KUTULLO YA GO YA GA JOHANE

1 Dilo tsowa di wunyulliye ke Jeso Kreste. Modimo o mmutsiye tsona,+ gore a šupetse malata yage+ gore king tso di nyoko makegang go se botala. Jeso o romele lengeloyi lage ga Johane wa gore ke lelata la Modimo, gore le ye le mmotse dilo tso di yemelang ke tso di sa nyoko makegang,+ 2 yene Johane wa gore ke hlatse ya dilo ka mokana ga tsona tso Modimo a di hlayyeng le tso Jeso Kreste a di hlayyeng, le ya dilo ka mokana ga tsona tso a di bonneng. 3 Motho wa gore o balela seporofeto sowa gedimo fote a se kwisisa le wa go berekisa dilo tso di ngwadiwweng ho ga sona wa jabola,+ ka gore nako yo yi beyiwweng yi thina.

4 Nna Johane ke ngwalela kašupa ya diphutego+ tso di leng ga poleke ya Asia, ke re:

Nkare “ye wa gore o gona, wa gore ke mo a na a le gona, wa gore fote o sa nyoko ba gona”+ le moya kašupa+ ya wona ya gore yi mahlong ga setulo so a lawolang a le ga sona ba ka le kwela go baba fote ba maka gore le bebe, 5 fote ke rapela gore Jeso Kreste, yene “Hlatse ya go Tshepega,”+ wa gore “ke yene wa mathomo wa gore o tsusiwwe ga bo ba kgwileng”+ wa gore fote “ke Kgoši ya magoši ya howa lefaseng,”+ le yene a le kwele go baba.

Yenene o re nyaka ka matla+ fote o re lokolla ga tso re di sinnyeng a berekisa madi yage,+ 6 o makiye gore re be magoši*+ le maprista+ ya Modimo wa gore fote ke Papage, yenene a gadimisiwe fote a be le matšhika go ya go yye. Amene.

7 Ye lune! Ke yenene o tla ka maru,+ fote o nyoko bona ke motho ye mongwana le ye mongwana, le bo ba mo hlabiyeng, fote le maloko ka mokana ga wona ya howa lefaseng ma nyoko gotla ma kwa go baba ka taba lage.+ Amene.

8 “Ke nna Alfa le Omegha,”*+ go hlaya Jehova* Modimo “yene wa gore o gona, wa gore ke botala a le gona, wa gore fote o sa nyoko ba gona, wa Matšhika ka Moka.”+

9 Nna Johane bhuti wago, wa gore ba re hlorisiye ggoši,+ wa gore nko ba ke le nago mmušong+ fote re tiyisele+ tsa go tlala ka taba la gore ke mo re le malata ya Jeso,+ ke mo ba ntshwere ke le ga poleke ya go dukulugela ke meetši yo ba reng ke Phatimose, ka gore ke mo ke bolabola ka Modimo fote ke tšhomayela nnete ka Jeso. 10 Moya wa go hlawolega wo nšupetsiye tso ne di nyoko makega ka letšatši la Morena. Ke kwile motho ye mongwana a yahlamela ka nthago gaka, ka lentsu la go tshwana le porompeta mo yi lla, 11 a re: “Ngwala sowa o se bonang ga lengwalo la go phutiwa ke mokane o le romele ga diphutego tsowa kašupa ya tsona, phutego ya Efeso,+ ya Simirina,+ ya Pheghama,+ ya Thiyathira,+ ya Saredisi,+ ya Filadelifiya+ le ya Lawodisiya.”+

12 Ke sokologiye ke nyaka go bona gore ke mang wa gore o bolabola le nna, mo ke jika ka bona kašupa ya ditšhubampara tsa gholdi+ 13 ke mokane mo gare ga malampa yane ke mo go na le ye mongwana wa nkare ke morwayi wa motho,+ a yapere kobo ya go lefa ya go segela mawotong fote a tshikagannye lepanta la gholdi ho sekgubeng. 14 Go tokegela gana hone, hlogo yage le moriri wage ke mo go le tse ditšhwewu go tshwana le wulu ye tšhwewu, nkare ke kapoko fote maahlo yage ne ma tshwana le mollo,+ 15 mawoto yage ke mo ma tshwana le koporo+ ya gore ke mong yona ya go gadima mo ba yi tšhuba fote lentsu lage ke mo le tshwana le modumo wa meetši ya go tlala. 16 Ke mokane ka letsogong lage la go ja ke mo a tshwere dinanedi kašupa ya tsona,+ fote ka mo molomong wage ke mo go tšwa sabola ya go lefa ya go sega ka ho le ka ho+ yi šupiye mahlong, ho sefahlegong ke mo a tshwana le letšatši la gore le khannye mong go khanya.+ 17 Mo ke mmona, ka wela mawotong yage tsa nkare ke kgwile.

A beya letsogo lage la go ja ho gedimo gaka ke mokane a re: “O sa tšhoge, ke nna wa Mathomo+ le wa Mafelelo,+ 18 wa gore fote wa phela,+ ke mo ke kgwile+ mara gana byalo ke phela go ya go yye.+ Ke na le dikhiya tsa go lokolla bo ba kgwileng le tsa Lebitla.*+ 19 Byalo ngwala dilo tso o di bonneng, tso di makegang, le dilo tso di sa nyoko go makega ka nthago ga tsowa. 20 Sephiri sa go hlawolega sa dinanedi tsela kašupa ya tsona, tso o di bonneng ga letsogo laka la go ja, le tsa malampa yala kašupa ya wona ya gholdi ke sowa: Dinanedi tsela kašupa ya tsona di tshwanisela mangeloyi ya diphutego kašupa ya tsona ke mokane malampa yala kašupa ya wona ma tshwanisela kašupa ya diphutego.+

2 “Lengeloyi+ la phutego ya Efeso+ o le ngwalele gore: Dilo tsowa di ngwala ke ye a tshwereng dinanedi kašupa ya tsona ka letsogong lage la go ja wa gore o sepela gare ga malampa ya gholdi kašupa ya wona,+ o re: 2 ke tšiba tso o di makang, ke ya go tšiba wene le gore wa tiyisela, le gore batho ba go maka tsa go befa a o kwane nabo, le gore bowa ba gore ba re ke bona mapostola wa ba pombhola,+ ke mokane wa kraya gore a yi mapostola fote ba na le matsaka. 3 Wene wa tiyisela, a wa lahla tewu mo o gahlana le mathatha ya go tlala ka taba la lebitso laka+ fote a wa kgongwela.+ 4 Mara nna ke go sola ga taba ya gore ga Modimo a o sa mo nyaka go tshwana le mathomisong.

5 “‘Byalo o sa libale gore di go phiriketsiye mo o tla kaye, ke mokane o sokologe,+ o make dilo tso ke mo o di maka go tlugisela ku mathomisong, mo nkare a o di make, ke ye tla hone gago fote mo o sa sokologe+ ke nyoko tla ke ntsha llampa+ lone mo le dulang gona. 6 Mara go kawone ka taba la gore wene a o kwane le dilo tso di makang ke mogoba wa Nikholase+ tsa gore le nna a ke kwane natso. 7 Ye a nang le ditsebe a theetsele so moya wo se botsang diphutego+ sa gore ye wa gore wa hlula+ ke nyoko mo dumelela gore a je ga mohlare wa lephelo,+ wa gore wo pharadeyising ya Modimo.’

8 “Lengeloyi la phutego ya Simirina o le ngwalele gore: Tsowa di hlaya ke, ‘wa Mathomo le wa Mafelelo,’+ wa gore o yye a kgwa ke mokane a tsoga ga bo ba kgwileng:+ 9 ‘Ke ya di tšiba tsa gore wa hlorisiwa fote wa hlupega mara o ghannye,+ ke tšiba batho ba gore ba re ke bona Majuda ba gore baa go rogelela. Mara a yi Majuda. Batho bone ke mogoba* wa Sathane.+ 10 O sa tshose ke dilo tso di nyoko go hlupegisang go se botala.+ Diyabolo o nyoko ya mahlong a maka gore ba bangwana ba lune ba ba hlahlele jele, gore a le liketse lela la mafelelo fote go nyoko fela lesome la matšatši le hlorisiwa. Le šupetse gore le ya tshepega go segela le kgwa ke mokane nna nko le patela ka fapo ya lephelo.+ 11 Wa gore o na le ditsebe a theetsele+ tso moya wo di botsang diphutego tsa gore: Ye wa go hlula+ a ka sa kgwe ka likgu la mabedi.’+

12 “Lengeloyi la phutego ya Pheghama o le ngwalele gore: Ye wa gore o na le sabola ya go lefa ya go sega ka ho le ka ho, o re:+ 13 ‘Ke tšiba mo o dulang ga gore go na le setulo sa Sathane sa go lawola mara o fo ya mahlong o ngangarele ga lebitso laka+ fote a wa phigisa gore o dumela gaka+ le ka dinako tsa Antipase wa gore ke mo go le hlatse ya go tshepega+ ya gore ba yi bolayye+ hone polekeng ya lune.

14 “‘Mara go na le dilo tsa gore di ya nhlupa ka lune gore hone ga lune go na le ba go tšhutisa ka Bhalamo,+ wa gore o tšhutisiye Bhalake+ gore a woke barwayi ba Israyele, le go ja dihlabelo tsa gore ba di makele medimo ya dithombhe fote le gore ba make bonghwahla.*+ 15 Le lune le na le bo ba ngangareleng ga dilo tso di tšhutisang ke sekwata sa Nikholase.+ 16 Byalo sokologa. Mo o sa sokologe, ke nyoko tla hone gago ka go yakgoswa fote ke nyoko tla ke lwa nabo ka sabola ya go lefa ya go tšwa ho molomong gaka.+

17 “‘Ye a nang le tsebe a kwe tso moya wo di botsang diphutego tsa gore:+ Ye a hlulang+ ke nyoko mo ntshela manna ya gore ba ma wutetsiye,+ fote ke nyoko mo neya le letlapa le lenyana le letšhwewu la gore ho ga lona ba ngwadiye lebitso la nyuwane la gore a le tšibi ke motho, mara le fo tšiba ke ye a krayang letlapa lone.’

18 “Lengeloyi la phutego ya Thiyathira+ o le ngwalele o re: Morwayi wa Modimo wa go ba le maahlo ya nkare ke mollo+ le mawoto ya nkare ke koporo o re:+ 19 ‘Ke tšiba tso o di makang, ke tšiba le gore o nyaka Modimo le batho ba bangwana, o na le tumelo, le gore o berekela Modimo fote wa tiyisela, ke tšiba le gore tso o di makang gana byalo di phala tso ne o di maka mathomisong.

20 “‘Mara ke fo go solela taba ya gore o fo lisetsa mosadi yene ba reng ke Jezebhele+ wa go timaka moporofeta a tšhutisa malata yaka le go ma fokola gore ma make bonghwahla*+ le go ja dihlabelo tsa medimo ya dithombhe. 21 Ke mo neyye nako ya gore a sokologe, mara aa tišupetse a nyaka go lisetsa bonghwahla* byone byage. 22 Mo ba sa sokologe ga tso ba di makang, ke nyoko maka gore yene le bo a makiyeng bonghwahla nabo ba lwale tsa gore ba sa sa kgona le go tsoga. 23 Ke nyoko bolaya bana bage ka bolwele bya go tshosa, gore diphutego ka mokana ga tsona di thogo di tšiba gore nna ke nyakolla tso motho a di naganang* le mong tsa ka pelong, ke nyoko maka gore ye mongwana le ye mongwana a kraye tso di mo tshwaneleng go ya ka tso ne a di maka.+

24 “‘Mara lune ka mokana ga lune ba hone Thiyathira, ke ya le botsa gore batho ka mokana ga bona ba gore a ba theetsele tso Jezebhele a di tšhutisang ba gore fote a ba tšibi tso Sathane a di tšhutisang tsa matsaka,+ ke re: Nka sa sa le rwesa morwalo wo mongwana. 25 Le fo ya mahlong le ngangarele ga so le nang naso go segela ke tla.+ 26 Ye wa gore wa hlula fote o yekisela tso ke di makang go segela mafelelong, ke nyoko maka gore a lawole ditšhaba,+ 27 go tshwana le mo Papa a nneyye matšhika ya go lawola. O nyoko disa batho ka thoka ya go lawola ya tshipi,+ fote go nyoko fela ka bona go tshwana le mo go pshyayega ditša tsa botsopa. 28 Fote ke nyoko mo neya nanedi ya gore yi nyarela go sa le ka phu.+ 29 Wa gore o na le tsebe a theetsele tso moya wo di botsang diphutego.’

3 “Lengeloyi la phutego ya Saredisi, o le ngwalele o re: Ye wa gore o na le kašupa ya memoya ya Modimo+ le kašupa ya dinanedi,+ o re: ‘Dilo tso o di makang ke ya di tšiba, o šupa nkare wa phela, mara gabutšibutši o kgwile.+ 2 Byalo o tipasope,+ fote o tiyise dilo tsa gore ne di šele di nyoko kgwa, ka taba la gore a wa maka dilo tso Modimo a di nyakang ka mokana ga tsona. 3 O sa libale gore molayetsa wowa o wo krayye ka mokgo mang le gore o wo kwile ka mokgo mang, ariye mahlong o maka tso wo di hlayang fote o sokologe.+ Ke ya go botsa, mo o ka sa ntshe maahlo dikwakweng, ke nyoko tla go tshwana le wa go yetswa+ fote o ka sa di tšibi le ka gonyana gore ke tla nako mang.+

4 “‘Mara mone Saredisi go na le ba bangwana ba gore a baa thilafatsa dikobo tsa bona,+ fote ba nyoko sepela le nna ba yapere tse ditšhwewu+ ka taba la gore di ya ba tshwanela. 5 Ye a hlulang+ o nyoko yapara dikobo tse ditšhwewu+ fote lebitso lage nka sa le sule pukung ya lephelo+ mara ke nyoko bolabola mahlong ga Papa le mahlong ga mangeloyi yage gore: ‘Ke ya mo tšiba.’+ 6 Ye a nang le tsebe a theetsele so moya wo se botsang diphutego.’

7 “Lengeloyi la phutego ya Filadelifiya o le ngwalele o re: Ye wa go hlawolega,+ wa mannete,+ wa gore o na le sekhiya sa Dafita,+ wa gore mo a budiye go ka sa kwale motho, wa gore fote mo a kwadiyeng go ka sa bule motho o re: 8 ‘Tso o di makang ke ya di tšiba, ke go bulele sekwalo+ sa gore a go na ye a ka se kwalang fote ke ya di tšiba tsa gore matšhika yago maa gayela, o makiye tso lentsu laka le di hlayang fote o f’lo šupetsa gore wa tshepega. 9 Bona! Bo ba mogoba* wa Sathane ba gore ba bolabola matsaka ba re ke bona Majuda+ mara go kene go se wona, ke nyoko maka gore ba tle ba go kgotamele fote ke nyoko maka gore ba di tšibe tsa gore ke go nyaka ka matla. 10 Ka taba la gore o tiyisele ka mokgo le nna ke tiyiseleng+ ka gona ke nyoko go pasopa mo go segela nako ya go yahlula+ ya gore yi nyoko tlela batho ba lefaseng ka mokana ga bona gore ke liketse batho ka mokana ga bona bo ba leng ho lefaseng. 11 Ke nyoko tla ka go yakgoswa.+ Ariye mahlong o ngangarele ga so o se tšibang gore go sa be le ye a go yamogang fapo yago.+

12 “‘Ye a hlulang, ke nyoko maka gore go be kholomo ya tempele ya Modimo waka, a ka sa sa tloga ga yona, mo mopong wage ke nyoko ngwala lebitso la Modimo waka+ le lebitso la Jerusalema ya nyuwane+ ya gore ke poleke ya Modimo waka ya gore yi tšwa gage ku legedimong fote ke nyoko ngwala le lebitso laka la nyuwane gana hone.+ 13 Ye a nang le tsebe a theetsele so moya o se botsang diphutego.’

14 “Lengeloyi la phutego ya Lawodisiya+ o le ngwalele o re: Ye ba reng ke Amene+ wa gore ke yene hlatse+ ya go tshepega ya gore fote ke ya nnete,+ yene wa gore ke wa mathomo ga dilo tso Modimo a di makiyeng, o re:+ 15 ‘Ke ya di tšiba tso o di makang, gore a wo bate fote a wo fisi. Ke nabela nkare nke o bata kela o fisa. 16 Byalo ka taba la gore o fo belabela a wo fisi+ fote a wo bate,+ ke nyoko go tshwa. 17 Wene mong o re: “Ke ghannye+ fote ke na le dilo tsa majabajaba a ke gayele selo,” mara a o di tšibi gore a wa jabola, o babisa pelo, o hlupegiye, o popele maahlo fote a wa tšwara, 18 nna ke ya go yeletsa gore o reke dilo tsowa ho gaka: gholdi ya gore yi tšhubiwwe ka mollo gore o thogo ghanya gabutši, le dikobo tse ditšhwewu tsa gore o thogo di yapara gore ba sa go bonele wa šala o tšebiye+ le sehlare sa maahlo+ gore o tlotse maahlo yane yago gore o ko thogo bona.+

19 “‘Batho ka mokana ga bona ba gore ke ba nyaka ka matla ke ya ba yeletsa fote ke ya ba wolola. Byalo sokologaneng ga tso le di sinnyeng+ fote le berekeleneng Modimo ka dipelo ka moka+ 20 Ke yemme mo monyako fote ke ya kokota, ye a kwang lentsu laka fote a bula monyako ke nyoko kena ntlong gage ke mokane ka ja naye tsa go ja tsa ka malobana. 21 Ye a hlulang+ ke nyoko re a dule le nna ga setulo saka sa go lawola+ go fo tshwana le mo nna ke hludiye ke mokane ka dula+ le Papa ga setulo sage sa go lawola. 22 Ye a nang le tsebe a theetsele tso moya wo di botsang diphutego.’”

4 Ka nthago ga mone, ka bona go bulega sekwalo ku legedimong, lentsu la mathomo lo ke le kwileng le bolabola le nna ke mo le tshwana le porompeta, la re: “Tlang howa, ke nyoko go šupetsa dilo tso di tshwaneleng gore di makege.” 2 Ka nthago ga mone ka napa ke tlala moya wa go hlawolega ka go yakgoswa, ka bona setulo sa go lawola se le polekeng ya sona ku legedimong, fote ye mongwana ke mo a duli gedimo ga sona.+ 3 Ye a duling gedimo ga sona ke mo a tshwana le letlapa la jaspere+ le letlapa la sadiyase,* fote setulo sone sa go lawola ke mo se dukulugele ke molalatladi wa gore mo o wo lebelele ne wo tshwana le emeralde.+

4 Setulo sone sa go lawola ke mo se dukulugele ke 24 ya ditulo tsa go lawola fote mone ga tsona ke mo go duli 24 ya bagolo+ ba yapere dikobo tse ditšhwewu, fote ho dihlogong tsa bona ba yapere difapo tsa gholdi. 5 Hone ga setulo sone ke mo go tšwa legadima+ le mantsu le maduma,+ fote ke mo go na le kašupa ya malampa ma dura hone mahlong ga sona, tsotsone di yemela kašupa ya memoya ya Modimo.+ 6 Mahlong ga setulo sone ke mo go na le se sengwana sa nkare ke lewatle la dlelase+ ya go bonabona la go gadimela.

Setulo sone ne se le gare ga kanne ya makerubi+ ya gore ma na le maahlo ka ho mahlong le ka ho nthago. 7 Phoolwane ya thoko ke mo yi tshwana le tawu,+ phoolwane ya mabedi ke mo yi tshwana le senamane sa phoolo,+ phoolwane+ ya kararo ne yi tshwana le motho mo sefahlegong fote phoolwane+ ya kanne ke mo yi tshwana le segotšane sa go phurrwa.+ 8 Makerubi yawa kanne ya wona ke mo ma na le kobodi ya mafafela ya gore ma na le maahlo ka mokana ga gona,+ le mong ka mo tlase ga wona. Motshegare le bošego ma dulela gore: “Jehova*+ Modimo wa Matšhika ka Moka wa gore ke mo a le gona, wa gore o gona wa gore fote o sa nyoko ba gona, o hlawolegiye ka matla.”*+

9 Ka moka nako mo diphoolwane tsone di gadimisa Ye a duling setulong sa go lawola, wa gore o phela go ya go yye, di kene di mo thanaka fote di mo leboga,+ 10 bagolo+ bowa 24 ya bona ba kgotama mahlong ga Ye a duling setulong sa go lawola ba kene ba rapela Ye wa gore o phela go ya go yye. Ba yapola difapo tsa bona ba re: 11 “Di ro go tshwanela wene Jehova* Modimo wa rune gore o thanakiwe,+ o hlompiwe+ le go ba le matšhika+ ka gore o makiye dilo ka mokana ga tsona+ fote ke tsowa di gona ka taba la gore go nyakiye wene.”

5 Mo ke lebelela ka bona ye wa gore o duli setulong sa go lawola+ a tshwere lengwalo la go phutiwa la gore le ngwadiwwe ka ho le ka ho ka letsogo lage la go ja, ba le konopetsiye ka dikonopo kašupa ya tsona ba swinelele. 2 Ka bona lengeloyi la gore le na le matšhika le yahlamela le re: “Ke mang wa gore di ya mo tshwanela go bula lengwalo la go phutiwa a boya a konopolla dikonopo tsa lona?” 3 Aa šiyo le ka wwoši legedimong kela lefaseng kela ka fase ga lefase wa gore a ka di kgona go bula lengwalo la go phutiwa kela go bona tso di leng ka teng ga lona. 4 Ke lliye ka matla ka taba la gore aa šiyo wa gore di ya mo tshwanela go bula lengwalo lo la go phutiwa kela go lebelela tso di leng ka teng ga lona. 5 Mara mogolo ye mongwana a re gaka: “O sa lle, Tawu ya leloko la Juda,+ yene wa gore ke mudu+ wa Dafita+ o hludiye,+ byalo di ya mo tshwanela go bula lengwalo la go phutiwa le dikonopo tsa lona kašupa ya tsona.”

6 Ke mokane ho gare ga setulo sela sa go lawola le diphoolwane tsela kanne ya tsona le gare ga bagolo bala,+ ka bona go na le nku+ ya go šupetsa nkare yi hlabiwwe,+ yi na le kašupa ya manaka le kašupa ya maahlo fote maahlo yane ma yemela kašupa ya memoya ya Modimo+ ya gore o yi romele lefaseng ka mokana ga lona. 7 Ke mokane Nku yela ya napa ya tseya lengwalo la go phutiwa letsogong la go ja la ye wa gore o duli setulong sa go lawola.+ 8 Mo yi tseya lengwalo lela la go phutiwa, kanne ya diphoolwane tsela le 24 ya bagolo bala,+ ba kgotama mahlong ga Nku fote ye mongwana le ye mongwana ke mo a tshwere harepa le sitša sa gholdi sa go ba le dilo tsa go tšhubiwa tsa go nkgela ka ho teng. (Dilo tsone tsa go tšhubiwa tsa go nkgela di yemela merapelo ya ba go hlawolega.)+ 9 Fote ba yepelela koša ya nyuwane,+ ba re: “Wene di ya go tshwanela tsa gore o tseye lengwalo la go phutiwa o le bule ka taba la gore ba go bolayye fote o rekele Modimo+ batho ka madi yago ba go tšwa ga maloko ya mehlobohlobo le mebolabolo ya mehlobohlobo le batho le ditšhaba tsa mehlobohlobo,+ 10 o makiye gore go be magoši+ le maprista ya Modimo wa rune+ fote ba nyoko ba magoši ba boya ba lawola lefase.”+

11 Ke mokane ka bona mangeloyi ya go tlala ka boya ka kwa mantsu ya wona mo ma kene ma dukulugele setulo sa go lawola le makerubi le bagolo, nombhoro ya gona ke mo go le masome ya dikiti le masome ya dikiti.+ 12 Fote ke mo ba yahlamela ba re: “Nku ya gore ba yi bolayye+ di ya yi tshwanela tsa gore yi lawole, yi be le senghana sa thina le Modimo, yi hlalefe, yi be le matšhika, yi hlompiwe, yi gadimisiwe fote yi thanakiwe.”+

13 Fote ka kwa dilo tsa go phela ka mokana ga tsona tsa legedimong le tsa lefaseng le tsa ka tlase ga lefase+ le tsa lewatle le dilo ka mokana ga tsona tso di leng ga tsona di re: “Ye mongwana le ye mongwana o tshwanele a hlompe Modimo a mo thanake a boye a mo gadimise,+ Yene wa gore o duli setulong sa go lawola+ fote a make ka mokgonone le ga Nku,+ ba gore ba na le matšhika ya go ya go yye.”+ 14 Kanne ya diphoolwane ke mo di re: “Amene!” ke mokane bagolo bala ba kgotama ba rapela.

6 Ke bonne Nku+ yi bula konopo ka yyoši ga tsela kašupa ya tsona,+ fote ke kwile ka ssoši ga kanne ya dilo tsela tsa go phela,+ se bolabola ka lentsu la go tshwana le leduma, se re: “Tlang!” 2 Ke bonne pera ye tšhwewu+ fote ye a yi kalammeng ke mo a tshwere mosefo. Modimo o mo neyye fapo+ ke mokane a ya gore a ye hlula manaba yage.+

3 Mo a bula konopo ya mabedi, ke kwile selo sa mabedi sa go phela+ se re: “Tlang!” 4 Ke mokane gwa nyarela pera ye nngwana ya go ba le khala ya nkare ke mollo, ye a yi kalammeng ba mo dumelela gore a make gore go sa bebe ho lefaseng, gore batho ba ye mahlong ba bolayana fote baa mo neya sabola ye kgolo ka matla.+

5 Mo a bula konopo ya kararo,+ ka kwa sa go phela sa kararo+ se re: “Tlang!” Ke mokane ka bona pera ye phifadu, ye a yi kalammeng ke mo a tshwere sekala ka letsogo. 6 Ka kwa sa nkare ke lentsu le tšwa ku gare ga dilo tsela tsa go phela kanne ya tsona le re: “Khiloghremo ka yyoši ya korong ke dhenariyase*+ ka yyoši fote kararo ya dikhiloghremo tsa mabele ke dhenariyase ka yyoši fote le sa sinyi makgura ya diolivi le mokgete.”+

7 Mo a bula konopo ya kanne, ka kwa lentsu la selo sa go phela sa kanne+ se re: “Tlang!” 8 Ke mokane ka bona pera ye sehla, fote ye a yi kalammeng lebitso lage ke mo go le Likgu, Lebitla* ke mo le le ka ho nthago gage. Ke mo ba di kgerele gore di lawole sekopa sa kanne sa lefase gore di bolaye ka sabola ya go lefa le go maka gore go gayele tsa go ja,+ gore di bolaye ka malwele ya go bolaya le ka diphoolwane tsa hlaga.+

9 Mo a bula konopo ya kapheta, ke bonne go na le madi ka fase ga aletare*+ ya bo+ ba ba bolayyeng ka taba la lentsu la Modimo le ka taba la mmereko wa go tšhomayela wo ne ba wo maka.+ 10 Ba yahlamela, ba re: “Wene Morena ye Mogolo, wa go hlawolega wa gore fote ke wene wa mannete,+ ke ntaba o sa yahlule batho bowa ba go dula howa lefaseng ba gore ba re bolayye, ke ntaba o sa ba patedisi ga tso ba di makiyeng? O nyoko yema go segela leng?”+ 11 Fote ye mongwana le ye mongwana wa bona ba mo neyye kobo ye tšhwewu,+ ba ba botsa gore ba lefise pelo go segela ka mokana ga bona ba gore ke malata go tshwana nabo le bobhuti ba bona ba gore ba nyoko bolayiwa ka mokgo le bona ne ba nyoko bolayiwa ka gona ba felela.+

12 Ke mokane ka bona a bula konopo ya kobodi, lefase la thomisa go tekateka tsa go tshosa, letšatši gwa ba le le phifadu go tshwana le kobo ya lesaka ye phifadu fote ngwedi gwa ba wo mo khubedu go tshwana le madi,+ 13 dinanedi dya wela lefaseng go tshwana le mo mogo wo wolosa mago ya tala mo go tšutla moya. 14 Legedimo la tloga go tshwana le lengwalo la go phutiwa mo ba le phutiye,+ ke mokane thaba ye nngwana le ye nngwana le poleke ye nngwana le ye nngwana ya go dukulugela ke meetši dya tlusiwa mo di leng gona.+ 15 Byalo magoši ya ho lefaseng, ba go lawola ba mmušo, ba go lawola masole, ba go ghanya, ba go ba le matšhika, lebhantiti le lengwana le lengwana le batho ka mokana ga bona ba gore ba lokologiye ba nyoko wutama ka makoring fote ba bangwana ba nyoko wutama matlapeng ya ku dithabeng.+ 16 Fote ba ya mahlong ba re ga dithaba le ga matlapa: “Re weleneng,+ le re wutametse gore ye wa go dula setulong sa go lawola+ a sa re boni le ka taba la gore Nku yi kwatiye,+ 17 ka taba la gore letšatši la gore ba fetse ka bona le šele le segele,+ fote aa šiyo wa gore o nyoko phona.”+

7 Ka nthago ga hone ke bonne kanne ya mangeloyi ma yemme ga kanne ya dikhona tsa lefase, ma ngangarele kanne ya diphefo tsa lefase, gore go sa be le moya wa go teya lefaseng, lewatleng kela wa go teya mohlare wo mongwana le wo mongwana. 2 Ka bona lengeloyi le lengwana le yinuga le tšwa bohlabela, le tshwere konopo ya Modimo wa go phela, ke mokane la yahlamela kanne ya mangeloyi yala ya gore Modimo o ma butsiye gore ma sinyanye lefase le lewatle, 3 la re: “Le sa sinyineng lefase kela lewatle kela mehlare, go segela mo re šele re merekiye+ malata ya Modimo wa rune mo mopong.”+

4 Ke mokane ka kwa gore ba merekiye 144 000+ ya bo ba gore ba tšwa ga leloko le lengwana le le lengwana la barwayi ba Israyele:+

9 Ka nthago ka bona mogoba wo mogolo ka matla wa batho, wa gore ke mo go se na ye a ka kgonang go wo balela, ga mogoba wone ke mo go na le ba go tšwa ga ditšhaba ka mokana ga tsona, ditšo ka mokana ga tsona, batho ba mehlobo ka mokana ga yona le mebolabolo ka mokana ga yona,+ ba yemme mahlong ga setulo sa go lawola le mahlong ga Nku, ba yapere dikobo tse ditšhwewu,+ fote ba tshwere makala ya mohlare wa mopalema.+ 10 Ke mokane ba ya mahlong ba yahlamela, ba re: “Modimo wa rune ke yene ye a re phonisang, wa gore o duli ga setulo sa go lawola+ fote le Nku le yona ya re phonisa.”+

11 Byalo mangeloyi ka mokana ga wona le bagolo+ bala le dilo tsela tsa go phela kanne ya tsona ke mo ba kgobakanele setulo sa go lawola fote ba yinamisiye dihlogo gana hone mahlong ga setulo sa go lawola sa Modimo fote ba mo rapela, 12 ba re: “Amene! Modimo wa rune wa gore o hlalefiye, wa gore o na le matšhika, wa gore fote o kgona go maka dilo ka moka, a thanakiwe, a gadimisiwe fote batho ka mokana ga bona ba šupetse gore baa mo hlompa, ba mo leboge go ya go yye.+ Amene.”

13 Ke mokane ye mongwana ga bagolo bala a re gaka: “Bo ba go yapara dikobo tse ditšhwewu ke bomang,+ ba tšwa kaye?” 14 Byalo nna ka re gage di sa tloga: “Morenaka, ke wene o tšibang.” Ke mokane yene a re gaka: “Bowa ke bo ba gore ba tšwa ga motšhatšhamelo wo mogolo+ fote ba hlatswiye dikobo tsa bona gore go be tse ditšhwewu ka madi ya Nku.+ 15 Nka taba lo ba leng mahlong ga setulo sa Modimo sa go lawola, baa mo rapela fote ba mo makela mmereko wa go hlawolega motshegare le bošego tempeleng yage, ke mokane ye wa gore o duli setulong sa go lawola+ o ba kogela ka letente lage.+ 16 Ba ka sa sa kwa tlala fote ba ka sa sa wongwa, fote ba ka sa sa tšhuba ke letšatši.+ 17 Ka taba la gore Nku+ ya gore yi gare ga setulo sa go lawola, yi nyoko ba disa+ fote ya ba yetetsa ga sediba sa meetši ya lephelo.+ Modimo o nyoko ba sula dinepedi ka mokana ga tsona mahlong ya bona.”+

8 Mo a+ bula konopo ya kašupa,+ ku legedimong gwa re tsee! Gana hala ga sekopa sa awara. 2 Ke mokane ka bona kašupa ya mangeloyi+ ya gore ma yemme mahlong ga Modimo, fote ka bona ba ma neya kašupa ya diporompeta.

3 Gwa segela lengeloyi le lengwana la gore le tshwere sitša sa gholdi sa gore go tšhubiwa dilo tsa go nkgela ga sona, la yema aletareng,+ ke mokane ba le neya tsa go nkgela+ tsa go tlala gore le di tšhube mo le kene le rapelela bo ba go hlawolega ka mokana ga bona mone ga aletara+ yone ya gholdi, ya gore ke mo yi le mahlong ga setulo sa go lawola. 4 Muši wa tso tsa go nkgela wa gore ne wo tšwa letsogong la lengeloyi lone ke mo wo yinuga le dithapelo+ tsa bo ba go hlawolega di ya ga Modimo. 5 Mara lengeloyi lela la napa le tseya sitša sa dilo tsone tsa go nkgela, la tšhela mollo wo mongwana wa go tšwa aletareng ga sitša sone, la tshollwela dilo tsone mo lefaseng. Ke mokane gwa ba le maduma le legadima+ gwa tekateka le lefase, fote gwa kwagala le mantsu. 6 Ke mokane mangeloyi yala kašupa ya wona ma napa ma ro yemega gore ma teye diporompeta+ tsela kašupa ya tsona.

7 Lengeloyi la mathomo la teya porompeta ya lona. Mo lefaseng gwa na sefako le mollo wa go gahlana le madi, sepetlo sa lefase sa swa,+ le mehlare ye mengwana ya swa, fote le mabyang ka mokana ga wona ma swa.+

8 Lengeloyi la mabedi la teya porompeta ya lona. Ke mokane se sengwana sa nkare ke thaba ye kgolo ya go dura mollo sa wela ka lewatleng.+ Ke mokane setlopo se sengwana sa lewatle sa fetoga madi.+ 9 Dilo tse dingwana tsa go phela tsa ka lewatleng dya kgwa+ fote le dikepe tse dingwana dya robegana.

10 Lengeloyi la kararo la teya porompeta ya lona, ke mokane nanedi ye kgolo ya nkare ke llampa ya wa yi tšwa legedimong, ya wela ga dinooka tse dingwana le ga didiba tsa meetši.+ 11 Lebitso la nanedi yone ke semilane sa go galaka. Semilane sone sa go galaka se makiye gore meetši yane ma galake, ke mokane batho ba go tlala ba kgwa ka taba la meetši yane ka gore ke mo ma galaka.+

12 Lengeloyi la kanne la teya porompeta ya lona. Fote sepetlo sa letšatši,+ sa ngwedi le sa dinanedi dya fifala,+ ke mokane sepetlo se sengwana sa letšatši le sepetlo se sengwana sa bošego ke mo di sa khanyi.

13 Ke mokane ka kwa segotšane ka boya ka se bona se fofa sebakabakeng se yahlamela se re: “Le ko tikweleng+ lune ba hone lefaseng, ka taba la tso di nyoko makegang mo mangeloyi yala ma šeleng kararo ya wona ma le thina le go teya diporompeta tsa wona!”+

9 Lengeloyi la kapheta la teya porompeta ya lona.+ Ke mokane ka bona nanedi ya gore yi wile lefaseng yi tšwa legedimong, lengeloyi lone ba le neya sekhiya sa mokoti+ wa go yisa. 2 Ke mokane la bula mokoti wone wa go yisa gwa tšwa muši wo yinugela gedimo go tshwana le muši wa mollo wo mogolo, muši wola wa go tšwa hala mollong wa maka gore letšatši le moya di fifale.+ 3 Mone ga muši wone gwa tšwa ditšiya dya ya lefaseng+ fote dya neyiwa matšhika go lekana le ya bomangkopelane ba ho lefaseng. 4 Ditšiya tsowa ba di butsiye gore di sa sinyi mabyang ya lefase dimilane tse ditala kela mehlare, mara di kwaletse batho ba gore Modimo aa ba mereka mo mopong wa bona.+

5 Ke mokane ba dumelela ditšiya tsone gore di kwaletse batho kapheta ya dikgwedi mara di sa ba bolaye, di ba kwaletse go tshwana le mo mangkopelane+ a kopela motho. 6 Ka nako yone, batho ba nyoko nyaka go kgwa mara ba ka sa kgwe, ba ko ba ba nabela go kgwa mara ba ka sa ro kgwa.

7 Ditšiya tso mo o di lebelele di tshwana le dipera tsa gore di ya ntweng,+ mo dihlogong go na le sa nkare ke fapo ya gholdi, fote mo mahlong ke mo di tshwana le motho, 8 di na le moriri wa go tshwana le moriri wa basadi. Fote meno ya tsona ke mo ma tshwana le ya ditawu,+ 9 tso tsa go phema tsa ho dikgubeng tsa tsona ke mo nkare ke tsa tshipi fote modumo wa mafafela ya tsona ke mo wo tshwana le modumo wa dikotšikara tsa dipera tsa go ya ntweng.+ 10 Fote di na le mesela ya go tshwana le ya mangkopelane wa gore wa hlaba, fote mo mesileng ya tsona di na le matšhika ya go kwaletsa batho kapheta ya dikgwedi.+ 11 Kgoši ya tsona ke lengeloyi la ku mokoting wa go yisa.+ Lebitso la lona ka Seheberu ke Abhadoni* mara lebitso la lona ka Segerika ke Apholiyoni.*

12 Motšhatšhamelo wa mathomo wo fitiye. Byalo go sa šele metšhatšhamelo+ ka mmedi ya gore yi sa nyoko tla ka nthago ga wowa.

13 Lengeloyi+ la kobodi la teya porompeta ya lona.+ Ka kwa lentsu le lengwana le tšwa manakeng ya gholdi ya gore ke mo ma le aletareng+ ya gore ke mo yi le mahlong ga Modimo, 14 la re ga lengeloyi lela la kobodi la gore ke mo le tshwere porompeta: “Tlemolla mangeloyi yane kanne ya wona ya gore ma tlemiwwe nookeng ye kgolo ya Eforate.”+ 15 Kanne ya mangeloyi yala ya gore ke mo ma tilukiselele ma yemele awara, letšatši, kgwedi le mongwaga ba ma lokolla gore ma bolaye batho ba bangwana.

16 Ke di kwelele gore masole ya ma kalammeng dipera ke mo go le masome ka mabedi ya dikiti ga lesome la dikiti.* 17 Byalo dipera tso ke di bonneng mmonong le bo ne ba di kalamme ke mo di le ka mokgo: Ke mo di yapere dilo tsa go phema dikguba tsa go ba le khala ye khubedu tsa nkare ke mollo le khala ye tala ya sebakabaka le bokheri fote dihlogo tsa dipera tsone ke mo di tshwana le dihlogo tsa ditawu,+ ka ho ganong ke mo go tšwa mollo le muši le letlapa la go dura nkare ke legala. 18 Batho ba bangwana ba bolayye ke dilo tsowa kararo ya tsona: mollo, muši le letlapa la go dura nkare ke legala, tsa gore ke mo di tšwa mone molomong wa tsona. 19 Matšhika ya dipera tsowa ma molomong wa tsona le ku mesileng ya tsona, mesela ya tsona yi tshwana le dinoga fote yi na le dihlogo, di kwaletsa batho ka yona.

20 Mara bo ba gore dilo tsone tsa go sasamela a di ya ba bolaya, a baa sokologa ga tso ne ba di maka, a baa lisetsa go rapela madimona le medimo ya dithombhe ya gholdi, ya silva, ya koporo, ya letlapa, le ya dighobolwane ya gore a yi kgone go bona fote a yi kgone go kwa le go sepela.+ 21 A baa sokologa ga dilo tso ne ba di maka tsa go bolaya, tsa go berekisana le madimona, tsa bonghwahla* le tsa go yetswa.

10 Fote ka bona lengeloyi le lengwana le thewoga le tšwa legedimong, le tanele ke leru fote ho hlogong ga lona ke mo go na le molalatladi, mo mahlong ke mo nkare ke letšatši+ fote mawoto ya lona ke mo ma tshwana le dikholomo tsa mollo, 2 ke mo le tshwere lengwalo la go phutiwa la gore le bulegiye. La gata lewatle ka loto le lengwana, ke mokane ka le lengwana la gata lefase, 3 ke mokane la yahlamela go tshwana le ka mokgo tawu yi bopang.+ Mo le yahlamela, mantsu ya maduma+ kašupa ya wona ma bolabola.

4 Byalo mo maduma yala kašupa ya wona ma bolabola, ke mo ke šele ke nyoko ngwala dilo tsone ma mpotsang tsona, mara ka kwa lentsu le tšwa legedimong+ le re: “Kgunelela dilo tsone maduma yawa ma go botsang tsona, o sa di ngwale fase.” 5 Lengeloyi lo ke le bonneng le gatiye lewatleng le lefaseng ke mo le yemisiye letsogo la lona la go ja, le le yemisele legedimong, 6 la tshepisa ka Ye a phelang go ya go yye+ wa gore o makiye legedimo le dilo ka mokana ga tsona tso di leng legedimong, wa gore o makiye le lefase le dilo ka mokana ga tsona tso di leng ga lona wa gore fote o makiye lewatle le dilo ka mokana ga tsona tso di leng ka teng ga lona, la re:+ “Di ka sa sa tseya nako. 7 Mara ka nako ya mo lengeloyi+ la kašupa le šele le nyoko teya porompeta ya lona,+ sephiri sa go hlawolega+ sa Modimo se nyoko makega. Sephiri sone sa go hlawolega ke ditaba tsa go bafala tso a di butsiyeng malata yage ya gore fote ke baporofeta bage.”+

8 Ke kwile lentsu la go tšwa legedimong+ le bolabola le nna fote le re: “Ariye o ye tseya lengwalo la go phutiwa, la gore le budiwwe letsogong la lengeloyi la gore le gatiye lewatleng le lefaseng.”+ 9 Ke mokane ka ya ga lengeloyi lela ka le botsa gore le nneye lengwalo lela le lenyananyana la go phutiwa. Lona la re gaka: “Le tseye o le je,+ le nyoko maka gore teng gago go babe, mara ka ho ganong gago le nyoko natefela go tshwana le mamapo.” 10 Ke mokane ka tseya lengwalo lela la go phutiwa le lenyana ka le ja,+ ka mo ganong gaka ke mo le tshwana le mamapo,+ mara mo ke fetsa go le ja, teng gaka gwa thomisa go baba. 11 Byalo ka kwa lentsu le re: “Di nyaka o boyele o porofete fote, o porofete ka batho, ditšhaba, mebolabolo le magoši ya go tlala.”

11 Ba nneya lehlakanoka la go tshwana le thoka,+ ka kwa lentsu le re: “Tlogamela o mete tempele ya Modimo le aletare yage fote o balele batho bo ba rapelang ga yona. 2 Mara lapa la gore le ka tawong ga tempele o sa le mete, ka taba la gore ba le neyye ditšhaba fote ba nyoko gatanya poleke ya go hlawolega+ ka 42 ya dikgwedi.+ 3 Ke nyoko maka gore dihlatse tsaka ka dipedi di porofete ka 1 260 ya matšatši di yapere dikobo tsa masaka.” 4 Tsowa di yemela ke mehlare ya diolivi+ ka mmedi le ditšhubampara+ tsela ka dipedi tsa gore di mahlong ga Morena wa lefase.+

5 Mo go na le wa gore o nyaka go di kwaletsa, go tšwa mollo mo molomong wa tsona wa fetsa ka manaba ya tsona. Mo go na le wa gore o nyaka go di kwaletsa, o nyoko bolayiwa ka mokgonone. 6 Di na le matšhika ya go maka+ gore pula yi sa ne+ ka dinako tsa mo di porofeta fote di na le matšhika ya go tšhentšha meetši gore go be madi,+ le go maka gore ho lefaseng go be le dilo tsa go befa tsa mohlobohlobo.

7 Mo ba šele ba fetsiye go tšhomayela, phoolwane ya go tshosa ya hlaga ya gore yi tšwa mokoting wa go yisa yi nyoko lwa nabo ke mokane ya ba hlula ya fetsa ya ba bolaya.+ 8 Fote ditopo tsa bona di nyoko ba ho pateng ye kgolo ya mutši wo mogolo wa gore ga wona, batho ba kokotele Morena phateng wa gore wo tshwanisela ke Sodoma le Egepita. 9 Ke mokane batho ba mehlobohlobo le maloko, mebolabolo le ditšhaba ba nyoko lebelela ditopo tsone ka kararo ya matšatši le sekopa,+ fote ba ka sa dumele gore ditopo tsone ba di boloke mabitleng. 10 Fote bo ba dulang howa lefaseng ba nyoko jabola ba boya ba ro hlakela, ba neyana le dilo tsa gabutši ka taba la gore baporofeta bowa ka babedi ke mo ba hlorisa batho ba ho lefaseng.

11 Ka nthago ga matšatši ka mararo le sekopa, Modimo o yye a ba tsosa,+ fote mo ba tsoga batho bo ke mo ba ba lebelele ba hlagasela. 12 Ke mokane ba kwa lentsu le tšwa legedimong le re ga bona: “Tlanneng howa.” Ke mokane ba yinuga ba ya legedimong ka liru, manaba ya bona ma ba lebelele. 13 Ka nako yonone lefase la tekateka fote dipoleke tse dingwana dya wa ke mokane 7 000 ya batho ba kgwa ka taba la gore lefase ke mo le tekateka, ba bangwana ba tšhoga ke mokane ba gadimisa Modimo wa ku legedimong.

14 Motšhatšhamelo+ wa mabedi wo fitiye. Motšhatšhamelo wa kararo wo tla ka go yakgoswa.

15 Lengeloyi la kašupa la teya porompeta+ ya lona ke mokane gwa kwagala mantsu ku legedimong ma yahlamela ma re: “Mmušo wa lefase go šele go le Mmušo wa Modimo+ wa rune le Kreste+ wage fote o nyoko lawola go le kgoši go ya go yye.”+

16 Bagolo+ bala 24 ya bona ba gore ke mo ba duli mahlong ga Modimo ga ditulo tsa bona tsa go lawola ba kgotama ke mokane ba rapela Modimo, 17 ba re: “Re ya go leboga wene Jehova* Modimo wa Matšhika ka Moka wa gore o gona+ wa gore fote ke botala o le gona, ka gore o berekisiye matšhika yago ya magolo wa thomisa go lawola go le wene kgoši.+ 18 Ke mokane ditšhaba dya kwata, le wene wa kwata, fote nako yo yi beyiwweng ya gore bo ba kgwileng ba yahludiwe ya segela le gore fote go rufiwe+ malata yago ya gore fote ke baporofeta,+ le bo ba gore ba hlawolegiye ba gore ba hlompa lebitso lago, ba bagolo le ba banyana, le go fetsa ka bo ba go sinya lefase.”+

19 Tempele ya Modimo ya ku magedimong ya bulega ke mokane ka bona areka ya go kwanisanya,+ fote ke mo go na le magadima, mantsu, maduma, gwa tekateka lefase fote gwa ba le sefako se segolo.

12 Ke mokane ka bona mohlolo ku legedimong, mosadi+ ye mongwana ke mo a yapere go tshwana le letšatši ke mokane ngwedi wo le ka fase ga mawoto yage, ho hlogong ke mo a rwele fapo ya go ba le dinanedi 12 ya tsona. 2 Ke mo a na le mpa. Ke mo a lla a kwa go baba a kene a tshwere ke lešoko.

3 Ke bonne mohlolo wo mongwana ku legedimong. Ke bonne noga ye kgolo ka matla ya go tshosa ya gore yi na le khala ya nkare ke mollo+ ya gore yi na le kašupa ya dihlogo le lesome la manaka ya gore fote mo dihlogong tsa yona ke mo go na le kašupa ya difapo. 4 Fote mosila wa yona ke mo wo goga dinanedi+ tse dingwana tsa ku legedimong wo di bošela ho lefaseng.+ Ke mokane noga yone ya yema mahlong ga mosadi+ yene gore yi ko thogo ja ngwanage mo a belega.

5 Ke mokane a belega ngwana wa mošomanyana+ wa gore o nyoko disa ditšhaba ka thoka yage ya tshipi.+ Ngwanene o yitseri go belegiwa, Modimo a mo tseya ka go yakgoswa ke mokane a mo yisa ga setulo sage sa go lawola. 6 Ke mokane mosadi yene a tšhabela mašahleng ga poleke ya gore Modimo ke mo a mo lukiselele yona, ga gore ke mo ba nyoko mo fepa ka 1 260 ya matšatši.+

7 Gwa thomisa ntwa ku legedimong. Mayikhele*+ le mangeloyi yage ba lwa le noga yela ya go tshosa. 8 Noga yela le mangeloyi ya yona ya lwa nabo mara a ya hlula, fote ba napa ba ba raka ku legedimong. 9 Mara noga yela ye kgolo+ ya go tshosa ba yi lahlela lefaseng. Noga+ yone ya botala ya gore ba re ke Diyabolo+ le Sathane,+ ya gore yi fokola lefase ka mokana ga lona ba yi lahlela lefaseng,+ yona le mangeloyi ya yona ba ba lahlela lefaseng.+ 10 Byalo ka kwa lentsu le tšwa legedimong le re:

“Gana byalo ke nako ya gore Modimo a re phonise+ ka matšhika yage, a berekisa Mmušo wage+ le Kreste wa go lawola ka taba la gore ye wa go bolabolela bobhuti ba rune matsaka ba mo lahlele lefaseng, wa gore o ba hlayela matsaka motshegare le bošego mahlong ga Modimo!+ 11 Byalo ba mo hludiye+ ka madi ya Nku+ le ka molayetsa wo ke mo ba wo tšhomayela+ fote ke mo ba sa llele maphelo+ ya bona ka taba la gore ke mo ba sa tšhabe go kgwa. 12 Byalo jabolaneng lune ba go dula mone magedimong! Lune ba go dula lefaseng le ba lewatleng le ko tikweleng+ ka taba la gore Diyabolo o tlile mone ga lune a kwatiye la go sa hlayisege ka gore wa di tšiba gore o šalele ke nako ye nyana.”+

13 Byalo mo noga yela ye kgolo ya go tshosa yi bona gore ba yi lahlele lefaseng+ ya thomisa go hlupa mosadi+ yela wa gore o belegiye ngwana wa mošomanyana. 14 Mara mosadi yene ba mo neyye mafafela ka mabedi ya kgwenyepi+ yela ye kgolo, gore a thogo phurrwa a ye polekeng yage ku mašahleng, ga gore go nyoko fela nako le dinako le sekopa sa nako+ a kene a fepiwa gona a le kgole ga gore noga a yi mmoni.+

15 Ke mokane noga yela ye kgolo ya tshwa meetši ya nkare ke nooka gore mosadi yela a kgame ke nooka yone. 16 Mara lefase la gelepa mosadi yela, la yahlama ke mokane la kgwisa meetši ya nooka yela ya gore ma tshwile ke noga ye kgolo ya go tshosa. 17 Ke mokane noga yela ye kgolo ya go tshosa ya kwatela mosadi yela, ya lwa le bana ba mosadi yene bo ba šeleng,+ ba gore ke mo ba theetsela melawo ya Modimo fote ba maka mmereko wa go tšhomayela ka Jeso.+

13 Ke mokane noga yela ye kgolo ya go tshosa ya yema yi sa thogathoge lerophong la lewatle.

Ka bona phoolwane ya go tshosa+ ya hlaga yi yinuga yi tšwa lewatleng,+ ke mo yi na le lesome la manaka fote yi na le kašupa ya dihlogo, ga manaka ya yona ke mo go na le lesome la difapo, mara ho dihlogong tsa yona ke mo go ngwadiwwe mabitso ya go rogelela. 2 Byalo phoolwane ya go tshosa ya hlaga yo ke yi bonneng ke mo yi tshwana le lepogo mara mawoto ya yona ma tshwana le ya bhere fote molomo wa yona ke mo wo tshwana le wa tawu. Ke mokane noga yela ye kgolo+ ya go tshosa ya neya phoolwane yela ya hlaga matšhika ya yona, setulo sa yona sa go lawola, a maka gore yi lawole.+

3 Fote ke bonne gore hlogo ya yona ye nngwana ke mo yi kwalele ka matla, mara le mo ne yi kwalele ka matla yi yye ya fola.+ Ke mokane lefase ka mokana ga lona la yi šala nthago le kene le yi thanaka. 4 Byalo ba rapela noga yela ye kgolo ya go tshosa ka taba la gore yi neyye phoolwane yela ya hlaga mmereko wa go lawola, ke mokane ba rapela yona phoolwane yone, ba re: “Ke mang wa go tshwana le phoolwane yowa ya go tshosa ya hlaga fote ke mang wa gore a ka lwa nayo?” 5 Phoolwane yone ya go tshosa ya hlaga ba yi neya matšhika ya go kganya le ya go bolabola dilo tsa go befa ka Modimo fote ba yi neyye le matšhika ya go maka so yi se nyakang ka 42 ya dikgwedi.+ 6 Mo yi bula molomo wa yona ya thomisa go bolabola dilo tsa gore a di ya loka+ ka Modimo le ka lebitso lage le ho a dulang gona, fote ya bolabola le dilo tsa gore a di ya loka ka bo ba dulang legedimong.+ 7 Ba yi dumelele gore yi lwe le bo ba go hlawolega fote yi ba hlule,+ fote ba yi dumelele gore yi lawole maloko ka mokana ga wona, batho ka mokana ga bona, mebolabolo ka mokana ga yona le ditšhaba ka mokana ga tsona. 8 Bowa ba gore ba dula lefaseng ka mokana ga bona ba nyoko yi rapela. Go tlugisela ka nakwela go makiwa lefase, a go na le ka wwoši wa gore lebitso lage le yye la ngwadiwa ga lengwalo la go phutiwa la lephelo,+ la gore ke la Nku ya gore ba yi bolayye.+

9 Mo nkare go na le wa gore o na le tsebe, a theetsele.+ 10 Mo nkare go na le ye a tshwanelang ke go ya jele, ba mo yise jele, mo nkare go na le wa gore o bolaya ba bangwana ka sabola,*+ le yene o tshwanele a bolayiwe ka sabola. Nka taba lo bo ba go hlawolega+ ba tshwaneleng gore ba tiyisele+ fote ba be le tumelo.+

11 Ke mokane ka bona phoolwane ye nngwana ya hlaga ya go tshosa ka matla yi yinuga yi tšwa lefaseng, ke mo yi na le manaka ka mabedi ya go tshwana le ya nku, mara ya thomisa go bolabola go tshwana le noga ye kgolo ya go tshosa ka matla.+ 12 Yi lawola go tshwana le phoolwane ya mathomo ya hlaga,+ fote yi maka gore lefase le batho bo ba dulang ho ga lona ba rapele phoolwane ya mathomo ya hlaga ya gore mo ne yi kwalele, ke mo go fodiye.+ 13 Yi maka mehlolo fote yi ro maka le gore mollo wo tšwe legedimong wo tla ho lefaseng batho ba kene ba lebelele.

14 Yi fokola bo ba dulang ho lefaseng ka mehlolo yo ba yi dumeleleng gore yi yi make mahlong ga phoolwane ya hlaga, yi kene yi botsa bo ba dulang ho lefaseng gore ba make sethombhe+ sa phoolwane yela ya gore ke mo yi kwalele mara ya fola.+ 15 Phoolwane ya mabedi ya hlaga ba yi dumelele gore yi make gore sethombhe sela sa phoolwane ya hlaga se thogo phela gore sethombhe sa phoolwane yone ya hlaga se thogo bolabola le go maka gore batho bo ba sa nyakeng go se rapela ba bolayiwe.

16 Phoolwane yowa ya gapeletsa batho ka mokana ga bona, ba bagolo le ba banyana, ba go ghanya le ba go tihlupegela, ba gore ba lukulugiye le ba gore ke mabhantiti, gore ba tshwanele go merekiwa ga letsogo la bona la go ja kela ho mopong wa bona.+ 17 Le gore go sa be le motho wa go reka kela wa go rekisa mo go se motho wa gore ba mo merekiye ka lebitso+ la phoolwane yowa ya go tshosa kela nombhoro ya lebitso la yona.+ 18 Wa gore o hlalefiye a balele nombhoro ya phoolwane yone ya go tshosa, ka taba la gore ke yo batho ba yi tšibang. Nombhoro yone ke 666.+

14 Ke mokane ka bona Nku+ yi yemme Thabeng ya Siyoni,+ ke mo yi na le ba 144 000+ ba gore mo mopong wa bona ke mo go ngwadiwwe lebitso la yona le la Papa+ wa yona. 2 Ka kwa modumo wo mogolo wo tšwa legedimong wo kwagala nkare ke meetši ya go tlala, modumo wone ke mo wo tshwana le leduma la go tshosa, fote modumo wone ke wo kwileng, ke mo wo tshwana le wa mo batho ba yepelela ba kene ba teya diharepa tsa bona. 3 Ke mo ba yepelela koša ya nkare ke ya nyuwane+ mahlong ga setulo sa go lawola, mahlong ga kanne ya makerubi+ le mahlong ga bagolo,+ fote ke mo go se na motho wa gore a ka yi tšiba koša yone, mara ke mo yi tšiba ke bo ba 144 000+ ba le ntoši ba gore ba rekiwwe lefaseng. 4 Bowa a baa maka bonghwahla le basadi. A ba soko yetsela le motho.+ A ba lisetsi go šala Nku nthago go gongwana le go gongwana mo yi yang.+ Ba rekiwwe+ lefaseng gore go be nkare ke diyengwa tsa mathomo+ tsa gore di neyiwwe Modimo le Nku. 5 A ba lahletsane fote a ba na selabi.+

6 Ka bona lengeloyi le lengwana le pherera ku sebakabakeng fote ke mo le tshwere ditaba tsa go bafala tsa go ya go yye le di botsa bo ba dulang lefaseng, le di botsa setšhaba se sengwana le se sengwana, setšo se sengwana le se sengwana, mmolabolo wo mongwana le wo mongwana le ga batho ka mokana ga bona.+ 7 Ke mo le yahlamela le re: “Hlompaneng* Modimo le boye le mo thanake, ka taba la gore nako ya gore a yahlule yi šele yi segele,+ byalo rapelaneng ye wa gore o makiye legedimo, lefase, lewatle+ le didiba tsa meetši.”

8 Lengeloyi le lengwana la mabedi la latela la re: “O wile! Bhabhilona ye Mogolo+ o wile,+ yene wa gore o makiye gore ditšhaba ka mokana ga tsona di nwe wayini, ya gore mo yene a yi nwile o kwa a nabela ka matla go maka bonghwahla.”*+

9 Lengeloyi le lengwana la kararo la latela la yahlamela la re: “Mo nkare go na le ye a rapelang phoolwane ya go tshosa ya hlaga+ le sethombhe sa yona fote a merekiwwe mo mopong kela letsogong lage,+ 10 o nyoko nwa wayini ya Modimo ya gore yi yemela go kwata gage, ya gore Modimo o nyoko yi tšhela ga komitši yage.+ O nyoko hlorisiwa ka mollo wa go dura ka matla le letlapa la go dura nkare ke legala,+ a kene a lebelele ke mangeloyi ya go hlawolega le Nku. 11 Bowa ba go rapela phoolwane ya go tshosa ya hlaga le sethombhe sa yona le ba gore ba merekiwwe ka lebitso la yona,+ ba ka sa khutsi motshegare le bošego fote muši wa mollo wo wo ba hlupegisang wo nyoko tupa go ya go yye.+ 12 Nka taba lo di nyakang gore bowa ba go hlawolega ba tiyisele,+ ba gore ba maka tso melawo ya Modimo yi di hlayang, ba gore fote ba ngangarele so ba se dumelang+ ka Jeso.”

13 Ka kwa lentsu le tšwa legedimong le re: “Ngwala o re, go tlugisela gana byalo, bo ba kgwileng go le selo ka ssoši le Morena+ baa jabola. Moya wa go hlawolega wa dumela gore ba khutse ga mmereko wo ne ba wo maka, fote Modimo o yakgoswa a di bona tso ba di makiyeng.”

14 Ke mokane ka bona leru le le tšhwewu, mone ga lona ke mo go duli ye mongwana wa nkare ke morwayi wa motho,+ a yapere fapo ya gholdi ho hlogong, fote a tshwere sikila ya gore ba yi lokotšiye.

15 Lengeloyi le lengwana la nyarela tempeleng la yahlamela ye wa gore o duli lirung, la re: “Tseya sikila yago o ye buneng, ka taba la gore nako ya go buna yi segele, dilo tso di gašiwweng di šele di butšwiye.”+ 16 Byalo ye a duling gedimo ga liru, a berekisa sikila yage, a buna tso di gašiwweng lefaseng.

17 Ke mokane gwa nyarela lengeloyi le lengwana ga tempele ya ku legedimong, la nyarela le tshwere sikila ya go lokotšiwa.

18 Gwa nyarela lengeloyi le lengwana fote aletareng, ke mo le na le matšhika ya go lawola mollo. Ke mokane la yahlamela yela wa go tshwara sikila ya go lokotšiwa, la re: “Tseya sikila yago o hlekeletse ditšhotšho tsa modhriva wa lefase ka taba la gore didhriva tsone di šele di butšwiye.”+ 19 Lengeloyi lela la berekisa sikila ya lona ke mokane la kupa didhriva tsela tsa lefaseng, la di tšhela ga poleke ye kgolo ya go makela wayini ga yona ya gore yi tshwanisela mo Modimo a kwatiye.+ 20 Dipera tsone ke mo di gatela didhriva tsone ka ku tawong ga mutši, ke mokane meetši ya didhriva tsone ke mo ma thunyela gedimo ma feta le dipera tsone, ma thunya ma segela gana hala ga 296 ya dikhilomitha.*

15 Ke mokane ka bona mošupetso wo mongwana legedimong, wo mogolo wa go makatsa, ke bonne kašupa ya mangeloyi+ ma tshwere kašupa ya metšhatšhamelo, yowa ke metšhatšhamelo ya mafelelo ka gore mo yi fela Modimo a ka sa sa kwata.+

2 Ke mokane ka bona se sengwana sa nkare ke lewatle la dlelase+ la gore le hlakanne le mollo, fote bo ba hludiyeng+ phoolwane ya go tshosa ya hlaga le sethombhe+ sa yona le nombhoro ya lebitso la yona+ ke mo ba yemme mone lewatleng la dlelase, ba tshwere diharepa tsa Modimo. 3 Ke mo ba yepelela koša ya Moše+ wa gore ke lelata la Modimo le koša ya Nku,+ ba re:

“Wene Jehova* Modimo wa Matšhika ka Moka,+ mebereko yago ke ye megolo fote ya makatsa.+ Wene Kgoši ya go ya go yye tso o di makang di lukiye+ fote ke tsa nnete.+ 4 Ke mang wa gore a ka sa go hlompe wene Jehova* a boya a thanaka lebitso lago ka taba la gore ke wene o ntoši wa gore wa tshepega?+ Ditšhaba ka mokana ga tsona di nyoko tla gago+ di go rapela ka taba la gore di nyoko ba lekgwaying gore wene mo o yahlula, o yahlula gabutši.”

5 Ka nthago ka bona poleke ya go hlawolega ya letente la tso Modimo a re gopotsang tsona+ yi bulegiye ku legedimong.+ 6 Ke mokane mangeloyi yala kašupa ya wona ya gore ma na le kašupa ya metšhatšhamelo+ ma nyarela hone polekeng ya go hlawolega ma yapere dikobo tsa linene tsa go yela tsa gore fote di khannye, ma tlemme mapanta ya gholdi ho dikgubeng tsa wona. 7 Ka lloši ga kanne ya makerubi yala la neya mangeloyi yala kašupa ya wona ditša kašupa ya tsona tsa motšiti tsa gholdi tsa gore ke mo di tlele ka go kwata ga Modimo+ wa gore o phela go ya go yye. 8 Ku tempeleng gwa tlala muši ka taba la go gadima ga Modimo+ le ka taba la matšhika yage, fote a go na ye a kgonneng go kena hone tempeleng go segela go fela kašupa ya metšhatšhamelo+ ya mangeloyi yala kašupa ya wona.

16 Ke mokane ka kwa lentsu le yahlamela le tšwa ku tempeleng+ le botsa mangeloyi yala kašupa ya wona le re: “Ariyeneng le kašupa ya ditša tsone tsa motšiti le ye tshollela go kwata ga Modimo lefaseng.”+

2 La mathomo la ya ke mokane la tshollela sitša sa lona lefaseng.+ Batho ba gore ke mo ba na le setwaba sa phoolwane ya go tshosa ya hlaga+ ba gore fote ne ba rapela sethombhe+ sa yona ba tšwa dithogo tsa go baba+ tsa go tshosa ka matla.

3 La mabedi la tshollela sitša sa lona lewatleng+ ke mokane lewatle la tšhentšha la tshwana le madi+ ya motho wa gore o kgwile, fote dilo ka mokana ga tsona tsa go phela hone lewatleng dya kgwa.+

4 La kararo la tshollela sitša sa lona didibeng le dinookeng tsa meetši+ ke mokane dya tšhentšha gwa ba madi.+ 5 Ka kwa lengeloyi lela la gore le pasopiye meetši le re: “Wene wa gore o gona fote ke botala o le gona,+ wa gore fote wa tshepega,+ o lukiye ka taba la gore o yahludiye gore go be ka mokgo,+ 6 fote o ba neyye madi gore ba nwe,+ di ya ba tshwanela+ ka gore ba bolayye ba go hlawolega le baporofeta.”+ 7 Ke mokane ka kwa lentsu le tšwa ku aletareng le re: “Jehova* Modimo wa Matšhika ka Moka,+ ka mokgo o yahlulang go lukiye fote ke ga nnete.”+

8 La kanne la tshollela sitša sa lona letšatšing ke mokane letšatši+ ba le dumelela gore le tlabolele batho ka mollo. 9 Batho baa tlabolela ke go fisa hone mara a baa tisola fote a baa gadimisa Modimo wa gore o lawola metšhatšhamelo yone, ba mo rogelele.

10 Lengeloyi la kapheta la ya la tshollela sitša sa lona gedimo ga setulo sa go lawola sa phoolwane ya hlaga ke mokane dilo ka mokana ga tsona tsa gore ya di lawola dya fifala,+ batho le bona ba thomisa go tiloma maleme ka taba la go kwa go baba, 11 fote ba poyidiye Modimo wa legedimong ka taba la dilo tso ne di ba kwisa go baba le dithogo tso ne ba le natso, fote a baa tisola ga tso ne ba di maka.

12 Lengeloyi la kobodi la tshollela sitša sa lona nookeng ye kgolo ya Eforate+ ke mokane ya woma,+ gore go be le pata ya gore magoši+ ya go tšwa bohlabela ma tle ka yona.

13 Fote ka bona kararo ya dilo tso di hlayang ke madimona tsa go tshwana le dikwili di tšwa molomong wa noga ye kgolo ya go tshosa le ka ganong ga phoolwane ya go tshosa ya hlaga+ le ka ganong ga moporofeta wa matsaka. 14 Gabutšibutši ke dilo tsa gore di hlaya ke madimona ya gore fote ma maka mešupetso,+ ke mokane ma ya ga magoši ya lefase ka mokana ga lona gore ma thogo ma kgobaketsela ntweng+ ya letšatši le legolo la Modimo wa Matšhika ka Moka.+

15 “Ke nyoko tla go tshwana le wa go yetswa,+ go jabola ye a dulang a ntshiye maahlo dikwakweng+ fote a yapere kobo yage ya ka tawong gore a sa sepele a sa tšwara ke mokane ba mmonela.”+

16 Ke mokane dya kgobaketsela magoši yane ga poleke ya gore ka Seheberu ba re ke Aremaghedoni.*+

17 Lengeloyi la kašupa la tshollela sitša sa lona moyeng. Ka kwa lentsu le tšwa tempeleng+ ga gore go na le setulo sa go lawola le re: “Go fediye.” 18 Fote ke mo go na le magadima, mantsu le maduma, le lefase ke mo le tekateka ka matla, dilo tsone a dya ba gona go tlugisela mo lefase le ba gona,+ ka mokgo ne le tekateka ka gona ke mo le tshosa. 19 Mutši wo mogolo+ wa ngathega, wa ba kararo ya dipetlo, le mitši ya ditšhaba ya wa, fote Modimo a gopola Bhabhilona ye Mogolo+ gore a mo neye komitši ya go ba le wayini ya gore yi tshwanisela go kwata gage.+ 20 Dipoleke tsa go dukulugela ke meetši dya nwelela fote le dithaba dya nyamalala.+ 21 Ke mokane sefako se segolo sa gore letlapa ka lloši ampore le lekana le talente ka go roba,+ sa wela batho se tšwa legedimong, batho ba poyilanya Modimo ka taba la sefako+ sone sa go ba leyela motšhatšhamelo ka gore ke mo go le se segolo ka matla.

17 Lengeloyi le lengwana ga yala kašupa ya wona la gore ke mo le tshwere ditša kašupa ya tsona tsa motšiti,+ la tla gaka la re: “Tlang ke go šupetse gore nghwahla ye kgolo ya gore yi duli gedimo ga meetši ya go tlala yi nyoko yahludiwa byang.+ 2 Yene wa gore magoši ya lefase lowa ma makiye bonghwahla*+ naye le batho ba lefase lowa ba nwile wayini ya bonghwahla* byage ba tlayila.”+

3 Ke mokane la ntseya ka moya wa go hlawolega la nkisa mašahleng, la nšupetsa mmono. Ka bona nghwahla ye kgolo yi duli gedimo ga phoolwane ya hlaga ya khala ye khubedu ya nkare ke madi, ba yi ngwadiye mabitso ya go poyilanya Modimo fote yi na le kašupa ya dihlogo le lesome la manaka. 4 Mosadi yene ke mo a yapere dikobo tse diphepholo+ le tsa bokhubedu bya nkare ke madi, ke mo a tšhepiye ka gholdi le makolwane+ le matlapanyana ya go tura fote a tshwere komitši ya gholdi ya gore ke mo yi tlele ka dilo tsa go silikisa tsa go sa yela tsa bonghwahla* byage. 5 Mo mopong gage ne ba ngwadiye lebitso la gore a le tšibege la gore: “Bhabhilona ye Mogolo, mmane wa dinghwahla+ le wa dilo tsa go silikisa tsa ho lefaseng.”+ 6 Fote ke di bonne tsa gore mosadi yene ke mo a tlayila ka taba la gore ke mo a nwile madi ya ba go hlawolega le ya dihlatse tsa Jeso.+

O mmakatsiye ka matla mo ke mmona. 7 Lengeloyi lela la re gaka: “Ke ntaba o makele? Ke nyoko go botsa ka mosadi+ yela wa gore aa tšibege le ka phoolwane yela ya hlaga, ya gore yi mo rwele, ya go ba le kašupa ya dihlogo le lesome la manaka.+ 8 Phoolwane yela ya go tshosa ya hlaga yo o yi bonneng ke mo yi le gona, mara a yi sa šiyo fote go se botala yi nyoko yinuga yi tšwa mokoting wa go yisa+ fote go nyoko fela ka yona. Batho bo ba dulang lefaseng ba gore mabitso ya bona a maa ngwadiwa lengwalong la go phutiwa la lephelo+ go tlugisela hala lefase le ba gona, ba nyoko makala mo ba bona gore phoolwane ya go tshosa ya hlaga ke mo yi le gona mara a yi šiyo fote yi sa nyoko ba gona.

9 “Tsowa di nyaka batho ba go hlalefa, dihlogo tsela kašupa+ ya tsona di rela kašupa ya dithaba tsa gore mosadi yela o duli gedimo ga tsona. 10 Go na le kašupa ya magoši, kapheta ya wona ma šele ma wile, ka yyoši yi kene yi gona, ye nngwana a yi soko segela mara mo yi segela yi tshwanele gore yi lawole ka nako ye nyana. 11 Phoolwane ya go tshosa ya hlaga ya gore ke mo yi le gona+ mara a yi sa le šiyo ke kgoši ya mabala, yi tšwa ga magoši yala kašupa ya wona fote go nyoko fela ka yona.

12 “Lesome la manaka yala o ma bonneng ma rela lesome la magoši ya gore a ma soko kraya mmušo wo ma ka wo lawolang, mara magoši yane ma lawola le phoolwane ya go tshosa ya hlaga ka awara. 13 Ma nagana go tshwana, byalo ma neya phoolwane ya go tshosa ya hlaga matšhika ya wona fote ma maka gore go lawole yona. 14 Magoši yane ma nyoko lwa le Nku,+ mara ka taba la gore ke Morena wa marena le Kgoši ya magoši,+ Nku yi nyoko ma hlula.+ Fote bo ba gore ba ba bitsiye ba gore ba ba kgetiye ba gore fote baa tshepega, ba nyoko maka ka mokgonone.”+

15 Lengeloyi lela la re gaka: “Meetši ya o ma bonneng ya gore nghwahla yela yi duli ga wona, ma yemela batho, megoba, ditšhaba le mebolabolo ya mehlobohlobo.+ 16 Lesome la manaka+ yala o ma bonneng le phoolwane yela ya go tshosa ya hlaga,+ di nyoko hloya nghwahla+ yone dya tseya dilo tsa yona ka mokana ga tsona dya yi tšula ke mokane dya ja nama ya yona dya yi tšhuba ka mollo gwa fela ka yona.+ 17 Modimo o maka gore lesome la magoši yane, ma nagane go maka tso yene a di nyakang.+ Ma nyoko nagana go tshwana ke mokane maa neya phoolwane ya go tshosa ya hlaga+ mmušo wa wona go segela ka nako yo go makegang tso Modimo a di hlayyeng. 18 Fote mosadi+ yela o mmonneng o yemela mutši wo mogolo wa gore wo lawola magoši ya lefase.”

18 Ka nthago ka bona lengeloyi le lengwana le thewoga le tšwa legedimong le na le matšhika ya go lawola, fote lefase ke mo le khanyisiye ke go gadima ga lona. 2 La yahlamela la re: “O wile! Bhabhilona ye Mogolo o wile!+ Gana byalo go šele go le poleke ya gore go dula madimona, poleke ya gore madimona le dinonyane tsa go silikisa tsa go sa yela di wutama gona!+ 3 Ditšhaba ka mokana ga tsona di wokiye ke wayini yage ya go nabela go maka bonghwahla* byage+ fote le magoši ya lefase ma makiye naye bonghwahla+ le batho ba lefase ba go tsama ba rekisa ba ghannye ka dilo tso mosadi yewa a nang natso tsa gore a di mo tšebisi le ho a di kgobaketsela.”

4 Ka kwa lentsu le lengwana le tšwa legedimong, le re: “Tšwanneng hone gage lune batho baka,+ mo nkare a le nyake go sinya naye fote a le nyake go makegela ke dilo tsa go sasamela tso di nyoko mo tlelang.+ 5 Ka gore tso a di sinnyeng di tlele ka matla+ fote Modimo o nyoko mo yahlula ka taba la dilo tsa go befa tso a di makiyeng.+ 6 Byalo, o mo makele tso a di makiyeng ba bangwana,+ o mo makele tsona ga mabedi.+ Ga komitši+ yo a dhunghelang tsa go nwa ga yona, wene o mo dhunghele ga mabedi.+ 7 Ka taba la gore Mosadi yene o timaka ye mogolo fote tso a ghannyeng ka tsona a di mo tšebisi, o tshwanele a hlorisiwe fote a lle. O fo dulela gore: ‘Ke nna kgoši ya mosadi, a ke ya kgwela ke monna fote nka sa tsoge ke lliye.’+ 8 Dilo tsowa tsa go sasamela di nyoko mo tlela ka letšatši ka lloši, tsa gore ke likgu, go lla le tlala fote o nyoko tšhubiwa ka mollo+ gwa fela ka yene ka taba la gore Jehova* Modimo ye a mo yahlulang o na le matšhika.+

9 “Magoši ya lefase ya gore ma makiye bonghwahla* naye ya gore fote ma tšhediye letsogo ga dilo tsage tsa majabajaba tsa gore a di mo tšebisi ma nyoko mo llela fote ma nyoko gotla mo ma bona muši wa mo a swa. 10 Ba nyoko yemela ku kgole ka taba la go tšhaba go wela ke senyama so se nyoko welang mutši wone ke mokane ba re: ‘Re go kwela go baba, wene mutši wo mogolo+ wa Bhabhilona wa go tiya ka taba la gore go se botala Modimo o nyoko go yahlula!’

11 “Fote bala ba go rekisa ba lefase ba nyoko gotla ba mo llela ka taba la gore a go sa na ye a rekang dilo tsa bona, 12 tsa go tshwana le diphahlo tsa gore di tlele ka gholdi, silva, matlapa ya go tseyediwa gedimo, makolwane, llapi la go tura la linene, malapi ya maphepholo, silki,* malapi ya khala ye khubedu ya nkare ke madi le dilo ka mokana ga tsona tsa go makiwa ka kwata ya go nkgela, le dilo tsa mohlobohlobo tsa go makiwa ka lenaka la tlowu, tsa go makiwa ka kwata ya go tseyediwa gedimo le tsa go makiwa ka koporo, ka tshipi le tsa mmabolo, 13 le sinamone, sepayisi sa Indiya, tsa go tšhubelela tsa go nkgela, makgura ya go nkgela, borofi,* wayini, makgura ya diolivi, folawa ya gore ke mong yona, korong, dikgomu, dinku, dipera, dikotšikara, mabhantiti le batho. 14 Dilo tsa gabutši* tsa gore ke mo o di nabela a yi sa le tsago, dilo tsa go natefa le dilo tsa majabajaba di nyamalele fote o ka sa sa di kraya.

15 “Bowa ba gore ba rekisa dilo tsowa, ba gore ba ghannye ka taba lage ba nyoko yemela ku kgole ka taba la go tšhaba go hlorisiwa go tshwana naye fote ba nyoko lla ba boya ba gotla. 16 Ba re: ‘Re go kwela go baba barena, wene mutši wo mogolo, wa go yapara dikobo tsa linene, tsa bophepholo le bokhubedu bya nkare ke madi, fote wo tšhepiye ka dilo tsa go tura tsa gholdi, tsa matlapa ya go tseyediwa gedimo le makolwane.+ 17 Ka gore dilo tso wo ghannyeng ka tsona di nyoko fela ka awara!’

“Batho ka mokana ga bona ba go sepela ka dikepe le ba go bereka lewatleng ke mo ba yemele ku kgole, 18 ba lla ba kene ba lebelele muši wa mo a swa, ke mokane ba re: ‘Ye lune! Nje wo gona mutši wa go tshwana le mutši wowa wo mogolo?’ 19 Ba titšhediye ka lerole ho dihlogong tsa bona ke mokane ba yahlamela fote ba gotla fote ba lla ba re: ‘Di kwisa go baba gore dilo tsowa di makegele mutši wo mogolo, ka gore ke yene a makiyeng gore batho ba gore ba na le dikepe ba ghanye, mara ka awara gwa ba go fediye ka yene!’+

20 “Jabolaneng lune bo le dulang magedimong+ le lune ba go hlawolega+ le lune mapostola le lune baporofeta ka taba la gore Modimo o šele o hlayye gore o nyoko mo yahlula ka taba la dilo tso a le makiyeng tsona.”+

21 Ke mokane lengeloyi la go ba le matšhika la kakola letlapa la nkare ke tšhilo ye kgolo la le bošela lewatleng, la re: “Mutši wo mogolo wa Bhabhilona wo bošediwwe fase ka go yakgoswa wa napa wo ya.+ 22 Fote modumo wa batho ba go yepelela ba sipidisana le harepa, ba go teya diflutu, ba go teya diporompeta le ba bangwana ba go yepelela wo ka sa sa kwagala, fote ho gago go ka sa sa ba le motho wa go rekisa, fote go ka sa sa kwagala modumo wa tšhilo. 23 Mone gago go ka sa sa ba le llampa la go khanya fote go ka sa ro kwagala lentsu la batho ba gore baa šadha, ka taba la gore bowa ba go rekisa ke bona ba gore ke mo ba hlompega ho lefaseng fote ditšhaba ka mokana ga tsona di keketlele ka taba la mekgwa yago ya bosathane.+ 24 Mone ga mosadi yene ke mo go na le madi ya baporofeta le ya ba go hlawolega+ le ya batho ka mokana ga bona ba ho lefaseng ba gore ba ba bolayye.”+

19 Ka nthago ga dilo tsone ka kwa sa nkare ke lentsu la mogoba wo mogolo wo yahlamela ku legedimong, wo re: “Go thanakiwe Jah!*+ Modimo wa rune wa gore o phonisa batho wa gore o na le matšhika ya magolo fote wa gadima, 2 ka taba la gore mo a yahlula o yahlula gabutši fote o lukiye.+ O yahludiye nghwahla ye kgolo ya gore yi sinnye lefase ka bonghwahla* bya yona. Fote o nyoko yi patedisa ka taba la malata yage ya gore yi ma bolayye.”+ 3 Ka nako yonone ka kwa ba yahlamela la mabedi ba re: “Go thanakiwe Jah!*+ Ke mokane muši wa go tšwa Bhabhilona wo tupa go ya go yye.”+

4 Ke mokane 24 ya bagolo bala+ le kanne ya makerubi+ ba kgotama, ba rapela Modimo wa gore o duli setulong sa go lawola, ba re: “Amene! Go thanakiwe Jah!”*+

5 Fote ku setulong sa go lawola gwa kwagala lentsu le re:“Thanakaneng Modimo wa rune, lune malata yage+ ya gore maa mo hlompa, ya go tihlupegela le ya go ghanya.”+

6 Ke mokane ka kwa sa nkare ke lentsu la mogoba wo mogolo le sa nkare ke modumo wa meetši ya go tlala le modumo wa nkare ke wa maduma ya magolo di re: “Go thanakiwe Jah!*+ ka taba la gore Jehova* Modimo wa rune wa Matšhika ka moka+ o thomisiye go lawola go le kgoši.+ 7 Byalo, tla re jaboleneng ka matla re boye re hlakele fote re mo gadimise ka taba la gore nako ya gore Nku yi šadhe yi šele yi segele, fote mosadi wa gore yi nyoko šadha naye o šele a tilukisiye. 8 Mosadi yene ba mo dumelele gore a yapare dikobo tsa go khanya, tsa go yela le tsa go tura tsa linene, ka gore linene yone yi yemela dilo tsa go loka tso di makiyeng ke bo ba go hlawolega.”+

9 Lengeloyi lone la re gaka: “Ngwala gore: Go jabola bo ba ba memmeng ga tsa go ja tsa ka malobana tsa mošadho wa Nku,”+ fote la re gaka: “Tsowa ke nnete di hlaya ke Modimo.” 10 Mo le reyane ka kgotama ho mawotong ya lona ke nyaka go le rapela, mara la re gaka: “Pasopa! O sa di make tsotsone!+ Ke fo ba lelata go tshwana nago le bobhuti wago ba gore ba tšhomayela ka Jeso.+ Wene rapela Modimo!+ Ka taba la gore mmereko wa diporofeto ke go bolabola nnete ka Jeso.”+

11 Ke bonne magedimo ma bulegiye ke mokane ka bona pera ye tšhwewu,+ ye a yi kalammeng wa tshepega+ fote o bolabola nnete,+ wa yahlula fote o lwa ntwa ya go loka.+ 12 Maahlo yage ma tshwana le mollo+ fote mo hlogong o yapere difapo tsa go tlala. Ho gage go ngwadiwwe lebitso la gore a go na ye a le tšibang, le tšiba ke yene mong. 13 Kobo yage ya ka ho tawong yi tšhediye ke madi fote lebitso lage ba re ke Lentsu la Modimo.+ 14 Masole ya ku legedimong ke mo ma mo šele nthago ma kalamme dipera tse ditšhwewu, ma yapere linene ya go tura, ya gore yi yediye. 15 Ke mokane ka ho ganong gage ke mo go tšwa sabola ya go lefa+ ya go galefa ya gore ke mo yi nyoko fetsa ka ditšhaba fote o nyoko di disa ka thoka ya tshipi.+ Go tokegela gana hone, o nyoko gatela didhriva tso di leng ga poleke ya go makela wayini ya gore yi tshwanisela ka mokgo Modimo wa matšhika ka moka a kwatiyeng ka gona.+ 16 Ga kobo yage ya ka tawong, ho seropeng, ba ngwadiye gore Kgoši ya magoši le Morena wa marena.+

17 Ka bona lengeloyi fote le yemme letšatšing le yahlamela dinonyane tso ne di phurrwa sebakabakeng la re ga tsona ka moka: “Tlanneng howa, le tle le gahlane mo go jiwa selalelo se segolo sa Modimo,+ 18 gore le thogo ja dinama tsa magoši, tsa masole, tsa banna ba digoboro,+ tsa dipera, tsa batho bo ba di kalammeng+ le tsa batho ka mokana ga bona ba gore ba lokologiye le mabhantiti le tsa batho ba go tihlupegela le ba go ghanya.”

19 Fote ka bona phoolwane ya hlaga yi gahlanne le magoši ya lefase lowa ka mokana ga lona le masole ya wona gore ba lwe le ye wa gore o duli gedimo ga pera le masole yage.+ 20 Ke mokane phoolwane ya go tshosa ya hlaga ba yi tshwara, ba tshwara le moporofeta wa matsaka+ wa gore ke mo a maka mehlolo mahlong ga yona. Mehlolo yone ke mo yi fokola bo ne ba na le setwaba sa phoolwane ya go tshosa ya hlaga+ le bo ne ba rapela sethombhe sa yona.+ Ba ba lahlela ba kene ba sa phela ka ledhamong la mollo wa gore wo na le matlapa ya go dura nkare ke magala.+ 21 Mara ba bangwana ka mokana ga bona ba ba bolayye ka sabola ya go lefa ya gore yi tšwile molomong wa ye wa gore o duli gedimo ga pera.+ Dinonyane tsela ka mokana ga tsona ke mo di kguri ka dinama tsa bona.+

20 Ke bonne lengeloyi le thewoga le tšwa legedimong le tshwere sekhiya sa mokoti wa go yisa+ le ketane ye kgolo. 2 La tshwara noga ye kgolo ya go tshosa,+ yene Sathane+ Diyabolo+ noga ya botala,+ la mo tlema 1 000 ya mengwaga. 3 Ke mokane la mmošela mokoting wa go yisa+ la mo kwalela la mo khiyela gore a sa sa fokola ditšhaba go segela go fela 1 000 ya mengwaga. Ka nthago ba nyoko mo lokolla tsa senakonyana.+

4 Ke bonne ditulo tsa go lawola, fote bo ne ba duli ga tsona ba neyiwwe matšhika ya go yahlula. Ka bona batho ba gore ba ba bolayye,* ka taba la gore ne ba tšhomayela ka Jeso fote ba bolabola ka Modimo, le bowa ba gore ke mo ba sa rapele phoolwane ya go tshosa ya hlaga kela sethombhe sa yona ba gore fote a baa merekiwa mo mopong le ho letsogong.+ Ke mokane ba boyela ba phela fote ba fetsa 1 000 ya mengwaga ba lawola go le magoši le Kreste.+ 5 (Ba bangwana ba gore ba kgwile+ a baa tsoga go segela go fela 1 000 ya mengwaga.) Bowa ke bona ba mathomo bo ba tsugiyeng.+ 6 Ba gore ba tsosiwwe la mathomo baa jabola fote ba hlawolegiye.+ Likgu la mabedi+ le ka sa ba make selo,+ mara go nyoko ba maprista+ ya Modimo le ya Kreste fote ba nyoko fetsa 1 000 ya mengwaga+ ba lawola naye go le magoši.

7 Byalo mo go fela 1 000 ya mengwaga, Sathane ba nyoko mo lokolla mone jele. 8 Ke mokane o nyoko tšwa a ye fokola ditšhaba tso di leng dikhoneng kanne ya tsona tsa lefase, Ghogho le Maghogho, gore a di kgobaketsele ntweng, nombhoro ya tsona nkare ke santa ya lewatle. 9 Ke mokane ba tlalagana le lefase ka mokana ga lona, fote ba dukulugela poleke ya bo ba go hlawolega le mutši wa gore Modimo o wo nyaka ka matla, mara gwa tla mollo wo tšwa legedimong wa ba gagara.+ 10 Diyabolo wa gore ke mo a ba fokola ba mmošela teng ga ledhamo la mollo le matlapa ya go dura nkare ke magala, ga gore phoolwane ya go tshosa ya hlaga+ le moporofeta wa matsaka ke mo ba le gona,+ fote ba nyoko hlorisiwa bošego le motshegare go ya go yye.

11 Ke mokane ka bona setulo se setšhwewu sa go lawola se segolo, fote ka bona le ye a duling gedimo ga sona,+ lefase le legedimo dya tšhaba mahlong gage,+ dya sa sa ba gona. 12 Ka bona bo ba gore ba kgwile, ba go ghanya le ba go tihlupegela ba yemme mahlong ga setulo sa go lawola, gwa budiwa mangwalo ya go phutiwa, mara ke mo go budiwwe lengwalo le lengwana, ke mo go le puku ya lephelo.+ Bo ba gore ke mo ba kgwile ba ba yahlula go ya ka tso ba di makiyeng tsa gore ba di ngwadiye mangwalong ya go phutiwa.+ 13 Ke mokane lewatle la hlatsa bo ba kgweleng ga lona, likgu le Lebitla* dya ntsha bo ba kgwileng, ye mongwana le ye mongwana a yahludiwa go ya ka tso a di makiyeng.+ 14 Likgu le lebitla* ba di lahlela ledhamong la mollo,+ ledhamo la mollo+ le yemela likgu la mabedi.+ 15 Go tokegela gana hone, ye mongwana le ye mongwana wa gore lebitso lage a le ya ngwadiwa ka pukung ya lephelo,+ o bošediwwe ledhamong la mollo.+

21 Ke mokane ka bona legedimo la nyuwane le lefase la nyuwane,+ ka taba la gore legedimo la botala le lefase la botala di fitiye,+ le lewatle+ a le sa le šiyo. 2 Fote ke bonne le mutši wa go hlawolega, Jerusalema ya nyuwane, yi thewoga yi tšwa legedimong ga Modimo,+ ba yi tšhepisiye go tshwana le mosadi wa gore wa šadha, wa gore o yemele monnage.+ 3 Ka nako yonone ka kwa lentsu le yahlamela le tšwa setulong sa go lawola le re: “Letente la Modimo le bathong, yene mong o nyoko dula nabo, bona go nyoko ba batho bage. Modimo o nyoko ba nabo ka boyene mong.+ 4 O nyoko sula dinepedi ka moka maahlong ya bona,+ malikgu ma ko ba ma sa sa le šiyo,+ go lla kela go gotla kela go kwa go baba le tsona di ko ba di sa sa le šiyo.+ Dilo tsa botala di ko ba di fitiye.”

5 Ke mokane ye a duling setulong sa go lawola+ a re: “Bonaneng! Ke maka dilo ka mokana ga tsona gore go be tsa nyuwane.”+ A boya a re: “Ngwala dilo tsowa ka taba la gore ke nnete fote di ya tshepega.” 6 Fote a re gaka: “Dilo tsowa di fitiye, ke nna Alfa le Omegha,* wa mathomo le wa mafelelo.+ Ye mongwana le ye mongwana wa gore o wonngwe, ke nyoko mo neya meetši ya gore ma tšwa ga sediba sa meetši ya lephelo mahala.+ 7 Ye mongwana le ye mongwana ye a hlulang o nyoko kraya dilo tsowa, fote nna ke nyoko ba Modimo wage, yene go nyoko ba Morwayi waka. 8 Mara ba gore ke maghwala, ba gore a ba na tumelo+ le ba go maka dilo tsa go silikisa, ba go bolaya,+ ba go maka bonghwahla,*+ ba go maka tsa bodimona, ba go rapela medimo ya dithombhe le ka mokana ga bona ba go ba le matsaka,+ ba nyoko ba lahlela ledhamong la go ba le mollo le letlapa la go dura nkare ke magala.+ Tsowa di rela likgu la mabedi.”+

9 Lengeloyi ka lloši ga yala kašupa ya wona, la gore ke mo le tshwere kašupa ya ditša tsa motšiti tsa gore ke mo di tlele ka kašupa ya dilo tsa go sasamela tsa mafelelo,+ la tla gaka la re: “Tlang ke go šupetse ye a nyoko šadhang le Nku.”+ 10 Ke mokane la ntseya ka moya wa go hlawolega la ya le nna ga thaba ye kgolo ya go lefa, la nšupetsa mutši wa go hlawolega wa Jerusalema wo thewoga wo tšwa legedimong ga Modimo.+ 11 Fote Modimo o makiye gore wo gadime.+ Ke mo wo gadima go tshwana le letlapa la jaspere la gore le gadima nkare ke dlelase ya go bonabona.+ 12 Ke mo wo na le lepharo le legolo la go lefa fote go na le 12 ya digheyiti le 12 ya mangeloyi mone digheyiting, digheyiti tsone ke mo di ngwadiwwe 12 ya mabitso ya maloko ya barwayi ba Israyele. 13 Ka bohlabela ke mo go na le kararo ya digheyiti, ka lebowa go na le kararo ya digheyiti, ka borwa go na le kararo ya digheyiti le ka bodikela go na le kararo ya digheyiti.+ 14 Lepharo lo ne le dukulugele mutši wone ke mo le na le 12 ya matlapa ya fandhiši, mone matlapeng ke mo ba ngwadiye 12 ya mabitso ya mapostola+ ya Nku.

15 Byalo ye ne a bolabola le nna ke mo a tshwere lehlakanoka la gholdi la go meta, gore a thogo meta mutši wone le digheyiti tsa wona le lepharo la wona.+ 16 Mutši wone ke mo wo lekana mahlaya ka moka, ne wo lekana ka go lefa le ka bokoto. Ke mokane a meta go lefa ga mutši wone ka lehlaka lela, go lefa ga wona, bokoto bya wona le go ya gedimo ke mo wo teya gana hala ga 2 220 ya dikhilomitha. 17 A meta le lepharo la wona, fote go ya ka mokgo batho ba metang ka gona, ke mo le teya gana hala ga 64 ya dimitha, fote ke mo le lekana le lengeloyi mo ba le meta. 18 Lepharo lone ke mo ba le makiye ka jaspere+ fote mutši wone ke mo wo makiwwe ka gholdi ya mannete ya go tshwana le dlelase ya go bonabona. 19 Difandhiši tsa lepharo la mutši wone ke mo ba di kgabisiye ka matlapa ya go tseyediwa gedimo ya mohlobohlobo, fandhiši ya mathomo ke mo ba yi kgabisiye ka jaspere, fandhiši ya mabedi ke mo ba yi kgabisiye ka safaya, fandhiši ya kararo ke mo ba yi kgabisiye ka kalekedoni, fandhiši ya kanne ke mo ba yi kgabisiye ka emeraldhe. 20 Ke mokane fandhiši ya kapheta ke sodonikisi, ya kobodi ke sadiyase, ya kašupa ke khrisolayite, ya mabala ke bherili ya nkokwane ke topase, ya lesome ke krisoprase ya bo-11 ke hayisinthi, ya bo-12 ke amethisi. 21 Fote digheyiti tsela 12 ya tsona ke mo go le makolwane, ye nngwana le ye nngwana ya tsona ke mo go le lekolwane, pata ye kgolo ya mutši wone ke mo go le gholdi ya mannete ya go tshwana le dlelase ya go bonabona.

22 A ke ya bona go na le tempele ka taba la gore Jehova* Modimo wa Matšhika ka Moka+ ke yene tempele ya gona fote le Nku ke yene tempele ya gona. 23 Byalo mutši wone ke mo wo sa nyake letšatši kela ngwedi gore di wo khanyisele ka taba la gore wo khanyisa ke go gadima ga Modimo+ fote Nku ke yona llampa la gona.+ 24 Fote ditšhaba di nyoko sepela ga gore Nku ya di khanyisela,+ ke mokane magoši ya lefase ma nyoko thanaka mutši wone. 25 Le digheyiti tsa wona di ka sa kwadiwi motshegare, ka taba la gore go ka sa sa ba bošego gana hone.+ 26 Batho ba ditšhaba ba nyoko thanaka mutši wone fote ba nyoko wo hlompa.+ 27 Mara dilo tsa gore a di ya yela le batho ba go maka dilo tsa go silikisa ba gore fote ba na le matsaka, ba ka sa kene ga mutši wone,+ go nyoko kena ba gore mabitso ya bona ba ma ngwadiye ga puku ya lephelo ya Nku.+

22 Ke mokane a nšupetsa nooka ya meetši ya lephelo,+ ya gore ke mo yi yediye fote yi gadima, yi yela yi tšwa setulong sa Modimo sa go lawola le sa Nku,+ 2 yi ya le dipateng tse dikgolo, ka mo mathoko ga yona ke mo go na le mehlare ya lephelo yi yengwa 12 ya diyengwa tsa gore ke mo di yengwa kgwedi ye nngwana le ye nngwana. Matlakala ya mehlare yone ke mo go le ya go yalafa ditšhaba.+

3 Fote a go na senyama so se ko bang se le gona mara setulo sa Modimo sa go lawola le sa Nku+ di nyoko ba mone mutšing, le malata yage ma nyoko mo makela mmereko wa go hlawolega, 4 ma nyoko bona sefahlego sage+ fote lebitso lage ba nyoko le ngwala mopong wa lelata le lengwana le lengwana.+ 5 Fote go ka sa sa ba le bošego,+ di ka sa sa nyaka gore ba khanyisele ke llampa kela ke letšatsi fote Jehova* Modimo o nyoko ba khanyisela,+ ba nyoko lawola go le magoši go ya go yye.+

6 Lengeloyi lela la re gaka: “Mantsu yawa ke ya nnete fote maa tshepega,+ eya, Jehova* Modimo o berekisiye baporofeta bage gore ba bolabole,+ o romele lengeloyi lage gore le šupetse malata yage dilo tso di nyoko go makega go se botala. 7 Yenaa! Ke tla ka go yakgoswa.+ Ye a makang tso di hlayang ke mantsu ya lengwalo lowa la go phutiwa, wa jabola.”+

8 Nna Johane, ke nna ke kwileng dilo tsowa fote ke nna ke di bonneng. Mo ke di kwa ke boya ke di bona, ke kgotamme mawotong ya lengeloyi lone ke nyaka go le rapela. 9 Mara la re gaka: “O pasope! O sa di make tsotsone! Ke nna lelata lago le la bobhuti wago ba gore ke baporofeta le la bo ba makang tso di hlayang ke lengwalo la go phutiwa. Wene rapela Modimo.”+

10 Fote la re gaka: “O sa ma kgunelele mantsu yawa ya seporofeto sa lengwalo la go phutiwa, ka taba la gore nako ya wona yi šele yi thina. 11 Ye mongwana le ye mongwana wa go sa loka a ye mahlong, le ye a makang dilo tsa go silikisa a ye mahlong a kene a di maka mara motho wa go loka yene a ye mahlong a kene a lukiye le wa go hlawolega a ye mahlong ka go hlawolega.

12 “‘Yenaa! Ke ye tla ka go yakgoswa, ke nyoko tla ke patela ye mongwana le ye mongwana go ya ka tso a di makiyeng.+ 13 Ke nna Alfa le Omegha,*+ wa mathomo le wa mafelelo. 14 Go jabola bo ba hlatswang dikobo tsa bona,+ ba nyoko kgona go ja diyengwa tsa mehlare ya lephelo,+ gore ba kgone go kena mutšing ka digheyiti tsa wona.+ 15 Ka tawong ga mutši wone go na le dimpsya,* le ba go maka masalamose le ba go maka bonghwahla* le ba go bolaya le ba go rapela medimo ya dithombhe le batho ka mokana ga bona ba gore ba kwana le go bolabola matsaka.’+

16 “‘Nna Jeso ke romele lengeloyi laka gore le mpolabolele dilo tsowa gore di thogo berekela diphutego, ke nna tšhika ya Dafita+ fote ke nna setlogolwane sage, ke nna nanedi ya go gadima ya ka bošego.’”+

17 Moya wa go hlawolega le ye a nyoko šadhang+ le Nku ba ya mahlong ba re “Tlang!” Ye mongwana le ye mongwana ye a kwang a re “Tlang!” Ye mongwana le ye mongwana ye a wonngweng wa gore o nabela go nwa meetši ya lephelo mahala+ a tle.+

18 “Ke botsa motho ye mongwana le ye mongwana ye a theetselang mantsu ya seporofeto sa lengwalo la go phutiwa, ke re: Mo nkare go na le ye a yeketsang ga mantsu yawa,+ Modimo le yene o nyoko mo yeketsela dilo tsa go sasamela tso di ngwadiwweng ga lengwalo lowa la go phutiwa.+ 19 Fote ye mongwana le ye mongwana ye a ntshang se sengwana ga mantsu ya lengwalo lowa la go phutiwa la seporofeto sowa, Modimo a ka sa mo lisetsi a kraya dilo tsa gabutši tsa gore di ga lengwalo lowa la go phutiwa, sowa se rela gore Modimo a ka sa mo lisetsi a ja diyengwa tsa mohlare wa lephelo+ fote a ka sa mo lisetsi a kena mutšing wa go hlawolega.+

20 “Byalo ye a bolabolang dilo tsowa a re: ‘Eya, ke nyoko tla ka go yakgoswa.’”+

“Amene! Tlang Morena Jeso.”

21 Nkare Morena Jeso a ka ba kwela go baba bo ba go hlawolega.