Tsa go ya ga Maroma
5 Byalo, ka gore Modimo o re re lukiye ka taba la tumelo ya rune, tla re tikwiseneng ka go ba le senghana naye re bebiye ka taba la tso Morena wa rune Jeso Kreste a re makeleng tsona. 2 Tumelo ya rune ga Jeso yi re dumelela gore re thogo šutela thina le Modimo fote Modimo a re kwele go baba, tsotsone di maka gore re jabole ka taba la gore re ya tshepa gore Modimo o nyoko re gadimisa. 3 A go fo ba tsona fela, mara re ya jabola mo re gahlana le tsa go re kwisa go baba ka taba la gore tso di re kwisang go baba di maka gore re tiyisele; 4 go tiyisela ga rune go maka gore Modimo a re yamogele, go re yamogela gage go maka gore re be le tumelo. 5 Re ka tshepa gore tso re di dumelang di ka sa re tšebisi ka taba la gore Modimo o berekisa moya wa go hlawolega wo a re neyang wona go šupetsa gore wa re nyaka.
6 Nakwela re liketsa go maka tsa go loka re boya re šitega, Kreste o kgwele batho ba go sa loka ka nako yo yi kgetiwweng. 7 Ba bangwana ba ka nyaka go kgwela motho ye mongwana wa go loka, mara gabutšibutši a di ya tlwayelega. 8 Modimo o re šupetsiye gore o re nyaka ka matla ka taba la gore le mo re le batho ba go sinya o makiye gore Kreste a re kgwele. 9 Byalo ka gore re lukiye ka taba la madi ya Jeso, re napa re tshepa gore Modimo a ka sa re kwatele mara re nyoko phonisiwa. 10 Le mo ne re sa kwane le Modimo, mara ka taba la gore Morwayi wage o re kgwele re yye ra ba banghana bage, re napa re di tshepa gore re nyoko boyelana naye. 11 Tso Modimo a re makeleng tsona a berekisa Morena wa rune Jeso Kreste di re jabodisa ka matla ka gore re thogo nghanelana le Modimo ka taba lage.
12 Tso tsa go sinya di kenne ho lefaseng ka taba la Adamo, tsotsone dya maka gore re kgwe, byalo batho ka mokana ga bona baa kgwa ka taba la gore ba sinnye. 13 Go sinya ke botala go kene go le gona molawo wo soko ba gona mara batho a ba na molato mo ba sinya ba sa tšibi molawo. 14 Likgu ke mo le lawola go tshwana le kgoši go tlugisela ka dinako tsa bo Adamo go segela ka dinako tsa bo Moše. Ke mo le lawola le batho ba gore a baa sinya ka mokgo Adamo a sinnyeng ka gona, Adamo ne a tshwana le ye a tlang ka nthago.
15 Mara so Modimo a re neyang sona a se tshwane le so Adamo a se sinnyeng, batho ba go tlala ba kgwile ka taba la tso morene a di sinnyeng mara go loka ga Modimo le tso a re neyang tsona ka motho ka wwoši Jeso Kreste ka taba la gore o re kwela go baba di phala tso di makiyeng ke Adamo, sosone a se neyang batho se ba berekela ka matla. 16 Mara tso di makegiyeng ka taba la tso Modimo a re neyang di šiyana kgole le tso morene a di sinnyeng, ka gore tsona di ka mokgo, tso morene a di sinnyeng di maka gore re yahludiwe ka taba la gore re na le molato, mara tso Modimo a re neyang tsona le mo re kene re sinnye, di maka gore re be batho ba go loka. 17 Likgu ke botala go le lona kgoši ka taba la tso morene a di sinnyeng, mara di napa di ba lekgwaying gore bo Modimo a ba kwelang go baba a boya a ba neya dilo tsa gabutši mahala ba nyoko phela ka Jeso Kreste ba boya ba ba magoši.
18 Go fo tshwana le mo selo ka ssoši se makiye gore batho ka moka ba be le molato, go na le selo ka ssoši so se nyoko makang gore batho ka moka ba loke. 19 Go fo tshwana le mo go sa theetsele ga motho ka wwoši go makiye gore batho ba go tlala ba sinye, le go theetsela ga motho ka wwoši go nyoko maka gore batho ba go tlala ba loke. 20 Byalo, batho ba ba neyye molawo gore ba thogo bona gore ba sinnye byang, mo di šele di bonala gore ba sinnye ka matla Modimo o yye a ba kwela go baba ka matla. 21 Ka gore go sinya go yye gwa lawola go tshwana le kgoši gwa boya gwa maka gore go be le likgu, le Modimo o nyoko lawola a lukiye go tshwana le kgoši ka taba la gore o re kwela go baba, sosone se nyoko maka gore go be le lephelo la go ya go yye ka Jeso Kreste Morena wa rune.