Magoši ya Bobedi
9 Moporofeta Eliša o yye a botsa ye mongwana wa barwayi ba baporofeta, a re gage: “Tlema dikobo tsago mo masekeng, ke mokane o tseye makgura yawa o ye nawo Ramothe-ghiliyade. 2 Mo o segela, o nyake Jehu morwayi wa Jehošafate morwayi wa Nimiši; mo o segela o mo tseye gare ga bobhuti bage o kene naye ga kamara ya ka tengteng ya ntlo yone. 3 Ke mokane o tseye makgura yawa o mo tšhele wona ho hlogong, o hlaye gore, ‘Tsowa ke tso Jehova a di hlayang: “Ke go hlawola gore o be kgoši ya Israyele.” Ke mokane ka go yakgoswa o bule monyako o tšhabe.”
4 Ke mokane lelata la Eliša le yye la sepela la ya Ramothe-ghiliyade. 5 Mo a segela, dindhuna tsa masole ke mo di duli gana ku. A re: “Ke na le molayetsa wago wene ndhuna ya masole.” Ke mokane Jehu a butsisa a re: “O bolabola le mang ho ga rune?” Lelata lela la re: “Ke bolabola le wene ndhuna ya masole.” 6 Byalo Jehu a tlogamela a ya ka ku ntlong; ke mokane lelata lela la tšhela makgura ho hlogong yage, la re, “Tsowa ke tso di hlayang ke Jehova Modimo wa Israyele, o re: ‘Ke kgeta wene gore o be kgoši ya batho ba Jehova ba Israyele. 7 O bolaye ba mutši wa Ahaba morena wago, nna ke nyoko patedisa madi ya malata yaka ya gore ke baporofeta le ya malata ka mokana ga wona ya Jehova, ya gore ma bolayye ke Jezebhele. 8 Fote ke nyoko fetsa ka ba mutši wa Ahaba; ke nyoko fetsa le ka monna* ye mongwana le ye mongwana wa mutši wa Ahaba, gana hone go kena le ba go sa kgone go tipasopa le ba go tihlupegela ba Israyele. 9 Fote ke nyoko maka mutši wa Ahaba tso ke di makiyeng ba mutši wa Jerobhowamo morwayi wa Nebhathe le tso ke di makiyeng ba mutši wa Bhaaša morwayi wa Ahija. 10 Jezebhele yene o nyoko ja ke dimpsya polekeng ye nngwana ku mutšing wa Jeziriyele, fote go ka sa be le motho wa go mmoloka.’” Mo a fetsa go hlaya tsotsone, a bula sekwalo a tšhaba.
11 Mo Jehu a boyela ga malata ya morena wage, ba yye ba mmutsisa ba re: “Ayitsano dilo ka mokana ga tsona di sepela gabutši? Ke ntaba monna ye wa go hlanya a tlile gago?” Yene a ba fetola a re: “Le ya mo tšiba gore ke monna wa mošaga mang le gore o bolabola ka dilo tsa mohlobo mang.” 12 Mara ba re gage: “O na le matsaka! Barena re botse gore go makegiye ying.” Ke mokane a re ga bona: “Tsowa ke tso a mputsiyeng tsona, o yitseri, ‘Tsowa ke tso di hlayang ke Jehova, o re: “Ke kgeta wene gore o be kgoši ya Israyele.”’” 13 Mo a reyane, ye mongwana le ye mongwana ka go yakgoswa o yye a tseya kobo yage a yi beya mawotong ya Jehu, ke mokane ba teya phalafala ba re: “Jehu ke kgoši!” 14 Ke mokane Jehu morwayi wa Jehošafate morwayi wa Nimiši o yye a polanela Jehorama tsa go befa.
Jehorama le Maisrayele ka mokana ga wona ke mo ba ghatiye ku Ramothe-ghiliyade, ba ghatiye gore Kgoši Hazayele wa Siriya a sa ba hlasele. 15 Ka nthago, kgoši Jehorama o yye a boyela Jeziriyele gore a thogo fola mo Masiriya ma mo kwaletsiyeng gona nakwela a lwa le Kgoši Hazayele wa Siriya.
Jehu a re: “Mo nkare wa dumela, o sa dumelele motho le ka wweši gore a tšhabe howa mutšing gore a ye hlaya ku Jeziriyele.” 16 Byalo Jehu o yye a kalama sekotšikara sage a ya Jeziriyele ka taba la gore Jehorama ke mo a yetsele a kwalele, fote Kgoši Ahaziya wa Juda le yene ne a yye ga Jehorama gore a ye mmoneng. 17 Mo matšinghelane a yemme gedimo ga sewokamelo ku Jeziriyele, o yye a bona masole ya Jehu ya go tlala ma kene ma tla. Ke mokane a re: “Ke bona masole ya go tlala ka matla.” Jehorama a re: “Tseya monna ka wweši a ba gahlanetse, a segele a ba butsise gore, ‘Ayitsano a le tle ka ntwa?’” 18 Byalo monna yela o yye a ye gahlana nabo, a segela a re: “Tsowa ke tso di hlayang ke kgoši, yi re, ‘ Ayitsano a le tle ka ntwa?’” Jehu a re: “Wene o kena kaye ga taba ya gore re tlile ka ying? Nšale nthago!”
Matšinghelane yela o yye a ba botsa gore: “Motho yela re mo rommeng o segele ku ga bona mara aa soko boya.” 19 Byalo ba yye ba romela monna ye mongwana ka pera, a segela a re ga bona: “Tsowa ke tso di hlayang ke kgoši, yi re, ‘ Ayitsano a le tle ka ntwa?’” Jehu a re: “Wene o kena kaye ga taba ya gore re tlile ka ying? Nšale nthago!”
20 Matšinghelane yela a ba botsa gore: “Motho yela re mo rommeng o segele ku ga bona mara aa soko boya, motho ye a tlang ka sekotšikara nkare ke Jehu motlogolo wa Nimiši ka taba la gore o se dhrayiva nkare ke lehlanya.” 21 Jehorama a re: “Lukisaneng sekotšikara saka!” Ke mokane ba lukisa sekotšikara sage, Kgoši Jehorama wa Israyele a kalama sage gore a thogo gahlana le Jehu, le Ahaziya Kgoši ya Juda o yye a kalama sage. Ba yye ba gahlana naye mašomong ya Nabhothe wa Lejeziriyele.
22 Mo Jehorama a bona Jehu a napa a re gage: “Jehu, ayitsano o tla ka ntwa?” Ke mokane yene a re: “Nka šinya ke sa tle ka ntwa byang go kene go na le bonghwahla bya mmane wago Jezebhele le boloyi byage bya go tlala mowa?” 23 Ka go yakgoswa Jehorama o yye a jikisa sekotšikara sage gore a tšhabe, ke mokane a re ga Ahaziya: “Wene Ahaziya, ba re sipidiye ka fase!” 24 Ke mokane Jehu a tseya mosefo wo ne a wo tshwere a thunya Jehorama ka ho mokolong, ke mokane mosefo wola wa hlaba pelo yage, a wa ka ku teng ga sekotšikara sage. 25 Ke mokane Jehu a re ga lelata lage lo ba reng ke Bhidikhara: “Mo tseye o mo lahlele tšhomong ya Nabhothe wa Lejeziriyele. Ayitsano o sa gopola nakwela nna le wene re sepela ggoši re le ka nthago ga Ahaba papage nakwela Jehova a hlaya dilo tsa go sasamela ka yene tsa gore: 26 ‘Jehova o butsiye Ahaba gore, “Ke di bonne tsa gore o bolayye Nabhothe le barwayi bage malobana,” fote Jehova a re, “Ka nnete ke ya go tshepisa gore o nyoko patela ga tso o di makiyeng ga tšhomo yonone.”’ Byalo mo tseye o mo lahlele ka mone tšhomong ya Nabhothe gore go makege tso Jehova a di hlayyeng.”
27 Mo Kgoši Ahaziya wa Juda a bona tso di makegang, o yye a tšhaba a tla ka pata ya go feta tšhomong ye kgolo. (Ka nthago Jehu a mo lelekisa a re: “Le yene mmolayeneng!” Ke mokane ba mo thunya a le ka teng ga sekotšikara sage a bakiye Ghuri ya gore yi Ibhliyamo. Mara o yye a tšhaba go segela a kena Meghido ke mokane a kgwela gona. 28 Ke mokane malata yage ma yye ma mo rwala ka sekotšikara ma ya naye Jerusalema, ma segela ma mmoloka ga lebitla lage thina le bokokwane bage ga poleke yo ba reng ke Mutši wa Dafita. 29 Ahaziya o yye a ba kgoši ya Juda ka mongwaga wa bo 11 wa mo go lawola Jehorama morwayi wa Ahaba.)
30 Mo Jehu a segela Jeziriyele, Jezebhele o yye a di kwelela tsa gore o segele. Byalo o yye a penta maahlo yage ka pente ye ntsho, a fetsa a lukisa le moriri ke mokane a dula lefastereng a lebelela ku fase. 31 Mo Jehu a kena ka gheyiti, yene a re: “Ayitsano di sipidiye gabutši le Zimorayi, wa gore o bolayye morena wage?” 32 Jehu o yye a lebelela ku gedimo lefastereng a re: “Ke mang ye a yemang le nna? Ke re ke mang?” Ka go yakgoswa, malata ka mabedi (2) kela ka mararo (3) ma yye ma mo lebelela a le ku fase. 33 A re: “Mo lahleleneng ho fase!” Ke mokane ba mo lahlela fase, madi yage ma tšhela lepharo, ya mangwana ma tšhela dipera ke mokane yene a mo gatela. 34 Ka nthago ga hone o yye a kena, a ja fote a nwa. A re: “Barena tseyaneng mosadi ye wa go silikisa le mmolokeneng. Phela ke morwediya wa kgoši.” 35 Mara mo ba re ba ye mmolokeng, a ba kraya selo, ba krayye bokakara byage, mawoto le matsogo yage. 36 Mo ba boyela gage ba segela ba mmotsa tso di makegiyeng, o yitseri ga bona: “Dilo tsone di makega ka taba la tso di hlayyeng ke Jehova a berekisa lelata lage Eliya wa Letišiba nakwela a re, ‘Jezebhele o nyoko ja ke dimpsya ga tšhomo ya ku polekeng ya Jeziriyele. 37 Ke mokane setopo sa Jezebhele go nyoko ba morole mone tšhomong ga poleke ya ku Jeziriyele la go šinya batho ba sa di bone gore yewa ke Jezebhele.’”