JOHANE WA MATHOMO

1 Re le ngwalela ka ye wa gore ke mo a le gona go tlugisela mathomisong, wa gore re kwelele ka yene, ra mmona ka maahlo ya rune, ra lebelela ka mokgo a makang dilo ra boya re ro mo tshwara ka matsogo ya rune, wa go le leyela lentsu la go le phidisa, 2 (rune re tšibiye ka lephelo lowa ra boya ra le kwisisa, ke rune dihlatse tsa gore lephelo lowa le gona fote re le bonne. Papa ke yene a re šupetsiyeng lona), 3 Re le butsiye ka tso re di bonneng le tso re di kwileng gore le thogo ba selo ka ssoši le rune go fo tshwana le mo rune re le selo ka ssoši le Papa le Morwayi wage Jeso Kreste. 4 Re le ngwalela dilo tsowa gore re thogo jabola ka mokana ga rune.

5 Wowa ke molayetsa wo re wo kwileng gage fote re le botsa wona, wa gore: Modimo o tshwana le llampa la go khanya fote gage a gona letshwifi.* 6 Mara mo re ka re, “Re selo ka ssoši naye,” mara re kene re maka dilo tsa go yelana le letshwifi, re nyoko ba re hlaya matsaka fote a re phele go ya ka nnete. 7 Mara mo re ka sepela ga go khanya go tshwana naye wa gore o sepela ga go khanya, re ko ba re le selo ka ssoši fote madi ya Morwayi wage Jeso, ma re hlatswa ga tso re di sinnyeng ka mokana ga tsona.

8 Mo re re, “Rune a re sinyi,” re nyoko ba re titshokanya fote re ko ba re sa bolabole nnete. 9 Modimo wa tshepega fote o lukiye, mo re mmotsa tso re di sinnyeng, o nyoko re tshwarela fote a re yedise ga dilo ka mokana ga tsona tsa go sa loka. 10 Mo re re, “A re ya sinya,” re maka gore Modimo a bonale nkare o na le matsaka fote lentsu lage a le šiyo ho ga rune.

2 Lune bana baka, ke le ngwalela dilo tsowa gore le sa sinyi. Mara mo ye mongwana a ka tšhoga a sinnye re na le wa go re yemelela ga Papa, yene Jeso Kreste wa go loka. 2 Fote ke yene sehlabelo sa tso re di sinnyeng gore re boyele re nghanelane le Modimo mara aa makela rune re ntoši o makele le batho ba lefase lowa ka mokana ga lona. 3 Mo re ya mahlong re theetsela melawo yage re ko ba re šupetsa gore re ya mo tšiba. 4 Motho wa go hlaya gore, “Nna ke šele ke ya mo tšiba,” mara a sa theetsele melawo yage o na le matsaka fote motho yene aa na nnete. 5 Ye a theetselang lentsu lage, o šupetsa gore ga Modimo o mo nyaka tsa mannete. Mo re maka ka mokgonone re ko ba re šupetsa gore re selo ka ssoši naye. 6 Ye a reng yene ke selo ka ssoši naye, di ra gore wa titlema gore o nyoko phela go tshwana le ka mokgo Jeso a phidiyeng ka gona.

7 Lune magageru ya ke ma nyakang ka matla a ke le neye molawo wa nyuwane, ke fo ba ke le ngwalela ka molawo wa botala, wa gore le wo tšibiye go tlugisela mathomisong. Molawo wowa ke wonola le wo tšibang. 8 Ke le ngwalela molawo wa nyuwane wa gore o yye a wo latelela fote le lune le ya wo latelela ka taba la gore letshwifi le kene le ya tloga ke mokane go ba le go khanya ga mannete.

9 Ye a reng yene o ga go khanya mara a hloyye bhuti wage o sa fo ba letshwifing. 10 Ye a nyakang bhuti wage ka matla o dula a le ga go khanya, fote a go na so se ka makang gore a phiriketsege. 11 Mara ye a hloyyeng bhuti wage o le letshwifing fote o sepela letshwifing, ka taba la gore letshwifi le mo kwadiye maahlo.

12 Mara ke le ngwalela dilo tsowa bana baka, ka taba la gore le tshwarediwwe ga tso le di sinnyeng ka taba la lebitso lage. 13 Lune bopapa, ke le ngwalela dilo tsowa ka gore le šele le tšiba ye wa gore ke mo a le gona go tlugisela mathomisong. Lune masogana, ke le ngwalela ka gore le hludiye ye wa pelo ye phifadu. Lune ba banyana, ke le ngwalela ka taba la gore le šele le tšiba Papa. 14 Lune bopapa, ke le ngwalela dilo tsowa ka taba la gore le šele le tšiba ye wa gore ke mo a le gona go tlugisela mathomisong. Lune masogana, ke le ngwalela ka taba la gore le sa tiyelele fote le dumela lentsu la Modimo, le hludiye ye wa pelo ye phifadu.

15 Le sa kwane le lefase lowa kela dilo tso di leng ho lefaseng. Ye mongwana le ye mongwana ye a kwanang le dilo tsa lefase lowa, di ra gore le ga Papa aa mo nyake le ka gonyana, 16 ka gore dilo ka mokana ga tsona tsa ho lefaseng tso di nabelang ke mmele le tso di nabelang ke maahlo, tsa go nyaka gore batho ba go bone a di tšwe ga Papa, ke tsa howa lefaseng. 17 Go tokegela gana hone, lefase le ya feta le dilo tsa lona, mara ye a makang tso Modimo a di nyakang o nyoko fo dula a le gona go ya go yye.

18 Lune bana baka, gana byalo ke awara ya mafelelo fote le di kwelele gore ye wa go ganetsa Jeso wetla, mara le gana byalo batho ba gore ba ganetsa Jeso ba šele ba nyarele, tsotsone di napa di šupetsa gore re ga awara ya mafelelo. 19 Ba tšwile ho ga rune, ka taba la gore ke mo ba sa tshwane le rune,* hala ba tshwana le rune nke ba sa tšwa, ke mo ba nyoko dula le rune. Mara ba tšwile gore di thogo bonala gabutši gore a yi motho ye mongwana le ye mongwana wa gore o tshwana le rune. 20 Fote lune le hlawodiye ke ye wa gore o hlawolegiye fote ka mokana ga lune le tšiba nnete. 21 A ke le ngwalele borifi byowa ka taba la gore a le tšibi nnete, le ya yi tšiba fote nnete a yi sipidisane le matsaka.

22 Ke mang wa go bolabola matsaka mo go se ye wa go ganetsa taba ya gore Jeso ke Kreste? Yenene aa kwane le Kreste fote aa dumele ga Papa le ga Morwayi. 23 Ye a phigisanang le Morwayi aa kwane le Papa. Mara ye mongwana le ye mongwana ye a kwanang le Morwayi, ke setšha a kwana le Papa. 24 Mara lune tso le di kwileng mathomisong le sa di lebale, mo nkare a le di lebale le nyoko dula le le selo ka ssoši le Morwayi fote le le selo ka ssoši le Papa. 25 Go tokegela gana hone, yene mong o re tshepisiye lephelo la go ya go yye.

26 Ke le ngwalela dilo tsowa ke le botsa ka bowa ba gore ba nyaka go le ntsha pateng. 27 Mara ka taba la gore lune Modimo o le hlawodiye a berekisa moya wage wa go hlawolega fote le na le moya wone, a di nyake gore go be le wa go le tšhutisa, byalo Modimo o berekisa moya wone gore a le tšhutise dilo ka mokana ga tsona fote a wo na matsaka, wa resa. Byalo ariyeneng mahlong le le selo ka ssoši naye ka mokgo moya wone wo le tšhutiseyeng ka gona. 28 Byalo bana baka ariyeneng mahlong le le selo ka ssoši naye gore re thogo bolabola re sa tšhabe selo mo a nyarela fote re sa kwe re tšeba mahlong gage. 29 Mo nkare le ya di tšiba tsa gore o lukiye di ra gore le ya di tšiba le tsa gore ye mongwana le ye mongwana ye a makang dilo tsa go loka o tšwa gage.

3 Mara le ya di bona gore Papa o šupetsiye gore wa re nyaka ka mokgo mang! Phela o makiye gore re bitsiwe bana ba Modimo. Fote ke rune bana bage. Ka taba la gore batho ba lefase lowa a ba soko mo tšiba, le rune a ba re tšibi. 2 Byalo magageru ya ke ma nyakang ka matla, gana byalo ke rune bana ba Modimo, mara gore go nyoko makega ying ka rune ku mahlong a re di tšibi. So re se tšibang ke gore mo re šele re le gana ku re nyoko bona Modimo fote re nyoko ba le mmele wa go tshwana le wage. 3 Ye mongwana le ye mongwana ye a dumelang gage wa yela, go fo tshwana le mo yene a yediye.

4 Ye mongwana le ye mongwana ye a dulelang go sinya o tshela molawo fote tso tsa go sinya a di sipidisane le molawo. 5 Le lune le ya di tšiba tsa gore o nyarele, a tlosa tso re di sinnyeng fote yene aa sinya. 6 Ye mongwana le ye mongwana ye go leng selo ka ssoši le Jeso aa dulele go sinya, motho wa gore o fo dulela go sinya aa soko mmona ga Jeso fote aa mo tšibi. 7 Bana baka le sa tshokanye ke motho, ye a dulelang go maka tsa go loka o lukiye, fote o tshwana le Jeso wa gore o lukiye. 8 Ye a dulelang go sinya o tšwa ga Diyabolo ka taba la gore Diyabolo ke botala a kene a sinya go tlugisela ku mathomisong. Ke tsona tso di makiyeng gore Morwayi wa Modimo a tle gore a tl’le fetsa ka dilo ka mokana ga tsona tso Diyabolo a di makang.

9 Ye mongwana le ye mongwana wa gore ke ngwana wa Modimo aa fo dulela go sinya, ka taba la gore o yetetsa ke moya wa Modimo a ka sa dulele go sinya ka gore ke ngwana wa Modimo. 10 Bana ba Modimo le bana ba Diyabolo ba bonala ka selo ke sowa: Ye mongwana le ye mongwana wa gore aa make tsa go loka le wa gore aa kwane le bhuti wage a yi ngwana wa Modimo. 11 Molayetsa wowa ke wona wo le wo kwileng go tlugisela mathomisong wa gore di nyaka re nyakanane ka matla, 12 re sa tshwane le Kayine wa gore ke mo go le ngwana wa ye wa pelo ye phifadu fote o bolayye bhuti wage. Anthe ke mo a mmolayela ying? O mmolayye ka taba la gore bhuti wage ke mo a maka tsa go bafala mara yene a maka tsa go befa.

13 Lune magageru le sa makatse ke mo lefase le le hloyye. 14 Re ya di tšiba tsa gore re fetiye ga likgu ra phela, ka taba la gore re le nyaka ka matla magageru. Ye wa gore aa nyake ba bangwana o nyoko dula likgung. 15 Ye mongwana le ye mongwana ye a hloyyeng bhuti wage wa bolaya, fote le ya di tšiba tsa gore motho wa go bolaya a ka sa kraye lephelo la go ya go yye. 16 Gana byalo re ya di tšiba tsa gore mo ba re go nyakanana ba ra ying ka taba la gore Jeso Kreste o re kgwele fote sosone se re tlemme gore le rune re neyele maphelo ya rune ka taba la magageru. 17 Mo motho a na le dilo mara a kene a bona ngwanabo a gayela ga tse dingwana ke mokane a sa mo kwele go baba, nje o ko ba a resa mo a re ga Modimo o mo nyaka ka matla? 18 Lune bana baka, a re ya tshwanela go fo botsa ba bangwana gore re ya ba nyaka ka molomo, di nyaka re šupetse ka tso re di makang gore ka nnete re ya ba nyaka.

19 Mo re maka ka mokgonone re ko ba re šupetsa gore re bolabola nnete, sowa se maka gore re sa titšhoge mo re le mahlong ga Modimo, 20 le mo dipelo tsa rune di kene di re yahlula, ka taba la gore Modimo o phala dipelo tsa rune fote o tšiba dilo ka mokana ga tsona. 21 Lune magageru ya ke ma nyakang ka matla, mo dipelo tsa rune di sa re yahlule, re nyoko rapela Modimo re sa tšhoge selo, 22 fote sengwana le se sengwana so re se kgopelang gage wa re neya, ka taba la gore re latelela melawo yage, fote re maka dilo tsa go jabodisa mahlong gage. 23 Ke nnete gore o re neyye molawo wa gore re be le tumelo ga lebitso la Morwayi wage, Jeso Kreste. Re nyakanane ka matla go fo tshwana le ka mokgo a re neyyeng molawo. 24 Go tokegela gana hone, motho wa gore o theetsela molawo wage o nyoko dula a le selo ka ssoši naye fote le yene Modimo o nyoko ba selo ka ssoši le motho yene. Re ya di tšiba gore o dula a le selo ka ssoši le rune a berekisa moya wa go hlawolega.

4 Lune magageru ya ke ma nyakang ka matla le sa fo dumela mantsu ya mangwana le ya mangwana ya gore ba ma hlohletsele, le ma theetsele gabutši gore le thogo ma kwa gore ayitsano ma tšwa ga Modimo ka taba la gore mo lefaseng go na le baporofeta ba go tlala ba matsaka.

2 Le nyoko di tšiba tsa gore mantsu yawa ma hlohletsele ke Modimo mo nkare ma hlaya gore Jeso o tlile lefaseng go le motho. 3 Mara mantsu ya mangwana le ya mangwana ya gore a ma bolabole ka Kreste a ma tšwe ga Modimo fote le di kwele tsa gore mantsu yawa ma nyoko ba gona, ma bolabodiye ke ye wa gore aa kwane le Kreste fote gana byalo ma tlele le lefase lowa.

4 Lune bana baka, le tšwa ga Modimo fote le hludiye baporofeta ba matsaka ka taba la gore Modimo o yema le lune fote o na le matšhika ya go phala ya Diyabolo wa gore o yema le lefase lowa. 5 Ba tšwa ho lefaseng, nka taba lo ba bolabolang dilo tsa go tšwa lefaseng fote lefase le ya ba theetsela. 6 Rune re tšwa ga Modimo. Ye mongwana le ye mongwana wa gore o šele a tšiba Modimo wa re theetsela, ye mongwana le ye mongwana wa gore aa tšwe ga Modimo aa re theetsele. Sosone se nyoko re gelepa gore re thogo yahluganya lentsu la gore ke nnete le la gore ke matsaka.

7 Lune magageru ya ke ma nyakang ka matla koriyeneng mahlong re nyakanana, ka taba la gore tsa go nyakanana di tšwa ga Modimo, ye mongwana le ye mongwana wa gore o nyaka batho ba bangwana ke ngwana wa Modimo fote o tšiba Modimo. 8 Motho wa gore aa nyake batho bangwana aa mo tšibi ga Modimo ka taba la gore mo ba bolabola ka go nyakanana ba ra Modimo,* 9 Modimo o šupetsiye gore o re nyaka ka matla ka go romela Morwayi wage ka wwoši gore a re kgwele, fote ka taba la Morwayi ye wage re nyoko kraya lephelo la go ya go yye. 10 Tsotsone di šupetsa gore a yi rune re thomisiyeng ka go nyaka Modimo mara ke yene wa go re nyaka mathomisong, a romela Morwayi wage gore go be sehlabelo sa go re kwanisanya naye le gore a re kgwele ga tso re di sinnyeng.

11 Mo Modimo a re šupetsiye ka mokgo gore o re nyaka ka matla di ra gore le rune di ya re tlema gore re nyakanane ka matla. 12 Aa šiyo ye a yyeng a bona Modimo. Mo re sa lisetse go nyakanana, Modimo o nyoko dula a na le rune fote o nyoko re nyaka tsa mannete. 13 Re tšiba ka sosone gore re selo ka ssoši le Modimo fote le yene ke selo ka ssoši le rune ka taba la gore o re neyye moya wage wa go hlawolega. 14 Go tokegela gana hone, rune re di bonne fote ke rune dihlatse tsa gore Papa o romele Morwayi wage gore a tle a phonise lefase lowa. 15 Ye a dumelang gore Jeso ke Morwayi wa Modimo, Modimo o nyoko ba selo ka ssoši naye fote le yene o nyoko ba selo ka ssoši le Modimo. 16 Re ya di tšiba tsa gore Modimo o re nyaka ka matla fote re ya di tshepa.

Mo ba bolabola ka go nyakanana ba ra Modimo,* ye a yang mahlong a nyaka Modimo ka matla o nyoko ba selo ka ssoši le Modimo fote Modimo le yene go nyoko ba selo ka ssoši le motho yene. 17 Ka mokgonone Modimo o re šupetsiye gore o re nyaka ka matla gore re tšhabe go bolabola ka letšatši la go yahlula ka taba la gore ka mokgo Jeso Kreste ke mo a le ka gona le rune re fo ba ka mokgonone ga lefase lowa. 18 Motho wa gore ga Modimo o mo nyaka ka matla aa tšhabe selo. Go nyakanana tsa mannete go maka gore re sa tšhabe ka taba la gore motho wa gore wa titšhaba wa titšhoga, motho wa gore wa tšhoga aa nyakanane. 19 Ka taba la gore Modimo go thomisiye yene a re šupetsa gore o re nyaka ka matla, le rune re ya nyakanana.

20 Mo motho a ka re, “Nna ga Modimo ke mo nyaka ka matla,” mara ka thoko a kene a hloyye bhuti wage o na le matsaka. Ka taba la gore motho a ka sa nyake Modimo wa gore aa mmone ka thoko a kene a hloyye bhuti wage wa gore wa mmona. 21 Molawo wowa wa gore motho ye a nyakang Modimo ka matla o tshwanele a nyake le bhuti wage re wo neyye ke yene.

5 Ye mongwana le ye mongwana wa go dumela gore Jeso ke Kreste o tšwa ga Modimo, fote ye a nyakang Modimo ka matla le bana ba Modimo o ba nyaka ka matla. 2 Mo re nyaka Modimo ka matla fote re maka tso di hlayang ke melawo yage, sosone se nyoko šupetsa gore bana bage re ba nyaka ka matla. 3 Mo re theetsela molawo wa Modimo di šupetsa gore re mo nyaka ka matla fote melawo yage a yi robe. 4 Ka taba la gore ye mongwana le ye mongwana wa go tšwa ga Modimo o hlula lefase. Fote tumelo ya rune ke yona yi hludiyeng lefase.

5 Ke mang ye a ka hlulang lefase? Ayitsano le ka sa hlule ke ye a nang le tumelo ya gore Jeso ke Morwayi wa Modimo? 6 Mo Jeso a segela ke mo go na le meetši le madi, ke mo go se na meetši ma ntoši le madi ke mo ma le gona. Moya wa go hlawolega wo wupulliye taba yowa ka gore wona wo wupulla nnete. 7 Go na le dihlatse ka ditharo ke tsowa: 8 Ke moya, meetši le madi fote dilo tsowa ka ditharo di ya berekisana.

9 Tso batho ba di hlayang re ya di kwa mara a di segele ga tso Modimo a di hlayang. Modimo ke yene a hlayang dilo ka mokana ga tsona ka Morwayi wage. 10 Motho wa gore o dumela ga Morwayi wa Modimo o šupetsa gabutši gore tso a di kwileng ga Modimo di ka ho pelong gage. Motho wa gore aa dumele ga Modimo o maka gore di šupetse nkare Modimo o na le matsaka ka taba la gore aa dumele dilo tso Modimo a di hlayyeng ka Morwayi wage. 11 Sowa se rela gore Modimo o re neyye lephelo la go ya go yye fote lephelo lone le tla ka Morwayi wage. 12 Motho wa gore o dumela ga Morwayi wa Modimo o nyoko kraya lephelo lowa mara wa gore aa dumele gage lephelo lowa a ka sa le kraye.

13 Lune ba gore le dumela ga lebitso la Morwayi wa Modimo, ke le ngwalela dilo tsowa gore le di tšibe tsa gore le na le tshepo ya go ya go yye. 14 Fote Modimo re ya mo tshepa gore wa re kwa mo re kgopela se sengwana le se sengwana sa gore se yelana le tso yene a di nyakang. 15 Byalo, ka gore re ya di tšiba tsa gore Modimo wa re theetsela mo re kgopela se sengwana le se sengwana, a re kamake gore o nyoko re neya tso re di kgopelang.

16 Mo motho a ka kraya mogageru a sinya mara tso a di makang di sa bolaye, o tshwanele a rapele Modimo ke mokane yene o nyoko mo phidisa a boya a phidisa le bo ba gore baa sinya mara tso ba di makang a di bolaye. Go na le tso motho a di sinyang tsa gore di ka maka gore a kgwe byalo mo a maka tsa mošaga wonone a ke kgopele motho gore a mo rapedise mo a sinnye. 17 Mo motho a maka dilo tsa go sa loka wa sinya, mara go na le tsa gore a di bolaye.

18 Re ya di tšiba tsa gore motho ye mongwana le ye mongwana wa gore ke ngwana wa Modimo aa dulele go sinya, mara ye* wa gore o tšwa ga Modimo wa mo pasopa fote ye wa pelo ye phifadu a ka sa ro mo maka selo. 19 Rune re ya di tšiba tsa gore ke rune batho ba Modimo mara lefase lowa le lawola ke wa pelo ye phifadu. 20 Re ya di tšiba tsa gore Morwayi wa Modimo o segele howa a re botsa ditaba ka mokana ga tsona gore re thogo tšiba gore Modimo wa nnete ke mang. Re selo ka ssoši naye ka taba la Morwayi wage Jeso Kreste. Fote ke yene Modimo wa mannete le wa go ya go yye. 21 Lune bana baka, le tipasopeneng ga medimo ya dithombhe.