke mo a ba romela Lebhanoni ka dikopa ka dikopa, a romela 10 000 ya bona kgwedi ye nngwana le ye nngwana. Ke mo ba fetsa kgwedi ba le Lebhanoni ke mokane dikgwedi ka dipedi (2) ke mo ba di fetsa ba le mitšing ya bona; Adoniramo ke mo a lawola banna bo ba ba kgopeleng. 15 Solomoni ke mo a na le 70 000 ya dibereki le 80 000 ya dibereki tsa go phsyaya matlapa ku dithabeng, 16 Fote Solomoni ne a na le 3 300 ya banna ba gore ne ba wokamela dibereki tsowa. 17 Kgoši yi ba butsiye gore ba yepe matlapa ya magolo le matlapa ya go tura ke mokane ba ma fefe gore ba thogo maka fandhiši ya ntlo. 18 Byalo, bo ba go yaga ba Solomoni le ba Hirama le Maghebhali ke bona bo ba phsyayyeng matlapa yane, fote ke mo ba lukisa dikwata le matlapa gore ba thogo yaga ntlo yone.