Makorente wa Mathomo

15 Byalo magageru, ke le gopotsa ka ditaba tsa go bafala tsa gore ke le butsiye tsona la boya la di yamogela fote la ya mahlong le di latelela. 2 Mo nkare le ngangarela ga ditaba tsowa tsa go bafala tsa gore ke le butsiye tsona, le nyoko phonisiwa, aritši mo nkare ke mo le makela moyano mo le re le dumela ga Jeso.

3 Ga dilo tsa mathomo tso ke le butsiyeng tsona, ke tso le nna ke di krayyeng ga Morena, tsa gore Kreste o re kgwele ka taba la tso re di sinnyeng go ya ka mokgo Mangwalo ma hlayang, 4 le gore ba mmulukiye ke mokane a tsusiwa ka letšatši la boraro go ya ka mokgo Mangwalo ma hlayang. 5 Fote o yye a nyarela ga Khefase,* a nyarela le ga mapostola yage, 6 ka nthago ga mone, a nyarela ga malata yage* ya go teya ka ku ga 500 ya gore ke mo ma gahlanne polekeng ka yyoši, fote ya go tlala ya gona ma sa na ma phela mara ya mangwana ma kgwile. 7 Fote ka nthago o yye a nyarela ga Jakobo le ga mapostola ka mokana ga wona. 8 Mara mafelelong o nyarele gaka, tsa nkare ke belegiwwe nako yi soko segela.

9 Ke nna lepostola la go sa re selo, fote a di ntshwanele gore ba mpitse lepostola ka gore ke hlorisiye phutego ya Modimo. 10 Mara ka taba la gore Modimo o nkwele go baba, le nna gana byalo ke lepostola. Taba ya gore Modimo o nkwele go baba yi gelepiye ka matla, ka gore ke berekiye go phala mapostola ka mokana ga wona, mara a ke ya di maka ka matšhika yaka, ke gelepiye ke Modimo ka gore ke mo a nkwela go baba. 11 Kela go tšhomayela nna kela go tšhomayela bona, ka mokana ga rune re tšhomayela molayetsa ka wwoši fote ka mokgonone lune le dumele.

12 Mo nkare re tšhomayela gore Kreste ba mo tsusiye ga bo ba kgwileng, ke ntaba ba bangwana mone ga lune ba re taba ya go tsusiwa ga batho a yi šiyo? 13 Mo nkare ka nnete taba ya go tsusiwa ga batho a yi šiyo, di rela gore le Kreste aa tsusiwa. 14 Fote mo nkare Kreste aa tsusiwa di rela gore tso re di tšhomayelang a di thuši ka selo, le tumelo ya lune a yi le gelepe ka selo. 15 Go tokegela gana hone, mo nkare bo ba gore ba kgwile ba ka sa tsusiwi di rela gore Modimo aa tsosa Kreste. Tsotsone di ko ba di rela gore re bolabola matsaka ka Modimo mo re re o tsusiye Kreste. 16 Mo nkare ka nnete taba ya go tsusiwa ga batho a yi šiyo, di rela gore le Kreste aa tsusiwa. 17 Mo nkare Kreste aa tsusiwa, le tumelo ya lune a yi le gelepe ka selo fote a le so tshwarediwi ga tso le di sinnyeng. 18 Le ba gore ba kgwile ka taba la Kreste, di ra gore ba ka sa sa tsoga. 19 Mo nkare re dumela ga Kreste ka taba la gore re ya phela gana byalo, di kwisa go baba tsa rune.

20 Mara Kreste ba mo tsusiye ga bo ba kgwileng, ke yene wa mathomo ga bo ba go tsusiwa.* 21 Ka gore likgu le tlile ka motho ka wwoši, le tsa go tsoga ga bo ba kgwileng di nyoko tla ka motho ka wwoši. 22 Go fo tshwana le mo batho ba kgwa ka taba la Adamo, le ka Kreste batho ka mokana ga bona ba nyoko phela. 23 Mara di nyoko makega ka letheto: Go thomme* Kreste a tsoga ga bo ba kgwileng, ke mokane ka nthago go nyoko tsoga bo go leng ba Kreste mo yene a boya. 24 Ke mokane ka nthago, Jeso o nyoko busetsa Mmušo ga Modimo wa gore fote ke Papage, tsowa di nyoko makega mo a fetsiye ka bo ba go lawola le ka memmušo ka mokana ga yona. 25 Ka taba la gore Jeso o tshwanele a lawole go le kgoši go segela Modimo a hlula manaba yage. 26 Fote lenaba la mafelelo lo ba reng ke likgu, go nyoko fela ka lona. 27 Modimo “o beyye dilo ka mokana ga tsona ka tlase ga mawoto ya Jeso.” Mara mo a re dilo ka mokana ga tsona, a di rele gore le Modimo o ka tlase gage. Ke yene wa gore o beyye dilo ka mokana ga tsona ka tlase gage. 28 Byalo, mo dilo ka mokana ga tsona di le ka tlase ga Jeso, yene Morwayi o nyoko tinyanafatsa ga Modimo wa gore o makiye gore dilo ka mokana ga tsona di be ka tlase gage, gore Modimo a be dilo ka moka ga batho ka mokana ga bona.    

29 Byalo, bo ba gore ba kolobetsele go kgwa, ba nyoko maka byang? Mo nkare bo ba gore ba kgwile ba ka sa tsusiwi, ke ntaba ba kolobetsela go kgwa? 30 Ke ntaba re dula re le kotsing ka dinako ka moka? 31 Ke lebanne le likgu ka moka matšatši. Magageru, wa tšiba ke le thanaka ka matla. Ke jabola ka taba la lune, go fo tshwana le mo ke gadimisa Morena wa rune Kreste Jeso. 32 Mo nkare ke lwile le diphoolwane ku Efeso go tshwana le banna* ba bangwana, di n’gelepa ka ying tsotsone? Mo nkare bo ba gore ba kgwile ba ka sa tsusiwi, “Tla re jeneng re nweneng ka taba la gore ka motshwana re nyoko kgwa.” 33 Le sa tshokanye ke motho. Mo motho a nghanelana le batho ba go maka tsa go befa, o nyoko fokoga. 34 Le nagane dilo tsa gabutši fote le sa make dilo tsa go sa loka, ka taba la gore ba bangwana ba lune a le nape le mo tšiba gabutši ga Modimo. Ke le botsa dilo tsowa gore le šale le tšebiye.

35 Mara ye mongwana o nyoko re: “Batho bo ba kgwileng ba nyoko tsusiwa ka mokgo mang? Mo ba tsoga, ba nyoko ba le mmele wa mohlobo mang?” 36 Wene sephokophoko tena! So o se gašiyeng se ka sa phele mo se sa thomisa ka go kgwa. 37 Mo o gaša, a wo gaše selo sa gore se šele se gudiye, mara o gaša pewu, go ka fo ba go le ya korong kela ye nngwana. 38 Mara Modimo o nyoko yi maka gore yi gole ka mokgo a nyakang, fote mo di gola a di gole go tshwana. 39 Dinama a di tshwane, go na le nama ya motho, go na le nama ya kgomu, go na le nama ya dinonyane, fote go na le ya hlapi. 40 Go na le mmele wa legedimong le mmele wa lefaseng mara mmele wa legedimong wo bafele ka mokgwa wa wona le mmele wa lefaseng wo bafele ka mokgwa wa wona. 41 Letšatši le bafele ka mokgwa wa lona, ngwedi wo bafele ka mokgwa wa wona, le dinanedi di bafele ka mokgwa wa tsona fote nanedi ye nngwana le ye nngwana yi bafele ka mokgwa wa yona.

42 Di nyoko ba ka mokgonone ga bo ba kgwileng mo ba tsusiwa. Mmele wa gore wo kgwile wa bola, mara mmele wa gore wo tsusiwwe wona a wo bole. 43 Mo mmele wo bulukiwa* wa bola fote mo wo tsusiwa wa hlompiwa. Mo mmele wo bulukiwa wa lelemela mara mo wo tsusiwa wo tsoga wo na le matšhika. 44 Wo gašiwa go le mmele wa go phela lefaseng, ke mokane wa tsoga go le mmele wa go phela legedimong. Mo nkare go na le mmele wa go phela lefaseng, le wa go phela legedimong wo gona. 45 Byalo go ngwadiwwe gore: “Motho wa mathomo Adamo ke mo go le motho wa mathomo wa go phela.” Adamo wa mafelelo, gwa ba motho wa go neya batho lephelo. 46 Mara a go thomisi mmele wa go phela legedimong, go thomisa wa go phela lefaseng ke mokane ka nthago gwa tla wa go phela legedimong. 47 Motho wa mathomo o tšwa ho lefaseng fote o makiwwe ka lerole, mara ye wa bobedi o tšwa legedimong. 48 Batho ba ho lefaseng ba tshwana le ye wa gore Modimo o mo makiye ka lerole. Bo ba ku legedimong ba tshwana le ye wa gore o tšwa gona. 49 Ka gore re tshwana le ye wa gore ba mo makiye ka lerole, di rela gore le ye wa gore o tšwa legedimong re nyoko tshwana naye.

50 Mara ke ya le botsa magageru, nama le madi di ka sa kene Mmušong wa Modimo fote le selo sa gore se ya bola, di ka sa makege gore se sa sa bola. 51 Byalo ke ya le botsa, sephiri sa go hlawolega ke sowa: Re ka sa kgwe ka mokana ga rune, mara ka mokana ga rune re nyoko tšhentšha 52 ka go yakgoswa, go fo tshwana le mo lihlo le re ponyi, mo go lla porompeta ya mafelelo. Ka gore porompeta yi nyoko lla, ke mokane bo ba kgwileng ba nyoko tsoga ka mmele wa gore a wo bole, ke mokane Modimo o nyoko re tšhentšha. 53 Mmele wa gore wa bola wa tšhentšha wa sa sa bola, fote le motho wa gore wa kgwa wa tšhentšha gore a sa sa kgwa. 54 Mara mo mmele wowa wa gore wa bola wo tšhentšha wo sa sa bola fote le wowa wa gore wa kgwa wo tšhentšha wo sa sa kgwa, go nyoko makega tso di ngwadiwweng tsa gore: “Go fediye ka likgu.” 55 Wene likgu, a wa hlula ka taba la gore a wo sa na matšhika ya go kwisa batho go baba! 56 Tso tsa go sinya di maka gore likgu le be le matšhika fote le Molawo ke wona wo makang gore tso tsa go sinya di be le matšhika. 57 Mara re leboga Modimo ka taba la gore o makiye gore re hlule a berekisa Morena wa rune Jeso Kreste!

58 Byalo magageru, le tiyelele, le sa tekateki, le karakare ga tso tsa Morena le kene le di tšiba tsa gore mmereko wo le wo makelang Morena a yi wa mahala.