AMOSI
1 Mantsu ya Amosi* wa gore ke mo go le ye mongwana wa go disa dinku ku Tekowa,+ ke mantsu ya go bolabola ka Israyele ya gore ba mmutsiye wona ka mmono ka dinako tsa Kgoši Uziya+ wa Juda le ka dinako tsa Jerobhowamo+ morwayi wa Jowaše+ kgoši ya Israyele, mengwaga ka mmedi ya mo lefase le soko tekateka.+ 2 O yitseri:
“Jehova o nyoko bopa a le Siyoni,
O nyoko yahlamela a le Jerusalema.
Mo ba diselang gona go nyoko woma,
Fote dimelane tso di leng Kharamele di nyoko woma.”+
3 “Tsowa ke tso Jehova a di hlayang,
‘“Ka gore Damasekhase yi sinnye ga kararo kela ga kanne, nka sa sologe ga sepheto so ke se segeleleng,
Ka taba la gore ba šilannye Ghiliyade ka dilo tsa go tula ka tsona tsa tshipi.+
4 Byalo, ke nyoko romela mollo ntlong ya Hazayele,+
Fote wo nyoko tšhubanya diwokamelo tsa gore di pasopegiye tsa Bhene-hadadi.+
5 Ke nyoko robanya diparako tsa digheyiti tsa Damasekhase;+
Ke nyoko fetsa ka bo ba go dula Bhikathe-avene
Le ye wa go lawola Bhethe-edeni;
Fote batho ba Siriya ba nyoko ya Kire go le mabhantiti,”+ go hlaya Jehova.’
6 Tsowa ke tso Jehova a di hlayang,
‘“Ka gore Ghaza yi sinnye ga kararo kela ga kanne,+ nka sa sologe ga sepheto so ke se segeleleng,
Ka taba la gore ba tsere mogoba wa mabhantiti+ ka mokana ga wona ba wo yisa Edomo.
7 Byalo, ke nyoko romela mollo lepharong la Ghaza,+
Fote wo nyoko tšhuba diwokamelo tsage tsa gore di pasopegiye.
8 Ke nyoko fetsa ka bo ba dulang Ašidodo,+
Le ka ye a lawolang Ašikelone;+
Ke nyoko wolola Ekrone,+
Fote Mafilisita ya ma šeleng go nyoko fela ka wona,”+ go hlaya Jehova Morena wa ku Malenghelengheng.’
9 Tsowa ke tso Jehova a di hlayang,
‘Ka gore Tira+ yi sinnye ga kararo kela ga kanne, nka sa sologe ga sepheto so ke se segeleleng,
Ka taba la gore ba tsere mogoba wa mabhantiti ka mokana ga wona ba wo yisa Edomo,
Ka gore ba libele kwano ya gore yi makiye ke bobhuti.+
10 Byalo, ke nyoko romela mollo lepharong la Tira,
Fote wo nyoko tšhuba diwokamelo tsage tsa gore di pasopegiye.’+
11 Tsowa ke tso Jehova a di hlayang,
‘Ka gore Edomo+ yi sinnye ga kararo kela ga kanne, nka sa sologe ga sepheto so ke se segeleleng,
Ka gore o lelekisiye bhuti wage ka sabola,+
Le ka taba la gore o ganne go kwelana go baba;
Wa tšiba o fo ya mahlong a ba tlerolanya a kwatiye, a sa tinwi,
Fote o dula a ba kwatele.+
12 Byalo, ke nyoko romela mollo Temani,+
Fote wo nyoko tšhubanya diwokamelo tsa gore di pasopegiye tsa Bhozara.’+
13 Tsowa ke tso Jehova a di hlayang,
‘“Ka gore Maamoni+ ma sinnye ga kararo kela ga kanne, nka sa sologe ga sepheto so ke se segeleleng,
Ka taba la gore ma tlerodiye dimpa tsa basadi ba gore ba yimme ba Ghiliyade gore ma yeketse naga ya wona beng.+
14 Byalo, ke nyoko tšhuba lepharo la Rabha,+
Fote mollo wone wo nyoko tšhuba diwokamelo tsage tsa gore di pasopegiye,
Mo masole ma hlasela naga yone, go nyoko befa,
Fote ka letšatši lolone go nyoko tšutla moya wa go tshosa.
15 Fote kgoši ya bona yi nyoko ya bobhantiting le dindhuna tsa yona,”+ go hlaya Jehova.’
2 “Tsowa ke tso Jehova a di hlayang,
‘“Ka gore Mowaba+ yi sinnye ga kararo kela ga kanne, nka sa sologe ga sepheto so ke se segeleleng,
Ka taba la gore o tšhubiye mašapo ya kgoši ya Edomo a nyaka go kraya luta ga wona.
2 Byalo, ke nyoko romela mollo ku Mowaba,
Fote wo nyoko tšhubanya dipoleke tsa gore di pasopegiye tsa Keriyothe;+
Mo Mowaba a kgwa, go nyoko ba go na le mokurukuru,
Mo a hlasediwa, go nyoko kwagala modumo wa phalafala.+
3 Ke nyoko tlosa ye wa go lawola mo gage
Ke nyoko bolaya dindhuna tsage ka mokana ga tsona, ka bolaya le ye wa go lawola,”+ go hlaya Jehova.’
4 Tsowa ke tso di hlayang ke Jehova,
‘Ka gore Juda+ yi sinnye ga kararo kela ga kanne, nka sa sologe ga sepheto so ke se segeleleng,
Ka gore ba ganne molawo wa Jehova,
Fote a baa maka dilo ka mokgo a ba botsang;+
Mara matsaka ya ne ma latelela ke bokokwane ba bona ma makiye gore ba keketlele.+
5 Byalo, ke nyoko romela mollo Juda,
Fote wo nyoko tšhubanya diwokamelo tsa gore di pasopegiye tsa Jerusalema.’+
6 Tsowa ke tso di hlayang ke Jehova,
‘Ka gore Israyele+ yi sinnye ga kararo kela ga kanne, nka sa sologe ga sepheto so ke se segeleleng,
Ka gore ba rekisa bo ba go maka tsa go loka gore ba kraye silva,
Fote ba rekisa bo ba go tihlupegela gore ba kraye dimphašane.+
Motho le papage ba maka tsa ka mapaying le ngwannyana ka wwoši,
Ba thilafatsa lebitso laka la go hlawolega.
8 Thina le aletare+ ye nngwana le ye nngwana ba yatlala dikobo tsa gore ba di tseyele batho gore ba fo tšwa ba tshwarisiye ka tsona mo ba ba yadimme dilo;+
Ba reka wayini ka tšheleta yo ba yi krayyeng mo ba patedisa batho fote ba yi nwa ntlong* ya medimo ya bona.’
9 Mara ke nna ye a fetsiyeng ka Maamore mahlong ga bona,+
Ya gore ke mo ma lefiye go tshwana le mehlare ya mesidara fote ma tiyye go tshwana le mehlare ya mokumo;
Ke napiye ke fetsa ka bona tsa nkare ke ro fetsa ka mohlare wa go ba le diyengwa le midu.+
10 Ke le ntshiye nageng ya Egepita,+
Fote ka maka gore le fetse 40 ya mengwaga le sepela mašahleng,+
Gore le tseye naga ya Maamore.
11 Ke makiye gore barwayi ba lune ba bangwana go be baporofeta+
Fote masogana ya lune ya mangwana go be Manazari.+
Anthe a yi ka mokgo ne go tshwanele go be ka gona, lune batho ba Israyele?’ go hlaya Jehova.
12 ‘Mara le yye mahlong le neya Manazari wayini gore ma nwe,+
Fote baporofeta le ba butsiye gore: “Le sa porofete.”+
13 Byalo, ke nyoko le psyitlanya polekeng ya lune,
Go fo tshwana le mo sekotšikara sa gore se rwele mabele ya gore ma kupiwwe se šilanya tso dileng ka tlase ga sona.
14 Ye wa gore o na le lebelo a ka sa be le poleke ya go tšhabela ga yona,+
Ye wa gore o na le matšhika a ka sa duli a na le matšhika,
Fote a go na lesole la gore le nyoko phonisa lephelo la lona.
15 Ye wa go berekisa mosefo a ka sa yemele ntwa,
Ye wa go ba le lebelo a ka sa phone,
Fote ye wa go kalama pera a ka sa phonisi lephelo lage.
16 Le mong lesole la go ba le lešiši go phala ya mangwana
Le nyoko tšhaba le sa tšwara ka letšatši lone,’+ go hlaya Jehova.”
3 “Lune batho ba Israyele, kwanneng lentsu lowa la gore Jehova o le bolabodiye ka lune, la gore o le bolabodiye ka mutši ka mokana ga wona wa gore ke wo ntshiye Egepita mo a re:
2 ‘Ke mo ke tšiba wene fela ga mitši ka mokana ga yona ya lefaseng.+
Nka taba lo ke nyoko go wololang ga dilo ka mokana ga tsona tso o kekemisiyeng ga tsona.+
3 Ayitsano batho ka babedi ba ka sepela ggoši ba sa kwana gore ba nyoko gahlana?
4 Ayitsano tawu yi ka bopa ku mašahleng yi se na so yi ka se tsomang?
Ayitsano tawu ye nyana yi ka bopa yi le mokoting wa yona yi sa tshwara selo?
5 Ayitsano nonyane yi ka wela molabong ho fase ba sa yi makela sifu?
Ayitsano sifu se ka kwalega se sa tshwara selo?
6 Mo go ka teyiwa phalafala mutšing, ayitsano batho a ba hlagasele?
Mo mutši wo ka wela ke tsa go sasamela, ayitsano a di ya leya ke Jehova?
7 Ka gore Jehova Morena wa ku Malenghelengheng a ka sa make selo
A sa wunyullela malata yage ya gore ke baporofeta tso a nyoko di makang.+
8 Tawu yi šele yi bopiye!+ Ke mang wa gore a ka sa tšhabe?
Jehova Morena wa ku Malenghelengheng o bolabodiye! Ke mang wa gore a ka sa porofete?’+
9 ‘Di hlayeneng ga diwokamelo tsa gore di pasopegiye tsa Ašidodo
Le ga diwokamelo tsa gore di pasopegiye tsa naga ya Egepita.
Le re: “Kgobakananeng thabeng ya Samariya;+
Bonaneng tso di makegang mo gage
Go hlakahlakanne fote go tlele bošakašakane.+
10 Ka gore a ba di tšibi go maka tsa gabutši,” go hlaya Jehova,
“Ba gore ba tlatsiye diwokamelo tsa bona tsa gore di pasopegiye ka dilo tso ba di krayyeng ka bokgohlane.”’
11 So ke so se hlayang ke Jehova Morena wa ku Malenghelengheng,
‘Lenaba le nyoko dukulugela naga yone,+
Le nyoko le tapa matšhika,
Fote dilo ka mokana ga tsona tsa gore di ka diwokamelong tsa lune tsa gore di pasopegiye di nyoko tseyiwa.’+
12 Tsowa ke tso Jehova a di hlayang,
‘Go fo tshwana le mo ye wa go disa a kgufula mawoto ka mabedi kela setlopo sa tsebe molomong wa tawu,
Nka mokgo batho ba Israyele ba nyoko ba kgufulang ka gona,
Bona ba gore gana byalo ba duli Samariya mempetong ya go bafala le disofeng tsa mabešebeše.’+
13 ‘Theetselaneng fote le pasopise ba ntlo ya Jakobo,’ go hlaya Jehova Morena wa ku Malenghelengheng, yene wa gore ke Modimo wa masole.
14 ‘Ka gore ka letšatši lo ke wololang Israyele ka taba la tso yi di sinnyeng ka mokana ga tsona,+
Ke nyoko yahlula le dialetare tsa Bhethele;+
Manaka ya aletare ma nyoko kupiwa fote ma wela fase.+
15 Ke nyoko fetsa ka ntlo ya marega le ka ntlo ya selemo.’
‘Dintlo tsa gore di makiwwe ka manaka ya diphoolwane go nyoko fela ka tsona,+
Le dintlo tse dikgolo go nyoko fela ka tsona,’+ go hlaya Jehova.”
4 “Kwanneng lentsu lowa, lune dikgomu tsa Bhašane,
Tsa gore di thabeng ya Samariya,+
Lune basadi ba gore le ba maka bošakašakane bo ba go sa re selo+ fote le šilanya bo ba go tihlupegela,
Ba gore le botsa banna ba lune gore, ‘Re leyeleneng sa go nwa!’
2 Tsowa ke tso Jehova Morena wa ku Malenghelengheng wa gore fote o hlawolegiye a di tshepisiyeng,
‘“Bonaneng! Go nyoko tla matšatši ya gore o nyoko le kakola ka megwabetso
Fote bo ba šeleng o nyoko ba kakola ka dilobo.
3 Ye mongwana le ye mongwana wa lune o nyoko tšwa hala go tšharugiyeng gona ku lepharong;
Le nyoko rakiwa la ya Haremoni,” go hlaya Jehova.’
Leyaneng dihlabelo+ tsa lune ka bošego,
Fote le neyele ka sa lesome+ sa tso le nang natso ka letšatši la kararo.
5 Tšhubaneng sehlabelo sa sekgwa sa go ba le dikomelo gore le leboge Modimo;+
Yahlamelaneng le botse ba bangwana gore le makiye dihlabelo tsa go fo kwa le nabela go di maka!
Ka gore ke tso le kwanang le go di maka, lune batho ba Israyele,’ go hlaya Jehova Morena wa ku Malenghelengheng.
6 ‘Ke makiye gore le bolaye ke tlala mitšing ya lune ka mokana ga yona
Ka maka gore go gayele tsa go ja dintlong tsa lune ka mokana ga tsona;+
Mara a le ya boya gaka,’+ go hlaya Jehova.
7 ‘Ke makiye le gore pula yi sa ne kararo ya dikgwedi tsa mo le soko buna;+
Ke makiye gore yi ne ga mutši wo mongwana mara yi sa ne ga mutši wo mongwana.
Sekopa ka ssoši sa naga ke mo se ba le pula,
Mara se sengwana se sa be le pula fote se woma.
8 Batho ba mitši ka mmedi kela kararo ya yona ke mo ba lelemela ba ya mutšing ka wwoši gore ba nwe meetši,+
Fote ke mo ba sa kgolwe;
Mara a le ya boya gaka,’+ go hlaya Jehova.
9 ‘Ke leyele dimilane tsa lune moya wa go fisa le bolwele.+
Le yeketsiye mašomo ya lune le medhriva ya lune,
Mara ditšiya ke mo di ja mehlare ya lune ya mago le ya diolivi;+
Le mo go le ka mokgonone a le ya boya gaka,’+ go hlaya Jehova.
10 ‘Ke le romele malwele ya go bolaya ya go tshwana le ya Egepita.+
Ka bolaya masogana+ ya lune ka sabola fote ka tshwara dipera tsa lune.+
Ke makiye gore monkgo wo wo leng dikampeng tsa lune wo rotoge wo tle dinkong tsa lune;+
Mara a le ya boya gaka,’ go hlaya Jehova.
11 ‘Ke makiye gore go hlakahlakane gare ga lune
Go fo tshwana le mo Modimo a makiye ka mokgonone Sodoma le Ghomora.+
Fote ke mo le tshwana le phate ya gore ba yi ntshiye mollong;
Mara a le ya boya gaka,’+ go hlaya Jehova.
12 Byalo, tsone ke tso ke nyoko go makang tsona, wene Israyele.
Ka taba la gore tsowa ke tso ke nyoko go makang tsona,
Tilukiselele go gahlana le Modimo wago, wene Israyele.
13 Ke Yene wa gore o makiye dithaba+ fote a maka le moya;+
O botsa batho tso a di naganneng,
O maka gore go khanya ga ka bošego go fetoge letshwifi,+
O sepela dipolekeng tsa kgakala tsa lefaseng;+
Lebitso lage ke Jehova Modimo wa masole.”
5 “Lune ba ntlo ya Israyele, theetselaneng lentsu lo ke le botsang lona nkene ke lla:
2 ‘Israyele wa gore go sa le kgareba o wile;
Aa kgone go tsoga fote.
Batho ka mokana ga bona ba mo jikele;
A go na ye a mo tsosang.’
3 “Ka gore tsowa ke tso di hlayang ke Jehova Morena wa ku Malenghelengheng:
‘Mutši wa gore wo romele 1 000 ya masole gore ma ye ntweng wo nyoko šala ka 100 ya wona;
Fote wa gore wo romele 100 ya wona wo nyoko šala ka 10, tsowa ke tso di nyoko makegelang mutši wa Israyele.’+
4 “Ka gore tsowa ke tso Jehova a di hlayang ga ba mutši wa Israyele:
‘Nnyakeleneng, fote le ye mahlong le phela.+
5 Le sa yi Bhethele,+
Le sa yi Ghilighala+ kela la fetela Bhere-šeba,+
Ka gore Ghilighala yi nyoko ya bobhantiting,+
Fote go nyoko fela ka Bhethele.
6 Boyelaneng ga Jehova, fote le ye mahlong le phela,+
Gore a sa be nkare ke mollo, a fetsa ka ba mutši wa Josefa,
A tšhuba Bhethele, gwa sa be le motho wa go tima mollo wone.
7 A le yahlule gabutši, byalo lephelo le ya gakga fote batho ba makegela ke tsa go baba,
Tso tsa go loka le di phagele ku.+
8 Ye wa gore o makiye ditšhotšho tsa dinanedi tso ba reng ke Khima le ditšhotšho tsa dinanedi* tso ba reng ke Khesili,+
Ye wa gore o maka gore letshwifi la gore le tlemme le fetoge go khanya ga ka bošego,
Ye wa gore o maka gore motshegare go fifale go tshwana le bošego,+
Ye wa gore o kgobaketsa meetši ya lewatleng
Gore a ma tshollele lefaseng+
—Lebitso lage ke Jehova.
9 O nyoko maka gore go yakgoswe go fela ka ye wa go ba le matšhika,
A fetsa ka dipoleke tsa gore di pasopegiye.
10 Ba hloyye bo ba gore baa wololana ku gheyiting ya mutši,
Fote ba nyenya bo ba gore ba bolabola nnete.+
11 Ka gore le gapeletsa ye wa go tihlupegela gore a patele mothelo wa naga
Fote le maka gore a le neye mabele,+
Le ka sa yi mahlong le dula dintlong tsa lune tsa gore ba di makiye ka matlapa ya gore ba ma fefiye+
Kela la nwa wayini ya go tšwa mašomong ya didhriva ya le ma gašiyeng ya gore ma nonne.+
12 Ka gore ke ya di tšiba gore melato ya lune nka mekaye
Le gore tso le di sinnyeng ke tse dikgolo go segela kaye
—Le hlupegisa bo ba go loka,
Le nyaka go dhiziwa,
Fote bo ba go tihlupegela a le ba neye tso di ba tshwaneleng ku gheyiting ya mutši.+
13 Byalo, bo ba gore baa kwisisa ba nyoko kgomolela ka nako yone,
Ka gore go ko ba go le nako ya tsa go sasamela.+
14 Nyakaneng dilo tsa gore di gabutši, le sa nyakeneng tsa gore a di gabutši,+
Gore le ye mahlong le phela.+
Ke mokane Jehova Modimo wa masole o nyoko ba le lune,
Go fo ya ka mokgo le hlayang.+
15 Hloyaneng tsa go befa, fote le kwane le tsa gabutši,+
Bo ba go yahlula ba yahlule gabutši gheyiting ya mutši.+
Di ka fo makega gore Jehova Modimo wa masole
A ba kwele go baba bo ba šeleng ba mutši wa Josefa.’+
16 “Byalo, sowa ke so Jehova Modimo wa masole, Jehova, a se hlayang:
‘Go nyoko lliwa dipolekeng ka mokana ga tsona tso batho ba gahlanelang ga tsona,
Fote dipateng ka mokana ga tsona ba nyoko re, “Yo nna yo, yo nna yo!”
Ba nyoko bitsa bo ba go lima gore ba tle ba lle
Fote ba bitsa bo ba gore ke digele tsa go lla gore ba tle ba gotle.’
17 ‘Go nyoko lliwa ga mašomo ya mangwana le ya mangwana ya didhriva;+
Ka gore ke nyoko feta gare ga lune,’ go hlaya Jehova.
18 ‘Bo ba gore ba nyaka gore letšatši la Jehova le segele ba ko tikweleng!+
Le ka yemela gore go makege ying ka letšatši la Jehova?+
Go nyoko fifala, fote go ka sa khanye.+
19 Ka letšatši lone le nyoko tshwana le motho wa gore o tšhaba tawu mara a gahlana le bhere,
Fote mo a kena ka ntlong yage, a thega letsogo lage lepharong, a loma ke noga.
20 Letšatši la Jehova le nyoko fifala, fote go ka sa khanye;
Go nyoko tlema fote gwa sa khanye.
21 Menyanya ya lune ke yi hloyye fote ya nsilikisa,+
Fote a ke jabodisi ke monkgo wa dihlabelo tsa gore le mmakela tsona ga megahlano ya lune ya go hlawolega.
22 Le mo le ka fo mmakela dihlabelo tsa go tšhubiwa le dihlabelo tse dingwana,
Di ka sa njabodisi;+
Fote nka sa yamogele dihlabelo tsa lune tsa go hlekediwa tsa go makiwa ka diphoolwane tsa gore ba di neyye tsa go ja gore di tsife.+
23 Le sa nraseleneng ka dikoša tsa lune;
Fote a ke nyake go kwa dikoša tsa lune tsa gore le di teya ka dilo tsa go kgana dikoša tsa go ba le motato.+
24 Nkare go maka tsa go loka go ka yela go tshwana le meetši,+
Fote go loka gwa tshwana le senookane sa gore se fo dula se yela.
25 Lune ba ntlo ya Israyele, ga 40 yela ya mengwaga mo le le hala mašahleng,+
Nje le mmakele dihlabelo la boya la nneya dilo?
26 Byalo di nyoko nyaka gore le rwale Sakhuthe kgoši ya lune le Kayiwane,*
Dithombhe tso le timakeleng tsona tsa nanedi ya modimo wa lune,
27 Fote ke nyoko le yisa bobhantiting ku kgole le Damasekhase,’+ go bolabola ye wa gore lebitso lage ke Jehova Modimo wa masole.”+
6 “Bo ba gore ba titshepiye ka matla ku Siyoni,
Bo ba gore ba kwa ba pasopegiye thabeng ya Samariya,+
Bo ba gore ba lawola setšhaba sa gore se tseyediwa gedimo,
Bo ba gore ba ntlo ya Israyele ba ya ga bona ba ko tikweleng!
2 Tshilelaneng Khalna le boneneng.
Tloganeng gana hone le yeneng Hamathe ye Kgolo,+
Fote le ye Ghathe ya Mafilisita.
Ayitsano di phala memmušo* yowa,
Kela naga ya bona ke ye kgolo go phala ya lune?
3 Ayitsano le liketsa go libala ka letšatši lo go nyoko makegang tsa go sasamela?+
Ayitsano le maka gore batho ba go kwana le bokgohlane ba kgahleletse ba bangwana?+
4 Ba yetsela mempetong ya go makiwa ka manaka ya diphoolwane+ fote ba patlama disofeng,+
Ba kene ba ja dinku tsa phoolo tsa morape le dinamane tsa gore ba di neyye tsa go ja gore di tsife;+
5 Ba fo khanda dikoša mo harepa*+ yi kene yi kgana,
Fote ba maka dilo tsa go teya dikoša+ go tshwana le Dafita;
6 Ba nwa wayini ka ditša tsa motšiti+
Fote ba tlola makgura ya gore ke mong wona.
Mara a ba yisi felo ka dilo tsa go baba tso di makegelang batho ba Josefa.+
7 Byalo go nyoko ba bona ba mathomo ga bo ba gore ba nyoko ya bobhantiting,+
Fote go ka sa sa ba le menyanya ya gore gwa rasiwa.
8 ‘Jehova Morena wa ku Malenghelengheng o tshepisiye ka yene mong,’+ go hlaya Jehova Modimo wa masole,
‘“Ke hloyye mo Jakobo a ba le magetla,+
Ke hloyye diwokamelo tsage tsa gore di pasopegiye,+
Fote ke nyoko tseya mutši le dilo tso di wo tlatsiyeng ka di neya manaba ya wona.+
9 “‘“Fote mo nkare go šele lesome la banna ntlong ka yyoši, le bona ba nyoko kgwa. 10 Go nyoko tla lešaga* le ba rwala gore le ye ba tšhubeng. Le nyoko ntsha mašapo ya bona ka ntlong; ke mokane la re ga ye a leng ka dikamareng tsa ka teng tsa ntlo yone, ‘Go sa na le bo ba šeleng ka hone?’ Ke mokane yene o nyoko re, ‘A go na motho!’ Lona le nyoko re, ‘Kgomolela! Ka gore a yi nako ya gore go bolabodiwe ka lebitso la Jehova.’”
11 Ka gore tsowa di hlaya ke Jehova,+
O nyoko pshyayanya ntlo ye kgolo gwa ba ndhundhuma ya dithila,
Ke mokane gwa fela ka ntlo ye nyana gwa šala go sa sa le selo.+
12 Ayitsano dipera di taboga matlapeng,
Kela motho a ka lima gona ka dikgomu?
Ka gore le makiye gore mayahlulelo ya gabutši go be semilane sa go ba le tšhefu,
Fote la maka gore seyengwa sa go loka go be semilane sa go galaka.+
13 Le jabodisa ke dilo tsa go sa re selo,
Fote le re, “Anthe a re ya hlula ka matšhika ya rune?”+
14 Byalo, lune ba mutši wa Israyele, ke nyoko romela setšhaba gore se tle se lwe le lune,+
Fote se nyoko le kgahleletsa go tlugisela Lebho-hamathe*+ go segela Moyeding wa Arabha,’” go hlaya Jehova Modimo wa masole.
7 Sowa ke so ke se šupetsiyeng ke Jehova Morena wa ku Malenghelengheng: O makiye gore go be le moririmane wa ditšiya ka nako ya mo dimilane tsa marega di thomisa go gola. Tsowa ke mo go le dimilane tsa go gašiwa ka nthago ga mo ba šele ba kupiye mabyang mašomong ya kgoši. 2 Mo moririmane wone wo šele wo fetsiye go ja dimilane tsa naga yone, ka re: “Barena Jehova Morena wa ku Malenghelengheng, ke kgopela o tshwarele batho bago!+ Jakobo o nyoko phona byang? Ka gore yene wa lelemela!”+
3 Byalo, Jehova a lebelela taba yowa fote.*+ Jehova a re: “Di ka sa makege.”
4 Sowa ke so ke se šupetsiyeng ke Jehova Morena wa ku Malenghelengheng: Jehova Morena wa ku Malenghelengheng o hlayye gore naga yi nyoko wolodiwa ka mollo. Mollo wone wo dura go segela lewatle le pshya, fote wo tšhubiye le sekopa sa naga. 5 Ke mokane ka re: “Barena Jehova Morena wa ku Malenghelengheng, ke kgopela o sa make dilo tsowa.+ Jakobo o nyoko phona byang? Ka gore yene wa lelemela!”+
6 Byalo, Jehova a lebelela taba yowa fote.*+ Jehova Morena wa ku Malenghelengheng a re: “Le tsotsone di ka sa makege.”
7 Sowa ke so a nšupetsiyeng sona: Jehova ke mo a yemme gedimo ga lepharo la gore ba berekisiye thapo ya go meta mo ba le yaga, fote ke mo a tshwere thapo ya go meta. 8 Ke mokane Jehova a re gaka: “O bona ying Amosi?” Byalo nna ka re: “Ke bona thapo ya go meta.” Ke mokane Jehova a re: “Ke nna yewa ke beya thapo ya go meta gare ga batho baka ba Israyele. Nka sa sa ba tshwarela.+ 9 Dipoleke tsa kgakala tsa Isaka+ go nyoko ba mašupi, fote go nyoko fela ka dipoleke tsa go hlawolega tsa Israyele;+ fote ke nyoko hlasela ba ntlo ya Jerobhowamo ka sabola.”+
10 Amaziya wa gore ke moprista wa Bhethele+ o romele molayetsa wowa ga Jerobhowamo+ kgoši ya Israyele a re: “Amosi o go polanela a le gare ga ntlo ya Israyele.+ Batho ba naga a ba kgone go tiyisela mantsu ya Amosi.+ 11 Ka gore tsowa ke tso di hlayang ke Amosi, ‘Jerobhowamo o nyoko bolayiwa ka sabola, fote Israyele yi nyoko ya bobhantiting yi tšwa nageng ya yona.’”+
12 Ke mokane Amaziya a re ga Amosi: “Wene wa go bona mmono, tšhabela nageng ya Juda, o kraye mokgwa wa go tiphidisa gana hone, fote o ka porofeta o le gana hone.+ 13 Mara o sa sa porofeta Bhethele,+ ka gore ke poleke ya go hlawolega ya kgoši+ fote ke ntlo ya bogošing.”
14 Ke mokane Amosi mo a fetola Amaziya a re: “Ke mo ke se moporofeta kela morwayi wa moporofeta; mara ke mo ke le wa go disa,+ fote ke mo ke pasopa mehlare ya mago. 15 Ke mokane Jehova a mpitsa nkene ke disa morape, fote Jehova a re gaka, ‘Ariye o ye porofetela batho baka ba Israyele.’+ 16 Byalo, theetsela lentsu la Jehova: ‘Wene o re, “O sa hlaye gore Israyele yi nyoko makegela ke dilo tsa go kekema,+ fote o sa re go nyoko makega+ dilo tsa go befa ntlong ya Isaka.” 17 Byalo, sowa ke so Jehova a se hlayang: “Mosadi wago o nyoko rekisa mmele mutšing, fote barwayi bago le ba barwediya bago ba nyoko bolayiwa ka sabola. Naga yago ba nyoko yi maka dingatha ba berekisa thapo ya go meta, wene o nyoko kgwela nageng ya gore a ya yela; fote Israyele yi nyoko ya bobhantiting yi tšwa nageng ya yona.”’”+
8 Tsowa ke tso Jehova Morena wa ku Malenghelengheng a nšupetsiyeng tsona: Bona! Ke mo go na le mmantši wa diyengwa tsa selemo. 2 Ke mokane a re gaka: “O bona ying Amosi?” Nna ka re: “Ke bona mmantši wa diyengwa tsa selemo.” Ke mokane Jehova a re gaka: “Nako ya gore batho baka ba Israyele ba wolodiwe yi segele. Nka sa sa ba tshwarela.+ 3 ‘Ka letšatši lolone, dikoša tsa tempeleng go nyoko ba tsa mo go lliwa,’+ go hlaya Jehova Morena wa ku Malenghelengheng. ‘Go nyoko ba le ditopo tsa go tlala tsa gore di f’lo lahliwa mone polekeng ka mokana ga yona+—gwa šala go f’lo re tsee!’
4 Kwanneng dilo tsowa lune ba gore le gatelanya bo ba go tihlupegela
Lune ba gore le fetsa ka bo ba go loka ba mo nageng,+
5 Lune ba gore le re, ‘Monyanya wa ngwedi wa nyuwane wo fela neng+ gore re thogo rekisa mabele ya rune,
Fote Sabatha+ yi fela neng gore re rekise mabele ya rune?
Gore re thogo maka dikala tsa rune gore di be tse dinyana
Fote re yeketse tšheleta yo re rekisang ka yona,
Gore re berekise dikala tsa rune tsa go ropa gore re hlalefetse ye a rekang;+
6 Gore bo ba gore a ba na sa bona re thogo ba reka ka silva
Bo ba go tihlupegela re ba reke ka diphere tsa dimphašane,+
Ke mokane re rekise mabele ya gore a ma nyakege.’
7 Jehova, yene wa gore Jakobo o gadima ka taba lage o tshepisiye ka yene mong gore,+
‘Tso ba di makiyeng ka mokana ga tsona nka sa tsoge ke di libele.+
8 Naga yi* nyoko hlagasela ka taba la tsotsone,
Fote motho ye mongwana le ye mongwana ye a dulang hone o nyoko lla ka sethaga.+
Ayitsano yi ka sa tlale go tshwana le nooka ya Nayile,
Ya boya ya ya tlase le kgakala go tshwana le nooka ya Nayile ya Egepita?’+
9 Jehova Morena wa ku Malenghelengheng o re, ‘Ka letšatši lolone,
Ke nyoko maka gore letšatši le sobele go sa le motshegare,
Fote ke nyoko maka gore go fifale mone nageng go kene go na le letšatši.+
10 Ke nyoko maka gore menyanya ya lune go be nako ya go lla+
Le dikoša tsa lune ka mokana ga tsona go be tsa mo go lliwa.
Ke nyoko beya masaka masekeng ka mokana ga wona, ka maka gore dihlogo ka mokana ga tsona di sa be le moriri;
Ke nyoko maka gore go be nako ya go lla, fote o nyoko lla nkare ke wene motho wa go llela morwayi wa gore go fo ba yene a ntoši,
Fote letšatši lone le nyoko fela go sa natefe.’
11 Jehova Morena wa ku Malenghelengheng o re, ‘Bona! Go nyoko segela matšatši
Ya gore ke nyoko leya tlala mone nageng
Go ka sa be tlala ya gore ba gayela sekgwa kela meetši,
Mara ba nyoko gayela mantsu ya Jehova.+
12 Ba nyoko tshetsha go tlugisela ga lewatle le lengwana go segela ga le lengwana
Le go tlugisela ka lebowa go segela ka bohlabela.
Ba nyoko yinghayingha ba nyakana le lentsu la Jehova, mara ba ka sa le kraye.
13 Ka letšatši lolone, makgareba ya go bafala ma nyoko yidibala,
Go nyoko yidibala le masogana ka taba la go wongwa;
14 Bo ba gore ba tshepisa ka tso di sinyang ke Samariya,+ ba gore ba re,
“Solanka Modimo wago a sa phela, wene Dani!”+
Fote, “Solanka go sa na le tsela ya go ya Bhere-šeba!”+
Ba nyoko wa, fote ba ka sa sa tsoga.’”+
9 Ke bonne Jehova+ a le ka kgakala ga aletare fote a re: “Teya hala kgakala ga dikholomo ke mokane di nyoko tekateka ku fase. Di kupe hala hlogong ke mokane batho bo ba šeleng ke nyoko ba bolaya ka sabola. A go na le ka wwoši mo ga bona wa gore o nyoko tšhaba kela wa gore o nyoko phona.+
2 Mo ba ka yepa ba kena Lebitleng,*
Letsogo laka le nyoko ba lata gana hone;
Fote mo ba ka yinugela magedimong,
Ke nyoko ba thewosa ba le gana hone.
3 Fote mo ba ka wutama gedimo ga Kharamele,
Ke nyoko ba nyakela gana hone fote ka ba tlosa.+
Mo ba ka n’wutamela ku tlasetlase lewatleng,
Ke nyoko roma noga gana hone gore yi ba lome.
4 Mo ba ka yisiwa bobhantiting nageng ya manaba ya bona,
Ke nyoko roma batho ba gana hone gore ba ba bolaye ka sabola;+
Ke nyoko nyakana le ditsela tsa go ba leyela tsa go sasamela, nka sa nyakane le tsa go ba leyela tsa gabutši.+
5 Ka gore Morena wa ku Malenghelengheng, yene Jehova wa masole, ke Yene a tikisang naga,*
Gore yi tekateke,+ fote bo ba dulang ga yona ka mokana ga bona ba nyoko lla ka sethaga;+
Fote yi nyoko tlala go tshwana le nooka ya Nayile,
Ya boya ya ya tlase go tshwana le nooka ya Nayile ya Egepita.+
6 ‘Ye wa gore o yaga ditepisi tsage magedimong
Wa go yaga moyago wage gedimo ga lefase;
Ye wa gore o kgobaketsa meetši ya lewatleng,
Gore a ma falatse gedimo ga lefase+
—Lebitso lage ke Jehova.’+
7 Jehova o re, ‘Anthe a le tshwane le barwayi ba Makhuše ho gaka, lune batho ba Israyele?
Anthe a ke ya ntsha Maisrayele nageng ya Egepita,+
Ka ntsha Mafilisita ku Kereta,+ fote ka ntsha Siriya ku Kire?’+
8 ‘Bonaneng! Maahlo ya Jehova Morena wa ku Malenghelengheng ma lebelele mmušo wa gore wa sinya,
Fote o nyoko maka gore go fele ka wona mo nageng.+
Mara nka sa nape ke fetsa ka ba mutši wa Jakobo,’+ go hlaya Jehova.
9 ‘Ka gore ke ntsha molawo,
Fote ga ditšhaba ka mokana ga tsona ke nyoko tekatekisa Israyele,+
Go fo tshwana le mo motho a sefa ka sefo,
Fote le mong letlapa ka lloši le sa wele fase.
10 Bo ba gore baa sinya ka mokana ga bona ba gore ba gare ga batho baka ba nyoko bolayiwa ka sabola,
Bo ba gore ba re, “Tso tsa go sasamela di ka sa šutele ho ga rune kela go re segelela.”’
11 ‘Ka letšatši lone ke nyoko tsosa ntlo ya Dafita+ ya gore yi wile,
Ke nyoko lukisa mo yi tšharugiyeng gona,
Fote ke nyoko lukisa lešupi la yona;
Ke nyoko yi yaga ka bonyuwane go tshwana le ku botala,+
12 Gore batho baka ba lawole dilo tso di šeleng Edomo,+
Le ditšhaba ka mokana ga tsona tsa gore ne di bitsa lebitso laka,’ go hlaya Jehova wa gore ke yene a makang dilo tsowa.
13 Jehova o re, ‘Bonaneng! Go tla nako ya gore
Batho baka di nyoko nyaka gore ba lime ba soko fetsa le go buna,
Fote di nyoko nyaka gore ba thomise go gaša pewu ba soko fetsa go gatela didhriva;+
Dithaba di nyoko thotha wayini ya go tswetswenya,+
Fote go nyoko yela yona memmotong ka mokana ga yona.+
14 Ke nyoko ntsha batho baka ba Israyele bobhantiting,+
Fote mitši ya gore ke mašupi ba nyoko yi yaga ka bonyuwane ba boya ba dula ga yona;+
Ba nyoko gaša mašomo ya didhriva fote ba nwa wayini ya gona,+
Ba nyoko maka mašomo, ba ja diyengwa tsa gona.’+
15 ‘Ke nyoko ba gaša nageng ya bona,
Fote ba ka sa sa tomudiwa
Nageng ya gore ke ba neyye yona,’+ go hlaya Jehova Modimo wago.”
Yi rela gore “Go ba Morwalo” kela “Go Rwala Morwalo.”
Kela “tempeleng.”
Di ka fo makega gore ke ditšhotšho tsa dinanedi tso ba reng ke Oriyoni.
Medimonyana yowa yi ka fo rela polanete yo ba reng ke Sathune, ya gore ke mo ba yi rapela nkare ke modimo.
Di šupetsa di rela memmušo ya Juda le Israyele.
Kela “tsa go teya dikoša tsa go ba le motato.”
Gabutšibutši ke “bhuti wa papage.”
Kela “mo go keniwang gona ku Hamathe.”
Kela “a tisola.”
Kela “a tisola.”
Kela “lefase le.”
Kela “Sheol,” ya gore ke lebitla la batho ka mokana ga bona. Bala ga Dihlatollo Tsa Mantsu.
Kela “lefase.”