Puku ya Kutullo yi re Manaba ya Modimo ma Nyoko Tlela ke Tsa Mošaga Mang?

1. King so puku ya Kutullo yi re wunyullelang sona ka batho ba Modimo?

PUKU ya Kutullo yi wunyulla gore Mmušo wa Modimo wa ku legedimong wa lawola fote Sathane ba mo rakiye ku legedimong. (Kut. 12:1-9) Taba ya gore ba mo rakiye yi ba khutsisiye tsa go tlala ku legedimong mara mo go le rune yi re leyele tsa go sasamela. Ke ntaba re reyane? Ka taba la gore Sathane o kwatiye ka matla fote o lwa le batho ba gore ba berekela Jehova ka go tshepega ho lefaseng.—Kut. 12:12, 15, 17.

2. King so se ka re gelepang gore re sa thogathoge?

² Re ka maka byang gore re dule re sa thogathoge le mo Sathane a kene a re hlorisa? (Kut. 13:10) So se ka re gelepang ke gore re tšibe tso di nyoko makegang ku mahlong. Mo re beyisa, ga puku ya Kutullo Johane wa lepostola o bolabodiye dilo tse dingwana tso re nyoko rufiwang ka tsona go se botala. Ga dilo tsone re nyoko rufiwang ka tsona go kena le taba ya gore manaba ya Modimo go nyoko fela ka wona. Gana byalo tla re lebeleleneng gore puku ya Kutullo yi hlatolla manaba yane ka mokgo mang le gore ma nyoko makegela ke tsa mošaga mang.

“TSO DI SA NYOKO MAKEGANG” DI WUNYULLA GORE MANABA YA MODIMO KE BOMANG

3. Puku ya Kutullo yi re tshwanisela ka dilo difeng tsa gore di sa nyoko makega?

³ Temanyana ya mathomo ya Kutullo yi re botsa gore tso re nyoko di balang di yemelang ke “tso di sa nyoko makegang,” tsa gore yi fo ba go tshwanisela. (Kut. 1:1) Manaba ya Modimo ba ma hlatolla ka mokgwa wa go tshwanisela. Fote temanyana yone yi bolabola ka diphoolwane tsa go tshosa tsa hlaga. Mo re beyisa, yi re “phoolwane ya go tshosa ya hlaga yi yinuga yi tšwa lewatleng.” Yi na le “lesome la manaka fote yi na le kašupa ya dihlogo.” (Kut. 13:1) Phoolwane yone yi šele nthago ke “phoolwane ye nngwana ya hlaga ya gore yi tshosa ka matla yi yinuga yi tšwa lefaseng.” Phoolwane yone yi bolabola go tshwana le noga ye kgolo ya go tshosa fote yi maka gore “mollo wo tšwe legedimong.” (Kut. 13:11-13) Ke mokane go nyarela ye nngwana phoolwane, “phoolwane ya hlaga ya khala ye khubedu ya nkare ke madi,” ya gore yi kalamme ke nghwahla. Diphoolwane tsowa ka ditharo di yemela manaba ya botala ya Jehova Modimo le Mmušo wage. Byalo di nyaka re yi tseyela gedimo taba ya gore re tšibe gore manaba yane ke bomang.—Kut. 17:1, 3.

4-5. Tso di hlayang ke Daniyele 7:15-17 di re gelepa ka mokgo mang gore re thogo kwisisa gore tso ba tshwanisang ka tsona tsa gore di sa nyoko makega di rela ying?

⁴ Mo re ka thomisa ka go kwisisa gore tso ba tshwanisang ka tsona di rela ying re nyoko thogo tšiba gore manaba yane ke bomang. Gore re thogo kwisisa di nyaka re lisetse Bhayibele yi re hlatollele. Dilo tsa go tlala tso ba tshwanisiyeng ka tsona tsa gore di nyarela ga puku ya Kutullo ba šele ba di hlatolliye ga dipuku tse dingwana tsa Bhayibele. Mo re beyisa, moporofeta Daniyele o loriye gore “diphoolwane ka dinne tse dikgolo di yye dya yinuga lewatleng.” (Dan. 7:1-3) Daniyele o hlayye gore di yemela ying. Diphoolwane tsone tse dikgolo di yemela “magoši” ka mane kela memmušo. (Bala Daniyele 7:15-17.) Hlatollo yone ya gore yi kwala gabutši yi re gelepa gore re kwisise gore diphoolwane tso di leng ga Kutullo di rela memmušo ya dipolotiki.

⁵ Tla re lebeleleneng tse dingwana ga puku ya Kutullo tsa gore di tshwanisela dilo tsa gore di sa nyoko makega. Mo re kene re maka ka mokgonone, re nyoko di bona gore Bhayibele yi re gelepa ka mokgo mang gore re thogo kwisisa gore dilo tsowa di rela ying. Re nyoko thomisa re lebelela diphoolwane tsa hlaga tsa go lategetsana. Sa mathomo re nyoko bona gore di yemela bomang. Ke mokane re nyoko bona gore go nyoko makega ying ka tsona. Sa mafelelo re nyoko lebelela gore dilo tsowa ka mokana ga tsona di re yama ka mokgo mang.

MANABA YA MODIMO MAA TŠIBEGA BYALO

6. Phoolwane ya hlaga ya go ba le kašupa ya dihlogo yo yi hlatollang ke Kutullo 13:1-4 yi yemela ying?

⁶ King so se yemelang ke phoolwane ya go tshosa ya hlaga ya gore yi na le kašupa ya dihlogo? (Bala Kutullo 13:1-4.) Di šupa nkare phoolwane yowa ke lepogo mara yi na le mawoto ya bhere, molomo wa tawu le lesome la manaka. Ka mokgo phoolwane yowa yi leng yi tshwana le diphoolwane ka dine tso Daniyele tema 7 yi di hlayyeng. Mara puku ya Kutullo yi hlatolla phoolwane yowa ka yyoši yi tshwana le diphoolwane tsela ka dine. Phoolwane yowa ya hlaga ya go tshosa a yi fo ba mmušo ka wwoši kela mmušo wa go lawola lefase ka mokana ga lona. Mo ba yi hlatolla ba re yi lawola “meloko, batho, mebolabolo le ditšhaba ka mokana ga tsona.” Ke mong selo se segolo a yi fo ba mmušo wa gore wo lawola setšhaba ka ssoši. (Kut. 13:7) Byalo, phoolwane yowa ya hlaga yi yemela mmušo wa dipolotiki wa gore ne wo kene wo kgahleletsa batho go tlugisela ku botala.b—Mmo. 8:9.

7. Ga phoolwane ya hlaga ya go ba le kašupa ya dihlogo, hlogo ye nngwana le ye nngwana yi yemela ying?

⁷ King so se yemelang ke hlogo ye nngwana le ye nngwana? Kutullo tema 17, yi re hlatollela ka sethombhe, sethombhe sa phoolwane so se nyarelang ga Kutullo tema 13. Kutullo 17:10, yi re: “Go na le kašupa ya magoši, kapheta ya wona ma šele ma wile, ka yyoši yi kene yi gona, ye nngwana a yi soko segela mara mo yi segela yi tshwanele gore yi lawole ka nako ye nyana.” Ga memmušo ya dipolotiki ka mokana ga yona yo Sathane a yyeng a yi berekisa ke kašupa ya yona ya gore ba yi tshwanisa go le “dihlogo” ka taba la gore ne yi na le matšhika ka matla. Yowa ke memmušo ya lefase ya gore yi yye ya yama batho ba Modimo ka matla. Ka dinako tsa Johane wa lepostola kapheta ya yona ke mo yi šele yi krayye sekgala sa go lawola: Egepita, Asiriya, Bhabhilona, Mameda le Maperesiya le Gerika. Mmušo wa lefase wa Roma go leng wa kobodi ke mo wo kene wo lawola mo Johane a ngwala puku ya Kutullo. Mara mmušo wa kašupa wa mafelelo wa lefase kela hlogo go nyoko ba wofeng?

8. Hlogo ya kašupa ya phoolwane ya hlaga yi yemela mang?

⁸ Seporofeto so se leng ga puku ya Daniyele se nyoko re gelepa gore re thogo tšiba gore hlogo ya mafelelo ya kašupa yo yi leng ga phoolwane ya hlaga yi yemela ying. Ke mmušo wofeng wa lefase wa gore wo kene wa lawola ka dinako tso tsa mafelelo tsa “letšatši la Morena”? (Kut. 1:10) Ke Brithani yi tshwarisanne le United States, mo re yi beya re ka fo re ke mmušo wa lefase wa Makgowa le Maamerikha. Byalo re ka napa re hlaya gore ke wona hlogo ya kašupa ya phoolwane ya hlaga yo ba bolabolang ka yona ga Kutullo 13:1-4.

9. Ke ying so se yemelang ke phoolwane ya hlaga ya go tshosa ya gore yi na le “manaka ka mabedi ya go tshwana le ya nku”?

⁹ Kutullo tema 13 mo yi ya mahlong yi re botsa gore hlogo ya kašupa go leng mmušo wa lefase wa Makgowa le Maamerikha ke wona fote wo wo yemelang phoolwane ya hlaga ya go ba le “manaka ka mabedi ya go tshwana le ya nku, mara ya thomisa go bolabola go tshwana le noga ye kgolo ya go tshosa ka matla.” Phoolwane yowa “Yi maka mehlolo fote yi ro maka le gore mollo wo tšwe legedimong wo tla ho lefaseng batho ba kene ba lebelele.” (Kut. 13:11-15) Kutullo tema 16 le 19 di hlatolla phoolwane yone ya hlaga ya go tshosa go le “moporofeta wa matsaka.” (Kut. 16:13; 19:20) Daniyele yi hlayye selo sa go tshwana le sowa mo yi re mmušo wa lefase wa Makgowa le Maamerikha wo nyoko “leya mafelelo ya go sasamela.” (Dan. 8:19, 23, 24.) Sosone ke sona so se yyeng sa makega ka Ntwa ya Bobedi ya Lefase. Dibhomu ka dipedi tsa atomic tso di yyeng dya maka gore ntwa yi fele ku Japane ke mo di makiye ke batho ba sayense ba Brithani ba tshwarisanne le ba Amerikha. Ka mokgonone mmušo wa lefase wa Makgowa le Maamerikha gabutšibutši wo yye wa maka gore “mollo wo tšwe legedimong wo tla ho lefaseng.”

10. King so se yemelang ke “sethombhe sa phoolwane yone ya hlaga”? (Kutullo 13:14, 15; 17:3, 8, 11)

¹⁰ Ka nthago re bona phoolwane ye nngwana fote ya hlaga. Phoolwane yowa yi nyakiye yi tshwana le phoolwane ya hlaga ya go tshosa ya gore yi na le kašupa ya dihlogo mara yona yi na le khala ya bokhubedu bya go tshwana le madi. Ba re ke “sethombhe sa phoolwane yone ya hlaga” fote ba yi hlatolla go le “kgoši ya mabala.”c (Bala Kutullo 13:14, 15; 17:3, 8, 11.) Mo ba hlatolla “kgoši” yowa ba re ke mo yi le gona mara a yi šiyo fote yi sa nyoko ba gona. Taba yowa yi napa yi ro wo hlatolla gabutši mokgahlo wa Ditšhaba Tsa go Mamarelana wa gore ke wona wo tshwaraganneng le ditaba tsa dipolotiki lefaseng ka mokana ga lona! Mokgahlo wowa mathomisong ne wo tšibega go le Mogoba wa Ditšhaba. Ke mokane ka Ntwa ya Bobedi ya Lefase wo yye wa nyamalala. Ka nthagonyana wa nyarela fote go le Ditšhaba tsa go Mamarelana.

11. King so se makang ke diphoolwane tsowa go leng memmušo ya dipolotiki fote ke ntaba rune re sa hlagasedisi ke selo?

¹¹ Diphoolwane tsowa kela memmušo yowa ya dipolotiki di hlohletsela batho gore ba sa kwane le Jehova le batho bage. Ka mokgwa wa go tshwanisela ba kgobaketsele “magoši ya lefase ka mokana ga lona” gore ma ye ntweng ya Aremaghedoni, go leng “letšatši le legolo la Modimo wa Matšhika ka moka.” (Kut. 16:13, 14, 16) Mara a re hlagasedisi ke selo. Phela Modimo wa rune wa matšhika Jehova o nyoko maka se sengwana gore a phonise ka mokana ga bona bo ba thegang bogoši byage.—Hezek. 38:21-23.

12. Go nyoko makega ying ka diphoolwane tsowa ka mokana ga tsona?

¹² King so se makegang ga diphoolwane tsowa ka mokana ga tsona? Kutullo 19:20 mo yi fetola yi re: “Ke mokane phoolwane ya go tshosa ya hlaga ba yi tshwara le moporofeta wa matsaka wa gore ke mo a maka mehlolo mahlong ga yona. Mehlolo yone ke mo yi fokola bo ne ba na le setwaba sa phoolwane ya go tshosa ya hlaga le bo ne ba rapela sethombhe sa yona. Ba ba lahlela ba kene ba sa phela ka ledhamong la mollo wa gore wo na le matlapa ya go dura nkare ke magala.” Mo manaba yawa ya Modimo go leng mmušo wa dipolotiki ma kene ma ya mahlong ma tshwere, Modimo o nyoko napa a ma psyitlanya a fetsa ka wona.

13. Memmušo ya lefase yi maka gore Makreste ma gahlane le dintshitshire tsa mošaga mang?

¹³ Dilo tsowa di re yama ka mokgo mang? Ka taba la gore ke rune Makreste, di nyaka re tshepega ga Modimo le ga Mmušo wage. (Joh. 18:36) Gore re thogo maka tsotsone, di nyaka re sa kenakene le ka gonyana ga dipolotiki tsa lefase lowa. Mara go kganela kgole le dipolotiki go ka thathafa ka matla ka taba la gore mmušo wa lefase lowa wo gapeletsa gore re wo thege ka tso re di bolabolang le ka tso re di makang. Bo ba wo yikelang gore wo ba kenise ka hlogo ba nyoko tikraya ba na le setwaba sa phoolwane ya hlaga. (Kut. 13:16, 17) Ye mongwana le ye mongwana ye a nang le setwaba sone o nyoko tihloyisa ka Jehova fote a ka sa ro le bona lephelo la go ya go yye. (Kut. 14:9, 10; 20:4) Byalo, go ko ba go le taba ya go bafala ka matla mo ka mokana ga rune re kganela kgole le taba ya dipolotiki fote re sa yi lebelele le go yi lebelela taba ya gore ba re gapeletsa ka mokgo mang!

NGHWAHLA YE KGOLO YI RAPOGANA GO BABA

14. Kutullo 17:3-5 yi re, Johane wa lepostola o bona ying sa go makatsa?

¹⁴ Johane wa lepostola o hlayye gore o ‘makatsiye ka matla’ ke so a se bonneng. King sosone? Mosadi o kalamme ka yyoši ga diphoolwane tsone tsa go tshosa. (Kut. 17:1, 2, 6) Go bonala nkare ke “nghwahla ye kgolo” fote ba re ke “Bhabhilona ye Mogolo.” O maka “bonghwahla” le “magoši ya lefase.”—Bala Kutullo 17:3-5.

15-16. “Anthe Bhabhilona ye Mogolo ke mang fote re di tšibela kaye tsotsone?

¹⁵ Anthe “Bhabhilona ye Mogolo ke mang”? Re ka sa re mosadi yewa o yemela mokgahlo wa dipolotiki ka taba la gore ba re o maka bonghwahla le ba gore ba yeta mahlong ba dipolotiki tsa lefase lowa. (Kut. 18:9) Taba ya gore o kalamme gedimo ga phoolwane yowa yi napa yi šupetsa gore o liketsa gore ba go lawola ba kwe ka yene. Go tokegela gana hone, re ka sa re o yemela ba dibhizinisi ba go ba le dipawu ba lefase lo la Sathane. Ka taba la gore bowa ba ba hlatolla go le “ba go rekisa ba lefase.”—Kut. 18:11, 15, 16.

¹⁶ Ka Mangwalong lentsu la gore “nghwahla” le ka rela motho wa gore o timaka nkare o berekela Modimo a kene a rapela medimo ye mongwana ya dithombhe kela a nghanelanne le lefase lowa. (1 Dikor. 5:25; Jak. 4:4) Mara ba gore ba berekela Modimo ka go tshepega ba rela bo ba gore ba “tineyele gage go tshwana le kgareba” kela ba gore “a ba soko yetsela le motho.” (2 Makor. 11:2; Kut. 14:4) Bhabhilona ya ku botala ke mo go le lona legaye la sedumedi sa matsaka. Byalo, tsotsone di rela gore Bhabhilona ye Mogolo yi yemele dikereke ka mokana ga tsona tsa matsaka. Gabutšibutši ke mmušo wa lefase ka mokana ga lona wa dikereke tsa matsaka.—Kut. 17:5, 18; ga wepsayite ya jw.org lebelela hlogotaba ya gore, “Babilona o Mogolo ke Eng?”

17. Go nyoko makega ying ka Bhabhilona ye Mogolo?

¹⁷ Go nyoko makega ying ka Bhabhilona ye Mogolo ? Kutullo 17:16, 17 mo yi fetola yi re: “Lesome la manaka yala o ma bonneng le phoolwane yela ya go tshosa ya hlaga, di nyoko hloya nghwahla yone dya tseya dilo tsa yona ka mokana ga tsona dya yi tšula ke mokane dya ja nama ya yona dya yi tšhuba ka mollo gwa fela ka yona. Modimo o maka gore lesome la magoši yane, ma nagane go maka tso yene a di nyakang.” Eya, Jehova o nyoko hlohletsela ditšhaba gore di berekise phoolwane ya go ba le khala ye khubedu tsa nkare ke madi go leng Ditšhaba tsa go Mamarelana gore yi jikele memmušo ya dikereke tsa matsaka ya lefase ka mokana ga lona fote yi yi psyitlanye.—Kut. 18:21-24.

18. Re ka maka ka mokgo mang gore re šupetse gore a re kene felo ga Bhabhilona ye Mogolo?

¹⁸ Dilo tsowa di ra gore king ga rune? Di nyaka re sa lisetse go ya mahlong ka “Mokgwa wa go rapela Modimo wa gore wo yediye fote a wo na selabi.” (Jak. 1:27) Di nyaka re sa yikele dilo tsa matsaka tso ba di tšhutisang, menyanya ya gore yi maka ke batho ba go sa rapele Modimo, go phela ka mokgwa wa go sa hlamatsege le go maka tsa madimona tsa gore di thomme ga Bhabhilona ye Mogolo! Fote re nyoko fo ya mahlong re botsa batho ba bangwana gore “tšwaneneng mone gage,” gore Modimo a sa tle a kraya gore le lune le tšhediye letsogo ga melato yone yage.—Kut. 18:4.

LENABA LE LEGOLO LA MODIMO BAA LE YAHLULA

19. Anthe “noga ye kgolo ka matla ya go tshosa ya gore yi na le khala ya nkare ke mollo” ke mang?

¹⁹ Fote puku ya Kutullo yi bolabola ka “noga ye kgolo ka matla ya go tshosa ya gore yi na le khala ya nkare ke mollo.” (Kut. 12:3) Noga yone ye kgolo yi lwa le Jeso le mangeloyi yage. (Kut. 12:7-9) Yi hlasela batho ba Modimo fote yi neya memmušo ya batho matšhika. (Kut. 12:17; 13:4) Noga yone ke mang? Ke “Noga yone ya botala ya gore ba re ke Diyabolo le Sathane.” (Kut. 12:9; 20:2) Ke yene ye a hlohletselang manaba ya mangwana ya Jehova.

20. Go nyoko makega ying ka noga ye kgolo?

²⁰ King so se makegeleng noga yone? Kutullo 20:1-3 yi hlatolla gore lengeloyi le yye la lahlela Sathane ka sekoting sa gore se tshwana le nkare o bošediwe jele. Mo Sathane a kwalediwe ka mokgonone, a ka “sa sa fokola ditšhaba go segela go fela 1 000 ya mengwaga.” Mo di segela mafelelong Sathane le madimona yage ba nyoko ba lahlela ga “ledhamo la mollo le matlapa ya go dura nkare ke magala” tsotsone di šupetsa gore go nyoko napa go fela ka bona. (Kut. 20:10) O fo nagana gore lephelo le nyoko ba le le byang mo Sathane le madimona yage ba sa sa le šiyo ho lefaseng. Ye lune, phela go nyoko natefa tsa nkare ke moka!

21. Ke ntaba tso re di balang ga puku ya Kutullo di re jabodisa?

²¹ Phela di ya tiyisa go kwisisa tso di yemelang ke dilo tsa gore di sa nyoko makega tso ba bolabolang ka tsona ga puku ya Kutullo! Re šele re ya di tšiba gore manaba ya Jehova ke bomang fote re di bonne gore ba nyoko tlela ke tsa mošaga mang. Eya, “Motho wa gore o balela seporofeto sowa gedimo fote a se kwisisa wa jabola”! (Kut. 1:3) Mara mo go šele go fediye ka manaba ya Modimo, bo ba gore baa tshepega ba nyoko ba rufa ka tsa mošaga mang? Re nyoko petapeta ka taba yone ga hlogotaba ya mafelelo ga tso tsa go lategetsana.