Tsowa di Hlatolla ke Matewu
3 Ka nthago ga mengwaga, Johane wa go Kolobetsa o yye a tšhomayela mašahleng ya Judiya, 2 a re: “Sokologaneng, ka taba la gore Mmušo wa magedimo wo šutele.” 3 Gabutšibutši tsowa ke tso di bolabodiyeng ke moporofeta Jesaya mo a re: “Lowa ke lentsu la ye a yahlamelang a le mašahleng a re: ‘Lukisaneng pata ya Jehova! Wololaneng dipata tsage.’” 4 Johane ke mo a yapara dikobo tsa go makiwa ka maboya ya kamela fote a tlema lepanta la mokgopa mo masekeng. Ke mo a ja ditšiya le mamapo. 5 Batho ka mokana ga bona ba Jerusalema le Judiya le dinaga ka mokana ga tsona tsa thina le Jorodane ke mo ba ya gage, 6 ke mo a ba kolobetsa* Nokeng ya Jorodane, ba bolabola tso ba di sinnyeng ba sa wutetse selo.
7 Mo Johane a bona Mafaraseyi le Masadutseyi ma nyarela ma tla mo ne a kolobetsela gona, o yye a re ga wona: “Lune bana ba marabye, le kwele mang gore le tšhabeneng kotsi yo yi tlang? 8 Byalo, šupetsaneng ka tso le di makang gore le sokologiye. 9 Le sa fo tabogela gore ‘Papa wa rune ke Abhrahama.’ Ke ya le botsa, Modimo wa di kgona go makela Abhrahama bana ka matlapa yawa. 10 Selepe se šele se le tšhikong ya mehlare. Byalo mohlare wo mongwana le wo mongwana wa gore a wo yengwe, di nyaka wo kupiwe ke mokane wo bošediwe mollong. 11 Nna ke le kolobetsa ka meetši ka taba la gore le sokologiye, mara ye a tlang ka nthago gaka o na le matšhika ya go phala yaka, fote a di ya ntshwanela go mo rola dimphašane tsage. Yenene o nyoko le kolobetsa ka moya wa go hlawolega le ka mollo. 12 O tshwere fošolo yage ya go fefera, fote o nyoko yedisa mo go bunediwang gona, o nyoko kgobaketsela korong ka seralong,* mara moroko wone o nyoko wo tšhuba ka mollo wa go sa timi.”
13 Mo Jeso a tšwa Galeliya o yye nokeng ya Jorodane gore Johane a mo kolobetse. 14 Mara Johane o liketsiye go mo rakela a re gage: “Ke wene o tshwaneleng go kolobetsa nna, byalo ke ntaba o tla ho gaka gore ke go kolobetse?” 15 Ke mokane Jeso a re gage: “Wene kolobetsa nna, ka mokgonone re nyoko ba re maka dilo tsa gabutši.” Ke mokane Johane a lisetsa go mo thibelela. 16 Mo Jeso a šele a kolobetsiwwe, a tšwa ka meetšing ka go yakgoswa; ye lune! magedimo ma yye ma bulega, ke mokane a bona moya wa Modimo wo tla gage wo thewoga nkare ke liba. 17 Gwa kwagala lentsu le tšwa legedimong le re: “Yewa ke Morwayi waka ye ke mo nyakang ka matla, ke mo yamogele.”