Nje o di Kwelele?

Mmereko wa motho wa go wokamela ne go le ying ku botala?

KU BOTALA, motho wa go wokamela, ke mo go le yene ye a lebelelang gore dilo tsa ka mo gaye di dulisegiye kela a pasopela motho ye mongwana diphahlo tsage. Mmolabolo wa Seheberu le Segerika mo wo hlatolla “motho wa go wokamela” ka dinako tse dingwana wo ba wo bolabolela motho wa go pasopa dilo kela ye mogolo wa go lebelela dilo tsa ka gaye.

Nakwela Josefa, morwayi wa Jakobo, go le lebhantiti ku Egepita, go yye gwa feleletsa go le yene a wokamelang dilo ka mutšing wa Kgoši. Gabutšibutši, kgoši yage ya Egepita ke mo yi “lesetsiye dilo ka mokana ga tsona gore Josefa go be yene a di pasopang.” (Gen. 39:2-6) Mo go segela nako ya gore Josefa go be yene ye a lawolang dilo tsa go tlalanyana ku Egepita, le yene o yye a kgeta motho wa go wokamela gore a pasope tsa ka mutšing wage.—Gen. 44:4.

Nakwela Jeso a le mo lefaseng, bo ba gore ke mo ba na le mašemo ya magolo ke mo ba dula ditoropong kgole le mašemo ya bona. Byalo, ke mo ba kgeta batho ba go wokamela gore ba dule ba lebelele mmereko wo wo makiwang ke bo ba berekang ku mašemong ka moka matšatši.

Ne go kgetiwa motho wa mošaga mang gore a wokamele dilo? Morene mongwana wa Leroma wa gore ke mo a ngwala dipuku ye ba reng ke Columella, o yye a bolabola gore motho ye a kgetiwang gore a wokamele dilo ke mo di nyaka a be “a tšhutiye go maka mmereko gabutši.” Go tshwanele go ba motho wa gore o ko “bona gore bo ba berekang ba maka mmereko wa bona gabutši fote a sa tshware dibereki bošidi.” O tokegele ka gore: “Se segolo so ye a wokamelang a tshwaneleng go se maka ke gore a sa nagane gore wa tšiba le mo a sa tšibi selo, fote o tshwanele a tikemisele go tšhuta dilo tsa nyuwane.”

Lentsu la Modimo le tshwanisa mmereko wo wo makang ke ye a wokamelang le mebereko yo yi makiwang ka ho phutegong ya Sekreste. Mo re beyisa, Petro wa lepostola o hlohletsele Makreste gore ma berekise tso Modimo a ma neyyeng tsona gore ma thogo ‘gelepana go fo tshwana le batho ba go wokamela ba gore ba šupetsana ka mokgo Modimo a kwelanang go baba ka gona.’—1 Pet. 4:10.

Ga mošupetso wo go bolabodiwang ka wona ga Luka 16:1-8, Jeso o beyisiye ka motho wa go pasopa dilo. Go tokegela gana hone, ga seporofeto sa go bolabola ka mo Jeso go šele go le Kgoši, o yye a tshepisa bo ba mo latelelang gore o nyoko maka gore go be le “lelata la go tshepega le la go hlalefa,” kela “motho wa go pasopa dilo.” Ye wa go pasopa dilo, ke mo a nyoko maka gore bo ba latelelang Kreste ba dule ba tšhutisiwa ka Modimo ga nako yo ya mafelelo. (Mat. 24:45-47; Luk. 12:42) Di re jabodisa ka matla gore le rune re kraya dikgatiso tso di makiwang ke ye wa go pasopa dilo gore di krayege lefaseng ka mokana ga lona.