JUWELE
1 Lentsu la Jehova le tlile ga Juwele* morwayi wa Pethuwele:
2 “Kwanneng sowa lune banna ba bagolo,
Theetselaneng ka mokana ga lune ba go dula mo nageng.*
Nje go na le sa go tshwana le sowa sa gore se makegiye ka dinako tsa lune
Kela ka dinako tsa bokokwane ba lune?+
3 Di botseneng barwayi ba lune,
Le barwayi ba lune ba di botse barwayi ba bona
Le barwayi ba bona ba di botse leloko la go latela.
4 Tsa gore di šiyye ke ditšiya tsa go ja ka go yakgoswa, di jile ke ditšiya tsa go sepela ka mogoba;+
Tsa gore di šiyye ke ditšiya tsa go sepela ka mogoba, di jile ke ditšiya tsa go se na mafofa;
Tsa gore di šiyye ke ditšiya tsa go se na mafofa, di jile ke ditšiya tsa gore di ja di sa šiyi selo.+
5 Tsoganeng lune ba go tlayila+ ke mokane le lle!
Gotlaneng lune ka mokana ga lune ba go nwa wayini,
Ka taba la gore wayini ya go tswetswenya ba yi tlusiye mo melomong ya lune.+
6 Ka taba la gore mo nageng yaka go tlile setšhaba sa go ba le matšhika sa gore o ka sa kgone go se balela.+
Meno ya sona ma tshwana le ya tawu,+ fote mohlagare wa sona ke wa tawu.
7 Se sinyannye modhriva waka fote sa maka gore mogo waka go fo šala kutu yowa,
Sa šiya go se na matlakala, sa wo yisa ku le ku,
Sa šiya makala ma le ya matšhwewu.
8 Gotla go tshwana le ka mokgo kgareba ya go yapara masaka
Yi llelang monna wa yona.
9 Ba tsere sehlabelo sa mabele+ le sehlabelo sa go nwiwa+ ntlong ya Jehova;
Maprista ya go berekela Jehova maa lla.
10 Diyengwa tsa ku mašomong di sinyegiye, ho fase gwa lla;+
A go sa na mabele, modhriva wa nyuwane wo womme, makgura a ma sa le šiyo.+
11 Bo ba go lima a ba sa na matšhika, bo ba go pasopa medhriva baa lla,
Ka taba la korong le dithoro tsa mabele;*
Ka taba la gore tso ne ba nyoko di buna a di sa le šiyo.
12 Modhriva wo womme,
Mohlare wa mogo wo punne
Mohlare wa magarenate, mohlare wa dipolekeng tsa go dukuluga ke meetši le mohlare wa maapola,
Mehlare ka mokana ga yona ya mo tšhomong yi punne;+
Ka taba la gore tso ne di jabodisa batho di šele di ya ba kgongwetsa.
13 Lune maprista yaparaneng masaka fote le lleneng;
Llaneng lune ba go bereka aletareng.+
Lune ba go berekela Modimo waka tlanneng, le fetseneng bošego ka moka le yapere masaka;
Ka taba la gore a baa le neya sehlabelo sa mabele+ le sehlabelo sa go nwiwa+ sa go tšwa ntlong ya Modimo wa lune.
14 Tilukiseleleneng go tikona tsa go ja; makaneng gore go be le mogahlano wa go hlawolega.+
Kgobaketsaneng banna ba bagolo le bo ba dulang ho nageng yone,
Le ba bitsele ntlong ya Jehova Modimo wa lune,+ fote le kgopele Jehova gore a le gelepe.
15 Letšatši lone le nyoko tshosa ka matla!
Ka taba la gore letšatši la Jehova le thina,+
Fote ka letšatši lone ye Wa Matšhika ka Moka o nyoko tla a sinyanya dilo!
16 Anthe a baa tseya tsa go ja re kene re lebelele,
Ayitsano a baa maka gore re sa sa jabola ka ntlong ya Modimo wa rune?
17 Dipewu di womelele ka tlase ga difošolo tsa bona.
A ba sa berekisa diralo.
Ba phamolannye diralo ka taba la gore mabele ma womme.
18 Diphoolwane tso tsa gore ba di ruwwe di ya lla!
Morape wa dikgomu wo hlakahlakanne ka taba la gore a wo na ga go kgula!
Le morape wa dinku wa hlupega.
19 Jehova barena, ke nyoko llela wene;+
Ka gore mollo wo tšhubannye mo diphoolwane di kgulang gona ku mašahleng,
Fote wo tlabolelannye mehlare ka mokana ga yona ya ku mašomong.
20 Le diphoolwane tsa go tshosa tsa hlaga di llela wene,
Ka taba la gore mo go tšwang meetši go womme
Fote mollo wo tšhubannye mo diphoolwane di kgulang gona ku mašahleng.”
2 “Teyaneng phalafala Siyoni!+
Yahlamelaneng le le thabeng yaka ya go hlawolega gore go tla ntwa.
Batho bo ba dulang mo nageng* ba hlagasele,
Ka taba la gore letšatši la Jehova le ya tla+ fote le thina!
2 Ke letšatši la gore go tlemme letshwifi,+
Letšatši la gore go tlemme maru ka matla,+
Go fo tshwana le mo letšatši le hlaba le bonala ku dithabeng.
Go na le batho ba go tlala ba go ba le matšhika;+
Ba gore a go soko ba le ba go tshwana nabo,
Fote go ka sa sa ba le ba go tshwana nabo
Ga maloko ya ma nyoko tlang.
3 Mollo wo tlabolanya so se leng mahlong ga bona,
Fote wo tšhubanya so se leng ka nthago ga bona.+
Poleke yo yi leng mahlong ga bona yi tshwana le tšhomo ya Edeni,+
Mara ka nthago ga bona go na le mašahla ya gore a ma pasope ke motho,
Fote a go na sa gore se ka phona.
4 Mo o ba lebelele nkare ke dipera,
Fote ba taboga go tshwana le dipera tsa ntwa.+
5 Ba kwagala go tshwana le dikotšikara mo di tlulatlula gedimo ga dithaba,+
Go tshwana le hlase ya mollo wa go dura ka matla mo wo tšhuba mahlaka.
Ba tshwana le batho ba go ba le matšhika ba gore ba ya ntweng.+
6 Batho ba nyoko kwa go baba ka taba la bona.
Difahlego tsa bona di nyoko šupetsa gore ba tšhugiye.
7 Ba tabogela ntweng go tshwana le banna ba ntwa,
Ba ratha lepharong go tshwana le masole,
Ye mongwana le ye mongwana o sepela ka tsela yage,
Fote a ba keketlele ga ditsela tsa bona.
8 A ba šušumetsane;
Ye mongwana le ye mongwana o sepela ka tsela yage.
Mo tso ba lwang ka tsona di kwaletsa kela di bolaya ba bangwana,
Ba bangwana a ba šepisi.
9 Ba tabogela mitšing, ba taboga gedimo ga lepharo.
Ba kalama dintlo, ba kena ka mafastere nkare ke motho wa go yetswa.
10 Naga ya hlagasela mo yi ba bona, le magedimo maa tekateka.
Letšatši le ngwedi di fifele,+
Le dinanedi a di sa gadima.
11 Jehova o nyoko yahlamela masole yage+ ya gore ma tlele.+
Ka gore ye a makang tso di hlayang ke lentsu Lage o na le matšhika;
Letšatši la Jehova ke le legolo fote le tshosa ka matla.+
Le ka yemela ke mang?”+
12 Jehova o re, “Le mo go le sone, sokologaneng ka dipelo tsa lune ka moka le tle ho gaka+
Le kene le tikona tsa go ja,+ le lla fote le gotla.
13 Le sa fo tlerola dikobo tsa lune,+ šupetsaneng le ka ho dipelong gore le ya tisola,+
Le boyeleneng ga Jehova Modimo wa lune,
Ka gore o na le pelo ya gabutši, fote o kwelana go baba, aa yakgoswele go kwata+ fote o nyakanana ka matla,+
O nyoko tšhentšha monagano wage* a sa sa leya tsa go sasamela.
14 Go tšiba mang gore o nyoko tšhentšha monagano wage*+ a sa sa leya tsa go sasamela
Ke mokane a le rufa
Gore le thogo makela Jehova Modimo wa lune sehlabelo sa mabele le sehlabelo sa go nwiwa?
15 Teyaneng phalafala Siyoni!
Tilukiseleleneng go tikona tsa go ja; makaneng gore go be le mogahlano wa go hlawolega.+
16 Kgobaketsaneng batho;+ le make gore ba hlawolege.
Hlekeletsaneng banna ba bagolo; le dibananyana le masiya.+
Mokgwenyane a tšwe kamareng yage, le makoti a tšwe kamareng yage.
17 Maprista ya gore ma berekela Jehova,
Ma yeme segare ga lefranta le aletare,+ ma lle ma re:
‘Jehova barena, kwela batho bago go baba;
O sa make gore lefa lago le poyilege,
Ka go ba lisetsa ba lawola ke ditšhaba.
Batho ba nyoko re, “Modimo wa bona o kaye?”’+
18 Jehova o nyoko šupetsa gore naga yage o yi nyaka ka matla, a yi pasopa
Fote o nyoko kwela batho bage go baba.+
19 Jehova o nyoko fetola batho bage a re:
‘Ke nna yenene ke le romela mabele, wayini ya nyuwane le makgura,
Fote le nyoko kgotsofala;+
Nka sa sa maka gore ditšhaba di le kwere.+
20 Ye wa go tšwa lebowa ke nyoko mo yisa kgole nago;
Ke nyoko mo raka ke mo yisa nageng ya gore a yi na meetši ya gore fote ke mašope,
Sefahlego sage se ko ba se lebelele lewatle la bohlabela
Sekodi sage se lebelele lewatle la bodikela.
Setopo sage se nyoko nkga
Fote monkgo wage wo nyoko tlala mone nageng+
Ka gore Modimo o nyoko maka dilo tse dikgolo.’
21 O sa tšhoge wene naga.
Jabola ka taba la gore Jehova o nyoko maka dilo tse dikgolo.
22 Le sa tšhoge lune diphoolwane tsa go tshosa tsa ku mašomong,
Ka gore mo diphoolwane di kgulang gona ku mašahleng go nyoko ba go go tala,+
Fote mehlare yi nyoko yengwa;+
Mogo le modhriva di nyoko yengwa ka matla.+
23 Lune barwayi ba Siyoni, jabodisaneng ke Jehova Modimo wa lune;+
Ka gore o nyoko le nisela pula ya go lekanela,
Fote o nyoko maka gore yi ne ka matla,
O nyoko le neya pula ya go lekanela ka nako ya gona.+
24 Mo ba tulelang gona go nyoko tlala mabele,
Wayini ya nyuwane le makgura di nyoko tlala mo ba di makelang gona.+
25 Ke nyoko le neya dilo ka mokana ga tsona
Tsa gore di jile ke ditšiya tsa go sepela ka mogoba, ditšiya tsa go se na mafofa, ditšiya tsa go ja di sa šiyi selo le ditšiya tsa go ja ka go yakgoswa,
Tsa gore ke masole yaka ya gore ne ke ma romele hone ga lune.+
26 Le nyoko ja le šinya le kgotsofala,+
Fote le nyoko thanakisa lebitso la Jehova Modimo wa lune,+
Wa gore o le makele mehlolo;
Batho baka ba ka sa sa tsoga ba poyilegiye.+
27 Le nyoko di tšiba gore ke gona ho Israyele+
Fote ke nna Jehova Modimo wa lune+—a go na ye mongwana!
Batho baka ba ka sa sa tsoga ba poyilegiye.
28 Ka nthago, ke nyoko tshollela moya waka+ ga motho ye mongwana le ye mongwana,
Barwayi le barwediya ba lune ba nyoko porofeta,
Banna ba lune ba bagolo ba nyoko lora,
Masogana ya lune ma nyoko bona mmono.+
29 Le dibereki tsaka tsa banna le tsa basadi
Ke nyoko di neya moya waka ka dinako tsone.
30 Fote ke nyoko maka dilo tsa go makatsa ku magedimong le ho lefaseng,
Madi le mollo le muši.+
31 Mo go soko segela letšatši la Jehova le legolo la go tshosa+
Letšatši le nyoko fifala le ngwedi wo nyoko kgubala go tshwana le madi.+
32 Ka gore ye mongwana le ye mongwana ye a bitsang lebitso la Jehova o nyoko phonisiwa;+
Jehova o yitseri go na le bo ba nyoko phonang Thabeng ya Siyoni le Jerusalema,+
Bo ba nyoko phonang ba gore ba bitsa ke Jehova.”
3 “Bonaneng! Ka matšatši yane le ka nako yone,
Mo ke solotsa mabhantiti ya Juda le ya Jerusalema,+
2 Ke nyoko kgobaketsa ditšhaba ka mokana ga tsona
Ka di yisa Moyeding wa Jehošafate.*
Ke nyoko di yahlula gana hone+
Ka taba la tso di di makiyeng batho baka ba gore ke Maisrayele
Ka gore di makiye gore ba tlalagane mo ditšhabeng
Ke mokane dya pomelana naga yaka.+
3 Di lahlela batho baka dikgakgare;+
Ke mo di rekisa mošomanyana gore di hire motho wa go rekisa mmele,
Di rekisa ngwannyana gore di thogo reka wayini.
4 Wene Tira le Sidoni le dipoleke ka moka tsa Filisita,
Le nnyakisa ying mara?
Go na le so le mpatedisang sona?
Mo nkare go ka mokgonone,
Le nna ke nyoko yakgoswa ke le maka tso le mmakiyeng tsona.+
5 Ka taba la gore le tsere silva yaka le gholdi yaka,+
Le tsere makolwane yaka ya go hlawolega la ma tšhela ditempeleng tsa lune;
6 Le rekisele Magerika+ batho ba Juda le Jerusalema
Gore le ba tlose nageng ya bona;
7 Ke nna yenene ke ya ba tsosa gore ba tšwe ga poleke yo le ba rekisiyeng ga yona,+
Fote ke nyoko le maka tso le mmakiyeng tsona.
8 Barwayi ba lune le barwediya ba lune ke nyoko ba rekisela batho ba Juda,+
Bona ba nyoko ba rekisela batho ba Šebha, ya gore ke setšhaba sa kgole;
Ka gore ke tso di hlayyeng ke Jehova.
9 Yahlamelaneng gare ga ditšhaba+ le re:
‘Tilukiseleleneng ntwa! Hlohletsela banna ba go ba le matšhika!
Masole ka moka ma šutele, ma hlasele!+
10 Makaneng disabola ka matsepe le disikila tsa lune.
Wa go lelemela a hlaye gore: “Ke na le matšhika.”
11 Lune ditšhaba tsa ho thina, gahlananeng le tl’le re gelepeng!’”+
Jehova barena, leya masole yago ya go ba le matšhika ga poleke yone.
12 “Ditšhaba di tsoge di ye Moyeding wa Jehošafate;
Ka gore ke nyoko dula gona gore ke yahlule ditšhaba tsa ho thina ka mokana ga tsona.+
13 Tseyaneng sikila ka gore ke nako ya go buna.
Tlanneng le gatele didhriva ka gore mo ba makelang wayini go tlele.+
Mo yi yelelang gona go tlele ka matla ka gore ditšhaba tsone di maka dilo tsa go befa ka matla.
14 Megoba, go na le megoba ku moyeding wa gore batho ba nyoko ba yahlulela gona,+
Ka gore letšatši la Jehova le thina.
15 Letšatši le ngwedi di nyoko fifala,
Dinanedi di ka sa sa gadima.
16 Jehova o nyoko bopa a le Siyoni,
Lentsu lage le nyoko kwagala le tšwa Jerusalema.
Legedimo le lefase di nyoko tekateka;
Mara Jehova o nyoko ba legawu la batho bage,+
Fote o nyoko ba poleke ya go tšhabela ga yona ga batho ba Israyele.
17 Le nyoko tšiba gore nna Jehova ke nna Modimo wa lune wa go dula Siyoni ya gore ke thaba yaka ya go hlawolega.+
Jerusalema go nyoko ba poleke ya go hlawolega,+
Fote go ka sa sa feta batho ba go tšwa ba sepela ga yona.+
18 Ka letšatši lone, dithaba di nyoko nyuga wayini ya go tswetswenya,+
Memmoto yi nyoko yela lebisi,
Dinookane tsa Juda di nyoko yela meetši.
Senookane se nyoko yela se tšwa ntlong ya Jehova,+
Fote se nyoko tšheletsa Moyedi wa Mehlare ya Moreke.
19 Mara Egepita go nyoko ba lešupi,+
Edomo go nyoko ba mašahla ya gore a go duli motho+
Ka gore a di ya tshwara batho ba Juda gabutši,+
Fote gana mone nageng yone di bolayye batho ba gore a baa sinya selo.+
20 Mara Juda go nyoko dula go na le batho,
Le Jerusalema ba nyoko fo dula ba le gona.+
Yi rela gore “Jehova ke Modimo.”
Kela “lefaseng.”
Ke mabele ya gore ma nyakiye ma tshwana le korong.
Kela “lefaseng.”
Kela “o nyoko tisola.”
Kela “o nyoko tisola.”
Ya go rela gore “Jehova ke Yene wa go Yahlula.”