Tsowa di Hlatolla ke Matewu
1 Puku yowa yi bolabola ka tsa lephelo la Jeso Kreste,* morwayi wa Dafita, morwayi wa Abhrahama:
2 Abhrahama gwa ba papa wa Isaka;
Isaka gwa ba papa wa Jakobo;
Jakobo gwa ba papa wa Juda le bobhuti bage;
3 Juda gwa ba papa wa Pereze le Zera ka Thamara;
Pereze gwa ba papa wa Hezerone;
Hezerone gwa ba papa wa Rame;
4 Rame gwa ba papa wa Aminadaba;
Aminadaba gwa ba papa wa Našone;
Našone gwa ba papa wa Salemoni;
5 Salemoni gwa ba papa wa Bhowase ka Rahaba;
Bhowase gwa ba papa wa Obete ka Ruthi;
Obete gwa ba papa wa Jese;
6 Jese gwa ba papa wa kgoši Dafita;
Dafita gwa ba papa wa Solomone ka mosadi wa Uriya;
7 Solomone gwa ba papa wa Rehobhowamo;
Rehobhowamo gwa ba papa wa Abhiya;
Abhiya gwa ba papa wa Asa;
8 Asa gwa ba papa wa Jehošafate;
Jehošafate gwa ba papa wa Jehorama;
Jehorama gwa ba papa wa Uziya;
9 Uziya gwa ba papa wa Jothama;
Jothama gwa ba papa wa Ahazi;
Ahazi gwa ba papa wa Hezekiya;
10 Hezekiya gwa ba papa wa Manase;
Manase gwa ba papa wa Amoni;
Amoni gwa ba papa wa Josiya;
11 Josiya gwa ba papa wa Jekoniya le bobhuti wage nakwela Majuda ba ma yisa Bhabhilona.
12 Mo ba šele ba le ku Bhabhilona, Jekoniya gwa ba papa wa Šiyalatiyele;
Šiyalatiyele gwa ba papa wa Zerubhabhele;
13 Zerubhabhele gwa ba papa wa Abhiyudi;
Abhiyudi gwa ba papa wa Eliyakimi;
Eliyakimi gwa ba papa wa Azore;
14 Azore gwa ba papa wa Zadoke;
Zadoke gwa ba papa wa Akhimi;
Akhimi gwa ba papa wa Eliwudi;
15 Eliwudi gwa ba papa wa Eliyazara;
Eliyazara gwa ba papa wa Mathane;
Mathane gwa ba papa wa Jakobo;
16 Jakobo gwa ba papa wa Josefa monna wa Mariya, wa gore o belegiye Jeso, ye ba reng ke Kreste.
17 Meloko ka mokana ga yona go tlugisela ka Abhrahama go segela ka Dafita ne go le 14 ya meloko, go tlugisela ka Dafita go segela ka nakwela ba ba yisa Bhabhilona ne go le 14 ya meloko, fote go tlugisela ka nakwela ba ba yisa Bhabhilona go segela ka Kreste ne go le 14 ya meloko.
18 Jeso Kreste o belegiwwe ka mokgo: Nakwela Josefa a šele a tshepisiye Mariya mošadho, Mariya o yye a yima ka moya wa go hlawolega mo ba soko bane ba tseyana. 19 Mara ka taba la gore Josefa ke mo a lukiye ka matla fote a sa nyake go mo tšhelela maahlo, o yye a nyaka go mo hlala ka makhukhung. 20 Mara mo a šele a fetsiye le pelo yage ka taba yone, gwa nyarela lengeloyi la Jehova ka moloro, la re gage: “Josefa, wene morwayi wa Dafita, o sa tšhabe go tseya Mariya mosadi wago o mo yisa gaye, ka taba la gore o yimisiye ke moya wa go hlawolega. 21 O nyoko belega ngwana wa mošomanyana, fote o mo reye gore ke Jeso* ka taba la gore o nyoko phonisa batho ga tso ba di sinnyeng.” 22 Dilo tsowa ka mokana ga tsona di makegiye go ya ka mokgo Jehova a hlayyeng a berekisa moporofeta, mo a re: 23 “Ye lune! Kgareba yi nyoko yima ya belega ngwana wa mošomanyana, ba nyoko re ke Imanuwele” ya gore mo yi hlatolliwa yi ra gore, “Modimo o na le Rune.”
24 Josefa a tsoga a maka ka mokgo lengeloyi la Jehova le mmutsiyeng ka gona, ke mokane a tseya mosadi wage a ya naye gaye. 25 Mara aa yetsela naye go segela a belega ngwana wa mošomanyana, ke mokane Josefa a reya ngwanene gore ke Jeso.