EKSODA

1 Byalo, yawa ke mabitso ya barwayi ba Israyele ba gore ba segele Egepita le Jakobo, ye mongwana le ye mongwana wa gore o segele le ba mutši wage: 2 Rubeni, Simiyoni, Llifi le Juda; 3 Isakhara, Zebhuloni le Bhenjamini; 4 Dani le Nafthali; Ghada le Aša. 5 Ba mutši wa Jakobo ka mokana ga wona ke mo go le 70 ya bona, mara Josefa ke mo a le Egepita. 6 Josefa a fetsa a kgwile, gwa kgwa le bobhuti bage ka mokana ga bona, gwa kgwa le batho ka mokana ga bona bo ba gudiyeng nabo. 7 Maisrayele ma belega ma tlala ka matla, ma fo ya ma yeketsega, fote ma yakgoswa ma ba le matšhika, naga yi yye ya fetsa yi tlele ka wona.

8 Mo nako yi kene yi ya, gwa ba le kgoši ye nngwana Egepita ya gore ke mo yi sa tšibi Josefa. 9 Byalo kgoši yone ya botsa batho ba yona gore: “Batho ba Israyele ba tlele, fote baa re phala ka matšhika. 10 Tla re ba hlalefetseneng. Mo re ka sa make ka mokgonone ba nyoko fo ya mahlong ba tlala, fote mo go ba le ntwa ba nyoko gahlana le manaba ya rune, ba lwa le rune ke mokane ba tloga mo nageng.”

11 Byalo, ba hlawola dindhuna tsa go gapeletsa batho gore ba bereke gore di ba gatelele ka mmereko wa go roba, dya ba gapeletsa gore ba yagele Faro mitši ya go beya dilo ga yona ya gore ba re ke Pithome le Ramasese. 12 Mara mo ba ya mahlong ba ba gatelela, le bona ba fo ya mahlong ba yeketsega, ba fo ya ba sabalala mone nageng, byalo ba tšhoga ka matla ka taba la Maisrayele. 13 Ka taba la dilo tsone, Maegepita ma makiye gore Maisrayele go be mabhantiti ma boya ma gapeletsa Maisrayele gore ma bereke go baba. 14 Ba maka gore lephelo la bona le gakge ka go ba berekisa go baba go le mabhantiti, ke mo ba maka dhaka ka botsopa, ba maka le ditina. Ke mo ba sa ba tshware gabutši, ba ba berekisa go baba, ba ba makisa mmereko wo mongwana le wo mongwana wa go maka ke mabhantiti.

15 Ka nthago, kgoši ya Egepita ya bolabola le basadi ba Maheberu ba go belegisa ba gore mabitso ya bona ne go le Šifira le Puwa, 16 ya ba botsa gore: “Mo le belegisa basadi ba Maheberu le lebelele mo ngwanene a belegiwa, mo nkare ke mošomanyana le mmolaye; mo nkare ke ngwannyana le mo lisetseneng a phele.” 17 Mara basadi bala ba go belegisa ke mo ba tšhaba Modimo wa mannete, ba sa di make tso kgoši ya Egepita yi ba butsiyeng tsona. Mara ke mo ba lisetsa bana ba bašomanyana ba phela. 18 Mo nako yi kene yi ya, kgoši ya Egepita ya bitsa basadi bala ba go belegisa ya re ga bona: “Ke ntaba le lisetsiye bana ba bašomanyana ba phela?” 19 Basadi bala ba go belegisa ba re ga Faro: “Basadi ba Maheberu a ba tshwane le basadi ba Maegepita. Ba philegiye, fote mo mosadi wa go belegisa a segela ga bona, ba ba ba šele ba belegiye.”

20 Byalo, Modimo a rufa basadi bo ba go belegisa, batho ba fo ya mahlong ba kene ba yeketsega, fote ba ba le matšhika ka matla. 21 Ka gore basadi bala ba go belegisa ne ba tšhaba Modimo wa mannete, Modimo o makiye gore ka nthago ba be le mitši ya bona. 22 Faro a fetsa a butsiye batho bage ka mokana ga bona gore: “Bana ba bašomanyana ba Maheberu ba gore ba sa tšwa go belegiwa le ba bošeleneng Nokeng ya Nayile, mara ba bannyana le ba lisetse ba phela.”

2 Ka nako yonone, monna ye mongwana wa ba ntlo ya Llifi a šadha le morwediya wa Llifi. 2 Mosadi yene a yima, a belega ngwana wa mošomanyana. Mo a di bona gore ngwanene o bafele, a fetsa kararo (3) ya dikgwedi a mo wutetsiye. 3 Mo a sa sa kgona go mo wutetsa, a tseya mmantši* a wo tlotsa ka selo sa go tshwana le sekontiri, a tšhela ngwanene ka teng ga wona ke mokane a wo beya Nokeng ya Nayile ga gore go na le mahlakanoka. 4 Mara sesi wage ke mo a yemme kgolenyana gore a bone gore go makega ying ka yene.

5 Mo morwediya wa Faro a ya go ye hlapeng hala Nokeng ya Nayile, malata yage ya basadi ke mo ma sepela ka nthoko ga Noka ya Nayile. Morwediya wa Faro a bona mmantši wela hala segare ga mahlakanoka. A napa a roma lelata lage la ngwannyana gore le wo late. 6 Mo a wo bula, a bona ngwanene, fote mošomanyana yene ke mo a lla. A mo kwela go baba, mara a re: “Yewa ke ye mongwana wa bana ba Maheberu.” 7 Ke mokane sesi wage a re ga morwediya wa Faro: “Ke ye go bitsela mosadi wa go yangwisa ga Maheberu gore a tle a go yangwisele ngwanewa?” 8 Morwediya wa Faro a re gage: “Ariye!” Ngwannyana yene a napa a tloga a ye bitsa mmane wa ngwanene. 9 Morwediya wa Faro a re gage: “Ariye le ngwana yewa o n’yangwisele yene, ke nyoko go patela.” Ke mokane mosadi yene a tseya ngwanene a ya a mo yangwisa. 10 Mo ngwanela a šele a gudiye, a mo leya ga morwediya wa Faro, gwa ba morwayi wage. A mo reya gore ke Moše,* a re: “Nka taba la gore ke mo ntshiye meetšing.”

11 Byalo, mo Moše a šele a gudiye, a tšwa a ya ga bobhuti bage a ye bona mmereko wa go baba wo ba wo makang, a bona Leegepita le teya Leheberu la gore ke ye mongwana wa bobhuti bage. 12 Byalo a lebelela ka ho le ka ho, mo a bona go se na motho, a bolaya Leegepita lela a le wutetsa santeng.

13 Ka motshwana wa gona a tšwa, a bona banna ka babedi (2) ba Maheberu ba lwa. A re ga ye wa gore o sinnye: “Ke ntaba o teya bhuti wago?” 14 Mo a reyane, yene a re: “O beyye ke mang gore o be ndhuna ya rune, fote o re yahlule? O nyoko mpolaya go tshwana le ka mokgo o bolayyeng Leegepita lela?” Moše a tšhoga a re: “Taba yela yi tshwanele go ba yi šele yi tšibega!”

15 Faro a di kwelela ke mokane a nyaka go bolaya Moše; mara Moše a tšhabelela Faro a ye dula nageng ya Midiyane, mo a segela hone a khutsa sedibeng. 16 Byalo, moprista wa Midiyane ke mo a na le kašupa (7) ya barwediya, ba tla ba tl’le ga meetši le go tlatsa dikara gore ba thogo neya morape wa papa wa bona meetši. 17 Ka setlwayedi, bo ba go disa ba tla ba ba raka. Mo Moše a ba bona, a tlogamela a gelepa basadi bane, a neya morape wa bona meetši. 18 Mo ba segela gaye ga papa wa bona Rewuwele,* a makala a re: “Go ro maka byang le yakgoswa le boya gaye lekgono?” 19 Ba re: “Leegepita le lengwana le re phonisiye ga bala ba go disa, la re gela meetši la boya la neya morape meetši.” 20 A re ga barwediya bage: “Le kaye? Ke ntaba le šiyye monna yene? Mmitseneng gore a tle a je le rune.” 21 Ka nthago ga hone Moše a dumela go dula le monna yene, fote monna yene a neya Moše morwediya wage Ziphora gore a šadhe naye. 22 Ka nthago, Ziphora a belega morwayi, ke mokane Moše a mo reya gore ke Ghešomo* ka gore ke mo a re, “Ke fetogiye motho wa go tšwa a sepela ga poleke yowa.”

23 Ka nthago ga nako ya go lefa, kgoši ya Egepita ya kgwa mara Maisrayele ma ya mahlong ma kwa go baba ka taba la mmereko wa wona wa bobhantiti, fote ba lla ba kokola ba llela Modimo wa mannete gore a ba gelepe ka taba la mmereko wa go roba. 24 Mo nako yi kene yi ya, Modimo a kwa mo ba lla, fote Modimo a gopola kwano yo a yi makiyeng le Abhrahama, Isaka le Jakobo. 25 Byalo Modimo a gopola barwayi ba Israyele; a bona mohlupego wa bona.

3 Moše a fetsa a disa morape wa ratswale wage Jethro wa gore ke moprista wa Midiyane. Mo a kene a disa morape a le ka nthoko ya bodikela bya mašahla, a fetsa a segele thabeng ya Modimo wa mannete ya Horebe. 2 Ke mokane lengeloyi la Jehova la nyarela gage le le malabulabung ya mollo ga mohlare wa mmutlwa. Mo a kene a lebelele, a bona mohlare wone wa mmutlwa wo dura mara ke mo wo sa swe. 3 Byalo, Moše a re: “Ke nyoko ya ke ye pombhola selo sowa sa go makatsa, ke bone gore ke ntaba mohlare wowa wa mmutlwa wo sa swe.” 4 Mo Jehova a di bona gore Moše o yye go ye lebeleleng, Modimo a mmitsa a le ku mohlareng wa mmutlwa a re: “Moše! Moše!” Yene a re: “Ke nna yewa.” 5 Ke mokane a re: “O sa šutele ho thina. Rola dimphašane tsago, ka taba la gore poleke yo o yemmeng ga yona yi hlawolegiye.”

6 A ya mahlong a re: “Ke nna Modimo wa papago, Modimo wa Abhrahama, Modimo wa Isaka le Modimo wa Jakobo.” Ke mokane Moše a wutetsa sefahlego sage, ka taba la gore ke mo a tšhaba go lebelela Modimo wa mannete. 7 Jehova a tokegela ka gore: “Ke di bonne gore batho baka ba gore ba ku Egepita baa hlupega, ke kwile mo ba lla ka taba la bo ba gore ba ba gapeletsa gore ba bereke; ke di tšiba gabutši gore ba kwa go baba. 8 Ke nyoko ya ke ba phonisa ga Maegepita, fote ke nyoko ba ntsha mone ga naga yone ka ba yisa ga naga ya gore yi gabutši fote yi bulegiye, naga ya gore yi yela lebese le mamapo, naga ya Makanana, Mahethe, Maamore, Maperezi, Mahivi le Majebuse. 9 Ka nnete ke di kwile mo batho ba Israyele ba lla, ke di bonne gore Maegepita ma ba maka lešidi, fote maa ba gatelela. 10 Byalo tlang, ke nyaka go go roma ga Faro, fote wene o nyoko ntsha batho baka ba Maisrayele ku Egepita.”

11 Mara Moše a botsa Modimo wa mannete gore: “Go ro ba nna mang la gore nka šinya ke ya ga Faro ke ye ntsha Maisrayele ku Egepita?” 12 Mo a reyane, Modimo a re: “Ke nyoko ba nago, fote wowa ke mošupetso wa gore o romme ke nna: Ka nthago ga gore o ntshe batho bone Egepita, lune le nyoko rapela Modimo wa mannete ga thaba yowa.”

13 Mara Moše a re ga Modimo wa mannete: “Tla re fo re ke ya ga Maisrayele ke mokane ka ba botsa gore, ‘Modimo wa bokokwane ba lune o nromme ga lune,’ bona ba re gaka, ‘Ke mang lebitso lage?’ Ke re king ga bona?” 14 Byalo, Modimo a re ga Moše: “Ke Nyoko ba so ke Nyakang go ba Sona.”* A tokegela ka gore: “O botse Maisrayele gore, ‘Ye wa gore o re ke yene Ke Nyoko ba so ke Nyakang go ba Sona o nromme ga lune.’” 15 Ke mokane Modimo a bolabola le Moše fote a re:

“O botse Maisrayele gore, ‘Jehova Modimo wa bokokwane ba lune, Modimo wa Abhrahama, Modimo wa Isaka le Modimo wa Jakobo o nromme ga lune.’ Lowa ke lebitso laka go ya go yye, ke nyoko gopodiwa ka mokgwa wowa go tlugisela ga leloko le lengwana go ya ga le lengwana. 16 Byalo, ariye o kgobaketse bagolo ba Israyele o ba botse gore, ‘Jehova Modimo wa bokokwane ba lune o nyarele gaka, Modimo wa Abhrahama, Isaka le Jakobo, o yitseri gaka: “Ka nnete ke di bonne tso ba le makang tsona ku Egepita. 17 Byalo ke re, ke nyoko le tlosa ga tso Maegepita ma le hlupegisang ka tsona ka le yisa ga naga ya Makanana, Mahethe, Maamore, Maperezi, Mahivi le Majebuse, nageng ya gore yi yela lebese le mamapo.”’

18 “Ba nyoko go theetsela, fote o nyoko ya, wene le bowa ba bagolo ba Israyele le nyoko ya ga kgoši ya Egepita, le segele le mmotse gore: ‘Jehova Modimo wa Maheberu o bolabodiye le rune. Byalo, re kgopela o re lisetse re tseye leyeto la kararo (3) ya matšatši re ye ku mašahleng gore re thogo makela Jehova Modimo wa rune sehlabelo.’ 19 Mara ke di tšiba gabutši gore kgoši ya Egepita yi ka sa le dumelele gore le sepele mo go se na selo sa go yi gapeletsa. 20 Byalo, ke nyoko wolola letsogo laka ka hlasela Maegepita ka mehlolo ya go tlala, ka nthago ga hone o nyoko le lisetsa le sepela. 21 Fote ke nyoko maka gore Maegepita ma kwele batho bowa go baba, mo le sepela, le ka sa fo sepela le lekalekisiye matsogo. 22 Mosadi ye mongwana le ye mongwana a kgopele dilo tsa go makiwa ka silva, tsa go makiwa ka gholdi le dikobo ga moyagelane wage le ga mosadi ye a dulang ntlong yage, le nyoko di yapesa barwayi ba lune le barwediya ba lune; fote le nyoko tseya dilo tsa Maegepita.”

4 Mara Moše a fetola a re: “Mo nkare a ba ntshepe fote a ba ntheetsele gee, ka gore ba nyoko re, ‘Jehova aa nyarela gago.’” 2 Ke mokane Jehova a re gage: “King so o se tshwereng?” Yene a re: “Ke thoka.” 3 Modimo a re: “Yi lahlele mo fase.” Byalo, a yi lahlela, ya fetoga noga ke mokane Moše a tšhaba. 4 Jehova a re ga Moše: “Wolola letsogo lago, o yi tshware ka mosila.” A le wolola, a yi tshwara, ya fetoga thoka. 5 Modimo a re: “Tsowa di nyoko maka gore ba tshepe gore Jehova Modimo wa bokokwane ba bona, Modimo wa Abhrahama, Modimo wa Isaka le Modimo wa Jakobo o nyarele gago.”

6 Jehova a re gage fote: “Ke kgopela o tšhele letsogo lago ga lephuto la ka ho kgakala la kobo yago.” Byalo, Moše a tšhela letsogo lage ka teng ga lephuto la kobo yage. Mo a le ntsha, a bona gore letsogo lage ke le le tšhwewu go tshwana le kapoko ka taba la gore ke mo le na le bolwele bya go jega dinama byo ba reng ke lephera! 7 Modimo a re: “Busetsa letsogo lago ga lephuto la ka kgakala la kobo yago.” Byalo, Moše a busetsa letsogo lage ka teng ga kobo yage. Mo a le ntsha ka mone teng ga kobo yage, ke mo le boyele sikeng go tshwana le mmele wage ka moka! 8 Modimo a re: “Mo ba ka sa go tshepe kela ba sa be le taba le mošupetso wowa wa mathomo, ba nyoko tshepa ka mošupetso wa bobedi (2). 9 Mo ba ka sa tshepe mešupetso yowa ka mmedi (2) fote ba gana go go theetsela, o nyoko ga meetši Nokeng ya Nayile wa ma tšhela mo fase ga gore go womme, meetši ya o ma gileng Nayile ma nyoko fetoga madi mone fase.”

10 Byalo Moše a re ga Jehova: “Ntshwarele barena Jehova, a ke di kgone tsa go bolabola gabutši, go tlugisela botala ke mo ke na ke sa di kgone tsa go bolabola le go tlugisela mo o bolabola le lelata lago, ka taba la gore ke ya nghanghamela.” 11 Jehova a re gage: “Anthe ke mang a makiyeng molomo wa motho, kela ke mang a makiyeng gore go be dimumu, ba thibege ditsebe, ba bone gabutši kela ba popele maahlo? Anthe a yi nna, Jehova? 12 Byalo, ariye gana byalo, ke nyoko ba nago mo o kene o bolabola fote ke nyoko go botsa* gore o re king.” 13 Mara a re: “Ntshwarele barena Jehova, ke kgopela o rome ye mongwana le ye mongwana ye o nyakang go mo roma.” 14 Ke mokane Jehova a kwatela Moše ka matla a re: “Bhuti wago Aroni wa Lelifi wa di kgona go bolabola gabutši. O kene o tseleng, o tl’le gahlana nago. O nyoko jabola mo a go bona. 15 Byalo, di nyaka o bolabole naye fote o mmotse gore a re king, ke nyoko ba le lune mo le bolabola, ke nyoko le botsa gore le make ying. 16 O nyoko go bolabolela le batho bone, o nyoko ba molomo wago, wene o nyoko ba nkare ke wene Modimo mo gage. 17 Fote wene o nyoko tseya thoka yo yi leng mo letsogong lago wa maka mehlolo ka yona.”

18 Byalo, Moše a boyela nthago ga ratswale wage Jethro, a re gage: “Ke kgopela go sepela ke boyele ga bobhuti baka ba gore ba ku Egepita, ke ye ke bone gore ayitsano ba sa tsugiye.” Jethro a re ga Moše: “Ariye gabutši.” 19 Ka nthago ga hone, Jehova a re ga Moše ku Midiyane: “Sepela o boyele Egepita, ka gore banna bo ne ba nyaka go go bolaya ka mokana ga bona ba kgwile.”

20 Moše a tseya mosadi wage le barwayi bage a ba kalamisa bhongholo, a thomisa leyeto la go boyela nageng ya Egepita. Go tokegela gana hone, Moše a sepela a tshwere thoka ya Modimo wa mannete. 21 Ke mokane Jehova a re ga Moše: “Mo o šele o boyele Egepita, o bone gore o maka mehlolo yo ke go neyyeng matšhika ya gore o yi make mahlong ga Faro. Mara ke nyoko mo lisetsa a fo womisa hlogo, fote a ka sa lisetsi batho bone ba sepela. 22 O botse Faro gore, ‘Tsowa ke tso Jehova a di hlayang: “Israyele ke morwayi waka, letšibula laka. 23 Ke re gago, Lisetsa morwayi waka a sepele gore a thogo mperekela. Mara mo o ka gana gore a sepele, ke nyoko bolaya morwayi wago, letšibula lago.”’”

24 Mo ba le pateng mo ne ba yetsele gona, Jehova a gahlana naye, fote ke mo a nyaka go mmolaya. 25 Ziphora a fetsa a tsere letlapa la go galefa, a bolotsa morwayi wage, a maka gore nama yo a yi kupiyeng yi tikise mawoto yage, a re: “O fetogiye monna waka ka taba la madi yawa.” 26 Byalo Modimo a mo lisetsa a sepela. Ka nako yonone, Ziphora o yitseri, “o fetogiye monna waka ka taba la madi,” ka gore ke bolotsiye morwayi waka.

27 Ke mokane Jehova a re ga Aroni: “Ariye ku mašahleng o ye gahlanetsa Moše.” Byalo a ya, a gahlana naye thabeng ya Modimo wa mannete, a mo tamisa ka go mo khisa. 28 Moše a botsa Aroni mantsu ka mokana ga wona ya gore Jehova o mmutsiye wona, a mmotsa le ka mehlolo ka moka ya gore o yitseri a yi make. 29 Ka nthago ga hone, Moše le Aroni ba ya ba kgobaketsa banna ba bagolo ba Israyele ka mokana ga bona. 30 Aroni a ba botsa mantsu ka mokana ga wona ya gore Jehova o ma butsiye Moše, a maka le mehlolo mahlong ga bona. 31 Tsotsone dya maka gore batho ba tshepe. Mo ba di kwelela gore Jehova o gopodiye Maisrayele le gore o di bonne gore maa hlupega, ba kgotama ba yinamisiye dihlogo.

5 Ka nthago, Moše le Aroni ba ya ga Faro ba re: “Tsowa ke tso Jehova Modimo wa Israyele a di hlayang, ‘Lisetsa batho baka ba sepele gore ba thogo mmakela monyanya ku mašahleng.’” 2 Mara Faro a re: “Jehova ke mang la gore nka šinya ke theetsela lentsu lage ka lisetsa Maisrayele ma sepela? Jehova a ke mo tšibi nna, fote nka sa lisetse Maisrayele ma sepela.” 3 Mara ba re: “Modimo wa Maheberu o bolabodiye le rune. Re kgopela o re lisetse re tseye leyeto la kararo (3) ya matšatši re ye ku mašahleng gore re thogo makela Jehova Modimo wa rune sehlabelo; mo re ka sa make ka mokgonone, o nyoko re leyela bolwele kela a re bolaya ka sabola.” 4 Kgoši ya Egepita ya re ga bona: “Ke ntaba wene Moše le Aroni le lisisa batho mmereko wa bona? Boyelaneng mmerekong!” 5 Faro a ya mahlong a re: “Wa di bona gore batho ba naga yowa ba tlele go segela kaye, fote lune le nyaka go ba lisisa mmereko wa bona.”

6 Ka lona letšatši lone, Faro a botsa bo ba go wokamela mmereko le bo ne ba ba gelepa* gore: 7 “Le sa sa neya batho bowa mahlaka ya gore ba make ditina ka wona. Ba ye ba tinyakele mahlaka. 8 Mara di nyaka ba ye mahlong ba maka ditina tsa go lekana le tso ne ba di maka ku botala. Le sa ba pomeleneng tsona ka taba la gore baa tshwata. Nka taba lo ba llang ba re, ‘Re nyaka go sepela, re nyaka go makela Modimo wa rune sehlabelo!’ 9 Makaneng gore ba nape ba bereka ka matla, makaneng gore ba dule ba na le mmereko gore ba sa theetsele matsaka.”

10 Byalo, bala ba go wokamela mmereko le bo ba ba gelepang ba ya ba botsa batho bala gore: “Tsowa ke tso Faro a di hlayyeng, ‘Nka sa sa le neya mahlaka. 11 Ariyeneng le ye tinyakela mahlaka go gongwana le go gongwana mo le ka ma krayang, mara mmereko wa lune wo ka sa pumiwi.’” 12 Ke mokane batho ba sabalala nageng ya Egepita ka mokana ga yona gore ba kgobaketse mahlaka ku mašomong ya gore ba šele ba ma bunne. 13 Bo ba go wokamela mmereko ba ya mahlong ba ba botsa gore: “Di nyaka ye mongwana le ye mongwana a fetse mmereko wage wa ka moka matšatši, go fo tshwana le nakwela le sa neyiwa mahlaka.” 14 Ka nthago, bo ba go wokamela mmereko wa Faro ba thomisa go teya bo ne ba ba gelepa ba gore ba ba hlawodiye ga barwayi ba Israyele. Ba ba butsisa gore: “Ke ntaba le sa maka ditina tsa go lekana le tso ne le di maka? Di makegiye malobana le lekgono.”

15 Byalo, Maisrayele yala ya go gelepa bo ba go wokamela mmereko ma ya ma kokola ga Faro ma re: “Ke ntaba o tshwara malata yago ka mokgo? 16 Malata yago a ba ma neye mahlaka, mara ba re ga rune, ‘Makaneng ditina!’ Malata yago maa teyiwa, mara molato ke wa batho bago.” 17 Mara a re ga wona: “Le ya tshwata, le ya tshwata! Nka taba lo le reng, ‘Re nyoko sepela, re nyoko makela Jehova sehlabelo.’ 18 Byalo, ariyeneng, boyelaneng mmerekong! A go na mahlaka ya le nyoko ma krayang, mara di nyaka le make ditina tso le tshwaneleng le di make.”

19 Ke mokane bo ba Maisrayele ba go gelepa bo ba go wokamela ba di bona gore ba mathatheng ya magolo ka gore ba yitseri: “Ditina tso le tshwaneleng le di make ka letšatši le sa di pome.” 20 Ka nthago ga hone, ba gahlana le Moše le Aroni ba gore ne ba ba yemele gore ba gahlane nabo mo ba tšwa ga Faro. 21 Ba napa ba re ga bona: “Nkare Jehova a ka bona tso le di makiyeng a le yahlula, ka gore le makiye gore re silikise Faro le malata yage, fote le ba neyye lebaka la gore ba re bolaye.” 22 Ke mokane Moše a bolabola le Jehova a re: “Jehova, ke ntaba o lisetsiye batho bowa ba hlupega? Ke ntaba o nromme? 23 Go tlugisela ka letšatši lo ke yyeng ga Faro ka bolabola ka lebitso lago, o yye a napa a maka batho bowa lešidi ka matla, fote wene a wa ba phonisa batho bago.”

6 Jehova a re ga Moše: “Byalo o nyoko bona gore ke nyoko mo maka ying ga Faro. Ke nyoko berekisa matšhika yaka ka mo gapeletsa gore a le lisetse le sepele, fote ka nthago ga gore a bone matšhika yaka o nyoko le botsa gore le tšwe mo nageng yage.”

2 Ke mokane Modimo a re ga Moše: “Ke nna Jehova. 3 Fote ke mo ke fela ke nyarela ga Abhrahama, Isaka le Jakobo ke le Modimo wa go ba le Matšhika, mara a ke ya napa ke ba botsa lebitso laka gore ke nna Jehova. 4 Fote ke makiye kwano nabo gore ke nyoko ba neya naga ya Kanana, naga ya gore ke mo ba dula ga yona go le batho ba go tšwa ba sepela. 5 Byalo, ke di kwile mo batho ba Israyele ba lla, ba gore Maegepita ma ba makiye mabhantiti, fote ke gopola kwano yo ke yi makiyeng le bokokwane ba lune.

6 “Byalo, botsa Maisrayele gore: ‘Ke nna Jehova, fote ke nyoko le ntsha ga dilo tso Maegepita ma le kgahleletsang ka tsona, ka le ntsha bobhantiting byone, ke nyoko wolola letsogo laka ka le phonisa, ka yahlula Maegepita go baba. 7 Fote ke nyoko le tseya gore le be batho baka, ke nyoko ba Modimo wa lune, le nyoko di tšiba gore ke nna Jehova Modimo wa lune wa gore o le ntsha ga tso Maegepita ma le kgahleletsang ka tsona. 8 Ke nyoko le yisa ga naga ya gore ke yye ka tshepisa gore ke nyoko yi neya Abhrahama, Isaka le Jakobo; fote ke nyoko le neya yona gore go be ya lune. Ke nna Jehova.’”

9 Ka nthago, Moše a botsa Maisrayele molayetsa wowa mara ma sa mo theetsele ka taba la gore ke mo ma kgongwele le ka taba la gore ke mo ba ma berekisa go baba.

10 Ke mokane Jehova a bolabola le Moše a re: 11 “Ariye o ye botsa Faro kgoši ya Egepita gore a ntshe Maisrayele mo nageng yage.” 12 Mara Moše a re ga Jehova: “Maisrayele a maa ntheetsela; Faro o nyoko ntheetsela byang nkene ke sa di kgone tsa go bolabola gabutši?” 13 Mara Jehova a boya a botsa Moše le Aroni gore ba botse Maisrayele le Faro kgoši ya Egepita gore ba make ying gore ba ntshe Maisrayele nageng ya Egepita.

14 Dihlogo tsa mitši ya bopapa ba bona ke tsowa: Barwayi ba Rubeni letšibula la Israyele ke mo go le Hanoko, Palu, Hezerone le Khami. Bowa ke ba mitši ya Rubeni.

15 Barwayi ba Simiyoni ke mo go le Jemuwele, Jamini, Ohade, Jakini, Zohara le Šawulo morwayi wa mosadi wa Lekanana. Bowa ke ba mitši ya Simiyoni.

16 Yawa ke mabitso ya barwayi ba Llifi go ya ka mitši ya bona: Ghešone, Kohathe le Merari. Llifi o phidiye 137 ya mengwaga.

17 Barwayi ba Ghešone ke mo go le Libhini le Šimeyi, go ya ka mitši ya bona.

18 Barwayi ba Kohathe ke mo go le Amoramo, Izara, Hebhrone le Uziyele. Kohathe o phidiye 133 ya mengwaga.

19 Barwayi ba Merari ke mo go le Mahili le Muši.

Bowa ke ba mitši ya Malifi go ya ka mitši ya bona.

20 Byalo, Amoramo a tseya Jokhebede sesi wa papage gore go be mosadi wage. Jokhebede a mmelegela Aroni le Moše. Amoramo o phidiye 137 ya mengwaga.

21 Barwayi ba Izara ke mo go le Kora, Nefeghe le Zikhiri.

22 Barwayi ba Uziyele ke mo go le Mišayele, Elizafane le Sithiri.

23 Byalo, Aroni a tseya Elišeba morwediya wa Aminadaba, sesi wa Našone gore go be mosadi wage. Elišeba a mmelegela Nadabhe, Abhihu, Eliyazara le Ithamara.

24 Barwayi ba Kora ke mo go le Asiri, Elikana le Abhiyasafa. Bowa ke ba mitši ya Kora.

25 Eliyazara morwayi wa Aroni a tseya ye mongwana wa barwediya ba Putiyele gore go be mosadi wage. Yene a mmelegela Finiyase.

Bowa ke dihlogo tsa mitši ya Malifi go ya ka mitši ya bona.

26 Bowa ke Aroni le Moše ba gore Jehova o ba butsiye gore: “Ntshaneng batho ba Israyele nageng ya Egepita go ya ka megoba ya bona.” 27 Ke mo go le Moše le Aroni ba gore ba bolabodiye le Faro kgoši ya Egepita gore a ntshe Maisrayele Egepita.

28 Ka letšatši lone mo Jehova a bolabola le Moše ku nageng ya Egepita, 29 Jehova o butsiye Moše gore: “Ke nna Jehova. O botse Faro kgoši ya Egepita dilo ka mokana ga tsona tso ke go botsang tsona.” 30 Ke mokane Moše a botsa Jehova gore: “A ke di kgone tsa go bolabola, Faro o nyoko ntheetsela byang?”

7 Ke mokane Jehova a re ga Moše: “Ke makiye gore wene o be nkare ke wene Modimo* ga Faro, fote bhuti wago Aroni go nyoko ba moporofeta wago. 2 O nyoko boyelela dilo ka moka tso ke go botsang tsona, fote bhuti wago Aroni o nyoko bolabola le Faro, Faro o nyoko ntsha Maisrayele nageng yage. 3 Nna ke nyoko lisetsa Faro a fo tiwomisa hlogo, fote ke nyoko yeketsa mešupetso le mehlolo yaka nageng ya Egepita. 4 Mara Faro a ka sa go theetsele, fote ke nyoko berekisa matšhika yaka nageng ya Egepita gore ke ntshe masole yaka, batho baka, Maisrayele, ba nyoko tšwa nageng ya Egepita fote ke nyoko yahlula Maegepita go baba. 5 Fote Maegepita ma nyoko di tšiba gore ke nna Jehova mo ke berekisa matšhika yaka nageng ya Egepita gore ke ntshe Maisrayele mone ga bona.” 6 Moše le Aroni ba makiye tso Jehova a ba butsiyeng tsona; ba f’lo maka ka mokgonone. 7 Moše ke mo a na le 80 ya mengwaga, Aroni a na le 83 ya mengwaga mo ba bolabola le Faro.

8 Byalo Jehova a re ga Moše le Aroni: 9 “Mo Faro a ka re ga lune, ‘Makaneng mohlolo,’ o botse Aroni gore, ‘Tseya thoka yago o yi bošele fase mahlong ga Faro.’ Yi nyoko fetoga noga ye kgolo.” 10 Byalo Moše le Aroni ba ya ga Faro ba maka ka mokgo Jehova a hlayyeng. Aroni a bošela thoka yage fase mahlong ga Faro le malata yage, ke mokane ya fetoga noga ye kgolo. 11 Mara Faro a bitsa banna ba go hlalefa le baloyi, fote maprista ya go maka tsa masalamose ya Egepita le wona ma maka ka mokgonone ka masalamose ya wona. 12 Ye mongwana le ye mongwana a bošela thoka yage fase, dya fetoga dinoga tse dikgolo; mara thoka ya Aroni ya kgwisa dithoka tsa bona. 13 Faro a fo ya mahlong a tiwomisa hlogo, a sa ba theetsele, ka mokgo Jehova a hlayyeng.

14 Ke mokane Jehova a botsa Moše gore: “Faro o tiwomisa hlogo. O ganne go lisetsa batho bowa ba sepela. 15 Ariye ga Faro ka bošego. Ke yenene o ya ku meetšing! Fote wene o yeme mo Noka ya Nayile yi kgerang gona gore o gahlane naye; o ye o tshwere thoka yela ya gore ke mo yi fetogiye noga. 16 O mmotse gore, ‘Jehova Modimo wa Maheberu o nromme gago, fote o re: “Lisetsa batho baka ba sepele ba ye mašahleng gore ba mperekele,” mara a wa ntheetsela go segela le gana byalo. 17 Tsowa ke tso di hlayang ke Jehova: “O nyoko tšiba ka tsowa gore ke nna Jehova. Ke nyoko teya meetši ya Noka ya Nayile ka thoka yo ke yi tshwereng, fote noka yone yi nyoko fetoga madi. 18 Dihlapi tso di leng Nokeng ya Nayile di nyoko kgwa, fote noka yone yi nyoko nkga, Maegepita ma ka sa kgone go nwa meetši ya Nokeng ya Nayile.”’”

19 Ke mokane Jehova a botsa Moše gore: “Botsa Aroni gore, ‘Tseya thoka yago, o wololele letsogo lago gedimo ga meetši ya Egepita, gedimo ga dinoka tsa yona, mesela* ya yona, dihlakase tsa yona le madhamo ya yona ka mokana ga wona, gore di fetoge madi.’ Go nyoko ba le madi nageng ya Egepita ka moka, le ga tsa go tšhela meetši tsa go makiwa ka dikwata le tsa go makiwa ka matlapa.” 20 Moše le Aroni ba napa ba maka ka mokgo Jehova a ba butsiyeng ka gona. A yemisa thoka, a teya meetši ya Nokeng ya Nayile mahlong ga Faro le malata yage, meetši ya mone nokeng ka moka ma fetoga madi. 21 Dihlapi tsa gore ne di le mone nokeng dya kgwa, fote noka ya thomisa go nkga, Maegepita ke mo ma sa kgone go nwa meetši ya go tšwa Nayile, fote ke mo go na le madi nageng ya Egepita ka mokana ga yona.

22 Le mo go le ka mokgonone, maprista ya go maka tsa masalamose ya Egepita ma maka ka mokgonone ka masalamose ya wona, tsotsone dya maka gore Faro a fo ya mahlong a tiwomisa hlogo, a sa ba theetsele go fo ya ka mokgo Jehova a hlayyeng. 23 Faro a boyela ntlong yage, fote le tsowa a sa yisi felo ka tsona. 24 Byalo, Maegepita ka mokana ga wona ke mo ma yepa ka mo thoko ga Noka ya Nayile ma nyaka meetši ya go nwa, ka gore ke mo ma sa kgone go nwa meetši ya ma leng Nokeng ya Nayile. 25 Fote go fediye kašupa (7) ya matšatši ka nthago ga gore Jehova a teye Noka ya Nayile.

8 Ke mokane Jehova a botsa Moše gore: “Ariye ga Faro o mmotse gore, ‘Tsowa ke tso Jehova a di hlayang: “Lisetsa batho baka ba sepele gore ba ko thogo mperekela. 2 Mo o ka fo ya mahlong o gana gore ba sepele, ke nyoko leya dikwili nageng yago ka mokana ga yona. 3 Fote Noka ya Nayile yi nyoko tlala ka dikwili, di nyoko tla di kena ntlong yago, kamareng yago, mpetong wago, dintlong tsa malata yago le ga batho bago, diontong tsago le mo o dubelang gona folawa. 4 Dikwili tsone di nyoko tla gago, ga batho bago le ga malata yago ka mokana ga wona.”’”

5 Ka nthago, Jehova a re ga Moše: “Botsa Aroni gore, ‘Tshwara thoka yago o wololele letsogo lago gedimo ga dinoka, mesela ya Nayile le dihlakase, o make gore go be le dikwili nageng ya Egepita.’” 6 Byalo Aroni a wololela letsogo lage meetšing ya Egepita, fote dikwili tsela dya thomisa go tla dya tlatsa naga ya Egepita. 7 Mara maprista ya go maka tsa masalamose ma maka tsotsone ka masalamose ya wona, le wona ma maka gore go be le dikwili nageng ya Egepita. 8 Ke mokane Faro a bitsa Moše le Aroni a re: “Kgopelaneng Jehova gore a tlose dikwili tsowa ho gaka le batho baka, ka gore ke nyoko lisetsa batho bowa ba sepela ba ye makela Jehova sehlabelo.” 9 Ke mokane Moše a botsa Faro gore: “Ke di šiya nago gore go be wene o mpotsang gore ke kgopele gore dikwili tsowa di tlusiwe neng mo gago, malata yago, batho bago le dintlong tsago. Di nyoko fo šala ku Nokeng ya Nayile.” 10 Mo Moše a reyane, Faro a re: “Ka motshwana.” Moše a re: “Di nyoko makega ka mokgo o hlayang gore o ko thogo di tšiba gore a go na ye a tshwanang le Jehova Modimo wa rune. 11 Dikwili tsone di nyoko tloga ho gago, dintlong tsago, ga malata yago le ga batho bago. Di nyoko fo šala Nokeng ya Nayile.”

12 Byalo Moše le Aroni ba tloga mone ga Faro, fote Moše a kgopela Jehova gore a tlose dikwili tso a di leyeleng Faro. 13 Ke mokane Jehova a maka ka mokgo Moše a kgopeleng, fote dikwili tsone dya thomisa go kgwa mone dintlong, malapeng le mašomong. 14 Ke mo ba di kgobaketsa ba maka dindhundhuma tsa go tlala, naga yone ya thomisa go nkga. 15 Mo Faro a bona gore ba yimulugiye, a tiwomisa hlogo, fote a gana go ba theetsela go ya ka mokgo Jehova a hlayyeng.

16 Byalo Jehova a re ga Moše: “Botsa Aroni gore, ‘Yemisa thoka yago o teye lerole la lefase, lerole lone go nyoko ba bošunyane* nageng ya Egepita ka mokana ga yona.’” 17 Ba maka ka mokgonone. Aroni a wolola letsogo lage a tshwere thoka yage, a teya lerole la lefase, bošunyane byone bya hlasela batho le diphoolwane. Lerole la mone fase ka mokana ga lona la fetoga bošunyane mone nageng ya Egepita ka mokana ga yona. 18 Maprista ya go maka tsa masalamose ma liketsa go maka tsotsone, ke mo ma nyaka go maka bošunyane ka masalamose ya wona mara ma šitega. Bošunyane byone bya hlasela batho le diphoolwane. 19 Byalo maprista ya go maka tsa masalamose ma re ga Faro: “Yawa ke matšhika* ya Modimo!” Mara Faro a fo ya mahlong a tiwomisa hlogo, fote a sa ba theetsele go ya ka mokgo Jehova a hlayyeng.

20 Ke mokane Jehova a re ga Moše: “Tsoga ka bošego o ye o yeme mahlong ga Faro. Yene o ya ku meetšing! Fote o mmotse gore, ‘Tsowa ke tso di hlayang ke Jehova: “Lisetsa batho baka ba sepele gore ba mperekele. 21 Mara mo o sa lisetsi batho baka ba sepela, ke nyoko le leyela dithokwane tsa go loma, wene, malata yago le batho bago, fote di nyoko kena dintlong tsa lune; dintlo tsa Egepita di nyoko tlala ka dithokwane tsone, fote di nyoko tlala le mo fase mo ba* gatang gona. 22 Ka letšatši lone ke nyoko hlawola naga ya Ghošene ya gore batho baka ba dula ga yona. Go ka sa be le dithokwane tsa go loma ga yona, wene o nyoko tšiba ka tsotsone gore nna Jehova ke gona mo nageng. 23 Ke nyoko yahluganya batho baka le batho bago. Dilo tsowa di nyoko makega ka motshwana.”’”

24 Jehova a maka ka mokgonone, dithokwane tsa go loma tsa go sepela ka megoba dya thomisa go kena ntlong ya Faro, dintlong tsa malata yage le nageng ya Egepita ka mokana ga yona. Dithokwane tsone dya sinya naga ya Egepita. 25 Faro a fetsa a bitsiye Moše le Aroni a ba botsa gore: “Ariyeneng le ye makela Modimo wa lune sehlabelo nageng yowa.” 26 Mara Moše a re gage: “A di gabutši go maka ka mokgonone, ka taba la gore sehlabelo so re nyoko se makelang Jehova Modimo wa rune se ka silikisa Maegepita. Mo re ka maka sehlabelo sa gore se silikisa Maegepita ma kene ma re lebelele, ayitsano ma ka sa re pshyaye ka matlapa? 27 Re nyoko tseya leyeto la kararo (3) ya matšatši re ya ku mašahleng, re nyoko makela Jehova Modimo wa rune sehlabelo gana hone go ya ka mokgo a re butsiyeng.”

28 Byalo Faro a re: “Ke nyoko le lisetsa le sepela le ye makela Jehova Modimo wa lune sehlabelo ku mašahleng. Mara le sa yi kgole ka matla. Nkgopeleleneng ga Modimo wa lune gore a tlose dithokwane tsowa.” 29 Ke mokane Moše a re: “Gana byalo ke ya tloga mo gago, fote ke nyoko go bolabolela le Jehova, ka motshwana dithokwane tsowa tsa go loma di nyoko tloga ga Faro, malata yage le ga batho bage. Mara Faro a lisetse go kgana ka rune ka go gana go lisetsa batho bowa ba sepela ba ye makela Jehova sehlabelo.” 30 Ke mokane Moše a tloga mahlong ga Faro, fote a kgopela Jehova gore a tlose dithokwane tsone. 31 Byalo Jehova a maka ka mokgo Moše a kgopeleng, dithokwane tsone tsa go loma dya tloga ga Faro, malata yage le ga batho bage. Gwa sa šale le ka yyoši. 32 Mara Faro a tiwomisa hlogo fote, a sa lisetsi batho bone ba sepela.

9 Byalo, Jehova a botsa Moše gore: “Ariye ga Faro o mmotse gore, ‘Tsowa ke tso Jehova Modimo wa Maheberu a di hlayyeng: “Lisetsa batho baka ba sepele gore ba mperekele. 2 Mara mo o ka fo gana go ba lisetsa gore ba sepele, wa gapeletsa gore ba dule nago, 3 nna Jehova ke nyoko bolaya merape yago ka matšhika yaka. Go nyoko ba le bolwele bya go bolaya dipera, dibhongholo, dikamela le merape yago. 4 Jehova o nyoko fapanisa merape ya Maisrayele ga merape ya Maegepita, fote a go na so se nyoko kgwang sa gore ke sa Maisrayele.”’” 5 Go tokegela gana hone, Jehova o beyye nako a re: “Ka motshwana Jehova o nyoko maka tsowa mo nageng.”

6 Jehova a maka tsotsone ka motshwana wa gona, merape ka mokana ga yona ya Maegepita ya thomisa go kgwa, mara gwa sa kgwe le selo ka ssoši ga Maisrayele. 7 Mo Faro a butsisa, a kraya gore ga Maisrayele a gwa kgwa le phoolwane ka yyoši. Mara Faro a fo ya mahlong a tiwomisiye hlogo, a sa lisetsi batho bone gore ba sepele.

8 Jehova a botsa Moše le Aroni gore: “Tlatsaneng matsogo ya lune ka luta la go tšwa ontong, di nyaka Moše a le bošele gedimo mahlong ga Faro. 9 Lerole lone le nyoko tlala Egepita ka mokana ga yona, fote le nyoko maka gore nageng ya Egepita ka mokana ga yona batho le diphoolwane ba tšwe mašopa ya go baba ka matla.”

10 Byalo, ba tseya luta ontong ba yema mahlong ga Faro ke mokane Moše a le bošela gedimo, la fetoga mašopa ya go baba ka matla ya gore ke mo ma tšwa batho le diphoolwane. 11 Maprista ya go maka tsa masalamose ke mo ma sa di kgone go yema mahlong ga Moše ka taba la mašopa yane, ka gore mašopa yane ke mo ma tšwile maprista ya go maka tsa masalamose le Maegepita ka mokana ga wona. 12 Mara Jehova a lisetsa Faro gore a tiwomise hlogo, a sa ba theetsele go ya ka mokgo Jehova a butsiyeng Moše.

13 Ke mokane Jehova a re ga Moše: “Tsoga ka bošego o ye o yeme mahlong ga Faro, o mmotse gore, ‘Tsowa ke tso di hlayyeng ke Jehova Modimo wa Maheberu, o yitseri: “Lisetsa batho baka ba sepele gore ba thogo mperekela. 14 Gana byalo ke romela tsa go sasamela ka mokana ga tsona gago, malata yago le ga batho bago, gore o thogo di tšiba gore a go na wa go tshwana le nna lefaseng ka mokana ga lona. 15 Gana byalo nke ke šele ke wolodiye letsogo laka ke leyele wene le batho bago bolwele bya go tshosa, fote nke go šele go fediye ka lune ho lefaseng. 16 Mara ke go lisetsiye gore o ye mahlong o phela: gore ke go šupetse matšhika yaka le go maka gore lebitso laka le tšibege lefaseng ka moka. 17 Ayitsano o sa ya mahlong o tšhingha, o gana go lisetsa batho baka gore ba sepele? 18 Ke nyoko maka gore ka motshwana ka nako yowa go be le sefako se segolo ka matla, sefako sa gore a se soko ba gona Egepita, go tlugisela yi ba gona go segela gana byalo. 19 Byalo, ntsha lentsu o ba botse gore ba leye merape yago ka mokana ga yona le dilo tsago ka mokana ga tsona tsa gore di ku mašomong ba di beye ga gore go pasopegiye. Motho ye mongwana le ye mongwana le phoolwane ye nngwana le ye nngwana tsa gore di ko ba di le ku mašomong di se ga gore go pasopegiye, di nyoko kgwa mo go ba le sefako.”’”

20 Ye mongwana le ye mongwana ga malata ya Faro wa gore ke mo a tšhaba lentsu la Jehova, a yakgoswa a leya malata yage le merape yage ga gore go pasopegiye, 21 mara bo ba gore a baa yisa felo ka lentsu la Jehova, ba šiya malata ya bona le merape ya bona ku mašomong.

22 Byalo Jehova a re ga Moše: “Yemisela letsogo lago magedimong gore go be le sefako nageng ya Egepita ka mokana ga yona, se nyoko ba ga motho, phoolwane le dimilane ka mokana ga tsona tsa gore di mašomong ya nageng ya Egepita.” 23 Byalo Moše a yemisela letsogo lage magedimong, Jehova a maka gore le dume fote go be le sefako, mollo wa wela lefaseng fote Jehova a ya mahlong a maka gore go be le sefako nageng ya Egepita. 24 Ke mo go na le sefako fote go na le mollo mo ga sefako sone. Ne go le se segolo ka matla; ke mo go soko ba le safako sa go tshwana le sone mone nageng go tlugisela go ba le setšhaba sa Egepita. 25 Sefako sone sa bolaya dilo ka mokana ga tsona tsa gore ne di le ku mašomong nageng ya Egepita, go tlugisela ka motho go segela ka phoolwane, fote sa sinya dimilane ka mokana ga tsona, sa sinya le mehlare ka moka ya ku mašomong. 26 Ke nageng ya Ghošene fela mo ne go na le Maisrayele ga gore ne go se na sefako.

27 Byalo, Faro a re ba bitse Moše le Aroni, a re ga bona: “Gana byalo ke sinnye. Jehova o lukiye, fote nna le batho baka ke rune ba gore a re make tsona. 28 Kgopelaneng Jehova gore go sa sa ba le leduma le sefako tsa go tšwa ga Modimo. Ke nyoko le lisetsa gore le sepele, le ka sa sa dula.” 29 Byalo Moše a re gage: “Mo ke fetsa go tšwa mo mutšing, ke nyoko yemisa matsogo yaka mahlong ga Jehova. Leduma le nyoko yema, le sefako se ka sa sa ya mahlong, gore o thogo di tšiba gore lefase lowa ke la Jehova. 30 Mara mo go le wene le malata yago, ke šele ke di tšiba gore le ka nako yonone le ka sa mo tšhabe ga Jehova Modimo.”

31 Byalo, dimilane tsa go maka linene ka tsona le mabelethoro* ke mo di sinyegiye ka gore mabelethoro ke mo ma šele ma butšwiye, fote dimilane tsa go maka linene ka tsona ke mo di bhlomme. 32 Mara dimilane tsa korong ke mo di sa sinyega ka taba la gore di butšwa ka nthago. 33 Byalo Moše a tloga mone ga Faro fote a tšwa mone mutšing, a yemisa matsogo mahlong ga Jehova, la sa sa duma, sefako sela sa yema le pula ya sa sa nela lefase. 34 Mo Faro a di bona gore pula, sefako le leduma di yemme, a sinya fote, a tiwomisa hlogo, le malata yage ma maka ka mokgonone. 35 Faro a fo ya mahlong a tiwomisa hlogo, a sa lisetsi Maisrayele ma sepela ka mokgonola Jehova a hlayyeng a berekisa Moše.

10 Ke mokane Jehova a botsa Moše gore: “Ariye ga Faro, ka taba la gore ke lisetsiye yene le malata yage gore ba tiwomise dihlogo gore ke thogo maka mehlolo yaka mahlong gage, 2 gore o botse barwayi bago le ditlogolwane tsago gore ke wolodiye Egepita go baba le gore ke makiye mehlolo ya go tlala gana hone; fote o nyoko di tšiba gabutši gore ke nna Jehova.”

3 Byalo Moše le Aroni ba ya ga Faro ba re gage: “Tsowa ke tso di hlayyeng ke Jehova Modimo wa Maheberu, ‘O nyoko gana go ntheetsela go segela neng? Lisetsa batho baka ba sepele gore ba thogo mperekela. 4 Mo o ka fo ya mahlong o gana go lisetsa batho baka ba sepela, ke nyoko leya ditšiya nageng yago ka motshwana. 5 Di nyoko tlatsa lefase, fote o ka sa kgone go bona mo fase. Di nyoko ja tso di šeleng nakwela go na le sefako tsa gore ne di šalele wene, di nyoko ja mehlare ka mokana ga yona yo yi milang mašomong. 6 Di nyoko tlala dintlong tsago, dintlong tsa malata yago le dintlong ka mokana ga tsona tsa Egepita, ka mokgwa wa gore bopapago le bokokwane bago a ba soko wo bona go tlugisela ka nako yo ba duling mo nageng go segela lekgono lowa.’” Mo a fetsa go reyane, a napa a tloga mahlong ga Faro.

7 Ke mokane malata ya Faro ma re: “Monna yewa o nyoko re kwisa go baba go segela neng? Lisetsa batho bowa ba sepele gore ba thogo berekela Jehova Modimo wa bona. A o di bone gore Egepita yi šele yi sinyegiye?” 8 Byalo ba busetsa Moše le Aroni ga Faro, yene a re ga bona: “Ariyeneng le ye berekela Jehova Modimo wa lune. Mara go nyoko ya bomang?” 9 Ke mokane Moše a re: “Re nyoko ya le batho ba rune ba banyana le ba bagolo, barwayi ba rune, barwediya ba rune, dinku tsa rune le dikgomu tsa rune ka taba la gore re nyoko makela Jehova monyanya.” 10 Yene a re ga bona: “Mo nka tsoga ke le lisetsiye la sepela le bana ba lune, Jehova o ko ba a na le lune ka nnete! Di ya bonala gore le nyoko maka tsa go sa loka. 11 Awwa! Go nyoko sepela banna fela ba ye berekela Jehova, ka gore ke tso le di kgopeleng.” Mo a reyane, ba napa ba ba raka mahlong ga Faro.

12 Byalo Jehova a re ga Moše: “Wololela letsogo lago nageng ya Egepita gore go tle ditšiya, di tle di tlatse naga ya Egepita fote di je dimilane ka mokana ga tsona tsa mone nageng, di je se sengwana le se sengwana sa gore se šele nakwela go na le sefako.” 13 Moše a napa a yemisela thoka yage nageng ya Egepita, fote Jehova a maka gore moya wa ka bohlabela wo tšutle mone nageng motshegare ka moka le bošego ka moka. Mo bo sa, moya wela wa ka bohlabela wa leya ditšiya. 14 Ditšiya tsela dya tla nageng ka moka ya Egepita, dya dula polekeng ka mokana ga yona ya Egepita. Ke mo di tlele ka matla; ke mo go le la mathomo go ba le ditšiya tsa go tlala ka mokgonone, fote ne go ka sa sa ba le ditšiya tsa go tlala ka mokgonone. 15 Ke mo di tlele mo fase ka mokana ga gona, fote mo fase ke mo go fifele ka taba la tsona; di jile dimilane ka mokana ga tsona tsa mone nageng le diyengwa ka mokana ga tsona tsa mehlare ya gore yi šele nakwela go na le sefako; a gwa šala le mong letlakala le le tala ga mehlare yone kela ga dimilane tsa ku mašomong ya nageng ya Egepita ka mokana ga yona.

16 Byalo, Faro a bitsa Moše le Aroni ka go yakgoswa a re: “Ke sinyele Jehova Modimo wa lune, ka boya ka sinyela le lune. 17 Ke kgopela le ntshwareleneng la mafelelo nka sa sa boyelela, le mpolabolele le Jehova Modimo wa lune gore a tlose dilo tsowa tsa go sasamela ho gaka.” 18 Byalo a* tloga mahlong ga Faro a bolabola le Jehova. 19 Jehova a maka gore moya wela wo tšhentšhe, wa ba moya wa go tšutla ka matla wa go tšwa bodikela, wa rwala ditšiya tsela wa di yisa Lewatleng le Lekhubedu. A gwa šala le tšiya ka yyoši polekeng ya Egepita ka mokana ga yona. 20 Mara Jehova a lisetsa Faro a tiwomisa hlogo, Faro a sa lisetsi Maisrayele ma sepela.

21 Jehova a re ga Moše: “Yemisela letsogo lago magedimong gore go be le letshwifi nageng ya Egepita ka mokana ga yona, letshwifi la gore le tlemme ka matla.” 22 Moše a napa a yemisela letsogo lage magedimong, gwa fela kararo (3) ya matšatši go tlemme letshwifi nageng ka mokana ga yona ya Egepita. 23 Ke mo ba sa bonane, fote go fediye kararo (3) ya matšatši ba sa tloge mo ne ba le gona; mara mo Maisrayele ne ma le gona ke mo go khannye. 24 Ke mokane Faro a bitsa Moše a re: “Ariyeneng le ye berekela Jehova. Mara dinku tsa lune le dikgomu tsa lune di nyoko šala. Le ka sepela le bana ba lune.” 25 Mara Moše a re: “Wene mong o nyoko re neya diphoolwane tsa go maka dihlabelo le dihlabelo tsa go tšhubiwa, fote re nyoko di makela Jehova Modimo wa rune. 26 Re nyoko sepela le merape ya rune. Go ka sa šale le mong phoolwane ka yyoši ka gore re nyoko berekisa tse dingwana tsa tsona gore re rapele Jehova Modimo wa rune, fote mo re soko segela hone re ka sa di tšibi gore re nyoko berekisa difeng mo re rapela Jehova.” 27 Byalo Jehova a lisetsa Faro a tiwomisa hlogo, Faro a sa dumele go ba lisetsa ba sepela. 28 Faro a re gage: “Tloganeng mo mahlong gaka! Le sa sa boya mowa, ka gore ka letšatši lo le boyang ka lona le nyoko kgwa.” 29 Ke mokane Moše a re: “Nka sa sa boya, go fo ya ka mokgo o hlayyeng.”

11 Ke mokane Jehova a re ga Moše: “Ke nyoko leyela Faro le Egepita se sengwana fote sa go sasamela. Ka nthago o nyoko re le tloge howa. Mo a le lisetsa gore le sepele, o nyoko re le sepele le dilo tsa lune ka mokana ga tsona. 2 Byalo, botsa batho gore banna le basadi ka mokana ga bona di nyaka ba kgopele dilo tsa go makiwa ka silva le tsa go makiwa ka gholdi ga bayagelane ba bona.” 3 Jehova a maka gore Maegepita ma kwele batho bone go baba. Go tokegela gana hone, Moše ke mo go le motho wa gore malata ya Faro le batho ke mo ba mo tseyela gedimo nageng ya Egepita.

4 Ke mokane Moše a re: “Tsowa ke tso di hlayyeng ke Jehova, ‘Mo go šele go nyoko ba gare ga bošego, ke nyoko feta gare ga Egepita, 5 fote matšibula ya Egepita ka mokana ga wona ma nyoko kgwa, go tlugisela ka letšibula la Faro wa gore o duli gedimo ga setulo sa bogoši go segela ka letšibula la lelata la mosadi la gore le bereka tšhilong, le matšibula ka mokana ga wona ya merape. 6 Ba nyoko lla ka mokgwa wa gore a ba soko bane ba lla ka wona, fote ba ka sa sa tsoga ba lliye ka mokgonone nageng ya Egepita ka mokana ga yona. 7 Mara a go na le mpsya ya gore yi nyoko howula Maisrayele, batho kela merape ya bona, gore le di tšibe gore Jehova o kgona go yahluganya Maegepita le Maisrayele.’ 8 Fote malata yago ka mokana ga wona ma nyoko tla gaka ma nkgotamela ma yinamisiye dihlogo ma re, ‘Sepelaneng, wene le batho ka mokana ga bona bo ba go latelelang.’ Ka nthago ga mone ke nyoko sepela.” Mo a fetsa go reyane, a tloga mone ga Faro a kwatiye ka matla.

9 Ke mokane Jehova a re ga Moše: “Faro a ka sa go theetsele gore ba thogo bona mehlolo yaka ye mengwana nageng ya Egepita.” 10 Moše le Aroni ba makiye mehlolo yowa ka mokana ga yona mahlong ga Faro, mara Jehova a fo lisetsa Faro a tiwomisa hlogo, Faro a sa lisetsi Maisrayele ma tloga mone nageng yage.

12 Byalo Jehova a botsa Moše le Aroni ku nageng ya Egepita gore: 2 “Dikgwedi tsa lune di nyoko thomisa ka kgwedi yowa. Go nyoko ba yona kgwedi ya mathomo ga mongwaga wa lune. 3 Bolabola le batho ka mokana ga bona ba Israyele o re, ‘Ka letšatši la lesome (10) la kgwedi yowa, ye mongwana le ye mongwana di nyaka a titseyele nku ya mutši wa papage, mutši wo mongwana le wo mongwana wo be le nku ya wona. 4 Mara mo nkare mutši ke wo monyana gore wo ka fetsa nku, di nyaka ba je ggoši le moyagelane wa gore o thina nabo di ya ka gore batho bone nka ba kaye. Le lebelele gore go na le batho ka bakaye le gore ka wwoši o nyoko ja ye kaye. 5 Di nyaka nku ya lune go be ya phoolo ya gore yi philegiye ya gore yi na le mongwaga ka wwoši. Le ka kgeta ga dinkunyana tsa phoolo kela ga dipudi. 6 Di nyaka le yi pasope go segela ka letšatši la bo 14 la kgwedi yowa, di nyaka batho ba setšhaba sa Israyele ka mokana ga bona ba yi bolaye ka malobana. 7 Ba tseye madi ya mangwana ba ma tlotse ka ho mathoko le ka ho kgakala ga foremo ya monyako wa ntlo yo ba ko bang ba jela ga yona.

8 “‘Nama yone ba yi je bošego byobyone. Ba yi bese mollong, ba yi je ka sekgwa sa go se na dikomelo le merogo ya tala. 9 Nama yone le sa yi ji yi le tala, kela le yi huhubegiye kela le yi yapegiye ka meetši, mara le yi bese ka mollo, le bese le hlogo, mawoto le tsa teng tsa yona. 10 Le sa yi šiyi go segela ka bošego, mara mo yi ka šala go segela ka bošego le yi tšhube ka mollo. 11 Le yi je ka mokgo: Le yi je le tlemme mapanta ya lune, le yapere dimphašane fote le tshwere dithoka tsa lune; le yi je ka go yakgoswa. Ke Paseka ya Jehova. 12 Ka gore ke nyoko feta nageng ya Egepita bošego byone, ka bolaya matšibula ka mokana ga wona ya nageng ya Egepita, go tlugisela ka motho go segela ka phoolwane; fote ke nyoko yahlula medimo ya Egepita ka mokana ga yona. Ke nna Jehova. 13 Madi yane go nyoko ba mošupetso mo ga dintlo tso le leng ga tsona; ke nyoko ma bona, ka feta mo ga lune, tso tsa go sasamela di ka sa fetsi ka lune mo ke wolola naga ya Egepita.

14 “‘Letšatši lowa go nyoko ba segopotso ga lune, fote di nyaka leloko la lune le gopole letšatši lowa ka go makela Jehova monyanya. Di nyaka le gopole letšatši lowa ka gore go nyoko ba molawo wa go ya go yye. 15 Le fetse kašupa (7) ya matšatši le ja sekgwa sa go se na dikomelo. Ka letšatši la mathomo le tlose folawa ya gore yi bidiye dintlong tsa lune, ka gore motho ye a jang tsa gore di na le dikomelo go tlugisela ka letšatši la mathomo go segela ka letšatši la kašupa, di nyaka a bolayiwe.* 16 Ka letšatši la mathomo le nyoko ba le mogahlano wa go hlawolega, le ka letšatši la kašupa (7) le nyoko ba le mogahlano wo mongwana wa go hlawolega. Le sa makeneng mmereko ka matšatši yane. Le make tsa go ja fela, le fo maka tsa go lekanela gore le je.

17 “‘Le ye mahlong le maka Monyanya wa Dikgwa Tsa go se na Dikomelo, ka gore ka lona letšatši lowa ke nyoko le ntsha nageng ya Egepita ka mokana ga lune. Fote di nyaka leloko la lune le gopole letšatši lowa ka gore go nyoko ba molawo wa go ya go yye. 18 Ka kgwedi ya mathomo ka letšatši la bo 14 la kgwedi yone, ka malobana, di nyaka le je sekgwa sa go se na dikomelo go segela ka letšatši la bo 21 la kgwedi yone ka malobana. 19 Go fele kašupa (7) ya matšatši go se na folawa ya gore yi bidiye ka dintlong tsa lune, ka gore motho ye a jang tsa gore di na le dikomelo di nyaka a bolayiwe,* di sa yi ka gore ke motho wa go tšwa a sepela kela ke motho wa gore o belegiwwe hone nageng. 20 Di nyaka le sa ji selo sa gore se na le dikomelo. Dintlong tsa lune ka moka le je sekgwa sa gore a se na dikomelo.’”

21 Moše a napa a bitsa banna ba bagolo ba Maisrayele a re ga bona: “Ariyeneng, ye mongwana le ye mongwana a hlawolele mutši wage phoolwane* ye nyana, fote le bolaye phoolwane ya sehlabelo sa Paseka. 22 Ke mokane le tseye mphogo wa hisopo le wo šibetse mading ya gore ma teng ga sitša, le ma tlotse hala kgakala le ka mo mathoko ga foremo; fote go sa be le ye a tšwang ntlong yage go segela bo sa. 23 Mo Jehova a feta gore a leyele Maegepita tsa go sasamela fote a bona madi yane ho gedimo le ka mathoko ga diforemo, Jehova o nyoko feta hone monyako, a ka sa bolaye motho wa gore o ka dintlong tsa lune.

24 “Le dule le maka monyanya wowa, wowa ke molawo wa go ya go yye ga lune le barwayi ba lune. 25 Mo le segela ga naga ya gore Jehova o nyoko le neya yona ka mokgo a hlayyeng, le dule le gopola letšatši lone. 26 Fote mo barwayi ba lune ba le butsisa gore, ‘Ke ntaba le maka ka mokgo?’ 27 le ba botse gore, ‘Ke sehlabelo sa Paseka sa gore re se makela Jehova, wa gore o fitiye dintlo tsa Maisrayele ku Egepita nakwela a leyela Maegepita tsa go sasamela, mara a lisetsa dintlo tsa rune.’”

Ke mokane batho ba thinya matolo ba yinamisiye dihlogo. 28 Byalo Maisrayele ma tloga ma ye maka ka mokgo Jehova a butsiyeng Moše le Aroni. Ma f’lo maka ka mokgonone.

29 Ke mokane gare ga bošego, Jehova a bolaya matšibula ka mokana ga wona ya nageng ya Egepita, go tlugisela ka letšibula la Faro wa gore o duli setulong sa go lawola go segela ka letšibula la lebhantiti la gore le jele, le matšibula ka mokana ga wona ya diphoolwane. 30 Faro, malata yage le Maegepita ka mokana ga wona ba tsoga bošego byone, fote Maegepita ke mo ma gotla ka taba la gore ga ntlo ye nngwana le ye nngwana ke mo go na le motho wa gore o kgwile. 31 Faro a napa a bitsa Moše le Aroni bošego byone a re: “Sepelaneng, tloganeng ho ga batho baka, lune le Maisrayele ya mangwana. Ariyeneng le ye berekela Jehova ka mokgo le hlayyeng. 32 Le tseyeneng le merape ya lune le sepele, ka mokgo le hlayyeng. Mara di nyaka le nna le nrufe.”

33 Maegepita ma thomisa go kgopela batho gore ba yakgoswe ba tloge mone nageng “ka gore” ke mo ba re, “go fo tshwana le mo re kgwile!” 34 Byalo batho ba rwala folawa ya go dubiwa ya gore ke mo ba soko yi tšhela dikomelo yi le ka teng ga ditša tso ba dubeleng ka teng ga tsona, ba di tantetsiye ka dikobo ba di beyye ho magetleng. 35 Maisrayele ma maka tso Moše ne a ma butsiye tsona, ma kgopela dilo tsa go makiwa ka silva, tsa go makiwa ka gholdi le dikobo ga Maegepita. 36 Jehova a maka gore Maegepita ma kwele batho bone go baba, byalo ma ba neya tso ne ma ba kgopele tsona fote ba tseya dilo tsa Maegepita.

37 Ke mokane Maisrayele ma tloga Ramasese ma bakiye Sukhothe, ke mo go le gana hala ga 600 000 ya banna ba go sepela ka mawoto, mo re sa bale dibananyana. 38 Fote ba sipidiye le batho ba mehlobohlobo* ba go tlala le merape, ke mo go le diphoolwane tsa go tlala. 39 Ba thomisa go bhaka folawa ya gore ba yi dubiye ya gore ba tšwile nayo Egepita, ba maka malofo ya kgokolo ya go se na dikomelo. Ke mo ma se na dikomelo ka taba la gore ba tšwile Egepita ba yakgoswa ka gore ba ba rakiye, a baa kgona go timakela tsa go ja.

40 Maisrayele ma duli Egepita 430 ya mengwaga. 41 Mo go fela 430 ya mengwaga, ka lona letšatši lowa, batho ba Jehova ka mokana ga bona ba tšwa nageng ya Egepita. 42 Ke bošego bya gore ba nyoko makela Jehova monyanya ka taba la gore o ba ntshiye nageng ya Egepita. Batho ba leloko la Israyele ka mokana ga bona ba nyoko gopola bošego byowa, tsotsone ba nyoko ba ba di makela Jehova.

43 Ke mokane Jehova a re ga Moše le Aroni, “Wowa ke molawo wa Paseka: Motho wa go fo tšwa a sepela a sa ji sehlabelo sa Paseka. 44 Mara mo nkare go na le wa gore o na le lebhantinti la gore o le rekiye ka tšheleta, di nyaka a le bolotse. Ke gona mo le ka jang. 45 Motho wa go fo tšwa a sepela wa gore o dula le lune le motho wa gore ba mo hiriye wa go tšwa a sepela, ba sa ji. 46 Di nyaka le yi jele ka teng ga ntlo ka yyoši. Nama yone le sa tšwele nayo ka tawong, fote le sa robe mašapo ya yona. 47 Setšhaba sa Israyele ka moka se make monyanya wa Paseka. 48 Mo nkare motho wa go fo tšwa a sepela o dula le lune fote o nyaka go makela Jehova monyanya wa Paseka, banna ba mutši wage ka moka di nyaka ba bollwe. Ka nthago, a ka maka monyanya wa Paseka, o nyoko tshwana le ba gore ba ba belegele mone nageng. Mara yi sa ji ke monna wa gore aa bollwa. 49 Go nyoko bereka molawo ka wwoši ga motho wa gore o belegiwwe mone nageng le ga motho wa gore o tšwa a sepela wa gore o dula le lune.”

50 Byalo Maisrayele ka moka ma maka tso Jehova a di butsiyeng Moše le Aroni. Ma f’lo maka ka mokgonone. 51 Ka lona letšatši lowa, Jehova o ntshiye batho ba Israyele ka moka nageng ya Egepita.

13 Jehova a ya mahlong a bolabola le Moše a re: 2 “Maka gore letšibula le lengwana le le lengwana la monna la Maisrayele go be laka. Morwayi wa mathomo wa Leisrayele le phoolwane ya mathomo ya phoolo ke tsaka.”

3 Ke mokane Moše a botsa batho gore: “Le gopole letšatši lowa la gore le tšwile ka lona Egepita, le tšwa bobhantinting, ka gore Jehova o le ntshiye gana hone ka letsogo lage la go ba le matšhika. Byalo, le sa ji selo sa gore se na le dikomelo. 4 Le nyoko tšwa ka letšatši lowa, ka kgwedi ya Abhibhi.* 5 Mo Jehova a šele a le kenisiye nageng ya Makanana, Mahethe, Maamore, Mahivi le ya Majebuse ya gore o tshepisiye bokokwane ba lune gore o nyoko le neya yona, naga ya gore yi yela lebese le mamapo, le dule le maka monyanya wowa ka kgwedi yowa. 6 Le fetse kašupa (7) ya matšatši le ja sekgwa sa gore a se na dikomelo, fote ka letšatši la kašupa le nyoko kgobakana gore le thanake Jehova. 7 Le fetse kašupa (7) ya matšatši le ja sekgwa sa go se na dikomelo; go sa be le selo sa gore se na le dikomelo hone ga lune, fote hone nageng ya lune ka mokana ga yona go sa be le motho wa gore o na le folawa ya go dubiwa ya gore yi bidiye. 8 Ka letšatši lone o botse morwayi wago gore, ‘Nka taba la tso Jehova a mmakeleng tsona nakwela ke tšwa Egepita.’ 9 Fote tsotsone go nyoko ba mošupetso mo letsogong lago le segopotso mo mopong wago, gore molawo wa Jehova wo dule wo le molomong wago ka gore Jehova o go ntshiye Egepita a berekisa matšhika yage. 10 Le make tso di hlayang ke molawo wowa ka nako ya gona mongwaga wo mongwana le wo mongwana.

11 “Mo Jehova a le kenisa nageng ya Makanana, ya gore o tshepisiye gore o nyoko yi neya lune le bokokwane ba lune, 12 le neye Jehova letšibula le lengwana le le lengwana la monna, le phoolwane ye nngwana le ye nngwana ya phoolo ya morape wo le ko bang le le nawo. Tso tsa phoolo ke tsa Jehova. 13 Sebhongholwane se sengwana le se sengwana sa letšibula le se lepolle ka nku, mo le ka sa se lepolle, di nyaka le se robe molala. Fote matšibula ka mokana ga wona ya banna ya barwayi ba lune le ma lepolle.

14 “Mo di ka makega gore ka nthago morwayi wago a go butsise gore, ‘Dilo tsowa di ra gore king?’ o mmotse gore, ‘Jehova o re ntshiye Egepita a berekisa letsogo lage la go ba le matšhika, o re ntshiye bobhantiting. 15 Nakwela Faro a fo tiwomisa hlogo a gana go re lisetsa re sepela, Jehova o bolayye matšibula ka mokana ga wona ya naga ya Egepita, go tlugisela ka letšibula la motho go segela ka letšibula la phoolwane. Nka taba lo ke makelang Jehova sehlabelo ka matšibula ya diphoolo ka mokana ga wona, fote ke lepolla matšibula ka mokana ga wona ya barwayi baka.’ 16 Go nyoko ba mošupetso mo letsogong lago le mo mopong wago, ka gore Jehova o re ntshiye Egepita a berekisa letsogo lage la go ba le matšhika.”

17 Byalo, mo Faro a lisetsa batho bone gore ba sepele, Modimo aa ba yetetsa gore ba sepele ka pata ya gore yi nageng ya Mafilisita le mo nkare ne yi le thina. Ka gore Modimo ke mo a re: “Batho bowa ba ka tšhentšha monagano mo ba gahlana le ba go nyoko lwa nabo, fote ba nyoko boyela Egepita.” 18 Byalo, Modimo a maka gore batho ba dukuluge ka pata ya mašahleng ya Lewatle le Lekhubedu. Mo Maisrayele ma tšwa nageng ya Egepita ke mo ma sepela nkare ma ya ntweng. 19 Moše o sipidiye le mašapo ya Josefa, ka taba la gore Josefa o makiye gore barwayi ba Israyele ba mo tshepise mo a re: “Modimo a ka sa le lebale, fote le sepeleneng le mašapo yaka mo le tloga mowa.” 20 Ba tloga Sukhothe ba ya ba kampa Ethamo mo go felelang mašahla.

21 Byalo Jehova ke mo a ba yetetsa ka liru motshegare, bošego a ba yetetsa ka mollo, a ba khanyisela gore ba thogo sepela motshegare le bošego. 22 Liru lone ke mo le sa tloge ga batho bone motshegare, le mollo wone ke mo wo sa tloge bošego.

14 Byalo Jehova a re ga Moše: 2 “Botsa Maisrayele gore ma sologe ma ye kampa mahlong ga Pihahirothe, segare ga Mighidoli le lewatle, ba libiye Bhaali-zefone. Le kampe le yi libiye le le lewatleng. 3 Ke mokane Faro o nyoko bolabola ka Maisrayele a re, ‘Ba lahlegiye. A ba na ga go tšwa ku mašahleng.’ 4 Ke nyoko lisetsa Faro a tiwomisa hlogo, o nyoko ba lelekisa, fote ke nyoko tigadimisa ka taba la Faro le masole yage ka mokana ga wona; Maegepita ma nyoko di tšiba gore ke nna Jehova.” Byalo ba f’lo maka ka mokgonone.

5 Ka nthago ba botsa kgoši ya Egepita gore batho bala ba tšhabiye. Faro le malata yage ba napa ba tšhentšha monagano ka batho bala ke mokane ba re: “Ke ntaba re makiye ka mokgo, ra lisetsa Maisrayele gore go sa sa ba mabhantiti ya rune?” 6 Byalo, a lukisa dikotšikara tsage tsa ntwa, a ya le batho bage. 7 A tseya 600 ya dikotšikara tsage tsa gore o di tseyela gedimo, a tseya le dikotšikara tse dingwana ka mokana ga tsona tsa Egepita, ke mo go na le masole mo ga tsona. 8 Jehova a lisetsa Faro kgoši ya Egepita gore a tiwomise hlogo, a lelekisa Maisrayele, Maisrayele ma tšwile mone ma sa tšhabe selo. 9 Maegepita ma ba lelekisa, fote dipera le dikotšikara ka mokana ga tsona tsa Faro, le bo ba go kalama dipera le masole ka mokana ga wona ke mo ba kene ba šutela mo Maisrayele ma kampiyeng gona hala thina le lewatle, hala Pihahirothe ba libiye Bhaali-zefone.

10 Mo Faro a šutela, Maisrayele ma yemisa dihlogo ma bona Maegepita ma ba lelekisa. Maisrayele ma thomisa go tšhoga ka matla ke mokane ma llela Jehova. 11 Maisrayele ma botsa Moše gore: “Go ro ba go se na mabitla ku Egepita mo o šinya o re leya howa gore re kgwele mašahleng? O re makiye ying mara? Ke ntaba o re ntshiye Egepita? 12 A yi tsona tsotso ne re go botsa tsona ku Egepita? A re ya go botsa gore, ‘Re lisetse, gore re thogo berekela Maegepita’? Ka gore go berekela Maegepita go phala go kgwela mo mašahleng.” 13 Ke mokane Moše a botsa batho bala gore: “Le sa tšhoge. Yemaneng le sa thogathoge, le bone mo Jehova a le phonisa lekgono. Ka gore Maegepita ya le ma bonang lekgono, le ka sa sa tsoga le ma bonne fote. 14 Jehova o nyoko le lwela, lune le nyoko fo re tsee!”

15 Byalo, Jehova a re ga Moše: “Ke ntaba le ya mahlong le nllela? Botsa Maisrayele gore ma tloge. 16 Wene yemisa thoka yago, o wololele letsogo lago hala lewatleng o le yahluganye gore Maisrayele ma fete gare ga lewatle ga gore go womme. 17 Nna ke nyoko lisetsa Maegepita ma tiwomisa dihlogo, gore ma lelekise Maisrayele; ke nyoko tigadimisa ka taba la Faro le masole yage, dikotšikara tsage tsa ntwa le banna ba go kalama dipera tsage. 18 Fote Maegepita ma nyoko ro di tšiba gore ke nna Jehova mo ke tigadimisa ka taba la Faro, dikotšikara tsage tsa ntwa le banna ba go kalama dipera tsage.”

19 Ke mokane lengeloyi la Modimo wa mannete la gore ke mo le yetetsa Maisrayele la tloga la ya ka nthago ga bona, fote liru lo ne le le mahlong ga bona la tšhiroga la ya ka nthago ga bona, la yema gana hone. 20 Byalo, la yema segare ga Maegepita le Maisrayele. Ka nthoko ye nngwana ke mo go le liru la gore le fifele. Ka nthoko ye nngwana le khanyisiye. Mogoba wo mongwana ke mo wo sa kgone go šutela ga mogoba wo mongwana bošego ka moka.

21 Byalo Moše a wololela letsogo lage ku lewatleng; Jehova a maka gore moya wo mogolo wa ka bohlabela wo tšutle bošego ka moka, meetši yala ma yahlugana ke mokane mo fase ga lewatle gwa woma. 22 Byalo Maisrayele ma feta gare ga lewatle ga gore go womme, meetši ma kene ma makiye mapharo ka letsogong la bona la go ja le la sepata. 23 Maegepita ma ba lelekisa, dipera ka mokana ga tsona tsa Faro, dikotšikara tsage tsa ntwa le banna ba go kalama dipera tsage ba thomisa go ba šala nthago ba kena ku gare ga lewatle. 24 Mo go sa le ka phu,* Jehova a lebelela Maegepita a le ku mollong le ku lirung, fote a maka gore Maegepita ma hlakahlakane. 25 O f’lo ya mahlong a ntsha mabilo ya dikotšikara tsa bona gore go sa be lula gore ba sepele ka tsona, fote Maegepita ke mo ma re: “Tla re tšhabeneng mowa ga Maisrayele, ka gore Jehova o lwa le Maegepita gore a gelepe Maisrayele.”

26 Ke mokane Jehova a re ga Moše: “Wololela letsogo lago gedimo ga lewatle gore meetši ma boye ma tle ma kogele Maegepita, dikotšikara tsa wona tsa ntwa le banna ba go kalama dipera tsa wona.” 27 Moše a napa a wololela letsogo lage gedimo ga lewatle, fote mo go šele go nyoko ba ka bošego, lewatle la boyela sikeng. Mo Maegepita ma re maa tšhaba, Jehova a lahlela Maegepita ku gare ga lewatle. 28 Mo meetši yala ma boyela, ma kogela dikotšikara tsa ntwa, banna ba go kalama dipera le masole ya Faro ka mokana ga wona ya gore ke mo ma kenne ku lewatleng ma lelekisa Maisrayele. A go na le ka wwoši ye a yyeng a phona.

29 Mara Maisrayele ma sipidiye ga gore go womme ku gare ga lewatle, meetši ma kene ma makiye mapharo ka letsogong la bona la go ja le la sepata. 30 Byalo Jehova a phonisa Maisrayele ga Megepita ka letšatši lone, fote Maisrayele ma bona Maegepita ma kgwile ku lerophong la lewatle. 31 Mo Maisrayele ma di bona gore Jehova o berekisiye matšhika yage ya magolo gore a fetse ka Maegepita, batho ba thomisa go tšhaba Jehova fote ba dumela ga Jehova le ga lelata lage Moše.

15 Ka nako yonone, Moše le Maisrayele ba yepelela Jehova koša yowa:

“Yema ke yepelelele Jehova ka gore o hlompiwa ka matla.

O bošele pera le ye a yi kalammemg teng ga lewatle.

 2 Jah* ke matšhika yaka, ka gore ke yene a mphonisang.

Yewa ke Modimo waka, fote ke nyoko mo thanaka; ke yene Modimo wa papaka, fote ke nyoko mo hlompa.

 3 Jehova ke lesole la go ba le matšhika. Lebitso lage ke Jehova.

 5 Ba kogele ke maphoto ya lewatle; ba sobela go tshwana le letlapa ku ga gore gwa yisa.

 9 Manaba ya rune ma re: ‘Re nyoko ba lelekisa! Re nyoko ba kraya!

Re nyoko tseya dilo tsa bona go segela re kgotsofala!

Re nyoko ntsha disabola tsa rune! Re nyoko fetsa ka bona!’

11 Ga medimo yo yi leng gona ke mang modimo wa gore o tshwana nago, wene Jehova?

Ke mang wa gore o tshwana nago wa gore o hlawolegiye ka matla?

Wene wa gore o hlompiwa ka dikoša tsa go thanaka, wene wa gore o maka mehlolo.

12 O wolodiye letsogo lago la go ja, lefase la ba kgwisa.

Batho ka mokana ga bona ba go dula Kanana ba nyoko tapega matšhika.

16 Ba nyoko šala ba tšhugiye fote ba hlagasela.

18 Jehova o nyoko lawola go le kgoši go ya go yye.

20 Ke mokane Miriyamo wa gore ke moporofeta wa mosadi, sesi wa Aroni, a tseya moropa, basadi ka mokana ga bona ba mo šala nthago ba tshwere meropa ba kene ba bina. 21 Miriyamo a yepelela a fetola banna bala a re:

“Yepelelaneng Jehova ka gore o hlompiwa ka matla.

O bošele pera le ye a yi kalammeng teng ga lewatle.”

22 Ka nthago Moše a tloga le Maisrayele Lewatleng le Lekhubedu, ba ya mašahleng ya Šuri, ba fetsa kararo (3) ya matšatši ba sepela ku mašahleng, mara ke mo ba sa kraye meetši. 23 Ba segela Maara,* mara ke mo ba sa kgone go nwa meetši ya mone Maara ka taba la gore ke mo ma galaka. Nka taba lo a yitsering poleke yone ke Maara. 24 Byalo, batho ba thomisa go tla ga Moše ba kokola ba re: “Re nyoko nwa ying?” 25 Moše a llela Jehova ke mokane Jehova a mo šupetsa mohlare. Mo a wo bošela ka ku meetšing, meetši yala ma thomisa go tswetswenya.

Modimo o makiye gore taba yowa go be mošupetso, gore batho ba tšibe tso Modimo a di nyakang ga bona. Modimo o ba liketsiye gore a thogo di bona gore ayitsano ba nyoko mo theetsela kela awwa. 26 O yitseri: “Mo le ka theetsela lentsu la Jehova Modimo wa lune la maka tsa go loka mahlong gage, la theetsela melawo yage le tso tsa go le yetetsa gabutši, nka sa le leyele malwele ya gore ke ma leyele Maegepita ka gore nna Jehova ke ya le yalafa.”

27 Ka nthago ga hone, ba segela Elimi ga gore ke mo go na le 12 ya didiba tsa meetši le 70 ya mehlare ya mopalema. Ba kampa gana hone thina le meetši.

16 Ka nthago ga mo ba tlugiye Elimi, setšhaba sa Maisrayele ka mokana ga sona sa fetsa se segele mašahleng ya Sini ya gore yi segare ga Elimi le Sinayi, ka letšatši la bo 15 la kgwedi ya bobedi (2) ya mo ba tlugiye nageng ya Egepita.

2 Setšhaba ka mokana ga sona sa Maisrayele sa thomisa go kokola ga Moše le Aroni ku mašahleng. 3 Maisrayele ke mo ma fo dula ma ba botsa gore: “Nke Jehova a re bolayye ku nageng ya Egepita ga gore ke mo re ja nama, re ja le sekgwa re šala re kgotsofele. Gana byalo le re leyye ho mašahleng gore le bolaye phutego ka mokana ga yona ka tlala.”

4 Ke mokane Jehova a re ga Moše: “Ke nyoko le nisela sekgwa se tšwa magedimong, motho ye mongwana le ye mongwana a tšwe a ye kotela sa go mo lekana letšatši le lengwana le le lengwana, gore ke ba liketse ke bone gore ba nyoko sepela ka molawo waka kela awwa. 5 Mara ka letšatši la kobodi (6) mo ba lukiselela tso ba di koteleng, go be tsa go lekana matšatši ka mabedi (2).”

6 Byalo Moše le Aroni ba botsa Maisrayele ka mokana ga wona gore: “Ka malobana le nyoko di tšiba gore Jehova ke yene a le ntshiyeng nageng ya Egepita. 7 Ka bošego le nyoko bona go gadima ga Jehova ka gore o le kwile mo le kokolela Jehova. Rune ke rune bomang la gore le ka šinya le re kokolela?” 8 Moše a ya mahlong a re: “Mo Jehova a le neya nama gore le je ka malobana fote ka bošego a le neya sekgwa gore le je le kgotsofale, le nyoko di bona gore Jehova o le kwile mo le mo kokolela. Mara rune ke rune bomang? Phela a le kokolele rune, mara le kokolela Jehova.”

9 Ke mokane Moše a re ga Aroni: “Botsa setšhaba sa Israyele ka mokana ga sona gore, ‘Šutelaneng mahlong ga Jehova ka gore o le kwile mo le kokola.’” 10 Mo Aroni a fetsa go bolabola le setšhaba sa Israyele ka mokana ga sona, ba sokologa ba liba ku mašahleng, ba bona go gadima ga Jehova go nyarele hala lirung.

11 Jehova a ya mahlong a bolabola le Moše a re: 12 “Ke di kwile mo Maisrayele ma kokola. Ma botse gore, ‘Ka malobana le nyoko ja nama fote ka bošego le nyoko ja sekgwa la šala le kgotsofele, le nyoko di tšiba gore ke nna Jehova Modimo wa lune.’”

13 Byalo, ka malobana yane gwa tla dikhwiri* dya tlala mo ne ba kampiye gona, fote ka bošego ke mo go na le phooka mo ba kampiyeng gona ka mokana ga gona. 14 Mo phooka yi thomisa go tloga, hala mašahleng ke mo go na le selo se sesesane sa gore se yatladiye ho fase, sa gore se fo šehlulugana, go le se sesesane go tshwana le sebera mo se le mo fase. 15 Mo Maisrayele ma di bona, ma thomisa go bolabodisana ma re, “King tsotso?” ka gore ke mo ba sa di tšibi gore king. Moše a re ga bona: “Ke sekgwa so Jehova a le neyyeng sona gore le je. 16 Tsowa ke tso Jehova a di hlayyeng, ‘Di nyaka ye mongwana le ye mongwana wa lune a kotele tsa go lekana gore a je. Motho ye mongwana le ye mongwana le mo tseyele tsa go lekana gana hala ga dilitha ka dipedi (2),* di ya ka gore go na le batho ka bakaye letenteng la ye mongwana le ye mongwana wa lune.’” 17 Maisrayele ma thomisa go maka ka mokgonone; ma ye koteleng, ya mangwana ma kotela tsa go tlala, ya mangwana ma kotela tse dinyana. 18 Mo ba di kala ka omere, ke mo go sa šale selo ga ye wa gore o kotele tsa go tlala fote ga ye wa gore o kotele tse dinyana ke mo go sa gayele selo. Ye mongwana le ye mongwana o kotele tso a ka kgonang go di ja.

19 Ke mokane Moše a re: “Go sa be le ye a di šiyang go segela ka bošego.” 20 Mara ba sa mo theetsele ga Moše. Mo ba bangwana ba di šiya go segela ka bošego, ke mo di ba le diboko fote di nkga, Moše a ba kwatela. 21 Ke mo ba di kotela ka bošego byo bongwana le byo bongwana, ye mongwana le ye mongwana a kotela go ya ka mokgo a ka jang. Mo letšatši le fisa, ke mo di tuluga.

22 Ka letšatši la kobodi (6), ke mo ba kotela sekgwa sa go lekana matšatši ka mabedi (2), motho ye mongwana le ye mongwana ke mo a kotele dikala ka dipedi (2) tsa omere. Byalo, dindhuna ka mokana ga tsona tsa setšhaba dya tla dya botsa Moše. 23 Mo ba reyane, Moše a re ga bona: “Ke tso di hlayyeng ke Jehova. Ka motshwana go nyoko ba letšatši la go khutsa, sabatha ya go hlawolega ya Jehova. Bhakaneng tso le nyakang go di bhaka, le kgukgubege tso le nyakang go di kgukgubega; tso di ko bang di šele le di beyeneng go segela ka bošego.” 24 Byalo, ba di beya go segela ka bošego ka mokgo Moše a ba butsiyeng ka gona, ke mo di sa nkge, fote ke mo di se na diboko. 25 Ke mokane Moše a re: “Lekgono janeneng tso le di beyyeng, ka gore ke sabatha ya Jehova. Lekgono le ka sa di kraye mo fase. 26 Le nyoko fetsa kobodi (6) ya matšatši le di kotela, mara ka letšatši la kašupa (7) la gore ke Sabatha di nyoko ba di se šiyo.” 27 Batho ba bangwana ba fo ya go ye koteleng ka letšatši la kašupa (7), mara ba sa kraye selo.

28 Byalo Jehova a re ga Moše: “Le nyoko gana go theetsela tso ke di hlayang le melawo yaka go segela neng? 29 Le sa lebale taba ya gore Jehova o makiye gore le be le Sabatha. Nka taba lo ka letšatši la kobodi (6) a le neyang sekgwa sa matšatši ka mabedi (2). Ye mongwana le ye mongwana a dule mo a leng; go sa be le ye a yang go gongwana ka letšatši la kašupa (7).” 30 Byalo, batho ba gopola Sabatha ka letšatši la kašupa (7).

31 Ba ntlo ya Israyele ba re sekgwa sone ke “manna.”* Ke mo se tshwana nyana le dithoro tse di tšhwewu, fote ka mo ganong ke mo se tshwana le sekgwa sa sepsyatla sa gore se na le mamapo. 32 Moše a re: “Tsowa ke tso Jehova a di hlayyeng, ‘Kotelaneng tsa go lekana omere go be selo sa gore se nyoko ba gona ga leloko la lune ka mokana ga lona, gore ba tle ba bone sekgwa so ke le neyyeng sona gore le je ku mašahleng nakwela ke le ntsha nageng ya Egepita.’” 33 Moše a botsa Aroni gore: “Tseya jeke o tšhele manna ya go lekana omere o yi beye mahlong ga Jehova gore go be selo sa gore se nyoko ba gona ga leloko la lune ka mokana ga lona.” 34 Aroni a yi beya mahlong ga lebhokisi la go hlawolega gore yi dule yi le gona, go fo ya ka mokgo Jehova a butsiyeng Moše. 35 Maisrayele ma fetsiye 40 ya mengwaga ma ja manna go šinya ma segela nageng ya gore go dula batho. Ma jile manna go šinya ma segela mo naga ya Kanana yi kgerang gona. 36 Lesome (10) la diomere le lekana le ifa.*

17 Setšhaba ka mokana ga sona sa Israyele sa tloga mašahleng ya Sini, ke mo se tloga ga poleke ye nngwana se ya ga ye nngwana go ya ka mokgo Jehova a hlayang, sa ya sa kampa polekeng ya Refidimo. Mara ke mo go se na meetši ya gore batho ba nwe.

2 Byalo batho ba thomisa go lwa le Moše ba re: “Re neye meetši ya go nwa.” Mara Moše a re ga bona: “Ke ntaba le lwa le nna? Ke ntaba le dula le liketsa Jehova?” 3 Mara batho ke mo ba wonngwe meetši ka matla gana hone, fote ba ya mahlong ba kokola ga Moše ba re: “Ke ntaba o re ntshiye Egepita wa re leya howa, rune, bana ba rune le diphoolwane tsa rune, ayitsano ke mo o nyaka re kgwe ka taba la go wongwa meetši?” 4 Moše a fetsa a llele Jehova a re: “Ke make ying ka batho bowa? Go se botala ba nyoko mpshyaya ka matlapa!”

5 Ke mokane Jehova a re ga Moše: “Yeta batho bowa mahlong, fote o sepele le banna ba bangwana ba bagolo ba Israyele, le thoka yago ya gore o teyye Noka ya Nayile ka yona. Yi tshware ka letsogo o sepele. 6 Ke nyoko ba ke yemme mahlong gago ku letlapeng la Horebe. O teye letlapa lone, meetši ma nyoko tšwa mone ga lona, fote batho ba nyoko ma nwa.” Moše a maka tsotsone mahlong ga banna ba bagolo ba Israyele. 7 Byalo a reya poleke yone gore ke Maasa* le Meribha* ka taba la gore Maisrayele ma lwile naye le ka gore ma liketsiye Jehova mo ma re: “Ayitsano Jehova o gona ho gare ga rune kela awwa?”

8 Ke mokane Maamaleke ma tla ma lwa le Israyele ku Refidimo. 9 Ke mokane Moše a re ga Jošuwa: “Re hlawolele banna ba gore ba nyoko ya ba ye lwa le Maamaleke. Ka motshwana ke nyoko ya ke ye yema ku gedimo ga mmoto, ke tshwere thoka ya Modimo wa mannete.” 10 Ke mokane Jošuwa a maka ka mokgo Moše a mmutsiyeng, a ya a lwa le Maamaleke. Fote Moše, Aroni le Hure ba ya ku gedimo ga mmoto.

11 Mo Moše a yisiye matsogo yage gedimo Maisrayele ke mo ma hlula, mara mo a yisa matsogo yage fase ke mo go hlula Maamaleke. 12 Mo matsogo ya Moše ma tinwa, ba tseya letlapa ba le beya ka tlase gage, a dula gedimo ga lona. Aroni le Hure ke mo ba le ka mo mathoko ba thegiye matsogo yage gore ma sa ye fase go segela le dikela. 13 Jošuwa a hlula Amaleke le batho bage ka sabola.

14 Byalo Jehova a re ga Moše: “Ngwala dilo tsowa ka pukung gore go be segopotso, fote o di botse Jošuwa o re, ‘Ke nyoko fetsa ka Maamaleke, fote ma ka sa sa gopodiwa le ka gonyana.’” 15 Moše a yaga aletare fote a yi bitsa gore ke Jehova-nisi,* 16 ke mo a re: “Ka taba la gore letsogo lage le lwa le bogoši bya Jah, Jehova o nyoko lwa le leloko la Maamaleke ka moka.”

18 Byalo Jethro moprista wa Midiyane wa gore ke ratswale wa Moše, o kwelele dilo ka mokana ga tsona tso Modimo a di makeleng Moše le batho bage ba Maisrayele, ka mokgo Jehova a ntshiyeng Maisrayele ku Egepita. 2 Ratswale wa Moše, Jethro, ke mo a pasopa Ziphora mosadi wa Moše, wa gore Moše ke mo a mmusetsiye gaye, 3 ke mo a na le barwayi bage ka babedi (2). Morwayi ye mongwana ke mo ba re ke Ghešomo,* ka gore Moše ne a re, “Ke fetogiye motho wa go tšwa a sepela ga poleke yowa,” 4 ye mongwana ke mo ba re ke Eliyazara* ka gore Moše ke mo a re, “Modimo wa papaka ke yene a n’gelepang, o mphonisiye ga sabola ya Faro.”

5 Byalo, Jethro ratswale wa Moše, barwayi ba Moše le mosadi wage ba tla ga Moše ku mašahleng ga gore ke mo a kampiye gona thabeng ya Modimo wa mannete. 6 Ke mokane a romela molayetsa ga Moše a re: “Nna ratswale wago Jethro, ke tla le mosadi wago le barwayi bage ka babedi (2).” 7 Moše a napa a ye gahlanetsa ratswale wage, a yinama a mo khisa. Mo ba fetsa go tamisana ba kena letenteng.

8 Moše a hlayisela ratswale wage dilo ka mokana ga tsona tso Jehova a di makiyeng Faro le Maegepita ka taba la Maisrayele, a mmotsa le mathatha ka mokana ga wona ya ba gahlanneng nawo mo tseleng le ka mokgo Jehova a ba phonisiyeng ka gona. 9 Jethro a jabola ka taba la dilo ka mokana ga tsona tsa gabutši tso Jehova a di makeleng Maisrayele ka go ba phonisa Egepita. 10 Ke mokane Jethro a re: “Go thanakiwe Jehova wa gore o le phonisiye Egepita le ga Faro, wa gore fote o phonisiye batho bowa ga Maegepita ya gore ne ma ba kgahleletsa. 11 Byalo ke ya di tšiba gore Jehova o phala medimo ye mengwana ka mokana ga yona, ka taba la gore o pasopiye batho bage ga manaba ya bona ya go ba le magetla.” 12 Ke mokane Jethro ratswale wa Moše a tla le sehlabelo sa go tšhubiwa le dihlabelo tsa gore ne di tshwanele di neyiwe Modimo, fote Aroni le banna ba bagolo ka moka ba Israyele ba tla ba tl’le ja tsa go ja le ratswale wa Moše mahlong ga Modimo wa mannete.

13 Ka motshwana wa gona, Moše a dula fase gore a yahlule batho ka mokgo ne a tlwayele, batho ba f’lo ya mahlong ba tla, fote ba yema mahlong ga Moše go tlugisela ka bošego go segela ka malobana. 14 Mo ratswale wa Moše a bona dilo ka mokana ga tsona tso Moše a di makelang batho, a re: “Ke ntaba o maka mmereko wowa o ntoši? Ke ntaba o dula howa o ntoši batho ka mokana ga bona ba yema mahlong gago go tlugisela ka bošego go segela ka malobana?” 15 Moše a re ga ratswale wage: “Nka taba la gore batho bowa ba dula ba tla ho gaka ba nyaka go kwa gore Modimo o re king. 16 Mo go ba le taba yi tla gaka, di nyaka nna ke yi yahlule, fote ke ba botse sepheto sa Modimo wa mannete le melawo yage.”

17 Ratswale wa Moše a re gage: “Tso o di makang a di gabutši. 18 O nyoko tinwa, wene le batho bo o nang nabo, ka taba la gore mmereko wowa ke wo mogolo gore wene o ka wo maka o le ntoši. 19 Byalo ntheetsele. Ke nyoko go yeletsa, fote Modimo o nyoko ba nago. Wene o yemela batho bowa ga Modimo wa mannete, fote ditaba tso ba di leyang di nyaka o di botse Modimo wa mannete. 20 Di nyaka o ba botse dipheto le melawo ya Modimo, o ba botse gore ba phele byang, o ba botse le ka mmereko wo ba tshwaneleng go wo maka. 21 Mara mo ga batho bowa o hlawole banna ba go hlompa Modimo, ba gore baa tshwanelega, baa tshepega fote a ba kwane le tšheleta ya bošakašakane, o make gore go be dindhuna tsa go wokamela megoba ya go ba le sekete sa batho, megoba ya go ba le lekgolo la batho, megoba ya go ba le 50 ya batho le megoba ya go ba le lesome (10) la batho. 22 Go be bona ba yahlulang batho mo go ba le taba, taba ye nngwana le ye nngwana ya gore ya hlupa ba nyoko yi leya gago mara taba ye nngwana le ye nngwana ya gore yi lula ba nyoko segelela sepheto. Tipomele mmereko, ba lisetse ba go gelepe go maka mmereko wowa. 23 Mo o ka maka ka mokgonone, fote mo nkare tsotsone ke tso Modimo a di nyakang, o ko thogo maka mmereko wone, fote batho ka mokana ga bona ba nyoko ya gaye ba kgotsofele.”

24 Moše a napa a theetsela ratswale wage, fote a maka dilo ka mokana ga tsona tso a mmutsiyeng tsona. 25 Moše a hlawola banna ba gore baa tshwanelega Israyele ka mokana ga yona, a maka gore go be le dindhuna tsa go wokamela megoba ya go ba le sekete sa batho, megoba ya go ba le lekgolo la batho, megoba ya go ba le 50 ya batho le megoba ya go ba le lesome (10) la batho. 26 Byalo, ba yahlula batho mo go nyarela taba. Taba ya gore ne yi hlupa ke mo ba yi yisa ga Moše, mara ke mo ba yahlula taba ye nngwana le ye nngwana ya gore yi lula. 27 Ka nthago ga mone, Moše a layela ratswale wage ke mokane ratswale wage a ya nageng yage.

19 Ka kgwedi ya kararo (3) ka nthago ga mo Maisrayele ma tšwile nageng ya Egepita, ma segele mašahleng ya Sinayi ka letšatši lone. 2 Ma tlugiye Refidimo ma segela mašahleng ya Sinayi, ma kampa gana mone mašahleng. Israyele ke mo yi kampiye mahlong ga thaba.

3 Ke mokane Moše a ya ga Modimo wa mannete, Jehova a mmitsa a le ku thabeng a re: “O botse ba mutši wa Jakobo le Maisrayele gore, 4 ‘Le di bonne tso ke di makiyeng Maegepita gore ke thogo le kakola go tshwana le mo lenong le kakodiye bana ba lona, gore ke le leye ho gaka. 5 Byalo, mo le ka theetsela lentsu laka la maka tso re kwanneng ka tsona, le nyoko ba batho baka ba go hlawolega ga batho ka mokana ga bona ka gore lefase ka mokana ga lona ke laka. 6 Le nyoko ba setšhaba saka sa go hlawolega, maprista ya gore ma lawola go le magoši.’ O botse Maisrayele mantsu yawa.”

7 Byalo, Moše a bitsa banna ba bagolo ba gore ne ba yemela batho bone, a ba botsa dilo ka mokana ga tsona tso Jehova a mmutsiyeng tsona. 8 Ka nthago, batho ka mokana ga bona ba fetola ba kwana ba re: “Dilo ka mokana ga tsona tso Jehova a di hlayyeng, re nyoko di maka.” Moše a napa a yisa phetolo ya batho bone ga Jehova. 9 Fote Jehova a re ga Moše: “Bona, ke tla gago ka liru la gore le fifele, gore batho ba thogo nkwa mo ke bolabola nago le gore ba dule ba go tshepa.” Ke mokane Moše a botsa Jehova mantsu ya batho bala.

10 Ke mokane Jehova a re ga Moše: “Ariye o ye maka gore batho bowa ba tiyedise lekgono le ka motshwana, fote ba hlatswe dikobo tsa bona. 11 Fote di nyaka ba tilukiselele letšatši la kararo (3), ka gore ka letšatši la kararo Jehova o nyoko thewoga Thabeng ya Sinayi mahlong ga batho ka mokana ga bona. 12 O kgerele batho go dukuluga thaba yone fote o ba botse gore, ‘Le pasope le sa kalame thaba yowa kela go tikisa mo yi kgerang. Ye mongwana le ye mongwana ye a yi tikisang o nyoko kgwa. 13 A di nyake a tikisa ke motho, mara ba nyoko mo pshyaya ka matlapa kela ba mo thunya ka mesefo. A go na so se nyoko phelang, go ka fo ba go le motho kela phoolwane.’ Mara mo go lla phalafala* ba ka tla thabeng.”

14 Ke mokane Moše a phologa hala thabeng a ya ga batho bala, a maka gore ba tiyedise fote ba hlatswa dikobo tsa bona. 15 A botsa batho bala gore: “Tilukiseleleneng letšatši la kararo (3). Le sa makeneng tsa mapaying.”*

16 Ka letšatši la kararo (3) ka bošego, ke mo go na le leduma le legadima fote ke mo go na le liru la gore le fifele ku thabeng, gwa kwagala modumo wa go rasa wa phalafala, batho ka mokana ga bona ba ku kampeng ba thomisa go hlagasela. 17 Byalo, Moše a ntsha batho ku kampeng gore ba gahlane le Modimo wa mannete, ke mokane ba yema ku go thomisang thaba. 18 Ke mo go na le mmuši thabeng ya Sinayi ka mokana ga yona, ka taba la gore Jehova o tlile ga yona ka mollo; mmuši wone ke mo wo yinuga go tshwana le mmuši wa ontong, fote thaba yone ka mokana ga yona ke mo yi tekateka ka matla. 19 Mo modumo wa phalafala wo ya wo kene wo rasa, Moše a bolabola, Modimo wa mannete a mo fetola.

20 Byalo, Jehova a thewoga gedimo ga thaba ya Sinayi. Ke mokane Jehova a botsa Moše gore a tle gedimo ga thaba, Moše a ya. 21 Byalo Jehova a re ga Moše: “Ariye o ye botsa batho bala gore ba sa liketsi go gapeletsa go tl’le bona Jehova, ka gore ba go tlala ba nyoko kgwa. 22 O make gore maprista ya gore ma dula ma ya mahlong ga Jehova ma tiyedise, gore Jehova a sa ma bolaye.” 23 Moše a re ga Jehova: “Batho ba ka sa di kgone go yinuga ba tla Thabeng ya Sinayi ka taba la gore o šele o re pasopisiye, wa re, ‘O kgere go dukuluga thaba yone, fote o make gore yi hlawolege.’” 24 Mara Jehova a re gage: “Ariye, thewoga o boye o yinuge o na le Aroni, mara o sa lisetsi maprista le batho ba gapeletsa go tla ga Jehova, gore a sa ba bolaye.” 25 Byalo, Moše a thewoga a ya ga batho bala fote a ba botsa tso Modimo a di hlayyeng.

20 Ke mokane Modimo a bolabola mantsu yawa ka mokana ga wona, a re:

2 “Ke nna Jehova Modimo wago wa gore o go ntshiye nageng ya Egepita, polekeng ya gore ke mo o le lebhantiti ga yona. 3 Di nyaka o rapele nna ke ntoši, o sa rapele medimo ye mengwana.

4 “O sa timakele sethombhe sa go betliwa kela selo sa go tshwana le tso di leng magedimong, lefaseng kela meetšing. 5 O sa di kgotamele kela go di berekela ka gore nna Jehova Modimo wago ke nna Modimo wa gore o nyaka o felegelele mo o tineyela gage, wa gore o wolola barwayi ka taba la tso di sinnyeng ke bopapa ba bona ga leloko la kararo (3) le leloko la kanne (4) la bo ba nhloyyeng, 6 mara ke šupetsa gore ke kwelana go baba go segela ka leloko la sekete la bo ba gore ba nnyaka ka matla ba boya ba theetsela melawo yaka.

7 “O sa berekisi lebitso la Jehova Modimo ga dilo tsa go sa re selo, ka gore Jehova a ka sa lisetsi motho wa gore o berekisa lebitso lage ga dilo tsa go sa re selo a sa mo wolole.

8 “O gopole letšatši la Sabatha gore o make gore le dule le hlawolegiye. 9 O make mmereko wago ka mokana ga wona ka kobodi (6) ya matšatši, 10 mara letšatši la kašupa (7) ke sabatha ya Jehova Modimo wago. Go sa be le mmereko wo le wo makang, wene kela morwayi wago kela morwediya wago kela lelata lago la monna kela lelata lago la mosadi kela phoolwane yago ya gaye kela motho wa gore o tšwa a sepela wa gore o mutšing wago. 11 Ka gore Jehova o makiye magedimo, lefase, lewatle le dilo ka mokana ga tsona tso di leng ga tsona ka kobodi (6) ya matšatši, a thomisa go khutsa ka letšatši la kašupa (7). Nka taba lo Jehova a rufiyeng letšatši la Sabatha fote a le maka gore le hlawolege.

12 “Hlompa papago le mmane wago, gore o thogo phela nako ya go lefa nageng ya gore Jehova Modimo wago o go neya yona.

13 “O sa bolaye.

14 “O sa make bonghwahla.

15 “O sa yetswi.

16 “O sa bolabole matsaka mo go le wene hlatse ya wa genu.

17 “O sa nabele ntlo ya wa genu. O sa nabele mosadi wage kela lelata lage la monna kela lelata lage la mosadi kela kgomu yage ya pholo kela bhongholo yage kela selo se sengwana le se sengwana sa gore ke sage.”

18 Byalo, batho ka mokana ga bona ke mo ba kwa leduma ba bona le legadima, ba kwa phalafala yi lla, fote ba bona go tupa mmuši ku thabeng; tsotsone dya maka gore ba hlagasele, fote ba yemele kgole. 19 Ba re ga Moše: “Wene bolabola le rune, re nyoko theetsela, mara Modimo a sa bolabole le rune ka gore re tšhaba go kgwa.” 20 Moše a re ga batho bala: “Le sa tšhabeneng, ka gore Modimo wa mannete o tlile go tl’le le liketseng gore le ye mahlong le mo hlompa gore le sa sinyi.” 21 Byalo, batho ba ya mahlong ba yemele kgole mara Moše a šutela hala ga liru lela la gore le fifele ga gore ke mo go na le Modimo wa mannete.

22 Ke mokane Jehova a botsa Moše gore: “Tsowa ke tso o tshwaneleng o di botse Maisrayele, ‘Le lune le di bonne gore ke bolabodiye le lune ke le magedimong. 23 Le sa make medimo ya silva gore le yi rapele mo le kene le rapela nna, fote le sa timakele medimo ya gholdi. 24 Di nyaka le mmakele aletare ka mobu, fote le nyoko maka dihlabelo ka merape ya lune mone ga yona, dihlabelo tsa go tšhubiwa le dihlabelo tsa go hlekediwa. Ga poleke ye nngwana le ye nngwana mo ke makang gore lebitso laka le gopodiwe, ke nyoko tla ga lune, fote ke nyoko le rufa. 25 Mo le ka mmakela aletare ka matlapa, le sa yi yage ka matlapa ya gore le ma kupiye ka dithulusi. Ka gore mo le ka berekisa tšhisele, le nyoko maka gore yi thilafale. 26 Fote le sa make ditepisi tsa go ya aletareng yaka, gore le sa šale le tšulegiye gedimo ga yona.’

21 “Yowa ke melawo ya go yahlula ya gore o tshwanele go ba botsa yona:

2 “Mo o ka reka sebereki sa Leheberu, se nyoko go berekela kobodi (6) ya mengwaga, mara ka mongwaga wa kašupa (7) se nyoko lokologa se sa patela selo. 3 Mo nkare o tlile a ntoši, o nyoko sepela a ntoši. Mo nkare ke monna wa motho, a sepele le mosadi wage. 4 Mo nkare mong wage o mo neya mosadi, mosadi yene a mmelegela barwayi kela barwediya, mosadi yene le bana bage go nyoko ba ba mong wage, fote yene o nyoko sepela a ntoši. 5 Mara mo nkare sebereki sone se ya mahlong se re, ‘Mong waka, mosadi waka le barwayi baka ke ba nyaka ka matla; a ke nyake go lokologa,’ 6 di nyaka mong wage a mo leye mahlong ga Modimo wa mannete. Ke mokane mong wage o nyoko mmeya monyako kela foremong ya monyako, a mo thula tsebe ka lemawo, go nyoko ba sebereki sage lephelo lage ka mokana ga lona.

7 “Mo monna a ka rekisa morwediya wage gore go be sebereki, ba ka sa mo lokolle go tshwana le ka mokgo ba lokollang sebereki sa monna. 8 Mo nkare aa jabodisi mong wage fote mong wage aa make gore go be motlabo wage mara a maka gore a reke ke motho ye mongwana, a di nyake a mo rekisela batho ba go fo tšwa ba sepela ka gore o mo sipidiye ka fase. 9 Mo nkare o mo kgetela morwayi wage, di nyaka a mo neye tso di tshwaneleng morwediya. 10 Mo a ka titseyela mosadi ye mongwana, a sa kone ye wa mathomo tsa go ja le dikobo fote a ye mahlong a maka naye tsa mapaying. 11 Mo a ka sa mo neye dilo tsowa kararo (3) ya tsona, mosadi yene a lokologe a sa patele selo.

12 “Ye a teyang motho ye mongwana a mmolaya, le yene di nyaka a bolayiwe. 13 Mara mo nkare o di maka a sa tikemisela fote Modimo wa mannete a lisetsiye gore di makege, ke nyoko hlawola poleke ya gore a ka tšhabela ga yona. 14 Mo motho a ka kwatela ye mongwana ka matla fote a mmolaya ka bomu, motho yene di nyaka a kgwe le mo nkare di nyaka le mo late aletareng yaka. 15 Motho wa gore o teya papage kela mmane wage di nyaka a bolayiwe.

16 “Mo ye mongwana a ka yetswa motho a mo rekisa kela ba mo kraya a sa mo tshwere, motho yene di nyaka a bolayiwe.

17 “Motho ye mongwana le ye mongwana wa gore o rogelela papage kela mmane wage di nyaka a bolayiwe.

18 “Tsowa ke tso di tshwaneleng di makege mo banna ba lakatsana, fote ye mongwana a teya ye mongwana ka letlapa kela ka sebhakela* a kwalela a tshwanela ke go dula mpetong wage: 19 Mo nkare wa di kgona go tsoga a sepela-sepela ka tawong a kene a kokotlela ka phate, ye a mo teyyeng a di sa nyaka a wolodiwa. O nyoko fo patelela nako yo yi sinyegiyeng ya mo motho yene a sa bereke go segela a fola.

20 “Mo motho a ka teya sebereki sage sa monna kela sa mosadi ka phate fote sebereki sone sa kgwa ka taba lage, motho yene o nyoko wolodiwa. 21 Mara mo sebereki sone se ka phela letšatši ka lloši kela ka mabedi (2), motho yene a sa wolodiwi, ka gore sebereki sone ba se rekiye ka tšheleta ya mong wa sona.

22 “Mo banna ba ka kikirisana, ba kwaletsa mosadi wa gore o yimme fote a belega go soko segela nako mara gwa sa kgwe motho*, ye a sinnyeng di nyaka a patele molato wo a wo makeleng monna wa mosadi yene; di nyaka a patele go ya ka sepheto so se segeleleng ke bo ba go yahlula. 23 Mara mo go ka kgwa motho, lephelo le patediwe ka lephelo, 24 lihlo ka lihlo, lino ka lino, letsogo ka letsogo, loto ka loto, 25 le make ka mokgonone le mo motho a tšhubiye ye mongwana, a kwaletsiye ye mongwana kela a teyye ye mongwana.

26 “Mo monna a ka teya lihlo la sebereki sage sa monna kela la sebereki sage sa mosadi a maka gore le sa sa bona, a patele lihlo la sebereki sone ka go se lisetsa se sepela. 27 Mo a ka teya sebereki sage sa monna kela sa mosadi a se ntsha lino, a patele lino la sebereki sone ka go se lisetsa se sepela.

28 “Mo kgomu ya phoolo yi ka hlaba monna kela mosadi fote motho yene a kgwa, kgomu yone di nyaka yi pshyayiwe ka matlapa go segela yi kgwa fote nama ya yona yi sa jiwi; mara mong wa yona a sa wolodiwi. 29 Mara mo nkare go tlwayelegiye gore kgomu yone ya hlaba fote mong wa yona ba mmutsiye mara a sa yi pasope, ya bolaya monna kela mosadi, kgomu yone di nyaka yi bolayiwe ka matlapa, mong wa yona le yene di nyaka a bolayiwe. 30 Mo nkare ba nyaka sa go mo lepolla ka sona, a ntshe dilo ka mokana ga tsona tso ba di nyakang gore a thogo lepolla lephelo lage. 31 Le mo yi ka fo ba yi hlabiye morwayi kela morwediya, mong wa kgomu yone a makiwe tso di hlayang ke melawo yowa. 32 Mo nkare kgomu yone ya phoolo yi hlabiye sebereki sa monna kela sa mosadi, mong wa kgomu yone a patele mong wa sebereki 30 ya dišekele,* kgomu yone di nyaka yi bolayiwe ka matlapa.

33 “Mo motho a ka lisetsa mokoti wo bulegiye kela a yepa mokoti mara a sa wo khurumetsi, fote gwa wela kgomu ya phoolo kela bhongholo ka mone teng ga wona, 34 mong wa mokoti wone di nyaka a patele. Di nyaka a patele mong wa phoolwane yone, fote phoolwane yone ya gore yi kgwile go nyoko ba yage. 35 Mo kgomu ya phoolo ya motho ye mongwana yi ka kwaletsa kgomu ya motho ye mongwana ya phoolo fote ya kgwa, di nyaka ba rekise kgomu yo ya gore ya phela fote ba pomelane so ba ba pateleng ka sona; di nyaka ba pomelane le kgomu yo ya gore yi kgwile. 36 Kela mo nkare go tlwayelegiye gore kgomu yone ya hlaba mara mong wa yona a sa yi pasope, di nyaka a patele kgomu ya phoolo ka kgomu ya phoolo, fote yo ya gore yi kgwile go nyoko ba yage.

22 “Mo motho a ka yetswa kgomu ya phoolo kela nku, a yi hlaba kela a yi rekisa, di nyaka a patele kgomu yone ka kapheta (5) ya dikgomu fote nku yone a yi patele ka dinku ka dine (4).

2 (“Mo motho wa go yetswa ba ka mo tanya a sa yetswa, ba mo teya ba mmolaya, motho ye a mmolayyeng aa na molato. 3 Mara mo a ka tla letšatši le šele le hlabiye, o na le molato.)

“Ye wa go yetswa di nyaka a patele. Mo nkare aa na selo, di nyaka ba mo rekise gore ba thogo patela dilo tso a di yetswiyeng. 4 Mo ba ka mo kraya le selo so a se yetswiyeng se sa phela, go ka fo ba go le kgomu ya phoolo kela bhongholo kela nku, di nyaka a patele gabedi (2).

5 “Mo motho a ka yisa diphoolwane tsage gore di ye kgula ku mašomong kela tšhomong ya didhriva, a di lisetsa di kgula tšhomong ya motho ye mongwana, di nyaka a patela ka diyengwa tsa tšhomong yage kela tsa tšhomong yage ya didhriva tsa gore ke mong tsona.

6 “Mo go ka thomisa mollo, wa neyetsela wa segela mehlareng ya mmutlwa, wa tšhuba dingata tsa mabele kela mabele ya gore a ba soko ma buna kela tšhomo, ye a thommeng mollo wone di nyaka a patelele dilo tso di swileng.

7 “Mo motho a neya ye mongwana tšheleta kela a mo neya dilo gore a di pasope ke mokane dilo tsone ba di yetswa ntlong ya motho yene, mo ye wa go yetswa ba ka mo kraya, di nyaka a petele gabedi (2). 8 Mo ye wa go yetswa ba ka sa mo kraye, di nyaka mong wa ntlo yone ba mo leye mahlong ga Modimo wa mannete gore ba thogo bona gore nje a yi yene a tsereng dilo tsa motho yela. 9 Ga ditaba ka mokana ga tsona tsa mo motho ba mo kraya a na le dilo tsa gore a yi tsage, go ka fo ba go le kgomu ya phoolo, bhongholo, nku, kobo kela selo se sengwana le se sengwana sa gore se lahlegiye sa gore a ka fo re, ‘Selo sowa ke saka!’ di nyaka taba yone ba yi yise mahlong ga Modimo wa mannete. Ye wa gore Modimo o nyoko re o na le molato, di nyaka a patele ye mongwana gabedi (2).

10 “Mo motho a neya ye mongwana bhongholo kela kgomu ya phoolo kela nku kela phoolwane ye nngwana le ye nngwana ya gaye gore a yi pasope ke mokane ya kgwa kela ya kwalela ka matla kela ba yi gapa go se na ye a bonang, 11 di nyaka ba tshepisane mahlong ga Jehova gore aa tseya dilo tsa ye mongwana; fote di nyaka mong wa tsona a yamogele. A di nyake gore yewa ye mongwana a patele. 12 Mara mo nkare phoolwane yone ba mo yetswele yona, di nyaka a patele mong wa yona. 13 Mo nkare yi tlerolannye ke phoolwane ya hlaga, a tle le so se šeleng a ba šupetse. A di nyake a patelela selo sa gore se tlerolannye ke phoolwane ya hlaga.

14 “Mara mo motho a ka yadima phoolwane ga ye mongwana ke mokane phoolwane yone ya kwalela ka matla kela ya kgwa yi se ga mong wa yona, ye a yi yadimmeng di nyaka a patele. 15 Mo nkare yi ga mong wa yona, motho yene a sa patele. Mo nkare ke mo ba yi hiriye, tšheleta yo ba yi hiriyeng ka yona ke patela ya gona.

16 “Byalo, mo monna a ka hlalefetsa kgareba ya gore ke mo ba soko yi tshepisa mošadho, fote a yetsela nayo, di nyaka a ntshe magadi gore yi be mosadi wage. 17 Mo papa wa kgareba yone a ka gana go mo neya yona, monna yene o nyoko patela tšheleta yo ne a nyoko yi ntsha mo a ntsha magadi.

18 “O sa lisetsi mosadi wa go loya a phela.

19 “Ye mongwana le ye mongwana ye a yetselang le phoolwane di nyaka a bolayiwe.

20 “Ye a makelang medimo ye mengwana dihlabelo mara a sa makele Jehova a ntoši, di nyaka a bolayiwe.

21 “Motho wa gore o tšwa a sepela o sa mo make lešidi kela wa mo gatelela, ka gore le lune ke mo le le batho ba go tšwa ba sepela nageng ya Egepita.

22 “O sa hlupegisi mosadi wa go kgwela ke monna kela ngwana wa gore aa na papa. 23 Mo o ka fo mo hlupegisa a šinya a nllela, ke nyoko mo kwa mo a nllela; 24 ke nyoko fufulela ka matla, fote ke nyoko le bolaya ka sabola, basadi ba lune go nyoko ba basadi ba go kgwela ke banna, fote bana ba lune ba ka sa be le bopapa.

25 “Mo o yadima motho wa go tihlupegela tšheleta mo ga batho baka, o sa make nkare ke wene motho wa go yadimisa tšheleta. O sa tswadisi.

26 “Mo o ka tseya kobo ya ye mongwana gore o fo tšwa o tshwarisiye ka yona mo o mo yadimme selo, o yi busetse le soko dikela. 27 Kobo yone ke yona fela yo a nang nayo gore a thogo belabela; o nyoko yetsela ka ying? Mo a nllela ke nyoko mo kwa, ka gore ke kwelana go baba.

28 “O sa rogelele Modimo, fote o sa rogelele ndhuna ya batho ba genu.

29 “O sa jikajiki go maka dihlabelo ka dilo tsa gore o di ntshiye ga dilo tsa go tlala tso o di bunneng, le ka wayini yago le makgura yago ya go tlala. Di nyaka o nneye matšibula ya barwayi bago. 30 Tsowa ke tso o tshwaneleng o di make ka kgomu yago ya phoolo le ka nku yago: Go nyoko fela kašupa (7) ya matšatši yi na le mmane wa yona. Ka letšatši la mabala (8) di nyaka o nneye yona.

31 “Di nyaka le be batho baka ba go hlawolega, fote le sa ji nama ya selo se sengwana le se sengwana sa ku mašomong sa gore se tlerolannye ke phoolwane ya hlaga. Di nyaka le se neye mpsya.

23 “O sa sabalatse taba ya gore a yi nnete. O sa berekisane le motho wa go sa loka wa ba hlatse ya go polana go kwaletsa ba bangwana. 2 O sa fo ya le mogoba wa maka dilo tsa go sa loka, fote mo batho ba seka o sa be hlatse ya go bolabola matsaka go fo re o jabodise batho ba go tlala. 3 Mo le seka taba ya motho wa gore wa tihlupegela, o sa fo mo yemelelela ka taba la gore wa hlupega.

4 “Mo o bona kgomu ya phoolo kela bhongholo ya lenaba lago yi lahlega, o yi busetse gage. 5 Mo o bona bhongholo ya motho wa gore o go hloyye yi wile le morwalo wa yona, o sa fo maka nkare a wo yi bone wa tloga. Mo gelepe gore o yi rule morwalo wone.

6 “O sa yahlule ka mokgwa wa gore a yi wona mo o yahlula taba ya motho wa gore wa tihlupegela.

7 “Kganela kgole le go hlayela batho matsaka, o sa bolaye motho wa gore aa na molato le wa gore o lukiye ka gore nka sa re motho wa gore aa loka o lukiye.

8 “O sa dumele gore ba go dhize, ka gore go dhiza go maka gore motho a sa latelele dilo tsa gore ke tsona, go maka gore motho wa go loka a tšhentšhe dipheto tso a di segeleleng.

9 “O sa gatelele motho wa go tšwa a sepela. Wa di tšiba gore go byang go ba motho wa go tšwa a sepela ka gore ke mo go le lune batho ba go tšwa ba sepela nageng ya Egepita.

10 “O fetse kobodi (6) ya mengwaga o lima naga yago o kgobaketsa tso o di bunneng. 11 Ka mongwaga wa kašupa (7) o yi lisetse o sa limi, bo ba go tihlupegela ga batho ba lune ba nyoko ja tso di leng gona tsa gore di f’lo timilela, tso ba di šiyang di nyoko ja ke diphoolwane tsa hlaga. Tsowa ke tso o tshwaneleng o di make le ga tšhomo yago ya didhriva le ya diolivi.

12 “O make mmereko wago ka kobodi (6) ya matšatši, mara o sa bereke ka letšatši la kašupa (7) gore kgomu yago ya phoolo le bhongholo yago di khutse le gore morwayi wa lelata lago la mosadi le motho wa go tšwa a sepela ba yimuluge.

13 “O tseyele dilo tso ke go butsiyeng tsona gedimo, fote o sa bolabole ka mabitso ya medimo ye mengwana; ma sa ro tšwa mo molomong wago.

14 “O mmakele monyanya gararo (3) ka mongwaga. 15 Di nyaka o make Monyanya wa Dikgwa Tsa go se na Dikomelo. Go nyoko fela kašupa (7) ya matšatši o ja sekgwa sa go se na dikomelo, ka mokgo ke go butsiyeng ka nako ya gona ka kgwedi ya Abhibhi* ka gore le tšwile Egepita ka nako yone. Go sa be le motho ye a tlang a lekalekisa matsogo. 16 Le make Monyanya wa mo le Buna,* le wo make mo le buna diyengwa tsa mathomo tsa mašomong ya lune; le make le Monyanya wa mo go le Nako ya go Fetsa go Buna,* le wo make mafelelong ga mongwaga mo le kgobaketsa tso le di bunneng ku mašomong. 17 Di nyaka monna ye mongwana le ye mongwana mo gare ga batho ba lune a nyarele mahlong ga Morena wa mannete, Jehova, gararo (3) ka mongwaga.

18 “Mo le neyela madi ya sehlabelo saka le sa ma neyele le dilo tsa go ba le dikomelo. Dihlabelo tsa makgura tso le neyelang ka tsona monyanyeng waka le sa di beye go segela ka bošego.

19 “Le leye diyengwa tsa gore di butšwiye mathomisong tso le di bunneng tsa gore ke mong tsona ntlong ya Jehova Modimo wa lune.

“Le sa bidisi seputsanyana ka lebese la mmane wa sona.

20 “Ke roma lengeloyi gore le yete mahlong ga lune, lengeloyi lone le nyoko le pasopa mo pateng, fote le nyoko le leya ga poleke yo ke le lukiseleleng yona. 21 Le le theetsele fote le make tso le di hlayang. Le sa le dheleleneng ka gore le ka sa le tshwarele mo le le dhelela ka taba la gore lebitso laka le mo ga lona. 22 Mara mo le ka le theetsela la maka dilo ka moka tso ke di hlayang, ke nyoko ba lenaba la manaba ya lune, ka phigisa bo ba le phigisang. 23 Lengeloyi laka le nyoko le yeta mahlong fote le nyoko le leya nageng ya Maamore, Mahethe, Maperezi, Makanana, Mahivi le Majebuse fote ke nyoko fetsa ka bona. 24 Le sa kgotameleneng medimo ya bona kela la ba lisetsa ba le kutšetsela gore le yi berekele, fote le sa yekisele tso ba di makang. Mara di nyaka le yi pshyayanye fote le šilanye le dikholomo tsa bona tsa go hlawolega. 25 Di nyaka le berekele Jehova Modimo wa lune, fote o nyoko rufa tsa go ja tsa lune le meetši ya lune. Ke nyoko tlosa malwele hone ga lune. 26 Mone nageng ya lune go ka sa be le mosadi wa gore mpa yage ya sinyega kela wa gore aa belege, ke nyoko maka gore le phele go segela le tsofala.

27 “Ke nyoko maka gore batho ba ntšhabe le mo le soko segela, ke nyoko maka gore batho ka mokana ga bona bo le gahlanang nabo ba hlakahlakane, ka boya ka maka gore manaba ya lune ka mokana ga wona ma tšhabe mone ga lune. 28 Mo le soko segela ke nyoko maka gore manaba ya lune ma tšhoge ka matla, fote tsotsone di nyoko maka gore Mahivi, Makanana le Mahethe ma tloge mone ga lune. 29 Nka sa ba tlose mahlong ga lune ka nako ka yyoši,* gore naga yone go sa be lešupi le gore diphoolwane tsa hlaga tsa gore di ka le kwaletsa di sa tlale. 30 Ke nyoko ba ntsha mahlong ga lune ka gonyana ka gonyana go segela le tlala fote le tseya naga yone.

31 “Ke nyoko le neya naga yone go tlugisela Lewatleng le Lekhubedu go segela lewatleng la Mafilisita, le go tlugisela mašahleng go segela Nokeng;* ka gore ke nyoko maka gore le hlule batho bo ba dulang ga naga yone fote le nyoko maka gore ba tloge hone mahlong ga lune. 32 Le sa make kwano nabo kela le medimo ya bona. 33 A di nyake ba dula nageng ya lune gore ba sa tle ba maka gore le nsinyele. Mo le ka berekela medimo ya bona, tsotsone go nyoko ba molabo ho ga lune.”

24 Ke mokane a re ga Moše: “Yinuga o ye ga Jehova, wene, Aroni, Nadabhe, Abhihu le 70 ya banna ba bagolo ba Israyele, le kgotame le le kgole. 2 Di nyaka Moše a šutele ga Jehova a le ntoši; mara bowa ba bangwana ba sa šutele fote batho ba sa yinuge naye.”

3 Ke mokane Moše a tla a botsa batho mantsu ka mokana ga wona ya Jehova le melawo ka mokana ga yona, batho ka mokana ga bona ba fetola ka lentsu ka lloši ba re: “Re tikemisele go maka dilo ka mokana ga tsona tso Jehova a di hlayyeng.” 4 Byalo, Moše a ngwala mantsu ka mokana ga wona ya Jehova. A tsoga go sa le ka phu, a yaga aletare mo go thomisang thaba, a maka le 12 ya dikholomo tsa gore di yemela 12 ya maloko ya Israyele. 5 Ka nthago a roma masogana ya Maisrayele, ma maka dihlabelo tsa go tšhubiwa, fote ma berekisa dikgomu tsa phoolo gore ma makele Jehova dihlabelo tsa go hlekediwa. 6 Ke mokane Moše a tseya hafo ya madi yane a ma tšhela ka teng ga ditša tsa motšiti, a tseya hafo ye nngwana a yi fokela ku aletareng. 7 A tseya puku ya molawo a yi balela gedimo batho ba kene ba theetsele. Ke mokane ba re: “Re tikemisele go maka dilo ka mokana ga tsona tso Jehova a di hlayyeng, fote re nyoko theetsela.” 8 Byalo, Moše a tseya madi yala a gaša batho bala ka wona fote a re: “Yawa ke madi ya kwano yo Jehova a yi makiyeng le lune ya go sipidisana le mantsu yawa ka mokana ga wona.”

9 Moše, Aroni, Nadabhe, Abhihu le 70 ya banna ba bagolo ba Israyele ba yinuga, 10 ba bona Modimo wa Israyele. Ka ho tlase ga mawoto yage, mo a gatiyeng gona ke mo go tshwana le nkare ke letlapa la go tura la safaya, fote ka mokgo ne go gadima ka gona ne nkare go ro ba mong wona magedimo ya go yela. 11 Aa kwaletsa banna ba go hlompega ba Israyele, ba bonne Modimo wa mannete ka mmono, ba ja ba boya ba nwa.

12 Byalo Jehova a botsa Moše gore: “Yinuga o tle ho thabeng o dule gona. Ke nyoko go neya matlapa ya dipsyatla ya gore ga wona ke nyoko ngwala molawo le tso ba tshwaneleng go di maka gore di thogo ba yetetsa.” 13 Byalo Moše a tloga le lelata lage Jošuwa, fote Moše a yinuga a ya thabeng ya Modimo wa mannete. 14 Mara Moše o butsiye banna ba bagolo gore: “Re yemeleneng howa go segela re boya. Aroni le Hure ba ko ba ba na le lune. Ye a nang le taba ya go nyaka go yahludiwa a ye ga bona.” 15 Ke mokane Moše a yinuga a ya ku thabeng liru lela le kene le yi kugetsiye.

16 Go gadima ga Jehova gwa fo ba hala Thabeng ya Sinayi, fote gwa fela kobodi (6) ya matšatši liru lela le kene le yi kugetsiye. Ka letšatši la kašupa (7) Modimo a bitsa Moše a le hala lirung. 17 Ga Maisrayele ya ke mo ma libelele, go gadima ga Jehova ke mo go tshwana le mollo wo mogolo hala gedimo ga thaba. 18 Ke mokane Moše a kena ku lirung, fote a yinuga thaba. A fetsa 40 ya matšatši le 40 ya mašego a duli hone thabeng.

25 Ke mokane Jehova a re ga Moše: 2 “Botsa batho ba Israyele gore ba nkolekele moneyelo; le nkolekele moneyelo ga motho ye mongwana le ye mongwana wa gore wa nyaka. 3 Meneyelo yowa ke yo le tshwaneleng le yi yamogele ga bona: gholdi, silva, koporo, 4 gare ye tala sebakabaka, gare* ye phepholo, llapi le lekhubedu, llapi la linene, boya bya pudi, 5 mokgopa wa nku ya phoolo wa gore ba wo dayye ka bokhubedu, mokgopa wa phoolwane,* mahlare ya moreke, 6 makgura ya go tšhela malampeng, bhalesamo ya go maka makgura ya go hlawolega le tsa go nkgela, 7 matlapa ya onikisi le matlapa ya mangwana ya gore ma nyoko tšhediwa ga efoda le ga selo sa mo dikgubeng. 8 Di nyaka ba mmakele poleke ya go nrapela ga yona, fote ke nyoko dula gare ga bona. 9 Di nyaka le make tabarenakele le dilo tso di ko bang di le hone go ya ka mokgo ke nyoko le šupetsang ka gona.

10 “Di nyaka ba make areka ka mohlare wa moreke, yi be dikhyubhiti* ka dipedi (2) le hafo ka go lefa, khyubhiti le hafo ka go psyaralala, khyubhiti le hafo go ya gedimo. 11 Ke mokane o yi kgakgape ka gholdi ya gore ke mong yona. O yi kgakgape ka teng le ka tawong, fote ho gedimo ga yona o yi kgabisele ka gholdi, yi dukuluge mahlaya ka moka. 12 Fote o nyoko yi makela kanne (4) ya diringi tsa gholdi wa di hlomegetsa ka mo gedimo ga kanne ya mawoto ya yona, khona ye nngwana le ye nngwana yi be le ringi ka yyoši. 13 Fote o make diphate ka mohlare wa moreke, o di kgakgape ka gholdi. 14 Diphate tsowa di nyoko kena hala ga diringi tsa gore di ka mo mathoko ga Areka gore yi thogo kakodiwa ka tsona. 15 Diphate tsone di nyoko dula mone ga diringi tsa Areka; go sa be le ye a di tlosang. 16 Ka mone Arekeng o nyoko tšhela matlapa ya dipsyatla ya gore ke nyoko go neya wona ya gore ke ngwadiye mantsu yaka.

17 “O nyoko yi makela sekhurumetso ka gholdi ya gore ke mong yona, se be dikhyubhiti ka dipedi (2) le hafo ka go lefa, khyubhiti le hafo ka go psyaralala. 18 Di nyaka o make makerubi ka mabedi (2) ka gholdi; o ma make ka gholdi o berekisa hamola, o ma beye ka ho le ka ho ho mafelelong ya sekhurumetso. 19 Lekerubi ka lloši le be ka nthoko ye nngwana le le lengwana le be ka nthoko ye nngwana. 20 Makerubi yane ma phurullele mafafela ya wona gedimo, ma kogele sekhurumetso sone ka wona, ma nyoko ba ma lebanne. Difahlego tsa makerubi yane di nyoko ba di yinamele mo sekhurumetsong. 21 O nyoko beya sekhurumetso sone gedimo ga Areka, ka mone Arekeng o nyoko tšhela matlapa ya dipsyatla ya gore ke nyoko go neya wona. 22 Ke nyoko tinyaretsa gago gana hone fote ke nyoko bolabola nago ke le ka gedimo ga sekhurumetso. Ke nyoko go botsa melawo ka moka ya gore o nyoko yi botsa Maisrayele ke le gare ga makerubi ka mabedi (2) ya ma nyoko bang ma le gedimo ga areka ya go ba le Lesome la Melawo.

23 “O nyoko maka le tafola ka mohlare wa moreke, yi be dikhyubhiti ka dipedi (2) ka go lefa, khyubhiti ka yyoši ka go psyaralala, fote yi be khyubhiti ka yyoši le hafo go ya gedimo. 24 O nyoko yi kgakgapa ka gholdi ya gore ke mong yona, fote wa yi makela lepanta la gholdi go yi dukuluga. 25 Ka ho mathoko ga tafola o tšhele lepolanka la gore le lekana le gana hala ga kašupa (7) ya disenthimitha* ka go psyaralala, fote o le makele lepanta la gholdi go le dukuluga. 26 O nyoko yi makela kanne (4) ya diringi tsa gholdi wa di beya ga kanne ya dikhona tsa yona mo go nang le kanne ya mawoto ya yona. 27 Diringi tsone di be ka ho tlase ga lepolanka lela, go be tsa go tshwara diphate tso tsa go kakola tafola. 28 O make diphate ka mohlare wa moreke o di kgakgape ka gholdi, fote tafola yone yi kakodiwe ka tsona.

29 “O make le ditša tsa yona, dikomitši tsa yona, dijeke tsa yona le ditša tsa yona tsa motšiti tsa go tšhela dihlabelo tsa go nwiwa ka tsona. O di make ka gholdi ya gore ke mong yona. 30 Fote o nyoko dula o beya sekgwa sa go hlawolega tafoleng mahlong gaka.

31 “O make setšhubampara ka gholdi ya gore ke mong yona. Setšhubampara sone se makiwe ka hamola. Go be selo ka ssoši go tlugisela mo se gatiyeng gona go ya gedimo, se be le makala, ma be le mo ma thunyang gona, mo ma hlomegetsanang gona le mabhlomu. 32 Ka mo mathoko ga setšhubampara sone go ko ba go na le makala kobodi (6) ya wona, kararo (3) ya wona ma le ka nthoko ye nngwana, ka nthoko ye nngwana go na le kararo ya wona. 33 Makala ya ka nthoko ka yyoši ma nyoko ba le kararo (3) ya mabhlomunyana ya go yema nkare ke mabhlomu ya dialemonde, le ya ka nthoko ye nngwana ma nyoko ba le kararo ya mabhlomunyana ya go yema nkare ke mabhlomu ya dialemonde. Ba nyoko maka ka mokgonone ga kobodi (6) ya makala ya go tloga ho mmeleng wa setšhubampara. 34 Mo ga setšhubampara sowa go be le kanne (4) ya mabhlomunyana ya go yema nkare ke mabhlomu ya dialemonde go tlugisela mo se gatiyeng gona go ya gedimo. 35 Ka ho tlase ga makala ka mabedi ya mathomo go be le sa go hlomegetsa ke mokane ka tlase ga makala ya go latela ka mabedi go be le se sengwana sa go hlomegetsa, le ka tlase ga makala ya mangwana ka mabedi go be le sa go hlomegetsa, go be ka mokgonone ga kobodi ya makala go tlugisela ku ma thomisang gona. 36 Tso tsa go hlomogetsa, makala le setšhubampara sone ka mokana ga sona go nyoko ba selo ka ssoši sa gore se makiwwe ka hamola ka gholdi ya gore ke mong yona. 37 Le nyoko se makela kašupa (7) ya malampa, mo malampa yane ma tšhubiwwe, ma nyoko khanyisa mo mahlong ga sona. 38 Tso tsa go tshwara malampa le tsa go tšhela magala di makiwe ka gholdi ya gore ke mong yona. 39 Setšhubampara sone le dilo tsowa di makiwe ka talente* ka yyoši ya gholdi ya gore ke mong yona. 40 O make dilo tsowa ka mokgo ke go šupetsiyeng ka gona ku thabeng.

26 “O make tabarenakele ka lesome (10) la malapi ya linene ya gore ke mong wona, gare ye tala sebakabaka, gare ye phepholo le llapi le lekhubedu. Mo o ma roka, o rokelele dithombhe tsa makerubi. 2 Llapi le lengwana le le lengwana go be 28 ya dikhyubhiti* ka go lefa le kanne (4) ya dikhyubhiti ka go psyaralala. Malapi yane ka mokana ga wona di nyaka ma lekane. 3 Di nyaka kapheta (5) ya malapi ya mangwana ma rokelediwe go be selo ka ssoši, le kapheta ya malapi ya mangwana ma rokelediwe go be selo ka ssoši. 4 O nyoko maka dithapo ka gare ye tala sebakabaka mo mafelelong ga malapi yala ya gore ma rokelediwwe, o make ka mokgonone le mo mafelelong ga malapi yala ya mangwana ya gore ma rokelediwwe ga gore ma nyoko gahlana gona. 5 O nyoko maka 50 ya dithapo ga llapi ka lloši le 50 ya dithapo mafelelong ya llapi le lengwana gore di lebane mo di gahlanang gona. 6 O make 50 ya tsa go gwabetsa tsa gholdi, o gahlanise malapi yala ka tsona ke mokane tabarenakele go nyoko ba selo ka ssoši.

7 “O nyoko maka le malapi ya go kogetsa tabarenakele ka boya bya pudi. O nyoko maka 11 ya malapi. 8 Llapi le lengwana le le lengwana go nyoko ba 30 ya dikhyubhiti ka go lefa le kanne (4) ya dikhyubhiti ka go psyaralala. Malapi yane 11 ya wona di nyaka ma lekane. 9 O gahlanise kapheta (5) ya malapi go be selo ka ssoši le kobodi (6) ya malapi ya mangwana go be selo ka ssoši, o phute lo la kobodi ka mo mahlong ga letente. 10 O nyoko maka 50 ya dithapo mo mafelelong ga malapi yala ya gore ma rokelediwwe, o nyoko maka le 50 ya dithapo ka nthoko ye nngwana mo mafelelong ga malapi yala ya mangwana ya gore ma rokelediwwe mo ma gahlanang gona. 11 O make 50 ya megwabetso ya koporo, o tšhele megwabetso ga dithapo tsone o gahlanise letente ke mokane le nyoko ba selo ka ssoši. 12 Sekopa so se šeleng sa malapi yane se nyoko lekaleka. Sekopa so se šeleng se nyoko lekaleka ka nthago ga tabarenakele. 13 Fote ka nthoko ye nngwana le ye nngwana go nyoko šala llapi la go lekana khyubhiti ka yyoši, le nyoko šala le lekaleka gore le kogele tabarenakele.

14 “O nyoko maka le sa go kogela letente ka mekgopa ya nku ya phoolo ya gore ba yi dayye ka bokhubedu, fote ka ho gedimo o nyoko kogela ka mekgopa ya diphoolwane tsa meetšing.

15 “O nyoko maka diforemo tsa gore di yemme thwi tsa tabarenakele ka mohlare wa moreke. 16 Foremo ye nngwana le ye nngwana yi be lesome (10) la dikhyubhiti go ya gedimo le khyubhiti ka yyoši le sekopa ka go psyaralala. 17 Foremo ye nngwana le ye nngwana yi be le diphatane ka dipedi tsa gore di ya lekana. Nka mokgo o tshwaneleng o make diforemo ka mokana ga tsona tsa tabarenakele. 18 O make 20 ya diforemo tsa ka borwa bya tabarenakele, di libe borwa.

19 “O make 40 ya dilo tsa go makiwa ka silva tsa gore di thega diforemo ka tlase ga diforemo tsone 20 ya tsona: ka tlase ga foremo ye nngwana le ye nngwana go be le dilo ka dipedi (2) tsa go thega diforemo ga gore go nyoko kena diphatane tsa tsona ka dipedi. 20 Ka nthoko ye nngwana ya tabarenakele ka lebowa, o make 20 ya diforemo. 21 O di makele le 40 ya dilo tsa go thega diforemo tsa go makiwa ka silva, dilo ka dipedi (2) tsa go thega diforemo ka tlase ga foremo ye nngwana le ye nngwana. 22 Sekopa sa ka nthago sa tabarenakele sa gore se ka bodikela, o se makele kobodi (6) ya diforemo. 23 O nyoko maka diforemo ka dipedi (2) tsa gore go nyoko ba dikhona tsa ka nthago tsa tabarenakele. 24 Diforemo tsone di nyaka go be dikopa ka dipedi (2) go tlugisela tlase go segela ga ringi ya mathomo ku gedimo, di nyoko gahlana ku gedimo. Diforemo tsowa ka dipedi di makiwe ka mokgonone, go nyoko ba dikholomo tsa mo dikhonong. 25 Go nyoko ba le mabala (8) ya diforemo le 16 ya dilo tsa go thega diforemo tsa go makiwa ka silva, dilo ka dipedi (2) tsa go thega diforemo ka tlase ga foremo ye nngwana le ye nngwana.

26 “O make diphate ka mohlare wa moreke, diforemo tsa ka nthoko ka yyoši ya tabarenakele o di makele kapheta (5) ya tsona, 27 diforemo tsa ka nthoko ye nngwana ya tabarenakele le tsona o di makele diphate kapheta (5) ya tsona, le diforemo tsa ka nthoko ya ka bodikela ya tabarenakele ya gore ke sekopa sa ka nthago o di makele kapheta ya diphate. 28 Phate ya mo gare ya gore yi feta gare ga diforemo yi tshwanele yi tloge mathomisong yi segele mafelelong.

29 “O kgakgape diforemo tsone ka gholdi, fote o nyoko di makela diringi tsa gholdi gore di thogo tshwara diphate tsone, o kgakgape diphate tsone ka gholdi. 30 O make tabarenakele go ya ka polane ya yona yo ke go šupetsiyeng yona ku thabeng.

31 “O make legaredheni ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona. Mo o le roka, o rokelele dithombhe tsa makerubi. 32 O nyoko le haka ga dikholomo kanne (4) ya tsona tsa moreke tsa gore ba dikgakgapiye ka gholdi. Megwabetso ya lona go be ya gholdi. Dikholomo tsone di be gedimo ga kanne ga tso tsa go thega dikholomo tsa go makiwa ka silva. 33 O hake legaredheni lone ka tlase ga megwabetso, fote o leye areka ya go ba le Lesome la Melawo ka ku ga Poleke ya go Hlawolega ka Matla. Legaredheni lowa le nyoko kgera Ga go Hlawolega le Ga go Hlawolega ka Matla. 34 Di nyaka o beye sekhurumetso sa areka ya go ba le Lesome la Melawo ga Poleke ya go Hlawolega ka Matla.

35 “O beye tafola ka hala ga go hlawolega, tafola yone yi nyoko ba ka lebowa la tabarenakele; mahlong ga tafola yone go nyoko ba le setšhubampara, setšhubampara sone se nyoko ba ka borwa bya tabarenakele. 36 O nyoko maka legaredheni la monyako wa letente ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona. 37 Legaredheni lone o le makele kapheta (5) ya dikholomo ka mohlare wa moreke fote o di kgakgape ka gholdi. Megwabetso ya tsona go be ya gholdi, fote o nyoko di makela kapheta ya tsa go thega dikholomo tsa gore di makiwwe ka koporo.

27 “O nyoko maka aletare ka mohlare wa moreke; yi nyoko ba kapheta (5) ya dikhyubhiti* ka go lefa le kapheta ya dikhyubhiti ka go psyaralala. Aletare yone yi be le kanne (4) ya dikhona tsa go lekana, fote yi be kararo (3) ya dikhyubhiti go ya gedimo. 2 O nyoko maka manaka ga kanne (4) ya dikhona tsa yona; manaka yane go nyoko ba selo ka ssoši le aletare yone, fote o nyoko kgakgapa aletare yone ka koporo. 3 O make dipakete tsa gore di nyoko berekisiwa mo go tlusiwa luta,* o make le difošolo, ditša tsa motšiti, diforoko, le dipane tsa go rwala magala, fote dilo tsa yona ka mokana ga tsona o di make ka koporo. 4 Di nyaka o make gore go be le sefo ya gore yi kena mo aletareng, sefo ya gore ba yi makiye ka koporo, ke mokane mo dikhonong ka dine tsa aletare go be le mekabelo ya koporo. 5 Sefo yone o nyoko yi beya ka tlase ga lepolanka la aletare, fote yi nyoko ba mo segare ga aletare. 6 O nyoko makela aletare diphate ka mohlare wa moreke, wa di kgakgapa ka koporo. 7 Diphate tsone di nyoko tšhediwa ga mekabelo yone gore di be ka mo mathoko ga aletare mo yi kakodiwa. 8 O make aletare yone gore go be lebhokisi la mapolanka la gore a le na selo ka ho teng. Yi makiwe ka mokgo Modimo a go šupetsiyeng ka gona ku thabeng.

9 “O nyoko maka lapa la tabarenakele. Ka nthoko ya ka borwa, lapa lone le nyoko ba le legaredheni la gore le makiwwe ka llapi la linene la gore ke mong lona la gore ke 100 ya dikhyubhiti ka go lefa ga lehlaya ka lloši. 10 Yi nyoko ba le 20 ya dikholomo tsa go ba le 20 ya tsa go thega dikholomo tsa koporo. Megwabetso ya dikholomo le mekabelo ya yona go be tsa silva. 11 Magaredheni ya gore ma hakiwwe ya gore ma ka lebowa le wona go nyoko ba 100 ya dikhyubhiti ka go lefa, go be le 20 ya dikholomo tsa yona le 20 ya tsa go thega dikholomo tsa yona tsa koporo, dikholomo tsone di nyoko ba le megwabetso le mekabelo ya silva. 12 Magaredheni ya gore ma ka bodikela bya lapa go be 50 ya dikhyubhiti ka go lefa, o make le lesome (10) la dikholomo le lesome la dilo tsa go thega dikholomo. 13 Ka nthoko ya ka mo letšatši le hlabang ka gona ga lapa lone go be 50 ya dikhyubhiti ka go psyaralala. 14 Ka nthoko ye nngwana go nyoko ba le magaredheni ya gore ma hakiwwe ya gore ke 15 ya dikhyubhiti, go be le kararo (3) ya dikholomo le kararo ya tsa go thega dikholomo. 15 Fote ka nthoko ye nngwana go nyoko ba le magaredheni ya go hakiwa ya gore ke 15 ya dikhyubhiti, go be le kararo (3) ya dikholomo le kararo ya tsa go thega dikholomo.

16 “Monyako wa lapa wo be le legaredheni la gore ke 20 ya dikhyubhiti ka go lefa la gore le makiwwe ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona, go be le kanne (4) ya dikholomo le kanne ya tsa go thega dikholomo. 17 Dikholomo ka mokana ga tsona tsa gore di dukulugiye lapa di nyoko ba le mekabelo ya silva le megwabetso ya silva, mara tso tsa go thega dikholomo go nyoko ba tsa koporo. 18 Lapa lone go be 100 ya dikhyubhiti ka go lefa, 50 ya dikhyubhiti ka go psyaralala le kapheta (5) ya dikhyubhiti go ya gedimo, magaredheni ya gore ma dukulugiye lapa lone go be ya llapi la linene la gore ke mong lona, fote ma be le tsa go thega dikholomo tsa koporo. 19 Dilo ka mokana ga tsona tsa gore ba di berekisa tabarenakeleng, dikhonkhwane* le diphate ka mokana ga tsona tsa lapeng go be tsa koporo.

20 “O botse Maisrayele gore ma leye makgura ya diolivi ya gore ma yediye, ya gore ma nyoko berekisiwa malampeng gore malampa yane ma sa timi. 21 Ga letente la mogahlano ka tawong ga legaredheni la gore le thina le areka ya go ba le Lesome la Melawo, Aroni le barwayi bage ba nyoko maka gore malampa ma tšhubiwe mahlong ga Jehova go tlugisela ka malobana go segela ka bošego. Ke molawo wa go ya go yye ga Maisrayele wa gore wo nyoko berekisiwa ga leloko la wona ka mokana ga lona.

28 “Ga Maisrayele, o bitse bhuti wago Aroni le barwayi bage gore ba tle ba mperekele go le maprista—Aroni, a tle le Nadabhe, Abhihu, Eliyazara le Ithamara ba gore ke barwayi ba Aroni. 2 O makele Aroni bhuti wago dikobo tsa go hlawolega gore di thogo mo gadimisa le go mmafatsa. 3 O bolabole le batho ka mokana ga bona ba gore ke digele tsa mmereko ba gore ke makiye gore ba hlalefe, ba nyoko makela Aroni dikobo, fote dikobo tsone di nyoko šupetsa gore Aroni o hlawolegiye mahlong gaka, gore a bereke go le moprista waka.

4 “Tsowa ke dikobo tso ba tshwaneleng go di maka: sa mo dikgubeng, efoda, kobo ya go se na matsogo, kobo ya mabhokisibhokisi, tuku le lepanta; dikobo tsowa tsa go hlawolega ba nyoko di makela bhuti wago Aroni le barwayi bage gore ba thogo mperekela go le maprista. 5 Bo ba gore ke digele tsa mmereko ba nyoko berekisa gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona.

6 “Di nyaka ba make efoda ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona, fote di nyaka ba yi kgabise ka digare tse digholdi. 7 Yi be le sekopa sa ka mahlong le sa ka mokolong tsa gore di gahlana mo magetleng. 8 Di nyaka lepanta la gore ba le rokelele ga efoda la gore le yi tlema gore yi dulisege le tshwane nayo: gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona.

9 “O tseye matlapa ka mabedi (2) ya onikisi o ngwale mabitso ya barwayi ba Israyele ga wona, 10 o ngwale kobodi (6) ya mabitso ga letlapa ka lloši, fote kobodi ya mabitso ya ma šeleng o ma ngwale ga letlapa le lengwana, go ya ka mokgo ba latelanang. 11 Ye wa go ngwala matlapa o nyoko ngwala mabitso ya barwayi ba Israyele ga matlapa yane ka mabedi (2) go fo tshwana le ka mokgo a makang ka gona ga sa go mereka sa go makiwa ka letlapa. Ke mokane o tšhele gholdi go ma dukuluga gore ma dulisege. 12 O beye matlapa yane ka mabedi (2) mo magetleng ya efoda gore go be matlapa ya segopotso ga barwayi ba Israyele, fote mo Aroni a ya mahlong ga Jehova, a rwale mabitso ya bona mo magetleng yage gore go be segopotso. 13 O tšhele gholdi go ma dukuluga gore matlapa yane ma dulisege, 14 fote o make le diketane ka dipedi (2) ka gholdi ya gore ke mong yona o di loge nkare ke thapo, diketane tsone tsa go lugiwa nkare ke thapo o di hlomele ga digholdi tsela tsa gore di dukulugiye matlapa yala.

15 “O make gore motho wa go roka a make sa ho sekgubeng sa go yahlula. Di nyaka a se make go tshwana le efoda, a se make ka gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona. 16 Mo se phutiwwe ka bogare, di nyaka se be le kanne (4) ya dikhona tsa gore di ya lekana, go be sepane* ka go lefa le sepane ka go psyaralala. 17 O se tšhele matlapa yala, o make kanne (4) ya malayini. Layini ya mathomo go be rubhi, thopaze le emeralde. 18 Layini ya bobedi (2) go be thekhoyisi, safaya le jasepa. 19 Layini ya kararo (3) go be letlapa la lesh′em, aghathe le amethisiti. 20 Layini ya kanne (4) go be khrisolayiti, onikisi le jeyidi. Ma tšhediwe gholdi go ma dukuluga gore ma dulisege. 21 Matlapa yane ma nyoko yemela 12 ya mabitso ya barwayi ba Israyele. Letlapa le lengwana le le lengwana le makiwe go tshwana le sa go mereka, lebitso le lengwana le le lengwana le nyoko yemela leloko ka lloši ga 12 ya maloko.

22 “Selo sa mo sekgubeng o se makele ketane ya nkare ke dithapo tsa go makiwa ka gholdi ya gore ke mong yona. 23 Selo sa mo dikgubeng o se makele diringi ka dipedi (2) fote diringi tsone ka dipedi o di tšhele dikhonong tsa sona tsa gedimo. 24 Dithapo tsela ka dipedi (2) tsa gholdi o di tšhele hone ga diringi tsone ka dipedi mo dikhonong tsa selo sa sekgubeng. 25 Mo mafelelong ga dithapo tsowa ka dipedi (2) o go tšhele ga digholdi tsa gore di dukulugiye matlapa yala gore ma dulisege, o di beye ga ditlopo tsa mo magetleng tsa efoda, di be ka mo mahlong. 26 O make diringi ka dipedi (2) ka gholdi, fote o di tšhele ho dikhonong ka dipedi tsa selo sa sekgubeng ka ho teng ga sona, di lebane le efoda. 27 O make diringi tse dingwana ka dipedi (2) tsa gholdi ho mahlong ga efoda, di be ka tlase ga ditlopo ka dipedi tsa ho magetleng thina le mo yi gahlanang gona ka gedimo ga lepanta la efoda. 28 Selo sa mo sekgubeng se nyoko tshwara ke thapo ye tala sebakabaka gore se dulisege, yi nyoko tlemelediwa ga diringi tsa sona le ga di ringi tsa efoda. Tsowa di nyoko maka gore selo sa ho sekgubeng se dulisege ho gedimo ga efoda ka kgakala ga lepanta.

29 “Aroni a yapare selo sa mo sekgubeng sa go yahlula mo dikgubeng tsage sa gore mo ga sona go ngwadiwwe mabitso ya barwayi ba Israyele mo a kena ga Poleke ya go Hlawolega gore go dule go le segopotso mahlong ga Jehova. 30 O nyoko tšhela Yurimi le Thumimi* ga selo sa ho sekgubeng sa go yahlula, se be ho dikgubeng tsa Aroni mo a tla mahlong ga Jehova, fote Aroni a dule a rwele dilo tsone tsa go yahlula Maisrayele ho sekgubeng sage mahlong ga Jehova.

31 “O make kobo ya go se na matsogo ya efoda ka gare ye tala sebakabaka fela. 32 Yi bulege ku kgakala ho segare. Ye wa go loga a rokelele mo yi bulegiyeng gona gore go tiye go tshwana le molala wa mokgopa wa go ba le dipelekete gore yi sa tleroge. 33 O make magarenate ka gare ye tala sebakabaka, gare ye phepholo le llapi le lekhubedu go dukuluga lephuto la yona ka moka, o make le dinghelenghele tsa gholdi mo gare ga wona. 34 O make gore senghelenghele sa gholdi se lategetsane le legarenate, senghelenghele sa gholdi le legarenate, go dukuluga lephuto la kobo yone ya go se na matsogo ka mokana ga lona. 35 Yi yapare ke Aroni mo a kene a bereka, fote di nyaka di kwagale di lla mo a ya polekeng ya go hlawolega mahlong ga Jehova le mo a tšwa gore a sa kgwe.

36 “O make sepelekete ka gholdi ya gore ke mong yona, mo ga sona o ngwale go fo tshwana le ka mokgo go makiwang ka gona ga sa go mereka gore: ‘Jehova o hlawolegiye.’ 37 O se tlemelele tukung ka gare ye tala sebakabaka; se dule se le ka mahlong ga tuku yone. 38 Se be mo mopong wa Aroni, fote mo motho a ka sa tshware dilo tsa go hlawolega gabutši di nyaka Aroni a di yemele, Maisrayele ma tshwanele ma neyele ka dilo tsowa go le dilo tsa go hlawolega tso ma di neyang Modimo. Se dule se le ho mopong wage gore Jehova a thogo ma yamogela.

39 “O roke kobo ya mabhokisibhokisi ka llapi la linene la gore ke mong lona, o make le tuku ka llapi la linene la gore ke mong lona, fote o roke le lepanta la kobo yone.

40 “O makele le barwayi ba Aroni dikobo, mapanta le tsa go yapara mo hlogong gore di thogo ba gadimisa le go ba bafatsa. 41 O nyoko yapesa bhuti wago Aroni le barwayi bage ba gore ba naye, o ba tlotse ka makgura, o ba beye gore go be maprista, fote o make gore ba hlawolege ke mokane ba nyoko bereka go le maprista yaka. 42 O ba makele le dibhrukwane tsa linene gore ba di yapare ba sa šale ba yitsa. Di thomise ho masekeng di segele ho diropeng. 43 Di yapare ke Aroni le barwayi bage mo ba kena letenteng la mogahlano kela mo ba šutela thina le aletare gore ba make mmereko wa polekeng ya go hlawolega, gore ba sa sinyi ke mokane ba kgwa. Go nyoko ba molawo wa go ya go yye ga Aroni le ditlogolwane* tsage ka mokana ga tsona.

29 “Tsowa ke tso o tshwaneleng o di make gore ba hlawolege gore ba bereke go le maprista yaka: Tseya senamane sa phoolo, dinku tsa phoolo ka dipedi (2) tsa gore di philegiye, 2 sekgwa sa go se na dikomelo, dikgwa tsa kgokolo tsa go se na dikomelo tsa gore ba di tšhediye makgura le sekgwa se se sesane sa gore ba se tlotsiye makgura. O di make ka folawa ya gore yi šidiwwe gabutši,* 3 o di tšhele ka teng ga mmantši, fote o di leye ka mmantši, o leye le kgomu yela ya phoolo le dinku tsela tsa phoolo ka dipedi (2).

4 “O nyoko leya Aroni le barwayi bage hala monyako wa letente la mogahlano, fote o ba hlapise ka meetši. 5 Ke mokane o tseye dikobo tsela o yapese Aroni kobo ya mabhokisibhokisi, kobo ya go se na matsogo ya efoda, efoda le sa ho sekgubeng, fote o mo tleme lepanta la efoda le dulisege ho masekeng yage. 6 O mo tleme tuku ho hlogong, o beye sepelekete sa gholdi sa go hlawolega gedimo ga tuku yone; 7 fote o tseye makgura ya go hlawolega o ma tšhele hlogong yage gore o mo tlotse.

8 “Ke mokane o leye barwayi ba Aroni mahlong gaka, fote o ba yapese dikobo tsela. 9 Aroni le barwayi bage o ba tleme mapanta le dituku, ba nyoko ba maprista; wowa ke molawo waka wa go ya go yye. Ke ka mokgo o tshwaneleng go beya Aroni le barwayi bage gore ba bereke go le maprista.

10 “Ke mokane o leye kgomu ya phoolo mahlong ga letente la mogahlano, fote Aroni le barwayi bage ba nyoko beya matsogo ya bona gedimo ga hlogo ya kgomu yone. 11 O hlabe kgomu yone mahlong ga Jehova hala monyako wa letente la mogahlano. 12 O tokole madi ya kgomu yone o ma tlotse ga manaka ya aletare, madi ya ma šeleng ka mokana ga wona o ma tšhele fase mone aletareng. 13 Ke mokane o tseye makgura ka mokana ga wona ya gore ma dukulugiye mala, lekgura la mo sebeteng, dipshyiyo ka dipedi (2) le makgura ya tsona, o di tšhube gore di tupe mmuši hala aletareng. 14 Mara nama ya yona, mokgopa wa yona le boraga bya yona o di tšhube ka mollo ka tawong ga kampa. Ke sehlabelo sa mo motho a sinnye.

15 “Ke mokane o tseye nku ka yyoši ya phoolo, fote Aroni le barwayi bage ba beye matsogo ya bona gedimo ga hlogo ya nku yone. 16 O hlabe nku yone, fote o tseye madi ya yona o ma fokele mathoko ya aletare ka mokana ga wona. 17 O kupelele nku yone go be ditlopotlopo, fote o hlatswe mala ya yona le mawoto ya yona, o di make gore di lebane go segela ku hlogong. 18 O tšhube nku yone ka mokana ga yona, o make gore go tupe mmuši mone aletareng. Ke sehlabelo sa go tšhubiwa sa Jehova sa gore se ya nkgela. Ke sehlabelo sa Jehova sa gore ba se makiye ka mollo.

19 “Ka nthago o tseye nku yela ye nngwana ya phoolo, fote Aroni le barwayi bage ba beye matsogo ya bona gedimo ga hlogo ya nku yone. 20 O hlabe nku yone, o tseye madi ya yona ya mangwana o ma tlotse tsebeng ya letsogo la go ja ya Aroni le ga ditsebe tsa matsogo ya go ja tsa barwayi bage, ga monwana wo mogolo wa matsogo ya bona ya go ja le ga senwana se segolo sa mawoto ya bona ya gore ma ka letsogong la go ja, ke mokane o fokele madi yane mathoko ka mokana ga wona ya aletare. 21 Ke mokane o tseye madi ya mangwana ya mone aletareng le makgura ya mangwana ya go hlawolega o fokele Aroni le dikobo tsage ka wona, o fokele le barwayi bage le dikobo tsa bona, gore Aroni le dikobo tsage le barwayi bage le dikobo tsa bona ba hlawolege.

22 “O tseye makgura mone ga nku yone, makgura ya mo mosileng, makgura ya gore ma dukulugiye mala, makgura ya gore ma mo sebeteng, dipshyiyo ka dipedi (2) le makgura ya tsona le loto la gore le ga letsogo la go ja, ka gore ke nku ya gore ba yi neyela mo ba hlawola maprista. 23 O tseye sekgwa sa kgokolo le sekgwa sa kgokolo sa gore ba se tšhediye makgura le sekgwa se se sesane tsa gore di ka teng ga mmantši wa sekgwa sa go se na dikomelo sa gore se mahlong ga Jehova. 24 O beye dikgwa tsone ka mokana ga tsona matsogong ya Aroni le matsogong ya barwayi bage, o di yise nthago le mahlong gore go be sehlabelo sa gore ba se yisa ku le ku mahlong ga Jehova. 25 Ke mokane o di tseye hone matsogong ya bona o di tšhube gedimo ga aletare, di be gedimo ga sehlabelo sa go tšhubiwa. Ke sehlabelo sa Jehova sa go makiwa ka mollo sa gore se ya nkgela mahlong ga Jehova.

26 “O tseye dikguba tsa nku ya gore ba nyoko yi neyela mo ba hlawola Aroni gore go be moprista, o di yise nthago le mahlong gore go be sehlabelo sa gore ba se yisa ku le ku mahlong ga Jehova, go nyoko ba sago. 27 O make gore dikguba tsa sehlabelo sa go yisiwa ku le ku le loto la sehlabelo sa go hlawolega sa gore se yisiwwe ku le ku la gore ba le tsere ga nku ya gore ba yi neyela mo ba hlawola moprista di hlawolege, dilo tsone di tšwe ga tso ba di neyeleng ka taba la Aroni le barwayi bage. 28 Ke sehlabelo sa go hlawolega, fote go nyoko ba sa Aroni le barwayi bage, go be molawo wa go ya go yye wa Maisrayele. Go nyoko ba sehlabelo sa go hlawolega sa gore Maisrayele ma nyoko se neya Jehova mo ma maka dihlabelo tsa go hlekediwa.

29 “Dikobo tsa go hlawolega tsa Aroni di nyoko berekisa ke barwayi bage bo ba tlang ka nthago gage mo ba tlotsiwa, fote ba beyiwa gore go be maprista. 30 Morwayi wage wa gore o nyoko ba moprista ka nthago gage wa gore fote o nyoko kena letenteng la mogahlano gore a bereke polekeng ya go hlawolega, o nyoko di yapara matšatši kašupa (7) ya wona.

31 “O nyoko tseya nku yo ba neyelang ka yona mo ba hlawola moprista wa bidisa nama ya yona polekeng ya go hlawolega. 32 Aroni le barwayi bage ba nyoko ja nama ya nku yone le sekgwa sa gore se ka mmantšing hala monyako wa letente la mogahlano. 33 Tsowa ke tso ba neyeleng ka tsona gore ba tshwarediwe ga tso ba di sinnyeng nakwela ba ba beya gore go be maprista, fote ba ba hlawola gore ba berekele Modimo. Mara motho wa gore aa tshwanelege a sa di ji, ka gore ke dilo tsa gore di hlawolegiye. 34 Mo nama ya sehlabelo sa gore ba neyele ka sona mo ba hlawola moprista le sekgwa di ka šala go segela ka bošego, le di tšhube ka mollo. Di sa jiwi ka gore ke dilo tsa go hlawolega.

35 “O make ka mokgo ga Aroni le barwayi bage go ya ka dilo ka mokana ga tsona tso ke go butsiyeng tsona. O fetse kašupa (7) ya matšatši o ba beya gore go be maprista. 36 O nyoko maka sehlabelo sa mo motho a sinnye ka kgomu ya phoolo ka moka matšatši, gore o kgopele Modimo gore a ba tshwarele ga tso ba di sinnyeng le go maka aletare gore yi hlawolege, fote di nyaka o fokele aletare ka makgura go šupetsa gore aletare yone yi nyoko berekisiwa mo go rapediwa Modimo. 37 O nyoko fetsa kašupa (7) ya matšatši o maka gore aletare yi hlawolege ga tsa go sinya ka go yi makela sehlabelo, fote o yi neyele ga Modimo gore go be aletare ya go hlawolega ka matla. Ye a tikisang aletare di nyaka a be a hlawolegiye.

38 “Tsowa ke tsa gore o nyoko di neyela hala aletareng: o dule o neyela dinkunyana ka dipedi (2) tsa phoolo tsa go ba le mongwaga ka wwoši ka moka matšatši. 39 O make sehlabelo ka senkunyana ka ssoši ka bošego ke mokane senkunyana sela se sengwana o make sehlabelo ka sona ka malobana. 40 Mo o maka sehlabelo ka senkunyana sa phoolo sa mathomo o yise le dilitha ka dipedi tsa folawa ya gore ke mong yona ya gore yi gahlanne le litha ka yyoši ya makgura ya gore ma sefegiye gabutši, le sehlabelo sa go nwa sa litha ka yyoši ya wayini. 41 Nku yela ye nngwana ya phoolo o make sehlabelo ka yona ka malobana, le dihlabelo tsa mabele le tsa go nwa tsa go tshwana le tsa ka bošego. Go nyoko ba sehlabelo sa Jehova sa go makiwa ka mollo sa gore se ya nkgela. 42 Go nyoko ba sehlabelo sa go tšhubiwa sa gore ditlogolwane tsago di nyoko dula di se maka hala monyako wa letente la mogahlano mahlong ga Jehova, ga gore ke nyoko tinyaretsa mahlong gago gore ke bolabole nago.

43 “Gana hone ke nyoko tinyaretsa ga Maisrayele, fote poleke yone yi nyoko hlawolega ka taba la go gadima gaka. 44 Ke nyoko maka gore letente la mogahlano le aletare di hlawolege, fote ka maka gore Aroni le barwayi bage ba hlawolege gore ba thogo mperekela go le maprista. 45 Ke nyoko dula le batho ba Israyele, fote ke nyoko ba Modimo wa bona. 46 Fote ba nyoko ro tšiba gore ke nna Jehova Modimo wa bona, wa gore o ba ntshiye nageng ya Egepita gore a dule nabo. Ke nna Jehova Modimo wa bona.

30 “O make aletare ka mohlare wa moreke gore go be poleke ya go tšhubela dilo tsa go nkgela ga yona. 2 Yi be le mahlaya ka mane (4) ya go lekana, go be khyubhiti* ka yyoši ka go lefa, khyubhiti ka yyoši ka go psyaralala le dikhyubhiti ka dipedi (2) go ya gedimo. Go be selo ka ssoši le manaka ya yona. 3 O yi kgakgape ka gholdi ya gore ke mong yona ka ho gedimo, ka ho mathoko le mo manakeng ya yona; fote ho gedimo ga yona o yi kgabisele ka gholdi yi dukuluge mahlaya ka moka. 4 Ka mo tlase ga mokgabiso wone o make mekabelo ya gholdi, ka mmedi (2) ka nthoko ka yyoši, ka mmedi ka nthoko ye nngwana, mo ga mekabelo yone go nyoko kena diphate tsa gore ba nyoko yi kakola ka tsona. 5 Diphate tsone o di make ka mohlare wa moreke fote o di kgakgape ka gholdi. 6 O yi beye mahlong ga legaredheni la gore le thina le areka ya go ba le Lesome (10) la Melawo, mahlong ga sekogelo sa areka ya go ba le lesome la melawo ga gore ke nyoko tinyaretsa gago ke le gona.

7 “Aroni o nyoko tšhuba tsa go nkgela mone ga yona, ka bošego byo bongwana le byo bongwana mo a pombhola malampa. 8 Fote mo Aroni a tšhuba malampa ka malobana o nyoko tšhuba tsa go nkgela. Ke tsa go nkgela tsa gore di nyoko dula di tšhubiwa mahlong ga Jehova ga leloko la lune ka mokana ga lona. 9 Le sa tšhubi dilo tsa go nkgela tsa gore a di ya tshwanela kela sehlabelo sa go tšhubiwa kela sehlabelo sa mabele, fote le sa tšhele sehlabelo sa go nwiwa mo ga yona. 10 Aroni a tseye madi ya mangwana ya phoolwane yo a yi berekisiyeng mo a maka sehlabelo sa mo motho a sinnye a ma tšhele mo manakeng ya aletare gore a yi yedise. Di nyaka a make ka mokgonone ga teya (1) ka mongwaga ga leloko la lune ka mokana ga lona gore a thogo yi yedisa. Yi hlawolegiye ka matla ga Jehova.”

11 Ke mokane Jehova a re ga Moše: 12 “Nako ye nngwana le ye nngwana mo o balela barwayi ba Israyele, ye mongwana le ye mongwana a patele Jehova gore a phonise lephelo lage ka nako yonone, gore ba sa makegele ke tsa go baba mo ba balediwa. 13 Bo ba gore ba ngwadisiye ba nyoko leya dilo tsowa: hafo ya šekele* go ya ka šekele yo yi berekisiwang polekeng ya go hlawolega. Dighera* 20 ya tsona di lekana le šekele ka yyoši. Hafo ya šekele go nyoko ba moneyelo wa Jehova. 14 Ye mongwana le ye mongwana ye a ngwadisiyeng wa gore o na le 20 ya mengwaga go ya gedimo o nyoko ntsha moneyelo wa Jehova. 15 Ba gore ba ghannye ba sa ntshe ya go feta hafo ya šekele* fote ba gore baa tihlupegela ba sa ntshe ye nyana ga hafo ya šekele mo ba ntsha moneyelo wa Jehova gore ba phonise maphelo ya bona. 16 O tseye tšheleta ya silva ga Maisrayele gore le lepolle maphelo ya lune, fote o neyele ka yona gore yi berekisiwe letenteng la mogahlano gore Jehova a dule a gopola Maisrayele gore le phonise maphelo ya lune.”

17 Jehova a ya mahlong a bolabola le Moše a re: 18 “Maka lepolete ka koporo le selo sa gore le dule ga sona; ke mokane o le beye segare ga letente la mogahlano la aletare, fote o tšhele meetši ya gore go nyoko hlapiwa ka wona ka teng ga lona. 19 Aroni le barwayi bage ba nyoko hlapa matsogo le mawoto ya bona gana hone. 20 Mo ba kena letenteng la mogahlano kela mo ba ye bereka aletareng le go makela Jehova dihlabelo ka mollo, ba nyoko hlapa ka meetši yane gore ba sa kgwe. 21 Di nyaka ba hlape matsogo le mawoto ya bona gore ba sa kgwe, fote go nyoko ba molawo wa bona go ya go yye, wage le ditlogolwane tsage ga leloko la bona ka mokana ga lona.”

22 Jehova a ya mahlong a bolabola le Moše a re: 23 “Ke mokane o tseye dilo tsowa tsa go nkgela tsa gore ba di tseyela gedimo, kobodi (6) ya dikhiloghremo tsa mira wa gore wo tiyye, kararo (3) ya dikhiloghremo tsa sinamone ya go tswetswenya, kararo ya dikhiloghremo tsa khalamase* ya go nkgela, 24 le kobodi (6) ya dikhiloghremo tsa khasiya* go ya ka šekele yo yi berekisiwang polekeng ya go hlawolega, o tseye kararo (3) ya dilitha* le hafo tsa makgura ya diolivi. 25 Ke mokane o make makgura ya go hlawolega ka tsona; ma makiwe ka mokgo dilo tsa go nkgela di makiwang. Go nyoko ba makgura ya go hlawolega.

26 “O tlotse letente la mogahlano le areka ya go ba le Lesome (10) la Melawo ka wona, 27 o tlotse le tafola le dilo tsa yona ka mokana ga tsona, setšhubampara le dilo tsa sona, aletare ya go tšhubela dilo tsa go nkgela, 28 aletare ya go makela dihlabelo tsa go tšhubiwa ga yona le dilo tsa yona ka mokana ga tsona le lepolete le selo so le dulang ga sona. 29 O di neyele gore go be tsa go hlawolega ka matla. Di nyaka ye mongwana le ye mongwana ye a di tshwarang a hlawolege. 30 Fote o nyoko tlotsa Aroni le barwayi bage wa maka gore ba hlawolege gore go be maprista yaka.

31 “O nyoko botsa Maisrayele gore, ‘Yawa go nyoko fo dula go le makgura yaka ya go hlawolega ga leloko la lune ka mokana ga lona. 32 Ma sa tlole ke motho, le sa make makgura ya go tshwana nawo. Ma hlawolegiye. Ma nyoko fo dula ma hlawolegiye ga lune. 33 Ye mongwana le ye mongwana ye a makang makgura ya go tshwana nawo le wa gore o tseya ya mangwana ya wona a tlotsa motho* wa gore aa tshwanelega, di nyaka a bolayiwe.’”

34 Ke mokane Jehova a re ga Moše: “Tseya mehlobo yowa ya dilo tsa go nkgela, o make gore go be tsa go lekana: Selo sa go nkgela sa go thothetsa so ba reng ke setakethe, selo sa go nkgela so ba reng ke onikha, le ghalbhanamo ya go nkgela, o tseye le selo sa go nkgela sa go tšhubiwa sa gore se yediye. 35 O make tsa go nkgela ka tsona; dilo tsone di gahlanisiwe gabutši, di tšhediwe letswayi, di sa tšhediwi dilo tse dingwana, fote di hlawolege. 36 Di nyaka o šile tse dingwana tsa tsona go be lerole, le lengwana o le beye mahlong ga areka ya go ba le Lesome (10) la Melawo teng ga letente la mogahlano mo ke nyoko tinyaretsang gago. Dilo tsowa tsa go nkgela di hlawolege ka matla hone ga lune. 37 Dilo tsowa tsa go nkgela tsa gore o di gahlanisiye o sa titseyele tsona o di berekisa. Ka taba la gore ke selo sa gore se hlawolegiye ga Jehova 38 Ye mongwana le ye mongwana ye a makang tsa go tshwana natso gore a tikwise ka go di nkgelela di nyaka a bolayiwe.”

31 Jehova a ya mahlong a bolabola le Moše a re: 2 “Ke hlawodiye Bhezalele morwayi wa Uri morwayi wa Hure wa leloko la Juda. 3 Ke nyoko mo neya moya wa Modimo gore a hlalefe, a kwisise, fote go be segele sa mehlobo ka moka ya mebereko ya matsogo, 4 gore a polane gore dilo tsowa o nyoko di kgabisa byang, gore a bereke ka gholdi, silva le koporo, 5 gore a sege matlapa le go ma beya gabutši, le gore a make mehlobohlobo ya dilo tsa go makiwa ka dikwata. 6 Go tokegela mone, ke hlawodiye Oholiyabho morwayi wa Ahisamake wa leloko la Dani gore a mo gelepe, fote ke nyoko maka gore batho ka mokana ga bona ba gore ke digele tsa mmereko wa matsogo ba hlalefe gore ba ko thogo maka dilo ka mokana ga tsona tso ke go butsiyeng tsona: 7 letente la mogahlano, areka ya go ba le Lesome (10) la Melawo le sekhurumetso sa yona, dilo ka mokana ga tsona tso ba di berekisang ku letenteng, 8 tafola le dilo tsa yona, setšhubampara sa go makiwa ka gholdi ya gore ke mong yona le dilo tsa sona ka mokana ga tsona, aletare ya go tšhubela dilo tsa go nkgela ga yona, 9 aletare ya go makela dihlabelo tsa go tšhubiwa ga yona le dilo tsa yona ka mokana ga tsona, lepolete le selo so le dulang gedimo ga sona, 10 dikobo tsa gore di rukiwwe gabutši, dikobo tsa go hlawolega tsa Aroni wa gore ke moprista, dikobo tsa barwayi bage gore ba bereke go le maprista, 11 makgura ya go hlawolega le dilo tsa go nkgela tsa poleke ya go hlawolega. Ba nyoko maka dilo ka mokana ga tsona tso ke go butsiyeng tsona.”

12 Jehova a ya mahlong a bolabola le Moše a re: 13 “Bolabola le Maisrayele o ma botse gore, ‘Ga dilo ka mokana ga tsona le dule le gopola letšatši la sabatha ka gore le šupetsa kwano yo ke yi makiyeng le lune, ga leloko la lune ka mokana ga lona letšatši lone le nyoko le gopotsa gore nna Jehova ke makiye gore le hlawolege. 14 Le dule le gopola letšatši la Sabatha, ka gore ke letšatši la go hlawolega ho ga lune. Motho wa gore aa theetsele melawo ya Sabatha o nyoko bolayiwa. Mo motho a ka maka mmereko wo mongwana le wo mongwana ka letšatši lone, motho yene di nyaka a bolayiwe. 15 Mmereko wo ka makiwa ka kobodi (6) ya matšatši mara letšatši la kašupa (7) ke sabatha, ke letšatši la go hlawolega la go khutsa. Ke letšatši la go hlawolega ga Jehova. Ye mongwana le ye mongwana ye a makang mmereko ka letšatši la Sabatha di nyaka a bolayiwe. 16 Maisrayele di nyaka ma gopole letšatši la Sabatha; di nyaka ma gopole letšatši la Sabatha ga leloko la wona ka mokana ga lona. Ke kwano ya go ya go yye. 17 Letšatši la Sabatha le šupetsa kwano ya go ya go yye ya gore ke yi makiye le barwayi ba Israyele, ka gore Jehova o makiye magedimo le lefase ka kobodi (6) ya matšatši ke mokane ka letšatši la kašupa (7) a khutsa.’”

18 Byalo, mo Modimo a fetsa go bolabola le Moše ku Thabeng ya Sinayi, a neya Moše matlapa ka mabedi (2) ya dipsyatla ya gore ma na le lesome (10) la melawo, matlapa ka mabedi ya dipsyatla ya gore gedimo ga wona go ngwadiye letsogo* la Modimo.

32 Ka nako yonone, batho ba bona gore Moše ke mo a diyega go boya ku thabeng. Byalo, ba kgobakanela Aroni ba re gage: “Tlogamela o re makele modimo wa gore o nyoko re yeta mahlong, ka gore a re tšibi gore go makegiye ying ka ye ba reng ke Moše wa gore o re ntshiye nageng ya Egepita.” 2 Mo ba reyane, Aroni a re ga bona: “Tseyaneng mareni ya go makiwa ka gholdi ditsebeng tsa basadi ba lune, barwayi ba lune le barwediya ba lune le ma leye ho gaka.” 3 Byalo batho ka mokana ga bona ba thomisa go tseya mareni ya go makiwa ka gholdi ya gore ne ma le ditsebeng tsa bona ba ma yisa ga Aroni. 4 Ke mokane a tseya gholdi yone ga bona, a maka sethombhe sa senamane ka yona a berekisa tšhisele, ba thomisa gore: “Yewa ke Modimo wago, wene Israyele, wa gore o go ntshiye nageng ya Egepita.”

5 Mo Aroni a bona dilo tsowa, a yaga aletare mahlong ga sona. Ke mokane a yahlamela a re: “Go na le monyanya wa Jehova ka motshwana.” 6 Byalo ba tsoga ka phu ka motshwana wa gona ba thomisa go maka dihlabelo tsa go tšhubiwa le dihlabelo tsa go hlekediwa. Ka nthago ga hone, batho ba dula fase gore ba je, fote ba nwe. Ke mokane ba tlogamela ba tijabodisa.

7 Byalo, Jehova a re ga Moše: “Ariye, thewoga, ka taba la gore batho bago ba gore o ba ntshiye nageng ya Egepita ba sinnye ka matla. 8 Ba yakgoswiye ba lisetsa go latelela melawo yaka. Ba timakele sethombhe sa senamane, baa se kgotamela, fote ba se makela sehlabelo ba kene ba re, ‘Yewa ke Modimo wago, wene Israyele, wa gore o go ntshiye nageng ya Egepita.’” 9 Jehova a ya mahlong a botsa Moše gore: “Ke di bonne gore batho bowa ba womme dihlogo. 10 Byalo ntisetse, ke nyoko fetsa ka bona ka gore ke kwatiye ka matla, fote ke nyoko maka gore go tšwe setšhaba se segolo ho gago.”

11 Ke mokane Moše a kgopela Jehova Modimo wage a re: “Jehova barena, ke ntaba o kwatela batho bago ka nthago ga gore o ba ntshe nageng ya Egepita ka matšhika yago ya magolo? 12 Mo o maka ka mokgonone, Maegepita ma nyoko re, ‘Ke mo a nyaka go ba maka tsa go befa nakwela a ba ntsha Egepita. Ne a nyaka go ba bolaya ku dithabeng, a make gore go fele ka bona mo lefaseng.’ Ke kgopela o lisetse go kwata ka matla, fote o nagane gabutši ka sepheto sago sa go leyela batho bago dilo tsa go sasamela. 13 Gopola malata yago Abhrahama, Isaka le Israyele ba gore o ba tshepisiye ka lebitso lago wa re: ‘Ke nyoko maka gore ditlogolwane* tsago di tlale go tshwana le dinanedi tsa ku magedimong, fote ke nyoko neya ditlogolwane* tsago naga yo ke yi kgetiyeng ka mokana ga yona gore di yi tseye go be ya tsona go ya go yye.’”

14 Byalo Jehova a thomisa go tisola ka dilo tsa go sasamela tso a hlayyeng gore o nyoko di leyela batho bage.

15 Ke mokane Moše a sologa, a thewoga thaba a tshwere matlapa ka mabedi (2) ya dipsyatla ya go ba le lesome (10) la melawo. Matlapa yane ya dipsyatla ke mo ma ngwadiwwe mathoko ka moka; ba ma ngwadiye ka mahlong le ka nthago. 16 Modimo ke yene a makiyeng matlapa yane ya dipsyatla, a boya a ngwala mantsu yage mone ga wona. 17 Mo Jošuwa a thomisa go kwa batho ba rasa ka taba la gore ne ba yahlamela, a re ga Moše: “Di šupetsa nkare batho bowa ba ntweng.” 18 Mara Moše a re:

19 Mo Moše a segela ku kampeng, a bona senamane, fote a bona batho ba bina, a kwata ka matla, a lahla matlapa yala ya dipsyatla ya gore ke mo a ma tshwere ke mokane matlapa yala ma pshyayega hala go thomisang thaba. 20 A tseya senamane sela sa gore ne ba se makiye a se tšhuba ka mollo, a se šilanya gwa ba lerole; a bošela lerole lone ka meetšing ke mokane a maka gore Maisrayele ma nwe meetši yane. 21 Moše a re ga Aroni: “Ke ntaba o makiye gore batho bowa ba šinye ba sinya ka matla?” 22 Aroni a re gage: “O sa kwate morenaka. Le wene wa di tšiba gore batho bowa ba tlalele ka matla ga tso tsa go sinya. 23 Ba yitseri gaka, ‘Re makele modimo wa gore o nyoko re yeta mahlong, ka gore a re tšibi gore go makegiye ying ka ye ba reng ke Moše wa gore o re ntshiye nageng ya Egepita.’ 24 Byalo ka re ga bona, ‘Ye mongwana le ye mongwana wa gore o na le gholdi a yi ntshe a nneye yona.’ Ke mokane ka yi bošela mollong gwa tšwa senamane sowa.”

25 Moše a di bona gore Aroni o lisetsiye batho bowa ba tilawola, ba šinya ba tipoyila mahlong ga manaba ya bona. 26 Ke mokane Moše a yema gheyiting ya kampa, a re: “Ke mang wa gore o ka nthoko ga Jehova? A tle ho gaka!” Malifi ka mokana ga wona ma kgobakana ku gage. 27 Byalo a re ga bona: “Tsowa ke tso Jehova Modimo wa Israyele a di hlayyeng, ‘Ye mongwana le ye mongwana wa lune a tseye sabola yage, a sepele kampeng ka mokana ga yona go tlugisela gheyiting ye nngwana go segela ga ye nngwana, a bolaya bhuti wage, moyagelane wage le monghanage.’” 28 Malifi ma makiye ka mokgo Moše a hlayyeng. Byalo, ka letšatši lone ba bolayye gana hala ga 3 000 ya banna. 29 Ke mokane Moše a re: “Lekgono, tihlawoleneng gore le thogo maka mmereko wa Jehova ka gore ye mongwana le ye mongwana wa lune o lwile le morwayi wage le bhuti wage; ka taba la tsotsone Modimo o nyoko le rufa lekgono.”

30 Ka motshwana wa gona Moše a re ga batho bala: “Le sinnye ka matla, gana byalo ke nyoko ya ga Jehova, nakwenngwana nka hlaya se sengwana sa gore se ka maka gore a le tshwarele.” 31 Byalo Moše a boyela ga Jehova ke mokane a re: “Batho bowa ba sinnye ka matla! Ba timakele modimo wa gholdi! 32 Mara o ba tshwarele ga tso ba di sinnyeng mo nkare wa nyaka; mo nkare a o nyake ke kgopela o nsule ga puku yago yo o yi ngwadiyeng.” 33 Mara Jehova a re ga Moše: “Ye mongwana le ye mongwana wa gore o nsinyele, ke nyoko mo sula ga puku yaka. 34 Gana byalo ariye, o yetetse batho bowa o ba yise ga poleke yo ke go butsiyeng ka yona. Lengeloyi laka le nyoko go yeta mahlong, fote ka letšatši lo ke ba yahlulang ka lona ke nyoko ba wolola ka taba la tso ba di sinnyeng.” 35 Ke mokane Jehova a thomisa go ba leyela tsa go sasamela ka taba la gore ba makiye senamane, senamane sela sa gore se makiye ke Aroni.

33 Jehova a ya mahlong a botsa Moše gore: “Sepela o tloge howa, wene le batho bo o ba ntshiyeng nageng ya Egepita. Ariyeneng nageng ya gore ke tshepisiye Abhrahama, Isaka le Jakobo ke re, ‘Ke nyoko yi neya ditlogolwane* tsago.’ 2 Ke nyoko romela lengeloyi gore le le yete mahlong fote ka raka Makanana, Maamore, Mahethe, Maperezi, Mahivi le Majebuse. 3 Ariyeneng ga naga ya gore yi yela lebese le mamapo. Mara nka sa sepele le lune ka gore le batho ba gore ba womme dihlogo, fote nka tšhoga ke fetsiye ka lune ho pateng.”

4 Mo batho ba kwa mantsu yawa ya go baba, ba thomisa go lla fote gwa sa be le wa gore o yapara dilo tsage tsa go tikgabisa. 5 Jehova a re ga Moše: “Botsa Maisrayele gore, ‘Lune le batho ba gore ba womme dihlogo. Nka kena mone ga lune gana byalonyana ka napa ka le suwelanya ka mokana ga lune. Byalo, dulaneng le sa yapare dilo tsa lune tsa go tikgabisa mo ke sa nagana gore ke make ying ka lune.’” 6 Byalo, go tlugisela Thabeng ya Horebe go ya mahlong, Maisrayele ma sa sa yapara dilo tsa wona tsa go tikgabisa.

7 Moše a tseya letente lage a le hloma ka tawong ga kampa, a le hloma kgolenyana le kampa, fote a re ke letente la mogahlano. Motho ye mongwana le ye mongwana wa gore o nyaka go butsisa Jehova ke mo a ya ga letente lone la mogahlano la gore le ka tawong ga kampa. 8 Mo Moše a tšwa a ya ga letente lone, batho ka moka ke mo ba tlogamela ba yema menyako ya matente ya bona fote ke mo ba lebelela Moše go segela a kena ka teng ga letente lone. 9 Mo Moše a kena ka teng ga letente lone, liru ke mo le thewoga le segela le yema monyako wa letente mo Modimo a kene a bolabola le Moše. 10 Mo batho ka mokana ga bona ba bona liru le yemme monyako wa letente, ye mongwana le ye mongwana ke mo a thinya letolo a le monyako wa letente lage. 11 Jehova ke mo a bolabola le Moše ba lebeletsanne, go fo tshwana le ka mokgo motho ne a ka maka ka gona mo a bolabola le ye mongwana. Mo Moše a boyela kampeng, Jošuwa morwayi wa Nuni wa gore ke lelata lage ke mo a sa tloge hala letenteng.

12 Byalo, Moše a botsa Jehova gore: “Wene o mpotsa gore, ‘Yeta batho bowa mahlong,’ mara a wa mpotsa gore o nyoko nroma le mang. Go tokegela gana hone, o yitseri, ‘Ke go tšiba ka lebitso,* fote ke go yamogele.’ 13 Mo nkare o n’yamogele, ke kgopela o make gore ke tšibe ditsela tsago, gore ke go tšibe fote o ye mahlong o n’yamogela. O sa lebale gore setšhaba sowa ke batho bago.” 14 Byalo Modimo a re: “Ke nyoko sepela nago, fote ke nyoko maka gore o bebe.” 15 Ke mokane Moše a re gage: “Mo nkare a o sepele le rune, o sa re ntshe howa. 16 Batho ba nyoko di tšibela kaye gore o n’yamogele, nna le batho bago? Ayitsano di ka sa bonale ka mo o sepela le rune, nna le batho bago, gore o re hlawodiye ga batho ba bangwana ba mo lefaseng?”

17 Jehova a ya mahlong a bolabola le Moše a re: “Ke nyoko maka le ka mokgo o nkgopelang, ka taba la gore ke go yamogele fote ke go tšiba ka lebitso.” 18 Ke mokane a re: “Ke kgopela o nšupetse go gadima gago.” 19 Mara Modimo a re: “Ke nyoko maka gore o bone go gadima gaka, fote ke nyoko bolabola ka lebitso la Jehova mahlong gago; ke nyoko yamogela ye ke mo yamogelang, fote ke nyoko kwela go baba ye ke mo kwelang go baba.” 20 Mara a tokegela ka gore: “O ka sa bone sefahlego saka, ka gore a go na motho ye a ka mponang a phela.”

21 Jehova a ya mahlong a re: “Poleke ke yowa ho thina gaka. Kalama mone letlapeng. 22 Mo ke feta hone ke go šupetsa go gadima gaka, ke nyoko go wutametsa mone letlapeng, fote ke nyoko go pasopa ka letsogo laka gore ke šinye ke feta. 23 Ka nthago ga hone ke nyoko tlosa letsogo laka, fote o nyoko ba o lebelele sekodi saka. Mara sefahlego saka o ka sa se bone.”

34 Ke mokane Jehova a re ga Moše: “Timakele matlapa ka mabedi (2) ya dipsyatla ya go tshwana le yala ya mathomo, fote mo gedimo ga wona ke nyoko ngwala mantsu yala ya gore ne ke ma ngwadiye ga matlapa yala ya mathomo ya gore o ma pshyayye. 2 Ka motshwana ka bošego o be o tilukisiye ka gore o nyoko ya Thabeng ya Sinayi, ke mokane wa segela o yema mahlong gaka gana hone gedimo ga yona. 3 O sa yi le motho, fote go sa be le motho ye a boniwang hone thabeng. Go sa be le merape yo yi kgulang thina le thaba yone.”

4 Byalo Moše a maka matlapa ka mabedi (2) ya dipsyatla ya go tshwana le yala ya mathomo, fote a tsoga ka bošego a ya Thabeng ya Sinayi go fo ya ka mokgo Jehova a mmutsiyeng ka gona, ke mo a tshwere matlapa ka mabedi ya dipsyatla. 5 Ke mokane Jehova a thewoga ka liru a yema naye gana hone, fote a bolabola ka lebitso la Jehova. 6 Jehova ke mo a feta mahlong gage a re: “Jehova, Jehova, Modimo wa go kwelana go baba, wa gore o na le pelo ya gabutši, wa go diyega go kwata, wa go nyakanana ka matla, wa gore fote wa tshepega, 7 wa go šupetsa dikete tsa batho gore wa nyakanana, wa go re tshwarela ga tso re di kekemisang le mo re sa makang gabutši le ga tso re di sinnyeng, mara ba gore ba na le molato a ka sa ba lisetsi a sa ba wolola, o nyoko wolola barwayi le ditlogolwane ka taba la tso di makiyeng ke bopapa ba bona, go segela ka leloko la kararo (3) le leloko la kanne (4).”

8 Moše a yakgoswa a thinya letolo fote a yinamisa hlogo. 9 Ke mokane a re: “Mo nkare o n’yamogele wene Jehova, ke kgopela gore o sepele le rune wene Jehova le mo nkare re batho ba go woma dihlogo, fote o re tshwarele ga tso re di sinnyeng, o re tseye re le batho bago.” 10 Yene a re: “Ke nna yewa ke maka kwano ya gore: Ke nyoko maka dilo tsa go makatsa mahlong ga Maisrayele ka mokana ga wona tsa gore a di soko makiwa lefaseng ka mokana ga lona kela ga ditšhaba ka mokana ga tsona, fote batho ka mokana ga bona bo le dulang nabo ba nyoko bona mmereko wa Jehova ka taba la gore dilo tso ke di makang le lune di ya makatsa.

11 “Dilo tso ke le botsang tsona lekgono le di tseyele gedimo. Ke nna yewa ke nyoko le yeta mahlong fote ke nyoko raka Maamore, Makanana, Mahethe, Maperezi, Mahivi le Majebuse. 12 Le pasope gore le sa make kwano le batho ba naga yo le yang ga yona, ka taba la gore go ka ba molabo ho ga lune. 13 Mara le wise dialetare tsa bona, le pshyayanye dikholomo tsa bona tsa go hlawolega fote le kupe dikwata tsa bona tsa go hlawolega. 14 Le sa kgotamele medimo ye mengwana, ka gore ye mongwana le ye mongwana wa di tšiba* gore Jehova o nyaka batho ba tineyela ka go felegelela gage. Eya, ke Modimo wa gore o nyaka gore batho ba felegelela mo ba tineyela gage. 15 Le pasope gore le sa make kwano le batho ba naga yone, ka taba la gore mo ba maka bonghwahla le medimo ya bona, fote ba yi makela dihlabelo, ye mongwana o nyoko le mema, fote le nyoko ja ga tso a makiyeng dihlabelo ka tsona. 16 Ke mokane le nyoko fetsa le tseyele barwayi ba lune barwediya ba bona ba bangwana, barwediya ba bona ba nyoko maka bonghwahla le medimo ya bona, fote ba maka gore barwayi ba lune ba make bonghwahla le medimo ya bona.

17 “Le sa make medimo ya go makiwa ka tshipi.

18 “Le make Monyanya wa Dikgwa Tsa go se na Dikomelo. Le nyoko ja dikgwa tsa go se na dikomelo go fo ya ka mokgo ke le butsiyeng ka gona; le fetse kašupa (7) ya matšatši le maka ka mokgo ka nako ya gona ka kgwedi ya Abhibhi,* ka taba la gore le tšwile Egepita ka kgwedi ya Abhibhi.

19 “Barwayi ba lune ba matšibula ke baka, le matšibula ka mokana ga wona ya diphoolwane tsa lune ke yaka, go ka fo ba go le letšibula la kgomu ya phoolo kela la nku. 20 Le lepolle matšibula ya dibhongholo tsa lune ka dinku. Mara mo le sa di lepolle, le robe melala ya tsona. Di nyaka le lepolle letšibula le lengwana le le lengwana la barwayi ba lune. Go sa be le ye a tlang mahlong gaka a lekalekisa matsogo.

21 “Le nyoko fetsa kobodi (6) ya matšatši le bereka, mara ka letšatši la kašupa (7) le nyoko khutsa.* Le nyoko khutsa le mo go le nako ya go lima le ya go buna.

22 “Le nyoko maka Monyanya wa Mabeke ka diyengwa tsa lune tsa gore di butšwiye mathomisong tsa mo le buna korong, le make le Monyanya wa mo go le Nako ya go Fetsa go Buna* mo go fela mongwaga.

23 “Banna ka mokana ga bona di nyaka ba nyarele mahlong ga Jehova Morena wa mannete, Modimo wa Israyele gararo (3) ka mongwaga. 24 Ke nyoko le yeta mahlong ka raka ditšhaba fote ka maka gore poleke ya lune go be ye kgolo, a go na ye a nyoko nabelang naga ya lune mo le ya mahlong ga Jehova Modimo wa lune gararo (3) ka mongwaga.

25 “Le sa leye selo sa go ba le dikomelo mo le neyela madi ya sehlabelo saka. Sehlabelo sa monyanya wa Paseka le sa se yetsedisi go segela ka bošego.

26 “Le leye diyengwa tsa gore di butšwiye mathomisong tso le di bunneng tsa gore ke mong tsona ntlong ya Jehova Modimo wa lune.

“Le sa bidisi seputsanyana ka lebese la mmane wa sona.”

27 Jehova a ya mahlong a bolabola le Moše a re: “O ngwale mantsu yawa, ka gore ke maka kwano nago le Maisrayele ka go dumelelana le mantsu yawa.” 28 O fetsiye 40 ya matšatši le 40 ya mašego a le gana hone le Jehova. Ke mo a sa ji selo fote a sa nwe meetši. Fote hala ga matlapa yala ya dipsyatla, Modimo o ngwadiye mantsu ya kwano ya gore ke Lesome la Melawo.

29 Moše a thewoga hala Thabeng ya Sinayi, ke mo a tshwere matlapa ka mabedi (2) ya dipsyatla ya go ba le lesome (10) la melawo. Mo a thewoga hala thabeng, ke mo a sa di tšibi gore letlalo lage la mo sefahlegong ke mo le gadima ka taba la gore ke mo a bolabola le Modimo. 30 Mo Aroni le Maisrayele ka mokana ga wona ba bona Moše, ke mo ba di bona gore letlalo la sefahlego sage le ya gadima fote ke mo ba tšhaba go šutela thina naye.

31 Moše a ba bitsa, byalo Aroni le dindhuna ka mokana ga tsona tsa mogoba wone ba ya gage ke mokane Moše a bolabola nabo. 32 Ka nthago ga hone, Maisrayele ka mokana ga wona ma šutela thina gage, a ba neya melawo ka mokana ga yona yo Jehova a mo neyyeng yona ku Thabeng ya Sinayi. 33 Mo Moše a fetsa go bolabola nabo, ke mo a tikwala ka llapi mo sefahlegong. 34 Mara mo Moše a ya mahlong ga Jehova gore a bolabole naye, ke mo a tlosa llapi lone go segela a tšwa. Ke mokane ke mo a tšwa fote a botsa Maisrayele tso Modimo a mmutsiyeng tsona. 35 Maisrayele ma di bona gore letlalo la Moše la mo sefahlegong ke mo le gadima; Moše ke mo a tikwala ka llapi lone mo sefahlegong go segela mo a ye bolabola le Modimo.

35 Ka nthago Moše a gahlanisa mogoba ka mokana ga wona wa Maisrayele, a re ga wona: “Tsowa ke tso Jehova a mputsiyeng gore di tshwanele di makiwe: 2 Le ka maka mmereko ka kobodi (6) ya matšatši, mara letšatši la kašupa (7) le nyoko ba selo sa go hlawolega ga lune, go nyoko ba letšatši la sabatha, letšatši la go khutsa la gore le hlawolegiye ga Jehova. Ye a makang mmereko ka letšatši lone o nyoko bolayiwa. 3 Le sa gotsi mollo ga poleke ye nngwana le ye nngwana yo le dulang ga yona ka letšatši la Sabatha.”

4 Ke mokane Moše a botsa mogoba wa Maisrayele ka moka a re: “Tsowa ke tso Jehova a di hlayyeng, 5 ‘Le ntshele Jehova moneyelo. Ye mongwana le ye mongwana ye pelo yage yi nyakang a leye moneyelo ga Jehova: gholdi, silva, koporo, 6 gare ye tala sebakabaka, gare ye phepholo, llapi le lekhubedu, llapi la linene la gore ke mong lona, boya bya pudi, 7 mekgopa ya dinku tsa phoolo ya gore ba yi dayye ka bokhubedu, mekgopa ya diphoolwane tsa meetšing, diphate tsa mohlare wa moreke, 8 makgura ya go tšhela malampeng, bhalesamo ya gore ba yi berekisa mo ba maka makgura ya go hlawolega le tsa go tšhubiwa tsa go nkgela, 9 matlapa ya onikisi le matlapa ya mangwana ya gore ne ba ma berekisa ga efoda le ga sa mo dikgubeng.

10 “‘Ye mongwana le ye mongwana wa gore ke segele mo ga lune a tle a make dilo ka moka tso Jehova a di hlayyeng, 11 dilo tsa gona ke tsowa: tabarenakele le letente la yona le sa go yi khurumetsa, megwabetso ya yona, diforemo tsa yona, diphate tsa yona, dikholomo tsa yona le tsa go thegeletsa dikholomo; 12 Areka le diphate tsa yona, sa go khurumetsa le legaredheni la go yi tšhira; 13 tafola le diphate tsa yona, dilo tsa yona ka mokana ga tsona le sekgwa sa go hlawolega; 14 setšhubampara gore go khanye le dilo tsa sona, malampa ya sona le makgura ya gona; 15 aletare ya go tšhubela tsa go nkgela gedimo ga yona le diphate tsa yona; makgura ya go hlawolega le tsa go tšhubiwa tsa go nkgela; legaredheni la monyako wa tabarenakele; 16 aletare ya go makela dihlabelo tsa go tšhubiwa le sefo ya yona ya gore ba yi makiye ka koporo, diphate tsa yona le dilo tsa yona ka mokana ga tsona; lepolete le selo sa gore le dula ga sona; 17 magaredheni ya lapeng, dikholomo tsa lona le tsa go thegeletsa dikholomo tsa lona; legaredheni la monyako wa go kena lapeng; 18 dikhonkhwane* tsa letente la tabarenakele le dikhonkhwane tsa letente la lapeng le dithapo tsa gona; 19 dikobo tsa gore ba di rukiye gabutši tsa gore ba di yapara mo ba bereka tabarenakeleng, dikobo tsa go hlawolega tsa Aroni wa gore ke moprista, le dikobo tsa barwayi bage ba gore ba bereka go le maprista.’”

20 Byalo, mogoba ka mokana ga wona wa Maisrayele wa tloga mahlong ga Moše. 21 Ye mongwana le ye mongwana wa gore ne a nyaka go gelepa le wa gore ne di mo tšhofa gore a leye moneyelo wa Jehova, o tlile a leya moneyelo wage, moneyelo wage ba nyoko wo berekisa go maka letente la mogahlano, go maka gore le be le dilo tso ba nyoko di berekisang mo ba rapela le go maka dikobo tsa go hlawolega. 22 Ke mo ba fo tla ba kene ba lategetsana, banna le basadi, ye mongwana le ye mongwana a kwa pelo yage yi mo tšhofa, ba tla le dilo tsa go konopetsa ho dikobong, mareni, diringi le dilo tse dingwana tsa mohlobo wonone le dilo tse dingwana tsa mohlobohlobo tsa go makiwa ka gholdi. Ka mokana ga bona ba yisa dihlabelo tsa bona* tsa gholdi ga Jehova. 23 Fote ka mokana ga bona ba gore ke mo ba na le gare ye tala sebakabaka, gare ye phepholo, llapi le lekhubedu, llapi la linene la gore ke mong lona, boya bya pudi, mekgopa ya dinku tsa phoolo ya gore ba yi dayye ka bokhubedu le mekgopa ya diphoolwane tsa meetšing, ba di leya. 24 Batho ka mokana ga bona bo ne ba neyela ka silva le koporo ba leya moneyelo wa Jehova, batho ka mokana ga bona ba gore ne ba na le diphate tsa mohlare wa moreke tsa gore ba ka di berekisa ga mmereko wone ba di leya.

25 Basadi ka mokana ga bona ba gore ne ba kgona go maka gare, ba leya tso ba di makiyeng: ba leyye gare ye tala sebakabaka, gare ye phepholo, llapi le lekhubedu le llapi la linene la gore ke mong lona. 26 Basadi ka mokana ga bona ba gore ne ba nyaka ba gore fote ke mo ba kgona go maka gare, ba makiye gare ka boya bya pudi.

27 Dindhuna di leyye matlapa ya onikisi le matlapa ya mangwana gore ba ma tšhele ga efoda le ga sa mo sekgubeng, 28 ba leya le bhalesamo le makgura ya go tšhela malampeng ya gore fote ba nyoko ma berekisa mo ba maka makgura ya go hlawolega le tsa go tšhubiwa tsa go nkgela. 29 Banna le basadi ka mokana ga bona ba leya se sengwana gore go makiwe mmereko wa gore Jehova o butsiye Moše gore wo makiwe; Maisrayele ma leyye dilo tsone ma sa tšhofe ke motho go le sehlabelo sa Jehova.

30 Ke mokane Moše a re ga Maisrayele: “Bonaneng, Jehova o hlawodiye Bhezalele morwayi wa Uri morwayi wa Hure wa leloko la Juda. 31 O mo neyye moya wa Modimo, a maka gore a hlalefe, a kwisise fote go be segele sa mehlobo ka moka ya mmereko wa matsogo 32 gore a polane gore dilo tsowa o nyoko di kgabisa byang, gore a bereke ka gholdi, silva le koporo, 33 gore a kupe matlapa le go ma beya gabutši le gore a make mehlobohlobo ya dilo tsa go makiwa ka dikwata. 34 Fote Modimo a maka gore Bhezalele le Oholiyabho morwayi wa Ahisamake wa leloko la Dani ba kgone go tšhutisa ba bangwana. 35 O makiye gore go be digele tsa go maka mmereko wa matsogo, mmereko wa go roka, mmereko wa go maka gare ba berekisa gare ye tala sebakabaka, gare ye phepholo, llapi le lekhubedu, llapi la linene la gore ke mong lona le mmereko wa go loga. Banna bowa ba nyoko maka mmereko wo mongwana le wo mongwana, fote ba khanda le mehlobo ye mengwana le ye mengwana ya dilo.

36 “Bhezalele o nyoko bereka le Oholiyabho le banna ka mokana ga bona ba gore ke digele, ba gore Jehova o makiye gore ba hlalefe fote ba kwisise gore ba thogo tšiba gore mmereko ka mokana ga wona wa go hlawolega ba wo make byang go fo ya ka mokgo Jehova a hlayyeng.”

2 Moše a bitsa Bhezalele, Oholiyabho le banna ka mokana ga bona ba gore ke digele ba gore Jehova o makiye gore ba hlalefe, ye mongwana le ye mongwana wa gore ke mo a nyaka go maka mmereko wone. 3 Ke mokane ba tseya meneyelo ka moka ga yona ga Moše ya gore Maisrayele ma yi leyye gore go makiwe mmereko wa go hlawolega. Mara batho bowa ba yye mahlong ba mo leyela dilo ba sa tšhofe ke motho, ba makiye ka mokgonone ka bošego byo bongwana le byo bongwana.

4 Mo ba šele ba thomisiye mmereko wa go hlawolega, batho ka mokana ga bona ba gore ne go le digele ke mo ba tla ka go latelana, 5 fote ke mo ba botsa Moše gore: “Batho bala ba tlisa dilo tsa go tlala go feta ka mokgo go nyakegang gore go makiwe mmereko wa gore Jehova o yitseri re wo make.” 6 Byalo, Moše a re ba sabalatse mone kampeng ka mokana ga yona gore: “Lune banna le basadi, le sa sa leya dilo tse dingwana tsa moneyelo wa go hlawolega.” Ke mokane ba napa ba thibelela batho gore ba sa sa tlisa dilo tse dingwana. 7 Dilo tso ne ba di leyye ne di lekanele gore ba ka maka mmereko ka mokana ga wona, ke mo di feta tso ne di nyakega.

8 Byalo, batho ka mokana ga bona ba gore ke digele ba maka tabarenakele ka lesome (10) la malapi ya linene ya gore ke mong wona, gare ye tala sebakabaka, gare ye phepholo le llapi le lekhubedu; o* rukelele makerubi mo ga wona. 9 Llapi le lengwana le le lengwana ke mo le le 28 ya dikhyubhiti* ka go lefa le kanne (4) ya dikhyubhiti ka go psyaralala. Malapi yane ka mokana ga wona ke mo ma lekana. 10 Ke mokane a gahlanisa kapheta (5) ya malapi, a boya a gahlanisa le malapi ya mangwana kapheta ya wona. 11 Ka nthago ga mone, a maka dithapo ka gare ye tala sebakabaka mo mafelelong ga llapi ka lloši ga gore le nyoko gahlana gona le le lengwana. O makiye ka mokgonone le mo mafelelong ga llapi le lengwana ga gore malapi yane ma gahlana gona. 12 O makiye 50 ya dithapo ga llapi le lengwana, a maka le 50 ya dithapo ka nthoko ye nngwana mo mafelelong ga llapi mo le nyoko gahlanang le llapi le lengwana gore dithapo tsone di lebane. 13 A fetsa a makiye 50 ya megwabetso ya gholdi, a gahlanisa malapi yane a berekisa megwabetso yone gore tabarenakele go be selo ka ssoši.

14 O makiye le malapi ya go kogetsa tabarenakele ka boya bya pudi. O makiye 11 ya malapi. 15 Letente le lengwana le le lengwana ke mo go le 30 ya dikhyubhiti ka go lefa le kanne (4) ya dikhyubhiti ka go psyaralala. Malapi yane 11 ya wona ke mo ma lekana. 16 Ke mokane o gahlanisiye kapheta (5) ya malapi gwa ba selo ka ssoši, o gahlanisiye le kobodi (6) ya malapi ya mangwana gwa ba selo ka ssoši. 17 Ga llapi la mafelelo o makiye 50 ya dithapo mo mafelelong ga lona ga gore ma gahlana gona, o makiye le 50 ya dithapo mo mafelelong ya llapi le lengwana mo ma gahlanang gona. 18 Fote o makiye 50 ya megwabetso ya koporo ya gore yi nyoko gahlanisa malapi yane gore go be selo ka ssoši.

19 O makiye le sa go khurumetsa letente ka mokgopa wa nku ya phoolo wa gore ba wo dayye ka bokhubedu le sa go khurumetsa ka mekgopa ya diphoolwane tsa meetšing.

20 Ke mokane a berekisa mohlare wa moreke gore a make diforemo tsa tabarenakele tsa gore ke mo di yemme. 21 Foremo ye nngwana le ye nngwana ke mo yi le lesome (10) la dikhyubhiti go ya gedimo le khyubhiti ka yyoši le hafo ka bokoto. 22 Foremo ye nngwana le ye nngwana ke mo yi na le diphatane ka dipedi (2) tsa gore di ya lekana. Ke ka mokgo a makiyeng diforemo ka mokana ga tsona tsa tabarenakele. 23 O makiye 20 ya diforemo gore di be ka nthoko ya ka borwa bya tabarenakele. 24 Ke mokane a maka 40 ya dilo tsa go thega diforemo ka silva gore di be ka tlase ga 20 ya diforemo tsela, ka tlase ga foremo ka yyoši ke mo go na le dilo ka dipedi (2) tsa go thega diforemo tsa gore go kene diphatane tsa yona ka dipedi, le ka tlase ga foremo ye nngwana ke mo go na le dilo ka dipedi tsa go thega diforemo tsa gore go kene diphatane tsa yona ka dipedi. 25 O makiye 20 ya diforemo tsa ka nthoko ya lebowa la tabarenakele 26 le 40 ya dilo tsa go thega diforemo tsa go makiwa ka silva, ka tlase ga foremo ka yyoši gwa ba le dilo ka dipedi (2) tsa go thega diforemo, fote ka tlase ga foremo ye nngwana le ye nngwana ke mo go na le dilo ka dipedi tsa go thega diforemo.

27 O makiye kobodi (6) ya diforemo a makela sekopa sa ka nthago sa tabarenakele sa gore se ka bodikela. 28 O makiye diforemo ka dipedi (2) tsa gore go nyoko ba dikhona ka dipedi tsa ka nthago tsa tabarenakele. 29 Diforemo tsone ke mo go le dikopa ka dipedi (2) go tlugisela tlase go segela ga mokabelo wa mathomo ku gedimo. Nka mokgo a makiyeng diforemo ka dipedi tsa dikhonong. 30 Mo di felele ke mo go le mabala (8) ya diforemo le 16 ya dilo tsa go thega diforemo tsa go makiwa ka silva, ka tlase ga foremo ye nngwana le ye nngwana ke mo go na le dilo ka dipedi (2) tsa go thega diforemo.

31 Ke mokane a maka diphate ka mohlare wa moreke, diforemo tsa ka nthoko ka yyoši ya tabarenakele o di makele kapheta (5) ya tsona, 32 diforemo tsa ka nthoko ye nngwana ya tabarenakele le tsona o di makele diphate kapheta (5) ya tsona, le diforemo tsa ka nthoko ya ka bodikela ya tabarenakele ya gore ke sekopa sa ka nthago o di makele kapheta ya diphate. 33 Ke mokane a maka phate ya mo gare ya gore yi feta gare ga diforemo, ya go tloga mathomisong go segela mafelelong. 34 O kgakgapiye diforemo tsone ka gholdi, fote o makiye mekabelo ya gholdi gore di thogo tshwara diphate tsone, a boya a kgakgapa diphate tsone ka gholdi.

35 O makiye legaredheni ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona. A le rokelela dithombhe tsa makerubi. 36 Ke mokane a yi makela kanne (4) ya dikholomo tsa mohlare wa moreke a di kgakgapa ka gholdi, a maka le megwabetso ya gholdi, a yi makela le dilo ka dine (4) tsa silva tsa go thega dikholomo. 37 Ka nthago, o makiye legaredheni la monyako wa letente ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona, 38 a maka le kapheta (5) ya dikholomo le megwabetso ya tsona. O kgakgapiye dikholomo tsone ho gedimo le mekabelo ya tsona ka gholdi, mara tso tsa go thegeletsa dikholomo kapheta ya tsona ke mo go le tsa koporo.

37 Bhezalele a maka Areka ka mohlare wa moreke. Ke mo yi le dikhyubhiti* ka dipedi (2) le hafo ka go lefa, khyubhiti le hafo ka go psyaralala le khyubhiti le hafo go ya gedimo. 2 A yi kgakgapa ka gholdi ya gore ke mong yona ka teng le ka tawong, fote a yi makela le lepanta la gholdi go yi dukuluga. 3 Ka nthago ga hone, a yi makela kanne (4) ya mekabelo ya gholdi a yi hlomegetsa ka ho gedimo ga kanne ya mawoto ya yona, khona ye nngwana le ye nngwana ke mo yi na le mokabelo ka wwoši. 4 Fote a maka diphate ka mohlare wa moreke, a di kgakgapa ka gholdi. 5 Ke mokane a tšhela diphate tsone hala ga mekabelo ya gore yi ka mo mathoko ga Areka gore yi thogo kakodiwa ka tsona.

6 A yi makela sekhurumetso sa gholdi. Ke mo se le dikhyubhiti ka dipedi (2) le hafo ka go lefa, fote go le khyubhiti le hafo ka go psyaralala. 7 Ke mokane a maka makerubi ka mabedi (2) ka gholdi a berekisa hamola, a ma beya ka ho le ka ho mo mafelelong ya sekhurumetso. 8 Lekerubi ka lloši ke mo le le ka nthoko ye nngwana, le lengwana le le ka nthoko ye nngwana. A ma beya ka ho le ka ho mo mafelelong ya sekhurumetso. 9 Makerubi yane ka mabedi (2) ke mo ma phurulliye mafafela ya wona, ma kogetsiye sekhurumetso sone ka wona. Ke mo ma lebanne, difahlego tsa makerubi yane ke mo di yinamele mo sekhurumetsong.

10 Ke mokane a maka le tafola ka mohlare wa moreke. Ke mo yi le dikhyubhiti ka dipedi (2) ka go lefa, khyubhiti ka yyoši ka go psyaralala, fote go le khyubhiti ka yyoši le hafo go ya gedimo. 11 O yi kgakgapiye ka gholdi ya gore ke mong yona, fote mo gedimo ga yona a yi kgabisa ka gholdi go dukuluga mahlaya ka moka. 12 Ka mo mathoko a tšhela lepolanka la gore le lekana le gana hala ga kašupa (7) ya disenthimitha* ka go psyaralala, fote mo gedimo a le kgabisa ka gholdi go le dukuluga. 13 A boya a le makela le kanne (4) ya mekabelo ya gholdi, a yi beya ga kanne ya dikhona tsa yona mo go nang le kanne ya mawoto ya yona. 14 Mekabelo yone ke mo yi le ka tlase ga lepolanka lela, ke mo go le ya go tshwara diphate tso tsa go kakola tafola. 15 Ke mokane a maka diphate ka mohlare wa moreke, fote a di kgakgapa ka gholdi gore tafola yone yi kakodiwe ka tsona. 16 Ka nthago, a maka dilo tsa gore di nyoko berekisiwa mone tafoleng ka gholdi ya gore ke mong yona—o makiye ditša tsa yona, dikomitši tsa yona, ditša tsa yona tsa motšiti le dilo tsa go tšhela dihlabelo tsa go nwiwa.

17 Ke mokane a maka setšhubampara ka gholdi ya gore ke mong yona. Setšhubampara sone o se makiye a berekisa hamola. Ke mo go le selo ka ssoši go tlugisela mo se gatiyeng gona go ya gedimo, se na le makala, ma na le mo ma thunyang gona, mo ma hlomegetsanang gona le mabhlomu. 18 Ka mo mathoko ga setšhubampara sone ke mo go na le kobodi (6) ya makala, kararo (3) ya wona ma le ka nthoko ye nngwana, ka nthoko ye nngwana go na le kararo ya wona. 19 Makala ya ka nthoko ka yyoši ke mo ma na le kararo (3) ya mabhlomunyana ya go yema nkare ke mabhlomu ya dialemonde, ma na le mo ma gahlanang gona go lategetsana le mabhlomu, le ya ka nthoko ye nngwana ma nyoko ba le kararo ya mabhlomunyana ya go yema nkare ke mabhlomu ya dialemonde, ma na le mo ma gahlanang gona go lategetsana le mabhlomu. Ba makiye ka mokgonone ga kobodi (6) ya makala ya go tloga ho mmeleng wa setšhubampara. 20 Fote mo mmeleng wa setšhubampara sone ke mo go na le kanne (4) ya mabhlomunyana ya go yema nkare ke mabhlomu ya dialemonde, ma na le mo ma gahlanang gona go lategetsana le mabhlomu. 21 Ka ho tlase ga makala ka mabedi (2) ya mathomo, ke mo go na le sa go hlomegetsa ke mokane ka tlase ga makala ya go latela ka mabedi go na le se sengwana sa go hlomegetsa, le ka tlase ga makala ya mangwana ka mabedi ke mo go na le sa go hlomegetsa, ke mo go le ka mokgonone ga kobodi (6) ya makala ya go tloga mo mmeleng wa sona. 22 Makala, mo ma hlomegetsanang gona le setšhubampara sone ka mokana ga sona, ke mo go le selo ka ssoši sa gore se makiwwe ka hamola ka gholdi ya gore ke mong yona. 23 Ke mokane a se makela kašupa (7) ya malampa, a se makela le dilo tsa go tshwara malampa le pane ya go rwala magala ka gholdi ya gore ke mong yona. 24 Setšhubampara sone le dilo tsa sona ka moka o di makiye ka talente* ka yyoši ya gholdi ya gore ke mong yona.

25 Ke mokane a maka aletare ya go tšhubela tsa go nkgela ga yona ka mohlare wa moreke. Mahlaya ka mokana ga wona ke mo ma lekana, go le khyubhiti ka yyoši ka go lefa, khyubhiti ka yyoši ka go psyaralala le dikhyubhiti ka dipedi (2) go ya gedimo. Ke mo yi le selo ka ssoši le manaka ya yona. 26 A yi kgakgapa ka gholdi ya gore ke mong yona, ka ho gedimo, ka ho mathoko le ho manakeng, fote ho gedimo ga yona a yi kgabisela ka gholdi ya dukuluga mahlaya ka moka. 27 Ka ho tlase ga mokgabiso wone a maka mekabelo ya gholdi, ka mmedi (2) ka nthoko ka yyoši, ka mmedi ka nthoko ye nngwana, ya gore go kena diphate tsa gore yi kakodiwa ka tsona. 28 Ka nthago, a maka diphate tsone ka mohlare wa moreke, fote a di kgakgapa ka gholdi. 29 A maka le makgura ya go hlawolega, le tsa go nkgela tsa go tšhubiwa tsa gore di yediye, ka mokgo dilo tsa go nkgela di makiwang ka gona.

38 A maka le aletare ya sehlabelo sa go tšhubiwa ka mohlare wa moreke. Mahlaya ka mokana ga wona ke mo ma lekana, go le kapheta (5) ya dikhyubhiti* ka go lefa, kapheta ya dikhyubhiti ka go psyaralala le kararo (3) ya dikhyubhiti go ya gedimo. 2 Ke mokane a maka kanne (4) ya manaka ya yona mo dikhonong tsa yona. Ke mo yi le selo ka ssoši le manaka ya yona. A boya a yi kgakgapa ka koporo. 3 Ka nthago, a maka dilo tsa mone aletareng ka mokana ga tsona, dipakete, difošolo, ditša tsa motšiti, diforoko le dipane tsa go rwala magala. Dilo tsa yona ka mokana ga tsona o di makiye ka koporo. 4 O makiye le sefo ya mo aletareng ya gore yi makiwwe ka koporo ka tlase ga lepolanka la yona go ya segare ga yona. 5 O makiye kanne (4) ya mekabelo mo dikhonong tsa yona ka dine (4) thina le sefo ya koporo ga gore go nyoko kena diphate. 6 Ka nthago a maka diphate ka mohlare wa moreke, fote a di kgakgapa ka koporo. 7 A tšhela diphate tsone ga mekabelo yela ka mo mathoko ga aletare gore yi kakodiwe ka tsona. Aletare yone o yi makiye nkare ke lebhokisi la mapolanka la gore a le na selo ka mo teng.

8 Ke mokane a maka lepolete ka koporo le sa gore le dula gedimo ga sona; o berekisiye diboki tsa go makiwa ka koporo tsa basadi ba gore ke mo ba bereka monyako wa letente la mogahlano.

9 Ke mokane a maka lapa. Ka nthoko ya ka borwa, lapa lone ke mo le na le legaredheni la gore le makiwwe ka llapi la linene la gore ke mong lona la gore ke 100 ya dikhyubhiti. 10 Ke mo go na le 20 ya dikholomo le 20 ya dilo tsa go makiwa ka koporo tsa go thega dikholomo, dikholomo tsone ke mo di na le megwabetso le mekabelo ya silva. 11 Fote ka nthoko ya ka lebowa, ke mo go na le magaredheni ya gore ma hakiwwe ya gore ke 100 ya dikhyubhiti. Dikholomo tsa wona 20 ya tsona le 20 ya tsa go thega dikholomo ke mo di makiwwe ka koporo. Megwabetso ya dikholomo le mekabelo ya tsona ke mo di makiwwe ka silva. 12 Mara ka nthoko ya bodikela, magaredheni ya go hakiwa ke mo go le 50 ya dikhyubhiti. Ke mo go na le lesome (10) la dikholomo le lesome la tsa go thega dikholomo, fote megwabetso ya dikholomo tsone le mekabelo ya tsona ke mo di makiwwe ka silva. 13 Ka nthoko ya ka mo letšatši le hlabang ka gona, ke mo go le 50 ya dikhyubhiti ka go psyaralala. 14 Ka nthoko ye nngwana ke mo go na le magaredheni ya gore ma hakiwwe ya gore ke 15 ya dikhyubhiti, ke mo go na le kararo (3) ya dikholomo le kararo ya tsa go thega dikholomo. 15 Ka nthoko ye nngwana mo go keniwang gona mone lapeng, ke mo go na le magaredheni ya go hakiwa ya gore ke 15 ya dikhyubhiti, go na le kararo (3) ya dikholomo le kararo ya tsa go thega dikholomo. 16 Magaredheni ya go hakiwa ka mokana ga wona ya gore ke mo ma dukulugiye lapa ke mo ma makiwwe ka llapi la linene la gore ke mong lona. 17 Dilo tsa go thega dikholomo ke mo di makiwwe ka koporo, megwabetso ya dikholomo le mekabelo ya tsona ke mo di makiwwe ka silva, mo gedimo ke mo di kgakgapiwwe ka silva, fote dikholomo ka mokana ga tsona tsa mone lapeng ke mo di na le mekabelo ya silva.

18 Legaredheni la monyako wa lapa ke mo ba le rukiye ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona. Ke mo go le 20 ya dikhyubhiti ka go lefa le kapheta (5) ya dikhyubhiti go ya gedimo, ke mo le lekana le magaredheni ya go hakiwa ya mone lapeng go ya gedimo. 19 Kanne (4) ya dikholomo tsa lona le kanne ya tsa go thega dikholomo ke mo di makiwwe ka koporo. Megwabetso ya lona ke mo yi makiwwe ka silva, mo gedimo ke mo di kgakgapiwwe ka silva, fote le mekabelo ya tsona ke mo yi kgakgapiwwe ka silva. 20 Dikhonkhwane* ka mokana ga tsona tsa letente la tabarenakele le diphate ka mokana ga tsona tsa go dukuluga lapa ke mo go le tsa koporo.

21 Dilo tsowa ke tso ba di berekisiyeng mo ba yaga tabarenakele, tabarenakele ya go ba le lesome (10) la melawo, ya gore Moše o ba butsiye gore ba yi make gore go be mmereko wa Malifi ma yetetsa ke Ithamara morwayi wa Aroni wa gore ke moprista. 22 Bhezalele morwayi wa Uri morwayi wa Hure wa leloko la Juda, o makiye dilo ka mokana ga tsona tsa gore Jehova o di butsiye Moše. 23 Ke mo a na le Oholiyabho morwayi wa Ahisamake wa leloko la Dani, wa go tšiba mmereko wa matsogo, tsa go kgabisa le tsa go roka ka gare ye tala sebakabaka, gare ye phepholo, llapi le lekhubedu le llapi la linene la gore ke mong lona.

24 Gholdi ka mokana ga yona ya gore ba yi berekisiye ga mmereko ka mokana ga wona wa poleke ya go hlawolega ke mo yi lekana le gholdi ya mo ba maka sehlabelo sa go yisiwa ku le ku, 29 ya ditalente* le 730 ya dišekele* go ya ka šekele yo yi berekisiwang polekeng ya go hlawolega. 25 Fote silva ya mogoba wa bo ba gore ba ngwadisiwwe ke mo go le 100 ya ditalente le 1 775 ya dišekele go ya ka šekele ya gore yi berekisiwa polekeng ya go hlawolega. 26 Sekopa sa šekele sa motho ye mongwana le ye mongwana ke mo go le sekopa sa šekele go ya ka šekele yo yi berekisiwang polekeng ya go hlawolega ga batho ka mokana ga bona ba gore ba ngwadisiye ba gore ba na le 20 ya mengwaga go ya gedimo, mo di gahlanne ke mo go le 603 550.

27 Ba berekisiye 100 ya ditalente gore ba make dilo tsa go thega diforemo tsa poleke ya go hlawolega le tsa go thega dikholomo tsa gore di thina le legaredheni; 100 ya dilo tsa go thega dikholomo ke mo di lekana le 100 ya ditalente, selo se sengwana le se sengwana sa go thega dikholomo ke mo go le talente ka yyoši. 28 Ga dišekele tsela 1 775 ya tsona, o makele dikholomo megwabetso, a di kgakgapa mo gedimo, a boya a di gahlanisa.

29 Koporo ya go maka sehlabelo* ke mo go le 70 ya ditalente le 2 400 ya dišekele. 30 O yi berekisiye go maka dilo tsa go thega dikholomo tsa monyako wa letente la mogahlano, aletare ya koporo le sefo ya yona ya koporo, dilo ka mokana ga tsona tsa aletareng, 31 dilo tsa go thega dikholomo tsa ku lapeng, dilo tsa go thega dikholomo tsa gore di ku monyako wa lapa, dikhonkhwane* ka mokana ga tsona tsa letente la tabarenakele le diphate ka mokana ga tsona tsa go dukuluga lapa.

39 Ba makiye dikobo tsa gore di rukiwwe gabutši tsa gore ba nyoko bereka ka tsona polekeng ya go hlawolega ka gare ye tala sebakabaka, gare ye phepholo le llapi le lekhubedu. Ba makiye dikobo tsa go hlawolega tsa gore ke mo go le tsa Aroni go fo ya ka mokgo Jehova a butsiyeng Moše.

2 Bhezalele o makiye efoda ka gare ye gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona. 3 Ba teya gholdi ka hamola gore go be dipelekete tse di sesane, a di kupa gore go be dithapothapo gore ba thogo di loga le gare ye tala sebakabaka, gare ye phepholo, llapi le lekhubedu le llapi la linene la gore ke mong lona ke mokane ba kgabisa efoda ka tsona. 4 Ba yi makele sekopa sa ka mahlong le sekopa sa ka mokolong tsa gore di gahlana mo magetleng. 5 Fote lepanta la gore ba le rukelele ga efoda la gore ke mo go le la go yi tlema gore yi dulisege ke mo ba le makiye ka dilo tsa go tshwana nayo, gare ye gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona, go ya ka mokgo Jehova a butsiyeng Moše.

6 Ke mokane ba tšhela gholdi go dukuluga matlapa ya onikisi, fote ba ngwala mabitso ya barwayi ba Israyele hone ga wona go fo tshwana le ka mokgo go makiwang ka gona ga sa go mereka. 7 A beya matlapa yane mo magetleng ya efoda gore go be matlapa ya segopotso ga barwayi ba Israyele, go ya ka mokgo Jehova a butsiyeng Moše. 8 A maka gore motho wa go tšiba tsa go kgabisa a make sa ho sekgubeng ka mokgo efoda yi makiwweng ka gona, a se maka ka gare ye gholdi, gare ye tala sebakabaka, gare ye phepholo, llapi le lekhubedu le llapi la linene la gore ke mong lona. 9 Ba yye ba maka selo sa go thiba ho sekgubeng, sa gore mo se phutiwwe ka bogare ke mo se lekana mahlaya ka mokana ga wona, ka go lefa le ka go psyaralala ke mo se lekana le seyatla. 10 Ba maka kanne (4) ya malayini ya matlapa mo ga sona. Layini ya mathomo ke mo go le rubhi, thopaze le emeralde. 11 Layini ya bobedi (2) ke mo go le thekhoyisi, safaya le jasepa. 12 Layini ya kararo (3) ke mo go le letlapa la lesh′em, agathe le amethisiti. 13 Layini ya kanne (4) ke mo go le khrisolayiti, onikisi le jeyidi. Ke mo ma tšhediwwe gholdi go ma dukuluga gore ma dulisege. 14 Matlapa yane ke mo ma yemela 12 ya mabitso ya barwayi ba Israyele, letlapa le lengwana le le lengwana ke mo le makiwwe go tshwana le sa go mereka, lebitso le lengwana le le lengwana ne le yemela leloko ka lloši ga 12 ya maloko.

15 Selo sa mo sekgubeng ke mo ba se makele diketane tsa nkare ke dithapo tsa go makiwa ka gholdi ya gore ke mong yona. 16 Ba maka le dilo ka dipedi (2) tsa gholdi tsa go maka gore matlapa ma dulisege le diringi ka dipedi tsa gholdi, ba tšhela diringi tsone ka dipedi dikhonong ka dipedi tsa selo sa ho sekgubeng. 17 Ka nthago ba tšhela dithapo tsela ka dipedi (2) tsa gholdi ga diringi tsela ka dipedi mo dikhonong tsa selo sa ho sekgubeng. 18 Ke mokane mo mafelelong ga dithapo tsela ka dipedi (2) ba go tšhela ga digholdi tsela ka dipedi tsa go maka gore matlapa ma dulisege, ba di beya gedimo ga ditlopo tsa gore di mo magetleng tsa efoda, dya ba ka mo mahlong. 19 Ba maka diringi ka dipedi (2) tsa gholdi fote ba di tšhela ho dikhonong ka dipedi tsa selo sa ho sekgubeng ka ho teng ga sona, dya lebana le efoda. 20 Ba maka diringi tse dingwana ka dipedi (2) tsa gholdi ho tlase ga efoda, dya ba ka tlase ga ditlopo ka dipedi tsa ho magetleng thina le mo yi gahlanang gona ka gedimo ga lepanta la efoda. 21 Ba fetsa ba tlemme selo sa ho sekgubeng ka thapo ye tala sebakabaka ga diringi tsa sona le ga diringi tsa efoda, gore selo so sa ho sekgubeng se dulisege mo gedimo ga efoda, ka kgakala ga lepanta, go ya ka mokgo Jehova a butsiyeng Moše.

22 Ke mokane a berekisa gare ye tala sebakabaka a ruka kobo ya go se na matsogo ya gore efoda ne yi nyoko yapariwa ka gedimo ga yona. 23 Ke mo yi bulegiye ku kgakala ho segare, go tshwana le molala wa mokgopa wa go ba le dipelekete. Yi rukelediwe go dukuluga molala wone gore yi sa tleroge. 24 Ke mokane a gahlanisa gare ye tala sebakabaka, gare ye phepholo le llapi le lekhubedu gore a make magarenate ga lephuto la kobo yone ya go se na matsogo. 25 Ba maka dinghelenghele ka gholdi ya gore ke mong yona, ba di tšhela segare ga magarenate go dukuluga lephuto la kobo yone ya go se na matsogo; 26 ke mo go le senghelenghele le legarenate, senghelenghele le legarenate, go dukuluga lephuto la kobo yone ya go se na matsogo ya gore ke mo yi yapara ke maprista mo ma bereka, go ya ka mokgo Jehova a butsiyeng Moše.

27 Fote ba rukela Aroni le barwayi bage dikobo ka llapi la linene la gore ke mong lona, 28 ba ruka le tuku ya Aroni ka llapi la linene la gore ke mong lona, dituku tsa barwayi ba Aroni tsa go makiwa ka llapi la linene la gore ke mong lona, dibhrukwane tsa go makiwa ka llapi la linene la gore ke mong lona, 29 ba ruka le lepanta ka llapi la linene la gore ke mong lona, gare ye tala sebakabaka, gare ye phepholo le llapi le lekhubedu, ka mokgo Jehova a butsiyeng Moše.

30 Ba fetsa ba makiye sepelekete sa go gadima ka gholdi ya gore ke mong yona sa go šupetsa go tineyela ga go hlawolega, mo ga sona ba ngwala go fo tshwana le ka mokgo go ngwadiwang sa go mereka gore: “Jehova o hlawolegiye.” 31 Ba se tlemelela tukung ka gare ye tala sebakabaka ka mokgo Jehova a butsiyeng Moše.

32 Byalo, ba fetsa go maka mmereko ka mokana ga wona wa tabarenakeleng ya gore ke letente la mogahlano, fote Maisrayele ma maka dilo ka mokana ga tsona tso Jehova a di butsiyeng Moše. Ma f’lo maka ka mokgonone.

33 Ke mokane ba leya tabarenakele ya gore ke letente ga Moše le dilo tsa yona ka mokana ga tsona: megwabetso ya yona, diforemo tsa yona, diphate tsa yona, dikholomo tsa yona, tsa go thega dikholomo tsa yona; 34 sa go yi khurumetsa sa gore ba se makiye ka mokgopa wa nku ya phoolo wa gore ba wo dayye ka bokhubedu, sa go yi khurumetsa sa gore ba se makiye ka mekgopa ya phoolwane ya meetšing, legaredheni la gore le mahlong ga areka; 35 areka ya go ba le Lesome (10) la Melawo le diphate tsa yona le sa go yi khurumetsa; 36 tafola le dilo tsa yona ka mokana ga tsona le sekgwa sa go hlawolega; 37 setšhubampara sa go makiwa ka gholdi ya gore ke mong yona, malampa ya sona, malampa ya sona ya gore maa lategetsana, dilo tsa sona ka mokana ga tsona le makgura ya go tšhuba malampa; 38 aletare ya go makiwa ka gholdi, makgura ya go hlawolega, tsa go tšhubiwa tsa go nkgela, legaredheni la monyako wa letente; 39 aletare ya go makiwa ka koporo le sefo ya yona ya go makiwa ka koporo, diphate tsa yona, dilo tsa yona ka mokana ga tsona, lepolete le so le dulang ga sona; 40 magaredheni ya gore ma hakiwwe ya lapeng, dikholomo tsa wona le dilo tsa wona tsa go thega dikholomo, legaredheni la monyako wa lapeng, dithapo tsa go tiyisa letente le dikhonkhwane* tsa tsona, le dilo ka mokana ga tsona tsa gore di berekisiwa ga mmereko wa tabarenakeleng ya gore ke letente la mogahlano; 41 dikobo tsa gore di rukiwwe gabutši tsa gore ba bereka ka tsona polekeng ya go hlawolega, dikobo tsa go hlawolega tsa Aroni wa gore ke moprista le dikobo tsa barwayi bage ba gore ba bereka go le maprista.

42 Maisrayele ma makiye mmereko wone ka mokana ga wona go ya ka mokgo Jehova a butsiyeng Moše. 43 Mo Moše a lebelela mmereko wo ba wo makiyeng ka moka, a di bona gore ba makiye ka mokgo Jehova a hlayyeng; ke mokane Moše a ba rufa.

40 Ke mokane Jehova a re ga Moše: 2 “Ka letšatši la mathomo la kgwedi ya mathomo, o hlome tabarenakele ya gore ke letente la mogahlano. 3 O beye areka ya go ba le Lesome (10) la Melawo ka teng ga yona, fote o tšhire Areka yone ka legaredheni. 4 O nyoko leya tafola, wa beya dilo tso di dulang gedimo ga yona, wa leya le setšhubampara fote wa tšhuba malampa ya sona. 5 Ke mokane o beye aletare ya go tšhubela dilo tsa go nkgela ya go makiwa ka gholdi mahlong ga areka ya go ba le Lesome (10) la Melawo, fote o tšhele legaredheni la monyako wa tabarenakele.

6 “O nyoko beya aletare ya go makela dihlabelo tsa go tšhubiwa mahlong ga monyako wa tabarenakele ya gore ke letente la mogahlano, 7 fote o beye lepolete segareng ga letente la mogahlano le aletare ke mokane o tšhele meetši ka ho teng. 8 O make lapa go yi dukuluga, fote o tšhele legaredheni la monyako wa lapa. 9 Ka nthago o nyoko tseya makgura ya go hlawolega wa tlotsa tabarenakele le dilo ka mokana ga tsona tso di leng ka ho teng ga yona, fote o make gore yona le dilo tsa yona ka mokana ga tsona di hlawolege. 10 O nyoko tlotsa aletare ya go makela dihlabelo tsa go tšhubiwa le dilo ka mokana ga tsona tsa yona, wa boya wa maka gore yi hlawolege gore yi thogo ba aletare ya go hlawolega ka matla. 11 Fote o tlotse le lepolete le so le dulang ga sona, o di make gore di hlawolege.

12 “Ke mokane o leye Aroni le barwayi bage thina le monyako wa letente la mogahlano, fote o ba hlapise ka meetši. 13 O yapese Aroni dikobo tsa go hlawolega, fote o mo tlotse o make gore a hlawolege, o nyoko mperekela go le moprista. 14 Ka nthago o šutetse barwayi bage, fote o ba yapese dikobo. 15 O nyoko ba tlotsa go tshwana le ka mokgo o tlotsiyeng papa wa bona gore ba mperekele go le maprista, fote ka taba la gore ba tlotsiwwe, mmereko wa boprista go nyoko fo dula go le wa bona go ya go yye ga leloko la bona ka moka.”

16 Moše o makiye dilo ka mokana ga tsona tso Jehova a mmutsiyeng. O f’lo maka ka mokgonone.

17 Ba makiye tabarenakele ka kgwedi ya mathomo ka mongwaga wa bobedi (2), ka letšatši la mathomo la kgwedi yone. 18 Mo Moše a hloma tabarenakele, o beyye tsa go thega diforemo, a tšhela diforemo, a tšhela diphate tsa yona, a boya a tšhela dikholomo. 19 A phurullela letente lela gedimo ga tabarenakele, ka ho gedimo a beya sa go khurumetsa letente go ya ka mokgo Jehova a butsiyeng Moše.

20 Ka nthago, a tseya matlapa ya go ba le lesome (10) la melawo a ma tšhela ka teng ga Areka, a tšhela diphate hala Arekeng ke mokane a beya sa go khurumetsa gedimo ga Areka. 21 A leya Areka ka teng ga tabarenakele, a tšhela legaredheni, fote a tšhira areka ya go ba le Lesome (10) la Melawo go ya ka mokgo Jehova a butsiyeng Moše.

22 Ka nthago a leya tafola ka teng ga letente la mogahlano, a yi beya ka nthoko ya lebowa ya tabarenakele mahlong ga legaredheni,* 23 fote a beya sekgwa gedimo ga yona mahlong ga Jehova go ya ka mokgo Jehova a butsiyeng Moše.

24 O beyye setšhubampara ka teng ga letente la mogahlano mahlong ga tafola ka nthoko ya borwa ya tabarenakele. 25 A tšhuba malampa mahlong ga Jehova go ya ka mokgo Jehova a butsiyeng Moše.

26 Ka nthago, a beya aletare ya gholdi ka teng ga letente la mogahlano mahlong ga legaredheni, 27 gore a thogo tupisa mmuši wa tso tsa go tšhubiwa tsa go nkgela mo ga yona go ya ka mokgo Jehova a butsiyeng Moše.

28 Ke mokane a tšhela legaredheni la monyako wa tabarenakele.

29 O beyye aletare ya go makela dihlabelo tsa go tšhubiwa monyako wa tabarenakele ya gore ke letente la mogahlano gore a thogo maka sehlabelo sa go tšhubiwa le sehlabelo sa mabele mo ga yona go ya ka mokgo Jehova a butsiyeng Moše.

30 A beya lepolete segare ga letente la mogahlano le aletare, a tšhela meetši ya go hlapa matsogo le mawoto. 31 Moše, Aroni le barwayi bage ke mo ba hlapa matsogo le mawoto gana hone. 32 Nako ye nngwana le ye nngwana mo ba kena ka teng ga letente la mogahlano kela ba šutela thina le aletare, ke mo ba hlapa go ya ka mokgo Jehova a butsiyeng Moše.

33 A fetsa a makiye lapa go dukuluga tabarenakele le aletare, ke mokane a tšhela legaredheni la monyako wa lapa.

Byalo, Moše a fetsa go maka mmereko wone. 34 Liru la thomisa go kogetsa letente la mogahlano, fote go gadima ga Jehova gwa ba ka ku tabarenakeleng. 35 Moše ke mo a sa kgone go kena ka ku teng ga letente la mogahlano ka taba la gore liru ke mo le le gedimo ga lona, fote go gadima ga Jehova ke mo go le ka ku tabarenakeleng.

36 Mo Maisrayele ma kene ma sepela, mo liru le tloga mone tabarenakeleng, le bona ne ba tloga mo ba kampiyeng gona. 37 Mara mo liru le sa tloge, le bona ke mo ba sa tloge go segela ka letšatši lo le tlogang ka lona. 38 Ka taba la gore liru la Jehova ke mo le ba gedimo ga tabarenakele motshegare, fote bošego go ba le mollo mo gedimo ga yona gore wo bone ke Maisrayele ka mokana ga wona mo ba kene ba sepela.