SAMUWELE WA BOBEDI

1 Mo Sawulo a šele a kgwile, fote Dafita a šele a tšwa go ye hlula* Maamaleke, Dafita o duli matšatši ka mabedi (2) Zikilage. 2 Ka letšatši la kararo (3), monna ye mongwana a tla a tšwa kampeng ya Sawulo, dikobo tsage di tlerogiye fote a na le dithila mo hlogong. Mo a segela ga Dafita, a kgotama, a yinamisa hlogo.

3 Dafita a mmutsisa gore: “O tšwa kaye?” Yene a re: “Ke tšhabiye ku kampeng ya Israyele.” 4 Dafita a mmutsisa gore: “Di sipidiye byang? Ke kgopela o mpotse.” Mo a reyane, monna yene a re: “Batho ba tšhabiye ku ntweng, fote ba go tlala ba kgwile. Le Sawulo le morwayi wage Jonathane ba kgwile.” 5 Ke mokane Dafita a butsisa monna yela a mmutsiyeng ditaba tsowa gore: “O di tšibela kaye gore Sawulo le morwayi wage Jonathane ba kgwile?” 6 Monna yela a re: “Di f’lo makega gore ke tikraye ke le Thabeng ya Ghilibhowa, ka bona Sawulo a tithegiye ka lerumo lage, fote masole ya Mafilisita ke mo ma šele ma mo krayye ka dikotšikara le dipera tsa wona. 7 Mo a jika a mpona, a mpitsa, nna ka re, ‘Ke nna yewa!’ 8 A mputsisa gore, ‘Ke wene mang?’ Nna ka re, ‘Ke nna Leamaleke.’ 9 Ke mokane a re, ‘Ke kgopela o mpolaye, ka gore ke sa phela mara ke kwa go baba ka matla.’ 10 Byalo ka mmolaya, ka taba la gore ne ke di tšiba gore ka mokgo ne a kwalele ka gona ke mo a ka sa phele. Ke mokane ka tseya fapo yo ne yi le hlogong yage le lebhengere lo ne le le mo letsogong lage, ka di leya howa ga morenaka.”

11 Mo a reyane, Dafita a tshwara dikobo tsage a di tlerola, le banna ka mokana ga bona bo ne ba le naye ba maka ka mokgonone. 12 Ba lla ba gotla fote ba tikona tsa go ja go segela ka malobana ka taba la Sawulo, morwayi wage Jonathane, batho ba Jehova le batho ba mutši wa Israyele, ka gore ke mo ba ba bolayye ka sabola.

13 Dafita a butsisa monna yela wa go mmotsa ditaba tsone gore: “O tšwa kaye?” Yene a re: “Ke nna morwayi wa Leamaleke, la gore ke motho wa gore o fo tšwa a sepela.” 14 Ke mokane Dafita a re gage: “Ke ntaba o sa tšhaba go bolaya motho wa gore o tlotsiye ke Jehova?” 15 Mo a reyane, Dafita a bitsa ye mongwana wa banna bo ne ba le naye, a re: “Šutela o mmolaye.” Byalo a mmolaya ka sabola. 16 Dafita a re gage: “Ke wene wa go ba le molato wa madi, ka gore o hlayye ka molomo wa wene beng gore, ‘Ke nna wa go bolaya yela wa gore o tlotsiye ke Jehova.’”

17 Dafita a yepelelela Sawulo le morwayi wage Jonathane a kene a lla, 18 a re batho ba Juda ba tšhutisiwe koša yo ba reng ke “Mosefo,” ya gore yi ngwadiwwe ka pukung ya Jašara:

19 “Go bafala gago wene Israyele, go kgwele dithabeng tsago.

Bo ba go ba le matšhika ba kgwele ntweng!

Fote di hlabiye makgura ya banna ba go ba le matšhika,

Ke mo di fo dula di phomelela.

23 Batho ke mo ba kwana le Sawulo le Jonathane fote ba ba tseyela gedimo nakwela ba sa phela,

Fote ba kgwile ggoši.

Ne ba na le lebelo go phala manong,

Fote ba na le matšhika go phala ditawu.

24 Lune barwediya ba Israyele, llelaneng Sawulo,

Wa gore o le yapesiye dikobo tse dikhubedu le tsa go tura,

Wa gore o kgabisiye dikobo tsa lune ka dilo tsa gore ba di makiye ka gholdi.

25 Banna ba go ba le matšhika ba kgwele ntweng!

Jonathane o kgwele hala dithabeng tsa lune!

26 Ke kwa go baba ka matla ka taba la gore a o sa le šiyo, wene bhuti waka Jonathane;

Ke mo ke go nyaka ka matla.

Ka mokgo o nšupetsiyeng gore wa nnyaka go phala ka mokgo basadi ba nšupetsiyeng gore baa nnyaka.

27 Banna ba go ba le matšhika ba kgwile

Le dilo tsa go lwa ka tsona di nyamalele!”

2 Ka nthago ga hone, Dafita a butsisa Jehova gore: “Ke ye ga wo mongwana wa mutši wo wo leng Juda?” Jehova a re gage: “Ariye.” Dafita a butsisa gore: “Ke ye ga wofeng?” Modimo a re: “Ariye Hebhrone.” 2 Byalo, Dafita a ya gona a na le basadi bage ka babedi (2), Ahinowamo wa Jeziriyele le Abhigheyili wa gore ke mo go le mosadi wa Nabhale wa Lekharamele. 3 Dafita a ya le banna bo ne ba le naye, ye mongwana le ye mongwana a ya le ba mutši wage, ba segela ba dula mitšing ya gore yi dukulugiye Hebhrone. 4 Byalo, banna ba go tšwa Juda ba tla, ba tlotsa Dafita gore go be kgoši ya go lawola mutši wa Juda.

Ba botsa Dafita gore: “Sawulo o bolokiye ke banna ba go tšwa Jabheše-ghiliyade.” 5 Byalo Dafita a roma batho ga banna ba go tšwa Jabheše-ghiliyade, a re ga bona: “Nkare Jehova a ka le rufa, ka taba la gore le šupetsiye morena wa lune Sawulo gore le ya mo nyaka mo le mmoloka. 6 Nkare Jehova a ka le šupetsa gore wa tshepega fote o kwelana go baba. Le nna ke nyoko le kwela go baba ka taba la gore le makiye dilo tsowa. 7 Tiyelelaneng, le šišimale ka gore morena wa lune Sawulo o kgwile, fote ba mutši wa Juda ba tlotsiye nna gore ke be kgoši ya bona.”

8 Mara Abhonere morwayi wa Nere, ndhuna ya masole ya Sawulo, ke mo a tsere Iši-bhošethe morwayi wa Sawulo a yye naye Mahanayime, 9 o mo makiye kgoši ya Ghiliyade, Maašuri, Jeziriyele, Eforayimi, Bhenjamini le Israyele ka mokana ga yona. 10 Morwayi wa Sawulo ye ba reng ke Iši-bhošethe, ke mo a na le 40 ya mengwaga mo a ba kgoši ya Israyele, fote o fetsiye mengwaga ka mmedi (2) a lawola. Mara ba ntlo ya Juda, ke mo ba yema le Dafita. 11 Dafita o fetsiye kašupa (7) ya mengwaga le kobodi (6) ya dikgwedi go le kgoši ku Hebhrone a lawola ba mutši wa Juda.

12 Mo nako yi kene yi ya, Abhonere morwayi wa Nere le malata ya Iši-bhošethe morwayi wa Sawulo, ba tloga Mahanayime ba ya Ghibhiyoni. 13 Jowabho morwayi wa Zeruya le malata ya Dafita le bona ba ya, ba gahlana sedibeng sa Ghibhiyoni; mogoba wo mongwana wa dula ka nthoko yowa ya sediba, wo mongwana wa dula ka nthoko yela. 14 Abhonere a fetsa a butsiye Jowabho gore: “Masogana yawa ma tlogamele ma lwe re kene re ma lebelele.” Mo a reyane, Jowabho a re: “Ba tlogamele.” 15 Byalo, ba tlogamela ba ya ba yema ku mahlong, ke mo go na le 12 ya malata ya Bhenjamini le Iši-bhošethe morwayi wa Sawulo le 12 ya malata ya Dafita. 16 Ba lwa, ye mongwana le ye mongwana a hlaba ye ne a le naye, ka mokana ga bona ba wa ka nako ka yyoši. Byalo, poleke yone ya gore yi Ghibhiyoni ba re ke Helekathe-hazurimi.

17 Mo ba fetsa go bolayana, gwa tsoga ntwa ye kgolo ka letšatši lone, ba fetsa ba hludiye Abhonere le banna ba Maisrayele mahlong ga malata ya Dafita. 18 Byalo, gana hone ke mo go na le barwayi kararo (3) ya bona ba Zeruya—Jowabho, Abhišayi le Asahele; lebelo la Asahele ke mo le tshwana le la phala mo yi taboga ku hlageng. 19 Asahele a lelekisa Abhonere, fote mo a kene a lelekisa Abhonere ke mo a sa kekele ga letsogo la go ja kela la mpata. 20 Mo Abhonere a lebelela nthago, a butsisa gore, “Ye Asahele, ke wene?” yene a re, “Eya, ke nna.” 21 Ke mokane Abhonere a re gage: “Kekela ga letsogo la go ja kela ga la mpata o tshware ye mongwana wa masogana yawa, o titseyele se sengwana le se sengwana so o se krayang mone gage.” Mara Asahele ke mo a sa nyake go lisetsa go mo lelekisa. 22 Byalo Abhonere a botsa Asahele fote gore: “O sa nlelekisi. Ke ntaba o nyaka ke go bolaya? Ke ye segela ke re king ga bhuti wago Jowabho?” 23 Mara Asahele ke mo a sa lisetsi go mo lelekisa, byalo Abhonere a mo hlaba mo dimpeng ka lerumo, ka ho nthago ga lona, la thula la nyarela ka mo mokolong wage; a wa a napa a kgwa. Ye mongwana le ye mongwana mo a feta mo Asahele a weleng gona a kgwa, ke mo a yemanyana.

24 Ke mokane Jowabho le Abhišayi ba lelekisa Abhonere. Mo letšatši le kene le kgwalala, ba segela mmutung wa Ama ya gore yi lebanne le Ghiya pateng ya go ya mašahleng ya Ghibhiyoni. 25 Mabhenjamini ma kgobakana ka nthago ga Abhonere gana hone, ma yema gedimo ga mmutu wo mongwana ma le ngata ka yyoši. 26 Abhonere a yahlamela Jowabho a re: “Disabola tsa rune di nyoko bolayetsela batho go segela neng? Anthe a o di tšibi gore tsotsone di nyoko fo re bakela mathatha ya magolo? O nyoko ba botsa neng batho bone gore ba lisetse go lelekisa bobhuti ba bona?” 27 Mo a reyane, Jowabho a re: “Ke ya go tshepisa ka Modimo wa gore wa phela, hala o sa bolabola ne ba ka sa lisetsi go lelekisa bobhuti ba bona go segela ka motshwana ka bošego.” 28 Jowabho a teya phalafala, banna bo ne a sepela nabo ba lisetsa go lelekisa Maisrayele, ntwa ya napa yi fela.

29 Abhonere le banna bo ne ba sepela naye, ba sepela bošego ka moka ba feta Arebha ba tshelela ka ku mosekola wa Jorodane, ba yinuga hone moyeding, ba fetsa ba segele Mahanayime. 30 Mo Jowabho a sa sa lelekisa Abhonere, a kgobaketsa batho ka mokana ga bona. Ke mo go gayela 19 ya malata ya Dafita, mo re bala le Asahele. 31 Mara malata ya Dafita ke mo ma hludiye Mabhenjamini le banna bo ne ba na le Abhonere, ke mo go kgwile 360 ya banna. 32 Ba tseya Asahele ba mmoloka lebitleng la papage la gore ke mo le le ku Bhetlelehema. Ke mokane Jowabho le banna bo ne ba le naye ba sepela bošego ka moka, ba segela Hebhrone mo bo sa.

3 Ba mutši wa Sawulo le ba mutši wa Dafita ba f’lo ya mahlong ba kene ba lwa; fote Dafita a fo ya a kene a ba le matšhika, mara ba mutši wa Sawulo ba fo ya ba lelemela.

2 Ka nako yone, Dafita ke mo ba mmelegela barwayi ku Hebhrone. Letšibula lage ke mo go le Amononi wa gore o mmelegele ke Ahinowamo wa Jeziriyele. 3 Gwa latela Khiliyabho wa gore o mmelegele ke Abhigheyili wa gore ne go le mosadi wa Nabhale wa Lekharamele; wa kararo (3) ke mo go le Abhsalomo morwayi wa Mayakha, morwediya wa Thalimayi kgoši ya Ghešuri. 4 Wa kanne (4) ke mo go le Adonija morwayi wa Haghithi, wa kapheta (5) ke mo go le Šefataya morwayi wa Abhitale. 5 Wa kobodi (6) ke mo go le Ithariyamo wa gore Dafita o mmelegele ke mosadi wage Eghla. Bowa ke bana ba Dafita ba gore ba mmelegele bona ku Hebhrone.

6 Mo ba mutši wa Sawulo le ba mutši wa Dafita ba kene ba lwa, Abhonere ke mo a karakara gore a tseyediwe gedimo ka mutšing wa Sawulo. 7 Byalo, Sawulo ke mo a na le motlabo ye ba reng ke Rizpa morwediya wa Ayiya. Ka nthago, Iši-bhošethe a re ga Abhonere: “Ke ntaba o yetsele le motlabo wa papa?” 8 Mantsu ya ma hlayyeng ke Iši-bhošethe ma kwatisa Abhonere ka matla, ke mokane a re: “Ke gore wene mo o ntibelele o fo bona mpsya ya go tšwa Juda akere? Go segela lekgono lowa, ke mo nkene ke šupetsa ba mutši wa papago Sawulo, bobhuti bage le banghana bage gore ke ba nyaka ka matla, fote a ke ya go rekisa ga Dafita; mara wene lekgono o nsekisa ka taba la mosadi, o re ke sinnye. 9 Nkare Modimo a ka wolola Abhonere a boya a yeketsa mo nka sa make gore dilo di makegele Dafita ka mokgo Jehova a mo tshepisiyeng: 10 o mo tshepisiye gore mmušo wa ntlo ya Sawulo go nyoko ba wage, le gore Israyele le Juda di nyoko lawola ke Dafita, go tlugisela ka Dani go segela Bhere-šeba.” 11 Iši-bhošethe aa hlwa a sa bolabola selo le Abhonere, ka taba la gore ne a mo tšhaba.

12 Abhonere a napa a romela batho ga Dafita, a re: “Naga yowa ke ya mang?” A tokegela ka gore: “Maka kwano le nna, ke nyoko maka so nka se kgonang gore Maisrayele ka moka ma be ka nthoko yago.” 13 Mo a reyane, Dafita a re: “Go lukiye! Ke nyoko maka kwano nago. Mara ke kgopela o sa tle mo gaka mo o ka sa thomisi o tla le Mikhala morwediya wa Sawulo.” 14 Ke mokane Dafita a romela batho ga Iši-bhošethe morwayi wa Sawulo, a re: “Nneye mosadi waka Mikhala, wa gore ke leyye bohlatse* bya gore ke bolayye 100 ya Mafilisita gore ke thogo mo kraya.” 15 Byalo, Iši-bhošethe a re ba late Mikhala ga monnage Palitiyele morwayi wa Layiši. 16 Mara monnage ke mo a kene a sepela naye a mo llela, a mo latelela go segela Bhahurimi. Ke mokane Abhonere a re gage: “Jika!” Mo a reyane, Palitiyele a jika.

17 Ka nako yone, Abhonere a romela molayetsa ga banna ba bagolo ba Israyele, a re: “Ke botala le nyaka gore Dafita go be kgoši ya lune. 18 Byalo, makaneng se sengwana ka gore Jehova o butsiye Dafita gore: ‘Ke nyoko maka gore lelata laka Dafita le phonise batho baka ba Israyele ga Mafilisita le manaba ya bona ka mokana ga wona.’” 19 Abhonere a bolabola le batho ba Bhenjamini. Fote a ya a bolabola le Dafita ka makhukhung ku Hebhrone, a mmotsa gore Maisrayele le ba mutši wa Bhenjamini ka mokana ga wona ba segelele sepheto sefeng.

20 Mo Abhonere a segela ga Dafita ku Hebhrone a na le banna 20 ya bona, Dafita a makela Abhonere le banna bo ne a le nabo monyanya. 21 Ke mokane Abhonere a re ga Dafita: “Kgoši morenaka, yema ke ye hlekeletsa Maisrayele ka mokana ga wona gore ma be ka nthoko yago, gore ba make kwano nago fote wene o nyoko ba kgoši ya setšhaba sa Israyele ka mokana ga sona.” Byalo Dafita a re Abhonere a sepele, ke mokane a sepela.

22 Gwa napa go nyarela malata ya Dafita ma na le Jowabho ma tšwa go ye hlaseleng, ma tlile ma tshwere dilo tsa go tlala ka matla. Abhonere ke mo a šele a tlugiye ga Dafita ku Hebhrone, ka gore Dafita ke mo a yitseri a sepele. 23 Mo Jowabho le masole ka mokana ga wona ya ne ma le naye ba segela, ba mmotsa gore: “Abhonere morwayi wa Nere ke mo a tlile ga kgoši, fote kgoši yi yitseri a sepele, Abhonere a sepela.” 24 Byalo Jowabho a ya ga kgoši, a re: “O makiye ying? Abhonere ke mo a tlile gago. Ke ntaba o yitseri a sepele? Gana byalo o tšhabiye. 25 Wa mo tšiba Abhonere morwayi wa Nere! O tlile mowa gore a go make sephokophoko, o nyaka go tšiba dipolane tsago le dilo ka moka tso o di makang.”

26 Byalo Jowabho a tloga ga Dafita a roma batho gore ba late Abhonere, ba tlile naye ba tšwa sedibeng sa Sira; mara Dafita ke mo a sa tšibi selo ka taba yowa. 27 Mo Abhonere a segela Hebhrone, Jowabho a mmitsela ka thoko ka teng ga digheyiti tsa mutši gore a thogo bolabola naye. Mara mo ba le gana hone, a hlaba Abhonere mo mpeng ke mokane a kgwa; ke mo a patedisa ka taba la gore o bolayye bhuti wage Asahele. 28 Mo Dafita a di kwelela ka nthago, a re: “Nna le mmušo waka re nyoko fo dula re se na molato mahlong ga Jehova ka taba la likgu la Abhonere morwayi wa Nere. 29 Nkare molato wone go ka ba wa Jowabho le ba mutši wa papage ka mokana ga bona. Nkare mutšing wa Jowabho go ka fo dula go na le monna wa go ba le bolwele bya go tšwa dithila ka ho fase kela wa go ba le bolwele bya go jega dinama byo ba reng ke lephera kela wa gore ke segole* kela wa gore ba mmolaya ka sabola kela wa gore o gayela tsa go ja!” 30 Byalo, Jowabho le Abhišayi ba bolaya Abhonere ka taba la gore o bolayye Asahele bhuti wa bona ntweng ku Ghibhiyoni.

31 Byalo, Dafita a botsa Jowabho le batho ka mokana ga bona bo ne a le nabo gore: “Tlerolaneng dikobo tsa lune, le yapare masaka, le llele Abhonere.” Kgoši Dafita ke mo a ba šele nthago bo ne ba rwele setopo sa Abhonere mo ba ya go ye mmolokeng. 32 Abhonere ba mmolokele Hebhrone; kgoši ya lla ka matla ku lebitleng la Abhonere, fote batho ka mokana ga bona ba lla. 33 Kgoši ya yepelela yi llela Abhonere ya re:

“Nje Abhonere a ka fo napa a kgwa nkare ke motho wa go sa re selo?

O kgwile nkare ke wene motho wa go bolaya ke dikgohlane.”

Mo a reyane, batho ka mokana ga bona ba mo llela fote.

35 Ka nthago, batho ka mokana ga bona ba tla ba tl’le neya Dafita sekgwa sa go mo kgomoletsa, ke mo go sa le motshegare, mara Dafita a tshepisa a re: “Nkare Modimo a ka n’wolola ka matla mo nka ja sekgwa kela ka ja se sengwana mo le soko kgwalala!” 36 Batho ka mokana ga bona ba di bona, fote tsotsone dya ba jabodisa. Dilo ka mokana ga tsona tso kgoši ne yi di maka, di jabodisiye batho ka mokana ga bona. 37 Byalo, batho ka mokana ga bona le Israyele ka mokana ga yona ba di tšiba ka letšatši lone gore kgoši ke mo yi sa tšibi selo ka go bolayiwa ga Abhonere morwayi wa Nere. 38 Kgoši ya bolabola le malata ya yona ya re: “Anthe a le di tšibi gore go kgwile ndhuna le motho wa go tseyediwa gedimo ku Israyele ka letšatši lowa? 39 Ke ya lelemela lekgono le mo ba ntlotsiye gore ke be kgoši, banna bowa ba gore ke barwayi ba Zeruya ba na le dipelo tse diphifadu. Nkare Jehova a ka patedisa ga ye a makang dilo tsa go sa loka.”

4 Mo morwayi wa Sawulo ye ba reng ke Iši-bhošethe a di kwelela gore Abhonere o kgwile ku Hebhrone, a tšhoga ka matla fote Maisrayele ka mokana ga wona ke mo ma hlakahlakanne. 2 Ke mo go na le banna ka babedi (2) ba gore ba lawola megoba ya banna ba go hlasela ya gore ke ya morwayi wa Sawulo: wa mathomo ke mo go le Bhaana, ye mongwana go le Rekhabho. Ke mo go le barwayi ba Rimoni wa Lebherothe, wa go tšwa ga moloko wa Bhenjamini. (Ka gore Bherothe le yona ke mo ba yi bala ga moloko wa Bhenjamini. 3 Mabherothe ma tšhabele Ghithayimi, fote ma dula gana hone go le batho ba go tšwa ba sepela go segela le lekgono lowa.)

4 Byalo, morwayi wa Sawulo ye ba reng ke Jonathane ke mo a na le morwayi wa gore o golofele mawoto. Ke mo a na le kapheta (5) ya mengwaga mo ditaba tsa Sawulo le Jonathane di segela di tšwa Jeziriyele. Ye ke mo a mo pasopa a mo kakola a tšhaba, mara mo a kene a taboga a tšhugiye, ngwanela a wa a golofala. Lebitso lage ke mo go le Mefibhošethe.

5 Rekhabho le Bhaana ba gore ke barwayi ba Rimoni wa Lebherothe, ba yye gaye ga Iši-bhošethe letšatši le fisa, ba kraya Iši-bhošethe a yetsele a khutsa. 6 Ba kena ka ku ntlong tsa nkare ba tl’le tseya korong, ba mo hlaba mo dimpeng; ke mokane Rekhabho le bhuti wage Bhaana ba tšhaba. 7 Mo ba kena ka mone ntlong, ke mo a yetsele mpetong kamareng yage, ba mo hlaba ba mmolaya, ka nthago ba kopa hlogo yage. Ba tseya hlogo yage, ba sepela bošego ka moka pateng ya go ya Arebha. 8 Ba tseya hlogo ya Iši-bhošethe ba yi yisa ga Dafita ku Hebhrone, ba re gage: “Ke yowa hlogo ya Iši-bhošethe morwayi wa Sawulo lenaba lago la gore ne le nyoko go bolaya. Lekgono Jehova o makiye gore o patedise ga Sawulo le ditlogolwane tsage.”

9 Mara Dafita a fetola Rekhabho le bhuti wage Bhaana, barwayi ba Rimoni wa Lebherothe a re: “Ke ya le tshepisa ka Jehova Modimo wa go phela wa gore o mphonisiye ga mathatha yaka ka mokana ga wona, 10 nakwela go tla motho ye mongwana a tl’le mpotsa gore, ‘Sawulo o kgwile,’ yene a nagana gore o mpotsa ditaba tsa gabutši, ke mo tshwere ka mmolaya ku Zikilage. Ke tso ke mo pateleng ka tsona! 11 Le nagana gore ke nyoko ba maka ying batho ba go sa loka ba gore ba latiye motho wa go loka ntlong yage, mpetong wage ba mmolaya? Ke sa le wolole ka go le tlosa mo lefaseng ka gore le falatsiye madi yage?” 12 Dafita a botsa masogana yala gore ma ba bolaye. Ma kopa matsogo ya bona le mawoto ya bona, ma ba fega thina le sediba sela sa ku Hebhrone. Ma tseya hlogo ya Iši-bhošethe ma yi boloka mabitleng ya Abhonere ku Hebhrone.

5 Mo nako yi kene yi ya, meloko ya Israyele ka mokana ga yona ya tla ga Dafita ku Hebhrone ya re: “Bona! Rune ke rune bobhuti* bago. 2 Ku botala nakwela Sawulo go sa le kgoši, ke wene ye ne o yetetsa Maisrayele mo ma ya ntweng. Jehova o yitseri gago: ‘Wene o nyoko yetetsa batho baka ba Maisrayele, fote o nyoko ba kgoši ya Maisrayele.’” 3 Byalo banna ba bagolo ka mokana ga bona ba Maisrayele ba ya ga kgoši ku Hebhrone, fote kgoši Dafita a maka kwano nabo ku Hebhrone mahlong ga Jehova. Ke mokane ba tlotsa Dafita gore go be kgoši ya Israyele.

4 Dafita ke mo a na le 30 ya mengwaga mo a ba kgoši, fote go fediye 40 ya mengwaga a lawola. 5 Go fediye kašupa (7) ya mengwaga le kobodi (6) ya dikgwedi a lawola Juda ku Hebhrone, gwa fela 33 ya mengwaga a lawola Israyele ka mokana ga yona le Juda ku Jerusalema. 6 Kgoši le banna bo ne ba le nayo ba tloga ba ya Jerusalema ba ye lwa le Majebuse ya ne ma dula mone nageng. Ba šuhlašuhla Dafita ba re: “O ka sa kene howa! Le bo ba go popela maahlo le ba go golofala ba nyoko go raka.” Ke mo ba nagana gore, ‘Dafita a ka sa kene howa.’ 7 Mara Dafita a hlula poleke ya gore yi pasopegiye ya Siyoni, ya gore gana byalo ba re ke Mutši wa Dafita. 8 Byalo ka letšatši lone Dafita a re: “Bo ba gore ba nyoko hlasela Majebuse ba berekise mosela wa meetši mo ba ye bolaya ‘ba go golofala le ba go popela maahlo,’ ba gore Dafita o ba hloyye!” Nka taba lo ba reng: “Bo ba go popela maahlo le ba gore ba golofele ba ka sa sa kena hone ntlong.” 9 Ke mokane Dafita a dula mone polekeng ya go pasopega, fote ba re ke Mutši wa Dafita; Dafita a thomisa go yaga mapharo le meyago ye mengwana mone Mmotong le ga dipoleke tse dingwana mone mutšing. 10 Dafita a fo ya a ba le matšhika, fote Jehova Modimo wa masole ke mo a le naye.

11 Kgoši ya Tira yo ba reng ke Hirama ya romela batho ga Dafita, ya mo romela le dikwata tsa mosidara, batho ba go bereka ka mapolanka le ba go fefa matlapa ya go yaga mapharo, ba thomisa go yagela Dafita ntlo. 12 Fote Dafita ke mo a di tšiba gore Jehova o makiye yene gore go be kgoši ya Israyele, a boya a gadimisa mmušo wage ka taba la batho Bage ba Maisrayele.

13 Dafita a tseya batlabo ba bangwana le basadi ku Jerusalema mo a tšwa Hebhrone, fote ba mmelegela barwayi le barwediya ba bangwana. 14 Mabitso ya barwayi ba ba mmelegeleng bona ku Jerusalema ke: Šamuwa, Šobhabho, Nathane, Solomoni, 15 Ibhara, Elišuwa, Nefeghe, Jafiya, 16 Elišama, Eliyada le Elifelete.

17 Mo Mafilisita ma di kwelela gore Dafita ba mo tlotsiye gore go be kgoši ya Israyele, Mafilisita ka mokana ga wona ma tla ma tl’le nyaka Dafita. Mo Dafita a di kwelela, a ya ga mutši wela wa gore wo pasopegiye. 18 Mafilisita ma tla ma sabalala Moyeding wa Refayime. 19 Dafita a butsisa Jehova a re: “Ke ye ke ye lwa le Mafilisita? O nyoko maka gore ke ma hlule?” Mo a reyane, Jehova a re ga Dafita: “Ariye, ka gore ke nyoko maka gore o hlule Mafilisita.” 20 Byalo Dafita a ya Bhaali-perazimi, a ma bolayela gana hone. Ke mokane a re: “Jehova o hludiye manaba yaka go fo tshwana le mo meetši ma phamola lepharo.” Nka taba lo a yitsering poleke yone ke Bhaali-perazimi. 21 Mafilisita ma šiyye medimo ya wona gana hone, Dafita le banna bo ne ba le naye ba yi tseya.

22 Ka nthago Mafilisita ma boya fote, ma sabalala Moyeding wa Refayime. 23 Dafita a butsisa Jehova, mara Modimo a re: “O sa lebane nabo. Mara o tle ka ho nthago ga bona, o lwe nabo o le mahlong ga mašahla. 24 Mo o kwa masole ma kwagala ma le ku kgakala ga mašahla, o di tšibe gore nna Jehova ke go yetiye mahlong gore o ye bolaya Mafilisita, o nape o ma hlasela ka nako yonone. 25 Byalo Dafita a maka tso Jehova a mmutsiyeng tsona, a bolaya Mafilisita go tlugisela Ghebha go segela Ghezere.

6 Dafita a boya a kgobaketsa masole ka mokana ga wona ya Israyele ya gore ke digele, ke mo go le 30 000 ya wona. 2 Ke mokane Dafita le banna ka mokana ga bona bo ne ba le naye ba ya Bhaale-juda ba ye tseya Areka ya Modimo wa mannete, ya gore mahlong ga yona batho ba bitsa lebitso la Jehova wa masole wa gore setulo sage sa go lawola se ka kgakala* ga makerubi. 3 Ba tseya Areka ya Modimo wa mannete ba yi beya gedimo ga sekotšikara sa nyuwane, gore ba yi tlose ntlong ya Abhinadabo ya gore ke mo yi le mmutung; fote Uza le Ahiyo barwayi ba Abhinadabo ke mo ba yetiye sekotšikara sone sa nyuwane mahlong.

4 Byalo ba tlosa Areka ya Modimo wa mannete ntlong ya Abhinadabo ya gore ke mo yi le mmutung, fote Ahiyo ke mo a sepela mahlong ga Areka yone. 5 Dafita le batho ka moka ba ntlo ya Israyele ke mo ba bina mahlong ga Jehova, ke mo ba teya dilo tsa mehlobo ka moka tsa go teya dikoša tsa go makiwa ka mohlare wa junipa, diharepa, dilo tsa go ba le motato tsa go kgana dikoša, meropa, dikwetšekwetše le disimbhala. 6 Mara mo ba segela ga poleke yo ba feferelang ga yona ya Nakhoni, Uza a wolola letsogo lage a tshwara Areka ya Modimo wa mannete ka gore dikgomu tsela di nyakiye di yi wisa. 7 Jehova a kwata ka matla ka taba la Uza, Modimo wa mannete a mmolaya ka taba la gore aa hlompa molawo wa Modimo, Uza a kgwela gana hone thoko ga Areka ya Modimo wa mannete. 8 Mara Dafita a kwata ka taba la gore Jehova o kwatele Uza a šinya a mmolaya, poleke yone ba yi bitsa gore ke Pereze-uza* go segela le lekgono lowa. 9 Byalo Dafita a napa a tšhaba Jehova ka letšatši lone, a re: “Areka ya Jehova yi nyoko tla byang ho gaka?” 10 Dafita ke mo a sa nyake go yisa Areka ya Jehova mo ne a le gona ku Mutšing wa Dafita. Mara o yi yisiye ntlong ya Obete-edomo wa Leghathe.

11 Areka ya Jehova yi fetsiye kararo (3) ya dikgwedi yi le ntlong ya Obete-edomo wa Leghathe, fote Jehova o yye mahlong a rufa Obete-edomo le ba mutši wage ka mokana ga bona. 12 Ba botsa Kgoši Dafita gore: “Jehova o rufiye ntlo ya Obete-edomo le dilo tsage ka mokana ga tsona ka taba la Areka ya Modimo wa mannete.” Byalo, Dafita a ya a tseya Areka ya Modimo wa mannete ntlong ya Obete-edomo a yi yisa Mutšing wa Dafita a kene a jabodiye. 13 Mo bo ba rweleng Areka ya Jehova ba sipidiye kobodi (6) ya mafiti, Dafita a maka sehlabelo ka kgomu ya pholo le ka phoolwane ya gore ba ro yi neya tsa go ja gore yi tsife.

14 Dafita ke mo a bina ka matšato mahlong ga Jehova; a kene a yapere efodi ya linene. 15 Dafita le ba ntlo ya Israyele ka mokana ga bona ke mo ba tla le Areka ya Jehova ba yahlamela ba kene ba jabodiye, fote ba teya phalafala. 16 Mara mo Areka ya Jehova yi segela Mutšing wa Dafita, morwediya wa Sawulo ye ba reng ke Mikhala a lebelela ka lefastere a bona Kgoši Dafita a tshelatshela a bina mahlong ga Jehova; a fo kwa Dafita a mo silikisa. 17 Ba kena le Areka ya Jehova ba yi beya polekeng ya yona ka teng ga letente lo Dafita ne a le makele yona. Dafita a maka dihlabelo tsa go tšhubiwa le dihlabelo tsa go hlekediwa mahlong ga Jehova. 18 Mo Dafita a fetsa go maka dihlabelo tsa go tšhubiwa le dihlabelo tsa go hlekediwa, a rufa batho a berekisa lebitso la Jehova wa masole. 19 Go tokegela gana hone, a tseya lofo ya sekgwa ya kgokolo, khekhe ya go makiwa ka diyengwa le khekhe ya go makiwa ka didhriva tsa go womisiwa, a di neya batho ka mokana ga bona, Maisrayele ka mokana ga wona, a di neya monna ye mongwana le ye mongwana le mosadi ye mongwana le ye mongwana. Ke mokane batho bone ka moka ba sepela, ye mongwana le ye mongwana a ya ntlong yage.

20 Mo Dafita a boya gore a rufe ba mutši wage, Mikhala morwediya wa Sawulo a mo gahlanetsa. A re: “Kgoši ya Israyele ya tla ya tipoyila lekgono go tshwana le monna wa hlogo ya go tlala meetši mo yi titšula mahlong ga malata ya basadi ya bo ba gore ba berekela Dafita!” 21 Mo a reyane, Dafita a re: “Ke mo ke binela Jehova wa gore aa kgeta papago le ba mutši wage ka mokana ga wona mara o kgetiye nna, fote o hlawodiye nna gore ke yetetse Maisrayele ya gore ke batho ba Jehova. Byalo, ke nyoko binela Jehova, 22 ke sa nyoko tinyanafatsa go feta mowa fote ke sa nyoko maka dilo tsa go šupetsa gore a ke ro ba mong selo. Mara malata yane ya basadi o bolabodiyeng ka wona, ma nyoko n’gadimisa.” 23 Byalo, Mikhala morwediya wa Sawulo o kgwile a se na bana.

7 Mo kgoši yi šele yi dulisegiye ntlong ga yona, fote Jehova a yi pasopiye ga manaba ya yona ka mokana ga wona, 2 ya botsa moporofeta Nathane gore: “Ke nna yewa ke dula ntlong ya go makiwa ka maphayi mola Areka ya Modimo wa mannete yi le teng ga letente.” 3 Nathane a botsa kgoši gore: “Ariye o ye maka tso o di nabelang, ka gore Jehova o nago.”

4 Bošego byobyone, lentsu la Jehova la tla ga Nathane la re: 5 “Ariye o ye botsa lelata laka Dafita gore, ‘Tsowa ke tso Jehova a di hlayang: “Ayitsano ntlo yaka yi nyoko yaga ke wene? 6 Ka gore go tlugisela ke ntshiye batho ba Israyele nageng ya Egepita go segela lekgono, a ke soko dula ntlong mara ke mo ke sepela ke le ka teng ga letente le ka teng ga tabarenakele. 7 Nako ka mokana ga yona yo ke sipidiyeng le Maisrayele ka mokana ga wona, ayitsano ke yye ka botsa dindhuna tsa Israyele tsa gore ke di hlawodiye gore di pasope batho baka ka re, ‘Ke ntaba le sa n’yagele ntlo ya go makiwa ka maphayi?’”’ 8 Byalo, o botse lelata laka Dafita gore, ‘Tsowa ke tso Jehova wa masole a di hlayang: “Ke go tsere ku mašahleng o disa morape, ka maka gore o yete batho baka ba Maisrayele mahlong. 9 Ke nyoko ba nago go gongwana le go gongwana mo o yang, fote ke nyoko fetsa ka manaba yago ka mokana ga wona ya gore ma ko ba ma le mahlong gago; ke nyoko maka gore o tšibege go tshwana le batho ba mo lefaseng ba gore ba ba tseyela gedimo. 10 Ke nyoko maka gore batho baka ba Israyele ba be le poleke ya go dula ga yona, ba nyoko dula hone fote ba ka sa sa hlupa ke motho; batho ba dipelo tse diphifadu ba ka sa sa ba gatelela go tshwana le ku botala, 11 go tlugisela ka letšatši lo ke hlawodiyeng ba go yahlula batho baka ba Maisrayele. Ke nyoko go khutsisa ga manaba yago ka mokana ga wona.

“‘“Fote Jehova o go butsiye gore Jehova o nyoko go yagela ntlo. 12 Mo matšatši yago ma fela fote ba go boloka le bokokwane bago, ke nyoko maka gore setlogolwane* sago, yene morwayi wago, go be kgoši. 13 Ke yene a nyoko yagang ntlo ya gore yi nyoko gadimisa lebitso laka, fote ke nyoko maka gore setulo sage sa go lawola se dule se le gona. 14 Ke nyoko ba papage, yene go nyoko ba morwayi waka. Mo a sinya, nka sa mo takisi maahlo mara ke nyoko mo wolola ka kgati go tshwana le ka mokgo batho ba makang. 15 Nka sa lisetsi go mo nyaka go tshwana le ka mokgo ke yyeng ka lisetsa go nyaka Sawulo, wa gore ke mo tlusiye mahlong gago. 16 Ntlo yago le mmušo wago di nyoko fo dula di le gona go ya go yye; fote wene o nyoko lawola go ya go yye.”’”

17 Nathane o butsiye Dafita dilo ka mokana ga tsona tso Modimo a mo wunyulleleng tsona.

18 Ke mokane Kgoši Dafita a dula mahlong ga Jehova a re: “Wene Jehova Morena wa Malenghelengheng, ke nna mang mara? Fote ba mutši waka go ro ba ying gore o šinye o re makela dilo tsa go tlala ka mokgo? 19 Wene Jehova Morena wa Malenghelengheng, o tokegele ka go hlaya gore ba mutši waka go nyoko fela nako ya go lefa ba le gona; fote tsowa o di butsiye batho ka mokana ga bona wene Jehova Morena wa Malenghelengheng. 20 Lelata lago Dafita le ka hlwa le sa re king mara ka taba la gore wene Jehova Morena wa Malenghelengheng o ntšiba gabutši? 21 Ka taba la lentsu lago le tso o tiputsiyeng gore o nyoko di maka, nna lelata lago o mmakele dilo tsa go tlala fote o n’wunyulele dilo tsowa. 22 Nka taba lo o leng ye mogolo, wene Jehova Morena wa Malenghelengheng. A go na wa go tshwana nago, ke wene Modimo wa mannete o ntoši; dilo ka mokana ga tsona tso re di kwileng ka ditsebe tsa rune di šihlela taba yowa. 23 Nje go na le setšhaba sa go tshwana le batho bago ba Maisrayele mo lefaseng? Modimo o ba phonisiye gore go be batho bage, a timakela lebitso ka go ba makela dilo tse dikgolo tsa go makatsa. Wene o rakiye ditšhaba le medimo ya tsona ka taba la batho bago, ba gore o ba phonisiye Egepita gore go be bago. 24 Wene Jehova, o makiye Maisrayele gore go be batho bago go ya go yye, wa ba Modimo wa bona.

25 “Byalo, nkare o ka fo dula o maka tso o di tshepisiyeng ka lelata lago le ba mutši wa lona wene Jehova Modimo, fote nkare o ka fo maka ka mokgo o tshepisiyeng. 26 Nkare lebitso lago le ka gadimisiwa go ya go yye, gore batho ba re, ‘Jehova wa masole ke Modimo wa Israyele,’ fote nkare o ka maka gore mutši wa lelata lago Dafita wo dule wo le gona. 27 Ka gore wene Jehova wa masole, Modimo wa Israyele, o wunyullele lelata lago wa re, ‘Ke nyoko go yagela ntlo.’ Nka taba lo lelata lago le nang le lešiši la go rapela ka mokgo. 28 Wene Jehova Morena wa Malenghelengheng, ke wene Modimo wa mannete, fote mantsu yago ke nnete, o tshepisiye lelata lago dilo tsowa tsa gabutši. 29 Nkare o ka jabodisa ke go rufa ba mutši wa lelata lago, fote nkare mutši wone wo ka dula wo le gona; ka gore wene Jehova Morena wa Malenghelengheng o tshepisiye, fote nkare o ka rufa mutši wa lelata lago go ya go yye.”

8 Ka nthagonyana, Dafita o yye a lwa le Mafilisita ke mokane a ma hlula fote a ma tseyela poleke ya Methege-ama.

2 A hlula Mamowaba, a ma patlamisa fase, a ma yahluganya gwa ba kararo (3) ya megoba. Ke mo ba nyoko bolaya megoba ka mmedi (2), ka wwoši ke mo ba nyoko wo lisetsa wo phela. Fote Mamowaba gwa ba malata ya Dafita, ne ma patela mothelo.*

3 Dafita o hludiye Hadadezere morwayi wa Rehobho kgoši ya Zobha nakwela a le pateng ya go ya Nokeng ya Eforate gore a thogo maka gore a lawole fote. 4 Dafita a tshwara 1 700 ya banna ba go kalama dipera le 20 000 ya masole ya go sepela ka mawoto. Ke mokane Dafita a kopa mešifa ya dipera tsa go goga dikotšikara ka moka, a šiya 100 ya tsona.

5 Mo Masiriya ya go tšwa Damasekhase ma tla ma tl’le gelepa Kgoši Hadadezere ya Zobha, Dafita o bolayye 22 000 ya Masiriya. 6 Dafita a maka gore go be le megoba ya masole ku Siriya ya Damasekhase, Masiriya yane ma ba malata ya Dafita fote ma patela mothelo. Jehova ke mo a maka gore Dafita a hlule go gongwana le go gongwana mo ne a ya gona. 7 Go tokegela gana hone, Dafita o tsere magawu ya go makiwa ka gholdi ya malata ya Hadadezere, a ma yisa Jerusalema. 8 Kgoši Dafita o tsere koporo ya go tlala ku Bheta le Bherothayi tsa gore ke mitši ya Hadadezere.

9 Byalo, kgoši Toyi wa Hamathe a di kwelela gore Dafita o hludiye masole ka moka ya Hadadezere. 10 Toyi a romela morwayi wage Joramo ga Kgoši Dafita gore a mmutsise gore o gabutši le go mo lebogisa, ka taba la gore Dafita o lwile le Hadadezere a mo hlula (ka gore Hadadezere ke mo a fela a lwa le Toyi), fote o tlile le dilo tsa go makiwa ka silva, gholdi le koporo. 11 Kgoši Dafita a maka gore dilo tsowa go be tsa Jehova, le silva le gholdi tsa gore o di tsere ga ditšhaba tse dingwana tsa gore o di hludiye, a maka gore go be tsa Modimo: 12 dilo tsone o di tsere ga Masiriya le Mamowaba, Maamoni, Mafilisita, Maamaleke, a di tseya le ga Hadadezere morwayi wa Rehobho kgoši ya Zobha. 13 Fote Dafita o yye a tuma mo a tšwa go bolaya 18 000 ya Maedomo ku Moyeding wa Letswayi. 14 Dafita a maka gore go be le megoba ya masole ku Edomo. O makiye gore go be le megoba ya masole Edomo ka mokana ga yona, fote Maedomo ka mokana ga wona ma ba malata ya Dafita. Jehova ke mo a maka gore Dafita a hlule go gongwana le go gongwana mo ne a ya gona.

15 Dafita o yye mahlong a lawola Israyele ka mokana ga yona, fote Dafita ke mo a yahlula batho bage ka mokana ga bona gabutši. 16 Jowabho morwayi wa Zeruya ke mo a wokamela masole, fote Jehošafate morwayi wa Ahiludi ke mo a ngwala dilo tso ne di makega. 17 Zadoke morwayi wa Ahithabo le Ahimeleke morwayi wa Abhiyathara ke mo go le maprista, fote Seraya ke mo go le mabhalane. 18 Bhenaya morwayi wa Jehoyada ke mo a wokamela Makherete le Mapelethe. Barwayi ba Dafita gwa ba malata ya go ba le ditulo tsa mayemo ya gedimo.

9 Ke mokane Dafita a re: “Ayitsano go na le ye a šeleng ga mutši wa Sawulo wa gore nka mo kwela go baba ka taba la Jonathane?” 2 Ke mo go na le lelata la ntlo ya Sawulo lo ba reng ke Zibha. Byalo Dafita a re ba mmitse, kgoši ya re: “Ke wene Zibha?” Yene a re: “Ke nna lelata lago.” 3 Kgoši ya ya mahlong ya re: “Ayitsano go na le ye a šeleng ga mutši wa Sawulo wa gore nka mo šupetsa gore Modimo o kwelana go baba?” Zibha a re ga kgoši: “Go na le morwayi wa Jonathane ka wwoši; mawoto yage ma golofele.” 4 Kgoši ya re: “O kaye?” Zibha a re ga kgoši: “O ntlong ya Makhiri morwayi wa Amiyele ku Lo-debhara.”

5 Kgoši Dafita a napa a re ba mo late, ba mo tseya ntlong ya Makhiri morwayi wa Amiyele ku Lo-debhara. 6 Mo Mefibhošethe morwayi wa Jonathane morwayi wa Sawulo a segela ga Dafita, a napa a mo thinyela letolo a yinamisiye hlogo. Ke mokane Dafita a re: “Mefibhošethe!” yene a re: “Lelata lago ke lowa.” 7 Dafita a re gage: “O sa tšhoge, ka gore ke nyoko go kwela go baba ka taba la papago Jonathane, ke nyoko go neya naga ka mokana ga yona ya kokwane wago Sawulo, fote o nyoko fo dula o ja tafoleng yaka.”

8 Mo a reyane, Mefibhošethe a yinamisa hlogo a re: “Lelata lago go ro ba ying mara, tsa gore o ka šinya o ba le taba le mpsya ya go kgwa ya go tshwana le nna?” 9 Byalo, kgoši ya re ba late Zibha wa gore ke lelata la Sawulo, ya re gage: “Dilo ka mokana ga tsona tsa gore ke mo go le tsa Sawulo le ba mutši wage ke di neya motlogolo wa mong wago. 10 Le nyoko mo limela mašomo—wene, barwayi bago le malata yago—fote le nyoko kgobaketsa tsa go ja tso le di krayyeng la di neya ba mutši wa motlogolo wa mong wago gore ba je. Mara Mefibhošethe wa gore ke motlogolo wa mong wago, o nyoko fo dula a ja tafoleng yaka.”

Byalo, Zibha ke mo a na le 15 ya barwayi le 20 ya malata. 11 Zibha a re ga kgoši: “Lelata lago le nyoko maka dilo ka mokana ga tsona tso morenaka kgoši yi di botsang lelata la yona.” Byalo, Mefibhošethe a ja tafoleng ya Dafita go tshwana le barwayi ba kgoši. 12 Fote Mefibhošethe ke mo a na le morwayi ye monyana ye ba reng ke Mikha; batho ka moka bo ne ba dula ntlong ya Zibha ba ba malata ya Mefibhošethe. 13 Mefibhošethe ke mo a dula Jerusalema ka gore ke mo a dula a ja tafoleng ya kgoši; fote mawoto yage ke mo ma golofele.

10 Ka nthago, kgoši ya Maamoni ya kgwa fote morwayi wa yona Hanuni gwa ba kgoši sekaleng sa yona. 2 Byalo Dafita a re: “Ke nyoko šupetsa Hanuni morwayi wa Nahaša gore ke ya mo nyaka go fo tshwana le ka mokgo papage a nšupetsiyeng gore wa nnyaka.” Byalo Dafita a romela malata yage gore ma ye mo kgomoletseng ka taba la gore papage o kgwile. Mara mo malata ya Dafita ma segela mone nageng ya Maamoni, 3 dindhuna tsa Maamoni dya re ga Hanuni morena wa tsona: “O nagana gore mo Dafita a romela batho gore ba tle ba go kgomoletse nka taba la gore o hlompa papago? A o nagane gore mo Dafita a šinya a romela malata yage ho gago nka taba la gore o nyaka ma tl’le hlola naga gore ba thogo yi hlasela?” 4 Byalo Hanuni a tseya malata ya Dafita a ya a kopa hafo ya makgakga ya wona, a kopa le hafo ya dikobo tsa bona mo mašagong, a re ma sepele. 5 Mo Dafita ba mmotsa tsotsone, a napa a romela batho gore ba gahlanetse banna bone ka taba la gore banna bone ke mo ba ba poyidiye ka matla; kgoši ya re: “Dulaneng Jerikho go segela makgakga ya lune ma gola ke mokane le boyeneng.”

6 Mo nako yi kene yi ya, Maamoni ma di bona gore ma silikisiye Dafita, byalo Maamoni ma patela Masiriya ya Bhethe-rehobho le Masiriya ya Zobha gore ma ye nawo ntweng, ke mo go na le 20 000 ya masole ya go sepela ka mawoto; kgoši ya Mayakha yi na le 1 000 ya banna; le 12 000 ya banna ba go tšwa Išitobha. 7 Mo Dafita a di kwelela, a roma Jowabho le masole ka mokana ga wona le banna ba go ba le matšhika. 8 Fote Maamoni ma ya ma tilukiselela go lwa ku gheyiting ya mutši, ka nako yonone Masiriya ya Zobha le ya Rehobho le masole ya Išitobha le ya Mayakha ke mo ma le ntoši ku ga poleke ya gore go fo ba lekgwayi.

9 Mo Jowabho a bona manaba yage ma tla ma mo hlasela, ya mangwana ma le ka mahlong, ya mangwana ma le ka nthago, a hlawola ya mangwana ya masole ya gore ke digele Israyele, a maka gore ma tilukiselele go ye lwa le Masiriya. 10 A maka gore masole ya mangwana ma wokamele ke bhuti wage Abhišayi gore a ma lukiselele go ye lwa le Maamoni. 11 Ke mokane Jowabho a re: “Mo nkare Masiriya ma ba le matšhika ya go mfeta, o tle o n’gelepe; mara mo nkare Maamoni ma ba le matšhika ya go go feta, ke nyoko tla ke go gelepa. 12 Di nyaka re šišimale re lwele batho ba rune le mitši ya Modimo wa rune, fote Jehova o nyoko maka tso a bonang di lukiye mahlong gage.”

13 Jowabho le banna bo ne a le nabo ba ya ba ye hlasela Masiriya, Masiriya ma tšhaba. 14 Mo Maamoni ma di bona gore Masiriya ma tšhabiye, ma tšhabelela Abhišayi ma ya mutšing. Ka nthago ga mo Jowabho a lwile le Maamoni, a boyela Jerusalema.

15 Mo Masiriya ma di bona gore Maisrayele ma ma hludiye, ma kgobakana fote. 16 Byalo, Hadadezere a romela batho gore ba ye lata Masiriya ka ku thina le Noka,* ba segela Helamo, Šobhakhi ndhuna ya masole ya Hadadezere ke mo a ba yetiye mahlong.

17 Mo Dafita ba mmotsa ditaba tsone, a napa a kgobaketsa Maisrayele ka mokana ga wona, a tshela noka ya Jorodane a ya Helamo. Masiriya ma tilukiselela go ye lwa le Dafita ke mokane ma lwa naye. 18 Mara Masiriya ma tšhabelela Maisrayele, Dafita a bolaya 700 ya banna ba go kalama dikotšikara le 40 000 ya banna ba go kalama dipera ba Masiriya, a bolaya le Šobhakhi ndhuna ya masole ya wona. 19 Mo magoši ka mokana ga wona, malata ya Hadadezere ma di bona gore Maisrayele ma ba hludiye, ma yakgoswa ma maka kwano le Maisrayele ma ba malata ya Maisrayele; fote Masiriya ke mo ma šele ma tšhaba go gelepa Maamoni.

11 Mo mongwaga wo thomisa ka nako ya mo magoši ma ya ntweng, Dafita a roma Jowabho, malata yage le masole ka mokana ga wona ya Israyele gore ba fetse ka Maamoni, ba dukulugela Rabha, Dafita ke mo a šele Jerusalema.

2 Tšatši le lengwana ka malobana, Dafita a tloga mpetong wage a ya a ye sepelasepela gedimo ga ntlo ya kgoši. Mo a le ku gedimo a bona mosadi a hlapa, mosadi yene ke mo a bafele ka matla. 3 Dafita a romela ye mongwana gore a butsise ka mosadi yene, motho yene a tla a mmotsa gore: “Ke Bhathi-šeba morwediya wa Eliyamo, mosadi wa Uriya wa Lehethe.” 4 Dafita a romela batho gore ba mo late. Byalo Bhathi-šeba a tla ke mokane Dafita a yetsela naye. (Ka nako yone, Bhathi-šeba ke mo a tiyedisa ka taba la gore ne a thilafele.)* Ka nthago a boyela ntlong yage.

5 Mosadi yene a yima, fote a romela molayetsa ga Dafita a re: “Ke yimme.” 6 Mo Dafita a kwa tsotsone a romela molayetsa ga Jowabho, a re: “Nleyele Uriya wa Lehethe.” Byalo Jowabho a romela Uriya ga Dafita. 7 Mo Uriya a segela gage, Dafita a mmutsisa gore Jowabho le masole yala di ba sepelela byang, a mmutsisa le ka ntwa gore yi sepela byang. 8 Ke mokane Dafita a re ga Uriya: “Ariye gaye gago o segele o khutse.”* Mo Uriya a tloga mone ntlong ya kgoši, ba mo romela dilo tsa go tšwa ga kgoši. 9 Mara Uriya a yetsela monyakong wa ntlo ya kgoši le malata ya morena wage ka mokana ga wona, a sa yi ntlong yage. 10 Byalo ba botsa Dafita gore: “Uriya aa ya ntlong yage.” Mo ba reyane, Dafita a re ga Uriya: “Akere a yi botala o buyye? Ke ntaba o sa yi ntlong yago?” 11 Uriya a re ga Dafita: “Areka yi duli letenteng, Maisrayele le Majuda le wona ma duli matenteng, fote morena waka Jowabho le malata ya morena waka ba kampiye polekeng ya gore yi lekgwaying. O ra gore nna ke ye ntlong yaka, ke je, ke nwe fote ke yetsele le mosadi waka? Solanka wene o sa phela nka sa di make dilo tsone!”

12 Ke mokane Dafita a re ga Uriya: “Dula howa le lekgono, ka motshwana nko go lisetsa o sepela.” Byalo, Uriya a dula Jerusalema ka letšatši lone le la go latela. 13 Dafita a re ba mo late gore a tle a je le go nwa naye, fote a maka gore a tlayile. Mara ka malobana, Uriya a ya a yetsela mpetong wage a na le malata ya morena wage, a sa yi ntlong gage. 14 Ka bošego Dafita a ngwalela Jowabho borifi, a roma Uriya gore a bo yise. 15 Hala borifing o ngwadiye gore: “Maka gore Uriya a be ka ku mahlong ga gore ke gona mo ntwa yi fisang. Ke mokane le mo šiye gore ba thogo mmolaya.”

16 Ke mo go le botala Jowabho a kene a lebelele mutši wone, byalo a beya Uriya mo a tšibang gore go na le masole ya go ba le matšhika. 17 Mo banna ba mutši wone ba tšwa ba tl’le lwa le Jowabho, ba bolayye malata ya mangwana ya Dafita, Uriya wa Lehethe ke mo go le ye mongwana wa bo ba gore ba kgwile. 18 Ke mokane Jowabho a botsa Dafita dilo ka mokana ga tsona tso di makegiyeng ku ntweng. 19 A botsa motho ye a mo rommeng gore a yise molayetsa gore: “Mo o fetsa go botsa kgoši ditaba ka mokana ga tsona tsa ntwa, 20 kgoši yi ka fo kwata ya go botsa gore, ‘Ke ntaba le šutele thina ka matla le mutši wone mo le ya go ye lweng? Anthe ne le sa di tšibi gore ba nyoko le thunya ka mesefo ba le gedimo ga lepharo? 21 Gale Abhimeleke morwayi wa Jerubhešethe o bolayye ke mang? Ayitsano mosadi ye mongwana aa mmoša ka tšhilo a le gedimo ga lepharo, a mmolaya ku Thebhezi? Ke ntaba le šutele thina ka matla le lepharo?’ O mmotse gore, ‘Lelata lago Uriya wa Lehethe le yene o kgwile.’”

22 Byalo, yela ba mo rommeng a ya a botsa Dafita dilo ka mokana ga tsona tso Jowabho a mo rommeng gore a di hlaye. 23 A botsa Dafita gore: “Banna bane ke mo ba re feta ka matšhika, ba tšwile ba tl’le lwa le rune polekeng ya gore yi lekgwaying; mara ra lwa nabo go segela gheyiting ya mutši. 24 Fote bo ba go berekisa mosefo ba thunya malata yago ba le gedimo ga lepharo, malata ya mangwana ya kgoši maa kgwa; le lelata lago Uriya wa Lehethe o kgwile.” 25 Mo a reyane, Dafita a re gage: “Botsa Jowabho gore: ‘Taba yowa yi sa go hlupe, ka gore go ka kgwa motho ye mongwana le ye mongwana ntweng. Hlaselaneng mutši wone ka matšhika ya lune ka moka fote le wo hlule.’ O mo tiyise.”

26 Mo mosadi wa Uriya a di kwelela gore monnage o kgwile, a thomisa go mo llela. 27 O yitseri go fetsa go mo llela, Dafita a napa a re ba mo leye ntlong yage ke mokane gwa ba mosadi wage, fote a mmelegela morwayi. Tso Dafita a di makiyeng ke mo di sa jabodisi Jehova le ka gonyana.

12 Byalo, Jehova a romela Nathane ga Dafita. A segela a re: “Ke mo go na le banna ka babedi (2) mutšing wo mongwana, ye mongwana ke mo a ghannye, ye mongwana a tihlupegela. 2 Monna ye wa go ghanya ke mo a na le dinku le dikgomu tsa go tlala; 3 mara monna ye wa go hlupega ke mo a fo ba le senkunyana sa tshadi ka ssoši sa gore o se rekiye. Ke mo a se pasopa, fote se gudiye le barwayi bage a kene a se lebelele. Ke mo se ja tsa go ja nyana tso ne a le natso, se nwa komitšing yage, fote se yetsela matsogong yage. Ke mo nkare ke morwediya wage. 4 Ka nthago monna yela wa go ghanya a ba le sevakaši, mara ke mo a sa nyake go tseya nku kela kgomu yage gore a makele sevakaši sage tsa go ja. Ke mokane a tseya senkunyana sa monna yela wa go tihlupegela a makela motho ye ne a mo vakašele tsa go ja.”

5 Mo a reyane, Dafita a kwata ka matla ka taba la monna yene ke mokane a re ga Nathane: “Ke ya tshepisa ka Jehova Modimo wa go phela, monna ye a makiyeng dilo tsone di nyaka a kgwe! 6 Di nyaka a patalele senkunyana sone ganne (4) ka taba la gore o makiye dilo tsone, aa šupetsa gore o kwelana go baba.”

7 Nathane a re ga Dafita: “Monna yene ke wene! Sowa ke so Jehova Modimo wa Israyele a se hlayang: ‘Ke go hlawodiye gore o be kgoši ya Israyele, ka boya ka go phonisa ga Sawulo. 8 Ke mo ke tikemisele go go neya ntlo ya mong wago le go go neya basadi ba mong wago, fote ke go neyye ntlo ya Israyele le ya Juda. Go tokegela gana hone, ke mo ke tikemisele go go makela tse dingwana tsa go tlala. 9 Ke ntaba o makiye dilo tsa go befa mahlong ga Jehova wa sa theetsele lentsu lage? O bolayye Uriya wa Lehethe ka sabola! O mmolayye ka sabola ya Maamoni, wa tseya mosadi wage gore go be mosadi wago. 10 Byalo, mutši wago wo nyoko fetsa ke sabola ka taba la gore o šupetsiye gore a o nhlompe ka go tseya mosadi wa Uriya wa Lehethe gore go be mosadi wago.’ 11 Tsowa ke tso di hlayang ke Jehova: ‘Ke nyoko maka gore ba mutši wago ba go leyele tsa go sasamela; ke nyoko tseya basadi bago ka ba neya monna ye mongwana o kene o lebelele, fote batho ka mokana ga bona ba nyoko di tšiba gore monna yene o yetsela le basadi bago. 12 Wene o di makiye ka makhukhung, mara nna ke nyoko di maka mahlong ga Israyele ka mokana ga yona fote batho ba nyoko di tšiba.’”

13 Dafita a re ga Nathane: “Ke sinyele Jehova.” Nathane a re gage: “Jehova wa go tshwarela ga tso o di sinnyeng. O ka sa kgwe. 14 Mara ka gore o šupetsiye gore ga Jehova a o mo hlompe ga taba yowa, morwayi ye ba sa tšwang go go belegela yene o nyoko kgwa.”

15 Ke mokane Nathane a boyela ntlong yage.

Jehova a maka gore ngwana ye mosadi wa Uriya a mmelegeleng Dafita a lwale. 16 Dafita a llela Modimo wa mannete ka taba la mošomanyana yewa. Dafita a tikona tsa go ja, fote ke mo a yetsela fase bošego ka moka. 17 Byalo banna ba bagolo ba mutši wage ba yema thina naye ba liketsa go mo tsosa, mara ke mo a gana fote ke mo a sa nyake go ja nabo. 18 Ka letšatši la kašupa (7) ngwanela a kgwa, mara malata ya Dafita ke mo ma tšhaba go mmotsa gore ngwanela o kgwile. Ke mo ma re: “Ke mo a sa re theetsele mo re bolabola naye nakwela ngwanewa a sa phela. Byalo re nyoko mmotsa byang gore ngwanela o kgwile? A ka fo maka selo sa go sa loka.”

19 Mo Dafita a bona malata yage ma sebaseba, a napa a di bona gore ngwanela o kgwile. Dafita a re ga malata yage: “Ngwanela o kgwile?” Wona ma re: “Eya o kgwile.” 20 Byalo Dafita a tlogamela mone fase. A hlapa, a tlola makgura, a tšhentšha dikobo tsage, a ya ntlong ya Jehova a rapela. Ka nthago, a ya ntlong yage a kgopela gore ba mo leyele tsa go ja ke mokane a ja. 21 Malata yage ma mmutsisa gore: “Ke ntaba o makiye ka mokgo? Nakwela ngwanewa a sa phela ke mo o tikona tsa go ja fote o sa lisetsi go lla; mara ngwanewa o yitseri go kgwa, wa tlogamela wa ja.” 22 A re ga bona: “Nakwela ngwanewa a sa phela ke tikonne tsa go ja fote ke mo ke sa lisetsi go lla ka gore ke mo ke tipotsa gore, ‘Nakwenngwana Jehova a ka nkwela go baba a lisetsa ngwanewa gore a phele.’ 23 Byalo ka gore o šele a kgwile, ke sa tikonela ying tsa go ja? Ayitsano nka maka gore a boye a phele? Nna ke nyoko kgwa, mara yene a ka sa boye a phela gana byalo.”

24 Byalo Dafita a kgomoletsa mosadi wage Bhathi-šeba. A ya a yetsela naye. Mo nako yi kene yi ya, Bhathi-šeba a belega morwayi fote ba mo reya gore ke Solomone.* Jehova ke mo a mo nyaka ka matla, 25 A romela molayetsa ka moporofeta Nathane gore ba mo reye gore ke Jedidaya* ka taba la gore Jehova ne a mo nyaka ka matla.

26 Jowabho a ya mahlong a hlasela Rabha ya Maamoni, a tseya poleke ya gore ntlo ya kgoši ne yi le ga yona. 27 Byalo Jowabho a romela batho ga Dafita a re: “Ke lwile le Rabha, fote ke tsere mutši wo ba reng ke poleke ya meetši. 28 Byalo, kgobaketsa masole ya mangwana ka mokana ga wona le hlasele mutši wone, le wo hlule. Mo le sa make ka mokgonone, mutši wone wo nyoko hlula ke nna ke mokane ba nyoko re ke waka.”

29 Byalo Dafita a kgobaketsa masole ka mokana ga wona ba ya Rabha, ba yi hlasela fote ba yi hlula. 30 Ke mokane a tseya fapo ya modimonyana ye ba reng ke Malekhamo hlogong ya wona. Fapo yone ke mo yi kala talente* ka yyoši ya gholdi, ya gore ba yi kgabisiye ka matlapa ya go tura, ba yi beya gedimo ga hlogo ya Dafita. Ba tsere le dilo tsa go tlala gana mone mutšing. 31 A tseya batho ba mutši wone a maka gore ba bereke go fefa matlapa, ba bereke ka dilepe tsa go makiwa ka tshipi le dilo tse dingwana tsa go makiwa ka tshipi, a maka le gore ba bhake ditina. Tsowa ke tso a di makiyeng ka mitši ka mokana ga yona ya Maamoni. Dafita le masole ka mokana ga wona ba fetsa ba boyele Jerusalema.

13 Byalo, morwayi wa Dafita ye ba reng ke Abhsalomo ke mo a na le sesi wa go bafala ye ba reng ke Thamara, Amononi morwayi wa Dafita ke mo a mo nyaka ka matla. 2 Taba yowa ke mo yi hlupa Amononi ka matla a šinya a lwala ka taba la sesi wage Thamara, ka gore ke mo go sa le kgareba fote ne di šupa di ka sa kgonege gore Amononi a mo make se sengwana. 3 Byalo, Amononi ke mo a na le monghana ye ba reng ke Jehonadabho morwayi wa Šemeya bhuti wa Dafita; fote Jehonadabho ke mo a hlalefiye ka matla. 4 Byalo Jehonadabho a re ga Amononi: “Ke ntaba o fo dula o kgongwele wene morwayi wa kgoši? Mpotse!” Amononi a re gage: “Ke nyaka Thamara sesi wa bhuti waka Abhsalomo.” 5 Jehonadabho a re gage: “Yetsela mpetong wago, o make nkare wa lwala. Mo papago a tla a tl’le go boneng o mmotse gore, ‘Ke kgopela gore sesi waka Thamara a tle a nneye tsa go ja. Mo a ka maka tsa go ja mahlong gaka tsa gore ba di neya batho ba go lwala, ke nyoko di ja.’”

6 Byalo Amononi a yetsela a timaka nkare wa lwala, kgoši ya tla yi tl’le mmoneng. Ke mokane Amononi a re ga kgoši: “Ke kgopela gore sesi waka Thamara a tle a mmakele dikhekhe ka dipedi (2) nkene ke mo lebelele gore ke thogo ja.” 7 Mo a reyane, Dafita a romela molayetsa ga Thamara ku ntlong, a re: “Ke kgopela o ye ntlong ya bhuti wago Amononi o mo makele tsa go ja.” 8 Byalo Thamara a ya ntlong ya bhuti wage Amononi, mo Amononi ne a yetsele gona. A tseya folawa a yi duba, a maka dikhekhe a kene a mo lebelele, a di bhaka. 9 A tseya dikhekhe tsone a di neya Amononi. Mara Amononi a gana go ja, a re: “Tšwaneneng ka mokana ga lune!” Byalo, batho ka moka ba tšwa.

10 Amononi a re ga Thamara: “Tlang le tsa go ja tsone ka ku kamareng, gore ke thogo ja.” Byalo Thamara a tseya dikhekhe tsela a di makiyeng a di yisa ga bhuti wage Amononi ka ku kamareng. 11 Mo a mo leyela tsona gore a je, Amononi a mo tshwara a re gage: “Yetsela le nna sesi.” 12 Mara Thamara a re gage: “Awwa bhuti! O sa ntšhelele maahlo ya batho, ka gore selo sa mošaga wowa a se makiwi mo Israyele. O sa make dilo tsa go tšebisa ka mokgo. 13 Ayitsano batho ba nyoko lebala dilo tsowa tsa go tšebisa? Fote batho ba nyoko go tseya o le ye mongwana wa banna ba go sa re selo Israyele. Ke kgopela gore o bolabole le kgoši ka gore yi ka sa gane ka nna.” 14 Mara a sa nyake go mo theetsela, a mo hlula ke mokane a mo reyipa. 15 Amononi a thomisa go mo hloya ka matla, ka mokgo ne a mo hloyye ka gona ne go feta ka mokgo ne a mo nyaka ka gona. Amononi a re gage: “Tlogamela o sepele!” 16 Mo a reyane, Thamara a re: “Awwa bhuti, phela go nraka gana byalo go feta tso o mmakiyeng tsona!” Mara Amononi ne a sa nyake go mo theetsela.

17 Amononi a napa a bitsa lelata lage a re: “Ke kgopela o tlose motho yewa ho gaka, fote o khiye sekwalo mo a tšwile.” 18 (Byalo, Thamara ke mo a yapere kobo ya go bafala, ka gore tsone ke mo go le dikobo tsa go yapara ke barwediya ba kgoši ba gore go sa le makgareba.) Lelata la Amononi la mo ntshela ka tawong ke mokane la khiya sekwalo mo a tšwile. 19 Thamara a titšhela ka luta mo hlogong, a tlerola le kobo yela ya go bafala ya gore ne a yi yapere; a rwala matsogo hlogong ke mokane a sepela a kene a lla.

20 Mo go makega tsotsone, bhuti wage Abhsalomo a mmutsisa gore: “Motho ye ne o le naye ke bhuti wago Amononi? O sa botse motho ka taba yowa sesi. Amononi ke bhuti wago. O sa šekele ka matla ka taba yowa.” Thamara a dula a ntoši ntlong ya bhuti wage Abhsalomo. 21 Mo kgoši Dafita a kwelela dilo tsowa ka mokana ga tsona, a kwata ka matla. Mara ke mo a sa nyake go kwisa morwayi wage Amononi go baba, ka taba la gore ke mo a mo nyaka ka matla ka gore ke mo go le letšibula lage. 22 Abhsalomo aa hlaya selo sa gabutši kela sa go befa ga Amononi; ka gore Abhsalomo ke mo a hloyye Amononi ka taba la gore o poyidiye sesi wage Thamara.

23 Mo go šele go fediye mengwaga ka mmedi (2), bo ba go hluba dinku tsa Abhsalomo ke mo ba le Bhaali-hazore thina le Eforayimi, Abhsalomo a mema barwayi ka mokana ga bona ba kgoši. 24 Byalo Abhsalomo a ya ga kgoši a re: “Lelata lago le hluba dinku. Ke kgopela gore wene kgoši le malata yago le sepeleneng le nna.” 25 Mara kgoši ya re ga Abhsalomo: “Awwa morwayi. Mo re ka sepela nago ka mokana ga rune re nyoko go yimetsa.” Le mo Abhsalomo a kene a mo kgopela, kgoši aa dumela go sepela naye mara o mo rufiye. 26 Ke mokane Abhsalomo a re: “Mo nkare wene a o sepele le rune, ke kgopela o lisetse bhuti waka Amononi a sepele le rune.” Kgoši ya re gage: “Ke ntaba a tshwanele go sepela le lune?” 27 Mara Abhsalomo a fo ya mahlong a mo kgopela, byalo kgoši ya re Amononi le barwayi ba kgoši ka mokana ga bona ba sepele naye.

28 Ke mokane Abhsalomo a re ga malata yage: “Lebelelaneng Amononi, mo a šele a kwa monate wa wayini ke nyoko re, ‘Bolayaneng Amononi!’ Le mmolayeneng. Le sa tšhabe. Ka taba la gore le roma ke nna. Tiyaneng le šišimale.” 29 Malata ya Abhsalomo ma maka Amononi tso Abhsalomo a ma butsiyeng tsona; barwayi ba bangwana ka mokana ga bona ba kgoši ba tlogamela, ye mongwana le ye mongwana a kalama meyila yage a tšhaba. 30 Mo ba kene ba le tseleng, Dafita a kwa taba ya gore: “Abhsalomo o bolayye barwayi ba kgoši ka mokana ga bona, a go na le ka wwoši ye a phonneng.” 31 Kgoši ya napa yi tlogamela ya tlerola dikobo tsa yona, ya patlama mo fase, fote malata yage ka mokana ga wona ke mo ma yemme thina gage ma tlerodiye dikobo tsa wona.

32 Mara Jehonadabho morwayi wa Šemeya bhuti wa Dafita a re: “O sa nagane gore go kgwile barwayi ba kgoši ka mokana ga bona morenaka, go kgwile Amononi a ntoši. Ba romme ke Abhsalomo ka gore ke mo a fetsiye le pelo gore o nyoko maka tsowa go tlugisela ka letšatši lo Amononi a poyidiyeng sesi wage Thamara. 33 Byalo kgoši morenaka, o sa kwe mo ba re, ‘Go kgwile barwayi ba kgoši ka mokana ga bona’ wa di tshepa; ka gore go kgwile Amononi a ntoši.”

34 Ka nako yone, Abhsalomo a tšhaba. Ka nthago mo matšinghelane a tsosa hlogo, a bona go nyarela batho ba go tlala ga pata yo ne yi le ka nthago gage ya gore yi thina le thaba. 35 Byalo, Jehonadabho a botsa kgoši gore: “Bona! Barwayi ba kgoši ba buyye. Go fo ba ka mokgo lelata lago le hlayyeng ka gona.” 36 Mo a fetsa go bolabola, barwayi ba kgoši ba kena ba lla ka matla; kgoši le malata yage ka mokana ga wona le bona ba lla ka matla. 37 Mara Abhsalomo a tšhaba a ya ga Thalimayi morwayi wa Amihudi kgoši ya Ghešuri. Dafita a fetsa matšatši ya go tlala a llela morwayi wage. 38 Ka nthago ga gore Abhsalomo a tšhabe a ye Ghešuri, o fetsiye kararo (3) ya mengwaga a dula gana hone.

39 Kgoši Dafita a fetsa a nabela go ya ga Abhsalomo ka taba la gore ke mo a šele a yamogele gore Amononi o kgwile.

14 Byalo, Jowabho morwayi wa Zeruya a di bona gore kgoši yi nabela go bona Abhsalomo. 2 Jowabho a romela batho Tekowa gore ba ye ba bitse mosadi wa gore o hlalefiye, a mmotsa gore: “Ke kgopela o titšhware nkare ke wene motho wa gore o kwile go baba, o yapare sethila* fote o sa tlole makgura. Timake nkare ke wene mosadi wa gore ke botala a llela motho wa gore o kgwile. 3 Ke mokane o ye o bolabole le kgoši ka mokgo.” Jowabho a napa a mmotsa gore a segele a re king.

4 Mosadi yela wa ku Tekowa a ya ga kgoši, a thinya letolo a yinamisiye hlogo, a re: “Kgoši, n’gelepe barena!” 5 Kgoši ya mo fetola ya re: “Go makiye byang?” Mo a reyane, mosadi yela a re: “Ke kgwele ke monna. 6 Nna lelata lago ke mo ke na le barwayi ka babedi (2), barwayi bone ba lwa ku mašomong. Ke mo go se na wa go ba lamola, ka wwoši a bolaya ye mongwana. 7 Byalo, mutši ka moka wo jikele lelata lago, fote ba re, ‘Leya yewa wa gore o bolayye bhuti wage, gore le yene re mmolaye ka taba la gore o bolayye bhuti wage, le mo nkare tsotsone di rela gore go ka sa be le mojalefa!’ Ba nyaka go tima legala la mafelelo lo ke nang nalo, fote ba nyoko maka gore go fele ka lebitso la monnaka le ditlogolwane tsage mo lefaseng.”

8 Kgoši ya re ga mosadi yela: “Ariye gaye, ke nyoko hlaya gore ba make byang ka wene.” 9 Mo a reyane, mosadi yela wa go tšwa Tekowa a re ga kgoši: “Kgoši morenaka, molato go be waka le ba mutši wa papaka, kgoši le ba mutši wa yona ba šale ba se na molato.” 10 Ke mokane kgoši ya re gage: “Mo ye mongwana a ka go botsa se sengwana fote, o mo leye ho gaka, a ka sa sa boya a go hlupa.” 11 Mara mosadi yene a re gage: “Kgoši, nkare o ka gopola Jehova Modimo wago, gore yewa wa go patedisa molato wa madi a sa fetse ka morwayi waka.” Kgoši ya re gage: “Ke ya go tshepisa ka Jehova Modimo wa go phela, a go na moriri ka wwoši wa morwayi wago wa gore wo nyoko wela fase.” 12 Byalo mosadi yela a re: “Ke kgopela o lisetse lelata lago le bolabole le kgoši morenaka.” Kgoši ya re: “Bolabola!”

13 Mosadi yela a re: “Byalo ke ntaba o naganne go maka batho ba Modimo selo sa go tshwana le sowa? Mo kgoši yi bolabola ka mokgo yi maka gore yona beng yi be le molato, ka gore kgoši a ya dumela gore morwayi wa yona wa gore ba mo rakiye a boye. 14 Re nyoko kgwa, ra tshwana le meetši ya gore ba ma falatsiye mo fase ya gore ma ka sa sa boya. Mara Modimo a ka sa bolaye motho, mo go na le motho wa gore ba mo rakiye, Modimo o lebelela tso di ka makang gore motho yene a boye. 15 Ke tlile go tl’le botsa kgoši morenaka dilo tsowa ka taba la gore batho ba ntshusiye. Byalo, lelata lago le yitseri, ‘Ke kgopela go bolabola le kgoši. Nakwenngwana kgoši yi ka maka tso lelata la yona le di kgopelang. 16 Kgoši yi ka theetsela ya phonisa lelata la yona ga ye a nyakang go fetsa ka nna le morwayi waka wa gore o fo ba a ntoši, a maka gore le sa kraye tso Modimo a le tshepisiyeng tsona.’ 17 Ke mokane lelata lago la re, ‘Nkare mantsu ya kgoši morenaka ma ka mmaka gore ke yimuluge,’ ka taba la gore kgoši morenaka o tshwana le lengeloyi la Modimo wa mannete mo di tla ga taba ya go hlawola tsa go loka ga tsa go sa loka. Nkare Jehova Modimo wago a ka ba nago.”

18 Kgoši ya fetola mosadi yela ya re: “Ke kgopela o sa n’wutetsele selo ga tso ke nyoko go butsisang tsona.” Mosadi yela a re: “Ke kgopela kgoši morenaka a bolabole.” 19 Ke mokane kgoši ya re: “Ke Jowabho a makiyeng gore o make dilo tsowa ka moka?” Mosadi yela a fetola a re: “Solanka o sa phela wene kgoši morenaka, go fo ba ka mokgo kgoši morenaka a hlayang, ka taba la gore lelata lago Jowabho ke lona lo le nrommeng fote le botsetsele lelata lago mantsu yawa. 20 Lelata lago Jowabho le makiye dilo tsowa gore le tšhentšhe ka mokgo dilo di leng ka gona, mara morenaka o hlalefiye go tshwana le lengeloyi la Modimo wa mannete fote o tšiba dilo ka moka tso di makegang mo nageng.”

21 Ke mokane kgoši ya re ga Jowabho: “Go lukiye, ke nyoko maka ka mokgonone. Sepela o late Abhsalomo.” 22 Mo a reyane, Jowabho a thinya letolo a yinamisiye hlogo, a thanaka kgoši. Jowabho a re: “Lekgono lelata lago le ya di tšiba gore o le yamogele, wene kgoši morenaka, ka gore kgoši yi makiye tso lelata la yona le di kgopelang.” 23 Ke mokane Jowabho a tlogamela a ya Ghešuri, a boya Jerusalema a na le Abhsalomo. 24 Mara kgoši ya re: “A boyele ntlong yage, mara a sa tle a tl’le mponeng.” Byalo Abhsalomo a boyela ntlong yage, fote a sa yi a ye bona kgoši.

25 Byalo, ga Maisrayele ka mokana ga wona ke mo go se na motho wa go thanakiwa go tshwana le Abhsalomo ka taba la gore ke mo a bafele. Ke mo a se na selabi go tlugisela mo seretheng go segela phogong. 26 Mo a hluba moriri—moriri wage ke mo wo kala 200 ya dišekele* mo ba wo kala ka sekala sa bogošing* (ke mo di nyaka a hlube moriri mo go fela mongwaga wo mongwana le wo mongwana ka taba la gore ke mo wo mo roba). 27 Abhsalomo ba mmelegele barwayi kararo (3) ya bona le morwediya ka wwoši, wa gore lebitso lage ke mo go le Thamara. Ke mo a bafele ka matla.

28 Abhsalomo o yye mahlong a dula Jerusalema mengwaga ka mmedi (2), mara ke mo a sa yi go ye bona kgoši. 29 Byalo, Abhsalomo a roma batho gore ba bitse Jowabho ka taba la gore ke mo a nyaka go mo roma ga kgoši, mara Jowabho a sa tle. A ba roma fote la bobedi (2), mara a gana go tla. 30 Abhsalomo a fetsa a butsiye malata yage gore: “Sebaya sa Jowabho se thina le saka, fote o gašiye mabelethoro* gana hone. Ariyeneng le ye se tšhubeng.” Byalo, malata ya Abhsalomo ma ya ma se tšhuba. 31 Byalo Jowabho a tloga a ya ntlong ya Abhsalomo, a re gage: “Ke ntaba malata yago ma tšhubiye sebaya saka?” 32 Abhsalomo a re ga Jowabho: “Ke go romele molayetsa ka re, ‘Tlang, ke nyaka go go roma ga kgoši gore o ye o yi botse gore: “Ne ke tlogela ying Ghešuri ke tla howa? Nke go le kawone hala ke f’lo tidulela gona. Byalo ntisetse ke bone kgoši, mo nkare ke na le molato a mpolaye.”’”

33 Byalo Jowabho a ya ga kgoši a mo hlayisela ditaba tsowa. Ke mokane kgoši ya bitsa Abhsalomo, Abhsalomo a ya ga kgoši a segela a yi thinyela letolo a yinamisiye hlogo. Ke mokane kgoši ya khisa Abhsalomo.

15 Ka nthago ga dilo tsowa ka mokana ga tsona, Abhsalomo a ba le sekotšikara le dipera le 50 ya banna ba go taboga mahlong gage. 2 Abhsalomo ke mo a tsoga ka phu, a yema ka thoko ga pata ku gheyiting ya mutši. Mo go tla motho a nyaka kgoši yi yahlula taba yage, Abhsalomo ke mo a mmitsa a mmutsisa gore: “O tšwa ga mutši wofeng?” Motho yene ke mo a re: “Lelata lago le tšwa ga moloko wo mongwana wa Israyele.” 3 Abhsalomo ke mo a re gage: “Ditaba tsago di ya kwagala wa tšiba, mara ku ga kgoši a go na ye a ka theetselang taba yago.” 4 Abhsalomo ke mo a re: “Hala go yahlula nna mo nageng! Batho ka moka mo ba na le taba ke mo ba nyoko tla mo gaka, ne ke nyoko ba yahlula gabutši.”

5 Mo motho a šutela thina gage a mo thinyela letolo, Abhsalomo ke mo a wolola letsogo lage a mo tshwara, a boya a mo khisa. 6 Abhsalomo ke mo a maka tsowa ga Maisrayele ka mokana ga wona ya gore ke mo ma tla ga kgoši gore yi ma yahlule; byalo Abhsalomo a fo ya mahlong a maka gore batho ba Israyele ba kwane naye ka matla.

7 Mo go fela kanne (4) ya mengwaga,* Abhsalomo a botsa kgoši gore: “Ntisetse barena ke ye Hebhrone ke ye makela Jehova tso ke mo tshepisiyeng. 8 Mo lelata lago le sa dula Ghešuri ku Siriya, le tshepisiye la re: ‘Mo Jehova a ka mpusetsa Jerusalema, ke nyoko makela Jehova sehlabelo.’” 9 Byalo kgoši ya re gage: “Ariye gabutši.” Mo yi reyane, a napa a tloga a ya Hebhrone.

10 Abhsalomo a romela dimpimpi ga meloko ya Israyele ka mokana ga yona, a re: “Mo le kwa phalafala le sabalatse gore, ‘Abhsalomo ke kgoši ku Hebhrone!’” 11 Byalo, 200 ya banna ba go tšwa Jerusalema ke mo ba yye le Abhsalomo; ba f’lo ba bitsa ba sa tšibi selo, ke mo ba sa tšibi gore go makega ying. 12 Go tokegela gana hone, mo Abhsalomo a maka dihlabelo, o romme batho nageng ya Ghilo gore ba late Ahithofele wa Leghilo, wa gore ke mo go le yene wa go yeletsa Dafita. Dipolane tsage ke mo di mmerekela, fote batho bo ne ba le ka nthoko yage ke mo ba fo ya ba kene ba yeketsega.

13 Mo nako yi kene yi ya, ye mongwana a tla a botsa Dafita gore: “Maisrayele ma šele ma kwana le Abhsalomo ka matla.” 14 Ka nako yonone, Dafita a botsa malata ka mokana ga wona ya ne ma le naye ku Jerusalema gore: “Tlogamelaneng re tšhabeneng, ka taba la gore a go na ye a ka phonang ga Abhsalomo! Yakgoswaneng, ke tšhaba gore a ka yakgoswa a tla a re kraya, a re bakela mathatha, a bolaya batho ba mutši wowa ka mokana ga bona ka sabola!” 15 Malata ya kgoši ma fetola kgoši ma re: “Malata yago ma tikemisele go maka se sengwana le se sengwana so kgoši morenaka yi nyakang se makega.” 16 Byalo, kgoši ya tloga le batho ka mokana ga bona ba mutši wa yona, mara ya šiya lesome (10) la batlabo gore ba pasope ntlo. 17 Kgoši ya ya mahlong yi sepela le batho bo ne ba le nayo, ba ya ba yema Bhethe-merake.

18 Malata yage ka mokana ga wona ya ke mo ma sepela naye le Makherete ka mokana ga wona, Mapelethe, Maghathe le 600 ya banna ba gore ke mo ba sepela naye ba tšwa Ghathe, ke mo ba feta mahlong ga kgoši gore yi ba pombhole. 19 Ke mokane kgoši ya re ga Itayi wa Leghathe: “Ke ntaba o tshwanele go sepela le rune? Sologa o ye dula le kgoši ya nyuwane ka gore o fo ba motho wa go tšwa a sepela, fote o tšhabiye ku o tšwang gona. 20 A yi botala o tlile howa, byalo gana byalo ke tshwanele ke make gore o yinghayinghe le rune, o sepele mo nna ke tshwanele go sepela, o ye mo ke tshwaneleng go ya gona? Sologa, o sepele le bobhuti bago, nkare Jehova a ka go šupetsa gore yene wa tshepega le gore o go nyaka ka matla!” 21 Mara Itayi a fetola kgoši a re: “Ke ya go tshepisa ka Jehova Modimo wa go phela, solanka kgoši morenaka a sa phela, go gongwana le go gongwana mo kgoši morenaka a leng gona lelata lago le nyoko ba gana hone, ke tikemisele go kgwa nago!” 22 Mo a reyane, Dafita a botsa Itayi gore: “Ariye o ye tshela moyedi.” Byalo Itayi wa Leghathe a wo tshela, le banna bo ne a le nabo ka mokana ga bona le bana.

23 Batho ka mokana ga bona ba mone nageng ke mo ba lla ba rasa mo batho ka mokana ga bona bo ne ba na le Dafita ba tshela moyedi, fote kgoši ke mo yi yemme thina le Moyedi wa Kidirone; batho ka mokana ga bona ke mo ba tshelela ka ku pateng ya go ya mašahleng. 24 Zadoke le yene ke mo a le gona, a na le Malifi ka mokana ga wona ya gore ma rwele areka ya go kwanisanya batho le Modimo wa mannete; ma beya Areka ya Modimo wa mannete fase; Abhiyathara le yene ke mo a le gona mo batho ka mokana ga bona ba tloga mone mutšing ba tshela moyedi. 25 Mara kgoši ya botsa Zadoke gore: “Tseya Areka ya Modimo wa mannete o yi busetse ku mutšing. Mo nkare Jehova wa n’yamogela, o nyoko maka gore ke boye ke tle ke yi bone, ke bone le mo yi dulang gona. 26 Mara mo a ka re, ‘A o njabodisi,’ a mmake so a bonang se lukiye mahlong gage.” 27 Kgoši ya re ga Zadoke wa moprista: “Anthe wene a o kgone go bona tso di nyoko makegang ku mahlong? Boyelaneng ku mutšing fote nkare dilo di ka le sepelela gabutši, le sepele le barwayi ba lune ka babedi (2), Ahimazi morwayi wago le Jonathane morwayi wa Abhiyathara. 28 Nka sa yi kgole, ke nyoko fo ba ke le hala nokeng ga gore a go yisi go segela le tl’le mpotsa se sengwana.” 29 Byalo, Zadoke le Abhiyathara ba busetsa Areka ya Modimo wa mannete Jerusalema, ba dula gana hone.

30 Mo Dafita a yinuga hala Thabeng ya Diolivi, ke mo a tsama a lla; ke mo a tikwadiye hlogo fote a sa rwala diyeta. Batho ka mokana ga bona bo ne a sepela nabo le bona ke mo ba tikwadiye dihlogo, fote ke mo ba lla mo ba kene ba yinuga. 31 Ba botsa Dafita gore: “Ahithofele o ga bo ba makang dipolane le Abhsalomo.” Mo ba reyane, Dafita a re: “Jehova barena, ke kgopela o make gore tso Ahithofele a ba botsang tsona go be tsa bophokophoko!”

32 Mo Dafita a segela ku gedimo ga thaba ga gore batho ke mo ba thinyela Modimo letolo ba le gana hone, Hušayi wa Learekhe a mo gahlanetsa, kobo yage yi tlerogiye fote a na le dithila ho hlogong. 33 Mara Dafita a re gage: “Mo o ka sepela le nna o nyoko n’yimetsa. 34 Mo o ka boyela ku mutšing wa segela wa re ga Abhsalomo, ‘Ke nna lelata lago wene Kgoši. Ke mo ke le lelata la papago ku botala, mara gana byalo ke nna lelata lago,’ o ko segela o maka gore dipolane tsa Ahithofele di sa phomelele, wa ba o n’gelepiye. 35 Akere Zadoke le Abhiyathara ba gore ke maprista ba nago? Dilo ka mokana ga tsona tso o di kwang ntlong ya kgoši, o di botse Zadoke le Abhiyathara ba gore ke maprista. 36 Ba na le barwayi ba bona ka babedi (2), Ahimazi morwayi wa Zadoke le Jonathane morwayi wa Abhiyathara, o berekise bona gore o mpotse dilo ka mokana ga tsona tso o di kwang.” 37 Byalo, Hušayi wa gore ke monghana wa Dafita a ya ku mutšing mo Abhsalomo a kena Jerusalema.

16 Mo Dafita a thewoga ku gedimo ga thaba a gahlana le Zibha lelata la Mefibhošethe, Zibha ke mo a le ku thabeng a yemele Dafita a na le dibhongholo ka dipedi (2), fote mo gedimo ga tsona ke mo go na le 200 ya malofo ya sekgwa, 100 ya dikhekhe tsa go makiwa ka didhriva tsa go womisiwa, 100 ya dikhekhe tsa diyengwa tsa selemo* le jeke ye kgolo ya wayini. 2 Kgoši ya re ga Zibha: “Ke ntaba o leyye dilo tsowa?” Zibha a re: “Dibhongholo tsowa ke tsa gore di berekise ke ba mutši wa kgoši, sekgwa sowa le diyengwa tsowa tsa selemo ke tsa gore masogana yawa ma je, wayini yowa ke ya bo ba ko bang ba tinnwe ku mašahleng.” 3 Byalo kgoši ya re: “Morwayi* wa mong wago o kaye?” Mo a reyane, Zibha a re: “O dula Jerusalema ka taba la gore o yitseri, ‘Lekgono Maisrayele ma nyoko maka gore ke be kgoši go tshwana le papa.’” 4 Ke mokane kgoši ya botsa Zibha gore: “Dilo tsa Mefibhošethe ka mokana ga tsona ke tsago.” Zibha a re: “Ke nna lelata lago la go tinyanafatsa. Nkare o ka n’yamogela kgoši morenaka.”

5 Mo Kgoši Dafita a segela Bhahurimi, gwa tšwa monna ye mongwana wa ba mutši wa Sawulo ye ba reng ke Šimeyi morwayi wa Ghera, ke mo a kene a rogelela mo Dafita a šutela. 6 Ne a boša Dafita le malata yage ka mokana ga wona ka matlapa, a boša le batho ka mokana ga bona, a boša le banna ba go ba le matšhika bo ne ba le ka letsogong la Dafita la go ja le la mpata. 7 Šimeyi ke mo a rogelela a re: “Sepela, sepela wene monna wa go falatsa madi! Wene monna wa go sa re selo! 8 Jehova o maka gore o patele ka taba la ba mutši wa Sawulo ba o ba bolayyeng, fote o makiye gore go lawole wene sekaleng sage, mara Jehova o maka gore morwayi wago Abhsalomo go be yene kgoši. O tlela ke tsa go sasamela ka taba la gore o na le molato wa madi!”

9 Ke mokane Abhišayi morwayi wa Zeruya a re ga kgoši: “Ke ntaba mpsya yo ya go kgwa yi tshwanele yi rogelele kgoši morenaka? Ke kgopela o ntisetse ke ye mo kupa hlogo yo.” 10 Mara kgoši ya re: “Lune le kena ka kaye barwayi ba Zeruya? Mo lisetseneng a nrogelele ka gore Jehova o yitseri gage, ‘Rogelela Dafita!’ Byalo ke mang ye a ka butsisang gore, ‘Ke ntaba o maka dilo tsowa?’” 11 Dafita a botsa Abhišayi le malata yage ka mokana ga wona gore: “Morwayi wa nna mong wa gore ke madi yaka, o nyaka go mpolaya, a di makatse mo Lebhenjamini lowa le nyaka go mpolaya! Mo lisetse a nrogelele ka taba la gore Jehova o mo romme! 12 Nakwenngwana Jehova a ka bona mohlupego waka, fote Jehova o nyoko maka gore go sa makege tso ba nrogelelang ka tsona lekgono mara o nyoko nrufa ka tsa gabutši.” 13 Byalo, Dafita le banna bo ne a sepela nabo ba ya mahlong ba thewoga ka pata mo Šimeyi a bapa le thaba ba lebanne, a kene a rogelela, a ba boša ka matlapa, a ba tšhela le ka mobu.

14 Kgoši le batho ka mokana ga bona bo ne a sepela nabo ba fetsa ba segele mo ne ba ya gona, ke mo ba tinnwe, ba khutsa.

15 Ka nako yonone, Abhsalomo le banna ka moka ba Israyele ba segela Jerusalema, fote Ahithofele ke mo a le nabo. 16 Mo monghana wa Dafita ye ba reng ke Hušayi wa Learekhe a tla ga Abhsalomo, Hušayi a re ga Abhsalomo: “Nkare o ka phela go ya go yye wene kgoši! Nkare o ka phela go ya go yye wene kgoši!” 17 Mo a reyane, Abhsalomo a re ga Hušayi: “Nka mokgo o šupetsang monghanago gore wa mo nyaka? Ke ntaba o sa sepela le monghanago?” 18 Byalo Hušayi a re ga Abhsalomo: “Awwa, nna ke yema le ye a hlawodiyeng ke Jehova, ye a hlawodiyeng ke batho bowa le batho ka mokana ga bona ba Israyele. Ke nyoko dula nago. 19 Ke ya boyelela ke re, Nka berekela mang ye mongwana? A go kawone ke be lelata la morwayi wage? Le wene ke nyoko go berekela go fo tshwana le ka mokgo ke berekeleng papago.”

20 Ke mokane Abhsalomo a botsa Ahithofele gore: “N’yeletse. Re make byang?” 21 Mo a reyane, Ahithofele a botsa Abhsalomo gore: “Yetsela le batlabo ba papago, bala ba gore o ba šiyye gore ba šale ba pasopa ntlo. Ke mokane mo Israyele yi di kwelela gore o makiye dilo tsowa wa rogelela papago, fote a le sa kwana, bo ba yemang nago ba nyoko tiyelela.” 22 Byalo ba makela Abhsalomo letente ka ku gedimo ga ntlo, fote Abhsalomo a yetsela le batlabo ba papage batho ba Israyele ka mokana ga bona ba lebelele.

23 Ka nako yone, dilo tso ne di hlaya ke Ahithofele ne ba di tseya go le lentsu la go tšwa ga Modimo wa mannete. Dafita le Abhsalomo ke mo ba tshepa dilo ka mokana ga tsona tso Ahithofele a di hlayang.

17 Byalo, Ahithofele a botsa Abhsalomo gore: “Nlisetse ke hlawole 12 000 ya banna, re sepele re ye hlasela Dafita bošego bya lekgono. 2 Ke nyoko mo kraya a lelemela a se na matšhika, ka maka gore a hlakahlakane; fote batho bo ba sepelang naye ba nyoko tšhaba, ke mokane ka bolaya kgoši yi ntoši. 3 Ke nyoko boya le batho ka mokana ga bona ho gago. Mo motho ye o nyakanang naye a kgwile, batho bage ka mokana ga bona ba nyoko boya gago. Gwa šala go bebiye.” 4 Taba yone ke mo yi kwagala ga Abhsalomo le ga banna ba bagolo ba Israyele ka mokana ga bona.

5 Mara Abhsalomo a re: “Ke kgopela le bitse le Hušayi wa Learekhe, re kwe gore yene o re king.” 6 Byalo Hušayi a tla ga Abhsalomo. Ke mokane Abhsalomo a re gage: “Ahithofele o re re make ka mokgo. Re make ka mokgo a hlayang? Re botse mo nkare o yi bona ka mokgo mongwana.” 7 Mo a reyane, Hušayi a re ga Abhsalomo: “Tso Ahithofele a le butsiyeng di ka sa bereke gana byalo!”

8 Hušayi a tokegela ka gore: “O di tšiba gabutši gore papago le banna bo a sepelang nabo ba na le matšhika, fote ba kwatiye go tshwana le bhere ya gore yi lahlegele ke dibananyana tsa yona mašahleng. Fote papago ke segele sa ntwa, a ka sa yetsele mo batho ba bangwana ba yetseleng gona. 9 Gana byalo lowa, o wutamme lekoring kela ga poleke ye nngwana; fote go ka thomisa yene go hlasela, bo ba di kwelelang ba nyoko re, ‘Batho ba go sepela le Abhsalomo ba ba hludiye!’ 10 Le mong motho wa go ba le lešiši la go tshwana le la tawu o nyoko hlagasela, ka gore di ya tšibega Israyele ka mokana ga yona gore papago ke monna wa go ba le matšhika le gore banna bo a sepelang nabo ba na le lešiši. 11 Nna ke re: Kgobaketsa Maisrayele ka mokana ga wona go tlugisela Dani go segela Bhere-šeba, ma tlale go tshwana le santa ya lewatle, fote wene o ma yetetse mo le ya ntweng. 12 Go gongwana le go gongwana mo re mo krayang gona, re nyoko mo hlasela go tshwana le phoka mo yi wela mo fase; a go na le ka wweši wa bona ye a nyoko phonang, a ka sa ro phona, le banna bo ba sepelang naye ba ka sa ro phona. 13 Mo a ka tšhabela mutšing, Israyele ka mokana ga yona yi nyoko rwala dithapo ya ya natso ga mutši wone, re nyoko wisa mapharo ya mutši wone ra ma goga ra ma yisa ku moyeding, go ka sa šale le mong letlapa ka lloši.”

14 Abhsalomo le banna ba Israyele ka mokana ga bona ba re: “Tso Hušayi wa Learekhe a di hlayang di phala tso di hlayyeng ke Ahithofele!” Ka gore Jehova ke mo a nyoko maka gore ba sa theetsele tso Ahithofele a di hlayyeng le mo di na di le gabutši, gore Jehova a make gore Abhsalomo a tlele ke tsa go baba.

15 Ka nthago, Hušayi a botsa Zadoke le Abhiyathara ba gore ke maprista gore: “Tsowa ke tso Ahithofele a di butsiyeng Abhsalomo le banna ba bagolo ba Israyele le tso yene a ba butsiyeng tsona. 16 A boya a re yakgoswaneng le romele molayetsa ga Dafita le mmotse gore: ‘Lekgono o sa duli hone mašahleng hala ga gore ba feta gona mo ba tshela noka ya Jorodane, di nyaka le tshele noka, mo le ka sa make ka mokgonone go ka fela ka wene kgoši le batho ka mokana ga bona bo o sepelang nabo.’”

17 Jonathane le Ahimazi ke mo ba dula Ene-roghele; byalo lelata la ngwannyana la ya la ba botsa gore go makega ying ke mokane ba ya ba botsa Kgoši Dafita, ka taba la gore ke mo ba tšhaba go kena mone mutšing. 18 Mara mosogana ye mongwana a ba bona, a botsa Abhsalomo. Byalo, ka babedi (2) ga bona ba yakgoswa ba tloga ba ya ga ntlo ya monna ye mongwana ku Bhahurimi, wa gore gaye gage ke mo go na le sediba. Ba kena ka teng ga sona, 19 mosadi wa monna yene a kogela sediba sone, ka ho gedimo a beya mabelethoro ya gore ma tšharogiye; ke mo di sa tšibi ke motho. 20 Malata ya Abhsalomo ma segela gaye ga mosadi yene ma mmutsisa gore: “Ahimazi le Jonathane ba kaye?” Mosadi yela a re: “Ba fitiye howa ba bakiye ku nokeng.” Ke mokane banna bone ba ya ba ba nyakela mara ba sa ba kraye, byalo ba boyela Jerusalema.

21 Mo banna bone ba šele ba sipidiye, Ahimazi le Jonathane ba tšwa hala sedibeng, ba ya ba botsa Kgoši Dafita gore Ahithofele o yitseri ba mo hlasele. Ke mokane ba re: “Yakgoswa o tlogamele o tshele noka.” 22 Dafita le batho bo ne a sepela nabo ba napa ba tlogamela ba tshela noka ya Jorodane. Mo bo sa, ka mokana ga bona ke mo ba šele ba tshidiye noka ya Jorodane.

23 Mo Ahithofele a di bona gore tso a di hlayyeng a di ya makega, a kalama bhongholo a ya gaye gage nageng ya gabo. Mo a šele a butsiye ba mutši wage gore ba make ying, a titlema. A kgwa, ba mmoloka mo ba bolokiyeng bokokwane bage.

24 Ka nako yonone, Dafita a ya Mahanayime, fote Abhsalomo a tshela noka ya Jorodane le banna ba Israyele ka mokana ga bona. 25 Abhsalomo a beya Amasa gore go be yene a yetang masole mahlong sekaleng sa Jowabho; Amasa ke mo go le morwayi wa monna ye ba reng ke Ithara wa Leisrayele, wa gore o yetsele le Abhigheyili morwediya wa Nahaša sesi wa Zeruya wa gore ke mmane wa Jowabho. 26 Maisrayele le Abhsalomo ba kampa nageng ya Ghiliyade.

27 Mo Dafita a segela Mahanayime, Šobhi morwayi wa Nahaša wa go tšwa Rabha ya Maamoni, Makhiri morwayi wa Amiyele wa go tšwa Lo-debhara le Bhazilayi wa Leghiliyade wa go tšwa Roghelimo 28 ba leya mempeto, ditša tsa motšiti, dipoto tsa go makiwa ka botsopa, korong, mabelethoro,* folawa, mbhaša, diponkisi, dinawa, mabelethoro ya go tšharoga, 29 mamapo, sa go tlotsela, nku le tšhizi. Ba tlile le dilo tsowa ka mokana ga tsona ba di neya Dafita le batho bo ne a le nabo, ka taba la gore ke mo ba re: “Batho bala ba leng ku mašahleng ba kwa tlala, ba tinnwe fote ba wonngwe.”

18 Ke mokane Dafita a balela banna bo ne a sepela nabo, a maka gore go be le dindhuna tsa go wokamela megoba, megoba ya dikete le megoba ya makgolo. 2 Dafita a re batho bo ke mo a le nabo ba sepele go le megoba kararo (3) ya wona, ka wwoši wo yetetse ke Jowabho, wo mongwana wo yetetse ke Abhišayi bhuti wa Jowabho morwayi wa Zeruya ke mokane wa kararo wo yetetse ke Itayi wa Leghathe. Kgoši ya re ga bona: “Le nna ke nyoko sepela le lune.” 3 Mara ba re: “O sa sepele, ka gore mo re ka tšhaba ba ka sa be le taba le rune; le mo go ka kgwa hafo ya masole ya rune, ba ka sa be le taba, ka gore wene o lekana le 10 000 ya rune. Di ko ba gabutši mo o ka romela batho ba go tšwa mone mutšing gore ba tle ba re gelepe.” 4 Kgoši ya re ga bona: “Ke nyoko maka so le bonang se lukiye.” Byalo kgoši ya yema thoko ga gheyiti ya mutši, fote banna bala ka mokana ga bona ba sepela ka megoba ya makgolo le megoba ya dikete. 5 Ke mokane kgoši ya botsa Jowabho, Abhišayi le Itayi gore: “Le babaleleneng Abhsalomo ka taba laka.” Banna ka mokana ga bona ba di kwile tso kgoši yi butsiyeng dindhuna ka mokana ga tsona ka Abhsalomo.

6 Banna bala ba ya ku mašahleng ba ye gahlana le Maisrayele, ntwa ya thomisa ku mašahleng ya Eforayimi. 7 Malata ya Dafita ma hlula Maisrayele gana hone, go kgwile batho ba go tlala ka tšatši lone—20 000 ya banna. 8 Ntwa yone ya sabalala ga poleke yone ka mokana ga yona. Go tokegela gana hone, go yye gwa ba le batho ba go tlala ba gore ba f’lo kgwa mone mašahleng, ke mo ba tlele go phala bo ba gore ba ba bolayye ka sabola ka letšatši lone.

9 Abhsalomo a fetsa a tikraya a lebanne le malata ya Dafita. Ke mo a kalamme meyila, meyila yela ya feta ka tlase ga makala ya makoto ya mohlare wo mogolo, hlogo yage ya hlagamela mone ga mohlare wo mogolo a šala a lekaleka, meyila yo ne a yi kalamme ya fo ya mahlong, ya sa yeme. 10 Ye mongwana a bona tso di makegiyeng, a botsa Jowabho gore: “Ye naa! Ke bonne Abhsalomo a hlagamele mohlareng wo mogolo.” 11 Jowabho a fetola monna yela a mmutsiyeng dilo tsowa a re: “Mo nkare o mmonne, ke ntaba o sa mmolayela gana hone? Ne ke nyoko go neya lesome (10) la disilva le lepanta ka pelo ye tšhwewu.” 12 Mara monna yela a botsa Jowabho gore: “Le mo o ka nneya 1 000 ya dišekele tsa silva, ne nka sa bolaye morwayi wa kgoši ka gore re kwile mo kgoši yi botsa wene, Abhišayi le Itayi gore, ‘Le boneneng gore a go na ye a kwaletsang Abhsalomo.’ 13 Hala ke sa theetsela ka mmolaya, kgoši ne yi nyoko di kwelela fote wene ne o ka sa n’yemelele.” 14 Mo a reyane, Jowabho a re: “Yema ke sa sinyi nako ka go hlwa ke bolabola nago!” A tseya kararo (3) ya manopa* ya mesefo a ya a hlaba Abhsalomo mo pelong a sa phela, a kene a lekaleka hala mohlareng wo mogolo. 15 Ke mokane lesome la malata ya ne ma rwala dilo tsa Jowabho tsa go lwa ka tsona, ma tla ma tula Abhsalomo go segela a kgwa. 16 Jowabho a teya phalafala, banna bala ba sa sa lelekisa Maisrayele; Jowabho a re ba yeme. 17 Ba tseya Abhsalomo ba mmošela ka mokoting wo mogolo ku mašahleng, ba pakela matlapa ya go tlala ka ho gedimo gage. Maisrayele ka mokana ga wona ma tšhabela magayeng ya wona.

18 Nakwela Abhsalomo a sa phela, o yye a tseya letlapa a le beya Moyeding wa Kgoši, ka gore ke mo a re: “A ke na morwayi wa gore a ka maka gore lebitso laka le sa lebadiwi.” Byalo a le reya ka lebitso lage, fote le lekgono lowa ba sa na ba re ke Letlapa la Abhsalomo la Segopotso.

19 Ahimazi morwayi wa Zadoke a re: “Yema ke taboge ke ye botsa kgoši ditaba tsowa, ka gore Jehova o mo makele tsa gabutši ka go mo phonisa ga manaba yage.” 20 Mara Jowabho a re gage: “Wene o ka sa yisi ditaba lekgono. O nyoko di yisa tšatši le lengwana, mara o ka sa di yisi lekgono ka taba la gore go kgwile morwayi wa kgoši.” 21 Ke mokane Jowabho a botsa Lekhuše le lengwana gore: “Ariye o ye botsa kgoši tso o di bonneng.” Mo a reyane, Lekhuše lela la thinyela Jowabho letolo, la taboga la ya. 22 Ahimazi morwayi wa Zadoke a boyelela a re ga Jowabho: “A go na taba gore go makega ying, ke kgopela o nlisetse ke taboge ke šale Lekhuše lela nthago.” Mara Jowabho a re: “O taboga o ya kaye morwayi, ka gore a go na ditaba tso o nyoko di hlayang?” 23 Mara a ya mahlong a re: “A go na taba gore go makega ying, nlisetse ke taboge.” Byalo Jowabho a re gage: “Taboga!” Ahimazi a taboga ka lela la moyedi wa Jorodane, a fetsa a tšhanghwele Lekhuše lela.

24 Byalo, Dafita ke mo a duli segare ga digheyiti ka dipedi (2) tsa mutši, matšinghelane a ya ka ku kgakala ga gheyiti a yema lepharong. A lebelela, a bona motho a taboga a ntoši. 25 Byalo matšinghelane yela a yahlamela a botsa kgoši. Kgoši ya re: “Mo nkare o fo ba a ntoši o nyoko re botsa ditaba.” Mo monna yela a kene a šutela, 26 matšinghelane yela a bona monna ye mongwana a taboga. A yahlamela yela wa go pasopa gheyiti a re: “Ye naa! Monna ye mongwana ke yenene, le yene o taboga a ntoši!” Kgoši ya re: “Yewa le yene o leya ditaba.” 27 Matšinghelane yela a re: “Mo ke lebelele yewa wa mathomo o taboga nkare ke Ahimazi morwayi wa Zadoke,” byalo kgoši ya re: “Ke monna wa go loka fote o leya ditaba tsa go bafala.” 28 Ahimazi a yahlamela kgoši a re: “Dilo ka moka di gabutši!” Mo a reyane, a thinyela kgoši letolo a yinamisiye hlogo. Ke mokane a re: “Nkare go ka thanakiwa Jehova Modimo, yene wa gore o makiye gore o hlule banna bo ne ba go jikele, wene kgoši morenaka!”

29 Mara kgoši ya re: “Ayitsano morwayi waka Abhsalomo o gabutši?” Mo a reyane, Ahimazi a re: “Ke bonne go hlakahlakana mo Jowabho a roma lelata la kgoši le lelata lago, mara ke mo ke sa tšibi gore bothatha king.” 30 Byalo kgoši ya re: “Tšhiruga o yeme howa.” Mo a reyane, a tšhiruga a yema hala.

31 Ke mokane Lekhuše lela la segela, la re: “Nkare o ka yamogela ditaba tsowa wene kgoši morenaka: Lekgono Jehova o go makele tsa gabutši ka go go phonisa ga banna ka mokana ga bona bo ne ba go jikele.” 32 Mara kgoši ya re ga Lekhuše lela: “Ayitsano morwayi waka Abhsalomo o gabutši?” Mo a reyane, Lekhuše la re: “Nkare manaba ya kgoši morenaka ka mokana ga wona le batho ka moka bo ne ba go jikele gore ba go kwaletse, ba ka makegela ke so se makegeleng mosogana yewa!”

33 Taba yowa ya sa tshware kgoši gabutši, a ya ka ku kgakala hala gheyiting, a lla, mo a kene a sepela ke mo a re: “Morwayi waka Abhsalomo, morwayi waka, morwayi waka Abhsalomo! Hala go kgwile nna sekaleng sago, Abhsalomo morwayi waka, morwayi waka!”

19 Ba botsa Jowabho gore: “Kgoši yi llela Abhsalomo.” 2 Byalo, tsa gore ba jabodiye ka taba la gore ba hludiye dya fela, batho ka mokana ga bona ba lla ka taba la gore ba di kwelele gore kgoši yi llela morwayi wa yona. 3 Batho ba boyela mutšing ba tikgomolele ka letšatši lone, go tshwana le batho ba gore ba tšhabiye ntweng ba šala ba tšebiye. 4 Kgoši ya tikwala ho mahlong, ya fo ya mahlong yi lla yi kene yi rasa yi re: “Morwayi waka Abhsalomo! Abhsalomo morwayi waka, morwayi waka!”

5 Byalo Jowabho a ya ga kgoši ku ntlong a re: “Lekgono o makiye gore malata yago ka mokana ga wona ya gore ma go phonisiye, ma phonisa barwayi bago, barwediya bago, basadi bago le batlabo bago ka letšatši lowa ma šale ma tšebiye. 6 O kwana le bo ba gore ba go hloyye fote o hloyye bo ba gore ba kwana nago, ka gore o di beyye lekgwaying lekgono gore a o yisi felo ka dindhuna le malata yago, a ke kamake gore hala Abhsalomo a sa phela lekgono rune ka mokana ga rune re kgwile ne o ka sa be le bothatha. 7 Byalo tlogamela o sepele o ye tiyisa malata yago, ka gore ke ya go tshepisa ka Jehova gore mo o ka sa yi, a go na motho ye a nyoko šalang nago lekgono. Tsowa di nyoko phala dilo ka mokana ga tsona tsa go sasamela tso di go makegeleng go tlugisela o sa le ye monyana go segela gana byalo.” 8 Byalo, kgoši ya tlogamela ya ya ya dula gheyiting ya mutši, ba botsa batho ka mokana ga bona gore: “Kgoši yi duli gheyiting.” Batho ka mokana ga bona ba ya ku kgoši yi leng gona.

Mara Maisrayele* ma ya mitšing ya wona. 9 Batho ka mokana ga bona ba meloko ya Israyele ke mo ba phigisana ba re: “Kgoši yi re phonisiye ga manaba ya rune, fote yi re phonisiye le ga Mafilisita; mara gana byalo yi tšhabiye mo nageng ka taba la Abhsalomo. 10 Fote Abhsalomo wa gore ke mo re mo hlawodiye gore go be kgoši ya rune, o kgwile ku ntweng. Byalo, ke ntaba le sa make se sengwana gore le buyise kgoši?”

11 Kgoši Dafita a romela molayetsa ga Zadoke le Abhiyathara ba gore ke maprista, a re: “Bolabolaneng le banna ba bagolo ba ku Juda le re, ‘Le diyegisa king le sa buyisi kgoši ntlong yage, mola tso di hlayyeng ke Maisrayele ka mokana ga wona di šele di segele ga kgoši ku ntlong ya yona? 12 Ke rune bobhuti; ke lune mašaga yaka. Le diyegisa king le sa buyisi kgoši?’ 13 Fote le butsiseneng Amasa gore, ‘Anthe a yi wene lešaga laka? Byalo, nkare Modimo a ka n’wolola go baba mo nka sa make gore go be wene ndhuna ya masole yaka sekaleng sa Jowabho go tlugisela gana byalo.’”

14 Byalo, a maka gore banna ka moka ba Juda ba yeme naye, ba romela molayetsa ga kgoši ba re: “Boya, wene le malata yago ka mokana ga wona.”

15 Kgoši ya sologa ya segela Jorodane, batho ba Juda ba tla Ghilighala ba tl’le gahlanetsa kgoši, ba mo felegetsa ba tshela naye noka ya Jorodane. 16 Ke mokane Šimeyi morwayi wa Ghera wa Lebhenjamini la go tšwa Bhahurimi, a taboga le banna ba Juda a ye gahlanetsa Kgoši Dafita, 17 gana hone ke mo go na le 1 000 ya banna ba go tšwa Bhenjamini. Zibha wa gore ke lelata la ntlo ya Sawulo le barwayi bage 15 ya bona le 20 ya malata yage, le bona ba taboga ba ya Jorodane kgoši yi soko segela. 18 A* feta hala nokeng ga gore a go yisi gore a tshidise ba mutši wa kgoši le gore a make tso ne di nabela ke kgoši. Mara Šimeyi morwayi wa Ghera a kgotama mahlong ga kgoši mo kgoši yi šele yi le thina le go tshela noka ya Jorodane. 19 A re ga kgoši: “O sa mpone ke na le molato morenaka, o lebale dilo tsa go sa loka tso lelata lago le di makiyeng nakwela kgoši morenaka a tloga Jerusalema. Ke kgopela kgoši yi sa di tseyele hlogong, 20 ka gore lelata lago le ya di tšiba gore le sinnye; byalo lekgono ke nna wa mathomo ga ba mutši wa Josefa ka mokana ga wona wa go tl’le gahlanetsa kgoši morenaka.”

21 Abhišayi morwayi wa Zeruya a napa a re: “Ayitsano Šimeyi aa tshwanela go kgwa ka taba la dilo tsowa, ka gore o rogelele wa gore o hlawodiye ke Jehova?” 22 Mara Dafita a re: “Lune barwayi ba Zeruya, le kena kakaye le šinya le sa yeme le nna? Ayitsano di nyaka go kgwe motho lekgono mo Israyele? Gale a ke di tšibi gore lekgono ke nna kgoši ya Israyele fote?” 23 Ke mokane kgoši ya re ga Šimeyi: “O ka sa kgwe.” Fote kgoši ya mo tshepisa.

24 Motlogolo wa Sawulo ye ba reng ke Mefibhošethe le yene a tla a tl’le gahlanetsa kgoši. Ke mo a sa hlape mawoto kela go kopa makgakga kela go hlatswa dikobo tsage go tlugisela ka letšatši lo kgoši yi sipidiyeng ka lona go segela mo yi boya yi pasopegiye. 25 Mo a tla Jerusalema a tl’le gahlana le kgoši, kgoši ya re gage: “Ke ntaba o sa sepela le nna Mefibhošethe?” 26 Mo yi reyane, Mefibhošethe a re: “Kgoši morenaka, lelata laka le nhlalefetsiye. Ka gore lelata lago le yitseri, ‘Yema ke lukise bhongholo yaka gore nko thogo yi kalama ke sepele le kgoši,’ ka gore lelata lago le golofele. 27 Mara lelata laka la tla la botsa kgoši morenaka matsaka ka nna lelata lago. Wene kgoši morenaka o tshwana le lengeloyi la Modimo wa mannete, byalo maka so o bonang se lukiye. 28 Kgoši nke yi makiye gore ba mutši wa papa ka mokana ga bona ba bolayiwe, mara o makiye gore lelata lago le dule le bo ba jang tafoleng yago. Nka ba ke sa kgopela ying ga kgoši mara?”

29 Mara kgoši ya re gage: “O sa sa bolabola ka taba yowa. Ke fetsiye ka gore wene le Zibha di nyaka le pomelane tšhomo yowa.” 30 Mo a reyane, Mefibhošethe a re ga kgoši: “Mo lisetse a yi tseye ka moka, ka gore kgoši morenaka o buyye ntlong yage a pasopegiye.”

31 Ke mokane Bhazilayi wa Leghiliyade a tla nokeng ya Jorodane a tšwa Roghelimo gore a tle a felegetse kgoši nokeng ya Jorodane. 32 Bhazilayi ke mo a tsofele ka matla, a na le 80 ya mengwaga, fote ke mo a neya kgoši tsa go ja nakwela yi dula Mahanayime ka gore ke mo a ghannye ka matla. 33 Byalo kgoši ya re ga Bhazilayi: “Koriye le nna, ke nyoko go neya tsa go ja ku Jerusalema.” 34 Mara Bhazilayi a re ga kgoši: “Ke sa nyoko phela mengwaga ka mekaye la gore nka šinya ke ya le kgoši Jerusalema? 35 Gana byalo ke na le 80 ya mengwaga. Ayitsano nka hlwa ke sa tšiba sa go loka le sa go sa loka? Ayitsano leleme laka le ka ba le sa kgona go kwa tso ke di jang le tso ke di nwang? Nje nka ba ke sa kwa mantsu ya banna le basadi ba go yepelela? Byalo, ke ntaba nna lelata lago ke tshwanele ke yimetse kgoši morenaka? 36 Mo lelata lago le kgonne go leya kgoši mo nokeng ya Jorodane go lekanne. Ke ntaba di nyaka kgoši yi ro šinya yi mpatela ka dilo tsowa? 37 Ke kgopela o lisetse lelata lago le sologe, fote o ntisetse ke kgwele mutšing wa geru thina le mo ba bolokiyeng papa le mmane. Mara lelata lago Khimohamo ke lowa. Mo lisetse a sepele le kgoši morenaka, fote o mo makele tso o bonang di lukiye.”

38 Byalo kgoši ya re: “Khimohamo o nyoko sepela le nna, fote ke nyoko mo makela so wene o bonang se lukiye; se sengwana le se sengwana so o nkgopelang sona ke nyoko go makela sona.” 39 Batho ka mokana ga bona ba thomisa go tshela noka ya Jorodane, mo kgoši yi tshela, ya khisa Bhazilayi fote ya mo rufa; ke mokane Bhazilayi a boyela gaye. 40 Mo kgoši yi tshela noka gore yi ye Ghilighala, Khimohamo a tshela nayo. Batho ka mokana ga bona ba Juda le sekopa sa batho ba Israyele ba tshela le kgoši.

41 Ke mokane banna ba Maisrayele ka mokana ga bona ba ya ga kgoši ba re ga yona: “Ke ntaba banna ba Majuda ba gore ke bobhuti ba rune ba sipidiye nago ka makhukhung, ba tshidiye noka ya Jorodane le kgoši le ba mutši wa yona le banna bo ba sepelang le Dafita ka mokana ga bona?” 42 Banna ba Majuda ka mokana ga bona ba fetola banna ba Maisrayele ba re: “Ka gore kgoši yi šagelana le rune. Ke ntaba taba yowa yi le kwatisa? Ayitsano re jile tsa go ja tsa kgoši kela yi re neyye se sengwana?”

43 Mara banna ba Maisrayele ba fetola banna ba Majuda ba re: “Rune re lesome (10) la meloko, byalo ke rune bo ne re tshwanele go makela Dafita dilo tsowa go phala lune. Byalo ke ntaba le re dhelele? Anthe a yi rune ba mathomo bo ne re tshwanele re buyise kgoši?” Mara banna ba Majuda ba hlula banna ba Maisrayele ga taba yowa.

20 Byalo, ke mo go na le morene mongwana wa go hlupa ye ba reng ke Šebha morwayi wa Bhikhiri wa Lebhenjamini. O yye a teya phalafala a re: “Rune a re wele ga mmušo wa Dafita, fote a go na so re nyoko se krayang ga morwayi wa Jese. Ye mongwana le ye mongwana a ye ga medimo* yage, lune Maisrayele!” 2 Mo a reyane, banna ka mokana ga bona ba Maisrayele ba lisetsa go latelela Dafita, ba latelela Šebha morwayi wa Bhikhiri; mara banna ba Juda ba yema le kgoši ya bona, go tlugisela nokeng ya Jorodane go segela Jerusalema.

3 Mo Dafita a segela ntlong yage ku Jerusalema, a tseya lesome (10) la batlabo bage bo ne a ba šiyye gore ba pasope ntlo a ba beya ga ntlo ye nngwana ga gore ba ba pasopiye. Ke mo a ba neya tsa go ja, mara aa yetsela nabo. Ba f’lo dula ba kwalediwwe go segela ba kgwa, ke mo ba phela nkare ke basadi ba gore ba kgwele ke banna le mo monna wa bona a kene a phela.

4 Byalo kgoši ya re ga Amasa: “Kgobaketsa banna ba Majuda ba tle ho gaka go soko fela kararo (3) ya matšatši, le wene o tle.” 5 Amasa a ya a kgobaketsa banna ba Majuda, mara yene a tla ka nthago ga nako yo ne ba mmeyele yona. 6 Ke mokane Dafita a re ga Abhišayi: “Šebha morwayi wa Bhikhiri a ka tla a ba kotsi go phala Abhsalomo. Tseya malata ya morena wago o mo lelekise gore a sa yi ga mitši ya gore yi pasopegiye, a re tšhabelela.” 7 Byalo, banna bo ne ba sepela le Jowabho, Makherete, Mapelethe le banna ka mokana ga bona ba go ba le matšhika ba mo šala nthago; ba tloga Jerusalema gore ba lelekise Šebha morwayi wa Bhikhiri. 8 Mo ba segela thina le letlapa le legolo la ku Ghibhiyoni, Amasa a ba gahlanetsa. Jowabho ke mo a yapere dikobo tsa go ya ntweng ka tsona, fote ne a tšhediye sabola ka teng ga sekhwama sa yona a yi hlomele mo masekeng. Mo a šutela ga Amasa, sabola yela ya wa.

9 Jowabho a re ga Amasa: “Ye wweru, o sa le gabutši?” Ke mokane Jowabho a tshwara makgakga ya Amasa ka letsogo la go ja a maka nkare o nyaka go mo khisa. 10 Amasa ke mo a sa bone sabola yo ne yi le letsogong la Jowabho, Jowabho a mo hlaba mo dimpeng mala yage ma kgotogela fase. Ke mo di sa nyake gore a mo hlabe fote; o mo hlabiye ga teya a mmolaya. Ke mokane Jowabho le bhuti wage Abhišayi ba lelekisa Šebha morwayi wa Bhikhiri.

11 Mosogana ye mongwana ga bo ne ba sepela le Jowabho a yema thoko gage a re: “Ye mongwana le ye mongwana ye a leng ka nthoko ga Jowabho le ye mongwana le ye mongwana wa gore ke wa Dafita, a latelele Jowabho!” 12 Nako yowa ka mokana ga yona Amasa ke mo a hlapela mading yage a le gare ga pata. Mo mosagana yela a bona gore batho ka mokana ga bona ba yema hone, a tlosa Amasa mone pateng. A mo kwala ka kobo, ka gore ke mo a di bona gore ye mongwana le ye mongwana mo a feta mone gage ne a yema. 13 Mo a fetsa go mo tlosa mone pateng, banna ka mokana ga bona ba latelela Jowabho gore ba lelekise Šebha morwayi wa Bhikhiri.

14 Šebha a feta dipolekeng tsa meloko ya Israyele ka mokana ga yona a ya Abele ya Bhethe-mayakha. Mabhikhiri ma kgobakana, le wona ma mo šala nthago.

15 Jowabho le banna bo ne a le nabo ba dukulugela Abele ya Bhethe-mayakha gore ba thogo mo tshwara, ba maka ndhundhuma ka santa gore ba thogo hlasela mutši wone ka gore mutši wone ke mo wo pasopegiye. Banna ka mokana ga bona bo ne ba na le Jowabho ke mo ba yepa lepharo lone gore ba le wise. 16 Mosadi wa gore o hlalefiye a yahlamela a le ku mutšing a re: “Theetselaneng lune banna, theetselaneng! Ke kgopela le botse Jowabho gore ke re, ‘Tlang mowa, ke kgopela go bolabola nago.’” 17 Byalo Jowabho a ya thina le mosadi yela, ke mokane mosadi yela a re gage: “Ke wene Jowabho?” Yene a re: “Eya ke nna.” Mo a reyane, mosadi yela a re gage: “Theetsela mantsu ya lelata lago.” Jowabho a re: “Ke theetsele.” 18 Mosadi yela a ya mahlong a re: “Ku botala ke mo ba re, ‘Mo batho ba nyaka go lukisa bothatha di nyaka ba kgopele mayele mutšing wa Abele.’ 19 Ke yemela Maisrayele ya go loka ya gore fote ma bebiye. Wene o nyaka go fetsa ka mutši wa gore ba wo tseyela gedimo ku Israyele. Ke ntaba o nyaka go fetsa ka lefa la Jehova?” 20 Jowabho a fetola a re: “A ke di nagane tsa go fetsa ka mutši wowa. 21 A go ka mokgonone. Mara monna ye ba reng ke Šebha morwayi wa Bhikhiri wa go tšwa dithabeng tsa Eforayimi o jikele Kgoši Dafita. Mo o ka nneya monna yene ke nyoko tloga mo mutšing.” Mosadi yela a re ga Jowabho: “Re nyoko go bošela hlogo yage mo lepharong!”

22 Mosadi yela wa go hlalefa a napa a ya ga batho bala ka mokana ga bona, ba kopa hlogo ya Šebha morwayi wa Bhikhiri ba yi bošela Jowabho. Ke mokane Jowabho a teya phalafala, ba tloga mone mutšing, ye mongwana le ye mongwana a ya gaye gage; fote Jowabho a boyela ga kgoši ku Jerusalema.

23 Byalo, Jowabho ke mo a lawola masole ya Israyele ka mokana ga wona; Bhenaya morwayi wa Jehoyada yene ke mo a lawola Makherete le Mapelethe. 24 Adoramo ke mo a lawola bo ba gore ba ba gapeletsiye gore ba tle ba berekele kgoši; Jehošafate morwayi wa Ahiludi ke mo a ngwala dilo tso ne di makega. 25 Ševa ke mo go le mabhalane; Zadoke le Abhiyathara ke mo go le maprista. 26 Ira wa Lejayiri ke mo go le ye mongwana wa maprista ya Dafita.

21 Byalo, ke mo go na le tlala ka dinako tsa Dafita ya gore yi tsere kararo (3) ya mengwaga, Dafita a butsisa Jehova ke mokane Jehova a re: “Sawulo le ba mutši wage ba na le molato wa madi ka taba la gore o bolayye Maghibhiyoni.” 2 Kgoši ya bitsa Maghibhiyoni ya bolabola nawo. (Maghibhiyoni ke mo go se Maisrayele mara ke mo go le Maamore ya gore ne ma šele, fote Maisrayele ke mo ma tshepisiye gore ma ka sa ma bolaye mara Sawulo ne a nyaka go ma bolaya ka taba la gore ke mo a tikemisele go gelepa batho ba Israyele le batho ba Juda.) 3 Dafita a butsisa Maghibhiyoni gore: “Ke le makele ying, fote nka le makela ying ga tso re le sinyeleng tsona gore le thogo rufa batho* ba Jehova?” 4 Maghibhiyoni ma re gage: “Silva le gholdi di ka sa patele tso Sawulo le ba mutši wage ba re makiyeng tsona; fote re ka sa bolaye motho mo Israyele.” Mo ba reyane, Dafita a re: “Se sengwana le se sengwana so le se hlayang ke nyoko le makela sona.” 5 Ba re ga kgoši: “Monna ye a liketsiyeng go re bolaya, a boya a polana gore o nyoko fetsa ka rune gore re sa duli nageng ya Maisrayele— 6 re neye barwayi bage kašupa (7) ya bona. Re nyoko fega ditopo* tsa bona mahlong ga Jehova ku Ghibheya ya Sawulo, wa gore Jehova o mo hlawodiye gore go be kgoši. Kgoši ya re: “Ke nyoko le neya bona.”

7 Mara kgoši ya mo kwela go baba ga Mefibhošethe morwayi wa Jonathane morwayi wa Sawulo, ka taba la tso Dafita le Jonathane morwayi wa Sawulo ba tshepisanneng tsona mahlong ga Jehova. 8 Byalo kgoši ya tseya Aramoni le Mefibhošethe, barwayi ka babedi (2) ba gore Sawulo o ba belegele ke Rizpa morwediya wa Ayiya le kapheta (5) ya barwayi ba Mikhala* morwediya wa Sawulo ba gore o ba belegele Adriyele morwayi wa Bhazilayi wa Lemehola. 9 A ba neya Maghibhiyoni ke mokane Maghibhiyoni ma fega ditopo tsa bona thabeng mahlong ga Jehova. Kašupa (7) ya bona ba kgwile ka nako ka yyoši; ba ba bolayye ka matšatši ya mathomo ya mo ba buna mabelethoro.* 10 Ke mokane Rizpa morwediya wa Ayiya a tseya lesaka a le yatlala gedimo ga letlapa go tlugisela mo go thomisa nako ya go buna go segela ka nako ya mo pula yi na yi tšwa magedimong yi nela ditopo tsone; ke mo a sa dumele gore dinonyane tsa magedimong di dule mone motshegare kela gore diphoolwane tsa hlaga di šutele mone bošego.

11 Ba yye ba botsa Dafita tso di makiyeng ke motlabo wa Sawulo ye ba reng ke Rizpa wa gore ke morwediya wa Ayiya. 12 Byalo, Dafita a ya a tseya mašapo ya Sawulo le ya morwayi wage Jonathane ga bo ba go yeta mahlong* ba Jabheše-ghiliyade, ya gore ba ma yetswiye hala batho ba gahlanelang gona ku Bhethe-šane, ga gore Mafilisita ke mo ma fegiye ditopo tsone ka letšatši lo ma bolayyeng Sawulo ku Ghilibhowa. 13 A boya le mašapo ya Sawulo le mašapo ya morwayi wage Jonathane, ba kgobaketsa le mašapo ya banna bo ne ba ba bolayye. 14 Ba boloka mašapo ya Sawulo le ya morwayi wage Jonathane nageng ya Bhenjamini ku Zela lebitleng la papage ye ba reng ke Khiši. Mo ba šele ba makiye dilo ka mokana ga tsona tso kgoši yi ba butsiyeng gore ba di make, Modimo a theetsela tso batho ba naga yone ba mo kgopelang tsona.

15 Gwa ba le ntwa magareng ga Mafilisita le Maisrayele. Byalo, Dafita le malata yage ba ya ba ye lwa le Mafilisita mara Dafita a thomisa go tinwa. 16 Setlogolwane sa Marefayime so ba reng ke Išibhi-bhenobho sa gore ke mo se na le lerumo la koporo la gore ke mo le kala 300 ya dišekele,* fote se tshwere sabola ya nyuwane, ke mo se nyaka go bolaya Dafita. 17 Ka nako yonone, Abhišayi morwayi wa Zeruya a tla a gelepa Dafita ke mokane a hlasela Lefilisita lone a le bolaya. Banna ba gore ne ba sepela le Dafita ba napa ba mo tshepisa ba re: “O sa sa ya le rune ntweng! O sa timi llampa la Israyele!”

18 Ka nthago ga dilo tsowa, gwa tsoga ntwa fote le Mafilisita ku Ghobho. Ka nako yonone, Sibhekayi wa Lehuša a bolaya Safa wa gore ke mo go le motlogolo wa Marefayime.

19 Gwa tsoga ntwa fote le Mafilisita ku Ghobho, Elhanano morwayi wa Jare-oreghimi wa Lebhetlelehema a bolaya Gholiyate wa Leghathe wa gore phate ya lerumo lage ke mo yi lekana le phate ya sebhongholwane sa batho ba go loga.

20 Ntwa ya tsoga fotefote ku Ghathe, gana hone ke mo go na le monna wa gore ke mo go le ye mogolo ka mokgwa wa gore a wa tlwayelega, ke mo a na le kobodi ya menwana ga letsogo le lengwana le lengwana le kobodi ya dinwana ga loto le lengwana le lengwana, a na le 24 ya yona mo yi felele; le yene ke mo go le setlogolwane sa Marefayime. 21 Ke mo a fo ya mahlong a rogelela Maisrayele. Byalo Jonathane morwayi wa Šimeyi bhuti wa Dafita a mmolaya.

22 Batho bowa kanne ya bona ke mo go le ditlogolwane tsa Marefayime ku Ghathe, ba bolayye ke Dafita le malata yage.

22 Dafita a botsa Jehova mantsu ya koša yowa ka letšatši lo Jehova a mo phonisiyeng ga manaba yage ka mokana ga wona le ga Sawulo. 2 O yitseri:

“Jehova ke letlapa laka le poleke ya gore ke tšhabela ga yona, ke yene a mphonisang.

11 Ke mo a kalamme lekerubi, fote o segele a phurrwa.

Ne nkare lengeloyi le mo kakodiye ka lefafela la lona.

13 Go yye gwa teya legadima mahlong gage ke mokane malahla ma dura.

Ke yene legawu la batho ka mokana ga bona bo ba tšhabelang gage.

32 Nje go na le Modimo ye mongwana mo go se Jehova?

Fote ke mang wa gore ke letlapa mo go se Modimo wa rune?

44 Wene o nyoko mphonisa ga batho ba geru ba gore ba fo dula ba nsolasola.

47 Jehova wa phela! Go thanakiwe Letlapa laka!

Go gadimisiwe Modimo waka, yene wa gore ke letlapa laka la go mphonisa.

23 Yawa ke mantsu ya mafelelo ya Dafita:

Go tshwana le go khanya ga mo pula yi sa tšwa go na,

Ga gore go maka gore mabyang ma hluge ho lefaseng.’

 5 Anthe ba mutši waka a ba ka mokgonone mahlong ga Modimo?

8 Yawa ke mabitso ya masole ya Dafita ya go ba le matšhika: Jošebhe-bhašebhethe wa Lethakhemoni, ye mogolo ga kararo (3) ya masole ya go ba le matšhika. Wa gore o yye a bolaya 800 ya batho ka sabola yage. 9 Ke mo a latela ke Eliyazara morwayi wa Dodo morwayi wa Ahohi, le yene ke ye mongwana wa masole yala kararo ya wona ya ne ma na le Dafita mo ba ye šuhlašuhla Mafilisita. Mafilisita ke mo ma kgobakanne hone gore ma thogo lwa, mo Maisrayele ma tšhaba, 10 yene aa tšhaba, o f’lo ya mahlong a bolaya Mafilisita go segela letsogo lage le tinwa, le šinya le kgwa bogašu ka taba la go tshwara sabola. Jehova o makiye gore ba hlule ka letšatši lone; batho ba mo šala nthago gore ba ye tseya dilo tsa batho bo a ba bolayyeng.

11 Ke mo a latela ke Šama morwayi wa Aghi wa Lehara. Mafilisita ma kgobakana ku Lehi, ga gore ke mo go na le tšhomo ya gore ke mo yi tlele ka dinawa; fote batho ba tšhaba ka taba la Mafilisita. 12 Mara yene a yema hone gare ga tšhomo a yi lwela, a ya mahlong a bolaya Mafilisita gore Jehova a šinye a maka gore ba hlule.

13 Kararo (13) ya banna ba bagolo ga bala 30 ya bona ba yye ga Dafita ku lekoring la Adulama ka nako ya go buna, Mafilisita ke mo ma kampiye Moyeding wa Refayime. 14 Ka nako yonone, Dafita ke mo a le ga poleke yo ba tšhabelang ga yona, fote Mafilisita ke mo ma kampiye ku Bhetlelehema. 15 Ke mokane Dafita a re: “Mo nka kraya meetši ya go tšwa sedibeng sa thina le gheyiti ya Bhetlelehema nka jabola!” 16 Masole yala kararo (3) ya wona ya go ba le matšhika ma gapeletsa go kena kampeng ya Mafilisita, ma ga meetši mone sedibeng sa gore se thina le gheyiti ya Bhetlelehema ke mokane ba ma leya ga Dafita; mara Dafita a gana go ma nwa, a ma falatsela hone fase mahlong ga Jehova. 17 O yitseri: “Taba yowa nka sa yi make Jehova! Ayitsano nka nwa madi ya banna bowa ba gore ba beyye maphelo ya bona kotsing?” Byalo a gana go ma nwa. Dilo tsowa ke tso di makiyeng ke kararo (3) ya masole yage ya go ba le matšhika.

18 Abhišayi bhuti wa Jowabho morwayi wa Zeruya ke mo go le ye mogolo ga ba bangwana kararo (3) ya bona; o bolayye 300 ya batho ka lerumo lage, le yene ke mo a tumme go tshwana le bala kararo ya bona. 19 Le mo nkare ke yene ye ne a tumme ga bowa kararo (3) ya bona fote go le ndhuna ya bona, ke mo a sa nape a tshwana le bala kararo ya bona ba mathomo.

20 Bhenaya morwayi wa Jehoyada ke mo go le monna wa go ba le lešiši, wa gore o makiye dilo tse dikgolo ku Kabhoziyele. O bolayye barwayi ka babedi (2) ba Ariyele wa go tšwa Mowaba, fote o kenne ka teng ga mokoti wa meetši ka letšatši la mo go wa kapoko, fote a bolaya tawu. 21 A bolaya le monna ye mongwana wa Leegepita wa gore ke mo go le ye mogolo ka tsela ya go sa tlwayelega. Leegepita lone ke mo le tshwere lerumo, mara yene a fo ya ga lona a tshwere thoka, a segela a kgufula lerumo lela letsogong la Leegepita lela a le bolaya ka lerumo la lona beng. 22 Bhenaya morwayi wa Jehoyada o makiye dilo tsowa, fote ke mo a tumme go tshwana le masole yala kararo (3) ya wona ya go ba le matšhika. 23 Le mo nkare ke mo a tumme go phala bala 30 ya bona, ke mo a sa nape a tshwana le bala kararo (3) ya bona. Mara Dafita o yye a mo hlawola gore go be ye mongwana wa bo ba gore baa mo pasopa.

24 Asahele bhuti wa Jowabho ke mo go le ye mongwana wa bala 30 ya bona: Elhanano morwayi wa Dodo wa go tšwa Bhetlelehema, 25 Šama wa Leharode, Elika wa Leharode, 26 Heleze wa Lepalete, Ira morwayi wa Ikeše wa Letekowa, 27 Abhiyazara wa Leanathothe, Mebhunayi wa Lehuša, 28 Zalmoni wa Leahohi, Maharayi wa Lenetofa, 29 Helebe morwayi wa Bhaana wa Lenetofa, Itayi morwayi wa Ribhayi wa go tšwa Ghibheya ya Mabhenjamini, 30 Bhenaya wa Lepirathone, Hidhayi wa go tšwa meyeding ya Ghaše, 31 Abhi-alebhoni wa Learabha, Azimavethe wa Lebhahurimi, 32 Eliyabha wa Lešalabhimo, barwayi ba Jašene, Jonathane, 33 Šama wa Lehara, Ahiyamo morwayi wa Šarara wa Lehara, 34 Elifelete morwayi wa Ahasebhayi wa Lemayakhathe, Eliyamo morwayi wa Ahithofele wa Leghilo, 35 Hezoro wa Lekharamele, Parayi wa Learabhiya, 36 Ighala morwayi wa Nathane wa go tšwa Zobha, Bhani wa Leghada, 37 Zeleke wa Leamoni, Naharayi wa Lebherothe, wa gore ke mo a tshwarela Jowabho morwayi wa Zeruya dilo tsa go lwa ka tsona, 38 Ira wa Leithiri, Gharebhe wa Leithiri, 39 le Uriya wa Lehethe—ke 37 ya bona mo ba felele.

24 Jehova a kwatela Maisrayele fote mo ye mongwana a hlohletsela Dafita a re: “Ariye o ye balela Maisrayele le Majuda.” 2 Byalo kgoši ya re ga Jowabho ndhuna ya masole wa gore ke mo a le naye: “Ke kgopela o ye ga meloko ya Israyele ka mokana ga yona, go tlugisela ka Dani go segela Bhere-šeba, o ngwadise batho bowa gore ke thogo tšiba gore nka bakaye.” 3 Mara Jowabho a re ga kgoši: “Nkare Jehova Modimo wago a ka maka gore batho bowa ba yeketsege ga 100, fote nkare kgoši morenaka a ka di bona ka maahlo yage, mara ke ntaba kgoši morenaka a nyaka go maka ka mokgo?”

4 Mara kgoši ya gana go theetsela Jowabho le dindhuna tsa masole. Byalo, Jowabho le dindhuna tsa masole ba tloga mahlong ga kgoši ba ye ngwadisa batho ba Israyele. 5 Ba tshela noka ya Jorodane ba ye kampa Arore ka nthoko ya letsogo la go ja* la mutši wone, segare ga moyedi ba bakiye nageng ya Maghada le Jazere. 6 Ka nthago ga hone ba ya Ghiliyade, ba ya le nageng ya Thatimi-hodiši, ba ya le Dane-jane, ba dukuluga ba ya Sidoni. 7 Ba ya ga poleke ya gore yi pasopegiye ya ku Tira le mitšing ka mokana ga yona ya Mahivi le ya Makanana, ba fetsa ba segele Bhere-šeba ya gore yi Neghebe ya Juda. 8 Ba sepela naga yone ka mokana ga yona, ba segela Jerusalema ka nthago ga nkokwane (9) ya dikgwedi le 20 ya matšatši. 9 Jowabho a neya kgoši nombhoro ya batho bo ba ba ngwadisiyeng. Nombhoro ya masole ya Maisrayele ya gore ne ma tshwere disabola ke mo go le 800 000, banna ba Majuda ke mo go le 500 000 ya bona.

10 Mara mo Dafita a šele a balele batho bala, a teya ke lekwalo. Dafita a re ga Jehova: “Ke sinnye ka matla, nke ke sa balela batho bowa. Byalo Jehova ke kgopela o tshwarele lelata lago ga tso le di sinnyeng, ka taba la gore ke makiye tsa bophokophoko.” 11 Mo Dafita a tsoga ka bošego, lentsu la Jehova la tlela moporofeta Ghada wa gore ke mo a bona dilo tso di nyoko tlelang Dafita, la re: 12 “Ariye o ye botsa Dafita gore, ‘Tsowa ke tso di hlayang ke Jehova: “Tikgetele ga dilo tsowa kararo (3) ya tsona. Kgeta sa gore o nyaka ke go leyela sona.”’” 13 Byalo Ghada a ya ga Dafita a mmotsa gore: “O kgeta gore go fele kašupa (7) ya mengwaga le bolaya ke tlala hone nageng? Kela o nyaka gore go fele kararo (3) ya dikgwedi o kene o tšhabelela manaba yago mo ma go lelekisa? Kela go fele kararo ya matšatši go na le bolwele bya go sasamela mo nageng? Nagana gabutši gore ke segele ke re king ga Ye a nrommeng.” 14 Dafita a re ga Ghada: “Taba yowa yi nkwisa go baba ka matla. Ke kgopela gore re sa wolole ke motho; mara re wolole ke Jehova ka taba la gore o kwelana go baba ka matla.”

15 Ke mokane Jehova a leya bolwele bya go sasamela ga Maisrayele go tlugisela ka bošego go segela ka nako yo a yi beyiyyeng, gwa kgwa 70 000 ya batho go tlugisela Dani go segela Bhere-šeba. 16 Mo lengeloyi le wolola letsogo la lona gore le fetse ka Jerusalema, Jehova a tisola* ka taba la dilo tso a ba leyeleng tsona tsa go sasamela, a botsa lengeloyi lela ne le leyele batho tsa go sasamela gore: “Go lekanne! Yema ka gonyana.” Lengeloyi la Jehova ke mo le le thina le ga gore Arawuna wa Lejebuse o tulela gona.

17 Mo Dafita a bona lengeloyi lela la gore ke mo le bolaya batho, a botsa Jehova gore: “Go sinnye nna, ke nna ye a makiyeng tsa go kekema; mara batho* bowa ba makiye ying? Ke kgopela o wolole nna le ba mutši wa papaka.”

18 Byalo, Ghada a ya ga Dafita ka letšatši lone a mmotsa gore: “Ariye o ye yagela Jehova aletare hala ga gore Arawuna wa Lejebuse o tulela gona.” 19 Mo Ghada a fetsa go hlaya mantsu yane, Dafita a sepela go ya ka mokgo Jehova a hlayyeng. 20 Mo Arawuna a lebelela, a bona kgoši le malata yage ba tla gage, Arawuna a napa a tšwa a ye thinyela kgoši letolo a yinamisiye hlogo. 21 Arawuna a mmutsisa gore: “Ke ntaba kgoši morenaka a tlile ga lelata lage?” Dafita a re: “Ke tl’le reka poleke yo o tulelang ga yona gore ke thogo yagela Jehova aletare, gore batho ba sa sa wela ke dilo tsa go sasamela.” 22 Mara Arawuna a re ga Dafita: “Kgoši morenaka a tseye poleke yone, a make so a bonang se lukiye. Dikgomu tsa go maka sehlabelo sa go tšhubiwa ke tsowa, tseya le sa go tula ka sona le lejoko gore o make mahlare ya go gotsa mollo. 23 Arawuna o neya kgoši dilo tsowa ka mokana ga tsona.” Ke mokane Arawuna a re ga kgoši: “Nkare Jehova Modimo wago a ka go kwela go baba.”

24 Mara kgoši ya re ga Arawuna: “Awwa di nyaka ke yi reke. Nka sa makele Jehova Modimo waka dihlabelo tsa go tšhubiwa ka dilo tsa gore ke di krayye mahala.” Byalo, Dafita a reka mola ga gore ba tulela gona le dikgomu ka 50 ya dišekele* tsa silva. 25 Byalo Dafita a yagela Jehova aletare gana hone, a mo makela dihlabelo tsa go tšhubiwa le dihlabelo tsa go hlekediwa. Jehova a theetsela tso Dafita a di kgopelelang batho ba naga yone, batho ba Israyele ba sa sa wela ke tsa go sasamela.