Mebereko ya Mapostola
20 Mo go šele go bebiye Pawulo a bitsa malata, ka nthago ga gore a ma tiyise, a ma layela ke mokane a thomisa leyeto lage la go ya Masedoniya. 2 Mo a šele a kenne mutši ka mutši fote a ba tiyisiye, a segela Gerika. 3 O fetsiye dikgwedi ka ditharo a le hone, mara mo a šele a nyaka go ya Siriya ka sekepe a di kwelela gore Majuda ma kwanne gore ma nyoko mmolaya, nka taba lo a yyeng a fetsa ka gore o boyela Masedoniya. 4 O felegetsiye ke Sopatere morwayi wa Pirase wa Bheriya, Aristakhase, Sekhundase wa Mathesalonika, Ghayiyosi wa Derebe, Thimothi, fote gana mone ke mo go na le Thakhikhase le Trofimase ba go tšwa Asia. 5 Batho bowa ke mo ba re yetiye mahlong, ba segela ba re yemela Terowa; 6 mara mo go šele go fediye matšatši ya Dikgwa tsa go se na Dikomelo, ra kalama sekepe re tloga Filipi, ra gahlana nabo Terowa ka nthago ga matšatši ka mahlano ra dula gana hone matšatši kašupa ya wona.
7 Ka letšatši la mathomo la mo bekeng mo re gahlanne gore re je, Pawulo a thomisa go bolabola nabo ka taba la gore ka motshwana wa gona ke mo a sepela, byalo a lefisa ditaba tsage go segela gare ga bošego. 8 Malampa ke mo ma sa tlala ga kamara ya ka gedimo yo ke mo re le ga yona. 9 Mošomanyana ye mongwana ye ba reng ke Yutikhase ke mo a duli lefastereng a kobola, a ya ka boroko mo Pawulo a kene a bolabola, a fegologa a le ku gedimo, ba mo kraya a kgwile mo ba segela ku fase. 10 Mara mo Pawulo a segela ku fase, a mo patlamela ke mokane a mo tlaparela a re: “Le sa šekeleneng, ka taba la gore wa phela.” 11 A boyela ka ku gedimo ke mokane a thomisa go ngatha sekgwa, a ja. A ya mahlong a bolabola go segela bo sa ke mokane a sepela. 12 Byalo, ba tloga le mošomanyana yela a phela fote ke mo ba jabodiye ka matla.
13 Ra kalama sekepe ra ya Asosi, ga gore Pawulo o yitseri re mo gahlanetse gona, ka gore yene ke mo a ya gona ka mawoto. 14 Byalo, mo a re kraya ku Asosi, re mo kalamisiye ra ya Methilina. 15 Mo re tloga mone, ra kena Khiyosi ka motshwana wa gona, mara ka motsho ra ya Samosi ke mokane ka letšatši la go latela ra ya Mayilithase. 16 Pawulo ke mo a jagele go segela Jerusalema ka letšatši la Monyanya wa Pentekoste, nka taba lo a kgetiyeng go feta Efeso ka sekepe gore a sa tseyi nako a le Asia.
17 Mara mo a le Mayilithase, a romela lentsu Efeso a bitsa bagolo ba phutego. 18 Mo ba tla, a re ga bona: “Le di tšiba gabutši gore ke mo ke titshwere byang go tlugisela ka letšatši la mathomo mo ke segela Asia, 19 ke berekela Morena ke tinyanafatsiye, fote ke gahlana le tsa go mphiriketsa le tsa go llisa ka taba la tso Majuda ne ma mmaka tsona, 20 nkene ke sa lisetse go le botsa dilo tsa gore di nyoko le gelepa, fote ke le tšhutisa mahlong ga batho le ka mutši ka mutši. 21 Mara Majuda le Magerika ke ma hlayisele gabutši ka taba ya go sokologela ga Modimo, le ya go ba le tumelo ga Morena Jeso. 22 Mara gana byalo moya wa go hlawolega wo ntšhofa gore ke ye Jerusalema, le mo ke sa tšibi gore go nyoko makega ying ka nna, 23 so ke se tšibang ke gore ga dipoleke ka mokana ga tsona tso ke yyeng ga tsona, moya wa go hlawolega ke mo wo fo dula wo mpotsa gore ke yemele ke go ya jele le go hlorisiwa. 24 Mara a ke tseyi lephelo laka le feta la ba bangwana, ke fo nyaka go fetsa mmereko wo Morena Jeso a nneyyeng wona, wa go tšhomayela ditaba tsa go bafala ka go loka ga Modimo.
25 “Fote ke le tšhomayelele ka mokana ga lune ka Mmušo wa Modimo, mara aa šiyo le ka wwoši ho ga lune ye a nyoko mponang fote. 26 Byalo lekgono lowa ke nyaka le bone gore a ke na molato wa madi ya batho ka mokana ga bona, 27 ka taba la gore a ke ya lisetsa go le botsa ka tso Modimo a di nyakang. 28 Tipasopeneng le pasope le morape wo moya wa go hlawolega wo kgetiyeng lune ba go wokamela gore le wo pasope, gore le dise phutego ya Modimo ya gore o yi rekiye ka madi ya Morwayi wage. 29 Ke tšiba gore mo ke tloga howa go nyoko šala go kena diphukubye tsa go ba le lešidi, fote di ka sa tshware morape wowa gabutši 30 Ho gare ga lune go nyoko nyarela banna ba gore ba nyoko bolabola dilo tsa gore di kekemme, ba maka gore malata ma ba šale nthago.
31 “Byalo, dulaneng le hlahlamme, fote le sa lebale gore ke fetsiye mengwaga ka meraro nkene ke le wolola bošego le motshegare ke tšwa dinepedi. 32 Byalo, ke le neyela ga Modimo le ga lentsu lage la gore le bolabola ka go kwelana go baba gage, la gore le nyoko le tiyisa fote la le neya dilo tso di tshwaneleng go neyiwa ba go hlawolega ka mokana ga bona. 33 A ke nabele silva kela gholdi kela dikobo tsa motho. 34 Lune le di tšiba gabutši gore ke berekiye ka matla gore ke tipasope fote ke pasope le bo ba nang le nna. 35 Ke le šupetsiye ga dilo ka mokana ga tsona gore mo le karakara ka mokgo, le tshwanele le gelepe bo ba lelemelang, fote le sa lebale tso Morena Jeso a di hlayyeng tsa gore: ‘Mo le neya batho ba bangwana dilo di jabodisa ka matla go phala mo ba neya lune.’”
36 Mo a fetsa go bolabola dilo tsowa, a kgotama nabo ka mokana ga bona a rapela. 37 Ka mokana ga bona ba lla, ba haka Pawulo ke mokane ba mo khisa go šupetsa gore ba mo nyaka, 38 ka taba la gore dilo tso a ba butsiyeng tsona tsa gore ba ka sa sa mmona di ba kwisiye go baba. Ba mo felegetsa sekepeng.