LENGWALO LA GO YA GA MAGALATA

1 Nna Pawulo wa lepostola, a ke ya hlawola ke motho gore ke be lepostola mara ke hlawodiye ke Jeso Kreste+ le Modimo Papa wa rune+ wa gore o tsusiye Jeso ga bo ba hlokofeleng. 2 Ke ngwalela lune diphutego tsa Galata, ke le ngwalela nkene ke na le magageru ya mangwana ka mokana ga wona, re re:

3 Nkare Modimo Papa wa rune le Morena Jeso Kreste ba ka le kwela go baba fote ba maka gore le bebe. 4 Ka gore re na le senyama,+ o re kgwele gore re phonisiwe ga lefase lowa la go maka tsa go befa.+ O makiye tsotsone ka gore ke tso Modimo, yene Papa wa rune a di nyakang,+ 5 Modimo wa gore o nyoko gadimisiwa go ya go yye. Amene.

6 Modimo o le kwele go baba a berekisa Kreste nakwela a le hlawola. Byalo le ya mmakatsa ka gore le yakgoswiye le keketlela kgole naye, la tshepa mohlobo wo mongwana wa ditaba tsa go bafala.+ 7 A di šiyo ditaba tse dingwana tsa go bafala mara go na le ba bangwana ba gore ba maka gore le keketlele,+ ka go tšhentšha ditaba tsa go bafala ka Kreste. 8 Mara mo go ba le ye a sabalatsang ditaba tsa go bafala tsa go feta tso re šeleng re le butsiye tsona, go ka fo ba go le rune kela lengeloyi la go tšwa ku legedimong, motho yene go fele ka yene. 9 Go fo tshwana le mo re le butsiye mathomisong, ke sa na ke le botsa le gana byalo gore ye mongwana le ye mongwana ye a le botsang ditaba tsa go bafala tsa go feta tso lune le di yamogeleng, go fele ka yene.

10 A ke nyake go yamogela ke batho mara ke nyaka go yamogela ke Modimo. Fote a ke liketsi go jabodisa batho, ka gore hala ke nyaka go jabodisa batho ne nka sa be lelata la Kreste. 11 Magageru, ke nyaka le di tšibe gore ditaba tsowa tsa go bafala tso ke le butsiyeng tsona a di tšwe ga motho,+ 12 a ke ya di kraya ga motho fote a baa ntšhutisa tsona mara Jeso Kreste ke yene a mputsiyeng tsona.

13 Le di kwelele gore ne ke titshwere byang nakwela ke le ga Sedumedi sa Sejuda,+ gore ke mo ke dula ke hlupegisa phutego ya Modimo fote ke nyaka go yi sinya,+ 14 fote ne di n’sepelela gabutši mo Sedumeding sa Sejuda go phala dithaka tsaka ga naga ya geru ka gore ke mo ke na le matšato ga setšo sa bopapa.+ 15 Mara Modimo ke yene a ntshiyeng ka popelong ya mmane a nhlawola ka taba la gore ne a nkwela go baba,+ o bonne di le gabutši 16 gore a nyaretse Morwayi wage a berekisa nna gore ke sabalatse ditaba tsa go bafala ka yene ditšhabeng,+ a ke ya kgopela motho gore a n’yetetse, 17 fote a ke ya ya Jerusalema ga bala ba gore go thomisiye bona go ba mapostola mo nna ke soko bane ke ba lepostola mara ke yye Arabhiya ke mokane ka boyela Damasekhase.+

18 Ka nthago ga kararo ya mengwaga ke yye Jerusalema+ ke ye vakašela Khefase*+ ke mokane ka dula naye 15 ya matšatši. 19 Mara a ke ya bona mapostola ya mangwana, ke f’lo bona Jakobo+ wa gore ke bhuti wa Morena. 20 Modimo wa di tšiba gore dilo tso ke le ngwalelang tsona ke nnete.

21 Mo ke tloga mone ka ya dipolekeng tsa Siriya le Silisiya.+ 22 Mara malata ya Kreste ya ku diphutegong tsa Judiya ke mo ma sa ntšibi. 23 Mara ke mo ma fo kwa gore: “Morenela wa gore ke mo a re hlupegisa+ fote a nyaka go fetsa ka sedumedi sa rune, o šele o bolabola ditaba tsa go bafala.”+ 24 Byalo ba thomisa go gadimisa Modimo ka taba laka.

2 Ke mokane ka nthago ga 14 ya mengwaga ke buyele Jerusalema ke na le Bharenabhase+ le Titosi.+ 2 Ke yye Jerusalema ka taba la gore ba yitseri ke ye, fote ka ba botsa ditaba tsa go bafala tsa gore ke mo ke di tšhomayelela ditšhaba ka moka. Mara tsowa ke di makiye ka makhukhung ga batho ba gore ba tseyediwa gedimo, ka taba la gore ne ke nyaka go di tšiba gore tso ne ke di makela Modimo di gabutši kela awwa. Mo nkare a di gabutši, ke berekele mahala. 3 Le Titosi ye ne ke le naye,+ a baa mo gapeletsa gore a bollwe+ le mo go le Legerika. 4 Bothatha bo thomisiye mo go tla magageru ya matsaka,+ ma khukhuna ma kena ka ho phutegong+ ma nyaka go sinyetsela senghana so re nang naso ka taba la gore ke rune malata ya Jeso, gore ma thogo maka gore re be mabhantiti.+ 5 A re ya ma theetsela le ka gonyana,+ gore le dule le na le nnete ya ditaba tsa go bafala.

6 Mara bo ne ba tseyediwa gedimo ne ke sa tihlupe ka bona,+ ka gore Modimo aa yi ka gore motho o byang, banna bone a baa ntšhutisa selo. 7 Mara mo ba di bona gore ba nneyye mmereko wa go bolabola ditaba tsa go bafala ga bo ba gore ke mašoboro,+ go fo tshwana le mo ba neyye Petro mmereko wa go bolabola ditaba tsa go bafala ga bo ba gore ba bollwe, 8 ye wa gore o neyye Petro matšhika ya gore a tšhomayelele bo ba gore ba bollwe, le nna o neyye matšhika ya go tšhomayelela bo ba gore ke mašoboro.+ 9 Fote mo ba di bona tsa gore Modimo o nkwele go baba,+ Jakobo,+ Khefase* le Johane ba gore ne ba ba tseya go le dikholomo tsa phutego, ba makiye gore nna le Bharenabhase+ re ye ga batho ba ditšhaba mara bona ba ya ga ba gore ba bollwe. 10 Ba f’lo re kgopela gore re sa libale bo ba go tihlupegela, fote ne ke tikemisele go maka tsotsone.+

11 Mara mo Khefase*+ a tla Anthiyoko,+ ke mmutsiye re kene re lebelelanne gore tso a di makiyeng a yi tsona. 12 Ka taba la gore mo go soko segela banna ba bangwana ba go tšwa ga Jakobo+ ke mo a ja le batho ba ditšhaba,+ mara mo ba segela a lisetsa go ja nabo a tloga a ye yemela ku thoko a tšhaba bala ba go bollwa.+ 13 Majuda ya mangwana ka mokana ga wona ma timakisa go tshwana naye, tsa gore Bharenabhase le yene a šinya a timakisa. 14 Mara mo ke bona gore tso ba di makang a di sipidisane le nnete ya ditaba tsa go bafala,+ ke butsiye Khefase* mahlong ga bona ka mokana ga bona ka re: “Mo wene o le Lejuda mara o maka dilo tsa go maka ke batho ba ditšhaba o sa make dilo tso di makang ke Majuda, ke ntaba o kutšetsela batho ba ditšhaba gore ba phele go tshwana le Majuda?”+

15 Rune ba gore re belegiwwe re le Majuda, a re tshwane le bo ba go sinya ba go tšwa ditšhabeng tse dingwana, 16 re ya di tšiba gore mo ba šinya ba re motho o lukiye, a yi ka taba la gore o maka dilo ka molawo mara nka taba la gore o na le tumelo+ ga Jeso Kreste.+ Byalo, re dumela ga Kreste Jeso gore ba thogo re re lukiye ka taba la gore re dumela gage, a re dumele ga molawo, ka gore a go na ye ba nyoko reng o lukiye ka taba la gore o latelela molawo.+ 17 Mo nkare ba re tseya re le batho ba go sinya mola rune re nyaka ba re re lukiye ka taba la Kretse, ayitsano tsotsone di ko ba di rela gore Kretste ke ndhuna ya tso tsa go sinya? Awwa! 18 Mo nkare ke tsosa dilo tsa gore ke di pshyayannye, di ra gore ke tshila molawo. 19 Ka gore go ya ka molawo ke kgwile ka gore a ke sa maka dilo tso di hlayang ke molawo,+ gore ke thogo phela ka ho ga tso tsa Modimo. 20 Ke kokotediwwe phateng le Kreste.+ A ke sa tiphelela+ mara ke phela ke na le Kreste. Lephelo lo ke le phelang gana byalo, ke le phela nkene ke dumela ga Morwayi wa Modimo,+ wa gore o nnyakiye ka matla fote a neyela ka lephelo lage ka taba laka.+ 21 A ke yi tseyele fase taba ya gore Modimo o nkwele go baba,+ ka gore mo nkare motho ba mmona a lukiye mo a latelela molawo, tsotsone di ko ba di rela gore Kreste o kgwele mahala.+

3 Lune Magalata ya diphokophoko! Le fukudiye ke mang mara?+ Phela ba butsiye lune gore Jeso Kreste ba mo kokotele phateng.+ 2 Ke fo nyaka go le butsisa* selo ka ssoši: Ayitsano moya wa go hlawolega le wo krayye ka taba la gore le maka dilo ka molawo kela ka gore le dumela tso le di kwileng?+ 3 Le gana byalo lowa a le so kwisisi? Ku mathomisong ke mo le tikokotlela ka moya wa go hlawolega, byalo go ro maka byang le šele le ya ka gore batho ba re king?+ 4 Ayitsano le f’lo napa le hlupegisiwa mahala ka mokgo? A ke tshepe gore ne le ka nyaka go hlupegisiwa mahala! 5 Anthe ye a le neyyeng moya wa go hlawolega fote a maka mmereko wa go makatsa+ mo ga lune o di maka ka gore molawo wo re king kela o di maka ka taba la gore le dumela ga tso le di kwileng? 6 Go fo tshwana le mo Abhrahama “a dumela ga Jehova,* fote Modimo a mo tseya a lukiye.”+

7 Le di tšiba gabutši gore bo ba nang le tumelo ke bona barwayi ba Abhrahama.+ 8 Modimo o hlayye ka mangwalong gore o nyoko re batho ba ditšhaba ba lukiye ka taba la tumelo ya bona, byalo ke botala a butsiye Abhrahama ditaba tsa go bafala, a re: “Ditšhaba ka mokana ga tsona di nyoko rufega ka taba lago.”+ 9 Byalo bo ba nang le tumelo ba rufiwa le Abhrahama wa gore ne a na le tumelo.+

10 Ka mokana ga bona bo ba gore ba latelela tso molawo wo di hlayang ba na le senyama ka taba la gore go ngwadiwwe gore: “Ye mongwana le ye mongwana wa gore aa make dilo ka mokana ga tsona tso ba di ngwadiyeng ga lengwalo la go phutiwa la Molawo o na le senyama.”+ 11 Go tokegela gana hone, di fo ba lekgwaying gore a go na motho wa go loka ga Modimo+ ka go fo re o latelela molawo ka gore “wa go loka o nyoko phela ka taba la gore o na le tumelo.”+ 12 Byalo, Molawo a wo yi ka gore motho o na le tumelo. Mara, “ye mongwana le ye mongwana ye a makang dilo tsowa o nyoko phela ka taba la tsona.”+ 13 Kreste o re rekiye,+ a re lepolla+ ga senyama sa Molawo, a maka gore go be yene wa go ba le senyama, ka taba la gore go ngwadiwwe gore: “Ye mongwana le ye mongwana wa gore ba mo kokotele phateng o na le senyama.”+ 14 Tsowa di makegiye gore ditšhaba di rufiwe ka tso Abhrahama a rufiwweng ka tsona ka taba la Kreste Jeso,+ gore ka tumelo ya rune re thogo kraya moya wa go hlawolega+ wo re tshepisiwweng wona.

15 Magageru, ke bolabola le lune ke berekisa mošupetso wa gore wo berekisa ke batho, ke re: Mo nkare go na le go kwana ka se sengwana, le mo go ka ba go kwanne batho, go sa be le ye a di sinyang kela a yeketsa tse dingwana ga tsona. 16 Byalo, dilo tsowa ba di tshepisiye Abhrahama le setlogolwane sage.*+ Mangwalo a ma re “le ditlogolwane* tsago” ma bolabolelela batho ba go tlala. Mara ma re, “le setlogolwane sago”* ma bolabolela motho ka wwoši, yene Kreste.+ 17 Go tokegela gana hone, ke re: Molawo wo wo tlileng ka nthago ga 430 ya mengwaga+ a wo sule kwano yo Modimo a yi makiyeng ku nthago gore tso di tshepisiwweng di sa šaše. 18 Mo nkare Modimo o neya motho selo ka taba la molawo, a di sa ya ka gore o mo tshepisiye ying mara Modimo o neyye Abhrahama dilo tsone ka taba la gore o mo tshepisiye.+

19 Ke ntaba go na le Molawo? Molawo ne wo le gona gore wo thogo šupetsa dilo tsa go befa tso batho ba di makiyeng+ gore setlogolwane sowa se tshepisiwweng se šinye se segela.+ Modimo o berekisiye mangeloyi+ gore ma yise Molawo wone ga Moše ke mokane Moše a yisa Molawo wone ga batho.+ 20 Byalo, go nyakega wa go yisa Molawo mo go na le batho ba go tlala mara Modimo o tshepisiye dilo tsone a ntoši. 21 Ayitsano Molawo wo ganetsana le tso Modimo a di tshepisang? Awwa! Mo nkare batho ba krayye molawo wa go ba phidisa, ne ba nyoko re ba lukiye ka taba la gore ba latelela molawo. 22 Mara Mangwalo ma šupetsa gore batho ke mo go le mabhantiti ya tso tsa go sinya, gore bo ba gore ba dumela ga Jeso Kreste ba kraye dilo tso di tshepisiwweng batho ba gore ba na le tumelo.

23 Mara, nakwela re soko ba le tumelo, ke mo re pasopa ke molawo, ke wona wo ne wo re lawola, re yemele so Modimo ne a nyoko se wunyulla.+ 24 Byalo, Molawo ke wona wa go re yetetsa gore re thogo ya ga Kreste,+ gore Modimo a re bone re lukiye ka taba la tumelo.+ 25 Mara gana byalo ka gore go šele go na le tumelo,+ a go sa na so se re yetetsang.+

26 Gabutšibutši ka mokana ga lune ke lune barwayi ba Modimo+ ka taba la tumelo ya lune ga Kreste Jeso.+ 27 Lune ba gore le kolobetsiwwe ba gore fote le selo ka ssoši le Kreste, le tshwana le Kreste.+ 28 A go na taba gore o Lejuda kela o Legerika,+ o lebhantiti kela o lokologiye,+ o monna kela mosadi+ ka taba la gore ka mokana ga lune, ke lune malata ya Kreste Jeso ya gore ma mamarelanne.+ 29 Go tokegela gana hone, mo nkare ke lune malata ya Kreste, gabutšibutši ke lune ditlogolwane tsa Abhrahama+ fote le nyoko kraya+ so ba mo tshepisiyeng sona.+

4 Byalo ke re, mo nkare ye a nyoko krayang tso di mo tshwaneleng go sa le ye monyana, o fo tshwana le lebhantiti le mo dilo tsone ka mokana ga tsona go le tsage, 2 mara go na le malata le bo ba nyoko mo yetetsang go segela ka nako yo yi beyyeng ke papage. 3 Le rune, ke mo re le mabhantiti ya dilo tso lefase lowa le di yetisang mahlong nakwela re sa le dibananyana.+ 4 Mo nako ya gona yi šele yi segele, Modimo o makiye gore Morwayi wage a belege ke mosadi+ fote a belegiwe ka tlase ga molawo,+ 5 gore a lokolle bo ba leng ka tlase ga molawo ka go ba reka,+ gore re thogo yamogediwa re le barwayi.+

6 Byalo, ka taba la gore ke lune barwayi, Modimo o tšhediye moya+ wa Morwayi wage ka ho dipelong tsa rune,+ fote moya wone wa yahlamela wo re: “Abba,* Papa!”+ 7 Byalo ye mongwana le ye mongwana wa lune a yi sa le lebhantiti mara ke morwayi, mo nkare ke wene morwayi, le wene Modimo o nyoko go neya tso di go tshwaneleng.+

8 Mara nakwela le soko bane le tšiba Modimo, ke mo le le mabhantiti ya medimo ya matsaka. 9 Mara ka taba la gore le šele le tšiba Modimo kela yema ke re Modimo o šele a le tšiba, ke ntaba le nyaka go boyela ga dilo tsa go sa re selo+ tsa lefase lowa?+ 10 Le tseya nkare go na le matšatši, dikgwedi,+ dihla le mengwaga tsa gore di tshwanele go tseyediwa gedimo fote le di šalašala nthago. 11 Ke fo kwa le ntshosa, di šupa nkare ke f’lo sinya nako yaka ke re ke ya le gelepa.

12 Magageru, le nna ne ke fo tshwana le lune, mara gana byalo ke tšhentšhiye, le lune tšhentšhaneng ke ya le kgopela barena.+ A le ya nsinyela selo 13 Mara le ya di tšiba gore ke le butsiye ditaba tsa go bafala la mathomo nkene ke lwala. 14 Le mo nkare go lwala gaka ne go le morwalo ho ga lune, a le ya nnyenya* kela la ntshwara nkare a yi nna selo mara le n’yamogele go tshwana le lengeloyi la Modimo, go tshwana le Kreste Jeso. 15 Anthe ke ntaba le sa sa jabodiye? Ka gore ke di tšiba gabutši gore hala di kgonega nke le gonnye maahlo ya lune le nneyye wona.+ 16 Nje le nhloyele gore ke le botsa nnete? 17 Ba karakara ka matla gore le yeme nabo mara a ba le nyakele tsa gabutši, ba nyaka gore le keketlele ku kgole le nna gore le kwe le nyaka go latelela bona. 18 Mo motho a karakara ka matla gore a le makele tsa gabutši, di ko ba di le gabutši mo a le makela tsona ka moka matšatši mara a sa le makele tsona mo ke le gona fela. 19 Bana baka,+ ke kwa go baba ka taba la lune, fote go baba ho ke go kwang go fo tshwana le ga mmane wa gore o thina le go belega. Fote ke sa nyoko go kwa, go segela le šupetsa gore le maka dilo go tshwana le Kreste? 20 Ke nabela nkare nke ke na le lune gana byalo ke sa bolabole ka mokgo ke bolabolang ka gona gana byalo ka taba la gore a ke tšibi gore ke make ying ka lune.

21 Lune ba gore le nyaka go latelela molawo, ayitsano le ya di tšiba gore Molawo wo re king? 22 Mo re beyisa, go ngwadiwwe gore Abhrahama ne a na le barwayi ka babedi, ye mongwana ne a belegiye ke mosadi wa lebhantiti ke mokane ye mongwana a belegiye ke mosadi+ wa gore o lokologiye,+ 23 morwayi wa mosadi ye wa lebhantiti o belegiwwe go tshwana le bana ba bangwana+ mara morwayi wa mosadi yela wa go lokologa o belegiwwe ka taba la so se tshepisiwweng.+ 24 Dilo tsowa di tseyiwa go le mošupetso ka gore basadi bowa ba tshwanisela dikwano ka dipedi, kwano ya Thabeng ya Sinayi+ ya gore yi tshwana le Haghara wa gore o belegiye bana ba bobhantiting. 25 Byalo Haghara o tshwanisela Sinayi,+ ya gore ke thaba ya ku Arabhiya fote o tshwanisela Jerusalema ya lekgono ka taba la gore o bhantita le bana bage. 26 Mara Jerusalema ya ku gedimo yi lokologiye fote ke mmane wa rune.

27 Ka gore go ngwadiwwe gore: “Jabola wene mosadi wa gore aa belege, o fo napa o hlakela wene mosadi wa gore aa kwe lešoko ka taba la gore bana ba mosadi wa gore o lahliye ke monnage ba tlele go phala ba mosadi wa gore o na le monna.”+ 28 Byalo, lune magageru ke lune bana bo ba tshepisiwweng go fo tshwana le Isaka.+ 29 Go fo tshwana le mo ye wa gore o belegiwwe go tshwana le ba bangwana a hlupegisa ye wa gore o belegiwwe ka moya wa go hlawolega,+ go fo ba ka mokgonone le gana byalo.+ 30 Mangwalo ma re king? Ma re: “Raka lelata lowa la mosadi le morwayi wa lona ka taba la gore morwayi wa lelata lowa a ka sa be mojalefa le morwayi wa mosadi wa go lokologa.”+ 31 Byalo magageru, a yi rune bana ba mosadi wa lebhantiti mara ke rune bana ba mosadi wa go lokologa.

5 Kreste ke yene a makiyeng gore re lokologe. Byalo, yemaneng le tiyye+ fote le sa dumele go boyela lejokong la bobhantiti.+

2 Theetselaneng! Nna Pawulo ke le botsa gore mo nkare le ya bollwa, tso Kreste a le makeleng tsona di ka sa le gelepe ka selo.+ 3 Ke ya boyelela fote ke re, monna ye mongwana le ye mongwana ye a bollwang wa gapeletsega gore a latelele Molawo.+ 4 Lune ba gore le nyaka go bitsiwa ba go loka ka taba la gore le latelela molawo,+ a le sa le selo ka ssoši le Kreste fote a ka sa sa le kwela go baba. 5 Re yemele gore re be ba go loka mahlong ga Modimo, tsotsone di nyoko kgonega ka moya wa go hlawolega le ka tumelo ya rune. 6 Ka gore mo nkare re selo ka ssoši le Kreste Jeso, a di na taba gore re bollwe kela a re ya bollwa,+ selo se segolo ke mo re na le tumelo ya go sipidisana le go nyakanana.

7 Le thomisiye le maka dilo* gabutši.+ Ke mang a makiyeng gore le lisetse go theetsela nnete? 8 Tso le di tšhutisang ke bo ba gore baa le thibelela a di tšwe ga Modimo ye a le bitsang. 9 Komelo ye nyana yi bidisa folawa ya go dubiwa ka mokana ga yona.+ 10 Ke ya di tšiba gore lune ba gore le selo ka ssoši le Morena+ le ka sa nagane ka mokgo mongwana mara ye mongwana le ye mongwana ye a le hlupang+ o nyoko yahludiwa go ya ka mokgo a tshwaneleng go yahludiwa ka gona. 11 Magageru, mo nkare ke sa na ke tšhutisa ka taba ya go bollwa ke ntaba ke sa na ke hlupegisiwa. Di ra gore tso ke di tšhutisang tsa gore Jeso o kgwele phateng*+ ne di ka sa kwatisi motho. 12 Ke nabela nkare banna bo ba makang gore le kamake ba ka timaka gore ba sa sa belega.

13 Magageru le lokologiye, le sa berekisi go lokologa ga lune gore le thogo kgotsofatsa tso le di nabelang+ mara go nyakanana ga lune go le tšhofe gore le thogo makelana dilo tsa gabutši.+ 14 Ka gore Molawo ka mokana ga wona wo hlatolla ke taba ka yyoši, ya gore: “O nyake moyagelane wago ka mokgo o tinyakang ka gona.”+ 15 Mo le kene le kwisana go baba fote le hlupegisana,+ le bone gore le sa bolayane.+

16 Byalo ke re, ariyeneng mahlong le yetetsa ke moya wa go hlawolega+ fote mo le maka tsotsone le ka sa nabele dilo tsa go sa yi ka tsela.+ 17 Ka taba la gore tso re di nabelang di ganetsana le moya wa go hlawolega, le moya wa go hlawolega wo ganetsana le tso re di nabelang, dilo tsowa a di gahlane, nka taba lo le sa makeng dilo tso le di nyakang.+ 18 Go tokegela gana hone, mo nkare o yetetsa ke moya wa go hlawolega a wo sa le ka tlase ga molawo.

19 Byalo dilo tso re di nabelang di fo ba lekgwaying, ke bonghwahla,*+ go sa yele, go maka dilo o sa tšebi,*+ 20 go rapela medimo ya dithombhe, go maka tsa madimona,+ go hloyana, go kwata, go jelaselana, go fufulela, go phigisana, go sa kwane, go ya ka tso batho ba di tšhutisang, 21 go ba le mona, go tlayila,+ menyanya ya go sa lawolege le dilo tsa go tshwana le tsowa.+ Ke le botsa go sa le nako go fo tshwana le mo ke le pasopisiye gore bo ba dulelang go maka dilo tsowa ba ka sa kene Mmušong wa Modimo.+

22 Ka nthoko ye nngwana, diyengwa tsa moya wa go hlawolega ke go nyakanana, go jabola, go beba, go lefisa pelo, go ba le pelo ya gabutši, go loka,+ go ba le tumelo, 23 go temeka le go titshwara.+ A go na molawo wa go phigisana le dilo tsowa. 24 Go tokegela gana hone, bo ba gore ke ba Kreste Jeso ba kokotele mmele wa go sinya le dilo tso wo di nabelang phateng.+

25 Mo nkare re phela ka mokgwa wa go sipidisana le moya wa go hlawolega, koriyeneng mahlong re maka dilo ka mokgo moya wa go hlawolega wo nyakang re maka dilo ka gona.+ 26 A di nyake re ba le magetla,+ re sa phadisane le bangwana+ fote re sa jelaselane.

6 Magageru, mo motho a keketlela mara a sa tipone, lune ba gore le yetetsa ke moya wa go hlawolega,* liketsaneng go mo yetetsa le kene le sa mo kgwasolanye+ mara le tipasope+ ka taba la gore ke tšhoga gore le lune le ka fo liketsega.+ 2 Ariyeneng mahlong le gelepana ka tso di le robang,+ mo le maka ka mokgonone le ko ba le latelela molawo wa Kreste.+ 3 Mo nkare ye mongwana o nagana gore yene ke yene le mo nkare a yi yene selo,+ wa titshokanya. 4 Mara ye mongwana le ye mongwana a nyakolle ka mokgo a makang dilo ka gona+ gore a jabodise ke tso a di makang, a sa nyake go phadisana le motho ye mongwana.+ 5 Ka taba la gore ye mongwana le ye mongwana o nyoko rwala morwalo wage.+

6 Go tokegela gana hone, ye mongwana le ye mongwana ye ba mo tšhutisang lentsu a neye ye a mo tšhutisang tso a nang natso.+

7 Ba sa le tshokanye, Modimo aa kweriwi. Ka taba la gore so motho a se gašang ke sona so a nyoko se bunang.+ 8 Ye a gašang tso di nyakang ke mmele wage o nyoko buna tsa go sa loka tsa go nyaka ke mmele wage, mara ye a gašang tso di nyakang ke moya wa go hlawolega, moya wone wo nyoko mo neya lephelo la go ya go yye.+ 9 Byalo, tla re sa lisetseneng go maka dilo tsa gabutši, ka taba la gore re nyoko buna ka nako ya gona mo re sa tinwi.+ 10 Mo re sa thulegele ke lešuba, tla re makeleneng batho ka mokana ga bona dilo tsa gabutši, ka matlamatla bo ba dumelang so re se dumelang.

11 Le ya di bona mara gore ke le ngwalele ka dihlaka tse dikgolo ka letsogo la nna mong.

12 Bo ba gore ba nyaka go tišupa nkare ba lukiye, ke bona bo ba le gapeletsang gore le bollwe, ba maka tsotsone gore ba sa hlupegisiwi phateng* ya Kreste ya mohlupego. 13 Ka gore le bo ba gore ba bollwe, a ba nyake go latelela Molawo,+ mara ba nyaka gore le bollwe gore ba thogo kganya ka lune. 14 A di nyake ke kganya mo nkare a ke kganye ka Morena wa rune Jeso Kreste wa gore o kgwele phateng ya mohlupego.*+ Go ya ka nna batho ba lefase lowa ba kgwile, fote go ya ka lefase lowa, nna ke kgwile. 15 Tsa gore motho o bollwe kela aa bollwa+ a di nape di hlupa mara se segolo ke gore Modimo a make gore go be motho wa nyuwane.+ 16 Nkare bo ba sepelang ka molawo wowa, ke ra Israyele ya Modimo, ba ka dula ba bebiye fote Modimo nkare a ka ba kwela go baba!+

17 Go tlugisela gana byalo, go sa sa ba le wa go nhlupa ka taba la gore ke na le setwaba ho mmeleng waka sa gore ke nna lelata la Jeso.+

18 Magageru, nkare Morena wa rune Jeso Kreste a ka le kwela go baba mo le kene le liketsa go maka tsa gabutši. Amene.