MAGOŠI YA MATHOMO

1 Byalo Kgoši Dafita ke mo a tsofele+ a na le mengwaga ya go tlala* fote le mo ba mo khurumetsa ka mapayi ke mo a sa belabele. 2 Byalo malata yage ma re gage: “Wene kgoši morena wa rune, re dumelele re go nyakele ngwannyana wa gore go sa le kgareba wa gore o nyoko go berekela a boya a go pasopa. O nyoko yetsela thina gago gore o thogo belabela, wene kgoši morena wa rune.” 3 Ba nyaka ngwannyana wa go bafala polekeng ya Israyele ka mokana ga yona, baa kraya Abhišage+ wa Lešuneme+ ke mokane ba mo yisa ga kgoši. 4 Ngwannyana yewa ne a bafele ka matla, a thomisa go berekela kgoši a boya a yi pasopa, mara kgoši a ya maka naye tsa ka mapaying.

5 Mara ka nthoko ye nngwana, Adonija+ morwayi wa Haghithi ke mo a tipotsa a re: “Ke nyoko ba kgoši!” O tikrayele sekotšikara, banna ba go sepela ka dipera le 50 ya banna ba gore ba nyoko taboga ho mahlong gage.+ 6 Mara papage aa mmutsisa gore:* “Ke ntaba o makiye ka mokgo?” Adonija le yene ke mo a bafele ka matla, mmane wage o mmelegiye ka nthago ga Abhsalomo. 7 Adonija o bolabodiye le Jowabho morwayi wa Zeruya le Abhiyathara+ wa gore ke moprista, ke mokane ba dumela go mo gelepa fote ba yema naye.+ 8 Mara Zadoke+ wa gore ke moprista, Bhenaya+ morwayi wa Jehoyada, Nathane+ wa gore ke moporofeta, Šimeyi,+ Reyi le masole ya Dafita ya go ba le matšhika,+ a baa yema le Adonija.

9 Adonija a fetsa a makiye sehlabelo+ ka dinku, dikgomu le diphoolwane tsa go tsifa thina le letlapa la Zohelethe la gore le thina le Ene-roghele, a mema bobhuti bage ka mokana ga bona ba gore ke barwayi ba kgoši, le banna ka mokana ga bona ba Juda ba gore ke malata ya kgoši. 10 Mara aa mema Nathane wa gore ke moporofeta, Bhenaya, masole ya go ba le matšhika kela bhuti wage Solomoni. 11 Ke mokane Nathane+ a re ga Bhathi-šeba mmane+ wa Solomoni:+ “Ayitsano o di kwelele gore Adonija+ morwayi wa Haghithi go šele go le kgoši, fote morena wa rune Dafita aa tšibi selo ka taba yowa? 12 Byalo tlang ke go yeletse barena gore o thogo phonisa lephelo lago le la morwayi wago Solomoni.+ 13 Ariye ga Kgoši Dafita o segele o re, ‘Anthe a yi wene wa go botsa lelata lago gore: “Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola”?+ Byalo ke ntaba Adonija go le kgoši?’ 14 Mo o kene o sa bolabola le kgoši, nna ke nyoko tla ka nthago gago ke mokane ke segele ke botsa kgoši gore wa resa.”

15 Byalo Bhathi-šeba a kena kamareng ya kgoši. Kgoši ke mo yi tsofele ka matla fote Abhišage+ wa Lešuneme ne a kene a yi pasopa. 16 Byalo, Bhathi-šeba a kgotama a yinamisiye hlogo ke mokane kgoši ya re: “O nyaka ke go makela ying?” 17 A fetola a re: “Morenaka, ke wene wa gore o tshepisiye lelata lago ka Jehova Modimo wago gore, ‘Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola.’+ 18 Mara bona! Adonija go šele go le kgoši, fote wene kgoši morenaka a o tšibi selo ka taba yowa.+ 19 Yene o makiye dihlabelo ka dikgomu tsa phoolo, diphoolwane tsa go tsifa le dinku tsa go tlala ke mokane a mema barwayi ka moka ba kgoši, Abhiyathara wa gore ke moprista le Jowabho wa gore ke ye mogolo wa masole;+ mara aa mema Solomoni lelata lago.+ 20 Fote gana byalo, wene kgoši morenaka, batho ka moka ba Israyele ba yemele go kwa ka wene gore ke mang ye a nyoko dulang setulong sago sa go lawola ka nthago gago. 21 Ka gore mo o ka sa make ka mokgonone wene kgoši morenaka, mo o bolokiwa le bokokwane bago, ba nyoko tseya gore nna le morwayi waka Solomoni re manaba.”

22 Mo a kene a bolabola le kgoši, gwa kena Nathane wa gore ke moporofeta.+ 23 Ba napa ba botsa kgoši gore: “Nathane wa gore ke moporofeta ke yewa!” A kena a segela a kgotama mahlong ga kgoši, a yinamisa hlogo. 24 Ke mokane Nathane a re: “Kgoši morenaka, ayitsano o yitseri, ‘Adonija o nyoko ba kgoši ka nthago gaka, fote go nyoko dula yene setulong saka sa go lawola’?+ 25 Ka gore lekgono o yye go ye maka sehlabelo+ sa dikgomu tsa phoolo, diphoolwane tsa go tsifa le dinku tsa go tlala, fote o memme le barwayi ka mokana ga bona ba kgoši, ba bagolo ba masole le Abhiyathara wa gore ke moprista.+ Ba kene baa ja fote ba nwa naye, ba re, ‘Wene Kgoši Adonija nkare o ka phela go ya go yye!’ 26 Mara nna lelata lago, Zadoke wa gore ke moprista, Bhenaya+ morwayi wa Jehoyada le lelata lago Solomoni aa re mema. 27 Ayitsano wene kgoši morenaka o segelele sepheto sa gore go nyoko dula mang setulong sago sa go lawola ka nthago gago nna lelata lago o sa mpotsa?”

28 Byalo Kgoši Dafita a fetola ka gore: “Mpitseleneng Bhathi-šeba.” A tla a yema mahlong ga kgoši. 29 Ke mokane kgoši ya re: “Ke ya tshepisa ka Jehova Modimo wa go phela, wa gore o mphonisiye ga dilo ka mokana ga tsona tsa go nkgahleletsa,+ 30 ka mokgo ke yyeng ka go tshepisa ka Jehova Modimo wa Israyele ka re, ‘Morwayi wago Solomoni go nyoko ba kgoši ka nthago gaka, fote go nyoko dula yene setulong saka sa go lawola!’ tsone ke tso ke nyoko di makang lekgono.” 31 Ke mokane Bhathi-šeba a kgotama a yinamisiye hlogo, a re ga kgoši: “Wene morenaka Kgoši Dafita nkare o ka phela go ya go yye!”

32 Kgoši Dafita a napa a re: “Mpitsele Zadoke wa gore ke moprista, Nathane wa gore ke moporofeta le Bhenaya+ morwayi wa Jehoyada.”+ Ke mokane ba tla ba yema mahlong ga kgoši. 33 Kgoši ya re ga bona: “Tseyaneng malata yaka, fote morwayi waka Solomoni le mo kalamise meyila yaka,+ ke mokane le ye naye Ghihone.+ 34 Zadoke wa gore ke moprista le Nathane wa gore ke moporofeta ba nyoko mo tlotsa+ gana hone gore go be kgoši ya Israyele; ke mokane ba nyoko teya phalafala fote ba re, ‘Wene Kgoši Solomoni nkare o ka phela go ya go yye!’+ 35 Le mo šaleneng nthago mo le kene le boya, o nyoko tla a dula ga setulo saka sa go lawola; fote o nyoko ba kgoši sekgaleng saka ke mokane ke nyoko maka gore a yete Israyele le Juda mahlong.” 36 Bhenaya morwayi wa Jehoyada a napa a re ga kgoši: “Amene! Nkare Jehova Modimo wa kgoši morenaka a ka yi dumela taba yowa. 37 Nkare Jehova a ka ba le Solomoni+ ka mokgo ne a na le wene kgoši morenaka, fote nkare a ka maka gore setulo sa Solomoni sa go lawola se phale sa morenaka Kgoši Dafita.”+

38 Ke mokane Zadoke wa gore ke moprista, Nathane wa gore ke moporofeta, Bhenaya+ morwayi wa Jehoyada, Makherete le Mapelethe+ ba ya ba kalamisa Solomoni meyila ya Kgoši Dafita+ ke mokane ba mo yisa Ghihone.+ 39 Byalo Zadoke wa gore ke moprista a tseya+ phalafala ya go ba le makgura+ hala letenteng a tlotsa Solomoni ka wona,+ ke mokane ba teya phalafala fote batho ka mokana ga bona ba thomisa go yahlamela ba re: “Wene Kgoši Solomoni nkare o ka phela go ya go yye!” 40 Ka nthago ga mone, batho ka mokana ga bona ba yye naye mo a boyela nthago ba kene ba teya diflutu fote ba jabodiye ka matla tsa gore lefase le šinnye le tekateka ka taba la gore ke mo ba rasa.+

41 Adonija le bo ne a ba memme ka mokana ga bona ba di kwile mo ba fetsa go ja.+ Mo Jowabho a kwa phalafala, o yitseri: “Ke ntaba go rasiwa ka mokgo ho mutšing?” 42 Mo a kene a bolabola, Jonathane+ morwayi wa Abhiyathara wa gore ke moprista a segela. Ke mokane Adonija a re: “Kena, ka gore o monna wa go loka, re tshepa gore o nyoko re botsa ditaba tsa go bafala.” 43 Mara Jonathane o fetodiye Adonija ka gore: “Awwa! Morena wa rune Kgoši Dafita o makiye gore Solomoni go be kgoši. 44 Kgoši yi mo romele a na le Zadoke wa gore ke moprista, Nathane wa gore ke moporofeta, Bhenaya morwayi wa Jehoyada, Makherete le Mapelethe, fote ba mo kalamisiye meyila ya kgoši.+ 45 Ke mokane Zadoke wa gore ke moprista le Nathane wa gore ke moporofeta ba mo tlotsiye ku Ghihone gore go be kgoši. Ka nthago ga mone, ba boya ba jabodiye fote mutši ka mokana ga wona wa hlakela. Ke mo ba rasisa ke tsotsone. 46 Go tokegela gana hone, Solomoni o šele a duli ga setulo sa go lawola. 47 Se sengwana fote, malata ya kgoši ma segele gore ma jabole le morena wa rune Kgoši Dafita, ma re, ‘Nkare Modimo a ka maka gore lebitso la Solomoni le tšibege gabutši go phala lago, fote nkare Modimo a ka maka gore setulo sa Solomoni sa go lawola se phale sago!’ Ke mokane kgoši ya yinamisa hlogo ya yona yi kene yi le mpetong. 48 Fote kgoši ya re, ‘Nkare go ka thanakiwa Jehova Modimo wa Israyele wa gore o kgetiye motho wa gore o nyoko dula ga setulo saka sa go lawola lekgono, a boya a maka gore ke di bone!’”

49 Batho ka mokana ga bona ba gore ba memme ke Adonija ba tšhoga ka matla, fote motho ye mongwana le ye mongwana a tlogamela a ya mo a yang. 50 Ka taba la gore Adonija le yene ke mo a tšhaba Solomoni, o tlogamele ke mokane a ya aletareng a segela a ngangarela manaka ya aletare yone.+ 51 Ba botsa Solomoni gore: “Kgoši Solomoni, Adonija wa go tšhaba; fote o ngangarele manaka ya aletare, o re, ‘Kgoši Solomoni a thomise ka go ntshepisa gore a ka sa mpolaye ka sabola nna lelata lage.’” 52 Solomoni yene a re: “Mo nkare o titshwara gabutši, le moriri wage ka wwoši wo ka sa wele ho fase; mara mo go ka krayega gore o makiye sa go befa,+ di nyaka a kgwe.” 53 Byalo, Kgoši Solomoni a roma batho gore ba mo tlose mone aletareng. Ke mokane yene a ya ga Kgoši Solomoni a segela a mo kgotamela, Solomoni a re gage: “Ariye gaye gago.”

2 Mo Dafita a šele a le thina le go kgwa, a botsa morwayi wage Solomoni a re: 2 “Ke šele ke nyoko kgwa. Byalo, tiyelela+ o tišupetse gore ke wene monna.+ 3 Di nyaka o dula o theetsela Jehova Modimo wago ka go sepela ditseleng tsage, o make tso di ngwadiwweng molawong wage, o make dilo ka moka tso a go botsang tsona, o yahlule ka mokgo a yahlulang ka gona fote o make tso di ngwadiwweng ga Molawo wa Moše;+ ke mokane o nyoko phomelela ga selo se sengwana le se sengwana so o se makang le go gongwana le go gongwana mo o yang gona. 4 Fote Jehova o nyoko maka tso a ntshepisiyeng tsona tsa gore: ‘Mo barwayi bago ba ka theetsela ka go dula ba tshepega ho gaka ka dipelo tsa bona ka moka le ka maphelo ya bona ka moka,*+ ga setulo sa go lawola sa Israyele go nyoko dula go na le motho wa go tšwa ga leloko lago.’+

5 “Fote o di tšiba gabutši tso Jowabho morwayi wa Zeruya a mmakiyeng tsona, tso a di makiyeng Abhonere+ morwayi wa Nere le Amasa+ morwayi wa Jethere, ba gore ke ba bagolo ba masole ya Israyele ba le ka babedi ga bona. O ba bolayye, o falatsiye madi+ ya bona ka nako ya gore ne go bebiye, aa ma falatsa ka nako ya ntwa fote o tšhediye lepanta lage le dimphašane tsage ka madi ya ntwa. 6 O make dilo go ya ka mokgo o di tšibang ka gore o hlalefiye fote o sa mo lisetsi a tsofala go segela a tikgwela.+

7 “Mara ga barwayi ba Bhazilayi+ wa Leghiliyade o dule o šupetsa gore o ba nyaka ka matla, fote o ba bitse ba dule nago tafoleng mo o ja ka taba la gore ba yemme le nna+ nakwela ke tšhabelela bhuti wago Abhsalomo.+

8 “Fote go na le Šimeyi morwayi wa Ghera wa leloko la Bhenjamini wa go tšwa Bhahurimi. Ke yene ye a yyeng a nrogelela go baba ka šinya ke ba le senyama+ tšatši lela ke ya Mahanayime;+ mara nakwela a tl’le gahlana le nna nookeng ya Jorodane ke mo tshepisiye ka lebitso la Jehova ka re: ‘Nka sa go bolaye ka sabola.’+ 9 O make se sengwana, o sa fo mo lisetsa+ ka taba la gore wene o hlalefiye fote wene wa di tšiba gore di nyaka o make ying; o sa mo lisetsi a tsofala go segela a tikgwela.”+

10 Byalo Dafita a bolokiwa le bokokwane bage ga poleke yo ba reng ke Mutši wa Dafita.+ 11 Dafita o fetsiye 40 ya mengwaga a lawola Israyele. Kašupa ya mengwaga o yi fetsiye a lawola Hebhrone+ ke mokane a fetsa 33 ya mengwaga a lawola Jerusalema.+

12 Ke mokane Solomoni a dula ga setulo sa go lawola sa papage Dafita, ke mokane ka gonyana ka gonyana mmušo wage wa thomisa go tiyelela.+

13 Mo nako yi kene yi ya, Adonija morwayi wa Haghithi a tla ga Bhathi-šeba mmane wa Solomoni. Bhathi-šeba a re: “Ayitsano o tlile ka tsa gabutši?” Adonija a re: “Eya.” 14 Ke mokane Adonija a re: “Go na le so ke nyakang go go botsa sona.” Bhathi-šeba a re: “Mpotse.” 15 Adonija a re: “O di tšiba gabutši gore nna ke mo ke tshwanele go ba kgoši fote Israyele ka mokana ga yona ne yi nagana gore ke nyoko ba kgoši;+ mara bogoši bo ntshidiye bya ya ga bhuti waka ka taba la gore ke so Jehova ne a nyaka sona.+ 16 Mara gana byalo ke kgopela selo ka ssoši gago. O sa gane barena.” Bhathi-šeba a re gage: “Mpotse.” 17 Ke mokane a re: “Barena, kgopela kgoši Solomoni gore a nneye Abhišage+ wa Lešuneme gore go be mosadi waka, ka taba la gore a ka sa gane gago.” 18 Mo a reyane, Bhathi-šeba a re: “A go na bothatha! Nko go bolabolela le kgoši.”

19 Ke mokane Bhathi-šeba a ya ga Kgoši Solomoni gore a ye bolabola naye ka taba ya Adonija. Mo a segela, kgoši ya napa ya tlogamela ya mo gahlanetsa, ya mo thinyela letolo. Ke mokane kgoši ya dula setulong sa yona sa go lawola, ya maka gore ba beye setulo ka letsogong la yona la go ja gore mmane wa yona a thogo dula ga sona. 20 Bhathi-šeba a re: “Go na le selo se senyananyana so ke se kgopelang gago. O sa gane.” Byalo kgoši ya re gage: “Kgopela mmane; nka sa gane.” 21 A re: “Tseya Abhišage wa Lešuneme o mo neye bhuti wago Adonija gore go be mosadi wage.” 22 Mo a reyane, Kgoši Solomoni a re: “Ke ntaba o kgopelela Adonija gore Abhišage wa Lešuneme go be mosadi wage? Ke ntaba o sa fo napa o mo kgopelela bogoši byowa+ ka taba la gore ke bhuti waka ye mogolo,+ fote Abhiyathara wa gore ke moprista le Jowabho+ morwayi wa Zeruya+ ba yema naye.”

23 Mo a reyane, Kgoši Solomoni a tshepisa ka lebitso la Jehova a re: “Nkare Modimo a ka n’wolola a boya a yeketsa mo nkare Adonija aa kgwe ka taba la dilo tso a nkgopeleng tsona. 24 Byalo, solanka Jehova a sa phela, yene wa gore o makiye gore mmušo waka wo tiyelele,+ wa gore fote o nneyye setulo sa go lawola sa papaka Dafita, a maka gore ke lawole,+ yene wa gore o nyoko neya ditlogolwane tsaka mmušo wowa ka mokgo a tshepisiyeng, ke ya go botsa, Adonija o nyoko kgwa lekgono lo.”+ 25 Kgoši Solomoni a napa a roma Bhenaya+ morwayi wa Jehoyada, ke mokane a ya a bolaya Adonija.

26 Ke mokane kgoši ya re ga Abhiyathara+ wa gore ke moprista: “Ariye ga dipoleke tsago tsa gore di ku Anathothe!+ O tshwanele ke go kgwa ka taba la tso o di makiyeng, mara lekgono nka sa go bolaye ka taba la gore o yye wa rwala Areka ya Jehova Morena wa Malenghelengheng, nakwela papaka Dafita+ a sa phela le ka taba la gore ga mehlupego ka mokana ga yona yo papa a fitiyeng ga yona ke mo o le naye.”+ 27 Byalo Solomoni a yamoga Abhiyathara mmereko wa go ba moprista wa Jehova gore a make so Jehova a se hlayyeng ka mutši wa Eli+ ku Šilo.+

28 Ka gore Jowabho ke mo a yema le Adonija+ mara a sa yeme le Abhsalomo,+ mo a di kwelela a tšhabela letenteng la Jehova+ ke mokane a segela a ngangarela manaka ya aletare. 29 Ke mokane Kgoši Solomoni ba mmotsa gore: “Jowabho o tšhabele letenteng la Jehova, o hala thina le aletare.” Solomoni a botsa Bhenaya morwayi wa Jehoyada a re: “Ariye o ye mmolayeng!” 30 Bhenaya a ya letenteng la Jehova, a re ga Jowabho: “Kgoši yi re, ‘Tšwang ka mone!’” Mara yene a re: “Awwa ke nyaka go kgwela howa.” Ke mokane Bhenaya a sologa a ya ga kgoši a re: “Tso ke tso di hlayyeng ke Jowabho, o mfetodiye ka mokgonone.” 31 Byalo, kgoši ya re gage: “Maka ka mokgo a hlayang; mmolaye o mmoloke, o tlose molato ho gaka le ntlong ya papaka, wo Jowabho a wo makiyeng wa go bolaya batho ba gore ke mo ba sa sinya selo.+ 32 Jehova o nyoko patedisa yene ka taba la molato wa madi, ka gore mo a bolaya banna bala ka babedi ka sabola, ba go loka ka matla ba gore fote baa mo phala, papaka Dafita ke mo a sa di tšibi. Banna bone ne go le Abhonere+ morwayi wa Nere wa gore ne go le ye mogolo wa masole ya Israyele,+ le Amasa+ morwayi wa Jethere wa gore ne go le ye mogolo wa masole ya Juda.+ 33 Molato wa bona wa madi go nyoko ba wa Jowabho le ditlogolwane tsage go ya go yye;+ mara ga Dafita, ditlogolwane tsage, ba mutši wage le bogoši byage, nkare Jehova a ka maka gore go dule go bebiye go ya go yye.” 34 Bhenaya morwayi wa Jehoyada a ya a bolaya Jowabho, ke mokane ba mmoloka mutšing wage ku mašahleng. 35 Ke mokane kgoši ya beya Bhenaya+ morwayi wa Jehoyada gore go be yene ye mogolo wa masole sekgaleng sa Jowabho, fote ya beya Zadoke+ gore go be moprista sekgaleng sa Abhiyathara.

36 Byalo kgoši ya bitsa Šimeyi+ ya re gage: “Tiyagele ntlo Jerusalema o dule gona; fote o sa tloge mone ga yona o ya dipolekeng tse dingwana. 37 Mo o ka fo tšwa wa ya mosekola wa Kidirone,+ ka letšatši lolone o nape o di tšiba gore o nyoko kgwa. Fote molato go nyoko ba go le wago.” 38 Šimeyi a re: “Tso o di hlayang di ya kwagala. Nna lelata lago ke nyoko maka tso morena kgoši yaka yi di hlayang.” Byalo Šimeyi a dula Jerusalema nako ya go lefa.

39 Mara ka nthago ga kararo ya mengwaga, mabhantiti ya Šimeyi ka mabedi ma tšhabela ga Akhiši+ morwayi wa Mayakha kgoši ya Ghathe. Mo Šimeyi ba mmotsa gore: “Ye naa! Mabhantiti yago ma tšhabele Ghathe,” 40 a napa a kalama bhongholo yage a ya ga Akhiši ku Ghathe gore a late mabhantiti yage. Mo Šimeyi a buyye Ghathe le mabhantiti yage, 41 baa botsa Solomoni gore: “Šimeyi ke mo a tšwile mo Jerusalema a yye Ghathe, mara gana byalo o šele a buyye.” 42 Mo ba reyane, kgoši ya bitsa Šimeyi ya re gage: “Anthe a ke ya maka gore o tshepise ka lebitso la Jehova, ka boya ka go pasopisa ka re: ‘Mo o ka fo tšwa wa ya polekeng ye nngwana, ka letšatši lolone o nape o di tšiba tsa gore o nyoko kgwa’? Anthe a yi wene o hlayyeng gaka wa re, ‘Tso o di hlayang di ya kwagala; fote ke nyoko di maka’?+ 43 Byalo ke ntaba o sa maka dilo tso o di tshepisiyeng Jehova fote o sa theetsela molawo wo ke go neyyeng wona?” 44 Kgoši ya re ga Šimeyi: “O di tšiba gabutši tsa gore papaka Dafita+ o mo kwisiye go baba go segela kaye, fote Jehova o nyoko re molato ke wago.+ 45 Mara Jehova o nyoko rufa Kgoši Solomoni+ fote bogoši bya Dafita bo nyoko fo dula bo le gona go ya go yye.” 46 Kgoši ya botsa Bhenaya morwayi wa Jehoyada gore a mmolaye, ke mokane a mmolaya.+

Mmušo wa napa wo tiya ka matla mo go lawola Solomoni.+

3 Solomoni o tsere mosadi mutšing wa Faro kgoši ya Egepita. O šadhiye le morwediya wa Faro,+ a tla naye ga poleke yo ba reng ke Mutši wa Dafita+ gore a be naye go segela a fetsa go yaga ntlo yage,+ ntlo ya Jehova+ le lepharo la go dukulugela Jerusalema.+ 2 Mara batho ke mo ba sa na ba maka dihlabelo ga poleke ya kgakala,+ ka taba la gore go segela ka nako yonone ne go soko yagiwa ntlo ya lebitso la Jehova.+ 3 Solomoni o yye mahlong a šupetsa gore ga Jehova o mo nyaka ka matla ka go latelela melawo ya Dafita papage, mara yene ke mo a maka dihlabelo fote a di tšhuba dipolekeng tsa kgakala.+

4 Kgoši ya ya Ghibhiyoni gore ye makela gona dihlabelo, ka taba la gore ke mo go le poleke ya kgakala ya go di phala ka moka.+ Solomoni o makiye 1 000 ya dihlabelo tsa go tšhubiwa ga aletare ya gana hone.+ 5 Mo Solomoni a sa le Ghibhiyoni, Jehova a nyarela gage ka moloro bošego, a re gage: “Mpotse so o nabelang gore ke go neye sona.”+ 6 Mo a reyane, Solomoni a re: “O šupetsiye papaka Dafita wa gore ke lelata lago gore o mo nyaka ka matla nakwela a go berekela ka go tshepega fote a šupetsa gore o lukiye, a boya a maka dilo ka pelo ye tšhwewu. Fote o mo šupetsiye gore o mo nyaka ka matla go segela le lekgono lowa ka go mo neya morwayi gore a dule setulong sage sa go lawola.+ 7 Mara gana byalo Jehova Modimo waka, o makiye gore ke be kgoši sekgaleng sa papaka Dafita le mo nkene ke le mošomanyana wa gore aa tšibi selo.+ 8 Nna lelata lago ke nna ye mongwana ga batho bo o ba hlawodiyeng,+ batho ba gona ba tlele ka matla tsa gore di ka sa kgonege go ba balela. 9 Byalo, maka gore lelata lago le theetsele gore le thogo yahlula batho bago,+ le tšibe gare ga sa go loka le sa go sa loka,+ ka gore ke mang wa gore a ka kgona go yahlula batho bago ba gore ba tlele ka matla?”

10 Mo Solomoni a kgopela dilo tsowa, Jehova di mo jabodisiye ka matla.+ 11 Ke mokane Modimo a re gage: “Ka gore o kgopele gore o kgone go yahlula gabutši, a wa kgopela lephelo la go lefa kela go ghanya kela gore ke bolaye manaba yago,+ 12 ke nyoko maka tso o di kgopelang.+ Ke nyoko maka gore o hlalefe, o kwisise dilo+ ka gore a go soko ba le motho wa go tshwana nago fote a ka sa be gona.+ 13 Go tokegela gana hone, ke nyoko go neya le dilo tsa gore a wa di kgopela,+ ke nyoko maka gore o ghanye fote o hlompege+ gore go sa be le kgoši ya go tshwana nago mo o sa na o phela.+ 14 Fote mo o ka fo ngangarela ditsela tsaka ka go theetsela melawo yaka, le go maka tso ke di hlayyeng go tshwana le ka mokgo go makiyeng Dafita papago,+ ke nyoko maka gore o phele nako ya go lefa.”+

15 Mo Solomoni a tsoga, a di bona gore ke mo a lora. Ke mokane a tloga a ya Jerusalema a segela a yema mahlong ga areka ya Jehova ya go kwanisanya, a maka dihlabelo tsa go tšhubiwa le tsa go hlekediwa+ fote a makela le malata yage ka mokana ga wona monyanya wo mogolo.

16 Ka nako yonone gwa kena basadi ka babedi ba go rekisa mmele ba yema mahlong ga kgoši. 17 Mosadi wa mathomo a re: “Šii barena morenaka, nna le mosadi yewa re dula ntlong ka yyoši fote mo ke kraya ngwana ke mo ke le naye ka ho ntlong. 18 Mo go šele go fitiye kararo ya matšatši ke krayye ngwana, mosadi yewa le yene a kraya ngwana. Ke mo ke le naye, go le rune ka babedi fela; ke mo go se na motho ye mongwana ka mone ntlong. 19 Morwayi wa mosadi yewa a hlokofala bošego ka taba la gore mmane wage o mo yetselele. 20 Byalo, a tsoga gare ga bošego a tseya morwayi waka ho thina gaka a mo yetsedisa dikgubeng tsage nna lelata lago la ngwannyana ke sa yetsele, ke mokane a tseya morwayi wage wa gore o hlokofele a mo yetsedisa dikgubeng tsaka. 21 Mo ke tsoga ke sa re ke yangwisa morwayi waka, ka di bona gore o hlokofele. Byalo ka bošego mo ke mo lebelela gabutši, ka di bona gore yewa a yi yene morwayi waka ye ke mmelegiyeng.” 22 Mara mosadi yewa ye mongwana a re: “Awwa, morwayi waka ke ye wa go phela, ye wa gore o hlokofele ke wago!” Ke mokane mosadi wa mathomo a re: “Awwa, morwayi wago ke ye wa gore o hlokofele, ye wa gore wa phela ke waka.” Ke mo ba phigisana ka mokgonone mahlong ga kgoši.

23 Ke mokane kgoši ya re: “Yewa o re, ‘Morwayi waka ke yewa wa go phela, yewa wa gore o hlokofele ke wago!’ ye mongwana o re, ‘O na le matsaka, morwayi wago ke yewa wa gore o hlokofele, yewa wa gore wa phela ke waka!’” 24 Kgoši ya re: “Nneyeneng sabola.” Ke mokane ba mo neya. 25 Kgoši ya re: “Kupaneng ngwananyana ye wa gore wa phela ka bogare, le tseye setlopo le se neye mosadi yewa se sengwana le se neye yewa ye mongwana.” 26 Mosadi ye wa gore morwayi wage ne a phela a yakgoswa a kgopela kgoši ka taba la gore ne a kwela ngwanage go baba. A re: “Morena barena! Go kawone o tseye ngwanewa wa gore wa phela o mo neye mosadi yewa gee! Ke kgopela o sa mmolaye barena!” Mara mosadi yela ye mongwana ne a re: “Go kawone ba mo kupe ka bogare! Go sa be wago kela gwa ba waka!” 27 Mo kgoši yi kwa tsotsone, ya re: “Tseyaneng ngwanewa wa gore wa phela le mo neyeneng mosadi ye wa mathomo! Ke yene mmane wage, le sa mmolaye.”

28 Batho ba Israyele ka mokana ga bona ba kwile ka mokgo kgoši yi yahludiyeng taba yowa ka gona, fote ba šala ba yahlamme+ ka taba la gore ne ba di bonne gabutši gore Modimo o hlalefisiye kgoši gore yi thogo yahlula gabutši.+

4 Kgoši Solomoni ne a lawola Israyele ka mokana ga yona.+ 2 Yawa ke mabitso ya dindhuna tsage: Azariya morwayi wa Zadoke+ ne go le moprista; 3 Elihorefe le Ahija barwayi ba Šiša ne go le bomabhalane;+ Jehošafate+ morwayi wa Ahiludi ne go le wa go ngwala dilo tso di makegiyeng ka letheto; 4 Bhenaya+ morwayi wa Jehoyada ne go le ye mogolo wa masole; Zadoke le Abhiyathara+ ne go le maprista; 5 Azariya morwayi wa Nathane+ ke mo go le yene ye a lawolang dindhuna; Zabhude morwayi wa Nathane ne go le moprista fote go le monghana wa kgoši;+ 6 Ahišara ke mo a lawola dilo tsa ntlong ya kgoši; Adoniramo+ morwayi wa Abhda ke yene wa gore ne a lawola dibereki tsa kgoši tsa gore ba ro di bitsa.+

7 Solomoni ke mo a na le 12 ya batho ba gore ke mo a ba beyye Israyele ka mokana ga yona ba gore ke mo ba neya kgoši le ba mutši wa yona tsa go ja. Ye mongwana le ye mongwana wa bona ke mo a na le kgwedi yage ka mongwaga, ya go neya kgoši le ba mutši wa yona tsa go ja.+ 8 Yawa ke mabitso ya bona: Morwayi wa Hure ne a lawola dipoleke tsa dithabeng tsa Eforayimi; 9 morwayi wa Deke ne a lawola Makazi, Šalabhimo,+ Bhethe-šemeše le Elone-bhethe-hanane; 10 morwayi wa Hesede ne a lawola Arubhothe (ne a lawola Sokho le Hefere ka mokana ga yona); 11 morwayi wa Abhinadabo ke mo a lawola memmoto ka mokana ga yona ya Doro (morwediya wa Solomoni ye ba reng ke Thaphathe gwa ba mosadi wage); 12 Bhana morwayi wa Ahiludi ke mo a lawola Tanakhe, Meghido+ le dipoleke ka mokana ga tsona tsa Bhethe-šiyane+ ya gore yi ka nthoko ga Zarethani ka tlase ga Jeziriyele, a lawola Bhethe-šiyane go ya Abele-mehola go segela ga poleke ya Jokomeyamo;+ 13 morwayi wa Ghebhere ne a lawola Ramothe-ghiliyade+ (ke mo a lawola dimitšane tsa matenteng tsa morwayi wa Manase wa gore ke Jayiri,+ tsa gore ke mo di le Ghiliyade,+ fote ke mo a lawola poleke ya Araghobhi+ ya gore yi Bhašane:+ ya gore yi na le 60 ya mitši ye megolo fote mitši yone yi yagelediwwe ka mapharo le dikholomo tsa koporo); 14 Ahinadabo morwayi wa Idho ne a lawola Mahanayime;+ 15 Ahimazi ne a lawola Nafthali (o tsere ye mongwana wa barwediya ba Solomoni ye ba reng ke Bhasemathe gore go be mosadi wage); 16 Bhana morwayi wa Hušayi ne a lawola Aša le Bhiyalothe; 17 Jehošafate morwayi wa Paruwa ne a lawola Isakhara; 18 Šimeyi+ morwayi wa Ela ne a lawola Bhenjamini;+ 19 Ghebhere morwayi wa Uri ne a lawola poleke ya Ghiliyade+ le poleke ya Sihone+ kgoši ya Maamore le poleke ya Ogo+ kgoši ya Bhašane. Fote ke mo go na le ka wwoši wa gore ke mo a lawola bo ba go wokamela ka mokana ga bona ba naga ya Israyele.

20 Majuda le Maisrayele ne ma tlele go tshwana le santa ya lewatle;+ ne ma ja, ma nwa fote ma jabodiye.+

21 Solomoni ne a lawola memmušo ka mokana ga yona go tlugisela Nookeng+ ye kgolo ya Eforate go segela polekeng ya Mafilisita le mo go felelang Egepita. Batho bone ke mo ba patela mothelo ga Solomoni fote ba mmerekela lephelo lage ka mokana ga lona.+

22 Tsa go ja tsa Solomoni tsa letšatši ka lloši ke mo di lekana 30 ya dikhoro* tsa folawa ya go tlwayelega le 60 ya dikhoro tsa mohlobo wo mongwana wa folawa, 23 10 ya dikgomu tsa gore ba ro di neya tsa go ja gore di tsife, 20 ya dikgomu tsa gore di kgula hlageng le 100 ya dinku, re sa bale diphala, diphuti le dipabala le dinonyane tsa gore ba ro di neya tsa go ja gore di tsife. 24 Ka taba la gore ke mo a lawola dilo ka mokana ga tsona tso di leng mosekola wa Nooka+ ya Eforate, go tlugisela Tifisa go segela Ghaza,+ ke mo a lawola le magoši ya ma leng ka mosekola wa Nooka yone; fote o makiye gore go bebe go gongwana le go gongwana mo ne go lawola yene.+ 25 Majuda le Maisrayele ne ma dula ma pasopegiye, ye mongwana le ye mongwana a dula ka fase ga modhriva wage le ka fase ga mogo wage, go tlugisela Dani go segela Bhere-šeba, matšatši ka moka mo Solomoni a sa phela.

26 Fote Solomoni ke mo a na le 4 000 ya mašaka ya dipera tsa gore ke mo di goga dikotšikara tsage le 12 000 ya dipera.+

27 Banna bowa ba gore ne ba hlawodiwwe ne ba neya Kgoši Solomoni tsa go ja le batho ka mokana ga bona ba gore ne ba ja tafoleng ya kgoši. Ye mongwana le ye mongwana ne a na le kgwedi yage fote ne a maka gore go sa gayele selo ka kgwedi yone.+ 28 Go tokegela gana hone, ye mongwana le ye mongwana ka kgwedi yage ke mo a leya mabele le mabyang a neya dipera, gana hone go kena le tsa go goga dikotšikara.

29 Byalo, Modimo o makiye gore Solomoni a hlalefe ka matla le gore a thogo yahlula gabutši fote a maka le gore a thogo kwisisa dilo.+ 30 Ka mokgo Solomoni ne a hlalefiye ka gona, ke mo a phala batho ba go hlalefa ka mokana ga bona ba Bohlabela le ba Egepita ka mokana ga yona.+ 31 Ke mo a hlalefiye go phala batho ka mokana ga bona, a hlalefiye go phala Ethane+ wa gore ke Lezeera le Hemane,+ Khalekhole+ le Dara ba gore ke barwayi ba Maholi; fote ke mo a tšibega ga ditšhaba ka mokana ga tsona tsa thina.+ 32 O ngwadiye 3 000 ya diyema,+ fote ne a na le 1 005 ya dikoša.+ 33 Ke mo a tšiba ka mehlare ye megolo ya go tshwana le mosidara wa Lebhanoni fote a tšiba le ka dimilane tse dinyana tsa go tshwana le hisopo+ tsa gore di mila mapharong; fote ke mo a bolabola le ka diphoolwane,+ dinonyane,+ diphoolwane tsa go gogoba ka dimpa+ le dihlapi. 34 Batho ka moka ke mo ba tla ba tl’le kwa ka mokgo a hlalefiyeng ka gona, fote ke mo go tla le magoši ka mokana ga wona ya go tšwa lefaseng ka mokana ga lona ya gore ma di kwelele gore Solomoni o hlalefiye.+

5 Mo Hirama kgoši ya Tira+ yi di kwelela gore Solomoni ba mo tlotsiye gore go be kgoši sekgaleng sa papage, Hirama a romela dibereki tsage ga Solomoni ka taba la gore yene le Dafita ke botala go le banghana.+ 2 Ke mokane Solomoni a roma batho ga Hirama+ a re: 3 “O di tšiba gabutši tsa gore papaka Dafita aa kgona go yaga ntlo ya gore yi nyoko maka gore lebitso la Jehova Modimo wage le hlompiwe, ka taba la dintwa tso ne di le gona ka ho le ka ho go segela Jehova a hlula manaba yage.+ 4 Mara gana byalo Jehova Modimo waka o makiye gore go bebe.+ A go na ye a mphigisang fote a go na dilo tsa go befa tso di makegang.+ 5 Byalo, ke tikemisele go yaga ntlo ya gore yi nyoko maka gore lebitso la Jehova Modimo waka le hlompiwe, ka mokgo Jehova a yyeng a tshepisa Dafita papaka gore: ‘Morwayi wago ye a nyoko dulang setulong sago sa go lawola ka nthago gago, ke yene ye a nyoko n’yagelang ntlo ya lebitso laka.’+ 6 Gana byalo botsa batho bago ba tle ba nkupele mehlare ya mosidara ya Lebhanoni.+ Malata yaka ma nyoko bereka le malata yago, ke nyoko patela dibereki tsago ka mokgo wene o nyakang ka taba la gore le wene wa di tšiba tsa gore rune a re di kgone tsa go kupa mehlare go tshwana le Masidoni.”+

7 Mo Hirama a kwa mantsu yane ya Solomoni, a jabola ka matla a re: “Nkare Jehova a ka thanakiwa lekgono lo, ka taba la gore o neyye Dafita morwayi wa go hlalefa wa go phala batho ka mokana ga bona!”+ 8 Ke mokane Hirama a romela molayetsa ga Solomoni a re: “Ke kwile molayetsa wo o nromeleng wona. Ke nyoko maka dilo ka moka tso o di hlayang, ke go romele mohlare wa mosidara le dikwata tsa mojunipha.*+ 9 Malata yaka ma ko di tseya ho Lebhanoni ma di yisa lewatleng, ke nyoko di tlema ka dingata gore mo ke di lahlela ka ho lewatleng di thogo segela ga poleke yo o mputsiyeng gore o nyaka di ye ga yona. Nko ba botsa gore ba di tlemolle mo di segela, wene o ko di tseya. Ke mokane wene o ko nneya tsa go ja tso ke di kgopelelang ba mutši waka.”+

10 Byalo, Hirama a neya Solomoni dikwata ka moka tsa mohlare wa mosidara le wa mojunipha* tso Solomoni a di kgopeleng. 11 Solomoni o mo neyye 3 200 000 ya dikhiloghremo tsa korong gore go be tsa go ja tsage le ba mutši wage, fote a mo neya le 20 000 ya dikhoro* tsa makgura ya mayemo ya gedimo ya diolivi. Ke tso Solomoni a yyeng a di neya Hirama mongwaga wo mongwana le wo mongwana.+ 12 Fote Jehova o makiye gore Solomoni a hlalefe go ya ka mokgo ne a mo tshepisiye ka gona.+ Hirama le Solomoni ke mo ba kwana ka matla, fote ba le ka babedi ba maka kwano ya gore ba ka sa lwe.

13 Kgoši Solomoni a kgopela banna ba Israyele ka mokana ga yona gore ba tle ba mmerekele; banna bone ne go le 30 000 ya bona.+ 14 Ke mo a ba romela Lebhanoni ka dikopa ka dikopa, a romela 10 000 ya bona kgwedi ye nngwana le ye nngwana. Ke mo ba fetsa kgwedi ba le Lebhanoni ke mokane dikgwedi ka dipedi ke mo ba di fetsa ba le mitšing ya bona; Adoniramo+ ke mo a lawola banna bo ba ba kgopeleng. 15 Solomoni ke mo a na le 70 000 ya dibereki le 80 000 ya dibereki tsa go pshyaya matlapa+ ku dithabeng,+ 16 Fote Solomoni ne a na le 3 300 ya banna ba gore ne ba wokamela+ dibereki tsowa. 17 Kgoši yi ba butsiye gore ba yepe matlapa ya magolo le matlapa ya go tura+ ke mokane ba ma fefe gore ba thogo maka fandhiši+ ya ntlo.+ 18 Byalo, bo ba go yaga ba Solomoni le ba Hirama le Maghebhali+ ke bona bo ba pshyayyeng matlapa yane, fote ke mo ba lukisa dikwata le matlapa gore ba thogo yaga ntlo yone.

6 Ka mongwaga wa bo 480 wa mo Maisrayele* ma tšwile nageng ya Egepita,+ ka mongwaga wa kanne ka nthago ga mo Solomoni go le kgoši ya Maisrayele, ka kgwedi ya Zivi*+ (ya gore ke kgwedi ya mabedi), Solomoni a yagela Jehova ntlo.*+ 2 Ntlo yo Kgoši Solomoni a yi yageleng Jehova ke mo go le 60 ya dikhyubhiti* ka go lefa, 20 ya dikhyubhiti ka go psyaralala le 30 ya dikhyubhiti go ya gedimo.+ 3 Ka mo+ mahlong ga tempele ke mo go le 20 ya dikhyubhiti ka go lefa, fote ke mo go lekana le ntlo yone ka go psyaralala. Ke mokane gana hone mahlong ga tempele ke mo go le lesome la dikhyubhiti go ya teng.

4 Solomoni o makiye ntlo ya go ba le mafastere ya gore diforemo+ tsa gona ka ho teng ke tse dikgolo mara ka ho tawong ke tse dinyana. 5 Fote ka ho nthoko ga lepharo la ntlo yone a yaga lepharo le lengwana; lepharo lone ke mo le yagelele mapharo ka mokana ga wona ya ntlo yone, ya tempele yone le ya kamara ya ka ku tengteng,+ a boya a maka gore lepharo lone le be le dikamarana tsa ka mathoko.+ 6 Ga dikamarana tsone tsa ka mathoko, lebato la ka fase le lekana kapheta ya dikhyubhiti ka go psyaralala, lebato la ho gare le lekana kobodi ya dikhyubhiti ka go psyaralala, la kararo le lekana kašupa ya dikhyubhiti ka go psyaralala, fote o beyye mapolanka go dukulugela ntlo ka mokana ga yona gore lepharo la dikamara tsone le sa tikisi tempele.+

7 Ntlo yowa ke mo yi yagiwwe ka matlapa ya gore ke mo ba šele ba ma fefiye,+ gore mo ba kene ba yi yaga go sa be le medumo ya dihamola, dilepe le dithulusi tse dingwana tsa tshipi. 8 Monyako wa go kena ga dikamara tsowa ne wo le ka borwa bya ntlo yone,+ fote ne go na le ditepisi tsa go segela ga lebato la mabedi, ke mokane gana hone ga lebato la mabedi ke mo go na le tse dingwana tsa go segela ga lebato la kararo. 9 O yagiye ntlo yone a šinya a yi fetsa,+ a yi kapela ka makapa ya go makiwa ka mohlare wa mosidara ke mokane a fodisa mapolanka ya mosidara gore a rulele ka wona.+ 10 O yagiye dikamara tsa ka mathoko go dukulugela ntlo ka mokana ga yona,+ ne di lekana kapheta ya dikhyubhiti ka go lefa, fote ke mo ba berekisiye dikwata tsa mosidara gore ba di hlomagetse mone ntlong.

11 Ka nako yonone, Jehova o romele Solomoni mantsu ya gore: 12 “Mo o ka sepela ka melawo yaka, wa yahlula ka mokgo ke nyakang fote wa theetsela melawo yaka ka mokana ga yona,+ ke nyoko maka so ke se tshepisiyeng papago Dafita ka ntlo yo o yi yagang,+ 13 fote ke nyoko dula ke na le Maisrayele,+ nka sa tsoge ke jikele batho baka le ka tšatši la mohlolo.”+

14 Solomoni o yye mahlong a yaga ntlo yone go segela a yi fetsa. 15 Mapharo ya ka ho teng o ma yagiye ka mapolanka ya mosidara. O kwadiye lepharo lone ka dikwata go thomisa ho fase go segela ku gedimo, ke mokane ho fase a yatlala mapolanka ya mohlare wa mojunipha.*+ 16 Fote mo mafelelong ga ntlo yone a yaga kamara ya go lekana 20 ya dikhyubhiti ka mapolanka ya mohlare wa mosidara, a yi yaga go tlugisela fase go segela gedimo ke mokane ka ho teng ga yona* a yaga kamara ya ka ku tengteng,+ Poleke ya go Hlawolega ka Matla.+ 17 Mo mahlong ga ntlo yone+ ke mo go na le kamara ya go hlawolega ya gore ke mo yi lekana 40 ya dikhyubhiti. 18 Mapolanka yane ya mosidara ya gore ma ka teng ga ntlo ke mo ba ma fadiye diyengwa tsa kgokolo tse dinyana+ le mabhlomu.+ Mapharo yane ka mokana ga wona ke mo ba ma kwadiye ka mapolanka ya mohlare wa mosidara; go sa bonagale le letlapa ka lloši.

19 Fote a lukisa kamara ya ka ku tengteng+ ya gore yi ga ntlo yone gore a thogo beya areka ya go kwanisanya batho le Jehova.+ 20 Kamara ya ka ku tengteng ke mo yi le 20 ya dikhyubhiti ka go lefa, 20 ya dikhyubhiti ka go psyaralala le 20 ya dikhyubhiti go ya gedimo;+ ke mokane a yi kgakgapa ka gholdi ya gore ke mong yona; a yatlala aletare+ ka mapolanka ya mohlare wa mosidara. 21 Solomoni a kgakgapa ntlo yone ka mokana ga yona ka ho teng ka gholdi ya gore ke mong yona,+ fote a beya diketane tsa gholdi mahlong ga kamara ya ka ku tengteng,+ ya gore le yona ke mo ba yi kgakgapiye ka gholdi. 22 A kgakgapa ntlo ka mokana ga yona ka gholdi go segela yi fela; le aletare+ ka mokana ga yona ya gore ke mo yi le thina le kamara ya ka ku tengteng o yi kgakgapiye ka gholdi.

23 Fote o makiye makerubi+ ka mabedi ka dikwata tsa mophayi ga kamara ya ka ku tengteng, lekerubi le lengwana le le lengwana le lekana lesome la dikhyubhiti go ya gedimo.+ 24 Lefafela le lengwana le le lengwana la lekerubi ke mo le lekana kapheta ya dikhyubhiti. Sekgala sa magareng ga mafafela ya lekerubi ka lloši ke mo se lekana lesome la dikhyubhiti. 25 Le lekerubi lowa le lengwana le lona ke mo go le lesome la dikhyubhiti. Makerubi yane ka mabedi ke mo ma lekana fote ma yemme go tshwana. 26 Lekerubi ka lloši ke mo le lekana lesome la dikhyubhiti go ya gedimo, le le lengwana ke mo le le ka mokgonone. 27 A beya makerubi+ yane ga kamara ya go hlawolega ka matla. Mafafela ya makerubi yane ke mo ma phurullugiye tsa gore lefafela la lekerubi le lengwana le le lengwana ke mo le tikisa lepharong, fote yawa ya mangwana ke mo ma gahlana ho gare. 28 Fote o kgakgapiye makerubi yane ka gholdi.

29 Fote ga mapharo ka mokana ga wona ya ntlo, ka teng le ka tawong ga dikamara, a fala makerubi,+ mehlare ya mopalema+ le mabhlomu.+ 30 A kgakgapa ho fase ka gholdi ga kamara ya go hlawolega ka matla le kamara ya go hlawolega. 31 Ke mokane ga kamara ya ka ku tengteng o makiye dikwalo ka dikwata tsa mohlare wa mophayi, dikholomo tsa ka ho le ka ho le diforemo tsa monyako go le selo sa kapheta. 32 Dikwalo tsone ka dipedi ke mo a di makiye ka dikwata tsa mohlare wa mophayi, mone ga tsona a fala makerubi, mehlare ya mopalema le mabhlomu, fote a di kgakgapa ka gholdi; ke mokane a kgakgapa makerubi le mehlare ya mopalema ka gholdhi. 33 Mo a tla ga monyako wa tempele, o makiye diforemo ka dikwata tsa mophayi go le selo sa kanne. 34 O makiye dikwalo ka dipedi ka kwata ya mojunipha, sekwalo se sengwana ke mo se na le dikopa ka dipedi fote sekopa se sengwanna le se sengwana ke mo se bula se le ntoši.+ 35 O fadiye makerubi, mehlare ya mopalema le mabhlomu, ke mokane a di kgakgapa ka gholdi.

36 O yagiye lapa+ la gore go kena maprista fela ka letlapa la gore le fefiwwe, a yaga kararo ya malayini ke mokane a tšhela mapolanka ya mopalema.+

37 Ka mongwaga wa kanne, ka kgwedi ya Zivi* fandhiši ya ntlo ya Jehova ke mo yi šele yi yemme;+ 38 ka mongwaga wa bo 11, ka kgwedi ya Bhulu* (ya gore ke kgwedi ya mabala), ntlo yowa ka mokana ga yona ya fela go ya ka mokgo ne ba polanne ka gona.+ Solomoni o fetsiye kašupa ya mengwaga a yaga ntlo yone.

7 Solomoni o fetsiye 13 ya mengwaga a yaga ntlo yage+ go segela a yi fetsa.+

2 Fote o yagiye ntlo yo ba reng ke Mašahla ya Lebhanoni+ ya gore ne yi le 100 ya dikhyubhiti ka go lefa, 50 ya dikhyubhiti ka go psyaralala le 30 ya dikhyubhiti go ya gedimo ka thoko ga lepharo la go ba le dikholomo tsa go lategetsana kanne ya tsona; fote ke mo go na le makapa ya gore ma makiwwe ka mohlare wa mosidara+ mone ga dikholomo tsone. 3 Ke mo ba kwadiye makapa yane ka mapolanka ya mohlare wa mosidara, makapa yane ke mo go le 45 ya wona le 15 ya wona ma fodiye ka go lategetsana. 4 Ke mo go na le kararo ya malayini ya mafastere ya go ba le diforemo, mafastere yawa ke mo ma libanne le ya mangwana ga malayini yawa kararo ya wona. 5 Ka mokana ga gona mo go keniwang le ho monyako ke mo go na le diforemo tsa go ba le kanne ya dikhona go fo tshwana le mafastere yawa ya gore ke mo ma libanne le ya mangwana.

6 Fote o yagiye Holo ya gore ke mo yi le 50 ya dikhyubhiti ka go lefa le 30 ya dikhyubhiti ka go psyaralala, fote ne go na le ga go kenela gona ga gore go na le dikholomo, fote mahlong ga gona ne go na le se sengwana sa nkare ke lefranta, le gona ne ba rulele.

7 Fote o yagiye Holo ya go Yahlulela ga yona,+ ya gore ne a nyoko yahlula a duli ga setulo sage sa go lawola⁠—holo yone+ ka mokana ga yona ke mo ba yi kwadiye ka mapolanka ya mosidara go tlugisela fase go segela makapeng.

8 Ntlo yo ne a nyoko dula ga yona ya gore ne yi le ga lapa+ la batho ka moka ne yi sa mamarelana le Holo yowa, mara ne di yelana. Fote Solomoni o yagiye le ntlo ya go yelana le Holo yowa, a yagela morwediya wa Faro wa gore ne a mo tsere go le mosadi wage.+

9 Tsowa ka mokana ga tsona ne ba di makiye ka matlapa ya go tura+ ya gore ne ba ma lukisiye ka mokgo ne ba metiye ka gona, ya gore ne ma fefiwwe ka disaga tsa matlapa ka teng le ka tawong, go thomisa ga fandhiši go segela ku gedimo mo lepharo le felelang gona le go segela ka tawong ga lapa la batho ka moka.+ 10 Fote fandhiši ya gona ne yi makiwwe ka matlapa ya magolo, matlapa ya go tura; ya mangwana ke mo go le lesome la dikhyubhiti, ya mangwana go le mabala ya dikhyubhiti. 11 Go tokegela gana hone, ke mo go na le matlapa ya mangwana ya go tura ya gore ke mo ba ma fefiye ka mokgo ne ba metiye ka gona le dikwata tsa mosidara. 12 Ga lapa le legolo la batho ka moka ke mo ba yagiye ka matlapa ya gore ma fefiwwe, ne ba yagiye kararo ya malayini ke mokane ba beyye dikwata tsa mohlare wa mosidara gedimo, go tshwana le ka mokgo ba makiyeng ga lapa la gore go kena maprista fela+ ga ntlo ya Jehova le ga go kenela gona.+

13 Kgoši Solomoni a kgopela batho gore ba ye Tira ba ye bitsa Hirama,+ ke mokane Hirama a tla gage. 14 Hirama ke mo go le morwayi wa mosadi wa gore o kgwele ke monna wa go tšwa ga leloko la Nafthali, fote papage ke mo a tšwa ga naga ya Tira, ke mo a tšiba mmereko wa koporo+ fote go le segele ga mmereko wa matsogo. Hirama ne a wo tšiba mmereko wowa wa go bereka ka koporo, fote ke mo a wo kwisisa.+ Byalo, a maka mmereko ka mokana ga wona wo Kgoši Solomoni a mo kgopeleng gore a wo make.

15 O makiye dikholomo ka dipedi tsa koporo;+ kholomo ye nngwana le ye nngwana ke mo yi lekana 18 ya dikhyubhiti go ya gedimo, ka bokoto ke mo di lekana 12 ya dikhyubhiti.*+ 16 O makiye tse dingwana tsa go kgabisa ka koporo ga dikholomo tsowa ka dipedi gore a thogo di beya gedimo ga tsona. Ka ssoši ke mo se le kapheta ya dikhyubhiti go ya gedimo, fote se sengwana le sona ke mo go le kapheta ya dikhyubhiti. 17 Dilo tsone tsa go kgabisa tsa gore di gedimo ga dikholomo ke mo ba di kgabisiye ka diketane tse dinyana+ tsa gore ba di lugiye go tshwana le dithapo; ne ba makiye kašupa ya tsona ga kholomo ka yyoši le kašupa ga kholomo yela ye nngwana. 18 Fote o kgabisiye ka go thala magarenate a maka malayini ka mabedi gedimo ga selo sa go kgabisa so se leng gedimo ga kholomo; o makiye tsotsone gedimo ga sa go kgabisa sa kholomo yo ye nngwana. 19 Dilo tsowa tsa go kgabisa tsa gore di gedimo ga dikholomo ke mo ba di makiye go tshwana le mabhlomu ya dilili, fote ke mo di lekana kanne ya dikhyubhiti go ya gedimo. 20 Dilo tsowa tsa go kgabisa ke mo di le ga dikholomo tsowa ka dipedi, di le mo go thomisang diketane tse dinyana tsa gore ba di lugiye go tshwana le thapo; fote ne a thadiye 200 ya magarenate ya go fola layini ma di dukulugela ka dipedi ga tsona.+

21 A beya dikholomo tsone ka dipedi mahlong ga tempele.*+ Ye nngwana a yi beya letsogong la go ja ke mokane a yi reya gore ke Jakini,* ye nngwana a yi beya letsogong la mpata ke mokane a yi reya gore ke Bhowase.*+ 22 Ke mokane mo gedimo ga dikholomo ga gore ba beyye tsa go kgabisa ke mo go thadiwwe mabhlomu ya dilili. Byalo mmereko wa go maka dikholomo ke mo wo fediye.

23 Ke mokane a maka Ledhamo la tshipi+ la gore ne go le kgokolo, la gore molomo wa lona ke mo go le lesome la dikhyubhiti fote go le kapheta ya dikhyubhiti go ya gedimo. Mo ba dukulugela ledhamo lone ba tshwere thapo ya go meta ka yona ke mo le segela ga 30 ya dikhyubhiti.+ 24 Fote ne a kgabisiye ka diyengwa tsa kgokolo+ mo dimpeng tsa lona go le dukulugela, diyengwa tsowa ke mo di lekana lesome la dikhyubhiti go dukuluga Ledhamo lowa, ne di makiye malayini ka mabedi. 25 Ne le duli gedimo ga 12 ya dikgomu tsa phoolo,+ kararo ya tsona ne di libiye lebowa, kararo ya tsona ne di libiye bodikela, kararo di libiye borwa, ke mokane kararo di libiye bohlabela; Ledhamo ke mo le duli gedimo ga tsona fote tsona di furalelanne. 26 Ka bokoto ke mo le teya ka ku ga kašupa ya disenthimitha;* fote mo molomong ne le yemme nkare ke molomo wa komitši go fo tshwana le lebhlomu la lili mo le bhloma. Ne le ka kgona go tlatsa ke meetši ya go lekana 2 000 ya dikala tsa metšumu ya botsopa.*

27 Ke mokane a maka lesome la dikotšikara+ ka koporo. Sekotšikara ka ssoši ke mo se lekana kanne ya dikhyubhiti ka go lefa, kanne ya dikhyubhiti ka go psyaralala le kararo ya dikhyubhiti go ya gedimo. 28 Dikotšikara tsowa ke mo di le ka mokgo: Ne di na le mahlaya, fote mahlaya yane ke mo ma na le diforemo tsa go makiwa ka koporo. 29 Gare ga foremo ye nngwana le ye nngwana ke mo a fadiye ditawu,+ dikgomu tsa phoolo le makerubi,+ fote le ka gedimo ne a fadiye ka mokgonone. Ka gedimo le ka tlase ga ditawu le dikgomo tsa phoolo ke mo a kgabisiye. 30 Sekotšikara se sengwana le se sengwana ke mo se na le kanne ya mabilo ya gore ne ma na le diphate tsa koporo tsa go kgona go ma jikisa, fote ke mo se na le kanne ya diphate tsa koporo tsa gore ne di gelepa mabilo yawa gore ma sepele gabutši. Ka tlase ga sa nkare ke lepolete ne go na le tsa go yi thegeletsa mathoko ka moka tsa gore le tsona ke mo di kgabisiwwe. 31 Sekotšikara so ke mo se bula ho gedimo, ho ga go bula ke mo go le kgokolo fote ke mo go lekana khyubhiti ka yyoši ka go lefa go tlugisela ka tlase ga lona. Ho gedimo ga go bula ga lepolete ke mo go fadiwwe, fote mahlaya ya lona ke mo go se kgokolo mara ke mo go le kanne ya dikhona. Ho gedimo le tsa go gelepa go thegeletsa ke mo di maka khyubhiti ka yyoši le sekopa go ya gedimo. 32 Mabilo kanne ya wona ne ma le ka fase ga mahlaya ya sona, fote tso tsa go thegeletsa mabilo ke mo di hlomegetsanne le sekotšikara, lebilo ka lloši ke mo le lekana khyubhiti ka yyoši le sekopa go ya gedimo. 33 Mabilo ya sona ke mo ma makiwwe go tshwana le mabilo ya sekotšikara sa go tlwayelega. Dilo tsa ka mo teng ga mabilo tsa go maka gore ma sepele, tsa go ma thega le selo sa mo gare ga mabilo, ka mokana ga tsona ke mo di makiwwe ka koporo. 34 Kanne ya diphate tsa gore di thega sekotšikara ke mo ba di hlomegetsiye ga kanne ya dikhona tsa sekotšikara se sengwana le se sengwana go le selo ka ssoši. 35 Mo gedimo ga sekotšikara ke mo go na le selo sa gore se dukulugela lepolete, selo sone ke mo se lekana le sekopa sa khyubhiti, foremo ya sona le mahlaya ya sona ke mo ba di hlomegetsiye ga sekotšikara sone go le selo ka ssoši. 36 Mo gedimo ga foremo yone le mahlaya ya yona a fala makerubi, ditawu le mehlare ya mopalema di ya ka gore go na le ga go ngwalela, fote a fala tsa go kgabisa ga foremo yone le mahlaya ya yona.+ 37 Nka mokgo a makiyeng lesome la dikotšikara,+ ka mokana ga tsona ne di makiwwe go tshwana,+ di lekana fote di yemme go tshwana.

38 O makiye lesome la mapolete ka koporo;+ ka lloši ke mo le ka kgona go tlatsa 40 ya dikala tsa mekorotwane. Lepolete ka lloši ke mo le lekana kanne ya dikhyubhiti ka bogolo. Ga lesome la dikotšikara tso, sekotšikara se sengwana le se sengwana ne se na le lepolete la sona. 39 O beyye kapheta ya dikotšikara ka nthoko ya letsogo la go ja la ntlo ke mokane a beya kapheta ga letsogo la mpata la ntlo, a beya le Ledhamo ga letsogo la go ja la ntlo ga gore ke borwabohlabela bya ntlo.+

40 Hirama+ o makiye le mapolete, difošolo+ le ditša tsa motšiti.+

Byalo, Hirama o fetsiye mmereko ka mokana ga wona wo Kgoši Solomoni a mmutsiyeng gore a wo make ntlong ya Jehova,+ dilo tsa gona ke: 41 dikholomo ka dipedi+ le dilo ka dipedi tsa go kgabisa tsa gore ne di duli gedimo ga tsona tsa nkare ke motšiti; diketane ka dipedi tse dinyana tsa gore ba di lugiye nkare ke thapo+ tsa gore ne di tantetsiye dilo tsa go kgabisa tsa nkare ke motšiti tsa gore ne di beyiwwe gedimo ga dikholomo; 42 400 ya magarenate+ ga diketane tsowa tse dinyana, malayini ka mabedi ya magarenate ga diketane tsowa ya gore ke mo ma tantetsa dilo tsowa tsa nkare ke motšiti tsa gore ne di le gedimo ga dikholomo tsowa ka dipedi; 43 lesome la dikotšikara+ le lesome la mapolete+ ya gore ne ma le gedimo ga dikotšikara tsowa; 44 Ledhamo+ le 12 ya dikgomu tsa phoolo tsa gore di ka tlase ga Ledhamo; 45 dipane tsa go tshwara luta, difošolo, ditša tsa motšiti le dilo tse dingwana tsa mohlobohlobo tsa gore Hirama o di makiye ka koporo tso Kgoši Solomoni a mmutsiyeng gore a di make a makela ntlo ya Jehova. 46 Kgoši yi yitseri ba di make ka botsopa, ba di makele polekeng ya Jorodane ya gore yi gare ga Sukhothe le Zarethani.

47 Solomoni aa kala ditša tso di makiwweng ka taba la gore ne di tlele ka matla. Gore koporo yowa ke mo yi roba go segela kaye ke mo di sa tšibege.+ 48 Solomoni o makiye dithulusi tsowa ka mokana ga tsona tsa ntlo ya Jehova: aletare+ ya gholdi, tafola ya gholdi+ ya gore ne ba beya sekgwa sa go hlawolega; 49 kapheta ya ditšhubampara+ tsa gholdi tsa gore ne di le ga letsogo la go ja, kapheta ya tsona ga letsogo la mpata di le mahlong ga kamara ya ka ku tengteng; mabhlomu,+ malampa le dilo tsa gholdi tsa go tima malampa,+ 50 tsa go hlapela matsogo ga tsona, dilo tsa nkare ke dikero tsa go tima malampa,+ ditša tša motšiti, dikomitši,+ dipane tsa go rwala magala tsa gholdi ya gore ke mong yona+ le dimeremere tsa menyako ya kamara ya ka teng+ ya gore ke Poleke ya go Hlawolega ka Matla le menyako ya gholdi ya ntlo ya tempele.+

51 Byalo, Kgoši Solomoni o fetsiye mmereko ka mokana ga wona wa gore ne a tshwanele a wo make ntlong ya Jehova. Ke mokane Solomoni a leya dilo tso papage Dafita a yyeng a di maka gore di hlawolege,+ a tšhela silva, gholdi le dilo tsa mayemo ya gedimo ga dikamara tso ba beyang dilo tsa go tseyediwa gedimo ntlong ya Jehova.+

8 Ka nako yonone, Solomoni a kgobaketsa+ banna ba bagolo ba Israyele, banna ba go lawola maloko ka mokana ga wona, le dindhuna tsa barwayi ba Israyele.+ Ba tla ga Kgoši Solomoni ku Jerusalema, ba leya areka ya Jehova ya go kwanisanya ba tšwa ga Mutši wa Dafita+ wa gore wo Siyoni.+ 2 Banna ba Israyele ka mokana ga bona ba gahlana mahlong ga Kgoši Solomoni ka nako ya monyanya* ka kgwedi ya Ethanimi* ya gore ke kgwedi ya kašupa.+ 3 Byalo, banna ba bagolo ba Israyele ka mokana ga bona ba tla, ke mokane maprista ma kakola Areka.+ 4 Ba leyye Areka ya Jehova, letente la mogahlano+ le dilo ka mokana ga tsona tsa go hlawolega tso ne di le mone letenteng. Di leyye ke maprista le Malifi. 5 Kgoši Solomoni le batho ka mokana ga bona ba Israyele bo ne ba gahlanne ba gore ke mo a ba bitsiye, ne ba yemme mahlong ga Areka. Gwa makiwa dihlabelo+ ka dinku le dikgomu tsa go tlala lela la gore ne di sa kgonege go di balela.

6 Ke mokane maprista ma leya areka ya go kwanisanya ya Jehova mo ne di nyaka yi dula gona,+ kamareng ya ka ku tengteng ga ntlo, ga Poleke ya go Hlawolega ka Matla, ba yi beya ka tlase ga mafafela ya makerubi.+

7 makerubi ke mo ma phurulliye mafafela ya wona mone gedimo ga Areka, tsa gore makerubi yawa ke mo ma wokamele Areka le dikwata tso ba yi kakolang ka tsona.+ 8 Diphate tso ba yi kakolang ka tsona+ ne di lefiye lela la gore motho ke mo a di bona mo a le ga Poleke ya go Hlawolega ya gore yi mahlong ga kamara ya ka ku tengteng, mara mo o yemme ka tawong ke mo di sa bonale. Fote di sa le gona le lekgono lowa. 9 Ka ho teng ga Areka ke mo go na le matlapa ka mabedi ya sepsyatla+ ya gore Moše o ma tšhediye+ nakwela ba le Horebe, nakwela Jehova a maka kwano+ le batho ba Israyele mo ba tšwa nageng ya Egepita.+

10 Mo maprista ma tšwa polekeng ya go hlawolega, liru+ la tlala ntlo ya Jehova.+ 11 Maprista ke mo ma sa kgone go tlogamela ma maka mmereko wa wona ka taba la liru lone, ka gore go gadima ga Jehova ke mo go tlele hone ntlong ya Jehova.+ 12 Ka nako yonone Solomoni a re: “Jehova o yitseri o nyoko dula ga liru la gore le tlemme.+ 13 Ke go yagele ntlo ya malenghelengheng, ntlo ya gore o nyoko dula ga yona go ya go yye.”+

14 Ke mokane kgoši ya jika ya rufa mogoba ka mokana ga wona wa Israyele wo kene wo yemme.+ 15 Ya re: “Nkare go ka thanakiwa Jehova Modimo wa Israyele, wa gore o tshepisiye Dafita papaka ka molomo wage fote ka letsogo lage o makiye tso a di tshepisiyeng mo a re, 16 ‘Go tlugisela ka nakwela ke ntsha batho baka ba Israyele Egepita, a ke ya kgeta mutši ga maloko ka mokana ga wona ya Israyele gore wo n’yagele ntlo gore lebitso laka le hlompiwe,+ mara ke kgetiye Dafita gore a yete batho baka ba Israyele mahlong.’ 17 Papaka Dafita ke mo a nabela go yagela Jehova Modimo wa Israyele ntlo ya gore yi nyoko maka gore lebitso lage le hlawolege.+ 18 Mara Jehova o butsiye papaka Dafita gore, ‘Ke mo o di nyakiye ka matla go yaga ntlo ya lebitso laka, fote o makiye gabutši mo o nabela go mmakela tsotsone. 19 Mara ntlo yone yi ka sa yage ke wene, morwayi wago wa gore ba nyoko go belegela yene, ke yene a nyoko yagelang lebitso laka ntlo.’+ 20 Jehova o makiye tso a di tshepisiyeng, ka taba la gore ke nna kgoši ka nthago ga papaka Dafita, fote ke duli ga setulo sa go lawola sa Israyele go ya ka mokgo Jehova a tshepisiyeng. Fote ke yagiye le ntlo ya lebitso la Jehova Modimo wa Israyele.+ 21 Fote ke makiye poleke ya gore ke thogo beya Areka ya gore yi na le matlapa ya kwano+ yo Jehova a yi makiyeng le bokokwane ba rune nakwela a ba ntsha nageng ya Egepita.”

22 Ke mokane Solomoni a yema mahlong ga aletare ya Jehova ya gore ke mo yi le mahlong ga mogoba ka mokana ga wona wa Israyele, a yemisela matsogo yage magedimong,+ 23 ke mokane a re: “Wene Jehova Modimo wa Israyele, a go na Modimo wa go tshwana nago+ gedimo magedimong kela fase lefaseng, wa gore o maka tso a di tshepisiyeng+ ga molawo wage wa go kwanisanya wa gore o šupetsa malata yage ya gore ma mmerekela ka dipelo tsa wona ka moka+ gore o ma nyaka ka matla. 24 Wene o makiye tso o di tshepisiyeng papaka Dafita wa gore ke lelata lago. O mo tshepisiye ka molomo wago, fote lekgono tso o di tshepisiyeng+ o di makiye ka letsogo lago. 25 Mara gana byalo wene Jehova Modimo wa Israyele, maka so o se tshepisiyeng Dafita papaka wa gore ke lelata lago nakwela o re: ‘Ga setulo sa go lawola sa Israyele go nyoko dula go na le motho wa go tšwa ga leloko lago, mo barwayi bago ba ka theetsela ka go dula ba tshepega mo gaka go tshwana le ka mokgo wene o yyeng wa tshepega ka gona.’+ 26 Byalo, gana byalo wene Modimo wa Israyele, barena šupetsa gore dilo tso o tshepisiyeng gore o nyoko di makela Dafita papaka wa gore ke lelata lago ke nnete.

27 “Mara nje Modimo a ka dula mo lefaseng?+ Magedimo, ke ra gore le mong magedimo ya magedimo a ma go lekane;+ byalo ntlo yo ke yi yagiyeng gee!+ 28 Jehova Modimo waka barena, theetsela thapelo ya lelata lago, fote o kwe so nna lelata lago ke se kgopelang, ntheetsele mo ke go llela gore o n’gelepe, theetsela thapelo ya lelata lago la gore le rapela le le mahlong gago lekgono. 29 Nkare maahlo yago ma ka dula ma lebelele ntlo yowa bošego le motshegare, poleke ya gore o yitseri ka yona, ‘Poleke yowa yi nyoko yemela lebitso laka,’+ gore o thogo theetsela thapelo ya lelata lago ga poleke yowa.+ 30 Le gore o thogo theetsela thapelo ya lelata lago mo le go kgopela le batho bago ba Israyele mo ba go rapela ba le ga poleke yowa, nkare o ka ba theetsela o le ku polekeng yago ya magedimong;+ eya, nkare o ka ba theetsela fote wa ba tshwarela.+

31 “Mo motho a ka sinyela wa gabo ke mokane ba maka gore a tshepise, fote a titlema go ya ka tso a di tshepisiyeng, mo a kene a sa tshepisiye ka mokgonone, a tla aletareng yago mo ntlong yowa,+ 32 nkare o ka mo theetsela o le magedimong, o make se sengwana fote o yahlule malata yago, o wolole ye wa pelo ye phifadu go ya ka tso a di makiyeng, o hlaye gore ye wa go loka aa na molato fote o mo rufe go ya ka dilo tsa gabutši tso a di makiyeng.+

33 “Mo batho bago ba Israyele ba hlula ke manaba ka taba la gore ke mo ba fo ya mahlong ba go sinyela,+ mara ba jika ba thanaka lebitso lago,+ ba rapela fote ba kgopela gore o ba kwele go baba mo ntlong yago,+ 34 nkare o ka ba theetsela o le magedimong ke mokane wa tshwarela batho bago ba Israyele ga tso ba di sinnyeng, ke mokane wa ba busetsa ga naga yo o yi neyyeng bokokwane ba bona.+

35 “Mo magedimo ma ka kwalega, pula ya sa sa na+ ka taba la gore ne ba fo ya mahlong ba go sinyela,+ ke mokane ba go rapela ga poleke yowa, ba thanaka lebitso lago, ba boya ba sokologa ga tso ba di sinnyeng ka taba la gore o yye wa ba wolola,+ 36 nkare o ka ba theetsela o le ku magedimong, wa boya wa tshwarela malata yago ya Israyele ga tso ba di sinnyeng, ka gore ke wene ye a nyoko ba tšhutisang+ dilo tsa gabutši tso ba tshwaneleng ba di make; fote o nyoko nisa pula nageng yago+ yo o yi neyyeng batho bago go le lefa.

37 “Mo go ka ba le tlala mo nageng,+ kela malwele, dimilane dya puna, dimilane dya jega,+ gwa ba le ditšiya tsa go tlala kela ditšiya tse dikgolo kela mo manaba ya bona ma ba hlasela ga mutši wo mongwana le wo mongwana ga poleke yone kela gwa makega selo se sengwana le se sengwana sa go sasamela kela gwa ba le bolwele bya go bolaya mone nageng,+ 38 motho ye mongwana le ye mongwana a rapela, motho ye mongwana le ye mongwana kela batho bago ka mokana ga bona ba Israyele ba kgopela gore ba ba kwele go baba+ (ka gore motho ye mongwana le ye mongwana o tšiba tso di mo kgahleletsang)+ mo ba yemisela matsogo ya bona ga ntlo yowa, 39 nkare wene o ka ba theetsela o le magedimong, poleke yo o dulang ga yona,+ wa ba tshwarela+ fote wa maka se sengwana; wa rufa motho ye mongwana le ye mongwana go ya ka tso a di makiyeng,+ ka taba la gore wene o tšiba sa ka pelong ya motho (ke wene o le ntoši o tšibang sa ka pelong ya motho ye mongwana le ye mongwana),+ 40 gore ba go hlompe matšatši ka moka ya mo ba sa phela ga naga yo o yi neyyeng bokokwane ba rune.

41 “Fote ga bo ba go tšwa ba sepela ba gore a ba tšwe ga batho bago ba Maisrayele, ba go tšwa dinageng tsa kgole mara ba tlile ka taba la lebitso lago+ 42 (ka gore ba nyoko kwelela ka lebitso lago la go makatsa+ le ka matšhika yago ya magolo), fote mo ba tla ba go rapela ga ntlo yowa, 43 nkare o ka ba theetsela o le magedimong, polekeng yo o dulang ga yona,+ wa maka dilo ka mokana ga tsona tso di kgopelang ke motho ye wa go tšwa a sepela gore batho ka mokana ga bona ba ho lefaseng ba tšibe lebitso lago fote ba go tšhabe,+ go tshwana le ka mokgo batho bago ba Israyele ba makang, fote nkare ba ka di tšiba gore ntlo yowa ke yi yagele lebitso lago.

44 “Mo batho bago ba ka ya ntweng gore ba ye lwa le manaba ya bona ka mokgo o ba butsiyeng,+ ke mokane ba rapela+ Jehova ba lebelele mutši wo o wo hlawodiyeng+ le ntlo yowa ya gore ke yi yagele lebitso lago,+ 45 o theetsele dithapelo tsa bona le tso ba di kgopelang gore o ba kwele go baba o le magedimong, fote o ba yahlule gabutši.

46 “Mo ba ka go sinyela (ka taba la gore a go na motho wa gore aa sinyi),+ ke mokane wene wa ba kwatela ka matla, wa ba lisetsa gore manaba ya bona ma ba hlasele ke mokane ma make gore go be mabhantiti le go ba yisa ga naga ya bona ya gore yi kgole kela yi thina;+ 47 ke mokane ba thomisa go nagana gabutši mo ba le ga naga yo ba ba yisiyeng gore go be mabhantiti,+ ba boyela gago+ ba kgopela gore o ba kwele go baba ga naga yo ba leng mabhantiti ga yona,+ ba re, ‘Re sinnye fote re makiye dilo tsa go sa loka,’+ 48 ke mokane ba boyela gago ka dipelo tsa bona ka moka,+ le ka maphelo* ya bona ka moka ba kene ba le ga naga ya gore manaba ya bona ma ba makiye mabhantiti ga yona, fote ba go rapela ba lebelele naga yo o yi neyyeng bokokwane ba bona, le mutši wa gore o wo hlawodiye le ntlo yo ke yi yageleng lebitso lago,+ 49 ba theetsele o le magedimong mo o dulang gona,+ o ba theetsele mo ba go rapela le mo ba kgopela gore o ba kwele go baba, fote o ba yahlule gabutši, 50 o boye o tshwarele batho bago ga tso ba di sinnyeng, o ba tshwarele ga dilo ka mokana ga tsona tso ba go sinyeleng tsona. O nyoko maka gore manaba ya bona ma ba kwele go baba, fote ba nyoko ba kwela go baba+ 51 (ka taba la gore ke lefa lago,+ fote ke batho bago ba gore o ba ntshiye Egepita+ ga gore ba hlupegiye ka matla tsa nkare kela ne ba le ka teng ga mollo wa go tolosa tshipi).+ 52 Nkare maahlo yago ma ka bulega gore o thogo bona mo lelata lago le kgopela gore o le kwele go baba,+ fote nkare o ka theetsela batho bago ba Israyele mo ba go rapela le mo ba kgopela gore o ba kwele go baba nako ye nngwana le ye nngwana.+ 53 Ka taba la gore o ba hlawodiye ga batho ba lefase ka mokana ga lona+ gore go be lefa lago, go fo tshwana le ka mokgo o berekisiyeng lelata lago Moše nakwela o ntsha bokokwane ba rune Egepita, wene Jehova Morena wa Malenghelengheng.”

54 Mo Solomoni a fetsa go rapela Jehova le go kgopela gore a mo kwele go baba, a tlogamela mahlong ga aletare ya Jehova, gana mone ke mo a kgotamme a yemisele matsogo yage ku magedimong.+ 55 Ke mokane Solomoni a tlogamela ke mokane a rufa phutego ka mokana ga yona ya Israyele ka go yahlamela, a re: 56 “Go thanakiwe Jehova, wa gore o neyye batho bage ba Israyele poleke ya go beba go ya ka mokgo a tshepisiyeng.+ A go na le lentsu ka lloši la gore a le ya makega ga ya a ma tshepisiyeng a berekisa lelata lage Moše.+ 57 Nkare Jehova Modimo wa rune a ka ba le rune go fo tshwana le mo a yye a ba le bokokwane ba rune.+ A sa re lahle kela go re jikela.+ 58 Nkare a ka maka gore re mo nyake ka matla,+ fote a make gore re sepele ka ditsela tsage, re theetsele tso a re botsang tsona, melawo yage le go theetsela mo a re yahlula go ya ka mokgo a butsiyeng bokokwane ba rune gore ba di make. 59 Fote nkare Jehova Modimo wa rune a ka dula a gopola dilo tso ke di kgopeleng Jehova gore a nkwele go baba ga tsona motshegare le bošego, gore a thogo yahlulela nna lelata lage le batho bage ba Maisrayele letšatši le lengwana le lengwana mo go nyakega, 60 gore batho ba lefaseng ka mokana ga lona ba di tšibe gore Jehova ke Modimo wa mannete.+ A go na ye mongwana!+ 61 Byalo, berekelaneng Jehova Modimo wa lune ka dipelo tsa lune ka moka,+ ka go dula le theetsela melawo yage le tso a le botsang tsona go tlugisela lekgono.”

62 Byalo, kgoši le Maisrayele ka mokana ga wona ba makiye sehlabelo se segolo mahlong ga Jehova.+ 63 Solomoni o makele Jehova dihlabelo tsa go hlekediwa:+ O di makiye a berekisa 22 000 ya dikgomu le 120 000 ya dinku. Byalo, kgoši le Maisrayele ka mokana ga wona ba maka monyanya wa gore ba fetsiye go yaga ntlo ya Jehova.+ 64 Ka letšatši lone, kgoši ke mo di nyaka yi yedise hala segare ga lapa la gore le mahlong ga ntlo ya Jehova, ka gore gana hone ke mo yi tshwanele yi make dihlabelo tsa go tšhubiwa, dihlabelo tsa mabele le dihlabelo tsa go hlekediwa tsa go makiwa ka makgura ya diphoolwane, ka taba la gore aletare+ ya go makiwa ka koporo ya gore yi mahlong ga Jehova ne yi ka sa kgone go tshwara dihlabelo tsa go tšhubiwa, dihlabelo tsa mabele le dihlabelo tsa go hlekediwa tsa go makiwa ka makgura+ ya diphoolwane. 65 Ka nako yonone, Solomoni a maka monyanya+ le Maisrayele ya gore ke mo ma gahlanne ma tšwa Lebho-hamathe le Moyeding wa Egepita.+ Ba makela Jehova Modimo wa rune monyanya wa gore wo fetsiye kašupa ya matšatši ba boya ba tokegela ka ya mangwana kašupa ya wona, ka mokana ga wona ke mo go le 14 ya wona. 66 Ka letšatši la go latela,* a re batho ba palakane ke mokane ba thomisa go thanaka kgoši, ba boyela mitšing ya bona ba jabodiye fote le dipelo tsa bona di yitseri tswee ka taba la mo Jehova a tshwere Dafita lelata lage le batho bage ba Israyele gabutši.+

9 Mo Solomoni a fetsa go yaga ntlo ya Jehova, ntlo ya kgoši+ le dilo ka mokana ga tsona tso ne a nyaka go di maka,+ 2 Jehova a nyarela ga Solomoni la mabedi, go fo tshwana le mo a yye a nyarela gage ku Ghibhiyoni.+ 3 Jehova a re gage: “Ke go kwile mo o rapela fote ke go kwile mo o kgopela gore ke go kwele go baba o le mahlong gaka. Ke makiye gore poleke yo o n’yageleng yona yi hlawolege ka go maka gore lebitso laka le dule le le mo ga yona go ya go yye,+ fote maahlo yaka le pelo yaka di ko fo dula di le ga yona.+ 4 Byalo, mo o ka sepela tseleng yo papago Dafita a sipidiyeng ka yona,+ wa tshepega ka pelo yago ka mokana ga yona+ fote wa maka dilo tsa go loka+ ka go maka se sengwana le se sengwana so ke se hlayang,+ le go theetsela melawo yaka le ka mokgo ke yahlulang,+ 5 ke nyoko maka gore mmušo wago wo tiye fote wo lawole Israyele go ya ka mokgo ke tshepisiyeng papago Dafita ka re, ‘Ga setulo sa go lawola sa Israyele go nyoko dula go na le motho wa go tšwa ga leloko lago.’+ 6 Mara mo wene le barwayi bago le ka lisetsa go theetsela melawo yaka le tso ke le botsang tsona ke mokane la ya la rapela medimo ya dithombhe la boya la yi kgotamela,+ 7 ke nyoko raka Maisrayele ga naga yo ke ba neyyeng yona,+ fote ke nyoko ba raka ga ntlo yo ke yi hlawodiyeng ka taba la lebitso laka,+ fote Israyele ba nyoko dula ba yi poyila, batho ka mokana ga bona ba nyoko yi kwera.+ 8 Fote mutši wowa wo nyoko šala wo le dindhundhuma tsa dithila.+ Ye mongwana le ye mongwana ye a fetang ka pata o nyoko wo lebelela a makele fote o nyoko teya moludi ke mokane a re, ‘Ke ntaba Jehova a makiye mutši wowa le ntlo yowa ka mokgo?’+ 9 Ke mokane ba nyoko re, ‘Nka taba la gore ba jikele Modimo wa bona Jehova, wa gore o ntshiye bokokwane ba bona nageng ya Egepita, ba thanaka medimo ye mengwana ka go yi kgotamela le go yi berekela. Nka taba lo Jehova a ba leyeleng dilo tso tsa go baba ka mokana ga tsona.’”+

10 Mo Solomoni a fetsa go yaga dintlo ka dipedi, ntlo ya Jehova le ntlo ya kgoši ka 20 ya mengwaga,+ 11 Hirama+ kgoši ya Tira o neyye Solomoni dikwata tsa mohlare wa mosidara le wa mojunipha* fote o mo neyye gholdi ya go tlala yo ke mo a yi nyaka,+ byalo ka nthago, Kgoši Solomoni o neyye Hirama 20 ya mitši ya nageng ya Galeliya. 12 Byalo Hirama a tloga Tira gore a ye bona mitši yo Solomoni a mo neyyeng yona, mara mo a segela a bona yi sa mo jabodisi.* 13 Hirama a re: “Ye wweru, ke mitši ya mošaga mang yo o nneyyeng yona?” Ke mokane ba re mitši yone ke Khabhuli* go segela le lekgono lowa. 14 Hirama yene o romele kgoši 120 ya ditalente* tsa gholdi.+

15 Yowa ke pego ya go bolabola ka batho bo Kgoši Solomoni a ba bitsiyeng gore ba tle ba mmerekele,+ ba yage ntlo ya Jehova,+ ntlo ya yene mong, Mmoto,*+ lepharo la Jerusalema, la Hazore,+ la Meghido+ le la Ghezere.+ 16 (Faro wa gore ke kgoši ya Egepita a fetsa ka mutši wa Ghezere, a re ba wo tšhube ka mollo ke mokane a bolaya Makanana+ ya gore ke mo ma dula ga mutši wone. A wo neya morwediya wage+ mo a šadha, wa gore ke mosadi wa Solomoni.) 17 Solomoni o yagiye mutši wa Ghezere ka bonyuwane, wa Bhethe-horone,+ 18 wa Bhaalathe+ le wa Thamara wa gore wo mašahleng ya gana hone nageng, 19 le mitši ya gore ne a beya dilo ga yona, le mitši yo a beyang dikotšikara ga yona,+ le mitši yo ne go dula banna ba go kalama dipera le selo se sengwana le se sengwana so Solomoni ne a nabela gore se yagiwe Jerusalema, Lebhanoni le ga naga ka mokana ga yona yo ne a lawola ga yona. 20 Mara batho ka mokana ga bona ba gore ba šele ba Maamore, Mahethe, Maperezi, Mahivi le Majebuse+ ba gore ke mo go se Maisrayele,+ 21 batlogolo ba bona ba gore ne ba šele ga poleke yowa⁠—ba gore Maisrayele ne ba sa fetsa ka bona⁠—Solomoni a ba gapeletsa gore ba bereke go le mabhantiti go segela le lekgono lo.+ 22 Mara Solomoni aa maka le Leisrayele ka lloši gore go be lebhantiti+ ka taba la gore bona ne go le masole, malata, ba go lawola, dindhuna tsa masole le ba go lawola bowa ba go kalama dipera le dikotšikara. 23 Ke mo go na le 550 ya dindhuna tsa gore ne di wokamela mmereko wa Solomoni, ke mo ba wokamela batho bo ne ba bereka.+

24 Mara morwediya wa Faro+ a tloga Mutšing wa Dafita+ a ya ga ntlo yo Solomoni a mo yageleng yona; ke mokane Solomoni a yaga Mmoto.*+

25 Solomoni ne a maka dihlabelo tsa go tšhubiwa le tsa go hlekediwa aletareng yo a yi yageleng Jehova+ gararo ka mongwaga,+ fote ne a tupisa muši wa dihlabelo aletareng ya gore ne yi le mahlong ga Jehova, byalo nka mokgo Solomoni a fetsiyeng go yaga tempele.+

26 Fote Kgoši Solomoni o makiye dikepe tsa go tlala ku Eziyoni-ghebhere+ ya gore ne yi le Elothe, lerophong la Lewatle le Lekhubedu nageng ya Edomo.+ 27 Hirama o romele malata yage ma kalamme dikepe tsa go tlala+ le banna ba gore ke mo ba tšiba ka tso tsa lewatleng gore ba berekisane le dibereki tsa Solomoni. 28 Ba yye Ofiri+ ba segela ba tseya 420 ya ditalente tsa gholdi, ba di leya ga Kgoši Solomoni.

10 Byalo, kgoši ya mosadi ya Šebha ya kwelela tso Solomoni a di makiyeng le gore o tumme ka taba la lebitso la Jehova,+ ke mokane ya tla ya mmutsisa diputsiso tsa go thathafa.+ 2 Yi tlile Jerusalema le dibereki tsa yona tsa go tlala ka matla,+ le dikamela di na le makgura ya bhalesamo,+ le gholdi ya go tlala le matlapa ya go tura. Ya ya ga Solomoni, ya bolabola naye ka dilo ka mokana ga tsona tso ne yi nyaka go di tšiba. 3 Ke mokane Solomoni a fetola diputsiso tsage ka mokana ga tsona. A go na le ka yyoši ya gore yi mo šitiye go yi hlatolla.

4 Mo kgoši ya mosadi ya Šebha yi šele yi bonne ka mokgo Solomoni a hlalefiyeng ka gona,+ ntlo yo a yi yagiyeng,+ 5 tsa go ja tsage tsa tafoleng+ ya mo a jelang gona, ka mokgo malata yage ma dulang ka gona tafoleng yone, ka mokgo bo ba leyang tsa go ja ba makang dilo ka gona, ka mokgo ba yaparang, le bo ba go mo tšhelela tsa go nwa, le dihlabelo tsa go tšhubiwa tso a di makang thina le thina ntlong ya Jehova, dilo tsowa ka mokana ga tsona dya mo šiya a makele ka matla. 6 Ke mokane kgoši ya mosadi ya re ga kgoši: “Dilo tso ke di kwileng nageng yaka ka tso o di segeleleng le gore o hlalefiye ne go le nnete. 7 Mara ka mokana ga tsona tso ba mputsiyeng tsona a ke ya di tshepa go segela ke tla ke di bona ka maahlo yaka. Ye lune! Tso ba mputsiyeng tsona ke tse dinyana. Ka mokgo o hlalefiyeng ka gona le dilo tso o nang natso, di di teya kgole dilo tso ke di kweleleng. 8 Go jabola batho bago le malata yago ya gore ma dula ma le nago ma theetsele tso o di bolabolang tsa go šupetsa gore o hlalefiye!+ 9 Nkare go ka thanakiwa Jehova Modimo wago,+ wa gore o mo jabodisiye ke mokane a go beya setulong sa go lawola sa Israyele. Ka taba la gore Jehova o ma nyaka ka matla ga Maisrayele, o beyye wene gore o be kgoši gore o thogo yahlula gabutši le gore o lawole gabutši.”

10 Ke mokane kgoši yowa ya mosadi ya neya kgoši 120 ya ditalente* tsa gholdi le makgura ya go tlala ya bhalesamo+ le matlapa ya go tura.+ A go na kgoši yo yi yyeng ya tlisa makgura ya go tlala ya bhalesamo go tshwana le ya gore kgoši ya mosadi ya Šebha yi ma neyye Kgoši Solomoni.

11 Dikepe tsa Hirama tsa go tlala tsa gore ke mo di rwele gholdi ya go tšwa Ofiri,+ ke mo di rwele le dikwata tsa go tlala tsa mohlare wa aleghamo+ le matlapa ya go tura.+ 12 Kgoši yi tsere dikwata tsa aleghamo ya maka tsa go thega ntlo ya Jehova le tsa go thega ntlo ya yona beng, yi makiye le diharepa le sa go kgana dikoša sa go ba le motato yi makela bo ba go yepelela.+ A baa tsoga ba leyye mohlobo wowa wa dikwata tsa aleghamo fote, kela go di bona go segela le lekgono.

13 Kgoši Solomoni le yene o neyye kgoši ya mosadi ya Šebha se sengwana le se sengwana so yi se nabelang le so yi se kgopeleng, a tlatsisa ga tso a mo neyyeng tsona a sa tšhofe ke motho. Mo a fetsa a boyela nageng yage le malata yage.+

14 Fote gholdi yo Solomoni a yi krayyeng ka mongwaga ka wwoši ne yi kala 666 ya ditalente tsa gholdi,+ 15 mo re sa bale tso di tšwang ga bo ba go tšwa ba sepela, bo ba dibhizinisi, magoši ka mokana ga wona ya go tšwa Arabhiya le dindhuna tsa mone nageng.

16 Kgoši Solomoni o makiye 200 ya magawu ya magolo ya gore ba ma makiye ka gholdi le tshipi ye nngwana+ (o berekisiye gana hala ga kašupa ya dikhiloghremo* tsa gholdi ga legawu le lengwana le le lengwana)+ 17 fote o makiye 300 ya magawu ya manyana ya gore ba ma makiye ka gholdi le tshipi ye nngwana (o berekisiye gana hala ga dikhiloghremo* ka dipedi tsa gholdi ga legawu le lengwana le le lengwana le lenyana). Ke mokane kgoši ya di beya ntlong ya yona yo ba reng ke Mašahla ya Lebhanoni.+

18 Fote kgoši ya maka setulo sa go lawola ka manaka ya tlowu+ kela ya diphoolwane tse dingwana ke mokane ya se kgakgapa ka gholdi ya gore ke mong yona.+ 19 Ne go na le kobodi ya ditepisi tsa go ya mone setulong, fote gedimo ga setulo sowa sa go lawola ke mo ba rulele ka selo sa kgokolo, fote setulo sone ne se na le ga go beya matsogo ka ho le ka ho, fote ka ho thoko ga tso tsa go beya matsogo ke mo go na le dithombhe tsa ditawu ka dipedi ka ho le ka ho.+ 20 Ke mo go na le 12 ya ditawu di fodiye layini mone ga kobodi ya ditepisi, ga setipisi se sengwana le se sengwana ke mo go na le ditawu ka dipedi ka ho le ka ho. A go na mmušo wa gore wo yye wa maka selo sa go tshwana le sowa.

21 Dilo ka mokana ga tsona tso Kgoši Solomoni ne a nwela ga tsona ne di makiwwe ka gholdi, le dilo tse dingwana ka moka tsa Ntlo ya Mašahla ya Lebhanoni+ ne di makiwwe ka gholdi ya gore ke mong yona. Ke mo go se na selo sa go makiwa ka silva, ka taba la gore silva ke mo ba sa yi tseyele gedimo ka dinako tsa Solomoni.+ 22 Kgoši ne yi na le dikepe tsa go tlala tsa Tharašiši+ fote ke mo di le lewatleng le dikepe tsa go tlala tsa Hirama. Dikepe tsa go tlala tsa Tharašiši ne di tla ga teya ka nthago ga kararo ya mengwaga, di tla di rwele gholdi, silva, manaka ya ditlowu+ kela ya diphoolwane tse dingwana, ditšhwena le diphikoko.

23 Byalo, Kgoši Solomoni ne a ghannye+ fote a hlalefiye+ go phala magoši ya lefaseng ka mokana ga lona. 24 Batho ba lefaseng ka mokana ga lona ne ba nyaka go tla ba tl’le bona Solomoni gore ba thogo kwa mantsu yage ya go šupetsa gore o hlalefisiye ke Modimo.+ 25 Mongwaga wo mongwana le wo mongwana, ye mongwana le ye mongwana ne a tla a tshwere se sengwana gore a tle a se neye kgoši⁠—ne ba tla le dilo tsa silva, dilo tsa gholdi, dikobo, dikobo tsa ntwa, makgura ya bhalesamo, dipera le dimeyila.

26 Fote Solomoni o yye mahlong a hlekeletsa dikotšikara le dipera, ne a na le 1 400 ya dikotšikara le 12 000 ya dipera,+ ne a di beya ga mitši yo ne a beya dikotšikara fote a di beya thina le mo a dulang gona Jerusalema.+

27 Kgoši yi makiye gore ku Jerusalema go be le silva ya go tlala go tshwana le matlapa, fote a maka le gore dikwata tsa mohlare wa mosidara di tlale go tshwana le mehlare ya mago ya hlaga ya ku Šefela.+

28 Dipera tsa Solomoni ke mo ba di tlisa di tšwa Egepita, bo ne a ba roma gore ba mo rekele tsona ke mo ba di reka di tlele ka tšheleta yo ba kwanneng ka yona.*+ 29 Sekotšikara ka ssoši so ne ba se leya se tšwa Egepita ke mo ba se reka ka 600 ya dišekele tsa silva, ke mokane pera ka yyoši ke mo ba yi reka ka 150 ya dišekele tsa silva; dilo tsowa ka mokana ga tsona ke mo ba di romela ga magoši ka mokana ga wona ya Mahethe+ le magoši ya Siriya.

11 Kgoši Solomoni ne a kwana le basadi ba go tlala ba dinageng tse dingwana,+ re sa bale morwediya wa Faro,+ ne a kwana le: basadi ba Mamowaba,+ Maamoni,+ Maedomo, Masidoni+ le Mahethe.+ 2 Ne ba tšwa ga ditšhaba tsa gore Jehova o butsiye Maisrayele ka tsona gore: “Le sa šadhe nabo, le bona ba sa šadhe le lune ka taba la gore ba nyoko maka gore le rapele medimo ya bona.”+ Mara Solomoni o mamarelanne nabo fote a kwana nabo ka matla. 3 Fote ke mo a na le 700 ya basadi ba go tšwa bogošing le 300 ya batlabo. Ka gonyana ka gonyana basadi bage ba mo ntshiye pateng. 4 Mo Solomoni a tsofele,+ basadi bage ba makiye gore a keketlele a feleletse a rapela medimo ye mengwana,+ sosone se makiye gore a sa tshwane le papage Dafita, ka gore Solomoni o lisetsiye go nyaka Jehova Modimo wage ka pelo yage ka mokana ga yona. 5 Byalo Solomoni a rapela modimonyana wa mosadi wa setšhaba sa Masidoni ye ba reng ke Ašitorethe,+ le Milikomo+ modimo wa go silikisa wa setšhaba sa Maamoni. 6 Solomoni o makiye dilo tsa go befa mahlong ga Jehova fote aa theetsela Jehova ka pelo yage ka moka go tshwana le ka mokgo papage Dafita ne a maka ka gona.+

7 Nka nako yonone ga gore Solomoni o yagiye poleke ya kgakala+ a yagela modimo wa go silikisa wa Mamowaba ye ba reng ke Khemoši fote a yagela le modimo wa go silikisa wa Maamoni+ ye ba reng ke Mmoleke+ ga thaba ya gore yi mahlong ga Jerusalema. 8 Tsotsone ke tso a di makeleng basadi bage ba go tšwa ba sepela, ba gore ne ba tupisa muši ba maka dihlabelo fote ba makela medimo ya bona dihlabelo.

9 Jehova o kwatele Solomoni ka matla ka taba la gore Solomoni o keketlele kgole le Jehova Modimo wa Israyele+ wa gore ne a nyarele gage gabedi+ 10 ke mokane a mo pasopisa ka taba yowa yage a re a sa rapele medimo ye mengwana.+ Mara Solomoni aa theetsela tso Jehova a mmutsiyeng tsona. 11 Byalo Jehova a re ga Solomoni: “Ka gore o makiye dilo tsowa, a wa tshepega ga kwano yo re yi makiyeng fote a wa theetsela melawo yo ke go butsiyeng yona, ke nyoko go tseyela mmušo ke mokane ka wo neya ye mongwana wa malata yago.+ 12 Mara ka taba la papago Dafita nka sa go yamoge mmušo wowa mo o sa phela mara ke nyoko yamoga morwayi wago.+ 13 Nka sa nape ke tseya mmušo ka mokana ga wona,+ leloko ka lloši ke nyoko le neya morwayi wago+ ka taba la lelata laka Dafita le ka taba la Jerusalema yo ke yi hlawodiyeng.+

14 Ke mokane Jehova a leyela Solomoni lenaba,+ lebitso lage ke mo go le Hadadi wa Leedomo wa go tšwa bogošing ga leloko la Edomo.+ 15 Mo Dafita a hludiye Edomo,+ Jowabho ndhuna ya masole a yinuga a ye boloka bo ba bolayyeng ke Dafita fote Jowabho o liketsiye go bolaya monna ye mongwana le ye mongwana wa Edomo. 16 (Ka gore Jowabho le Maisrayele ka mokana ga wona ba fetsiye kobodi ya dikgwedi ba dula gana hone go segela a bolaya monna ye mongwana le ye mongwana wa ku Edomo.) 17 Mara Hadadi a tšhabela Egepita le dibereki tse dingwana tsa papage tsa Maedomo, ka nako yonone Hadadi ke mo go sa le sešomanyana. 18 Byalo ba tloga Midiyane ba tla Parane, ba tlugiye le banna ba ku Parane+ ba tla le bona Egepita ga kgoši Faro wa Egepita fote kgoši Faro a mo neya ntlo, a mo neya tsa go ja fote a mo neya le naga. 19 Faro ke mo a kwana le Hadadi ka matla a šinya a mo neya monyanana wa mosadi wage, lebitso la mosadi wa Faro ke mo go le Thaphenisi wa gore ke kgoši ya mosadi. 20 Mo nako yi kene yi ya, monyanana wa Thaphenisi a belegela Hadadi ngwana wa mošomanyana ye ba reng ke Ghenubhathi, Thaphenisi a mo gudisela ntlong ya Faro ke mokane Ghenubhathi a dula ntlong ya Faro le barwayi bage.

21 Hadadi o di kwelele a le Egepita gore Dafita ba mmolokiye le bokokwane bage+ le gore Jowabho ndhuna ya masole o kgwile,+ ke mokane Hadadi a re ga Faro yema ke sepele ke boyele nageng yaka. 22 Mara Faro a re gage: “Ke go konne ying tsa gore o šinye o nyake go boyela nageng yago?” Ke mokane yene a re gage: “A wa nkona selo mara ntisetse barena ke sepele.”

23 Fote Modimo o leyele Solomoni lenaba le lengwana+ lo ba reng ke Rezone morwayi wa Eliyada wa gore o tšhabelele morena wage Hadadezere+ kgoši ya Zobha. 24 Mo Dafita a šele a hludiye banna ba Zobha, Rezone a tikgobeketsela banna ke mokane gwa ba yene ndhuna ya masole.+ Byalo ba ya Damasekhase+ ba dula gona ke mokane a thomisa go lawola gana ku Damasekhase. 25 Fote a ba lenaba la Israyele mo Solomoni a sa phela, a yeketsa ga tso Hadadi a di makiyeng fote ke mo a hloyye Israyele mo a lawola Siriya.

26 Fote ne go na le Jerobhowamo+ morwayi wa Nebhathe wa gore ne go le Leeforayimi la go tšwa Zereda, go le sebereki sa Solomoni,+ lebitso la mmane wage ne go le Zeruwa wa gore ne a hlokofalele ke monna, Jerobhowamo le yene a jikela kgoši.+ 27 Tsowa ke tso di makiyeng gore Jerobhowamo a jikele kgoši: Solomoni o yagiye Mmoto+ ke mokane a yeketsa lepharo la mutši wa papage Dafita.+ 28 Byalo Jerobhowamo ke mo a tšiba mmereko, mo Solomoni a di bona gore mosogana yewa wa karakara, a maka gore a wokamele+ dibereki ka mokana ga tsona tsa go bereka ntlong ya Josefa. 29 Ka dinako tsotsone Jerobhowamo a tšwa Jerusalema ke mokane ho tseleng a gahlana le Ahija+ wa gore ke moporofeta wa go tšwa Šilo, Ahija ne a yapere kobo ya nyuwane fote ke mo ba fo ba ka babedi gana mone. 30 Ahija a tseya kobo yo a yi yapereng ya nyuwane a yi tlerolanya gwa šala go le 12 ya ditlopo. 31 Ke mokane a re ga Jerobhowamo:

“Wene tseya lesome la ditlopo ka taba la gore Jehova Modimo wa Israyele o re: ‘Ke nna yewa ke yamoga Solomoni bogoši ke mokane wene ke nyoko go neya lesome la maloko.+ 32 Mara leloko ka lloši go nyoko ba lage+ ka taba la lelata laka Dafita+ le ka taba la Jerusalema ka gore ke mutši wa gore ke wo hlawodiye ga maloko ka mokana ga wona ya Israyele.+ 33 Ke nyoko maka ka mokgonone ka gore ba njikele+ fote ba kgotamela Ašitorethe wa gore ke modimo wa mosadi wa Masidoni, Khemoši wa gore ke modimo wa Mamowaba, Milikomo wa gore ke modimo wa Maamoni fote a baa maka tso ke ba butsiyeng tsona le go maka tsa go loka mahlong gaka le go latelela melawo yaka, le ditšhiko tsaka go ya ka mokgo papage Dafita ne a maka ka gona. 34 Mara nka sa mo yamoge mmušo ka mokana ga wona, ke nyoko maka gore a yete mahlong lephelo lage ka mokana ga lona ka taba la Dafita wa gore ke lelata laka wa gore ke mo hlawodiye+ ka gore yene o theetsele tso ke mmutsiyeng tsona le melawo yaka. 35 Mara ke nyoko tseya bogoši ga morwayi wage ke mokane ka bo neya wene, bya gore ke lesome la maloko.+ 36 Morwayi wage ke nyoko mo neya leloko ka lloši gore setlogolwane sa lelata laka Dafita se dule se lawola Jerusalema*+ ya gore ke mutši wo ke wo kgetiyeng gore lebitso laka le be gona. 37 Ke nyoko go kgeta ke mokane wa lawola mo o nabelang go lawola gona, o nyoko ba kgoši ya Israyele ka mokana ga yona. 38 Fote mo o ka theetsela dilo ka mokana ga tsona tso ke go botsang, wa di maka wa boya wa maka dilo tsa go loka mahlong gaka ka go latelela melawo yaka le tso ke go botsang tsona go fo tshwana le ka mokgo lelata laka Dafita le makiyeng+ ka gona, ke nyoko ba nago ke nyoko maka gore ditlogolwane tsago di lawole nako ya go lefa go fo tshwana le ditlogolwane tsa Dafita+ fote ke nyoko maka gore o lawole Israyele. 39 Fote ke nyoko poyila ditlogolwane tsa Dafita ka taba yowa+ mara tsotsone nka sa di make go ya go yye.’”+

40 Byalo Solomoni o liketsiye go bolaya Jerobhowamo, mara Jerobhowamo a tšhabela Egepita ga kgoši Šišake+ wa Egepita+ ke mokane a dula gana ku go segela Solomoni a kgwa.

41 Byalo dilo ka mokana ga tsona tso di makegeleng Solomoni, dilo ka mokana ga tsona tso a di makiyeng le tsa go šupetsa gore o hlalefiye, ayitsano a dya ngwadiwa ga puku ya tso di makegeleng Solomoni?+ 42 Byalo Solomoni o fetsiye 40 ya mengwaga a lawola Israyele ka mokana ga yona ku Jerusalema. 43 Ke mokane Solomoni ba mmoloka le bokokwane bage Mutšing wa Dafita papage ke mokane morwayi wage Rehobhowamo+ a ba kgoši sekgaleng sage.

12 Rehobhowamo o yye Šikeme ka gore Israyele ka mokana ga yona yi yye Šikeme+ gore yi thogo maka gore go be kgoši.+ 2 Mo Jerobhowamo morwayi wa Nebhathe a di kwelela (ka nako ya gona ke mo a tšhabele Egepita ka taba la gore ke mo a tšhaba kgoši Solomoni fote ne a dula gana hone Egepita),+ 3 Ba roma batho gore ba ye ba mmitse ka nthago ga hone Jerobhowamo le batho ba Israyele ka mokana ga bona ba tla ga Rehobhowamo ba re gage: 4 “Papago ne a re thathafisela dilo+ mara mo wene o ka tšhentšha ka mokgo papago ne a maka dilo fote wa maka gore lejoko lo a re rwesiyeng lona le sa robe, re nyoko go berekela.”

5 Mo ba reyane, a re ga bona: “Sepelaneng mara le boyeneng ho gaka ka nthago ga kararo ya matšatši.” Byalo batho ba sepela.+ 6 Ke mokane kgoši Rehobhowamo a butsisa banna ba bagolo ba gore ne ba berekela papage Solomoni nakwela a sa phela, a re: “Lune le nagana gore batho bowa nka ba fetola byang?” 7 Bona ba re gage: “Mo o ka ba lelata la bona lekgono wa maka tso ba go kgopelang tsona fote wa ba fetola gabutši, ba nyoko ba malata yago go ya go yye.”

8 Mara aa theetsela ka mokgo banna ba bagolo ba mo yeletsiyeng ka gona, o butsisiye masogana ya a gudiyeng nawo ya gore ke mo go le malata yage.+ 9 A ba butsisa a re: “Lune le bona nkare re ka ba fetola byang batho bowa ba gore ba re, ‘Maka gore lejoko lo papago a re rwesiyeng lona le sa robe?” 10 Masogana ya a gudiyeng nawo ma mo fetola ma re: “Batho bowa ba gore ba re: ‘Papago o re thathafisele dilo mara wene maka gore lejoko la rune le sa robe; ba botse gore, ‘Nna ke nyoko le thathafisela lephelo go phala papa.* 11 Papa o le thathafisele dilo mara nna ke nyoko maka tsa go phala tsone. Papa ke mo a le wolola ka sebepu mara nna ke nyoko le wolola ka sebepu sa go ba le dilo tsa go hlaba.’”

12 Jerobhowamo le batho ka mokana ga bona ba yye ga Rehobhowamo ka letšatši la kararo, ba makiye ka mokgo kgoši yi hlayyeng mo yi re: “Le boye ka letšatši la kararo.”+ 13 Mara kgoši yi ba kgwasolannye mo yi ba fetola, ya sa theetsele tso banna ba bagolo ba yi yeletsiyeng ka tsona. 14 Yi ba fetodiye ka mantsu ya yi ma butsiyeng ke masogana yala, ya re: “Papa o le thathafisele dilo mara nna ke nyoko maka tsa go phala tsone. Papa ke mo a le wolola ka sebepu mara nna ke nyoko le wolola ka sebepu sa go ba le dilo tsa go hlaba.” 15 Byalo kgoši a ya theetsela batho ka taba la gore tsowa ke mo di makiye ke Jehova+ gore go makege tso Jehova a di bolabodiyeng a berekisa Ahija+ wa go tšwa Šilo a botsa Jerobhowamo morwayi wa Nebhathe.

16 Mo Maisrayele ka mokana ga wona ma bona gore kgoši yi gana go ma theetsela ma re gage: “A go na so se re gahlanisang le Dafita. A re na lefa ga morwayi wa Jese. Boyela ga medimo yago wene Israyele. Byalo lune ditlogolwane tsa Dafita tipasopeneng!” Mo ma reyane, Maisrayele ma boyela mitšing ya wona.+ 17 Mara Rehobhowamo o yye mahlong a lawola Maisrayele ya gore ke mo ma dula mitšing ya Juda.+

18 Byalo kgoši Rehobhowamo a romela Adoramo+ wa gore ke mo a lawola batho ba gore ba ba gapeletsiye go bereka, mara batho ba Israyele ka mokana ga bona ba bolaya Adoramo ka matlapa. Kgoši Rehobhowamo yene o kgonne go kalama sekotšikara sage a tšhabela Jerusalema.+ 19 Fote Maisrayele ma jikele+ ba mutši wa Dafita go segela le lekgono lowa.

20 Mo Israyele ka mokana ga yona yi di kwelela gore Jerobhowamo o buyye, ba mmitsa gore a tle mo ba gahlanneng gona ke mokane ba maka gore a be kgoši ya Israyele ka mokana ga yona.+ Leloko la Juda ke lona le ntoši lo le thegiyeng ba mutši wa Dafita.+

21 Mo Rehobhowamo a segela Jerusalema, a napa a gahlanisa ba mutši wa Juda ka mokana ga bona le ba leloko la Bhenjamini, mo ba felele ke mo go le 180 000 ya masole ya gore ba ma hlawodiye gore ma lwe le ba mutši wa Israyele gore Rehobhowamo morwayi wa Solomoni go be kgoši fote.+ 22 Ke mokane lentsu la Modimo wa mannete la tlela Šemaya+ wa gore ne go le lelata la Modimo wa mannete, la re: 23 “Botsa Rehobhowamo morwayi wa Solomoni wa gore ke kgoši ya Juda le ba mutši wa Juda ka mokana ga wona le wa Bhenjamini le batho ka mokana ga bona gore, 24 ‘Tsowa ke tso Jehova a di hlayang: “Le sa yi le ye lwa le bobhuti ba lune ba Israyele. Ye mongwana le ye mongwana a boyele gaye gage ka taba la gore ke lisetsiye dilo tsowa ka mokana ga tsona gore di makege.”’”+ Ba theetsela lentsu la Jehova ke mokane ba boyela mitšing ya bona ka mokgo Jehova a ba butsiyeng ka gona.

25 Jerobhowamo a maka gore mutši wa Šikeme+ wa gore wo ga dipoleke tsa dithabeng tsa Eforayimi wo pasopege ke mokane a dula gona. Mo a tloga mone a ya a maka gore mutši wa Penuwele wo pasopege.+ 26 Jerobhowamo o hlayye ka pelong yage gore: “Gana byalo mmušo wo nyoko boyela mutšing wa Dafita.+ 27 Mo batho bowa ba ka fo ya mahlong ba maka dihlabelo ntlong ya Jehova ku Jerusalema+ ba nyoko kwana ka matla le morena wa bona kgoši Rehobhowamo wa Juda, ba nyoko mpolaya ke mokane ba boyela ga kgoši Rehobhowamo wa Juda.” 28 Mo kgoši yi fetsiye go butsisa, ya maka dinamane ka dipedi tsa gholdi+ ke mokane ya re ga bona: “Jerusalema ke kgole. Lune Israyele, ke yewa Modimo wa lune wa gore o le ntshiye nageng ya Egepita.+ 29 Ke mokane a beya se sengwana Bhethele,+ se sengwana a se beya Dani.+ 30 Tsotsone dya maka gore ba sinye,+ fote batho ke mo ba rwalagana ba ya le ga senamane so ne se le ku Dani ba ye se rapeleng.

31 Fote o makiye dintlo tsa go rapela ga tsona ga dipoleke tsa kgakala a beya maprista ya gore a ma tšwe ga setšhaba sa Mallifi.+ 32 Jerobhowamo a maka monyanya ka kgwedi ya mabala ka letšatši la bo 15 la kgwedi yone go tshwana le monyanya wa Majuda.+ Dinamane tsela a di makiyeng, a di makela dihlabelo ga aletare yo a yi makiyeng Bhethele,+ fote a boya a beya maprista ga dipoleke tsa kgakala tso ne a di makiye gana hone Bhethele. 33 Fote a thomisa go maka dihlabelo hone aletareng ya gore o yi makiye ka letšatši la bo 15 la kgwedi ya mabala, kgwedi yo a yi kgetiyeng yene beng fote a maka monyanya a makela batho ba Israyele, a yinuga a ya aletareng a ya a tšhuba dihlabelo a maka gore di tupe muši.

13 Jehova o makiye gore lelata la Modimo+ le tle Bhethele le tšwa Juda mo Jerobhowamo a sa yemme aletareng+ a nyoko tupisa muši wa dihlabelo. 2 Ke mokane a yahlamela a hlaya tso Jehova a mmutsiyeng tsona a le aletareng, a re: “Wene aletare! Tsowa ke tso di hlayyeng ke Jehova: ‘Bona! Mutšing wa Dafita go nyoko ba le ngwana ye ba reng ke Josiya!+ O nyoko maka dihlabelo ka maprista ya dipoleke tsa kgakala, maprista ya gore ma maka dihlabelo mo gago, fote o nyoko tšhubelela mašapo ya batho mo gago.’”+ 3 Ka letšatši lolone o makiye mošupetso, a re: “Bona, tsowa ke tso Jehova a hlayyeng gore di nyoko makega: Aletare yi nyoko pharoga ke mokane luta la yona le nyoko falala.”

4 Mo kgoši yi kwa tso lelata la Modimo wa mannete le di hlayyeng, ka tso di nyoko makegang aletareng ya Bhethele, Jerobhowamo a wolola letsogo lage a le aletareng ke mokane a re: “Mo tshwareneng!”+ Mo a fetsa go hlaya tsotsone, letsogo lo ne a mo šupetsiye ka lona la kokotana, la šitega go boyela sekeng.+ 5 Ke mokane aletare ya pharoga, luta la falala go ya ka tso Jehova a di butsiyeng lelata la Modimo wa mannete.

6 Byalo kgoši ya re ga lelata la Modimo wa mannete: “Barena, kgopela Jehova Modimo wago gore a nkwele go baba, o nrapedise gore letsogo laka le boyele sekeng.”+ Ke mokane lelata la Modimo wa mannete la kgopela Jehova gore a kwele kgoši go baba, ke mokane letsogo la yona la boyela sekeng. 7 Ke mokane kgoši ya re ga lelata la Modimo wa mannete: “Koriye le nna gaye gaka re ye ja tsa go ja, fote ke nyoko go neya se sengwana.” 8 Mara lelata la Modimo wa mannete la re ga kgoši: “Le mo o ka nneya sekopa sa ntlo yago, nka sa yi nago ke ye ja sekgwa kela ke nwa meetši ga poleke yone. 9 Ka taba la gore tsowa ke tso ke di butsiyeng ke Jehova, a re: ‘O sa ji sekgwa kela wa nwa meetši, fote o sa boye ka pata yo o tlileng ka yona.’” 10 Byalo, o yye a boyela ka pata ye nngwana, aa berekisa yo a tlileng ka yona mo a tla Bhethele.

11 Ku Bhethele ne go na le moporofeta ye mongwana wa gore o tsofele, fote barwayi bage ba tlile gaye ba tla ba mmotsa dilo ka mokana ga tsona tso lelata la Modimo wa mannete le di makiyeng ka tšatši lolone gana hone Bhethele, le mantsu ka mokana ga wona ya le ma butsiyeng kgoši. Mo ba fetsa go botsa papa wa bona dilo tsone ka mokana ga tsona, 12 ke mokane papa wa bona a ba butsisa gore: “O sologiye ka pata yifeng?” Ke mokane barwayi bage ba mo šupetsa tsela yo lelata la Modimo wa mannete la go tšwa Juda le sologiyeng ka yona. 13 Ke mokane a re ga barwayi bage: “N’leyeleneng bhongholo yaka.” Ba yi leya ke mokane a yi kalama.

14 O latelele lelata la Modimo wa mannete, a le kraya le duli ka tlase ga mohlare wo mogolo. Ke mokane a re ga lona: “Ayitsano ke wene lelata la Modimo wa mannete la go tšwa Juda?”+ Ke mokane la mo fetola la re: “Eya ke nna.” 15 A re ga lona: “Koriye le nna gaye, o ye ja sekgwa.” 16 Mara a re: “Nka sa jiki nago kela go dumela mo o mmema, le mong go ja nago sekgwa kela go nwa nago meetši mone ga poleke yone. 17 Ka taba la gore tsowa ke tso ke di butsiyeng ke Jehova, o yitseri, ‘Mo o segela ku o sa ji sekgwa kela wa nwa meetši. Fote o sa boye ka pata yo o tlileng ka yona.’” 18 Yene a re gage: “Le nna ke moporofeta go fo tshwana nago, fote lengeloyi le mputsiye tsowa tsa gore di tšwa ga Jehova, ‘Mo late a tle ntlong yago gore a thogo ja sekgwa le go nwa meetši.’” (O mo tshokannye.) 19 Byalo, a boyela naye gore a ye ja sekgwa le go nwa meetši gaye gage.

20 Mo ba kene ba duli tafoleng ba ja, lentsu la Jehova la tlela moporofeta yewa wa mokgalabye, 21 ke mokane a botsa lelata la Modimo wa mannete la go tšwa Juda, a re ga lona, “Tsowa ke tso Jehova a di hlayang: ‘Ka taba la gore a wa theetsela molawo wa Jehova fote a wa maka tso Jehova Modimo wago a go butsiyeng tsona, 22 wene o boyele nthago gore o ye ja sekgwa le go nwa meetši ga poleke ya gore ke go butsiye gore, “O sa ji sekgwa kela go nwa meetši,” ka taba la tsotsone, setopo sago se ka sa bolokiwi lebitleng la bokokwane wago.’”+

23 Mo lelata la Modimo wa mannete le fetsa go ja sekgwa le go nwa meetši, mokgalabye yela wa moporofeta a tla le bhongholo ke mokane a kalamisa moporofeta ye ne a tlile naye. 24 Ke mokane a sepela, mara mo tseleng a gahlana le tawu ya mmolaya.+ Setopo sage ne se le mone tseleng, bhongholo ne yi yemme ka nthoko ga sona; le tawu yela ne yi le ka nthoko ga sona. 25 Ke mo go na le batho ba go feta ka tsela ba gore ba bonne setopo sone sage le tawu yela yi yemme ka nthoko ga sona. Ke mokane ba yye ga dimitšane tsa gore mokgalabye yela wa moporofeta o dula gona, ba segela ba hlayisa tso ba di bonneng.

26 Byalo, mo moporofeta yela wa gore o mo jikisiye pateng a di kwelela, a napa a re: “Lowa ke lelata la Modimo wa mannete la gore a le ya theetsela tso Jehova a le butsiyeng tsona;+ byalo Jehova a maka gore tawu yi le hlasele fote yi le bolaye, go ya ka mokgo lentsu la Jehova le mmutsiyeng ka gona.”+ 27 Ke mokane a re ga barwayi bage: “N’leyeleneng bhongholo yaka.” Ba yi leya. 28 Ke mokane a sepela a kraya setopo sa moporofeta yela se le pateng, bhongholo le tawu di yemme nthoko ga sona. Tawu yela a ya ja setopo sela fote ga bhongholo yela ne yi sa yi hlasela. 29 Moporofeta yela a kakola setopo sa lelata la Modimo wa mannete, a boya naso mutšing wo a dulang ga wona gore a se llele le go se boloka. 30 Ke mokane a se boloka lebitleng lage, fote batho ba mo llela ba re: “Awwi barena bhuti, Awwi!” 31 Mo ba fetsa go mmoloka a re ga barwayi bage: “Mo ke hlokofala, le mpolokeneng mo go bolokiwweng lelata la Modimo wa mannete. Le beyeneng mašapo yaka thina le mašapo yage.+ 32 Mantsu ya gore Jehova o ma hlayye ka aletare ya Bhethele, le ka dintlo tsa dipolekeng tsa kgakala+ tso di leng mitšing ya Samariya ma nyoko makega ka mokgo a hlayyeng.”+

33 Ka nthago ga gore go makege dilo tsowa, Jerobhowamo aa lisetsa go maka dilo tsa go befa mara o hlawodiye maprista mo bathong gore ma bereke ga dipoleke tsa kgakala.+ Ke mo a fo beya motho ye mongwana le ye mongwana ye ne a nabela go ba moprista, a re: “Mmeyeneng go be ye mongwana wa maprista ga dipoleke tsa kgakala.”+ 34 Dilo tsowa tsa go befa tso Jerobhowamo+ a di makiyeng, o bolayisiye le ba mutši wage ka gore go fediye ka bona ka moka.+

14 Ka nako yonone, Abhija morwayi wa Jerobhowamo a thomisa go lwala. 2 Byalo Jerobhowamo a re ga mosadi wage: “Barena tlogamela, o make gore ba sa di tšibi gore ke wene mosadi waka, o ye Šilo. Gana ku o ko kraya Ahija wa gore ke moporofeta. Ke yene ye a bolabodiyeng gore ke nyoko ba kgoši ya batho bowa.+ 3 Tseya lesome la malofo ya dikgwa, mohlobo wo mongwana wa dikgwa tsa sepyatla le lepotlela la mamapo, o ye gage. Ke mokane yene o nyoko go botsa dilo tso di nyoko makegelang morwayi wa rune.”

4 Mosadi wa Jerobhowamo o makiye tso a mmutsiyeng tsona. A tlogamela ke mokane a ya Šilo,+ a segela ntlong ya Ahija. Ka taba la gore Ahija ke mo a tsofele, ne a sa sa kgona go bona.

5 Mara Jehova ne a butsiye Ahija gore: “Mosadi wa Jerobhowamo o nyoko tla, o nyaka go tšiba ka morwayi wage wa gore wa lwala. Ke nyoko go botsa gore o mmotse gore king. Mo a tla, a ka sa hlaye gore ke yene mang.”

6 Mo Ahija a kwa gore mosadi wa Jerobhowamo wa kena, a re gage: “Kena wene mosadi wa Jerobhowamo. Ke ntaba o wutetsa gore ke wene mang? Ba nromme gore ke go botse molayetsa wa go sasamela. 7 Ariye o botse Jerobhowamo tso Jehova Modimo wa Israyele a mputsiyeng tsona, ‘O mputsiye gore: “Ke hlawodiye wene gare ga batho bago, ka maka gore o yete batho baka ba Israyele mahlong.+ 8 Ke mokane ka tseyela ba mutši wa Dafita bogoši ka bo neya wene.+ Mara wene a o tshwane le lelata laka Dafita, wa gore ne a theetsela melawo yaka, a mperekela ka pelo yage ka moka, fote a maka dilo tsa gore di lukiye mahlong gaka.+ 9 Mara wene o makiye tsa go befa go feta bo ba phidiyeng ku nthago, fote o timakele modimo wago, wa boya wa nkwatisa ka go maka dithombhe tsa tshipi,+ ke setšha o jikele nna ka mokgonone.+ 10 Ka taba la tso o di makiyeng, ke nyoko tlisa dilo tsa go sasamela mutšing wa Jerobhowamo, fote ke nyoko fetsa ka monna ye mongwana le ye mongwana* wa mutši wa Jerobhowamo, gana hone go kena le ba go sa kgone go tipasopa le ba go tihlupegela ba Israyele, ke nyoko suwelanya ka mokana ga bona ba mutši wa Jerobhowamo+ go fo tshwana le mo motho a suwela boraga go segela bo sa sa le šiyo! 11 Ye mongwana le ye mongwana wa mutši wa Jerobhowamo ye a kgwang a le mutšing, o nyoko ja ke dimpsya; ye a kgwang a le ku mašahleng, o nyoko ja ke dinonyane tsa magedimong, tsowa ke tso Jehova a mputsiyeng tsona.”’

12 “Byalo, tlogamela o ye gaye gago. Morwayi wago o nyoko kgwa mo o segela ku mutšing. 13 Maisrayele ka mokana ga wona ma nyoko mo llela ma boya ma mmoloka, ka gore ke yene a ntoši ga mutši wa Jerobhowamo wa gore o nyoko bolokiwa lebitleng, fote ke yene ga mutši wa Jerobhowamo wa gore Jehova Modimo wa Israyele o mmonne a lukiye. 14 Jehova o nyoko hlawola kgoši mo Israyele ya gore yi nyoko fetsa ka mutši wa Jerobhowamo+ mo letšatši lone le segela, fote letšatši lone le segele. 15 Jehova o nyoko wolola Maisrayele ma šala ma tshwana le lehlakanoka mo le ya ku le ku ka teng ga meetši, fote o nyoko yamoga Maisrayele naga yowa ya gabutši ya gore o yi neyye bokokwane ba bona,+ o nyoko maka gore ba palakane ka mosekola wa Nooka ya Eforate,+ ka taba la gore ba timakele diphate tsa bona tsa go hlawolega,*+ tsotsone di kwatisiye Jehova. 16 Fote Modimo o nyoko lahla Maisrayele ka taba la dilo tsa go befa tso Jerobhowamo a di sinnyeng le tso a makiyeng Maisrayele gore ma di make.”+

17 Mo a reyane, mosadi wa Jerobhowamo a tlogamela a sepela ke mokane a segela Tiriza. Mo a segela ntlong, morwayi wa bona a hlokofala. 18 Byalo, ba mmoloka ke mokane Israyele ka mokana ga yona ya mo llela go ya ka mokgo Jehova a hlayyeng a berekisa lelata lage Ahija wa gore ke moporofeta.

19 Byalo dilo ka mokana ga tsona tso di makegeleng Jerobhowamo, ka mokgo a lwileng dintwa ka gona+ le ka mokgo ne a lawola ka gona, di ngwadiwwe ga puku ya tso di makegiyeng ka dinako tsa magoši ya Israyele. 20 Jerobhowamo o fetsiye 22 ya mengwaga a lawola, ke mokane a hlokofala, a bolokiwa le bokokwane bage;+ morwayi wage ye ba reng ke Nadabhe a ba kgoši sekgaleng sage.+

21 Mara Rehobhowamo morwayi wa Solomoni ke mo go le kgoši ya Juda. Rehobhowamo ke mo a na le 41 ya mengwaga mo a ba kgoši, fote o fetsiye 17 ya mengwaga a lawola ku Jerusalema, ya gore ke mutši wa gore Jehova o wo hlawodiye+ ga maloko ka mokana ga wona ya Israyele gore lebitso lage le be gana hone.+ Lebitso la mmane wa Rehobhowamo ke mo go le Nayama wa Leamoni.+ 22 Batho ba Juda ke mo ba maka dilo tsa go befa mahlong ga Jehova,+ fote tso ba di makiyeng di mo kwatisiye go phala tso di makiyeng ke bokokwane ba bona.+ 23 Le bona ke mo ba timakela dipoleke tsa kgakala, dikholomo tsa go hlawolega le diphate tsa go hlawolega*+ ga mmoto wo mongwana le wo mongwana+ wa gore wo gedimo ka matla le ka fase ga mohlare wo mongwana le wo mongwana wo mo tala.+ 24 Ke mo go na le banna ba go rekisa mmele tempeleng ga poleke yone.+ Ne ba maka dilo ka mokana ga tsona tsa go silikisa tso ne di maka ke ditšhaba tsa gore Jehova o di rakiye mo Maisrayele ma segela.

25 Ka mongwaga wa kapheta wa mo go lawola Kgoši Rehobhowamo, Kgoši Šišake+ wa Egepita a tla a hlasela Jerusalema.+ 26 O tsere dilo tsa mayemo ya gedimo tsa ntlong ya Jehova le tsa ntlong ya kgoši.+ O tsere dilo ka mokana ga tsona, a tseya le magawu ya gholdi ka mokana ga wona ya gore ne ma makiye ke Solomoni.+ 27 Byalo, Kgoši Rehobhowamo a maka magawu ya koporo sekgaleng sa yala, a ma neya dindhuna tsa bomatšinghelane ba gore ke mo ba pasopa monyako wa ntlo ya kgoši. 28 Ka moka nako mo kgoši yi tla ntlong ya Jehova, bomatšinghelane bowa ke mo ba ya naye ba tshwere magawu yawa ke mokane mo ba fetsa ne ba ma busetsa mo ma dulang.

29 Byalo dilo ka mokana ga tsona tso di makegeleng Rehobhowamo le dilo ka mokana ga tsona tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Juda?+ 30 Rehobhowamo le Jerobhowamo+ ke mo ba dula ba lwa. 31 Ke mokane Kgoši Rehobhowamo a bolokiwa le bokokwane bage Mutšing wa Dafita.+ Lebitso la mmane wage ke mo go le Nayama wa Leamoni.+ Morwayi wage Abhijamo+ a ba kgoši sekgaleng sage.

15 Ka mongwaga wa bo 18 wa mo go lawola Kgoši Jerobhowamo+ morwayi wa Nebhathe, Abhijamo gwa ba kgoši ya Juda.+ 2 O fetsiye kararo ya mengwaga a lawola Jerusalema. Lebitso la mmane wage ne go le Mayakha+ motlogolo wa Abhišalomo. 3 O f’lo ya mahlong a maka dilo tsa go befa tso papage a di makiyeng ku nthago, aa maka tso di makiyeng ke kokwane wage Dafida tsa go berekela Jehova Modimo wage ka pelo yage ka mokana ga yona. 4 Mara ka taba la Dafita,+ Jehova Modimo wage a hlawola morwayi wa Abhijamo gore go be kgoši le gore Jerusalema+ yi dule yi le gona. 5 Dafita o makiye dilo tsa gabutši mahlong ga Jehova, o theetsele selo se sengwana le se sengwana so a mmutsiyeng sona lephelo lage ka mokana ga lona, o f’lo sinya ga taba yela ya Uriya wa Lehethe.+ 6 Rehobhowamo o lwile le Jerobhowamo lephelo lage ka mokana ga lona.+

7 Byalo dilo ka mokana ga tsona tso di makegeleng Abhijamo le dilo ka mokana ga tsona tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Juda?+ Abhijamo le Jerobhowamo+ ke mo ba fo dulela go lwa. 8 Ke mokane Abhijamo ba mmoloka le bokokwane bage, fote ba mmolokele Mutšing wa Dafita; ke mokane morwayi wage Asa+ a ba kgoši sekgaleng sage.+

9 Ka mongwaga wa bo 20 wa mo go lawola Kgoši Jerobhowamo wa Israyele, Asa a ba kgoši ya Juda. 10 O fetsiye 41 ya mengwaga a lawola Jerusalema. Lebitso la kokwane wage ke mo go le Mayakha+ motlogolo wa Abhišalomo. 11 Asa o makiye dilo tsa go loka mahlong ga Jehova+ go fo tshwana le kokwane wage Dafita. 12 O rakiye banna ba go rekisa mmele tempeleng mone mutšing,+ a tlosa medimo ya dithombhe ka mokana ga yona ya go silikisa* ya gore ke mo yi makiye ke bokokwane bage.+ 13 A tlosa le kokwane wage Mayakha+ ga setulo sa go lawola,* ka taba la gore o makiye sethombhe sa go silikisa sa gore ne a se berekisa mo a rapela phate ya go hlawolega.* Byalo, Asa a pshyayanya sethombhe sone sa gore ne a se makiye+ ke mokane a se tšhuba Moyeding wa Kidirone.+ 14 Mara dipoleke tsa kgakala a di ya tlusiwa.+ Le mo go le ka mokgonone, Asa o fetsiye lephelo lage ka mokana ga lona a berekela Jehova ka pelo yage ka mokana ga yona. 15 Fote a leya dilo tsa gore yene le papage ba di makiye gore di hlawolege ntlong ya Jehova⁠—tsa go tshwana le silva, gholdi le dilo tse dingwana tso ne ba di berekisa tsa mehlobohlobo.+

16 Asa le Bhaaša+ wa gore ke mo go le kgoši ya Israyele ne ba dulela go lwa. 17 Byalo, Kgoši Bhaaša wa Israyele o yye a lwa le Juda ke mokane a tiyisa naga ya Rama+ gore go sa be le motho ye a tšwang kela ye a kenang nageng ya Kgoši Asa wa Juda.+ 18 Ke mokane Asa a tseya silva le gholdi ka mokana ga yona yo ne yi šele ntlong ya Jehova le ntlong ya kgoši, a di neya malata yage. Kgoši Asa a di romela ga Bhene-hadadi Kgoši ya Siriya+ wa gore ke mo a dula Damasekhase, wa gore ne go le morwayi wa Thabhrimoni morwayi wa Heziyoni, a re gage: 19 “Go na le kwano gare gaka le wene le gare ga papaka le papago. Ke go romela silva le gholdi. Byalo, tlang o make gore kwano yago le Kgoši Bhaaša wa Israyele yi sa sa bereka, gore a lisetse go nhlasela.” 20 Bhene-hadadi a theetsela Kgoši Asa ke mokane a romela dindhuna tsage tsa masole gore di ye lwa le mitši ya Israyele, dya hlasela mutši wa Ijoni,+ Dani,+ Abele-bhethe-mayakha, Khinerethe ka mokana ga yona, le dipoleke ka mokana ga tsona tsa Nafthali. 21 Mo Bhaaša a di kwelela, a napa a lisetsa go yaga mutši wa Rama ke mokane a ya mahlong a dula Tiriza.+ 22 Kgoši Asa a bitsa Majuda ka mokana ga wona⁠—gwa sa šale motho⁠—ma rwala matlapa le dikwata tso ne di le Rama tso Bhaaša ne a yaga ka tsona, ke mokane Kgoši Asa a tiyisa mutši wa Ghebha+ ka tsona wa gore ne wo le hala Bhenjamini le mutši wa Mizipa.+

23 Byalo dilo ka mokana ga tsona tso di makegeleng Asa, tso a di segeleleng, dilo ka mokana ga tsona tso a di makiyeng le mitši yo a yi yagiyeng, ayitsano a dya ngwadiwa ga puku ya tso di makegiyeng ka dinako tsa magoši ya Juda? Mara mo a šele a tsofele, a kena ke bolwele bya mawoto.+ 24 Ke mokane Asa ba mmoloka le bokokwane bage Mutšing wa Dafita kokwane wage; fote morwayi wage Jehošafate+ gwa ba kgoši sekgaleng sage.

25 Morwayi wa Jerobhowamo ye ba reng ke Nadabhe,+ a ba kgoši ya Israyele ka mongwaga wa mabedi wa mo Kgoši Asa a lawola Juda, fote o fetsiye mengwaga ka mmedi a lawola Israyele. 26 Ke mo a tseyele ga papage, a fo dulela go maka tsa go befa mahlong ga Jehova,+ a sinya go tshwana naye ka mokgonola a makiyeng gore Maisrayele ma feleletse ma sinya.+ 27 Bhaaša morwayi wa Ahija wa ntlo ya Isakhara a mo polanela, ke mokane Bhaaša a mmolaya hala Ghibhethone+ ya gore ke ya Mafilisita, ka nako yonone Nadabhe le Maisrayele ka mokana ga wona ke mo ba dukulugele mutši wa Ghibhethone. 28 Ke mokane Bhaaša a bolaya Nadabhe ka mongwaga wa kararo wa mo go lawola Kgoši Asa wa Juda ke mokane a ba kgoši sekgaleng sage. 29 Mo go šele go le kgoši, a bolaya ba mutši wa Jerobhowamo ka mokana ga bona. Aa šiya le motho ka wwoši ga leloko la Jerobhowamo; a fetsa ka bona ka mokgo Jehova a hlayyeng ka gona a berekisa lelata lage Ahija wa gore ke mo a tšwa Šilo.+ 30 Tsowa di makegiye ka taba la tso Jerobhowamo a di sinnyeng, fote o makiye gore Maisrayele ma sinye, le ka taba la gore o kwatisiye Jehova Modimo wa Israyele ka matla. 31 Byalo dilo ka mokana ga tsona tso di makegeleng Nadabhe le dilo ka mokana ga tsona tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 32 Asa le Bhaaša kgoši ya Israyele ke mo ba fo dulela go lwa.+

33 Ka mongwaga wa kararo wa mo go lawola Asa kgoši ya Juda, Bhaaša morwayi wa Ahija a ba kgoši ku Tiriza, a lawola Maisrayele ka mokana ga wona fote o fetsiye 24 ya mengwaga a lawola.+ 34 Ke mo a tseyele ga Jerobhowamo, a fo dulela go maka tsa go befa mahlong ga Jehova,+ a sinya go tshwana naye ka mokgonola a makiyeng gore Maisrayele ma feleletse ma sinya.+

16 Jehova o hlayye tsa go baba tso ne di nyoko makegela Bhaaša a berekisa Jehu+ morwayi wa Hanani,+ a re: 2 “Ke go tsere o se selo ka maka gore o yete batho baka ba Israyele mahlong,+ mara wene o f’lo ya mahlong o maka tsetsela di makiyeng ke Jerobhowamo, fote wa maka gore batho baka ba Israyele ba sinye, gore ba nkwatise ka tso ba di sinnyeng.+ 3 Byalo, ke nyoko fetsa ka Bhaaša le ba mutši wage, fote ke nyoko maka mutši wage gore wo tshwane le wa Jerobhowamo+ morwayi wa Nebhathe. 4 Ye mongwana le ye mongwana wa leloko la Bhaaša ye a kgwang a le mitšing o nyoko ja ke dimpsya; fote ye mongwana le ye mongwana wa leloko lage wa gore o kgwa a le ku mašahleng o nyoko ja ke dinonyane tsa magedimong.”

5 Byalo dilo ka mokana ga tsona tso di makegeleng Bhaaša, tso a di makiyeng le tso a di segeleleng, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 6 Ke mokane Bhaaša ba mmoloka le bokokwane bage mutšing wa Tiriza;+ ke mokane sekgaleng sage gwa kena morwayi wage Ela, gwa ba yene kgoši. 7 Jehova o bolabodiye tsa go baba tso ne di nyoko makegela Bhaaša le ba mutši wage a berekisa Jehu wa gore wa porofeta wa gore ke morwayi wa Hanani, ka taba la dilo ka moka tsa go sa loka tso a di makiyeng tsa gore di kwatisa Jehova, ka go maka dilo go tshwana le ba mutši wa Jerobhowamo le ka taba la go bolaya Nadabhe morwayi wa Jerobhowamo.+

8 Ka mongwaga wa bo 26 wa mo go lawola Kgoši Asa wa Juda, Ela morwayi wa Bhaaša gwa ba kgoši ya Israyele ku Tiriza, fote o fetsiye mengwaga ka mmedi a lawola. 9 Sebereki sage Zimorayi wa gore ke ndhuna ya sekopa sa masole ya go sepela ka dikotšikara, o jikele kgoši nakwela yi le Tiriza, yi kene yi nwa fote yi tlayila ku Tiriza, o yye a polanela Ela a le ntlong ya Araza wa gore ne a wokamela mutši wa Ela ku Tiriza. 10 Ka mongwaga wa bo 27 wa mo go lawola Kgoši Asa wa Juda, Zimorayi a kena ke mokane a bolaya Ela,+ ke mokane sekgaleng sage gwa ba yene kgoši. 11 Ka nthago ga gore a be kgoši, a dula setulong sage sa go lawola ke mokane a napa a fetsa ka batho ka mokana ga bona ba mutši wa Bhaaša. Aa šiya le mong monna ka wwoši,* mašaga kela banghana bage. 12 Byalo, Zimorayi a fetsa ka ba mutši wa Bhaaša ka mokana ga bona, go makegiye tso Jehova a di hlayyeng a berekisa Jehu wa gore ke moporofeta tsa gore Bhaaša o nyoko wela ke tsa go baba.+ 13 Dilo tsowa di makegiye ka taba la dilo ka mokana ga tsona tso Bhaaša le morwayi wage Ela ba di sinnyeng, le tso ba di makiyeng gore Maisrayele ma feleletse ma sinyele Jehova Modimo wa Israyele ka medimo ya bona ya dithombhe ya go sa re selo.+ 14 Byalo dilo ka mokana ga tsona tso di makegeleng Ela le dilo ka mokana ga tsona tso a di makiyeng, ayitsano a dya ngwadiwa ga puku ya tso di makegiyeng ka dinako tsa magoši ya Israyele?

15 Ka mongwaga wa bo 27 wa mo go lawola Kgoši Asa wa Juda, Zimorayi o fetsiye kašupa ya matšatši fela go le kgoši ku Tiriza nakwela masole ma kampiye ma nyoko lwa le Ghibhethone+ ya gore ke ya Mafilisita. 16 Mo nako yi kene yi ya, masole ya gore ne ma kampiye maa di kwelela tsa gore: “Zimorayi o polanele kgoši fote o yi bolayye.” Byalo, Maisrayele ka mokana ga wona ma makiye gore Omiri+ ndhuna ya masole go be kgoši ya Israyele ka letšatši lolone ku matenteng. 17 Omiri le Maisrayele ka mokana ga wona ba tloga ba yinugela Ghibhethone, ba segela ba dukulugela Tiriza. 18 Mo Zimorayi a bona gore mutši ba wo hlasela, o yye ga sewokamelo sa ntlo ya kgoši sa gore ne se pasopegiye, ke mokane a tšhuba ntlo ya kgoši a swela ka gana hone.+ 19 Dilo tsowa di makegiye ka taba la dilo ka mokana ga tsona tso a di sinnyeng, ka go maka dilo tsa gore a di ya loka mahlong ga Jehova, ka go fo ya mahlong a maka tsetsela di makiyeng ke Jerobhowamo le ka mokgo a makiyeng gore Maisrayele ma sinye.+ 20 Byalo dilo ka mokana ga tsona tso di makegeleng Zimorayi le dipolane tsage tsa go sepelana ka fase, ayitsano a dya ngwadiwa ga puku ya tso di makegiyeng ka dinako tsa magoši ya Israyele?

21 Nka nako yonone ya gore batho ba Israyele ba yahluganne gwa ba megoba ka mmedi. Mogoba ka wwoši wa thega Thibhni morwayi wa Ghinathi, wo nyaka gore go be yene kgoši ke mokane wo mongwana wa thega Omiri. 22 Mara batho bo ne ba thega Omiri ba hlula batho bo ne ba thega Thibhni morwayi wa Ghinathi. Byalo Thibhni a kgwa, ke mokane Omiri a ba kgoši.

23 Ka mongwaga wa bo 31 wa mo go lawola Kgoši Asa wa Juda, Omiri gwa ba kgoši ya Israyele, o fetsiye 12 ya mengwaga a lawola. Ku Tiriza o fetsiye kobodi ya mengwaga a lawola. 24 Omiri a reka thaba ya Samariya ga Šemere, o yi rekiye ka ditalente* ka dipedi tsa silva, a yaga mutši gedimo ga yona. A wo reya ka Šemere mong wa thaba yone, a re ke Samariya.*+ 25 Omiri o f’lo ya mahlong a maka dilo tsa go befa mahlong ga Jehova, dilo tsa go befa tso ne a di maka ne di feta tsa bo ba phidiyeng ku nthago.+ 26 O makiye tsetsela di makiyeng ke Jerobhowamo morwayi wa Nebhathe, a boya a maka gore Maisrayele ma sinyele Jehova Modimo wa Israyele ka medimo ya bona ya dithombhe ya go sa re selo.+ 27 Byalo dilo ka mokana ga tsona tso di makegeleng Omiri, tso a di makiyeng le tso a di segeleleng, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 28 Ke mokane Omiri ba mmoloka le bokokwane bage ku Samariya; ke mokane morwayi wage Ahaba+ a ba kgoši sekgaleng sage.

29 Ahaba morwayi wa Omiri a ba kgoši ya Israyele ka mongwaga wa bo 38 wa mo go lawola Kgoši Asa wa Juda, fote Ahaba morwayi wa Omiri o fetsiye 22 ya mengwaga a lawola Israyele ku Samariya.+ 30 Ahaba morwayi wa Omiri o makiye dilo tsa go befa mahlong ga Jehova go phala bo ba phidiyeng ku nthago.+ 31 O sinnye ka go maka tsetsela Jerobhowamo+ morwayi wa Nebhathe a di makiyeng, a napa a fetelela ka go tseya Jezebhele+ morwediya wa Ethibhaali wa gore ke kgoši ya Masidoni+ gore go be mosadi wage, a thomisa go rapela Bhaali+ le go mo kgotamela. 32 Go tokegela gana hone, a maka aletare a makela Bhaali+ ntlong* ya Bhaali ya gore o yi yagiye ku Samariya. 33 Fote Ahaba o makiye phate ya go hlawolega.*+ Ahaba o makiye dilo tsa gore di kwatisa Jehova Modimo wa Israyele go phala magoši ka mokana ga wona ya Israyele ya ku nthago.

34 Ka dinako tsa mo go lawola kgoši Ahaba, Hiyele wa go tšwa Bhethele a yaga mutši wa Jerikho ka bonyuwane. Mo a thoma fandhiši, morwayi wage wa letšibula ye ba reng ke Abhiramo a kgwa, ke mokane mo a tšhela dikwalo, morwayi wage wa lekotwane ye ba reng ke Seghubho a kgwa, go makegiye tso di hlayyeng ke Jehova a berekisa Jošuwa morwayi wa Nuni.+

17 Byalo, Eliya*+ wa Letišiba wa go tšwa Ghiliyade,+ o yitseri ga Ahaba: “Solanka Jehova Modimo wa Israyele ye ke mmerekelang* a sa phela, ka mengwaga yowa go ka sa sa ba le phooka kela pula mo go sa hlaya nna!”+

2 Jehova o yitseri gage: 3 “Tloga mowa, o ye bohlabela ga Moyedi wa Kherithe wa gore wo ka bohlabela bya Jorodane, o segele o wutame gona. 4 O nwe meetši ya sedibeng, fote ke nyoko romela megogorwane gore yi go neye tsa go ja gana hone.”+ 5 A napa a ya a maka tso Jehova a mmutsiyeng tsona; a dula Moyeding wa Kherithe ka bohlabela bya Jorodane. 6 Byalo megogorwane ke mo yi mo neya sekgwa le nama ka bošego le ka malobana, fote ke mo a nwa meetši ku sedibeng.+ 7 Mara ka nthago ga nako, sediba sela sa pshya+ ka taba la gore mone polekeng ne go se na pula.

8 Ke mokane Jehova a mmotsa gore: 9 “Tlogamela o ye Zarephata ya gore yi ku Sidoni, o dule gana ku. Ke mokane ke nyoko romela mosadi wa go hlokofalela ke monna gore a go neye tsa go ja.”+ 10 Byalo, a tlogamela a ya Zarephata. Mo a segela gheyiting ya mutši wone, a bona mosadi wa gore o hlokofalele ke monna a kotela mahlare. Ke mokane a mmitsa a re gage: “Barena, ke kgopela o nleyele meetši ka komitši gore ke thogo nwa.”+ 11 Mo a sa ma lata, Eliya a mmitsa a re: “Barena, ke kgopela o ntlele le sekgwa.” 12 Mo a reyane, mosadi yela a re gage: “Solanka Jehova Modimo wago a sa phela, ke ya resa a ke na sekgwa, ke fo ba le folawa ye nyananyana ka teng ga mokorotwane wo mogolo le makgura ya manyana ka teng ga lepotlela le lenyana.+ Gana byalo ke kotela mahlarenyana, ke nyoko maka tsa go ja ke makela nna le morwayi waka. Mo re fetsa go ja re nyoko kgwa.”

13 Byalo, Eliya a re: “O sa tšhabe. Ariye o make ka mokgo o hlayyeng. Mara ke kgopela o thomise ka go mmakela sekgwa se senyana sa kgokolo ka tso o nang natso, o nleyele sona. Ke mokane ka nthago o ko makela wene le morwayi wago. 14 Sowa ke so Jehova Modimo wa Israyele a se hlayang: ‘Folawa yo yi leng ga mokorotwane wo mogolo yi ka sa fele, le makgura ya ma leng ga lepotlela le lenyana ma ka sa fele go segela ka letšatši lo Jehova a makang gore pula yi ne mo fase.’”+ 15 Byalo, a maka ka mokgo Eliya a mmutsiyeng ka gona, ke mokane gwa fela nako ya go lefa yene le ba mutši wage ka moka le Eliya ba sa gayele tsa go ja.+ 16 Mokorotwane wela wo mogolo wa folawa a wa fela, le lepotlela lela le lenyana la makgura ne le sa fela, go makegiye tso Jehova a di hlayyeng a berekisa Eliya.

17 Ka nthago ga dilo tsone ka mokana ga tsona, morwayi wa mosadi yene a lwala, fote bolwele byage bo yye bya gola a feleletsa a kgwile.*+ 18 Mo go makegiye tsotsone, mosadi yela a re ga Eliya: “Ye barena, anthe ke go sinyele ying wene lelata la Modimo wa mannete? Anthe o tlele go n’gopotsa tso ke di sinnyeng le go bolaya morwayi waka?”+ 19 Mara Eliya a re gage: “Nneye morwayi wago.” Ke mokane a mo tseya matsogong yage, a mo yisa kamareng yage ya ka gedimo ya gore ke mo a dula ga yona, a segela a mmeya mpetong wage.+ 20 Eliya a rapela Jehova a re: “Barena Jehova Modimo waka,+ ayitsano o nyoko lisetsa mosadi ye wa go kgwela ke monna wa gore ke mo vakašele a hlupega? Ke ntaba o lisetsa morwayi wage a kgwa?” 21 Ke mokane Eliya a haka ngwanela gararo a rapela Jehova a re: “Jehova barena, Modimo waka, ke kgopela o make gore ngwanewa a phele fote.” 22 Jehova a theetsela Eliya,+ ke mokane ngwanela a phela fote.+ 23 Eliya a phologa le ngwanela ba tšwa ka ku kamareng ya ka kgakala, a ya naye a segela a mo neya mmane wage; ke mokane Eliya a re: “Bona, morwayi wago wa phela.”+ 24 Mo a reyane, mosadi yela a re ga Eliya: “Byalo ke ya di tšiba gore ke wene lelata la Modimo wa mannete,+ fote tso o di hlayang tsa go tšwa ga Jehova go fo ba nnete.”

18 Mo go fitiye nako, ka mongwaga wa kararo+ Jehova a re ga Eliya: “Ariye ga Ahaba, ke mokane nna ke nyoko maka gore pula yi ne.”+ 2 Byalo Eliya a ya ga Ahaba, ka nako yone tlala ke mo go le ye kgolo+ ku Samariya.

3 Ke mokane Ahaba a bitsa Obhadiya wa gore ne a wokamela mutšing wage. (Obhadiya ne a hlompa Jehova ka matla, 4 fote hala Jezebhele+ a bolaya baporofeta ba Jehova, Obhadiya yene a tseya 100 ya bona a ba wutametsa makoring, ga lekori ka lloši ne a tšhela 50 fote ne a ba neya sekgwa le meetši.) 5 Byalo Ahaba a re ga Obhadiya: “Sepela-sepela le poleke yowa o ye ga didiba ka mokana ga tsona le ga meyedi ka mokana ga yona. Nakwenngwana re ka kraya mabyang ya go lekana gore dipera le dimeyila di phele, gore diphoolwane tsa rune di sa kgwe ka mokana ga tsona.” 6 Byalo, ba pomelanne poleke yo ba nyoko sepelang ga yona. Ahaba a sepela a le ntoši ka tsela yage, Obhadiya le yene a sepela ka tsela yage.

7 Mo Obhadiya a kene a sepela, Eliya a ya a ye gahlana naye. Obhadiya o yitseri go mmona, a kgotama a yinamisa hlogo, a re: “Eliya, ke wene morenaka?”+ 8 O mo fetodiye ka gore: “Eya, ke nna. Ariye o ye botsa morena wago gore: ‘Ke šele ke segele.’” 9 Mara Obhadiya a re gage: “Ke sinnye ying sa go šinya se maka gore o re Ahaba a mpolaye nna lelata lago? 10 Solanka Jehova Modimo wago a sa phela, ke ya go tshepisa, a go na naga le mmušo wa gore morenaka aa romela batho gore ba go nyakele ga wona. Le ka nthago ga gore ba hlaye gore, ‘Aa šiyo mowa,’ morenaka o makiye gore mmušo wone le batho ba naga yone ba tshepise gore ka nnete a baa go kraya.+ 11 Byalo gana byalo o re gaka, ‘Ariye o ye botsa morena wago gore: “Ke šele ke segele.”’ 12 Mo ke tloga mowa, moya wa Jehova o nyoko go yisa+ ga poleke ya gore a ke yi tšibi, ke mokane mo nna ke segela ke botsa Ahaba ka wene ke mokane yene a sa go kraye, ke ya go botsa o nyoko fetsa ka nna. Phela nna lelata lago, ga Jehova ke mo hlompiye go tlugisela ke sa le sešomanyana. 13 Anthe morenaka aa go botsa ka tso ke di makiyeng nakwela Jezebhele a bolaya baporofeta ba Jehova, gore ke wutametsiye 100 ya baporofeta ba Jehova makoring, ga lekori ka lloši ka tšhela 50 le ga le lengwana ka tšhela 50 fote ka ya mahlong ke ba neya sekgwa le meetši?+ 14 Mara ke wene yewa o re, ‘Ariye o ye botsa morena wago gore: “Ke šele ke segele.”’ Ka nnete o nyoko mpolaya.” 15 Mara Eliya a re gage: “Solanka Jehova wa masole wa gore ke ya mmerekela a sa phela, lekgono ke nyoko ya gage.”

16 Byalo, Obhadiya a ya a ye gahlana le Ahaba a mmotsa taba yowa, ke mokane Ahaba a tloga a ye gahlana le Eliya.

17 Mo Ahaba a bona Eliya a re gage: “Ke wene motho ye, wene wa gore o re leyela mathata ya magolo mo Israyele?”

18 Mara Eliya a re gage: “Nna a ke ya tlisa mathatha ho Israyele, wene le ba mutši wa papago ke lune le ma tlisiyeng ka gore a le ya theetsela tso Jehova a le butsiyeng tsona mara la theetsela medimo ya Bhaali.+ 19 Byalo, bitsa Maisrayele ka mokana ga wona ma gahlane le nna Thabeng ya Kharamele,+ o bitse le 450 ya baporofeta ba Bhaali le 400 ya baporofeta ba kwata ya go hlawolega,*+ ba gore ba ja tafoleng ya Jezebhele.” 20 Byalo Ahaba a romela lentsu ga Maisrayele ka mokana ga wona, fote a kgobaketsa le baporofeta ku Thabeng ya Kharamele.

21 Ke mokane Eliya a bolabola le batho ka mokana ga bona a re: “Anthe le nyoko lisetsa neng taba yo ya lune ya go kamaka,+ ya go ba ka ho le ka ho? Mo nkare Jehova ke yene Modimo wa mannete, rapelaneng yene;+ mara mo nkare Bhaali ke yene Modimo wa mannete, rapelaneng yene!” Mara batho bala a baa mo fetola. 22 Byalo Eliya a re ga bona: “Ke nna moporofeta wa Jehova ye a šeleng a le ntoši,+ hala baporofeta ba Bhaali go le 450 ya bona. 23 Yemaneng batho bowa ba re neye dinamane ka dipedi tsa phoolo, ke mokane baporofeta ba kgete senamane ka ssoši ga tsona, ba se kopelele ba se beye gedimo ga mahlare, mara ba sa gotse mollo. Ke mokane nna ke nyoko lukiselela senamane sowa se sengwana, ka se beya gedimo ga mahlare mara nka sa gotse mollo. 24 Ke mokane lune le bitse lebitso la modimo wa lune,+ le nna nko bitsa lebitso la Jehova. Modimo ye a fetolang ka go tšhuba mollo, go ko ba go le yene Modimo wa mannete.”+ Byalo batho ka mokana ga bona ba fetola ba re: “Tso o di hlayang di gabutši ka matla.”

25 Ke mokane Eliya a re ga baporofeta ba Bhaali: “Thomisaneng lune le kgete senamane sa phoolo le se lukiselele, ka taba la gore lune le tlele. Ke mokane le bitseneng lebitso la modimo wa lune, mara le sa gotseneng mollo.” 26 Ke mokane ba tseya senamane sela sa phoolo ba ba neyyeng sona ba se lukiselela, fote ba ya mahlong ba bitsa lebitso la Bhaali go thomisa ka bošego go segela ka sethewo, ba re: “Bhaali barena, re fetole!” Mara aa fetola.+ Byalo, ba ya mahlong ba tshilatshila ba kene ba dukulugela aletare yo ba yi makiyeng. 27 Ka sethewo, Eliya a ba kwera a re: “Yahlamelaneng! Ke modimo akere!+ Nakwenngwana o sa yye le monagano kela o sa yye tawong.* Kela o sa yetsele, di nyaka ba mo tsosa!” 28 Ke mo ba yahlamela ka matla, ba tiseganya ka dithipa le marumo ka mokgo ba tlwayeleng ka gona, go segela ba tšwa madi mmele wo ka mokana ga wona. 29 Mo le šele le kgwalala, ke mo ba sa fo ya mahlong ba maka tsa go hlanya* gwa šinya go segela nako ya go maka dihlabelo tsa mabele, mara ke mo go se na lentsu, go se na ye a fetolang; fote go se na ye a ba theetselang.+

30 Ke mokane Eliya a ya mahlong a re ga batho ka moka: “Šutelaneng ho gaka.” Ke mokane ba šutela. Gana hone a lukisa aletare ya Jehova ya gore ne yi sinyegiye.+ 31 Ke mokane Eliya a tseya 12 ya matlapa, matlapa yane ke mo ma lekana le maloko ya barwayi ba Jakobo ya gore Jehova o yitseri ga wona: “Lebitso la lune go nyoko ba Israyele.”+ 32 Ka matlapa yane a yaga aletare+ ya go thanaka lebitso la Jehova. A maka foro ya go dukuluga aletare, ga foro yone ke mo ba ka tšhela pewu ya go lekana gana hala ga lesome la dikhiloghremo. 33 Ka nthago ga hone, a beya dikwata ka letheto, a kopelela senamane sela sa phoolo gore go be ditlopotlopo ke mokane a se beya gedimo ga mahlare yala.+ A re: “Tlatsaneng kanne ya mekorotwane ka meetši, le fetse le ma tšhele mo gedimo ga sehlabelo le mo gedimo ga mahlare.” 34 Ke mokane a re: “Tšhelaneng fote.” Ba maka ka mokgonone. A boyelela fote la boraro a re: “Tšhelaneng fote.” Ba maka ka mokgonone. 35 Meetši yane ke mo ma falala ma dukulugela aletare, fote a tlatsa diforo tsela ka meetši.

36 Mo nako ya go maka sehlabelo sa mabele yi segela ka malobana,+ Eliya wa gore ke moporofeta a šutela mahlong ga aletare a re: “Jehova barena, Modimo wa Abhrahama,+ Isaka+ le Israyele, lekgono lowa maka gore ba tšibe gore ke wene Modimo wa Israyele, nna ke lelata lago, le gore tso ke nyoko di makang gana byalo ke wene o mputsiyeng gore ke di make.+ 37 Wene Jehova mfetole barena! Mfetole gore batho bowa ba di tšibe gore ke wene Jehova Modimo wa mannete, fote o maka gore ba sokologe.”+

38 Ka nako yonone, mollo wa go tšwa ga Jehova wa segela wo tšwa gedimo, wa segela wo tšhuba sehlabelo sela,+ mahlare yala, matlapa yala le lerole ke mokane wa womisa meetši yala ya gore ke mo ma le ka ku forong.+ 39 Mo batho ka mokana ga bona ba di bona, ba napa ba kgotama ba yinama ba re: “Jehova ke Modimo wa mannete! Jehova ke Modimo wa mannete!” 40 Ke mokane Eliya a re: “Tshwaraneng baporofeta ba Bhaali! Le sa lisetsi le ka wwoši a tšhaba!” Ke mokane ba napa ba ba tshwara, Eliya a tla nabo moyeding wa Kišoni+ ke mokane a ba bolayela gona.+

41 Eliya a re ga Ahaba: “Ariye, o segele o je, o nwe ka taba la gore go kwagala modumo wa pula ye kgolo.”+ 42 Ahaba a ya gore a ye jeng le go nwa, Eliya a yinuga thaba ya Kharamele gore a ye ku gedimo ga yona ke mokane a segela a kgotama fase, sefahlego sage se tikisiye matolo yage.+ 43 Ke mokane Eliya a re ga lelata lage: “Barena ariye ku gedimo ga thaba, o segele o lebelela ku thoko ya lewatle.” Ke mokane lelata lage la ya, la segela le lebelela ke mokane la re: “A go na selo le ka gonyana.” Eliya o hlayye gašupa a re, “Boyela.” 44 Mo lelata lage le boyela fote la bošupa la re: “Bona! Go na le liru le lenyana la nkare ke letsogo la motho le tšwa ku lewatleng.” Ke mokane Eliya a re: “Ariye o botse Ahaba gore, ‘Lukisa sekotšikara! O thewoge gore pula yi sa go kraye!’” 45 Ka nako yone, legedimo ke mo le thomisa go fifala, go foka moya, le pula yi thomisa go na;+ Ahaba ne a kalamme sekotšikara sage a bakiye Jeziriyele.+ 46 Mara Jehova a neya Eliya matšhika, a tantetsa kobo yage ho masekeng ke mokane a taboga a yetiye Ahaba mahlong go segela Jeziriyele.

19 Byalo, Ahaba+ o butsiye Jezebhele+ dilo ka mokana ga tsona tso Eliya a di makiyeng le ka mokgo a bolayyeng baporofeta ka mokana ga bona ka sabola.+ 2 Mo Jezebhele a kwa tsotsone, a romela lelata ga Eliya a re: “Nkare medimo yi ka n’wolola ka matla mo go ka segela ka motshwana ke sa go maka tso o di makiyeng baporofeta bala!” 3 Mo Eliya a kwa tsotsone a tšhoga ka matla, ke mokane a tlogamela a tšhaba.+ A ya nageng ya Bhere-šeba+ ya ku Juda,+ ke mokane a šiya lelata lage gana hone. 4 A sepela letšatši ka mokana ga lona mašahleng, ke mokane a segela a dula fase ga mohlare wa tšayilane, a kgopela go kgwa. A re: “Nna ke tinnwe! Byalo, wene Jehova, mpolaye barena+ ka taba la gore a ke phale bokokwane baka le ka gonyana.”

5 Ke mokane a yetsela hala fase ga mohlare, a ya le boroko. Ke mokane gwa tla lengeloyi la segela le mo tikisa,+ la re: “Tsoga o je.”+ 6 Mo a lebelela ka ho dihlogong tsage, ke mo go na le sekgwa sa kgokolo se le gedimo ga matlapa ya go fisa, fote go na le komitši ya meetši. A ja, a nwa ke mokane a yetsela fote. 7 Ka nthagonyana, lengeloyi la Jehova la boya fote, la mo tikisa la re gage: “Tsoga o je, ka taba la gore o sa ya kgole.” 8 Byalo a tsoga, a ja, a nwa, ke mokane tsa go ja tsone dya mo neya matšhika ya go sepela 40 ya matšatši le 40 ya mašego go segela a kena Horebe, thabeng ya Modimo wa mannete.+

9 A segela a kena ka teng ga lekori gana hone,+ a fetsa bošego a le ka gana hone; ke mokane lentsu la Jehova la tla gage la re: “Ye wene Eliya, o nyaka ying mone?” 10 Mo le reyane, Eliya a re: “Ke fetsiye nako ya go lefa ke berekela Jehova Modimo wa masole+ ka go tshepega, mara batho ba Israyele a ba sa sepela ka kwano yo o yi makiyeng nabo,+ ba wisannye dialetare tsago, fote ba bolayye baporofeta bago ka sabola,+ go šele nna ke le ntoši. Byalo, gana byalo ba nyaka go mpolaya.”+ 11 Mara Modimo a re: “Ariye o segele o yeme gedimo ga thaba mahlong ga Jehova.” Jehova ke mo a feta,+ ke mokane ke mo go tšutla moya wo mogolo ka matla wo yahluganya dithaba fote wo tšharolanya le matlapa ya magolo mahlong ga Jehova,+ mara Jehova ke mo a se šiyo teng ga wona. Ka nthago ga moya wone, lefase la tekateka+ mara Jehova ke mo a se šiyo mone. 12 Ka nthago ga go tekateka ga lefase, gwa ba le mollo+ mara Jehova ke mo a se šiyo mone ga wona. Ka nthago ga mollo wone, gwa kwagala lentsu la fase.+ 13 Mo Eliya a kwa lentsu lone, a tikwala ho mahlong ka kobo yage+ ya bogoši ke mokane a tšwa, a segela a yema monyako wa lekori. Lentsu lela la mmutsisa la re: “Ye wene Eliya, o nyaka ying howa?” 14 Mo a reyane, Eliya a re: “Ke fetsiye nako ya go lefa ke berekela Jehova Modimo wa masole ka go tshepega, mara batho ba Israyele a ba sa sepela ka kwano yo o yi makiyeng nabo,+ ba wisannye dialetare tsago, fote ba bolayye baporofeta bago ka sabola, go šele nna ke le ntoši. Byalo, gana byalo ba nyaka go mpolaya.”+

15 Jehova a re gage: “Boya ke mokane o ye mašahleng ya Damasekhase. Mo o segela, o tlotse Hazayele+ gore go be kgoši ya Siriya. 16 O hlawole Jehu+ motlogolo wa Nimiši gore go be kgoši ya Israyele, fote o hlawole Eliša morwayi wa Šafate wa gore o tšwa Abele-mehola gore go be moporofeta sekgaleng sago.+ 17 Ye mongwana le ye mongwana ye a phonang sabola ya Hazayele,+ Jehu o nyoko mmolaya;+ fote ye mongwana le ye mongwana ye a phonang sabola ya Jehu, Eliša o nyoko mmolaya.+ 18 Go sa na le 7 000 ya batho bo ba šeleng mo Israyele+ ba gore a baa rapela Bhaali,+ fote a baa mo khisa.”+

19 Eliya a tloga mone, a ya a kraya Eliša morwayi wa Šafate a kene a lima ka 24 ya dikgomu tsa phoolo, ke mo ba di panne di le ka dipedi ka dipedi, yene ke mo a šele tso tsa mafelelo nthago. Ke mokane Eliya a ya ga Eliša, a segela a mo yapesa kobo yage+ ya bogoši. 20 Ke mokane Eliša a lisetsa dikgomu tsela, a lelekisa Eliya a re gage: “Barena, yema ke ye layela* mmane le papa. Ke mokane nko go šala nthago.” Eliya a re gage: “Ariye, nna a ke go rakele.” 21 Byalo, a boyela nthago a tseya dikgomu tsela ka dipedi a maka sehlabelo ka tsona, ke mokane a berekisa lejoko go yapega nama ya dikgomu tsela ke mokane a neya batho ba ja. Ka nthago ga hone, a tlogamela ke mokane a šala Eliya nthago, a thomisa go mmerekela.+

20 Byalo, Kgoši Bhene-hadadi+ wa Siriya+ a kgobaketsa masole le 32 ya magoši le dipera tsa bona le dikotšikara; a dukulugela mutši+ wa Samariya+ ke mokane a lwa nabo. 2 Ke mokane a romela batho ga Kgoši Ahaba+ wa Israyele wa gore ke mo a dula hone mutšing wa Israyele, a re gage: “Tsowa ke tso di hlayyeng ke Bhene-hadadi, o re, 3 ‘Silva yago le gholdi yago ke tsaka ka moka, le basadi bago ba go bafala le barwayi bago.’” 4 Ke mokane kgoši ya Israyele ya mo fetola ya re: “O ka lawola dilo tsaka ka mokana ga tsona, wa boya wa lawola le nna ka mokgo o hlayang wene kgoši morenaka.”+

5 Ke mokane batho bala a ba rommeng ba boya, ba segela ba re gage: “Tsowa ke tso di hlayang ke Bhene-hadadi, o re, ‘Ke go romele molayetsa ka re: “Silva yago, gholdi yago, basadi bago le barwayi bago o nyoko ba neya nna.” 6 Ka motshwana ka dinako tsotso ke nyoko romela malata yaka mone, ba nyoko tla ntlong yago le dintlong tsa malata yago, ke mokane selo se sengwana le se sengwana so o kwanang naso, ba nyoko se tseya ba sepela naso.’”

7 Mo a reyane, kgoši ya Israyele ya bitsa banna ba bagolo ka mokana ga bona ba mone mutšing, ya re: “Le di tšibeneng tsa gore morenewa o tikemisele go n’leyela dilo tsa go befa, ka taba la gore o yitseri o nyaka go tseya basadi baka, barwayi baka, silva yaka le gholdi yaka, fote le nna a ke ya gana ka tsona.” 8 Ke mokane banna ba bagolo ka mokana ga bona ba mone mutšing le batho ka mokana ga bona ba re gage: “O sa mo theetsele wene, fote o sa di make tso a di hlayang.” 9 Ke mokane a botsa batho bo Bhene-hadadi ne a ba romme a re: “Le segele le botsa kgoši morenaka le re, ‘Dilo ka moka tso o kgopeleng nna lelata lago mathomisong, ke nyoko di maka, mara tso o nkgopelang gana byalo nka sa di make.’” Ke mokane batho bala ba boyela ga Bhene-hadadi ba segela ba mmotsa ditaba tsone.

10 Byalo, Bhene-hadadi a romela molayetsa a re: “Ke nyoko sinya mutši wa Samariya, fote ka mokgo masole yaka ma tleleng ka gona go ka sa šale le lerole la go tlatsa letsogo la lesole le lengwana le lengwana, byalo nkare medimo yi ka n’wolola ya boya ya ro totometsa mo nkare a ke make tso ke di hlayang!” 11 Kgoši ya Israyele ya fetola ya re: “Mmotse gore, ‘Motho ye a yaparang dikobo tsa masole a sa titeye sekguba go tshwana le motho wa go di yapola.’”+ 12 Mo Bhene-hadadi a kwa ka mokgo ba mo fetodiyeng nakwela yene le magoši ya mangwana ba sa nwa mokgete matenteng ya bona, a re ga malata yage: “Tilukiseleleneng gore le thogo hlasela!” Ke mokane ba tilukiselela gore ba ye ba hlasele mutši wone.

13 Mara moporofeta a ya ga Ahaba+ kgoši ya Israyele a segela a re: “Tsowa ke tso Jehova a di hlayang, ‘Ayitsano o wo bonne mogoba wowa wa batho gore wo tlele byang? Lekgono ke nyoko maka gore o ba hlule, ke gona o ko go di tšiba gore ke nna Jehova.’”+ 14 Ahaba a butsisa a re: “Ba nyoko hlula ke mang?” ke mokane yene a re: “Tsowa ke tso Jehova a di hlayang, ‘Ba nyoko hlula ke malata ya dindhuna tsa naga.’” Ke mokane a butsisa gore: “Byalo ke mang a nyoko thomang ntwa yowa?” A mo fetola ka gore: “Ke wene! A go na ye mongwana.”

15 Ke mokane Ahaba a balela bo ba go gelepa dindhuna tsa naga, mo ba felele ke mo go le 232; ke mokane mo a fetsa a balela banna ba Maisrayele ka mokana ga bona, mo ba felele ke mo go le 7 000 ya bona. 16 Ba yye ka malobana mo Bhene-hadadi a sa nwa mokgete ku matenteng a na le 32 ya magoši ya ne ma mo gelepa. 17 Bala ba go gelepa dindhuna tsa naga gwa ba bona ba mathomo ba go segela, Bhene-hadadi a napa a romela batho gore ba ye boneng gore go makega ying. Mo ba boya ba mmotsa gore: “Go segele banna ba go tšwa ku Samariya.” 18 Mo ba reyane, yene a re ga bona: “Mo nkare a baa tla ka ntwa, le ba tshwareneng; le mo nkare ba tlile ka ntwa le ba tshwareneng.” 19 Mara mo bala ba go gelepa dindhuna tsa naga le masole ya ne ba sepela nawo ba tšwela ka tawong ga mutši⁠— 20 ye mongwana le ye mongwana a bolaya ye ne a lwa naye. Masiriya ma tšhaba+ ke mokane Maisrayele ma ba lelekisa, mara Kgoši Bhene-hadadi wa Siriya a tšhaba a kalamme pera le ba bangwana ba gore ke mo ba kalamme dipera tsa bona. 21 Mara kgoši ya Israyele ya ya ke mokane ya segela yi bolaya dipera tsa bona, ya sinyanya le dikotšikara tsa bona, sosone sa maka gore a hlule Masiriya.

22 Ka nthago, moporofeta+ a ya ga kgoši ya Israyele a segela a re ga yona: “Ariye o lukise masole yago fote o nagane ka tso o nyoko di makang,+ ka gore mo mongwaga wo wo tlang wo thoma, kgoši ya Siriya yi nyoko go hlasela.”+

23 Byalo, malata ya kgoši ya Siriya ma re gage: “Modimo wa bona ke Modimo wa go dula ku dithabeng. Nka taba lo ba yyeng ba kgona go re hlula. Mara mo re ka lwa nabo ga naga ya gore yi psyatlalele, re nyoko ba hlula. 24 O make le tsowa: Tlosa magoši ka mokana ga wona,+ dikgaleng tsa wona magoši yawa o beye dindhuna gore di thogo yetetsa batho ntweng. 25 Hlekeletsa masole ya go lekana le ya ne o le nawo nakwela o hludiwa ntweng, le ga dipera le dikotšikara o make ka mokgonone. Di nyaka re lwe nabo ga naga ya gore yi psyatlalele, fote ka nnete re nyoko ba hlula.” Byalo a theetsela tso ba mo yeletsiyeng ka tsona, a maka ka mokgonone.

26 Mo mongwaga wo thoma, Bhene-hadadi a hlekeletsa masole ya Siriya ke mokane a ya Apheke+ gore a thogo lwa le Israyele. 27 Batho ba Israyele le bona ke mo ba kgobakanne fote ba na le tsa go ja, ke mokane ba ya go ye gahlana nabo. Mo batho ba Israyele ba maka matente mahlong ga bona, ne nkare ke merape ka mmedi ye menyananyana ya dipudi, hala Masiriya wona ma tlatsiye poleke ka mokana ga yona.+ 28 Byalo, lelata la Modimo wa mannete la ya ga kgoši ya Israyele la re: “Tsowa ke tso Jehova a di hlayang, ‘Ka taba la gore Masiriya ma yitseri: “Jehova ke Modimo wa go dula dithabeng, a yi Modimo wa go dula ga naga ya go psyatlalala,” nna ke nyoko maka gore o hlule mogoba wowa wo mogolo,+ fote o nyoko di tšiba gore ke nna Jehova.’”+

29 Ba dula mone matenteng ba lebeletsanne kašupa ya matšatši, ke mokane ka letšatši la kašupa ntwa ya thoma. Maisrayele ma bolaya 100 000 ya masole ya Masiriya ya gore ne ma sepela ka mawoto ka letšatši ka lloši. 30 Ke mokane masole ya ne ma šele ma tšhabela mutšing wa Apheke.+ Mara lepharo la wela 27 000 ya banna bo ne ba šele. Bhene-hadadi le yene a tšhaba a tla hone mutšing, a wutama ka kamareng ya makhukhung.

31 Byalo, malata yage ma re gage: “Re di kwelele tsa gore magoši ya Israyele ma kwelana go baba. Barena, tla re yapareneng masaka mo masekeng ke mokane re tleme dithapo mo dihlogong, re ye ga kgoši ya Israyele. Nakwenngwana a ka go kwela a sa go bolaye.”+ 32 Ke mokane ba yapara masaka ho masekeng, ba tlema dithapo mo dihlogong tsa bona ke mokane ba ya ga kgoši ya Israyele, ba re: “Lelata lago Bhene-hadadi le re, ‘Barena, o sa mpolaye.’” Kgoši ya ba fetola ka gore: “O sa phela? Phela motho yene ke bhuti waka.” 33 Banna bowa ba bonne di le gabutši tso kgoši yi di hlayang, fote ba kwisisa gore wa resa ka tso a di hlayang, byalo ba re: “Bhene-hadadi ke bhuti wago.” Mo ba reyane, yene a re: “Mo lateneng.” Ke mokane Bhene-hadadi a ya ga Kgoši Ahaba, yene a mo kalamisa sekotšikara.

34 Bhene-hadadi a re gage: “Ke nyoko go neya mitši yo papaka a yi tsereng ga papago, ke mokane wene o ka maka dibhizinisi tsago ku Damasekhase ka mokgo papaka a makiyeng ka gona ku Samariya.”

Ahaba a mo fetola a re: “Ka taba la tso o di hlayyeng, ke nyoko go lisetsa o sepela.”

Ke mokane ba kwana ka mokgonone, a mo lisetsa a sepela.

35 Ye mongwana wa barwayi ba baporofeta*+ a hlaya tso di tšwang ga Jehova, a re ga ye a sepelang naye: “Nteye barena.” Mara morenewa a gana go mo teya. 36 Ke mokane a re gage: “Ka taba la gore o ganne go theetsela tso Jehova a go butsiyeng tsona, mo o tloga howa, o nyoko bolaya ke tawu.” Ka nthago ga mo a tlugiye, tawu ya mo hlasela ya mmolaya.

37 Ke mokane a kraya morene mongwana, a re gage: “Nteye barena.” Ke mokane monna yela a mo teya, a mo kwaletsa.

38 Byalo, moporofeta yene a ya a yemela kgoši ka ho thoko ga pata, a tikwala ka lebhandiši ho mahlong. 39 Mo kgoši yi feta mone pateng, a mo yahlamela a re: “Lelata lago le kenne mong ku tengteng ga ntwa, byalo ke mo go na le monna ye mongwana a tšwa mone ntweng yone wa gore o leyye monna mo gaka, a re, ‘Pasopa morenewa. Mo nka kraya a lahlegiye, wene o nyoko patela lephelo lage ka lago,+ kela o ko ntsha talente* ya silva.’ 40 Byalo, mo nna lelata lago ke sa tshwaraganne hala le hala, monna yela a nyamalala. Byalo, kgoši ya Israyele ya re gage: “Wene mong o tiyahludiye; o tšiba so se tshwaneleng go makega.” 41 Ke mokane a yakgoswa a tlosa lebhandiši lela ho mahlong, kgoši ya Israyele ya napa yi mmona gore ke ye mongwana wa baporofeta bala.+ 42 Ke mokane a re gage: “Jehova o re, ‘Ka taba la gore o lisetsiye monna ye wa gore ne a tshwanele a bolayiwe a go tšhabelela,+ lephelo lago le nyoko patela lephelo lage,+ fote go ka sa kgwe masole yage mara go nyoko kgwa yago.’”+ 43 Ke mokane kgoši ya Israyele ya ya mutšing wa yona wa Samariya,+ yi silikegiye fote yi kwatiye.

21 Ka nthago ga hone, ke mo go na le tšhomo ya didhriva ya gore ke mo go le ya Nabhothe wa Lejeziriyele; tšhomo yone ke mo yi le Jeziriyele+ thina le ntlo ya Kgoši Ahaba wa Samariya. 2 Ahaba a re ga Nabhothe: “Nneye tšhomo yago ke gaše merogo ka taba la gore yi thina le gaye gaka. Ke mokane nna nko go neya ye nngwana ya gabutši ya go gaša didhriva sekgaleng sa yona. Mara mo o nyaka, nka yi reka.” 3 Mara Nabhothe a re ga Ahaba: “A di gabutši mahlong ga Jehova gore ke go neye lefa la bokokwane baka.”+ 4 Ke mokane Ahaba a boya ntlong yage a kwatiye fote a tubiye ka taba la tso Nabhothe wa Lejeziriyele a mo fetodiyeng tsona mo a re: “Nka sa go neye lefa la bokokwane baka.” Ke mokane a yetsela mpetong a lebelele lepharong, a gana le go ja.

5 Mosadi wage Jezebhele+ a tla ke mokane a segela a re gage: “O kwatisiye king la go šinya o sa nyake le go ja?” 6 Ahaba a mo fetola a re: “Ke kwatisiye ke gore ke butsiye Nabhothe wa Lejeziriyele gore, ‘Nrekisele tšhomo yago ya didhriva. Kela mo o nyaka, nna nka go neya tšhomo yaka ya didhriva ke mokane wene o nneye yago.’ Mara yene o yitseri, ‘Nka sa go neye tšhomo yaka ya didhriva.’” 7 Mosadi wage Jezebhele a re gage: “Anthe a yi wene wa go lawola Israyele? Tsoga, o je fote o sa hlupege. Ke nyoko go neya tšhomo ya Nabhothe wa Lejeziriyele ya didhriva.”+ 8 Byalo, Jezebhele a ngwala marifi ka lebitso la Ahaba, a ma mereka+ ka mokgwa wa go šupetsa gore ma tšwa ga Ahaba ke mokane a ma romela ga banna ba bagolo+ le ba mayemo ya gedimo ba gore ne ba dula mutšing wa gore Nabhothe o dula gona. 9 Ga marifi yane, o ngwadiye gore: “Botsaneng batho ba tikoneneng tsa go ja ke mokane le duliseneng Nabhothe ka ku mahlong ga batho ka mokana ga bona. 10 Fote le make gore banna ka babedi ba go sa re selo ba dule mahlong gage ba mo hlayele matsaka,+ ba re: ‘O rogelele Modimo le kgoši!’+ Ke mokane ba mo ntshele ka tawong, ke mokane ba mo pshyaye ka matlapa go segela a kgwa.”+

11 Byalo banna ba mutši wo a dulang ga wona, banna ba bagolo le ba go tseyediwa gedimo ba makiye ka moka tso Jezebhele a di ngwadiyeng ga marifi ya a ba romeleng wona. 12 Ba butsiye batho gore ba tikone tsa go ja ke mokane ba maka gore Nabhothe a dule mahlong ga batho ka moka. 13 Ke mokane banna bala ka babedi ba go sa re selo ba tla ba dula mahlong gage, ba hlaya mahlong ga batho gore: “Nabhothe o rogelele Modimo le kgoši!”+ Ka nthago ga mone ba mo ntshela ka tawong ga mutši, ba mo pshyaya ka matlapa go segela a kgwa.+ 14 Byalo ba romela molayetsa ga Jezebhele ba re: “Nabhothe re mo pshyayye ka matlapa, o kgwile.”+

15 Mo Jezebhele a di kwelela tsa gore Nabhothe ba mo poriye ka matlapa o kgwile, o yitseri ga Ahaba: “Tlogamela o ye o tseye tšhomo ya didhriva ya Nabhothe wa Lejeziriyele,+ yela ya gore o ganne go go rekisela yona, ka taba la gore aa sa phela. O kgwile.” 16 Mo Ahaba a di kwelela tsa gore Nabhothe o kgwile, a tlogamela a ya tšhomong ya didhriva ya Nabhothe wa Lejeziriyele a ya a yi tseya.

17 Mara Jehova a botsa Eliya+ wa Letišiba, a re: 18 “Tlogamela, o ye o gahlane le Kgoši Ahaba wa Israyele, wa gore o ku Samariya.+ O tšhomong ya didhriva ya Nabhothe, o yye go yi tseyeng. 19 O segele o mmotse gore, ‘Tsowa ke tso Jehova a di hlayang: “Ayitsano o bolayye motho,+ wa fetsa wa tseya dilo tsage?”’+ Ke mokane o mmotse gore, ‘Tsowa ke tso Jehova a di hlayang: “Polekeng yo dimpsya di lekiyeng madi ya Nabhothe, ke mo di nyoko lekang madi yago.”’”+

20 Ahaba a re ga Eliya: “Wene lenaba laka, o nkrayye!”+ A fetola ka gore: “Eya ke go krayye. ‘Ka taba la gore o tikemisele go maka dilo tsa go befa mahlong ga Jehova,+ 21 ke nna yewa ke go leyela dilo tsa go sasamela, ke nyoko fetsa ka wene le monna ye mongwana le ye mongwana wa leloko la Ahaba,+ gana hone go kena le bo ba go tihlupegela le ba go sa re selo ba Israyele.+ 22 Ke nyoko maka tso ke makiyeng ba mutši wa Jerobhowamo+ morwayi wa Nebhathe le ba mutši wa Bhaaša+ morwayi wa Ahija, ka taba la gore o nkwatisiye fote o makiye gore Maisrayele ma nsinyele.’ 23 Fote ka Jezebhele, Jehova o yitseri: ‘Dimpsya di nyoko ja Jezebhele ga tšhomo ya ku polekeng ya Jeziriyele.+ 24 Ye mongwana le ye mongwana wa leloko la Ahaba ye a hlokofalang a le mutšing o nyoko ja ke dimpsya, ke mokane ye mongwana le ye mongwana ye a hlokofalang a le mašomong o nyoko ja ke dinonyane tsa magedimong.+ 25 A gwa ba le motho wa go tshwana le Ahaba+ wa gore ne a tikemisele go maka dilo tsa go sa loka mahlong ga Jehova. Ne a maka dilo tso ka mokana ga tsona tsa go sa loka a kutšetsela ke mosadi wage Jezebhele.+ 26 O makiye dilo tsa go kekema ka go rapela medimo ya dithombhe ya go silikisa, go fo tshwana le Maamore ka mokana ga wona ya gore Jehova o ma rakiye mo Maisrayele ma segela.’”+

27 Mo Ahaba a fetsa go kwa mantsu yane, a tlerola dikobo tsage ka bogare ke mokane a yapara masaka; a tikona tsa go ja a kene a yetsele mone masakeng, le mo a sepela ke mo a kwisa go baba. 28 Ke mokane Jehova a re ga Eliya wa Letišiba: 29 “Nje o di bonne gore Ahaba o tinyanafatsiye byang ho gaka?+ Ka taba la gore o tinyanafatsiye mahlong gaka, nka sa leye tsa go sasamela a sa phela. Mara ke nyoko di leyela ba ntlo yage mo go lawola morwayi wage.”+

22 Go fediye kararo ya mengwaga go se na ntwa magareng ga Siriya le Israyele. 2 Ka mongwaga wa kararo, Kgoši Jehošafate+ wa Juda a ya ga kgoši ya Israyele.+ 3 Ke mokane kgoši ya Israyele ya re ga malata ya yona: “Nje le ya di tšiba tsa gore Ramothe-ghiliyade+ ke naga ya rune? Mara ke rune bowa re kamaka go yi tseya ga kgoši ya Siriya.” 4 Ke mokane a re ga Jehošafate: “Ke kgopela o ye le nna ntweng re ye lwa le Ramothe-ghiliyade?” Jehošafate a fetola kgoši ya Israyele a re: “Nko ya nago ke na le batho baka le dipera tsaka.”+

5 Mara Jehošafate a re ga kgoši ya Israyele: “Ke kgopela o thomise o nyakolle+ gore Jehova o re king ka taba yone.”+ 6 Byalo kgoši ya Israyele ya kgobaketsa baporofeta, ke mo go le gana hala ga 400 ya banna, ya re ga bona: “Ke ye ke ye lwa le naga ya Ramothe-ghiliyade kela ke sa yi?” Ba re: “Ariye, Jehova o nyoko maka gore o hlule.”

7 Ke mokane Jehošafate a re: “A go na moporofeta wa Jehova mowa re mmutsise le yene?”+ 8 Mo Jehošafate a reyane, kgoši ya Israyele ya re gage: “Go na le morene mongwana wa gore re ka mmitsa gore a re butsisele ga Jehova;+ mara ke mo hloyye,+ ka taba la gore o fo dula a porofeta dilo tsa go befa ka nna.+ Lebitso lage ke Mikhaya morwayi wa Imla.” Mara Jehošafate a re: “Kgoši yi sa bolabole ka mokgonone.”

9 Byalo kgoši ya Israyele ya bitsa motho wa gore ke mo a lawola ntlong ya kgoši, ya re gage: “Yakgoswa o leye Mikhaya morwayi wa Imla.”+ 10 Byalo kgoši ya Israyele le Jehošafate kgoši ya Juda ke mo ba duli ditulong tsa bona tsa go lawola ba yapere dikobo tsa bogoši, ke mo ba duli mo ba tulelang gona ga gore ba kena gona gheyiting ya Samariya, fote baporofeta ka mokana ga bona ke mo ba porofeta mahlong ga bona.+ 11 Ke mokane Zedekiya morwayi wa Khenana a timakela manaka ya tshipi, a re: “Tsowa ke tso di hlayang ke Jehova, ‘Wene o nyoko bolaya Masiriya ka manaka yawa go segela o fetsa ka wona.’” 12 Baporofeta ba bangwana ka mokana ga bona ne ba porofeta tsotsowa, ba re: “Ariye Ramothe-ghiliyade, o nyoko phomelela; Jehova o nyoko maka gore wene kgoši o yi hlule.”

13 Byalo, motho ye ba mo rommeng gore a ye bitsa Mikhaya a re gage: “Baporofeta ka mokana ga bona ba bolabola dilo tsa gabutši ka kgoši. Barena, nkare mantsu yago ma ka tshwana le ya bona, go be ya gabutši.”+ 14 Mara Mikhaya a re: “Solanka Jehova a sa phela, selo se sengwana le se sengwana so Jehova a mpotsang sona ke nyoko hlaya sona.” 15 Ke mokane a ya ga kgoši, kgoši ya mmutsisa ya re: “Mikhaya, re ka ya re ye lwa le mutši wa Ramothe-ghiliyade kela re sa yi?” A napa a mo fetola a re: “Ariye Ramothe-ghiliyade o nyoko phomelela; Jehova o nyoko maka gore wene kgoši o wo hlule.” 16 Mo a reyane, kgoši ya re gage: “Anthe o ro nyaka ke maka gore o tshepise gakaye gore o bolabole nnete ka lebitso la Jehova?” 17 Byalo a re: “Ke bona Maisrayele ka mokana ga wona ma tlalaganne ku dithabeng,+ go tshwana le dinku tsa gore a di na wa go di disa. Jehova a re: ‘Bowa a ba na motho wa go ba yeta mahlong. Ye mongwana le ye mongwana a boyele gaye gage a bebiye.’”

18 Ke mokane kgoši ya Israyele ya re ga Jehošafate: “Anthe a ke ya go botsa gore, ‘Motho yewa a ka sa porofete dilo tsa gabutši ka nna, mara o nyoko fo porofeta tsa go befa’?”+

19 Ke mokane Mikhaya a re: “Wene theetsela lentsu la Jehova: Ke bonne Jehova a duli setulong sage sa go lawola,+ a na le mangeloyi ya ku magedimong ka mokana ga wona ma yemme ho thoko gage, ya mangwana ma le ga la go ja, ya mangwana ma le ga la sepata.+ 20 Ke mokane Jehova a re, ‘Ke mang a ka tlayetsang Ahaba gore a ye Ramothe-ghiliyade gore a ye kgwela gona?’ Ye mongwana ke mo a hlaya tse dingwana hala ye mongwana a hlaya tse dingwana. 21 Ke mokane gwa segela lengeloyi+ la yema mahlong ga Jehova la re gage, ‘Nna nka mo tlayetsa.’ Jehova a re, ‘O nyoko mo tlayetsa byang?’ 22 Lengeloyi lela la fetola la re, ‘Ke nyoko ya, ka maka gore baporofeta+ bage ka mokana ga bona ba hlaye matsaka.’ Modimo a re, ‘Ariye o ye maka ka mokgonone. O nyoko kgona go mo tlayetsa, fote o nyoko phomelela.’ 23 Byalo Jehova o makiye gore baporofeta bago ka mokana ga bona ba bolabole matsaka,+ mara Jehova o hlayye gore o nyoko tlela ke dilo tsa go sasamela.”+

24 Zedekiya morwayi wa Khenana a ya ga Mikhaya a mo teya ka mpamo, a re: “O nyoko mpotsa gore Jehova aa sa berekisa nna mo a bolabola mara o berekisa wene?”+ 25 Mikhaya a fetola a re: “Taba yo ke go botsang yona o ko yi tshepa ka letšatši lo o kenang ga kamara ya ka ku tengteng o wutama.” 26 Ke mokane kgoši ya Israyele ya re: “Tseya Mikhaya o mo yise ga Amoni wa gore o lawola mutši le ga Jowaše morwayi wa kgoši. 27 O ba botse gore, ‘Tsowa ke tso kgoši yi di hlayang: “Tseyaneng morenene le mo hlahlele jele+ le mo neyeneng sekgwa se senyana le meetši ya manyana go segela ke boya ke sa kwalela.”’” 28 Mara Mikhaya a re: “Mo o ka fo boya o sa kwalela, di ra gore Jehova aa bolabola le nna.”+ Fote a tokegela ka gore: “Lune batho ka mokana ga lune, le gopoleneng dilo tsowa.”

29 Byalo, kgoši ya Israyele le Jehošafate kgoši ya Juda ba yye ku Ramothe-ghiliyade.+ 30 Kgoši ya Israyele ya re ga Jehošafate: “Ke nyoko tšhentšha dikobo ka maka nkare a yi nna mo ke ya ntweng, mara wene o yapare dikobo tsago tsa bogošing.” Byalo kgoši ya Israyele ya maka nkare a yi yona,+ ya ya ntweng. 31 Byalo, kgoši ya Siriya yi butsiye ba go lawola 32 ya dikotšikara ya re:+ “Le sa lwe le motho ye mongwana le ye mongwana wa gore ke lesole kela wa go lawola, mara le lwe le kgoši ya Israyele.” 32 Mo bala ba go lawola dikotšikara ba bona Jehošafate, ba re: “Yewa ke yene kgoši ya Israyele.” Byalo ba ya ba ye lwa naye; ke mokane Jehošafate a yahlamela gore ba mo gelepe. 33 Mo bo ba go lawola dikotšikara ba di bona gore a yi yene kgoši ya Israyele, ba napa ba jika ba sa sa mo latelela.

34 Mara monna ye mongwana a thunya mosefo a sa lebelela gore o thunyela kaye, ke mokane mosefo wone wa hlaba kgoši ya Israyele mo mokgopa wa go ba le dipelekete wo gahlanang gona. Byalo, kgoši ya re ga ye wa go dhrayiva sekotšikara sa yona: “Tla re jike re tloge mo ntweng* ka taba la gore ke kwalele ka matla.”+ 35 Ntwa yone yi tsere letšatši ka mokana ga lona, fote ke mo di nyaka ba make gore kgoši yi dule yi yemme ka teng ga sekotšikara yi lebelele Masiriya. Madi ya mo kgoši yi kwaleleng ma falalela ka mo teng ga sekotšikara sa ntwa, fote a kgwa ka malobana.+ 36 Mo letšatši le dikela, motho ye mongwana a yahlamela ga dikampa tso ne ba dula ga tsona, a re: “Ye mongwana le ye mongwana a boyele mutšing wage! Ye mongwana le ye mongwana a boyele nageng yo a tšwang ga yona!”+ 37 Byalo kgoši ya kgwa, ke mokane ba yi leya Samariya; ba yi bolokela gana hone Samariya. 38 Mo ba kene ba hlatswa sekotšikara sa ntwa mo ne go dhamme meetši ku Samariya, dimpsya dya leka madi yage fote basadi ba go rekisa mmele ke mo ba hlapa hone,* go makegiye tso Jehova a di hlayyeng.+

39 Byalo dilo ka mokana ga tsona tso di makegeleng Ahaba, dilo ka mokana ga tsona tso a di makiyeng, ntlo yo a yi yagiyeng ya gore ne a yi kgabisiye ka manaka ya ditlowu+ le mitši ka moka yo a yi yagiyeng, ayitsano a dya ngwadiwa ga puku ya tso di makegiyeng ka dinako tsa magoši ya Israyele? 40 Byalo Ahaba a bolokiwa le bokokwane bage;+ Ahaziya morwayi wage+ a ba kgoši sekgaleng sage.

41 Jehošafate morwayi wa Asa+ gwa ba kgoši ya Juda ka mongwaga wa kanne wa mo go lawola Kgoši Ahaba wa Israyele. 42 Jehošafate ke mo a na le 35 ya mengwaga mo go ba kgoši, fote o fetsiye 25 ya mengwaga a lawola Jerusalema. Lebitso la mmane wage ke mo go le Azubha morwediya wa Šilihi. 43 O f’lo ya mahlong a maka tso papage Asa+ ne a di maka. Aa keketlela, o f’lo ya mahlong a maka dilo tsa gabutši mahlong ga Jehova.+ Mara dipoleke tsa kgakala a di ya tlusiwa, fote batho ke mo ba kene ba maka dihlabelo fote ba tupisa muši gana mone ga dipoleke tsa kgakala.+ 44 Jehošafate o yye mahlong a maka gore go be le go beba magareng gage le kgoši ya Israyele.+ 45 Byalo dilo ka mokana ga tsona tso di makegeleng Jehošafate, tso a di segeleleng le ka mokgo ne a lwa dintwa, ayitsano a dya ngwadiwa ga puku ya tso di makegiyeng ka dinako tsa magoši ya Juda? 46 Fote o tlusiye banna ba go rekisa mmele+ tempeleng ba gore ne ba šele ka nakwela go sa lawola papage Asa.+

47 Ne go se na kgoši nageng ya Edomo;+ byalo ndhuna ya gona ke mo go le yona kgoši.+

48 Fote Jehošafate a maka dikepe Tharašiši gore di ye Ofiri di late gholdi,+ mara dikepe tsone a dya segela Ofiri ka taba la gore di sinyegiye ku Eziyoni-ghebhere.+ 49 Ka nako yonone, Ahaziya morwayi wa Ahaba o yitseri ga Jehošafate: “Maka gore malata yaka ma sepele le malata yago ka dikepe,” mara Jehošafate a gana.

50 Byalo Jehošafate a bolokiwa le bokokwane bage Mutšing wa Dafita wa gore ke kokwane wage;+ ke mokane sekgaleng sage gwa kena morwayi wage Jehorama+ gwa ba yene kgoši.

51 Ahaziya morwayi wa Ahaba+ gwa ba kgoši ya Israyele ku Samariya ka mongwaga wa bo 17 wa mo Jehošafate go le kgoši ya Juda, o fetsiye mengwaga ka mmedi a lawola Israyele. 52 Fote o f’lo ya a kene a maka dilo tsa go befa mahlong ga Jehova, o makiye tsetsela di makiyeng ke papage+ le mmane wage+ le tso di makiyeng ke Jerobhowamo morwayi wa Nebhathe, wa gore o makiye gore Maisrayele ma sinye.+ 53 O f’lo ya mahlong a rapela Bhaali+ a boya a mo kgotamela, fote o yye mahlong a kwatisa Jehova Modimo wa Israyele+ go fo tshwana le ka mokgo papage a makiyeng ka gona.