Ba Gore ba ‘Yengwa ba Kene ba Tiyisela,’ Jehova o ba Nyaka ka Matla

1, 2. (a) Ke ntaba re re bo ba tšhomayelang ga dipoleke tsa batho ba gore a ba thogathoge baa re tiyisa? (Lebelela sethombhe sa ka ho kgakala.) (b) Jeso o itseri king ka go tšhomayela “tšhomo ya thina le gaye”? (Lebelela setwaba.)

GO NA le sekgalabyane se sengwana le sekgekolane sa sona, ba re ke Sergio le Olinda, ba gore ke maphayona ya go dula ku United States, gana byalo ba gana ku ga bo-80 ya mongwaga. Ba bolaya ke mawoto fote baa nanankela mo ba sepela. Mara a sanka ba šepisa go maka tso ke mo ba kene ba di maka go tlogisela botala, tsa go tsogela toropong mo go tleleng batho ba segela gona ka 7 ya ka bošego. Ba dula thina le mo go yemang dibhase ke mokane ba neya batho bo ba fetang ka tsela dipuku tso di bolabolang ka tsa Baebele. Le mo ba go tlala ba sa ba tseyele hlogong, mara bokokwane bowa a ba šepisi, ba fo dula ba ngwalangwala ga bo ba ba lebelelang. Motshegare baa nanankela, ke mokane ba leba gaye. Ka bošego ka 7 ba boyela gana ku fote. Gabutšibutši sekgalabyane sowa sa go tshepega le sekgekolane sa sona ditaba tsowa tsa Mmušo ba di tšhomayela 6 ya matšatši ka beke mongwaga ka moka.

² Go fo tshwana le Sergio le Olinda, go na le magageru ya go tlala ya gore le wona ke botala ma kene ma tšhomayela dipolekeng tsa batho ba gore a ba thogathoge. Mo nkare le wene gago go ka mokg’onone, re ya go thanaka ka taba la gore le lekgono o sa tiyisele.a Ba bangwana ba go lebelele mo o kene o ya mahlong o berekela Jehova, fote ba kwa o ba tiyisa—le ba gore ke botala ba le ka mo ga Modimo. Mopotologi ye mongwana o itseri: “Mo ke sepela le magageru ba go tshwana le bobone tšhomong, tso ba di makang di napa di maka gore ke ganye di tiye. Ka mokg’o ba tshepegang ka gona di maka gore ke sa šepisi, ke tiyisele mo nkene ke tšhomayela. Tso ba di makang di ntikisa pelo ka matla.”

3. Re nyoko fetola diputsiso difeng, fote ke ntaba?

³ Gore re sa khwanyole mo ga mmereko wa rune wa go tšhomayela wo re wo neyyeng ke Jeso, tla re fetoleneng diputsiso ka ditharo ke tsowa: Ke ntaba re ka tšhoga re kgongwele? Re ka yengwa byang? Re ka gelepa king gore re ye mahlong re yengwa ka go tiyisela?

KE NTABA RE KA TŠHOGA RE KGONGWELE?

4. (a) Pawulo o yye a tikwa byang mo Majuda ma sa mo tshware tsona? (b) Ke ntaba Pawulo a yye a tikwa ka mokg’onone?

⁴ Mo nkare le wene o na le go kgongwetsa ke go tšhomayela ga poleke ya batho ba go sa thogathoge, napa o di tšiba gore mopostola Pawulo le yene di yye tsa mo makegela tsotsone. Ka nako tsa ho a na le bo 30 ya mongwaga a tšhomayela, o yye a gelepa ba go tlala gore go be malata ya Kreste. (Meber. 14:21; 2 Makor. 3:2, 3) Mara a sanka a phomelela ga Majuda gore a ma busetse dinneteng. Ba go tlala ba yye ba mo poyila ga Pawulo, ba bangwana ba boya ba mo hlorisa. (Meber. 14:19; 17:1, 4, 5, 13) Ka mokg’o Majuda ma yyeng ma mo tshwara lešidi ka gona go mo makiye ying ga Pawulo? Aa jikajika mo a hlatolla gore: “Ke bolabola nnete ka Kreste . . . ke kwa go baba go gongwana ka ho pelong gaka fote go baba hone a go pomege.” (Maroma 9:1-3) Ke ntaba Pawulo a yye a kwa ka mokg’onone? Tsa go tšhomayela ke mo a kwana natso ka matla. Mo a šinya a tšhomayelela Majuda ke mo di mmaba. Byalo mo a bona Modimo ba mo phakgela ku kgole, di yye tsa mo kwisa go baba ka matla.

5. (a) Re tšhofa king gore re tšhomayelele bayagelani ba rune? (b) Ke ntaba di sa re makatse mo re fela re tikwa re kgongwele?

⁵ Go fo tshwana le Pawulo, le rune batho bowa re ba tšhomayelela di re baba. (Mat. 22:39; 1 Makor. 11:1) Ke ntaba? Rune beng re ya di tšiba gore mo motho a kgeta go berekela Jehova, o rufiwa ka matla. Mo re nagana ka batho bo ba leng ga tšhomo ya rune, re fo fela re tipotsa re re, ‘Wa tšiba nkare nke ba di bona gore ba feta king!’ Ke taba lo re sa lesetseng go ba yeletsa gore ba tšhute dinnete ka Jehova le ka tso a nyoko di makelang batho. Gabutšibutši mo re ba tšhomayela re re: ‘Re tl’le le neya selo se sengwana sa go bafala. Se tseyeneng barena.’ Byalo mo batho ba gana so re ba neyang sona, ‘dipelo tsa rune di kwa go baba.’ Mo re tikwa ka mokg’onone, a di re gore re gayela tumelo, di šupetsa gore mmereko wowa wa go tšhomayela re wo nyaka ka matla. Le mo re fela re kgongwela, re ya mahlong re kene re tiyisela. Elena wa gore o phayonne 25 ya mongwaga o bolabolela ba go tlala ba rune mo a re: “Nna tšhomo ya mpabela. Mara wowa mmereko nka sa ro wo lesetsa.”

RE KA YENGWA BYANG?

6. Re nyoko fetola putsiso yifeng, fote re nyoko yi fetola byang?

⁶ King so se ka makang gore re šinye re tshepe gore go gongwana le go gongwana mo re ka tšhomayelang gona, re ka jabolela tšhomo? Mo re nyaka go fetola putsiso yone, di nyaka re thomise ka go lebelela dilo ka dipedi tso Jeso a tshwanisiyeng ka tsona tsa go bolabola ka go “yengwa.” (Mat. 13:23) Sa mathomo so a tshwanisiyeng ka sona ke modhriva.

7. (a) Ke bomang ba gore ba tshwanisiwa le “motho wa go gaša,” “modhriva” le “makala”? (b) Ke putsiso yifeng yo re nyakang phetolo ya yona?

⁷ Bala Johane 15:1-5, 8. O sa lebale gore Jeso o yye a botsa malata yage a re: “Papa o gadimisa ke tsotsowa, mo le ya mahlong le kene le yengwa ka matla le boya le šupetsa gore ke lune malata yaka.” Jeso o itseri Jehova ke yene “wa go gaša,” ke mokane a re yene ke “modhriva wa mannete,” malata yage wona a re ke “makala.”b Byalo malata ya Kreste ma tshwanele go yengwa ying? Ga mošupetso wowa, Jeso a sanka a bolabola gore diyengwa tsone king, mara o bolabodiye taba ye nngwana ya gore yi ka re gelepa go kraya phetolo.   

8. (a) Ga mošupetso wowa, ke ntaba tsa go yengwa diyengwa di sa bolabolele batho bo ba kenang dinneteng? (b) Jehova o meta byang ga tso a nyakang re di maka?

⁸ Mo Jeso a bolabola ka Papage, o itseri: “Lekala le lengwana le le lengwana mo gaka la gore a le yengwe, wa le kona.” Ka mantsu ya mangwana, Jehova o re tseya re le malata yage mo re yengwa. (Mat. 13:23; 21:43) Mara tsa go yengwa diyengwa ga mošupetso wowa, a di rele gore Mokreste ye mongwana le ye mongwana o tshwanele a be le motho ye a mo gelepang gore a tle dinneteng. (Mat. 28:19) Mola go le sone, ke mo di nyoko kwala nkare bo ba gore ba tšhomayela ga dipoleke tsa gore batho ba gona a ba thogathoge, ke makala ya go sa yengwe ya Jeso a ma hlayyeng ga mošupetso wage. Mara taba yone yi ka sa kwagale! Ke ntaba? Ka taba la gore a re gapeletse batho go ba malata. Go ka sa be tsona mo re ka fo thomisa go solasola malata ya Jehova re re ma tshwere tsa go kgana mara wona ma kene ma karakara ka matla. Selo se sengwana le se sengwana so Jehova a reng re se make, se ka sa re šiti.—Dot. 30:11-14.

9. (a) Ke mmereko wofeng wa gore mo re wo maka re yengwa seyengwa? (b) Ke mošupetso wofeng wo re nyoko bolabolang ka wona, fote ke ntaba?

⁹ Byalo diyengwa tso re tshwaneleng go ba natso ke ying? Mo ye mongwana le ye mongwana ga rune a karakara ka mo ga tsa Modimo, ka mokg’onone wa yengwa. Ke mmereko wofeng wo o ka šinyang o maka gore ba re motho wa “yengwa”? Ke mmereko wa go tšhomayela ditaba tsa go bafala tsa Mmušo wa Modimo.c (Mat. 24:14) Mošupetso wa Jeso wa motho wa go gaša wo yi kgahlisele gabutši taba yone. Tla re naganeneng ka mošupetso wowa wa bobedi.

10. (a) Ga mošupetso wowa, mobu le pewu di yemela ying? (b) Lehlaka la korong le yengwa ying?

¹⁰ Bala Luka 8:5-8, 11-15. Ga mošupetso wa go bolabola ka motho wa go gaša, “lentsu la Modimo” le tshwanisiwa le pewu kela ditaba tsa Mmušo. Ke mokane mobu wo tshwanisiwa le pelo ya motho. Pewu yo yi weleng mobung wa go tsefa yi fatelegiye, ya thomisa go thunya ke mokane ya gola, kela yi šinnye yi lekana le korong ka go lefa. Mo yi šele yi gudiye, yi “yenngwe tsa go tlala ga makgolokgolo.” Anthe lehlaka la korong le yengwa dilo tsa mohlobo mang? Le yengwa dikorong tse dinyana? Awwa, le ntsha pewu ya nyuwane ya gore mo yi midiye, yi segela le mo yi bang mahlaka. Ga mošupetso wowa, thoro ya pewu ka yyoši yi belegiye lekgolo la dithoro. Taba yo yi bolabolang ke mošupetso wowa yi yelana byang le mmereko wa rune wa go tšhomayela?

11. (a) Mošupetso wa go bolabola ka motho wa go gaša wo kenelana byang le mmereko wa rune wa go tšhomayela? (b) Diyengwa tsa nyuwane tsa Mmušo re di yengwa byang?

¹¹ Mo re fo tshwanisa, tla re fore mengwaga ya ku botala re yye ra tšhutisiwa ditaba tsa Mmušo ke Dihlatse kela batswadi ba rune ba Makreste. Ke mokane ba jabola mo ba bona ditaba tsone tsa go tshwana le pewu di segela di kena dipelong tsa rune. Le rune re tshwanne le mobu wela wa go tsefa wola wa gore pewu yi fatelegiye ga wona ga mošupetso wa Jeso, ka taba la gore le rune re yamogele ditaba tsowa ra boya ra di ngangarela. Sosone se maka gore pewu yowa ya Mmušo yi mele ke mokane yi gole lehlakeng, ke mokane mo nako yi kene yi ya, yi thog’o yengwa. Byalo, ka mokg’o lehlaka la korong le belegang pewu ya nyuwane, yi seng lehlaka la nyuwane, le rune re ka fore re ntsha peu ya nyuwane ya Mmušo, a re yengwe batho ba nyuwane.d Diyengwa tsa nyuwane tsa Mmušo re di yengwa byang? Ka moka nako mo re tšhomayela ditaba tso tsa Mmušo, ke setšha re yeketsa le go sabalatsa pewu yo yi gašiwweng ka mo dipelong tsa rune. (Luka 6:45; 8:1) Mošupetso wowa wo re tšhutisa gore solanka re kene re tšhomayela ditaba tsa Mmušo, re ‘yengwa re kene re tiyisela.’

12. (a) King so re ka ga se tšhutang ga mošupetso wa Jeso wa go bolabola ka modhriva le wa motho wa go buna? (b) O tikwa byang ka so re se tšhutang ga taba yone?

¹² King so re ka se tšhutang ga mošupetso wowa wa Jeso wa go bolabola ka modhriva le wa motho wa go buna? Mešupetso yowa yi re tšhutisa gore diyengwa a re di yengwe mo re ya tšhomong ke mokane batho ba segela ba jabolela ditaba tsowa. Tabataba ke gore re tshepege. Pawulo o napiye a yi kgahlisela nnete yone mo a re: “Motho ye mongwana le ye mongwana o nyoko rufiwa, di ko ya ka gore o berekiye byang.” (1 Makor. 3:8) Go rufiwa kela patela, re yi kraya ka gore re berekiye, a re yi kraye ka gore re wunyulliye ying mo re kene re bereka. Mmane ye bareng ke Matilda o na le 20 ya mongwaga a phayona, o re: “Ke fo jabodisa ke gore Jehova mo re leketsa wa di bona, ke mokane a re rufa.”

RE KA TIYISELA BYANG MO RE KENE RE YENGWA?

13, 14. Tso di leng ga Maroma 10:1, 2 di šupetsa gore ke ntaba Pawulo a sa tobela bo ne ba sa jabolele ditaba tsa Mmušo?

¹³ Re ka gelepa king gore re ye mahlong re kene re yengwa seyengwa re tiyisele? Re di bonne gore Pawulo o yye a tšeba mo Majuda ma phagela ditaba tso tsa Mmušo ku kgole. Mara aa ba tobela. Bona so a se hlayyeng ga lengwalo lo a le ngwaleleng Makreste ya ku Roma mo a ba botsa gore o tikwa byang ka Majuda, o itseri: “Tso ke di nabelang ka ho pelong yaka le tso ke ba phophotelang tsona ga Modimo ke go fore ba phone. Ka taba la gore nna ke di bonne gore bona ba šupetsa ba karakara ba nyaka Modimo, mara a ba tšibi nnete gabutši ya gore o nyakiwa byang.” (Maroma 10:1, 2) Pawulo o itseri ke ntaba a ya mahlong a tšhomayela?

¹⁴ Sa mathomo, Pawulo o hlayye gore ke ntaba a sa lesetsa go tšhomayelela Majuda. Ne a tšhofa ke gore ‘pelo yage ke mo yi di nabela.’ Ke mo a nabela gore go be le Majuda ya ma phonang. (Maroma 11:13, 14) Sa bobedi, Pawulo o itseri o ba ‘phophotele ga Modimo.’ O yye a rapela Modimo, a kgopela gore a gelepe Lejuda le lengwana le le lengwana gore le yamogele ditaba tso tsa Mmušo. Sa boraro, Pawulo o tokegele le ka gore: “Bona ba šupetsa ba karakara ba nyaka Modimo.” Ke mo a di bona gore sa go bafala sona se ka krayega mo ga batho bowa. Pawulo ke mo a di tšiba gabutši gore mo motho go le wa matšato, a ka feleletsa go le lelata la Kreste la go ba le matšato.

15. Re ka yekisela Pawulo byang? Šupetsa ka tso re ka beyisang ka tsona.

¹⁵ Re ka mo yekisela byang ga Pawulo? Sa mathomo ke gore re garagare di re baba gore re kraye bo ba ka fo bang “ba tlalele gabutši ga tsa lephelo la go ya go yye.” Sa bobedi, re rapela Jehova re mo kgopela gore a make gore nnete yi segelele dipelo tsa ba gore baa tshepega. (Meber. 13:48; 16:14) Silvana wa gore o fetsiye 30 ya mongwaga go le mošupatsela o re, “Mo ke le tšhomong ke le thina le go kena mutšing, ke thomisa ka go rapela Jehova gore a nthuše gore ke sa tobele batho.” Le rune re rapela Modimo Jehova gore a rome barongwa ba re gelepe re kraye batho ba go tshepega. (Mat. 10:11-13; Kut. 14:6) Robert, wa gore o fetsiye 30 ya mongwaga a phayona o re, “Go jabodisa ka matla go bereka le barongwa bo ba tšibang gore go makega ying ka mitšing ya batho bo re bolabolang nabo.” Sa boraro, re leketsa go lebelela tse dibutši ga batho. Carl ke mogolo wa go ba le 50 ya mongwaga a kolobetsiwwe, o re, “Ke lebelela dilo tse dinyana tso di ka nšupetsang gore motho o tlalele ka kaye, tsa go tshwana le go fo ngwalangwala, mahlong ga go yela kela mo a butsisa tsa go ya ka tsela.” Le rune re ka tshwana le Pawulo, ra tiyisela mo re kene re yengwa.

“O SA ŠEPISI”

16, 17. (a) Re tšhuta ying mo ga taba yo yi leng ga Mmolabodi 11:6? (b) Šupetsa gore go tšhomayela go ka šukunya bo ba re lebeleleng byang.

¹⁶ Le mo di šupetsa nkare ditaba tsa Mmušo tso re di bolabolang a di tikisi dipelo tsa batho, tla re sa tseyeleneng mmereko wa rune fase. (Bala Mmolabodi 11:6.) Batho ba go tlala a ba re theetsele, mara ba re lebelele. Baa re bona mo re yapara gabutši, mo re titshwara gabutši le mo re tshega nabo. Mo goya-goya, ba bangwana ba segela le mo ba tiponelang gore tso di bolabodiwang ka rune, ke matsaka. Sergio le Olinda, bo go bolabodiwweng ka bona ku mathomisong, le bona ba yi bonne taba yowa.

¹⁷ Sergio o re: “Re tsere nako re sa sa ya ku ne re tšhomayela gona ka taba la go lwala. Mo re boyela, bo ba gore ke mo ba fela ba feta-feta ba yye ba re butsisa gore, ‘Anthe ke mo le nyamalele kaye? Ke mo re le hlologele.’” Olinda le yene o bolabola a kene a ngwalangwala o re: “Didhrayiva tsa dibhase ke mo di ro šinya di re yemisela le matsogo, ba bangwana ke mo ba re yahlamela ba re, ‘Le yi tshwere!’ Ba yye ba ro kgopela le dipuku.” Sa go napa se makatsa mokgalabye yewa le mokgekolo wage ke gore monna ye mongwana o yye a fo tla a tshwere setšhotšho sa mabhlomu, a segela a ba neya, a re o leboga mmereko wo ba wo makang.

18. Ke ntaba o nyaka go ya mahlong o ‘yengwa o kene o tiyisela’?

¹⁸ Nnete ke gore solanka “re sa šepisi” ga taba ya go gaša pewu ya Mmušo, re nyoko ba re tšhediye letsogo ‘gore ditšhaba ka moka di tiponele.’ (Mat. 24:14) Ga dilo tsowa ka mokana ga tsona, re jabola stereka mo re tšiba gore re jabodisa Jehova, fote ba go ‘yengwa ba kene ba tiyisela’ o kwana nabo ka matla!