Magoši wa Mathomo
19 Byalo, Ahaba o butsiye Jezebhele dilo ka mokana ga tsona tso Eliya a di makiyeng le ka mokgo a bolayyeng baporofeta ka mokana ga bona ka sabola. 2 Mo Jezebhele a kwa tsotsone, a romela lelata ga Eliya a re: “Nkare medimo yi ka n’wolola ka matla mo go ka segela ka motshwana ke sa go maka tso o di makiyeng baporofeta bala!” 3 Mo Eliya a kwa tsotsone o yye a tšhoga ka matla, ke mokane a tlogamela a tšhaba. O yye a ya nageng ya Bhere-šeba ya ku Juda, ke mokane a šiya lelata lage gana hone. 4 O yye a sepela letšatši ka mokana ga lona mašahleng, ke mokane a segela a dula fase ga mohlare wa tšayilane, a kgopela go kgwa. A re: “Nna ke tinnwe! Byalo, wene Jehova, mpolaye barena ka taba la gore a ke phale bokokwane baka le ka gonyana.”
5 O yye a yetsela hala fase ga mohlare, a ya le boroko. Ke mokane gwa tla lengeloyi la segela le mo tikisa, la re: “Tsoga o je.” 6 Mo a lebelela ka ho dihlogong tsage, ke mo go na le sekgwa sa kgokolo se le gedimo ga matlapa ya go fisa, fote go na le komitši ya meetši. O yye a ja, a nwa ke mokane a yetsela fote. 7 Ka nthagonyana lengeloyi la Jehova la boya fote, la mo tikisa la re gage: “Tsoga o je, ka taba la gore o sa ya kgole.” 8 O yye a tsoga, a ja, a nwa, ke mokane tsa go ja tsone dya mo neya matšhika ya go sepela 40 ya matšatši le 40 ya mašego go segela a kena Horebe, thabeng ya Modimo wa mannete.
9 O yye a segela a kena ka teng ga lekori, a fetsa bošego a le ka gana hone; ke mokane lentsu la Jehova la tla gage la re: “Ye wene Eliya, o nyaka ying mone?” 10 Mo le reyane, Eliya a re: “Ke fetsiye nako ya go lefa ke berekela Jehova Modimo wa masole ka go tshepega, ka taba la gore batho ba Israyele a ba sa sepela ka kwano yo o yi makiyeng nabo, ba wisannye dialetare tsago, fote ba bolayye baporofeta bago ka sabola, go šele nna ke le ntoši. Byalo, gana byalo ba nyaka go mpolaya.” 11 Mara Modimo a re: “Ariye o segele o yeme gedimo ga thaba mahlong ga Jehova.” Jehova ke mo a feta, ke mokane ke mo go tšutla moya wo mogolo ka matla wo yahluganya dithaba fote wo tšharolanya le matlapa ya magolo mahlong ga Jehova, mara Jehova ke mo a se šiyo teng ga wona. Ka nthago ga moya wone, lefase le yye la tekateka mara Jehova ke mo a se šiyo mone. 12 Ka nthago ga go tekateka ga lefase, go yye gwa ba le mollo mara Jehova ke mo a se šiyo mone ga wona. Ka nthago ga mollo wone, gwa kwagala lentsu la fase la go beba. 13 Mo Eliya a kwa lentsu lone, o yye a tikwala mahlong ka kobo yage ya bogoši ke mokane a tšwa, a segela a yema monyakong wa lekori. Lentsu lela la mmutsisa la re: “Ye wene Eliya, o nyaka ying howa?” 14 Mo a reyane, Eliya a re: “Ke fetsiye nako ya go lefa ke berekela Jehova Modimo wa masole ka go tshepega, ka taba la gore batho ba Israyele a ba sa sepela ka kwano yo o yi makiyeng nabo, ba wisannye dialetare tsago, fote ba bolayye baporofeta bago ka sabola, go šele nna ke le ntoši. Byalo, gana byalo ba nyaka go mpolaya.”
15 Jehova a re gage: “Boya ke mokane o ye mašahleng ya Damasekhase. Mo o segela, o hlawole* Hazayele gore go be kgoši ya Siriya. 16 O hlawole Jehu motlogolo wa Nimiši gore go be kgoši ya Israyele, fote o hlawole Eliša morwayi wa Šafate wa gore o tšwa Abele-mehola gore go be moporofeta sekgaleng sago. 17 Ye mongwana le ye mongwana ye a phonang sabola ya Hazayele, Jehu o nyoko mmolaya; fote ye mongwana le ye mongwana ye a phonang sabola ya Jehu, Eliša o nyoko mmolaya. 18 Go sa na le 7 000 ya batho bo ba šeleng mo Israyele ba gore a baa rapela Bhaali, fote a baa mo khisa.”
19 Eliya a tloga mone, a ya a kraya Eliša morwayi wa Šafate a kene a lema, mo mahlong gage ke mo a yetiye ke 22 ya dikgomu di sepela di le ka dipedi (2) ka dipedi (2) di kene di lema, ke mokane yene a di šele nthago a na le dikgomu ka dipedi (2). Ke mokane Eliya a ya ga Eliša, a segela a mo yapesa kobo yage ya bogoši. 20 Ke mokane Eliša a lisetsa dikgomu tsela, a lelekisa Eliya a re gage: “Barena, yema ke ye layela* mmane le papa. Ke mokane nko go latela.” Eliya a re gage: “Ariye, nna a ke go rakele.” 21 Byalo, o yye a boyela nthago a tseya dikgomu tsela ka dipedi (2) a maka sehlabelo ka tsona, o yye a berekisa lejoko ke mokane a yapega nama ya dikgomu tsela ke mokane a neya batho ba ja. Ka nthago ga hone, o yye a tlogamela ke mokane a šala Eliya nthago, a thomisa go mmerekela.