Makorente wa Mathomo
9 Anthe a ke ya lokologa go maka so nna ke se nyakang? Anthe a yi nna lepostola? Phela nna ke mmonne ga Jeso Morena wa rune. Nje mmereko wowa ke wo makiyeng wa Morena a yi wona wo makiyeng gore le be ka mokgo? 2 Le mo nkare ga batho ba bangwana a yi nna lepostola, ke ya le botsa ga lune ke nna lona! Ke lune le makang gore di nape di šupetsa gore ke nna lepostola la Morena.
3 Ga bo ba gore ba n’yahlula, ke tiyemelela ka mokgo ke re: 4 Le rune re tshwanele re je fote re nwe akere? 5 Le rune re ka šadha le mosadi wa gore o dumela ga Modimo ra sepela naye, go fo tshwana le ka mokgo go makiyeng mapostola ya mangwana le bobhuti ba Morena le Khefase. 6 Go ko fo ba nna le Bharenabhase ba gore re tshwanele re bereke gore re thogo kraya sa go phela ka sona. 7 Ke lesole la kaye la gore le tipatelela dilo mo le le ku bosoleng? Ke mang wa gore o gaša modhriva a boya a sa ji diyengwa tsa wona? Nje o gona wa gore o disa dinku a boya a sa kraye le mong lebese la tsona?
8 Nje tso ke di bolabolang go fo ba dilo tsa go nagana ke batho? Anthe Molawo le wona a wo bolabole ka tsona? 9 Ka gore go ngwadiwwe ga Molawo wa Moše gore: “Mo kgomu* yi tula mabele o sa yi tleme molomo.” Anthe Modimo o hlupega ka dikgomu? 10 Kela o hlayye dilo tsowa ka taba la rune? Ke nnete gore o di ngwadiye ka taba la rune, ka gore ye a lemang le ye wa go tula ba maka ka mokgonone gore ba kraye se sengwana.
11 Mo nkare re gašiye lentsu la Modimo hone ga lune, ayitsano re ya hlupa mo re kgopela dilo tso re di hlokang ga lune? 12 Mo nkare batho ba bangwana le tshwanele le ba makele dilo, ayitsano rune a le ya tshwanela go napa le re makela tsa go phala tsa bona? Mara rune a re ya le hlupa. Re tiyisela dilo ka mokana ga tsona, gore go sa be le so se re phiriketsang ga mmereko wowa wa go tšhomayela ditaba tsa go bafala ka Kreste. 13 Batho ba gore ba maka mmereko wa go hlawolega ba ja tsa go ja tempeleng, le ba gore ba maka mmereko aletareng ba kraya se sengwana ga tso batho ba di leyang aletareng. 14 Byalo ka mokgonone Morena o butsiye bo ba go tšhomayela ditaba tsa go bafala gore maphelelo ya bona ma sipidisane le tso ba di tšhomayelang.
15 Le mo go le ka mokgonone, a ke ya kgopela selo ga lune. Mara a di rele gore mo ke le ngwalela ke nyaka go le kgopela se sengwana. Ke titeya sekguba ka go tšhomayela ditaba tsowa tsa go bafala mahala, byalo nka sa dumele gore motho a nšitise mo nkene ke tšhomayela ke titeya sekguba. 16 Byalo mo nkare ke sabalatsa ditaba tsa go bafala a di nyake ke titeya sekguba ka gore ke tso ke tshwaneleng go di maka. Mo nkare a ke sabalatse ditaba tsa go bafala nko tikweleng! 17 Mo nka maka dilo tsowa ke sa tšhofe ke motho ke nyoko kraya patela, le mo nkene ke di maka ke sa nyake ke ya di tšiba tsa gore Modimo o sa na a ntshepa gore nka maka mmereko wowa. 18 Byalo ba nyoko mpatela ka ying? Patela yaka ke go tšhomayela ditaba tsa go bafala mahala. Ka mokgonone, nka sa kgopele dilo tsa gore ne le tshwanele le nneye tsona gore ke thogo tšhomayela ditaba tsa go bafala.
19 Le mo ke sa lawole ke batho, nna beng ke timakiye lelata ga batho ka mokana ga bona, gore ke thogo gelepa batho ba go tlala ka mokgo nka kgonang. 20 Mo ke segela ga Majuda ke makiye gore ke tshwane le Majuda gore ke thogo ma gelepa le mo ke segela ga batho ba gore ba phela ka molawo ke makiye gore le nna ke phele ka molawo gore ke thogo ba gelepa, le mo nna ke sa wo latelele. 21 Le mo ke segela ga bo ba gore a ba phele ka molawo, ke makiye gore ke tshwane nabo ke sa phele ka molawo gore ke thogo ba gelepa, le mo nna ke latelela molawo wa Modimo le wa Kreste. 22 Le mo ke segela ga ba go lelemela, ke makiye gore ke tshwane nabo ke lelemele gore ke thogo ba gelepa. Ke yye ka ba dilo ka moka ga batho ba mehlobohlobo gore mo di kgonega ke phonise ba bangwana. 23 Mara ke maka dilo ka mokana ga tsona ka taba la ditaba tsa go bafala, gore ke thogo di botsa batho ba bangwana.
24 Anthe a le di tšibi tsa gore mo batho ba taboga, ba taboga ba le ka moka mara go nyoko hlula ka wwoši? Le tabogeneng di šupetsa gore le nyaka go hlula. 25 Byalo, ye mongwana le ye mongwana ye a kenang ga mokgano wa go taboga, di nyaka a titshwara ga dilo ka mokana ga tsona. Ke nnete gore ba nyoko kraya kgare ya mabhlomu ya gore ya sinyega mara rune re nyoko kraya ya gore a yi sinyegi. 26 Byalo ke taboga ka taba la gore ke tšiba mo ke yang, fote mo ke lwa ka dibhakele a ke pumutse, 27 mara ke lawola mmele waka tsa nkare ke nna lebhantiti, gore mo ke fetsa go tšhomayelela ba bangwana, Modimo a sa nlahle.