LENGWALO LA GO YA GA MAHEBERU

1 Ku botala, Modimo ke mo a bolabola le bokokwane ba rune a berekisa baporofeta ga go tlala fote ke mo a berekisa mekgwa ya go tlala.+ 2 O berekisa Morwayi wage mo a bolabola le rune ka dinako tso tsa mafelelo,+ yene wa gore o mo hlawodiye gore a lawole dilo ka mokana ga tsona+ fote o berekisiye yene gore a make dilo tsa ho lefaseng.*+ 3 Ke yene ye a yemelang go gadima ga Modimo,+ o yemela so Modimo a leng sona+ fote o maka gore dilo ka mokana ga tsona di dule di le gona a berekisa lentsu lage la go ba le matšhika. Ka nthago ga gore a re yedise ga tso re di sinnyeng,+ o yye a dula ga letsogo la go ja la Modimo ye Mogolo wa ku malenghelengheng.+ 4 Ka gore o krayye lebitso la go phala la mangeloyi ya mangwana,+ di ra gore wa ma feta ka bogolo.+

5 Mo re beyisa, ayitsano le gona lengeloyi la gore Modimo o yye a le botsa gore: “Ke wene morwayi waka, go tlugisela lekgono ke nna papago”?+ Fote a re: “Ke nyoko ba papage fote yene o nyoko ba morwayi waka”?+ 6 Mara mo a leya Letšibula lage+ ho lefaseng fote, o re: “Mangeloyi ka mokana ga wona ya Modimo ma mo thinyele letolo.”*

7 Fote mo a bolabola ka mangeloyi yage o re: “O maka gore mangeloyi yage ma be le matšhika, a boya a maka gore malata yage+ go be nkare ke mollo.”+ 8 Mara mo a bolabola ka Morwayi wage o re: “Modimo ke setulo sago sa go lawola+ sa go ya go yye fote thoka ya Mmušo wago ke thoka ya go loka. 9 Ke mo o kwana le tsa go loka fote o hloyye tsa go sa sipidisane le molawo. Nka taba lo Modimo, yene Modimo wago, a go tlotsiyeng ka makgura,+ a maka gore o be ka kgakala ga banghana bago.”+ 10 Fote: “Wene Morena, ke wene o yagiyeng difandhiši tsa lefase ku mathomisong, fote magedimo ke mebereko ya matsogo yago. 11 Go nyoko fela ka tsona mara wene o nyoko fo dula o le gona, fote ka mokana ga tsona di nyoko hlagala go tshwana le kobo, 12 wene o nyoko di phuta go tshwana le mo o phuta kobo ya go lefa fote o nyoko di tšhentšha go tshwana le mo o tšhentšha dikobo. Mara wene o ka sa tšhentšhi fote mengwaga yago yi ka sa fele.”+

13 Ke lengeloyi lefeng lo a yyeng a le botsa gore: “Dula ka letsogong laka la go ja go segela ke beya manaba yago ka fase ga mawoto yago”?+ 14 Anthe mangeloyi ka mokana ga wona a ma make mmereko wa go hlawolega?+ Anthe a baa ma roma gore ma ye berekela bo ba nyoko phonisiwang?

2 Nka taba lo di leng gabutši gore dilo tso re di kwileng re di tseyele gedimo ka matla,+ gore re sa keketlele.+ 2 Mo nkare mantsu ya gore Modimo o ma butsiye bokokwane ba rune a berekisa mangeloyi+ ma makegiye, fote mo nkare ye mongwana le ye mongwana wa go sinya le wa go sa theetsele ba mo wolole gabutši,+ 3 re nyoko phona byang mo nkare re ganne go phonisiwa?+ Ka gore ke Morena+ ye a thomisiyeng go bolabola ka go phonisiwa, fote bo ba di kwileng ba re butsiye ka tsona, 4 fote Modimo le yene o šupetsiye gore ke nnete a berekisa mehlolo, mešupetso, mebereko ya mehlobohlobo ya go šupetsa matšhika,+ a boya a re neya moya wa go hlawolega go ya ka tso a di nyakang.+

5 Ka gore lefase lo le tlang la gore re bolabola ka lona,+ aa le maka gore le lawole ke mangeloyi. 6 Mara ga poleke ye nngwana, ye mongwana o yitseri: “Motho go ro ba ying mara la gore o ka šinya o dula o mo naganne, kela morwayi wa motho go ro ba ying gore o ka šinya o mo pasopa?+ 7 O makiye gore a be ka tlasenyana ga mangeloyi, o makiye gore a gadime fote a hlompege, wa boya wa mo hlawola gore a pasope dilo tso o di makiyeng ka matsogo yago. 8 O beyye dilo ka mokana ga tsona ka tlase ga mawoto yage.”+ Ka gore Modimo o makiye gore Morwayi wage a lawole dilo ka mokana ga tsona,+ a se šiyo sa gore aa se lawole.+ Mara gana byalo, a re soko bona dilo ka mokana ga tsona tso a di lawolang.+ 9 Mara re ya kgona go bona Jeso wa gore ba makiye gore a be ka tlase ga mangeloyi,+ wa gore gana byalo wa hlompiwa fote wa gadimisiwa ka taba la gore o kgwile,+ o kgwele ye mongwana le ye mongwana gore a thogo šupetsa gore Modimo o re kwela go baba.+

10 Dilo ka mokana ga tsona di gona gore Modimo a thogo gadimisiwa, fote di gona ka taba lage. Gore barwayi ba go tlala ba gadimisiwe,+ ne di le gabutši ka matla gore a make ye go leng Moyemedi ye Mogolo gore a yenele nakwela a hlupegisiwa.+ Modimo o ba phonisa a berekisa yene Moyemedi ye Mogolo.+ 11 Jeso le bo a makiyeng gore ba hlawolege+ ba na le papa ka wwoši ka mokana ga bona,+ ke sona so se makiyeng gore a sa tšebe mo a ba bitsa gore ke bobhuti bage.+ 12 O re: “Ke nyoko sabalatsa lebitso lago ga bobhuti baka, ke nyoko go thanaka ka go yepelela koša ke le gare ga phutego.”+ 13 Fote: “Ke nyoko tshepela gage.”+ Fote: “Bonaneng! Nna le bana bo Jehova* a nneyyeng bona!”+

14 Byalo, ka taba la gore “bana” bowa ba na le madi le nama,+ le yene ke mo a na le madi le nama gore mo a kgwa a thogo fetsa ka Diyabolo+ wa gore o na le matšhika ya go baka likgu,+ 15 le gore a lokolle bo ne go le mabhantiti maphelo ya bona ka mokana ga wona ka taba la go tšhaba go kgwa.+ 16 Ka gore gabutšibutši aa gelepe mangeloyi, mara o gelepa ditlogolwane* tsa Abhrahama.+ 17 Byalo, ke mo di nyaka gore a tshwane le “bobhuti” bage ga dilo ka mokana ga tsona,+ gore a thogo ba moprista ye mogolo wa gore wa tshepega fote o kwelana go baba mo a kene a maka dilo tso Modimo a di nyakang, gore a be sehlabelo+ sa go maka gore re nghanelane le Modimo fote.*+ 18 O kgona go gelepa bo ba liketsiwang+ ka gore le yene o yye a hlupegisiwa nakwela ba mo liketsa.+

3 Byalo lune magageru ya go hlawolega ya gore fote le nyoko ya legedimong,+ le nagane ka Jeso wa gore re dumela gage, wa gore ke lepostola fote ke moprista ye mogolo.+ 2 Ke mo a tshepega ga Modimo wa gore o mo hlawodiye+ go fo tshwana le Moše wa gore o yye a tshepega nakwela a le ntlong ya Modimo.+ 3 Ka gore o* gadimisiwa go phala+ Moše ka taba la gore ye a yagang ntlo o hlompiwa go phala ntlo ka boyona beng. 4 Ke nnete gore ntlo ye nngwana le ye nngwana yi yaga ke motho mara ye a makiyeng dilo ka mokana ga tsona ke Modimo. 5 Byalo Moše ke mo go le lelata la go tshepega ka ntlong ya Modimo. Tso a di makiyeng ke mo di šupetsa dilo tso Modimo a nyoko bolabolang ka tsona ka nthago, 6 mara Kreste ke mo go le Morwayi wa go tshepega+ ka ntlong ya Modimo. Ke rune ntlo yage+ mo re ka ngangarela ga so re se tshepiyeng sa gore re nyoko bolabola ka sona re lokologiye fote re nyoko kganya ka sona go segela mafelelong.

7 Byalo, go fo tshwana le mo moya wa go hlawolega wo hlaya gore,+ “Theetselaneng lentsu lage lekgono, 8 le sa thathafisi dipelo tsa lune go tshwana le nakwela bokokwane ba lune ba nkwatisa ka matla, go fo tshwana le ka dinako tsela ba nliketsa ku mašahleng,+ 9 ga gore bokokwane ba lune ba nliketsiye le mo go fediye 40 ya mengwaga ba kene ba bona tso ke di makang.+ 10 Ke tsona tso di makiyeng gore leloko lowa le nsilikise fote ka re: ‘Dipelo tsa bona di fo dula di keketlela fote a ba tšibi ditsela tsaka.’ 11 Byalo ke ba tshepisiye nkene ke kwatiye gore: ‘Ba ka sa khutsi ka letšatši laka la go khutsa.’”+

12 Le pasopeneng magageru, ke tšhaba gore o ka kraya go šele go na le ye mongwana ho ga lune wa go ba le pelo ye phifadu ya gore a yi na tumelo la tla la keketlela kgole le Modimo wa go phela,+ 13 mara ariyeneng mahlong le tiyisana ka moka matšatši, solanka go sa le “Lekgono”+ gore go sa be le ye pelo yage yi thathafang ka taba la go fokola ke go kwana le go sinya. 14 Re kraya so Kreste a se krayyeng mo nkare re ngangarela re tiyisiye go segela mafelelong so ne re tshepele ga sona go tlugisela ku mathomisong.+ 15 Go fo tshwana le mo ba hlayye gore, “Theetselaneng lentsu lage lekgono, le sa thathafisi dipelo tsa lune go tshwana le nakwela bokokwane ba lune ba nkwatisa ka matla.”+

16 Ke mang ye a kwileng lentsu la Modimo mara a fo ya mahlong a kene a mo kwatisa? A yi bona bala ba gore ba tšwile Egepita ba kene ba yetetsa ke Moše?+ 17 Go tokegela gana hone, anthe Modimo ne a silikisa ke bomang ka 40 ya mengwaga?+ A yi bona bala ba gore ba sinnye ke mokane ba kgwela ku mašahleng?+ 18 Fote ke bomang ba gore o ba tshepisiye gore ba ka sa khutse ka letšatši lage la go khutsa? A yi bona bala ba gore a baa mo theetsela? 19 Byalo, re thogo di bona gore ba šitegiye go khutsa ka letšatši lage la go khutsa ka taba la gore ba gayela tumelo.+

4 Byalo, ka taba la gore tso re tshepisiwweng tsona tsa gore re nyoko khutsa naye di sa le ka mokgonone, tla re tipasopeneng gore go sa be le ye mongwana hone ga lune wa gore aa tshwanelege gore a ka kena.+ 2 Le rune ba re tšhomayelele ditaba tsa go bafala+ go fo tshwana nabo, mara lentsu lo ba le kwileng a le ya ba gelepa ka selo ka taba la gore ke mo ba sa dumele ga selo ka ssoši le bo ba gore ba theetsele. 3 Ka gore rune ba gore re šupetsiye gore re na le tumelo re nyoko khutsa naye go fo tshwana le mo a hlayye gore: “Byalo ke ba tshepisiye nkene ke kwatiye gore, ‘Ba ka sa khutsi ka letšatši laka la go khutsa,’”+ ka gore o fetsiye mmereko wage nakwela a maka lefase.+ 4 Ka taba la gore ga lengwalo le lengwana mo ba bolabola ka letšatši la kašupa ba re: “Modimo o khutsiye ka letšatši la kašupa ga mmereko wage ka mokana ga wona,”+ 5 le gana howa fote o re: “Ba ka sa khutsi ka letšatši laka la go khutsa.”+

6 Byalo, ka gore di sa kgonega gore ba bangwana ba khutse naye, fote bo ba gore ba ba butsiye ditaba tsa go bafala la mathomo a baa khutsa naye ka taba la go sa theetsele,+ 7 fote o merekiye letšatši lowa mo a hlaya ga pisalema ya Dafita ka nthago ga nako ya go lefa gore, “lekgono” go fo tshwana le mo a hlayye gore, “Theetselaneng lentsu lage lekgono, le sa thathafisi dipelo tsa lune.”+ 8 Ka gore mola Jošuwa+ a ba yisiye polekeng ya go khutsa, Modimo ne a ka sa bolabole ka letšatši le lengwana ka nthago ga hone. 9 Byalo go sa šele gore batho ba Modimo ba khutse ka letšatši la sabatha.+ 10 Ka gore motho wa go khutsa ka letšatši lo Modimo a khutsang ka lona, le yene o khutsiye ga mebereko yage go fo tshwana le mo Modimo a khutsiye mo a maka mmereko wage.+

11 Byalo, tla re makeneng ka mokgo re ka kgonang gore re thogo khutsa, o sa kraye re šele re sa sa theetsela go tshwana le bala ba gore ke mo ba sa theetsele.+ 12 Ka taba la gore lentsu la Modimo le ya phela fote le na le matšhika,+ le galefa go phala sabola ya gore yi sega ka ho le ka ho,+ le napa le ro kenelela ka ku tengteng le segela le yahluganya motho ka boyene mong le so a leng sona ka ku tengteng, la yahluganya mo go gahlanang mašapo le moko, fote le ya di kgona tsa go yahluganya tso motho a di naganang le tso pelo yi nabelang go di maka. 13 A go na selo sa gore se wutamme ho gage,+ mara dilo ka mokana ga tsona a di ya tšwara fote a di ya wutama mahlong ga ye a nyoko re yahlulang.+

14 Byalo, ka taba la gore re na le Jeso wa gore ke Morwayi wa Modimo fote ke moprista ye mogolo wa gore o šele a kenne magedimong,+ di nyaka re ye mahlong re bolabola ka so re se dumelang ka yene.+ 15 Moprista wa rune ye mogolo o re kwela go baba mo go na le tsa go re ghula,+ le yene o yye a phiriketsiwa ka dilo ka mokana ga tsona go fo tshwana le rune, mara yene aa sinya.+ 16 Byalo, tla re šuteleneng thina le setulo sa go lawola sa Modimo wa gore o re kwela go baba fote re mo rapele re lokologiye+ gore a thogo re gelepa ka nako ya gona ka taba la gore o re kwela go baba.

5 Ka gore motho ye mongwana le ye mongwana wa gore ba mo hlawodiye gore go be moprista ye mogolo,+ o gelepa batho gore ba thogo rapela Modimo gore ba leye dihlabelo ka taba la tso ba di sinnyeng.+ 2 Bo ba gore a ba tseyele dilo gedimo le bo ba go sinya o ba kwela go baba ka taba la gore le yene go na le tso di mo phiriketsang, 3 nka taba lo le yene di nyakang a timakela dihlabelo mo nkare go na le so a se sinnyeng, go fo tshwana le mo a makela ba bangwana.+

4 Motho aa tikgetele gore o nyaka go ba moprista ye mogolo, mara o hlawola ke Modimo go fo tshwana le mo a yye a hlawola Aroni.+ 5 Le Kreste aa tigadimisa+ gore go be moprista ye mogolo, mara o gadimisiye ke Modimo wa gore o mmutsiye gore: “Ke wene morwayi waka, go tlugisela lekgono ke nna papago.”+ 6 Go fo tshwana le mo a hlayye go gongwana mo a re, “Ke wene moprista go ya go yye go tshwana le Melekizedeke.”+

7 Nakwela Kreste a le ho lefaseng o yye a kgopela a boya a rapela di mmaba, a lla ka sethaga a boya a tšwa le dinepedi,+ a llela Yela wa gore o di kgonne go mo phonisa nakwela a kgwile, byalo ka taba la gore ke mo a hlompa Modimo, Modimo o kwile tso a di kgopelang. 8 O tšhutiye go theetsela le mo a kene a hlupegisiwa ka taba la gore ke morwayi.+ 9 Mo ba šele ba makiye gore a yenele,+ ba mo neyye mmereko wa gore a phonise bo ba mo theetselang gore ba kraye lephelo la go ya go yye,+ 10 ka taba la gore Modimo o mo hlawodiye gore go be moprista ye mogolo go tshwana le Melekizedeke.+

11 Di tlele dilo tso re nyakang go le botsa tsona ka yene mara a re sa tšiba gore re le hlatollele byang ka taba la gore a le karakare ka matla gore le kwisise tso ba le tšhutisang tsona. 12 Ke mo le tshwanele go ba le šele le le mathitšere gana byalo, mara le sa na le nyaka gore ba le tšhutise dilo tso ba le tšhutisiyeng tsona ka lentsu la Modimo ku mathomisong,+ fote le sa na le nyaka lebese go tshwana le ku botala, a le nyake tsa go ja tsa go tiya. 13 Ka gore ye mongwana le ye mongwana wa gore o sa nyaka lebese aa tlwayela lentsu la go loka ka taba la gore go sa le ngwana.+ 14 Mara tsa go ja tsa go tiya ke tsa bo ba gore ba butšwiye, ba gore ba tlwayetsiye menagano ya bona gore yi thogo bona dilo tsa gabutši le tsa go kekema.

6 Byalo, ka taba la gore re šele re ya di tshepa dilo tso re di tšhutiyeng ku mathomisong+ ka Kreste,+ di nyaka re karakare go šupetsa gore re butšwiye, re sa boyele ga tsela re di tšhutiyeng mathomisong, tsa go tshwana le go sokologa ga mebereko ya go sa gelepe ka selo le go ba le tumelo ga Modimo, 2 tso di tšhutisiwang ka go kolobetsiwa ga mohlobohlobo, go beyiwa matsogo,+ go tsusiwa ga bo ba hlokofeleng+ le go yahludiwa ga mafelelo. 3 Fote dilo tsone re nyoko di maka mo Modimo a re dumelela.

4 Ba bangwana ba di phagele ku thoko dilo tso ba ba tšhutisiyeng+ tsona tsa gore ke nnete, fote aa šiyo ye a ka ba gelepang gore ba sokologe. Ke mo ba sa sa le letshwifing. Ba krayye dilo tsa go tšwa legedimong ba boya ba kraya le moya wa go hlawolega, 5 batho bone ba krayye lentsu la Modimo la gore le gabutši fote baa di tšiba gore ba nyoko kraya ying ga lefase la nyuwane, 6 mara ba keketlele kgole le tumelo,+ fote a di kgonege go maka gore ba sokologe ka taba la gore go ba nkare ba kokotela Morwayi wa Modimo phateng ka bo bona beng fote, ba boya ba mo tšebisa mahlong ga batho.+ 7 Mo pula yi nile ga go tlala, meetši maa kenelela mo mobung, Modimo wa wo rufa ka go maka gore wo be le dimilane tsa go tlala tsa gore di nyoko gelepa bo ba di gašiyeng. 8 Mara mo dimilane tsone di ba le mutlwa, a di gelepe ka selo mara di nyoko rogelediwa dya fetsa di tšhubiwwe.

9 Le mo re bolabola ka mokgonone mara re ya di tšiba gore mo di tla ga lune magageru, Modimo o nyoko le rufa ka dilo tsa gabutši tsa go sipidisana le go phonisiwa. 10 Modimo aa na pelo ye phifadu fote a ka sa libale tso le di makiyeng, le ka mokgo le šupetsiyeng ka gona gore le kwana le lebitso lage+ ka go berekela bo ba go hlawolega fote le kene le ya mahlong le ba berekela. 11 Mara re nabela gore ye mongwana le ye mongwana wa lune a ka šupetsa gore o na le matšato gore a thogo tshepa+ tso a di yemeleng go segela mafelelong,+ 12 gore le sa tshwate+ mara le kopiseleneng ga bo ba gore ba nyoko kraya tso di tshepisiwweng ka taba la gore ba na le tumelo fote ba lefisiye dipelo.

13 Nakwela Modimo a tshepisa Abhrahama, o mo tshepisiye ka yene mong ka taba la gore ke mo go se na ye mongwana ye mogolo ye a ka tshepisang ka yene,+ 14 a re: “Ke nyoko go rufa fote ke nyoko maka gore bana bago ba tlale.”+ 15 Byalo Abhrahama o yye a lefisa pelo ke mokane a kraya tso ba mo tshepisiyeng tsona. 16 Ka taba la gore mo batho ba tshepisa, ba maka kano ka selo se segolo, fote go tshepisa ga bona go fo ba go šupetsa gore selo sone se nyoko makega tsa mannete.+ 17 Le nakwela Modimo a tshepisa bo ba nyoko krayang tso di tshepisiwweng,+ o makiye kano ya go šupetsa gore tso a ba tshepisiyeng tsona di ka sa tšhentšhe fote di nyoko fo makega ka mokgonone, 18 dilo tsowa ka dipedi tso Modimo a di bolabodiyeng di ka sa tšhentšhe fote Modimo aa bolabole matsaka,+ fote rune ba gore Modimo o re koramele re napa re tiyelela gore re ngangarele ga tso re di tshepiyeng tsa gore di sa nyoko makega. 19 Tso re tshepeleng ga tsona+ di maka gore re sa thogathoge go tshwana le mo tshipi ya go tsika ku fase ya sekepe yi maka gore sekepe sone se sa thogathoge. Re ya di tšiba gore tso re tshepeleng ga tsona di nyoko fo makega ka mokgonone, fote di nyoko maka gore re kene ka ku ga gore go thibiye ke legaredheni,+ 20 ga gore Jeso wa gore o re yeta mahlong,+ wa gore o yye a fetoga moprista ye mogolo go ya go yye go fo tshwana le Melekizedeke.+

7 Byalo Melekizedeke kgoši ya Salema wa gore ke moprista wa Modimo wa ku Malenghelengheng, a gahlana le Abhrahama mo a tšwa go bolaya magoši ke mokane a mo rufa,+ 2 fote Abhrahama o mo neyye sekopa sa lesome sa dilo ka mokana ga tsona tso ne a le natso. Lebitso lage mo le hlatolliwa la mathomo ke mo ba re ke “Kgoši ya go Loka,” ke mokane ba boya ba re ke kgoši ya Salema ya gore yi rela gore “Kgoši ya go Beba.” 3 Ke mo a se na papa, a se na mmane, a se na leloko, a se na mathomo fote a se na mafelelo mara ke mo a tshwana le Morwayi wa Modimo, go nyoko fo dula go le moprista go ya go yye.+

4 Abhrahama wa gore ke hlogo ya mutši o mo neyye lesome la tso ne a le natso ka taba la gore morenene ke mo a lukiye.+ 5 Ke nnete gore go ya ka Molawo, bala ba gore ba wela ga barwayi ba Llifi+ ba gore ba maka mmereko wa bona go le maprista, ba ba romme gore ba koleke sekopa sa lesome ga batho,+ batho bone ke bobhuti ba bona le mo go le ditlogolwane tsa Abhrahama. 6 Mara monna ye wa gore aa šagelane nabo, ke yene wa go tseya sekopa sa lesome ga Abhrahama ke mokane a rufa ye wa gore ba mo tshepisiye dilo.+ 7 Re ka sa phigisi taba ya gore ye monyana o rufa ke ye mogolo. 8 Malifi ma krayye sekopa sa lesome ka taba la gore ke batho ba gore ba nyoko kgwa, mara mangwalo ma re motho ye mongwana ye a krayyeng sekopa sone o nyoko phela.+ 9 Le Llifi wa gore ke mo a kraya sekopa sa lesome, ke mo a patela sekopa sa lesome ka Abhrahama, 10 ka taba la gore ke mo go nyoko ba setlogolwane sa Abhrahama nakwela Melekizedeke a gahlana le Abhrahama.+

11 Mo nkare motho o yenela ka taba la gore ke moprista wa Lelifi+ (ka gore taba yone ke mo yi le ga Molawo wo ba wo neyyeng batho), ayitsano di ko ba di sa nyakega gore go be le moprista wa gore o tshwana le Melekizedeke,+ aa tshwane le Aroni? 12 Ka gore tsa go ba maprista di ya tšhentšhiwa, di ra gore le Molawo di nyaka wo tšhentšhiwe.+ 13 Motho ye ba bolabolang ka yene o tšwa ga leloko le lengwana, leloko la gore a gwa ba le motho wa gore o yye a bereka aletareng.+ 14 Di fo ba lekgwaying gore Morena wa rune o tšwa ga Juda,+ mara Moše aa hlaya selo ka maprista ya go tšwa ga leloko lone.

15 Di napiye di bonala mo go ba le moprista ye mongwana+ wa go tshwana le Melekizedeke,+ 16 a yi moprista ka taba la leloko lo a tšwang ga lona go ya ka molawo, mara nka taba la gore o na le matšhika ya gore ma mo neya lephelo la go ya go yye.+ 17 Lengwalo le lengwana le bolabodiye gore: “Ke wene moprista go ya go yye go tshwana le Melekizedeke.”+

18 Byalo, molawo wa kgale ba wo beyele ka thoko ka taba la gore go na le mo wo kgerang gona, fote a wo sa bereka.+ 19 Ke mo go se na selo sa gore se yenele ka taba la Molawo,+ mara tso re tshepeleng ga tsona gana byalo di maka gore re yenele,+ fote di re gelepa gore re šutele thina le Modimo.+ 20 Ka gore Modimo o makiye kano nakwela a hlawola Jeso gore go be moprista 21 (ka gore go na le batho ba gore ba yye ba ba maprista ba sa hlawodiwa, mara yewa ke moprista ka taba la gore o hlawodiye ke ye wa gore o yitseri: “Jehova* o tshepisiye fote a ka sa tšhentšhi monagano wage,* ‘Ke wene moprista go ya go yye’”),+ 22 ba re neyye Jeso gore a re leyele kwano ya go phala tse dingwana.+ 23 Go tokegela gana hone, ne di nyaka maprista ya mangwana ma thibe sekgala sa maprista ya botala+ ka taba la gore maprista yane ke mo ma kgwa, tsotsone dya maka gore ma sa sa kgona go ya mahlong ka mebereko ya wona, 24 mara ka taba la gore Jeso aa kgwe,+ sekgala sage sa gore ke moprista a se thibi ke motho. 25 Byalo wa di kgona go phonisa bo ba gore ba šutela ga Modimo ka yene, ka taba la gore o dula a le gona gore a thogo ba phophotela.+

26 Di ya re tshwanela gore re be le moprista ye mogolo wa gore wa tshepega, aa sodiwi ka selo, aa na selabi,+ aa tshwane le ba go sinya, fote ba mo neyye matšhika ya go lawola a le magedimong.+ 27 A di nyake a maka dihlabelo letšatši le lengwana le le lengwana go tshwana le maprista ya magolo,+ aa thomisi ka go makela yene mong ke mokane a makela ba bangwana+ ka taba la gore o tineyele ga teya fela a ba a fetsiye ke mokane tsotsone dya gelepa batho go ya go yye.+ 28 Molawo wo hlawola banna ba gore baa sinya gore go be maprista,+ mara ka nthago ga gore Modimo a re neye Molawo, o makiye kano+ gore o nyoko hlawola Morwayi wage gore go be moprista fote o nyoko fo dula a yenele.+

8 Byalo, tabataba ke yowa: Re na le moprista ye mogolo wa go tshwana le yewa,+ o duli ka letsogong la go ja la setulo sa go lawola sa Modimo ye Mogolo wa ku magedimong,+ 2 ke lelata la gore le bereka ga poleke ya go hlawolega+ le ga letente la mannete la gore le makiye ke Jehova, a le ya maka ke batho. 3 Moprista ye mongwana le ye mongwana ye mogolo o hlawodiwwe gore a yise dihlabelo le tso re neyelang ka tsona, byalo ke mo di nyakega gore le yenewa a neyele ka se sengwana.+ 4 Hala a le ho lefaseng, ne a ka sa be moprista+ ka taba la gore ne go šele go na le banna bo ba yisang tso batho ba neyelang ka tsona go ya ka Molawo. 5 Mmereko wo banna bo ba wo makang wo fo ba wo šupetsa+ dilo tsa ku legedimong.+ Modimo o napiye a di šupetsa nakwela a botsa Moše gore a le make byang letente lone. O yitseri: “O bone gore dilo tsowa ka mokana ga tsona o di maka ka mokgo ke go šupetsiyeng ka gona ku thabeng.”+ 6 Mara gana byalo Jeso o maka mmereko wa gabutši ka matla ka taba la gore ke yene a makang+ gore go be le kwano+ ya go phala yela ya mathomisong, ya gore yi tikokotlele ka tso di tshepisiwweng tsa gore di kawone.+

7 Hala kwano yela ya mathomo yi sa sinyega, ne di ka sa nyake gore go be le ye nngwana.+ 8 O di bonne gore batho bone ba sinnye mo a šinya a re: “Jehova* o re: ‘Bonaneng! Go nyoko tla matšatši ya gore ke nyoko maka kwano ya nyuwane le ba mutši wa Israyele le ba mutši wa Juda. 9 Kwano yowa yi ka sa tshwane le kwano yo ke yi makiyeng le bokokwane ba bona ka letšatši lo ke ba tshwereng ka letsogo ke ba ntsha nageng ya Egepita,+ ka taba la gore a baa maka tso re kwanneng ka tsona, byalo ke napiye ke lisetsa go ba pasopa,’ go hlaya Jehova.*

10 “‘Ka gore yowa ke kwano yo ke nyoko yi makang le ba ntlo ya Israyele ka nthago ga matšatši yanane,’ go hlaya Jehova.* ‘Ke nyoko maka gore ba tšibe melawo yaka fote ke nyoko yi ngwala le dipelong tsa bona.+ Nna ke nyoko ba Modimo wa bona ke mokane bona go nyoko ba batho baka.+

11 “‘Fote motho a ka sa sa tšhutisa moyagelane wage kela bhuti wage a re: “Tšiba Jehova!”* Ka taba la gore ka mokana ga bona ba nyoko ba ba ntšiba, go tlugisela ka ye monyana go segela ka ye mogolo. 12 Ka gore ke nyoko ba kwela go baba ga dilo tsa go befa tso ba di makiyeng, fote nka sa sa gopola tso ba di sinnyeng.’”+

13 Mo a re “kwano ya nyuwane,” o makiye gore yela ya botala yi felele ke mmereko.+ Byalo, selo sa gore se felele ke mmereko fote se ya tsofala se thina le go nyamalala.+

9 Kwano ya mathomo ke mo yi na le molawo wa gore ne di nyaka moprista a wo latelela mo a kene a maka mmereko wage wa go hlawolega, fote ke mo yi na le poleke ya go hlawolega+ mo lefaseng. 2 Mo sekopa sa mathomo sa letente se makiwa ke mo se na le setšhubampara,+ tafola le dikgwa,+ fote ke mo ba re ke Poleke ya go Hlawolega.+ 3 Mara ka nthago ga legaredheni+ la mabedi ke mo go na le sekopa sa letente so ne ba re ke Poleke ya go Hlawolega ka Matla.+ 4 Ke mo go na le sitša sa motšiti+ sa gholdi le areka ya go kwanisanya+ ya gore ke mo ba yi kgakgapiye ka gholdi+ ka mokana ga yona, ka mone teng ga areka yone ne go na le thoka ya Aroni ya gore yi na le mabhlomu,+ matlapa+ ya gore ne ma ngwadiwwe molawo wa Modimo le jeke ya gholdi ya gore ke mo yi na le manna,+ 5 ke mokane ka kgakala ga areka ya go kwanisanya ke mo go na le makerubi ya go gadima ya gore ne ma wokamele sekogelo sa poleke ya go hlawolega.+ Mara gana byalo a yi nako ya go bolabola ka selo se sengwana le se sengwana sa dilo tsowa.

6 Ka nthago ga gore dilo tsowa di makiwe, maprista ke mo ma dula ma kena ga sekopa sa mathomo sa letente, gore ma thogo maka mebereko ya go hlawolega,+ 7 mara moprista ye mogolo ke mo a kena ga sekopa sa mabedi sa letente a ntoši ga teya mo ngwageng,+ fote ke mo a kena a tshwere madi+ ya gore o timakela+ sehlabelo ka wona fote a makela le bo ba sinnyeng ka bomu.+ 8 Byalo moya wa go hlawolega wo napa wo di beya lekgwaying gore poleke yowa ya go hlawolega ke mo yi soko tšibega mo letente la mathomo le sa le gona.+ 9 Letente lowa le beyisela dinako tsa gana byalo,+ fote ke ka mokgo ne ba leya tso ne go neyediwa ka tsona le ka mokgo ne go makiwa dihlabelo ka gona.+ Mara tsowa a di make gore lekwalo la ye a makang mmereko wowa wa go hlawolega le yenele.+ 10 Ke mo di fo bereka ga tsa go ja, tsa go nwa le go kolobetsiwa ga mehlobohlobo.+ Melawo yowa ne yi bolabola ka dilo tsa lefase lowa,*+ fote ke mo yi le gona go segela dilo di lukisiwa.

11 Mara mo Kreste a nyarela, ke mo go le moprista ye mogolo wa dilo tsa gabutši tsa gore ne di šele di makegiye. O kenne ka teng ga letente la gore ke le legolo la gore fote le gabutši, letente la gore a le ya maka ke batho la gore fote a yi la howa lefaseng. 12 O kenne ga poleke ya go hlawolega a sa berekisi madi ya dipudi le ya dinamane tsa phoolo mara o berekisiye madi yage+ ga teya fela a ba a fetsiye gore a thogo re phonisa go ya go yye.+ 13 Mo nkare madi ya dipudi, ya dikgomu tsa phoolo+ le luta la sethole di fokediwa ga bo ba gore ba thilafele fote di maka gore ba šale+ ba yediye, 14 byalo madi ya Kreste wona ge?+ Yene wa gore o neyele ka lephelo lage la go se na selabi ga Modimo, a yedisa makwalo ya rune ga dilo tsa go sa re selo*+ gore re thogo makela Modimo wa go phela mmereko wa go hlawolega.+

15 Nka taba lo Kreste a gelepang ka kwano ya nyuwane+ gore a thogo lepolla+ batho ka likgu lage ga tso ba di sinnyeng nakwela go sa na le kwano ya mathomo, gore bo ba bitsiwweng ba thogo kraya lephelo la go ya go yye lo ba tshepisiwweng lona.+ 16 Ka gore mo go makiwa kwano, di nyaka motho ye go makiwang kwano ka yene a kgwe, 17 ka taba la gore kwano yone yi thomisa go bereka mo motho yene a kgwa, yi ka sa bereke mo motho ye go makiwang kwano ka yene a sa phela. 18 Nka taba lo kwano ya botala le yona ne yi ka sa bereke go sa falatsiwa madi. 19 Ka gore mo Moše a fetsa go bolabola le batho ka mokana ga bona ka tso di leng ga Molawo, o tsere madi ya dinamane tsa phoolo le ya dipudi a ma gahlanisa le meetši. Ke mokane a tseya phate ya hisopo* a yi tantetsa ka boya bya nku byo bokhubedu bya nkare ke madi, a fokela puku yone* le batho ka mokana ga bona bo ne ba le hone, 20 a re: “Yawa ke madi ya kwano yo Modimo a le butsiyeng gore le yi make.”+ 21 Le yene o tsere madi a fokela letente le ditša tsa go maka mmereko wa go hlawolega.+ 22 Dilo tsa go tlala ke mo di yedisiwa ka madi go ya ka molawo,+ fote ba ka sa re tshwarele mo go se na madi ya ba ma falatsiyeng.+

23 Byalo, ke mo di nyakega gore dilo tsa go tshwanisela+ tso di leng magedimong di yedisiwe ka dihlabelo tsa diphoolwane,+ mara dilo tsa ku legedimong di nyaka dihlabelo tsa kawone. 24 Ka taba la gore Kreste aa kena polekeng ya go hlawolega ya gore yi makiye ke batho+ ya gore yi tshwanisela poleke ya go hlawolega ya mannete,+ mara o kenne legedimong+ gore a thogo re yemelela mahlong ga Modimo.+ 25 Aa maka tsotsone gore a fo dulela go tineyela go fo tshwana le mo moprista ye mogolo a kena ga poleke ya go hlawolega mongwaga wo mongwana le wo mongwana+ a sa yisi madi yage mara a yisa madi ya diphoolwane. 26 Hala go yye gwa ba ka mokgonone, ne di ko nyaka gore Kreste a hlupegisiwe ga go tlala go tlugisela mathomisong ya lefase. Mara gana byalo o f’lo nyarela ga teya ga dinako tsowa tsa mafelelo* gore a neyele ka lephelo lage ke mokane go nape go fela ka tso tsa go sinya.+ 27 Motho ye mongwana le ye mongwana o nyoko fo kgwa ga teya fela mara ka nthago ga hone o nyoko yahludiwa. 28 Kreste le yene o f’lo tineyela ga teya fela a ba a fetsiye gore a tlose tso ba go tlala ba di sinnyeng,+ mo a nyarela la mabedi o nyoko ba a sa tlele go tlosa tso re di sinnyeng, fote o nyoko bona ke bo ba gore ba mo nyaka tsa mannete gore a thogo ba phonisa.+

10 Ka gore Molawo wo tshwana+ le dilo tsa gabutši tso di nyoko tlang,+ mara dilo tsone a yi wona Molawo, di ka sa make gore batho ba yenele ka go maka dihlabelo mongwaga wo mongwana le wo mongwana.+ 2 Hala go le ka mokgonone, ayitsano ne ba ka sa lisetsi go maka dihlabelo, ka gore mo bo ba go maka mmereko wa go hlawolega ba yedisiwwe ne ba ka sa sa kokona ke lekwalo la gore ba sinnye? 3 Mara dihlabelo tsowa di gopotsa batho mongwaga wo mongwana le wo mongwana gore baa sinya,+ 4 ka taba la gore madi ya dikgomu tsa phoolo le ya dipudi ma ka sa sule tso batho ba di sinyang.

5 Byalo mo a tla mo lefaseng o butsiye Modimo gore: “‘Ke mo o sa nyake dihlabelo tsa go makiwa ka diphoolwane le dihlabelo tse dingwana, mara o mmakele mmele. 6 Ke mo o sa nyake dihlabelo tsa go tšhubiwa le dihlabelo tsa mo motho a sinnye.’+ 7 Ke mokane ka re: ‘Bona, ke nna yewa! Ke segele gore (ba ngwadiye ka nna ga lengwalo la go phutiwa) ke thogo maka tso wene Modimo o di nyakang.’”+ 8 O thomisiye a hlaya gore: “Ke mo o sa nyake dihlabelo tsa diphoolwane, dihlabelo tsa dilo tse dingwana, dihlabelo tsa go tšhubiwa le dihlabelo tsa mo motho a sinnye.” Tsowa ke dihlabelo tsa gore ke mo di makiwa go ya ka Molawo. 9 Ke mokane a re: “Bona, ke nna yewa! Ke segele gore ke thogo maka tso o di nyakang.”+ Yene o fetsa ka tsa mathomo gore a thogo maka tsa mabedi. 10 Ba re yedisiye ka sehlabelo sa mmele wa Jeso Kreste ga teya fela a ba a fetsiye+ go ya ka tso Modimo “a di nyakang.”+

11 Moprista ye mongwana le ye mongwana o yema polekeng yage gore a thogo maka mmereko wa go hlawolega+ ka moka matšatši le go dula a maka mohlobo ka wwoši wa dihlabelo+ tsa gore di ka sa nape di fetsa ka tso tsa go sinya.+ 12 Mara Kreste o makiye sehlabelo ka ssoši sa tso batho ba di sinnyeng, o se makiye ga teya a ba a fetsiye, ke mokane a dula ka letsogong la go ja la Modimo,+ 13 go tlugisela ka nako yone ke mo a yemele gore manaba yage ma makiwe gore go be mo go gatang mawoto yage.+ 14 Ka gore ka sehlabelo ka ssoši, o makiye gore bo ba gore ba yedisiwwe ba yenele+ go ya go yye. 15 Go tokegela gana hone, moya wa go hlawolega wo re botsa gore: 16 “‘Yowa ke kwano yo ke nyoko yi makang nabo ka nthago ga matšatši yanane,’ go hlaya Jehova.* ‘Ke nyoko maka gore ba tšibe melawo yaka fote ke nyoko yi ngwala le menaganong ya bona.’”+ 17 Ke mokane wo re: “Fote nka sa sa gopola tso ba di sinnyeng le dilo tsa go befa tso ba di makiyeng.”+ 18 Byalo, mo nkare Modimo wa re tshwarela ga tso re di sinnyeng, a go sa nyakega gore re make dihlabelo mo re sinnye.

19 Byalo magageru, ka taba la gore re na le lešiši la go kena ga poleke ya go hlawolega+ re berekisa madi ya Jeso, 20 go fo tshwana le mo re kena ga gore go thibiye ke legaredheni, o re bulele lona gore re thogo kraya pata ya nyuwane ya go yisana lephelong. Legaredheni+ lone ke mmele wage, 21 fote ka taba la gore re na le moprista ye mogolo wa gore o wokamele ba ntlo ya Modimo,+ 22 tla re šuteleneng ga Modimo ka dipelo tsa rune ka mokana ga tsona le ka tumelo ya go felegelela, re yedise dipelo tsa rune le makwalo+ ya rune ya go sa loka fote re hlape mmele wa rune ka meetši ya go yela.+ 23 Tla re ngangareleneng ga tshepo ya rune yo re botsang batho ka yona re sa thogathoge+ ka taba la gore Modimo ye a re tshepisiyeng wa tshepega. 24 Tla re naganelaneneng gore re thogo nyakanana ka matla le go makelana dilo tsa gabutši,+ 25 re sa lisetsi go gahlana+ go fo tshwana le mo ba bangwana ba tlwayele go maka tsotsone, mara re tiyisane+ ka matlamatla ka gore le ya di bona gore letšatši lone le kene le ya šutela.+

26 Mo nkare re tlwayele go sinya ka bomu le mo re kene re tšiba mong yona nnete,+ a se sa le šiyo sehlabelo so se ka makiwang ka taba la tso re di sinnyeng,+ 27 mara so se re šaleleng ke gore re fo yemela go yahludiwa fote go kwata ga Modimo ga gore go tlabola go tshwana le mollo, go nyoko fetsa ka bo ba mo ganetsang.+ 28 Ye mongwana le ye mongwana wa gore aa theetsele Molawo wa Moše o nyoko bolayiwa a sa kwediwi go baba mo go ka ba le dihlatse ka dipedi kela kararo ya tsona.+ 29 Mo motho a dhelela Morwayi wa Modimo, a tseyela fase madi ya kwano+ ya gore ba mo yedisiye ka wona fote a rogelela moya wa go hlawolega wa Modimo wa gore wo kwelana go baba, le bona nkare motho yene di nyaka a wolodiwe byang?+ 30 Re ya di tšiba gore ke mang ye a hlayyeng gore: “Ke nna ke nyoko busetsang fote ke nna ke nyoko patedisang.” Wa gore fote o hlayye gore: “Jehova* o nyoko yahlula batho bage.”+ 31 Di ya tshosa gore o šinye o wolola ke Modimo wa go phela.

32 Mara, le sa libale dinako tsa ku nthago tsa gore ka nthago ga gore di le khanyele,+ le tiyisele ga dilo tsa go tlala le mo le kene le hlupegisiwa. 33 Ka dinako tse dingwana ke mo le kweriwa le go hlupegisiwa gare ga batho, fote ka dinako tse dingwana ke mo le yema le bo ba gore ba gahlanne le tsa mošaga wonone. 34 Ka gore bo ba gore ba jele ke mo le ba kwela go baba, fote mo le lahlegele ke dilo tsa lune+ ke mo le sa šale le kgongwele ka taba la gore ke mo le di tšiba gore le nyoko rufiwa ka dilo tsa gabutši tsa gore di nyoko fo dula di le gona.+

35 Byalo, le sa lisetsi go ba le lešiši* ka taba la gore le nyoko rufiwa ka taba la lona.+ 36 Di nyaka le tiyisela+ gore ka nthago ga mo le makiye tso Modimo a di nyakang, le thogo kraya tso di tshepisiwweng. 37 Ka gore “ye a nyoko tlang, o nyoko segela go se botala+ fote a ka sa diyege.”+ 38 “Mara lelata laka la go loka le nyoko phela ka taba la gore le na le tumelo,”+ fote “le ka sa njabodisi mo le ka boyela nthago.”+ 39 A yi rune mohlobo wa go sologa wa gore go nyoko fela ka wona,+ mara ke rune mohlobo wa go ba le tumelo wa gore fote wo nyoko phona.

11 Tumelo ke go tshepa gore tso di tshepisiwweng+ ka nnete di nyoko makega, fote ke bohlatse bya gore bo lekgwaying bya gore dilo tsa gore a re di boni, ka nnete di gona. 2 Modimo ke mo a jabodisa ke batho ba botala ka taba la gore ke mo ba na le tumelo ya mošaga wonone.

3 Ka taba la gore re na le tumelo re kgona go bona gore lentsu la Modimo ke lona lo le re beyelang dilo tsa ku legedimong le tsa ho lefaseng* ka letheto, gore re thogo kwisisa gore dilo tso re di bonang ba di makiye ka dilo tsa gore a re di boni.

4 Ka taba la gore Abele ke mo a na le tumelo, o makele Modimo sehlabelo sa go phala sa Kayine+ fote tumelo yone yi napiye yi šupetsa gore o lukiye ka taba la gore Modimo o yamogele tso a mo leyeleng tsona,+ re sa na re tšhuta+ ka tumelo yage le mo a kene a kgwile.

5 Modimo o tlusiye Inoko+ gore a sa kgwe ka mokgo re tlwayeleng batho ba kgwa ka gona, fote ke mo a sa krayege ka taba la gore Modimo ke mo a mo yisiye go gongwana;+ o di bonne tsa gore o jabodisiye Modimo nakwela a soko yisiwa go gongwana. 6 Go tokegela gana hone, mo re se na tumelo re ka sa di kgone go jabodisa Modimo gabutši, ka taba la gore ye a šutelang thina le Modimo di nyaka a dumele gore o gona, fote o rufa bo ba mo nyakang tsa mannete.+

7 Nnowa+ o šupetsiye gore o tšhaba Modimo nakwela ba mo pasopisa ka dilo tsa gore ne a soko di bona ka taba la gore ke mo a na le tumelo,+ fote o yagiye areka+ gore a thogo phonisa ba mutši wage, tumelo yage yi šupetsiye gore di nyaka go fele ka lefase lowa,+ fote ba yitseri o lukiye ka taba la tumelo yone.

8 Nakwela Modimo a bitsa Abhrahama,+ Abhrahama o theetsele ka taba la gore ke mo a na le tumelo, a ya ga poleke ya gore ne a nyoko kraya tso a tshepisiwweng tsona, o f’lo ya le mo a na a sa tšibi gore o ya kaye.+ 9 O duli ga poleke ya gore aa yi tšibi+ yo a tshepisiwweng yona ka taba la gore ke mo a na le tumelo, fote a dula matenteng+ le Isaka le Jakobo ba gore le bona ba tshepisiwwe dilo tsa go tshwana le tsa Abhrahama.+ 10 Ka gore ke mo a yemele mutši wa gore wo na le difandhiši tsa mannete, mutši wa gore wo polanne ke Modimo a boya a wo yaga.+

11 Sara o yye a yima le mo a šele a fitiye mengwaga+ yage ya go yima ka taba la gore ke mo a na le tumelo, ka gore ke mo a di tšiba gore Modimo ye a mo tshepisiyeng, wa tshepega. 12 Nka taba lo monna wa gore ne a tsofele la gore a ka sa sa ba le bana+ a yyeng a kgona go ba le bana+ ba go tlala go tshwana le dinanedi tsa legedimong, ba gore fote re ka sa kgone go ba balela ka taba la gore ba tlele go tshwana le santa ya lewatle.+

13 Le mo ba sa bona dilo tso ba tshepisiwweng tsona di makega mara ka mokana ga bona ba kgwile ba na le tumelo,+ ba di bonne di sa le ku kgole,+ ba di yamogela ke mokane ba hlaya mahlong ga batho gore a ba tšibiwi fote ba ka sa duli nako ya go lefa mone ga poleke yone. 14 Di fo šupetsa gore batho ba go bolabola ka mokgonone ba nyakana le poleke ya bona beng. 15 Mara mola ba yye mahlong ba nagana ka poleke yo ba tlugiyeng ga yona,+ nke ba thulegele ke lešuba la gore ba boyele. 16 Mara gana byalo baa karakara gore ba kraye poleke ya gabutši ya gore yi tšwa legedimong. Modimo a di mo tšebisi mo ba mmitsa gore ke Modimo wa bona,+ ka taba la gore o ba lukiselele poleke ya go dula.+

17 Nakwela Abhrahama a liketsiwa+ ne di fo tshwana le nkare o šele a neyele ka Isaka ka taba la gore o na le tumelo, Abhrahama wa gore o krayye tso a tshepisiwweng tsona a kene a jabodiye o liketsiye go neyela ka morwayi wage wa gore ke yene a ntoši,+ 18 le mo ba mmutsiye gore: “Ditlogolwane* tsago di nyoko tšwa ga Isaka.”+ 19 Mara ke mo a di tshepa gore Modimo o nyoko di kgona go mo tsosa ga bo ba hlokofeleng, sowa ke mo se šupetsa dilo tsa gore di nyoko makega ku mahlong.+

20 Ka taba la gore Isaka le yene ke mo a na le tumelo, o rufiye Jakobo+ le Esewu+ ka dilo tso ne di nyoko makega ku mahlong.

21 Ka taba la gore Jakobo ke mo a na le tumelo, nakwela a le thina le go kgwa+ o rufiye barwayi ba Josefa+ fote a rapela a kene a tikokotlele ka thoka yage.+

22 Ka taba la gore Josefa ke mo a na le tumelo, mo a šele a le thina le go kgwa o yye a bolabola gore barwayi ba Israyele ba nyoko tšwa Egepita fote a ba botsa gore ba make ying ka mašapo yage.+

23 Ka taba la gore babelegi ba Moše ke mo ba na le tumelo, ka nthago ga gore a belegiwe go fediye kararo ya dikgwedi ba mo wutetsiye,+ ba di bonne gore ngwanene ke mo a bafele ka matla,+ fote ke mo ba sa tshose ke tso kgoši yi di hlayyeng.+ 24 Ka taba la gore Moše ke mo a na le tumelo, mo a šele a gudiye+ o ganne gore ba mmitse gore ke morwayi wa morwediya wa Faro,+ 25 mara o kgetiye go hlupegisiwa le batho ba Modimo, ke mo a sa nyake go tijabodisa ka dilo tsa go sinya tsa nako yonone, 26 ka taba la gore ke mo a tseya go hlupegisiwa ga Kreste go le go ghanya ga gore go phala go ghanya ga Egepita, ka gore ke mo a lebelele patela yo a nyoko yi krayang ka maahlo ya makhubedu. 27 Ka taba la gore ke mo a na le tumelo, o tlugiye Egepita,+ mara ke mo a sa tšhabe gore kgoši yi nyoko mo kwatela,+ ke mo a tiyisele a kene a lefisiye pelo fote go le nkare o bona Ye wa gore aa bonale.+ 28 Ka taba la gore ke mo a na le tumelo, o makiye monyanya wa Paseka fote a fokela madi ga diforemo tsa monyako gore lengeloyi la Modimo le sa bolaye matšibula ya bona.+

29 Ka taba la gore Maisrayele ke mo ma na le tumelo, ma fitiye ga Lewatle le Lekhubedu go fo tshwana le nkare ma sepela ga gore go womme,+ mara mo Maegepita ma liketsa go feta, ma kgama ke meetši.+

30 Ka taba la tumelo, mapharo ya Jerikho ma wile ka nthago ga gore Maisrayele ma fetse kašupa ya matšatši ma dukulugela mutši wone.+ 31 Ka taba la gore Rahaba yela wa go rekisa mmele ke mo a na le tumelo, aa bolayiwa le bala ba gore ke mo ba sa theetsele, ka gore bala ba go hlola naga o ba yamogele gabutši.+

32 Le nyaka ke bolabole ka mešupetso ye mengwana? Mo nka thomisa go bolabola ka Ghidiyoni,+ Bharake,+ Samsoni,+ Jafta,+ Dafita,+ Samuwele+ le baporofeta ba bangwana nka sa ro fetsa ka taba la nako. 33 Ka taba la gore ke mo ba na le tumelo ba hludiye memmušo,+ ba maka gore go be le go loka, ba kraya tso ba tshepisiwweng tsona,+ ba thiba melomo ya ditawu,+ 34 mollo le wona a wa ba maka selo,+ ba phonne ba sa bolayiwi ka sabola,+ nakwela ba lelemela ba neyiwwe matšhika,+ mo go le nako ya go lwa ke mo ba sa tšhabe selo,+ fote ba maka gore masole ya gore ke mo ma ba hlasela ma tšhabe.+ 35 Mašaga ya basadi bowa ya gore ma hlokofele ma nyoko tsusiwa,+ mara le mo bo ba gore baa tshepega ba kene ba hlupegisiwa, ba f’lo ya mahlong ba tshepega ga Modimo gore a thogo maka gore ba lokologe. Ba makiye tsotsone gore ba thogo tsusiwa gore ba phele lephelo la gabutši. 36 Ba bangwana ba ba kweriye, ba ba teya go baba ba boya ba ba maka tsa go feta tsotsone, ba ba tlema ka diketane+ le go ba hlahlela jele.+ 37 Ba ba poriye ka matlapa,+ ba liketsa tumelo ya bona, ba ba kupa ka bogare, ba ba bolaya ka sabola,+ ke mo ba sepela ba yapere mokgopa wa dinku le wa dipudi.+ Ke mo go na le tso ba di gayelang, ba hlupegisiwa,+ ba makiwa lešidi;+ 38 fote lefase ke mo le sa tshwanele ke batho ba mošaga wonone. Ke mo ba yinghayingha mašahleng, dithabeng, makoring+ le mekoting ya gore yi ho lefaseng.

39 Le mo nkare ke mo go bolabodiwa gabutši ka bona ka mokana ga bona ka taba la tumelo ya bona, a baa kraya so ke mo ba tshepisiwwe sona, 40 ka taba la gore ke botala Modimo a di bonne gore o nyoko re neya selo se sengwana sa gore se kawone ka matla,+ gore ba sa fo maka bona ba ntoši gore ba yenele.

12 Byalo, ka taba la gore re kgobakanele ke mogoba wo mogolo wa dihlatse,* tla re lisetseneng dilo ka mokana ga tsona tsa gore di ya re roba le senyama sa gore se fo re tantetsa lula+ ke mokane re tiyisele mo re kene re taboga lebelo lo Modimo a nyakang re taboga lona,+ 2 mo re kene re lebelele Jeso wa gore ke Moyemedi ye Mogolo fote o Lokotša tumelo ya rune.+ Le mo ba kene ba mo poyila o yye a tiyisela mo a le phateng ya mohlupego* gore a thogo jabola ku mahlong ke mokane a dula ka letsogong la go ja la setulo sa Modimo sa go lawola.+ 3 Gabutšibutši di nyaka le napa le nagana ka ye wa gore o tiyisele mo bo ba go sinya+ ba mo kgwasolanya ka dilo tsa gore di ka sa ba berekele, gore o sa kraye le tinnwe wa kraya le šele le lahla tewu.+

4 Mo le kene le lwisana le go sinya mowa, a le soko lwa tsa go šinya di nyaka gore le kgwe. 5 Fote le napiye le libala tso Modimo a le kgopeleng gore le di make tsa gore di maka gore a le bitse gore ke lune barwayi bage, nakwela a re: “Morwayi, o sa di tseyele fase tso Jehova* a go wololang ka tsona fote o sa lahle tewu mo a go kgala, 6 ka taba la gore Jehova* o wolola ba gore o ba nyaka ka matla, gabutšibutši o teya ye mongwana le ye mongwana wa gore o mo tseya go le morwayi wage.”+

7 Di nyaka le tiyisele mo le wolodiwa. Modimo o le tseya go le lune barwayi bage.+ Ayitsano o gona morwayi wa gore papage aa mo wolole?+ 8 Mara mo nkare a le soko wolodiwa, a yi lune bana bage ba mannete mara ke lune barwayi ba motho ye mongwana. 9 Go tokegela gana hone, bopapa ba rune ke mo ba fela ba re wolola fote re ba hlompa. Ke ntaba re sa hlompe Papa wa gore o re yetetsa ka matšhika yage ya go hlawolega gore re thogo phela?+ 10 Ka gore ke mo ba re wolola tsa senakonyana go ya ka so bona ba bonang se lukiye, mara yene o maka tsotsone gore a thogo gelepa rune gore re hlawolege go tshwana naye.+ 11 Ke nnete gore mo ba go wolola ka nako yonone di ka sa go natefele, mara ka nthago bo ba gore baa lokotšega mo ba wolodiwa ba šala ba bebiye fote ba maka dilo tsa go loka.

12 Byalo, tiyisaneng matsogo ya gore maa lelemela le matolo ya gore maa kwelakwetla.+ 13 Ariyeneng mahlong le sepela pateng ya gabutši,+ gore wa go golofala a sa nape a golofala ka matla mara a yalafege. 14 Karakaraneng ka matla gore go dule go bebiye gare ga lune+ le batho ka mokana ga bona, fote le hlawolege+ ka taba la gore mo motho a sa hlawolege a ka sa mmone ga Morena. 15 Le pasopeneng gore go sa šale go midiye mudu wa gore wo na le tšhefu, wa gore wo nyoko baka mathatha fote wa maka gore ba bangwana ba thilafale, wa kraya Modimo a sa sa le kwela go baba,+ 16 fote le boneneng gore go sa be le motho wa go maka bonghwahla* mo ga lune kela wa gore aa tseyele dilo tsa go hlawolega gedimo go fo tshwana le Esewu wa gore o kgetiye tsa go ja sekaleng sa tso ne a nyoko di kraya ka gore ke letšibula.+ 17 Ka gore le ya di tšiba gore ka nthago mo a šele a nyaka go rufiwa ba ganne, fote go lla+ gage a gwa mo gelepa ka selo nakwela a liketsa go tšhentšha papage monagano.

18 Ka gore a le soko šutela thina le selo sa gore le ka se tikisa+ sa gore se dura mollo,+ sa gore fote se na le liru le lentsho, se tlemme letshwifi fote se na le sedingwane,+ 19 le porompeta ya go rasa ka matla,+ le mantsu ya go tšwa legedimong+ ya gore nakwela ba ma kwa ba kgopele gore ba sa sa ma kwa fote.+ 20 Ka taba la gore ke mo ba sa kgone go tiyisela molawo wa gore: “Le mo go ka ba le phoolwane ya gore yi tikisa thaba yone di nyaka yi bolayiwe ka matlapa.”+ 21 Fote tso ke mo di makega ne di tshosa lela la gore Moše o šinnye a re: “Ke tšhugiye fote ke ya hlagasela.”+ 22 Mara le šutele thina le Thaba ya Siyone+ le poleke ya Modimo wa go phela ya gore ke Jerusalema ya legedimong,+ le masome ya dikiti ya masome ya dikiti ya mangeloyi 23 ya gore ma gahlanne,+ le phutego ya matšibula ya gore mabitso ya wona ba ma ngwadiye ku legedimong, le Modimo wa gore o Yahlula batho ka moka,+ le bo ba gore baa tshepega, ba yetetsa ke moya wa go hlawolega+ fote ba makiye gore ba yenele,+ 24 le Jeso wa gore o gelepiye+ nakwela go makiwa kwano ya nyuwane,+ le madi ya gore ba re fokele ka wona ya gore ma phala ya Abele.+

25 Le sa tikraye le sa theetsele ye a bolabolang. Batho ba gore ke mo ba sa theetsele Modimo ku botala ba ba wolodiye. Byalo rune re nyoko wolodiwa go segela kaye mo re sa theetsele lentsu la ye a bolabolang a le ku magedimong!+ 26 Ka nako yonone lentsu lage le tekatekisiye lefase,+ mara gana byalo o tshepisiye gore: “Nka sa tekatekisi lefase fela, ke sa nyoko tekatekisa le legedimo.”+ 27 Mantsu yawa ya gore “gana byalo lowa” ma šupetsa gore Modimo o nyoko tlosa dilo tsa gore di ya tekatekisiwa, dilo tsa gore di makiye ke motho gore go šale dilo tsa gore a di tekateki. 28 Byalo ka taba la gore re ya di bona gore re nyoko kraya Mmušo wa gore wo ka sa tekatekisiwi, koriyeneng mahlong re maka gore Modimo a re kwele go baba mo re kene re mo makela mmereko wa go hlawolega re kene re šupetsa gore re ya mo hlompa. 29 Ka taba la gore Modimo wa rune ke mollo wa go gagara.+

13 Ariyeneng mahlong le nyakanana go fo tshwana le bana ba motho.+ 2 Le sa libale go yamogelana,+ ka gore ba bangwana ba makiye ka mokgonone ba tikraya ba yamogele mangeloyi ba sa di tšibi.+ 3 Le dule le nagana ka bo ba gore ba jele+ tsa nkare le lune le tshwariwwe nabo,+ le bo ba gore ba makiwa lešidi le sa ba libale ka taba la gore le wela ga mmele ka wwoši. 4 Di nyaka batho ka mokana ga bona ba hlompe mošadho, fote di nyaka gore bo ba gore ba šadhiye ba tshepege,+ ka taba la gore Modimo o nyoko yahlula bo ba makang bonghwahla,* ba gore ba šadhiye le ba gore a baa šadha.+ 5 Le sa kwane le tšheleta ka matla,+ mara le kgotsofale ka tso le nang natso.+ Ka taba la gore o yitseri: “Nka sa tsoge ke go šiyye fote nka sa tsoge ke go lahliye.”+ 6 Gore le rune re thogo šišimala ke mokane re re: “Ke gelepa ke Jehova,* nka sa tšhabe selo. Motho a ka mmaka ying mara?”+

7 Le sa libale bo ba le yetang mahlong ba gore ba le butsiye ka lentsu la Modimo+ fote mo le kene le nagana ka maphomela ya mekgwa ya bona, le yekisele tumelo ya bona.+

8 Jeso Kreste aa tšhentšha malobana, a ka sa tšhentšhi lekgono fote a ka sa tšhentšhi go ya go yye.

9 Tso di tšhutisiwang tsa mohlobohlobo tsa gore fote a di ya tlwayelega di sa make gore le keketlele, di kawone gore dipelo tsa lune di tiyise ke gore Modimo o re kwela go baba, di sa lawole ke tsa go ja, ka gore bo ba gore ba dula ba naganne ka melawo ya tsa go ja a di ba gelepe ka selo.+

10 Re na le aletare, mara bo ba gore ba maka mmereko wa go hlawolega ku letenteng a baa tshwanela go jela ga yona.+ 11 Ka gore moprista ye mogolo o tseya madi ya diphoolwane a ma yisa ka ku ga go hlawolega gore a make sehlabelo sa mo motho a sinnye, ke mokane ditopo tsa diphoolwane tsone di šala di tšhubiwa ka ku tawong ga kampa.+ 12 Byalo, Jeso ba mo hlupegisiye ka tawong ga digheyiti tsa mutši+ gore a thogo yedisa batho ka madi yage.+ 13 Le rune koriyeneng ga Jeso ka ku tawong ga kampa, re tiyisele go tshwana naye mo ba re poyila,+ 14 ka taba la gore a re na mutši wa gore wo nyoko fo dula wo le gona, mara re nyakana le wo wo nyoko tlang.+ 15 Tla re berekiseneng yene mo re makela Modimo sehlabelo sa go mo thanaka,+ sa gore re se maka ka melomo ya rune+ mo re sabalatsa lebitso lage.+ 16 Go tokegela gana hone, le sa libale go maka tsa gabutši le go ngathelana tso le nang natso le ba bangwana,+ ka taba la gore Modimo o jabodisa ke dihlabelo tsa mošaga wonone.+

17 Theetselaneng bo ba gore ba le yeta mahlong+ fote le tinyanafatse,+ ka taba la gore ke bona bo ba le pasopang* fote Modimo o nyoko yahlula bona.+ Mo le maka ka mokgonone ba nyoko maka mmereko wa bona ba jabodiye, ba sa kgongwele gore le sa šale le kwa go baba.

18 Le duleneng le re rapelela ka taba la gore re tshepa gore re na le makwalo ya go yela* fote re nyaka go tshepega ga dilo ka mokana ga tsona.+ 19 Mara ke le kgopela di mpaba gore le rapeleneng gore ke thogo tla mone ga lune go se botala.

20 Byalo, nkare Modimo wa go beba wa gore o tsusiye ye wa go disa+ dinku ye mogolo ga bo ba hlokofeleng, Morena wa rune Jeso ka madi ya kwano ya go ya go yye, 21 a ka le neya dilo ka mokana ga tsona tsa gabutši gore le thogo maka tso a di nyakang. O berekisa Jeso Kreste gore re make tso a di nyakang. Nkare Modimo a ka gadimisiwa go ya go yye. Amene.

22 Byalo ke ya le kgopela magageru, gore le theetsele lentsu lowa la go le tiyisa le kene le lefisiye dipelo, ka gore ke le ngwalele borifi byowa byo bo kopana. 23 Ke nyaka le di tšibe gore mogageru wa rune Thimothi ba mo lokolliye. Mo nkare o nyoko tla go se botala, ke nyoko tla naye ke tl’le le boneng.

24 Le ntamiseleneng bo ba le yetang mahlong le bo ba go hlawolega ka mokana ga bona. Bo ba gore ba ku Ithali+ baa le tamisa.

25 Nkare Modimo a ka le kwela go baba ka mokana ga lune.