Go Tšhuta ga Mešupetso ya Gabutši go Makiye Gore ke Rufege ka Matla

Ke belegiwwe Quebec City ga phrovensi ya gore go dula batho ba Canada ba gore ba bolabola Sefora. Ke gudisiye ke babelegi baka, Louis le Zélia, ba gore ke mo ba na le dipelo tsa go bafala fote ba nnyaka ka matla. Papaka ke mo go le motho wa dihlong fote a kwana le go bala. Ke mo ke kwana le go ngwala fote ne ke nabela gore letšatši le lengwana ke be motho wa go ngwala le go bega ditaba.

Mo ke na le gana hala ga bo 12 ya mengwaga, morene mongwana ye ba reng ke Rodolphe Soucy wa gore ke mo a bereka le papa, o yye a re vakašela a na le banghana bage. Ke mo go le Dihlatse tsa Jehova. Ke mo ke sa tšibi tsa go tlala ka Dihlatse fote ke mo go se na so se njabodisang ka sedumedi sa bona. Mara, ne ke jabodisa ke ka mokgo ba fetolang diputsiso ba berekisa Baebele. Babelegi baka ke mo ba jabodisiye ke taba yone ke mokane ba dumela go tšhutisiwa Baebele.

Ka nako yonone, ke mo ke kena sekolo sa Makhatolika. Ke mo ke fela ke bolabodisana le bo nkenang nabo ka tlelaseng ka tso ne ke di tšhuta ka ho Baebeleng. Di so yi kgole, mathitšere ya gore ke mo go le baruti ma yye ma yi kwelela taba yone. A sanka ba ntsha Mangwalo ya go šupetsa gore tso ke di bolabolang a yi tsona mara ye mongwana wa bona o yye a fo nlebela a re hlogo yaka a yi tseyi gabutši, gana mone gare ga batho ka tlelaseng! Taba yone yi yye ya nkwisa go baba, mara sosone se yye sa n’gelepa gore ke thogo di bona gabutši gore tso ba di tšhutisang sekolong sa sedumedi a di yelane le tso Baebele yi di tšhutisang. Ke napiye ke di bona gore a ke nyakege hone sekolong sone. Babelegi baka ba yye ba sa gane gore ke tšhentšhe sekolo.

GO TŠHUTA GO KWANA KA MATLA LE MMEREKO WA GO TŠHOMAYELA

Ke yye ka ya mahlong ke tšhuta Baebele, mara ke mo ke sa tišupetsi gore ke ya kaye ga tso tsa Modimo ka taba la gore ke mo ke tšhaba go tšhomayela mutši ka mutši. Kereke ya Khatolika ke mo yi le kotsi ga taba ya go kutšetsela batho fote ke mo yi phigisa ka matla mmereko wa rune wa go tšhomayela. Morene mongwana ye ba reng ke Maurice Duplessis wa gore ke mo go le moyetamahlong wa tsa dipolotiki ku Quebec, ke mo a berekisana ka matla le ba dikereke. O yye a thega bo ba go phigisa gore ba hlorise Dihlatse ba boye ba di kutulugele. Nnete go tšhomayela ka nako yonone ke mo di nyaka lešiši.

Mogageru ye mongwana ye a yyeng a n’gelepa gore ke hlule taba ya go fo tšhogatšhoga ke mogageru John Rae wa gore ke mo a le ga tlelase ya bo 9 ya Sekolo sa Gilead. Mogageru John wa gore ke mo a tšiba dilo ka matla, ke mo go le motho wa go tinyanafatsa fote a kenega. Ke mo a sa dulele go nšupetsa dilo tsa gore a ke di make gabutši, mara yene ke mo a fo maka tsa gore di gabutši ke mokane nna ke tšhuta ga tsotsone a di makang. John ke mo a sa di kgone gabutši go bolabola Sefora, byalo ke mo ke dula ke sepela naye tšhomong fote ke mo gelepa ka mmolabolo wone. Go tseya nako ke bereka le John go n’gelepiye gore ke feleletse ke segelele sepheto sa gore le nna ke be Hlatse ya Jehova. Mo go šele go fitiye 10 ya mengwaga ke hlakanne le Dihlatse, ke yye ka kolobetsiwa ka di 26 tsa May 1951.

Phutego ya rune ye nyana ya ku Quebec City ke mo yi na le mašupatsela ya go tlala. Ke yye ka kgona go kena mmerekong wa go ba mošupatsela ka taba la gore ke mo ma nhlohletsela gabutši. Ku botala ke mo re tšhomayela mutši ka mutši re berekisa Baebele yi ntoši. Ke mo re sa berekisi dipuku tsa go hlatolla Baebele, byalo ke mo di nyaka re be digele mo re berekisa Baebele. Ke yye ka maka gore ke tlwayelane le ditemanyana tsa Baebele gore ke yemelele nnete. Mara, ba go tlala ke mo ba sa nyake go bala Baebele mo nkare Kereke ya Khatolika a ya yi dumelela gore yi berekisiwe.

Ka 1952, ke yye ka tseya mosadi wa go tshepega ye ba reng ke Simone Patry wa gore ke mo a dula gana mo Quebec. Re yye ra rurela Montreal ke mokane mo go soko fela mongwaga, re yye ra rufiwa ka ngwana wa ngwannyana ra re ke Lise. Le mo ke yye ka lesetsa go ba mošupatsela mo go šele nako ye nyana gore re tseyane, nna le Simone re yye ra leketsa go phela lephelo la lula gore re thogo maka tsa go tlala ga mebereko ya ka ho phutegong re le ggoši.

Go yye gwa feta 10 ya mengwaga ke soko bane ke nagana fote ka go ba mošupatsela. Ka 1962 mo ke le ga Sekolo sa bagolo ku Bethele ya Canada sa gore se tseyye kgwedi ka moka, nna le mogageru Camille Ouellette ke mo re dula ka kamareng ka yyoši. Ke yye ka jabodisa ke go bona gore mogageru Camille ke mo a tineyele ka matla ga mmereko wa go tšhomayela, ka ho thoko a kene a na le mosadi le ngwana wa mošomanyana . Ku botala ke mo di sa tlwayelega ku Quebec go ba mošupatsela ka ho thoko o kene o gudisa bana, mara sosone ke sona so mogageru Camille ne a nyaka go se segelela. Mo re kene re duli ggoši, o yye a maka gore ke nagane ka seyemo saka. Mo go šele go fitiye dikgwedinyana, ke yye ka di bona gore nka kgona go boyela ke ba mošupatsela. Ba bangwana ke mo ba nagana gore a ke ya di bala gabutši, mara ke yye ka fo maka so ke se naganneng, ka taba la go tshepa gore Jehova o nyoko rufa tso ke di makang ga mmereko waka wa go ba mošupatsela.

GO BOYELA NTHAGO QUEBEC CITY RE LE MAŠUPATSELA YA GO HLAWOLEGA

Ka 1964, nna le Simone ba yye ba re kgeta gore re be mašupatsela ya go hlawolega ke mokane re berekele Quebec City mo re tšwang gona, gana mone re yye ra bereka mengwaganyana. Ka nako yonone, mmereko wa go tšhomayela ke mo wo hlohlotela, mara ke mo go sa na le batho ba go re phigisa.

Ka malobana wa Mokibela wo mongwana, ba yye ba ntshwara ke le ga toropo ye nyana ya ku Sainte-Marie ya gore a yi kgole le Quebec City. Lephodisa le yye la nkisa maphodiseng ke mokane ba mfošela jele ka taba la gore ke mo ke tšhomayela mutši ka mutši ke sa tshwara lephephe la go ndumelela gore ke tšhomayele. Ka nthagonyana, ba yye ba nkisa ga wa go yahlola melato ye ba reng ke Baillargeon, wa gore ke mo a kwana ka matla le go tshosetsana. O yye a mputsisa gore loyara yaka ke mang. Mo ke fetola ke re ke Glen How,a taba yone yi yye ya mo tshosa ka matla, ke mokane a re: “Ye lune! O re mang?” ka taba la gore ke mo go le loyara ya go tšibega ka matla ya gore ke Hlatse. Ka dinako tsotsone Glen How ke mo a tšibega ka go kgona go yemelela Dihlatse tsa Jehova ga dilo tsa go sipidisana le molawo. Khota yi yye ya yakgoswa yi mpotsa gore a ke sa na molato.

Taba ya gore mmereko wa rune wa go tšhomayela ke mo wo phigisiwa ku Quebec yi makiye gore di sa be lula go kraya poleke ya gore re thogo tshwara megahlano ya rune. Phutego ya rune ye nyana yi yye ya kgona go fo kraya poleke ya gore ke mo go beyiwa koloyi ga yona ya gore yi hlagele fote ya bata. Gore go thogo belabela mo go le marega, magageru ke mo ma berekisa hitara ya gore yi bereka ka oyili. Ga go tlala ke mo re thoma ka go dula fase re kgobakela hitara yone diawaranyana mo re soko bane re thoma megahlano gore re thogo bolabola ka tso di re makegeleng tsa gore di ka tiyisa ba bangwana.

Di jabodisa ka matla go bona ka mokgo mmereko wa go tšhomayela wo yyeng wa hlohlotela ka gona mo mengwaga yi kene yi ya. Ku nthago ka bo 1960, ke mo go na le diphutego tse dinyana ku Quebec City ga poleke ya Côte-Nord le Gaspé Peninsula. Re bolabola re yitsa, go na le medukulugo ya go feta ka mmedi ga dipoleke tsone fote magageru ma gahlanela ga Diholo tsa Mmušo tsa go bafala ka matla.

GO NEYIWA MMEREKO WA GO BA MOPOTULUGI

Nna le Simone ba yye ba re kgopela gore re make mmereko wa go potologa ka 1970. Ke mokane ka 1973 ba yye ba re neya mmereko wa go pasopa medukulogo ye mengwana. Ga mengwaga yonone, ke tšhutiye tsa go tlala ga magageru ya go kgona go maka mmereko gabutši ba go tshwana le Laurier Saumurb le David Splanec ba gore le bona ke mo ba maka mmereko wa go potologa. Ka nthago ga mogahlano wo mongwana le wo mongwana wo mogolonyana, nna le David ke mo re bolabola ka dilo tso re ka di makang gore re thogo ba digele ga taba ya go tšhutisa. Ke sa gopola ka nako yo mogageru David a mputsiyeng gore: “Léonce, polabolo yago ya mafelelo ke mo yi natefa. Ke mo yi jabodisa, mara nna ga dilo tso o bolabodiyeng ka tsona nke ke makiye dipolabolo ka ditharo!” Ke mo ke tšhela dilo tsa go tlala ga dipolabolo tsaka. Ke mo di nyaka gore ke sa tšhele dilo tsa go tlala ga dipolabolo tsa ka fote yi kwale.

Bo ba wokamelang medukulugo ke mo ba neyiwwe mmereko wa go tiyisa bapotulugi. Mara, batšhomayedi ba ku Quebec ke mo ba ntšiba ka matla. Ke mo ba dula ba nyaka gore ke bereke nabo tšhomong mo ke vakašele medukulugo ya bona. Go ya tšhomong nabo ke mo di jabodisa ka matla, mara ke mo ke tseya nako ye nyana ke na le mopotulugi. Di yye tsa makega gore mopotulugi ye mongwana a n’gopotse gore: “Di gabutši ka matla gore o tseye nako o na le magageru ya mangwana, mara o sa lebale gore o vakašele nna beke yowa. Phela le nna ke ya di nyaka go tiyisiwa!” Taba yone yi ntšhutisiye tsa go tlala ka matla.

Sa go kwisa go baba ke gore mongwaga wa 1976 wo re leyele tsa go baba tsa gore ke mo re sa di nagana. Mosadi waka Simone, o yye a lwala ka matla ke mokane a feleletsa a hlokofele. Ga Jehova ke mo a mo nyaka ka matla fote go le motho wa go sa tinaganele a ntoši, tsotsone di makiye gore go be mosadi wa gabutši ka matla. Go dula ke tshwaregiye ga tso tsa Modimo go n’gelepiye gore ke thogo tiyisela taba ya go hlokofalela ke mosadi fote ke leboga Jehova gore o nthegiye ka dinako tsotsone tsa go baba ka matla. Ka nthago ke yye ka tseyana le Carolyn Elliott wa gore ke mo go le mogageru wa mosadi wa go ba le matšato, wa go bolabola Sekgowa fote a tlele go bereka ga poleke ya gore yi gayela batšhomayedi ku Quebec. Carolyn wa kenega fote o kwana ka matla le batho, ka matlamatla ba gore ba na le dihlong kela ba gore ba fo tikwa ba bolaya ke bodutu. Mo re thoma go bereka ggoši ga mmereko wa go pasopa medukulugo, o yye a n’gelepa ka matla.

MONG WONA MONGWAGA

Ka January 1978 ba yye ba nkgopela gore ke tšhutise ga Sekolo sa Mašupatsela sa gore ke mo go nyoko ba sona sa mathomo ku Quebec. Ke mo ke hlagasela ka taba la gore, a sanka ka ya sekolong sa mošaga wonone fote le puku yo yi berekisiwang ne ke so yi bone, byalo dilo ka moka ne go le tsa nyuwane gaka le ga bo ne di nyaka gore ke ba tšhutise. Sa go jabodisa ke gore tlelase yone ke mo yi na le batho ba gore ke botala go le mašupatsela. Le mo ne go le nna ye ke tšhutisang mara ke yye ka tšhuta tsa go tlala ga bo ne ke ba tšhutisa!

Ka nthagonyana ka 1978 Mogahlano wo Mogolo wa Batho ba Mafase ya Mehlobohlobo wa hlogotaba ya gore “Victorious Faith” (Tumelo ya go Kgona go Hlula) wa gore ke mo wo tshwarediwwe Setediyamo sa ku Montreal’s Olympic. Wone ke mo go le mogahlano wo mogologolo wa mathomo ku Quebec wa gore ke mo wo na le batho ba go teya ka ku ga 80 000. Ga mogahlano wone ke mo ba nkgopele gore ke bereke le Ba go re Begela Ditaba. Ke bolabodiye le ba go tlala ba go bega ditaba fote ke jabodisiye ke go bona gore ba ngwadiye ditaba tsa go tlala tsa gabutši ka rune. Ba yye ba bolabodisana le rune ga TV le ga wayilesi go feta 20 ya diawara fote ba sabalatsa dihlogotaba tsa go tlala ka matla. Ke mo go tšhomayediwwe la go sa hlayisege!

GO YA GO BEREKA TŠHOMO GA POLEKE YE NNGWANA

Selo se segolo so ne ke tshwanele ke se tšhentšhe se tlile ka 1996. Ka nthago ga gore ke bereke ku Quebec ga gore go bolabodiwa Sefora go tloga ka nako ya mo ke kolobetsiwa, byalo ba yye ba nkgopela gore ke bereke medukulugo ya ku Toronto ya gore go bolabodiwa Sekgowa. Ke mo ke bona nka sa di kgone fote ke tšhaba go beya dipolabolo ka taba la gore ke mo ke sa kgone go bolabola Sekgowa gabutši. Ke mo di nyaka gore ke rapele ke sa fetse fote ke tshepele ga Jehova ka matla.

Nnete ke gore mo ke thoma go bereka ga medukulugo yone, ke mo ke šekela, mara gana byalo ke jabolela gore ke fetsiye mengwaga ka mmedi ke bereka polekeng ya Toronto. Carolyn o n’gelepiye gore ke thogo bolabola Sekgowa ke šišimele fote le magageru ke mo ma nthega ma boya ma ntiyisa. A ra tseya nako gore re be le banghane ba nyuwane.

Go tokogela ga dilo tsa go tlala tso ne re tshwanele re di make le taba ya go lukiselela mogahlano wo mogolonyana, ga go tlala ke mo ke ya tšhomong awara ka yyoši ka labohlano. Di ka makega gore ba bangwana ke mo ba tiputsisa gore ‘Ke ntaba a maka ka mokgonone yi le gore ka motshwana ke letšatši la mogahlano?’ Mara, ke di bonne gore go bolabola le batho ku tšhomong ke mo go ntiyisa. Le lekgono lowa, ke jabola ka matla mo ke tšwa tšhomong.

Ka 1998, nna le Carolyn ba yye ba re kgopela gore re ye bereka ku Montreal re le mašupatsela ya go hlawolega. Mengwaganyana yo yi fitiyeng, ba nkgopele gore ke make gore mmereko wa go bona gore go tšhomayela ga dipoleke tsa batho ka moka wo sepela gabutši le go lukisa ka mokgo batho ba tseyang mmereko wa Dihlatse tsa Jehova. Nna le Carolyn re jabolela go tšhomayelela batho ba go tšwa ga dinaga tse dingwana ba gore a yi botala ba rurele Canada le ba gore ba kwana le go tšhuta tsa go tlala tso di leng ka ho Baebeleng.

Mo ke lebelela ga 68 ya mengwaga yo yi fitiyeng ke le lelata la Jehova la gore le kolobetsiwwe, ke di bona gabutši gore nnete ke rufegiye. Go tšhuta go jabolela mmereko wa tšhomo le go gelepa batho gore ba tšibe nnete di makiye gore ke jabole ka matla. Mo morwediya waka Lise le monnage ba šele ba gudisiye bana, ba yye ba kena ga mmereko wa go ba mašupatsela ya nako ka moka. Go bona Lise a na le matšato tšhomong di maka pelo yaka gore yi fo re tswee. Ke leboga ka matla magageru ya Makreste ya ma n’gelepiyeng ka tse dibutši tso ke mo ma di maka le go mpotsa mo di nyakang ke lukisa gona gore senghana saka le Modimo se thogo tiyelela fote ke mmerekele ka mekgwa ya go tlala. Ke di bonne gabutši gore re ka kgona go dula re tshepega ga mmereko wo re neyiwweng wona mo re ka fo dula re tikokotlela ka moya wa Jehova wa go hlawolega. (Pis. 51:11) Nko fo ya mahlong ke leboga Jehova gore o mmakiye gore ke thogo gadimisa lebitso lage!—Pis. 54:6.