NEHEMIYA

1 Mantsu ya Nehemiya* morwayi wa Hakhalaya: Byalo ka kgwedi ya Tšhisilefo* ka mongwaga wa bo 20, ke mo ke le Šušani* ntlong ya bogoši. 2 Ka nako yonone, bhuti waka ye mongwana ye ba reng ke Hanani a tla a na le banna ba bangwana ba go tšwa Juda, ka ba butsisa ka Majuda ya ma šeleng ya gore ma phonne bobhantiting, ka ba butsisa le ka Jerusalema. 3 Ba yitseri gaka: “Bo ba šeleng hala polekeng ba gore ba phonne bobhantiting ba ga seyemo sa go tshosa fote di ro tšebisa. Mapharo ya Jerusalema ma wile, fote digheyiti tsa yona ba di tšhubiye ka mollo.”

4 Mo ke fetsa go kwa mantsu yane ka dula fase, ka thomisa go lla fote gwa fela matšatši nkene ke lla, ka ya mahlong ke tikona tsa go ja fote ke rapela mahlong ga Modimo wa magedimong. 5 Ka re: “Wene Jehova, Modimo wa magedimong, Modimo ye mogolo wa go makatsa, wa gore fote o maka tso a di tshepisiyeng, a boya a šupetsa ba gore baa mo nyaka fote ba theetsela melawo yage gore o ba nyaka ka matla, 6 ke ya kgopela barena, bula tsebe yago le maahlo yago o theetsele mo lelata lago le rapela lekgono, ke rapela bošego le motshegare ka taba la barwayi ba Israyele nkene ke hlaya tso batho ba Israyele ba go sinyeleng ga tsona. Re sinnye, nna le ba mutši wa papaka. 7 Re go sinyele ka matla ka go sa theetsele melawo le tso o yahlulang ka tsona tsa gore o di butsiye lelata lago Moše.

8 “Barena, gopola tso o di butsiyeng lelata lago Moše tsa gore: ‘Mo le ka sa theetsele ke nyoko le tlalaganya mo bathong. 9 Mara mo le ka boyela gaka fote la theetsela melawo yaka, le mo bo ba gore ba tlalaganne ba ka segela mafelelong ya magedimo, ke nyoko ba kgobaketsa gana hone ka ba leya ga poleke ya gore ke yi hlawodiye gore lebitso laka le be ga yona.’ 10 Ke malata yago fote ke batho bago ba gore o ba phonisiye ka matšhika yago ya magolo le ka letsogo lago la gore le na le matšhika. 11 Jehova barena, ke kgopela o theetsele lelata lago mo le rapela, o theetsele le malata yago ya gore ma jabodisa ke go hlompa lebitso lago, ke kgopela o make gore lelata lago le phomelele lekgono fote nkare kgoši yi ka nkwela go baba.”

Byalo, ke mo ke tšhelela kgoši tsa go nwa.

2 Ka kgwedi ya Nisani,* ka mongwaga wa bo 20 wa mo go lawola Kgoši Athazeksisi, ba mo leyele wayini, ka yi tseya ka yi neya kgoši go tshwana le matšatši. Ka nako yonone ke mo ke kgongwele fote kgoši ke mo yi soko mpona ke le ka mokgonone. 2 Byalo kgoši ya re gaka: “Ke ntaba o kgongwele ka mokgo o kene o sa lwale? Ke ya di bona gore go na le so se go hlupang.” Mo a reyane, ka tšhoga ka matla.

3 Ke mokane ka re ga kgoši: “Nkare o ka phela go ya go yye wene kgoši! Nko dula byang ke sa kgongwela, akere mutši wa gore bokokwane baka ba ba bolokele ga wona wo sinyegiye fote digheyiti tsa wona ba di tšhubiye ka mollo.” 4 Kgoši ya re gaka: “O nyaka ke go makela ying?” Ka napa ke rapela Modimo wa magedimong. 5 Ke mokane ka re ga kgoši: “Mo nkare wa di nyaka wene kgoši fote o yamogela lelata lago, ntisetse ke ye Juda ga mutši wa gore bokokwane baka ba ba bolokiye gona gore ke wo yage ka bonyuwane.” 6 Kgoši ya re gaka (ka nako yonone, mosadi wage ke mo a duli ka ho thoko gage): “Di nyoko go tseya nako ye kaye go segela hone, fote o nyoko boya neng?” Byalo kgoši ya dumela gore ke sepele, fote ka yi botsa gore ke nyoko boya neng.

7 Ka botsa kgoši gore: “Mo nkare wa di nyaka wene kgoši, maka gore ke neyiwe marifi ya gore ke nyoko ya ke ma neya bo ba go lawola poleke ya gore yi ka Mosekola wela wa Noka ya Eforate, ba ntisetse ke fete ke pasopegiye gore ke šinye ke segela Juda, 8 le borifi bya go ya ga Asafa wa gore o pasopa Mašahla ya Kgoši gore a nneye dikwata tsa go yaga digheyiti tsa Moyago wo Mogolo wa Masole wa gore wo thina le tempele le tsa go yaga mapharo ya mutši le tsa ntlo yo ke nyoko yang ga yona.” Byalo kgoši ya nneya wona ka taba la gore letsogo la go loka la Modimo waka ke mo le na le nna.

9 Ka fetsa ke segele ga bo ba go lawola poleke ya gore yi ka Mosekola wela wa Noka ya Eforate, ka ba neya marifi ya go tšwa ga kgoši. Kgoši yi yitseri ke sepele le dindhuna tsa masole le banna ba go kalama dipera. 10 Mo Sanbhalate wa Lehoro le Thobhiya lelata la gore ke Leamoni ba di kwelela, dya sa ba jabodisi le ka gonyana tsa gore motho ye mongwana o tl’le makela batho ba Israyele dilo tsa gabutši.

11 Ka fetsa ke segele Jerusalema, fote ka dula gana hone kararo(3) ya matšatši. 12 Ka tsoga bošego le banna ba bangwana bo ne ke le nabo, a ke ya di botsa motho tso Modimo waka a nhlohletseleng gore ke di makele Jerusalema, fote ke mo go fo ba le phoolwane yo ne ke yi kalamme go se na ye nngwana. 13 Ka tšwa bošego ka hala ga Gheyiti ya Moyeding, ka feta mahlong ga Sediba sa Noga ye Kgolo ka ya Gheyiting ya Dindhundhuma Tsa Luta, ka pombhola mapharo ya Jerusalema ya gore ke mo ma wile, ka pombhola le digheyiti tsa yona tsa gore ke mo ba di tšhubiye ka mollo. 14 Ka feta Gheyiting ya Sedibeng ka ya Sedibeng sa Kgoši, gana hone ke mo go se na sekgala sa gore phoolwane yo ne ke yi kalamme yi ka feta. 15 Mara ka ya mahlong ke sepela hone moyeding bošego nkene ke pombhola lepharo lone, ka nthago ka jika ka kena ka Gheyiti ya Moyeding ke mokane ka boyela gaye.

16 Bo ba gore ba gelepa dindhuna ke mo ba sa tšibi gore ke yye kaye le gore ke maka ying, ka taba la gore ke mo ke soko hlaya selo ga Majuda, maprista, bo ba gore ba ba tseyela gedimo, bo ba gore ba gelepa dindhuna le bo ba go bereka ka mokana ga bona. 17 Ka fetsa ke ba butsiye gore: “Le ya se bona seyemo so re leng ga sona gore Jerusalema yi sinyegiye le gore digheyiti tsa yona ba di tšhubiye ka mollo. Koriyeneng re ye yaga mapharo ya Jerusalema ka bonyuwane, gore re sa duli re tšebiye.” 18 Ke mokane ka ba botsa ka mokgo letsogo la go loka la Modimo waka le nang le nna le ka mantsu ya gore kgoši yi mputsiye wona. Mo ke fetsa, bona ba re: “Koriyeneng re ye yageng.” Byalo ba hlohletselana gore ba ye ba make mmereko wa gabutši.

19 Byalo, mo Sanbhalate wa Lehoro, Thobhiya lelata la gore ke Leamoni le Ghešeme wa Learabhiya ba di kwelela, ba thomisa go re kweranya le go re tseyela fase ba re: “Le maka ying? Le jikela kgoši lune?” 20 Mara ka re: “Modimo wa magedimong ke Yene a nyoko makang gore re phomelele, fote rune malata yage re nyoko ya re ye yageng; mara lune a le na selo mo Jerusalema, a le ya tshwanela le nyake selo fote a go na so le se makiyeng sa gore ba nyoko le gopola ka sona.”

3 Moprista ye mogolo ye ba reng ke Eliyašibhi le bobhuti bage ba gore ke maprista ba tloga ba ye yaga Gheyiti ya Dinkung. Ba yi neyela fote ba yi tšhela dikwalo; ba neyela sekopa sa go tlugisela ka Gheyiti ya Dinkung go segela ga Sewokamelo sa Meya, le go tlugisela ga Sewokamelo sa Meya go segela ga Sewokamelo sa Hananele. 2 Thina nabo ke mo go na le banna ba go tšwa Jerikho ba gore ke mo ba yaga; fote thina ga banna bo ba go tšwa Jerikho ke mo go na le Zakhure morwayi wa Imri wa gore le yene ke mo a yaga.

3 Barwayi ba Hasena ba yaga Gheyiti ya Dihlaping; ba yi tšhela dikwata, ba tšhela dikwalo tsa yona, dibhowutu ke mokane ba yi paraka ka mabalelo. 4 Thina nabo ke mo go na le Meremothe morwayi wa Urija morwayi wa Hakoze wa gore ke mo a maka mmereko wa go lukisa, thina naye ke mo go na le Mešulamo morwayi wa Bherekhaya morwayi wa Mešezabhele a maka mmereko wa go lukisa, thina naye ke mo go na le Zadoke morwayi wa Bhana a maka mmereko wa go lukisa. 5 Thina nabo ke mo go na le Matekowa ma maka mmereko wa go lukisa, mara banna ba go tšibega ka matla ke mo ba sa nyake go tinyanafatsa gore ba make mmereko wa beng ba bona.

6 Joyada morwayi wa Paseya le Mešulamo morwayi wa Bhesodaya ba lukisa Gheyiti ya Mutši wa Botala; ba yi tšhela dikwata, ba tšhela dikwalo tsa yona, dibhowutu ke mokane ba yi paraka ka mabalelo. 7 Thina nabo ke mo go na le Melatiya wa Leghibhiyoni le Jadone wa Lemeronothe ba maka mmereko wa go lukisa, ba gore ke mo ba tšwa Ghibhiyoni le Mizipa ba gore ke mo ba lawola ke ndhuna ya Mosekola wela wa Noka ya Eforate. 8 Thina nabo ke mo go na le Uziyele morwayi wa Haraya wa go bereka ka go maka dilo tsa gholdi, ke mo a maka mmereko wa go lukisa, thina naye ke mo go na le Hananiya ye mongwana wa bo ba go maka tsa go nkgela, a maka mmereko wa go lukisa; ba lukisa mo fase ka matlapa go gongwana hala Jerusalema go segela Lepharong le Lekoto. 9 Thina nabo ke mo go na le Refaya morwayi wa Hure wa gore ke mo go le ndhuna ya sekopa sa Jerusalema, a maka mmereko wa go lukisa. 10 Thina naye ke mo go na le Jedaya morwayi wa Harumafa a maka mmereko wa go lukisa mahlong ga ntlo yage, fote thina naye ke mo go na le Hathuši morwayi wa Hašabhonaya a maka mmereko wa go lukisa.

11 Malekhija morwayi wa Harimi le Hašubhi morwayi wa Pahathe-mowaba ke mo ba lukisa ka nthoko ye nngwana, ba lukisa le Sewokamelo sa Diontong. 12 Thina nabo ke mo go na le Šalumi morwayi wa Haloheše ndhuna ya sekopa se sengwana sa Jerusalema, a maka mmereko wa go lukisa a na le barwediya bage.

13 Hanuni le bo ba gore ne ba dula Zanowa ba lukisiye Gheyiti ya Moyeding; ba yi yagiye, ba tšhela dikwalo tsa yona, dibhowutu ke mokane ba yi paraka ka mabalelo, ba lukisa lepharo ba le maka gore go be 1 000 ya dikhyubhiti* go segela Gheyiting ya Dindhundhuma Tsa Luta. 14 Malekhija morwayi wa Rekhabho ndhuna ya poleke ya Bhethe-hakhereme o lukisiye Gheyiti ya Dindhundhuma Tsa Luta; a yi yaga, a tšhela dikwalo tsa yona, dibhowutu fote a yi paraka ka mabalelo.

15 Šaluni morwayi wa Kholohoze ndhuna ya poleke ya Mizipa, o lukisiye Gheyiti ya Sedibeng; o yi yagiye ke mokane a yi rulela, a yi makela dikwalo a yi tšhela dibhowutu, a yi paraka ka mabalelo, a boya a lukisa lepharo la Ledhamo la Mosela wa go yela wo ya ga Nghade ya Kgoši go segela hala Ditepising tsa go thewoga ka tsona mo o tšwa polekeng yo ba reng ke Mutši wa Dafita.

16 Thina naye ke mo go na le Nehemiya morwayi wa Azibhuki ndhuna ya sekopa sa Bhethe-zuri, ke mo a maka mmereko wa go lukisa hala mahlong ga Mabitla ya Dafita go segela sedibeng sa gore ne ba šele ba se yagiye le go segela ga Ntlo ya bo ba go ba le Matšhika.

17 Thina naye ke mo go na le Malifi ya gore le wona ke mo ma maka mmereko wa go lukisa: Rehume morwayi wa Bhani; fote thina gage ke mo go na le Hašabhiya ndhuna ya sekopa sa poleke ya Keyila, wa gore le yene ke mo a maka mmereko wa go lukisa poleke yage. 18 Thina ga bona ke mo go na le bobhuti ba bona ba maka mmereko wa go lukisa: Bhavayi morwayi wa Henadadi wa gore ke ndhuna ya sekopa sa poleke ya Keyila.

19 Thina naye ke mo go na le Ezere morwayi wa Ješuwa ndhuna ya Mizipa, a maka mmereko wa go lukisa sekopa se sengwana sa hala ga mmoto wa mo o ya mo ba beyang dilo tsa bona tsa go lwa ka tsona ga gore go na le Dikholomo.

20 Ka nthoko gage ke mo go na le Bharuke morwayi wa Zabhayi wa gore ke mo a bereka ka matšato a lukisa sekopa se sengwana, go tlugisela mo go nang le Dikholomo go segela monyako wa ntlo ya moprista ye mogolo ye ba reng ke Eliyašibhi.

21 Thina naye ke mo go na le Meremothe morwayi wa Urija morwayi wa Hakoze a lukisa sekopa se sengwana, go tlugisela monyako wa ntlo ya Eliyašibhi go segela mo ntlo ya Eliyašibhi yi felelang gona.

22 Thina naye ke mo go na le maprista, banna ba poleke ya Jorodane* ba maka mmereko wa go lukisa. 23 Thina ga bona ke mo go na le Bhenjamini le Hašubhi ba maka mmereko wa go lukisa mahlong ga ntlo ya bona. Thina ga bona ke mo go na le Azariya morwayi wa Maseya morwayi wa Ananiya, ke mo a maka mmereko wa go lukisa thina le ntlo yage. 24 Thina gage ke mo go na le Bhinuyi morwayi wa Henadadi a maka mmereko wa go lukisa sekopa se sengwana, go tlugisela ntlong ya Azariya go segela hala go nang le Dikholomo le go segela khonong.

25 Thina naye ke mo go na le Palala morwayi wa Uzayi a maka mmereko wa go lukisa mahlong ga Dikholomo le mahlong ga sewokamelo sa gore se tloga Ntlong ya Kgoši, sa ka kgakala sa gore se Lapeng la ye wa go Pasopa. Thina naye ke mo go na le Pedaya morwayi wa Paroši.

26 Malata* ya go bereka tempeleng ya gore ke mo ma dula Ofele, ma makiye mmereko wa go lukisa go tlugisela mahlong ga Gheyiti ya Meetšing ka bohlabela le ga sewokamelo sa gore se lefiye.

27 Ka nthoko ga bona ke mo go na le Matekowa ya gore ke mo ma lukisa sekopa se sengwana, go tlugisela mahlong ga sewokamelo se segolo sa gore se lefiye go segela lepharong la Ofele.

28 Maprista ma makiye mmereko wa go lukisa hala kgakala ga Gheyiti ya Dipereng, ye mongwana le ye mongwana a le mahlong ga ntlo yage.

29 Thina nabo ke mo go na le Zadoke morwayi wa Imere a maka mmereko wa go lukisa mahlong ga ntlo yage.

Fote thina naye ke mo go na le Šemaya morwayi wa Šekhanaya wa go pasopa Gheyiti ya ka Bohlabela, ke mo a maka mmereko wa go lukisa.

30 Thina naye ke mo go na le Hananiya morwayi wa Šelemaya le Hanuni morwayi wa kobodi (6) wa Zalafa ba maka mmereko wa go lukisa sekopa se sengwana.

Thina nabo ke mo go na le Mešulamo morwayi wa Bherekhaya a maka mmereko wa go lukisa mahlong ga holo yage.

31 Thina naye ke mo go na le Malekhija wa gore o bereka ka gholdi, a maka mmereko wa go lukisa go segela ntlong ya malata* ya go bereka tempeleng le ga ba gore baa rekisa, mahlong ga Gheyiti ya Gore ba Nyakolla ga Yona le go segela ga kamara ya ka kgakala ya khonong.

32 Bo ba go bereka ka gholdi le bo ba go rekisa ke mo ba maka mmereko wa go lukisa segare ga kamara ya ka kgakala ya khonong le Gheyiti ya Dinkung.

4 Byalo, mo Sanbhalate a di kwelela gore re yaga lepharo ka bonyuwane dya sa mo tshware gabutši, a napa a kwata ka matla, a thomisa go kweranya Majuda. 2 A bolabola le bobhuti bage le masole ya Samariya ba kene ba theetsele, a re: “Majuda yawa ya go lelemela ma maka ying? Ba nyoko maka dilo tsowa ba ntoši? Nje ba nyoko maka dihlabelo? Ayitsano ba nyoko fetsa ka letšatši ka lloši? Nje ba nyoko ntsha matlapa ya gore ba ka kgona go ma berekisa hala ndhundhumeng ya dithila?”

3 Byalo Thobhiya wa Leamoni wa gore ne a yemme thina naye a re: “Le mo phukubye yi ka kalama mo ba yagang gona, yi nyoko wisa lepharo lone la matlapa.”

4 Re theetsele barena Modimo wa rune, ka taba la gore ba re tseya re le batho ba go silikisa, o make gore tso ba re kwerang ka tsona di makegele bona, fote o make gore manaba ya bona ma ba make mabhantiti ga naga ye nngwana. 5 Fote o sa kogele tso ba di sinnyeng kela wa sula tso ba di makiyeng mahlong gago, ka taba la gore ba rogelele bo ba go yaga.

6 Byalo ra ya mahlong re yaga lepharo fote la gahlana ka mokana ga lona, ra le yaga ka bonyuwane go segela segare, fote batho ba yye mahlong ba tineyela ga mmereko wowa.

7 Byalo mo Sanbhalate, Thobhiya, Maarabhiya, Maamoni le Maašidodo ba di kwelela gore mmereko wa go yaga mapharo ya Jerusalema ka bonyuwane wo kene wo ya mahlong le gore mo ne go na le dikgala gwa kwadiwa, ba napa ba kwata ka matla. 8 Ba polana ba le ka moka gore ba nyoko tla ba tl’le lwa le batho ba Jerusalema le go re šitisa. 9 Mara ra rapela Modimo wa rune, fote ra maka gore go be le matšinghelane gore a re tšhireletse bošego le motshegare.

10 Mara batho ba Juda ke mo ba re: “Bo ba go yaga a ba sa na matšhika fote go tlele dindhundhuma tsa dithila; re ka sa tsoge re fetsiye go yaga lepharo.”

11 Manaba ya rune ke mo ma kene ma re: “Ba soko di tšiba kela ba soko re bona, re nyoko ya ga bona ra ba bolaya, ra maka gore mmereko wone wo yeme.”

12 Mo Majuda ya gore ma dula thina nawo ma tla, ma re butsiye ga tleletlele* gore: “Ba nyoko tla ba re hlasela go tšwa ga dipoleke ka moka.”

13 Byalo ka beya batho ba go ghada ka nthago ga lepharo ku tlase ga gore go lekgwaying, ke ba beyye go ya ka mitši ya bona ba tshwere disabola, marumo le mesefo ya bona. 14 Mo ke bona ka mokgo ba tšhugiyeng ka gona, ka napa ke tlogamela ka botsa bo ba go tšibega, dindhuna le batho ba bangwana ka moka ka re: “Le sa ba tšhabeneng. Gopolaneng Jehova wa gore ke ye mogolo fote wa makatsa; le lwele bobhuti ba lune, barwayi ba lune le barwediya ba lune, basadi ba lune le mitši ya lune.”

15 Ka nthago ga gore manaba ya rune ma di kwelele gore re šele re ya di tšiba tso ne ba di maka, fote Modimo wa mannete o makiye gore dipolane tsa bona di šaše, ka mokana ga rune ra boyela mmerekong wa go yaga lepharo. 16 Go tlugisela ka letšatši lone, hafo ya banna bo ne ke le nabo ke mo yi maka mmereko, hafo ye nngwana yi tshwara marumo, magawu, mesefo le mekgopa ya go ba le dipelekete. Fote dindhuna ke mo di thega ba mutši wa Juda ka mokana ga bona 17 ba gore ne ba yaga lepharo. Bo ne ba bereka ke mo ba maka mmereko wone ka letsogo ka lloši ba kene ba tshwere sa go lwa ka sona ka letsogo le lengwana. 18 Ye mongwana le ye mongwana wa bo ba go yaga ke mo a tlemelele sabola ho masekeng mo a kene a yaga, fote ye wa go teya phalafala ke mo a yemme ho thina gaka.

19 Ke mokane ka botsa bo ba go tšibega, dindhuna le batho ka mokana ga bona gore: “Go na le mmereko wa go tlala, fote re yemme kgole le kgole mo lepharong. 20 Mo le kwa phalafala, le kgobakane mo re leng gona. Modimo wa rune o nyoko re lwela.”

21 Byalo hafo ye nngwana yi yye mahlong yi kene yi bereka, ye nngwana yi tshwere marumo go tlugisela ka phu go segela mo go nyarela dinanedi. 22 Ka nako yonone ka botsa batho gore: “Monna ye mongwana le ye mongwana le lelata lage ba fetse bošego ba le Jerusalema, ba nyoko re pasopa bošego ke mokane ba bereka motshegare.” 23 Byalo nna, bobhuti baka, malata yaka le bomatšinghelane bo ne ba sepela le nna a re ya yapola dikobo tsa rune, fote ye mongwana le ye mongwana ke mo a dula a tshwere sa go lwa ka sona ka letsogo lage la go ja.

5 Mara banna bowa le basadi ba bona ke mo ba lla ka matla ka taba la bobhuti ba bona ba Majuda. 2 Ba bangwana ke mo ba re: “Re na le barwayi le barwediya ba go tlala. Di nyaka re kraye mabelethoro gore re thogo ja, re ko ya mahlong re phela.” 3 Ba bangwana ke mo ba re: “Re fo tšwa re tshwarisiye ka mašomo ya rune ya korong le ya didhriva le dintlo tsa rune gore re kraye mabelethoro ka nako yowa ya gore tsa go ja di ya gayela.” 4 Ba bangwana ke mo ba re: “Re yadimme tšheleta, ra tshwarisa ka mašomo ya rune ya korong le mašomo ya rune ya didhriva gore re patele mothelo wa kgoši. 5 Rune le bobhuti ba rune re bana ba motho, fote bana ba rune ba tshwana le bana ba bona; mara di šinya di nyaka re yisa barwayi ba rune le barwediya ba rune bobhantinting, fote ba bangwana ba barwediya ba rune go šele go le mabhantiti. A re kgone go maka selo ka taba yowa ka gore mašomo ya rune ya korong le mašomo ya rune ya didhriva ma tsere ke batho ba bangwana.”

6 Ke napiye ke kwata ka matla mo ke kwa tso ba kokolang ka tsona. 7 Byalo ka nagana ka taba yowa, ka lakatsa banna ba go tšibega le dindhuna fote ka re ga bona: “Ye mongwana le ye mongwana ga lune o nyaka tswalo ga bhuti wage.”

Go tokegela gana hone, ke makiye gore ba kgobakane ka taba la tso ba di makiyeng. 8 Ka re ga bona: “Re makiye so re ka se kgonang gore re reke bobhuti ba rune ba Majuda ba gore ba ba rekisele ditšhaba tse dingwana; ayitsano gana byalo le nyoko rekisa bobhuti ba lune? Ayitsano le nyaka re ba reka fote?” Mo ke reyane ba fo re tsee! Ke mo ba se na so ba ka se hlayang. 9 Ke mokane ka re: “Tso le di makang a di gabutši. Anthe a le ya tshwanela go hlompa Modimo wa rune gore batho ba ditšhaba ba gore ke manaba ya rune ba sa re poyilanye? 10 Go tokegela gana hone, nna, bobhuti baka le malata yaka re ba yadima tšheleta le mabelethoro. Ke kgopela re lisetse go nyaka tswalo mo re ba yadima. 11 Ke kgopela gore lekgono lowa le busetseneng mašomo ya bona ya korong, mašomo ya bona ya didhriva, mašomo ya bona ya diolivi, dintlo tsa bona le tswalo ya tšheleta yo le ba yadimmeng, mabelethoro, wayini ya nyuwane le makgura, dilo tsa gore ne le tswadisa ka tsona ka tšhinghi.”

12 Mo ke reyane, ba re: “Re nyoko ba neya dilo tsowa fote re ka sa nyake gore ba re neye selo. Re nyoko maka ka mokgo o hlayyeng.” Byalo ka bitsa maprista fote ka maka gore banna bala ba tshepise gore ba nyoko maka ka mokgonone. 13 Fote ka rothotha kobo yaka ke mokane ka re: “Nkare monna ye mongwana le ye mongwana wa gore aa make tso a di tshepisiyeng, Modimo wa mannete a ka mo rothotha ka mokgo a mo ntsha ntlong yage, fote a mo tseyela le dilo tsage, a mo rothothe ka mokgo a šale a se na selo.” Mo ke reyane, phutego ka mokana ga yona ya re: “Amene!”* Ba thanaka Jehova fote ba maka ka mokgo ba tshepisiyeng ka gona.

14 Mara go tlugisela ka letšatši lo a makiyeng gore ke lawole naga ya Juda, go tlugisela ka mongwaga wa bo 20 go segela ka mongwaga wa bo 32 wa mo go lawola Kgoši Athazeksisi, mengwaga 12 ya yona, nna le bobhuti baka ke mo re sa ji tsa go ja tso ne ba di neya wa go lawola. 15 Mara bo ne ba lawola mo go soko lawola nna ke mo ba yimetsa batho fote ba ba tseyela 40 ya dišekele* tsa silva gore ba reke sekgwa le wayini letšatši le lengwana le le lengwana. Fote malata ya bona ke mo ma yimetsa batho. Mara nna a ke ya di maka tsotsone ka taba la gore ne ke hlompa Modimo.

16 Go tokegela mone, ke mo ke gelepa ga mmereko wa go yaga lepharo lowa fote a re ya tseya le mong tšhomo ga bo ba go tihlupegela; malata yaka ka mokana ga wona ke mo ma bereka gana hone. 17 Ke mo go na le 150 ya Majuda le dindhuna ba gore ba ja tafoleng yaka, le ba gore ba tlile ga rune ba tšwa ga ditšhaba tse dingwana. 18 Tšatši le lengwana le le lengwana ke mo ba re yapegela kgomu ya pholo, kobodi (6) ya dinku tsa go tsifa le dinonyane, fote ga teya ka lesome (10) la matšatši ke mo go ba le diwayini tsa mehlobohlobo tsa go tlala. Le mo go le ka mokgonone, ke mo ke sa make gore ba nneye tsa go ja tsa gore ba tshwanele ba di neye wa go lawola, ka gore batho ke mo ba šele ba maka mmereko wo ba tshwaneleng go wo maka. 19 O sa nlebale fote o nrufe, wene Modimo waka, ka taba la dilo ka mokana ga tsona tso ke di makiyeng ka taba la batho bowa.

6 Byalo, mo Sanbhalate, Thobhiya, Ghešeme wa Learabhiya le manaba ya rune ya mangwana ba ba botsa gore ke yagiye lepharo ka bonyuwane le gore a le sa na dikgala (le mo nkare ka nako yonone ke mo ke soko tšhela dikwalo hala digheyiting), 2 Sanbhalate le Ghešeme ba napa ba romela molayetsa gaka ba re: “Tla re beye nako ya gore re gahlane dimitšaneng tsa gore di Lekgwaying la Moyedi wa Ono.” Mara ke mo ba polana go nkwaletsa. 3 Byalo ka romela batho gore ba ba botse gore: “Ke na le mmereko wa go tlala, nka sa kgone go tla. Mo nka tloga ke tla hone ga lune, mmereko wowa wo nyoko yema.” 4 Ba nromele molayetsa wa go tshwana ganne (4), ke mo ke fo ba fetola ka mokgonola.

5 Ke mokane Sanbhalate a nromela molayetsa wonola ka lelata lage le tshwere borifi bya gore a baa bo kwala, ke mo go šele go le la kapheta (5) a romela molayetsa wonola. 6 Hone ga byona ke mo go ngwadiwwe gore: “Ditšhaba di dikwelele, fote Ghešeme o ro hlaya le yene gore wene le Majuda le polana go jikela kgoši. Nka taba lo le yagang lepharo; fote go ya ka tso ba di hlayang, wene o nyoko ba kgoši ya wona. 7 Fote o hlawodiye baporofeta gore ba bolabole ka wene Jerusalema ka mokana ga yona gore, ‘Go na le kgoši ku Juda!’ Fote dilo tsowa ka mokana ga tsona re nyoko di botsa kgoši. Byalo, tlang re bolabole ka taba yowa.”

8 Mara ka mo fetola ka re: “Dilo ka mokana ga tsona tso o di hlayang a di šiyo; dilo tsowa o fo tikhandela.” 9 Ke mo ba liketsa go re tshosanya ba re: “Ba ka sa sa ba le matšhika ya go maka mmereko wone, fote mmereko wone wo ka sa fele.” Byalo ke ya rapela gore o nneye matšhika.

10 Ke mokane ka ya ntlong ya Šemaya morwayi wa Dilaya wa gore ke morwayi wa Mehetabhele ka nako ya mo a sa tšwe ntlong yage. A re: “Tla re beye nako ya gore re gahlane ntlong ya Modimo wa mannete, ka teng ga tempele, re kwale dikwalo tsa tempele ka gore ba nyoko go bolaya. Ba nyoko tla ba go bolaya bošego.” 11 Mara ka re: “Nje motho wa go tshwana le nna a ka tšhaba? Ayitsano motho wa go tshwana le nna a ka kena tempeleng a phela? Nka sa kene!” 12 Ke mokane ka di bona gore moporofeta yewa aa roma ke Modimo, mara Thobhiya le Sanbhalate ke bona ba mo rommeng gore a tle a ntshokanye. 13 Ba mo hiriye gore a ntshosanye le gore a make gore ke sinye, gore ba ko ba le so ba se berekisang mo ba nsinya lebitso gore ba mpoyile.

14 Barena Modimo waka, o sa di lebale dilo ka mokana ga tsona tso Thobhiya le Sanbhalate ba di makiyeng, o sa lebale le tso di makiyeng ke moporofeta wa mosadi ye ba reng ke Nowadiya le baporofeta ka mokana ga bona ba gore ba dula ba liketsa go ntshosetsa.

15 Byalo lepharo le fediye ka letšatši la bo 25 la Eluli,* re le fetsiye ka 52 ya matšatši.

16 Mo manaba ya rune ka mokana ga wona ma di kwelela le mo ditšhaba tso ne re dula thina natso di di bona, ba šala ba tšebiye, ba di bona gore mmereko wowa re wo makiye ka gore ke mo re gelepa ke Modimo wa rune. 17 Ka matšatši yane, bo ba go tšibega ba Juda ke mo ba romela marifi ya go tlala ga Thobhiya, fote Thobhiya ke mo a ba fetola. 18 Majuda ya go tlala ke mo ma tshepisa gore ma nyoko tshepega gage, ka gore ke mo go le mokgonyana wa Šekhanaya morwayi wa Ara, fote morwayi wage Jehohanane ke mo a šadhiye le morwediya wa Mešulamo morwayi wa Bherekhaya. 19 Fote ke mo ba dula ba mpotsa dilo tsa gabutši ka yene, ba ya ba mmotsa gore ke re king. Ke mokane Thobhiya ne a romela marifi gore a ntshosetse.

7 Mo lepharo le šele le yagiwwe ka bonyuwane, ka tšhela dikwalo; ke mokane gwa hlawodiwa ba go pasopa digheyiti, ba go yepelela, le Malifi. 2 Ka maka gore bhuti waka Hanani a wokamele Jerusalema, a na le Hananiya ndhuna ya Poleke ya go Pasopega, ka gore ke mo go le monna wa go tshepega ka matla fote a tšhaba Modimo wa mannete go phala ba bangwana ba go tlala. 3 Byalo ka ba botsa gore: “Digheyiti tsa Jerusalema di sa budiwi go segela go ba motshegare,* le gore mo ba pasopiye di nyaka ba kwale dikwalo ba di parake. Fote ba make gore bo ba go dula Jerusalema go be bona bomatšinghelane, ba bangwana ba le mo ba ba beyyeng gore ba pasope ba le gona fote ba bangwana ba le mahlong ga dintlo tsa bona.” 4 Byalo mutši wone ke mo go le wo mogolo fote wo bulegiye, go se na batho ba go tlala hone ga wona, fote ke mo ba soko yaga dintlo ka bonyuwane.

5 Mara Modimo o nhlohletsele gore ke kgobaketse banna ba go hlalefa, ba go thuša ba go lawola le batho gore ba ngwadise go ya ka mašika ya bona. Ke mokane ka kraya puku ya gore ba ngwadisiye bo go thomisiyeng bona go segela go ya ka mašika ya bona, ka mo teng ke mo ba ngwadiye gore:

6 Bowa ke batho ba poleke yone ba gore ba tšwile bobhantiting, ba gore Kgoši Nebhukhadhinezara wa Bhabhilona ke mo a ba yisiye bobhantiting, ba gore ka nthago ba boyele Jerusalema le Juda, ye mongwana le ye mongwana a ya mutšing wa gabo, 7 ba gore ba tlile le Zerubhabhele, Ješuwa, Nehemiya, Azariya, Ramaya, Nahamani, Morodekhayi, Bhilšani, Misiperethe, Bhigivayi, Nehume le Bhaana.

Nombhoro ya banna ba Maisrayele ke yowa: 8 barwayi ba Paroši ke mo go le 2 172 ya bona; 9 barwayi ba Šefataya ke mo go le 372 ya bona; 10 barwayi ba Ara ke mo go le 652 ya bona; 11 barwayi ba Pahathe-mowaba ba gore ke mo go le barwayi ba Ješuwa le Jowabho ke mo go le 2 818 ya bona; 12 barwayi ba Elama ke mo go le 1 254 ya bona; 13 barwayi ba Zatu ke mo go le 845 ya bona; 14 barwayi ba Zakhayi ke mo go le 760 ya bona; 15 barwayi ba Bhinuyi ke mo go le 648 ya bona; 16 barwayi ba Bhebhayi ke mo go le 628 ya bona; 17 barwayi ba Azighadi ke mo go le 2 322 ya bona; 18 barwayi ba Adonikamo ke mo go le 667 ya bona; 19 barwayi ba Bhigivayi ke mo go le 2 067 ya bona; 20 barwayi ba Adini ke mo go le 655 ya bona; 21 barwayi ba Atere wa mutši wa Hezekiya ke mo go le 98 ya bona; 22 barwayi ba Hašumi ke mo go le 328 ya bona; 23 barwayi ba Bhezayi ke mo go le 324 ya bona; 24 barwayi ba Harifi ke mo go le 112 ya bona; 25 barwayi ba Ghibhiyoni ke mo go le 95 ya bona; 26 banna ba go tšwa Bhetlelehema le Netofa ke mo go le 188 ya bona; 27 banna ba go tšwa Anathothe ke mo go le 128 ya bona; 28 banna ba go tšwa Bhethe-azimavethe ke mo go le 42 ya bona; 29 banna ba go tšwa Kiriyathe-jeyarimo, Khefira le Bherothe ke mo go le 743 ya bona; 30 banna ba go tšwa Rama le Ghebha ke mo go le 621 ya bona; 31 banna ba go tšwa Mikhimase ke mo go le 122 ya bona; 32 banna ba go tšwa Bhethele le Ayi ke mo go le 123 ya bona; 33 banna ba go tšwa Nebho ye nngwana ke mo go le 52 ya bona; 34 barwayi ba Elama ye mongwana ke mo go le 1 254 ya bona; 35 barwayi ba Harimi ke mo go le 320 ya bona; 36 barwayi ba Jerikho ke mo go le 345 ya bona; 37 barwayi ba Lodi, Hadidi le Ono ke mo go le 721 ya bona; 38 barwayi ba Sena ke mo go le 3 930 ya bona.

39 Nombhoro ya bo ne go le maprista ke yowa: barwayi ba Jedaya wa mutši wa Ješuwa ke mo go le 973 ya bona; 40 barwayi ba Imere ke mo go le 1 052 ya bona; 41 barwayi ba Pašuri ke mo go le 1 247 ya bona; 42 barwayi ba Harimi ke mo go le 1 017 ya bona.

43 Nombhoro ya Malifi ke yowa: barwayi ba Ješuwa ba mutši wa Kadimiyele ba gore ke barwayi ba Hodeva ke mo go le 74 ya bona. 44 Nombhoro ya ba go yepelela ke yowa: barwayi ba Asafa ke mo go le 148 ya bona. 45 Bo ne ba pasopa digheyiti ke bowa: barwayi ba Šalumi, barwayi ba Atere, barwayi ba Thalemone, barwayi ba Akubhi, barwayi ba Hatita le barwayi ba Šobhayi, ke mo go le 138 ya bona.

46 Bowa ke bo ne go le malata* ya go bereka tempeleng: barwayi ba Ziha, barwayi ba Hasufa, barwayi ba Thabhawothe, 47 barwayi ba Kerose, barwayi ba Siya, barwayi ba Padoni, 48 barwayi ba Lebana, barwayi ba Haghabha, barwayi ba Salemayi, 49 barwayi ba Hanane, barwayi ba Ghidhele, barwayi ba Ghahara, 50 barwayi ba Reya, barwayi ba Rezini, barwayi ba Nekoda, 51 barwayi ba Ghazama, barwayi ba Uza, barwayi ba Paseya, 52 barwayi ba Bhesayi, barwayi ba Mewunimi, barwayi ba Nefušesimi, 53 barwayi ba Bhakibhuki, barwayi ba Hakufa, barwayi ba Harehuri, 54 barwayi ba Bhazlithi, barwayi ba Mehida, barwayi ba Haraša, 55 barwayi ba Bharakosi, barwayi ba Sisera, barwayi ba Thema, 56 barwayi ba Nezaya le barwayi ba Hatifa.

57 Bowa ke barwayi ba malata ya Solomoni: barwayi ba Sotayi, barwayi ba Soferethe, barwayi ba Perida, 58 barwayi ba Jala, barwayi ba Dakhone, barwayi ba Ghidhele, 59 barwayi ba Šefataya, barwayi ba Hathili, barwayi ba Pokherethe-hazebhayimi le barwayi ba Amoni. 60 Malata* ka mokana ga wona ya go bereka tempeleng le barwayi ba malata ya Solomoni ke mo go le 392 ya bona.

61 Bowa ba tšwile Tele-mela, Tele-haraša, Kerubhi, Adhoni le Imere, mara ke mo ba se na bohlatse bya gore ba mitši ya bopapa ba bona ke Maisrayele le bya gore bona beng ke Maisrayele: 62 barwayi ba Dilaya, barwayi ba Thobhiya le barwayi ba Nekoda, ke mo go le 642 ya bona. 63 Ga maprista ke mo go le: barwayi ba Habhaya, barwayi ba Hakoze, barwayi ba Bhazilayi wa gore o tsere mosadi ga barwediya ba Bhazilayi wa Leghiliyade fote ba mmitsa ka lebitso la bona. 64 Bowa ba yye ba nyakela mo go ngwadiwweng mabitso ya ba mutši wa bona, mara ba sa ma kraye, byalo ba sa sa tshwanelega gore go be maprista. 65 Ye wa go lawola* a ba botsa gore dilo tsa gore di hlawolegiye ka matla ba sa di ji go segela go ba le moprista wa go bolabola le Modimo a berekisa Yurimi le Thumimi.

66 Batho bone mo ba felele ke mo go le 42 360 ya bona, 67 mo re sa bale le mabhantiti ya bona ya banna le basadi ya gore ke mo go le 7 337 ya wona; fote ke mo ba na le 245 ya banna le basadi ba go yepelela. 68 Ke mo ba na le 736 ya dipera, le 245 ya dimeyila, 69 ba na le 435 ya dikamela le 6 720 ya dibhongholo.

70 Dihlogo tsa mitši tse dingwana dya neyela di sa tšhofe ke motho gore go makiwe mmereko wone. Ye wa go lawola* a neya yela wa gore o tshwara dilo tsa gore di tseyediwa gedimo 1 000 ya didrakimate* tsa gholdi, 50 ya ditša tsa motšiti le 530 ya dikobo tsa maprista. 71 Dihlogo tsa mitši tse dingwana di neyye yela wa go tshwara dilo tsa go tseyediwa gedimo 20 000 ya didrakimate tsa gholdi le 2 200 ya dimina* tsa silva. 72 Batho ba bangwana ka mokana ga bona ba neyela ka 20 000 ya drakimate tsa gholdi, 2 000 ya dimina tsa silva le 67 ya dikobo tsa maprista.

73 Maprista, Malifi, ba go pasopa digheyiti, ba go yepelela, batho ba bangwana, malata* ya go bereka tempeleng le batho ka moka ba Israyele* ba dula mitšing ya bona. Mo go segela kgwedi ya kašupa (7), Maisrayele ma dula mitšing ya wona.

8 Batho ka mokana ga bona ba kgobakana ku batho ba gahlanelang gona mahlong ga Gheyiti ya Meetšing, ba gahlanisiye ke selo ka ssoši, ke mokane ba botsa Ezera wa gore ke mabhalane gore a leye puku ya Molawo wa Moše wa gore Jehova ke mo a butsiye Maisrayele gore ma wo latelele. 2 Ka letšatši la mathomo la kgwedi ya kašupa (7), Ezera wa gore ke moprista a leya molawo mahlong ga banna, basadi le batho ka mokana ga bona bo ne ba kgobakanne ba gore ne ba ka theetsela ba boya ba kwisisa. 3 A wo balela gedimo hala batho ba gahlanelang gona mahlong ga Gheyiti ya Meetšing, go tlugisela ka bošego go segela motshegare, a wo balela banna, basadi le batho ka mokana ga bona ba gore ne ba ka wo kwisisa; batho ba theetsela gabutši mo a bala puku ya Molawo. 4 Ezera wa gore ke mabhalane ke mo a yemme seralong sa lepolanka sa gore ne ba se makele gore ba se berekise ka nako yonone, fote thina gage ka letsogong la go ja ke mo go na le Matithiya, Šema, Anayiya, Uriya, Hilikiya le Maseya; ke mokane ga letsogo lage la sepata ke mo go na le Pedaya, Mišayele, Malekhija, Hašumi, Haša-bhadhana, Zakariya le Mešulamo.

5 Ezera a bula puku yone batho ka moka ba lebelele, ka gore ke mo a yemme gedimo. Mo a yi bula, batho bala ka mokana ga bona ba tlogamela. 6 Ke mokane Ezera a thanaka Jehova Modimo wa mannete, Yene ye mogolo, batho ka mokana ga bona ba re, “Amene!* Amene!” fote ba yemisa matsogo. Ba thinyela Jehova matolo ba yinamisiye dihlogo. 7 Ješuwa, Bhani, Šerebhaya, Jamini, Akubhi, Šabhethayi, Hodaya, Maseya, Kelita, Azariya, Jozabhadi, Hanane le Pelaya ba gore ke mo go le Malifi, ke mo ba hlatollela batho bone tso di hlayang ke Molawo, batho bone ba kene ba yemme. 8 Ba ya mahlong ba balela gedimo tso di leng hone pukung tsa go tšwa ga Molawo wa Modimo wa mannete, ba di hlatolla gabutši gore di be lekgwaying gore mantsu yane ma ra gore king; byalo ba gelepa batho gore ba kwisise tso ne ba di bala.

9 Nehemiya wa gore ne go lawola* yene ka nako yonone, Ezera wa moprista wa gore fote ke mabhalane le Malifi ya gore ne ma yetetsa batho, ba re ga batho bala ka mokana ga bona: “Letšatši lowa le hlawolegiye ga Jehova Modimo wa lune. Le sa lle.” Ka gore batho ke mo ba lla mo ba kwa mantsu yawa ya Molawo. 10 A re ga bona: “Ariyeneng le ye ja tsa go ja tsa go natefa le nwe le tsa go tswetswenya, le romele tsa go ja ga bo ba gore a baa tla le selo; ka gore letšatši lowa le hlawolegiye ga Morena wa rune, fote le sa kgongwele ka gore go jabola ga gore re go neya ke Jehova go nyoko maka gore le tiyelele.” 11 Malifi ke mo ma kgomoletsa batho ka mokana ga bona, ma re: “Kgomolelaneng! ka gore letšatši lowa le hlawolegiye, le sa kgongweleneng.” 12 Byalo batho ka mokana ga bona ba tloga ba ye jeng, ba nwa fote ba neya ba bangwana tsa go ja, ba ya mahlong ba jabodiye ka matla ka gore ke mo ba kwisisa mantsu ya ba ba butsiyeng wona.

13 Ka letšatši la mabedi (2), dihlogo tsa mitši ya batho ka mokana ga bona, maprista le Malifi ba kgobakanela Ezera wa gore ke mabhalane gore ba thogo kwisisa tso di hlayang ke Molawo. 14 Ga Molawo wa gore Jehova o ba neyye a berekisa Moše ke mo ba ngwadiye gore di nyaka Maisrayele ma dule dintlong tsa go makiwa ka mašayi ka nako ya mo go na le monyanya ka kgwedi ya kašupa (7), 15 le gore ba sabalatse mitšing ya bona ka mokana ga yona le Jerusalema ka mokana ga yona gore: “Ariyeneng polekeng ya dithaba le tle le makala ya mehlare ya diolivi, mehlare ya go ba le makgura, mitlili* le mopalema, le makala ya mangwana gore ba yage dintlo tsa mašayi go ya ka so ba se ngwadiyeng.”

16 Byalo, batho ba ya ba boya ba ma tshwere gore ba timakele dintlo tsa mašayi, ba maka gedimo ga dintlo tsa bona, ka teng ga malapa ya bona le malapeng ya ntlo ya Modimo wa mannete, ku batho ba gahlanelang gona ga gore go Gheyiting ya Meetši le ku batho ba gahlanelang gona ga gore go Gheyiting ya Eforayimi. 17 Byalo, batho ka mokana ga bona bo ne ba kgobakanne ba gore ba tšwile bobhantiting ba maka dintlo tsa mašayi, fote ke mo ba dula ga tsona ka gore Maisrayele ke mo ma soko maka ka mokgonone go tlugisela ka dinako tsa Jošuwa morwayi wa Nuni go segela ka letšatši lone, byalo batho ke mo ba jabodiye ka matla. 18 Fote ke mo ba bala puku ya Molawo wa Modimo wa mannete ka moka matšatši, go tlugisela ka letšatši la mathomo go segela ka letšatši la mafelelo. Go fediye kašupa (7) ya matšatši ba na le monyanya fote gwa ba le mogahlano ka letšatši la mabala (8), ka mokgo molawo ne wo hlaya ka gona.

9 Ka letšatši la bo 24 la kgwedi yowa, Maisrayele ma gahlana; ke mo ma tikona tsa go ja ma yapere masaka, fote ma titupetsannye ka lerole. 2 Bowa ba gore ke ditlogolwane tsa Maisrayele ba tihlawola ga bo ba gore ba tšwa ba sepela, ba yema, ba hlaya tso ba di sinnyeng, ba hlaya le tso di sinnyeng ke bopapa ba bona. 3 Ke mokane ba yema polekeng ya bona, ba fetsiye gana hala ga kararo (3) ya diawara ba balela gedimo puku ya Molawo wa Jehova Modimo wa bona; ba fetsa gana hala ga kararo (3) ya diawara tse dingwana ba hlaya tso ba di sinnyeng, fote ba kgotamme ba yinamisiye dihlogo mahlong ga Jehova Modimo wa bona.

4 Ješuwa, Bhani, Kadimiyele, Šebhanaya, Bhuni, Šerebhaya, Bhani le Khenani ba yema seralong sa gore se gedimo sa Malifi, ba yahlamela ba llela Jehova Modimo wa bona. 5 Ješuwa, Kadimiyele, Bhani, Hašabhonaya, Šerebhaya, Hodaya, Šebhanaya le Pethahaya ba gore ke Malifi ba re: “Tlogamelaneng le thanake Jehova Modimo wa lune go ya go yye. Go thanakiwe lebitso lago la go gadima, la gore le ka sa thanakiwi la boya la rufiwa ka mokgwa wa go lekanela.

6 “Ke wene Jehova o ntoši; o makiye magedimo, eya, legedimo la magedimo le dilo ka moka tso di leng ga wona, lefase le dilo ka moka tso di leng ga lona, le mawatle le dilo ka moka tso di leng ga wona. O maka gore ka mokana ga tsona di phele, fote dilo ka mokana ga tsona tso di leng magedimong di go thinyela letolo. 7 Ke wene Jehova Modimo wa mannete, wa gore o hlawodiye Abhramo wa mo ntsha Uri ya Makhaladiya, wa mo reya gore ke Abhrahama. 8 O di bonne gore o felegelele ho gago, byalo wa maka kwano naye gore o nyoko mo neya naga ya Makanana, Mahethe, Maamore, Maperezi, Majebuse le Maghirighaše gore o nyoko yi neya setlogolwane* sage; fote o makiye tso o di tshepisiyeng ka gore wene o lukiye.

9 “O di bonne mo bokokwane ba rune ba hlupega ku Egepita, fote o ba kwile mo ba lla ku Lewatleng le Lekhubedu. 10 Ke mokane wa makela Faro, malata yage ka mokana ga wona le batho ba nageng yage ka moka mešupetso le mehlolo, ka gore ne o di tšiba gore ba hlupegisa batho bago. O timakele lebitso la gore le sa le gona go segela le lekgono lowa. 11 Wa yahluganya lewatle mahlong ga bona gore ba sepele ga gore go womme, wa bošela bo ne ba ba lelekisa ga gore gwa yisa go tshwana le mo ba bošela letlapa meetšing ya gore maa bilugana. 12 Motshegare ke mo o ba yetetsa ka liru, bošego o ba yetetsa ka mollo gore o ba khanyisele mo ba tshwaneleng ba sepele gona. 13 Wa tla Thabeng ya Sinayi wa bolabola nabo o le magedimong, wa ba fa melawo gore ba yahlule gabutši, melawo ya nnete,* wa ba yetetsa gabutši, fote wa ba botsa tso ba tshwaneleng go di maka. 14 O ba tšhutisiye ka letšatši lago la Sabatha gore ba make gore le dule le hlawolegiye, o ba yetetsiye gabutši, wa ba botsa tso ba tshwaneleng go di maka wa boya wa ba neya molawo o berekisa lelata lago Moše. 15 O ba neyye tsa go ja tsa go tšwa legedimong mo ba kwa tlala, wa ba ntshela meetši letlapeng mo ba wonngwe, wa ba botsa gore ba kene ba dule ga naga yo o ba tshepisiyeng gore o nyoko ba neya yona.

16 “Mara bokokwane ba rune ba timaka nkare bona baa tšiba, ba tiwomisa dihlogo fote ke mo ba sa nyake go theetsela melawo yago. 17 Ba ganne go theetsela, ba lebala dilo tsa go makatsa tso o ba makeleng tsona, ba fo tiwomisa dihlogo, ba hlawola motho wa go ba yeta mahlong gore ba boyele bobhantiting ku Egepita. Mara ke wene Modimo wa gore o tikemisele go tshwarela, wa go loka, wa go kwelana go baba, wa go diyega go kwata wa gore fote o nyakanana ka matla, a wa ba lahla. 18 Le nakwela ba timakele sethombhe sa senamane ba re, ‘Yewa ke Modimo wa lune wa gore o le ntshiye Egepita,’ ba maka le dilo tsa go tshosa tsa go šupetsa gore a ba go hlompe, 19 le ka yona nako yonone, ka gore o ba kwela go baba ka matla a wa ba lahla ku mašahleng. Liru ke mo le dula le le ka kgakala ga bona le ba yetetsa motshegare mo ba tshwaneleng ba sepele gona, le mollo ke mo wo ba khanyisela bošego mo ba tshwaneleng ba sepele gona. 20 Wene o ba neyye moya wago wa go loka gore o ba hlalefise, a wa ba kona manna, wa ba neya le meetši mo ba wonngwe. 21 Go fediye 40 ya mengwaga o kene o ba neya tsa go ja ku mašahleng. Ke mo ba sa gayele selo. Dikobo tsa bona a di ya hlagala, le mawoto ya bona a maa roroga.

22 “Wene o ba neyye memmušo le batho, ye mongwana le ye mongwana a kraya sekopa sage sa naga, gore ba tseye naga ya Sihone ya gore yi nageng ya kgoši ya Hešibhone le naga ya Ogo ya kgoši ya Bhašane. 23 Wa maka gore barwayi ba bona ba tlale go tshwana le dinanedi tsa magedimong. Wa ba yisa nageng ya gore o yi tshepisiye bokokwane ba bona gore ba kene ba dule ga yona. 24 Byalo, barwayi ba bona ba ya ba dula ga naga yone, wa hlula Makanana mahlong ga bona, Makanana ya gore ne ma dula mone nageng, o makiye gore ba ba lawole, ba lawole magoši le batho ba naga yone, gore ba make so ba bonang se lukiye. 25 Ba hlula mitši ya gore yi pasopegiye le naga ya gore yi tsifiye, ba dula dintlong tsa gore di tlele dilo tsa gabutši tsa mehlobohlobo, didiba tsa gore ba šele ba di yepiye, mašomo ya didhriva le ya diolivi le mehlare ya go tlala ya diyengwa. Ba ja, ba kgotsofala, ba šala ba tsifiye, ba tikwisa ka dilo tsa gabutši tso o ba makeleng tsona.

26 “Mara ba sa go theetsele, ba go jikela, ba lisetsa go maka tso di hlayang ke Molawo wago. Baporofeta bago ba gore ne ba ba pasopisa gore ba boyele gago ba ba bolayye, ba makiye dilo tsa go šupetsa gore ba dhelela ka matla. 27 Nka taba lo o lisetsiyeng manaba ya bona ya gore ne ma ba hlupegisa ma ba hlula. Ke mo ba go llela mo ma ba hlupegisa, fote ke mo o ba kwa o le magedimong; ka gore wene o kwelana go baba ka matla, ke mo o ba neya ba go phonisa gore ba ba phonise ga manaba ya bona.

28 “Mo ba thomisa ba yimuluga, ke mo ba boyela ba maka dilo tsa gore a di ya loka mahlong gago, fote wene ke mo o lisetsa manaba ya bona ma ba hlula, ma ba lawola. Ke mo ba boya gago ba kgopela gore o ba gelepe, fote ke mo o ba kwa o le magedimong, o ba phonisa ga tleletlele ka taba la gore wene o kwelana go baba ka matla. 29 Le mo o ba pasopisa gore ba boyele ba theetsele Molawo wago, ba f’’lo maka nkare bona baa tšiba ba gana go theetsela melawo yago; ba sinya ka gore ke mo ba sa latelele melawo yago ya gore motho o nyoko phela mo a maka tso yi di hlayang. Mara ba f’lo womisa dihlogo ba go jikela, ba fo tšhingha ba sa theetsele. 30 Go fediye mengwaga ya go tlala o ba lefisele pelo, o kene o ba pasopisa ka baporofeta bago, mara ba gana go go theetsela. Wa fetsa o ba lisetsiye gore ba hlule ke batho ba dinaga tse dingwana. 31 Ka taba la gore o kwelana go baba ka matla, a wa fetsa ka bona kela go ba lahla ka taba la gore ke wene Modimo wa go loka fote o kwelana go baba.

32 “Byalo, wene Modimo wa rune, Modimo wa gore ke ye mogolo, wa go ba le matšhika, wa go makatsa, wa gore o makiye tso a di tshepisiyeng fote o nyakanana ka matla, o sa wo tseyele fase mohlupego wa rune, mohlupego wa magoši ya rune, dindhuna tsa rune, maprista ya rune, baporofeta ba rune, bokokwane ba rune le batho bago ka mokana ga bona go tlugisela ka matšatši ya magoši ya Asiriya go segela le lekgono lowa. 33 Ke mo o lukiye ga dilo ka moka tso di re makegeleng ka gore o tshepegiye; mara ke rune ba go maka tsa go sa loka. 34 Mara magoši ya rune, dindhuna tsa rune, maprista ya rune le bokokwane ba rune a baa theetsela Melawo yago fote ke mo ba sa yisi felo ka yona kela tso o ba yeletsang ka tsona mo o ba pasopisa. 35 Le mo ba kene ba le mmušong wa bona, ba tikwisa ka dilo tsa go tlala tsa gabutši tso o ba neyyeng tsona fote ba le nageng ya go tsifa ya gore yi bulegiye yo o ba neyyeng yona, a baa go berekela fote a baa lisetsa go maka dilo tsa go befa. 36 Byalo ke rune bowa lekgono, ke rune malata—eya, malata nageng ya gore o yi neyye bokokwane ba rune gore ba je tsa go ja tsa yona le gore ba tikwise ka dilo tsa yona tsa gabutši. 37 Diyengwa tsa yona tsa go tlala ke tsa magoši ya gore o ma beyye gore ma re lawole ka taba la tso re di sinnyeng. Baa re* lawola, ba lawola le merape ya rune ka mokgo ba nyakang, re hlupega ka matla.

38 “Byalo, mo re lebelele ditaba tsowa ka mokana ga tsona, re maka kwano ya gore re yi ngwadiye fase fote yi merekiwwe ka dilo tso dindhuna tsa rune, Malifi ya rune le maprista ya rune ma merekang ka tsona go šupetsa gore ke nnete.”

10 Bo ba yi merekiyeng go šupetsa gore ke nnete ke bowa:

9 Bowa ke Malifi: Ješuwa morwayi wa Azaniya, Bhinuyi wa barwayi ba Henadadi, Kadimiyele 10 le bobhuti ba bona Šebhanaya, Hodaya, Kelita, Pelaya, Hanane, 11 Mikha, Rehobho, Hašabhiya, 12 Zakhure, Šerebhaya, Šebhanaya, 13 Hodaya, Bhani le Bheninu.

14 Bowa ke bo ne ba yeta batho bone mahlong: Paroši, Pahathe-mowaba, Elama, Zatu, Bhani, 15 Bhuni, Azighadi, Bhebhayi, 16 Adonija, Bhigivayi, Adini, 17 Atere, Hezekiya, Azuri, 18 Hodaya, Hašumi, Bhezayi, 19 Harifi, Anathothe, Nebhayi, 20 Maghipayaši, Mešulamo, Heziri, 21 Mešezabhele, Zadoke, Jadhuwa, 22 Pelataya, Hanane, Anayiya, 23 Hošeya, Hananiya, Hašubhi, 24 Haloheše, Piliha, Šobheke, 25 Rehume, Hašabhana, Maseya, 26 Ahija, Hanane, Anane, 27 Malukhe, Harimi le Bhaana.

28 Batho ka mokana ga bona—maprista, Malifi, ba go pasopa digheyiti, ba go yepelela, malata* ya go bereka tempeleng le batho ka mokana ga bona ba gore ba tihlawodiye ga batho ba dinaga tse dingwana gore ba latelele Molawo wa Modimo wa mannete, ba na le basadi ba bona, barwayi ba bona le barwediya ba bona, ka mokana ga bona ba gore baa tšiba fote baa kwisisa*— 29 ba gahlana le bobhuti ba bona le banna ba bagolo, ba tshepisa gore ba nyoko sepela ka Molawo wa Modimo wa mannete wa gore wo tlile ka Moše lelata la Modimo wa mannete le gore ba nyoko theetsela melawo ka mokana ga yona ya Jehova Morena wa rune, melawo yage yo a yahlulang ka yona le tso ba tshwaneleng ba di make fote ba kgopela Modimo gore a ba wolole mo ba ka sa theetsele. 30 Barwediya ba rune re ka sa ba neye batho ba naga yowa, fote re ka sa tseyele barwayi ba rune barwediya ba bona.

31 Mo batho ba naga yowa ba leya dilo tsa bona le mehlobo ka moka ya mabele gore ba rekise ka Sabatha, re ka sa reki selo ga bona ka letšatši la Sabatha kela ka letšatši la go hlawolega. Ka mongwaga wa kašupa (7) re ka sa limi fote re ka sa rere dikoloto.

32 Fote re titlemme gore ye mongwana le ye mongwana wa rune o nyoko neyela ka setlopo sa šekele* ka mongwaga gore se bereke ntlong* ya Modimo wa rune, 33 se nyoko bereka ga sekgwa sa go hlawolega, sehlabelo sa mabele sa ka moka matšatši, sehlabelo sa go tšhubiwa sa Sabatha le sa ngwedi wa nyuwane sa ka moka matšatši, menyanya ya go makiwa ka nako yo yi beyiwweng, dilo tsa go hlawolega, dihlabelo tsa tso Maisrayele ma di sinnyeng gore ma thogo tshwarediwa, se nyoko maka mmereko wa ntlong ya Modimo wa rune ka mokana ga wona.

34 Re lahliye dikgakgare re nyaka go segelela sepheto sa gore ke ka nako yifeng ya gore dihlogo tsa mitši ya maprista, Malifi le batho ba bangwana di nyoko leya mahlare ntlong ya Modimo wa rune mongwaga wo mongwana le wo mongwana, mahlare yane ma nyoko tšhubiwa aletareng ya Jehova Modimo wa rune, go ya ka so se ngwadiwweng ga Molawo. 35 Mongwaga wo mongwana le wo mongwana re nyoko leya diyengwa tsa go butšwa mathomisong tsa go tšwa nageng ya rune ntlong ya Jehova, ra leya le diyengwa tsa go butšwa mathomisong tsa mohlare wa mohlobo wo mongwana le wo mongwana wa gore wa yengwa, 36 re nyoko leya le barwayi ba rune ba matšibula, ra leya le matšibula ya merape ya rune, dikgomu, dinku le dipudi—go ya ka so se ngwadiwweng ga Molawo. Re nyoko di leya ntlong ya Modimo wa rune, ra di neya maprista ya gore ma bereka ntlong ya Modimo wa rune. 37 Ra yisa le folawa ya mathomo ga tso re di bunneng mathomisong, meneyelo ya rune, diyengwa tsa mohlare wa mohlobo wo mongwana le wo mongwana, wayini ya nyuwane le makgura, di nyaka re di neye maprista hala dikamareng* tsa go beya dilo ntlong ya Modimo wa rune, re nyoko neya Malifi le sa lesome sa go tšwa ga naga ya rune ka gore Malifi ke wona ma kolekang sa lesome ga mitši ka mokana ga yona ya gore batho baa lima.

38 Fote di nyaka moprista, morwayi wa Aroni a be le Malifi mo ma koleka sa lesome; fote di nyaka Malifi ma neyele ka sa lesome ga sa lesome ntlong ya Modimo wa rune, dikamareng* tsa ntlo ya go beya dilo. 39 Di nyaka Maisrayele le barwayi ba Malifi ba leye mabele, wayini ya nyuwane le makgura dikamareng* tsa gore ba beya dilo ga tsona, ke mo go nang le tso ba di berekisang tempeleng le maprista ya ma berekang hone, ba go pasopa digheyiti le ba go yepelela. Re ka sa lahle ntlo ya Modimo wa rune.

11 Byalo, dindhuna tsa batho ke mo di dula Jerusalema, mara batho ba bangwana ka mokana ga bona ba lahla dikgakgare gore ba hlawole motho ka wwoši ga lesome (10) la bona gore a ye dula Jerusalema, mutši wa go hlawolega, mo bo ba bangwana nkokwane (9) ya bona ba dula mitšing ye mengwana. 2 Go tokegela gana hone, batho ba rufa banna ka mokana ga bona ba gore ba kgetiye go ye dula Jerusalema.

3 Bowa ke ba go yeta dipoleke mahlong ba gore ne ba dula Jerusalema. (Maisrayele ya mangwana ka mokana ga wona, maprista, Malifi, malata* ya go bereka tempeleng le barwayi ba malata ya Solomoni ke mo ba dula ga mitši ye mengwana ya Juda, ye mongwana le ye mongwana polekeng yage, mutšing wage.

4 Fote Jerusalema ke mo go dula batho ba bangwana ba Juda le ba Bhenjamini.) Ga batho ba Juda ke mo go le Athaya morwayi wa Uziya morwayi wa Zakariya morwayi wa Amariya morwayi wa Šefataya morwayi wa Mahalalele wa go tšwa ga barwayi ba Pereze, 5 le Maseya morwayi wa Bharuke morwayi wa Kholohoze morwayi wa Hazaya morwayi wa Adaya morwayi wa Joyaribho morwayi wa Zakariya morwayi wa Lešela. 6 Barwayi ba Pereze ka mokana ga bona ba gore ke mo ba dula Jerusalema ke mo go le 468 ya banna ba go ba le matšhika.

7 Fote bowa ke mo go le batho ba Bhenjamini: Salu morwayi wa Mešulamo morwayi wa Jowede morwayi wa Pedaya morwayi wa Kolaya morwayi wa Maseya morwayi wa Ithiyele morwayi wa Ješaya, 8 ka nthago gage ke mo go tla Ghabhayi le Salayi, ke mo go le 928 ya bona; 9 fote ke mo ba wokamela ke Juwele morwayi wa Zikhiri, Juda morwayi wa Hasenuwa a le ka tlase gage.

10 Bowa ke mo go le maprista: Jedaya morwayi wa Joyaribho, Jakini 11 Seraya morwayi wa Hilikiya morwayi wa Mešulamo morwayi wa Zadoke morwayi wa Merayiyothe morwayi wa Ahithabo wa go yeta mahlong ntlong* ya Modimo wa mannete, 12 le bobhuti ba bona ba gore ke mo ba maka mmereko wa mone tempeleng, ke mo go le 822 ya bona; fote Adaya morwayi wa Jerohamo morwayi wa Pelalaya morwayi wa Amzi morwayi wa Zakariya morwayi wa Pašuri morwayi wa Malekhija, 13 le bobhuti bage ba gore ke mo go le dihlogo tsa mitši, 242 ya bona; le Amašisayi morwayi wa Azarele morwayi wa Azayi morwayi wa Mešilemothe morwayi wa Imere, 14 le bobhuti ba bona ba gore ke mo ba na le matšhika, banna ba go ba le lešiši, 128 ya bona; ke mo ba wokamela ke Zabhidiyele wa gore o tšwa ga mutši wa go tšibega.

15 Ga Malifi ke mo go le Šemaya morwayi wa Hašubhi morwayi wa Azrikama morwayi wa Hašabhiya morwayi wa Bhuni, 16 le Šabhethayi le Jozabhadi ba gore ke mo go le bona ba yetang Malifi mahlong, ba gore ne ba wokamela mmereko wa ka tawong ga ntlo ya Modimo wa mannete; 17 le Matanaya, morwayi wa Mmika morwayi wa Zabhidi morwayi wa Asafa wa go yepeledisa, wa gore ke mo a hlabelela ka dinako tsa mo ba rapela, Bhakubhukiya wa gore ke wa bobedi ga bobhuti bage le Abhda morwayi wa Šamuwa morwayi wa Ghalala morwayi wa Jeduthune. 18 Malifi ka mokana ga wona ya gore ne ma le mutšing wa go hlawolega ke mo go le 284 ya wona.

19 Fote ba go pasopa digheyiti ke mo go le Akubhi, Thalemone le bobhuti ba bona ba gore ke mo ba pasopa ku digheyiting, 172 ya bona.

20 Maisrayele ka mokana ga wona, maprista le Malifi ke mo ba le mitšing ya Juda ka mokana ga yona, ye mongwana le ye mongwana a le polekeng yage ya gore ke lefa lage. 21 Malata* ya go bereka tempeleng ke mo ma dula Ofele, fote Ziha le Ghišipa ke mo ba wokamela malata* ya go bereka tempeleng.

22 Ye ne a wokamela Malifi ku Jerusalema ke mo go le Uzi morwayi wa Bhani morwayi wa Hašabhiya morwayi wa Matanaya morwayi wa Mikha wa barwayi ba Asafa ba gore baa yepelela; ke mo a wokamela mmereko wo ne ba wo maka ntlong ya Modimo wa mannete. 23 Ka gore kgoši yi ntshiye molawo wa gore bo ba go yepelela ba neyiwe tso ba di gayelang letšatši le lengwana le lengwana. 24 Fote Pethahaya morwayi wa Mešezabhele wa barwayi ba Zera morwayi wa Juda ke mo go le yene wa go yeletsa kgoši ga ditaba ka mokana ga tsona tsa batho bone.

25 Letheto la dipoleke tso ba duling ga tsona le mašomo ya tsona ke lowa: batho ba bangwana ba Juda ke mo ba dula Kiriyathe-arabha le ga dipoleke tso ne di le thina nayo, Dibhoni le ga dipoleke tso ne di le thina nayo, Jekabhozili le dipoleke tso ne di le thina nayo, 26 Ješuwa, Molada, Bhethe-pelete, 27 Hazara-šuwala, Bhere-šeba le dipoleke tso ne di le thina nayo, 28 Zikilage, Mekhona le dipoleke tso ne di le thina nayo, 29 Ene-rimone, Zora, Jaramuthe, 30 Zanowa, Adulama le dipoleke tso ne di le thina natso, Lakhiši le mašomo ya yona le Azekha le dipoleke tso ne di le thina nayo. Ba duli go tlugisela ka Bhere-šeba go segela ka Moyedi wa Hinomo.

31 Batho ba Bhenjamini ke mo ba le Ghebha, Mikhimaše, Ayija, Bhethele le dipoleke tsa thina nayo, 32 Anathothe, Nobe, Ananiya, 33 Hazore, Rama, Ghithayimi, 34 Hadidi, Zebhoyime, Nebhalate, 35 Lodi le Ono, moyedi wa gore ne go dula banna ba go tšiba mmereko wa matsogo. 36 Malifi ya mangwana ya go tšwa Juda ke mo ba ma neyye poleke ya Bhenjamini.

12 Bowa ke maprista le Malifi ya gore ma sipidiye le Zerubhabhele morwayi wa Šiyalatiyele le Ješuwa: Seraya, Jeremiya, Ezera, 2 Amariya, Malukhe, Hathuši, 3 Šekhanaya, Rehume, Meremothe, 4 Idho, Ghinethoyi, Abhiya, 5 Mijamini, Madaya, Bhilgha, 6 Šemaya, Joyaribho, Jedaya, 7 Salu, Amoko, Hilikiya le Jedaya. Bowa ke dihlogo tsa maprista le bobhuti ba bona ka dinako tsa Ješuwa.

8 Malifi ke mo go le Ješuwa, Bhinuyi, Kadimiyele, Šerebhaya, Juda le Matanaya wa gore ke mo a yepeledisa dikoša tsa go leboga a na le bobhuti bage. 9 Bhakubhukiya le Uni ba gore ke bobhuti ba bona ke mo ba yemme ka nthoko ye nngwana ba lebeletsanne nabo, ba pasopiye tempele. 10 Ješuwa gwa ba papa wa Joyakimi, Joyakimi gwa ba papa wa Eliyašibhi, Eliyašibhi gwa ba papa wa Joyada, 11 Joyada gwa ba papa wa Jonathane ke mokane Jonathane gwa ba papa wa Jadhuwa.

12 Bowa ke mo go le maprista ka dinako tsa Joyakimi, go le bona dihlogo tsa mitši: wa go yemela mutši wa Seraya ke mo go le Meraya; wa go yemela mutši wa Jeremiya ke mo go le Hananiya; 13 wa go yemela mutši wa Ezera ke mo go le Mešulamo; wa go yemela mutši wa Amariya ke mo go le Jehohanane; 14 wa go yemela mutši wa Malukhi ke mo go le Jonathane; wa go yemela mutši wa Šebhanaya ke mo go le Josefa; 15 wa go yemela mutši wa Harimi ke mo go le Adna; wa go yemela mutši wa Merayiyothe ke mo go le Helekayi; 16 wa go yemela mutši wa Idho ke mo go le Zakariya; wa go yemela mutši wa Ghinethoni ke mo go le Mešulamo; 17 wa go yemela mutši wa Abhiya ke mo go le Zikhiri; wa go yemela mutši wa Miniyamini ke mo go le . . . ;* wa go yemela mutši wa Mowadiya ke mo go le Pilitayi; 18 wa go yemela mutši wa Bhilgha ke mo go le Šamuwa; wa go yemela mutši wa Šemaya ke mo go le Jehonathane; 19 wa go yemela mutši wa Joyaribho ke mo go le Matenayi; wa go yemela mutši wa Jedaya ke mo go le Uzi; 20 wa go yemela mutši wa Salayi ke mo go le Kalayi; wa go yemela mutši wa Amoko ke mo go le Ebhere; 21 wa go yemela mutši wa Hilikiya ke mo go le Hašabhiya; wa go yemela mutši wa Jedaya ke mo go le Nethanele.

22 Ka dinako tsa Eliyašibhi, Joyada, Johanani le Jadhuwa dihlogo tsa mitši ya Malifi ke mo di ngwadiwa fase go tshwana le maprista, go segela mo go lawola Dariyase wa Leperesiya.

23 Malifi ya gore ke mo go le dihlogo tsa mitši ke mo ba ma ngwadiye ga puku yo ba ngwalang tso ne di makega ka nako yonone, go segela ka dinako tsa Johanani morwayi wa Eliyašibhi. 24 Bo ba yetang Malifi mahlong ke mo go le Hašabhiya, Šerebhaya le Ješuwa morwayi wa Kadimiyele, fote bobhuti ba bona ba go pasopa ke mo ba yemme ka nthoko ye nngwana ba lebeletsanne nabo gore ba thanake ba boye ba leboge Modimo go ya ka mokgo go hlayyeng Dafita lelata la Modimo wa mannete. 25 Matanaya, Bhakubhukiya, Obadiya, Mešulamo, Thalemone le Akubhi ke mo go le ba go pasopa digheyiti, ba pasopiye dikamara tsa gore ne ba beya dilo ga tsona ku digheyiting. 26 Bowa ke mo ba bereka ka dinako tsa Joyakimi morwayi wa Ješuwa morwayi wa Jozadake le ka dinako tsa Nehemiya wa go lawola le Ezera wa gore ke moprista le mabhalane.

27 Mo ba neyela mapharo ya Jerusalema, ba ntshiye Malifi ga dipoleke ka mokana ga tsona tso ne ma dula ga tsona ba ma yisa Jerusalema gore ma neyele mapharo yane ma kene ma jabodiye, ma yepelela dikoša tsa go leboga, ma teya disimbhala, tsa go kgana dikoša tsa go ba le metato le diharepa. 28 Barwayi ba bo ba go yepelela ba kgobakana ba tšwa ga dipoleke tsa thina, Jerusalema ka mokana ga yona, dimitšaneng tsa Netofa, 29 Bhethe-ghilighala le mašomong ya Ghebha le Azimavethe, ka gore bo ba go yepelela ne ba tiyagele dimitšane go dukuluga Jerusalema ka mokana ga yona. 30 Maprista le Malifi ba tiyedisa, ba yedisa le batho, digheyiti le lepharo.

31 Ke mokane ka kalamisa dindhuna tsa Juda gedimo ga lepharo. Go tokegela gana hone, ka hlawola megoba ye megolo ka mmedi (2) ya go yepelela dikoša tsa go leboga, mogoba wo mongwana le wo mongwana ke mo wo šele nthago ke mogoba wa batho ke mokane mogoba ka wwoši wa go yepelela ke mo wo sepelela ga letsogo la go ja hala lepharong wo bakiye Gheyiting ya Dindhundhuma Tsa Luta. 32 Hošaya le sekopa sa dindhuna tsa Juda ke mo ba sepela ka nthago ga bona, 33 ba na le Azariya, Ezera, Mešulamo, 34 Juda, Bhenjamini, Šemaya le Jeremiya. 35 Ke mo ba na le barwayi ba bangwana ba maprista ba tshwere diporompeta: Zakariya morwayi wa Jonathane morwayi wa Šemaya morwayi wa Matanaya morwayi wa Mikhaya morwayi wa Zakhure morwayi wa Asafa, 36 le bobhuti bage Šemaya, Azarele, Milalayi, Ghilalayi, Mayi, Nethanele, Juda le Hanani, ke mo ba tshwere dilo tsa go teya dikoša tsa Dafita lelata la Modimo wa mannete; fote Ezera wa gore ke mabhalane ke mo a ba yetiye mahlong. 37 Mo ba le Gheyiting ya Sediba ba yinuga ka Ditepisi tsa Mutši wa Dafita ba feta Ntlong ya Dafita ba ya Gheyiting ya Meetšing ba bakiye bohlabela.

38 Ba bangwana bo ne ba yepelela dikoša tsa go leboga ke mo ba sepelela letsogong la sepata, ka ba latelela ke na le mogoba wo mongwana wa batho, gedimo ga lepharo le ga Sewokamelo sa Dionto le ga Lepharo le Lekoto 39 le gedimo ga Gheyiti ya Eforayimi le Gheyiting ya Mutši wa Botala le Gheyiting ya Dihlapi, Sewokamelong sa Hananele, Sewokamelong sa Meya le Gheyiting ya Dinku; ke mokane ra yema Gheyiting ya Matšinghelane.

40 Ka nthago ga mone, megoba ka mmedi (2) ya go yepelela dikoša tsa go leboga ya yema mahlong ga ntlo ya Modimo wa mannete; le nna ka yema gona ke na le sekopa sa bala ba go lawola, 41 fote maprista Eliyakimi, Maseya, Miniyamini, Mikhaya, Eliyonayi, Zakariya le Hananiya ke mo ba tshwere diporompeta, 42 fote ke mo go na le Maseya, Šemaya, Eliyazara, Uzi, Jehohanane, Malekhija, Elama le Ezere. Bo ba go yepelela ke mo ba yepelela ba rasa ba yetetsa ke Iziraya.

43 Ba makiye dihlabelo tse dikgolo ka letšatši lone fote ba jabola, ka gore Modimo wa mannete o makiye gore ba jabole ka matla. Ne go jabodiye le basadi le bana, tsotsone dya maka gore ba kwagale le ku kgole gore ba jabodiye.

44 Ka letšatši lone ba hlawola banna gore ba pasope dikamara tso ba beyang dilo ga tsona gore ba beye dilo tso ba neyeleng ka tsona, diyengwa tsa gore di butšwiye mathomisong le sa lesome. Ka teng ga tsona ke mo ba tšhela tso ba di krayyeng ku mašomong ya gana hone dipolekeng tsa gore Molawo ne wo re ba di neye maprista le Malifi, ka gore ke mo ba jabodiye ku Juda ka taba la maprista le Malifi ba gore ke mo ba bereka tempeleng. 45 Fote ba thomisa go maka mebereko ya Modimo wa bona le wa go yedisa batho, ka mokgo bo ba go yepelela le bo ba go pasopa digheyiti ne ba maka ka gona, go ya ka mokgo go hlayyeng Dafita le morwayi wage Solomoni. 46 Ka taba la gore ku botala ka dinako tsa Dafita le Asafa, ke mo go na le ba go yetetsa bo ba go yepelela le ba go yepeledisa dikoša tsa go thanaka le tsa go leboga Modimo. 47 Fote ka dinako tsa Zerubhabhele le ka dinako tsa Nehemiya, Maisrayele ka mokana ga wona ma neyye bo ba go yepelela le ba go pasopa digheyiti moneyelo go ya ka so ne ba se gayela ka letšatši lone. Ba yye ba beyela le moneyelo wo mongwana ka thoko gore ba neye Malifi ke mokane Malifi ma beyela moneyelo wo mongwana ka thoko gore ma neye ditlogolwane tsa Aroni.

13 Ka letšatši lone ba bala puku ya Moše batho ba kene ba theetsele, ka mo teng ga yona ke mo ba ngwadiye gore ka phutegong ya Modimo wa mannete go sa tsoge go kenne Maamoni kela Mamowaba, 2 ka gore a baa gahlanetsa Maisrayele ba tshwere sekgwa le meetši, ba hiriye Bhalamo gore a ba leyele senyama. Mara Modimo wa rune a ba rufa, a maka gore go sa be le senyama. 3 Mo ba kwa Molawo wone, ba thomisa go ntsha ditlogolwane tsa batho ba go tšwa ba sepela ga Maisrayele.

4 Byalo, mo dilo tso di soko makega, moprista wa gore ke mo a pasopa dikamara* tsa go beya dilo tsa ntlo* ya Modimo wa rune ke mo go le Eliyašibhi wa gore ke mo go le lešaga la Thobhiya. 5 Eliyašibhi ke mo a neyye Thobhiya kamara* ye kgolo ya go beya dilo, ya gore botala ke mo ba beya mabelethoro ya go maka sehlabelo, tsa go nkgela, dilo tso ne ba di berekisa tempeleng, sa lesome sa mabelethoro, wayini ya nyuwane le makgura, tsa gore ba di neya Malifi, ba go yepelela le ba go pasopa digheyiti, ba leya le moneyelo wa gore ke mo ba wo neya maprista.

6 Nako yone ka mokana ga yona ke mo ke se Jerusalema, ka gore ke mo ke yye ga kgoši ka mongwaga wa bo 32 wa mo go lawola Kgoši Athazeksisi wa Bhabhilona; ka nthago ga nako ka kgopela kgoši gore ke sepele. 7 Ke mokane ka ya Jerusalema, ka di bona gore Eliyašibhi o makele Thobhiya selo se sengwana sa go tshosa, ke mo a mo neyye kamara ya go beya dilo ya gore ke mo yi le ka lapeng la ntlo ya Modimo wa mannete. 8 Tsowa di nkwatisiye, byalo ka lahlela diphahlo ka moka tsa ba ntlo ya Thobhiya ka tawong ga kamara* ya go beya dilo. 9 Ka nthago ga hone, ka ba botsa gore ba yedise dikamara* tsa go beya dilo; ka busetsa dilo tso ne ba di berekisa ntlong ya Modimo wa mannete, ka busetsa le mabelethoro ya go maka dihlabelo le dilo tsa go nkgela.

10 Fote ka kraya gore Malifi ke mo ba sa ma neye tso di ma tshwaneleng, tsotsone dya maka gore Malifi le bo ba go yepelela ba gore ne ba maka mmereko ba tloge, ye mongwana le ye mongwana a ya mašomong yage. 11 Byalo, ka sola bo ba gore ke dindhuna ka re: “Ke ntaba le lisetsiye ntlo ya Modimo wa mannete yi sa pasopega?” Ke mokane ka kgobaketsa bo ba gore ne ba sipidiye ka ba busetsa ga mmereko wa bona. 12 Ke mokane Majuda ka mokana ga wona ma leya sa lesome sa mabelethoro, wayini ya nyuwane le makgura ku dikamareng tsa gore ba beya dilo ga tsona. 13 Ka maka gore Šelemaya wa gore ke moprista, Zadoke wa gore ke mabhalane le Pedaya wa gore ke Lelifi ba pasope dikamara tsa go beya dilo, fote Hanane morwayi wa Zakhure morwayi wa Matanaya ke mo a ba gelepa ka gore banna bowa ke mo ba ba tseya ba tshepega. Ke mo go le mmereko wa bona gore ba neye bobhuti ba bona dilo.

14 O sa nlebale ka taba yowa, wene Modimo waka, fote o sa lebale go kwelana go baba mo ke go šupetsiyeng ntlo ya Modimo waka le bo ba pasopang mmereko wa gana hone.

15 Ka dinako tsone, ka bona batho ba Juda ba gatela didhriva gore ba make wayini ka Sabatha, ba leya le dindhundhuma tsa mabelethoro ba di layiša gedimo ga dibhongholo, ba leya wayini, didhriva, mago le morwalo wa mohlobo wo mongwana le wo mongwana Jerusalema ka letšatši la Sabatha. Byalo, ka ba pasopisa gore ba sa rekisi dilo tsa bona ka letšatši lone. 16 Batho ba go tšwa Tira ba gore ke mo ba dula hone mutšing ke mo ba leya dihlapi le dilo tse dingwana tsa mehlobohlobo, ba di rekisela batho ba Juda ku Jerusalema ka letšatši la Sabatha. 17 Byalo, ka sola bo ba go tšibega ba Juda ka re ga bona: “Ke ntaba le maka dilo tso tsa go befa, le sa hlompe letšatši la Sabatha? 18 Anthe a yi tsona tso ne di maka ke bokokwane ba lune, gore Modimo wa rune a šinye a wolola rune le mutši wowa? Byalo, le šuhlašuhla Modimo wa rune gore a nape a kwatele Israyele ka matla mo le sa hlompe Sabatha.”

19 Byalo, mo go soko fifala, go soko bane go thomisa letšatši la Sabatha, ka re ba kwale digheyiti tsa Jerusalema. Ka boya ka ba botsa gore ba sa di bule go segela mo Sabatha yi šele yi fediye, ka beya malata yaka ya mangwana hala digheyiting gore batho ba sa leye merwalo ya bona ka letšatši la Sabatha. 20 Bo ba go rekisa dilo tsa mehlobohlobo ba fetsiye bošego ka moka ba le ka tawong ga Jerusalema, di makegiye ga ggoši kela gabedi. 21 Ke mokane ka ba pasopisa ka re ga bona: “Ke ntaba le fetsa bošego ka moka le le mahlong ga lepharo? Mo le ka boyelela, ke nyoko le tlosa ka tšhinghi.” Go tlugisela ka letšatši lone, ba sa sa tla ka Sabatha.

22 Ka botsa Malifi gore ma dule ma tiyedisa fote ma tle ma pasope digheyiti gore letšatši la Sabatha le dule le hlawolegiye. Le tsowa o n’gopole ka tsona, wene Modimo waka, fote o nkwele go baba go ya ka mokgo o kwelanang go baba ka matla.

23 Ka matšatši yanane, ka bona le Majuda ya gore ma šadhiye le basadi ba Maašidodo, Maamoni le Mamowaba. 24 Sekopa sa barwayi ba bona ke mo se bolabola Seašidodo le mmolabolo wa batho ba bangwana, mara a go na ye ke mo a tšiba go bolabola mmolabolo wa Majuda. 25 Byalo, ka ba sola, ka ba pasopisa ka tso Modimo a nyoko ba wololang ka tsona, ka teya le ba bangwana ba bona, ka ba goga ka moriri fote ka maka gore ba tshepise ka Modimo gore: “Barwediya ba lune le sa ba neyeneng barwayi ba bona, fote le sa titseyeleneng kela la tseyela barwayi ba lune barwediya ba bona. 26 Anthe a yi ka taba la tsotso mo Kgoši Solomoni wa Israyele a šinya a sinya? Ke mo go se na kgoši ya go tshwana naye ga ditšhaba tsa go tlala; fote Modimo ke mo a kwana naye ka matla, a šinya a maka gore go be kgoši ya Israyele ka mokana ga yona. Mara basadi ba ditšhaba tse dingwana ba maka gore a sinye. 27 Di ya makatsa gore le makiye ka mokgo, le sinnye ka matla ka gore a le ya tshepega ga Modimo wa rune, la šadha le basadi ba ditšhaba tse dingwana.”

28 Ye mongwana wa barwayi ba Joyada morwayi wa Eliyašibhi wa gore ke moprista ye mogolo, ke mo go le mokgonyana wa Sanbhalate wa Lehoro. Byalo, ka mo raka mo gaka.

29 O ba gopole wene Modimo waka, ka taba la gore ba thilafatsiye boprista le kwano yo yi makiwweng le maprista le Malifi.

30 Ke ba yedisiye ga dilo ka moka tsa gore ne di ka ba thilafatsa tsa go tšwa ditšhabeng tse dingwana, fote ke neyye maprista le Malifi mmereko, ye mongwana le ye mongwana a maka mmereko wage, 31 ka maka gore ba leye mahlare ka nako ya gona le diyengwa tsa gore di butšwiye mathomisong.

O n’gopole ka dilo tsa gabutši, wene Modimo waka.