“Ke mo ba Nyaka ke Tihlawolele Gore Nnete ke Yifeng”

TSA NAKWELA KE SA GOLA:

Ke belegiwwe Santo Domingo, hala Dominican Republic, ke nna lekotwane ga bana ka bane. Babelegi baka ne ba tšhutegiye fote ne ba nyaka gore bana ba bona ba golele ga poleke ya gore batho ba gona ba tilukele. Mengwaga ka mene mo ke soko belegiwa, babelegi baka ba yye ba gahlana le baromiwa ba kereke ya Mamomoni. Ka taba la gore babelegi baka ba jabodisiye nka mokgo banna bowa ne ba yapere ka gona le ka mokgo ne ba titshwere ka gona, ba yye ba fetsa ka gore re be ba mathomo ga poleke yo ne re dula ga yona ba go kena kereke ya Church of Jesus Christ of Latter-day Saints kela yona kereke ya Mamomoni.

Ke gudiye ke kwana le go fokatsa le ba bangwana ba kereke ya Mamomoni fote taba ya mutši le go titshwara gabutši ba yi tseyela gedimo ka matla, sosone ke mo se njabodisa. Ne ke titeya sekguba ka kereke yowa ya Mamomoni fote ne ke nyaka go ba morumiwa.

Mo ke na le 18 ya mengwaga ba ku gaye ba yye ba rurela United States gore ke kgone go kena ga yunivesithi ya gabutši. Ka nthago ga mongwaga, mmangwane le monna wage ba gore ne go le Dihlatse tsa Jehova ba yye ba re vakašela. Ba yye ba re mema gore re ye mogahlanong wo mogolo le bona. Ke jabodisiye ke gore ye mongwana le ye mongwana ne a na le Bhayibele yage fote ba ngwala fase mo ba kene ba theetsele. Byalo le nna ke yye ka kgopela sa go ngwala gore ke thogo ngwala go tshwana nabo.

Ka nthago ga mogahlano wo mogolo ke butsiye mmangwane le monna wage gore ke nabela go ba morumiwa, le gore ke kgopela ba n’gelepe ke tšhute Bhayibele. Ne ke bona go bala Bhayibele go le sepheto sa gabutši ka taba la gore ne ke tlwayele go bala Puku ya kereke ya Mamomoni.

KA MOKGO BHAYIBELE YI TŠHENTŠHIYENG LEPHELO LAKA:

Mo ba kene ba ntšhutisa Bhayibele, ne ba mpotsa gore ke tshwanise sedumedi saka le tso Bhayibele yi di tšhutisang. Ke mo ba nyaka ke tihlawolele gore nnete ke yifeng.

Ne go na le dilo tsa go tlala tsa gore ne ke di kwisisa ga kereke ya Mamomoni mara ne ke sa nape ke tšiba gore Bhayibele yi dumelelana le tsona. Mmangwane o yye a nromela Phafoga! ya November 8, 1995, ya gore yi ngwadiye ke Dihlatse tsa Jehova, ya gore ne yi na le dihlogotaba tsa go bolabola ka sedumedi sa Mamomoni. Ke yye ka makatsa ke gore ne go na le dilo tsa go tlala tsa gore ne ke sa di tšibi ka sedumedi sa Mamomoni. Sosone se makiye gore ke ye ga wepsayete ya kereke ya Mamomoni gore ke thogo bona gore ka nnete tso Phafoga! yone yi di bolabolang ke nnete. Maghazini wone ne wo hlaya nnete, fote tse dingwana ke di bonne mo ke ya mo ba beyyang dilo tsa botala ku Utah tso di yyeng dya makegela Mamomoni.

Ka moka nako ne ke tseya gore Puku ya kereke ya Mamomoni le Bhayibele, di ya dumelelana. Mo ke thomisa go bala Bhayibele ke kenelela, ke kgonne go bona gore tso di tšhutisang ke sedumedi sa Mamomoni a di tshwane le tso di leng ka ho Bhayibeleng. Mo re beyisa, ga Hezekiyele 18:4 Bhayibele yi re moya wa kgwa. Mara, Puku ya kereke ya Mamomoni ga Alma 42:9, yi re: “Moya o ka sa tsoge o kgwile.”

Go tokegela mone ne ke hlupa ke gore Mamomoni ne ma hlawola batho. Mo re beyisa, Mamomoni ne ma re tšhomo ya Edeni ne yi le Jackson County, Missouri hala U.S.A. Fote baporofeta ba Mamomoni ne ba re mo “Mmušo wa Modimo o lawola, folaga ya United States le yona yi nyoko ba yi yemme ka taba la gore Modimo o ko ba a berekisa rune gore re gelepe batho.”

Ne ke tiputsisa gore batho ba naga yo ke tšwang ga yona le ba dinaga tse dingwana bona gee? Tšatši le lengwana mo ke fowunele ke mosogana ye mongwana wa kereke ya Mamomoni, wa gore ne ba mo tšhutisa gore go be morumiwa, ke yye ka mmutsisa ka taba yowa. Ke mmutsisiye gore mo go ka ba le ntwa ya naga ya mo a tšwang gona le naga ya mo kereke ya Mamomoni yi leng gona, ayitsano o nyoko jikela kereke yage. O mmakatsiye ka matla mo a re eya! Ke yye ka nyakolla ka matla ka kereke yowa, ka boya ka butsisa le bo ba yetang mahlong. Ba yye ba mpotsa gore diputsiso tsaka tsa go tlala di ko fetolega ku mahlong mo nnete yi kene yi khanya.

Ka taba la gore ne ke sa kgotsofatsa ke diphetolo tsa bona ke yye ka tiputsisa gore ke ntaba ke nyaka go ba morumiwa wa kereke ya Mamomoni. Ne ke nyaka go ba morumiwa wa kereke yowa ka taba la gore ne ke nyaka go gelepa batho. Fote ne ke nyaka go ba morumiwa gore batho ba thogo ntseyela gedimo. Mara ne ke sa tšibi tsa go tlala ka Modimo. Le mo ke yye ka bala Bhayibele gatlelenyana ku botala, ne ke sa nape ke yi tseyela hlogong. Ne ke sa tšibi gore Modimo o tikemisele ying ka lefase lowa le batho.

KA MOKGO DI N’GELEPIYENG KA GONA:

Mo nkene ke tšhuta Bhayibele le Dihlatse tsa Jehova ke tšhutiye dilo tsa go tlala tsa go tshwana le gore Modimo o na le lebitso, gore go makega ying ka rune mo re kgwa le gore Jeso o maka ying gore a thogo segelela tso Modimo a tikemiseleng tsona. Ne ke jabolela go bala Bhayibele fote ne ke jabodisa ke go botsa ba bangwana ka tso ke di tšhutang. Go tlugisela botala ke di tšiba tsa gore Modimo o gona mara ganabyalo ke kgona go bolabola naye ka thapelo go le Monghane waka ye mogolo. Ke kolobetsiwwe ka di 12 tsa July 2004, ke mokane ka nthago ga kobodi ya dikgwedi ka thomisa go bereka ke le lephayona la nako ka moka.

Ke fetsiye sehlano sa mengwaga ke bereka ntlokgolo ya Dihlatse tsa Jehova ya Brooklyn, New York. Ne ke jabodisa ke go gelepa ga mmereko wa go maka di Bhayibele le dipuku tsa go bolabola ka Bhayibele tsa gore di gelepa batho ba go tlala lefaseng ka moka, le gana byalo ke sa ya mahlong ke gelepa batho gore ba tšhute ka Modimo.