Tsowa di Hlatolla ke Johane
7 Ka nthago ga hone, Jeso ke mo a tšhomayela Galeliya, a sa nyake go tšhomayela Judiya ka taba la gore Majuda ke mo ma nyaka go mmolaya. 2 Mara Monyanya wa Majuda wa Ditabarenakele ke mo wo šutele. 3 Bobhuti bage ba re: “Tloga howa o ye Judiya, gore le malata yago ma thogo bona mebereko yowa o yi makang. 4 Ka taba la gore a go na ye a nyakang go tuma a kene a maka dilo ka makhukhung, go nyakega lefase le go bone mo o maka dilo tsowa.” 5 Gabutšibutši, bobhuti bage ke mo ba sa dumele gage. 6 Byalo Jeso a re ga bona: “Nako yaka a yi soko segela, mara ya lune yi fo dula yi le gona. 7 Lune a la hloya ke lefase lowa, mara nna le nhloyye ka taba la gore ke bolabola tsa go sa loka tso le di makang. 8 Lune ariyeneng ku monyanyeng, nna nka sa yi gana byalo, ka taba la gore nako yaka a yi soko segela gabutši.” 9 O yye a šala Galeliya mo a fetsa go ba botsa tsotsowa.
10 Mara mo bobhuti bage ba šele ba yye ku monyanyeng le yene a ya, mara a sa bone ke motho. 11 Byalo, Majuda ma thomisa go nyakana naye ku monyanyeng, ma re: “O kaye morenela?” 12 Ba go tlala ke mo ba sebaseba ka yene hala mogobeng. Ba bangwana ba re: “Ke monna wa go loka.” Mara ba bangwana ba re: “Aa loka. O fokola mogoba wowa.” 13 Ke mo ba tšhaba go bolabola ka yene bathong ka taba la gore ke mo ba tšhaba Majuda.
14 Mo monyanya wo šele wo le thina le go fela, Jeso a ya tempeleng a thomisa go tšhutisa. 15 Majuda ke mo ma makele, ma re: “Morenewa o ma tšibela kaye Mangwalo* a kene a sa tšhutega ka mokgonowa?” 16 Jeso a ba fetola a re: “Tsowa ke di tšhutisang a yi tsaka, mara ke tsa ye a nrommeng. 17 Ye a nyakang go maka tso Modimo a di nyakang, o nyoko di tšiba gore tso ke di tšhutisang di tšwa ga Modimo kela ke fo tipolabolela tsaka. 18 Ye a bolabolang tsage o nyaka gore go thanakiwe yene beng, mara ye a nyakang gore go thanakiwe ye a mo rommeng, o bolabola nnete fote o maka dilo ka moka tsa go loka. 19 Anthe Moše aa le neya Molawo? Mara a le wo theetsele. Ke ntaba le nyaka go mpolaya?” 20 Mogoba wa re: “O na le ledimona wene. Ke mang a nyakang go go bolaya?” 21 Jeso a fetola a re: “Ke makiye mohlolo ka wwoši la šala le makele ka mokana ga lune. 22 Moše o le neyye molawo ka tsa go bolotsa. Gabutšibutši ke mo wo sa tšwe ga Moše mara ke mo di tšwa ga bokokwane ba lune, fote le bolotsa motho ka sabatha. 23 Akere lune le bolotsa motho ka sabatha gore le sa tshele Molawo wa Moše, byalo le kwatele gore nna ke yalafiye motho ka sabatha? 24 Le sa yahlule motho go ya ka gore o byang mo le mo lebelele, mara le yahlule ka go loka.”
25 Byalo, batho ba go dula Jerusalema ba thomisa gore: “A yi yene morenela ba nyakang go mmolaya yewa? 26 Ke yenewa o bolabola ho mahlong ga batho, mara a ba hlayi selo. Ayitsano bo ba go lawola ba ka fo ba ba di kwelele gore ke yene Kreste? 27 Mara re ya di tšiba gore morenewa o tšwa kaye, mo Kreste a tla a go na ye a nyoko tšibang gore o tšwa kaye.” 28 Mo Jeso a kene a tšhutisa ku tempeleng, a yahlamela a re: “Le ya ntšiba fote le tšiba mo ke tšwang gona. A ka tileya howa mara ye a nrommeng ke wa mannete fote a le mo tšibi. 29 Nna ke ya mo tšiba ka taba la gore ke yemela yene, ke yene a nrommeng.” 30 Ba liketsiye go mo tshwara, mara ba šitegiye ka taba la gore nako yage ke mo yi soko segela. 31 Le mo go le ka mokgonone, ba go tlala ke mo ba dumela gage, ba re: “Mo Kreste a ka tla, ayitsano a ka kgona go maka mešupetso ya go phala yo yi makiyeng ke morenewa?”
32 Mafaraseyi ma yye ma kwa mogoba wo sebaseba ka yene, ke mokane dindhuna tsa maprista le Mafaraseyi ba roma bo ba go lawola gore ba mo tshware. 33 Jeso a re: “Mo ke soko ya ga ye a nrommeng, ke nyoko ba le lune ka senakonyana. 34 Le nyoko nnyakela, mara le ka sa nkraye fote mo nko bang ke le gona, le ka sa segele.” 35 Byalo, Majuda yala ma bolabodisana ma ntoši ma re: “Morenewa o tikemisele go ya kaye ga gore re ka sa mo kraye? Nje aa tikemisela go ya ga Majuda ya gore ma dula le Magerika gore a thogo tšhutisa Magerika yala? 36 O ra gore king mo a re, ‘Le nyoko nnyakela, mara le ka sa nkraye fote mo nko bang ke le gona, le ka sa segele’?”
37 Ka letšatši la mafelelo la monyanya la gore le ma phala ka moka, Jeso a tlogamela a yahlamela a re: “Ye a wongweng meetši, a tle ho gaka a nwe. 38 Ye a dumelang gaka go ya ka mokgo mangwalo ma hlayyeng, mo ma re: ‘Meetši ya lephelo ma nyoko yela ka ho teng gage.’” 39 Mara, o bolabodiye ka moya wa go hlawolega, gore bo ba dumelang gage ba nyoko wo kraya. Byalo, a baa wo kraya ka taba la gore Jeso ke mo a soko ya legedimong. 40 Mo ba bangwana ba hone mogobeng ba kwa mantsu yane, ba thomisa gore: “Yewa ke moporofeta.” 41 Ba bangwana ke mo ba re: “Yewa ke Kreste.” Mara ba bangwana ke mo ba re: “Nje Kreste o nyoko tla a tšwa Galeliya? 42 Anthe mangwalo a ma re Kreste o nyoko tšwa ga bana ba Dafita, fote a tšwa Bhetlelehema, dimitšaneng tsa gore Dafita ke mo a le ga tsona?” 43 Ke mokane mogoba wa thomisa go sa kwisisane. 44 Ba bangwana ke mo ba nyaka go mo tshwara, mara ba šitegiye.
45 Ba go lawola ba boyela ga dindhuna tsa maprista le Mafaraseyi, ke mokane dindhuna tsa maprista le Mafaraseyi ba ba butsisa ba re: “Ke ntaba le sa tla naye?” 46 Bala ba go lawola ba re: “A re soko kwa motho a bolabola ka mokgo.” 47 Mafaraseyi ma fetola ma re: “Le lune aa le fokola akere? 48 Aa šiyo le ka wwoši gare ga ba go lawola le Mafaraseyi wa gore se o dumela gage akere? 49 Mara Modimo aa jabodisi ke batho bowa ba go sa tšibi Molawo.” 50 Nikhodimase wa gore o yye a ya ga Jeso fote le yene ke Lefaraseyi, a re ga bona: 51 “Go ya ka Molawo wa rune, mo re nyaka go yahlula motho ayitsano a re thomisi ka go kwa gore yene o re king, gore re thogo tšiba tso a di makang?” 52 Mo ba fetola ba re gage: “Le wene a o tšwe Galeliya akere? Ariye o ye nyakisiseng, o ko boneng gore a go na moporofeta ye a nyoko tšwang Galeliya.”*