Ke mo ke Jabodiye mo Nkene ke Berekela Jehova

Ka mongwaga wa go latela, ba yye ba hlaya ba botsa batho ba Bethele gore ba nyaka batho bo ba ka nabelang gwe gelepa Bethele ya Afrikha Borwa, ke mo go nyoko ya motšhini wa nyuwane wa go phrintha. Ke yye ka ngwadisa, ke mo ke nabela ka matla gore le nna ba nkgete. Ba yye ba nkgeta le magageru ya mangwana ka mararo, mabitso ya bona ke Dennis Leech, Bill McLellan le Ken Nordin. Ba yye ba re botsa gore mo re yang re ka sa boye gana byalo, mo nkare re nyoko boya!

Ke yye ka fowunela mmane ka re: “Mmane, ke go tshwarele ditaba. Ke ya Afrikha Borwa!” Mmane ke mo go le motho wa go sa bolabole ka matla, mara ke mo a na le tumelo ya go tiya fote ga Jehova ke mo a mo nyaka ka matla. Aa hlaya tsa go tlala, mara ke mo ke tšiba gore o yema le nna. Yene le papa a baa phigisana le sepheto so ke se segeleleng, mara ke mo ba kwa go baba gore nko ba ke le kgole ka matla le gaye.

KE NNA YENENE KE YA AFRIKHA BORWA!

Rune re le ka bane re fetsiye dikgwedi ka ditharo hala Bethele ya Brooklyn, ba kene ba re tšhutisa go berekisa motšhini wa go phrintha. Mo re fetsiye, ra kalama sekepe sa gore se bakiye Cape Town, Afrikha Borwa. Ke mo ke sa tšwa go tshwara 20 ya mengwaga. Ke mo go le ka malobana mo re kalama setimela sa leyeto la go lefa la go tloga Cape Town re bakiye Johannesburg. Mo go sa le ka phu, re yye ra yema la mathomo ga toropo ye nyana ya Karoo, ya gore go fo ba kgwaakgwa. Ke mo go tupa lerole, go tupa muši fote go fisa ka matla. Ka mokana ga rune re le ka bane re yye ra sikela ka lefasetere, re tiputsisa gore poleke yowa yi byang mara. Ye lune, gabutšibutši re ya kaye? Ke mo re sa tšibi gore ka nthago ga mengwaga ya go tlala, re nyoko tla re vakaša ga poleke yone ra boya ra tšiba ditoroponyana tsa gona tsa go bafala le maphelelo ya gona.

Mmereko wo ke fetsiyeng mengwaganyana ya go tlala ke wo maka ke mo go le wa go bereka ka motšhini wa go jabodisa le wa go hlakahlakana ka matla wa gore lebitso la wona ba re ke Linotype, ke mo ke wo beya gabutši gore re thogo phrintha dimakazini tsa Sewokamelo le Hlahlama! Ofisi ya lekala ke mo yi phrintha dimakazini tsowa ka mebolabolo ya go tlala ya Afrikha, ke mo ba sa phrinthele Afrikha Borwa yi ntoši, mara ke mo ba phrinthela le dinaga tse dingwana tsa go tlala tsa Afrikha. Motšhini wone wa nyuwane wa go phrintha wa gore re šinnye re tla Afrikha Borwa ka taba la wona, ke mo wo maka mmereko wa go bafala.

Ka nthago ke yye ka bereka Ofising ya go Bereka ka tsa go phrintha, go romela dipuku le mmereko wa go hlatolla. Ke mo ke tshwaraganne, ke kgotsofele fote pelo yowa yi kgehlemele.

MO KE FETSA GO TSEYA MOSADI, RE YYE RA MAKA MMEREKO WO MONGWANA

Ka 1968, ke yye ka šadha le Laura Bowen wa gore ke mo go le mošupatsela kela lephayona fote ke mo a dula thina le Bethele. Le yene ke mo a bereka go thayipela Ba go Bereka ka tsa go Hlatolla. Ka dinako tsone, mo batho ba sa tšwa go šadha, ke mo ba sa ba dumelele gore ba dule Bethele, byalo ba yye ba re re be mašupatsela ya go hlawolega. Ke mo ke šekela nyana. Ke mo ke fetsiye lesome la mengwaga ke le Bethele fote tsa go ja le ga go dula ke mo go le mahala, le re nje re ko lokeng ka sekwetšenyana so ba se neyang mašupatsela ya go hlawolega? Ka babedi ga rune ke mo re nyoko kraya 25 ranta kgwedi ye nngwana le ye nngwana—fote ke mo ba nyoko re neya tšheleta yone ho nkare re segelele diawara tsa mašupatsela ya go hlawolega, re makiye mayeto ya go boyela fote re sipidisiye dikgatiso tsa go lekanela. Ga tšheleta yone, ke mo re nyoko ntsha ya go patela rente, ya go reka tsa go ja, go kraya sa go kalama, go ye bona togotela le go maka dilo tse dingwana.

Ba yye ba re re ye phayona ga mogoba wo mongwana wo monyana thina le toropo ya Durban, hala Lewatleng la Indian. Ke mo go na le Maindiya ya go tlala ga poleke yone, ba go tlala ke mo go le batlogolo ba Maindiya ya gore ke mo ma bereka mobeng wa go maka tšhukela gana hala ga bo-1875. Mara ba bangwana ke mo ba šele ba maka le mebereko ye mengwana, le mo yi le gore a baa lahla setšo sa bona le mokgwa wa go yapega, le mabelebele ya bona ya go natefa. Ke mo ba tšiba Sekgowa, byalo ke mo go sa hlupe go ba tšhomayelela.

Ka nako yone, maphayona ya go hlawolega ke mo di nyaka ma fetsa 150 ya diawara ka kgwedi tšhomong, byalo nna le Laura ke mo re tiputsiye gore ka letšatši la mathomo re nyoko fetsa kobodi ya diawara tšhomong. Ke mo go fisa ka matla fote go teya moya wa fisa. Ke mo re se na batho bo re ka boyelang ga bona fote re se na bo re tšhutang nabo Bhayibele, byalo ke mo re tshwanele re fetse kobodi ya diawara re fo kena mutši ka mutši. Ke mo re šele re fetsiye nakonyana re thomisiye go tšhomayela, byalo mo ke lebelela watšhi, ka kraya gore go sa fo ba go fitiye 40 ya diminetsi fela! Ka tiputsisa ka re, nje le re mmereko wowa re ko wo kgoneng mara?

A gwa ya kaye, ra thomisa go maka dilo ka letheto. Ka moka matšatši ke mo re maka skhaftini ka sekgwa le sope kela kofi. Mo re nyaka go ja, ke mo re yemisa koloyi ya rune ya sekhukhununu ya Volkswagen ka fase ga mohlare, ke mo re fela re bunghelela ke dibananyana tsa go jabodisa tsa Maindia di kene di re lebelele ka taba la gore ke mo di sa re tlwayela! Ka nthago ga matšatšinyana, re yye ra bona gore mo re berekiye tšhomo diawara ka dipedi kela ka ditharo, nako ke mo yi thoma go taboga, le fo kgwalala re soko nagana.

Ke mo go jabodisa ka matla go tšhutisa batho ba dipoleke tsone nnete ya ka Bhayibeleng! Re yye ra yakgoswa re di bona gore Maindiya ke batho ba go hlompa, a ba konane fote ba kwana le tsa Modimo. Mahindu ya go tlala ma yye ma yamogela molayetsa wa rune. Ke mo ma jabolela go tšhuta ka Jehova, Jeso, Bhayibele, lefase la nyuwane la go beba la gore le sa le ku mahlong le taba ya gore bakgu ba nyoko tsoga. Ka nthago ga mongwaga, ke mo re na le 20 ya batho bo re ba tšhutisang Bhayibele. Ka moka matšatši, ke mo re ja ledhina re na le wo mongwana wa mitši yowa ya gore ke mo re yi tšhutisa Bhayibele. Ke mo re jabodiye ka matla.

Go se botala, ba yye ba re neya mmereko wa nyuwane wa gore ke be mopotulugi ke na le mosadi waka ga dipoleke tsa thina le Lewatle la India la go bafala. Beke ye nngwana le ye nngwana, ke mo re dula le mutši wo mongwana mo re kene re bereka tšhomo le batšhomayedi ba phutego yone re boya re ba tiyisa. Ke mo re tlwayelanne ka matla le mitši yone, re jabolela go ba le bananyana ba bona, dimpya kela dinkatse tsa bona. Re fetsiye mengwaga ka mmedi re kene re jabodiye ga mmereko wone. Ke mo re sa nagana mo ba ofising ya lekala ba re fowunela. A baa hlaya tsa go tlala wa tšiba, ba f’lo re: “Re kgopela le sologe le tle Bethele.” Mo ke ba fetola ke yitseri, “Wa tšiba rune re jabodiye ka matla mo re leng gona.” Mara ke mo re se na bothatha go bereka mo ba re yisang gona.

KE RUNE BOBONE RE BOYELA BETHELE

Ba yye ba re ke ye bereka ga Ba go Garagara, ke mo ke bereka le magageru ya gore ma butšwiye. Ka dinako tsone, ke mo ba romela phutego ye nngwana le ye nngwana borifi bya go bolabola ka tso mopotulugi a di bonneng mo a ba vakašele. Marifi yane ke mo go le ya go tiyisa le go yetetsa diphutego ho nkare gwa nyakega. Ke mo go le mmereko wo mogolo wo wo makang ke bomabhalane ba rune mo ba kene ba hlatolla Sexhosa, Sezulu le mebolabolo ye mengwana ba di yisa ga Sekgowa ba boya ba hlatolla ba tlosa ga Sekgowa ba yisa ga mebolabolo ya Afrikha. Bowa ba go hlatolla ke mo ba karakara fote ke tšhutiye gore magageru ya Maafrikha ke mo ma na le dintshitshire tsa mehlobohlobo.

Afrikha Borwa ka nako yone ke mo go sa lawola mmušo wa go kgera batho ka khala. Ke mo ba kgerela batho gore ba dule kaye, byalo batho ba mohlobo wo mongwana ke mo ba ka sa fokatse le ba bangwana. Magageru ya Maafrikha ke mo ma tipolabolela mmolabolo wa wona, ma tšhomayelela batho ka mebolabolo ya bona ba boya ba ya megahlanong ya mebolabolo ya bona ba ntoši.

A ka tšibana le magageru ya go tlala ya Maafrikha ka taba la gore rune ke mo ba dula ba re yisa ga tšhomo ya Makgowa. Mara mo nkene ke le Bethele, ke yye ka kgona go tšibana le magageru ya Maafrikha, setšo sa bona le mekgwa ya bona ya go maka dilo. Ke yye ka tšiba ka mathatha yaa magageru ne ma le nawo ka taba la setšo le sedumedi. Di ro napa di šupetsa gore ba na le lešiši mo ba lisetsa dilo tsa go sa yelane le Bhayibele ba boya ba sa thogathoge le mo mašaga le batho ba dimitšaneng tsa bona ba silikisa ke gore a ba sa maka dilo tsa go yelana le madimona! Mitšing ya magayeng, ba go tlala ke mo ba tihlupegela. Ba go tlala ke mo ba sa tšhutega go ya kaye, mara tsa ka Bhayibeleng ke mo ba kwana natso ka matla.

Ke mo ke fela ke bereka ka dilo tse dingwana tsa semolawo tsa go gelepa magageru gore ma berekele Modimo ma lukulugiye fote ma sa kenakene tsa dipolotiki. Tumelo yaka yi yye ya tiyelela mo ke bona bananyana ba Dihlatse ba fo ya mahlong ba tshepega fote ba šišimele le mo ba ba rakiye dikolo ka taba la gore ke mo ba sa šinyalale mo ba le thapelong fote ba sa yepelele dikoša tsa kereke.

Ga naga ye nngwana ye nyana yo ne ba re ke Swaziland, le magageru ya gana hone ke mo ma goga go baba. Mo Kgoši Sobhuza II a kgwa, batho ka moka ba Swaziland ke mo ba tshwanele go maka dilo tse dingwana go šupetsa gore ba llela kgoši. Banna ke mo ba tshwanele go hluba lekgwayi ke mokane basadi ba pome meriri ya bona. Magageru ya go tlala ma yye ma makiwa lešidi ka taba la go gana go maka dilo tsone tsa go yelana le tsa badimo. Magageru yawa ke mo ma tshepega ka matla ga Jehova, tsotsone di re tiyisiye ka matla! Magageru ya Afrikha ma re tšhutisiye gore ba ra ying mo ba re motho wa tshepega, o mo nyaka ka matla ga Jehova fote o lefisa pelo, re yye ra tiyelela.

KE NNA YENENE KE BOYELA MMEREKONG WA GO PHRINTHA

Ka 1981, ba yye ba re ke bereke le ba go hlabolla mokgwa wa go phrintha dipuku ka khomphyutha. Ka boyela ga tsa go phrintha. Ke mo go jabodisa! Mekgwa ya go phrintha ke mo yi tšhentšha. Monna ye mongwana wa dibhizinisi o yye a neya mokgahlo motšhini wa go thayipa a re ba wo liketse, mahala. Re yye ra reka kaphetha (5) ya metšhini yone ya nyuwane ke mokane ra rekisa nkokwane (9) ya yela ya gore ke mo re le nayo ya Linotype. Re yye ra reka le motšhini wo mongwana wa nyuwane wa go phrintha. Mmereko ke mo wo thoma go sepela ka go yakgoswa!

Go berekisa dikhomphyutha go re gelepiye gore re tšhute le mekgwa ya nyuwane ya go ngwala lephepheng, gwa ba le selo so ba reng ke MEPS, ya gore yi yemele Multilanguage Electronic Publishing System. Re tšwa kgole wa tšiba, re thomme re berekisa metšhini ya go roba, ya gore ya nanankela ya Linotype, ya gore yi makiye gore rune re le ka bane re rure Bethele ya Canada re tle Afrikha Borwa! (Jes. 60:17) Ka nako yowa, ka mokana ga rune ke mo re šadhiye le basadi ba gabutši ka matla ba gore ke mašupatsela ya go kwana ka matla le tso tsa Modimo. Nna le Bill ke mo re sa na re bereka Bethele. Ken le Dennis ke mo ba šele ba na le mitši ya bona thina le Bethele.

Mmereko wa Bethele ke mo wo thoma go yeketsega. Dipuku tsa go bolabola ka Bhayibele ke mo ba di hlatolla ka mebolabolo ya go tlalanyana byalo ba boya ba di phrintha, ba di romela ga makala ya mangwana. Byalo ke mo go nyakega Bethele ya nyuwane. Magageru ma yye ma yaga Bethele ya go bafala ka bodikela bya Johannesburg, ba yi budiye ka 1987. Go natefiye go bona dilo tsowa nkene ke bereka ga Komiti ya Lekala la Afrikha Borwa ka mengwaga ya go tlala.

BA RE YISA GO GONGWANA FOTE!

Ke mo re makele ka matla ka 2001 mo mokgahlo wo nkgopela gore ke ye ke bereke ga Komiti ya nyuwane ya Lekala la United States. Ke mo go baba go lisetsa mmereko wa Afrikha Borwa le banghana ba rune, mara ke mo re jabolele gwe thomisa lephelo la nyuwane mutšing wa Bethele ya United States.

Mmane wa Laura ke mo a tsofele, byalo ke mo yi re hlupa ka matla taba ya gore o nyoko šala le mang. Ke mo re ka sa mo gelepe gabutši mo re le New York, mara banyanana ba Laura ba bannyana ba yye ba re re sa hlupege, ba nyoko šala naye. Ba yitseri: “Akere rune a re kgone go maka mmereko wa nako ka moka, mara mo re šele le mmane, lune le ko thogo maka mmereko wa lune.” Ye barena.

Le nna ke na le bhuti, yene le mosadi wage ke mo ba dula Toronto, Canada, ke mo ba dula le mmane mo papa a šele a hlokofele. Ka nako yone, ke mo ba šele ba na le mengwaga ya go teya ka ku ga 20 ba dula naye. Ke leboga ka matla gore ba yye ba dula naye, le yene o hlokofele go se botala ka matla re segele New York. Wa tšiba re kwa re rufegiye ka matla rune ba gore re na le mašaga ya gore ma tšhentšha hala le hala gore ma thogo re gelepa, fote go gongwana o ka kraya go roba ka matla!

Ke fetsiye mengwaga ya go tlala Bethele ya United States ke bereka ka tsa go yelana le dipuku, go bereka dilo tsa gana byalo, dilo a di sa hlupa ka matla. Gana byalo ke bereka ga ba Go Reka Dilo. Mengwaga yo re yi fetsiyeng 20 ya yona re le ga lekala lowa le legolo yi re jabodisiye ka matla, gana byalo re nkgelela gana hala ga 5 000 howa Bethele fote go na le gana hala ga 2 000 ya magageru ya go gelepa ma kene ma dula gaye!

Ga 60 ya mengwaga ya go feta, ke mo nka sa go botse gore nko felela ke le kaye. Laura o fetsiye mengwaga yowa ka mokana ga yona a wa a boya a tsoga le nna. Lephelo le natefiye! Re leboga mebereko ya mehlobohlobo yo re yi makiyeng re na le bo re berekiyeng nabo, le ba makala ya go tlala lefaseng ka mokana ga lona ya re ma vakašeleng re romme ke mokgahlo. Gana byalo ke na le mengwaga ya go teya ka ku ga 80, byalo ba mpomele mmereko wo ke wo makang, akere go na le magageru ya go tlala ya gore ma saa gola fote ma kgona go maka mmereko.

Mopisalema ye mongwana o yye a ngwala gore: “Go jabola setšhaba sa gore Modimo wa sona ke Jehova.” (Pis. 33:12) A go na nnete ya go feta yone! Ke leboga gore ke mo ke jabodiye go tshwana le batho ba Jehova mo nkene ke mmerekela.