Tsowa di Hlatolla ke Johane
5 Ka nthago ga mone, ke mo go na le monyanya wa Majuda, fote Jeso a tloga a ya Jerusalema. 2 Byalo, ku Jerusalema ke mo go na le poleke yo lebitso la yona ba reng ke Gheyiti ya Dinku, ya gore ke mo yi na le ledhamo la gore ka Seheberu ba re ke Bhethzada. Gana hone ke mo go na le sehlano sa dikholomo. 3 Gana hone, ke mo go na le batho ba go tlala ba gore baa lwala; ba go popela maahlo, ba go golofala le ba gore ba kokoropanne mawoto le matsogo ke mo ba tiketselele gana hone. 4 —— 5 Mara gana hone ke mo go na le morene mongwana wa gore o fetsiye 38 ya mengwaga a kene a lwala. 6 Mo Jeso a bona morenene a tiketselele mone fote a bona gore o fetsiye mengwaga ya go tlala a kene a lwala, a re gage: “O nyaka go fola?” 7 Monna yela wa go lwala a re: “Morena, a go na motho ye a ka ntšhelang ka ku ledhamong mo meetši yawa ma fetsa go bidulugana, mo ke sa re ke ya ya, ye mongwana o nkenela pelo.” 8 Jeso a re gage: “Tlogamela! O tseye mosemo wago o sepele.” 9 Monna yela a napa a fola, a tseya mosemo wage, a thomisa go sepela.
Ke mo go le ka letšatši la Sabatha. 10 Majuda ma thomisa go botsa monna yela wa gore o yalafiwwe ma re: “Ke Sabatha, fote molawo a wo dumele gore o rwale mosemo wago ka Sabatha.” 11 Mara a re: “Yene ye a n’yalafiyeng o yitseri gaka, ‘Tseya mosemo wago o sepele.’” 12 Ba mmutsisa ba re: “Ke mang yenene wa gore, ‘Tseya mosemo wago o sepele’?” 13 Mara monna yela ba mo yalafiyeng ke mo a sa tšibi gore ke mang, ka taba la gore Jeso o f’lo nyamalala mone mogobeng.
14 Ka nthago ga hone, Jeso a kraya monna yela a le tempeleng a re gage: “Wa di bona gore o šele o fodiye. O sa sa sinya fote gore o sa tlele ke tsa go feta tso.” 15 Monna yela a tloga, a ya a botsa Majuda yala gore o yalafiye ke Jeso. 16 Tsotsone di makiye Majuda gore ma phidise Jeso go baba, ka taba la gore ke mo a maka dilo tsowa ka Sabatha. 17 Mara a ba fetola a re: “Papaka ke mo a fo dula a bereka go segela gana byalo, le nna ke fo dula ke bereka.” 18 Tsotsone di napiye di maka Majuda gore ma nyake go mmolaya, ka taba la gore ke mo a sa fo tshela Molawo wa Sabatha, mara ke mo a bitsa Modimo gore ke Papage, a tilikanisa naye.
19 Byalo, mo Jeso a fetola a re: “Ke le botsa nnete, Morwayi a ka sa make selo a sa botsa ke motho, mara o maka tso a bonang Papage a di maka. Byalo, dilo ka moka tso Papa a di makang le Morwayi o fo maka ka mokgonone. 20 Ka taba la gore Papa o kwana le Morwayi wage ka matla, fote o mo šupetsa dilo ka mokana ga tsona tso a di makang. O sa nyoko mo šupetsa tsa go phala tsowa gore le šale le makele. 21 Go fo tshwana le mo Papa a tsosa bo ba kgwileng, le Morwayi o nyoko tsosa ye a nyakang go mo tsosa. 22 Ka taba la gore Papa aa yahlule motho, mara o neyye Morwayi wage mmereko wa go yahlula, 23 gore batho ka mokana ga bona ba thogo hlompa Morwayi go fo tshwana le mo ba hlompa Papa. Ye a sa hlompeng Morwayi aa hlompe le Papa ye a mo rommeng. 24 Ke le botsa nnete, ye a kwang lentsu laka a tshepa ye a nrommeng o na le lephelo la go ya go yye, a ka sa yahludiwi fote a ka sa kgwe mara o nyoko phela.
25 “Ke le botsa nnete, nako yi ye tla fote yi segele, ya gore bo ba kgwileng ba nyoko kwa lentsu la Morwayi wa Modimo, fote bo ba theetseleng ba nyoko phela. 26 Go fo tshwana le mo lephelo le tšwa ga Papa, o neyye Morwayi matšhika ya go maka gore batho ba phele. 27 Fote o mo neyye le matšhika ya go yahlula ka taba la gore ke Morwayi wa motho. 28 Dilo tsowa di sa le makatseneng, ka gore yi ye tla nako ya gore bo ba leng dilahlong ba kwe lentsu lage 29 ke mokane ba nyoko tšwa, bo ba makiyeng dilo tsa gabutši ba nyoko tsusiwa gore ba phele, fote bo ba makiyeng dilo tsa go sa loka ba nyoko tsusiwa gore ba yahludiwe. 30 Nka sa make selo ke sa botsa ke motho. Ke yahlula batho go ya ka so Papa a mpotsang sona fote go yahlula gaka go lukiye ka taba la gore a ke make tso di nyakang ke nna, mara ke maka tso di nyakang ke ye a nrommeng.
31 “Mo ke botsa batho ka nna beng, ba ka sa tshepe tso ke di hlayang. 32 Go na le ye mongwana wa gore o bolabola ka nna, fote ke ya di tšiba gore tso a di bolabolang ke nnete. 33 Le romele batho ga Johane, fote yene o bolabodiye nnete ka nna. 34 Mara a ke yamogele tso di bolabolang ke batho, mara ke le botsa dilo tsowa gore le thogo phonisiwa. 35 Monna yewa ke mo go le lampa fote a khanya, mara lune ke mo le jabolela go khanya hone, mara a di ya tseya nako. 36 Johane o butsiye batho gore ke tšwa ga Papa, mara ke na le so se šupetsang gore ke romme ke Papa, ka gore ke maka mmereko wo a nneyyeng gore ke wo make. 37 Le Papa ye a nrommeng o bolabodiye ka nna, a le soko kwa lentsu lage fote a le soko mmona, 38 fote so se makang gore lentsu lage le sa duli ka dipelong tsa lune ke gore a le tshepe ye a mo rommeng.
39 “Le dulele go nyakana le Mangwalo ka taba la gore le tseya gore le nyoko kraya lephelo la go ya go yye mo le maka tsotsone, phela ke wona* ya ma bolabolang ka nna. 40 Le mo go le ka mokgonone, a le nyake go tla mo gaka gore le thogo kraya lephelo. 41 A ke nyake go thanaka ke batho, 42 mara ke ya di tšiba tsa gore ga Modimo a le mo nyake. 43 Ke tlile ka lebitso la Papa, mara a le n’yamogele. Mola go le ye mongwana a tlile ka lebitso la yene mong, ne le nyoko mo yamogela. 44 Le nyoko di tshepa byang, mo lune beng le kene le thanakana le sa nyake go thanaka ke Modimo? 45 Le sa tseye nkare ke nyoko botsa Papa gore lune le sinnye; ke Moše ye a hlayang gore le sinnye ka tso a di ngwadiyeng, yene ye le dumelang gage. 46 Gabutšibutši, mo nkare ne le tshepa Moše, ne le nyoko tshepa le nna ka taba la gore o ngwadiye ka nna. 47 Mara mo le sa tshepe tso a di ngwadiyeng, le nyoko di tshepa byang tso ke di bolabolang?”