Magoši wa Mathomo

1 Byalo, Kgoši Dafita ke mo a tsofele a na le mengwaga ya go tlala* fote le mo ba mo khurumetsa ka mapayi ke mo a sa belabele. 2 Ke mokane dibereki tsage dya re gage: “Wene morena kgoši ya rune, re dumelele re go nyakele ngwannyana wa gore go sa le kgareba wa gore o nyoko go berekela a boya a go pasopa. Wene morena kgoši ya rune, o nyoko yetsela thina gago gore o thogo belabela.” 3 Ba yye ba nyaka ngwannyana wa go bafala ga poleke ya Israyele ka mokana ga yona, ba yye ba kraya Abhišage wa gore ne go le Lešuneme ke mokane ba mo yisa ga kgoši. 4 Ngwannyana yewa ne a bafele ka matla, o yye a berekela kgoši a boya a yi pasopa, mara kgoši a ya maka tsa ka ku mapaying naye.

5 Mara ka nthoko ye nngwana, Adonija morwayi wa Haghithi ke mo a tipotsa a re: “Ke nyoko ba kgoši!” O yye a tikrayela sekotšikara, banna ba go sepela ka dipera le 50 ya banna ba gore ba nyoko taboga ho mahlong gage. 6 Mara papage aa mmutsisa gore:* “Ke ntaba o makiye dilo tso?” Adonija le yene ke mo a bafele ka matla, mmane wage o mmelegiye Abhsalomo a šele a belegiwwe. 7 Adonija o bolabodiye le Jowabho morwayi wa Zeruya le Abhiyathara wa gore ke moprista, ke mokane ba yye ba dumela go mo gelepa fote ba yema naye. 8 Mara Zadoke wa gore ke moprista, Bhenaya morwayi wa Jehoyada, Nathane wa gore ke moporofeta, Šimeyi, Reyi le masole ya Dafita ya go ba le matšhika, a baa yema le Adonija.

9 Adonija o yye a feleletsa a makiye sehlabelo ka dinku, dikgomu le diphoolwane tsa go tsifa thina le letlapa la Zohelethe la gore le thina le Ene-roghele, o yye a mema bobhuti bage ka mokana ga bona ba gore ke barwayi ba kgoši, le banna ka mokana ga bona ba Juda ba gore ke dibereki tsa kgoši. 10 Mara aa mema Nathane wa gore ke moporofeta, Bhenaya, masole ya go ba le matšhika kela bhuti wage Solomoni. 11 Ke mokane Nathane a re ga mmane wa Solomoni ye ba reng ke Bhathi-šeba: “Ayitsano o di kwelele gore Adonija morwayi wa Haghithi go šele go le kgoši, fote morena wa rune Dafita aa tšibi selo ka taba yowa? 12 Byalo, tlang ke go yeletse barena gore o thogo phonisa lephelo lago le la morwayi wago Solomoni. 13 Ariye ga Kgoši Dafita o segele o re, ‘Anthe a yi wene wa go botsa sebereki sago gore: “Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola”? Byalo ke ntaba Adonija go le kgoši?’ 14 Mo o kene o sa bolabola le kgoši, nna ke nyoko tla ka nthago gago ke mokane ke segele ke botsa kgoši gore wa resa.”

15 Byalo, Bhathi-šeba a kena kamareng yo kgoši ne a le ga yona. Kgoši ke mo yi tsofele ka matla fote Abhišage wa Lešuneme ne a kene a yi pasopa. 16 Byalo, Bhathi-šeba a kgotama a yinamisiye hlogo ke mokane kgoši ya re: “O nyaka ke go makela ying?” 17 A fetola a re: “Morenaka, ke wene wa gore o tshepisiye sebereki sago ka Jehova Modimo wago gore, ‘Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola.’ 18 Mara bona! Adonija go šele go le kgoši, fote wene kgoši morenaka a o tšibi selo ka taba yowa. 19 Yene o makiye dihlabelo ka dikgomu tsa dipholo, diphoolwane tsa go tsifa le dinku tsa go tlala ke mokane a mema barwayi ka moka ba kgoši, Abhiyathara wa gore ke moprista le Jowabho wa gore ke ye mogolo wa masole; mara Solomoni sebereki sago aa mo mema. 20 Fote gana byalo, wene morenaka kgoši, batho ka moka ba Israyele ba yemele go kwa ka wene gore ke mang ye a nyoko dulang setulong sago sa go lawola ka nthago gago. 21 Ka gore mo o ka sa make ka mokgonone, wene morena kgoši yaka mo o hlokofala go tshwana le bokokwane bago, ba nyoko re nna le morwayi wago Solomoni re ya rekisana.”

22 Mo a kene a bolabola le kgoši, gwa kena moporofeta Nathane. 23 Ba napa ba botsa kgoši gore: “Moporofeta Nathane ke yewa!” A kena a segela a kgotama mahlong ga kgoši, a yinamisa hlogo. 24 Ke mokane Nathane a re: “Morenaka kgoši, ayitsano o yitseri, ‘Adonija o nyoko ba kgoši ka nthago gaka, fote go nyoko dula yene setulong saka sa go lawola’? 25 Fote lekgono o yye go ye maka sehlabelo sa dikgomu tsa dipholo, diphoolwane tsa go tsifa le dinku tsa go tlala, fote o memme le barwayi ka mokana ga bona ba kgoši, ba bagolo ba masole le Abhiyathara wa gore ke moprista. Ba gana hala ba kene baa ja fote ba nwa naye ba dulele gore, ‘Wene Kgoši Adonija nkare o ka phela go ya go yye!’ 26 Mara nna sebereki sago aa mmema, le moprista Zadoke, Bhenaya morwayi wa Jehoyada le sebereki sago Solomoni aa ba mema. 27 Ayitsano kgoši morena waka o hlayye o sa mpotsa nna sebereki sago gore ke mang ye a nyoko dulang setulong sago sa go lawola ka nthago gago?”

28 Byalo, Kgoši Dafita a fetola ka gore: “Mpitseleneng Bhathi-šeba.” O yye a tla a yema mahlong ga kgoši. 29 Ke mokane kgoši ya re: “Ke ya tshepisa ka Jehova Modimo wa go phela, wa gore o mphonisiye ga dilo ka mokana ga tsona tsa go nkgahleletsa, 30 ka mokgo ke yyeng ka go tshepisa ka Jehova Modimo wa Israyele, ka re, ‘Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola!’ tsone ke tso ke nyoko di makang lekgono.” 31 Ke mokane Bhathi-šeba a kgotama a yinamisiye hlogo, a re ga kgoši: “Wene morenaka Kgoši Dafita nkare o ka phela go ya go yye!”

32 Ka go yakgoswa Kgoši Dafita a re: “Mpitsele Zadoke wa gore ke moprista, Nathane wa gore ke moporofeta le Bhenaya morwayi wa Jehoyada.” Ke mokane ba tla ba yema mahlong ga kgoši. 33 Kgoši ya re ga bona: “Tseyaneng dibereki tsaka, morwayi waka Solomoni le mo kalamise mmeyila yaka, ke mokane le ye naye Ghihone. 34 Moprista Zadoke le moporofeta Nathane ba nyoko mo tlotsa gana hone gore go be kgoši ya Israyele; ke mokane ba nyoko teya phalafala fote ba re, ‘Wene Kgoši Solomoni nkare o ka phela go ya go yye!’ 35 Le mo šale nthago mo le kene le boya, o nyoko tla a dula ga setulo saka sa go lawola; fote o nyoko ba kgoši sekgaleng saka ke mokane ke nyoko maka gore a yete Israyele le Juda mahlong.” 36 Bhenaya morwayi wa Jehoyada a napa a botsa kgoši gore: “Amene! Nkare Jehova Modimo wa morenaka kgoši a ka yi dumela taba yowa. 37 Jehova a be le Solomoni go tshwana le mo ne a na le wene morenaka kgoši, fote nkare a ka maka gore setulo sa Solomoni sa go lawola se phale sa morenaka Kgoši Dafita.”

38 Ke mokane moprista Zadoke, moporofeta Nathane, Bhenaya morwayi wa Jehoyada, Makherete le Mapelethe ba ya ba maka gore Solomoni a kalame mmeyila ya Kgoši Dafita ke mokane ba mo yisa Ghihone. 39 Byalo moprista Zadoke a kena ka letenteng a tseya phalafala ya go ba le makgura a tlotsa Solomoni ka wona, ke mokane ba teya phalafala fote batho ka mokana ga bona ba thomisa go yahlamela ba re: “Wene Kgoši Solomoni nkare o ka phela go ya go yye!” 40 Ka nthago ga mone, batho ka mokana ga bona ba yye naye mo a boyela nthago ba kene ba teya diflutu fote ba jabodiye ka matla tsa gore lefase le yye la šinya le tekateka ka taba la gore ke mo ba rasa.

41 Adonija le bo ne a ba memme ba di kwile mo ba fetsa go ja. Mo Jowabho a kwa phalafala, o yitseri: “Ke ntaba go rasiwa ka mokgo ho mutšing?” 42 Mo a kene a bolabola, Jonathane morwayi wa moprista Abhiyathara a segela. Ke mokane Adonija a re: “Kena ka gore o monna wa go loka, fote o nyoko re botsa ditaba tsa go bafala.” 43 Mara Jonathane o fetodiye Adonija ka gore: “Awwa! Morena wa rune Kgoši Dafita o makiye gore Solomoni go be kgoši. 44 Kgoši yi mo romele a na le Zadoke wa moprista, moporofeta Nathane, Bhenaya morwayi wa Jehoyada, Makherete le Mapelethe, fote ba mo kalamisiye mmeyila ya kgoši. 45 Ke mokane moprista Zadoke le moporofeta Nathane ba mo tlotsiye ku Ghihone gore go be kgoši. Ka nthago ga mone, ba boya ba jabodiye fote mutši ka mokana ga wona wa hlakela. Ke mo ba rasisa ke tsotsone. 46 Go tokegela gana hone, Solomoni o šele a duli ga setulo sa go lawola. 47 Se sengwana fote, dibereki tsa kgoši di segele gore di jabole le morena wa rune Kgoši Dafita, dya mmotsa gore, ‘Nkare Modimo a ka maka gore lebitso la Solomoni le tšibege gabutši go phala lago, fote nkare Modimo a ka maka gore setulo sa Solomoni sa go lawola se phale sago!’ Ke mokane kgoši ya yinamisa hlogo ya yona yi kene yi le mpetong. 48 Ke mokane kgoši ya re, ‘Nkare go ka thanakiwa Jehova Modimo wa Israyele wa gore o kgetiye motho wa gore o nyoko dula ga setulo saka sa go lawola lekgono, a boya a maka gore ke di bone!’”

49 Batho ka mokana ga bona ba gore ba memme ke Adonija ba yye ba tšhoga ka matla, fote motho ye mongwana le ye mongwana a tlogamela a ya mo a yang. 50 Ka taba la gore Adonija le yene ke mo a tšhaba Solomoni, o yye a tlogamela ke mokane a ya aletareng a segela a ngangarela manaka ya aletare yone. 51 Ba yye ba botsa Solomoni gore: “Kgoši Solomoni, Adonija wa go tšhaba; fote o ngangarele manaka ya aletare, o re, ‘Kgoši Solomoni a thomise ka go ntshepisa gore a ka sa bolaye nna sebereki sage ka sabola.’” 52 Solomoni yene a re: “Mo nkare o titshwara gabutši, le moriri wage ka wwoši wo ka sa wele ho fase; mara mo go ka krayega gore o makiye selo sa go befa o tshwanele a kgwe.” 53 Byalo, Kgoši Solomoni a roma batho gore ba mo tlose mone aletareng. Ke mokane yene a ya ga Kgoši Solomoni a segela a mo kgotamela, Solomoni a re gage: “Ariye gaye.”