LENGWALO LA GO YA GA MAFILIPI

1 Lengwalo lowa le tšwa ga Pawulo le Thimothi ba gore ba berekela Kreste Jeso, le ya ga ba go hlawolega ka mokana ga bona ba ku Filipi+ ba gore ba mamarelanne le Kreste Jeso fote le ya ga bagolo le malata,+ le re:

2 Nkare Modimo Papa wa rune le Morena Jeso Kreste ba ka le kwela go baba fote ba maka gore le bebe.

3 Mo ke nagana ka lune ke fo dula ke leboga Modimo 4 fote mo nkene ke le rapelela ke šwennye, ke le rapelela nkene ke jabodiye,+ 5 ka taba la gore le tšhomayele ditaba tsa go bafala go tlugisela ka letšatši la mathomo go segela gana byalo. 6 Ke ya di tšiba gore Modimo o nyoko le gelepa gore le fetse mmereko wa go bafala wo a wo thommeng+ go segela ka letšatši la Kreste Jeso.+ 7 Di gabutši gore ke le naganele dilo tsowa ka gore ke le nyaka ka matla. Modimo o nkwele go baba a boya a kwela le lune go baba ka taba la gore ka mokana ga lune le n’gelepiye mo nkene ke le jele+ fote la n’gelepa le ga tso tsa molawo gore re thogo tšhomayela ditaba tsa go bafala re sa šitisi ke selo.+

8 Modimo wa di tšiba gore ke le hlologele ka matla fote ke le nyaka ka mokgo Kreste Jeso a le nyakang ka gona. 9 Fote ke dula ke rapelela gore go nyakanana ga lune go ye mahlong go yeketsega+ mo le kene le tšiba tso Modimo a di nyakang,+ fote le di kwisisa,+ 10 gore le thogo tšiba tso di tshwaneleng go yeta mahlong,+ gore le sa be le selabi fote le sa phiriketse ba bangwana+ go segela ka letšatši la Kreste, 11 gore le be le diyengwa tsa go loka tsa gore le di kraya ka taba la Jeso Kreste,+ gore Modimo a thogo gadimisiwa le go thanakiwa.

12 Byalo magageru, ke nyaka le di tšibe gore tso di mmakegeleng di nthulele lešuba la gore ke tšhomayele ditaba tsa go bafala, 13 gore diketane tsaka tsa jele+ di tšibe+ ke bomatšinghelane ba magoši le ba bangwana ka gore ke latelela Kreste. 14 Go tshwariwa gaka go makiye gore magageru ya go berekela Morena ma titshepe, ma šišimale ke mokane ma tšhomayele lentsu la Modimo ma sa tšhabe selo.

15 Ke nnete gore ba bangwana ba fo tšhomayela ka Kreste ka taba la gore ba na le mona fote baa njelasela, mara ba bangwana ba maka tsotsone ka taba la gore baa di nyaka. 16 Bo ba gore ba tšhomayela ka go di nyaka ba bolabola ka Kreste ka gore ba kwana le go bolabola ka yene, baa di tšiba gore ba nhlawodiye gore ke yemelele ditaba tsa go bafala,+ 17 mara bo ba gore ba na le mona fote baa njelasela ba di maka ba kene ba kokola, ba sa tikemisela selo, ka taba la gore ba nyaka go mpakela mathatha ku jele. 18 Maphomela ya gona ke mafeng? Ba ka fo ba ba timakisa kela ba maka dilo ka go di nyaka, mara taba ke gore ba bolabola ka Kreste, fote tsotsone di ya njabodisa. Gabutšibutši ke nyaka go fo dula ke jabodiye, 19 ka gore ke ya di tšiba gore ke nyoko phonisiwa ka taba la gore le nrapelela le šwennye+ fote ke gelepa ke moya wa go hlawolega wa go tšwa ga Jeso Kreste.+ 20 Tsowa di sipidisana le tso ne ke di yemele fote ke ya di tshepa gore nka sa šale ke tšebiye, mara ke bolabola ke šišimele fote Kreste o nyoko fo dula a gadimisiwa ka taba laka,* mo nkene ke phela kela ke kgwile.+

21 Mo nkare ke ya phela, ke phelela Kreste+ fote mo nkare ke ya kgwa di nyoko ba di gelepa nna.+ 22 Byalo, mo nkare ke sa phela ka mmele wowa, nko thogo napa ke berekela Kreste, mara nka sa le botse tso ke nyoko di kgetang. 23 Ke fo ba ka ho le ka ho, ke nabela gore ba nlokolle gore ke thogo ba le Kreste,+ ka gore ke sona selo sa go di phala ka mokana ga tsona.+ 24 Mara di gabutši ka matla gore ke le phelele. 25 Byalo, ka taba la gore dilo tsowa ke ya di tshepa, ke ya di tšiba gore ke nyoko phela fote ke nyoko ba le lune gore le thogo ya mahlong le jabodisa ke tumelo ya lune, 26 gore mo ke boya ho ga lune, le ro napa le hlakela ka taba la gore ke latelela Kreste Jeso.

27 Di nyaka le titshwara ka mokgwa wa gore wo tshwanela ditaba tsa go bafala ka Kreste,+ gore mo ke tla le mo ke sa tle ke kwe gore le sa tiyelele, a le thogathoge fote le selo ka ssoši,+ le ya berekisana gore le thogo tshepa ditaba tsa go bafala, 28 fote bo ba le phigisang ba sa le tshosanye. Dilo tsowa di šupetsa gore go nyoko fela ka bona+ mara lune le nyoko phona+ ka taba la gore di tšwa ga Modimo. 29 Le thulegele ke lešuba ka taba la Kreste, gore le sa fo dumela gage mara le hlupegisiwe ka taba lage.+ 30 Le lune le phiriketsega ka mokgo ne ke phiriketsega ka gona,+ fote le ya di tšiba gore le gana byalo lowa ke sa fo phiriketsega ka mokgonone.

2 Ka taba la gore le selo ka ssoši le Kreste, ka gore le hlohletsela ba bangwana la boya la ba kgomoletsa ka taba la gore le ba nyaka ka matla, ka gore le na le taba le ba bangwana, le kwana nabo fote le ba kwela go baba, 2 makaneng gore ke jabole ka go maka dilo go tshwana, le nyakanane, le mamarelane fote le nagane go tshwana.+ 3 Le sa make dilo ka go kokola+ kela le na le magetla+ mara le di make le tinyanafatsiye le tseya gore ba bangwana baa le phala,+ 4 le kene le sa nyake tsa go fo jabodisa lune le ntoši+ mara le nyaka le tsa go jabodisa ba bangwana.+

5 Ariyeneng mahlong le nagana go tshwana le Kreste Jeso,+ 6 wa gore le mo a phidiye go tshwana le Modimo,+ a di ya mo tlela le mo monaganong gore a liketse go tilekanisa le Modimo.+ 7 O yye a lisetsa dilo ka mokana ga tsona tso ne a le natso ke mokane a ba sebereki,+ a ba motho wa nama le madi.+ 8 Go tokegela gana hone, mo go šele go le motho wa nama, o yye a tinyanafatsa fote a theetsela go segela a kgwela+ phateng ya mohlupego.*+ 9 Nka taba lo Modimo a yyeng a mo neya mayemo ya gedimo ka matla+ a boya a mo neya le lebitso la gore le phala ya mangwana,+ 10 gore bo ba leng ku legedimong, bo ba leng ho lefaseng le bo ba leng ka fase ga mobu* ba kgotame ka lebitso la Jeso,+ 11 gore ye mongwana le ye mongwana a sabalatse gore Jeso Kreste ke Morena+ gore go thogo gadimisiwa Modimo wa gore fote ke Papa.

12 Lune magageru ya ke ma nyakang ka matla, ke mo le dula le theetsela nakwela ke na le lune, le gana byalo le mo ke se šiyo le napa le theetsela ka matla. Ariyeneng mahlong le karakara ka matla gore Modimo a le phonise. 13 Modimo ke yene a makang gore le be le matšato fote o maka gore le nabele go maka mmereko a boya a le neya le matšhika ya go wo maka, ka taba la gore tsotsone di ya mo jabodisa. 14 Ariyeneng mahlong le maka dilo ka mokana ga tsona le sa kokole+ fote le sa phigisane,+ 15 gore le be bana ba Modimo+ ba gore ba lukiye, ba go sa sodiwi ka selo, ba gore fote a ba na selabi ho gare ga leloko lowa la gore le sinya ka matla.+ Le khannye gare ga bona go tshwana le malampa ho lefaseng,+ 16 le kene le ngangarele lentsu la go maka gore re phele.+ Gore mo letšatši la Kreste le segela ke thogo jabola, ke di tšiba gabutši gore ke mo ke sa tabogele mahala kela go berekela mahala. 17 Le mo ba ntšhediye go tshwana le sehlabelo sa go nwiwa mo ba maka sehlabelo,+ le ga mmereko+ wa go hlawolega wa gore wo makiye gore le be le tumelo ga Modimo, ke jabodiye fote ke jabola le lune ka mokana ga lune. 18 Byalo le lune di nyaka le jaboleneng le nna.

19 Ke tshepa gore mo Morena a di nyaka, ke nyoko roma Thimothi+ hone ga lune go se botala, gore le nna ke kgomoletsege mo ba mpotsa ka lune. 20 A go na ye mongwana wa go tshwana naye ye nka mo romang wa gore o nyoko le pasopa di mmaba. 21 Ka gore ba bangwana ba nyaka tsa go jabodisa bona beng, a ba make tso Jeso Kreste a di nyakang. 22 Mara le ya di tšiba gore aa tshwane nabo ka taba la gore o berekiye le nna go fo tshwana le ngwana le papage,+ gore ditaba tsa go bafala di thogo ya mahlong di sabalala. 23 Byalo, ke yene ye ke tshepang gore ke nyoko mo roma mo ke šele ke tšiba gore go nyoko makega ying ka nna. 24 Ke ya di tshepa gore mo Morena a di nyaka le nna ke nyoko tla go se botala.+

25 Mara gana byalo ke di bona di le gabutši gore ke rome mogageru Epaforoditosi hone ga lune, wa gore ke berekisana naye fote ke lesole la Kreste, yene wa gore le mo romme gore a tle a mperekele.+ 26 Epaforoditosi o nyaka go le bona mara o kgongwele ka taba la gore wa lwala, fote le lune le di kwelele. 27 O lwadiye ka matla tsa gore ke mo a šele a le thina le go kgwa, mara Modimo o mo kwele go baba, gabutšibutši aa f’lo kwela yene a ntoši, mara o kwele le nna, gore ke sa fo dulela go lla. 28 Byalo, ke mo romele ka go yakgoswa gore mo le mmona le thogo jabola fote, gore le nna ke sa sa šekela ka matla. 29 Le mo yamogeleneng le jabodiye go ya ka mokgo le tlwayeleng go yamogela bo ba berekelang Morena, fote batho ba mošaga wonone le ba tshwareneng gabutši,+ 30 ka taba la gore o nyakiye a kgwa mo a kene a berekela Kreste,* a beya lephelo lage kotsing gore a thogo mmakela tso lune le šitegiyeng go mmakela tsona ka taba la gore a le šiyo ho thina.+

3 Byalo magageru, ariyeneng mahlong le jabodiye ka taba la gore ke lune selo ka ssoši le Morena.+ A di ntinisi go dula ke le ngwalela selo ka ssoši fote tsotsone di nyoko le pasopa.

2 Tipasopeneng ga bo ba go tshwana le dimpsya, tipasopeneng ga bo ba go maka dilo tsa go kwaletsana, tipasopeneng ga bo ba gore ba nyaka gore le bollwe.+ 3 Rune re bulutsiwwe tsa mannete,+ ka gore re maka mmereko wa go hlawolega re kene re gelepa ke moya wa Modimo, re kganya ka tso Kreste Jeso+ a di makiyeng fote a re tshepele ga tso batho ba bangwana ba tshepelang ga tsona. 4 Mo nkare go na le ye a tshwaneleng a tshepele ga tso batho ba bangwana ba tshepelang ga tsona, motho yene ke nna.

Mo nkare go na le ye a napang a kganya ka dilo tsowa, di ra gore nna ke tshwanele ke nape ke kganya ka matla ka gore: 5 ke bollwiye ka letšatši la mabala,+ ke wa setšhaba sa Israyele, ke tšwa ga leloko la Bhenjamini, ke belegiwwe ke le Leheberu,+ go ya ka molawo ke nna Lefaraseyi,+ 6 ke hlupegisiye phutego+ ka gore ne ke na le matšato fote ne go se na so molawo wo ka nsolang ka sona. 7 Dilo tso ne di mperekela ke di tseya go se selo* ka taba la gore ke latelela Kreste.+ 8 Go tokegela gana hone, ke napa ke ro tseya dilo ka mokana ga tsona go se selo, ka taba la gore tso ke di tšibang ka Morenaka Kreste Jeso di ro napa di di phala ka moka. Ke lahlegele ke dilo ka mokana ga tsona ka taba lage, fote ke di tseya go le ndhundhuma ya dithila gore ke thogo ba le senghana sa gabutši le Kreste 9 le gore ke tseyiwe ke le lelata lage. Mara a ke tseye gore ke lukiye ka taba la gore ke latelela Molawo, ba ntseya ke lukiye ka taba la gore ke tshepa+ Kreste.+ Ke nnete gore Modimo o tseya ba gore ba tshepa Kreste ba lukiye.+ 10 Ke tikemisele go mo tšiba, ke tšibe le matšhika ya ma berekiyeng gore ma mo tsose ga bo ba kgwileng.+ Ke nyaka go hlupegisiwa go tshwana naye,+ ke kgwe go tshwana naye,+ 11 ke nyaka go bona gore ayitsano di ya kgonega gore ke tsusiwe la mathomo ga bo ba kgwileng.+

12 A di rele gore ke šele ke krayye patela fote a di rele gore ke šele ke yenele mara ke fo ya mahlong+ ke ngangarele ga patela yone ka taba la gore ke ya di tšiba gore Kreste Jeso o ro nkgeta gore ke yi kraye.+ 13 Magageru, a ke tseye gore ke šele ke krayye patela yone, so ke se tšibang ke gore ke libele ka tsa ku botala+ mara ke ya karakara gore ke thogo kraya tsa ku mahlong,+ 14 ke ya karakara gore ke thogo kraya patela+ ya ku legedimong+ ya gore yi tšwa ga Modimo a berekisa Kreste Jeso. 15 Byalo, rune ba gore re butšwiye,+ tla re naganeneng ka dilo tso ke bolabodiyeng ka tsona, mo nkare a le nagane ka mokgonone, Modimo o nyoko le gelepa gore le nagane gabutši. 16 Mara ka gore ne re šele re thomisiye go maka tsa gabutši, koriyeneng mahlong re maka ka mokgonone.

17 Magageru, di nyaka ka mokana ga lune le kopisela gaka,+ fote le kopiseleneng le ga bo ba gore ba maka ka mokgo re le beyiseleng ka gona. 18 Ba tlele ka matla bo ne ke kwana le go bolabola ka bona mara gana byalo ke bolabola ka bona nkene ke lla ka taba la gore ba timakiye manaba ya phate ya mohlupego* ya Kreste. 19 Go nyoko fela ka bona, ba makiye dimpa tsa bona gore go be modimo wa bona, ba kganya ka dilo tsa gore di tshwanele di ba tšebise fote ba dula ba naganne ka dilo tsa lefase lowa.+ 20 Mara rune ke rune ba ku+ legedimong+ fote re yemele Morena wa rune Jeso Kreste gore a tle a re phonise a tšwa legedimong,+ 21 wa gore o nyoko tšhentšha mmele wa rune wa go sa re selo gore wo thogo gadimisiwa go tshwana le mmele wage+ le go maka gore dilo ka mokana ga tsona di tinyanafatse ka tlase gage a berekisa matšhika yage ya magolo.+

4 Byalo lune magageru ya ke ma nyakang ka matla ya gore fote ke ma hlologele, ya gore maa njabodisa fote ma tshwana le fapo ho gaka,+ ke re le sa thogathoge+ ka ho ga tso tsa Morena.

2 Ke kgopela Yudiya le Sintike gore ba nagane go tshwana mo ba kene ba berekela Morena.+ 3 Ke kgopela wene wa gore o berekisana le nna gore o ye mahlong o gelepa basadi bo ba gore ke mo ba berekisana le nna gore re thogo sabalatsa ditaba tsa go bafala, bona le Tlelemente le ba bangwana bo ke berekisanang nabo, mabitso ya bona ma ngwadiwwe pukung ya lephelo.+

4 Dulaneng le jabodiye ka taba la Morena. Ke ya boyelela fote ke re, Jabolaneng!+ 5 Makaneng gore go kwisisa ga lune+ go tšibe ke batho ka mokana ga bona. Morena o thina. 6 Le sa šekele ka selo+ mara se sengwana le se sengwana so se le hlupang le se botse Modimo, le rapele le kene le šwennye fote le leboga;+ 7 ke mokane Modimo o nyoko maka gore le bebe+ batho ba bangwana ba šala ba sa kwisisi, ka mokgonone o nyoko ba a pasopa dipelo+ le menagano ya lune a berekisa Kreste Jeso.

8 Byalo magageru, dilo tse dingwana le tse dingwana tsa gore ke nnete, dilo tse dingwana le tse dingwana tsa gore di tshwanele go tseyediwa gedimo, dilo tse dingwana le tse dingwana tsa gore ke tsa go loka, dilo tse dingwana le tse dingwana tsa go yela, dilo tse dingwana le tse dingwana tsa gore di maka gore batho ba nyakanane, dilo tse dingwana le tse dingwana tsa gore di ya hlompega, dilo tse dingwana le tse dingwana tsa gore ke tsa gabutši le dilo tse dingwana le tse dingwana tsa gore di ya thanakega, ariyeneng mahlong le nagana ka tsona.+ 9 Dilo tso le di tšhutiyeng, tso le di dumeleng, tso le di kwileng, le tso le di bonneng mo gaka, le sa lisetsi go di maka+ ke mokane Modimo wa gore o bebiye o nyoko ba le lune.

10 Ke jabola ka matla gore le šinnye le šupetsa gore le na le taba le nna mo nkene ke berekela Morena.+ Le mo nkare ne le na le taba le nna, a le ya thulegela ke lešuba la go nšupetsa. 11 A ke bolabole ka mokgonone ka taba la gore ke gayela tse dingwana, ka gore ke tšhutiye go kgotsofala ka tso ke nang natso go se na taba gore ke ga seyemo sa mošaga mang.+ 12 Ke ya di tšiba gore go byang go ba le dilo tsa go tlala le go ba le dilo tse dinyana.+ Ga dilo ka mokana ga tsona le mayemo ka mokana ga wona, ke tšhutiye sephiri sa go kgora le sa go kwa tlala, le gore go byang go ba le dilo tsa go tlala le go sa be natso. 13 Ke na le matšhika ga dilo ka mokana ga tsona ka taba la ye a nneyang matšhika.+

14 Mara nakwela ke tlela ke tsa go mphiriketsa, le makiye gabutši ka go fo dula le na le nna. 15 Gabutšibutši, lune Mafilipi le ya di tšiba gore go fo ba lune le ntoši bo ba n’gelepiyeng la boya la yamogela gore ke le gelepe ka nthago ga gore ke yamogele ditaba tsa go bafala nakwela ke tšwa Masedoniya,+ 16 ka taba la gore nakwela ke sa le Thesalonika le nromele tso ke di gayelang, a le ya fo nromela tsona ga teya mara le nromele tsona ga mabedi. 17 A yi gore ke nyaka le nneya se sengwana mara ke nyaka gore mekgwa ya lune ya go bafala yi nape yi yeketsega mahlong ga Modimo. 18 Mara gana byalo a ke gayele selo, ke na le tsa go feta tso ne ke di gayela ka gore ke krayye tso le neyyeng Epaforoditosi+ gore a tle a nneye, so le nneyyeng sona se tshwana le sa go tlola sa go nkgela+ fote ke sehlabelo sa gore sa yamogelela sa go jabodisa Modimo. 19 Fote Modimo waka wa gore o na le dilo tsa go tlala o nyoko le neya dilo tso le gayelang tsona+ a berekisa Kreste Jeso. 20 Byalo go gadimisiwe Modimo Papa wa rune wa go ya go yye. Amene.

21 Tamisaneng ye mongwana le ye mongwana wa gore o hlawolegiye, wa gore fote ke selo ka ssoši le Kreste Jeso. Le magageru ya ke nang nawo maa le tamisa. 22 Bo ba go hlawolega ka mokana ga bona baa le tamisa, ka matlamatla bo ba leng gaye ga Kesara.+

23 Nkare Morena wa rune Jeso Kreste a ka le kwela go baba ka taba la dilo tsa gabutši tso le di makang.