Lengwalo la go ya ga Maheberu

13 Ariyeneng mahlong le nyakanana go fo tshwana le bana ba motho. 2 Le sa lebale go yamogelana, ka gore ba bangwana ba makiye ka mokgonone ba tikraya ba yamogele mangeloyi ba sa di tšibi. 3 Le dule le nagana ka bo ba gore ba jele tsa nkare le lune le tshwariwwe nabo, le bo ba gore ba makiwa lešidi le sa ba lebale ka taba la gore le wela ga mmele ka wwoši. 4 Di nyaka batho ka mokana ga bona ba hlompe mošadho, fote di nyaka gore bo ba gore ba šadhiye ba tshepege, ka taba la gore Modimo o nyoko yahlula bo ba makang bonghwahla,* ba gore ba šadhiye le ba gore a baa šadha. 5 Le sa kwane le tšheleta ka matla, mara le kgotsofale ka tso le nang natso. Ka taba la gore o yitseri: “Nka sa go lisetse fote nka sa ro go lahla.” 6 Gore le rune re thogo šišimala ke mokane re re: “Ke gelepa ke Jehova, nka sa tšhabe selo. Motho a ka mmaka ying mara?”

7 Le sa lebale bo ba le yetang mahlong ba gore ba le butsiye ka lentsu la Modimo fote mo le kene le nagana ka maphomela ya mekgwa ya bona, le yekisele tumelo ya bona.

8 Jeso Kreste aa tšhentšha malobana, a ka sa tšhentšhe lekgono fote a ka sa tšhentšhe go ya go yye.

9 Tso di tšhutisiwang tsa mohlobohlobo tsa gore fote a di ya tlwayelega di sa make gore le keketlele, di kawone gore dipelo tsa lune di tiyise ke gore Modimo o re kwela go baba, di sa lawole ke tsa go ja, ka gore bo ba gore ba dula ba naganne ka melawo ya tsa go ja a di ba gelepe ka selo.

10 Re na le aletare, mara bo ba gore ba maka mmereko wa go hlawolega ku letenteng a baa tshwanela go jela ga yona. 11 Moprista ye mogolo o tseya madi ya diphoolwane a ma yisa ka ku ga go hlawolega gore a make dihlabelo tsa tso re di sinnyeng, ke mokane ditopo tsa diphoolwane tsone di šala di tšhubiwa ka ku tawong ga matente. 12 Byalo, Jeso ba mo hlupegisiye ka tawong ga digheyiti tsa mutši gore a thogo yedisa batho ka madi yage. 13 Le rune koriyeneng ga Jeso ka ku tawong ga matente, re tiyisele go tshwana naye mo ba re poyila, 14 ka taba la gore a re na mutši wa gore wo nyoko fo dula wo le gona, mara re nyakana le wo wo nyoko tlang. 15 Tla re berekiseneng yene mo re makela Modimo sehlabelo sa go mo thanaka, sa gore re se maka ka melomo ya rune mo re sabalatsa lebitso lage. 16 Go tokegela gana hone, le sa lebale go maka tsa gabutši le go ngathelana tso le nang natso, ka taba la gore Modimo o jabodisa ke dihlabelo tsa mošaga wonone.

17 Theetselaneng bo ba gore ba le yeta mahlong fote le tinyanafatse, ka taba la gore ke bona bo ba le pasopang* fote Modimo o nyoko yahlula bona. Mo le maka ka mokgonone ba nyoko maka mmereko wa bona ba jabodiye, ba sa kokole gore le sa šale le kwa go baba.

18 Le duleneng le re rapelela ka taba la gore re tshepa gore re na le makwalo ya go yela* fote re nyaka go tshepega ga dilo ka mokana ga tsona. 19 Mara ke le kgopela di mpaba gore le rapeleneng gore ke thogo tla mone ga lune go se botala.

20 Byalo, nkare Modimo wa go beba wa gore o tsusiye ye wa go disa dinku ye mogolo ga bo ba hlokofeleng, Morena wa rune Jeso ka madi ya kwano ya go ya go yye, 21 a ka le neya dilo ka mokana ga tsona tsa gabutši gore le thogo maka tso a di nyakang. O berekisa Jeso Kreste gore re make tso a di nyakang. Nkare Modimo a ka gadimisiwa go ya go yye. Amene.

22 Byalo ke ya le kgopela magageru, gore le theetsele lentsu lowa la go le tiyisa le kene le lefisiye dipelo, ka gore ke le ngwalele borifi byowa byo bo kopana. 23 Ke nyaka le di tšibe gore mogageru wa rune Thimothi ba mo lokolliye. Mo nkare o nyoko tla go se botala, ke nyoko tla naye ke tl’le le boneng.

24 Le ntamiseleneng bo ba le yetang mahlong le bo ba go hlawolega ka mokana ga bona. Bo ba gore ba ku Ithali baa le tamisa.

25 Nkare Modimo a ka le kwela go baba ka mokana ga lune.