Makorente wa Mathomo
10 Byalo magageru, ke nyaka gore le di tšibe gore bokokwane ba rune ba sipidiye morithing wa liru ke mokane ka mokana ga bona ba bhukulela lewatleng le lekhubedu. 2 Fote ka mokana ga bona ba yye ba kolobetsiwa ba kene ba na le Moše, ka tlase ga liru mo ba bhukulela lewatleng, 3 byalo ka mokana ga bona ke mo ba ja tsa go ja tsa go tshwana, tsa go tšwa ga Modimo. 4 Fote ke mo ba nwa meetši ya go tšwa ga Modimo. Ka gore ke mo ba nwa meetši ga letlapa le legolo la gore ke mo le le thina nabo, letlapa lone ke mo le tshwanisela Kreste. 5 Ba bangwana ke mo ba sa jabodisi Modimo gana hone, ke mokane o yye a fetsa ka bona ku mašahleng.
6 Byalo, dilo tsowa ke mošupetso howa ga rune gore re sa nabele dilo tsa gore di ka re kwaletsa, go tshwana nabo. 7 Le sa rapele medimo ya dithombhe go tshwana nabo, go ya ka mokgo go ngwadiwweng gore: “Batho ba yye ba ja, ba boya ba nwa ke mokane ba bina.” 8 Fote re sa make bonghwahla,* go tshwana le ba bangwana ba bona, gwa šinya go kgwa 23 000 ya bona ka letšatši ka lloši ka taba la gore ba makiye bongwahla.* 9 Fote re sa liketse Jehova go tshwana le ba bangwana ba bona mo ba yye ba mo liketsa, ba šinya ba bolaya ke dinoga. 10 Fote a di nyake re kokola go tshwana le ba bangwana ba bona mo ba yye ba kokola, ba šinya ba bolaya ke lengeloyi. 11 Dilo tso di ba makegeleng ke mošupetso ho ga rune, gore rune ba gore re phela ga dinako tsa mafelelo re thogo tšhuta ga tsona.
12 Ye a tipotsang gore o yemme, a pasope gore a sa we. 13 Tso di le tlelang tsa go liketsa tumelo ya lune a di thome ka lune. Mara Modimo wa tshepega, fote a ka sa le lisetse le tlela ke dilo tsa gore le ka sa kgone go di tiyisela, mara mo go nyarela dilo tsa go liketsa tumelo ya lune o nyoko le gelepa gore le tiyisele.
14 Byalo lune magageru ya ke ma nyakang ka matla, kganelaneng kgole le go rapela medimo ya dithombhe. 15 Lune le ya kwisisa, byalo le ko boneng gore taba yowa ke le botsang yona le yi tseyela gedimo kela awwa. 16 Komitši yowa ya gore re yi rapelele, anthe a yi yona yi makang gore re thogo rufiwa ka madi ya Kreste? Le sekgwa sowa re se ngathang, anthe a yi sona se makang gore re thogo rufiwa ka mmele wa Kreste? 17 Byalo ka taba la gore go na le sekgwa ka ssoši, le mo re tlele mara re mmele ka wwoši fote re ja sekgwa sone ka ssoši.
18 Tseyaneng ka Maisrayele. Anthe a yi wona ya go ja tsa go ja tsa aletareng? 19 Ayitsano dilo tso ke di bolabolang di ra gore medimo ya dithombhe le tso ba makelang medimo yone dihlabelo ka tsona, ke tsa go ka tseyediwa gedimo? 20 Awwa, mara ke ra gore dihlabelo tso ditšhaba di di makang, di makela madimona a di makele Modimo fote a ke nyake le tigahlanisa le madimona. 21 Le ka sa nwe ka komitši ya Jehova la fetsa la nwa le ka ya madimona fote le ka sa jele tafoleng ya Jehova la fetsa la jela tafoleng ya madimona. 22 ‘Ayitsano re nyoko kwatisa Jehova’?* Phela a re na matšhika ya go mo phala.
23 Molawo wo dumela dilo ka mokana ga tsona, mara a yi ka mokana ga tsona tsa gore di ya mperekela. Molawo wo dumela dilo ka mokana ga tsona, mara a yi ka mokana ga tsona tsa gore di ya gelepa. 24 Motho a sa fo dulela go maka tsa go jabodisa yene a ntoši, mara a ye mahlong a maka le tsa go jabodisa ba bangwana.
25 Lune le jeneng nama ye nngwana le ye nngwana yo ba yi rekisang mmakete, le sa butsisi tsa go tlala ka taba la makwalo ya lune, 26 ka taba la gore “lefase le dilo ka mokana ga tsona tso di leng ho ga lona ke tsa Jehova.” 27 Mo motho wa gore aa dumele ga Modimo a le mema mutšing wage fote le nyaka go ya, le jeneng se sengwana le se sengwana so a le neyang sona, le sa butsisi tsa go tlala ka taba la makwalo ya lune. 28 Mara mo motho ye mongwana a ka re ga lune, “Tsowa ne ke makiye sehlabelo ka tsona,” le sa je ka taba la gore o le butsiye le gore go sa be le makwalo ya gore ma šala ma kwalele. 29 A ke bolabole ka makwalo ya lune, ke ra makwalo ya ba bangwana. Le mo ke nyaka go maka tso ke di nyakang a ke di make gore ke sa yahlule ke makwalo ya batho ba bangwana. 30 Mo nkare ke leboga Modimo mo ke ja tsa go ja tsone, ke ntaba batho ba n’yahlula?
31 Byalo, mo le ja kela le nwa kela le maka se sengwana le se sengwana, le bone gore dilo ka mokana ga tsona tso le di makang di gadimisa Modimo. 32 Le sa make dilo tsa go phiriketsa Majuda, Magerika le phutego ya Modimo, 33 go fo tshwana le nna mo ke liketsa go jabodisa batho ba mehlobohlobo, ke sa jabodise nna mong, gore batho ba go tlala ba thogo phona.