Magoši wa Mathomo
21 Ka nthago ga hone, ke mo go na le tšhomo ya didhriva ya gore ke mo go le ya Nabhothe wa Lejeziriyele; tšhomo yone ke mo yi le Jeziriyele thina le ntlo ya Kgoši Ahaba wa Samariya. 2 Ahaba a re ga Nabhothe: “Nneye tšhomo yago ke gaše merogo ka taba la gore yi thina le gaye gaka. Ke mokane nna nko go neya ye nngwana ya gabutši ya go gaša didhriva sekgaleng sa yona. Mara mo o nyaka, nka yi reka.” 3 Mara Nabhothe a re ga Ahaba: “A di gabutši mahlong ga Jehova gore ke go neye lefa la bokokwane baka.” 4 Ke mokane Ahaba a boya ntlong yage, a kwatiye fote a tubiye ka taba la tso Nabhothe wa Lejeziriyele a mo fetodiyeng tsona mo a re: “Nka sa go neye lefa la bokokwane baka.” Ke mokane a yetsela mpetong a lebelele lepharong, a gana le go ja.
5 Mosadi wage Jezebhele a tla ke mokane a segela a re gage: “O kwatisiye king tsa go šinya o sa nyake le go ja?” 6 Ahaba a mo fetola a re: “Ka taba la gore ke butsiye Nabhothe wa Lejeziriyele gore, ‘Nrekisele tšhomo yago ya didhriva. Kela mo o nyaka, nna nka go neya tšhomo yaka ya didhriva ke mokane wene o nneye yago.’ Mara yene o yitseri, ‘Nka sa go neye tšhomo yaka ya didhriva.’” 7 Mosadi wage Jezebhele a re gage: “Anthe a yi wene wa go lawola Israyele? Tsoga, o je fote o sa hlupege. Ke nyoko go neya tšhomo ya Nabhothe wa Lejeziriyele ya didhriva.” 8 Byalo, Jezebhele o yye a ngwala marifi ka lebitso la Ahaba, a ma mereka ka mokgwa wa go šupetsa gore ma tšwa ga Ahaba ke mokane a ma romela ga bagolo le ba mayemo ya gedimo ba gore ne ba dula mutšing wa gore Nabhothe o dula gona. 9 Ga marifi yane, o ngwadiye gore: “Botsaneng batho ba tikoneneng tsa go ja ke mokane le duliseneng Nabhothe ka ku mahlong ga batho ka mokana ga bona. 10 Fote le make gore banna ka babedi (2) ba go sa re selo ba dule mahlong gage ba mo hlayele matsaka, ba re: ‘O rogelele Modimo le kgoši!’ Ke mokane ba mo ntshele ka tawong, ke mokane ba mo pshyaye ka matlapa go segela a kgwa.”
11 Byalo banna ba mutši wo a dulang ga wona, bagolo le ba go tseyediwa gedimo ba makiye ka moka tso Jezebhele a di ngwadiyeng ga marifi ya a ba romeleng wona. 12 Ba butsiye batho gore ba tikone tsa go ja ke mokane ba maka gore Nabhothe a dule mahlong ga batho ka moka. 13 Ke mokane banna bala ka babedi (2) ba go sa re selo ba tla ba dula mahlong gage, ba hlaya mahlong ga batho gore: “Nabhothe o rogelele Modimo le kgoši!” Ka nthago ga mone ba mo ntshela ka tawong ga mutši, ba mo pshyaya ka matlapa a kgwa.” 14 Byalo ba romela molayetsa ga Jezebhele ba re: “Nabhothe re mo pshyayye ka matlapa, o kgwile.”
15 Mo Jezebhele a di kwelela tsa gore Nabhothe ba mo poriye ka matlapa o kgwile, o yitseri ga Ahaba: “Tlogamela o ye o tseye tšhomo ya didhriva ya Nabhothe wa Lejeziriyele, yela ya gore o ganne go go rekisela yona, ka taba la gore aa sa phela. O kgwile.” 16 Mo Ahaba a di kwelela tsa gore Nabhothe o kgwile, o yye a tlogamela a ya tšhomong ya didhriva ya Nabhothe wa Lejeziriyele a ya a yi tseya.
17 Mara Jehova o yye a botsa Eliya wa Letišiba, a re: 18 “Tlogamela, o ye o gahlane le Kgoši Ahaba wa Israyele, wa gore o ku Samariya. O tšhomong ya didhriva ya Nabhothe, o yye go ye yi tseyeng. 19 O segele o mmotse gore, ‘Tsowa ke tso Jehova a di hlayang: “Ayitsano o bolayye motho, wa fetsa wa tseya dilo tsage?”’ Ke mokane o mmotse gore, ‘Tsowa ke tso Jehova a di hlayang: “Polekeng yo dimpsya di lekiyeng madi ya Nabhothe, ke mo di nyoko lekang madi yago.”’”
20 Ahaba a re ga Eliya: “Wene lenaba laka, o nkrayye!” A fetola ka gore: “Eya ke go krayye. Ka taba la gore o tikemisele go maka dilo tsa go befa mahlong ga Jehova, 21 ke nna yewa ke leya dilo tsa go sasamela mutšing wago, ke nyoko fetsa ka wene le monna ye mongwana le ye mongwana wa moloko wa Ahaba, gana hone go kena le bo ba go tihlupegela le ba go sa re selo ba Israyele. 22 Ke nyoko maka tso ke makiyeng ba mutši wa Jerobhowamo morwayi wa Nebhathe le ba mutši wa Bhaaša morwayi wa Ahija, ka taba la gore o nkwatisiye fote o makiye gore Maisrayele ma nsinyele.’ 23 Fote ka Jezebhele, Jehova o yitseri: ‘Dimpsya di nyoko ja Jezebhele ga tšhomo ya ku polekeng ya Jeziriyele. 24 Ye mongwana le ye mongwana wa moloko wa Ahaba ye a hlokofalang a le mutšing o nyoko ja ke dimpsya, ke mokane ye mongwana le ye mongwana ye a hlokofalang a le mašomong o nyoko ja ke dinonyane tsa magedimong. 25 Nnete a gwa ba le motho wa go tshwana le Ahaba wa gore ne a tikemisele go maka dilo tsa go sa loka mahlong ga Jehova. Ne a maka dilo tso ka mokana ga tsona tsa go sa loka a kutšetsela ke mosadi wage Jezebhele. 26 O makiye dilo tsa go kekema ka go rapela medimo ya dithombhe ya go silikisa, go fo tshwana le Maamore ka mokana ga wona ya gore Jehova o ma rakiye mo Maisrayele ma segela.’”
27 Mo Ahaba a fetsa go kwa mantsu yane, o yye a tlerola dikobo tsage ka bogare ke mokane a yapara masaka; a tikona tsa go ja a kene a yetsele mone masakeng, le mo a sepela ke mo a kwisa go baba. 28 Ke mokane Jehova a re ga Eliya wa Letišiba: 29 “Nje o di bonne gore Ahaba o tinyanafatsiye byang ho gaka? Mara ka taba la gore o yye a tinyanafatsa mahlong gaka, nka sa leye tsa go sasamela a sa phela. Mara ke nyoko di leyela ba ntlo yage mo go lawola morwayi wage.”