Mebereko ya Mapostola
5 Byalo, Ananiyase le mosadi wage ye ba reng ke Safira ba yye ba rekisa tšhomo ya bona. 2 A tseya tšheleta ye nngwana a yi yisa ga mapostola, ke mokane a kwana le mosadi wage gore ba wutetse ye nngwana. 3 Petro a re gage: “Ananiyase, ke ntaba Sathane a go kutšetsele gore o tshokanye moya wa go hlawolega, gore o wutetse tšheleta ye nngwana yo o rekisiyeng tšhomo ka yona? 4 Nakwela o soko rekisa tšhomo yowa, ke mo go le yago, akere? Fote le mo ba fetsa go yi reka, tšheleta yone ba neyye wene, akere? Byalo ke ntaba o lisetsiye pelo yago yi nagana dilo tsa go befa ka mokgo? Phela a wa tshokanya motho, o tshokannye Modimo.” 5 Mo Ananiyase a kwa tsotsone, a wa, a napa a kgwa. Batho bo ba kwileng dilo tsone ka mokana ga tsona, ba tšhoga. 6 Byalo, masogana ya ke mo ma le gana hone ma tlogamela, ma mo tantetsa ka malapi, ma mo tseya ma ye mmolokeng.
7 Ka nthago ga diawara ka ditharo, mosadi wage a tla a sa tšibi gore go makegiye ying. 8 Petro a re: “Mpotse mo, tšhomo yo ya lune le yi rekisiye ka tšheleta yowa?” Mosadi yela a re: “Eya.” 9 Petro a re gage: “Ke ntaba lune le kwanne ka go tshokanya moya wa Jehova? Bo ne ba rwele monnago ba ye mmolokeng, ke bobone mone monyako, ba nyoko go rwala le wene.” 10 Mosadi yela a napa a wa ka nako yonone, a kgwa. Mo masogana yala ma tla, ma mo kraya a šele a kgwile, ma mo kakola ma ya ma mmoloka thoko ga monnage. 11 Phutego ka mokana ga yona ya tšhoga, le bo ba kwileng dilo tsone ba tšhoga.
12 Mara, mapostola ma yye mahlong ma maka mešupetso le mehlolo mo bathong, ke mo ma gahlana ga Dikholomo tsa Solomoni. 13 Ke nnete gore aa šiyo wa gore ke mo a na le lešiši la go sepela le mapostola yane, mara ke mo ba bolabola gabutši ka wona. 14 Go tokegela gana hone, bo ke mo ba dumela ga Morena ba yye ba yeketsega, ke mo go le banna le basadi. 15 Ba ntshiye ba go lwala ba ba beya ho dipateng, ba ba yetsedisiye dimpetwaneng le mesemong, gore kela mo Petro a feta mone serithi sage se ka ba yalafa. 16 Fote, megoba ke mo yi dulele go tla yi tšwa dipolekeng tsa Jerusalema, yi leya batho ba go lwala le ba gore ke mo ba kenne ke madimona, ka mokana ga bona ke mo ba yalafiwa.
17 Mara moprista ye mogolo le bo ne a le nabo ba mogoba wa Masadutseyi ba tlogamela, ke mo ba ba jelasela. 18 Ba tshwara mapostola, ba ma hlahlela jele. 19 Lengeloyi la Jehova la bula dikwalo tsa jele yone bošego, la ba ntsha, la re: 20 “Ariyeneng ku tempeleng, le ye le botse batho ka dilo ka mokana ga tsona tsa lephelo.” 21 Mo ba kwa tsotsone, ba ya tempeleng go sa le ka bošego mo letšatši le sa nyarela, ba thomisa go tšhutisa.
Byalo, moprista ye mogolo a tla le bo ne a le nabo, ba bitsa ba Sanhendrini le banna ka mokana ga bona ba Israyele ba go hlompega, ba roma batho ku jele gore ba ye ntsha mapostola yala ba tle nawo. 22 Mara, mo bomatšinghelane ba segela ku jele, ba kraya ba se šiyo. Ba sologa ba ya ba hlaya tso ba di bonneng, 23 ba re: “Ku jele re krayye ba khiyye, le bo ba go ghada ke mo ba yemme ho monyako, mo re re re ya bula, re krayye go se na motho.” 24 Byalo, mo yewa wa go lawola tempele le dindhuna tsa maprista ba kwa tsotsone, ba makala ka matla gore mara go nyoko makega ying. 25 Mara gwa tla ye mongwana, a segela a ba botsa gore: “Banna bo ne le ba hlahlele jele, ke bala ku tempeleng ba tšhutisa batho.” 26 Byalo, yela wa go lawola tempele le bala ba go ghada ba ya, ba segela ba ba tshwara mara ba sa lwe nabo, ka taba la gore ke mo ba tšhaba gore batho ba nyoko ba pora ka matlapa.
27 Ke mokane ba tla nabo, ba segela ba ba beya mahlong ga batho ba Sanhendrini. Moprista ye mogolo a ba butsisa diputsiso 28 a re ga bona: “Re le butsiye gabutši gore le lisetse go tšhutisa ka lebitso la motho yene mowa, gana byalo le tlatsannye Jerusalema ka dilo tso le di tšhutisang fote le tikemisele go maka gore re rwale molato wa likgu lage.” 29 Petro le mapostola ya mangwana ba fetola ba re: “Di nyaka re theetsele Modimo ka gore re lawola ke yene, re sa theetsele batho. 30 Modimo wa bokokwane ba rune o tsusiye Jeso, wa gore le mmolayye la mo kokotela phateng. 31 Modimo o mo gudisiye gore go be Moyemedi ye Mogolo wa lephelo le wa go Phonisa, a mmeya ga letsogo lage la go ja, gore Maisrayele ma sokologe fote ma tshwarediwe ga tso ma di sinnyeng. 32 Re di bonne dilo tsowa fote moya wa go hlawolega wo Modimo a wo neyyeng bo ba gore baa mo theetsela, wo re gelepiye gore re bolabole ka tsona.”
33 Mo ba kwa tsotsone ba fufulela,* ba nyaka go fetsa ka bona. 34 Mara Lefaraseyi le lengwana, lo ba reng ke Ghamaliyele, la gore ke mo le tšhutisa Molawo fote batho ka mokana ga bona ba le hlompa, la tlogamela ka ku Sanhendrini la ba botsa gore ba fo tšwa ba ntshele banna bone ka tawong. 35 Ke mokane a re ga bona: “Lune batho ba Israyele, le pasope gore batho bone le ba maka ying. 36 Mo re beyisa, ku nthago Thewuda o yye a tlogamela a timaka yene, batho ba go tlala ba gana hala ga 400 ba mo šala nthago. Mara ba yye ba mmolaya ke mokane bo ne ba mo šala nthago ka mokana ga bona, ba yye ba palakana gwa fela ka bona. 37 Ka nthago gwa tla Judase wa Legaleliya ka dinako tsa mo go ngwadisiwa, a goga ba bangwana ba mo šala nthago. Le yene gwa fela ka yene, le bo ne ba mo šala nthago ba palakana. 38 Le ga seyemo sowa, ke ya le botsa, le sa di kenakene tsa batho bowa, kganelaneng kgole nabo. Ka gore mo nkare tso ba di makang ke tsa batho, go nyoko fela ka tsona; 39 mara mo nkare di tšwa ga Modimo, le ka sa di hlule. Ka gore le ye tikraya le šele le lwa le Modimo.” 40 Mo a reyane, ba mo theetsela, ba bitsa mapostola ba ma teya ke mokane ba ma botsa gore ma lisetse go bolabola ka lebitso la Jeso, ba ma lisa ma sepela.
41 Ba tšwa mone Sanhendrini ba jabodiye ka matla, ka gore ne ba tshwanele ba hlupegisiwe ka taba la lebitso lage. 42 Ke mo ba ya tempeleng ka moka matšatši fote ba sepela mutši ka mutši, ba sa lisetse go tšhutisa le go sabalatsa ditaba tsa go bafala ka Kreste Jeso.