GENESI

1 Ku mathomisong Modimo o makiye magedimo le lefase.

2 Lefase ke mo le se na selo fote le sa dulege, ke mo go fifele mo go nang le meetši fote moya wa Modimo ne o fo ya ku le ku mo gedimo ga meetši.

3 Ke mokane Modimo a re: “Go be le go khanya.” Ke mokane gwa khanya.

4 Ka nthago ga hone Modimo a bona gore go khanya go bafele, ke mokane Modimo a thomisa go yahluganya go khanya le letshwifi. 5 Modimo a re go khanya mone ke Motshegare mara a re letshwifi lone ke Bošego. Byalo gwa ba ka malobana ke mokane bya sa. Tsowa ke tsa letšatši la mathomo.

6 Ke mokane Modimo a re: “Go be le sebakabaka segare ga meetši, fote meetši ma yahlugane.” 7 Modimo a ya mahlong a maka sebakabaka, a yahluganya meetši ya ma leng ka tlase ga sebakabaka ga meetši ya ma leng ka gedimo ga sebakabaka. Gwa fo ba ka mokgonone. 8 Modimo o yitseri sebakabaka sone ke Legedimo. Byalo gwa ba ka malobana ke mokane bya sa. Tsowa ke tsa letšatši la mabedi.

9 Ke mokane Modimo a re: “Meetši ya ma leng ka tlase ga magedimo ma kgobakane ma be polekeng ka yyoši, fote go bonale le poleke ya gore yi womme.” Gwa fo ba ka mokgonone. 10 Modimo a re poleke yone ya gore yi womme ke Lefase, mara meetši ya gore ma kgobakanne ya gore ma polekeng ka yyoši a re ke Mawatle. Modimo a di bona gore di bafele. 11 Ke mokane Modimo a re: “Lefase le nyaretse mabyang, dimilane tsa gore di na le pewu le mehlare ya diyengwa ka mehlobohlobo, di nyaretse diyengwa le pewu ho lefaseng.” Gwa fo ba ka mokgonone. 12 Ke mokane lefase la thomisa go nyaretsa mabyang, dimilane tsa gore di na le pewu le mehlare ya gore yi nyaretsa diyengwa tsa go ba le pewu go ya ka mehlobo ya tsona. Modimo a di bona gore di bafele. 13 Byalo gwa ba ka malobana ke mokane bya sa. Tsowa ke tsa letšatši la kararo.

14 Ke mokane Modimo a re: “Go be le tsa go khanyisa ku sebakabakeng sa magedimong, gore go be le motshegare le bošego, fote di nyoko šupetsa dinako tsa go fisa le tsa go bata, matšatši le mengwaga. 15 Di nyoko khanyisa ku sebakabakeng sa magedimong gore di thogo khanyisa gedimo ga lefase.” Gwa fo ba ka mokgonone. 16 Ke mokane Modimo a ya mahlong a maka dilo ka dipedi tse dikgolo tsa go khanyisa, sa go khanyisa ka matla ke mo se khanyisa motshegare, sa go khanyisa ka gonyana ke mo se khanyisa bošego, a maka le dinanedi. 17 Modimo a di beya ku sebakabakeng sa magedimong gore di khanyise lefase 18 le gore di bonale motshegare le bošego fote di fapanise go khanya le letshwifi. Modimo a bona di bafele. 19 Byalo gwa ba ka malobana ke mokane bya sa. Tsowa ke tsa letšatši la kanne.

20 Ke mokane Modimo a re: “Meetši ma tlale ka diphoolwane tsa go phela fote tsa go phurrwa di phurrwe ka gedimo ga lefase ku sebakabakeng sa magedimong.” 21 Modimo a maka diphoolwane tsa go tshosa tsa ku lewatleng le diphoolwane ka mokana ga tsona tsa go phela ka teng ga meetši go ya ka mehlobo ya tsona, a maka le diphoolwane ka mokana ga tsona tsa go phurrwa go ya ka mehlobo ya tsona. Modimo a bona di bafele. 22 Ke mokane Modimo a di rufa a re ga tsona: “Beleganeng le tlale, le tlatse meetši ya lewatle, le dilo tsa go phurrwa di tlale ho lefaseng.” 23 Byalo gwa ba ka malobana ke mokane bya sa. Tsowa ke tsa letšatši la kapheta.

24 Modimo a re: “Lefase le ntshe diphoolwane go ya ka mehlobo ya tsona, diphoolwane tsa gaye, tsa go gogoba ka dimpa le tsa hlaga go ya ka mehlobo ya tsona.” Gwa fo ba ka mokgonone. 25 Modimo a ya mahlong a maka diphoolwane tsa hlaga tsa mo lefaseng go ya ka mehlobo ya tsona, diphoolwane tsa gaye go ya ka mehlobo ya tsona le diphoolwane ka mokana ga tsona tsa go gogoba ka dimpa go ya ka mehlobo ya tsona. Modimo a bona di bafele.

26 Ke mokane Modimo a re: “Tla re make motho gore a tshwane le rune, a tseyele ga rune, a lawole dihlapi tsa lewatle, dilo tsa go phurrwa ku magedimong, diphoolwane tsa gaye, lefase ka mokana ga lona le diphoolwane ka mokana ga tsona tsa go gogoba ka dimpa tsa ho lefaseng.” 27 Modimo a maka motho gore a tshwane naye, a maka gore a tseyele gage; a maka gore go be monna le mosadi. 28 Modimo o yye mahlong a ba rufa ke mokane a ba botsa gore: “Beleganeng le tlale, le tlatse lefase le le lawole, le lawole le dihlapi tsa lewatleng le dilo tsa go phurrwa tsa ku magedimong le selo se sengwana le se sengwana sa go phela sa mo lefaseng.”

29 Ke mokane Modimo a re: “Ke le neya dimilane ka mokana ga tsona tsa ho lefaseng tsa gore di ba le pewu le mohlare wo mongwana le wo mongwana wa go ba le diyengwa tsa gore di na le dipewu. Go nyoko ba tsa go ja tsa lune. 30 Phoolwane ye nngwana le ye nngwana ya hlaga ya ho lefaseng, selo se sengwana le se sengwana sa go phurrwa sa ku magedimong le dilo ka moka tsa go phela tsa ho lefaseng ke di neyye dimilane gore go be tsa go ja tsa tsona.” Gwa fo ba ka mokgonone.

31 Ka nthago ga hone, Modimo o yye a lebelela dilo ka mokana ga tsona tso a di makiyeng. Ye lune! ke mo di bafele. Byalo gwa ba ka malobana ke mokane bya sa. Tsowa ke tsa letšatši la kobodi.

2 Modimo a fetsa go maka magedimo le lefase le dilo ka mokana ga tsona tso di leng ga tsona. 2 Ka letšatši la kašupa (7), Modimo ke mo a fetsiye go maka tso ne a di maka, a thomisa go khutsa ka letšatši la kašupa ga mmereko ka moka wo ne a wo maka. 3 Modimo a ya mahlong a rufa letšatši la kašupa fote a maka gore le hlawolege, ka taba la gore ka letšatši lone Modimo o khutsiye ga mmereko wo ne a wo maka. Modimo o makiye dilo ka mokana ga tsona tso ne a polanne go di maka.

4 Tsowa ke tso di makegiyeng nakwela go makiwa magedimo le lefase, ka letšatši lo Jehova* Modimo a makiyeng lefase le legedimo.

5 Ke mo go se na mašahla mo lefaseng fote ke mo go se na dimilane ka taba la gore Jehova Modimo ne a soko nisa pula mo lefaseng, fote ke mo go soko bane go ba le batho ba gore ba ka lima. 6 Mara mogudi ke mo wo tšwa mo fase gore go thogo thambha.

7 Jehova Modimo a ya mahlong a maka motho ka lerole la mo fase, a butšwelela moya ka mo dinkong tsage a maka gore a phele, ke mokane motho yene a napa a phela. 8 Go tokegela gana hone, Jehova Modimo a maka gore go be le tšhomo ya Edeni ka bohlabela, a beya motho ye a mo makiyeng gana hone. 9 Jehova Modimo a maka gore mo fase go mile mehlare ya gore ke mo yi jabodisa mo o yi lebelele fote yi na le diyengwa tsa gabutši tsa gore o ka di ja, a maka le mohlare wa lephelo wa gore ke mo wo le gare ga tšhomo yone le mohlare wa go tšiba sa gabutši le sa gore a yi sa gabutši.

10 Byalo, ke mo go na le noka ya go yela yi tšwa Edeni yi tšheletsa tšhomo yone, ya yahlugana gwa ba dinoka ka dine. 11 Lebitso la noka ya mathomo (1) ke Pišoni; ke yona ya gore yi dukulugiye poleke ya Havila ya gore yi na le gholdi. 12 Gholdi ya poleke yone yi gabutši ka matla. Fote ke mo go na le bolepo* le letlapa la go tseyediwa gedimo.* 13 Lebitso la noka ya mabedi (2) ke Ghihone; ke yona ya gore yi dukulugiye poleke ya Khuše. 14 Lebitso la noka ya kararo (3) ke Hidhekele;* ke yona yi yelelang bohlabela bya Asiriya. Ke mokane lebitso la noka ya kanne ke Eforate.

15 Jehova Modimo a tseya motho a mmeya tšhomong ya Edeni gore a yi lime fote a yi pasope. 16 Jehova Modimo a botsa motho yene gore: “O ka ja ga mohlare wo mongwana le wo mongwana wa mo tšhomong wa šinya o kgotsofala. 17 Mara o sa ji ga mohlare wa go tšiba sa gabutši le sa gore a yi sa gabutši, ka taba la gore ka tšatši lo o jang ga wona o nyoko kgwa.”

18 Jehova Modimo a re: “A di gabutši mo monna a dula a ntoši. Ke nyoko mo makela wa go mo gelepa, wa gore o nyoko tshwarisana naye.” 19 Byalo, Jehova Modimo o berekisiye mobu gore a make phoolwane ye nngwana le nngwana ya hlaga le selo se sengwana le se sengwana sa go phurrwa ku magedimong. A thomisa go di leya ga monna a nyaka go bona gore o di reya mabitso ya mošaga mang; ka mokgo ne a reya selo se sengwana le se sengwana sa go phela ke mo go ba lebitso la sona. 20 Byalo, monna yene a reya diphoolwane ka moka tsa gaye mabitso, dilo tsa gore di phurrwa ku magedimong, a reya le phoolwane ye nngwana le nngwana ya hlaga, mara yene ke mo a se na motho wa go mo gelepa wa gore a ka tshwarisana naye. 21 Byalo, Jehova Modimo a maka gore monna a yetsele boroko byo bogolo, mo a kene a yetsele a ntsha hlokoro ka yyoši ke mokane a kwala. 22 Jehova Modimo a tseya hlokoro yo a yi ntshiyeng ga monna a maka mosadi, ke mokane a leya mosadi yene ga monna.

23 Ke mokane monna a re:

24 Nka taba lo monna a nyoko šiyang papage le mmane wage a ngangarela mosadi wage, ke mokane go nyoko ba nama ka yyoši. 25 Monna yewa le mosadi wage ke mo ba sa tšwara, mara ke mo di sa ba tšebisi.

3 Noga ke mo go le yona ya go hlalefa gare ga diphoolwane tsa hlaga ka mokana ga tsona tso Jehova Modimo a di makiyeng. Byalo ya re ga mosadi: “Ayitsano Modimo o yitseri le sa ji tsa mohlare wo mongwana le wo mongwana ho tšhomong?” 2 Mo noga yi reyane, mosadi a re: “Diyengwa tsa mehlare ya ho tšhomong re ka ja. 3 Mara Modimo mo a bolabola ka diyengwa tsa mohlare wa gare ga tšhomo o yitseri: ‘Le sa ji, le go di tikisa le sa di tikisi; mo le ka ja le nyoko kgwa.’” 4 Mo mosadi a reyane, noga ya re: “Le ka sa ro kgwa. 5 Ka gore Modimo wa di tšiba gore tšatši lo le jang, maahlo ya lune ma nyoko bulega fote la tshwana le Modimo, la tšiba tsa gabutši le tsa gore a yi tsa gabutši.”

6 Ke mokane mosadi a bona diyengwa tsa mohlare wone di le gabutši gore ba ka di ja, di bafele fote di nabetsa mo o di lebelele. Byalo a kga, a ja. Ka nthago, a neya le monnage mo a šele a le naye, monnage le yene a ja. 7 Ke mokane maahlo ya bona ma bulega, ba napa ba di bona gore a baa tšwara. Byalo, ba roka matlakala ya mogo ba ma tlema ho masekeng ya bona.

8 Ka nthago, ba kwa lentsu la Jehova Modimo mo a sepela hone tšhomong mo go thomisa go teya semoyane sa go hlaba sa ka malobana, monna yene le mosadi wage ba wutamela Jehova Modimo ga mehlare yo ne yi le mone tšhomong. 9 Jehova Modimo a ya mahlong a bitsa monna yene a re gage: “Anthe o kaye?” 10 A fetsa a yitseri: “Ke kwile lentsu lago ho tšhomong mara ka tšhoga ka taba la gore ne ke sa tšwara, byalo ka wutama.” 11 Mo a reyane, Modimo a re: “O kwile mang gore a wa tšwara? O jile ga mohlare wela ke yitsereng o sa ji akere?” 12 Monna yene a re: “Mosadi ye o nneyyeng yene, o nneyye seyengwa sa mohlare wone, nna ka ja.” 13 Jehova Modimo a re ga mosadi yene: “O makiye ying?” Mosadi yene a re: “Ke tshokannye ke noga, nna ka ja.”

14 Ke mokane Jehova Modimo a botsa noga gore: “Ka taba la gore o makiye dilo tsowa, ke wene wa gore o nyoko ba le senyama gare ga diphoolwane ka mokana ga tsona tsa gaye le diphoolwane ka mokana ga tsona tsa hlaga. O nyoko gogoba ka dimpa fote o nyoko ja lerole lephelo lago ka mokana ga lona. 15 Ke nyoko maka gore wene le mosadi le hloyane le bana ba lune ba nyoko hloyana. O nyoko go pshyaya hlogo yowa, wene o nyoko mo loma serethe.”

16 Modimo a botsa mosadi gore: “Ke nyoko maka gore o kwe go baba ka matla mo o yimme; o nyoko kwa go baba mo o belega bana, fote o nyoko hlologela monnago, yene o nyoko go lawola.”

17 Ke mokane a botsa Adamo gore: “Ka taba la gore o theetsele lentsu la mosadi wago, wa ja tsa mohlare wa gore ke yitseri, ‘Le sa ji ga wona,’ mobu wo na le senyama ka taba lago. O nyoko bereka go baba lephelo lago ka mokana ga lona gore o kraye tsa go ja. 18 Go nyoko mila metlwa le ngwere, fote o nyoko ja dimilane. 19 O nyoko bhahla gore o kraye tsa go ja go segela o boyela mobung mo o tšwang gona. Ka gore o fo ba lerole fote o nyoko boyela ga lona.”

20 Ka nthago ga mone, Adamo a reya mosadi wage gore ke Efa,* ka taba la gore ne go nyoko ba mmane wa ye mongwana le ye mongwana wa gore wa phela. 21 Ke mokane Jehova Modimo a makela Adamo le mosadi wage dikobo tsa go lefa ka mokgopa gore ba thogo tšwara. 22 Jehova Modimo a re: “Motho o šele o tshwana le rune, o tšiba sa gabutši le sa gore a yi sa gabutši. Byalo, gore a sa boyele a kga seyengwa sa mohlare wa lephelo a se ja, a phela go ya go yye,—” 23 Jehova Modimo a mo raka tšhomong ya Edeni gore a ye lima mobu wo a ntshiwweng ga wona. 24 Mo a šele a mo rakiye, a beya makerubi ka bohlabela bya tšhomo ya Edeni le sabola ya go ba le mollo ya gore ke mo yi dula yi dukuluga, yi pasopiye tsela ya go ya ga mohlare wa lephelo.

4 Byalo Adamo a yetsela le mosadi wage Efa ke mokane a yima. Mo a šele a belegiye Kayine, Efa a re: “Jehova o n’gelepiye gore ke belege ngwana wa mošomanyana.” 2 Ka nthago a belega bhuti wage Abele.

Abele ke mo a disa morape, mara Kayine ke mo a lima. 3 Mo nako yi kene yi ya, Kayine a makela Jehova sehlabelo ka tso a di bunneng. 4 Abele o makiye sehlabelo ka matšibula ya morape wage le makgura ya gona. Jehova ne a jabodisa ke Abele le sehlabelo sage, 5 mara ke mo a sa jabodisi ke Kayine le sehlabelo sage. Byalo Kayine a fufulela fote a kgongwela. 6 Jehova a re ga Kayine: “O kwatele ying fote o kgongwetsa king? 7 Mo o ka sokologa wa maka tsa gabutši, ke nyoko go yamogela. Mara mo o ka sa make tsa gabutši tso tsa go sinya di nyoko go tsatsela dya go hlula; o ko ba o maka gabutši mo o ka hlula tso tsa go sinya.”

8 Ka nthago ga hone, Kayine a botsa bhuti wage Abele a re: “Koriye ku mašahleng.” Mo ba le ku mašahleng, Kayine a hlasela bhuti wage Abele a mmolaya. 9 Ka nthagonyana, Jehova a re ga Kayine: “Bhuti wago Abele o kaye?” Yene a re: “A ke tšibi. Anthe ke pasopana le bhuti waka nna?” 10 Mo a reyane, Modimo a re: “O makiye ying? Theetsela! Madi ya bhuti wago ma nllela ma le ku mobung. 11 Byalo, o na le senyama, ke nyoko go raka ga mobu wo wa gore wo kgwisiye madi ya bhuti wago ya gore ma tšwa matsogong yago. 12 Mo o lima mo fase o ka sa bune selo. O nyoko fo dula o tšhaba o yinghayingha le lefase lowa.” 13 Kayine a botsa Jehova a re: “Tso o n’wololang ka tsona ke tse dikgolo ka matla fote dya nroba. 14 Lekgono wa nraka mo nageng, fote nka sa sa kgona go šutela thina nago; ke nyoko fo dula ke tšhaba ke yinghayingha le lefase lowa fote ye a nkrayang o nyoko mpolaya.” 15 Byalo Jehova a re: “Mo go le ka mokgonone, ye a bolayang Kayine o nyoko patela ga šupa.”

Byalo Jehova a maka so ba ka bonang* ka sona gore mo ba kraya Kayine ba sa mmolaye. 16 Ke mokane Kayine a tloga mahlong ga Jehova a ya a dula ga poleke* ya gore batho ba tšhabela ga yona ya gore yi ka bohlabela bya Edeni.

17 Ka nthago, Kayine a yetsela le mosadi wage ke mokane a yima, a belega Inoko. Ke mokane a yaga mutši wa gore o wo reyye ka morwayi wage Inoko. 18 Inoko gwa ba papa Iradi. Iradi gwa ba papa Mehujayele, Mehujayele gwa ba papa Methušayele ke mokane Methušayele gwa ba papa Lameke.

19 Lameke a tseya basadi ka babedi. Lebitso la wa mathomo ke mo go le Ada, la wa bobedi go le Zila. 20 Ada a belega Jabhala. Ke yene wa mathomo wa go dula matenteng a ruwa merape. 21 Lebitso la bhuti wage ke mo go le Jubhale. Ke yene wa mathomo ga bo ba go kgana harepa le flutu. 22 Zila le yene a belega Tubhala-kayine, wa gore ke mo a maka mohlobo wo mongwana le wo mongwana wa dithulusu tsa koporo le tshipi. Sesi wa Tubhala-kayine ke mo go le Nayama. 23 Ke mokane Lameke a botsa basadi bage Ada le Zila mantsu yawa ya gore:

“Lune basadi ba Lameke, theetselaneng lentsu laka;

Theetselaneng tso ke di hlayang:

Ke bolayye motho ka taba la gore o nkwaletsiye,

Eya, ke ra mosogana ka taba la gore o nteyye.

24 Mo nkare ye a bolayang Kayine ba nyoko mo wolola ga 7,

Di ra gore ye a bolayang Lameke ba nyoko mo wolola ga 77.”

25 Adamo a yetsela le mosadi wage fote, ke mokane a belega morwayi. Efa a mo reya gore ke Sethe ka taba la gore o yitseri, “Modimo o thibiye sekgala sa Abele ka go nneya ngwanewa,* ka gore Kayine o mmolayye.” 26 Sethe le yene a ba le morwayi, a mo reya gore ke Inoše. Ka nako yonone batho ba thomisa go bitsa lebitso la Jehova.

5 Yowa ke puku ya go bolabola ka tsa lephelo la Adamo. Nakwela Modimo a maka Adamo, o mo makiye gore a tshwane naye. 2 O makiye monna le mosadi. Nakwela a ba maka, o yye a ba rufa a re bowa ke Batho.

3 Adamo o phidiye 130 ya mengwaga ke mokane a ba le morwayi wa go tshwana naye, a re ke Sethe. 4 Mo go šele go le papa wa Sethe, Adamo a phela 800 ya mengwaga. O yye a ba le barwayi le barwediya. 5 Adamo o phidiye 930 ya mengwaga ke mokane a kgwa.

6 Sethe o phidiye 105 ya mengwaga ke mokane gwa ba papa wa Inoše. 7 Mo go šele go le papa wa Inoše, Sethe a phela 807 ya mengwaga. O yye a ba le barwayi le barwediya. 8 Byalo, Sethe o phidiye 912 ya mengwaga ke mokane a kgwa.

9 Inoše o phidiye 90 ya mengwaga ke mokane gwa ba papa wa Kenane. 10 Mo go šele go le papa wa Kenane, Inoše a phela 815 ya mengwaga. O yye a ba le barwayi le barwediya. 11 Byalo, Inoše o phidiye 905 ya mengwaga ke mokane a kgwa.

12 Kenane o phidiye 70 ya mengwaga ke mokane gwa ba papa wa Mahalalele. 13 Mo go šele go le papa wa Mahalalele, Kenane a phela 840 ya mengwaga. O yye a ba le barwayi le barwediya. 14 Byalo, Kenane o phidiye 910 ya mengwaga ke mokane a kgwa.

15 Mahalalele o phidiye 65 ya mengwaga ke mokane gwa ba papa wa Jarede. 16 Mo go šele go le papa wa Jarede, Mahalalele a phela 830 ya mengwaga. O yye a ba le barwayi le barwediya. 17 Byalo, Mahalalele o phidiye 895 ya mengwaga ke mokane a kgwa.

18 Jarede o phidiye 162 ya mengwaga ke mokane gwa ba papa wa Inoko. 19 Mo go šele go le papa wa Inoko, Jarede a phela 800 ya mengwaga. O yye a ba le barwayi le barwediya. 20 Byalo, Jarede o phidiye 962 ya mengwaga ke mokane a kgwa.

21 Inoko o phidiye 65 ya mengwaga ke mokane gwa ba papa wa Methusela. 22 Mo go šele go le papa wa Methusela, Inoko o fetsiye 300 ya mengwaga a sepela le Modimo wa mannete. O yye a ba le barwayi le barwediya. 23 Byalo, Inoko o phidiye 365 ya mengwaga. 24 Inoko o yye mahlong a sepela le Modimo wa mannete. Ke mokane a sa sa ba gona ka taba la gore Modimo o mo tsere.

25 Methusela o phidiye 187 ya mengwaga ke mokane gwa ba papa wa Lameke. 26 Mo go šele go le papa wa Lameke, Methusela a phela 782 ya mengwaga. O yye a ba le barwayi le barwediya. 27 Byalo, Methusela o phidiye 969 ya mengwaga ke mokane a kgwa.

28 Lameke o phidiye 182 ya mengwaga ke mokane a ba le morwayi. 29 A mo reya gore ke Nnowa,* a re: “Yewa o nyoko re khutsisa ga mmereko wa rune wa go baba ka taba la gore mobu wowa wo rogelele ke Jehova.” 30 Mo go šele go le papa wa Nnowa, Lameke a phela 595 ya mengwaga. O yye a ba le barwayi le barwediya. 31 Byalo, Lameke o phidiye 777 ya mengwaga ke mokane a kgwa.

32 Mo Nnowa a šele a na 500 ya mengwaga, go yye gwa ba papa wa Šeme, Hama le Jafete.

6 Byalo mo batho ba thomisa go tlala mo lefaseng fote ba belega barwediya, 2 barwayi ba Modimo* wa mannete ba thomisa go di bona tsa gore barwediya ba batho ba bafele. Ba thomisa go titseyela basadi ba gore ba ro tikgetela. 3 Ke mokane Jehova a re: “Nka sa di kgone go lefisela motho pelo go ya go yye, ka taba la gore go fo ba motho wa nama. Matšatši yage ma nyoko kgera ga 120 ya mengwaga.”

4 Ke mo go na le Manefilimi mo lefaseng ka dinako tsotsone le ka nthago ga hone. Ka nako yone, barwayi ba Modimo wa mannete ke mo ba ya mahlong ba yetsela le barwediya ba batho, fote barwediya bane ba ba belegela barwayi. Ke bona ba gore ne ba na le matšhika ku botala fote go le banna ba go tšibega.

5 Mara Jehova a bona gore dilo tsa go befa tso batho ba di makang mo lefaseng di napa di ro ya ka matla fote ke mo ba fo dula ba nagana dilo tsa go befa. 6 Jehova a tisola gore ke mo a sa ba makela ying batho mo lefaseng, ke mokane a kgongwela. 7 Ke mokane Jehova a re: “Ke nyoko suwelanya batho bo ke ba makiyeng ho lefaseng, batho le diphoolwane tsa gaye, tsa go gogoba ka dimpa le tsa go phurrwa ku magedimong ka taba la gore ke ya tisola gore ne ke di makela ying.” 8 Jehova ne a kwana ka matla le Nnowa.

9 Tsowa ke tsa lephelo la Nnowa.

Nnowa ke mo go le motho wa go loka. Ke yene ye ne a lukiye gare ga batho bo ne a phela nabo. Nnowa ne a sepela le Modimo wa mannete. 10 Mo nako yi kene yi ya, Nnowa o yye a ba le barwayi kararo ya bona, Šeme, Hama le Jafete. 11 Mara lefase ke mo le sinyegiye mahlong ga Modimo wa mannete, fote ke mo le tlele ka bokgohlane. 12 Modimo o yye a bona lefase le sinyegiye mo a le lebelela; batho ba mo lefaseng ne ba maka dilo tsa go befa ka matla.

13 Ka nthago ga hone, Modimo a re ga Nnowa: “Ke segelele sepheto sa gore ke fetse ka batho ka moka, ka gore lefase lowa le sinyegiye ka taba la bona, byalo ke nyoko fetsa ka bona le lefase lowa. 14 Timakele areka ka dikwata tsa mohlare wa gore wo na le borofi. O make dikamara ka mo teng ga areka, ke mokane o yi tlotse ka sekontiri ka teng le ka tawong. 15 O yi make ka mokgo: Areka yowa go be 300 ya dikhyubhiti ka go lefa, 50 ya dikhyubhiti ka bokoto fote go be 30 ya dikhyubhiti go ya gedimo. 16 O make lefastere gore go thogo khanya ka mo arekeng, go be khyubhiti ka yyoši go tloga gedimo. Sekwalo sa areka yowa se be ka mo thoko fote o make gore yi be le lebato la ka tlase, la mabedi le la kararo.

17 “Nna ke nyoko leya mogogola gore wo fetse ka selo se sengwana le se sengwana so se leng mo lefaseng sa go phela. Go nyoko fela ka dilo ka mokana ga tsona tsa ho lefaseng. 18 Ke maka kwano nago, o kene ka arekeng, wene, barwayi bago, mosadi wago le basadi ba barwayi bago. 19 O kene ka arekeng le diphoolwane tsa mehlobohlobo di le ka dipedi ka dipedi gore di thogo phela, ya pholo le ya tshadi; 20 go be tsa go phurrwa go ya ka mehlobo ya tsona, diphoolwane tsa gore ba di ruwa gaye go ya ka mehlobo ya tsona, le diphoolwane ka mokana ga tsona tsa go gogoba ka dimpa go ya ka mehlobo ya tsona, di kene go le ka dipedi ka dipedi gore di thogo phona. 21 O kgobaketse tsa go ja tsa mehlobohlobo gore wene le diphoolwane tsowa le thogo ja.”

22 Ke mokane Nnowa a maka dilo ka mokana ga tsona tso Modimo a mmutsiyeng tsona. O f’lo maka ka mokgonone.

7 Ka nthago ga hone Jehova o butsiye Nnowa gore: “Kenaneng ka arekeng, wene le ba mutši wago ka taba la gore mo gare ga batho bowa ke bonne wene o lukiye. 2 O tseye diphoolwane tsa go yela ka mokana ga tsona, o tseye kašupa kašupa go ya ka mehlobohlobo ya tsona, tsa pholo le tsa tshadi; ke mokane tsa go sa yela o tseye ka dipedi ka dipedi, ya pholo le ya tshadi; 3 ga tso tsa go phurrwa o tseye kašupa kašupa ya tsona, tsa pholo le tsa tshadi, gore di dule di le gona mo lefaseng. 4 Ka gore mo go fela kašupa ya matšatši ke nyoko nisa pula ka 40 ya matšatši le 40 ya mašego, fote ke nyoko suwelanya selo se sengwana le se sengwana so ke se makiyeng sa gore se ya phela mo lefaseng.” 5 Ke mokane Nnowa a maka dilo ka mokana ga tsona tso Jehova a mmutsiyeng tsona.

6 Nnowa ke mo a na le 600 ya mengwaga mo go ba le mogogola mo lefaseng. 7 Nnowa, barwayi bage, mosadi wage le basadi ba barwayi bage ba kenne ka arekeng mo mogogola wo soko thomisa. 8 Diphoolwane ka mokana ga tsona tsa go yela, tsa go sa yela, tsa go phurrwa le se sengwana le se sengwana sa go gogoba ka dimpa, 9 dya kena ka arekeng mo Nnowa ne a le gona di le ka dipedi ka dipedi, tsa pholo le tsa tshadi, ka mokgonola Modimo a butsiyeng Nnowa. 10 Ke mokane ka nthago ga matšatši kašupa ya wona, mogogola wa thomisa.

11 Ka mongwaga wa bo 600 wa lephelo la Nnowa ka kgwedi ya bobedi, ka letšatši la bo 17 la kgwedi yone, ka letšatši lone dinokana ka mokana ga tsona tsa gore di na le meetši ya go yisa di yye dya thoma go yela ke mokane meetši ya go tlala ya ku magedimong ma thibuluga. 12 Ke mokane gwa fela 40 ya matšatši le 40 ya mašego go na pula. 13 Ka letšatši lone, Nnowa o kenne ka teng ga areka le barwayi bage, Šeme, Hama le Jafete, le mosadi wage le kararo ya basadi ba barwayi bage. 14 Ba kenne le diphoolwane tsa hlaga go ya ka mehlobo ya tsona, diphoolwane tsa gaye go ya ka mehlobo ya tsona, diphoolwane tsa go gogoba ka dimpa go ya ka mehlobo ya tsona le dilo ka mokana ga tsona tsa go phurrwa go ya ka mehlobo ya tsona, nonyane ye nngwana le ye nngwana le se sengwana le se sengwana sa go ba le mafofa. 15 Dilo ka mokana ga tsona tsa go phela di kenne ka arekeng mo Nnowa ne a le gona, di le ka dipedi ka dipedi. 16 Ke mokane dya kena ka teng ga areka, gwa kena mehlobo ka mokana ga yona, tsa pholo le tsa tshadi go fo ya ka mokgo Modimo a hlayyeng. Mo a šele a kenne, Jehova a kwala sekwalo.

17 Pula yi fetsiye 40 ya matšatši yi kene yi na, ya maka gore meetši ma tlale ho lefaseng ke mokane areka ya thomisa go phaphamala. 18 Meetši yawa ne ma šele ma tshosa fote ne ma fo ya mahlong ma yeketsega, mara areka ya fo phaphamala mo gedimo ga meetši. 19 Meetši ne ma tlele ka matla la go šinya ma maka gore dithaba ka mokana ga tsona tsa go lefa tsa ka tlase ga magedimo di sa sa bonala. 20 Ma yye ma tlala ma feta dithaba tsowa ka 15 ya dikhyubhiti.*

21 Go yye gwa fela ka dilo ka mokana ga tsona tsa gore ne di phela ho lefaseng—tsa go phurrwa, diphoolwane tsa gaye, diphoolwane tsa hlaga, tsa go sepela ka megoba le batho ka mokana ga bona. 22 Dilo ka mokana ga tsona tsa gore ne di phela ga gore go womme mo lefaseng di yye dya kgwa. 23 O yye a fetsa ka dilo ka mokana ga tsona tsa gore ne di phela ho lefaseng, gana hone go kena batho, diphoolwane, diphoolwane tsa go gogoba ka dimpa le diphoolwane tsa go phurrwa sebakabakeng. O suwelannye ka mokana ga tsona; gwa fo šala Nnowa le bo ne ba le naye ka hala arekeng. 24 Go fediye 150 ya matšatši meetši ma kene ma tlele mo lefaseng.

8 Mara Modimo o yye a gopola Nnowa le diphoolwane tsa hlaga le tsa gaye tso ne di le naye ka teng ga areka, ke mokane Modimo a maka gore go tšutle moya, meetši yala ma thomisa go pomega. 2 Dinokana ka mokana ga tsona tsa gore di na le meetši, le meetši ya go tlala ya ku magedimong di yye dya kwalega, ke mokane pula ya sa sa na. 3 Meetši ma thomisa go pshya. Mo go šele go fediye 150 ya matšatši, meetši yane ke mo ma šele ma pomegiye. 4 Ka kgwedi ya kašupa (7), ka letšatši la bo 17 la kgwedi yone, areka yi yye ya yema gedimo ga dithaba tsa Ararate. 5 Meetši yane ma yye ma kene ma pomega go segela ka kgwedi ya lesome. Dinhla tsa dithaba dya thomisa go nyarela ka letšatši la mathomo (1) la kgwedi ya lesome (10).

6 Byalo, mo go šele go fediye 40 ya matšatši, Nnowa o yye a bula lefastere lo ne a le makiye ku arekeng 7 ke mokane a ntsha mogogorwane; ke mo wo tšwa fote wo boya go segela go woma mo fase.

8 Ka nthagonyana, a ntsha liba gore a thogo bona gore ayitsano meetši yala ma pshyile. 9 Liba lone a le ya kraya ga go dula, ke mokane la boyela ga Nnowa ku arekeng ka taba la gore meetši ke mo ma sa tlele mo lefaseng. O yye a ntsha letsogo gore a thogo kenisa liba lela ka teng ga areka. 10 O yye a yema kašupa ya matšatši ke mokane a ntsha liba lela fote. 11 Mo liba lela le boya gage mo go šele go ba ka malobana, o bonne le tshwere letlakala la mohlare wa moolivi ka molomo! Nnowa o napiye a di bona gore meetši ma pshyile. 12 O yye a yema matšatši ya mangwana kašupa (7) ya wona. Ke mokane a ntsha liba lela, mara la sa sa boya.

13 Ka mongwaga wa bo 601 ka kgwedi ya mathomo, ka letšatši la mathomo la kgwedi yone, meetši ne ma pshyile mo lefaseng; ke mokane Nnowa a rutlumulla areka a bona mo fase go thomisa go woma. 14 Ka letšatši la bo 27 la kgwedi ya mabedi (2), lefase ke mo le šele le womme.

15 Modimo a botsa Nnowa gore: 16 “Tšwaneneng mone arekeng, wene, mosadi wago, barwayi bago le basadi ba barwayi bago. 17 O tšwe le selo se sengwana le se sengwana sa go phela, tsa go phurrwa le diphoolwane ka mokana ga tsona tsa go gogoba ka dimpa, gore di thogo tlala lefase.”

18 Byalo Nnowa a tšwa a na le barwayi bage, mosadi wage le basadi ba barwayi bage. 19 Selo se sengwana le se sengwana sa go phela, phoolwane ye nngwana le ye nngwana ya go gogoba ka dimpa, phoolwane ye nngwana le ye nngwana ya go phurrwa le selo se sengwana le se sengwana sa go phela mo lefaseng, dya tšwa ka ku arekeng. 20 Nnowa a yagela Jehova aletare, ke mokane a tseya diphoolwane tse dingwana tsa go yela le tso tsa go phurrwa tsa gore di yediye, a makela Modimo sehlabelo aletareng. 21 Jehova a kwa go nkgela. Byalo Jehova a hlaya ka pelo gore: “Nka sa sa rogelela lefase ka taba la motho, ka taba la gore motho o fo gola a kene a nagana dilo tsa go tšwa pateng; nka sa sa tsoga ke suwelannye dilo ka mokana ga tsona tsa go phela ka mokgo ke makiyeng. 22 Go tlugisela gana byalo, mo lefaseng go nyoko dula go gašiwa fote go buniwa, go bata fote go fisa, go na le selemo le marega fote go na le motshegare le bošego.”

9 Modimo o yye mahlong a rufa Nnowa le barwayi bage ke mokane a ba botsa gore: “Beleganeng le tlale, le tlatse lefase. 2 Dilo ka mokana ga tsona tsa go phela mo lefaseng, dilo ka mokana ga tsona tsa gore di phurrwa ku magedimong, dilo ka mokana ga tsona tsa gore di sepela mo fase le dihlapi ka mokana ga tsona tsa lewatleng, di nyoko go tšhaba. Di lawola ke wene. 3 Phoolwane ye nngwana le ye nngwana ya gore ya phela go nyoko ba tsa go ja tsago. Ke go neya tsona ka moka go fo tshwana le mo ke go neyye dimilane. 4 Mara nama ya gore yi na le madi le sa yi ji, ka taba la gore madi ma yemela lephelo. 5 Fote ke nyoko patedisa mo go ka ba le ye a falatsang madi yago. Mo nkare ke phoolwane, phoolwane yone di nyaka yi kgwe; mo nkare ke motho, o tshwanele a patele ka lephelo lage ka taba la gore ke bhuti wago. 6 Ye a bolayang motho, le yene o nyoko bolaya ke motho ye mongwana ka taba la gore Modimo o makiye motho gore a tshwane naye. 7 Lune beleganeng le tlale, le tlatse lefase.”

8 Byalo Modimo a botsa Nnowa le barwayi bage gore: 9 Gana byalo, ke maka kwano nago le ditlogolwane tsago, 10 le selo se sengwana le se sengwana sa gore se ya phela sa gore se nago gana byalo, dinonyane, diphoolwane le dilo ka mokana ga tsona tsa gore dya phela, dilo ka mokana ga tsona tso di tšwileng ka arekeng—selo se sengwana le se sengwana sa gore se ya phela mo lefaseng. 11 Ke maka kwano nago gore: Nka sa sa tsoga ke bolayye dilo tsa go phela ka meetši ya mogogola, fote mogogola wo ka sa sa sinya lefase.”

12 Modimo a tokegela ka gore: “Wowa ke mošupetso wa kwano yo ke yi makang nago le dilo ka mokana ga tsona tsa go phela tso o nang natso le ga moloko wo wo sa nyoko tlang. 13 Ke beyye molalatladi marung, go nyoko ba mošupetso wa kwano yo ke yi makiyeng le lefase. 14 Molalatladi wo nyoko nyarela mo ke leya maru mo lefaseng. 15 Nka sa lebale kwano yo ke yi makiyeng nago le mehlobo ka mokana ga yona ya dilo tsa go phela; fote meetši ma ka sa sa gogola batho ma fetsa ka bona. 16 Go nyoko nyarela molalatladi marung, ke nyoko wo bona ke mokane ka gopola kwano ya go ya go yye yo Modimo a yi makiyeng le mehlobo ka mokana ga yona ya dilo tsa go phela tsa ho lefaseng.”

17 Modimo a botsa Nnowa fote gore: “Wowa ke mošupetso wo ke wo makang le dilo ka mokana ga tsona tsa go phela tsa ho lefaseng.”

18 Barwayi ba Nnowa bo ba tšwileng arekeng ke mo go le Šeme, Hama le Jafete. Ka nthago, Hama gwa ba papa wa Kanana. 19 Bowa kararo ya bona ke mo go le barwayi ba Nnowa fote batho ba lefaseng ka mokana ga lona ba tšwile ga bona ke mokane ba sabalala.

20 Byalo, Nnowa a thomisa go lima ke mokane a gaša modhriva. 21 Mo a nwile wayini ya gona o yye a tlayila ke mokane a tšula a le ka letenteng lage. 22 Hama papa wa Kanana o bonele papage, a ya a botsa bobhuti bage ka babedi ka ku tawong. 23 Byalo, Šeme le Jafete ba tseya kobo ba yi kgapega ho magetleng ya bona, ba kena ka sa nthago. Ke mokane ba yapesa papa wa bona ba kene ba lebelele ku thoko, a baa bonela papa wa bona.

24 Mo Nnowa a sa sa tlayila fote a di kwelela gore morwayi wage ye monyana o mo makiye ying, 25 o yitseri:

Kanana a be le senyama.

A be lebhantiti la go sa re selo ga bobhuti bage.”

26 A tokegela ka gore:

Kanana go be lebhantinti lage.”

28 Nnowa o fetsiye 350 ya mengwaga a kene a phela ka nthago ga Mogogola. 29 Byalo, Nnowa o phidiye 950 ya mengwaga ke mokane a kgwa.

10 Tsowa ke tsa lephelo la barwayi ba Nnowa, Šeme, Hama le Jafete.

Ba ba belegele barwayi ka nthago ga Mogogola. 2 Barwayi ba Jafete ke mo go le Ghomere, Maghogho, Madayi, Javane, Tubhali, Mešeke le Thirase.

3 Barwayi ba Ghomere ke mo go le Ašikenazi, Rifathe le Thoghama.

4 Barwayi ba Javane ke mo go le Elišaha, Tarašiši, Kitimo le Dodanimi.

5 Bo ba go dula dinageng tsa go dukuluga ke meetši ke mo ba tšwa mo ga batho bowa mo ba šinya ba sabalala ba ya dinageng tsa bona go ya ka mebolabolo, mitši le ditšhaba tsa bona.

6 Barwayi ba Hama ke mo go le Khuše, Mizirayime, Puti le Kanana.

7 Barwayi ba Khuše ke mo go le Sebha, Havila, Sabhotha, Ramaha le Sabhoteka.

Barwayi ba Ramaha ke mo go le Šebha le Dedani.

8 Khuše gwa ba papa wa Nimirode. Ke mo go le yene wa mathomo wa go ba le matšhika mo lefaseng. 9 Ke mo go le wa go tsoma wa go ba le matšhika fote ke mo a lwa le Jehova. Nka taba lo ba felang ba re: “Go fo tshwana le Nimirode wa go tsoma wa go ba le matšhika wa gore o lwa le Jehova.” 10 O thomisiye ka go lawola Bhabele, Erekhe, Akhadi le Khalna tsa nageng ya Šinara. 11 A tloga mone a ya Asiriya a ye yaga Ninive, Rehobothe-Ire, Khala 12 le Resene ya gore yi segare ga Ninive le Khala: Wowa ke wona mutši wo mogolo.

13 Mizirayime gwa ba papa wa Ludimi, Anamime, Lehabhimo, Naftuhimi, 14 Patherusimi, Khasiluhimi (wa gore Mafilisita ma tšwa gage) le Khafotorimi.

15 Kanana gwa ba papa wa Sidoni wa gore ke letšibula lage, le Hethe, 16 le Majebuse, Maamore le Maghirighaši, 17 Mahivi, Maarike, Masini, 18 Maaravada, Mazemara le Mahamathe. Ka nthago, Makanana ma palakana. 19 Naga ya Makanana ne yi kgera ka Sidoni go segela mutšing wa Gherare ya gore yi thina le Ghaza, Sodoma, Ghomora, Adma le Zebhoyimi ya gore yi thina le Laša. 20 Bowa ke mo go le barwayi ba Hama go ya ka mitši, mebolabolo, dinaga le ditšhaba tsa bona.

21 Šeme wa gore ke kokwane wa barwayi ba Ebhere ka mokana ga bona wa gore fote ke monyanana wa Jafete, le yene o yye a ba le bana. 22 Barwayi ba Šeme ke mo go le Elama, Ašihuri, Ariphakhašadi, Ludi le Aramo.

23 Barwayi ba Aramo ke mo go le Uzi, Hulu, Ghethere le Maši.

24 Ariphakhašadi gwa ba papa wa Šela, ke mokane Šela gwa ba papa wa Ebhere.

25 Ebhere ba mmelegele barwayi ka babedi. Lebitso la ye mongwana ne go le Pelege* ka gore o phidiye ka nako ya gore lefase* ne le yahluganne. Lebitso la bhuti wage ke mo go le Jokothane.

26 Jokothane gwa ba papa wa Alemodadi, Šelefe, Hazamavethe, Jera, 27 Hadorama, Uzala, Dikila, 28 Obhali, Abhimayele, Šebha, 29 Ofiri, Havila le Jobhabho; bowa ka mokana ga bona ke mo go le barwayi ba Jokothane.

30 Poleke yo ne ba dula ga yona ke mo yi tloga Meša yi segela Sefara, ya gore ke poleke ya ka Bohlabela ya gore yi na le dithaba.

31 Bowa ke barwayi ba Šeme go ya ka mitši le mebolabolo ya bona, le go ya ka dinaga le ditšhaba tsa bona.

32 Yowa ke mitši ya barwayi ba Nnowa go ya ka meloko le ditšhaba tsa wona. Batho ba yye ba palakana mo lefaseng ba tšwa ga ditšhaba tsowa ka nthago ga Mogogola.

11 Byalo, lefaseng ka mokana ga lona ke mo go na le mmolabolo ka wwoši fote ba berekisa mantsu ya go tshwana. 2 Mo ba kene ba sepela ba ya bohlabela, ba krayye moyedi nageng ya Šinara ke mokane ba thomisa go dula gona. 3 Ba botsana gore: “Byalo, tla re makeneng ditena ke mokane re di tšhube ka mollo.” A baa berekisa matlapa mara ba berekisiye ditena fote ba berekisa sekontiri go le leraga la bona. 4 Ba re: “Tla re tiyageleneng mutši wa gore sewokamelo sa gona se teya ku magedimong, re timakele lebitso gore re sa palakane mo lefaseng.”

5 Ke mokane Jehova a lebelela mutši wone le sewokamelo so se yagiyeng ke barwayi ba batho. 6 Jehova a re: “Batho bowa ke selo ka ssoši fote ba bolabola mmolabolo ka wwoši. Bona gore ba šele ba thomisa go maka ying. Gana byalo ba ka sa ro šita ke selo, tso ba di naganneng ba nyoko di maka. 7 Byalo, koriye re ye dhunghanya mmolabolo wa bona gore ba sa sa kwisisana mo ba bolabola.” 8 Jehova a maka gore ba palakane ba tlale lefase, ka gonyana ka gonyana ba lisetsa go yaga mutši wone. 9 Nka taba lo ba wo reyyeng gore ke Bhabele* ka taba la gore gana mone Jehova o dhunghannye mmolabolo wa batho ka mokana ga bona, fote Jehova o makiye gore ba palakane ba tlatse lefase.

10 Tsowa ke tso di makegeleng Šeme.

Mo go šele go fediye mengwaga ka mmedi Mogogola wo fitiye, Šeme ke mo a šele a na le 100 ya mengwaga mo a ba papa wa Ariphakhašadi. 11 Mo go šele go le papa wa Ariphakhašadi, Šeme a phela 500 ya mengwaga. O yye a ba le barwayi le barwediya.

12 Ariphakhašadi o phidiye 35 ya mengwaga ke mokane gwa ba papa wa Šela. 13 Mo go šele go le papa wa Šela, Ariphakhašadi a phela 403 ya mengwaga. O yye a ba le barwayi le barwediya.

14 Šela o phidiye 30 ya mengwaga ke mokane gwa ba papa wa Ebhere. 15 Mo go šele go le papa wa Ebhere, Šela a phela 403 ya mengwaga. O yye a ba le barwayi le barwediya.

16 Ebhere o phidiye 34 ya mengwaga ke mokane gwa ba papa wa Pelege. 17 Mo go šele go le papa wa Pelege, Ebhere a phela 430 ya mengwaga. O yye a ba le barwayi le barwediya.

18 Pelege o phidiye 30 ya mengwaga ke mokane gwa ba papa wa Riwu. 19 Mo go šele go le papa wa Riwu, Pelege a phela 209 ya mengwaga. O yye a ba le barwayi le barwediya.

20 Riwu o phidiye 32 ya mengwaga ke mokane gwa ba papa wa Sirugi. 21 Mo go šele go le papa wa Sirugi, Riwu a phela 207 ya mengwaga. O yye a ba le barwayi le barwediya.

22 Sirugi o phidiye 30 ya mengwaga ke mokane gwa ba papa wa Nahore. 23 Mo go šele go le papa wa Nahore, Sirugi a phela 200 ya mengwaga. O yye a ba le barwayi le barwediya.

24 Nahore o phidiye 29 ya mengwaga ke mokane gwa ba papa wa Thera. 25 Mo go šele go le papa wa Thera, Nahore a phela 119 ya mengwaga. O yye a ba le barwayi le barwediya.

26 Thera o phidiye 70 ya mengwaga ke mokane gwa ba papa wa Abhramo, Nahore le Harane.

27 Tso ke tso di makegeleng Thera.

Thera gwa ba papa wa Abhramo, Nahore le Harane; ke mokane Harane gwa ba papa wa Llota. 28 Harane o kgwele nageng yo a belegiwweng ga yona ku Uri ya Makhaladiya papage Thera a kene a sa phela. 29 Abhramo le Nahore ba titseyela basadi. Lebitso la mosadi wa Abhramo ke mo go le Sarayi, fote mosadi wa Nahore ke mo go le Milkha morwediya wa Harane, Harane wa gore ke papa wa Milkha le Isikha. 30 Byalo, Sarayi ke mo a sa belege; ke mo a se na ngwana.

31 Thera a tseya morwayi wage Abhramo le setlogolwane sage Llota sa gore ke morwayi wa Harane, a tseya le makoti wage Sarayi wa gore ke mosadi wa Abhramo morwayi wage, ba tloga naye Uri ya gore ke ya Makhaladiya ba ya Kanana. Mo nako yi kene yi ya ba ya Harane, ba thomisa go dula gona. 32 Thera o phidiye 205 ya mengwaga. Ke mokane a kgwela Harane.

12 Byalo Jehova a botsa Abhramo gore: “Tloga mo nageng ya genu o šiye mašaga yago le mutši wa papago, o ye ga naga yo ke nyoko go šupetsang yona. 2 Ke nyoko maka gore mo gago go tšwe setšhaba se segolo, fote ke nyoko go rufa ka maka gore lebitso lago le tšibege, batho ba nyoko rufega ka taba lago. 3 Ke nyoko rufa bo ba nabelang gore o makegele ke tsa gabutši, bo ba nabelang gore o makegele ke tsa go befa ke nyoko maka gore ba be le senyama fote ditšhaba ka mokana ga tsona tsa mo lefaseng di nyoko rufega ka taba lago.”

4 Byalo, Abhramo a sepela ka mokgo Jehova a mmutsiyeng, a sepela le Llota. Abhramo ke mo a na le 75 ya mengwaga mo a tloga Harane. 5 Abhramo a tseya mosadi wage Sarayi le Llota morwayi wa bhuti wage le batho le dilo ka mokana ga tsona tso ba di hlekeletsiyeng mo ba le Harane, ba ya Kanana. Mo ba segela Kanana, 6 Abhramo a sepela mo gare ga naga a ya a segela Šikeme, ya gore yi thina le mehlare ye megolo ya More. Ka nako yone ke mo go na le Makanana mone nageng. 7 Jehova a nyarela ga Abhramo a re: “Ditlogolwane* tsago ke nyoko di neya naga yowa.” Ka nthago ga mone Abhramo a yaga aletare ga poleke yo Jehova a nyareleng a le ga yona. 8 Ka nthago a rurela polekeng ya gore yi na le dithaba ka bohlabela bya Bhethele ke mokane a hloma letente segare ga Bhethele le Ayi, Bhethele yi le ka bodikela, Ayi yi le ka bohlabela. A yagela Jehova aletare gana hone ke mokane a thomisa go bitsa lebitso la Jehova. 9 Abhramo a tloga a leba Neghebe, ke mo a tloga ga poleke ye nngwana a ya ga ye nngwana.

10 Byalo, gwa ba le tlala mone nageng, Abhramo a leba Egepita gore a ye dula gona ka senakonyana ka taba la gore tlala ya mone nageng ke mo go le ye kgolo ka matla. 11 Mo a šele a le thina le go kena Egepita, a botsa mosadi wage Sarayi gore: “Ntheetsele barena! Ke ya di tšiba gore o bafele ka matla. 12 Byalo mo Maegepita ma go bona, ma nyoko re, ‘Yewa ke mosadi wage.’ Ke mokane ma nyoko mpolaya ma šiya wene. 13 Ke kgopela o ba botse gore ke wene sesi waka gore dilo di nsepelele gabutši ka taba lago fote ba sa mpolaye.”

14 Mo Abhramo a segela Egepita, Maegepita ma di bona gore mosadi yene o bafele ka matla. 15 Malata ya Faro le wona ma mmona, ma botsa Faro ka mokgo mosadi yene a bafeleng ka gona ke mokane ba tseya mosadi yene ba mo yisa ntlong ya Faro. 16 Ka taba la gore Faro ke mo a nyaka Sarayi, o yye a tshwara Abhramo gabutši ke mokane a mo neya dinku, dikgomo, dibhongholo tsa pholo le tsa tshadi, malata ya banna le ya basadi le dikamela. 17 Ke mokane Jehova a leyela Faro le ba mutši wage tsa go sasamela ka matla ka taba la Sarayi mosadi wa Abhramo. 18 Byalo Faro a bitsa Abhramo a re gage: “O mmakiye ying mara? Ke ntaba o sa mpotsa gore ke mosadi wago? 19 Ke ntaba o yitseri, ‘Ke sesi waka,’ ka šinya ke nyaka go mo maka mosadi waka? Mosadi wago ke yenene. Mo tseye o sepele!” 20 Byalo, Faro a botsa malata yage gore ma botse Abhramo a sepele, yene le mosadi wage le dilo ka mokana ga tsona tso ne a le natso.

13 Abhramo a tloga Egepita a ya Neghebe, yene le mosadi wage le dilo ka mokana ga tsona tso ne a le natso, le Llota. 2 Abhramo ke mo a ghannye ka matla, a na le diphoolwane, silva le gholdi. 3 Mo a tloga Neghebe a ya Bhethele, ke mo a tloga ga poleke ye nngwana a ya ga ye nngwana, a šinya a segela ga poleke ya gore letente lage ke mo le le segare ga Bhethele le Ayi, 4 ga poleke ya gore o yye a yaga aletare ga yona. Gana hone, Abhramo a bitsa lebitso la Jehova.

5 Llota wa gore ke mo a sepela le Abhramo, le yene ke mo a na le dinku, dikgomu le matente. 6 Byalo, ke mo di sa sa maka gore ba dule polekeng ka yyoši; ka gore dilo tsa bona ke mo di šele di tlele ka matla gore ba ka dula ggoši. 7 Ke mokane bo ba go disa morape wa Abhramo ba thomisa go sa sa kwana le bo ba go disa morape wa Llota. (Ka nako yonone ke mo go dula Makanana le Maperizi ga naga yone.) 8 Byalo Abhramo a re ga Llota: “Barena, a di nyake re lwa fote batho ba rune ba go disa a di nyake ba lwa ka taba la gore re bobhuti. 9 Kgeta gore o nyaka go dula kaye. Ke kgopela re yahlugane. Mo o ya ga letsogo la sepata nna ke nyoko ya ga la go ja; mara mo o ya ga la go ja nna ke nyoko ya ga la sepata.” 10 Llota a lebelela a di bona gore naga ya Jorodane yi na le meetši ya go tlala (nakwela Jehova a soko fetsa ka Sodoma le Ghomora), go tshwana le tšhomo ya Jehova, go tshwana le naga ya Egepita go segela Zowara. 11 Llota a tseya poleke ka mokana ga yona ya Jorodane, ke mokane a rurela ka bohlabela. Byalo, ba yahlugana. 12 Abhramo ke mo a dula nageng ya Kanana, mara Llota ke mo a dula mitšing ya Jorodane. A feleletsa a hlomme letente lage thina le Sodoma. 13 Batho ba Sodoma ke mo ba na le dipelo tse diphifadu fote ne ba sinya ka matla mahlong ga Jehova.

14 Ka nthago ga gore Llota a tloge, Jehova a botsa Abhramo gore: “Ke kgopela o lebelele ka lebowa le borwa le ka bohlabela le bodikela o kene o yemme gana hone o leng gona, 15 ka taba la gore naga yo o yi bonang ke nyoko go neya yona ka mokana ga yona, ke nyoko yi neya wene le ditlogolwane* tsago gore go be ya lune go ya go yye. 16 Ke nyoko maka gore ditlogolwane* tsago di tshwane le lerole la mo fase, ye a ka di kgonang go balela lerole lone, o nyoko di kgona le go balela ditlogolwane* tsago. 17 Byalo, sepelanya mo polekeng ka mokana ga yona, ka gore ke nyoko go neya yona.” 18 Byalo Abhramo a ya mahlong a dula matenteng. Ka nthago, o yye a ye dula Mamore ya gore yi na le mehlare ye megolo ya gore yi ku Hebhrone, gana hone o yagele Jehova aletare.

14 Byalo, ka dinako tsa Amorafele kgoši ya Šinara, Ariyoki kgoši ya Elasara, Khedolawoma kgoši ya Elama le Thidali kgoši ya Ghoyimi, 2 ba yye ba lwa le Bhera kgoši ya Sodoma, Bhiriša kgoši ya Ghomora, Šinabho kgoši ya Adma, Šemebhere kgoši ya Zebhoyimi le kgoši ya Bhela ya gore yi rela Zowara. 3 Magoši yawa ka mokana ga wona ma yye le masole ya wona Moyeding wa Sidhimi ya gore ke Lewatle la Letswayi.*

4 Go fediye 12 ya mengwaga ma berekela Khedolawoma, mara ma mo jikela ka mongwaga wa bo 13. 5 Byalo, ka mongwaga wa bo 14, Khedolawoma le magoši ya ne ma le naye ba hlula moloko wa Refayime ku Ašiterothe-karanayime, moloko wa Zuzimi ku Hama, moloko wa Emimi ku Šave-kiriyathayimo 6 le moloko wa Mahori ku thabeng ya wona ya Seyiri go segela Ele-parana ya gore yi mašahleng. 7 Ke mokane ba sologa ba ya Ene-mišipati ya gore ke Kadeše, ba hlula poleke ka mokana ga yona ya Maamaleke le Maamore ya gore ne ma dula Hazazone-thamara.

8 Ka nako yone, kgoši ya Sodoma ya ya Moyeding wa Sidhimi le kgoši ya Ghomora, kgoši ya Adma, kgoši ya Zebhoyimi le kgoši ya Bhela ya gore ke Zowara, ke mokane ba tilukiselela go lwa nabo, 9 ba lwa le Khedolawoma kgoši ya Elama, Thidali kgoši ya Ghoyimi, Amorafele kgoši ya Šinara le Ariyoki kgoši ya Elasara—kanne (4) ya magoši ma lwa le kapheta ya wona. 10 Moyedi wa Sidhimi ne wo tlele ka mekoti ya go ba le sekontiri, fote magoši ya Sodoma le Ghomora ma liketsiye go tšhaba mara ma wela ka mone mekoting, bo ne ba šele, ba tšhabela dithabeng. 11 Ke mokane bo ba hludiyeng ba tseya dilo tsa Sodoma le Ghomora ka mokana ga tsona, ba tseya le tsa go ja tsa bona ke mokane ba sepela. 12 Ba tsere le Llota morwayi wa bhuti wa Abhramo wa gore ke mo a dula Sodoma, ba tseya le dilo tsage ba sepela.

13 Ka nthago, monna wa gore o kgonne go tšhaba a tla a botsa Abhramo wa Leheberu gore go makegiye ying. Ka nako yone, Abhramo ke mo a hlomme matente yage thina le mehlare ye megolo ya Mamore wa Leamore, wa gore ke bhuti wa Ešikhole le Anere. Abhramo ke mo a berekisana le banna bone. 14 Abhramo a di kwelela gore lešaga* lage ba le tshwere. Ke mokane a hlekeletsa 318 ya banna ba gore ba tšiba go lwa, malata yage ya gore ba ma belegele mutšing wage, ba šala manaba yane nthago go segela Dani. 15 Mo go šele go le bošego, Abhramo le malata yage ba timaka megobagoba ba hlasela manaba ya bona ba ma hlula. Fote ba ma lelekisa go segela Hobha ya gore yi ka lebowa la Damasekhase. 16 O latiye dilo tso ne ba di tsere ka mokana ga tsona, a tseya le Llota lešaga lage, dilo tsage, a tseya le basadi le batho ba bangwana.

17 Mo Abhramo a boya a tšwa go ye hlula Khedolawoma le magoši ya ne ma le naye, kgoši ya Sodoma ya mo gahlanetsa Moyeding wa Šave wa gore ke Moyedi wa Kgoši. 18 Fote Melekizedeke kgoši ya Salema a mo neya sekgwa le wayini, ke mo go le moprista wa Modimo wa ku Malenghelengheng.

19 Ke mokane a rufa Abhramo a re gage:

Ke mokane Abhramo a mo neya sekopa sa lesome sa dilo ka moka.

21 Ka nthago, kgoši ya Sodoma ya botsa Abhramo gore: “Nneye batho bowa, mara dilo tso o ka titseyela tsona.” 22 Mara Abhramo a botsa kgoši ya Sodoma gore: “Ke go tshepisa mahlong ga Jehova Modimo wa ku Malenghelengheng wa gore o makiye legedimo le lefase, 23 gore nka sa tseye selo sa go tšwa gago, le mong gare kela thapo ya seyeta gore o sa tle o re, ‘Ke ghanyisiye Abhramo.’ 24 Nka sa tseye selo mo go se tso masogana yawa ma šeleng ma di jile. Mo go le tso di tshwaneleng di kraye ke banna bo ba sipidiyeng le nna, Anere, Ešikhole le Mamore—ba di tseye.”

15 Ka nthago Jehova a bolabola le Abhramo ka mmono a re: “O sa tšhabe Abhramo. Ke nna legawu lago. Ke nyoko go rufa ka matla.” 2 Abhramo mo a fetola a re: “Jehova Morena wa Malenghelengheng, o nyoko nneya ying ka gore ke nna ye, a ke na ngwana, dilo tsaka di nyoko kraya ke Eliyazara monna wa go tšwa Damasekhase?” 3 Abhramo a tokegela ka gore: “A wa nneya bana fote lešaga laka go nyoko ba lona mojalefa.” 4 Jehova mo a mo fetola a re, “Motho yene go ka sa be yene mojalefa, mara morwayi wago ke yene a nyoko bang mojalefa.”

5 Modimo a botsa Abhramo gore a tšwele ka tawong ke mokane a re: “Ke kgopela o lebelele ku magedimong ke mokane o balele dinanedi mo nkare o ko di kgoneng.” A mmotsa gore: “Le bana* bago ba nyoko fo ba ka mokgonone.” 6 Abhramo a napa a ba le tumelo ga Jehova, fote Modimo a tseya Abhramo go le motho wa go loka. 7 Modimo a tokegela ka gore: “Ke nna Jehova wa gore o go ntshiye Uri ya Makhaladiya gore ke go neye naga yowa.” 8 Byalo Abhramo a re: “Jehova Morena wa Malenghelengheng, ke tšiba ka ying gore o nyoko nneya naga yowa?” 9 Modimo a botsa Abhramo gore: “Nkgetele sethole sa gore se na le kararo ya mengwaga, pudi ya tshadi ya go ba le kararo ya mengwaga, nku ya pholo ya go ba le kararo ya mengwaga, liba la hlaga le liba la gaye le lenyana.” 10 Byalo Abhramo a tseya dilo tsowa a di kopa ka bogare, a tseya setlopo se sengwana a se beya ka ho ke mokane se sengwana a se beya ka hala mara a sa kope dinonyane. 11 Ke mokane dinonyane tse dikgolo dya tla di tl’le ja ditopo tsone, mara Abhramo ke mo a sa lisetsi go di raka.

12 Mo le šele le nyoko kgwalala, Abhramo a ya ka boroko ke mokane a bona letshwifi la go tshosa. 13 Modimo a re ga Abhramo: “Di tšibe gore ditlogolwane* tsago di nyoko dula nageng ye nngwana go le batho ba go fo tšwa ba sepela, fote o di tšibe gore gana hone ba sa nyoko ba maka mabhantiti, go nyoko fela 400 ya mengwaga ba ba hlupegisa. 14 Mara ke nyoko yahlula setšhaba so ba nyoko bang ba se berekela, fote ba nyoko sepela ba na le dilo tsa go tlala. 15 O nyoko kgwa o sa hlupe ke selo fote o šele o tsofele; ba nyoko go boloka le bokokwane bago. 16 Moloko wa kanne (4) wa ditlogolwane tsago wo nyoko boya howa ka taba la gore nako ya gore ke wolole Maamore a yi soko segela.”

17 Mo letšatši le šele le dikele fote go šele go fifele, gwa nyarela onto* yi tupa mmuši, mo gare ga ditlopo tsone gwa feta mollo. 18 Jehova a maka kwano le Abhramo ka letšatši lone, a re: “Naga yowa ke nyoko yi neya ditlogolwane* tsago, go tlugisela ka noka ya Egepita go segela ka noka ye kgolo ya Eforate: 19 Naga ya Makeni, Makenazi, Makadimoni, 20 Mahethe, Maperezi, Marefayime, 21 Maamore, Makanana, Maghirighaše le Majebuse.”

16 Byalo, Sarayi mosadi wa Abhramo ke mo a se na bana, mara ke mo a na le lelata la Leegepita lo ba reng ke Haghara. 2 Sarayi a botsa Abhramo gore: “Barena! Jehova o makiye gore ke sa be le bana. Ke ya go kgopela, yetsela le lelata laka. Nakwenngwana le ka mpelegela bana.” Abhramo a theetsela tso Sarayi a di hlayyeng. 3 Mo go šele go fediye 10 ya mengwaga Abhramo a dula Kanana, Sarayi mosadi wa Abhramo a tseya lelata lage la Leegepita lo ba reng ke Haghara a le neya monnage Abhramo gore go be mosadi wage. 4 Byalo Abhramo a yetsela le Haghara, ke mokane Haghara a yima. Mo a di bona gore o yimme, a thomisa go dhelela mong wage.

5 Ke mokane Sarayi a re ga Abhramo: “Ke hlupega ka taba lago. Ke nna ke go neyyeng lelata laka, mara mo le di bona gore le yimme la thomisa go ndhelela. Nkare Jehova a ka yahlula taba yaka nago.” 6 Byalo Abhramo a re ga Sarayi: “Bona! Lelata lago le lawola ke wene. Mo make so o bonang se lukiye.” Sarayi a botsa Haghara ditaba tsage, a šala a tšebiye ke mokane a tšhaba.

7 Ka nthago, lengeloyi la Jehova la mo kraya a le sedibeng sa meetši ku mašahleng, sediba sone ke mo se le pateng ya go ya Šuri. 8 La re gage: “Haghara wene lelata la Sarayi, o tšwa kaye fote o ya kaye?” Mo le reyane, yene a re: “Ke tšhabelela mong waka Sarayi.” 9 Lengeloyi la Jehova la re gage: “Sologa o boyele ga mong wago, o segele o tinyanafatse.” 10 Ke mokane lengeloyi la Jehova la re: “Ke nyoko maka gore ditlogolwane* tsago di tlale ka matla, di ka sa balelege.” 11 Lengeloyi la Jehova la tokegela ka gore: “Ke wene ye o yimme, o nyoko belega morwayi, o mo reye gore ke Išimayele* ka taba la gore Jehova o di bonne gore wa hlupega. 12 Išimayele o nyoko tshwana le bhongholo ya hlaga. O nyoko lwa le batho ka moka fote le bona ba nyoko lwa naye, o nyoko dula thina le bobhuti bage.”

13 A bitsa lebitso la Jehova wa gore ke mo a bolabola naye a re: “O Modimo wa go kgona go bona,” ka gore Haghara o yitseri: “Ke bonne Modimo wa gore wa mpona!” 14 Nka taba lo sediba sone ba re ke Bhere-lahayi-royi. (Se segare ga Kadeše le Bheredi.) 15 Byalo, Haghara a belegela Abhramo morwayi, Abhramo a reya morwayi wage wa gore o belegiye ke Haghara gore ke Išimayele. 16 Abhramo ke mo a na le 86 ya mengwaga mo Haghara a mmelegela Išimayele.

17 Mo Abhramo a šele a na le 99 ya mengwaga, Jehova o yye a nyarela gage a mmotsa gore: “Ke nna Modimo wa Matšhika ka Moka. Dula o maka tso ke di nyakang fote o šupetse gore o lukiye.* 2 Ke nyoko maka kwano nago, fote ke nyoko maka gore o be le ditlogolwane tsa go tlala ka matla.”

3 Mo a reyane, Abhramo a kgotama a yinamisa hlogo, ke mokane Modimo a ya mahlong a bolabola naye a re: 4 “Nna ke makiye kwano nago, fote mo gago go nyoko tšwa ditšhaba tsa go tlala. 5 Lebitso lago go ka sa sa ba Abhramo* go nyoko ba Abhrahama,* ka gore ke nyoko maka gore ho gago go tšwe ditšhaba tsa go tlala. 6 Ke nyoko maka gore o be le bana ba go tlala ka matla, ka boya ka maka gore ho gago go tšwe ditšhaba le magoši.

7 “Kwano yo ke yi makiyeng nago le ditlogolwane* tsago, yi nyoko fo dula yi le gona go ya go yye le ga meloko yo yi sa nyoko tlang, ke nyoko ba Modimo wago le wa ditlogolwane* tsago. 8 Fote ke nyoko neya wene le ditlogolwane* tsago naga ya gore ne le dula ga yona nakwela le le batho ba go tšwa le sepela—naga ka mokana ga yona ya Kanana—gore go be ya lune go ya go yye fote ke nyoko ba Modimo wa tsona.”

9 Modimo a ya mahlong a bolabola le Abhrahama a re: “Wene, ditlogolwane* tsago le meloko yo yi sa nyoko tlang le sa lebale kwano yo ke yi makiyeng nago. 10 Yowa ke kwano yo ke yi makang nago gore wene le ditlogolwane* tsago le sa yi lebale: Motho ye mongwana le ye mongwana wa monna di nyaka a bollwe. 11 Di nyaka le bollwe,* go ko ba go le mošupetso wa kwano yo ke yi makiyeng nago. 12 Ga meloko yago ka moka di nyaka motho ye mongwana le ye mongwana wa monna wa go ba le 8 ya matšatši a bolotsiwe, le mo go ka fo ba go le wa mutšing wago, go se ngwanago kela go le wa gore o mo rekiye ga motho wa gore o tšwa a sepela. 13 Monna ye mongwana le ye mongwana wa gore o belegiwwe ka mutšing wago le wa gore o mo rekiye ka tšheleta yago di nyaka a bolotsiwe, go ko ba go le mešupetso yo yi leng mmeleng ya lune ya go tshwanisela kwano ya go ya go yye yo ke yi makiyeng nago. 14 Mo nkare go na le monna wa gore aa bollwa fote aa nyake go bollwa, a bolayiwe. Aa theetsela kwano yaka.”

15 Ke mokane Modimo a botsa Abhrahama gore: “Mosadi wago Sarayi* o sa sa mmitsa gore ke Sarayi ka gore lebitso lage go nyoko ba Sara.* 16 Ke nyoko mo rufa fote o nyoko go belegela morwayi; ke nyoko mo rufa fote mo gage go nyoko tšwa ditšhaba le magoši ya batho.” 17 Mo a reyane, Abhrahama a kgotama a lebisa hlogo fase ke mokane a thomisa go tshega a tiputsisa gore: “Nje monna wa 100 ya mengwaga ba ka mmelegela ngwana, fote Sara wa gore o na le 90 ya mengwaga ayitsano a ka hlwa a sa belega?”

18 Byalo Abhrahama a botsa Modimo wa mannete gore: “Ke kgopela o rufe Išimayele!” 19 Mo a reyane, Modimo a re: “Mosadi wago Sara o nyoko go belegela morwayi, o mo reye gore ke Isaka.* Ke nyoko maka kwano naye ya gore yi nyoko berekela yene le ditlogolwane* tsage go ya go yye. 20 Mara mo go le ka Išimayele, ke go kwile. Ke nyoko mo rufa fote ka maka gore a be le bana ba go tlala ka matla. Mo gage go tšwa 12 ya dindhuna fote ke nyoko maka gore a be setšhaba se segolo. 21 Mara kwano yaka ke nyoko yi maka le Isaka wa gore Sara o nyoko go belegela yene ka nako yonowa mongwaga wo wo tlang.”

22 Modimo a tloga mo a fetsa go bolabola le Abhrahama. 23 Ke mokane Abhrahama a tseya morwayi wage Išimayele le banna ka mokana ga bona ba mutšing wage le ye mongwana le ye mongwana wa gore o mo rekiye ka tšheleta, monna ye mongwana le ye mongwana ye a leng ka mutšing wa Abhrahama, a ba bolotsa ka letšatši lolone go fo ya ka mokgo Modimo a bolabodiyeng naye ka gona. 24 Abhrahama o bollwe a na le 99 ya mengwaga. 25 Morwayi wage Išimayele o bollwe a na le 13 ya mengwaga. 26 Abhrahama le morwayi wage Išimayele ba bollwe ka letšatši lolone. 27 Banna ka moka ba mutši wage, ye mongwana le ye mongwana wa gore o belegiwwe hone mutšing le wa gore ba mo rekiye ka tšheleta ga motho wa go tšwa a sepela le bona ba bollwa naye.

18 Ka nthago, Jehova a nyarela ga Abhrahama nakwela Abhrahama a le gare ga mehlare ye megolo ya Mamore. Ke mo a duli monyako wa letente lage ka nako ya mo letšatši le fisa ka matla. 2 Mo a tsosa hlogo a bona banna kararo (3) ya bona ba yemele kgolenyana. Mo a ba bona, a taboga a ye ba gahlanetseng ke mokane a kgotama a yinamisa hlogo. 3 A re: “Jehova, ke kgopela o sa fete lelata lago mo nkare le ya go jabodisa. 4 Ke ya kgopela barena, yemaneng ba leye meetši ba le hlapise mawoto; ke mokane le khutse hala tlase ga mohlare. 5 Ka gore ke lune bawa le tlile mutšing wa lelata la lune, yema ke tle le sekgwa gore le thogo kraya matšhika nyana. Ke mokane le ko thogo sepela.” Mo a reyane, ba re: “Go lukiye. Maka ka mokgo o hlayyeng ka gona.”

6 Byalo Abhrahama a tabogela ka ku letenteng ga Sara a re: “Yakgoswa! Duba gana hala ga 12 ya dikhiloghremo* tsa folawa, o make malofo ya sekgwa.” 7 Abhrahama a tabogela ku morapeng a hlawola senamane sa pholo sa gore se philegiye. A se neya lelata lage gore le thogo se bolaya ke mokane le se yapege. 8 A tseya sa go tlotsela, lebese le senamane sa pholo sela a se yapegiyeng, a di beya mahlong ga bona. A yema hone thoko ga bona ka tlase ga mohlare mo ba kene ba ja.

9 Ba re gage: “Sara mosadi wago o kaye?” A re: “O ka mo letenteng.” 10 Byalo, ka wwoši wa bona a ya mahlong a re: “Ke nyoko boya gago ka nako yowa mongwaga wo wo tlang, ka nako yonone mosadi wago Sara o nyoko ba a na le morwayi.” Sara ke mo a theetsele a le hala monyako wa letente la gore ke mo le le ka nthago ga morenene. 11 Abhrahama le Sara ke mo ba tsofele, mengwaga ke mo yi yye. Sara ke mo a šele a fitiye mengwaga yage ya go belega. 12 Byalo, Sara a thomisa go tshega ka pelo a re: “Ke šele ke tsofele ka matla fote le morenaka o tsofele, ayitsano nka hlwa ke sa belega?” 13 Ke mokane Jehova a re ga Abhrahama: “Ke ntaba Sara a tshegiye fote a re, ‘Ayitsano nka hlwa ke sa belega nkene ke tsofele ka mokgo?’ 14 Nje se gona sa gore se ka šita Jehova? Ke nyoko boya gago ka nako yowa mongwaga wo wo tlang, fote ka nako yonone Sara o nyoko ba a na le morwayi.” 15 Mara Sara a phiga, a re: “A ke ya tshega!” ka taba la gore ke mo a tšhugiye. Mo a reyane, Modimo a re: “Eya! O tshegiye.”

16 Mo banna bala ba tlogamela gore ba sepele, Abhrahama a ba felegetsa go segela ga poleke yo ba thomisiyeng go bona Sodoma. 17 Jehova a re: “Ayitsano ke nyoko wutetsela Abhrahama tso ke nyoko di makang? 18 Gabutšibutši, ga Abhrahama go nyoko tšwa setšhaba se segolo sa go ba le matšhika, fote ditšhaba ka mokana ga tsona tsa ho lefaseng di nyoko rufega ka taba lage. 19 Ke mo hlawodiye gore a botse barwayi bage le ditlogolwane tsage gore ba theetsele molawo wa Jehova ka go maka tsa gabutši, gore Jehova a thogo leya tso a di tshepisiyeng Abhrahama.”

20 Ke mokane Jehova a re: “Tso di sinnyeng ke Sodoma le Ghomora ke tse dikgolo ka matla, fote batho bo ba llang ka yona ke ba kwile. 21 Ke nyoko ya ke ye boneng gore ayitsano tso batho ba llang ka tsona ke nnete fote go sa le ka mokgonone. Mo nkare a go ka mokgonone, nko ba ke di tšiba.”

22 Banna bala ba tloga ba ya Sodoma, mara Jehova a šala le Abhrahama. 23 Abhrahama a šutela a re: “Ayitsano mo o fetsa ka bo ba dipelo tse diphifadu o nyoko fetsa le ka bo ba go loka? 24 Tla re fo re go na le 50 ya batho ba gore ba lukiye hone mutšing. Ayitsano o nyoko fetsa ka bona, wa sa kwele poleke yone go baba ka taba la bo ba go loka 50 ya bona ba go dula hone? 25 O ka sa tsoge o makiye dilo tsa mošaga wowa, wa bolaya batho ba go loka mo o fetsa ka bo ba dipelo tse diphifadu tsa nkare bo ba go loka le bo ba dipelo tse diphifadu baa tshwana! O ka sa tsoge o di makiye tsotsone. Ayitsano ye wa go yahlula lefase ka mokana ga lona a ka sa make tsa gabutši?” 26 Ke mokane Jehova a re: “Mo nka kraya 50 ya batho ba go loka ku mutšing wa Sodoma, ke nyoko kwela poleke yone ka mokana ga yona go baba ka taba la bona.” 27 Mara Abhrahama a fetola fote a re: “Barena Jehova, ke kgopela o ntisetse ke ye mahlong ke bolabola ka gore ke fo ba lerole le luta. 28 Tla re fo re go na le 45 ya batho ba gore ba lukiye. Ayitsano o nyoko fetsa ka mutši wone ka moka ka taba la gore go gayela batho kapheta (5) ya bona?” Mo a reyane, Modimo a re: “Nka sa fetsi ka wona mo nka kraya 45 ya bona.”

29 A bolabola fote le Modimo a re: “Tla re fo re go na le 40 ya bona.” Modimo a re: “Nka sa fetsi ka wona ka taba la 40 ya bona.” 30 Abhrahama a ya mahlong a re: “Jehova barena, ke kgopela o sa kwate mara ke kgopela o ntisetse ke ye mahlong ke bolabola: Tla re fo re o kraya 30 ya bona.” Modimo a re: “Mo nka kraya 30 ya bona nka sa fetsi ka wona.” 31 Abhrahama a ya mahlong a re: “Barena Jehova, ke kgopela o ntisetse ke ye mahlong ke bolabola: Tla re fo re o kraya 20.” Modimo a re: “Nka sa fetsi ka wona ka taba la 20 ya bona.” 32 A fetsa a yitseri: “Jehova barena, ke kgopela o sa kwate mara ke kgopela go bolabola la mafelelo: Tla re fo re o kraya 10.” Modimo a re: “Nka sa fetsi ka wona ka taba la 10 ya bona.” 33 Jehova a tloga mo a fetsa go bolabola le Abhrahama, Abhrahama le yene a ya gaye.

19 Mangeloyi yala ka mabedi ma segele Sodoma mo letšatši le kgwalala, fote Llota ke mo a duli gheyiting ya Sodoma. Llota o yitseri go ma bona, a tlogamela a ye ma gahlanetseng a segela a kgotama a yinamisiye sefahlego. 2 Ke mokane a re: “Ke kgopela le fetse bošego ka byoši le le gaye ga lelata la lune gore ba le hlapise mawoto. Le ko tsoga ka bošego le sepela.” Mo a reyane, ma re: “Awwa, re ko fetsa bošego re le ku batho ba gahlanelang gona.” 3 Mara a ya mahlong a ba kgopela ba šinya ba ya naye gaye. A ba makela tsa go ja, a ba bhakela sekgwa sa go se na dikomelo ke mokane ba ja.

4 Mo ba soko yetsela, banna ba mutši wa Sodoma go tlugisela ga ba banyana go segela ga ba bagolo, ba kgobakana ba kene ba rasa hone ntlong. 5 Ba fo ya mahlong ba kene ba yahlamela Llota ba re: “Ba kaye banna bo ba tlileng howa gago lekgono? Ba ntshe, o ba leye ho ka gore re nyoko yetsela nabo.”

6 Ke mokane Llota a tšwa a ya ga bona, mo a tšwile a kwala sekwalo. 7 A re: “Awwa bowweru, le sa makeneng dilo tsa go befa. 8 Ke ya le kgopela, ke na le barwediya ka babedi ke bowa ba gore a ba soko yetsela le monna. Ke kgopela go ba leya ho ga lune gore le make so le bonang se lukiye. Mara banna bowa le sa ba make selo ka gore ba vakašele nna.” 9 Mo a reyane, ba re: “Yemela ku nthago wene!” Ba boya ba re: “Motho ye wa go fo tšwa a sepela o tlile a tl’le dula ho, mara o nyoko yahlulana le rune! Wene re nyoko go maka tsa go feta tso re nyoko di makang bona.” Ba tšhofa Llota ba nyaka go roba sekwalo. 10 Banna bala ne ba le ka mo ntlong, ba goga Llota ke mokane ba kwala sekwalo. 11 Ba maka gore banna bo ne ba le mola monyako ba popele maahlo, go tlugisela ga ye monyana go segela ga ye mogolo, gore ba šinye ba tinwa ba nyakana le sekwalo.

12 Banna bala ka babedi ba re ga Llota: “Go na le mašaga yago mowa? Bakgwenyane bago, barwayi bago, barwediya bago le batho bago ka mokana ga bona, tšwang nabo mo polekeng yowa! 13 Re nyoko fetsa ka poleke yowa, ka taba la gore Jehova o di kwile gore batho ba lla ka matla ka taba la yona, byalo Jehova o re romme gore re fetse ka yona.” 14 Byalo Llota a tšwa a thomisa go bolabola le bakgwenyane bage ba gore ke mo ba nyoko šadha le barwediya bage, fote a ya mahlong a re: “Yakgoswaneng, le tšwe mo ga poleke yowa ka taba la gore Jehova o nyoko fetsa ka yona!” Mara bakgwenyane bage ke mo ba fo tseya gore o tshwere ya go kgana.

15 Mo letšatši le šele le nyoko hlaba, mangeloyi ma liketsa go maka gore Llota a yakgoswe, ma re: “Tlogamela! Tseya mosadi wago le barwediya bago ka babedi ba gore ba nago, gore go sa fele ka lune ka taba la tso di makiyeng ke batho ba mutši wowa!” 16 Mo a sa jikajika, banna bala ba mo tshwara ka letsogo, yene le mosadi wage le barwediya bage ka babedi, ka taba la gore Jehova ke mo a mo kwela go baba ke mokane ba ba ntsha ka mone mutšing. 17 Mo ba fetsa go ba ntsha, ye mongwana wa bona a re: “Tšhabaneng le phonise maphelo ya lune! Le sa lebelele nthago fote le sa tsame le yema! Tšhabelaneng dithabeng gore go sa fele ka lune!”

18 Llota a re ga bona: “Jehova barena, ke kgopela go sa yi hone! 19 O kwele lelata lago go baba fote o šupetsiye gore o nnyaka ka matla mo o phonisa lephelo laka, mara nka sa di kgone go tšhabela ku dithabeng ka taba la gore ke ya tšhaba gore nka makegela ke dilo tsa go befa ke mokane ka kgwa. 20 Barena, go na le mutši ho thina wa gore nka tšhabela ga wona; go fo ba mutši wo monyana. Ke kgopela go tšhabela ga wona. Go fo ba mutši wo monyana. Nko thogo phona.” 21 A re ga Llota: “Go lukiye, ke nyoko go makela so o se kgopelang, nka sa fetse ka mutši wo o bolabolang ka wona. 22 Yakgoswa! Tšhabela ga wona, ka taba la gore nka sa make selo le soko segela!” Nka taba lo a reyyeng mutši wone gore ke Zowara.*

23 Letšatši ke mo le šele le hlabiye mo Llota a segela Zowara. 24 Jehova a maka gore go ne mollo le matlapa ya gore maa dura ku Sodoma le Ghomora—ke mo di tšwa magedimong ga Jehova. 25 Byalo a psyitlanya mitši yone le mitši ye mengwana ya gore ne yi le gana hone, a fetsa le ka batho ka mokana ga bona ba gore ke mo ba dula ga mitši yone le dimilane tsa gana hone. 26 Mara mosadi wa Llota wa gore ke mo a le ka nthago gage, a thomisa go lebelela nthago ke mokane a fetoga sewulu sa letswayi.

27 Byalo, Abhrahama a tsoga go sa le ka phu a ya ga poleke ya gore o yye a yema mahlong ga Jehova a le ga yona. 28 Mo a lebelela ka nthoko ya Sodoma le Ghomora le mitši ka moka yo ne yi le gana hone, a bona go tshosa. Ke mo go tlemme mmuši wa go tshwana le wa go tšwa ontong ya fase mone polekeng yone! 29 Byalo, Modimo a gopola tso a di butsiyeng Abhrahama, a ntsha Llota ga mitši yo ne a nyoko fetsa ka yona, Llota ke mo a dula gana hone ga mitši yone.

30 Ka nthago, Llota a tloga Zowara le barwediya bage ka babedi, ba thomisa go dula dithabeng ka taba la gore ke mo a tšhaba go dula Zowara. Byalo a thomisa go dula ka teng ga lekori le barwediya bage ka babedi. 31 Yewa ye mogolo a botsa yewa ye monyana a re: “Papa wa rune o tsofele fote howa a go na monna wa gore a ka re neya bana go ya ka setlwayedi sa lefase lowa. 32 Tla re neye papa wayini ke mokane re yetsele naye, re ko thogo ba le bana gore moloko wa papa wo sa kgwelele.”

33 Ba fo ya mahlong ba neya papa wa bona wayini bošego byone; ke mokane ye ye mogolo a yetsela le papage mara papage aa mmona mo a tla le gore o tlugiye nako mang. 34 Ka motshwana wa gona, ye ye mogolo a re ga monyananage: “Nna ke yetsele le papa malobana bošego. Tla re mo neye wayini le lekgono. Ke mokane wene o yetsele naye, re ko thogo ba le bana gore moloko wa papa wo sa kgwelele.” 35 Byalo, ba ya mahlong ba neya papa wa bona wayini bošego byone, ke mokane ye ye monyana a ya a ye yetsela naye mara papage aa mmona mo a tla le gore o tlugiye nako mang. 36 Barwediya ba Llota ka babedi ba yimisa ke papa wa bona. 37 Ye ye mogolo a belega morwayi, a mo reya gore ke Mowaba. Ke yene papa wa Mamowaba. 38 Ye ye monyana a belega morwayi, a mo reya gore ke Bhene-ami. Ke yene papa wa Maamoni.

20 Byalo Abhrahama mo a tloga mone a ya nageng ya Neghebe, a ye dula segare ga Kadeše le Šuri. Mo a kene a dula Gherare, 2 Abhrahama mo a bolabola ka mosadi wage Sara ke mo a dula a re: “Ke sesi waka.” Byalo, Abhimeleke kgoši ya Gherare a re ba mo leyele Sara. 3 Ka nthago, Modimo a bolabola le Abhimeleke ka moloro a re: “Wene o nyoko kgwa ka taba la mosadi ye o mo tsereng, ka gore o šadhiye le monna ye mongwana.” 4 Mara Abhimeleke ne a soko mo tikisa.* Byalo a re: “Jehova, ayitsano o nyoko fetsa ka setšhaba sa gore a se ya sinya selo? 5 Anthe monna ye aa hlaya gore ‘Ke sesi waka,’ le yene mosadi ye aa hlaya gore ‘Ke bhuti waka’? Ne ke sa nagana tsa go befa, ne ke sa tšibi gore tso ke di makang a yi tsona.” 6 Ke mokane Modimo wa mannete a re: “Ke ya di tšiba gore ne o sa nagana tsa go befa, nka taba lo ke makiyeng gore o sa nsinyele. Nka taba lo ke sa go dumelelang gore o mo tikise. 7 Byalo, solotsa mosadi wa monna yewa ka gore monna yewa ke moporofeta, o nyoko go rapelela ke mokane wa ya mahlong o phela. Mo o ka sa mmusetsi, o di tšibe gore wene le ba mutši wago le nyoko kgwa.”

8 Abhimeleke a tsoga go sa le ka phu a bitsa malata yage ka mokana ga wona, a ma botsa dilo tso ka moka ke mokane ma tšhoga ka matla. 9 Ke mokane Abhimeleke a bitsa Abhrahama a re gage: “O re maka ying mara? Ke go sinyele ying sa go šinya se maka gore o leyele nna le mmušo waka senyama se se kaa? Tso o mmakiyeng tsona, a yi tsona.” 10 Fote Abhimeleke a ya mahlong a re ga Abhrahama: “Ke mo o naganne ying mo o šinya o maka dilo tsowa?” 11 Abhrahama a re: “Ne ke tiputsiye gore, ‘Batho ba howa a ba tšhabe Modimo, fote ba ka mpolaya ka taba la mosadi waka.’ 12 Mara ke ya resa mo ke re ke sesi waka, a yi morwediya wa mmane mara ke morwediya wa papa, nna ke mo tsere ka mo maka mosadi waka. 13 Byalo, mo Modimo a re ke tloge ntlong ya papa, ka re ga mosadi waka: ‘Go gongwana le go gongwana mo re yang gona o segele o re, “Yewa ke bhuti waka” go šupetsa gore a o timakisi mo o re wa nnyaka.’”

14 Ke mokane Abhimeleke a neya Abhrahama dinku, dikgomu, malata ya banna le basadi, a mo neya le mosadi wage Sara. 15 Abhimeleke a boya a re: “Naga yaka ke yowa. O ka dula mo o nyakang.” 16 A botsa Sara a re: “Ke nna yewa ke neya bhuti wago 1 000 ya ditšheleta tsa silva. Ke tsona tso di nyoko šupetsang gore a wa sinya selo ga batho bo ba nang nago le bo ba go lebeleleng, fote o ka sa poyidiwi.” 17 Abhrahama a ya mahlong a rapela Modimo wa mannete di mmaba, ke mokane Modimo a yalafa Abhimeleke, mosadi wage le malata yage ya bannyana, ba thomisa go ba le bana; 18 ka gore Jehova ke mo a makiye gore basadi ka mokana ga bona ba mutši wa Abhimeleke ba sa be le bana ka taba la Sara mosadi wa Abhrahama.

21 Jehova a gopola Sara go fo ya ka mokgo a hlayyeng, fote Jehova a makela Sara tso a di tshepisiyeng. 2 Byalo Sara a yima a belegela Abhrahama morwayi, tsotsone di makegiye ka nako yo Modimo a bolabodiyeng gore o nyoko yima ka yona. Abhrahama ke mo a tsofele. 3 Abhrahama a reya morwayi wage wa gore o mmelegele ke Sara gore ke Isaka. 4 Fote Abhrahama a bolotsa morwayi wage Isaka mo a na le 8 ya matšatši, go fo ya ka mokgo Modimo a mmutsiyeng. 5 Abhrahama ke mo a na le 100 ya mengwaga nakwela ba mmelegela morwayi wage Isaka. 6 Ke mokane Sara a re: “Modimo o mmakiye gore ke tshege; ye mongwana le ye mongwana ye a kwelelang taba yowa o nyoko tshega le nna.”* 7 A tokegela ka gore: “Ke mang ye ne a ka tshepa gore nna Sara nka belegela Abhrahama ngwana? Mara ke nna yewa ke mmelegele morwayi a kene a tsofele.”

8 Byalo, ngwanene a gola ke mokane ba mo lomola, fote Abhrahama a maka monyanya wo mogolo ka letšatši lo ba lomodiyeng Isaka ka lona. 9 Mara Sara a di bona gore morwayi wa gore Haghara wa Leegepita o mmelegele Abhrahama o kweranya Isaka. 10 Byalo a re ga Abhrahama: “Raka lelata lowa le morwayi wa lona, ka taba la gore morwayi wa lelata lowa a ka sa be mojalefa le morwayi waka Isaka!” 11 Mara Abhrahama o yye a kwatisa ke tso Sara a di hlayyeng ka morwayi wage. 12 Modimo a re ga Abhrahama: “O sa kwatisi ke tso Sara a di hlayang ka morwayi wago le ka lelata lago. Mo theetsele* ka gore ditlogolwane* tsago di nyoko tšwa ga Isaka. 13 Ke nyoko maka gore go tšwe setšhaba ga morwayi wa lelata lago ka taba la gore le yene ke ngwanago.”*

14 Byalo Abhrahama a tsoga go sa le ka phu, a tseya tsa go ja le lepotlela la meetši la go makiwa ka mokgopa a di neya Haghara. A di kgapega mo legetleng lage ke mokane a re yene le mošomanyana yene ba sepele. Haghara a tloga ke mokane a yinghayingha le mašahla ya Bhere-šeba. 15 Meetši yala ma fela ka hala lepotleleng, a šiya mošomanyana yene ga lešahla le lengwana gana hone. 16 Ke mokane a tloga a ya a dula a ntoši ku thokonyana,* ka gore ne a re: “A ke nyake go bona mošomanyana ye a kgwa nkene ke mo lebelele.” Ke mokane a ye dula ku thoko a thomisa go lla ka matla, a gotla.

17 Modimo a kwa lentsu la mošomanyana yela, ke mokane lengeloyi la Modimo la bitsa Haghara le le magedimong la re gage: “Go makiye byang Haghara? O sa tšhoge ka taba la gore Modimo o kwile lentsu la ngwanago. 18 Tlogamela o ye tsosa mošomanyana yela o mo tshware ka letsogo, ka taba la gore ke nyoko maka gore mo gage go tšwe setšhaba se segolo.” 19 Modimo a bula maahlo ya Haghara ke mokane Haghara a bona sediba sa meetši, a ya a tlatsa lepotlela lela ka meetši, a neya ngwanage gore a nwe. 20 Fote Modimo ke mo a pasopa mošomanyana yene mo a kene a gola. Ke mo a dula ku mašahleng, a tšhuta go berekisa mosefo. 21 Ke mo a dula mašahleng ya Parane, fote mmane wage a mo tseyela mosadi nageng ya Egepita.

22 Ka nako yonone, Abhimeleke le Fikholo ndhuna ya masole yage ba botsa Abhrahama gore: “Re ya di bona gore Modimo o nago ga dilo ka moka tso o di makang. 23 Byalo, ntshepise gana byalo mahlong ga Modimo gore o ka sa mmake bošakašakane, nna le bana baka le ditlogolwane tsaka, fote o šupetse gore a o timakisi mo o re wa nnyaka fote o nyaka le batho ba poleke yowa go fo tshwana le ka mokgo le nna ke go šupetsiyeng gore ke ya go nyaka.” 24 Ke mokane Abhrahama a re: “Ke ya go tshepisa.”

25 Mara Abhrahama a ya a kokola ga Abhimeleke ka sediba sa meetši sa gore malata ya Abhimeleke ma se tsere ka tšhinghi. 26 Abhimeleke a re: “A ke tšibi gore ke mang ye a makiyeng tsotsone, a wa mpotsa ka taba yone fote ke mo ke soko kwa ka yona go segela lekgono.” 27 Ke mokane Abhrahama a tseya dinku le dikgomu a di neya Abhimeleke, ba maka kwano. 28 Mo Abhrahama a hlawola dinkunyana tsa tshadi kašupa (7) ya tsona mola morapeng a di beyela ka thoko, 29 Abhimeleke a re ga Abhrahama: “Ke ntaba o hlawodiye dinkunyana tsowa kašupa ya tsona?” 30 Ke mokane Abhrahama a re: “Ke go neya dinkunyana tsowa kašupa ya tsona gore go be bohlatse bya gore ke nna wa go yepa sediba sowa.” 31 Nka taba lo poleke yone ba reng ke Bhere-šeba* ka gore ka babedi (2) ga bona ba makiye kwano gana hone. 32 Byalo ba maka kwano gana hone Bhere-šeba, ka nthago Abhimeleke le Fikholo ndhuna ya masole yage ba tloga ba boyela polekeng ya Mafilisita. 33 Ka nthago ga hone, Abhrahama a gaša mohlare wa thamarisiki* ku Bhere-šeba, gana hone a bitsa lebitso la Jehova, Modimo wa go ya go yye. 34 Fote go fediye nako ya go lefa Abhrahama a dula polekeng ya Mafilisita.

22 Byalo, Modimo wa mannete a liketsa Abhrahama, a re gage: “Abhrahama!” yene a re: “Ke nna yewa!” 2 Ke mokane Modimo a re: “Ke kgopela o tseye Isaka morwayi wago wa gore o fo ba a ntoši fote o mo nyaka ka matla, le ye polekeng ya Moriya, mo le segela mone o mo make sehlabelo ga thaba ya gore ke nyoko go šupetsa yona.”

3 Byalo, Abhrahama a tsoga go sa le ka phu a lukisa bhongholo yage, a tseya malata yage ka mabedi (2) le morwayi wage Isaka. A kapa mahlare ya go maka sehlabelo, a tloga a ya ga poleke yo Modimo wa mannete a mo šupetsiyeng yona. 4 Ka letšatši la kararo (3), Abhrahama a lebelela gedimo a bona poleke yone a sa le kgolenyana. 5 Byalo Abhrahama a botsa malata yage gore: “Šalaneng howa le bhongholo yowa, mara nna le mošomanyana yewa re nyoko ya ku re ye rapeleng ke mokane re nyoko boya.”

6 Byalo Abhrahama a tseya mahlare ya go maka sehlabelo ka wona a ma rwesa morwayi wage Isaka. Yene a tshwara mollo* le thipa,* ka babedi ga bona ba sepela. 7 Isaka a re ga papage Abhrahama: “Papa!” Abhrahama a re: “King ngwanaka!” Isaka a ya mahlong a re: “Go na le mollo le mahlare mara nku ya go maka sehlabelo yi kaye?” 8 Mo a reyane, Abhrahama a re: “Modimo o nyoko re neya nku ya go maka sehlabelo morwayi.” Ke mokane ba ya mahlong ba sepela.

9 Ba fetsa ba segele ga poleke yo Modimo wa mannete a mo šupetsiyeng yona, ke mokane Abhrahama a maka aletare, a beya mahlare yane gabutši gedimo ga yona. A tlema mawoto le matsogo ya morwayi wage Isaka, a mmeya gedimo ga aletare, gedimo ga mahlare yala. 10 Byalo Abhrahama a ntsha thipa gore a thogo bolaya morwayi wage. 11 Mara lengeloyi la Jehova la mo yahlamela le le magedimong la re: “Abhrahama, Abhrahama!” yene mo a fetola a re: “Ke nna yewa!” 12 La re: “O sa kwaletse mošomanyana yene, o sa mo make selo ka taba la gore gana byalo ke ya di bona gore wa mo tšhaba ga Modimo ka gore a wa nkona morwayi wago wa gore o fo ba a le ntoši.” 13 Abhrahama a lebelela gedimo, a bona go na le nku ya pholo ka ho thoko gage ya gore manaka ya yona ke mo ma hakegiye ku lešahleng. Byalo, Abhrahama a ya a tseya nku yone ya pholo a maka sehlabelo ka yona sekaleng sa morwayi wage. 14 Ke mokane Abhrahama a re poleke yone ke Jehova-jayira.* Nka taba lo le lekgono lo ba sa na ba hlaya gore: “Jehova o nyoko re neya tso re di gayelang thabeng yage.”

15 Lengeloyi la Jehova la bolabola le Abhrahama fote le le magedimong, 16 la re: “Jehova o re, ‘Ke ya go tshepisa ka gore o makiye tso ke di hlayyeng wa sa gane ka morwayi wago wa gore go fo ba yene a ntoši, 17 ke nyoko go rufa fote ke nyoko maka gore ditlogolwane* tsago di tlale go tshwana le dinanedi tsa ku magedimong le santa ya ku mawatleng, fote ditlogolwane* tsago di nyoko tseya mitši* ya manaba ya tsona. 18 Fote ditšhaba tsa lefaseng ka mokana ga tsona di nyoko rufiwa ka taba la ditlogolwane* tsago ka gore wene o theetsele lentsu laka.’”

19 Ka nthago Abhrahama a boyela ga malata yage ke mokane ba tloga ba ya Bhere-šeba; Abhrahama a ya mahlong a kene a dula Bhere-šeba.

20 Ka nthago, Abhrahama ba mmotsa gore: “Milkha le yene o belegele bhuti wago Nahore barwayi: 21 Morwayi wage wa mathomo ke Uzi, gwa ba le bhuti wage Bhuze, Kemuwele papa wa Aramo, 22 Khesede, Hazo, Piladaše, Jidilafo le Bhethuwele.” 23 Bhethuwele gwa ba papa wa Rebhekha. Milkha o belegele Nahore bhuti wa Abhrahama mabala ya barwayi. 24 Mosadi wage ye mongwana ye ba reng ke Rewuma le yene a mmelegela barwayi: Thebha, Ghahama, Thahaši le Mayakha.

23 Sara o phidiye 127 ya mengwaga. 2 Sara o kgwele Kiriyathe-abha ya gore ke Hebhrone nageng ya Kanana, ke mokane Abhrahama a thomisa go llela Sara. 3 Byalo Abhrahama a tloga mone setopo sa mosadi wage ne se le gona a ye bolabola le barwayi ba Hethe a re: 4 “Nna ke fo ba motho wa go tšwa a sepela mo gare ga lune. Ke kgopela le nrekiseleneng poleke ya gore ke boloke mosadi ye waka wa gore o hlokofele.” 5 Mo a reyane, barwayi ba Hethe ba re ga Abhrahama: 6 “Re theetsele morenaka. Rune re go tseya o le lelata la gore le hlawodiye ke Modimo.* O ka fo kgeta gore o nyaka go boloka mosadi wago kaye mowa ga mabitla yawa ya rune. A go na ye a ka ganang ka poleke yage.”

7 Byalo Abhrahama a tlogamela a yinamisa hlogo mahlong ga batho ba poleke yone, mahlong ga barwayi ba Hethe, 8 a re ga bona: “Mo nkare le ya dumela gore ke boloke mosadi waka, ke kgopela le ntheetseleneng, le botse Eforone morwayi wa Zohara 9 gore a nrekisele lekori lage lo le leng Makhepela; lekori lone le mo mafelelong ga tšhomo yage. A nrekisele lona le kene le lebelele, ke nyoko mo neya tšheleta ya lona yi felegelele gore ke thogo ba le poleke ya go boloka.”

10 Eforone ne a le gona mone gare ga barwayi ba Hethe. Byalo, Eforone yene wa Lehethe a fetola Abhrahama barwayi ba Hethe ba kene ba theetsele le mahlong ga bo ne ba kena gheyiting ya mutši, a re: 11 “Awwa morenaka! Ntheetsele. Tšhomo yowa ke go neya yona le lekori lo le leng ga yona. Ke go neya tsona mahlong ga barwayi ba batho ba gešu. Boloka mosadi wago.” 12 Mo a reyane, Abhrahama a yinamisa hlogo mahlong ga batho ba poleke yone 13 ke mokane a bolabola le Eforone batho ba kene ba theetsele, a re: “Ke kgopela o ntheetsele! Ke nyoko go neya tšheleta ya tšhomo yowa yi felegelele. Yi tseye gore ke thogo boloka mosadi waka ga yona.”

14 Eforone a re ga Abhrahama: 15 “Ntheetsele morenaka. Poleke yowa ke 400 ya dišekele* tsa silva, mara tšheleta yone a yi re selo. Boloka mosadi wago.” 16 Mo Abhrahama a fetsa go kwa tso Eforone a di hlayyeng, a ntsha tšheleta yo Eforone a yi hlayyeng barwayi ba Hethe ba kene ba theetsele, ke mo go le 400 ya dišekele tsa silva go ya ka mokgo bo ba go rekisa ne ba kala ka gona. 17 Byalo, tšhomo ya Eforone ya gore ke mo yi le Makhepela ya gore ne yi le mahlong ga Mamore—tšhomo yone, lekori lo ne le le ga yona le mehlare ya gore ne yi le mone ga yona—ka molawo go yye gwa ba tsa 18 Abhrahama ka gore o di rekiye mahlong ga barwayi ba Hethe le mahlong ga batho ka moka bo ne ba kena gheyiting ya mutši. 19 Ka nthago ga hone, Abhrahama a boloka mosadi wage Sara ga lekori la gore le tšhomong ya Makhepela ya gore yi mahlong ga Mamore ya gore ke Hebhrone nageng ya Kanana. 20 Barwayi ba Hethe ba neya Abhrahama tšhomo le lekori lo ne le le ga yona gore go be poleke yage ya go bolokela ga yona.

24 Abhrahama ke mo a tsofele, mengwaga yi šele yi yye fote Jehova ne a mo rufiye ka dilo ka moka. 2 Abhrahama a botsa lelata lage la gore ke lona le legolo mone mutšing la gore fote le pasopa dilo tsage ka moka gore: “Ke kgopela o tšhele letsogo lago ka ho tlase ga serope saka, 3 ke nyaka gore o ntshepise ka lebitso la Jehova Modimo wa magedimo le lefase, gore o ka sa tseyele morwayi waka mosadi gare ga barwediya ba Makanana ya ke dulang nawo. 4 O ye ku ke tšwang gona ga mašaga yaka o tseyele morwayi waka Isaka mosadi.”

5 Mara lelata lela la re: “Mo nkare mosadi yene aa nyake go tla le nna ga poleke yowa gee? Ke make byang, ke yise morwayi wago ga poleke yo o tšwang ga yona?” 6 Mo le reyane, Abhrahama a re: “Morwayi waka o sa mo yisi mone. 7 Jehova Modimo wa magedimo wa gore o yitseri ke tloge mutšing wa papa le nageng ya mašaga yaka a boya a bolabola le nna a ntshepisa gore: ‘Ditlogolwane* tsago ke nyoko di neya naga yowa,’ o nyoko maka gore lengeloyi lage le go yete mahlong fote o nyoko tseyela morwayi waka mosadi gana hone. 8 Mara mo nkare mosadi yene aa nyake go tla nago, o ko ba o lukulugiye ga tso re kwanneng ka tsona. Mara morwayi waka o sa mo yisi mone.” 9 Mo a reyane, lelata lela la tšhela letsogo la lona ka tlase ga serope sa Abhrahama mong wa lona, la mo tshepisa.

10 Lelata lela la tseya lesome (10) la dikamela tsa mong wa lona la tloga, la tseya le dilo tsa mehlobohlobo tsa gabutši tsa mong wa lona. Ke mokane la ya Mesopothamiya polekeng ya Nahore. 11 Mo le segela ga sediba sa meetši so ne se le ka tawong ga mutši wone, la yema gore dikamela di thogo khutsa. Ke mo le šele le nyoko kgwalala, fote go le nako ya gore basadi ba ya go ye ga meetši. 12 Ke mokane la re: “Wene Jehova Modimo wa mong waka Abhrahama, maka gore dilo di nsepelele gabutši lekgono fote o šupetse mong waka Abhrahama gore o mo nyaka ka matla. 13 Ke nna yewa ke yemme ho sedibeng, fote barwediya ba banna ba mo mutšing ke babane ba ye tla ba tl’le ga meetši. 14 Nkare di ka makega gore ngwannyana ye ke reng gage, ‘Ke kgopela o n’gele meetši ka pitsa yago gore ke thogo nwa,’ yene a fetola a re, ‘Nwang, ke nyoko gela le dikamela tso tsago,’ nkare go ka ba yene ye o mo kgetelang lelata lago Isaka; nko bona ka tsona gore ga mong waka o mo nyaka ka matla.

15 Mo le soko fetsa go bolabola, Rebhekha morwediya wa Bhethuwele wa gore ke morwayi wa Milkha mosadi wa Nahore, bhuti wa Abhrahama, a nyarela a beyye pitsa mo legetleng. 16 Ngwannyana yene ke mo a bafele ka matla, go le kgareba, ke mo a soko yetsela le monna. A thewoga a ya hala sedibeng, a tlatsa pitsa yage ka meetši ke mokane a boya. 17 Lelata lela la napa le taboga le ye mo gahlanetseng la re: “Ke kgopela go nwa meetšinyana ya ka mo pitseng yago.” 18 Yene a re: “Nwang morenaka.” Ke mokane a yakgoswa a thewosa pitsa yage a mo neya a nwa. 19 Mo a fetsa go le neya meetši yala a re: “Ke nyoko gela le dikamela tsago go segela di kgolwa.” 20 Byalo a yakgoswa a tshollela meetši yane sekareng, a taboga ga tleletlele a ye ga meetši hala sedibeng, a fo ya mahlong a gela dikamela tsone meetši. 21 Nako yone ka mokana ga yona lelata lone ke mo le makele le f’lo mo lebelela le yitseri tsee! Ke mo le tiputsisa gore ayitsano Jehova o makiye gore le phomelele kela awwa.

22 Mo dikamela tsela di fetsa go nwa, lelata lela la ntsha lereni la ho nkong la gholdi la go kala sekopa sa šekele* la mo neya, la mo neya le mabhengere ka mabedi (2) ya gholdi ya go kala lesome la dišekele, 23 ke mokane la re gage: “Mpotse ša, ke wene morwediya wa mang? Go na le ga gore re ka yetsela gona ku gagenu?” 24 Mo a fetola a re: “Ke nna morwediya wa Bhethuwele morwayi wa Milkha, wa gore o mmelegele Nahore.” 25 A tokegela ka gore: “Re na le mahlaka le mabyang ya go tlala fote le ga go yetsela go gona.” 26 Ke mokane lelata lela la kgotama la yinamisa hlogo mahlong ga Jehova 27 la re: “Go thanakiwe Jehova Modimo wa mong waka Abhrahama, ka gore o šupetsiye mong waka gore o mo nyaka ka matla fote o dula a maka tso a mo tshepisiyeng tsona. Jehova o n’yetetsiye gore ke segele gaye ga bobhuti ba mong waka.”

28 Ngwannyana yene a taboga a ye botsa mmane wage le ba bangwana ba hone mutšing ditaba tsone. 29 Rebhekha ke mo a na le bhuti ye ba reng ke Labane. Byalo, Labane a tabogela ga monna yela ne a le ku sedibeng. 30 Mo Labane a bona lereni la mo nkong le mabhengere ya ma leng matsogong ya sesi wage fote a kwa tso di hlayang ke sesi wage Rebhekha mo a re, “Tsowa ke tso monna yene a mputsiyeng tsona,” Labane a ya a gahlana le monna yela wa gore ne a le ku sedibeng a na le dikamela tsela. 31 A segela a re: “Wene wa gore o rufiye ke Jehova tlang. Anthe o yemele ying mowa? Ke go lukiselele ga go yetsela fote ke lukisiye le poleke ya dikamela.” 32 Mo a reyane, lelata lela la kena ka ntlong ke mokane a* tlosa morwalo wo dikamela tsela ne di wo rwele, a di neya mahlaka le mabyang fote a tla le meetši ya go hlapisa mawoto ya monna yela le ya banna bo ne ba le naye. 33 Mara mo ba le neya tsa go ja la re: “Nka sa ji ke soko le botsa tso ke nyakang go le botsa tsona.” Byalo Labane a re: “Bolabola!”

34 Ke mokane la re: “Ke nna lelata la Abhrahama. 35 Fote Jehova o rufiye mong waka ka matla, a maka gore a ghanye ka go mo neya dinku le dikgomu, silva le gholdi, malata ya banna le ya basadi, le dikamela le di bhongholo. 36 Fote Sara mosadi wa mong waka o belegele mong waka morwayi a šele a tsofele, mong waka o nyoko neya morwayi wage dilo tsage ka mokana ga tsona. 37 Byalo mong waka o makiye gore ke mo tshepise, o yitseri: ‘O sa tseyele morwayi waka mosadi gare ga barwediya ba Makanana ya ke dulang nageng ya wona. 38 Mara o ye ku mašageng ya papa, o tseyele morwayi waka mosadi gana hone.’ 39 Mara ka botsa mong waka gore: ‘Mo nkare mosadi yene aa nyake go tla le nna gee?’ 40 Mong waka a re: ‘Jehova wa gore ke mmerekele o nyoko romela lengeloyi lage gore le sepele nago fote o nyoko maka gore o phomelele, o tseyele morwayi waka mosadi ga ba geru, ga batho ba mutši wa papa. 41 Mo ba ka gana gore ngwannyana yene a tle nago, wene o ko ba o makiye tso o ntshepisiyeng tsona. Fote o ko ba o lukulugiye ga tso o ntshepisiyeng tsona.’

42 Mo ke segela ku sedibeng lekgono, ke yitseri: ‘Wene Jehova Modimo wa mong waka Abhrahama, maka gore ke phomelele, 43 ka taba la gore ke nna yewa ke yemme mo sedibeng. Tsowa ke tso di nyoko makegang: Mo ngwannyana yene a tla go tl’le ga meetši ke nyoko re, “Ke kgopela go nwa meetšinyana ya ka mo pitseng yago,” 44 ke mokane yene o nyoko re, “Tseya o nwe, fote ke nyoko gela le dikamela tso tsago.” Ngwannyana yene go nyoko ba yene ye Jehova a mo kgeteleng morwayi wa mong waka.’

45 “Mo nkene ke sa bolabola ka pelo, Rebhekha a nyarela a beyye pitsa mo legetleng lage a ya go ga meetši ku sedibeng. Ke mokane ka re gage: ‘Ke kgopela meetši.’ 46 Ke mokane a yakgoswa a thewosa pitsa yage a re: ‘Nwang, fote ke nyoko gela le dikamela tsago.’ Ke mokane ka nwa, a boya a gela le dikamela tsone meetši. 47 Ka nthago ka mmutsisa gore, ‘Ke wene morwediya wa mang?’ yene a re, ‘Ke nna morwediya wa Bhethuwele morwayi wa Nahore wa gore Milkha o mmelegele yene.’ Byalo ka mo tšhela lereni mo nkong ka mo yapesa le mabhengere mo matsogong. 48 Ke mokane ka kgotama ka yinamisa hlogo mahlong ga Jehova, ka thanaka Jehova Modimo wa mong waka Abhrahama wa gore o n’yetetsiye gore ke thogo tseya morwediya wa bhuti wage gore go be mosadi wa morwayi wa mong waka. 49 Mpotseneng mo nkare le ya di nyaka go šupetsa mong waka gore le ya mo nyaka fote le ya tshepega gage; mara mo nkare a le nyake, le gona le mpotse gore ke thogo fetela mahlong.”

50 Byalo Labane le Bhethuwele ba re: “Tsowa di tšwa ga Jehova. A yi mmereko wa rune go dumela kela go gana. 51 Rebhekha ke yewa. Mo tseyeneng le sepeleneng naye, a be mosadi wa morwayi wa mong wago go ya ka mokgo Jehova a bolabodiyeng.” 52 Mo lelata la Abhrahama le fetsa go kwa tso ba di hlayyeng, la napa le kgotama la yinamisa hlogo mahlong ga Jehova. 53 Byalo lelata lela la neya Rebhekha dilo tsa go makiwa ka silva le gholdi la mo neya le dikobo, la neya le bhuti wage le mmane wage dilo tsa go tura. 54 Ka nthago, lelata lone le banna bo ke mo ba le nalo ba ja, ba nwa ke mokane ba yetsela.

Mo le tsoga ka bošego la re: “Ke kgopela go boyela ga mong waka.” 55 Mo le reyane, bhuti wa ngwannyana yela le mmane wage ba re: “Re kgopela gore ngwannyana yewa a dule le rune lesome (10) la matšatši. Ka nthago ga hone, a ka sepela.” 56 Mara lona la re: “Ke kgopela le nlisetse ke sepele ka taba la gore le lune le ya di bona gore Jehova o makiye gore ke phomelele. Ntisetseneng ke sepele gore ke thogo ya ga mong waka.” 57 Byalo ba re: “Tla re bitseneng ngwannyana yewa re butsiseneng yene.” 58 Ba bitsa Rebhekha ba re gage: “O nyaka go sepela le morene?” Yene a re: “Nko sepela naye.”

59 Byalo, ba layela Rebhekha sesi wa bona, le ye wa go mo pasopa le lelata la Abhrahama le banna bo ne a le nabo. 60 Ba rufa Rebhekha ba re gage: “Sesi, nkare o ka ba le dikete tsa go tlala tsa bana fote nkare ditlogolwane* tsago di ka tseya mitši ya manaba ya tsona.” 61 Ke mokane Rebhekha le bo ba go mo pasopa ba basadi ba kalama dikamela ba šala lelata lela nthago. Byalo, lelata lela la tseya Rebhekha la sepela naye.

62 Isaka a nyarela le lo la Bhere-lahayi-royi ka gore ke mo a dula nageng ya Neghebe. 63 Byalo, mo le šele le kgwalala, Isaka ke mo a sepela ku mašemong a kene a ghayela. Mo a re! a bona dikamela di tla! 64 Mo Rebhekha a lebelela a bona Isaka, a napa a phologa mone kameleng. 65 Rebhekha a butsisa lelata lela a re: “Ke mang monna yela a sepelang ku mašomong wa gore o tl’le re gahlanetseng?” Lelata lela la re: “Ke mong waka.” Byalo Rebhekha a tseya llapi a tikwala ka lona. 66 Fote lelata lela la botsa Isaka dilo ka mokana ga tsona tso le di makiyeng. 67 Ka nthago, Isaka a kena naye ka letenteng la mmane wage Sara. A tseya Rebhekha gore go be mosadi wage; a fo kwa a mo nyaka ka matla, tsotsone dya mo kgomoletsa ka taba la gore o kgwele ke mmane.

25 Byalo, Abhrahama a tseya mosadi ye mongwana fote, lebitso lage ke mo go le Khetura. 2 Mo nako yi kene yi ya a mmelegela Zimorane, Jokošane, Medane, Midiyane, Išibhaka le Šuwa.

3 Jokošane gwa ba papa wa Šebha le Dedani.

Barwayi ba Dedani ke mo go le Ašurimi, Letušimi le Lewumimi.

4 Barwayi ba Midiyane ke mo go le Efaha, Efere, Hanoko, Abhida le Elda. Bowa ka mokana ga bona ke mo go le barwayi ba Khetura.

5 Ka nthagonyana, Abhrahama a neya Isaka dilo ka mokana ga tsona tso ne a le natso, 6 mara gwa ba le tso Abhrahama a di neyang barwayi bage ba gore o ba belegele ke batlabo bage. Mo Abhrahama a sa phela, a yisa barwayi bage ka bohlabela kgole le morwayi wage Isaka. 7 Abhrahama o phidiye 175 ya mengwaga. 8 Abhrahama o kgwile a šele a tsofele fote a kgotsofele, ba mmoloka le bokokwane bage. 9 Barwayi bage Isaka le Išimayele ba mmolokele lekoring la Makhepela tšhomong ya Eforone wa gore ke morwayi wa Zohara wa Lehethe, tšhomo yone ke mo yi le mahlong ga Mamore, 10 ke tšhomo ya gore Abhrahama o yi rekiye ga barwayi ba Hethe. Abhrahama ba mmolokele gana hone le mosadi wage Sara. 11 Ka nthago ga mo Abhrahama a kgwile, Modimo o yye mahlong a rufa morwayi wage Isaka, fote Isaka ke mo a dula thina le Bhere-lahayi-royi.

12 Tsowa ke tsa lephelo la Išimayele morwayi wa Abhrahama wa gore o mmelegele ke Haghara wa Leegepita, wa gore ke mo go le lelata la Sara.

13 Yawa ke mabitso ya barwayi ba Išimayele go ya ka mabitso le meloko ya bona: Letšibula la Išimayele ke Nebhayothe, ke mokane gwa latela Kedara, Adbhili, Mibhisamo, 14 Mišima, Duma, Masa, 15 Hadadi, Tema, Jeture, Nafiši le Kedema. 16 Bowa ke barwayi ba Išimayele fote yawa ke mabitso ya bona go ya ka mokgo ne ba dula ka gona le ka mokgo ne ba kampiye ka gona, 12 ya dindhuna go ya ka meloko ya tsona. 17 Išimayele o phidiye 137 ya mengwaga. Ke mokane a kgwa ba mmoloka le bokokwane bage. 18 Bana bage ba dula Havila thina le Šuri ya gore yi thina le Egepita, ba dula le Asiriya. Ba dula thina le bobhuti* ba bona ka mokana ga bona.

19 Tsowa ke tsa lephelo la Isaka morwayi wa Abhrahama.

Abhrahama gwa ba papa wa Isaka. 20 Isaka ke mo a na le 40 ya mengwaga mo a tseya Rebhekha morwediya wa Bhethuwele wa Learama wa go tšwa Padhane-arama, wa gore fote ke sesi wa Labane wa Learama. 21 Isaka ke mo a dula a phophotela Jehova ka taba la gore mosadi wage ke mo a sa belege; byalo Jehova a theetsela tso ne a mo kgopela tsona ke mokane Rebhekha mosadi wage a yima. 22 Bana bo ne ba le ka ho teng gage ba thomisa go lwa, a šinya a re: “Mo nkare go tshwanele go be ka mokgo, ke sa phelela ying?” Byalo, a butsisa Jehova ka taba yowa. 23 Jehova a re gage: “Go na le ditšhaba ka dipedi (2) ka hone popelong yago, go nyoko tšwa ditšhaba ka dipedi mo gago; setšhaba se sengwana se nyoko ba le matšhika go phala se sengwana fote ye mogolo o nyoko berekela ye monyana.”

24 Mo nako ya gore a belege yi segela, a belega mafahla. 25 Wa mathomo a tšwa a kgubele mmele wowa ka moka fote a na le maboya, ba mo reya gore ke Esewu.* 26 Ka nthago ga hone, gwa tšwa bhuti wage a tshwarelele serethe sa Esewu, Isaka a mo reya gore ke Jakobo.* Isaka ke mo a na le 60 ya mengwaga mo Rebhekha a belega bana bone.

27 Mo bašomanyana bowa ba kene ba gola, Esewu a ba segele sa go tsoma, ga go tlala ke mo a dula a yye go ye tsomeng, mara Jakobo yene ke mo go le motho wa go tilokela a dula matenteng. 28 Isaka ke mo a kwana ka matla le Esewu ka taba la gore Esewu ne a mo leyela nama, mara Rebhekha yene ke mo a kwana le Jakobo. 29 Tšatši le lengwana Esewu ke mo a tšwa go tsomeng a tinnwe, a kraya Jakobo a yapega sope ya dinawa. 30 Byalo Esewu a re ga Jakobo: “Ke kgopela o yakgoswe o nneye sope yone yago ye khubedu ka taba la gore ke tinnwe fote ke kwa tlala ka matla!” Nka taba lo ba mo reyyeng gore ke Edomo.* 31 Mo a reyane, Jakobo a re: “Thomisa ka go nrekisela tso o nyoko di krayang ka gore ke wene letšibula!” 32 Esewu a ya mahlong a re: “Ke thina le go kgwa ka tlala! Tsa gore ke letšibula di n’gelepa ka ying?” 33 Jakobo a tokegela ka gore: “Thomisa ka go ntshepisa!” Byalo Esewu a mo tshepisa, ka mokgonone a ba a rekisele Jakobo tso ne a nyoko di kraya mo go le letšibula. 34 Jakobo a neya Esewu sekgwa le sope ya dinawa, Esewu a ja a boya a nwa ke mokane a tlogamela a sepela. Tsotsone dya šupetsa gore Esewu ke mo a sa tseyele gedimo taba ya go ba letšibula.

26 Ke mo go na le tlala ye kgolo mone nageng go tokegela ga yo yi yyeng ya ba gona ka dinako tsa Abhrahama, Isaka a ya Gherare ga Abhimeleke kgoši ya Mafilisita. 2 Jehova a nyarela gage a re: “O sa yi Egepita. Dula ga poleke yo ke go šupetsang yona. 3 Dula mo nageng yowa go le wene motho wa go fo tšwa a sepela, ke nyoko ba nago fote ke nyoko go rufa ka gore dinaga tsowa ka mokana ga tsona ke nyoko di neya wene le ditlogolwane* tsago, fote ke nyoko maka tso ke di tshepisiyeng Abhrahama papago: 4 ‘Ke nyoko maka gore ditlogolwane* tsago di tlale go tshwana le dinanedi tsa ku magedimong; ke nyoko di neya dinaga tsowa ka moka; fote ditšhaba ka mokana ga tsona tsa ho lefaseng di nyoko rufiwa ka taba la tsona,’ 5 ka gore Abhrahama o theetsele lentsu laka, a ya mahlong a maka tso ke di nyakang, tso ke mmutsiyeng tsona le tso di hlayang ke melawo yaka ka moka.” 6 Byalo, Isaka a ya mahlong a dula Gherare.

7 Mo banna ba poleke yone ba dulele go butsisa ka mosadi wage, ke mo a re: “Ke sesi waka.” Ke mo a tšhaba go hlaya gore, “Ke mosadi waka,” ka gore ne a re, “Banna ba poleke yowa ba ka fo mpolaya ka taba la Rebhekha,” ka taba la gore ne a bafele ka matla. 8 Mo go šele go fitiye nako, Abhimeleke kgoši ya Mafilisita ke mo a lebelele ka lefastere, a bona Isaka a šupetsa Rebhekha mosadi wage gore wa mo nyaka.* 9 Abhimeleke a napa a bitsa Isaka a re: “Gabutšibutši motho yewa ke mosadi wago! Ke ntaba o yitseri ‘Ke sesi waka’?” Mo a reyane, Isaka a re gage: “Ke hlayye tsotsone ka gore ne ke tšhaba go kgwa ka taba lage.” 10 Mara Abhimeleke a ya mahlong ka gore: “O re maka ying mara? Mola go na le motho ye a yetseleng le mosadi wago, tsotsone ne di nyoko maka gore re sinye ka taba lago!” 11 Byalo Abhimeleke a botsa batho ka mokana ga bona gore: “Go nyoko fela ka ye mongwana le ye mongwana ye a tikisang monna yewa le mosadi wage!”

12 Isaka a thomisa go gaša pewu mone nageng yone, fote ka mongwaga wonone a buna so a se gašiyeng ga 100 ka taba la gore Jehova ke mo a mo rufa. 13 Monna yene o yye a ghanya, dilo dya fo ya mahlong di mo sepelela gabutši go segela a ghanya ka matla. 14 A ba le morape wa dinku le dikgomu le malata ya go tlala, Mafilisita ma thomisa go mo jelasela.

15 Byalo, Mafilisita ma tseya mobu ma fatelanya didiba ka mokana ga tsona tsa gore malata ya papage ke mo ma di yepiye ka dinako tsa Abhrahama. 16 Abhimeleke a botsa Isaka gore: “Tloga howa polekeng ya rune, ka taba la gore o šele o re feta ka matšhika.” 17 Byalo Isaka a tloga a ya a kampa moyeding wa Gherare, a thomisa go dula gana hone. 18 Isaka a ya a yepa didiba tsela tsa gore ke mo ba di yepiye ka dinako tsa papage Abhrahama mara Mafilisita ma di fatela ka nthago ga mo Abhrahama a kgwile, a di bitsa ka mabitso ya gore papage ne a di bitsa ka wona.

19 Mo malata ya Isaka ma yepa ku moyeding, ma kraya sediba sa meetši ya gore ma yediye. 20 Bo ba gore ke mo ba disa ku Gherare ba thomisa go lwa le bo ba gore ke mo ba disela Isaka, ba re: “Meetši yawa ke ya rune!” Byalo, a reya sediba sone gore ke Eseke* ka taba la gore ke mo ba lwa naye. 21 Ba thomisa go yepa sediba se sengwana fote, mara le sona ba se lwela. Byalo, a se reya gore ke Sitna.* 22 Ka nthagonyana, a tloga hone a ya a yepa sediba se sengwana mara sona ba sa se lwele. A se reya gore ke Rehobothe* fote a re: “Ke ka taba la gore gana byalo Jehova o re neyye poleke ye kgolo fote o makiye gore re tlale mo ga naga yowa.”

23 Ke mokane a tloga hone a ya Bhere-šeba. 24 Bošego byone, Jehova a nyarela gage a re: “Ke nna Modimo wa papago Abhrahama. O sa tšhoge ka taba la gore ke nago, ke nyoko go rufa fote ke nyoko maka gore ditlogolwane* tsago di tlale ka taba la Abhrahama lelata laka.” 25 Byalo Isaka a yaga aletare gana hone ke mokane a bitsa lebitso la Jehova. A hloma le letente lage gana hone, fote malata yage ma yepa sediba gana hone.

26 Ka nthago, Abhimeleke a tla gage a tšwa Gherare a na le wa go mo yeletsa ye ba reng ke Ahuzathe le Fikholo ndhuna ya masole yage. 27 Isaka a re ga bona: “Le nyaka ying howa, akere ne le nhloyye la boya la nraka polekeng ya lune?” 28 Mo a reyane, ba re: “Re di bonne gabutši gore Jehova ke mo a dula a le nago. Byalo re yitseri, ‘Tla re lukiseneng ditaba mo gare ga rune fote re make kwano nago 29 gore go sa makege selo sa go befa mo ga rune go fo tshwana le mo le rune re sa go kwaletsa, wa di bona gore re f’lo go makela tsa gabutši, re go kgopele gore o sepele re sa lwe nago. Jehova o go rufiye.’” 30 Ke mokane a ba makela monyanya, ba ja fote ba nwa. 31 Ba tsoga go sa le ka phu ba tshepisana. Ka nthago Isaka a ba layela, ba sepela ba sa lwe naye.

32 Ka letšatši lolone, malata ya Isaka ma tla ma mmotsa gore ma yepiye sediba, ma re gage: “Re krayye meetši!” 33 Byalo a se reya gore ke Šibha. Nka taba lo lebitso la poleke yone ba re ke Bhere-šeba go segela le lekgono lowa.

34 Mo Esewu a na le 40 ya mengwaga, a tseya Judithi morwediya wa Bhiyirayi wa Lehethe gore go be mosadi wage, a tseya le Bhasemathe morwediya wa Elone wa Lehethe. 35 Ne ba maka gore Isaka le Rebhekha ba kwe go baba ka matla.

27 Byalo, mo Isaka a šele a tsofele fote a sa sa bona gabutši, o yye a bitsa Esewu morwayi wage ye mogolo a re gage: “Morwayi!” Yene a re: “Ke nna yewa!” 2 Isaka a ya mahlong a re: “Ke šele ke tsofele. A ke tšibi gore ke nyoko kgwa neng. 3 Gana byalo tseya dilo tsago tsa go tsoma ka tsona, mosefo wago, o ye ntsomela phoolwane ya hlaga. 4 Ke mokane o tle o n’yapegele tsa go ja tsa go natefa tsa gore ke kwana natso ka matla, o tle o nneye. Ke nyoko ja ka thogo go rufa ke soko kgwa.”

5 Rebhekha ke mo a theetsele mo Isaka a kene a bolabola le morwayi wage Esewu. Esewu a tšwa a ye tsomeng gore a thogo boya le nama yone. 6 Rebhekha a botsa morwayi wage Jakobo a re: “Ke sa tšwa go kwa papago a bolabola le bhuti wago Esewu a re, 7 ‘Nleyele nama fote o mmakele tsa go ja tsa go natefa. Ke nyoko ja ke mokane ka go rufa mahlong ga Jehova ke soko kgwa.’ 8 Byalo wene ngwanaka, ntheetsele gabutši fote o make tso ke go botsang tsona. 9 Ke kgopela o ye ku morapeng o tseye diputsanyana ka dipedi tsa go tsifa o tle natso gore ke yapegele papago tsa go ja tsa go natefa ka mokgo a di nyakang ka gona. 10 Ke mokane wene o di yise ga papago gore a je, a ko thogo go rufa a soko kgwa.”

11 Jakobo a re ga mmane wage Rebhekha: “Mara Esewu bhuti waka o na le maboya, nna a ke nawo. 12 A ka ntshwara gee? Di nyoko šupa nkare ke kgana ka yene fote o ka kraya ke tileyele senyama ka sa sa rufiwa.” 13 Mo a reyane, mmane wage a re: “Senyama sone se wele nna ngwanaka. Wene maka ka mokgo ke go butsiyeng, ariye we ntseyela diputsanyana tsone.” 14 Byalo, a ya a di tseya a di neya mmane wage, mmane wage a yapega tsa go ja tsa go natefa ka mokgo papage a di nyakang ka gona. 15 Ka nthago, Rebhekha a kena ntlong a tseya dikobo tsa Esewu morwayi wage ye mogolo tsa gore ke mong tsona, a di yapesa Jakobo morwayi wage ye monyana. 16 A boya a tseya le mekgopa ya diputsanyana tsela a yi beya mo matsogong yage, ye mengwana a yi beya mo molaleng wage ga gore a gona moriri. 17 A tseya tsa go ja tsela tsa go natefa tso a di yapegiyeng, a tseya le sekgwa a di neya morwayi wage Jakobo.

18 Jakobo a ya ga papage a re: “Papa!” Isaka a re: “Ke nna yewa! Ke wene mang morwayi?” 19 Jakobo a re ga papage: “Ke nna Esewu letšibula lago. Ke makiye tso o mputsiyeng tsona. Ke kgopela o tsoge o je nama yo ke tlileng nayo o ko thogo nrufa.” 20 Mo a reyane, Isaka a re ga morwayi wage: “Morwayi, go tlile byang o yakgoswiye o yi kraya?” Yene a re: “Nka taba la gore Jehova Modimo wago o nneyye yona.” 21 Ke mokane Isaka a re ga Jakobo: “Ke kgopela o šutele howa gore ke thogo tšiba gore wa resa mo o re ke wene Esewu.” 22 Byalo Jakobo a šutela thina ga papage Isaka ke mokane Isaka a mo tshwara, ka nthago a re: “Lentsu lowa ke la Jakobo mara matsogo yawa ke ya Esewu.” 23 Aa di bona gore ke Jakobo ka gore ne a na le maboya mo matsogong go tshwana le bhuti wage Esewu. Byalo a mo rufa.

24 Ka nthago a mmutsisa gore: “Nje wa resa gore ke wene morwayi waka Esewu?” Jakobo mo a fetola a re: “Ke nna yene.” 25 Ke mokane Isaka a re: “Tlisa nama yone ke je morwayi gore nko thogo go rufa.” Mo a reyane, Jakobo a yi leya ke mokane Isaka a ja, a mo leyela le wayini ke mokane a nwa. 26 Isaka papage a re gage: “Ke kgopela o šutele morwayi o nkhise.” 27 Byalo Jakobo a šutela a mo khisa, ke mokane Isaka a kwa monkgo wa dikobo tsage. A mo rufa a re:

“Monkgo wa morwayi waka wo tshwana le monkgo wa mašahla ya gore Jehova o ma rufiye. 28 Nkare Modimo wa mannete a ka go neya phoka ya magedimong, mobu wa go tsifa le mabelethoro ya go tlala le wayini ya nyuwane. 29 Nkare batho ba ka go berekela le ditšhaba dya go thinyela letolo. O be mong wa bobhuti bago, le barwayi ba mmane wago ba go thinyele letolo. Ye mongwana le ye mongwana ye a nyakang gore dilo di sa go sepelele gabutši a wele ke senyama, bo ba gore ba nyaka dilo di go sepelela gabutši ba rufege.”

30 Byalo, mo Isaka a fetsa go rufa Jakobo fote go se botala Jakobo a tlugiye mone thina le papage Isaka, bhuti wage Esewu a kena a tšwa go tsomeng. 31 Le yene a yapega tsa go ja tsa go natefa a di leyela papage, ke mokane a re ga papage: “Papa tsoga o je nama yo morwayi wago a go leyeleng yona gore o thogo nrufa.” 32 Mo a reyane, papage Isaka a re: “Ke wene mang?” yene a re: “Ke nna morwayi wago, letšibula lago Esewu.” 33 Isaka a hlakahlakana ke mokane a re: “Byalo ke mang yewa wa gore o yye a ye tsomeng a fetsa a tl’le nneya nama? Ke jile o soko segela fote ka mo rufa—o nyoko rufega tsa mannete!”

34 Mo Esewu a kwa tso papage a di hlayang, a thomisa go yahlamela a šupetsa gore o kwile go baba a re ga papage: “Rufa nna, le nna nrufe papa!” 35 Mara papage a re: “Bhuti wago o ntshokannye gore a thogo kraya tso ne ke nyoko rufa wene ka tsona.” 36 Mo a reyane, Esewu a re: “Ba mmone gabutši mo ba šinya ba re ke Jakobo,* ke la mabedi (2) a mphiriketsa. O šele a n’yamogiye tso ne ke tshwanele go di kraya ka taba la gore go le nna ye mogolo, gana byalo o n’yamogiye tso ne ke tshwanele ke rufiwe ka tsona!” A tokegela ka gore: “A go na se sengwananyana sa gore le nna o ka nrufa ka sona?” 37 Mara Isaka mo a fetola Esewu a re: “Ke makiye gore go be yene mong wago fote ka maka gore bobhuti bage ba be malata yage, ka boya ka mo rufa ka mabelethoro le wayini ya nyuwane. Nkaba ke sa go makela ying morwayi?”

38 Esewu a re ga papage: “Papa, a wa šiya nyana le ka ssoši sa gore o ka nrufa ka sona? Rufa nna, le nna nrufe papa!” Esewu a napa a lla ka matla, a se kgihla. 39 Byalo papage Isaka a re gage:

“Wene o nyoko dula kgole le mobu wa go tsifa, wa boya wa dula kgole le phoka ya magedimong. 40 O nyoko berekisa sabola lephelo lago ka moka, fote o nyoko berekela bhuti wago. Mara mo o šele o kwa o sa sa kgona, o nyoko khwanyudisa ga lejoko lage lo le ko bang le le mo molaleng wago.”

41 Esewu a thomisa go tshwara Jakobo ka pelo ka taba la gore papage ne a rufiye Jakobo, fote Esewu ne a dula a hlaya ka pelo gore: “Matšatši ya go llela papa ma kene maa šutela. Ka nthago ga hone, ke nyoko bolaya bhuti waka Jakobo.” 42 Mo Rebhekha ba mmotsa mantsu ya morwayi wage ye mogolo Esewu, ka go yakgoswa a re ba bitse morwayi wage ye monyana Jakobo ke mokane a re gage: “Bona! Bhuti wago Esewu o polana go busetsa ka go go bolaya.* 43 Byalo morwayi, maka tso ke go botsang. Tšhaba o ye ga bhuti waka Labane ku Harane. 44 O tšwe o duli naye go segela bhuti wago a kgiba, 45 go segela a sa sa kwatiye fote a libele tso o mo makiyeng tsona. Ke nyoko go bitsa o le gana ku. Le ka sa nlahlegele le le ka babedi (2) ka letšatši ka lloši.”

46 Ka nthago ga hone, Rebhekha a fo ya mahlong a botsa Isaka gore: “Ke hloyye lephelo laka ka taba la barwediya ba Hethe. Mo Jakobo a ka tseya mosadi ga barwediya ba Hethe ba gore ba tshwana le barwediya ba poleke yowa, nko ba ke sa phelela ying mara?”

28 Byalo, Isaka a bitsa Jakobo a mo rufa a mmotsa gore: “O sa tseye mosadi ga barwediya ba Kanana. 2 Ariye Padhane-arama ga ntlo ya Bhethuwele papa wa mmane wago, ke mokane o tseye mosadi ga barwediya ba Labane bhuti wa mmane wago. 3 Modimo Wa Matšhika ka Moka o nyoko go rufa a maka gore o be le bana ba go tlala, fote mo gago go nyoko tšwa setšhaba se segolo. 4 Fote Modimo o nyoko go rufa ka tso a di tshepisiyeng Abhrahama, wene le ditlogolwane* tsago, gore le thogo tseya naga yo ne le dula ga yona le le batho ba go tšwa ba sepela ya gore Modimo o yi neyye Abhrahama.”

5 Byalo Isaka a layela Jakobo, Jakobo a phanakela a ya Padhane-arama ga Labane morwayi wa Bhethuwele wa Learama, bhuti wa Rebhekha mmane wa Jakobo le Esewu.

6 Esewu a di kwelela gore Isaka o rufiye Jakobo, fote o mo kgopele gore a ye Padhane-arama a tseye mosadi gana hone le gore mo a mo rufa o mmutsiye gore, “O sa tseye mosadi ga barwediya ba Kanana,” 7 le gore Jakobo o theetsele papage le mmane wage a ya Padhane-arama. 8 Esewu a fetsa a di bonne gore barwediya ba Kanana a ba jabodisi papage Isaka, 9 byalo Esewu a ya ga Išimayele ke mokane a tseya Mahalathe morwediya wa morwayi wa Abhrahama ye ba reng ke Išimayele gore go be mosadi wage, wa gore ke sesi wa Nebhayothe, go tokegela ga basadi ba gore ke mo a šele a le nabo.

10 Jakobo a tloga Bhere-šeba a baka Harane. 11 Mo nako yi kene yi ya, a segela ga poleke ye nngwana a yetsela gona ka gore letšatši ke mo le šele le dikele. A tseya letlapa a le samela ke mokane a yetsela. 12 Byalo, a lora a bona lliri la gore ke mo le tloga mo lefaseng le segela ku magedimong; fote mone ga lona ke mo go na le mangeloyi ya Modimo ma yinuga fote ma thewoga. 13 Jehova ke mo a le ku gedimo ga lona, a re:

“Ke nna Jehova Modimo wa Abhrahama papago le Modimo wa Isaka. Naga yo o yetseleng ga yona ke nyoko go neya yona, wene le ditlogolwane* tsago. 14 Ditlogolwane* tsago di nyoko tshwana le lerole la lefase, lune le nyoko palakana la ya bodikela le bohlabela le lebowa le borwa fote batho ba lefaseng ka mokana ga lona ba nyoko rufega ka taba lago le ditlogolwane* tsago. 15 Ke nago fote ke nyoko go pasopa go gongwana le go gongwana mo o yang gona, ke nyoko maka gore o boye ga poleke yowa. Nka sa go lisetsi go segela ke maka tso ke go tshepisiyeng.”

16 Ke mokane Jakobo a tsoga a re: “Jehova o gona mo ga poleke yowa, fote ke mo ke sa di tšibi.” 17 A thomisa go tšhoga a tokegela ka gore: “Poleke yowa yi hlawolegiye! Fote ya šupetsa gore ke ntlo ya Modimo le gore ke gheyiti ya magedimo.” 18 Byalo Jakobo a tsoga go sa le ka phu, a tseya letlapa lela ke mo a le makiye mosamelo a maka gore go be letlapa la segopotso, a tšhela makgura mo gedimo ga lona. 19 Byalo a re lebitso la poleke yone ke Bhethele,* mara botala ke mo ba re ke Luzi.

20 Jakobo a tshepisa gore: “Mo Modimo a ka fo dula a na le nna, a mpasopa ga leyeto lo laka fote a nneya tsa go ja le tsa go yapara 21 ka boya ke bebiye ntlong ya papa, Jehova o ko ba a šupetsiye gore ke Modimo. 22 Fote letlapa lo la gore ke le makiye gore go be letlapa la segopotso go nyoko ba ntlo ya Modimo, fote nka sa šitege go go neya sa lesome ga dilo ka moka tso o nneyyeng tsona.”

29 Ka nthago, Jakobo a kena pateng a ya ga poleke ya batho ba ka Bohlabela. 2 Byalo, a bona sediba mone mašahleng fote ke mo go na le kararo (3) ya merape ya dinku yi yetsele mone thoko, ka taba la gore ke mo ba tlwayele go neya merape meetši ga sediba sone. Ke mo go na le letlapa le legolo la gore le kwadiye sediba sone. 3 Ke mo ba kgokolosa letlapa lo le kwadiyeng sediba mo merape ka moka yi šele yi le gona, ba yi neya meetši, ka nthago ba kgokolosa letlapa lela gore ba kwale sediba sone.

4 Byalo Jakobo a re ga bona: “Ye bowweru, le tšwa kaye?” bona ba re: “Re tšwa Harane.” 5 A re ga bona: “Le ya mo tšiba Labane motlogolo wa Nahore?” bona ba re: “Re ya mo tšiba.” 6 Mo ba reyane, a re ga bona: “O sa tsugiye?” Bona ba re: “O sa tsugiye. Fote morwediya wage Reyitšhele ke yewa o tla le dinku!” 7 Yene a re: “Go sa le motshegare. A go so be nako ya go kgobaketsa merape. Yi neyeneng meetši, le yi yise gore ye kguleng.” 8 Mo a reyane, ba re: “A re ya tshwanela go yi neya meetši go segela merape ka moka yi kgobakanne, ke gona re nyoko kgokolosang letlapa lowa le kwadiyeng sediba. Ke mokane re nyoko neya dinku tsowa meetši.”

9 Mo a kene a sa bolabola nabo, Reyitšhele a tla le dinku tsa papage ka taba la gore ke mo a disa. 10 Mo Jakobo a bona Reyitšhele morwediya wa Labane bhuti wa mmane wage, a bona le dinku tsa Labane, Jakobo a napa a tlosa letlapa lela hala sedibeng a neya dinku tsa Labane bhuti wa mmane wage meetši. 11 Jakobo a khisa Reyitšhele, a yahlamela ke mokane a lla. 12 Ke mokane Jakobo a thomisa go hlayisela Reyitšhele gore ke lešaga* la papage le gore ke morwayi wa Rebhekha. Reyitšhele a taboga a ye botsa papage.

13 Mo Labane a kwa ka Jakobo morwayi wa sesi wage, a taboga a ye mo gahlanetseng. A segela a mo haka, a mo khisa, a mo yisa ntlong yage. Ke mokane Jakobo a thomisa go botsa Labane dilo tso ka moka. 14 Labane a re gage: “Wene o lešaga laka.”* A dula naye kgwedi ka moka.

15 Labane a re ga Jakobo: “A di nyake o fo mperekela mahala ka taba la gore ke wene lešaga* laka. Mpotse, ke go patele ka ying?” 16 Byalo Labane ke mo a na le barwediya ka babedi. Lebitso la ye mogolo go le Lliya, la ye monyana go le Reyitšhele. 17 Maahlo ya Lliya ke mo ma sa bafala mara Reyitšhele ke mo go le mosadi wa go bafala ka matla. 18 Jakobo ke mo a mo nyaka ka matla ga Reyitšhele, byalo a re: “Ke tikemisele go go berekela mengwaga kašupa ya yona gore ke kraye morwediya wago ye monyana Reyitšhele.” 19 Mo a reyane, Labane a re: “Go kawone gore ke mo neye wene ke sa mo neye monna ye mongwana. Ariye mahlong o dula le nna.” 20 Byalo Jakobo a bereka mengwaga kašupa ya yona gore a kraye Reyitšhele, mara mo gage ke mo go fo ba nkare ke matšatšinyana ka taba la gore ke mo a mo nyaka ka matla.

21 Jakobo a re ga Labane: “Nneye mosadi waka ke ye yetsela naye ka taba la gore matšatši yaka ya gore ke go berekele ma fediye.” 22 Mo a reyane, Labane a hlekeletsa banna ba mone polekeng a maka monyanya. 23 Mara bošego byone, a kgeta go tseya morwediya wage Lliya, a mo neya Jakobo gore a yetsele naye. 24 Labane a tseya le lelata lage la mosadi Zilpa a maka gore go be lelata la morwediya wage Lliya. 25 Ka bošego, Jakobo a di bona gore ke Lliya! Byalo a re ga Labane: “O mmakiye ying? Anthe a ke ya berekela gore ke kraye Reyitšhele? Ke ntaba o mmakiye bošakašakane?” 26 Mo a reyane, Labane a re: “Setšo sa rune a se dumele gore morwediya ye monyana a šadhe ye mogolo a soko šadha. 27 O fo fetsa beke o na le mosadi yewa. Ka nthago ga mone, ke nyoko go neya yewa ye mongwana mo o ka mperekela mengwaga ye mengwana kašupa ya yona.” 28 Jakobo a maka ka mokgonone, a fetsa beke le mosadi yene, ka nthago Labane a mo neya morwediya wage Reyitšhele gore go be mosadi wage. 29 Labane a tseya lelata lage la mosadi Bhilha a maka gore go be lelata la morwediya wage Reyitšhele.

30 Ke mokane Jakobo a yetsela le Reyitšhele, a napa a nyaka Reyitšhele ka matla go phala Lliya, a berekela Labane mengwaga ye mengwana kašupa ya yona. 31 Mo Jehova a di bona gore Lliya a ba mo nyake,* a maka gore a yime mara Reyitšhele ke mo a sa belege. 32 Byalo Lliya a yima a belega morwayi, a mo reya gore ke Rubeni,* ka taba la gore ke mo a re: “Jehova o di bonne gore ke ya hlupega, gana byalo monnaka o nyoko thomisa go nnyaka.” 33 A yima fote a belega morwayi ke mokane a re: “Jehova o ntheetsele, ke mokane a nneya morwayi ye mongwana ka gore monnaka aa nnyake.” A mo reya gore ke Simiyoni.* 34 A boya a yima fote a belega morwayi, a re: “Byalo gona monnaka o nyoko kwana le nna ka taba la gore ke mmelegele barwayi kararo (3) ya bona.” Ba mo reya gore ke Llifi.* 35 A yima fote a belega morwayi, a re: “Gana byalo ke nyoko thanaka Jehova.” A mo reya gore ke Juda.* Ka nthago ga hone, a tšwa a yemme a sa belege.

30 Mo Reyitšhele a bona gore aa soko belegela Jakobo bana, a jelasela sesi wage ke mokane a re ga Jakobo: “Nneye bana, mo o sa nneye ke nyoko kgwa.” 2 Mo a reyane, Jakobo a kwatela Reyitšhele a re: “A yi nna Modimo nna, Modimo ke yene a makiyeng gore o sa belege.” 3 Byalo Reyitšhele a re: “Lelata laka la ngwannyana Bhilha ke lowa. Yetsela naye gore a thogo mpelegela bana, gore le nna ke thogo ba le bana ka taba lage.” 4 A napa a mo neya lelata lage Bhilha gore go be mosadi wage, ke mokane Jakobo a yetsela naye. 5 Bhilha a yima, fote mo nako yi kene yi ya a belegela Jakobo morwayi. 6 Ke mokane Reyitšhele a re: “Modimo ke yene wa go n’yahlula fote o kwile lentsu laka a nneya morwayi.” Nka taba lo a mo reyyeng gore ke Dani.* 7 Bhilha lelata la Reyitšhele a yima fote, ke mokane a belegela Jakobo morwayi wa bobedi (2). 8 Reyitšhele a re: “Ke lwile ka matla le sesi waka. Ka fetsa ke hludiye!” A reya ngwanene gore ke Nafthali.*

9 Mo Lliya a di bona gore aa sa belega, a tseya lelata lage Zilpa a le neya Jakobo gore go be mosadi wage. 10 Ke mokane Zilpa lelata la Lliya a belegela Jakobo morwayi. 11 Lliya a re: “Di n’sepelele gabutši!” Byalo a mo reya gore ke Ghada.* 12 Ka nthago, Zilpa lelata la Lliya a belegela Jakobo morwayi wa bobedi (2). 13 Lliya a re: “A ke ya jabola lona! Basadi ba bangwana ba nyoko di bona gore le nna ke jabodiye.” A mo reya gore ke Aša.*

14 Byalo, Rubeni o yitseri a sepela tšatši le lengwana ka nako ya go buna korong, a kraya dikgalaka* mone mašemong. A ya a di neya mmane wage Lliya. Ke mokane Reyitšhele a re ga Lliya: “Ke kgopela o ntshele dikgalaka tsone tsa morwayi wago.” 15 Mo a reyane, Lliya a re: “O bona nkare go ntseyela monna ke taba ye nyana? O sa nyaka go tseya dikgalaka tsa morwayi waka?” Reyitšhele a re: “Go lukiye. Mo o ka nneya dikgalaka tsa morwayi wago, Jakobo o ko yetsela nago lekgono.”

16 Mo Jakobo a boya mašemong ka malobana, Lliya a tšwa a ye mo gahlanetseng ke mokane a re: “O nyoko yetsela le nna lekgono, ka taba la gore ke patele ka dikgalaka tsa morwayi waka gore o yetsele le nna.” Byalo, Jakobo a yetsela naye. 17 Modimo o mo kwile ga Lliya ke mokane a mo fetola, a yima a belegela Jakobo morwayi wa kapheta (5). 18 Lliya a re: “Modimo o mpatele ka gore ke neyye monna waka lelata laka.” A mo reya gore ke Isakhara.* 19 Lliya a yima fote, mo nako yi kene yi ya a belegela Jakobo morwayi wa kobodi (6). 20 Ke mokane Lliya a re: “Modimo o nneyye selo sa gabutši. Byalo gona, monna waka o nyoko n’yamogela ka gore ke mmelegele kobodi (6) ya barwayi.” Byalo, a mo reya gore ke Zebhuloni.* 21 Ka nthago, a belega morwediya a mo reya gore ke Dina.

22 Modimo a fetsa a gopodiye Reyitšhele, Modimo a mo kwa ke mokane a mo fetola, a maka gore a yime.* 23 A yima, a belega morwayi. Ke mokane a re: “Modimo o mmakiye motho!” 24 Reyitšhele a mo reya gore ke Josefa,* ka gore ke mo a re: “Jehova o nneyye morwayi ye mongwana.”

25 Ka nthago ga gore Reyitšhele a belege Josefa, Jakobo a napa a re ga Labane: “Ntisetse ke sepele ke ye nageng ya geru ga mašaga yaka. 26 Nneye basadi baka le bana baka ba gore ke go berekele gore ke ba kraye, gore ke sepele ka gore le wene wa di tšiba gore ke go berekele.” 27 Labane a re gage: “Ke kgopela gore o sa sepele, di šupa nkare Jehova o nrufa ka taba lago.” 28 A tokegela ka gore: “Mpotse gore ke go patele ka ying, ke nyoko go neya tsona.” 29 Byalo Jakobo a re gage: “Le wene wa di tšiba gore ne ke go berekela fote morape wago wo šinnye wo gola ka taba la gore ne wo disa ke nna; 30 ke mo go le wo monyana nakwela ke soko tla, mara gana byalo ke wo mogolo ka matla fote Jehova o go rufiye go tlugisela ke segele. Byalo nna mutši waka ke nyoko wo berekela neng?”

31 Labane a re: “O nyaka ke go neye ying?” Ke mokane Jakobo a re: “O sa nneye selo! Mo o ka mmakela selo sowa ka ssoši ke nyoko ya mahlong ke disa morape wago fote ke wo pasopa. 32 Ke nyoko ya hala morapeng wago lekgono. Hlawola dinku tsa go ba le ditwabatwaba, mabalabala le tse dibhraweni ga dinku tso tse dinyana tsa pholo, o hlawole le dipudi tsa tshadi tsa go ba le mabalabala le ditwabatwaba. Go tlugisela gana byalo, tsowa go nyoko ba patela yaka. 33 Tšatši lo o tlang o tl’le bona morape waka o ko di bona gore ne ke tshepega; mo o ka kraya dipudi tsa tshadi tsa gore a di na ditwabatwaba kela mabalabala ga tso tsaka le dinku tse dinyana tsa pholo tse dibhraweni di ra gore nko ba ke di yetswiye.”

34 Mo a reyane, Labane a re: “Go lukiye! Go be ka mokgo o hlayang.” 35 Ka tšatši lone, a hlawola dipudi tsa pholo tsa go ba le methalothalo le tsa mabalabala, a hlawola le dipudi tsa tshadi tsa go ba le ditwabatwaba le mabalabala, a hlawola dinku ka mokana ga tsona tse dinyana tsa pholo tsa go ba le botšhwewu le tse dibhraweni a di neya barwayi bage gore ba di pasope. 36 Ka nthago, Labane a tseya morape wage a sepela nawo leyeto la go ka lekana kararo (3) ya matšatši, ke mokane Jakobo a šala a disa merape ya Labane yo yi šeleng.

37 Jakobo a kopa diphate tsa mohlare wa storeksi,* wa alimondi le wa pholeyini,* a di betla gore di be le ditwabatwaba tse ditšhwewu. 38 Ke mokane a beya diphate tsone tsa gore o di betliye mahlong ga morape, a di beya mo dikareng ga gore di nwela gona meetši gore mo di tl’le nwa meetši di gowele mahlong ga diphate tsone.

39 Byalo, morape ke mo wo gowela mahlong ga diphate tsone, fote wo tswala tsa go ba le methalothalo, ditwabatwaba le mabalabala. 40 Ke mokane Jakobo a hlawola dinku tse dinyana tsa pholo a di beyela ka thoko, a maka gore morape wo lebane le tso tsa go ba le methalothalo le tse dibhraweni ga morape wa Labane. Jakobo a hlawola morape wage, a sa wo gahlanisi le wa Labane. 41 Fote mo tso tsa gore di tiyelele di gowela, Jakobo ne a beya diphate tsela mo dikareng, a di beya mo mahlong ga merape gore di gowele mahlong ga diphate tsone. 42 Mara ne a sa beye diphate mo go gowela tso tsa gore di ya lelemela. Byalo, tso tsa go lelemela ke mo go ba tsa Labane mara tso tsa go phelega gabutši ke mo go ba tsa Jakobo.

43 Jakobo a napa a ghanya ka matla, a ba le merape ye megolo le malata ya banna le ya basadi le dikamela le dibhongholo.

31 Mo nako yi kene yi ya, Jakobo a di kwelela gore barwayi ba Labane ke mo ba re: “Jakobo o tsere dilo tsa papa wa rune ka moka, o šinnye a ghanya ka mokgo ka taba la dilo tsa papa.” 2 Mo Jakobo a lebelela Labane, ne a di bona gore Labane aa sa mo lebelela ka mokgo ne a tlwayele gore o mo lebelela ka gona. 3 Ke mokane Jehova a re ga Jakobo: “Boyela nageng ya bo papago le mašageng ya genu, ke nyoko ya mahlong ke le nago.” 4 Jakobo a romela molayetsa wa gore ba bitse Reyitšhele le Lliya gore ba tle ku mašemong hala morapeng wage, 5 a re ga bona:

“Ke ya di bona gore papa wa lune aa sa nlebelela ka mokgo ne ke tlwayele gore o nlebelela ka gona, mara Modimo wa papaka ke mo a fo dula a na le nna. 6 Le lune le ya di tšiba gore ke berekele papa wa lune ka matšhika yaka ka moka. 7 Papa wa lune o liketsiye go mmaka bošakašakane fote o tšhentšhiye patela yaka ga lesome (10); mara Modimo aa mo dumelela gore a nkwise go baba. 8 Mo a re, ‘Tso tsa go ba le ditwabatwaba go nyoko ba patela yago,’ morape ka moka ne o tswala tsa ditwabatwaba; mara mo a re, ‘Tso tsa methalothalo go nyoko ba patela yago,’ morape ka moka ne o tswala tsa methalothalo. 9 Mara Modimo ne a fo ya mahlong a tseya morape wa papa wa lune a wo neya nna. 10 Tšatši le lengwana mo morape wo gwela, ke loriye ka bona gore dipudi tsa pholo tso ne di gwela morape ke mo go le tsa methalothalo le tsa ditwabatwaba. 11 Ke mokane lengeloyi la Modimo wa mannete la re gaka mo nkene ke lora, ‘Jakobo!’ nna ka re, ‘Ke nna yewa.’ 12 La ya mahlong la re, ‘Ke kgopela o lebelele, o bone gore dipudi tsa pholo ka mokana ga tsona tso di gwelang morape ke tsa go ba le methalothalo le ditwabatwaba ka gore ke di bonne tso Labane a go makang tsona. 13 Ke nna Modimo wa mannete wa Bhethele, hala ga gore o tšhediye letlapa ka makgura wa boya wa ntshepisa. Byalo tsoga o tloge mo nageng yowa, o boyele ga naga yo o belegiwweng ga yona.’”

14 Mo a reyane, Reyitšhele le Lliya ba re: “Nje go sa na le so re nyoko se krayang sa go tšwa ntlong ya papa? 15 A yi gore o re tseya re le batho ba go tšwa re sepela ka gore o re rekisiye fote o berekisa tšheleta yo ba mo neyyeng yona ka taba la rune? 16 Dilo ka moka tso Modimo a di tseyeleng papa ke tsa rune le bana ba rune. Byalo, maka dilo ka mokana ga tsona tso Modimo a go butsiyeng tsona.”

17 Byalo Jakobo a tsoga, a tseya bana bage le basadi bage a ba kalamisa dikamela, 18 a tseya morape wage ka moka wa gore o wo hlekeletsiye ku Padhane-arama, a tseya le dilo tsage ka mokana ga tsona a tloga, a ya ga Isaka papage ku nageng ya Kanana.

19 Byalo, Labane ne a yye go ye hluba dinku tsage, ke mokane Reyitšhele a šala a yetswa medimonyana ya papage. 20 Byalo, Jakobo a hlalefela Labane wa Learama, ka gore aa mmotsa gore o nyoko tšhaba. 21 Ke mokane a tšhaba a tshela Noka,* yene le dilo tsage ka mokana ga tsona. A leba ga poleke ya go ba le dithaba ya gore yi Ghiliyade. 22 Ka letšatši la kararo (2), ba botsa Labane gore Jakobo o tšhabiye. 23 Byalo a tseya bobhuti* bage ke mokane a lelekisa Jakobo matšatši kašupa (7) ya wona, a ya a mo kraya ga poleke ya go ba le dithaba ya Ghiliyade. 24 Modimo a maka gore Labane wa Learama a lore bošego, a re gage: “O pasope gore o bolabola ying le Jakobo, go ka fo ba go le sa gabutši kela go se sa gabutši.”

25 Byalo Labane a ya ga Jakobo, ka gore Jakobo ke mo a hlomme letente lage ku thabeng fote Labane le bobhuti bage ke mo ba kampiye ku polekeng ya go ba le dithaba ya Ghiliyade. 26 Ke mokane Labane a re ga Jakobo: “O makiye ying? Ke ntaba o nhlalefetsiye fote wa tseya barwediya baka nkare ke mabhantiti ya gore ba ma tsere mo ba hlula ntweng? 27 Ke ntaba o sa mpotsa o fo tšhaba ka makhukhung fote o nhlalefetsa? Mola o mputsiye, nke ke go layele ke jabodiye, ke go yepelelela, ke go teyela moropa le harepa. 28 Mara a ke ya kgona go khisa ditlogolwane* tsaka le barwediya baka. O makiye tsa bophokophoko. 29 Nka go kwisa go baba mo ke nyaka, mara Modimo wa papago o bolabodiye le nna malobana bošego a re, ‘O pasope gore o bolabola ying le Jakobo, go ka fo ba go le sa gabutši kela go se sa gabutši.’ 30 O sipidiye ka taba la gore ke botala o nyaka go boyela ga ntlo ya papago, mara ke ntaba o yetswa medimo yaka?”

31 Jakobo a re ga Labane: “Nka taba la gore ne ke tšhugiye, ka gore ne ke tipotsa gore, ‘O ka fo n’yamoga barwediya bago ka tšhinghi.’ 32 Ye o mo krayang a tshwere medimo yago go nyoko fela ka yene. Nyakela ga dilo tso ke nang natso bobhuti ba rune ba kene ba lebelele, o tseye so go leng sago.” Mara Jakobo ke mo a sa tšibi gore medimo yone yi yetswiye ke Reyitšhele. 33 Byalo Labane a kena ka letenteng la Jakobo, le la Lliya le letente la malata yala ya basadi ka mabedi (2), mara a sa kraye selo. Ke mokane a tšwa letenteng la Lliya a kena ga la Reyitšhele. 34 Reyitšhele ke mo a tsere medimonyana yone a yi tšhediye ka teng ga mmantši wa gore wo berekisa ke basadi mo ba kalamme dikamela, ke mo a yi dulele. Byalo Labane a yi nyakela mone letenteng mara a sa yi kraye. 35 Ke mokane Reyitšhele a re ga papage: “O sa kwate papa, a ke kgone go yemelela ka taba la gore ke ya nakong.” Byalo Labane a nyakela medimonyana yone gabutši mara a sa yi kraye.

36 Jakobo a kwata a thomisa go lakatsa Labane. A re ga Labane: “Gale ke sinnye ying, ke ntaba o nšele nthago nkare ke ro ba sekgohlane? 37 Byalo, ka gore o nyakele ga dilo tsaka ka mokana ga tsona, o krayye ying sa gore ke sago? Se beye ho mahlong ga bobhuti bago le bobhuti baka go be bona ba tseyang sepheto sa gore ke mang wa gore aa make tsona gare gaka nago. 38 Ke go berekele 20 ya mengwaga, fote dinku tsago le dipudi tsago a dya tsoga di folotsiye, fote a ke ya ja dinku tsa pholo tsa morapeng wago. 39 A ke ya go leyela phoolwane ya gore yi bolayye ke diphoolwane tsa hlaga. Ke mo ke yi patela. Le mo phoolwane yone ba ka ba ba yi yetswiye motshegare kela bošego ke mo o nyaka ke yi patela. 40 Ke mo ke tšhuba ke letšatši motshegare, ke teya ke phefo bošego fote ke mo ke sa bo pate. 41 Go fediye 20 ya mengwaga ke le mutšing wago. Ke go berekele 14 ya mengwaga gore ke kraye barwediya bago ka babedi (2), fote morape wowa ke wo berekele kobodi (6) ya mengwaga mara wene o tšhentšhiye patela yaka ga lesome (10). 42 Hala Modimo wa papaka, Modimo wa Abhrahama, yene wa gore Isaka wa mo tšhaba a se ka nthoko gaka, ne o ko fo re ke sepele ke lekalekisa matsogo. Modimo o di bonne gore ke ya hlupega fote o di bonne gore ke berekiye ka matla, nka taba lo a go wolodiyeng malobana bošego.”

43 Ke mokane Labane a re ga Jakobo: “Barwediya bo ke baka, le bana bo ke baka le morape wo ke waka, dilo ka mokana ga tsona tso o di bonang mo ke tsaka le barwediya baka. Nje o ra gore nka šinya ke kwisa bona le bana ba bona go baba? 44 Byalo, tla re make kwano nna nago go šupetsa gore re ya dumelelana.” 45 Jakobo a tseya letlapa a le beya gore go be segopotso. 46 Byalo Jakobo a botsa bobhuti bage a re: “Kotelaneng matlapa!” Ba tseya matlapa yane ba ma tokeganya. Ka nthago, ba jela mone gedimo ga matlapa yane. 47 Labane a re ke Jegara-sahadutha,* mara Jakobo a re ke Ghaliyadi.*

48 Ke mokane Labane a re: “Matlapa yawa ya gore re ma tokegannye ke bohlatse gaka nago lekgono.” Nka taba lo a yitsering ke Ghaliyadi, 49 le Sewokamelo ka gore ke mo a re: “Nkare Jehova a ka dula a re lebelele le mo re kene re sa bonane. 50 Mo o ka hlupa barwediya baka fote wa tseya basadi ba bangwana, o sa lebale gore le mo batho ba bangwana ba sa di bone Modimo yene o nyoko di bona, ke yene hlatse ya rune.” 51 Labane a ya mahlong a botsa Jakobo gore: “Matlapa yala re tokegannyeng le letlapa lo re le beyyeng gore go be segopotso ke tsowa go šupetsa gore nna nago re kwanne. 52 Matlapa yawa re tokegannyeng ke bohlatse, le letlapa lo la segopotso ke bohlatse bya gore nka sa ma fete ke tla ka hone gago gore ke go kwise go baba fote le wene o ka sa ma fete o tla ka ho gaka gore o nkwise go baba. 53 Nkare Modimo wa Abhrahama le Modimo wa Nahore, Modimo wa papa wa bona a ka re yahlula.” Ke mokane Jakobo a tshepisa ka Ye wa gore papage Isaka wa mo tšhaba.

54 Ka nthago, Jakobo a maka sehlabelo hone thabeng ke mokane a bitsa bobhuti bage gore ba tle ba je sekgwa. Byalo ba ja fote ba yetsela gana hone thabeng. 55 Mara Labane a tsoga go sa le ka phu a khisa ditlogolwane* tsage le barwediya bage, a ba rufa. Ke mokane Labane a tloga a boyela gaye.

32 Jakobo a sepela ke mokane mangeloyi ya Modimo ma ya ma ye gahlana naye. 2 Mo Jakobo a ma bona a re: “Yowa ke kampa ya Modimo!” Byalo a reya poleke yone gore ke Mahanayime.*

3 Ke mokane Jakobo a romela batho gore ba mo yete mahlong ba ye ga bhuti wage Esewu nageng ya Seyiri ya gore fote ba re ke Edomo, 4 a re ga bona: “Le segele le botse morenaka Esewu gore, ‘Lelata lago Jakobo le re: “Ke duli le Labane nako ya go lefa. 5 Fote ke na le dikgomu tsa pholo, dibhongholo, dinku le malata ya banna le ya basadi, ke romela wene morenaka molayetsa wowa gore o ko thogo n’yamogela.”’”

6 Mo nako yi kene yi ya, batho bala a ba rommeng ba boya ga Jakobo ba re: “Re gahlanne le bhuti wago Esewu, o kene wa tla o tl’le gahlana nago fote o tla le 400 ya banna.” 7 Jakobo a thomisa go tšhoga ka matla, a šekela. Byalo, a yahluganya batho bo ne a le nabo, a yahluganya le merape, dikgomu le dikamela a maka gore go be megoba ka mmedi. 8 Ke mo a re: “Mo Esewu a ka hlasela mogoba ka wwoši, wo wo mongwana wo ko thogo tšhaba.”

9 Ka nthago Jakobo a re: “Wene Modimo wa papaka Abhrahama le Modimo wa papaka Isaka, wene Jehova wa gore o yitseri gaka, ‘Boyela ga naga ya genu le ga mašaga yago, ke nyoko go makela tsa gabutši,’ 10 o nkwele go baba ka matla fote o makiye dilo ka moka tso o di hlayyeng le mo di sa ntshwanele, ka gore mo ke tshela noka yowa ya Jorodane ne ke fo ba le thoka yaka mara gana byalo ke na le dikampa ka dipedi (11). 11 Ke ya go rapela gore o mphonise ga bhuti waka Esewu, ke ya tšhaba gore a ka tla a nhlasela, a hlasela le bommane bowa le bana ba bona. 12 Fote o yitseri: ‘Ke nyoko go makela tsa gabutši fote ke nyoko maka gore ditlogolwane* tsago di tlale go tshwana le santa ya ku lewatleng ya gore o ka sa kgone go yi balela.’”

13 A yetsela gana hone. Ke mokane a tseya dilo tsage tse dingwana gore a thogo di neya bhuti wage Esewu: 14 200 ya dipudi tsa tshadi, 20 ya dipudi tsa pholo, 200 ya dinku tsa tshadi, 20 ya dinku tsa pholo, 15 30 ya dikamela tsa gore di ya yangwisa, 40 ya dikgomu tsa tshadi, lesome (10) la dikgomu tsa pholo, 20 ya dibhongholo tsa tshadi le lesome la dibhongholo tsa pholo tsa gore di gudiye gabutši.

16 A di tseya a di neya malata yage, ma šalana nthago ke mokane a re ga malata yage: “N’yeteneng mahlong, le šiye sekgala mo le kene le šalanne nthago.” 17 A botsa lelata la mathomo gore: “Mo bhuti waka Esewu a ka gahlana nago a go butsisa gore, ‘Ke wene lelata la mang, fote o ya kaye, a boya a re diphoolwane tso di leng mahlong gago ke tsa mang? 18 o mmotse gore, ‘Ke tsa lelata lago Jakobo. Ke tso a nyakang go di neya morenaka Esewu, fote o kene we tla ka ho nthago.’” 19 A botsa le lelata la bobedi (2) le la boraro (3) le bo ne ba ba šele nthago ka mokana ga bona gore: “Mo le gahlana le Esewu, le bolabole naye ka mokgonone. 20 Le mmotse le gore, ‘Lelata lago Jakobo le ka ho nthago ga rune.’” Ka gore Jakobo ke mo a tiputsiye gore: ‘Ke nyoko maka gore a kgibe ka go yetisa dilo tso ke nyoko mo neyang tsona mahlong, ka nthago mo ke mmona o ko thogo n’yamogela.’ 21 Byalo, malata ya ne ma na le dilo tso ne a nyoko di neya Esewu ma sepela, mara yene a šala hone kampeng.

22 Ka nthagonyana bošego byone, a tsoga a tseya basadi bage ka babedi (2), a tseya le malata yage ya basadi ka mabedi le barwayi bage 11 ya bona ke mokane ba tshela noka ya Jabhoko. 23 Byalo, a ba tseya a ba tshedisa noka, a tseya le dilo ka mokana ga tsona tso ne a le natso.

24 Mo ba šele ba šiyye Jakobo a le ntoši, monna ye mongwana a nyarela a lwa naye go segela bo sa. 25 Mo monna yene a di bona gore aa hlule, a tikisa lešapo la mo nokeng ya Jakobo; ke mokane noka ya Jakobo ya thinyega mo a kene a lwa naye. 26 Ka nthago ga hone, morenene a re: “Ntisetse ke sepele ka taba la gore bya sa.” Jakobo a re: “Nka sa go lisetsi o sepela go segela o nrufa.” 27 Morenene a mmutsisa a re: “Ke wene mang?” yene a re: “Ke nna Jakobo.” 28 Ke mokane a re gage: “Lebitso lago go ka sa sa ba Jakobo mara go nyoko ba Israyele,* ka taba la gore o kikirisanne le Modimo le batho fote wa fetsa o hludiye.” 29 Jakobo a re: “Ke kgopela o mpotse lebitso lago.” Mara yene a re: “Ke ntaba o mputsisa lebitso laka?” Ke mokane a mo rufa. 30 Jakobo a reya poleke yone gore ke Peniyele,* ka taba la gore ke mo a re, “Ke bonne Modimo mara a ke ya kgwa.”

31 Letšatši le hlabiye mo a fetsa go feta Penuwele,* mara ke mo a hlotsa ka taba la leseka lage. 32 Ka taba la tsotsone, barwayi ba Israyele go segela le lekgono lowa a ba ji tšhika ya phoolwane ya mo seropeng, ya gore yi mo go gahlanang noka le serope, ka taba la gore monna ye a yyeng a lwa le Jakobo o yye a mo tikisa ho nokeng ke mokane a thinyega.

33 Byalo, mo Jakobo a tsosa hlogo, a bona Esewu a tla a na le 400 ya banna. A yahluganya dibananyana tsage a di neya Lliya, Reyitšhele le malata yage ya basadi ka mabedi . 2 O tsere malata yage ya basadi le bana ba bona a ba beya ka ku mahlong, a tseya Lliya le bana bage a ba beya ka nthago ga malata yane, a beya Reyitšhele le Josefa ka nthago ga bona. 3 Yene ke mo a le ka mahlong ga bona ka moka, fote mo a kene a šutela thina le bhuti wage a yinamisa hlogo gašupa (7) go šupetsa gore wa mo hlompa.

4 Mara Esewu a mo tabogela, a mo tlaparela, a mo khisa, ba thomisa go se kgihla ba le ka babedi (2). 5 Mo Esewu a tsosa hlogo a bona basadi bala le bana bala, a re: “Batho bo o leng nabo ke bomang?” Jakobo a re: “Ke bana ba gore Modimo o rufiye lelata lago ka bona.” 6 Mo a reyane, malata yala ya basadi ma šutela le bana ba wona ba yinamisa dihlogo go šupetsa gore baa mo hlompa, 7 Lliya le yene a šutela le bana bage, ba yinamisa dihlogo go šupetsa gore baa mo hlompa. Josefa le Reyitšhele ba šutela, le bona ba yinamisa dihlogo go šupetsa gore baa mo hlompa.

8 Esewu a re: “Ke ntaba go na le megobagoba ya batho bo ke gahlanneng nabo?” Jakobo a re: “Gore morenaka a thogo nkwela go baba.” 9 Esewu a re: “Ke na le dilo tsa go tlala bhuti. O sa nneyi selo.” 10 Mara Jakobo a re: “Awwa barena. Mo nkare o nkwele go baba ke kgopela o tseye dilo tsowa, ka taba la gore ke tlile natso gore ke thogo go bona. Byalo ka gore ke go bonne go fo tshwana le mo nkare ke bonne sefahlego sa Modimo, fote o n’yamogele o jabodiye. 11 Ke kgopela o di tseye, ke go rufa ka tsona ka taba la gore Modimo o nrufiye fote ke na le dilo ka mokana ga tsona.” A ya mahlong a kene a mo kgopela, Esewu a feleletsa a di tsere.

12 Ka nthago Esewu a re: “Tla re sepele, ke nyoko go yeta mahlong.” 13 Mara Jakobo a re gage: “Morenaka, wa di tšiba gore dibananyana tsowa go sa le tse dinyana le gore ke na le dinku le dikgomu tsa gore di sa yangwisa. Byalo, mo nka di gapa ka go yakgoswa ka letšatši ka lloši di ra gore morape waka ka mokana ga wona wo nyoko kgwa. 14 Ke kgopela gore morenaka a yete lelata lage mahlong, mara nna nko fo ya mahlong ke sepela ke tiketliye go ya ka mokgo morape waka le bana baka ba sepelang ka gona go segela ke go kraya ku Seyiri.” 15 Ke mokane Esewu a re: “Ke kgopela go go šiya le batho baka ba bangwana.” Jakobo a re: “Ke ntaba o maka ka mokgonone? O fo nšupetsa gore o nkwela go baba morenaka.” 16 Esewu a boyela nthago ku Seyiri ka letšatši lone.

17 Jakobo a sepela go segela Sukhothe,* fote Jakobo a tikagela ntlo, a makela le morape wage ga go dula. Nka taba lo a reyyeng poleke yone gore ke Sukhothe.

18 Mo a šele a tlugiye Padhane-arama, Jakobo a segela mutšing wa Šikeme nageng ya Kanana, ke mokane a kampa thina le mutši wone. 19 A hloma letente lage ga tšhomo ya gore o yi rekiye ka 100 ya dipetlo tsa tšheleta ga barwayi ba Hamore wa gore ke papa wa Šikeme. 20 A yaga aletare gana hone a yi bitsa gore ke Modimo, Modimo wa Israyele.

34 Byalo Dina morwediya wa Jakobo ka Lliya, ke mo a fela a ya a ye fokatsa* le bannyana ba poleke yone. 2 Mo Šikeme morwayi wa Hamore wa Lihivi ndhuna ya poleke yone a mmona, a mo tseya a mo gapeletsa gore a šinye a yetsela naye. 3 A fo kwa a nyaka go mamarela Dina morwediya wa Jakobo, a kwa a nyaka ngwannyana yene ka matla fote a mmotsa ka mokgo a mo nyakang ka gona. 4 Šikeme a fetsa a butsiye papage Hamore gore: “Maka polane ya gore ngwannyana yewa go fetse go le mosadi waka.”

5 Mo Jakobo a di kwelela gore Šikeme o thilafatsiye morwediya wage Dina, barwayi bage ne ba le ku mašomong ba disa morape wage. Byalo Jakobo a fo kgomolela a yemela gore ba šinye ba boya. 6 Ka nthago, Hamore papa wa Šikeme a tloga a ye bolabola le Jakobo. 7 Mara barwayi ba Jakobo ba di kwelela, ba napa ba boya ku mašemong. Ke mo ba kwatiye ka matla fote ba kwile go baba ka taba la gore Šikeme ke mo a tšebisiye Israyele ka go yetsela le morwediya wa Jakobo, selo sa gore ke mo se sa tshwanela go makiwa.

8 Hamore a bolabola nabo a re: “Morwayi waka Šikeme o nabela morwediya wa lune. Ke kgopela le mo neye yene gore go be mosadi wage, 9 fote re make gore re nyadisane. Re neyeneng barwediya ba lune, le lune le tseyeneng barwediya ba rune. 10 Le ka dula le rune, fote le ka maka so le se nyakang mo ga poleke yowa. Dulaneng, le ye mahlong ka go maka tsa dibhizinisi fote le tiketle.” 11 Ke mokane Šikeme a re ga papa wa Dina le bobhuti bage: “Mmakeleneng so ke se kgopelang barena, nko le neya se sengwana le se sengwana so le se nyakang. 12 Le ka ntshisa magadi ya go tlala, la boya la nyaka gore ke le neye dilo tsa go tura. Ke tikemisele go le neya se sengwana le se sengwana. Le fo nneya ngwannyana yewa gore go be mosadi waka.”

13 Barwayi ba Jakobo ba tshokanya Šikeme le papage Hamore ka taba la gore o thilafatsiye sesi wa bona Dina. 14 Ba ba botsa gore: “Tsone re ka sa di make, di ya tšebisa gore sesi wa rune a tseye ke monna wa go sa bollwa. 15 Re ka dumela mo le ka maka ka mokgo: tshwananeng le rune le bolotse banna ka moka bo ba leng ka hone ga lune. 16 Re nyoko le neya barwediya ba rune, le rune re nyoko tseya ba lune, re nyoko dula le lune ra ba moloko ka wwoši. 17 Mara mo le ka sa re theetsele la sa bollwe, re nyoko tseya morwediya wa rune ra sepela.”

18 Mantsu yane ma jabodisa Hamore le Šikeme morwayi wa Hamore. 19 Mosogana yene a sa diyege go maka tso ba mo kgopeleng tsona, ka taba la gore ke mo a jabodisiye ke morwediya wa Jakobo fote ke yene ye ne a tseyediwa gedimo ga ntlo ya papage.

20 Byalo Hamore le morwayi wage Šikeme ba ya gheyiting ya mutši ba bolabola le batho ba mone mutšing, ba re: 21 Banna bowa ba nyaka go phidisana le rune gabutši. Ba lisetseneng ba dule ho nageng fote ba timakele dibhizinisi, naga yowa ke ye kgolo fote yi ka re lekana ka mokana ga rune. Re ka tseya barwediya ba bona gore go be basadi ba rune, fote re ka ba neya barwediya ba rune. 22 Mara gore ba tle ba dule le rune fote re be moloko ka wwoši, ba nyaka gore monna ye mongwana le ye mongwana ka ho ga rune a bollwe go tshwana nabo. 23 Dilo tso ba ghannyeng ka tsona le diphoolwane tsa bona go nyoko ba tsa rune. Byalo, tla re ba neyeneng so ba se nyakang gore ba thogo dula le rune.” 24 Batho ka mokana ga bona bo ne ba tšwa hone gheyiting ba theetsela Hamore le morwayi wage Šikeme, banna ka mokana ga bona ba bollwa, ka mokana ga bona bo ne ba tšwa hone gheyiting ya mutši.

25 Mara ka letšatši la kararo (3) mo ba sa kwa go baba, barwayi ba Jakobo ka babedi (2) Simiyoni le Llifi bobhuti ba Dina, ba tseya disabola tsa bona, ne go se na motho ye ne a naganne gore ba ka kena mone mutšing ba segela ba bolaya banna ka mokana ga bona. 26 Ba bolaya Hamore le morwayi wage Šikeme ka sabola ke mokane ba tseya Dina ntlong ya Šikeme ba sepela. 27 Barwayi ba Jakobo ba bangwana ba ya hala mutšing ga banna bala ba gore ba ba bolayye, ba tseya dilo tsa bona ka taba la gore ke mo ba thilafatsiye sesi wa bona. 28 Ba tsere merape ya bona, dibhongholo tsa bona, ba tseya le dilo ka mokana ga tsona tso ne di le hone mutšing le tso ne di le hala mašomong. 29 Ba tsere le dilo tsa bona ka moka, dibananyana tsa bona le basadi ba bona, ba boya ba tseya le dilo ka mokana ga tsona tsa gore ne di le dintlong tsa bona.

30 Ke mokane Jakobo a re ga Simiyoni le Llifi: “Le mpakele mathatha ya magolo, le makiye gore batho ba naga yowa ba nhloye—Makanana le Maperezi. A re ya tlala fote ba nyoko re kgobakanela ba re hlasela, ba fetsa ka nna le mutši waka.” 31 Mara ba re: “Byalo ba tshware sesi wa rune nkare ke nghwahla?”

35 Ka nthago, Modimo a re ga Jakobo: “Tloga o ye Bhethele o ye dula gona, fote o makele Modimo wa mannete aletare gana hone, yene wa gore o nyarele gago nakwela o tšhabelela bhuti wago Esewu.”

2 Ke mokane Jakobo a re ga ba mutši wage le ka mokana ga bona ba gore ne ba le naye: “Lahlaneng medimo yowa ya lune ya matsaka, le hlapeneng le tšhentšheneng le dikobo, 3 re koriyeneng Bhethele. Ke nyoko makela Modimo wa mannete aletare gana hone, yene wa gore o mfetodiye nakwela ke hlakahlakanne fote a dula a na le nna go gongwana le go gongwana mo ne ke ya gona.” 4 Byalo, ba tseya medimonyana ya bona ya matsaka ba yi neya Jakobo, ba mo neya le mareni ya ne ma le ditsebeng tsa bona, Jakobo a di tseya a di fatela ka tlase ga mohlare wo mogolo wo ne wo le thina le Šikeme.

5 Mo ba kene ba sepela, batho bo ne ba dula mitšing ya hone thina ba sa lelekisi barwayi ba Jakobo ka taba la gore ke mo ba tšhaba Modimo. 6 Jakobo a šinya a segela Luzi ya gore ke Bhethele nageng ya Kanana, yene le batho ka moka bo ne ba le naye. 7 A yaga aletare gana hone, a bitsa poleke yone gore ke Ele-bhethele* ka taba la gore Modimo wa mannete o tinyaretsiye gage gana hone nakwela a tšhabelela bhuti wage. 8 Ka nthago, Debhora yela wa go pasopa Rebhekha a kgwa ke mokane ba mmoloka thina le Bhethele ka tlase ga mohlare wo mogolo. A wo reya gore ke Aloni-bhakuthi.*

9 Mo Jakobo a tšwa Padhane-arama, Modimo a nyarela gage fote, a mo rufa. 10 Modimo a re gage: “Ke wene Jakobo. Lebitso lago go ka sa sa ba Jakobo, mara go nyoko ba Israyele.” A thomisa go mmitsa Israyele. 11 Modimo a ya mahlong a re: “Ke nna Modimo wa Matšhika ka Moka. Belega o be le bana ba go tlala. O nyoko ba papa wa ditšhaba tsa go tlala, fote ho gago go nyoko tšwa magoši. 12 Naga yela ya gore ke yi neyye Abhrahama le Isaka ke nyoko yi neya wene le ditlogolwane* tsago.” 13 Ke mokane Modimo a tloga ga poleke yo ne a bolabola le Jakobo a le ga yona.

14 Byalo Jakobo a beya letlapa la segopotso ga poleke yo ne a bolabola le Modimo a le ga yona, a tšhela sehlabelo sa go tšhediwa go tshwana le sa go nwa le makgura mone ga lona. 15 Jakobo a ya mahlong a bitsa poleke yo Modimo ne a bolabola naye a le ga yona gore ke Bhethele.

16 Ba tloga mone Bhethele. Mo ba soko segela Eforathe, Reyitšhele a thomisa go tshwara ke lešoko, fote ke mo le baba ka matlamatla. 17 Mara mo a kene a šitega go belega ngwana yene, ye ne a mmelegisa a re: “O sa tšhoge ka taba la gore o nyoko belega morwayi ye mongwana.” 18 Mo a kene a felela ke lephelo (ka gore ke mo a kgwa), a mo reya gore ke Bhene-oni* mara papage a re ke Bhenjamini.* 19 Byalo, Reyitšhele a kgwa ba mmoloka thoko ga pata ya go ya Eforathe ya gore ke Bhetlelehema. 20 Jakobo a beya letlapa le legolo mone lebitleng lage; le lekgono lowa go sa na go le letlapa la lebitla la Reyitšhele.

21 Ka nthago ga hone, Israyele a tloga a hloma letente lage hala thoko ga sewokamelo sa Edere. 22 Nakwela Israyele a dula mone nageng, Rubeni o yye a yetsela le motlabo wa papage Bhilha, Israyele a di kwelela.

Byalo, Jakobo ke mo a na le 12 ya barwayi. 23 Barwayi ba gore ke mo a ba belegele ke Lliya ke mo go le Rubeni letšibula la Jakobo, gwa latela Simiyoni, Llifi, Juda, Isakhara le Zebhuloni. 24 Barwayi ba gore o ba belegele ke Reyitšhele ne go le Josefa le Bhenjamini. 25 Fote barwayi ba gore o ba belegele ke Bhilha lelata la Reyitšhele ke mo go le Dani le Nafthali. 26 Ke mokane barwayi ba gore o ba belegele ke Zilpa lelata la Lliya ke mo go le Ghada le Aša. Bowa ke mo go le barwayi ba Jakobo ba gore ba mmelegele bona ku Padhane-arama.

27 Jakobo a fetsa a segele ga papage Isaka ku Mamore, ya gore ne yi le polekeng ya Kiriyathe-abha ya gore ke Hebhrone, ga gore Abhrahama le Isaka ba yye ba dula gona go le batho ba go tšwa ba sepela. 28 Isaka o phidiye 180 ya mengwaga. 29 Ka nthago, Isaka a kgwa ke mokane ba mmoloka le bokokwane bage, ke mo a tsofele fote a kgotsofele ka lephelo; o bolokiye ke barwayi bage Esewu le Jakobo.

36 Tsowa ke tsa lephelo la Esewu, wa gore ke Edomo.

2 Esewu o tsere basadi bage ga barwediya ba Kanana: Ada morwediya wa Elone wa Lehethe, Oholibhama morwediya wa Ana motlogolo wa Zibheyoni wa Lihivi; 3 Bhasemathe morwediya wa Išimayele sesi wa Nebhayothe.

4 Ada a belegela Esewu Elifase, Bhasemathe a belega Rewuwele,

5 Oholibhama a belega Jewuše, Jalama le Kora.

Bowa ke barwayi ba Esewu ba gore ba mmelegele bona nageng ya Kanana. 6 Ka nthago ga hone, Esewu a tseya basadi bage, barwayi bage, barwediya bage le batho ka moka ba ntlong yage, morape le diphoolwane tsage tse dingwana ka moka, a tseya le dilo ka moka tso a di hlekeletsiyeng nageng ya Kanana, a ya ga naga ye nngwana kgolenyana le bhuti wage Jakobo. 7 Dilo tsa bona ne di šele di tlele ka matla gore ba ka dula ggoši, fote poleke yo ne ba dula ga yona ne yi sa sa ba lekana ka taba la merape ya bona. 8 Byalo, Esewu a dula polekeng ya go ba le dithaba ya Seyiri. Esewu ke Edomo.

9 Tsowa ke tsa lephelo la Esewu papa wa Maedomo nakwela a le polekeng ya go ba le dithaba ya Seyiri.

10 Yawa ke mabitso ya barwayi ba Esewu: Elifase morwayi wa Ada, mosadi wa Esewu; Rewuwele morwayi wa Bhasemathe, mosadi wa Esewu.

11 Barwayi ba Elifase ke mo go le Temani, Omara, Zefo, Ghatama le Kenazi. 12 Thimina a ba motlabo wa Elifase morwayi wa Esewu. Mo nako yi kene yi ya a belegela Elifase Amaleke. Bowa ke barwayi ba Ada mosadi wa Esewu.

13 Bowa ke barwayi ba Rewuwele: Nahathe, Zera, Šamaha le Miza. Bowa ke mo go le barwayi ba Bhasemathe mosadi wa Esewu.

14 Bowa ke mo go le barwayi ba Oholibhama morwediya wa Ana, motlogolo wa Zibheyoni, mosadi wa Esewu wa gore o ba belegele Esewu: Jewuše, Jalama le Kora.

15 Bowa ke mo go le dindhuna ga barwayi ba Esewu: Ga barwayi ba Elifase letšibula la Esewu ke mo go na le: Ndhuna Temani, Ndhuna Omara, Ndhuna Zefo, Ndhuna Kenazi, 16 Ndhuna Kora, Ndhuna Ghatama le Ndhuna Amaleke. Bowa ke mo go le dindhuna ga barwayi ba Elifase ku nageng ya Edomo. Bowa ke barwayi ba gore o ba belegele ke Ada.

17 Bowa ke barwayi ba Rewuwele morwayi wa Esewu: Ndhuna Nahathe, Ndhuna Zera, Ndhuna Šamaha le Ndhuna Miza. Bowa ke mo go le dindhuna ga barwayi ba Rewuwele ku nageng ya Edomo. Bowa ke barwayi ba gore ba belegiye ke Bhasemathe mosadi wa Esewu.

18 Ba mafelelo ke barwayi ba Oholibhama mosadi wa Esewu: Ndhuna Jewuše, Ndhuna Jalama le Ndhuna Kora. Bowa ke mo go le dindhuna ga barwayi ba Oholibhama morwediya wa Ana, mosadi wa Esewu.

19 Bowa ke barwayi ba Esewu fote tsowa ke dindhuna tsa bona. Esewu ke Edomo.

20 Bowa ke barwayi ba Seyiri wa Lehore ba gore ne ba dula hone nageng: Lothane, Šobhala, Zibheyoni, Ana, 21 Dišoni, Ezere le Dišani. Bowa ke dindhuna tsa Mahore, barwayi ba Seyiri ku nageng ya Edomo.

22 Barwayi ba Lothane ke mo go le Hori le Hemami, fote sesi wa Lothane ke mo go le Thimina.

23 Bowa ke barwayi ba Šobhala: Alvani, Manahathe, Ebhali, Šefo le Onamo.

24 Barwayi ba Zibheyoni ke mo go le: Ayiya le Ana. Ana yewa ke yene a krayyeng didiba tsa meetši ya go fisa ku mašahleng nakwela a disa dibhongholo tsa papage Zibheyoni.

25 Bowa ke bana ba Ana: Dišoni le Oholibhama morwediya wa Ana.

26 Bowa ke barwayi ba Dišoni: Hemodane, Ešibhani, Itharane le Kherani.

27 Bowa ke barwayi ba Ezere: Bhilhani, Zavani le Akani.

28 Bowa ke barwayi ba Dišani: Uzi le Arani.

29 Bowa ke dindhuna tsa Mahore: Ndhuna Lothane, Ndhuna Šobhala, Ndhuna Zibheyoni, Ndhuna Ana, 30 Ndhuna Dišoni, Ndhuna Ezere le Ndhuna Dišani. Bowa ke dindhuna tsa Mahore nageng ya Seyiri.

31 Yawa ke magoši ya ne ma lawola naga ya Edomo mo go soko ba le kgoši ya go lawola Maisrayele.* 32 Bhela morwayi wa Bhiyora ke mo a lawola Edomo, fote lebitso la mutši wage ke mo go le Dinabha. 33 Mo Bhela a kgwa, Jobhabho morwayi wa Zera wa go tšwa Bhozara a thomisa go lawola sekaleng sage. 34 Mo Jobhabho a kgwa, Hušama wa go tšwa nageng ya Matemani a thomisa go lawola sekaleng sage. 35 Mo Hušama a kgwa, Hadadi morwayi wa Bhedadi wa gore o hludiye Mamidiyane nageng ya Mowaba a thomisa go lawola sekaleng sage, fote lebitso la mutši wage ke mo go le Avithi. 36 Mo Hadadi a kgwa, Samola wa go tšwa Masereka a thomisa go lawola sekaleng sage. 37 Mo Samola a kgwa, Šawulo wa go tšwa Rehobothe thina le Noka a thomisa go lawola sekaleng sage. 38 Mo Šawulo a kgwa, Bhaali-hanani morwayi wa Akhibhoro a thomisa go lawola sekaleng sage. 39 Mo Bhaali-hanani morwayi wa Akhibhoro a kgwa, Hadara a thomisa go lawola sekaleng sage. Lebitso la mutši wage ke mo go le Pawu, fote lebitso la mosadi wage ke mo go le Mehetabhele morwediya wa Mathredi wa gore ke morwediya wa Mezahabho.

40 Byalo, yawa ke mabitso ya dindhuna tsa Esewu go ya ka mitši ya bona le dipoleke tsa bona: Ndhuna Thimina, Ndhuna Alva, Ndhuna Jethethe, 41 Ndhuna Oholibhama, Ndhuna Ela, Ndhuna Pinone, 42 Ndhuna Kenazi, Ndhuna Temani, Ndhuna Mibhizara, 43 Ndhuna Maghidiyele le Ndhuna Iramo. Bowa ke dindhuna tsa Edomo go ya ka mokgo ne ba duli ka gona mone nageng ya bona. Tsowa ke ditlogolwane tsa Esewu papa wa Edomo.

37 Jakobo a ya mahlong a dula nageng ya Kanana, ga gore papage ne a dula gona go le motho wa go tšwa a sepela.

2 Tsowa ke tsa lephelo la Jakobo.

Nakwela Josefa a na le 17 ya mengwaga, mosogana yewa ke mo a disa morape le barwayi ba Bhilha le barwayi ba Zilpa, basadi ba papage. Byalo Josefa a tla a botsa papage dilo tsa go sa loka tso bobhuti bage ba di makang. 3 Byalo, Israyele ke mo a kwana le Josefa ka matla go phala barwayi bage ka moka, ka taba la gore o mo krayye a šele a tsofele fote a mo makela kobo ya go lefa ya go bafala. 4 Mo bobhuti bage ba di bona gore papa wa bona o kwana le Josefa ka matla go ba phala ka moka, ba thomisa go mo hloya fote ke mo ba fo dula ba mo kgwasolanya.

5 Ka nthago, Josefa a lora ke mokane a botsa bobhuti bage tso a di loriyeng, ba napa ba mo hloya ka matla. 6 A re ga bona: “Ke kgopela le theetsele tso ke di loriyeng. 7 Ke mo re tlema dingata tsa korong ku gare ga mašomo ke mokane ngata yaka ya yema thwii, dingata tsa lune dya yi dukulugela dya yi kgotamela.” 8 Bobhuti bage ba re gage: “Ayitsano o nyoko timaka kgoši gore o re lawole?” Byalo, ba napa ba mo hloya ka matla ka taba la tso a di loriyeng le tso a di hlayyeng.

9 Ka nthago a lora fote, ke mokane a botsa bobhuti bage tso a di loriyeng a re: “Ke loriye fote. Gana byalo letšatši, ngwedi le dinanedi 11 ya tsona ke mo di nkgotamela.” 10 A botsa papage le bobhuti bage tso a di loriyeng, ke mokane papage a mo lakatsa a re: “Di ra gore king dilo tso o di loriyeng? O ra gore nna le mmane wago le bobhuti bago re nyoko tla re tl’le kgotamela wene?” 11 Ke mokane bobhuti bage ba napa ba mo jelasela ka matla, mara papage a dula a gopola tso a di hlayyeng.

12 Bobhuti bage ba ya thina le Šikeme gore ba thogo disa morape wa papa wa bona. 13 Ka nthagonyana, Israyele a re ga Josefa: “Bobhuti bago ba disa morape thina le Šikeme akere? Tla ke go rome ku ga bona.” Mo a reyane, Josefa a re: “Nrome!” 14 Byalo a re gage: “Ke kgopela o ye o hlole gore ayitsano bobhuti bago ba sa le gabutši, le gore morape wo byang, ke mokane o tle o mpotse.” Byalo Josefa a tloga moyeding wa Hebhrone a baka Šikeme. 15 A kraya ke monna ye mongwana mo a kene a yinghayingha ku mašomong. Monna yene a mmutsisa gore: “O nyakana le ying?” 16 Yene a re: “Ke nyakana le bobhuti baka. Ke kgopela o mpotse gore ba disa kakaye.” 17 Monna yene a ya mahlong a re: “Ba tlugiye howa ka gore ke ba kwile ba re, ‘Koriyeneng Dothane.’” Byalo Josefa a šala bobhuti bage nthago ke mokane a ba kraya Dothane.

18 Ba mmona a sa tla kgole, mo a soko segela mo ga bona ba thomisa go mo polanela gore ba nyoko mmolaya. 19 Ba re: “Motho yela wa go lora ke ye a tlang. 20 Tla re mmolayeneng re mmošele mokoting,* re ko fo re o jile ke phoolwane ya hlaga. Re boneneng gore go nyoko makega ying ka tso a di loriyeng.” 21 Mo Rubeni a ba kwa ba reyane, a liketsa go mo phonisa a re: “Tla re sa mmolayeneng.” 22 Rubeni a re ga bona: “Le sa falatse madi. Mmošeleneng mo mokoting wo wo leng mo mašahleng, mara le sa mo kwaletsi.” Ke mo a tiputsiye gore o nyoko mo phonisa gore a ko thogo mmusetsa ga papage.

23 Mo Josefa a segela ga bobhuti bage, ba mo yapola kobo yage, kobo yela yage ya go bafala yo ne a yi yapere, 24 ba mo tseya ba mmošela ka ku mokoting. Ka nako yone ke mo go se na meetši ka hala mokoting.

25 Ke mokane ba dula fase ba ja. Mo ba tsosa dihlogo ba bona sekotšikara sa Maišimayele se tšwa Ghiliyade. Dikamela tsa bona ke mo di rwele bolepo bya go nkgela,* bhalesamo* le magagapi* ya mohlare, fote ke mo ba ya Egepita. 26 Ke mokane Juda a re ga bobhuti bage: “Di nyoko re thuša ka ying go bolaya bhuti wa rune re fetsa re fatela madi yage?” 27 Tla re sa mo make selo, re mo rekiseleneng Maišimayele. Phela ke bhuti wa rune, madi ya rune.” Byalo, ba theetsela bhuti wa bona. 28 Mo Maišimayele* yala ma feta, bobhuti ba Josefa ba mo ntsha ka hala mokoting ba mo rekisela Maišimayele yane ka 20 ya ditšheleta tsa silva. Banna bowa ba tseya Josefa ba ya naye Egepita.

29 Ka nthago, mo Rubeni a boya a kraya Josefa a se šiyo ka hala mokoting, a tlerolanya dikobo tsage. 30 Mo a boyela ga bobhuti bage a re: “Ngwanela aa šiyo! Yo nna yoo! Nko bona ke makiye ying mara?”

31 Ba bolaya pudi ya pholo, ba tseya kobo yela ya Josefa ba yi yenela ka teng ga madi. 32 Ka nthago, ba yisa kobo yela ya go bafala ga papa wa bona, ba re: “Re krayye kobo yowa. Re kgopela o yi lebelele gore ayitsano a yi ya morwayi wago.” 33 Ke mokane a yi lebelela a re: “Ke kobo ya morwayi waka! O tshwanele go ba a bolayye ke phoolwane ya hlaga! Yi mo jile!” 34 Jakobo a napa a tlerola dikobo tsage, a tlema lesaka mo masekeng fote a fetsa matšatši ya go tlala a llela morwayi wage. 35 Barwayi bage le barwediya bage ka moka ke mo ba liketsa go mo kgomoletsa mara ke mo a sa nyake ba mo kgomoletsa a re: “Ke nyoko llela morwayi waka go segela ke ya Lebitleng!”* Papage a fo ya mahlong a mo llela.

36 Maišimayele yala ma mo rekisela Potifaro wa ku Egepita, Potifaro ke mo go le lelata la Faro fote go le yene ndhuna ya masole ya go pasopa Faro.

38 Ka nako yonone, Juda a šiya bobhuti bage a ya a hloma letente lage thina le monna wa Leadulama ye ba reng ke Hira. 2 Gana hone, Juda a bona morwediya wa Lekanana le lengwana lo ba reng ke Šuwa. A mo tseya a yetsela naye, 3 ke mokane a yima. Ka nthago a belega morwayi, Juda a mo reya gore ke Ere. 4 Mosadi yene a yima fote, a belega morwayi a mo reya gore ke Onane. 5 A belega morwayi ye mongwana fote, a mo reya gore ke Šela. Juda ke mo a le Akhezibhi mo ngwanene a belegiwa.

6 Mo nako yi kene yi ya, Juda a tseyela letšibula lage Ere mosadi, lebitso lage ke mo go le Thamara. 7 Mara Ere letšibula la Juda ke mo a sa jabodisi Jehova; byalo Jehova a mmolaya. 8 Mo Juda a bona tsotsone, a botsa Onane gore: “Ka gore bhuti wago o kgwile, šadha le mosadi wage o yetsele naye gore o thogo belegela bhuti wago bana.” 9 Mara Onane ke mo a di tšiba gore bana bone go ka sa be bage. Byalo, mo a yetsela le mosadi wa bhuti wage, o tshollele pewu yage fase gore a sa belegele bhuti wage bana. 10 Tso a di makiyeng ke mo di sa jabodisi Jehova, byalo le yene a mmolaya. 11 Juda a re ga Thamara makoti wage: “Ariye we dula gagenu o kene o le mosadi wa go kgwela ke monna go segela morwayi waka Šela a gola,” ka gore ne a nagana gore: ‘Le yene a ka tla a kgwa go tshwana le bobhuti bage.’ Byalo Thamara a ya a ye dula gaye ga papage.

12 Gwa feta nakonyana, mosadi wa Juda morwediya wa Šuwa a kgwa. Mo Juda a fetsa go mo llela, a sepela le monghanage Hira wa Leadulama ba ya Timna ga bo ba go hluba dinku tsage. 13 Ba botsa Thamara gore: “Ratswale wago o ya Timna go ye hluba dinku tsage.” 14 Mo a kwa tsotsone, a yapola sethila* so ne a se yapere, a tseya llapi a tikwala sefahlego a ye dula gheyiting ya Enayimi, mutši wa gore wo pateng ya go ya Timna, ka gore ne a di bona gore Šela o gudiye mara a ba mo šadhisi naye.

15 Mo Juda a mmona, a fo napa a nagana gore o rekisa mmele ka gore ne a tikwadiye sefahlego sowa. 16 Juda a yarogela ku gage a re: “Ke kgopela go yetsela nago,” ka taba la gore ke mo a sa di tšibi gore ke makoti wage. Mara Thamara a re: “O nyoko nneya ying gore o thogo yetsela le nna?” 17 Mo a reyane, Juda a re: “Ke nyoko romela seputsanyana sa go tšwa ga morape waka.” Mara Thamara a re: “O ka sa nneye sa gore ke tšwe ke se tshwere go segela o se romela?” 18 A ya mahlong a re: “Ke go tshwarise ying?” Yene a re: “Nneye ringi* yago le thapo ya yona, le thoka yo o yi tshwereng.” A mo neya tsona ke mokane a yetsela naye, Thamara a yima. 19 Ka nthago a tloga a sepela, a tlosa llapi lela ke mokane a yapara sethila* sage fote.

20 Juda a roma monghanage wa Leadulama gore a yise seputsanyana sela a ko thogo kraya tso a di tshwarisiyeng mosadi yela, mara a sa mo kraye. 21 A butsisa banna ba hone mutšing a re: “O kaye mosadi yela wa go rekisa mmele tempeleng wa gore ke mo a duli Enayimi thoko ga pata?” Mara ba re: “A go na mosadi wa go rekisa mmele tempeleng mo ga poleke yowa.” 22 A fetsa a boyele ga Juda a re: “A ke ya mo kraya fote banna ba poleke yone ba yitseri, ‘A go na mosadi wa go rekisa mmele tempeleng mo ga poleke yowa.’” 23 Byalo Juda a re: “Mo lisetse a di tseye, re ko šinya re titšhelela maahlo ka go nyakana naye. Nna seputsanyana ke se romele, mara a wa mo kraya akere.”

24 Mara ka nthago ga kararo (4) ya dikgwedi, ba botsa Juda gore: “Makoti wago Thamara ke mo a timakiye motho wa go rekisa mmele, fote tsotsone di makiye gore a yime.” Mo ba reyane, Juda a re: “Mo ntsheneng a tšhubiwe.” 25 Mo ba kene ba mo ntsha, a romela molayetsa ga ratswale wage a re: “Ke yimisiye ke mong wa dilo tsowa.” A tokegela ka gore: “Ke kgopela o lebelele ringi yowa le thapo ya yona le thoka yowa gore ke tsa mang.” 26 Juda a di lebelela ke mokane a re: “Mosadi yene o lukiye go phala nna, ka taba la gore a ke ya mo neya morwayi waka Šela.” A sa sa tsoga a yetsele naye.

27 Mo go segela nako ya gore a belege, a belega mafahla. 28 Mo a kene a belega, ngwana ka wwoši a ntsha letsogo, ye ne a mmelegisa a yakgoswa a tlema letsogo lone ka gare ye khubedu, a re: “Yewa ke yene wa mathomo wa go tšwa.” 29 Mara mo a fetsa go le busetsa, gwa tšwa bhuti wage, mosadi yela wa go mmelegisa a re: “Ke ntaba o tlerodiye mmane wago ka mokgo!” Byalo ba mo reya gore ke Pereze.* 30 Ka nthago gwa tšwa bhuti wage yela wa gore ba mo tlemme ka gare ye khubedu mo letsogong, ba mo reya gore ke Zera.

39 Byalo, Josefa ba mo yisa Egepita fote Leegepita lo ba reng ke Potifaro wa gore ke lelata la Faro fote ke ndhuna ya masole ya go pasopa Faro, o mo rekiye ga Maišimayele ya ma mo tlisiyeng hone. 2 Mara Jehova ke mo a na le Josefa. Tsotsone dya maka gore a phomelele fote ba maka gore go be yene a wokamelang ntlo ya mong wage wa Leegepita. 3 Mong wage a di bona gore Jehova o na le Josefa le gore Jehova o maka gore dilo ka moka tso Josefa a di makang di phomelele.

4 Josefa a ya mahlong a jabodisa mong wage, fote gwa ba lelata la gore o le tshepa ka matla. Byalo, a maka gore a wokamele ntlo yage le dilo tsage ka mokana ga tsona. 5 Go tlugisela ka nako yo ba yyeng ba maka gore a wokamele ntlo yage le dilo tsage ka mokana ga tsona, Jehova o yye mahlong a rufa mutši wa Leegepita lone ka taba la Josefa, fote Jehova ke mo a rufa dilo ka mokana ga tsona tsa mone ntlong yage le tsa mašomong. 6 Potifaro a šinya a lisetsa Josefa gore a pasope dilo tsage ka mokana ga tsona, ke mo a sa hlupege ka selo mo go se tsa go ja tso ne a di ja. Go tokegela gana hone, Josefa o yye a yemega fote a bafala.

7 Ka nthago ga dilo tsowa, mosadi wa mong wage a thomisa go lebelela Josefa a mo nabela, a re: “Yetsela le nna.” 8 Mara a gana, a re ga mosadi wa mong wage: “Mong waka aa tšibi dilo tso di leng ntlong yage, ka gore o makiye gore dilo ka mokana ga tsona di pasope ke nna. 9 Ke nna fela ke lawolang dilo ka mokana ga tsona tsa mo ntlong, fote mong waka aa nrakele ga selo mara gago wa nrakela ka taba la gore ke wene mosadi wage. Byalo, nka maka byang selo sa go befa ka mokgo, fote ka sinyela Modimo?”

10 Ke mo a dula a bolabola le Josefa ka moka matšatši, mara Josefa a sa dumele go yetsela naye kela go fetsa nako a le naye. 11 Mara tšatši le lengwana mo a kena ka ku ntlong gore a thogo bereka, malata ya mangwana ke mo ma se šiyo ka mone ntlong. 12 Byalo, a mo tshwara ka kobo yage a re: “Yetsela le nna!” Mara a šiya kobo yage mone matsogong ya mosadi yene, a tšhabela ka tawong. 13 Mo mosadi yene a di bona gore Josefa o šiyye kobo yage mone matsogong yage fote a tšhabela ka tawong, 14 a thomisa go yahlamela banna ba mone ntlong a re ga bona: “Monna waka o re leyele monna yewa wa Leheberu gore a tle a re poyile. O tlile ho gaka a nyaka go yetsela le nna, mara ka thomisa go yahlamela ka matla. 15 Mo a kwa ke rasa fote ke yahlamela, a šiya kobo yage thina le nna a tšhabela ka tawong.” 16 Ka nthago a beya kobo yela ho thina gage go segela mo mong wa Josefa a boya.

17 Le yene a mmotsa tsotsone, a re: “Lelata la Leheberu lo o le leyyeng ho ga rune, le tlile ho gaka le nyaka go mpoyila. 18 Mara mo a kwa ke rasa fote ke yahlamela, a šiya kobo yage thina le nna a tšhabela ka tawong.” 19 Mo mong wa Josefa a kwa tso mosadi wage a mmotsang tsona mo a re: “Lelata lago le mmakiye dilo tsowa,” Potifaro a fufulela. 20 Byalo, mong wa Josefa a mo tseya a mmošela jele ga gore ke mo ba kwalela mabhantiti ya kgoši, fote a dula gana hone jele.

21 Mara Jehova a fo ya mahlong a na le Josefa fote a mo šupetsa gore o mo kwela go baba, fote a mo rufa gore yela wa go wokamela jele a kwane naye. 22 Byalo, yela wa go wokamela jele a maka gore Josefa a lawole mabhantiti ka mokana ga wona ya ke mo ma le mone jele, le dilo ka moka tso ne ba di maka hone, ke yene ye ne a ba botsa gore ba make ying. 23 Ye wa go wokamela jele ke mo a sa hlupege ka dilo tso Josefa ne a di pasopa, ka taba la gore Jehova ke mo a na le Josefa, fote Jehova o makiye gore a phomelele ga dilo ka mokana ga tsona.

40 Ka nthago ga dilo tsone, ye mogolo wa bo ba go tšhelela kgoši ya Egepita tsa go nwa le ye mogolo wa bo ba go bhakela kgoši ya Egepita sekgwa, ba yye ba sinyela kgoši. 2 Byalo, Faro o yye a kwatela malata yane ka mabedi (2), ye mogolo wa bo ba go tšhela tsa go nwa le ye mogolo wa bo ba go bhaka sekgwa, 3 a ma bošela jele ya gore yi ntlong ya ndhuna ya masole ya go pasopa Faro, ga poleke ya gore Josefa ke mo go le lebhantiti ga yona. 4 Byalo ndhuna ya masole ya go pasopa Faro ya maka gore Josefa a dule nabo fote a ba pasope, ba dula mone jele nako ya go lefa.*

5 Yela wa go tšhelela kgoši ya Egepita tsa go nwa le yela wa go yi bhakela sekgwa, ba gore ne ba le jele, ba lora ka letšatši ka lloši, hlatollo ya tso ba di loriyeng ke mo yi sa tshwane. 6 Ka motshwana wa gona ka bošego mo Josefa a tla a ba bona, ke mo ba kgongwele. 7 Byalo, a butsisa malata ya Faro ya gore ke mo ma le jele naye ku ntlong ya mong wage, a re: “Ke ntaba nkare le kgongwele lekgono?” 8 Mo a reyane, ba re gage: “Ka babedi (2) ga rune re loriye, mara a go na ye a ka re hlatollelang gore re loriye ying.” Josefa a re ga bona: “Anthe dihlatollo a di tšwe ga Modimo? Ke kgopela le mpotseneng gore le loriye ying.”

9 Byalo, ye mogolo wa bala ba go tšhela tsa go nwa a botsa Josefa tso a di loriyeng, a re: “Ke loriye go na le modhriva mo mahlong gaka. 10 Mone ga modhriva wone gwa tšwa kararo (3) ya makala, mo ma kene ma hluga ma bhloma, ditšhotšho tsa wona dya butšwa gwa ba didhriva. 11 Fote ke mo ke tshwere komitši ya Faro, ka tseya didhriva tsela ka di minyela ka mo komitšing ya Faro. Ka nthago, ka tseya komitši yela ka yi neya Faro.” 12 Josefa a re gage: “Hlatollo ya gona ke yowa: Kararo (3) ya makala ke kararo (3) ya matšatši. 13 Ka nthago ga kararo ya matšatši, Faro o nyoko go ntsha wa boyela mmerekong wago, o nyoko neya Faro komitši yage ka mokgo ne o maka ka gona nakwela o sa mo tšhelela sa go nwa. 14 Mara o sa nlebale mo dilo di šele di go sepelela gabutši. Ke kgopela o nkwele go baba o botse Faro ka nna, gore ke thogo tšwa mo polekeng yowa. 15 Gabutšibutši, ba n’yetswiye ku nageng ya Maheberu, a ke ya maka selo howa sa gore se ka šinya se maka gore ba mpošele jele.”*

16 Mo ye mogolo wa bo ba go bhaka sekgwa a bona gore tso Josefa a di hlatolliyeng di gabutši, a re gage: “Le nna ke loriye, ne ke rwele kararo (3) ya memantši ka hlogo yi na le dikgwa tse ditšhwewu, 17 ga mmantši wa ka ku gedimo ke mo go na le dilo tsa mohlobo ka moka tsa go bhakiwa tsa Faro, fote ke mo go na le dinonyane di ja dilo tso ne di le ka mone mmantšing.” 18 Ke mokane Josefa a re, “Hlatollo ya gona ke yowa: Kararo (3) ya memantši ke kararo (3) ya matšatši. 19 Ka nthago ga kararo ya matšatši, Faro o nyoko go kopa hlogo, a go fega phateng fote nama yago yi nyoko ja ke dinonyane.”

20 Byalo, ka letšatši la kararo (3) ke mo go le letšatši lo Faro a belegiwweng ka lona, a makela malata yage ka mokana ga wona monyanya, a ntsha ye mogolo wa bo ba go tšhela tsa go nwa le ye mogolo wa bo ba go bhaka sekgwa ku jele malata yage ma kene ma lebelele. 21 A busetsa ye mogolo wa bala ba go tšhela tsa go nwa mmerekong wage, a ya mahlong a tšhelela Faro tsa go nwa. 22 Mara a fega ye mogolo wa bala ba go bhaka sekgwa, ka mokgo Josefa a ba hlatolleleng ka gona. 23 Mara ye mogolo wa bala ba go tšhela tsa go nwa a sa gopole Josefa; ke mo a fo dula a mo lebala.

41 Mo go fela mengwaga ka mmedi, Faro a lora a yemme thoko ga Noka ya Nayile. 2 Mone nokeng gwa nyarela dikgomu kašupa ya tsona tsa go bafala tsa gore fote di tsifiye, ke mo di kgula mabyang ya mone Nayile. 3 Ke mo go na le dikgomu tse dingwana kašupa (7) ya tsona tsa gore ke mo di bifiye fote di kwaritšele, di tšwa mone nokeng ya Nayile dya yema ka thoko ga dikgomu tsela tsa go tsifa gana hone nokeng ya Nayile. 4 Byalo, dikgomu tsela tsa go befa, tsa go kwaritšela dya thomisa go ja kašupa (7) ya tsela tsa go bafala tsa gore fote di tsifiye. Faro a napa a tsoga.

5 Faro a boyela a yetsela, a lora fote. Ke mo go na le lehlaka la gore le na le kašupa (7) ya ditšhotšho tsa mabelethoro tsa gore a dya foforega. 6 Ka nthago, gwa nyarela kašupa (7) ya ditšhotšho tsa mabelethoro tsa gore ke mo di womelele fote di teyye ke moya wa ka bohlabela. 7 Fote ditšhotšho tsela tsa go womelela kašupa (7) ya tsona dya thomisa go kgwisa tsela tsa gore a dya foforega kašupa ya tsona. Faro a napa a tsoga, a di bona gore ke mo a lora.

8 Mara mo bo sa, Faro a thomisa go hlakahlakana. Byalo, a re ba bitse maprista ka moka ya go maka tsa masalamose ya Egepita le banna ka mokana ga bona ba go hlalefa. Faro a ba botsa tso a di loriyeng, mara ke mo go se na wa go kgona go mo hlatollela tsona.

9 Ke mokane yela ye mogolo wa bo ba go tšhelela Faro tsa go nwa, a bolabola le Faro a re: “Lekgono ke gopola tso ke di sinnyeng le tso ke šitegiyeng go di maka. 10 Faro ke mo a kwatele malata yage. Byalo, o nhlahlele jele ga ntlo ya ndhuna ya masole ya go pasopa Faro, nna le yela ye mogolo wa ba go bhakela kgoši sekgwa. 11 Ka nthago ga hone, nna naye re loriye ka letšatši ka lloši. Tso re di loriyeng ne di na le dihlatollo tsa go sa tshwane. 12 Gana mone ke mo re na le mosogana wa Leheberu, wa gore ke mo go le lelata la ndhuna ya masole ya go pasopa kgoši. Mo re mmotsa tso re di loriyeng, a re hlatollela gore di ra gore king. 13 Di f’lo makega ka mokgo a re hlatolleleng ka gona. Ke boyele mmerekong waka, mara monna yela ye mongwana a fegiwa.”

14 Byalo Faro a re ba late Josefa, ba ya ba mo ntsha ku jele* ba mo leya gage ka go yakgoswa. Josefa a hluba* makgakga fote a tšhentšha le dikobo tsage, a ya ga Faro. 15 Ke mokane Faro a re ga Josefa: “Ke loriye mara a go na ye a ka nhlatollelang tso ke di loriyeng. Ke di kwelele gore wa di kgona tsa go hlatolla moloro.” 16 Mo a reyane, Josefa a re ga Faro: “Nna ke fo ba motho! Modimo ke yene a ka go botsang tsa gabutši.”

17 Faro a ya mahlong a botsa Josefa gore: “Ke loriye ke yemme ka thoko ga Noka ya Nayile. 18 Mone nokeng ya Nayile gwa nyarela kašupa (7) ya dikgomu tsa go bafala tsa gore fote di tsifiye, ke mo di kgula mabyang ya mone Nayile. 19 Ke mokane ka nthago gwa nyarela tse dingwana tsa gore di bifiye fote di kwaritšele. Ne ke thoma go bona dikgomu tsa go befa ka mokgo mo nageng ya Egepita. 20 Fote dikgomu tsela tsa go kwaritšela tsa go befa dya thomisa go ja dikgomu tsela tsa go tsifa kašupa ya tsona. 21 Mara mo di fetsa go ja, ne go se na ye a ka bonang gore di jile ka gore ne di sa f’lo kwaritšela go tshwana le mathomisong. Ka napa ke tsoga.

22 “Ka nthago ka bona lehlaka la gore le na le kašupa (7) ya ditšhotšho tsa mabelethoro tsa gore a di ya foforega. 23 Ka nthago gwa nyarela kašupa (7) ya ditšhotšho tsa mabelethoro tsa gore ke mo di womelele fote di teyye ke moya wa ka bohlabela. 24 Fote ditšhotšho tsela tsa go womelela dya thomisa go kgwisa tsela tsa gore a dya foforega kašupa (7) ya tsona. Byalo ka botsa maprista ya go maka tsa masalamose, mara a go na le ka wwoši wa gore o yye a nhlatollela tsona.”

25 Ke mokane Josefa a re ga Faro: “Tso Faro a di loriyeng dya tshwana. Modimo wa mannete o butsiye Faro tso a nyoko di makang. 26 Dikgomu tsa go bafala kašupa ya tsona ke kašupa ya mengwaga. Le kašupa ya ditšhotšho tsa mabelethoro ke kašupa ya mengwaga. Tso o di loriyeng dya tshwana. 27 Kašupa ya dikgomu tsela tsa go befa tsa gore fote di kwaritšele tso di nyareleng ka nthago di yemela kašupa ya mengwaga, fote ditšhotšho kašupa ya tsona tsa mabelethoro tsa gore di foforegiye fote di teyye ke moya wa ka bohlabela di yemela kašupa ya mengwaga ya gore go nyoko ba le tlala. 28 Go fo ba ka mokgo ke butsiyeng Faro: Modimo wa mannete ke yene a makiyeng gore Faro a bone tso a nyoko di makang.

29 “Go nyoko ba le kašupa (7) ya mengwaga ya gore go nyoko ba le tsa go ja tsa go tlala nageng ka mokana ga yona ya Egepita. 30 Mara ka nthago, go nyoko ba le kašupa (7) ya mengwaga ya gore go nyoko ba le tlala, fote re nyoko lebala gore go yye gwa ba le tsa go ja tsa go tlala mo Egepita, go nyoko sinyega mo nageng ka taba la tlala yone. 31 A go na ye a nyoko gopolang gore go yye gwa ba le tsa go ja tsa go tlala mo nageng ka taba la gore tlala yone go ko ba go le ye kgolo ka matla. 32 Faro o loriye gabedi (2) ka taba la gore Modimo wa mannete o fetsiye ka gore di makege ka mokgonone, fote Modimo wa mannete o nyoko di maka go se botala.

33 “Byalo, Faro a nyakane le monna wa gore o hlalefiye a make gore a lawole naga ya Egepita. 34 Faro a make ka mokgo, a beye batho ba go wokamela mo nageng mengwaga kašupa (7) ya yona ya mo go sa na le tsa go ja tsa go tlala, mo ga kapheta (5) ya masaka ba tseye lesaka ka lloši ga tso ba di bunneng Egepita. 35 Ba hlekeletse tsa go ja ka moka ka mengwaga ya mo dilo di sa na di sepela gabutši, ba kgobaketse mabelethoro ba ma beye gabutši, Faro go be yene a lawolang tsa go ja tso ba ko bang ba di kgobaketsiye mone mutšing. 36 Tsa go ja tsowa di nyoko fepa batho ba mone nageng mo go segela kašupa (7) ya mengwaga ya mo go ba le tlala mo Egepita, gore batho ba mone nageng ba sa bolaye ke tlala.”

37 Faro le malata yage ka moka ba kwa taba yone yi kwagala. 38 Byalo Faro a re ga malata yage: “Ayitsano go na le motho ye mongwana wa go tshwana le monna yewa wa gore o na le moya wa Modimo? 39 Faro a re ga Josefa: “Ka taba la gore Modimo o makiye gore o tšibe dilo tsowa ka moka, a go na motho ye mongwana wa go hlalefa go tshwana nago. 40 Go nyoko lawola wene mo ntlong yaka, batho baka ba nyoko theetsela dilo ka moka tso o di hlayang. Nna nko fo go phala ka gore ke nna kgoši.” 41 Faro a boya a botsa Josefa gore: “Ke maka gore go be wene o wokamelang naga ka moka ya Egepita.” 42 Faro a yapola ringi* yage mo letsogong a yi yapesa Josefa, a mo yapesa le dikobo tsa go bafala, a mo yapesa le nekleyisi ya gholdi mo molaleng. 43 Fote a mo kalamisa sekotšikara sa gore se latela sa Faro ka go tseyediwa gedimo, mo a kene a tla ke mo ba yahlamela ba re “A·vrékh!”* A mmeya gore a wokamele naga ya Egepita ka moka.

44 Faro a boya a botsa Josefa gore: “Ke nna Faro, a go na motho ye a nyoko makang selo mo nageng ya Egepita a sa botsa ke wene.” 45 Ka nthago, Faro a reya Josefa gore ke Zafenatha-paneya, a boya a mo neya Asenathe morwediya wa Potifera wa gore ke moprista wa Oni* gore go be mosadi wage. Josefa a thomisa go wokamela naga ya Egepita. 46 Josefa ke mo a na le 30 ya mengwaga mo a yema mahlong ga Faro kgoši ya Egepita.

Byalo Josefa a tloga mone ga Faro a sepela nageng ya Egepita ka mokana ga yona. 47 Mengwaga kašupa (7) ya mo go sa na le tsa go ja tsa go tlala, naga yone yi yye ya nyaretsa tsa go ja tsa go tlala ka matla. 48 O fetsiye kašupa ya mengwaga a kene a hlekeletsa tsa go ja mone nageng ya Egepita, ke mo a tsama a di paka mo mitšing. Ga mutši wo mongwana le wo mongwana ke mo a paka tsa go tšwa mašomong ya gana hone thina. 49 Josefa a ya mahlong a hlekeletsa mabelethoro ya go tlala go tshwana le santa ya lewatleng, ba fetsa ba lisetsiye go ma kala ka gore ke mo ma sa sa kalega.

50 Mo go soko segela mongwaga wela wa gore go nyoko ba le tlala, Asenathe morwediya wa Potifera wa gore ke moprista wa Oni* a belegela Josefa barwayi ka babedi. 51 Josefa a reya letšibula lage gore ke Manase,* ka taba la gore ke mo a re, “Modimo o makiye gore ke lebale mathatha yaka ka moka le ba mutši wa papa.” 52 Ye wa bobedi a mo reya gore ke Eforayimi, ka gore ke mo a re, “Modimo o makiye gore ke be le bana ga poleke yo ne ke hlupega ke le ga yona.”

53 Mengwaga yela kašupa (7) ya yona ya gore ke mo go na le tsa go ja tsa go tlala nageng ya Egepita ya fela, 54 gwa thomisa kašupa (7) ya mengwaga ya tlala go fo ya ka mokgo Josefa a hlayyeng. Tlala yone ya ba gona dinageng ka moka, mara nageng ya Egepita ke mo go na le tsa go ja. 55 Mo nako yi kene yi ya, gwa ba le tlala mone nageng ya Egepita, batho ba thomisa go llela Faro ba nyaka tsa go ja. Ke mokane Faro a botsa batho ka moka ba Egepita gore: “Ariyeneng ga Josefa, le make selo se sengwana le se sengwana so a le botsang sona.” 56 Tlala yone ya sabalala lefaseng ka mokana ga lona. Ke mokane Josefa a bula diralo ka moka gore a thogo rekisela Maegepita mabelethoro ya ne ma le ka mone, ka taba la gore ke mo go wile tlala mone nageng ya Egepita. 57 Batho ka moka ba lefaseng ne ba ya Egepita gore ba thogo reka tsa go ja ga Josefa, ka taba la gore tlala yone ne yi wele lefase ka mokana ga lona.

42 Mo Jakobo a di kwelela gore go na le mabelethoro Egepita, a botsa barwayi bage gore: “Ke ntaba le fo dula le lebeletsanne le sa make selo?” 2 A tokegela ka gore: “Ke di kwelele gore go na le mabelethoro ku Egepita. Ariyeneng le ye re rekeleng gore re thogo phela re sa bolaye ke tlala.” 3 Byalo, lesome (10) la bobhuti ba Josefa ba ya ba ye reka mabelethoro ku Egepita. 4 Mara Jakobo a sa rome Bhenjamini bhuti wa Josefa gore a sepele le bobhuti bage ba bangwana, ka taba la gore ke mo a re: “Nakwenngwana a ka makegela ke dilo tsa go befa ka matla.”

5 Byalo, barwayi ba Israyele ba ya le ba bangwana ba gore ne ba ye reka tsa go ja, ka taba la gore tlala ne yi segele le nageng ya Kanana. 6 Ke mo go lawola Josefa mone nageng, fote ke yene ye ne a rekisela batho ba lefase ka moka mabelethoro. Byalo, bobhuti ba Josefa ba tla, ba mo thinyela letolo ba kene ba yinamisiye difahlego. 7 Mo Josefa a bona bobhuti bage a yakgoswa a ba tšiba, mara a maka gore ba sa mo tšibi. A ba kgwasolanya mo a bolabola nabo a re: “Le tšwa kaye?” Bona ba re: “Re tšwa nageng ya Kanana re tl’le reka tsa go ja.”

8 Tsotsone dya maka gore Josefa a tšibe bobhuti bage, mara bona ke mo ba sa mo tšibi. 9 Josefa a napa a gopola tso a di loriyeng ka bona, ke mokane a re ga bona: “Ke lune dimpimpi! Le tlile go tl’le boneng gore ke kaye ga gore poleke ya rune a ya pasopega!” 10 Ke mokane ba re gage: “Awwa morenaka, malata yago ma tl’le reka tsa go ja. 11 Re bana ba motho. Ke rune banna ba go loka. Malata yago a yi dimpimpi.” 12 A re ga bona: “Le na le matsaka! Le tlile go tl’le boneng gore ke kaye ga gore poleke ya rune a ya pasopega!” 13 Mo a reyane, ba re gage: “Ke rune bana ba motho. Papa wa rune o dula nageng ya Kanana, fote ke mo a na le 12 ya barwayi. Lekotwana la gona le šele le papa wa rune, mara ye mongwana aa sa šiyo.”

14 Mara Josefa a re ga bona: “Ke sa na ke re—‘Ke lune dimpimpi!’ 15 Ke nyoko bona ka sowa gore le bolabola nnete: Solanka Faro a sa phela, le ka sa tloge ga poleke yowa go segela bhuti wa lune ye monyana a segela ga poleke yowa. 16 Romaneng ka wwoši wa lune a ye lata bhuti wa lune, mara lune le ko šala le tshwariwwe howa. Re ko bona ka tsotsone gore ayitsano le ya resa. Mo nkare a go ka mokgonone, solanka Faro a sa phela, ke lune dimpimpi.” 17 Gwa fela kararo (3) ya matšatši a ba tshwere ka mokana ga bona.

18 Ka letšatši la kararo (3), Josefa a re ga bona: “Nna ke tšhaba Modimo wa mannete, byalo, makaneng ka mokgo le ko thogo ya mahlong le phela. 19 Mo nkare le ya tshepega, ka wwoši wa lune a šale mowa a tshwariwwe mara lune ba bangwana tseyaneng mabelethoro le sepele gore ba mitši ya lune ba sa bolaye ke tlala. 20 Ke mokane le nleyele monyanana wa lune, gore ke thogo tshepa tso le mputsiyeng tsona le gore le sa kgwe.” Ba maka ka mokgonone.

21 Ba bolabodisana ba re: “Tsowa di re makegela ka taba la bhuti wa rune, a re ya mo theetsela nakwela a re llela a re re mo kwele go baba. Nka taba lowa dilo tso di šele di makegela rune.” 22 Ke mokane Rubeni a re: “Anthe a ke ya le botsa gore, ‘Le sa kwaletseneng ngwanewa,’ mara la sa ntheetsele? Re na le molato ga Modimo ka taba la gore re falatsiye madi yage.” 23 Mara ke mo ba sa di tšibi gore Josefa wa ba kwa, ka gore ne go na le wa go ba tolokela. 24 Byalo a tloga mone mahlong ga bona a thomisa go lla. Mo a boya a tl’le bolabola nabo fote, a tseya Simiyoni a mo tlema ba kene ba lebelele. 25 Josefa a re ba tlatse masaka ya bona ka mabelethoro, fote ba tšhele tšheleta ya ye mongwana le ye mongwana lesakeng lage, ba ba neye le mphago. Ba ba makela ka mokgonone.

26 Byalo, ba tseya mabelethoro yala ba ma beya gedimo ga dibhongholo tsa bona ke mokane ba sepela. 27 Mo ka wwoši a bula lesaka lage gore a thogo neya bhongholo yage furu ga poleke yo ne ba nyoko yetsela ga yona, a yakgoswa a bona tšheleta yage hone lesakeng. 28 Mo a bona tsotsone, a botsa bobhuti bage gore: “Ba buyisiye tšheleta yaka, ke yowa ka mo lesakeng laka!” Ba thomisa go tšhoga le go hlagasela, ba butsisana ba re: “Modimo o re makiye ying mara?”

29 Mo ba segela ga Jakobo papa wa bona ku nageng ya Kanana, ba mmotsa dilo ka mokana ga tsona tso di ba makegeleng, ba re: 30 Monna yela wa go lawola ku nageng ke mo a fo re kgwasolanya fote a re ke rune dimpimpi. 31 Mara ra re gage, ‘Ke rune banna ba go loka. A yi rune dimpimpi. 32 Ke rune bana ba motho, papa wa rune o dula nageng ya Kanana. Fote ke mo a na le 12 ya barwayi, lekotwana la gona le šele le papa wa rune mara ye mongwana aa sa šiyo.’ 33 Mara morenela wa go lawola a re ga rune, ‘Ke nyoko tšiba ka tsowa gore le ya tshepega: Šiyaneng bhuti wa lune ka wwoši mowa. Tseyaneng se sengwana le sepele gore ba mitši ya lune ba sa bolaye ke tlala. 34 Le boyeneng le bhuti wa lune ye monyana gore ke thogo tšiba gore a yi lune dimpimpi, mara le banna ba go loka. Ke nyoko le neya bhuti wa lune, fote le nyoko ya mahlong le reka tsa go ja mo nageng.’”

35 Mo ba kene ba tsholla masaka ya bona, ye mongwana le ye mongwana a kraya sejumbha sage sa tšheleta lesakeng lage. Mo bona le papa wa bona ba bona dikhwama tsone tsa tšheleta, ba thomisa go tšhoga. 36 Papa wa bona Jakobo a re: “Le kwisiye nna go baba! Josefa aa sa šiyo le Simiyoni aa šiyo, gana byalo le nyoko tseya le Bhenjamini! Ke ntaba dilo tsowa ka mokana ga tsona di makegela nna?” 37 Mara Rubeni a re ga papage: “O ka bolaya barwayi baka ka babedi (2) mo nka sa boye naye. Nneye yene nko mo pasopeng, nko mo leyeng.” 38 Mara Jakobo a re: “Morwayi waka a ka sa yi le lune, ka taba la gore bhuti wage o kgwile, yene o f’lo šala a ntoši. Mo go ka makega se sengwana mo le kene le sepela ke mokane a kgwa, le nyoko maka gore ke šinye ke ya Lebitleng* ka taba la gore ke nyoko ba ke kwile go baba.”

43 Byalo, tlala ke mo yi pokiye mone nageng. 2 Mo mabelethoro yala ba buyyeng nawo Egepita ma šele ma fediye, papa wa bona a re: “Boyelaneng le ye re rekela tsa go ja nyana.” 3 Ke mokane Juda a re gage: “Morenela aa re jikajika mo a re botsa gore, ‘Le sa boye howa mo le se na bhuti wa lune.’ 4 Mo o ka re re sepele le bhuti wa rune, re ko yeng re ye go rekela tsa go ja. 5 Mara mo o ka gana re ka sa yi, ka gore morenela o yitseri, ‘Le sa boye howa mo le se na bhuti wa lune.’” 6 Israyele a butsisa gore: “Le ya di bona gore le nleyele mathatha, anthe ne le sa mmotsela ying gore le na le bhuti ye mongwana?” 7 Ba re: “Morenela o re butsisiye ka rune le mašaga ya rune, a re, ‘Nje papa wa lune o sa phela? Le na le bhuti ye mongwana?’ Ra fetola tso a re butsisang. Ke mo re nyoko di tšibela kaye gore o nyoko re, ‘Le tleneng le bhuti wa lune’?”

8 Ke mokane Juda a kgopela papage Israyele a re: “Nneye mošomanyana yewa, re sepele gore re thogo phela re sa kgwe—rune, wene le bana ba rune. 9 Ke ya go tshepisa gore ke nyoko mo pasopa. Molato go ko ba waka mo a ka makegela ke se sengwana. Mo nka šitega go boya naye ke tlo go neya yene, nko ba ke go sinyele go ya go yye. 10 Mara hala re sa diyega, nke re yye gabedi fote re buyye.”

11 Byalo, Israyele papa wa bona a re ga bona: “Mo go le ka mokgonone, makaneng ka mokgo: Tseyaneng dilo tsa go bafala tsa mo nageng le di tšhele dikhwameng le ye le di neye monna yene: le tseye bhalesamo* ye nyana, mamapo nyana, bolepo bya go nkgela,* magagapi ya mohlare,* dimaka tsa go tswetswenyela le dialimondi. 12 Ariyeneng le tšheleta ya go lekana le yela ya mathomo, yi be gabedi (2); le tseyeneng le tšheleta yo le yi krayyeng ka masakeng ya lune le yi busetse. Nakwenngwana go makegiye phošo. 13 Tseyaneng bhuti wa lune le sepele, le boyeleneng ga morenela. 14 Nkare Modimo wa Matšhika ka Moka a ka maka gore morenene a le kwele go baba, a lokolle Simiyoni le Bhenjamini. Mara mo nkare ke nyoko loba bana baka, go lukiye!”

15 Byalo barwayi ba Israyele ba tseya tso ne ba tshwanele ba neye morenela, ba tseya le tšheleta yela, ba tseya le Bhenjamini. Ba tloga ba leba Egepita, ba yema mahlong ga Josefa fote. 16 Mo Josefa a ba bona ba na le Bhenjamini, a napa a botsa monna yela wa go wokamela ntlo yage gore: “Tseya banna bowa o ba yise ku ntlong, o hlabe diphoolwane o make tsa go ja, ka gore ba nyoko ja le nna ka sethewo.” 17 Monna yene a yakgoswa a maka ka mokgo Josefa a mmutsiyeng ka gona, a ba yisa ntlong ya Josefa. 18 Mara banna bane ba thomisa go tšhoga mo ba ba yisa ntlong ya Josefa, ke mokane ba re: “Ba re leyye howa ka taba la tšheleta yela re yi krayyeng ka masakeng ya rune nakwela re tlile la mathomo. Ba nyoko re hlasela ba re maka mabhantiti, ba boya ba tseya le dibhongholo tsa rune!”

19 Byalo, ba ya ga monna yela wa gore o lawola ntlo ya Josefa ba bolabola naye ba le mo monyako wa ntlo. 20 Ba re: “Re tshwarele morenaka! Re thomisiye re tla re tl’le reka tsa go ja. 21 Mara mo re segela ga poleke yo ne re nyoko yetsela ga yona re bula masaka ya rune, ye mongwana le ye mongwana o krayye tšheleta yage yi sa felele ka lesakeng lage. Byalo, re kgopela go go neya yona. 22 Fote re tshwere tšheleta ye nngwana gore re tle re reke tsa go ja. A re tšibi gore ke mang ye a tšhediyeng tšheleta ya rune ka ku masakeng ya rune.” 23 Ke mokane a re: “Go lukiye. Le sa tšhoge. Modimo wa lune le Modimo wa papa wa lune o tšhediye tšheleta ka masakeng ya lune. Tšheleta yone yi thomisiye yi tla gaka.” Ka nthago ga hone a ba leyela Simiyoni.

24 Byalo monna yene a ba leya ntlong ya Josefa, a ba neya meetši ya go hlapa mawoto, a ba neya le furu ya dibhongholo tsa bona. 25 Byalo, ba ntsha dilo tso ne ba di leyele Josefa ba di beya gabutši, ka taba la gore ne ba di kwelele gore o tl’le ja nabo gana hone ka sethewo. 26 Mo Josefa a kena ka ku ntlong, ba ya le dilo tso ne ba mo leyele tsona ka ku ntlong, ba mo kgotamela ba yinamisiye dihlogo. 27 Ka nthago a ba butsisa gore ba sa tsugiye, ke mokane a re: “Papa wa lune o sa tsugiye? O sa phela? 28 Bona ba re: “Lelata lago la gore ke papa wa rune o sa tsugiye. O sa phela.” Ke mokane ba mo kgotamela ba yinamisiye dihlogo.

29 Mo a tsosa hlogo a bona bhuti wage Bhenjamini, ngwana wa mmane wage, a re: “Ke bhuti wa lune yewa, ke yene ye monyana wa gona wa gore le mputsiye ka yene?” A tokegela ka gore: “Nkare Modimo a ka go rufa morwayi.” 30 Ka gore Josefa ke mo a sa sa kgona go titshwara ka taba la bhuti wage, a taboga a nyaka ga gore a ka llela gona. Ke mokane a kena kamareng ye nngwana a lla. 31 Mo a fetsa, a hlapa sefahlego a tšwa, ka gore ke mo a šele a kgona go titshwara, a re: “Tsholaneng.” 32 Ba mo neya tsa go ja tsage a le ntoši, bobhuti bage le bona ba ba neya tsa go ja tsa bona ba le ntoši, le Maegepita ya ne ma le naye ma ja ma le ntoši, ka gore Maegepita ne ma sa ji le Maheberu ka taba la gore tsotsone ke mo di silikisa Maegepita.

33 Bobhuti bage ke mo ba duli ba lebeletsanne naye, go tlugisela ka ye mogolo* go segela ka ye monyana fote ke mo ba fo lebelelana ba makele. 34 Ke mo a fo dulela go neya bobhuti bage tsa go ja tso ne ba mo tsholele tsona, mara tso ne a di neya Bhenjamini ne di feta tsa bo ba bangwana ga kapheta (5). Ba ya mahlong ba ja ba boya ba nwa go segela ba kgora.

44 Ka nthago Josefa a botsa monna yela wa go wokamela ntlo yage gore: “Tlatsa masaka ya batho bo ka tsa go ja tso ba ka kgonang go di rwala, fote o tšhele tšheleta ya ye mongwana le ye mongwana lesakeng lage. 2 Mara o tšhele komitši yaka yela ye silva lesakeng la ye ye monyana wa gona, o tšhele le tšheleta yage ya gore ne a tl’le reka mabelethoro ka yona.” Monna yela a maka ka mokgo Josefa a mmutsiyeng ka gona.

3 Ka bošego mo go šele go khanya, ba layela bobhuti ba Josefa le dibhongholo tsa bona. 4 Ke mo ba soko ya kgole mo Josefa a botsa monna yela wa go wokamela ntlo yage gore: “Tlogamela! Lelekisa banna bala! Mo o ba kraya o re ga bona, ‘Ke ntaba le patedisa tsa go bafala ka tsa go befa? 5 Yowa a yi komitši yo mong waka a nwelang ga yona fote a yi berekisang go pombhola dilo? Le makiye dilo tsa go befa.’”

6 Byalo, a ba kraya a ba botsa mantsu yane. 7 Mara ba re gage: “Ke ntaba morena wa rune a hlaya dilo tsowa? Malata yago ma ka sa tsoge ma makiye dilo tsa mošaga wone. 8 Tšheleta yo re yi krayyeng ka masakeng ya rune re yi buyisiye gago re tšwa nageng ya Kanana. Byalo, o ra gore re ka yetswa silva kela gholdi ntlong ya mong wago? 9 Mo le ka yi kraya ga ye mongwana wa malata ya lune, lelata lone le kgwe, fote rune ba bangwana ka mokana ga rune re nyoko ba mabhantiti ya mong wa rune.” 10 Byalo a re: “Go nyoko ba ka mokgonone: Ye re mo krayang a le nayo go nyoko ba lelata laka, mara lune ba bangwana ka moka le ko ba le se na molato.” 11 Mo a reyane, ba yakgoswa ba beya masaka ya bona fase, ba ma bula. 12 A nyakela gabutši, go tlugisela ka ye mogolo go segela ka ye monyana. A fetsa a krayye komitši yone ka teng ga lesaka la Bhenjamini.

13 Ba tlerolanya dikobo tsa bona, ke mokane ye mongwana le ye mongwana a busetsa morwalo wage gedimo ga bhongholo yage ba boyela ku mutšing. 14 Mo Juda le bobhuti bage ba kena ku ntlong ya Josefa, ba mo krayye a sa le gona; ba mo kgotamela ba yinamisiye difahlego. 15 Josefa a re ga bona: “King tso le di makiyeng? Anthe a le di tšibi gore monna wa go tshwana le nna wa di kgona tsa go pombhola?” 16 Mo a reyane, Juda a re: “Re ka re king ga mong wa rune mara? Re ka šupetsa byang gore a re na molato? Modimo wa mannete o di beyye lekgwaying tso malata yago ma di sinnyeng. Rune le ye komitši yo ba yi krayyeng gage re šele re le malata ya mong wa rune!” 17 Mara a re: “Awwa, nko ba ke di makela ying tsotsone! Ye ba krayyeng komitši yowa gage ke yene a nyoko bang lelata laka. Lune ba bangwana ariyeneng ga papa wa lune.”

18 Byalo Juda a šutela gage a re: “Barena morenaka, ke kgopela o lisetse lelata lago le bolabole nago, fote o sa le kwatele ka gore wene o tshwana le Faro. 19 Mong waka o butsisiye malata yage gore, ‘Ayitsano le na le papa kela bhuti?’ 20 Byalo ra re ga mong waka, ‘Re na le papa wa gore o šele a tsofele, fote o na le ngwana wa lekotwana wa gore o mo krayye a šele a tsofele. Mara go šele yene a le ntoši ga bana ba mmane wage ka gore bhuti wage o kgwile, fote papage o kwana naye ka matla.’ 21 Ka nthago ga hone, wene o butsiye malata yago gore, ‘Mo leyeneng howa nko thogo mmona.’ 22 Mara ra botsa mong wa rune gore, ‘Mošomanyana yewa a ka sa kgone go šiya papage. Mo a ka mo šiya, papage o nyoko kgwa.’ 23 Ke mokane wa re ga malata yago, ‘Le sa boye howa mo le se na bhuti wa lune ye monyana.’

24 “Byalo ra ya ga papa wa rune lelata lago ra mmotsa mantsu ya mong wa rune. 25 Ka nthago papa wa rune a re, ‘Boyelaneng le ye re rekela tsa go ja nyana.’ 26 Mara ra re, ‘Re ka sa kgone go ya. Re ko yeng mo re na le bhuti wa rune ye monyana, ka gore re ka sa kgone go bona monna yene mo re se na bhuti wa rune ye monyana.’ 27 Ke mokane papa wa rune lelata lago a re, ‘Le ya di tšiba gore mosadi waka o mpelegele barwayi ka babedi fela. 28 Mara ka wwoši o nšiyye ke mokane ka re: “O tshwanele go ba a jile ke phoolwane ya hlaga!” fote a ke so mmone go segela gana byalo. 29 Mo le ka sepela le yewa fote gwa makega se sengwana a kgwa, le nyoko maka gore ke šinye ke ya Lebitleng* ka taba la gore ke nyoko ba ke kwile go baba.’

30 “Papa a ka sa di kgone go phela mo mošomanyana yewa a se šiyo, byalo mo re ka boyela gage re se na mošomanyana yewa, 31 mo a di bona gore mošomanyana yewa aa šiyo, o nyoko kgwa, fote malata yago ma nyoko maka gore lelata lago la gore ke papa wa rune a šinye a ya Lebitleng* ka taba la gore o ko ba a kwile go baba. 32 Lelata lago le tshepisiye papa gore le nyoko pasopa mošomanyana yewa, le yitseri, ‘Mo nka šitega go boya naye ke tl’le go neya yene nko ba ke go sinyele go ya go yye.’ 33 Byalo ke ya go kgopela, yema go šale nna go be nna lelata la mong waka gore mošomanyana yewa a thogo sologa le bobhuti bage. 34 Ke ye boyela byang ga papa mošomanyana yewa a se šiyo? Nka sa di kgone go fo lebelela papa a kwa go baba!”

45 Mo a reyane, Josefa a sa sa kgona go titshwara mahlong ga bo ne ba mmerekela. A yahlamela a re: “Tšwaneneng ka mokana ga lune!” Ke mo ba tšwile ka mokana ga bona mo Josefa a botsa bobhuti bage gore ke yene mang.

2 Ke mokane a se kgihla Maegepita ma šinya ma mo kwa, ba mo kwa le ku ntlong ya Faro. 3 Josefa a fetsa a butsiye bobhuti bage gore: “Ke nna Josefa. Nje papa o sa phela?” Mara bobhuti bage ba sa kgone go mo fetola ka taba la gore ne a ba makatsiye. 4 Byalo Josefa a re ga bobhuti bage: “Ke kgopela le šuteleneng ho gaka.” Mo a reyane, ba šutela thina gage.

Ke mokane a re: “Ke nna bhuti wa lune Josefa, wa gore le mo rekisele Maegepita. 5 Mara le sa kwe go baba fote le sa šupane ka monwana ka gore le nrekisiye; ka taba la gore Modimo o ntlisiye howa gore ke thogo phonisa maphelo. 6 Mongwaga wowa ke wa mabedi (2) go na le tlala mo nageng, fote go sa nyoko tla kapheta (5) ya mengwaga ya gore go ka sa limiwi kela go buniwa. 7 Mara Modimo o nromme gore ke le yete mahlong gore a le phonise, le gore a make gore ditlogolwane tsa lune di dule di le gona mo lefaseng.* 8 Byalo, a ke ya leya ke lune howa mara ke leyye ke Modimo wa mannete, ke yene a makiyeng gore ke be ye mogolo ga bo ba go yeletsa Faro, a boya a maka gore ke lawole dilo tsa ntlo yage ka mokana ga tsona le naga ya Egepita ka moka.

9 “Yakgoswaneng le boyele ga papaka, ke mokane le mmotseneng gore, ‘Tsowa ke tso di hlayyeng ke morwayi wago Josefa: “Modimo o makiye gore ke lawole naga ya Egepita ka mokana ga yona. Tlang ho gaka. O sa diyege. 10 O nyoko tla o dula nageng ya Ghošene ga gore o nyoko ba thina le nna—wene, barwayi bago, ditlogolwane tsago, merape yago le dilo tsago ka mokana ga tsona. 11 Ke nyoko go neya tsa go ja mo o le gana hone, ka taba la gore go sa nyoko ba le kapheta (5) ya mengwaga ya gore go nyoko ba le tlala. Mo o ka sa tle, wene le ba mutši wago le nyoko hlupega fote go nyoko fela ka dilo tsago ka mokana ga tsona.”’ 12 Lune le bhuti waka Bhenjamini le ya di bona gore ke nna ye ke bolabolang. 13 Le ye le botse papa gore ke nna wa go wokamela dilo ka moka mo Egepita, le mmotse le ka dilo ka mokana ga tsona tso le di bonneng. Yakgoswaneng le leyeneng papa howa.”

14 Ke mokane a tlaparela bhuti wage Bhenjamini a lla, Bhenjamini le yene a lla a kene a tlaparele bhuti wage. 15 A khisa bobhuti bage ka mokana ga bona, a ba tlaparela a kene a lla, ka nthago bobhuti bage ba bolabola naye.

16 Faro a di kwelela gore: “Go tlile bobhuti ba Josefa!” Faro le malata yage ba jabola mo ba kwa ditaba tsone. 17 Byalo Faro a botsa Josefa gore: “Botsa bobhuti bago gore ba make ka mokgo, ‘Layišaneng tsa go ja tsa lune mo gedimo ga diphoolwane tsa lune le sepele le ye nageng ya Kanana, 18 fote le tseye papa wa lune le mitši ya lune ka mokana ga yona le tleneng howa gaka. Ke nyoko le neya dilo tsa gabutši tsa naga yowa ya Egepita, fote le nyoko ja tsa go tšwa ga mobu wa go tsifa. 19 Fote o ba botse gore: “Makaneng ka mokgo: Tseyaneng dikotšikara mo nageng ya Egepita le ye kalamisa bana ba lune le basadi ba lune, fote ga se sengwana le kalamise papa wa lune le tle howa. 20 Le sa šekele ka dilo tsa lune, ka gore le nyoko tla le kraya dilo tsa gabutši mo nageng ya Egepita.”’”

21 Barwayi ba Israyele ba maka ka mokgonone, Josefa a ba neya dikotšikara ka mokgo Faro a hlayyeng, a ba neya le mphago. 22 A neya ye mongwana le ye mongwana dikobo tsa go tšhentšha, mara ga Bhenjamini a mo neya 300 ya ditšheleta tsa silva, a mo neya le kapheta (5) ya dikobo tsa go tšhentšha. 23 A neya papage dilo tsowa: lesome (10) la dibhongholo tsa gore di rwele dilo tsa gabutši tsa go tšwa Egepita, le lesome la dibhongholo tsa gore di rwele mabelethoro, sekgwa le mphago wa papage. 24 Byalo, a layela bobhuti bage, mo ba sepela a ba botsa gore: “Le sa tsame le lwa mo pateng.”

25 Ke mokane ba tloga Egepita ba ya nageng ya Kanana ga papa wa bona Jakobo. 26 Ba mmotsa gore: “Josefa o sa phela, fote o lawola naga ya Egepita ka mokana ga yona!” Mara ke mo a sa tšibi gore a re king ka taba la gore ne a sa ba tshepe. 27 Mo ba mmotsa dilo ka mokana ga tsona tso Josefa a ba butsiyeng tsona, le mo a bona dikotšikara tso Josefa a di romeleng gore ba mo late ka tsona, papa wa bona Jakobo a thomisa go yimuluga. 28 Israyele a re: “Ke šele ke ya tshepa! Morwayi waka Josefa o sa phela! Yema ke ye ke ye mmoneng ke soko kgwa!”

46 Byalo, Israyele a tseya dilo tsage ka mokana ga tsona a sepela. Mo a segela Bhere-šeba, a makela Modimo wa papage Isaka dihlabelo. 2 Byalo, mo go le bošego Modimo a bolabola le Israyele ka mmono a re: “Jakobo, Jakobo!” yene a re: “Ke nna yewa!” 3 A re: “Ke nna Modimo wa mannete, Modimo wa papago. O sa tšhabe go ya Egepita, ka gore mo o le gana ku ke nyoko maka gore mo gago go tšwe setšhaba se segolo. 4 Ke nyoko ya nago Egepita, fote ke nyoko boya ke go ntsha ke go buyisa ga naga yowa, mo o kgwa Josefa o nyoko go kwala maahlo.”

5 Ka nthago, Jakobo a tloga Bhere-šeba, barwayi ba Israyele ba felegetsa Jakobo papa wa bona, bana ba bona le basadi ba bona ka dikotšikara tsela tsa gore Faro o di romele gore a sepele ka tsona. 6 Ba tsere le merape ya bona le dilo ka mokana ga tsona tso ba di hlekeletsiyeng nageng ya Kanana. Ke mokane Jakobo le ba mutši wage ka moka ba kena Egepita. 7 O yye Egepita le barwayi bage, barwediya bage le ditlogolwane tsage ka moka.

8 Byalo, yawa ke mabitso ya barwayi ba Israyele ba gore ba yye Egepita, Jakobo le barwayi bage: Letšibula la Jakobo ke mo go le Rubeni.

9 Barwayi ba Rubeni ke mo go le Hanoko, Palu, Hezerone le Khami.

10 Barwayi ba Simiyoni ke mo go le Jemuwele, Jamini, Ohade, Jakini, Zohara le Šawulo morwayi wa mosadi wa Lekanana.

11 Barwayi ba Llifi ke mo go le Ghešone, Kohathe le Merari.

12 Barwayi ba Juda ke mo go le Ere, Onane, Šela, Pereze le Zera. Mara Ere le Onane ba kgwele nageng ya Kanana.

Barwayi ba Pereze gwa ba Hezerone le Hamuli.

13 Barwayi ba Isakhara ke mo go le Tola, Puva, Iyobho le Šimironi.

14 Barwayi ba Zebhuloni ke mo go le Serede, Elone le Jaliyele.

15 Bowa ke barwayi ba Lliya ba gore o ba belegele Jakobo nakwela ba le Padhane-arama, a boya a belega le morwediya wage Dina. Ke mo a na le 33 ya barwayi le barwediya.

16 Barwayi ba Ghada ke mo go le Zifiyoni, Haghi, Šuni, Ezibhone, Eri, Arodi le Areli.

17 Barwayi ba Aša ke mo go le Imna, Išiva, Išivi le Bheraya, fote sesi wa bona ke mo go le Sera.

Barwayi ba Bheraya ke mo go le Hebhere le Malekhiyele.

18 Bowa ke barwayi ba Zilpa wa gore Labane o mo neyye morwediya wage Lliya. O belegele Jakobo 16 ya bana.

19 Barwayi ba mosadi wa Jakobo ye ba reng ke Reyitšhele ke mo go le Josefa le Bhenjamini.

20 Josefa ba mmelegele Manase le Eforayimi ku nageng ya Egepita, o ba belegele ke Asenathe morwediya wa Potifera moprista wa Oni.*

21 Barwayi ba Bhenjamini ke mo go le Bhela, Bhetšhere, Ašibhele, Ghera, Naamane, Ehi, Roše, Mupimi, Huphimi le Arade.

22 Bowa ke barwayi bo Reyitšhele a ba belegeleng Jakobo: 14 ya bona.

23 Morwayi wa Dani ke mo go le Hušimi.

24 Barwayi ba Nafthali ke mo go le Jazili, Ghuni, Jezere le Šilema.

25 Bowa ke barwayi ba Bhilha wa gore Labane o mo neyye morwediya wage Reyitšhele. O belegele Jakobo kašupa ya bana.

26 Bana ba Jakobo ka mokana ga bona bo ba yyeng naye Egepita ke mo go le 66 ya bona, mo go sa badiwi basadi ba barwayi bage. 27 Barwayi ba Josefa ba gore ba mmelegele bona ku Egepita ke mo go le ka babedi (2). Batho ka moka bo ba tšwang mutšing wa Jakobo ba gore ba tlile Egepita ke mo go le 70 ya bona.

28 Jakobo o romme Juda gore a yete mahlong a ye botsa Josefa gore o pateng ya go ya Ghošene. Mo ba segela nageng ya Ghošene, 29 Josefa ke mo a lukisiye sekotšikara sage, a ya a ye gahlana le papage Israyele ku Ghošene. Mo a segela gage, a napa a mo tlaparela fote a tseya nakonyana a lla. 30 Israyele a botsa Josefa gore: “Byalo nka kgwa; ke go bonne fote ke ya di tšiba gore o sa phela.”

31 Josefa a botsa bobhuti bage le ba mutši wa papage gore: “Yemaneng ke ye ga Faro ke ye mmotsa gore, ‘Bobhuti le ba mutši wa papa ba gore ne ba dula nageng ya Kanana ba tlile ho gaka. 32 Banna bowa baa disa fote ba ruwwe diphoolwane, ba tlile le merape ya bona le dilo tsa bona ka moka.’ 33 Mo Faro a le bitsa a le butsisa gore, ‘Le bereka go maka ying?’ 34 le mmotseneng gore, ‘Malata yago ke mo ma disa go tlugisela mo go sa le ya manyana go segela gana byalo, rune le bokokwane ba rune,’ gore le thogo dula nageng ya Ghošene ka taba la gore batho ba go disa dinku ba silikisa Maegepita.”

47 Josefa a ya a ye botsa Faro gore: “Papa le bobhuti baka ba tlile le merape ya bona le dilo tsa bona ka moka ba tšwa nageng ya Kanana, fote ba ku nageng ya Ghošene.” 2 A tseya bobhuti bage kapheta (5) ya bona, a ya nabo ga Faro.

3 Faro a butsisa bobhuti bage gore: “Le bereka go maka ying?” Ba re: “Malata yago ma disa dinku, rune le bokokwane ba rune.” 4 Ke mokane ba re ga Faro: “Re tl’le dula mo nageng yowa go le rune batho ba go fo tšwa ba sepela, ka gore a go na mo merape ya malata yago yi ka kgulang gona ku nageng ya Kanana ka taba la gore tlala yi pokiye. Byalo, rune malata yago re kgopela go dula nageng ya Ghošene.” 5 Mo ba reyane, Faro a re ga Josefa: “Papago le bobhuti bago ba tlile gago. 6 Ke wene o lawolang naga ya Egepita. Neya papago le bobhuti bago naga ya gabutši gore ba dule ga yona. Ba dule nageng ya Ghošene, mo nkare go na le banna ba go kgona go disa mo ga bona, maka gore ba dise le morape waka.”

7 Josefa a leya papage Jakobo ga Faro, ke mokane Jakobo a rufa Faro. 8 Faro a butsisa Jakobo gore: “O na le mengwaga ka mekaye?” 9 Jakobo a re ga Faro: “Ke na le 130 ya mengwaga ke yinghayingha. Mengwaga yaka a ya tlala mara yi tlele ka mešekelo fote a yi lekane le yo bokokwane baka ba yi fetsiyeng ba yinghayingha. 10 Ka nthago, Jakobo a rufa Faro ke mokane a tloga mone gage.

11 Byalo Josefa a re papage le bobhuti bage ba dule nageng ya Egepita, a ba neya naga ya go tsifa ya Ramasese ka mokgo Faro a hlayyeng. 12 Josefa a ya mahlong a neya papage le bobhuti bage le ba mutši ka mokana ga wona wa papage tsa go ja,* di ya le ka gore ba na le bana ka bakaye.

13 Byalo, tsa go ja* ke mo di fediye mone nageng ka taba la gore tlala ke mo yi pokiye, batho ba nageng ya Egepita le ya Kanana ke mo ba hlupega ka taba la tlala yone. 14 Josefa ke mo a kgobaketsa tšheleta ka moka yo ke mo a yi kraya nageng ya Egepita le nageng ya Kanana ya gore batho ne ba reka mabelethoro ka yona, fote Josefa ke mo a dula a tlisa tšheleta yone ntlong ya Faro. 15 Mo nako yi kene yi ya, tšheleta ya batho ba Egepita le ya batho ba Kanana ya fela fote Maegepita ka mokana ga wona ma thomisa go ya ga Josefa ma re: “Re neye tsa go ja! Ke ntaba re tshwanele go kgwa o kene o re lebelele ka taba la gore a re sa na tšheleta?” 16 Ke mokane Josefa a re: “Mo nkare a le sa na tšheleta, nneyeneng merape ya lune nna ke nyoko le neya tsa go ja.” 17 Byalo, ba thomisa go leyela Josefa merape ya bona, dipera tsa bona, merape ya bona ya diphoolwane le dibhongholo, fote mongwaga wone ka moka wa mo ba leya diphoolwane Josefa ke mo a ba neya tsa go ja.

18 Mo mongwaga wone wo šele wo le thina le go fela, ba tla gage mongwaga wa go latela ba re: “Morenaka, re ka sa go wutetsele gore tšheleta yo ke mo re le nayo le diphoolwane tso ke mo re le natso re šele re go neyye tsona. Go f’lo šala rune le naga ya rune. 19 Re ka šinya re kgwa o kene o re lebelele, le naga ya rune ya šala yi se na motho? Reka rune le naga ya rune ke mokane o re neye tsa go ja, re ko ba mabhantiti ya Faro fote naga ya rune go ko ba yage. Re neye pewu gore re ko thogo ya mahlong re phela fote re sa kgwe, le naga ya rune go sa be lešupi.” 20 Josefa a rekela Faro naga ka moka ya Maegepita, ka taba la gore Maegepita ka moka ma rekisiye mašomo ya wona ka gore tlala ne yi pokiye; naga yone gwa ba ya Faro.

21 Byalo Josefa a botsa batho ka moka ba Egepita ba gore ke mo ba dula magayeng gore ba rurele mitšing ye mogolo. 22 Mara naga ya maprista a sa yi reke, ka taba la gore tsa go ja tsa bona ke mo ba di neya ke Faro, fote ke mo ba phela ka tsa go ja tso ba di neyyeng ke Faro. Nka taba lo ba sa rekisang poleke ya bona. 23 Josefa a botsa batho bala gore: “Ke rekiye lune le naga ya lune gore le thogo ba ba Faro. Pewu ya lune ke yowa, ariyeneng le ye gašeng ku mašomong. 24 Mo le buna, ga masaka ya mangwana le ya mangwana kapheta (5) ya wona le neye Faro ka lloši, mara yawa ya mangwana kanne (4) ya wona go nyoko ba pewu ya lune le tsa go ja tsa lune gore le je le bana ba lune le ba mitši ya lune.” 25 Byalo ba re: “O re phonisiye. Morenaka, mo nkare o bona di lukiye re dumelele gore re be malata ya Faro.” 26 Ke mokane Josefa a maka molawo wa gore wo sa bereka le lekgono lowa nageng ya Egepita, wa gore ga kapheta (5) ya masaka, ka lloši go be la Faro. Ke naga ya maprista fela ya gore ke mo go se ya Faro.

27 Israyele a ya mahlong a dula nageng ya Egepita, nageng ya Ghošene, ba ba le dilo tsa go tlala ba le gana hone ke mokane ba belega bana ba go tlala ka matla. 28 Jakobo o fetsiye 17 ya mengwaga a dula Egepita, byalo matšatši ya lephelo la Jakobo ke mo go le 147 ya mengwaga.

29 Nako ya gore Israyele a kgwe ke mo yi šele yi šutela, byalo a bitsa morwayi wage Josefa a re: “Mo nkare wa n’yamogela, ke kgopela o tšhele letsogo lago ka tlase ga serope saka o nšupetse gore wa nnyaka fote wa tshepega ho gaka. Ke kgopela o sa mpoloke mo Egepita. 30 Mo ke kgwa, o tseye setopo saka mo Egepita ke mokane o ye mpoloka le bokokwane.” Josefa a dumela a re: “Ke nyoko maka ka mokgo o hlayang.” 31 Jakobo a re: “Ntshepise.” Ke mokane Josefa a mo tshepisa. Mo a reyane, Israyele a kgotama dihlogong tsa mpeto wage.

48 Ka nthago ga dilo tsowa, ba botsa Josefa gore: “Papago o thomisa go lelemela.” Mo ba reyane, a tseya barwayi bage ka babedi Manase le Eforayimi a ya nabo ga Jakobo. 2 Ba botsa Jakobo gore: “Morwayi wago Josefa ke yewa o tlile gago.” Byalo, Israyele a liketsa ka matla gore a tsoge a dule gabutši mo mpetong wage. 3 Jakobo a re ga Josefa:

“Modimo wa Matšhika ka Moka o nyarele gaka ku Luzi nageng ya Kanana a nrufa. 4 O yitseri gaka, ‘Ke nyoko maka gore o be le bana ba go tlala, fote ke nyoko maka gore mo gago go tšwe ditšhaba tsa go tlala, naga yowa ke nyoko yi neya ditlogolwane* tsago gore go be ya tsona go ya go yye.’ 5 Byalo, barwayi bago ka babedi (2) ba gore ba go belegele bona mo nageng ya Egepita mo ke soko tla gago mo Egepita ke baka. Eforayimi le Manase go nyoko ba baka go fo tshwana le mo Rubeni le Simiyoni go le baka. 6 Mara bana bo ba ko go belegelang bona ka nthago go ko ba bago. Ba nyoko kraya sekopa sa naga ga lefa la bobhuti ba bona. 7 Nakwela ke tšwa Padhane, Reyitšhele o kgwile nkene ke mo lebelele ku nageng ya Kanana, ke mo re sa le kgole le go segela nageng ya Eforathe. Byalo, ka mmoloka gana hone tseleng ya go ya Eforathe, ya gore ke Bhetlelehema.”

8 Ke mokane Israyele a bona barwayi ba Josefa, a butsisa gore: “Ke bomang bowa?” 9 Josefa a re ga papage: “Ke barwayi baka ba gore Modimo o nneyye bona ga poleke yowa.” Mo a reyane, Jakobo a re: “Ke kgopela o ba leye howa gore ke thogo ba rufa.” 10 Ka gore Israyele ke mo a šele a tsofele, ke mo a sa sa bona gabutši. Byalo Josefa a ba leya hone gage, Jakobo a ba khisa, a ba tlaparela. 11 Israyele a re ga Josefa: “Ke mo ke sa nagane gore nka go bona, mara Modimo o makiye gore ke bone le bana* bago.” 12 Josefa a ba tlosa mone matolong ya Israyele, ke mokane yene a kgotama a yinamisiye hlogo.

13 Josefa a ba tseya ba le ka babedi (2), a tshwara Eforayimi ka letsogo lage la go ja a mo yisa ga letsogo la Israyele la sepata, a tshwara Manase ka letsogo la sepata a mo yisa ga letsogo la go ja la Israyele, a ba šutetsa mo thina le Israyele. 14 Mara, Israyele a wolola letsogo lage la go ja a le beya gedimo ga hlogo ya Eforayimi le mo go na go le ye monyana, ke mokane a beya letsogo lage la sepata gedimo ga hlogo ya Manase. O f’lo maka ka bomu le mo Manase go le letšibula. 15 A rufa Josefa ke mokane a re:

17 Mo Josefa a di bona gore papage o beyye letsogo lage la go ja hlogong ya Eforayimi, a fo kwa di sa mo jabodisi, byalo a liketsa go tlosa letsogo la papage hlogong ya Eforayimi a le yisa hlogong ya Manase. 18 Josefa a re ga papage: “Awwa papa, yewa ke yene letšibula. Beya letsogo lago la go ja gedimo ga hlogo yage.” 19 Mara papage a fo ya mahlong a gana, a re: “Ke ya di tšiba morwayi, ke ya di tšiba. Le yene go ko tšwa batho ba go tlala ho gage. Mara yewa ye monyana o nyoko mo phala, bana* bage ba nyoko tlala gwa tšwa ditšhaba tsa go tlala mo gage.” 20 Byalo, a ya mahlong a ba rufa ka lona letšatši lone a re:

Jakobo ke mo a fo dula a maka gore Eforayimi a yete Manase mahlong.

21 Ke mokane Israyele a botsa Josefa gore: “Ke šele ke nyoko kgwa byalo, mara Modimo o nyoko ya mahlong a le nago fote o nyoko go busetsa nageng ya bokokwane bago. 22 Ke nyoko go neya naga ya go feta ya bobhuti bago ka sekopa ka ssoši, naga ya gore ke yi tsere ga Maamore ka sabola yaka le mosefo waka.”

49 Jakobo a bitsa barwayi bage a re: “Kgobakananeng gore ke thogo le botsa tso di nyoko le makegelang ka matšatši ya mafelelo. 2 Kgobakananeng le theetsele lune barwayi ba Jakobo, theetselaneng papa wa lune Israyele.

3 “Rubeni ke wene letšibula laka, matšhika yaka, ke tšibiye go ba le ngwana ka wene, ke mo o na le serithi le matšhika go phala bobhuti bago. 4 Mara o ka sa sa ba phala bobhuti bago, ka gore o šitegiye go titshwara wa tshwana le meetši ya go sa lawolege wa yetsela le motlabo wa papago. Ka nako yone o thilafatsiye mpeto waka. Tsowa ke tso di makiyeng ke Rubeni!

5 “Simiyoni le Llifi ke bobhuti. Ba kwana le go lwa, baa bolaya ka disabola tsa bona. 6 Nkare nka sa nghanelane nabo fote ka sa tšibege ka tso ba tšibegang ka tsona. Ka gore nakwela ba kwatiye ba bolayye batho fote ba kopa mišifa ya dipholo go fo re ba tikwise monate. 7 Nkare go kwata ga bona le go fufulela ga bona di ka rogelediwa ka gore ke bošidi. Ke nyoko ba tlalaganya nageng ya Jakobo le nageng ya Israyele.

8 “Wene Juda, bobhuti bago ba nyoko go thanaka. O nyoko hlula manaba yago. Barwayi ba papago ba nyoko go kgotamela. 9 Juda ke ngwana wa tawu. Morwayi, o nyoko tloga mo o fetsa go ja phoolwane yo o yi tsommeng. O patlamme a boya a tiwolola go tshwana le tawu, a ka tsosa ke mang mara? 10 Thoka ya go šupetsa gore Juda wa lawola yi ka sa tloge gage, fote yi ka sa tloge mawotong yage go segela Šilo a nyarela, batho ba nyoko mo theetsela. 11 O nyoko tlemelela bhongholo yage ga modhriva fote o nyoko tlemelela sebhongholwane sage ga modhriva wa go tsifa, o nyoko hlatswa dikobo tsage ka wayini le mosope wa didhriva. 12 Maahlo yage ma kgubele ka matla ka taba la wayini, fote meno yage ke ya ma tšhwewu ka taba la lebese.

13 “Zebhuloni o nyoko dula mo meetši ya lewatle ma felelang gona ga gore dikepe di yema gona, fote poleke yage yi nyoko kgera ka nthoko ya Sidoni.

14 “Isakhara ke bhongholo ya go ba le mašapo ya go tiya, ya gore yi yetsela yi rwele morwalo wa yona. 15 Fote yene o nyoko di bona gore poleke ya go khutsela ga yona yi gabutši fote le naga yi bafele. O nyoko yinama gore a rwale morwalo fote ba nyoko mo gapeletsa go maka mmereko wa go thathafa go tshwana le lebhantiti.

16 “Dani wa gore ke ye mongwana wa moloko wa Israyele o nyoko yahlula batho bage. 17 Nkare Dani a ka tshwana le noga ya go ba le manaka ya gore yi thoko ga pata, ya gore yi loma loto la pera gore ye a kalammeng pera yone a we ka mokolo. 18 Jehova barena, ke nyoko yemela wene gore o mphonise.

19 “Ghada o nyoko hlasela ke manaba yage, mara le yene o nyoko ma hlasela a le thina nawo.

20 “Tsa go ja tsa Aša di nyoko tlala, fote o nyoko neya batho tsa go ja tsa gore le kgoši yi ka di ja.

21 “Nafthali ke phala. O bolabola mantsu ya go jabodisa.

22 “Josefa ke lekala la mohlare wa gore wo yengwa gabutši wa gore wo thina le sediba, wa gore fote makala ya wona ma nabiye le lepharo. 23 Mara bo ba go lwa ka mesefo ke mo ba ya mahlong ba mo hlorisa ba mo thunya ka mosefo, fote ke mo ba mo hloyye. 24 Mara so a thunyang mosefo ka sona ke mo se sa tekateki, fote matsogo yage ke mo ma tiyelele. Tsowa di tšwa ga wa go ba le matšhika wa gore o gelepa Jakobo, di tšwa ga wa go disa wa gore ke letlapa la Israyele. 25 Yene o* tšwa ga Modimo wa papago fote o nyoko go gelepa, o na le ye Wa Matšhika ka Moka fote o nyoko go rufa ka dilo tsa go tšwa magedimong, o nyoko go rufa le ka dilo tsa ka tlase ga meetši, fote o nyoko go rufa ka bana ba go tlala le merape. 26 Tso papago a nyoko go rufang ka tsona di nyoko phala dilo tsa gabutši tsa go tšwa dithabeng tsa go dula di le gona, le go bafala ga dilo tsa memmoto ya gore yi nyoko fo dula yi le gona. Di nyoko fo dula di le hlogong ya Josefa, phogong ya ye wa gore o hlawodiwwe ga bobhuti bage.

27 “Bhenjamini o nyoko tlerola go tshwana le phukubye. Ka bošego o nyoko ja phoolwane yo a yi tshwereng mo a tsoma, fote ka malobana o nyoko yahluganya tso a di tsereng ga manaba yage.”

28 Bowa ka moka ke 12 ya meloko ya Israyele, fote tsowa ke tso papa wa bona a ba butsiyeng mo a ba rufa. O rufiye ye mongwana le ye mongwana ka tso di mo tshwaneleng.

29 Ka nthago ga hone, o ba butsiye gore: “Ke thina le go kgwa. Le mpolokeneng le bopapa lekoring la gore le tšhomong ya Eforone wa Lehethe, 30 lekoring la gore le tšhomong ya Makhepela mahlong ga Mamore nageng ya Kanana, tšhomo ya gore Abhrahama o yi rekiye ga Eforone wa Lehethe gore a thogo boloka mosadi wage. 31 Ba bolokiye Abhrahama le mosadi wage Sara gana hone. Ke gona mo ba bolokiyeng Isaka le mosadi wage Rebhekha, fote le nna ke bolokiye Lliya gana hone. 32 Tšhomo yone le lekori lo le leng ga yona di rekiwwe ga barwayi ba Hethe.”

33 Jakobo a fetsa go botsa barwayi bage gore ba make ying. Ke mokane a busetsa mawoto yage hala mpetong, a napa a kgwa go tshwana le bokokwane bage.

50 Josefa a yinama a tlaparela papage, a mo llela ke mokane a mo khisa. 2 Ka nthago ga hone, Josefa a botsa malata yage ya gore ke ditogotela gore ma tlotse setopo sa papage dilo tsa go nkgela.* Byalo, ditogotela tsone dya tlotsa setopo sa Israyele dilo tsa go nkgela, 3 ba fetsa 40 ya matšatši ba kene ba tlotsa setopo sage dilo tsa go nkgela go ya ka mokgo ba tlwayeleng, fote Maegepita ma mo llela 70 ya matšatši.

4 Mo matšatši ya go mo llela ma fela, Josefa a botsa malata* ya Faro a re: “Mo nkare ke ya yamogelega mahlong ga lune, ke kgopela le botse Faro gore: 5 ‘Papa o makiye gore ke mo tshepise, a re: “Ke ya kgwa. Le mpolokeneng ga poleke yo ke tilukiseleleng yona nageng ya Kanana.” Ke kgopela go ya ke ye boloka papa, nko boya ka nthago.’” 6 Faro a re: “Ariye o ye boloka papago ka mokgo o mo tshepisiyeng ka gona.”

7 Byalo, Josefa a sepela a ye boloka papage, o sipidiye le malata ya Faro ka mokana ga wona, banna ba go yeletsa Faro, banna ba go yeta mahlong nageng ya Egepita, 8 ba mutši wa Josefa ka mokana ga bona, bobhuti bage le ba mutši wa papage. Ba f’lo šiya bana ba bona le merape ya bona nageng ya Ghošene. 9 O sipidiye le ba go kalama dikotšikara le dipera, batho bo ne a le nabo ne ba tlele ka matla. 10 Ke mokane ba segela mašemong ya Atada ya gore yi polekeng ya Jorodane, ba ya mahlong ba lla ka matla ba kwa go baba, go fediye kašupa ya matšatši ba llela papage. 11 Makanana ya go dula gana hone ma ba bona ba lla ku mašemong ya Atada, ma re: “Maegepita ma kwile go baba ka matla!” Nka taba lo poleke yone ya gore yi Jorodane ba yi reyyeng gore ke Abele-mizirayime.*

12 Barwayi bage ba fo maka ka mokgo a ba butsiyeng gore ba make ka gona. 13 Barwayi bage ba mo rwele ba mo yisa nageng ya Kanana, ba mmoloka ka teng ga lekori la gore le tšhomong ya Makhepela, tšhomo ya gore yi mahlong ga Mamore yela ya gore Abhrahama o yi rekiye ga Eforone wa Lehethe gore a boloke mosadi wage. 14 Mo a fetsa go boloka papage, Josefa a boyela Egepita le bobhuti bage le batho ka moka bo ne ba tlile naye go tl’le boloka papage.

15 Mo bobhuti ba Josefa ba bona gore papa wa bona o kgwile, ba re: “Di ka makega gore Josefa o re tshwere ka pelo fote o nyoko patedisa ga dilo tsa go befa tso re mo makiyeng tsona.” 16 Ba romela molayetsa ga Josefa ba re: “Mo papago a soko kgwa o re butsiye gore: 17 ‘Le botseneng Josefa gore: “Morwayi, tso bobhuti bago ba go makiyeng tsona a yi tsona, mara ke kgopela o ba tshwarele ga tso ba di sinnyeng.”’ Byalo, re kgopela o tshwarele malata ya Modimo wa papago.” Josefa a lla mo ba bolabola naye. 18 Bobhuti bage ba tla ba mo kgotamela, ba re: “Ke rune malata yago, maka tso o di nyakang ka rune!” 19 Josefa a re ga bona: “Le sa tšhoge. Anthe ke nna Modimo? 20 Le mo nkare ne le nyaka go nkwaletsa, Modimo o dumelele dilo tsowa gore di be ka mokgo gore a thogo phonisa maphelo ya batho ba go tlala, ke tso a di makang gana byalo. 21 Byalo, le sa tšhogeneng. Ke nyoko ya mahlong ke neya lune le bana ba lune tsa go ja.” A ba kgomoletsa fote a maka gore ba sa kamake.

22 Josefa a ya mahlong a dula Egepita, yene le ba mutši wa papage, fote Josefa o phidiye 110 ya mengwaga. 23 Josefa o bonne moloko wa kararo (3) wa barwayi ba Eforayimi, a bona le barwayi ba Makhiri morwayi wa Manase. Josefa ne a ba tseya nkare ke bana bage. 24 Mo Josefa a šele a nyoko kgwa, o butsiye bobhuti bage gore: “Ke ya kgwa, mara Modimo a ka sa le lebale le lune, o nyoko le ntsha mo nageng yowa a le yisa nageng yo a yi tshepisiyeng Abhrahama, Isaka le Jakobo.” 25 Byalo, Josefa a maka gore barwayi ba Israyele ba mo tshepise, a re: “Modimo o nyoko le gelepa. Le sepeleneng le mašapo yaka mo le tloga mowa.” 26 Josefa o kgwele Egepita a na le 110 ya mengwaga, ba mo tlotsa dilo tsa go nkgela ke mokane ba mo tšhela lebhokising.