Magoši wa Mabedi

11 Byalo, mo Athaliya+ mmane wa Ahaziya a bona gore morwayi wage o kgwile,+ a tlogamela a bolaya lešika ka moka la bogošing.+ 2 Mara Jehošeba morwediya wa Kgoši Jehorama sesi wa Ahaziya a tseya Jehowaši+ morwayi wa Ahaziya, a mo yetswa gare ga barwayi ba kgoši ba gore ke mo ba nyoko bolayiwa, a tseya yene le motho ye a mo pasopang a ba yisa ga kamara ya ka ku tengteng. Ba kgonne go mo wutametsela Athaliya gore ba sa mmolaye. 3 Jehowaši o fetsiye kobodi ya mengwaga a dula naye, ba mo wutametsiye ntlong ya Jehova hala Athaliya yene a lawola nageng yone.

4 Ka mongwaga wa kašupa, Jehoyada o bitsiye dindhuna tsa go ba le makgolo ya masole ya gore ma tšwa ga bomatšinghelane ba Kgoši le ga bomatšinghelane* ba ntlo ya kgoši,+ a maka gore ba tle gage ku ntlong ya Jehova. A maka kwano nabo fote a maka gore ba tshepise ku ntlong ya Jehova, ke mokane a ba šupetsa morwayi wa kgoši.+ 5 A ba botsa gore: “Tsowa ke tso di nyakang le di make: “Ke lune kararo ya megoba, byalo mogoba wa mathomo wo nyoko bereka ka Sabatha,+ 6 mogoba wa mabedi wo nyoko ba wo le ga Gheyiti ya Fandhiši, ke mokane mogoba wa kararo wo nyoko ba wo le ga gheyiti yo yi leng ka nthago ga bomatšinghelane ba go pasopa ntlo ya kgoši. Le tšhentšhane mo le kene le pasopa ntlo yowa ya kgoši. 7 Di nyaka megoba ka mmedi ya gore a yi bereke ka letšatši la Sabatha yi pasope ntlo ya Jehova gore yi thogo tšhireletsa kgoši. 8 Di nyaka le dukulugele kgoši mahlaya ka mokana ga wona, ye mongwana le ye mongwana a tshwere sa go lwa ka sona. Ye a liketsang go feta mo masole ma leng gona a bolayiwe. Go gongwana le go gongwana mo kgoši yi yang* gona le yeneng nayo.”

9 Dindhuna tsela tsa go ba le makgolo ya masole+ di makiye tso Jehoyada wa gore ke moprista a di butsiyeng tsona. Byalo ye mongwana le ye mongwana a tseya banna bo ne a le nabo ba gore ke mo ba bereka ka Sabatha, a tseya le ba gore ke mo ba sa bereke ka Sabatha ke mokane ba ya ga Jehoyada wa gore ke moprista.+ 10 Ke mokane moprista a neya dindhuna tsela tsa go ba le makgolo ya masole marumo le magawu ya kgokolo ya gore ne go le ya Kgoši Dafita, ya gore ne ma le ka ntlong ya Jehova. 11 Fote bomatšinghelane ba go pasopa ntlo ya kgoši+ ba tilukiselela, ye mongwana le ye mongwana a tshwara sa go lwa ka sona, ba bangwana ba yema ga letsogo la go ja, ba bangwana ba yema ga letsogo la mpata, ba bangwana ba yema thina le aletare+ le thina le ntlo, ba dukulugela kgoši. 12 Byalo Jehoyada a ntsha morwayi wa kgoši+ ke mokane ba mo yapesa fapo le go mo neya molawo,*+ fote ba maka gore go be kgoši, ba fetsa ba mo tlotsa. Byalo ba thomisa go teya matsogo ya bona ba re: “Nkare o ka phela go ya go yye wene kgoši!”+

13 Mo Athaliya a kwa batho ba taboga, a napa a ya mo batho ba leng gona ku ntlong ya Jehova.+ 14 Ke mokane a bona kgoši yi yemme thina le dikholomo go ya ka setšo.+ Dindhuna le ba go teya diporompeta+ ke mo ba na le kgoši, fote batho ka mokana ga bona ba naga yone ke mo ba jabodiye, ba teya diporompeta. Ka taba la tsotsone, Athaliya a tlerola dikobo tsage ke mokane a yahlamela a re: “Ke bošakašakane! Ke bošakašakane!” 15 Mara Jehoyada wa gore ke moprista a botsa dindhuna tsela tsa go wokamela megoba ya go ba le lekgolo la masole+ gore: “Mo tloseneng howa gare ga masole, fote mo nkare go na le ye a mo šalang nthago le mmolaye ka sabola!” Ka gore moprista o yitseri: “Le sa mmolayele mo ntlong ya Jehova.” 16 Byalo ba mo tshwara, mo ba segela polekeng ya gore go kena dipera ku ntlong ya kgoši,+ ba napa ba mmolayela gana mone.

17 Ke mokane Jehoyada a maka kwano le Jehova, kgoši le batho,+ gore ba nyoko ya mahlong go le bona batho ba Jehova, fote a maka kwano magareng ga kgoši le batho.+ 18 Ka nthago ga hone, batho ka mokana ga bona ba naga yone ba tla ntlong ya Bhaali ba wisa dialetare tsage,+ ba pshyaya le dithombhe tsage,+ fote ba bolaya Matane moprista wa Bhaali+ mahlong ga dialetare tsone.

Ke mokane moprista a hlawola ba go wokamela gore ba wokamele ntlo ya Jehova.+ 19 Go tokegela gana hone, a tseya dindhuna tsela tsa go wokamela megoba ya go ba le lekgolo la masole,+ a tseya le bomatšinghelane ba go pasopa kgoši, bomatšinghelane ba go pasopa ntlo ya kgoši+ le batho ka mokana ga bona ba naga yone, ba felegetsa kgoši ba tšwa ntlong ya Jehova, fote ba segela ntlong ya kgoši thina le gheyiti ya bomatšinghelane ba go pasopa ntlo ya kgoši. Ke mokane a dula ga setulo sa go lawola sa magoši.+ 20 Byalo, batho ba mone nageng ka mokana ga bona ba jabola, fote mutši ke mo wo bebiye ka taba la gore ba bolayye Athaliya ka sabola ku ntlong ya kgoši.

21 Jehowaši+ ke mo a na le kašupa ya mengwaga mo a ba kgoši.+