Matsaka ya Gore Modimo o na le Lešidi

TSO BATHO BA GO TLALA BA DI DUMELANG

Go ya ka kereke ya Khatolika “ka nthago ga gore motho wa gore ke mo a sinya ka matla a kgwe, moya wage wa tšwa ke mokane o ya ga ‘mollo wa dihele’ gore a hlorisiwe gona.” Baruti ba bangwana ba re dihele ke poleke ya gore motho mo a le ga yona, o fo ba a le ntoši fote a ka sa kgone go bolabola le Modimo.

NNETE YA KA HO BHAYIBELENG

“Moya wa gore wo sinya ka matla—wona wo nyoko kgwa.” (Ezekiyele 18:4) Ba gore ba kgwile “a ba tšibi selo le ka gonyana.” (Mmolabodi 9:5) Mo nkare moya wa kgwa fote a wo tšibi selo, di kgonega byang gore wo ye diheleng, wo tšhubiwe gona go ya go yye fote wo sa kgone go gahlana le Modimo?

Ka Bhayibeleng, Seheberu le Segerika mo go hlatolliwa lentsu la “dihele” le šupetsa go le lebitla. Mo re beyisa, mo Jobo a lla ka taba la bolwele byo bo mo tshwereng, o yye a rapela a re: “Ke nabela nkare o ka n’wutametsa lebitleng [“diheleng,” Douay-Rheims Version].” (Jobo 14:13, Holy Bible​—Easy-to-Read Version) Jobo ke mo a sa nyake go ya ga poleke ya gore Modimo o tšhubelela batho ga yona mara ke mo a nyaka go khutsa lebitleng.

KE NTABA RE TSHWANELE RE DI TSEYELE GEDIMO

Hala le gore Modimo ne a na le lešidi, ke mo re ka sa liketse go šutela thina naye. Rocío wa gore o dula Mexico o re: “Go tlugisela ke sa le ye monyana ke mo ba ntšhutisa ka dihele. Ke mo di ntshosa ka matla, ke mo ke nagana gore Modimo aa loka. Ke mo ke nagana gore o kwatiye ka matla fote aa naganelane.”

Bhayibele yi hlatolla gabutši gore Modimo o nyoko yahlula batho byang le gore batho mo ba kgwile go makega ying ka bona, fote tsotsone di tšhentšhiye ka mokgo Rocío a lebelelang Modimo ka gona. O re: “Ke yye ka tikwa ke lokologiye. Ke yye ka thomisa go di tshepa tsa gore Modimo o nyaka gore rune batho re phele re jabodiye, o re nyaka ka matla le gore le nna nka šutela thina naye. O tshwana le papa wa gore o tshwara bana bage ka letsogo fote o ba nabelela dilo tsa gabutši.”​—Jesaya 41:13.

Batho ba yye ba liketsa go mmerekela ka taba la gore ba tšhaba gore o nyoko ba tšhuba diheleng, mara Modimo aa nyake gore re mmerekele ka taba la gore re tšhaba gore o nyoko re tšhubelela diheleng. Jeso o re: “Jehova Modimo wago o mo nyake.” (Mareka 12:29, 30) Go tokegela gana hone, mo re di bona gore Modimo o re tshwara gabutši fote wa re nyaka, re ka tshepa gore o nyoko yahlula gabutši ku mahlong. Go tshwana le Elihu monghane wa Jobo, le rune re ka hlaya re sa kamake gore: “Modimo a ka sa tsoge a re makiye lešidi, yene wa Matšhika ka moka fote a ka sa tsoge a makiye dilo tsa gore a di ya loka.”​—Jobo 34:10.