Le Nyakanane tsa Mannete

1. Ke taba yifeng ya go kwala yo Jeso a yyeng a yi botsa malata yage? (Lebelela sethombhe sa ka tawong.)

BOŠEGO bya mo Jeso a soko kgwa, o yye a botsa malata yage taba ye nngwana. O ma butsiye gore: “Go fo tshwana le mo nna ke le šupetsiye gore ke le nyaka ka matla, le lune le nyakaneneng ka matla.” Ke mokane a tokegela ka gore: “Batho ka mokana ga bona ba nyoko le tšiba ka tsotsone gore ke lune malata yaka—mo le šupetsana gore le nyakanana ka matla.”—Joh. 13:34, 35.

2. Ke ntaba go le gabutši ka matla gore re šupetse gore re ya nyakanana?

² Jeso o yitseri malata yage ya mannete ma nyoko bonala gabutši mo nkare ma nyaka batho ba bangwana ka matla go fo tshwana naye. Go tlugisela ku botala taba yone go le nnete, le lekgono lowa go sa fo ba nnete. Nka taba lo go leng gabutši ka matla gore re nyakanane le mo go thathafa!

3. Ga hlogotaba yowa, re nyoko tšhuta ka ying?

³ Taba ya gore a ra yenela gabutši ho mmeleng yi maka gore go sa be lula go šupetsana gore re nyakanana tsa mannete. Mara di nyaka re leketsa ka matla go yekisela Kreste. Ga hlogotaba yowa, re nyoko tšhuta ka mokgo go nyakanana go ka re gelepang gore re kwane le go beba, re sa hlawole motho fote re yamogele divakaši. Mo o kene o tšhuta taba yowa, tiputsise gore: ‘King so nka se tšhutang ga magageru ya gore ma fo ya mahlong ma kene ma šupetsa gore maa nyakanana le mo go thathafa?’

KWANA LE GO BEBA

4. Matewu 5:23, 24, yi re ke ntaba di nyaka re make gore go bebe mo re sa fitisana gabutši le mogageru ye mongwana?

⁴ Jeso o re tšhutisiye taba ye kgolo ka matla ya gore ke ntaba di nyaka re kwana le go beba mo nkare a ra fitisana gabutši le mogageru ye mongwana. (Bala Matewu 5:23, 24.) O yi šihlele ka gore mo nkare re nyaka go jabodisa Modimo, di nyaka re gotetse senghana sa gabutši le batho ba bangwana. Jehova o jabola ka matla mo re maka so re se kgonang gore re kwane le magageru. A ka sa yamogele merapelo ya rune mo nkare re dula re kwatelanne fote re sa nyake go maka gore go bebe.—1 Joh. 4:20.

5. King so se yyeng sa maka gore mogageru ye mongwana a kwe di roba go maka gore go bebe?

⁵ O ka kraya go se lula go maka gore go bebe. Ke ntaba? Lebelela so se makegeleng Mark.b O yye a kwa go baba ka matla mo mogageru ye mongwana a mo poyila fote a bolabola dilo tsa go befa ka yene ga ba bangwana ka ho phutegong. King so Mark a yyeng a se maka? Mo a gopola o re: “Ke yye ka fo phašoga ke mokane ka kwata.” Mara mo a šele a phohliye, o yye a tisola ka tso a di makiyeng ke mokane a kgopela tshwarelo ga mogageru le go maka gore ba kwane. Mara mogageru yene ke mo a sa di kene tsa Mark. Mathomisong, Mark ke mo a nagana gore, ‘Anthe ke tihlupela ying ka taba la gore mogageru yewa aa kwane le tsaka?’ Mara mopotulugi o yye a mo tiyisa gore ga taba yone a sa šepisi. Mark o yye a maka ying?

6. (a) Mark o yye a lelekisana le go maka gore go bebe ka mokgo mang? (b) Mark o le berekisiye byang lengwalo la Makolosi 3:13, 14?

⁶ Mo Mark a tinyakolla, o tiponne gabutši gore aa napa a tinyanafatsa fote o titseya nkare yene ke yene wa go loka go phala ba bangwana. O napiye a di bona gore di nyaka a tšhentšhe mekgwa yage. (Makol. 3:8, 9, 12) O yye a rola magetla a ya ga mogageru yela ke mokane a kgopela tshwarelo ga tso a di makiyeng. Mark o yye a boya a ngwalela mogageru yene borifi bya go šupetsa gore o tisola ka matla a boya a ro kgopela gore ba boye ba nghanelane. O yye a boya a neya mogageru selo se sengwana se senyana a fo re kela o nyoko se jabolela aritši. Sa go babisa pelo ke gore mogageru yene o yye a fo ya mahlong a kene a tubiye. Le mo go le ka mokgonone, Mark o yye a fo ya mahlong a theetsela so Jeso a se bolabodiyeng ga taba ya go kwana le mogageru ka matla le ga taba ya go tshwarelana. (Bala Makolosi 3:13, 14.) Le mo ba bangwana ba ka sa yi kene taba ya rune ya go nyaka go maka gore go bebe, go nyakanana ga Makreste ya mannete go nyoko re gelepa gore re ye mahlong re kene re tshwarelana fote re rapelele taba yone.—Mat. 18:21, 22; Magal. 6:9.

7. (a) Jeso o yitseri di ka ba gabutši mo re maka ying? (b) Mogageru ye mongwana wa mosadi o yye a hlakana le tsa go roba tsa mošaga mang?

⁷ Jeso o hlayye gore re ye mahlong re tshwara batho ba bangwana ka mokgo le rune re nyakang ba re tshwara ka gona. O yye a tokegela ka gore re sa fo nyaka bo ba re šupetsang gore le bona baa re nyaka. (Luk. 6:31-33) Byalo mo nkare ye mongwana ka ho phutegong aa nyake le go go tamisa gee? Tsone a yi ga go tlala di makega mara Lara o yye a hlakana natso. Mo a hlatolla o re: “Mogageru ye mongwana wa mosadi o yye a maka nkare aa mpone fote ke sa tšibi gore bothatha king. Taba yone yi yye ya nhlakahlakanya ka kwa le go ya megahlanong go ntshwatisa.” Sa mathomo, Lara o re: ‘A ke ya sinya selo le ka go nyana. Mara taba ke gore le magageru ya mangwana ka ho phutegong maa di bona gore mekgwa ya mogageru yene yi ka mokgo mongwana.’

8. Lara o yye a maka ying gore a kwane le magageru fote re tšhuta ying ga tso a yyeng a gahlana natso?

⁸ Lara o makiye se sengwana gore go bebe. O yye a rapela Jehova ke mokane a fetsa ka gore a ye a bolabole le mogageru yene wa mosadi. Ba yye ba bolabola ka bothatha bone, ba tlaparelana fote ba maka gore go bebe. Dilo ke mo di šupetsa di le gabutši. Lara o re: “Mara di so yi kgole, mogageru yene wa mosadi o yye a thomisa go mmaka tsetsela a yyeng a di maka. Ke yye ka kgongwela ka matla.” Taba ke gore Lara ke mo a nagana gore a ka jabola mo mogageru a ka fo tšhentšha mekgwa yage. Mara ka nthagonyana, Lara o thomisiye go di kwisisa gore selo sa gabutši so yene a tshwaneleng a se make ke go ya mahlong a kene a tshwara mogageru yewa ka go šupetsa gore o mo nyaka ka matla fote o mo ‘tshwarele a resa.’ (Maef. 4:32–5:2) Lara o yye a gopola taba ya gore mo Mokreste a re o mo nyaka tsa mannete ga mogageru ye mongwana, ‘a ka sa balele gore o kwaletsiwwe gakaye. O ngangarela ga dilo ka mokana ga tsona, o dumela dilo ka mokana ga tsona, o tshepa dilo ka mokana ga tsona fote o tiyisela dilo ka mokana ga tsona.’ (1 Makor. 13:5, 7) Taba yone ga Lara yi yye ya sa sa mo hlupa. Ke mokane mo nako yi kene yi ya, mogageru yela a thomisa go mo tshwara gabutši. Mo o ka lelekisana le go nyaka go beba kela go kwana le magageru o kene o ya mahlong o ma šupetsa gore o ma nyaka ka matla, o ka sa kamake gore “Modimo wa go nyakanana le wa go kwana le go beba o nyoko ba nago.”—2 Makor. 13:11.

O SA HLAWOLE MOTHO

9. Mebereko 10:34, 35, yi re ke ntaba di nyaka re sa hlawolane?

⁹ Jehova aa hlawole motho. (Bala Mebereko 10:34, 35.) Re šupetsa gabutši gore ke rune bana bage mo re sa hlawolane. Re theetsela taba ya gore re nyake bayagelani go fo tshwana le mo rune beng re tinyaka fote sosone se gotetsa taba ya go maka gore re kwane ka matla le magageru.—Mrm. 12:9, 10; Jak. 2:8, 9.

10-11. Mogageru ye mongwana wa mosadi o yye a di hlula ka mokgo mang tsa go kekema tso ne di mo tlela?

¹⁰ Ga ba bangwana taba ya go dula re sa hlawolane yi ka fo sa be lula. Lebelela tso di yyeng tsa makegela mogageru ye mongwana wa mosadi ye ba reng ke Ruth. Mo a sa le ye monyana, o yye a sa fitisane gabutši le motho ye mongwana wa go tšwa ga naga ye nngwana. Sosone se yye sa mokwaletsa go segela kaye? Ruth o re: “Ke yye ka hloya selo se sengwana le se sengwana ka naga yone. Ke yye ka nagana gore batho ka mokana ga bona le mong magageru bo ba dulang ga naga yone baa tshwana.” Ruth o yye a yi hlula byang taba yone ya go kekema?

¹¹ Ruth o yye a di bona gabutši gore di nyaka a karakare ka matla gore a lesetse go dulela go nagana ka mokgwa wone wa go kekema. O yye a bala ka meyanego le tso di bigiwang ka naga yone ga Yearbook. O yitseri: “Ke leketsiye ka matla gore ke nagane ka tsa gabutši ka batho ba naga yone. Ke yye ka di bona gabutši gore magageru ya naga yone ma karakara ka matla ka ho ga Jehova. Di napiye di n’yelela gore le bona ba wela ga magageru ya lefase ka mokana ga lona.” Mo nako yi kene yi ya, Ruth o di bonne gore di nyaka a bereke ka matla. O hlatolla gore: “Mo ke gahlana le magageru ya naga yonone, ke garagara ka matla gore ke nghanelane nabo. Ke bolabola nabo gore ke thogo ba tšiba gabutši.” Maphomela go biye mafeng? Ruth o re: “Mo nako yi kene yi ya, tso ne ke di nagana tsa go kekema di yye tsa fo nyamalala.”

12. Mogageru ye mongwana wa mosadi ye ba reng ke Sarah ke mo a na le bothatha bya mošaga mang?

¹² Ba bangwana ba ka šupetsa go hlawola batho ba bangwana mara ba sa tipone. Tla re beyiseneng ka Sarah, ke mo a nagana gore yene aa hlawole motho ka taba la gore ke mo a sa ba yahlule go ya ka gore ke mošaga mang, ba na le sekwetše kela ba bereka mmereko wa mošaga mang mo mokgahlong. Mara o re: “Ke thomisiye go di bona gore ke mo ke hlawolana.” Ka mokgo mang? Sarah o tšwa ga mutši wa gore ba tšhutegiye ka matla fote ke mo a kwana le go nghanelana le batho ba gore le bona ba tšhutegiye go tshwana naye. O yye a boya a botsa monghanage gore: “Ke fokatsa le magageru ya gore ma tšhutegiye. Ke mokane ke ba kgole le ya gore a maa tšhutega.” Nnete ke mo di nyaka gore Sarah a tšhentšhe mekgwa yage. Ka mokgo mang?

13. Tsa gore Sarah o yye a tšhentšha mekgwa yage di re tšhutisa ying?

¹³ Mopotulugi o gelepiye Sarah gore a lebelele gabutši mekgwa yage. O re: “O yye a nthanaka a re ke ya tshepega ga mmereko wo ke wo makang, ke beya ditaba gabutši mo ke fetola fote ke tšiba Mangwalo. Ke mokane a hlatolla taba ya gore mo re kene re mo tšiba ka matla, di nyaka re ye mahlong re ba le mekgwa ya Makreste ya go tshwana le go tinyanafatsa, go hlompega le go kwelana go baba.” Sarah o yye a di maka tso mopotulugi a yyeng a mmotsa tsona. O yitseri: “Ke di bonne gabutši gore taba ye kgolo ke gore di nyaka re be le pelo ye butši fote re nyake batho ba bangwana ka matla.” Sosone se yye sa feleletsa se maka gore a tseye magageru ka mokgwa wa go sa tshwane le ba bangwana. Sarah o yye a hlatolla gore: “Ke yye ka kwisisa taba ya gore king so se makang gore Jehova a ba tseyele gedimo.” Rune re tšhuta ying? Re tšhuta gore re sa tsoge re naganne gore rune ke rune kela re phala ba bangwana ka taba la gore re tšhutegiye! Mo nkare re “nyaka magageru ya lefase ka mokana ga lona” tsa mannete, re nyoko lahla mekgwa ka mokana ga yona ya go hlawolana.—1 Pet. 2:17.

YAMOGELA DIVAKAŠI

14. Maheberu 13:16 yi re Jehova o tikwa byang mo re yamogela divakaši?

¹⁴ Jehova o yi tseyela gedimo ka matla taba ya go yamogela divakaši. (Bala Maheberu 13:16.) O yi tseya go le merapelo ya rune, ka matlamatla mo re gelepa ba go tihlupegela. (Jak. 1:27; 2:14-17) Byalo, Mangwalo ma re hlohletsela gore taba ya “go yamogela divakaši re yi šale nthago.” (Mrm. 12:13) Mo re yamogela divakaši re ba re šupetsa ba bangwana gore re hlupega ka matla ka bona, re ba nyaka ka matla fote re nyaka go nghanelana nabo. Jehova di mo jabodisa ka matla mo re ja tsa go ja le ba bangwana kela re nwa sa go nwa nabo fote re boya re ba šupetsa gore re ya ba nyaka mo re fokatsa nabo. (1 Pet. 4:8-10) Mara, di ka makega gore go be le se sengwana so se ka makang gore re kwe di roba go yamogela divakaši.

15-16. (a) Ke ntaba ba bangwana ba nagana gore ba ka sa di kgone go yamogela divakaši? (b) Edit o di kgonne byang go hlula go kamaka ga taba ya go yamogela divakaši?

¹⁵ Seyemo se ka maka gore re kamake ga taba ya go yamogela divakaši. Lebelela mošupetso wa mosadi ye mongwana wa go kgwela ke monna ye ba reng ke Edit. Mo a soko bane a ba Hlatse, ke mo a sa kwane le go bolabola tsa go tlala le batho ba bangwana. Fote ke mo a tseya gore batho ba bangwana ba kgona go yamogela divakaši ka taba la gore seyemo se ya dumela.

¹⁶ Mo Edit go šele go le Hlatse ya Jehova, o yye a tšhentšha ka mokgo a naganang. O yye a thomisa go yamogela divakaši. O yitseri: “Ka nakwela go yagiwa Holo ya rune ya Mmušo ya nyuwane, mogolo ye mongwana o yye a mpotsa ka magageru ya mangwana ya gore ke monna le mosadi ya gore ma tl’le re gelepeng ka mmereko wa go yaga fote o yye a nkgopela gore ke ba lukiselele ga go dula ga gore ba nyoko fetsa mabeke ka mabedi ba dula gona. Ke yye ka gopola ka mokgo Jehova a yyeng a rufa mosadi yela wa ku Zarepata wa gore ke mo a kgwele ke monna.” (1 Mag. 17:12-16) Edit o yye a dumela go yamogela monnene le mosadi wage. Ayitsano o yye a rufiwa? O re: “Phela mabeke yala ka mabedi ma yye ma feleletsa go le dikgwedi ka dipedi. Ka dinako tsotsone re yye ra thomisa go ba le senghana sa thina ka matla.” Fote Edit o yye a rufiwa ka matla le ka banghana ba ka ho phutegong. Gana byalo re bolabola re yitsa ke mošupatsela fote o jabolela go bereka tšhomo le magageru ya gore ma mo vakašela ka mutšing gage. O re: “Go sa konane go maka gore ke tikwe ke f’lo re tswee! Fote nnete ke gore ke rufiwa la go sa hlayisege.”—Maheb. 13:1, 2.

17. King so Luke le mosadi wage ba yyeng ba se lemoga?

¹⁷ Di ka makega gore re kene ra di yamogela divakaši, mara ayitsano re ka lukisa go gongwana? Mo re beyisa, Luke le mosadi wage ke batho ba go kwana ka matla le go yamogela divakaši. Ke mo ba na le mokgwa wa go mema babelegi ba bona, mašaga ya bona, banghana ba bona ba thina ka matla, mopotulugi le mosadi. Mara, Luke o re, “Re lemogiye gore ga go tlala re mema batho ba gore re thina ka matla nabo.” Luke le mosadi wage ba yye ba lukisa kaye go gongwana ga taba ya go yamogela divakaši?

18. Luke le mosadi wage ba yi lukisiye byang taba ya go yamogela divakaši?

¹⁸ Luke le mosadi wage ba yye ba tšhentšha ka mokgo ba lebelelang dilo ka gona mo ba nagana ka mantsu ya Jeso ya gore: “Mo nkare o nyaka bo ba nang ba go nyaka, di go thuša ka ying?” (Mat. 5:45-47) Ba di bonne gabutši gore di nyaka ba yekisele Jehova wa gore o yamogela batho ka mokana ga bona. Byalo, ba yye ba fetsa ka gore ba meme magageru ya gore le ka tšatši la mohlolo a ba soko bane ba ba mema. Luke o re: “Ka mokana ga rune re yi jabolela ka matla nako ya go ba ggoši. Ka mokana ga rune taba yowa ya re tiyisa fote yi maka gore re mamarelane.”

19. Re nyoko šupetsa ka ying gore ke rune malata ya Jeso fote king so o tikemiseleng go se maka?

¹⁹ Re di bonne gabutši gore taba ya go nyakanana tsa mannete yi ka re gelepa gore re kwane ka matla le go beba, re sa hlawole motho fote re yamogele divakaši. Di nyaka re hlule go nagana dilo tsa go sa yi ka tsela fote re nyakanane le magageru tsa mannete le tsa go tšwa pelong. Mo re ka maka ka mokgonone, nnete re nyoko jabola fote re nyoko fo šupetsa gabutši gore ke rune malata ya Jeso.—Joh. 13:17, 35.