1921—Lekgolo La Mengwaga Ya Go Fela

“SEWOKAMELO sa January 1, 1921, se butsisiye ba go Tšhuta Bhayibele putsiso ya gore: ‘Ke mmereko wofeng wo re tikemiseleng go wo maka ga mongwaga wowa? Ke mokane sa fetola putsiso yone ka lengwalo la Jesaya 61:1, 2, ya gore yi ba gopotsiye ka mmereko wo ba ba neyyeng wona wa go tšhomayela. “Jehova o nhlawodiye gore ke bolabole ditaba tsa go bafala ga ba gore ba tinyanafatsiye . . . , gore ke sabalatse mongwaga wa go yamogelega wa Morena, le letšatši la go sasamela lo Modimo wa rune a nyoko lwang le manaba yage.”

BATŠHOMAYEDI BA GO BA LE LEŠIŠI

Ke mo di nyaka gore bo ba go Tšhuta Bhayibele ba be le lešiši gore ba thogo maka mmereko wo ba ba neyyeng wona wa go tšhomayela. Ke mo ba tshwanele ba bolabole “ditaba tsa go bafala” ga batho ba go tinyanafatsa le go sabalatsa tsa “letšatši la go sasamela” ga batho ba dipelo tse diphifadu.

Mogageru J. H. Hoskin, wa go dula ku Canada, o yye a tšhomayela a šišimele le mo a phigisiwa. Ka mongwaga wa 1921 ka dinako tsa mo mehlare yi hluga, o yye a gahlana le motšhomayedi wa kereke ya Methodist. Mogageru Hoskin mo a thomisa go bolabodisana naye, o yitseri: “Di nyaka re kwana mo re petapeta ka Mangwalo, le mo go gongwana re ka sa bone dilo go tshwana, re ka fo yamogela gore re ka sa di bone go tshwana ke mokane ra fo ya mahlong re kene re le banghana.” Mara tsotsone a sanka dya makega. Mogageru Hoskin mo a hlatolla o yitseri: “Ke mo re f’lo petapeta diminitsinyana mo [motšhomayedi wa kereke ya Methodist] a teya sekwala go baba ka šinya ke nagana gore dlelase ya sekwalo sone yi nyoko wologela mone fase ka mokana ga yona.”

Ke mokane motšhomayedi yene wa kereke ya Methodist a bolabola a lakatsa a re “Mara ke ntaba o sa yi o ye bolabola le ba gore a ba mo tšibi ga Modimo?” Mogageru Hoskin aa hlaya selo, mara mo a tloga, o yye a nagana gore, ‘Ne ke kwa nkare ne ke bolabola le wa go titshwanela nabo, ba go sa tšibi Modimo!’

Ka motshwana wa gona mo motšhomayedi yela a tšhomayela kerekeng yage, ke mo a sa kwatiye, o yye a bolabola tsa go befa. Mogageru Hoskin o hlatolliye ka gore “O butsiye bo ba mo lateleng gore ba kganele kgole le nna, a re ke ro ba mong sešakašakane sa go di phala ka mokana ga tsona tso di yyeng dya tla ga toropo yone, a boya a re ke tshwanela ke go bolayiwa”. Tsotsone a sanka dya hlagasedisa mogageru yewa, o yye mahlong ka mmereko wa go tšhomayela fote dilo ke mo di mo sepelela gabutši. O re: “Mmereko wa go tšhomayela hone ke mo wo nnatefela ka matla. Batho ba bangwana ba yitseri, ‘Ke ya di tšiba gore ke wene monna wa go kwana le Modimo!’ ba boya ba kgopela go n’gelepa ba sa nyake gore ke gayele le mong selo ka ssoši.”

GO TITŠHUTISA LE GO TŠHUTA RE LE MUTŠI

Ba go Tšhuta Bhayibele ba sabalatsiye makazini wa The Golden Age gore ba gelepe bo ba jabolelang go tšhuta Bhayibele.a Ga Bhayibele yo ba reng ke The Juvenile Bible ke mo go na le diputsiso tso babelegi ba ka bolabodisanang le bana ba bona ka tsona. Babelegi ke mo “ba butsisa bananyana ba bona diputsiso tsowa ke mokane ba ba gelepa gore ba kraye diphetolo ka Bhayibeleng.” Diputsiso tsa go tshwana le tsa gore “Bhayibele yi na le dipuku ka dikaye?” ke mo di tšhutisa bana dilo tsa gore di lula tsa Bhayibele. Tse dingwana tsa go tshwana le gore “Ayitsano Makreste ka mokana ga wona ma tshwanele ma yemele gore ma nyoko hlupegisiwa?” ke mo di gelepa bananyana gore ba thogo tšhomayela ba šišimele.

Letheto la go tšhuta la gore Advanced Studies in the Divine Plan of the Ages ke mo le na le diputsiso tsa gore di gelepa ba gore ba šele ba tšiba tsa go tlala ka Bhayibele fote diphetolo ke mo di nyarela ga puku ya mathomo ya Studies in the Scriptures. Letheto lone la diputsiso le gelepiye diketekete tsa batho, mara ga The Golden Age ya December 21, ya 1921 ba yye ba sabalatsa gore matheto yane ka mabedi ma ka sa sa gatisiwa. Ke ntaba dilo di f’lo re jiki?

PUKU YA NNYUWANE!

Puku ya *The Harp of God*

Sekhatane sa go šupetsa tso motho a tshwaneleng a di bale

Sekhatane sa diputsiso

Bo ba yetang mahlong ba di bonne gore bo ba sa thomisang go tšhuta Bhayibele di nyaka ba tšhute nnete ba berekisa letheto la gabutši. Ke mokane ka November 1921 puku ya gore The Harp of God yi yye ya gatisiwa. Bo ba yyeng ba yamogela puku yone ba ba ngwadisiye ga tlelase The Harp Bible Study Course. Tlelase yone ya gore motho ke mo a tipalela, ne yi gelepa gore a kwisise gore “Ke ntaba Modimo a rufa batho ka lephelo la go ya go yye.” Ke mo yi bereka-bereka byang?

Mo motho a yamogela puku yone, ke mo a kraya sekhatane ka poso sa gore ba ngwadiye tso a tshwaneleng a di bale. Ke mokane ka beke ya go latela, a kraya se sengwana sekhatane sa gore se na le diputsiso tsa go lategetsana tsa go yelana le so a se badiyeng. Mafelelong ya sekhatane sone ke mo go nyarela tso a tshwaneleng a di bale ka beke ya go latela.

Ga beke ye nngwana le ye nngwana ga mabeke 12 ya wona, ye a tšhutang Bhayibele ke mo a kraya sekhatane sa nyuwane sa gore o se posela ke tlelase kela phutego ya thina le mo a dulang. Ga go tlala sekhatane sone ne se posa ke ba gore ba šele ba gudiye ba ka phutegong kela ba gore ba kgerela ke tse dingwana. Mo re beyisa, Mogageru wa mosadi ye ba reng ke Anna K. Gardner, wa go tšwa ku Millvale, Pennsylvania, U.S.A., o yitseri: “Mo puku ya The Harp of God yi gatisiwa, yi yye ya gelepa sesi waka ye ba reng ke Thayle wa gore ke mo a sa di kgone gabutši tsa go sepela, yi makiye gore a be le tsa go tlalanyana tso a ka di makang, go posa dikhatane tsa diputsiso beke ye nngwana le ye nngwana.” Mo motho a šele a fetsiye letheto lone la go tšhuta, ke mo a vakašediwa ke motšhomayedi wa go tšwa ka phutegong ke mokane a mo gelepa gore a tšhute tsa go tlala ka Bhayibeleng.

Thayle Gardner a duli ga *wheelchair* yage

GO SA ŠELE MMEREKO WO MOGOLO

Mo mongwaga wo fela, Mogageru J. F. Rutherford ke mo a romela lengwalo ga diphutego ka mokana ga tsona. O hlayye gore “mmereko wa go tšhomayela ka Mmušo wo wo makiwweng ga mongwaga wowa ke wo mogolo fote wo gelepiye ba go tlala go phala wo wo yyeng wa makiwa ga mengwaga ye mengwana.” Ke mokane, a tokegela ka gore: “Go sa šele mmereko wo mogolo”. Hlohletselaneng ba bangwana gore ba tle ba gelepe ga mmereko wo wa go jabodisa.” Di fo ba lekgwaying gore bo ba go Tšhuta Bhayibele ba yye ba theetsela tso a di hlayyeng. Ka mongwaga wa 1922 ba yye ba napa ba ro šišimala mo ba tšhomayela ka Mmušo go phala mengwaga ye mengwana.

Banghana ba Gore ba na le Lešiši

Bo ba go Tšhuta Bhayibele ba yye ba šupetsa gore ba nyakanana ka matla mo ba gelepana. Ke banghana ba gore ba na le lešiši, ba gore ba ba “gona ka dinako tsa gabutši le mo go bifiye,” tsotsone re nyoko di bona gabutši ga taba ya go latela.—Diy. 17:17

Ka Labobedi la di-31 tsa May 1921, go yye gwa fo kutuluga taba ya go hlawolana ga batho ya gore ba re ke Tulsa Race Massacre ku Tulsa, Oklahoma, U.S.A., ka nthago ga mo morene mongwana wa motho ye montsho a yyeng a tshwariwa ka taba la gore ba re o teyye mosadi wa lekgowa. Ka nakwela mogoba wa banna ba batho ba batšhwewu ba go teya ka ku ga 1 000 wo sa kwane le mogoba wo monyana wa banna ba batho ba bantsho, go yye gwa lwiwa la gore ntwa ya gona yi yye ya sabalala ka go yakgoswa yi šinya yi segela Greenwood mo go dulang batho ba bantsho ga gore magaye ya go teya ka ku ga 1 400 le dibhizinisi tsa bona di yye dya tseyiwa ka tšhinghi di boya di tšhubiwa. Ba butsiye batho gore go kgwile 36 ya bona mara gabutšibutši nombhoro ya bo ba kgwileng yi ka fo ba yi segela gana hala ga makgolo.

Mogageru Richard J. Hill, wa gore ke motho ye montsho ga bo ba go Tšhuta Bhayibele fote o dula Greenwood, o hlayisa so se yyeng sa makega o re: “Bošego bya mo go thomisa morusurusu re yye ra fo tshwara mogahlano wa phutego go tshwana le matšatši. Ka nthago ga mogahlano re yye ra kwa go lla dithunya toropong ya Tulsa. Re yye ra boya ra fo ya go yetseleng di kene di sa kgahlampana.” Ka Laboraro la di-1 tsa June ka bošego, seyemo se yye sa befa ka matla. Byalo, “Batho ba bangwana ba yye ba tla ba re mo nkare re nyaka go tšhireletsega di nyaka re ye Convention Hall ka nako ka yonone.” Byalo Mogageru Hill, mosadi wage le kapheta ya bana ba bona ba yye ba tšhabela Tulsa Convention Hall. Gana hone, banna ba batho ba ba bantsho le basadi ba gore re ka fo re ke 3 000 ya bona ke mo ba ba kwalele ka ntlong ba ghatiye ke masole ya gore ma romme ke mmušo ya gore ba ma kgopele gore ma tle ma make gore go sa be le go hlakahlakana.

Ka nako yonone Mogageru Arthur Claus, wa gore ke motho ye motšhwewu o yye a segelela sepheto sa go šupetsa gore o šišimele. “Mo ke kwa gore ku Greenwood go tsugiye morusurusu dilo di tseyiwa ka tšhinghi fote go tšhubiwa mitši, ke yye ka fetsa ka gore ke tšwe ke ye hlola monghanaka Mogageru Hill.”

Mogageru Arthur Claus o gelepa dibananyana 14 ya tsona a berekisa puku ya The Harp of God gore di tšhute tsa go tlala ka Bhayibele

Mo a segela ga Mogageru Hill, o yye a bona moyagelane wa bona wa motho ye motšhwewu a tshwere sethunya. Moyagelane yene le yene ke mo go le monghana wa Mogageru Hill fote ne a nagana gore Arthur le yene o wela ga bo ba go baka morusurusu. O yye a yahlamela a re “O nyaka ying gana hone?”

Arthur o yitseri “Mola ke sa fetola tso a di nyakang nke a nthunnye. Ke yye ka maka gore a sa kamake gore ke nna monghana wa Mogageru Hill fote ke botala nkene ke mo vakašela.” Arthur le moyagelane wa Mogageru Hill ba yye ba phomelela ga taba ya go pasopa diphahlo tsa mogageru yene gore di sa tseyiwi ka tšhinghi.

Di soko ya kgole, Arthur o yye a di bona gore Mogageru Hill le ba mutši wage ba tšhabele Convention Hall. Arthur ba mmutsiye gore batho ba bantsho ba ka sa tšwe mone Holong mo ba ka sa ro ba kgopelela ga General Barrett, wa gore ke ndhuna ya masole gore a tle a ba sayinele. Arthur o re: “Ke mo di se lula go bonana le ndhuna yone. Byalo, mo ke mmotsa gore ke kgopela gore ba ntshe ba mutši wa Mogageru Hill, o yye a mputsisa gore: ‘Ayitsano o nyoko di kgona go ba pasopa ga tso ba di gayelang?’ Ke yye ka mo fetola ke sa jikajiki ka re eya.”

Arthur o yye a ya ku Convention Hall a tshwere lephephe la go šupetsa gore ba mo dumelele. O yye a yisa taba yone ga lephodisa le lengwana la gore le yye la bolabola le makele la re: “Go tlile byang gore go sayine ndhuna ka boyene mong! Nje wa di tšiba gore ke wene wa mathomo wa go ntsha motho mo polekeng yowa?” Ka go yakgoswa, Arthur le lephodisa lone ba yye ba kraya Mogageru Hill le ba mutši wage. Ka mokana ga bona ba yye ba kena ka koloying ya Arthur ke mokane ba leba gaye.

Mogageru Claus o yye a liketsa ka matla gore a bone gore Mogageru Hill le ba mutši wage ba pasopegiye. Mo ba bangwana ba bona ka mokgo mogageru yene a nang le lešiši ka gona fote ga magageru a ma kgwela, ba yye ba tikisega dipelo ka matla. Arthur o re: “Moyagelane yela ne a pasopa diphahlo tsa mogageru Hill o yye a thomisa go hlompa Dihlatse tsa Jehova. Fote batho ba go tlala ba yye ba thomisa go jabolela tso tsa Mmušo wa Modimo ka taba la gore ba di bonne gore a re hlawolane, ka mokana ga rune ba gore re tineyele ga Modimo re ya lekana.”

a Makazini wa The Golden Age wo tšhentšhiwwe lebitso ka mongwaga wa 1937 ke mokane ba re ke Consolation fote ka mongwaga wa 1946 ba wo neya lebitso la gore ke Hlahlama!