ESITA

1 Byalo nakwela go lawola Ahasuwerosi,* re bolabola ka Ahasuwerosi wa gore ke mo a lawola dipoleke 127 ya tsona+ go tlugisela Indiya go segela Itopiya.* 2 Ka dinako tso Kgoši Ahasuwerosi ne a duli ga setulo sa go lawola ku Šušani*+ ya gore ke poleke ya bogoši, 3 ke mo go le ka mongwaga wa kararo wa mo a lawola, o makele barwayi bage le dibereki tsage monyanya. Masole ya Peresiya+ le ya Mameda,+ malata ya mayemo ya gedimo le banna ba go lawola dipoleke tsone ke mo ba yemme mahlong gage, 4 o fetsiye 180 ya matšatši a ba šupetsa ka mokgo mmušo wage wo ghannyeng ka gona, ka mokgo a nang le matšhika le ka mokgo a hlompegang ka gona. 5 Mo matšatši yane ma fela, kgoši yi makele batho ba ku Šušani ya gore ke poleke ya bogoši monyanya wa gore wo tsere matšatši kašupa ya wona, o wo makele ka teng ga lapa la poleke yo go dulang kgoši, batho bo a ba makeleng monyanya wone ke mo ba thomisa ka ye mogolo go segela ka ye monyana. 6 Ka mone lapeng ke mo ba kgabisiye ka magaredheni ya ma tšhwewu le ya ma tala sebakabaka ba ma tlemme ka dithapo tsa gore ba di makiye ka llapi le le tšhwewu le wulu ye phepholo. Ke mo ba ma kgapegiye ka selo sa kgokolo sa gore ke se se silva fote ba ma tlemme ga dikholomo tsa go makiwa ka letlapa la mmabolo.

7 Ke mo ba tšhela wayini ka teng ga didlelase tsa gholdi fote didlelase tsone ke mo di sa tshwane, wayini yo ne ba yi makela kgoši ke mo yi tlele go ya ka mokgo kgoši ne yi kgona ka gona. 8 Kgoši yitseri go sa be le motho ye ba mo gapeletsang gore a nwe ka taba la gore o bolabodiye le bo ba go wokamela malata yage gore ye mongwana le ye mongwana a make ka mokgo a kwang di mo kgotsofatsa.

9 Vašiti+ wa gore ke mosadi wa kgoši le yene ke mo a makele basadi monyanya ntlong ya Kgoši Ahasuwerosi.

10 Ka letšatši la kašupa mo pelo ya kgoši yi sa jabodiye ka taba la go kwa wayini, yi butsiye Mehumani, Bhizitha, Harebhona,+ Bhigitha, Abhagtha, Zethara le Khakhase ba gore ke banna kašupa ya bona ba go bereka khota ba gore fote ke mo ba berekela Kgoši Ahasuwerosi 11 gore ba mo leyele Vašiti wa gore ke mosadi wa kgoši a yapere sa go kgapega ho hlogong* gore a thogo šupetsa batho le bo ba go yeta mahlong* gore o bafele, ka taba la gore ke mo a bafele ka matla. 12 Mara Vašiti wa gore ke mosadi wa kgoši ke mo a fo dulela go gana mo kgoši yi mmitsa yi berekisa ba go bereka khota. Kgoši ya kwata ka matla mo yi bona a maka tsotsone.

13 Kgoši yi bolabodiye le banna ba go hlalefa ba gore ke mo ba tšiba dilo tsa gore ke mo di makega ku botala (nka mokgo taba yowa ya kgoši yi segeleng ga batho ka moka ba go tšiba molawo, 14 bo ne ba le thina ka matla naye ke Khašina, Šethara, Adimatha, Tharašiši, Meresi, Marisena le Memukhane, ke banna kašupa ya bona bo ne ba lawola+ Peresiya le Meda ba gore ke mo ba kgona go bolabodisana le kgoši fote ba na le mayemo ya gedimo mmušong). 15 Kgoši yi butsisiye gore: “Go ya ka molawo go tshwanele go makege ying ka Vašiti wa gore ke mosadi wa kgoši ka taba la gore aa theetsela tso di hlayyeng ke Kgoši Ahasuwerosi nakwela a berekisa banna ba go bereka khota?”

16 Mo a reyane Memukhane a hlaya mahlong ga kgoši le bala ba go lawola a re: “Vašiti wa gore ke mosadi wa kgoši aa sinyela kgoši yi ntoši+ mara o sinyele le bo ba go lawola le batho ka moka bo ne ba le ga dipoleke tsa go lawola ke Kgoši Ahasuwerosi. 17 Tso mosadi wa kgoši a di makiyeng di nyoko tšiba ke basadi ka moka, ba nyoko thomisa go dhelela banna ba bona ba re: ‘Kgoši Ahasuwerosi o bitsiye Vašiti wa gore ke mosadi wa kgoši mara Vašiti a gana go ya.’ 18 Barwediya ba magoši ya Peresiya le Meda ba gore baa tšiba ka tso mosadi wa kgoši a di makiyeng ba nyoko bolabola le barwayi ba kgoši ka yona taba yowa, sosone se nyoko maka gore ba dhelele fote ba fo kwatakwata. 19 Mo nkare di jabodisa kgoši, yi make gore go ngwadiwe molawo ga melawo ya Peresiya le Meda wa gore wo ka sa sudiwi+ wa go hlaya gore Vašiti a ka sa tsoge a yemme mahlong ga Kgoši Ahasuwerosi fote kgoši yi thibe sekgala sage ka mosadi wa gore wa mo phala. 20 Mo batho ka mokana ga bona ba šele ba kwelele ka molawo wowa wa kgoši, basadi ka mokana ga bona ba nyoko hlompa banna ba bona, go tlugisela ka ye mogolo go segela ka ye monyana.”

21 Taba yowa yi jabodisiye kgoši le barwayi ba yona fote kgoši yi makiye tso Memukhane a yi butsiyeng tsona. 22 Byalo, o romele marifi ga dipoleke ka mokana ga tsona tsa bogoši,+ o ngwalele poleke ye nngwana le ye nngwana ka mokgwa wa yona fote a berekisa mmolabolo wa gana hone a ba botsa gore monna di nyaka a lawole ka mutšing wage fote a bolabole mmolabolo wa gana hone.

2 Mo dilo tsowa di šele di makegiye fote Kgoši Ahasuwerosi+ a sa sa kwatiye, o yye a gopola dilo tso Vašiti a di makiyeng+ le sepheto so ba se segeleleng ka yene.+ 2 Bo ba go berekela kgoši ba yitseri: “Di nyaka re nyakele kgoši kgareba ya go bafala. 3 Fote kgoši yi hlawole batho ga dipoleke ka mokana ga tsona tso yi lawolang ga tsona+ gore ba leye makgareba ya go bafala Šušani* ya gore ke poleke ya bogoši, ba ba yise ntlong ya gore go dula basadi. Ba pasope ke Heghayi+ wa gore ke lelata la kgoši* wa gore fote o pasopa basadi, fote mmele wa bona wo wolodiwe. 4 Kgareba yo yi jabodisang kgoši ke yona yi nyoko thibang sekgala sa Vašiti.”+ Kgoši yi jabodisiye ke taba yowa ke mokane ya maka ka mokgonone.

5 Ke mo go na le monna ye mongwana wa Lejuda ku Šušani*+ ya gore ke poleke ya bogoši wa gore lebitso lage ke Morodekhayi+ morwayi wa Jayiri, morwayi wa Šimeyi, morwayi wa Khiši wa leloko la Bhenjamini,+ 6 wa gore ba mo yisiye bobhantiting a tšwa Jerusalema a na le batho ba gore ba ba rakiye le Kgoši Jekoniya*+ wa gore Kgoši Nebhukhadhinezara wa Bhabhilona o mo yisiye bobhantiting. 7 Ke mo a pasopa Hadasa wa gore fote ke Esita morwediya wa bhuti wa papage+ ka taba la gore ke mo a se na papa le mmane. Kgareba yowa ke mo yi bafele ka matla, nakwela mmane wage le papage ba hlokofala Morodekhayi o mo tsere a maka gore go be morwediya wage. 8 Nakwela ba sabalatsa lentsu la kgoši le molawo wage, fote ba leyye makgareba ntlong ya kgoši ya gore yi hala Šušani* gore Heghayi a ba pasope,+ Esita le yene ba mo yisiye ntlong ya kgoši gore a pasope ke Heghayi wa gore ke mo a pasopa basadi ba gana hone.

9 Byalo, Esita ke mo a mo jabodisa ka matla, a maka gore ba wolole mmele wage+ fote ba mo fe tsa go ja tsa mayemo, a hlawola basadi kašupa ya bona ba go tšwa ntlong ya kgoši gore ba berekele Esita. Fote a yisa Esita le bo ne ba mmerekela ga poleke ya go hlawolega ya ntlo ya basadi. 10 Esita aa hlaya selo ka batho ba gabo+ kela ka mašaga yage ka taba la gore Morodekhayi+ o mmutsiye gore a sa botse motho.+ 11 Letšatši le lengwana le le lengwana Morodekhayi ke mo a ya lapeng la ntlo ya basadi gore a thogo tšiba gore Esita o tsugiye byang le gore king tso ne di mo makegela.

12 Kgareba ye nngwana le ye nngwana ke mo yi kraya nako ya go ya ga Kgoši Ahasuwerosi mara ke mo yi tshwanele yi fetse 12 ya dikgwedi ba yi wolola mmele ka mokgo basadi ne ba ba wolola ka gona, ke mokgwa wo ne ba wo berekisa gore ba dule ba bafele, ke mo ba fetsa kobodi ya dikgwedi ba berekisa makgura ya mira,+ fote ke mo ba fetsa kobodi ye nngwana ya dikgwedi ba berekisa makgura ya Bhalesamo+ le makgura ya mangwana ya go maka gore ba bafale. 13 Mo ba fetsa ke mo ba šele ba tshwanelega go ya ntlong ya kgoši, fote ke mo ba ba neya selo se sengwana le se sengwana so ne ba se kgopela mo ba tloga ga ntlo ya basadi ba ya ga ya kgoši. 14 Ke mo ba ya ga kgoši ka malobana ke mokane ka bošego ke mo ba boyela ga ntlo ya mabedi ya basadi ya gore ke mo yi pasopa ke Šašaghazi wa gore ke mo go le lelata*+ la kgoši wa gore fote ke mo a pasopa batlabo ba kgoši. Ke mo ba boyela ga kgoši mo ba ka ba ba yi jabodisiye fote yi ba kgopele ka lebitso.+

15 Byalo mo go segela nako ya gore ka ku ga kgoši go kene Esita morwediya wa Abhiheyili, wa gore ke bhuti wa papa wa Morodekhayi yela wa gore o fetsiye a maka gore go be morwediya wage,+ Esita aa kgopela selo mara o f’lo maka dilo ka mokana ga tsona tso a di butsiyeng ke Heghayi wa gore ke lelata* la kgoši wa gore fote ke mo a pasopa basadi. (Ka dinako ka moka batho ke mo ba kwa ba kwana le Esita mo ba mmona.) 16 Esita ba mo yisiye ntlong ya Kgoši Ahasuwerosi ka kgwedi ya lesome, kgwedi yone ke mo ba re ke Thebethe fote ke mo go le mongwaga wa kašupa+ kgoši yone yi lawola. 17 Kgoši ya fo kwa yi kwana le Esita ka matla go feta basadi bala ka moka, fote yi yamogele yene go feta makgareba yala ka mokana ga wona. Byalo ya mo yapesa sa go kgapega mo hlogong* ke mokane ya maka gore go be yene mosadi wa kgoši,+ go sa sa ba Vašiti.+ 18 Kgoši ya maka monyanya wo mogolo yi makela barwayi ba yona le malata ya yona, ke mo go le monyanya wa Esita. Yi yye ya lokolla batho ba dipoleke tsone fote ya ba fa dilo ka mokgo yi kgonang ka gona.

19 Byalo mo ba leya makgareba+ la mabedi, Morodekhayi ke mo a duli gheyiting ya kgoši. 20 Esita aa hlaya selo ka mašaga yage le batho ba gabo+ ka mokgo Morodekhayi a mmutsiyeng ka gona; Esita o f’lo ya mahlong a maka tso Morodekhayi a di hlayyeng go fo tshwana le ka nakwela Morodekhayi a sa mo pasopa.+

21 Ka matšatši yane mo Morodekhayi a sa duli gheyiting ya kgoši, Bhigithane le Thereše ba gore ke banna ka babedi ba gore ke mo ba bereka khota ya kgoši fote ba pasopa monyako ba yye ba kwata ba polana go bolaya Kgoši Ahasuwerosi. 22 Mara Morodekhayi a yi kwelela taba yowa ke mokane a yakgoswa a botsa Esita wa gore ke mosadi wa kgoši. Esita a botsa kgoši ka taba yowa a berekisa lebitso la Morodekhayi. 23 Byalo ba nyakisisa taba yowa, ba kraya gore ke nnete, ke mokane banna bowa ka babedi ba ba fega phateng; fote taba yowa ba yi ngwadiye ga puku ya gore ke mo ba ngwala dilo tsa botala tso di makegiyeng, ba yi ngwadiye kgoši yi kene yi lebelele.+

3 Ka nthago ga dilo tsowa, Kgoši Ahasuwerosi o neyye Hamane+ morwayi wa Hamedatha wa Leagage+ mayemo fote a mo gudisa a maka gore a phale ba bangwana ba go lawola ba gore ne a le nabo.+ 2 Fote malata ka mokana ga wona ya kgoši ya ne ma duli gheyiting ya kgoši ne ma thinyela Hamane letolo ma boya ma mo yinamisela hlogo ka taba la gore kgoši yi ma butsiye gore ma mo hlompe. Mara Morodekhayi o ganne go mo thinyela letolo kela go yinamisa hlogo. 3 Byalo malata ya kgoši ya gore ne ma duli gheyiting ya kgoši ma re ga Morodekhayi: “Ke ntaba o sa theetsele molawo wa kgoši?” 4 Ke mo ba mmutsisa dilo tsowa letšatši le lengwana le lengwana mara ne a sa ba theetsele. Ke mokane ba botsa Hamane gore a pombhole taba yowa ya Morodekhayi gore ayitsano ba ko kgoneng go yi tiyisela+ ka taba la gore o ba butsiye gore ke yene Lejuda.+

5 Mo Hamane a di bona gore Morodekhayi aa nyake go mo thinyela letolo le go mo yinamisela hlogo, Hamane o yye a kwata ka matla.+ 6 Mara ke mo a sa nyake go fetsa ka Morodekhayi a ntoši ka taba la gore ne a di kwelele gore go na le batho ba ga bo Morodekhayi. Byalo Hamane a thomisa go nyaka go fetsa ka Majuda ka mokana ga wona ya ne ma le ga dipoleke tso ne di lawola ke Ahasuwerosi, batho ka mokana ga bona ba ga bo Morodekhayi.

7 Ka kgwedi ya mathomo ya gore ba re ke Nisani ka mongwaga wa bo 12+ wa mo go lawola Kgoši Ahasuwerosi, ba lahliye dikgakgare*+ mahlong ga Hamane ba nyaka go bona gore dilo tsone di nyoko makega ka letšatši le kgwedi yifeng, di wele ga kgwedi ya bo 12 ya gore ke Adara.+ 8 Hamane a botsa Kgoši Ahasuwerosi gore: “Go na le batho bo ba palakanneng ba kena gare ga batho+ ba gore ba dula dipolekeng tso o lawolang ga tsona,+ ba gore melawo ya bona a yi tshwane le ya batho ba bangwana fote a ba theetsele melawo ya kgoši, di ka sa be gabutši mo kgoši yi ka fo ba lisetsa ka mokgonone. 9 Mo nkare di jabodisa kgoši, maka gore go be le molawo wa gore go fele ka bona. Ke nyoko patela 10 000 ya ditalente* tsa silva ga bo ba go lawola gore ba yi tšhele ga lebhokisi la go tšhela makolwane ya bogošing.”

10 Mo a reyane kgoši ya yapola ringi ya yona ya go šupetsa gore ya lawola+ ya yi neya Hamane+ morwayi wa Hamedatha wa Leagage+ wa gore ke lenaba la Majuda. 11 Kgoši ya re ga Hamane: “Ke go neya silva le batho bowa gore o make so o bonang se lukiye.” 12 Ba bitsiye bomabhalane ba kgoši+ ka letšatši la bo 13 la kgwedi ya mathomo. Ba ngwadiye+ dilo ka mokana ga tsona tso Hamane ne a nyoko di botsa dindhuna tsa bogošing, bo ba go lawola dipoleke tsone le malata ya go lawola batho ba mohlobohlobo, o ngwalele poleke ye nngwana le ye nngwana ka mokgwa wa yona fote a berekisa mmolabolo wa gana hone. Ba di ngwadiye ka lebitso la Kgoši Ahasuwerosi fote ba di mereka ka ringi ya kgoši ya go šupetsa gore ya lawola.+

13 Ba romme batho gore ba yise marifi yane ga dipoleke ka mokana ga tsona tsa gore ne di lawola ke kgoši, ba ba botsa gore ba bolaye Majuda ka mokana ga wona fote ba nape ba fetse ka wona, ba bagolo le ba banyana, dibananyana le basadi, ba make tsotsone ka letšatši la bo 13 ka kgwedi ya bo 12 yo ba reng ke Adara+ fote ba tseye dilo tsa bona.+ 14 Tso ba di ngwadiyeng ne go nyoko ba molawo wa poleke ye nngwana le ye nngwana fote ne ba nyoko di botsa batho ka mokana ga bona gore ba thogo tilukiselela letšatši lone. 15 Bala ba go sipidisa molayetsa ba theetsele kgoši ba napa ba sepela;+ molawo wone ke mo wo tšwa Šušani*+ ya gore ke poleke ya bogoši. Ke mokane kgoši le Hamane ba dula fase gore ba thogo nwa, mara poleke ya Šušani* ya šala yi hlakahlakanne.

4 Mo Morodekhayi+ a kwelela ka dilo tso ba di makiyeng,+ o yye a tlerola dikobo tsage, a yapara masaka fote a tlola le luta. Ke mokane a ya gare ga mutši a kene a gotla. 2 O kgonne go segela gheyiting ya kgoši ka taba la gore ke mo go se na motho ye ba mo dumelelang go kena gheyiting ya kgoši a yapere masaka. 3 Majuda ka mokana ga wona ya ne ma le ga dipoleke+ tso lentsu le molawo wa kgoši wo segeleng ga tsona ke mo ma lla, ma tikona tsa go ja+ fote ma tikgihla dikguba. Ba go tlala ke mo ba patlamme hala fase ba yapere masaka fote ba tlodiye luta.+ 4 Mo dibereki tsa Esita le malata yage ba tla ba mmotsa taba yowa, mosadi wa kgoši a thomisa go šekela ka matla, a tseya dikobo gore a di yise ga Morodekhayi gore a yapare tsona a sa yapare masaka, mara Morodekhayi a di gana. 5 Mo a kwa tsotsone, Esita a bitsa Hathake wa gore ke ye mongwana wa malata* ya kgoši wa gore kgoši o mo hlawodiye gore a berekele Esita a mmotsa gore a ye butsisa Morodekhayi gore go makega ying le gore fote di ra gore king.

6 Byalo, Hathake a ya ga Morodekhayi ku mutšing ga gore batho ba gahlanela gona mahlong ga gheyiti ya kgoši. 7 Morodekhayi o mmutsiye dilo ka mokana ga tsona tso di mo makegeleng, fote a mmotsa le ka tšheleta+ yo Hamane a tshepisiyeng go yi patela gore Majuda ma bolayiwe.+ 8 A mo neya le lephephe la gore ba ngwadiye molawo ku Šušani*+ wa gore batho ba bolayiwe. Fote ne a tshwanele a wo šupetse Esita, a mo hlatollele+ fote a mmotse gore a ye ga kgoši a bolabole nayo ba lebeletsanne gore a thogo phuphutela batho ba gabo.

9 Mo Hathake a boya o butsiye Esita tso Morodekhayi a mmutsiyeng tsona. 10 Esita o bolabodiye le Hathake a mmotsa dilo tso a tshwaneleng a di botse Morodekhayi, o yitseri:+ 11 “Malata ya kgoši ka mokana ga wona le batho bo ba dulang ga dipoleke tso di lawolang ke kgoši ba di tšiba gore a go na motho ye a yang ka lapeng la kgoši+ ba sa mmitsa, go bereka molawo ka wwoši wa gore: Motho yene di nyaka a bolayiwe; o nyoko phela mo kgoši yi ka mo šupetsa ka thoka ya go makiwa ka gholdi.+ Go šele go fediye 30 ya matšatši kgoši yi sa mpitsi.”

12 Mo ba botsa Morodekhayi tso Esita a di hlayyeng, 13 o butsiye Esita gore: “O sa nagane gore o nyoko phona mo ba fetsa ka Majuda ka taba la gore o dula ntlong ya kgoši. 14 Mo o ka kgomolela, Majuda ba nyoko ma phonisa ka mokgwa wo mongwana,+ mara go nyoko fela ka wene le ba mutši wa papago. Fote go tšiba mang gore o šinnye o ba mosadi wa kgoši gore o thogo phonisa Majuda?”+

15 Byalo Esita a botsa Morodekhayi gore: 16 “Ariye o kgobakanye Majuda ka mokana ga wona ya o ma krayang Šušani* fote le tikone tsa go ja+ ka taba laka. Le fetse kararo ya matšatši+ le kararo ya mašego le sa ji fote le sa nwe. Nna le dibereki tsaka re nyoko tikona tsa go ja. Ke nyoko ya ga kgoši le mo molawo wo sa dumele, mo nkare ke ya kgwa, ke tlo fo kgwa.” 17 Byalo Morodekhayi a sepela a ya a maka dilo ka mokana ga tsona tso Esita a mmutsiyeng tsona

5 Ka letšatši la kararo+ Esita o yapere dikobo tsage tsa bogošing a kena ka lapeng la kgoši mahlong ga ntlo ya kgoši, kgoši ke mo yi duli setulong sa yona sa go lawola ku ntlong ya yona yi libanne le mo go keniwang gona. 2 Mo kgoši yi bona mosadi wa yona ye ba reng ke Esita a yemme ka ku lapeng ya jabola, yi yye ya šupetsa Esita ka thoka ya yona ya go makiwa ka gholdi+ yo ke mo yi yi tshwere. Ke mokane Esita a šutela a tikisa thoka yela ka ho gedimo.

3 Kgoši ya butsisa mosadi wa yona gore: “O hlupa king Esita? O nyaka ying? Nka go neya le sekopa sa mmušo waka!” 4 Esita a re: “Mo nkare kgoši ya nyaka ke kgopela gore lekgono yi tle ga monyanya wo ke yi makeleng wona, yi tle le Hamane.”+ 5 Byalo kgoši ya botsa malata ya yona gore: “Botsaneng Hamane a tle ka go yakgoswa ka mokgo Esita a mo kgopelang ka gona.” Byalo kgoši le Hamane ba ya ga monyanya wo Esita a wo makiyeng.

6 Mo monyanya wone wo fela ke mo ba nwa wayini,* kgoši ya butsisa Esita gore: “O nyaka ke go makela ying? Mpotse ke nyoko go neya sona! O nyaka ying? Nka go neya le sekopa sa mmušo waka!”+ 7 Esita a re: “Tso ke di nyakang ke tsowa, 8 mo nkare ke jabodisiye kgoši fote yi nyoko maka tso ke di kgopelang, ke kgopela yi tle le Hamane ga monyanya wo ke nyoko ba makelang wona ka motshwana; fote ke nyoko yi botsa tso ke di kgopelang.”

9 Hamane o yye gaye a jabodiye ka matla ka letšatši lone fote a fo kwa pelo yo yi le gabutši. Mara mo a bona Morodekhayi ku gheyiting ya kgoši fote a di bona gore Morodekhayi aa hlagasele mo a mmona, o yye a mo kwatela.+ 10 Mara Hamane o f’lo titshwara a ya gaye. Ke mokane a bitsa banghana bage le mosadi wage Zereše.+ 11 Hamane a kganya ka dilo tso a ghannyeng ka tsona, ka gore o na le barwayi ba go tlala+ le ka mokgo kgoši yi mo neyyeng mayemo ya maka gore a phale barwayi ba yona le malata ya yona.+

12 Hamane a tokegela ka gore: “Le sa nyaka ying, Esita wa gore ke mosadi wa kgoši aa bitsa motho ye mongwana mara o bitsiye nna gore ke felegetse kgoši ga monyanya wo Esita wa gore ke mosadi wa kgoši a wo makiyeng.+ Fote ba mmemme ka motshwana gore ke be nabo.+ 13 Mara tso ka mokana ga tsona a di nkgotsofatse solanka ke sa na ke bona Morodekhayi wa Lejuda a duli ku gheyiting ya kgoši.” 14 Byalo mosadi wage Zereše le banghana bage ba re gage: “Hloma phate ya gore yi lefiye go segela gana hala ga 22, 3 ya dimitha. Fote o botse kgoši ka bošego gore di nyaka Morodekhayi a fegiwe mone ga yona.+ Ariye we tikwisa ka monyanya wone o kene o na le kgoši.” Taba yowa yi jabodisiye Hamane ka matla, a hloma phate yone.

6 Kgoši a ya bo pata bošego byone. Yi yitseri ba leye puku yo ba ngwadiyeng dilo tso di makegiyeng ku botala,+ ke mokane ba yi balela yona. 2 Gana mone ba krayye ba ngwadiye dilo tso di bigiyeng ke Morodekhayi ka Bhigithani le Thereše, banna ka babedi ba gore ke mo ba bereka khota ya kgoši fote ba pasopa mone monyako, bo ne ba polanne go bolaya Kgoši Ahasuwerosi.+ 3 Kgoši ya butsisa gore: “Re mo makele ying ga Morodekhayi go šupetsa gore re ya mo leboga?” Mo a reyane, bala ba go berekela kgoši ba re: “A re ya mo makela selo.”

4 Ka nthago ga nako kgoši ya re: “Ke mang ye a leng ka ku lapeng?” Ke mo go tlile Hamane ka lapeng+ la kgoši a nyaka go bolabola naye ka taba ya gore di nyaka Morodekhayi a fegiwe phateng yo a mo makeleng yona.+ 5 Bala ba go berekela kgoši ba re: “Hamane+ o ka ku lapeng.” Byalo kgoši ya re: “Mmotseneng a kene.”

6 Mo Hamane a kena, kgoši ya re gage: “Mo kgoši yi nyaka go leboga motho yi tshwanele yi mo makele ying?” Hamane a hlaya ka pelong a re: “Nje o gona motho ye kgoši yi ka nyakang go mo leboga go phala nna?”+ 7 Byalo, Hamane a botsa kgoši gore: “Motho ye kgoši yi nyakang go mo leboga, 8 ba mo yapese kobo ya bogošing+ ya gore yi yapara ke kgoši, a kalame pera ya gore yi kalama ke kgoši fote pera yone ba yi yapese sa go kgapega mo hlogong. 9 Ke mokane ye mongwana wa batho bo kgoši yi ba tseyelang gedimo a pasope kobo yone le pera yone, fote kobo yone ba yi yapese monna ye kgoši yi nyakang go mo leboga a kalame pera yone a ye ku mutšing ga gore batho ba gahlanela gona. Ba yahlamele a kene a theetsele ba re: ‘Tsowa ke tso ba di makelang motho wa gore kgoši yi nyaka go mo leboga!’”+ 10 Kgoši ya napa ya re ga Hamane: “Yakgoswa! Tseya kobo yone le pera yone, dilo tso o fetsang go di hlaya o di makele Morodekhayi wa Lejuda wa gore o duli ku gheyiting ya kgoši. O make dilo ka mokana ga tsona tso o di hlayyeng.”

11 Byalo Hamane a tseya kobo yone a yi yapesa Morodekhayi+ fote a mo kalamisa le pera a ya naye ku mutšing ga gore batho ba gahlanela gona, a yahlamela mahlong gage a re: “Tsowa ke tso ba di makelang motho wa gore kgoši yi nyaka go mo leboga!” 12 Ka nthago ga hone Morodekhayi a boyela gheyiting ya kgoši mara Hamane a tabogela gaye a kene a lla fote a thibiye sefahlego sage ka llapi. 13 Mo Hamane a botsa mosadi wage Zereše+ le banghana bage dilo ka moka tso di mo makegeleng, banna ba go mo yeletsa* le mosadi wage Zereše ba mmotsa gore: “Mo Morodekhayi wa gore ke Lejuda a go feta ka mayemo, o ka sa mo hlule mara o nyoko fetsa ka wene.”

14 Mo ba kene ba sa bolabola naye, banna ba go bereka khota ya kgoši ba segela ba tseya Hamane ba mo yisa ga monyanya wo Esita a wo makiyeng.+

7 Byalo kgoši le Hamane+ ba segela ga monyanya wa gore wo makiye ke Esita mosadi wa kgoši. 2 Kgoši yi butsisiye Esita mosadi wa yona fote ka letšatši la mabedi nakwela ba le monyanyeng ba nwa wayini ya re: “O nyaka ke go makela ying Esita? Ke nyoko go neya sona! O nyaka ying? Nka go neya le sekopa sa mmušo waka!”+ 3 Esita mosadi wa kgoši a re: “Mo nkare ke go jabodisiye wene kgoši fote taba yowa yi kgotsofatsa pelo yago, ke kgopela gore o phonise lephelo laka fote ke go kgopela di mpaba barena gore o phonise le batho ba geru.+ 4 Ka taba la gore nna le batho ba geru ba re rekisiye+ gore ba thogo re bolaya fote ba nape ba fetsa ka rune.+ Ke mo ke nyoko kgomolela mola ba re rekisiye gore re ye ba dibereki tsa banna le tsa basadi. Mara taba yowa a yi gabutši ka taba la gore yi nyoko kwaletsa le wene kgoši.”

5 Kgoši Ahasuwerosi a butsisa Esita mosadi wage gore: “Ke mang yenene, o kaye motho wa gona ye a nyakang go maka dilo tsone?” 6 Esita a re: “Lenaba la rune ke ye wa pelo ye phifadu ye ba reng ke Hamane.”

Hamane a thomisa go hlagasedisa ke kgoši le mosadi wa yona. 7 Kgoši ya tlogamela hala monyanyeng yi kwatiye ya ya ka teng ga lapa la poleke yo go dulang kgoši mara Hamane a tlogamela a ya a phophotela Esita mosadi wa kgoši gore ba sa mmolaye ka taba la gore ke mo a di bona gore kgoši yi tikemisele go mo wolola. 8 Kgoši ya boyela mo ne ba makele monyanya gona ya kraya Hamane a tilahlele ga sofa yo Esita ke mo a le ga yona. Ya lakatsa ya re: “Ayitsano Hamane o nyaka le go reyipa mosadi wa kgoši ntlong yaka?” Mo kgoši yi fetsa go bolabola ba thiba sefahlego sa Hamane 9 Harebhona+ wa go bereka khota ya kgoši a re: “Hamane o makiye phate ya go fega Morodekhayi+ wa gore o phonisiye kgoši,+ yi ku gaye ga Hamane, yi lefiye go segela gana hala ga 22, 3 ya dimitha.” Kgoši ya re: “Feganeng Hamane ga yona.” 10 Byalo ba fega Hamane ga phate yo ne a yi makele Morodekhayi ke mokane kgoši ya sa sa kwata.

8 Ka letšatši lone Kgoši Ahasuwerosi o neyye Esita mosadi wage dilo tsa Hamane+ wa gore ke lenaba la Majuda;+ ke mokane Morodekhayi a tla mahlong ga kgoši ka taba la gore Esita o butsiye kgoši gore Morodekhayi ke lešaga lage.+ 2 Kgoši ya tseya ringi ya go šupetsa gore ya lawola+ yo ne yi yapere ke Hamane, ya yi neya Morodekhayi ke mokane Esita a maka gore Morodekhayi a lawole dilo tsa Hamane.+

3 Go tokegela gana hone, Esita a bolabola le kgoši fote, a kgotamela kgoši a kene a lla a mo kgopela gore a make gore tso Hamane wa Leagage ne a polanne go di maka ga Majuda di sa sa makega.+ 4 Kgoši yi yye ya šupetsa Esita+ ka thoka ya gore ba yi makiye ka gholdi, Esita a tlogamela a yema mahlong ga kgoši. 5 Esita a re: “Mo nkare di jabodisa kgoši fote yi n’yamogela, fote mo nkare kgoši yi bona di le gabutši fote ke yi jabodisa, yi make gore go ngwadiwe molawo wa gore dilo tso di ngwadiyeng ke Hamane+ morwayi wa Hamedatha wa Leagage+ di sa sa bereka, tsa gore ba bolaye Majuda ka mokana ga wona ya gore ma dipolekeng tso di lawolang ke kgoši. 6 Nka sa fo lebelela batho ba geru ba ba maka lešidi, fote nka sa fo tiyisela go bona go fela ka mašaga yaka.”

7 Byalo Kgoši Ahasuwerosi a botsa Esita mosadi wage le Morodekhayi wa Lejuda gore: “Ke tsere dilo tsa Hamane ka di neya Esita,+ fote ka boya ka mo fega phateng+ ka taba la gore o polanne go hlasela Majuda. 8 O ka berekisa lebitso la kgoši gore o ngwale selo se sengwana le se sengwana so o bonang se lokele Majuda, fote o se mereke ka ringi ya kgoši ya go šupetsa gore ya lawola, ka taba la gore molawo wa gore ba wo ngwadiye ba berekisa lebitso la kgoši ba boya ba wo mereka ka ringi ya go šupetsa gore kgoši ya lawola, wo ka sa sudiwi.”+

9 Ba bitsa bomabhalane ba kgoši ka kgwedi ya kararo yo ba reng ke Sivani ka letšatši la bo 23, fote ba ngwala dilo ka mokana ga tsona tso Morodekhayi ne a di botsa Majuda, dindhuna tsa bogošing,+ ba go lawola le malata ya go lawola dipoleke tsone+ go tlugisela ka Indiya go segela ka Itopiya, ke mo go le 127 ya dipoleke. O ngwalele poleke ye nngwana le ye nngwana ka mokgwa wa yona fote a berekisa mmolabolo wa gana hone, ke mokane a ngwalela Majuda ka mokgwa wa bona le ka mmolabolo wa bona.

10 O ngwadiye a berekisa lebitso la Kgoši Ahasuwerosi fote a mereka ka ringi ya kgoši ya go šupetsa gore ya lawola.+ A roma batho gore ba yise mangwalo yane ba kalamme dipera. Ke mo ba kalamme dipera tsa go taboga tsa gore ba di berekisa mo ba maka mmereko wa ka bogošing. 11 Ga mangwalo yane, kgoši ke mo yi dumelele Majuda ya go tšwa ga dipoleke tsa mohlobohlobo gore ma tiyemelele, ma bolaye fote ma fetse ka motho ye mongwana le ye mongwana wa gore a ka ba kwaletsa, le mo go ka fo ba go le basadi kela bana, fote ba tseye dilo tsa bona.+ 12 Dilo tsowa ke mo di nyoko makega ka letšatši ka lloši ga dipoleke ka moka tso di lawolang ke Kgoši Ahasuwerosi, ne di nyoko makega ka letšatši la bo 13 la kgwedi ya bo 12 yo ba reng ke Adara.+ 13 Tso ba di ngwadiyeng ga mangwalo yane ke mo go nyoko ba molawo ga dipoleke ka mokana ga tsona, ke mo ba tshwanele go di botsa batho ka mokana ga bona gore Majuda ma thogo tilukiselela letšatši lo ma nyoko lwang le manaba ya wona.+ 14 Bo ba go kalama dipera tsa gore ba di berekisa mo ba maka mmereko wa ka bogošing, ba theetsela kgoši ke mokane ba tšwa ka go yakgoswa. Molawo wone ke mo wo tšwa Šušani*+ ya gore ke poleke ya bogoši.

15 Byalo Morodekhayi a tloga mahlong ga kgoši a yapere kobo ya bogoši ye tala sebakabaka ya go ba le botšhwewu, a yapere fapo ya go makiwa ka gholdi le kobo ya go tura ya gore fote yi bafele ya go makiwa ka wulu ye phepholo.+ Batho ba ku Šušani* ba yahlamela ba kene ba jabodiye. 16 Majuda ma šala ma yimulugiye fote ma jabodiye, fote batho ba thomisa go ma hlompa. 17 Majuda ke mo ma jabodiye fote ma hlakela, ma makiye menyanya ga dipoleke ka mokana ga tsona tsa gore molawo wa kgoši ne wo segele ga tsona. Batho ba go tlala ne ba šele ba tipitsa gore ke bona Majuda,+ ka taba la gore ke mo ba tšhaba Majuda.

9 Ka letšatši la bo 13 la kgwedi ya bo 12 yo ba reng ke Adara,+ mo go šele go nyoko makega tso di hlayyeng ke kgoši,+ ka letšatši lo manaba ya Majuda ne ma nagana gore ma nyoko hlula Majuda, gwa makega tso ne ma sa di nagana, Majuda ma hlula manaba ya wona.+ 2 Ma kgobakana ga dipoleke ka mokana ga tsona tso ne di lawola ke Kgoši Ahasuwerosi+ gore ma lwe le batho bo ne ba nyoko ma kwaletsa, fote a go na motho ye ne a kgona go ma hlula ka taba la gore batho ka mokana ga bona ke mo ba ma tšhaba.+ 3 Malata ka mokana ga wona ya hone dipolekeng, dindhuna,+ bo ba go lawola, le ba gore ne ba berekela kgoši ke mo ba yema le Majuda ka taba la gore ne ba tšhaba Morodekhayi. 4 Ke mo ba kwa ka+ Morodekhayi ntlong ya kgoši, fote ne a fo ya a tšibega ga dipoleke ka mokana ga tsona ka taba la gore ne a fo ya mahlong a ba le matšhika ya go lawola.

5 Majuda ma bolaya manaba ya wona ka sabola, ma napa ma fetsa ka wona; ma maka tso ma di nyakang ka bo ba ma hloyyeng.+ 6 Ma bolayye 500 ya batho ku Šušani*+ ya gore ke poleke ya bogoši. 7 Ma bolayye le Phašandatha, Dalfone, Asipatha, 8 Poratha, Adaliya, Aridatha, 9 Paramašita, Arisayi, Aridayi le Vayizatha, 10 ba gore ke lesome la barwayi ba Hamane morwayi wa Hamedatha, Hamane ne go le lenaba la Majuda.+ A baa tseya dilo tsa bona mo ba fetsa go ba bolaya.+

11 Ka lona letšatši lone ba bigele kgoši nombhoro ya batho bo ba ba bolayyeng Šušani* ya gore ke poleke ya bogoši.

12 Kgoši ya botsa Esita mosadi wa yona gore: “Ku Šušani* ya gore ke poleke ya bogoši, Majuda ma bolayye 500 ya batho le lesome la barwayi ba Hamane. King tso ba di makiyeng ga dipoleke tse dingwana tsa gore di lawola ke kgoši?+ O nyaka ying? Ke nyoko go neya sona. King se sengwana so o se kgopelang? Ke nyoko go makela sona.” 13 Esita a re: “Mo nkare di jabodisa kgoši,+ kgoši yi dumelele Majuda ya gore ma Šušani* gore ka motshwana ma make tso di hlayang ke molawo wa lekgono,+ ke mokane lesome la barwayi ba Hamane ba fegiwe phateng.”+ 14 Byalo kgoši ya ntsha molawo wa gore go makege ka mokgonone. Molawo wone ke mo wo tšwa Šušani,* fote ba fega lesome la barwayi ba Hamane.

15 Majuda ya ku Šušani* ma kgobakanne fote ka letšatši la bo 14 la kgwedi ya Adara,+ ma bolaya 300 ya batho ku Šušani* mara a maa tseya dilo tsa bona.

16 Majuda ya mangwana ya gore ma dipolekeng tsa gore di lawola ke kgoši, le wona ma kgobakanne gore ma thogo lwa mo ba ma hlasela.+ Ma fetsa ka manaba ya wona,+ ma bolaya 75 000 ya bo ne ba ma hloyye, mara a maa tseya dilo tsa bona. 17 Tsotsone di makegiye ka letšatši la bo 13 la kgwedi ya Adara, ke mokane ma khutsa ka letšatši la bo 14, ma boya ma maka monyanya ma kene ma jabodiye.

18 Majuda ya ku Šušani* ma kgobakanne ka letšatši la bo 13+ le la bo 14+ ke mokane ma khutsa ka letšatši la bo 15, ma boya ma maka monyanya ma kene ma jabodiye. 19 Nka taba lo Majuda ya gore ne ma dula ga dipoleke tse dingwana ma makiyeng letšatši la bo 14 la kgwedi ya Adara gore go be letšatši la go jabola le la go maka monyanya,+ le nako ya gore ma romelane tsa go ja.+

20 Morodekhayi+ o ngwadiye ka dilo tsowa di makegiyeng fote a romela mangwalo ga Majuda ka mokana ga wona ya gore ma dipolekeng ka mokana ga tsona tsa gore di lawola ke Kgoši Ahasuwerosi, a romela mangwalo yane ga dipoleke tsa gore di thina le ga tsa gore di kgole. 21 O ma butsiye gore ma make monyanya ka letšatši la bo 14 la kgwedi ya Adara, le ka letšatši la bo 15 mongwaga wo mongwana le wo mongwana, 22 ka taba la gore ka matšatši yane Majuda ke mo ma lokologiye ga manaba ya wona, fote ka kgwedi yonone ma sa sa kgongwela, ma thomisa go jabola, ma sa sa lla+ mara ma maka monyanya. Ne ma tshwanele go jabola le go maka monyanya ka matšatši yane, fote ne go le nako ya gore ma romelane tsa go ja le go neya bo ba go tihlupegela se sengwana.

23 Majuda ma dumele go ya mahlong ka monyanya wo ne ma šele ma wo thomisiye le go maka tso Morodekhayi a ma ngwaleleng tsona. 24 Ka gore Hamane+ morwayi wa Hamedatha wa Leagage,+ wa gore ke lenaba la Majuda ka mokana ga wona, ne a polanne go bolaya Majuda+ fote o lahliye dikgakgare*+ gore a thogo maka gore Majuda ma hlagasele le go fetsa ka wona. 25 Mara mo Esita a ya ga kgoši, kgoši yi makiye gore ba ngwale molawo wa gore:+ “Hamane a makegele ke dilo tsa go befa tso ne a polanne go di maka ga Majuda,”+ ke mokane ba mo fega phateng, ba fega le barwayi bage.+ 26 Ke sona so se makiyeng gore matšatši yawa ba ma bitse gore ke Purimi, ya gore yi tšwa ga lentsu lowa la Puri.+ Byalo, ka taba la tso ne ba di ngwadiye ga lengwalo lowa, tso ba di bonneng tsa go yelana le taba yowa le tso di ba makegeleng, 27 Majuda, ditlogolwane tsa wona le batho ka mokana ga bona ba gore ne ba le gona+ mo ba maka monyanya ka matšatši yane ka mabedi, ne ba tshwanele ba make tso ba di ngwadiyeng ka bona mongwaga wo mongwana le wo mongwana go šupetsa gore baa leboga. 28 Matšatši yawa ne ma tshwanele ma gopole ke leloko le lengwana le le lengwana, mutši wo mongwana le wo mongwana, poleke ye nngwana le ye nngwana le toropo ye nngwana le ye nngwana, fote Majuda a maa tshwanela go libala matšatši yawa ya Purimi, fote ditlogolwane tsa wona di tshwanele go dula di maka monyanya.

29 Esita wa gore ke mosadi wa kgoši, wa gore fote ke morwediya wa Abhiheyili, le Morodekhayi wa Lejuda ba ngwadiye lengwalo la mabedi ba tiyisa taba yowa ya Purimi. 30 Ba romele mangwalo ya gore ma bolabola nnete fote ma na le ditaba tsa go beba ga Majuda ya gore ne ma le ga 127 ya dipoleke+ tsa gore di lawola ke Ahasuwerosi+ 31 ba tiyisa taba ya gore ba tshwanele go maka monyanya wa matšatši ya Purimi ka nako ya gona, go fo tshwana le ka mokgo Morodekhayi wa Lejuda le Esita wa gore ke mosadi wa kgoši ba ba butsiyeng gore ba make ka gona,+ le ka mokgo bona le ditlogolwane tsa bona ba dumeleng gore ba nyoko maka ka gona,+ gana hone go kena go tikona tsa go ja+ le go rapela ba šwennye.+ 32 Molawo wa Esita wo tiyisiye ditaba tsowa tsa Purimi,+ ke mokane ba wo ngwala pukung.

10 Kgoši Ahasuwerosi o gapeletsiye batho bo ne ba dula ga dipoleke tso a di lawolang le bo ne ba dula ga dipoleke tsa go dukulugela ke meetši ya lewatle gore ba bereke.

2 Anthe a baa ngwala dilo ka mokana ga tsona tse dikgolo tso a di segeleleng le dilo tse dikgolo tso Morodekhayi+ a di segeleleng, tsa gore di makiye kgoši gore yi mo neye setulo sa mayemo ya gedimo+ ga puku ya tso di makegiyeng ka dinako tsa magoši+ ya Mede le Peresiya?+ 3 Ka taba la gore Morodekhayi wa Lejuda ke mo a tla ka tlase ga Kgoši Ahasuwerosi. Majuda ke mo ma mo tseyela gedimo fote bobhuti bage ka mokana ga bona ke mo ba mo hlompa, ke mo a makela batho dilo tsa gabutši fote ke mo a maka gore ditlogolwane tsa bona ka mokana ga tsona di dule di pasopegiye.