Ba ra Ying Mara mo ba Bolabola ka Mmušo wa Modimo?

1. Gana byalo re nyoko bolabola ka thapelo yifeng ya go tšibega ka matla?

DIMILIYONI tsa batho ba yi tšiba gabutši thapelo ya Papa wa rune wa Magedimong kela Thapelo ya Morena. Jeso o yye a yi berekisa nakwela a tšhutisa bo ba mo latelelang gore ba ka rapela byang. O yye a rapelela ying? Ke ntaba thapelo yone di nyaka re yi tseyela hlogong ka matla lekgono?

2. Ke dilo difeng tse dikgolo ka ditharo tso Jeso a re tšhutisiyeng go di rapelela?

² Jeso o yitseri: “Byalo, le rapeleneng ka mokgo: ‘Papa wa rune wa ku magedimong, lebitso lago le gadimisiwe [kela, le tseyiwe go le la go hlawolega]. Maka gore Mmušo wago wo segele. Tso di nyakang ke wene di makege ho lefaseng, go fo tshwana le mo di makega legedimong.’” (Bala Matewu 6:9-13.) Ke ntaba Jeso a re tšhutisiye gore re rapelele dilo tsone ka ditharo?—Lebelela Setwaba sa 20.

3. King tso di nyakang re di tšiba ka Mmušo wa Modimo?

³ Re tšhutiye gore lebitso la Modimo ke Jehova. Fote re bolabodiye ka tso Modimo a nyoko di makelang batho le tso a nyoko di makang ka lefase lowa. Mara Jeso yene ke mo a ra byang mo a re: “Maka gore Mmušo wago wo segele”? Re nyoko tšhuta gore gabutšibutši Mmušo wa Modimo king, so wo nyoko se makang, le gore wo nyoko maka byang gore lebitso la Modimo le hlawolege.

ANTHE MO BA RE MMUŠO WA MODIMO BA RA YING?

4. Anthe mo ba re Mmušo wa Modimo ba ra ying, fote Kgoši ya gona ke mang?

⁴ Jehova o yye a maka gore go be le mmušo wa legedimong ke mokane a hlawola Jeso gore go be yene Kgoši. Baebele yi re wone ke Mmušo wa Modimo. Jeso ke “Kgoši gare ga magoši le Morena gare ga marena.” (1 Thimothi 6:15) Jeso ke yene a ka di kgonang go maka tsa gabutši go feta motho ye mongwana le ye mongwana fote o na le matšhika go feta magoši ya lefase ma gahlanne.

5. Mmušo wa Modimo wo nyoko lawola wo le kaye? Wo nyoko lawola ying?

⁵ Mo go šele go fitiye 40 ya matšatši Jeso a tsugiye, o yye a boyela legedimong. Mafelelong, Jehova o yye a mmeya gore go be Kgoši ya Mmušo wowa. (Mebereko 2:33) Mmušo wa Modimo wo nyoko lawola lefase lowa o le ku legedimong. (Kutullo 11:15) Tsotsone ke tsona di makang gore Baebele yi bolabole ka Mmušo wa Modimo gore ke “mmušo wa legedimong.”—2 Thimothi 4:18.

6, 7. Jeso o ma phala ka ying magoši ya mangwana ya lefase lowa?

⁶ Baebele yi re Jeso ke ye mogolo go feta batho ka mokana ga bona bo go leng magoši ka taba la gore “ke yene a ntoši wa gore aa kgwe.” (1 Thimothi 6:16) Magoši ya ho lefaseng ka mokana ga wona ma fetsa ma kgwile, mara Jeso yene a ka sa tsoge a kgwile. Dilo ka mokana ga tsona tsa go bafala tso Jeso a nyoko tlang a re makela tsona, di nyoko ba gona go ya go yye.

⁷ Mo Baebele yi porofeta gore Jeso go nyoko tla go ba Kgoši ya go loka le ya gore yi kwela batho go baba, yi re: “Moya wa Jehova wo nyoko mo koramela, moya wa go hlalefa le wa go kwisisa, moya wa go yetetsa le wa matšhika, moya wa go tšiba le wa go tšhaba Jehova. Fote o nyoko jabola mo a kene a hlompa Jehova. A ka sa yahlole go ya ka so yene a se bonang, kela go kgala [kela, go yeletsa] go fo ya le ka tso yene a di kweleleng. O nyoko yahlula ba go tinyanafatsa [kela, ba go hlopega] ka go loka.” (Jesaya 11:2-4) Nje o ka sa di jabolele go lawola ke kgoši ya mošaga wonone?

8. Re tšiba ka ying gore Jeso a ka sa lawole a ntoši?

⁸ Modimo o hlawodiye batho ho lefaseng gore ba tle ba lawole le Jeso ga Mmušo wage wa legedimong. Mo re beyisa, Pawulo wa lepostola o yitseri ga Thimothi: “Mo re ka fo tiyisela, le rune re nyoko lawola ggoši re le magoši.” (2 Thimothi 2:12) Nka bakaye bo ba nyoko lawolang le Jeso go le bona magoši?

9. Bo ba nyoko lawolang le Jeso nka bakaye? Modimo o thomisiye leng go ba kgeta?

⁹ Ga tema 7 re tšhutiye gore Johane wa lepostola ba yye ba mo šupetsa mmono wa mo Jeso go le Kgoši ku legedimong a na le 144 000 ya magoši ya mangwana. Bo ba 144 000 ke bomang? Johane o hlatolla gore “lebitso la [Jeso] le la papage le ngwadiwwe mo mopong wa bona.” Fote o tlatsisa ka gore: “Bobowa ke bona bo ba yang mahlong ba kene ba šele Senkunyana [kela, Jeso] nthago, go gongwana le go gongwana mo a yang gona. Bowa ba rekiwwe gare ga batho.” (Bala Kutullo 14:1, 4.) Batho bowa ba gore ke 144 000 ya bona ke Makreste ya go tshepega ya gore Modimo o ma hlawodiye “gore ma lawole go le magoši ho lefaseng” ma na le Jeso. Mo ba hlokofala, baa tsusiwa gore ba ye phela legedimong. (Kutullo 5:10) Go tlugisela ka nako ya mapostola, Jehova ke mo a kene a ya mahlong a kgeta Makreste ya go tshepega gore ma tlatsise mogoba wone wa 144 000 ya magoši.

10. Ke ntaba re re di šupetsa gore Jehova o re nyaka ka matla mo a šinya a maka gore batho ba lawole ke Jeso le bowa ba 144 000?

¹⁰ Jehova o re nyaka ka matla la gore a šinye a hlawola batho ho ga rune gore ba ye lawola le Jeso. Jeso o nyoko re lawola gabutši ka taba la gore o tšiba gabutši gore ke rune batho ba mohlobo mang. O di tšiba gabutši tsa gore go ba motho wa nama le madi go byang fote le mohlopego wa wo tšiba. Pawulo o yitseri Jeso wa di tšiba gore re tikwa byang, o “re kwela go baba ga tso re šitegang,” fote le yene “o yye a feta ga mehlobo ka mokana ga yona ya dilo tso di re tlelang.” (Maheberu 4:15; 5:8) Bowa ba 144 000 le bona baa di tšiba tsa gore go ba motho wa nama le madi di byang. Le bona ba fitiye ga tsona tsa go sa felegelela mmeleng, le go lwala baa go tšiba. Tsotsone di napa di re šupetsa gabutši gore Jeso le bowa ba 144 000 ba nyoko kwisisa gore re tikwa byang, ba boya ba kwisisa le mathatha ya ma re tlelang.

MMUŠO WA MODIMO O NYOKO RE MAKELA YING?

11. Ke ntaba Jeso a tšhutisiye malata yage gore ma rapelele gore tso Modimo a di nyakang di makege ku legedimong?

¹¹ Jeso o tšhutisiye malata yage gore ma rapelele gore tso Modimo a di nyakang di makege ku legedimong. Ke ntaba? Ga Tema ya 3, re tšhutiye gore Sathane Diyabolo o yye a jikela Jehova. Mo Sathane a fetsa go maka tsotsone, Jehova o yye a mo lesetsa gore a tšwe a duli ku legedimong, yene le mangeloyi yala ya gore a maa tshepega, kela madimona. Byalo, ke mo go se ka mokana ga bona ku legedimong bo ne ba maka tso Modimo a di nyakang. Ga Tema 10, re nyoko tšhuta tsa go tlala ka Sathane le madimona yage.

12. Ga Kutullo 12:10, go bolabodiwa ka dilo difeng ka dipedi tse dikgolo?

¹² Baebele yi re hlatollela gore nakwela go se botala Jeso ba mo makiye Kgoši ya Mmušo wa Modimo, o yye a lwa le Sathane. (Bala Kutullo 12:7-10.) Temanyana 10 yi bolabola ka dilo ka dipedi tse dikgolo. Mmušo wa Modimo wo thomisa go lawola, kgoši ya gona go le Jeso Kreste ke mokane Sathane ba mo bošela ho lefaseng. Re nyoko tla re di kwa, mara dilo tsone di šele di makegiye.

13. Go yye gwa makega ying ku legedimong nakwela Sathane a rakiwa?

¹³ Baebele yi re hlayisela gore mangeloyi ya go tshepega ya ne ma šele ku legedimong ke mo ma jabodiye ka matla mo Sathane a rakiwa. Re bala gore: “Jabolaneng, lune magedimo le lune bo le dulang gona!” (Kutullo 12:12) Gana byalo go bebiye ka matla ku legedimong, fote ba kwana ka matla ka taba la gore ye mongwana le ye mongwana gana ku legedimong, o maka tso Modimo a di nyakang.

14. Go yye gwa thomisa go makega ying ho lefaseng ka taba la gore Sathane ba mo rakiye ku legedimong?

¹⁴ Mara mo lefaseng lephelo a le ka mokgonone. Batho ba makegela ke dilo tsa go kwisa go baba “ka taba la gore Diyabolo o thewogele howa” fote o “kwatiye ka matla, wa di tšiba tsa gore nako yo yi mo šaleleng ke ye nyana ka matla.” (Kutullo 12:12) Sathane o fanghudiye dinko ka go kwata. Ba mo rakiye ku legedimong, fote wa di tšiba tsa gore go se botala go nyoko fela ka yene. O leketsa ka matla gore a make mathayithayi yage gore a dhunghanye dilo, a kwise batho go baba le go tlatsa mohlopego ho lefaseng.

15. Modimo o nyaka go makega ying ka lefase?

¹⁵ Mara tso Modimo a nyakang go di maka ka lefase lowa di sa na di le ka mokgonola, a gwa tšhentšha selo. O sa na a nyaka gore batho ba phele go ya go yye ba yenele gabutši mmeleng lefaseng la pharadeyisi. (Pisalema 37:29) Mara Mmušo wa Modimo wo nyoko di maka-maka byang tsotsone?

16, 17. Daniyele 2:44 yi re botsa ying ka Mmušo wa Modimo?

¹⁶ Seporofeto so se leng ga Daniyele 2:44 se re: “Ka dinako tsa magoši yanane, Modimo wa legedimo o nyoko hloma mmušo wa gore le ka letšatši ka lloši wo ka sa sinyegi. Fote wone mmušo wo ka sa fetele ga batho ba bangwana. Wo nyoko šilanya memmušo yewa ye mengwana ka mokana ga yona, ke mokane go nyoko šala wona wo ntoši go ya go yye.” Seporofeto sowa se re tšhutisa ying ka Mmušo wa Modimo?

¹⁷ Sa mathomo, se re botsa gore Mmušo wa Modimo wo nyoko thomisa go lawola “ka dinako tsa magoši yanane.” Sone se rela gore ho lefaseng go nyoko ba go sa na le memmušo ye mengwana mo Mmušo wage wo thomisa go lawola. Sa bobedi, se re botsa gore Mmušo wa Modimo wo nyoko ba wa go ya go yye fote wo ka sa thibi ke mmušo wo mongwana. Sa boraro, go nyoko ba le ntwa gare ga Mmušo wa Modimo le memmušo ya lefase lo. Mmušo wa Modimo wo nyoko hlula ke mokane gwa ba wona wo ntoši wo lawolang lefase ka mokana ga lona. Batho ba nyoko lawola ke mmušo wa gabutši ka matla.

18. Lebitso la ntwa ya Mmušo wa Modimo le memmušo ya lefase lowa, ba re king?

¹⁸ Di nyoko makega byang tsa gore go šinye go lawola Mmušo wa Modimo ho lefaseng? Mo go soko segela ntwa ya mafelelo, ye ba reng ke Aremaghedoni, madimona ma nyoko tshokanya “magoši ya lefase ka mokana ga lona gore ma hlekeletsane ma be selo ka ssoši, ma thogo lwa ntwa ya letšatši le legolo la Modimo wa Matšhika ka moka.” Eya, memmušo ya batho yi nyoko lwisana le Mmušo wa Modimo.—Kutullo 16:14, 16; lebelela Setwaba sa 10.

19, 20. Ke ntaba re nyaka gore lefase lowa le lawole ke Mmušo wa Modimo?

¹⁹ Re wo nyakela ying Mmušo wa Modimo? Yema re fo hlaya dilo ka ditharo ke tsowa. Sa mathomo, ke rune batho ba go sinya, byalo re kena ke malwele ke mokane ra kgwa. Mara Baebele yi re mo go šele go lawola Mmušo wa Modimo, re nyoko phela go ya go yye. Gabutšibutši, Johane 3:16 yi re: “Modimo o yye a kwa a le nyaka ka matla lefase, a šinya a neyela ka Morwayi wage wa gore o makiwwe a ntoši, gore ye mongwana le ye mongwana ye a dumelang gage a sa tlusiwi, mara a kraye lephelo la go ya go yye.”

²⁰ Taba ye nngwana ya bobedi ya gore re nyake Mmušo wa Modimo ke ya gore re phela le batho ba dipelo tse diphifadu. Ba go tlala ba na le matsaka, ba sepelana ka fase fote a ba kgone go titshwara. Rune re ka sa di kgone go tlosa dilo tsowa, mara Modimo yene o ko di kgoneng. Batho ba go fo ya mahlong ba maka dilo tsa go sa hlamatsega ba nyoko tlusiwa mo go segela Aremaghedoni. (Bala Pisalema 37:10.) Taba ya boraro yo yi makang gore re nyake Mmušo wa Modimo ke gore memmušo ya batho yi šitegiye, ba na le lešidi kela ba na le mathayithayi ya go tlala. A ba tihlupi ka go gelepa batho gore ba theetsele Modimo. Baebele yi re “mo motho a lawola ye mongwana, wa mo kwaletsa.”—Mmolabodi 8:9.

21. Mmušo wa Modimo wo nyoko maka byang gore ho lefaseng go makege tso Modimo a di nyakang?

²¹ Mo go šele go fitiye Aremaghedoni, Mmušo wa Modimo wo nyoko maka gore tso Modimo a di nyakang di makege ho lefaseng. Mo re fo beyisa, Sathane le madimona yage ba nyoko tlusiwa. (Kutullo 20:1-3) Batho ba ka sa sa lwala kela go kgwa. Ka taba la go lepolliwa, batho ka mokana ga bona ba go tshepega ba nyoko phela go ya go yye Pharadeyising. (Kutullo 22:1-3) Mmušo wone wo nyoko thanakisa lebitso la Modimo. Di ra gore king tsotsone? Di ra gore ho go šele go lawola Mmušo wa Modimo ho lefaseng, batho ka mokana ga bona ba nyoko thanaka lebitso la Jehova.—Lebelela Setwaba sa 21.

JESO O THOMISIYE LENG GO BA KGOŠI?

22. Re tšiba ka ying gore Jeso a gwa ba Kgoši nakwela a sa le ho lefaseng kela mo a sa tšwa go tsusiwa?

²² Jeso o tšhutisiye bo ba mo latelelang gore mo ba rapela ba re: “Maka gore Mmušo wago wo segele.” Byalo ke mo di šupetsa gabutši gore Mmušo wa Modimo wo kene wa šutela. Jehova ke mo a nyaka go thomisa ka go hloma mmušo wage ke mokane a beye Jeso gore go be Kgoši ya wona. Ayitsano Jeso ba yye ba mmeya gore go be yene Kgoši ka nako yo a segeleng ka yona legedimong? Awwa, o yye a yema ka go nyana. Mo Jeso a šele a tsusiwwe, Petro le Pawulo ba napiye ba se yedisa gabutši seporofeto so se leng ga Pisalema 110:1 ba re se bolabola ka Jeso. Ga seporofeto sone, Jehova o re: “Dula ka letsogong laka la go ja go šinye go segela nako ya gore ke beye manaba yago ka tlase ga mawoto yago.” (Mebereko 2:32-35; Maheberu 10:12, 13) Byalo ne di nyaka Jeso a yemele Jehova go segela leng gore a mo make Kgoši?

23. (a) Jeso o thomisiye leng go lawola go le Kgoši ya Mmušo wa Modimo? (b) Re nyoko tla re tšhuta ka ying ga tema ya go latela?

²³ Mengwaga ya go tlala mo go soko segela wa 1914, Makreste ya mangwana ya go tshepega ke mo ma kwisisa gore mongwaga wone ke mo go nyoko ba wona wa go yi feta ka mokana ga yona ga seporofeto sa Baebele. Tso di makegiyeng ho lefaseng go tlugisela ka 1914 di šupetsa gabutši gore tso ke mo ba di nagana ke nnete. Jeso o thomisiye go lawola go le Kgoši ka mongwaga wononeng. (Pisalema 110:2) Go se botala, Sathane o yye a bošediwa ho lefaseng, fote gana byalo “nako yo yi mo šaleleng ke ye nyana ka matla.” (Kutullo 12:12) Ga tema ya go latela, re nyoko tla re bona gore king so se napang se šupetsa gore re phela ga dinako tsotsone. Re nyoko tla re tšhuta fote gore go se botala Mmušo wa Modimo wo nyoko tla wo maka gore go makege dilo ka mokana ga tsona tso Modimo a di nyakang.—Lebelela Setwaba sa 22.