Tsowa di Hlatolla ke Luka

6 Ka sabatha Jeso o yye a bhukulela tšhomong ya korong, malata yage ke mo ma kga dithoro, ma di fuhla ke mokane ma di ja. 2 Mo ma maka tsotsone, Mafaraseyi ya mangwana, ma re: “Ke ntaba le maka tso di sa makiwing ka Sabatha?” 3 Mara mo Jeso a ma fetola a re: “Anthe a le ya bala tso Dafita a di makiyeng nakwela yene le banna bo ne a le nabo ba kwa tlala? 4 Gore o kenne ntlong ya Modimo a tseya sekgwa sa go hlawolega a se ja, a neya le banna bala ne a le nabo. Go ya ka molawo sekgwa sone ke mo se tshwanele se je ke maprista fela.” 5 Jeso a re ga bona: “Morwayi wa motho ke Morena wa Sabatha.”

6 Ka sabatha ye nngwana, Jeso o yye a kena ka sinagogeng ke mokane a thomisa go tšhutisa. Gana hone ke mo go na le monna wa gore letsogo lage la go ja ke mo le kokotanne.* 7 Bomabhalane le Mafaraseyi ke mo ba ramele Jeso, ba nyaka go bona gore ayitsano o nyoko yalafa motho yela ka Sabatha, gore ba thogo kraya so ba ka mo tantetsang ka sona. 8 Mara Jeso ke mo a tšiba tso ba di naganang, a re ga monna yela wa letsogo la go kokotana:* “Tlogamela o yeme howa gare.” A tlogamela a ya. 9 Jeso a ba butsisa a re: “Nje molawo wa dumela gore motho a make tsa gabutši kela tsa go befa ka Sabatha, go phonisa lephelo kela go bolaya?” 10 Mo a fetsa go ba lebelela, a re ga monna yela: “Wolola letsogo lago.” Monna yela a maka tsotsone ke mokane letsogo lage la boyela sekeng sa lona. 11 Ba kwata ka matla, ba thomisa go bolabola ba ntoši gore ba ka mo maka ying ga Jeso.

12 Ka nthago ga mone, Jeso a ya thabeng go ye rapeleng, o fetsiye bošego ka moka a rapela Modimo. 13 Mo bo šele bo sele, a bitsa malata yage, gana hone a hlawola 12 ya bona gore go be mapostola yage: 14 Simone wa gore Jeso o yye a mo reya gore ke Petro le bhuti wage ye ba reng ke Andreya, Jakobo, Johane, Filipi, Bhatholomeyo, 15 Matewu, Tomase, Jakobo morwayi wa Alfiyosi, Simone ye ba reng “o na le matšato,” 16 Judase morwayi wa Jakobo, le Judase Iskariyoti wa gore o yye a rekisa Jeso.

17 Jeso a phologa nabo hala thabeng, a yema ga poleke ya gore yi psyatlalele, fote gana hone ke mo go na le malata yage ya mangwana, le batho ba go tlala ba go tšwa Judiya le Jerusalema le dipolekeng tsa Tira le Sidoni, ba gore ke mo ba tl’le theetsela Jeso fote ba nyaka a ba yalafa. 18 Le bo ke mo ba kenne ke madimona ba yye ba yalafiwa. 19 Mo batho ba mo tikisa, matšhika ma yye ma tšwa gage fote ka mokana ga bona ke mo ba yalafega. Ka taba la tsotsone, batho ka mokana ga bona ne ba nyaka go mo tikisa.

20 A lebelela malata yage ke mokane a re:

“Go jabola lune ba gore le ya tihlupegela, ka taba la gore Mmušo wa Modimo ke wa lune.

21 “Go jabola lune ba gore le kwa tlala gana byalo, ka taba la gore le nyoko yenetsiwa.

“Go jabola lune ba gore gana byalo le ya lla, ka taba la gore le nyoko jabola.

22 “Go jabola lune mo batho ba le hloya, ba le hlawola, ba le kwera fote ba le sinya mabitso ka taba la Morwayi wa motho. 23 Napaneng le ro jabola ka letšatši lone. Theetselaneng! Patela ya lune ke ye kgolo ku legedimong, ka taba la gore ke tso bokokwane ba bona ne ba di maka ga baporofeta.

24 “Le ko tikweleng lune ba go ghanya, ka taba la gore tso le nang natso gana byalo ke tsona fela tso le nyoko di krayang.

25 “Le ko tikweleng lune ba gore le kguri, ka taba la gore le nyoko kwa tlala.

“Le ko tikweleng lune ba gore le ya tshega gana byalo, ka taba la gore le nyoko kgongwela la boya la lla.

26 “Le ko tikweleng lune ba gore ba le bolabola gabutši, ka taba la gore ke tso bokokwane ba bona ba di makiyeng ga baporofeta ba matsaka.

27 “Mara ke re ga lune: Ariyeneng mahlong le kwana le manaba ya lune, le bo ba le hloyyeng le ba makele tsa gabutši, 28 bo ba le rogelelang le bolabole gabutši ka bona, le rapeleleneng bo ba sa le tshwareng gabutši. 29 Mo motho a go teya ka mpamo, o beyelele a go teye le ka mo go gongwana, le ye a tseyang kobo yago ya ka tawong o mo neye le ya ka teng. 30 Ye mongwana le ye mongwana ye a kgopelang selo gago o sa mo kone, le mo motho a go tseyela dilo tsago, o sa re a di leye.

31 “Fote tso le nyakang batho ba le maka tsona, le lune le ba make tsona.

32 “Di nyoko le gelepa ka ying mo le kwana le ba gore ba kwana le lune? Ka taba la gore le ba go sinya ba maka ka mokgonone. 33 Di nyoko le thuša ka ying mo le gelepa bo ba le gelepang? Phela le bo ba go sinya ba maka ka mokgonone. 34 Fote di nyoko le gelepa ka ying mo le yadima* batho dilo, le tšiba gore ba nyoko le patela? Phela le bo ba go sinya baa yadimisana bona beng, ba tšiba gore ba nyoko kraya dilo tsa bona di felegelele. 35 Mara lune ariyeneng mahlong le kwana le manaba ya lune, le make tsa gabutši, le yadimise le sa yemele gore ba le neye se sengwana, fote le nyoko rufiwa la ba bana ba Modimo wa ku Magedimong, ka taba la gore o lukiye ga bo ba gore a ba leboge le ba dipelo tse di phifadu. 36 Ariyeneng mahlong le kwelana go baba, go fo tshwana le mo Papa wa lune a kwelana go baba.

37 “Go tokegela gana hone, le lisetseneng go yahlula gore le lune ba sa le yahlule, fote le lisetseneng go poyilana gore le lune ba sa le poyili. Ariyeneng mahlong le tshwarelana, le lune ba nyoko le tshwarela. 38 Ariyeneng mahlong le neyana tso le nang natso, le lune ba ko le neyeng. Ba nyoko le kgotolela ho maphutong ya dikobo tsa lune ka sekala sa go yenela, ba nganela, ba kikitela, gwa šinya go falala. Le sekala so le kalang ka sona le lune ba nyoko le kalela ka sona.”

39 Ayitsano motho wa go popela maahlo a ka yetetsa motho ye mongwana wa go popela maahlo? Ba nyoko goromela sekoting ba le ka babedi. 40 Ye ba mo tšhutisang* a ka sa phale thitšere yage, mara ye mongwana le ye mongwana ye ba mo tšhutisang gabutši o nyoko tshwana le thitšere yage. 41 Byalo, ke ntaba o nyakela lehlokwa ka teng ga lihlo la ngwanenu, hala wene o sa bone kwata yo yi leng ka teng ga lihlo lago? 42 O mmotsa byang ga ngwanenu o re, ‘Ye mogageru, yema ke tlose lehlokwa ka ho teng ga lihlo lago,’ hala wene beng o sa bone kwata yo yi leng ka teng ga lihlo lago? Wene wa go timakisa! Thomisa ka go tlosa kwata yo yi leng lihlong lago, ke mokane o ko thogo bona gabutši gore o ka tlosa byang lehlokwa lo le leng ka teng ga lihlo la ngwanenu.

43 “Mohlare wa gabutši wo ka sa yengwe tsa go bola, le mohlare wa go bola wo ka sa yengwe tsa gabutši. 44 Ka taba la gore mohlare re wo tšiba ka diyengwa tsa wona. Mo re beyisa, batho a ba kge mago mmutlweng, fote a ba kge didhriva ga hlaga ya mmutlwa. 45 Motho wa go loka o sabalatsa dilo tsa gabutši, a di ntsha ga dilo tsa gabutši tso a nang natso, mara motho wa pelo ye phifadu, o sabalatsa dilo tsa go befa a di ntsha ga dilo tsa go befa tso a nang natso.

46 “Byalo ke ntaba le re gaka, ‘Morena! Morena!’ mara tso ke le botsang tsona le sa di make? 47 Ke nyoko le šupetsa gore ye mongwana le ye mongwana ye a kwang tso ke di hlayang a boya a di maka o tshwana le mang: 48 O tshwana le monna wa gore mo a yaga ntlo o napa a yepa a yisa fase, a yaga fandhiši yage gedimo ga letlapa. Ke mokane pula ya na, gwa ba le mogogola, wa teya ntlo yela mara ya sa bobomele ka taba la gore yi yagiwwe gabutši. 49 Go tokegela gana hone, ye mongwana le ye mongwana ye a kwang tso ke di hlayang mara a sa di make, o ko ba a tshwana le motho wa go yaga ntlo yage a sa thomisa ka fandiši. Gwa ba le mogogola, wa teya ntlo yela ya bobomela gwa napa go fela ka yona.”