O Ka Maka Byang Gore Le Wene O Be Monghana Wa Modimo?

1, 2. Banghana ba bangwana ba Jehova ke mo go le bomang?

O NYAKA go nghanelana le motho wa mošaga mang? Ga go tlala o ka nyaka motho wa gore wene le yene le ya kwana. Motho wa gore le ya tšhayisana. Motho wa gona di nyaka go be wa gore wa go jabodisa ka maphelelo le mekgwa yage.

² Jehova Modimo le yene go na le bo a ba hlawolang gore go be banghana bage. Mo re beyisa, Abhrahama ke mo go le monghana wa Jehova. (Jesaya 41:8; Jakobo 2:23) Jehova ke mo a kwana le Dafita. O yitseri Dafita ke mo go le ‘monna ye a kwanang le pelo yage.’ (Mebereko 13:22) Le moporofeta Daniyele, Jehova ke mo a mo “tseyela gedimo ka matla.”—Daniyele 9:23.

3. Abrahama, Dafita le Daniyele ba makiye byang gore ba nghanelane le Jehova?

³ Abhrahama, Dafita le Daniyele ba makiye byang gore ba nghanelane le Jehova? Jehova o yitseri ga Abhrahama: “O yye wa theetsela lentsu laka.” (Genesi 22:18) Jehova o nghanelana le bo ba tinyanafatsang ba boya ba mo theetsela. Le setšhaba se ka di kgona go nghanelana naye. Jehova o yye a hlatolella setšhaba sa Maisrayele gore: “Theetselaneng lentsu laka, ke nyoko ba Modimo wa lune ke mokane lune le nyoko ba batho baka.” (Jeremiya 7:23) Byalo, di nyaka le wene o mo theetsele ga Jehova gore o thogo ba monghanage.

JEHOVA O PASOPA BANGHANA BAGE

4, 5. Jehova o ba lamolela byang banghana bage?

⁴ Baebele yi re Jehova o di nyaka ka matla “go šupetsa matšhika yage ga bo dipelo tsa bona di dulang di tshepega mo gage.” (2 Dikoronika 16:9) Ga Pisalema 32:8, Jehova o tshepisa banghana bage gore: “Ke nyoko go hlalefisa le go go yetetsa gore o sepele ka pata yo di nyakang o sepela ka yona. Ke nyoko go yeletsa lehlo laka le kene le go lebelele.”

⁵ Go na le lenaba la go ba le matšhika lo le nyakang go šašisa senghana sa rune le Modimo. Mara Jehova yene o nyaka go re lamolela. (Bala Pisalema 55:22.) Ke rune banghana ba Jehova, byalo re mmerekela ka dipelo tsa rune di felegelele. Le mo re hlakana le tsa go kwisa baba, re fo dula re tshepega mo gage. Fote re mo tshepa go fo tshwana le ka mokgo go makiyeng mopisalema. O ngwadiye ka Jehova gore: “Ka taba la gore yene o ka ho letsogong laka la go ja, nka sa ro tekateka.” (Pisalema 16:8; 63:8) Sathane o maka byang gore tsa go ba banghana ba Modimo di šaše?

SATHANE WA LEBA

6. Sathane o yye a bolabolela batho matsaka mafeng?

⁶ Ga Tema 11, re tšhutiye gore Sathane o lebele Jehova, a mmolabolela matsaka ya gore o ganela Adamo le Efa gore ba tikgetele tso bona ba bonang go le tsa go bafala le tsa go befa. Baebele mo ga puku ya Jobo yi re tšhutisa ka Sathane gore o yye a lebela batho bo ke mo ba nyaka go ba banghana ba Modimo. Sathane o re batho ba berekela Modimo ka taba la gore go na le so a nyoko ba neyang sona, o re a ba mmerekele ba di nyaka. Fote Sathane o re yene a ka di kgona go maka gore motho ye mongwana le ye mongwana a jikele Modimo. Tla re boneneng gore re ka tšhuta ying ga Jobo, re nyoko boneng le gore Jehova o yye a mo lwela byang.

7, 8. (a) Jehova ke mo a tikwa byang ka Jobo? (b) Sathane o yitseri king ka Jobo?

⁷ Jobo yewa ke mo go le mang? Ke mo go le monna wa go loka wa gore o phidiye 3 600 ya mengwaga ya go fela. Jehova o yitseri ka dinako tsotsone ke mo go se na motho wa go tshwana naye ho lefaseng. Jobo ke mo a hlompa Modimo ka matla fote a nyenya go maka tsa go befa. (Jobo 1:8) Eya, Jobo ke mo go le monghana wa Jehova wa mannete.

⁸ Sathane o yye a re Jobo o berekela Modimo ka taba la gore go na le so a se nyakang. Sathane o yitseri ga Jehova: “Anthe a yi wene o yageleleng yene le ba mutši wage ka legora [kela terata], wa yagelela le se sengwana le sengwana so a nang naso? O mo rufiye ga se sengwana le se sengwana so a se makang, fote morape wage wo tlalaganne naga yo ka moka. Mara, gana byalo, o fo wolola letsogo lago o tikise se sengwana le se sengwana so a nang naso, o ko mmona o nyoko go rogelela wa sa tshepe.”—Jobo 1:10, 11.

9. Jehova o yye a dumela gore Sathane a make ying?

⁹ Sathane o fo mo thoma ga Jobo yewa wa batho, a re mo a berekela Jehova, go na le so a se nyakang. Sathane o hlayye le tsa gore a ka mo maka ga Jobo gore a lesetse go berekela Jehova. Jehova aa yema naye ga Sathane, mara o yye a fo mo lesetsa gore a tiponele so ka nnetennete se makang gore Jobo a nghanelane le Modimo le gore nje ka nnete o kwana naye kela byang.

SATHANE O THOMISA GO KWISA JOBO GO BABA

10. Sathane o yye a kwisa Jobo go baba byang, mara Jobo yene o yye a maka byang?

¹⁰ Sa mathomo, Sathane o yye a maka gore diphoofolo ka mokana ga tsona tsa Jobo ba di yetswe kela ba di bolaye. A boya fote yene Sathane a bolayetsela malata ya go tlala ya Jobo. Jobo a šala a hloka a hloka. Mo Sathane a napa a totometsa mola ga go baba, o yye a bolaya lesome la bana ba Jobo ka sedingwane. Mara Jobo o yye a fo dula a mo ngangarele ka go tshepega ga Jehova. “Ga dilo tsowa ka mokana ga tsona, Jobo a sanka a sinya kela go thomela Modimo matsaka ya gore aa maka gabutši.”—Jobo 1:12-19, 22.

11. (a) Sathane o mo makiye ying se sengwana ga Jobo? (b) Jobo yene o yye a maka byang?

¹¹ Sathane ke mo a soko fetsa. O yye a šuhlašuhla Modimo a mmotsa gore: “Mo teye lešapo a kwe go sasamela ho nameng, ke ya go botsa o nyoko go rogelela wa sa tshepe.” Ke mokane Sathane a leyela Jobo bolwele byo bongwana bya go baba ka matla. (Jobo 2:5, 7) Le gana mowa, Jobo a fo dula a tshepega ga Jehova. O yitseri: “Nko šinya ke kgwa [kela, nka sa lesetse go ba] nkene ke tshepega!”—Jobo 27:5.

12. Jobo o šupetsiye ka ying gore Sathane o na le matsaka?

¹² Jobo ke mo a sa tšibi selo ka tso Sathane a di makang le gore ke ntaba a kwisiwa go baba ka mokgo. Ke mo a fo nagana gore ke Jehova a mo leyelang dilo tsowa. (Jobo 6:4; 16:11-14) Mara, Jobo o yye a fo dula a tshepega ga Jehova. Ke mo di fo ba lekgwaying. Jobo ke mo a sa berekele Modimo ka taba la gore o lebelele se sengwana. Ke mo a mo nyaka ka matla ga Modimo, a šinya a ba monghanage. Sathane ke mo a mmolabolela matsaka!

13. Taba ya go tshepega ga Jobo yi felele kaye?

¹³ Jobo ke mo a sa tšibi gore go makega ying ku legedimong, mara o yye a fo dula a tshepega ga Modimo ke mokane gwa napa go šupetsa gore Sathane o na le pelo ye phifadu. Jehova o yye a mo rufa ga Jobo ka taba la go ngangarela senghana so sa bona, sa sa šehle.—Jobo 42:12-17.

PHELA LE WENE SATHANE WA GO ŠUHLAŠUHLA

14, 15. Sathane o re king mo a šele a šuhlašuhla batho ka mokana ga bona, banna le basadi?

¹⁴ O ka tšhuta taba ye kgolo ga so se yyeng sa makegela Jobo. Lekgono, Sathane o re rune re berekela Jehova ka taba la gore re lebelele gore O nyoko re neya se sengwana. Ga Jobo 2:4, Sathane o yitseri: “Motho o nyoko go neya se sengwana le se sengwana so a nang naso gore a thogo phonisa lephelo lage.” Byalo, Sathane o re a yi Jobo a ntoši, o re batho ka mokana ga bona, banna le basadi, ba berekela Modimo ba lebelele se sengwana. Mo go šele go fitiye mengwaga ya go tlala Jobo a kgwile, Sathane ke mo a sa na a šuhlašuhla Jehova a boya a lebela le malata yage. Mo re beyisa, ga Diyema 27:11, re bala gore: “Morwayi, hlalefa, o make gore pelo yaka yi jabole, gore ke thogo fetola ye a nšuhlašuhlang [kela, a nrogelelang].”

¹⁵ O ka hlawola go theetsela Jehova wa boya wa ro ba monghana wage wa go tshepega, wa napa o šupetsa gore Sathane o na le matsaka. Le mo di ka fo nyaka gore o tšhentšhe dilo tsa go tlala lephelong lago gore o thogo ba monghana wa Modimo, o ka sa tisole ka sepheto sone sa gabutši so o nyoko bang o se segelele! Sepheto sone a yi taba ya go kgana. Sathane o re mo wene o tlela ke mathata, o nyoko lesetsa go tshepegela Modimo. O leketsa go re fokola gore re sa tshepege ga Modimo. O di maka byang tsotsone?

16. (a) Ke mekgwa yifeng ye mengwana yo yi berekisang ke Sathane mo a leketsa go tšhira batho gore ba sa nghanelane le Jehova? (b) Ke difeng dilo tso wene o bonang nkare Diyabolo a ka di berekisa mo a leketsa go go tšhira gore o sa berekele Jehova?

¹⁶ Sathane o berekisa mekgwa ya go tlala gore a thogo re tšhira gore re sa nghanelane le Modimo. O tshosetsa “go fo tshwana le tawu mo yi bopa, o nyaka go kgwisa ye mongwana.” (1 Petro 5:8) O sa makale mo banghana bago, mašaga kela batho ba bangwana ba leketsa go go lisisa go tšhuta Baebele le go maka tsa gabutši. O ka fo hlakana hlogo, o kwa nkare o lahlegiye.a (Johane 15:19, 20) Sathane fote o na le mathayithayi, o timaka “lengeloyi la go khanya.” A ka leketsa go re tshokanya, ra šinya re lesetsa go theetsela Jehova. (2 Makorente 11:14) Selo se sengwana so Sathane a se berekisang gore re sa sa nyaka go berekela Jehova ke go maka gore re kwe nkare rune tsa go berekela Modimo di ko re šiteng.—Diyema 24:10.

THEETSELA MELAWO YA JEHOVA

17. Ke ntaba re theetsela Jehova?

¹⁷ Mo re theetsela Jehova, re šupetsa gabutši gore Sathane o na le matsaka. Re nyoko gelepa king gore re theetsele? Baebele yi re: “Jehova Modimo wago o mo nyake ka pelo yago ka mokana ga yona, ka bowene byago ka mokana ga byona le ka matšhika yago ka mokana ga wona.” (Dotoronoma 6:5) Re theetsela Jehova ka taba la gore re mo nyaka ka matla. Mo re kene re ya mahlong re kwana naye ga Jehova, re nyoko kwa di re tšhofa gore re make dilo ka mokana ga tsona tso a nyakang re di maka. Johane wa lepostola o ngwadiye gore: “So re šupetsang ka sona gore ga Modimo re ya mo nyaka, ke mo re theetsela melawo yage; fote melawo yage a yi robe.”—1 Johane 5:3.

18, 19. (a) Ke difeng dilo tse dingwana tso Jehova a reng a di gabutši? (b) Re tšiba ka ying gore Jehova aa re kgopele dilo tsa gore re ka sa di kgone?

¹⁸ Ke difeng dilo tse dingwana tso Jehova a re botsang gore a di gabutši? Tse dingwana di hala ga lebhokisi la gore “Nyenya so Jehova a se Nyenyang.” Mathomisong, o ka bona nkare tse dingwana ga dilo tsone a di ya napa di befa. Mara mo o kene o bala ditemanyana tsa Baebele gabutši o boya o ghayela ka tsona, o ko thogo kwisisa gabutši gore mo re theetsela melawo ya Jehova, tsotsone di šupetsa gore re hlalefiye. Fote o nyoko fo kwa se sengwana se go tšhofa gore o tšhentšhe maphelelo yago. Go gongwana go maka tsotsone go ka fo sa be lola, mara mo o ka fo kekemolla ga gore go kekemme, o nyoko dula o bebiye wa boya wa jabolela go ba monghana wa Modimo wa go tshepega. (Jesaya 48:17, 18) Re tšiba ka ying gore di ya kgonega gore motho a tšhentšhe?

¹⁹ Jehova a ka sa tsoge a re kgopele go maka selo sa gore re ka sa se kgone. (Dotoronoma 30:11-14) Ke Monghana wa mannete, byalo o re tšiba go feta ka mokgo le rune beng re titšibang. O tšiba tso re kgonang go di segelela le tso re gayelang ga tsona. (Pisalema 103:14) Pawulo wa lepostola o re: “Modimo wa tshepega, fote a ka sa tsoge a le lesetsiye gore le leketsiwe la gore le šinye le šitega le go wona, mara mo le kene le leketsiwa o nyoko thula lešuba la gore le thogo tiyisela.” (1 Makorente 10:13) Di nyaka re mo tshepe ga Jehova gore o nyoko dula a re neya matšhika gore re ye mahlong re maka tsa gabutši. O nyoko go neya “matšhika ya go feta ya re ma tlwayeleng” gore o thogo tiyisela mo go nyarela tsa go baba. (2 Makorente 4:7) Mo Pawulo wa lepostola a di bona tsa gore Jehova wa mo gelepa ka dinako tsotsone, o yitseri: “Ga dilo ka mokana ga tsona, ke na le matšhika ka taba la ye a nneyang matšhika.”—Mafilipi 4:13.

TŠHUTA GO KWANA LE TSO MODIMO A KWANANG NATSO

20. Di nyaka re yekisele mekgwa yifeng, fote ke ntaba?

²⁰ Mo o nyaka go ba monghana wa Jehova, di nyaka o lesetse go maka dilo tso Jehova a reng a yi tsona, le tse dingwana. (Maroma 12:9) Banghana ba Modimo ba kwana le tso Modimo a kwanang natso. Go bolabodiwa ka bona ho ga Pisalema 15:1-5. (Bala.) Banghana ba Jehova ba kopisela gage ke mokane ba thomisa “go nyakanana, go jabola, go beba, go lefisa pelo, go ba le pelo ye butši, go loka, tumelo, go temeka le go titshwara.”—Magalata 5:22, 23.

21. O ka maka byang gore o be le mekgwa ya go tshwana le ya Modimo?

²¹ O ka maka byang gore o thogo ba le mekgwa yowa ya gabutši? Di nyaka o tšhute ka tso Jehova a di nyakang ka go bala Baebele le go kenelela ka matla mo o kene o yi bala. (Jesaya 30:20, 21) Mo o kene o maka ka mokgonone, le wene o ko tikweng gore ga Jehova o mo nyaka ka matla, fote mo o thomisa go tikwa ka mokgonone, o nyoko kwa o nabela go mo theetsela.

22. Go nyoko felela kaye mo o theetsela Jehova?

²² Taba ya go wolola lephelo lago re ka yi tshwanisa le ya mo motho a yapola dikobo tsa botala ke mokane a yapara tsa nyuwane. Baebele yi re di nyaka o “yapole bomotho bya botala” ke mokane o yapare “bomotho bya nyuwane.” (Makolosi 3:9, 10) Tsona a di lola, mara mo re karakara gore re tšhentšhe maphelelo ya rune le go theetsela Jehova, le yene o re tshepisa gore o nyoko re “rufa ka matla.” (Pisalema 19:11) Barena, kgeta go theetsela Jehova o šupetse gore Sathane o na le matsaka. Berekela Jehova, o sa make tsotsone o lebelele gore o nyoko go neya ying, mara mmerekele ka taba la gore wa mo nyaka. Ke mokane sosone se nyoko maka gore o be monghana wa Modimo wa mannete!