Tsowa di Hlatolla ke Matewu
9 Mo Jeso a fetsa go kalama sekepe, o tshidiye lewatle ke mokane a ya dimitšaneng tsa gabo. 2 Ba mo leyela motho wa gore o golofele, ba mo kakodiye ka mosemo wa go kakola ka diphate. Mo a bona tumelo yo ba nang nayo, a botsa yela wa segole a re: “Šišimala ngwanaka! O tshwarediwwe ga tso o di sinnyeng.” 3 Byalo, bomabhalane ba bangwana ba bolabola ba ntoši ba re: “Morenewa wa rogelela.” 4 Ka taba la gore Jeso ke mo a tšiba tso ba di naganang, a re: “Ke ntaba le nagana dilo tsa go kekema? 5 Anthe gabutšibutši le nyaka ke re king, ke re ‘O tshwarediwwe ga tso o di sinnyeng,’ kela ke re ‘Tlogamela o sepele’? 6 Phela di nyaka le di tšibeneng gore Morwayi wa motho o na le matšhika ya go tshwarela batho ga tso ba di sinnyeng ho lefaseng.” Ke mokane a re ga yewa wa go golofala: “Tlogamela, o rwale mosemo wago o ye gaye.” 7 A tlogamela a ya gaye. 8 Mo mogoba wo bona tsotsone, wa tšhoga, wa thomisa go gadimisa Modimo wa gore o neyye batho matšhika yane.
9 Mo Jeso a tloga gana hone a bona monna ye ba reng ke Matewu a duli ofising ya go patedisa mothelo, a re gage: “Nšale nthago.” Mo a reyane, a napa a tlogamela a mo latelela. 10 Ka nthagonyana mo ba šele ba ja* ku ntlong, ba go tlala ba go patedisa mothelo le ba go sinya ba tla, ba thomisa go ja* le Jeso le malata yage. 11 Mara mo Mafaraseyi ma bona tsotsone, ma re ga malata ya Jeso: “Ke ntaba thitšere ya lune yi ja le bo ba go patedisa mothelo le bo ba go sinya?” 12 Mo Jeso a ba kwa, a re: “Batho ba go phelega a ba nyake togotela, mara ba go lwala baa yi nyaka. 13 Ariyeneng le ye nyakisiseng gore taba yowa ya gore: ‘A ke nyake le fo nhlabela diphoolwane, mara ke nyaka le kwele batho ba bangwana go baba’ yi ra gore king. Ka taba la gore a ka tlela go bitsa batho ba go loka, mara ke tlele ba go sinya.”
14 Ke mokane malata ya Johane ma tla ga Jeso ma mmutsisa gore: “Ke ntaba rune le Mafaraseyi re tikona tsa go ja, mara malata yago ma sa tikone?” 15 Mo ma reyane Jeso a re ga wona: “Banghana ba mokgwenyane ba ka sa lle solanka ba sa le naye. Mara nako ya gore a ba šiye yi nyoko tla, ke mokane ba nyoko tikona tsa go ja. 16 Aa šiyo ye a tšhisang kobo ya botala ka llapi la nyuwane, ka gore setšhiso sone sa nyuwane se nyoko goga kobo yone ke mokane ya napa yi tleroga ka matla. 17 Le batho mo ba fetsa go maka mokgete, a ba wo tšhele ka dikutung tsa botala. Mo ba ka maka tsotsone, dikutu tsone di nyoko bharasa ke mokane mokgete wa falaga, dikutu tsela dya sinyega. Mara mo batho ba sa tšwa go maka mokgete, ba wo tšhela ka teng ga dikutu tsa nyuwane, dilo tso ka dipedi ga tsona a di sinyege.”
18 Mo a sa bolabola tsotsone, gwa nyarela wa go lawola sinagogeng ke mokane a kgotama ho mahlong ga Jeso, a re gage: “Ke tshepa gore gana byalo morwediya waka a ka fo ba a šele a timele, mara ke kgopela o tle o mmeye matsogo, o nyoko tsoga.”
19 Jeso a tlogamela, malata yage ma mo šala nthago. 20 Ke mokane gwa nyarela mosadi ye mongwana wa gore o fetsiye 12 ya mengwaga a hlupa ke bolwele bya go fo ya nakong a sa fetsi, a tla ka nthago ga Jeso ke mokane a segela a tikisa matšhembhutšhembhu ya kobo yage ya ka tawong, 21 ka taba la gore ne a fo re: “Ho nka fo tikisa kobo yage ya ka tawong, ke nyoko fola.” 22 Jeso a sokologa a mmona, a re gage: “Šišimala morwediya! Tumelo yago yi go yalafiye.” Ka nako yonone a napa a fola.
23 Mo a segela ga ntlo ya yela wa go lawola, a bona mogoba wo lla wo rasa, le ba go yepelela dikoša tsa go kwisa go baba, 24 Jeso a re: “Tloganeng howa, ka taba la gore ngwannyana yewa aa kgwa, o yetsele.” Mo a reyane, ba thomisa go mo tshega ka go mo tewula. 25 Mo mogoba wo šele o tšwele ka tawong, Jeso a kena, a segela a tshwara letsogo la ngwannyana yela ke mokane a mo tsosa. 26 Taba yone yi yye ya tšibega polekeng yone ka mokana ga yona.
27 Mo Jeso a tloga gana hone, banna ka babedi ba go popela maahlo ba mo šala nthago, ba yahlamela ba re: “Re kwele go baba barena, wene Morwayi wa Dafita.” 28 Mo a šele a kenne ka ntlong, banna bala ba go popela maahlo ba tla gage, ke mokane Jeso a ba butsisa a re; “Ayitsano le ya tshepa gore nka di maka dilo tso ka mokana ga tsona?” Ba re: “Eya Morena.” 29 Ke mokane a tikisa maahlo ya bona, a re: “Di makege go ya ka so le se dumelang.” 30 Maahlo ya bona ma bulega. Go tokegela gana hone, Jeso a ba botsa di kwagala, a re: “Le sa botse motho ka taba yowa.” 31 Mara mo ba tšwa, ba yi gašanya hone polekeng.
32 Mo Jeso le malata yage ba šele ba tloga, batho ba mo leyela monna wa semumu wa gore o kenne ke ledimona; 33 ke mokane ka nthago ga gore a rake ledimona lela, monna yela wa semumu a thomisa go bolabola. Mogoba ke mo wo makele, ke mokane wa re: “A re soko bona selo sa go tshwana le sowa ho Israyele.” 34 Mara Mafaraseyi ma re: “O raka madimona ka matšhika ya Diyabolo.”
35 Ke mokane Jeso a thomisa go sepela mitšing ye megolo le dimitšaneng, a tšhutisa disinagogeng tsa bona, a tšhomayela ditaba tsa go bafala tsa Mmušo, fote a yalafa malwele ka mokana ga wona ya mehlobohlobo le bokoka. 36 Mo a bona megoba, a yi kwela go baba, ka taba la gore ke mo yi šigamme fote yi lahlegiye go tshwana le dinku tsa gore a di na wa go di disa. 37 Ke mokane a re ga malata yage: “Mašemo ke ya magolo, mara go gayela dibereki. 38 Byalo, kgopelaneng Mong wa mašemo gore a romele dibereki tsa go buna mašemong yage.”