Magoši ya Bobedi

2 Mo Jehova a šele a nyoko tseya Eliya a mo yisa sebakabakeng ka moya, Eliya le Eliša ba yye ba tloga Ghilighala. 2 Eliya a re ga Eliša: “Barena šala howa, ka taba la gore Jehova o nromme Bhethele.” Mara Eliša a re: “Solanka wene le Jehova le sa phela, nka sa šale.” Ke mokane ba yye ba ya Bhethele. 3 Byalo, barwayi ba baporofeta* ba gore ba ku Bhethele ba ya ga Eliša ba segela ba re: “Ayitsano wa di tšiba tsa gore lekgono Jehova o nyoko tseya ye a go yetang mahlong? Mo ba reyane, yene a re: “Ke ya di tšiba tsone. Kgomolelaneng.”

4 Ke mokane Eliya a re gage: “Barena Eliša, šala howa ka taba la gore Jehova o nromme Jerikho.” Mara Eliša a re: “Solanka wene le Jehova le sa phela, nka sa šale.” Ke mokane ba ya Jerikho. 5 Byalo, barwayi ba baporofeta bo ne ba le Jerikho ba tla ga Eliša ba re gage: “Ayitsano wa di tšiba tsa gore lekgono Jehova o nyoko tseya ye a go yetang mahlong?” Mo ba reyane, yene a re: “Ke ya di tšiba tsone. Kgomolelaneng.”

6 Ke mokane Eliya a re gage: “Barena, šala howa ka taba la gore Jehova o nromme Jorodane.” Mara Eliša a re: “Solanka wene le Jehova le sa phela, nka sa šale.” Ke mokane ba sepela ba le ka babedi (2). 7 Fote barwayi ba baporofeta 50 ya bona ba yye nabo ke mokane ba ba lebelela ba le kgole, hala Eliya le Eliša ba yemme thoko ga Jorodane. 8 Byalo, Eliya o yye a tseya kobo yage ya boporofeta a yi sopa ke mokane a teya meetši yala, ya mangwana ma ya ga la sepata, ya mangwana ma ya ga la go ja, gore ka babedi (2) ga bona ba thogo feta ga gore go womme.

9 Mo ba šele ba tshilele ka ku mosekola, Eliya a re ga Eliša: “Kgopela so o se nyakang ke soko tloga ke go šiya.” Ke mokane Eliša a re: “Barena ke kgopela moya wo Modimo a go neyyeng wona.”* 10 Eliya o yye a fetola a re: “O nkgopele selo sa go thathafa. Mo nkare wa mpona mo ke tseyiwa, so o se kgopelang se nyoko makega; mara mo o sa mpone, o di tšibe tsa gore se ka sa makege.”

11 Mo ba kene ba sepela ba bolabola, sekotšikara sa go dura mollo le dipera tsa go dura mollo dya maka gore ba sa be ggoši ke mokane Eliya a yinugela legedimong ka moya. 12 Mo Eliša a sa lebelele, o yye a yahlamela a re: “Papa, papa! Sekotšikara sa Israyele le banna ba dipera!” Mo a sa sa ba bona, o yye a tseya dikobo tsage a di tlerolanya gwa ba dikopa ka dipedi (2). 13 Ka nthago ga hone, o yye a tseya kobo ya Eliya ya boporofeta ya gore ke mo yi wile ke mokane a boyela nthago, a segela a yema lerophong la Jorodane. 14 Ke mokane o yye a tseya kobo ya Eliya ya boporofeta ya gore yi wele Eliya ke mokane a teya meetši ka yona, a re: “O kaye Jehova Modimo wa Eliya?” Mo a teya meetši yala ma yye ma yahlugana, ya mangwana ma ya ga letsogo la go ja, ya mangwana ma ya ga la mpata, ke mokane a feta.

15 Mo barwayi ba baporofeta ba ku Jerikho ba mmona a sa le ku kgole, ba yye ba re: “Moya wa go hlawolega wa gore Eliya ke mo a le nawo wo ga Eliša.” Ke mokane ba yye ba mo gahlanetsa, ba segela ba kgotama mahlong gage. 16 Ba re gage: “Re na le banna 50 ya bona ba gore ba na le matšhika gare ga malata yago. Ba rome gore ba ye ba nyakele mong wago. Nakwenngwana moya wa Jehova wo mo tsere, wo mo lahlele ga thaba ye nngwana kela moyeding.” Ke mokane yene a re: “Le sa ba romele.” 17 Ke mokane ba yye mahlong ba kene ba mo kgopela go segela a tšeba, ke mokane a re: “Ba romeleneng.” Ke mokane ba romela banna bala 50 ya bona, ba yye ba mo nyakela ka matšatši ka mararo (3) mara ba sa mo kraye. 18 Mo ba boyela gage, ke mo a dula Jerikho. Ke mokane a re ga bona: “Anthe a ka le botsa gore le sa ye?”

19 Mo nako yi kene yi ya, banna ba mone mutšing ba re ga Eliša: “Morenaka wa di bona gore mutši wowa wo gabutši, mara meetši ya gona a ma gabutši fote mo nageng a go mile selo.”* 20 Mo ba reyane, a re ga bona: “Nneyeneng sitša sa nyuwane sa motšiti, le tšhele letswayi ka mo teng ga sona.” Ke mokane ba se leya. 21 Ke mokane a ya mo meetši ma tšwang gona, a segela a tšhela letswayi ke mokane a re: “Tsowa ke tso Jehova a di hlayang, ‘Ke makiye meetši yawa gore ma be gabutši. Ma ka sa sa maka gore dilo di kgwe kela gore di sa gole.’”* 22 Fote meetši yane ma gabutši go segela le lekgono lowa, go ya ka mokgo Eliša a bolabodiyeng ka gona.

23 O yye a tloga hone a ya Bhethele. Ke mokane mo a kene a le tseleng, gwa nyarela bašomanyana ba bangwana ba tšwa mutšing ba kene ba mo kwera ba re: “Ariye wene le letwayi lago! Ariye wene le letwayi lago!” 24 O yye a feleletsa a jika ke mokane a hlaya gore ba makegele ke dilo tsa go befa ka lebitso la Jehova. Ke mokane dibhere ka dipedi (2) tsa tshadi di yye dya tla di tšwa mašahleng, dya tlerolanya bašomanyana bala 42 ya bona dya ba šiya go le ditlopotlopo. 25 Ke mokane o yye a tloga mone a ya Thabeng ya Kharamele, mo a tloga gona o yye a boyela Samariya.