Tsowa di Hlatolla ke Matewu
4 Moya wa Modimo wa maka gore Jeso a ye mašahleng ke mokane gana hone Diyabolo a liketsa go mo phiriketsa. 2 Ka nthago ga gore a tikone tsa go ja ka 40 ya matšatši le 40 ya mašego, o yye a kwa tlala. 3 Ke mokane Sathane a šutela, a re gage: “Ho nkare ke wene morwayi wa Modimo, botsa matlapa yawa ma tšhentšhe ma be dikgwa.” 4 Mara Jeso a re gage: “Go ngwadiwwe gore: ‘Motho a ka sa phele ka sekgwa fela, mara o nyoko phela le ka mantsu ya ma tšwang ga Jehova.’”
5 Ke mokane Diyabolo a ya naye Jerusalema,* a mmeya gedimo ga sewokamelo sa tempele, 6 a re gage: “Mo nkare ke wene morwayi wa Modimo, tiwisele fase, ka taba la gore go ngwadiwwe gore: ‘O nyoko romela mangeloyi yage gore ma go kabe,’ ‘mangeloyi yane ma nyoko go kakola gore le mong loto lago le sa tikisi letlapa.’” 7 Jeso a re gage: “Go ngwadiwwe fote gore: ‘O sa liketse Jehova Modimo wago.’”
8 Diyabolo a mo tseya fote a mo yisa ga thaba ye nngwana ya go lefa ka matla, ke mokane a mo šupetsa memmušo ya lefase lowa le go gadima ga yona. 9 A re gage: “Dilo tsowa ka mokana ga tsona ke nyoko go neya tsona mo o ka fo nthinyela letolo wa nrapela.” 10 Jeso a re gage: “Tloga howa wene Sathane! Ka taba la gore go ngwadiwwe gore: ‘Ke Jehova Modimo wago ye o tshwaneleng go mo rapela, fote ke yene a ntoši ye o tshwaneleng go mo makela mmereko wa go hlawolega.’” 11 Diyabolo a napa a tloga, mangeloyi ma tla ma thomisa go berekela Jeso.
12 Mo Jeso a kwelela gore Johane ba mo tshwere, a ya Galeliya. 13 Mo a šele a tlugiye Nazareta, a ya a dula Kapernawume ga dipoleke tsa Zebhuloni le Nafthali tsa thina le lewatle, 14 gore go makege mantsu ya ma bolabodiyeng ke moporofeta Jesaya mo a re: 15 “Lune ditšhaba tsa Galeliya, re ra lune ba hone ga poleke ya Zebhuloni le poleke ya Nafthali, ba gore le thina le lewatle, ka hala mosekola wa noka ya Jorodane! 16 Ke lune batho ba gore ke mo le duli letshwifing, ke mokane la thomisa go di bona tsa gore go šele go khanya ka matla fote bo ba gore ke mo ba duli ga poleke ya gore likgu le ba koramele go tshwana le morithi, ba yye ba thomisa go di bona tsa gore gwa khanya.” 17 Go tlugisela ka nako yonone, Jeso a thomisa go tšhomayela a re: “Sokologaneng, ka taba la gore Mmušo wa magedimo wo šutele.”
18 Mo Jeso a kene a sepela ka nthoko ga Lewatle la Galeliya, o bonne bobhuti ka babedi, Simoni ye ba reng ke Petro le bhuti wage Andreya ba kene ba bošela letabane la bona ka lewatleng, ka taba la gore ke mo ba bereka go loba dihlapi. 19 Ke mokane a re ga bona: “Nšaleneng nthago, ke nyoko maka gore le lobe batho.” 20 Ba napa ba šiya matabane ya bona gana hone ba mo latelela. 21 Mo a tloga gana hone o bonne bobhuti ba bangwana ka babedi, Jakobo morwayi wa Zebediya le bhuti wage Johane. Ke mo ba le ka sekepeng le papa wa bona Zebediya ba kene ba roka matabane ya bona, ke mokane Jeso a ba bitsa. 22 Ba napa ba šiya sekepe sone le papa bona ba mo latelela.
23 Ke mokane a sepela Galeliya yela ka mokana ga yona, a tšhutisa disinagogeng, a tšhomayela ditaba tsa go bafala tsa Mmušo fote a yalafa batho malwele le bokoka. 24 Taba yone ya tšibega le Siriya ka mokana ga yona, ba leya batho ka mokana ga bona bo ne ba hlupa ke malwele ya mehlobohlobo le dihlabi, batho ba go hlupa ke madimona le ba go ba le malwele ya go wa, le digole, a ba yalafa. 25 Sosone se yye sa maka gore batho ba go tlala ba go tšwa Galeliya, Dekapolisi, Jerusalema, Judiya le nthoko ye nngwana ya Jorodane ba mo šale nthago.