LENGWALO LA JAKOBO

1 Nna Jakobo+ wa gore ke nna lelata la Modimo le la Morena wa rune Jeso Kreste, ke ngwalela 12 ya maloko ya gore yi palakanne ke re:

Tamaneng!

2 Magageru, mo le gahlana le tsa go le kgahleletsa le napeneng le ro jabola,+ 3 le kene le di tšiba tsa gore dilo tsone di lokotša tumelo ya lune fote tsotsone di maka gore le tiyisele.+ 4 Mo le kene le ya mahlong le tiyisela le nyoko fetsa le tlwayele, gore le sa be le selabi fote le make dilo ka mokana ga tsona gabutši le sa gayele selo.+

5 Byalo mo nkare go na le wa gore wa gayela ga taba ya go hlalefa, a sa lisetsi go kgopela Modimo,+ ka gore Modimo o nyoko maka gore a hlalefe+ ka taba la gore aa konane fote a ka sa kwe nkare wa hlupa.+ 6 Mara a sa lisetsi go kgopela ka tumelo,+ a sa kamake le ka gonyana+ ka taba la gore motho wa gore wa kamaka o tshwana le lephoto la meetši ya lewatle la gore moya wo fo le yisa ku le ku. 7 Gabutšibutši motho wa mošaga wonone a sa yemele gore Jehova* o nyoko mo neya se sengwana; 8 motho yene aa titšibi gore o yemme kaye,+ o fo dula a tšhentšhatšhentšha.

9 Mara mogageru wa gore aa na selo a jabole ka gore Modimo o mo tseyela gedimo,+ 10 le mogageru wa gore o ghannye a jabole mo ba mo yisa fase+ ka taba la gore motho wa go ghanya o nyoko puna go tshwana le lebhlomu la ku hlageng. 11 Motho yene wa go ghanya o nyoko kgwa a kene a lelekisana le dilo tsa majabajaba go fo tshwana le mo semilane se tšhuba ke letšatši la go fisa, ke mokane mabhlomu ya sona ma wologa sa šala se sa sa bafele.+

12 Go jabola motho wa gore o ya mahlong a tiyisela mo go na le tsa go mo kgahleletsa+ ka taba la gore mo a hlula dilo tsone di mo kgahleletsang, Jehova o nyoko mo patela ka lephelo+ la gore o le tshepisa ba gore ba ya mahlong ba šupetsa gore ba mo nyaka ka matla.+ 13 Mo motho a gahlana le tsa go mo kgahleletsa a sa re: “Ke liketsa ke Modimo.” Ka taba la gore Modimo aa liketsiwi ka tsa go befa fote le yene aa liketsi motho ka tsa go befa. 14 Mara ye mongwana le ye mongwana o woka ke tso yene mong a di nabelang.+ 15 Byalo, mo a fo dula a nagana ka dilo tsone a di nabelang, di nyoko maka gore a sinye ke mokane tsotsone dya maka gore a kgwe.+

16 Lune magageru ya ke ma nyakang ka matla, le sa tshokanye ke motho. 17 Dilo ka mokana ga tsona tsa gore di gabutši le tsa gore di felegelele di tšwa magedimong+ ga Papa wa rune wa go khanya+ wa gore yene aa tšhentšhatšhentšhi go tshwana le morithi.+ 18 Fote o makiye gore re be gona ka lentsu la nnete ka taba la gore ke tso di nyakang ke yene.+ O makiye gore go be rune ba mathomo* ga dilo ka mokana ga tsona tso a di makiyeng.+

19 Lune magageru ya ke ma nyakang ka matla, ke nyaka le tšibeneng taba ke yowa: Ye mongwana le ye mongwana a yakgoswele go theetsela, a sa yakgoswele go bolabola+ fote a sa yakgoswele go kwata,+ 20 ka taba la gore dilo tso motho a di makang mo a kwatiye a di gabutši mahlong ga Modimo.+ 21 Byalo, tlosaneng dilo ka mokana ga tsona tsa gore a di ya yela le tsa gore a di ya loka,+ le tinyanafatse le lisetse Modimo a gašeneng mantsu ka ho dipelong tsa lune ya gore ma nyoko le phonisa.

22 Mara le sa fo kwa lentsu la Modimo ke mokane dya šala gana hone, di nyaka le make tso lentsu lone le di hlayang.+ Le sa titshokanye ka tso le di naganang tsa matsaka. 23 Mo motho a kwa tso lentsu le di hlayang mara a sa di make,+ motho yene o tshwana le motho wa gore o tilebelele seboking. 24 Wa tilebelela mara mo a tloga, di šala gana mone. 25 Mara motho wa gore o nyakolla molawo wa Modimo, molawo wa gore wo felegelele+ wa gore fote wo maka gore batho ba lokologe a boya a maka tso wo di hlayang aa fo kwa ke mokane a libala. O maka mmereko wa Modimo fote o nyoko jabolela go wo maka.+

26 Mo nkare motho o tipotsa gore yene o rapela Modimo mara a sa lawole lleme lage,+ yene mong wa titshokanya fote le mo a re wa rapela go fo tshwana. 27 Mokgwa wa go rapela Modimo wa gore wo yediye fote a wo na selabi mahlong gage ke wowa: ke go pasopa ditšhuwana+ le basadi ba gore ba kgwele ke banna+ mo go na le tso di ba hlupang,+ le gore motho a tipasope gore a sa fokole ke batho ba lefase lowa.+

2 Magageru, ayitsano le na le tumelo ga Morena wa rune Jeso Kreste wa go gadima le kene le hlawola batho ba bangwana?+ 2 Tla re re go tla batho ka babedi mogahlanong wa lune; ye mongwana o tla a tšhepiye a yapere diringi tsa gholdi, mara yewa ye mongwana wa tihlupegela fote o tla a yapere dikobo tsa dithila, 3 ayitsano ye wa gore o tšhepiye le mo tseyela gedimo ke mokane la re: “Wene dula howa ga setulo sowa sa mayemo” ke mokane ga ye wa go tihlupegela la re: “Wene o fo yema ka mawoto” kela la re: “Wene dula hone fase”?+ 4 Ayitsano a le make gore go be le megoba ho gare ga lune,+ fote nje lune a le ya timaka ba go yahlula le segelela dipheto tsa go sa loka?+

5 Lune magageru ya ke ma nyakang ka matla, ntheetseleneng. Anthe a yi Modimo ye a kgetiyeng bo ba gore batho ba lefase ba ba tseya ba tihlupegela gore go be bona ba gore tumelo ya bona yi tiyelele,+ le gore go be bona bo ba lawolang mmušong wa Modimo wa gore o wo tshepisiye bo ba mo nyakang ka matla?+ 6 Mara lune ke mo le tseyela ba go tihlupegela fase. Anthe bo ba go ghanya a yi bona ba le kgahleletsang+ ba boya ba le yisa dikhota? 7 Nje a ba sinyi lebitso la lune la go bafala? 8 Byalo, mo le maka tso molawo wa kgoši wo di hlayang go ya ka mangwalo tsa gore, “O nyake moyagelane wago ka mokgo o tinyakang ka gona,”+ le nyoko ba le maka gabutši. 9 Byalo mo le ya mahlong le hlawola batho+ ba bangwana le ya sinya fote le nyoko hlahlediwa jele ka taba la gore le tshidiye molawo.+

10 Mo nkare motho o theetsela Molawo ka mokana ga wona mara a fo šita nka wwoši, ke setšha a tshidiye ka mokana ga wona.+ 11 Ka gore ye a hlayyeng gore: “O sa make tsa ka mapaying le mosadi kela monna wa motho ye mongwana,”+ ke yene fote a hlayyeng gore: “O sa bolaye.”+ Byalo mo nkare a o make tsa ka mapaying le mosadi kela monna wa motho ye mongwana mara o bolaya, ke setšha o tshidiye molawo. 12 Byalo le tshwanele le bolabole le boye le titshware ka mokgwa wa go šupetsa gore le nyoko yahludiwa ka molawo wa Modimo wa nyuwane wa go lokologa.+ 13 Ka taba la gore motho wa gore aa kwelane go baba le yene ba nyoko mo yahlula ba sa mo kwele go baba.+ Go kwelana go baba go phala go yahlula.

14 Di thuša ka ying magageru mo motho a re o na le tumelo mara a sa šupetsi ka tso a di makang?+ Nje tumelo yi ka mo phonisa?+ 15 Mo nkare go na le magageru ya banna kela ya basadi ya gore a ma na dikobo,* kela tsa go ja tsa go lekana letšatši lolone, 16 di gelepa ka ying mo ye mongwana a re ga bona, “Ariyeneng gabutši; le belabele fote le je le kgore,” mara le sa ma neye tso ma di hlokang?+ 17 Byalo mo motho a na le tumelo mara a sa šupetsi ka tso a di makang, go fo tshwana le mo a se na tumelo.+

18 Le mo go le ka mokgonone ye mongwana o nyoko re: “Wene o na le tumelo, le nna go na le tso ke di makang. Byalo nšupetse gore o na le tumelo mara go se na tso o di makang, le nna nko go šupetsa ka tso ke di makang gore ke na le tumelo.” 19 Wa tshepa gore Modimo o gona akere? O maka gabutši. Le madimona maa dumela fote maa hlagasela.+ 20 Wene wa go sa nagane, ayitsano o nyaka sa go go šupetsa gore mo motho a re o na le tumelo mara go se na so a se makang a yi mo thuši ka selo? 21 Anthe mo Modimo a šinya a re Abhrahama papa wa rune o lukiye ne go se ka taba la tso a di makiyeng? Sa go maka gore a šinye a re o lukiye nka taba la gore o yye a neyela ka morwayi wage Isaka aletareng.+ 22 Tumelo yage yi yye ya bonala ka tso ne a di maka, byalo di fo ba lekgwaying gore tso ne a di maka ke tsona tso ne di šupetsa gore ka nnete o na le tumelo.+ 23 Go makegiye tso mangwalo ma di hlayyeng tsa gore: “Abhrahama ke mo a dumela ga Jehova,* fote Modimo ke mo a tseya Abhrahama a lukiye,”+ fote Jehova* a re ke monghanage.+

24 Gore motho o lukiye di bonala ka tso a di makang, a di bonale ka tumelo fela. 25 Anthe Modimo aa hlaya gore le Rahaba wa go rekisa mmele o lukiye ka taba la tso a di makiyeng nakwela a yamogela banna ba go tl’le hlola* naga ke mokane a ba ntsha ka pata ye nngwana?+ 26 Go fo tshwana le mo mmele wo kgwile mo wo sa wone,+ le tumelo ya rune yi kgwile mo re sa make dilo tsa gabutši.+

3 Byalo magageru a di nyake ka mokana ga lune le ba mathitšere ka taba la gore le ya di tšiba tsa gore re nyoko yahludiwa go baba.+ 2 Ka gore ka mokana ga rune re sinya ga go tlala.+ Mo nkare go na le motho wa gore aa bolabole tsa go kekema di ra gore o felegelele fote o kgona go titshwara. 3 Mo re tšhela ditomu molomong wa pera, re maka gore yi re theetsele fote re lawola le mmele wa yona ka mokana ga wona. 4 Tseyaneng ka dikepe, le mo go le tse dikgolo fote di tšukatšukisa ke moya, motho o berekisa dilo tse dinyana tsa go thapa* meetši go maka gore di ye mo a nyakang.

5 Fote tseyaneng ka lleme, ke selo se senyana ho mmeleng mara a yi go kganya ga lona, le mollo wo monyana wo ka tšhuba hlaga ye nngwana ya go tshosa! 6 Lleme le lona le tshwana le mollo,+ ke lona ho mmeleng la gore le maka dilo tsa go befa, le thilafatsa mmele ka mokana ga wona+ fote le ka hlafisa lephelo la motho, le tshwana le Ghehena ka taba la gore le ya sinya. 7 Phoolwane ye nngwana le ye nngwana ya hlaga, nonyane, tsa go gogoba mo fase kela tso di phelang lewatleng di ya tšhutisiwa fote ke batho bo ba di tšhutisiyeng. 8 Mara a go na motho wa gore a ka di kgona tsa go tšhutisa lleme. A le lawolege fote le ya kwaletsana, le na le tšhefu ya gore ya bolaya.+ 9 Re thanaka Papa wa rune Jehova* ka lona fote ka lona re poyila* batho ba gore ba makiwwe ka “setshwano sa Modimo.”+ 10 Ka molomo ka wwoši re ya poyila fote re thanaka Modimo.

Magageru a di gabutši gore dilo di makege ka mokgonone.+ 11 Sediba se ka sa nyuge meetši ya go natefa* ka thoko sa nyuga meetši ya go galaka. 12 Magageru ayitsano mohlare wa mago wo ka yengwa diolivi kela modhriva wa yengwa mago?+ Le sediba sa meetši ya letswayi se ka sa nyuge meetši ya go yela.

13 Ke mang wa gore o hlalefiye wa gore fote wa kwisisa hone ga lune? A šupetse ka tso a di makang gore o bebiye le gore ke motho wa go hlalefa. 14 Mara mo le jelaselana+ fote le phigisana,+ le sa tipotse gore le hlalefiye.+ Mo le ka maka ka mokgonone le ko ba le na le matsaka. 15 Mahlalefelo yane a ma tšwe legedimong; ke ya lefase,+ ke tsa go maka ke diphoolwane le madimona. 16 Ka taba la gore mo go nang le mona le go phigisana, dilo a di sepele ka letheto fote go makega dilo ka mokana ga tsona tsa go befa.+

17 Mo mahlalefelo ya motho go le ya go tšwa legedimong, motho yene o yediye,+ o bebiye,+ wa naganelana,+ o tikemisele go theetsela, o kwelana go baba ka matla fote o yengwa diyengwa tsa gabutši,+ aa hlawole batho+ fote aa timakisi.+ 18 Mara batho ba gore ba tšiba go phidisana le ba bangwana gabutši, ba maka gore go dule go bebiye+ fote tsotsone di maka gore ba make dilo tsa go loka.+

4 Anthe dintwa le go sa kwane di maka king hone gare ga lune? Ayitsano a le make ke dilo tso le di nabelang mo le šinya le lwa ka mokgo?+ 2 Go na le tso le di nabelang mara a le di kraye. Le ya mahlong le bolaya fote le na le dipawo mara a le kgone go kraya selo. Le ya mahlong le lwa fote a le kwane.+ A le na selo ka taba la gore a le kgopele. 3 Ayitsano le nagana nkare ba nyoko le neya mo nkare le kgopelela go maka dilo tsa go befa tso lune le di nabelang?

4 Lune dinghwahla, anthe a le di tšibi tsa gore mo le nghanelana le lefase lowa le timaka manaba ya Modimo? Byalo ye mongwana le ye mongwana ye a nghanelanang le lefase lowa o timaka lenaba la Modimo.+ 5 Kela le nagana gore mo mangwalo ma re: “Ka taba la gore re kekemele ka mo ga tso tsa mona re na le mokgwa wa go nabela dilo tsa go sa tshwane” go fo ba tsa go kgana?+ 6 Ka taba la gore Modimo o re kwela go baba, o re gelepa gore re hlule dilo tsa mošaga wonone tso re di nabelang. Ka gore mangwalo ma re: “Modimo aa kwane le batho ba go ba le magetla+ mara bo ba go tinyanafatsa o ba kwela go baba.”+

7 Byalo theetselaneng Modimo,+ mara le lwe le Diyabolo+ ke mokane yene o nyoko le tšhaba.+ 8 Šutelaneng thina le Modimo, le yene o nyoko šutela thina le lune.+ Hlapaneng matsogo lune ba go sinya+ le makeneng gore dipelo+ tsa lune di yele lune ba go kamaka. 9 Lune di nyaka le tsitle ka matla le lle.+ A di ya le tshwanela tsa go tshega, le tshwanele ke go lla. A di ya le tshwanela tsa go jabola, le tshwanele ke go kgongwela. 10 Tinyanafatseneng mahlong ga Jehova,*+ yene o nyoko maka gore le hlompege.+

11 Magageru,+ lisetsaneng go sinyana mabitso. Motho wa gore o sinya bhuti wage lebitso kela wa gore wa mo yahlula, aa make tsa gore di yelana le molawo fote yene o yahlula molawo. Byalo mo nkare o yahlula molawo di ra gore wene a wo sa maka tso molawo wo di hlayang, o šele wa wo yahlula. 12 Byalo go na le motho ka wwoši wa go Neya Molawo le wa go Yahlula+ yene wa gore o kgona go phonisa le go bolaya.+ Byalo o nagana gore ke wene mang gabutši mo o yahlula moyagelane wago?+

13 Ba bangwana ba lune ba re: “Lekgono kela ka motshwana re nyoko ya ga poleke ye nngwana fote re nyoko fetsa mongwaga re le gana hone, re make dibhizinisi fote re bothe tšheleta,”+ 14 le kene le sa di tšibi tsa gore kela ka motshwana le ko ba le phela aritši.+ Ka taba la gore le fo titshwanela le mogudi wa gore o ba gona mara ka go yakgoswa wa nyamalala.+ 15 Gabutšibutši le tshwanele le re: “Mo Jehova* a di nyaka+ re nyoko tsoga re maka sela le sela.” 16 Mara byalo lune le titeya sekguba ka gore le ya kganya. Dilo ka mokana ga tsona tso le titeyang sekguba ka tsona a di ya loka, 17 byalo mo motho a tšiba tsa gabutši mara a sa di make motho yene wa sinya.+

5 Lune batho ba go ghanya ntheetseleng, llaneng le boye le ro gotla ka taba la dilo tsa go baba tso di nyoko le makegelang.+ 2 Dilo tso le ghannyeng ka tsona di bodiye fote dikobo tsa lune di jile ke mohlwa.+ 3 Digholdi le disilva tsa lune di khuriye, go khura ga tsona go nyoko šupetsa dilo tso le di makang tsa gore a di ya loka gwa boya gwa ja nama ya lune. Ka dinako tsa mafelelo dilo tso le di beyyeng di nyoko tshwana le mollo.+ 4 Batho bo ne ba bereka go buna mašomong ya lune ba ya mahlong ba lla ka taba la gore a le ya ba patela, fote Jehova* wa masole o ba kwile mo ba lla.+ 5 Le dula ga dipoleke tsa majabajaba fote le maka tsa go gelepa lune ho lefaseng. Le jile la boya la nona go tshwana le kgomu gwa šinya go segela letšatsi la gore le bolayiwe.+ 6 Le yahludiye ye wa go loka la boya la mmolaya. Yene wa le ganetsa.

7 Magageru lefisaneng dipelo go šinye go segela Morena.+ Motho wa go lima o yemela diyengwa tsa lefase, o yemela pula ya lehlabula le pula ya mo mehlare yi bhloma a kene a lefisiye pelo.+ 8 Le lune le lefise dipelo,+ le šišimale ka taba la gore nako ya gore Morena a segele yi šele yi le thina.+

9 Magageru, le sa kokole ka magageru ya mangwana gore le sa yahludiwi.+ Wa go yahlula o nyoko tla go se botala. 10 Magageru le tshwane le baporofeta ka gore ke mo ba bolabola ka lebitso la Jehova,*+ ba tiyisele tsa go tlala+ fote ba lefisa pelo.+ 11 Re re bo ba gore ba tiyisele+ baa jabola.* Le di kwelele tsa gore Jobo+ o tiyisele fote Jehova* o mo rufiye ka taba la tsotsone,+ le gore Jehova* o kwelana go baba fote o nyakanana ka matla.+

12 Magageru, tso ke di hlayang le di tseyeleneng gedimo ka matla, le lisetseneng go tshepisa ka magedimo kela ka lefase kela ka selo se sengwana le se sengwana. Mara “Eya” ya lune go be eya le “Awwa” ya lune go be awwa+ gore le sa yahludiwi.

13 Ayitsano go na le motho wa gore o na le tsa go mo phiriketsa hone ga lune? A sa lisetsi go rapela.+ Ayitsano go na le wa gore di mo sepelela gabutši? A yepelele dikoša tsa go thanaka.+ 14 Ayitsano hone gare ga lune go na le wa gore wa lwala? A bitse bagolo+ ba phutego gore ba mo rapelele fote ba mo tlotse makgura+ ka lebitso la Jehova.* 15 Fote mo ba rapela ba tshepa gore Modimo o nyoko gelepa ye wa go lwala,* yene Jehova* o nyoko mo yalafa. Mo nkare motho yene o sinnye, o nyoko tshwarediwa.

16 Byalo le sa tšhabe go botsana tso le di sinnyeng+ fote le rapelelane gore le ko thogo fola. Mo motho wa go loka a rapela di nyoko gelepa batho bangwana ka matla.+ 17 Eliya ke mo go le motho go fo tshwana le rune, mara nakwela a rapela di mmaba a kgopela gore pula yi sa ne, go fediye kararo ya mengwaga le kobodi ya dikgwedi pula yi sa ne hone nageng.+ 18 Ke mokane mo a rapela fote, pula ya na yi tšwa magedimong fote naga ya ntsha diyengwa.+

19 Magageru mo nkare ye mongwana o tšwile pateng ya nnete ke mokane ye mongwana a mmusetsa, 20 le di tšibeneng gore ye a busetsang motho wa gore o sinnye+ pateng o nyoko phonisa lephelo la motho yene a boya a mo gelepa gore a tshwarediwe ga tso a di sinnyeng.+