Makorente wa Bobedi
6 Byalo ka gore re berekisana le Modimo, re kgopela gore mo Modimo a le kwela go baba le sa make dilo tsa go šupetsa gore a le yise felo ka taba ya gore Modimo o le kwele go baba. 2 Ka gore o re: “Ke le kwile ka nako ya gona fote ka letšatši la go phonisa ke yye ka le gelepa.” Gana byalo ke nako ya gabutši fote ke lona letšatši la gore ke le phonise.
3 A re nyake go phiriketsa motho, gore ba sa sole mmereko wa rune wa go tšhomayela. 4 Byalo re tišupetsa re le malata ya Modimo. Re tiyisela ga dilo tsa go tlala tsa go tshwana le mehlupego, dilo tsa go re kwisa go baba, tsa go re phiriketsa, 5 go teyiwa, go hlahlediwa jele, go sa tshwariwi gabutši, go bereka go baba, ke mo re sa yetsele mašego ya mangwana fote re bolaya ke tlala. 6 Re šupetsa gore re malata ya Modimo ka go ba le maphelelo ya go yela, ka mokgo re phelang re šupetsa gore re tšiba nnete, re lefisiye pelo, re na le dipelo tsa go bafala, re lisetsa moya wa go hlawolega gore wo re yetetse, a re timakisi mo re re re ya nyakanana, 7 a re bolabole matsaka, re tikokotlela ka matšhika ya Modimo, ka letsogong la rune la go ja re tshwere sabola ya go loka ke mokane ka letsogong la mpata re tshwere sa go phema ka sona sa go loka, 8 re ya gadimisiwa fote a re hlompiwi, baa re yahlula fote baa re thanaka, batho ba tseya gore re na le matsaka mara re bolabola nnete. 9 A re tšibege mara Modimo wa re tšiba, nkare re šele re kgwile mara re ya phela, baa re teya mara a ba re bolaye. 10 Batho ba nagana gore re kgongwele mara rune re jabodiye, ba nagana gore re hlupegiye mara re neya batho ba go tlala dilo tsa gabutši fote ba nagana gore a re na selo mara re na le dilo tsa go tlala.
11 Magageru ya Korente, re bolabola le lune re sa jikajike fote re le nyaka ka matla. 12 Rune re le nyaka ka matla magageru mara lune a le re nyake. 13 Byalo mo ke le fetola ke bolabola le lune tsa nkare le bana baka, ke re le lune le re nyake ka matla.
14 Le sa tigahlanisi* le batho ba gore a ba dumele ga Modimo ka gore motho wa go loka a ka sa nghanelane le motho wa gore aa loka fote go khanya le letshwifi a di gahlane. 15 Go tokegela gana hone, ayitsano Kreste le Bhelayele baa berekisana? Nje motho wa gore o dumela ga Modimo le wa gore aa dumele ga Modimo baa tshwana? 16 Tempele ya Modimo yi gahlana kaye le medimo ya dithombhe? Rune re tshwana le tempele ya Modimo wa go phela, go fo tshwana le ka mokgo Modimo a hlayyeng gore: “Ke nyoko ba nabo, ke nyoko sepela nabo, ke nyoko ba Modimo wa bona fote bona go nyoko ba batho baka.” 17 Jehova o re: “‘Byalo tloganeng hone ga bona le sa nghanelane nabo,’ ‘le lisetse go tshwara dilo tsa dithila,’” “‘ke mokane nna ke nyoko le yamogela.’” 18 Fote Jehova wa Matšhika ka Moka o yitseri: “‘Ke nyoko ba papa wa lune ke mokane lune le nyoko ba barwayi le barwediya baka.’”