HLOGOTABA YA LEPHEPHE LA KA TAWONG | MATSAKA YA MA MAKANG GORE BATHO BA NYENYE MODIMO
Batho ba go Tlala ba re a di Lula go Nyaka Modimo
“‘Ga Jehova Modimo wago o mo nyake ka pelo yago ka mokana ga yona, bowene byago ka mokana ga byona le ka monagano wago ka mokana ga wona.’ Molawo wowa ke wona wo mogologolo fote ke wa mathomo.”—Jeso Kreste, 33 C.E.a
Ga Batho ba bangwana a di lula gore ba kwe ba mo nyaka ga Modimo. Ba bona nkare Modimo aa na taba le rune fote aa re tshware gabutši. Kwang tso ba bangwana ba di hlayang, ke tsowa:
“Ke mo ke rapela Modimo gore a n’gelepe mara nkene ke kwa gore o kgole ka matla, a ka sa kgone go nkwa. Ke mo ke kwa nkare Modimo aa di tšibi tsa go kwela batho go baba.”—Marco wa go tšwa Italy.
“Le mo ne ke nyaka go berekela Modimo, ke mo ke bona nkare o kgole ka matla. Ke mo ke bona nkare Modimo o na le lešidi. Ne ke sa tshepe gore o kwelana go baba.”—Rosa wa go tšwa Guatemala.
“Nakwela ke sa gola, ne ke tshepa gore Modimo o lebelela ka matla tso re di sinnyeng, fote o dula a ramele gore a re kwise go baba mo re sinnye. Mo nako yi kene yi ya, ke mo ke nagana gore Modimo aa nyake go kwa selo ka rune, re ya mo silikisa. Modimo gaka ke mo a tshwana le motho wa gore o berekana le mathatha ya batho bo a ba lawolang mara le gore gabutšibutši aa nyake go kwa ka wona.”—Raymonde wa go tšwa Canada.
O nagana ying? Ayitsano Modimo wa tihlupa ka rune? Makreste ya go tlala ya ku botala ke mo ma na le tiputsiso tsa mošaga wonone. Mo re beyisa, ke mo go na le dikereke tsa gore ke mo di sa rapele Modimo wa Matšhika ka moka. Ke ntaba? Batho ba go tlala ke mo ba mo tšhaba ka matla. Morene mongwana ye ba reng ke Will Durant wa gore o tšhutele dilo tsa botala, o yi beyye ka mokgo: “Motho wa gore o sinya ka matla a ka rapela byang motho wa gore o dula kgole wa gore fote aa kwelane go baba?”
King so se makiyeng gore batho ba tseye gore Modimo o na le “lešidi fote o kgole ka matla”? Anthe mara Bhayibele yi tšhutisa ying ka Modimo? Mo o ka tšhuta nnete ka Modimo, ayitsano tsotsone di ka sa make gore o šutele thina naye?