Malata ya Jehova ma Kwana le Tso Yene a Reng di Lukiye

1. Josefa o yye a liketsiwa ka mokgo mang fote king so a yyeng a se maka?

JOSEFA wa gore ke morwayi wa Jakobo o yye a gahlana le bothatha byo bogolo. Mosadi ye mongwana o yitseri gage “Yetsela le nna.” Mosadi yene ke mo go le wa monna ye a hiriyeng Josefa ye ba reng ke Potifaro. Josefa o yye a gana go yetsela naye. Byalo motho a ka tiputsisa gore, ‘Anthe ke ntaba Josefa a yye a gana mo ba mo woka?’ Ka taba la gore Potifaro ke mo a se šiyo hone. Fote, Josefa ke mo go le lelata ga mutši wonone, mosadi yewa ne a ka maka se sengwana le se sengwana gore lephelo la Josefa le gakge ka taba la gore o mo tšebisiye. Mara Josefa o f’lo ya mahlong a gana a tiyisiye ka ganong. Ke ntaba mara? O yitseri: “Nka maka byang dilo tsa go befa ka mokgo ka sinyela Modimo?”—Gen. 39:7-12.

2. Josefa ke mo a di tšibela kaye gore go maka tsa mapaying le mosadi kela monna wa ye mongwana ke setšha o sinyela Modimo?

² Josefa o di tšibiye ka mokgo mang tsa gore Modimo ke mo a nyoko tseya taba ya go yetsela le mosadi wa monna ye mongwana go le go maka dilo “tsa go befa”? Phela Maisrayele ba ma neyye Molawo wa Moše wa gore “O sa make tsa mapaying le mosadi kela monna wa ye mongwana,” ka nthago ga 200 ya mengwaga. (Ek. 20:14) Le mo go le ka mokgonone, Josefa ke mo a mo tšiba gabutši ga Jehova la go šinya a ro tšiba le ka mokgo a tikwang ka go maka dilo tsa go sa hlamatsega. Mo re beyisa, Josefa ke mo a di tšiba tsa gore Jehova o makiye gore mošadho go be wa monna ka wwoši le mosadi ka wwoši. Fote di ka makega gore o yye a yi kwelela taba ya gore Jehova o yye a tšhireletsa kokwane wage wa mosadi ye ba reng ke Sara gore a dule a tshepega ga monna wage. Fote Modimo o yye a maka ka mokgonone mo a tšhireletsa mosadi wa Isaka ye ba reng ke Rebeka. (Gen. 2:24; 12:14-20; 20:2-7; 26:6-11) Byalo mo Josefa a nagana ka ditaba tsone o napa a thogo di bona gore so se lukiyeng maahlong ya Modimo ke sefeng. Ka taba la gore Josefa ke mo a mo nyaka ka matla ga Modimo fote a kwana le melawo yage ya go loka ke mo a tikemisele go yi ngangarela.

3. Re nyoko bolabola ka ying ga hlogotaba yowa?

³ Ayitsano le wene o kwana natso tsa go loka? Phela a re kamake le ka gonyana gore o kwana natso. Mara ka mokana ga rune a re ya yenela fote mo re sa pasope lefase lowa le nyoko re fokola ke mokane re tseya taba yowa ya go maka tsa go loka ka mokgo mongwana. (Jes. 5:20; Marom. 12:2) Byalo re nyoko lebelela gore mo re re go loka re ra gore king fote taba yonone ya go kwana le tsa go loka yi nyoko re berekela ka mokgo mang. Fote re nyoko bolabola ka dilo ka diraro tso re ka di makang tsa gore di nyoko re gelepa gore re nape re yi nyaka ka matla melawo ya Jehova.

ANTHE MO BA RE GO LOKA BA RA YING?

4. Taba ya gore motho o lukiye ga go tlala ba yi lahla mo di tla kaye?

⁴ Mo batho ba nagana ka motho wa gore o lukiye ba go tlala ba nagana gore ke motho wa go ba le magetla wa go kwana le go yahlula ba bangwana kela wa go tseya nkare yene o lukiye go phala batho bo ka mokana ga bona. Mara Modimo aa kwane naye motho wa mošaga wonone. Nakwela Jeso a le ho lefaseng o yye a wolola bo ba go yeta dikereke mahlong ka taba la gore ba tipeyele molawo wa gore ke sefeng sa gore se lukiye. (Mmo. 7:16; Luk. 16:15) Motho wa gore o maka tso Jehova a reng di lukiye aa tseyi gore yene o phala ba bangwana.

5. Bhayibele yi hlatolla go loka ka mokgo mang? Re beyisele.

⁵ Go loka ke mokgwa wa gabutši ka matla. Mo re fo yi beya go rela go maka dilo tsa go loka mahlong ga Jehova Modimo. Ka ho Bhayibeleng Mantsu ya ba ma berekisiyeng go hlatolla taba ya “go loka” ma bolabolela taba ya go phela ka melawo ya gore ya kwagala go leng melawo ya Jehova. Mo re beyisa, bo ba go rekisa Jehova o ba neyye molawo wa gore ba berekise sekala ‘sa go kala gabutši.’ (Dot. 25:15) Lentsu la Seheberu la gore ba le hlatolliye go le “go tshepega” le ka boya le rela “go loka.” Byalo Mokreste wa gore wa di nyaka go loka maahlong ga Modimo o nyoko karakara ka matla gore a tshepege ga tso tsa dibhizinisi. Fote motho wa go loka o kwana natso tsa gore batho ba tshwariwe gabutši, aa di nyake tsa go bona motho ye mongwana ba mo tshwara bošidi. Motho wa gore nnete o lukiye ka matla o thomisa a lebelela gore Jehova o di tseya byang dipheto tso a di segelelang ‘gore a thogo maka tso [Jehova] a di nyakang gore a thogo jabola.’—Makol. 1:10.

6. Ke ntaba re sa kamake gore melawo ya Jehova yi ka sa ro pumutsa ga taba ya gore ke sefeng sa gore se lukisa kela sa go sa loka? (Jesaya 55:8, 9)

⁶ Bhayibele yi re taba ya go loka yi tšwa ga Yene mong Jehova. Nka taba lo ba reng ke “poleke ya go dula ga yona ya go loka.” (Jer. 50:7) Ka taba la gore Jehova ke yene a Makiyeng dilo a go na ye mongwana wa gore a ka re beyela melawo ga taba ya gore ke sefeng sa gore se lukiye kela sa go sa loka. Fote Jehova wa di tšiba gore ke sefeng sa gore se lukiye le sa gore a se ya loka ka taba la gore o yenele mara rune re ka sa di kwisisi gore ke ntaba a reyane ka gore a re ya yenela. (Diy. 14:12; bala Jesaya 55:8, 9.) Mara ka gore Modimo o re makiye ka setshwano sage re ya di kgona tsa go berekisa melawo yage ya go loka mo re kene re phela. (Gen. 1:27) Fote tsone re kwana natso ka matla. Taba ya gore re mo nyaka ka matla ga Papa wa rune yi re tšhofa gore re we re tsoga re liketsa go mo kopisela.—Maef. 5:1.

7. Ke ntaba di nyaka re latelela melawo? Re beyisele.

⁷ Phela go berekisa melawo ya Jehova ga taba ya gore ke sefeng sa gore se lukisa kela sa go sa loka yi gelepa rune. Ayitsano wa yi tshwara taba yowa? O fo nagana gore go ka makega ying mo kontraga kela khampani ya go yaga yi ka fo timakela melawo ya yona yi le ntoši mo yi yaga. Phela tsotsone di ka fo dhunghanya dilo. Fote mo di ka makega gore botogotela le manesi ba sa latelele melawo yo yi beyiwweng mo ba kene ba pasopa bo ba go lwala taba yone yi ka maka gore go be le bo ba kgwang. Byalo re ya di bona tsa gore mo batho ba latelela melawo tsotsone di ya ba tšhireletsa. Byalo le rune mo re theetsela melawo ya Modimo ga taba ya gore ke sefeng sa gore se lukisa le sa gore a se ya loka, di nyoko re tšhireletsa.

8. Bo ba kwanang le go maka tsa go loka ba nyoko rufiwa ka tsa mošaga mang ku mahlong?

⁸ Jehova o rufa bo ba liketsang ka matla gore ba berekise melawo yage mo ba kene ba phela. O tshepisa gore: “Ba go loka ba nyoko dula ho lefase fote ba nyoko dula ho ga lona go ya go yye.” (Pis. 37:29) Phela mo batho ka mokana ga bona ho lefaseng ba theetsela melawo ya Jehova go nyoko ba selo ka ssoši, go dula go bebiye fote ba dula ba jabodiye? Lone ke mong lona lephelo lo Jehova a nyakang gore re le jabolele. A re kamake gore ye mongwana le ye mongwana ho ga rune o na le so se makang gore a kwane le go loka! Mara re ka maka byang gore re kwane nawo mokgwa wowa? Tla re lebeleleneng kararo ya dilo tso re ka di makang.

KARAKARA GORE O NYAKE MELAWO YA JEHOVA KA MATLA

9. King so se ka re gelepang gore re nyake go maka tsa go loka?

⁹ Sa Thoko: Mo nyake ka matla ye a beyyeng melawo yone. Gore re thogo di nyaka tsa go maka tsa go loka di nyaka re thomisa ka go nyaka ye a beyyeng melawo yone ya gore ke sefeng sa go loka kela sa go sa loka. Mo re mo nyaka ka matla ga Jehova re nyoko di nyaka ka matla tsa go berekisa melawo yage ya go loka mo re kene re phela. Lebelela mošupetso ke wowa: Hala Adamo le Efa ba yye ba mo nyaka ka matla ga Jehova ke mo ba ka sa wo takisi maahlo molawo wage wa go loka.—Gen. 3:1-6, 16-19.

10. Abhrahama o makiye byang gore a thogo mo kwisisa gabutši ga Jehova?

¹⁰ Nnete ke gore a re di nyake tsa go kekemisa gana hala Adamo le Efa ba kekemisiyeng. Mara gore tsotsone di sa re makegele di nyaka re ye mahlong re kene re tšhuta ka Jehova re tseyele gedimo mekgwa yage ya go bafala fote re liketse go kwisisa gore o di tseya byang dilo. Mo re maka tsotsone taba ya go mo nyaka ka matla ga Jehova yi nyoko gola. Tseya ka Abhrahama. Ke mo a mo nyaka tsa mannete ga Jehova. Le mo yi le gore ka dinako tse dingwana ne a sa nape a kwisisa dipheto tso Jehova a di segelelang. Mara, Abhrahama a sanka a tiwomisa hlogo o yye a liketsa go kwisisa Jehova gabutši. Mo re beyisa, mo a šele a di tšiba tsa gore Jehova o segelele sepheto sa go fetsa ka Sodoma le Gomora, Abhrahama ke mo a tšhugiye a tseya gore “ye a yahlulang lefase ka mokana ga lona” o nyoko suwelanya ba go loka ggoši le bo ba dipelo tse diphifadu. Ga Abhrahama tsotsone ke mo di sa kwale, byalo o yye a tinyanafatsa a butsisa Jehova diputsiso di lategetsana. Jehova o yye a mo fetola a kene a mo lefisela pelo. Mafelelong Abhrahama o yye a di bona tsa gore Jehova o pombhola pelo ya motho ye mongwana le ye mongwana fote a ka sa tsoge a yi makiye taba yonone ya go fetsa ka ba go loka ggoši le ba go sinya.—Gen. 18:20-32.

11. Abhrahama o šupetsiye ka mokgo mang gore o mo nyaka ka matla ga Jehova fote wa mo tshepa?

¹¹ Taba yo Abhrahama a yi bolabodiyeng le Jehova ya gore go nyoko fela ka mutši wa Sodoma le Gomora ke mo yi mo hlupiye ka matla ga Abhrahama. Ke mo a mo nyaka ka matla ga Papage a boya a mo hlompa go phala le mathomisong. Ka nthago ga mengwaga, taba ya gore Abhrahama ke mo a mo tshepa ga Jehova yi yye ya liketsiwa ka matla. Jehova o yye a mo kgopela gore a make sehlabelo ka morwayi wage ye a mo nyakang ka matla Isaka. Mara Abhrahama ke mo a šele a mo tšiba ga Modimo, byalo a sanka a mmutsisa diputsiso. Abhrahama o yye a tikemisela go maka tso Jehova a di kgopelang. Le mo go le ka mokgonone, o fo nagana gore ke mo di mo hlaba pelo go segela kaye mo a kene a lukiselela tso ba yitsering a di make! Di ka makega gore Abhrahama o yye a nagana ka matla ka tso yene a di tšhutang ga Jehova. Ke mo a di tšiba tsa gore Jehova ne a ka sa make dilo tsa go sa loka kela tsa bošidi. Pawulo wa lepostola o yi beyye gabutši mo a re, Abhrahama o yye a tipotsa gore Jehova o nyoko di kgona tsa go tsosa morwayi wage Isaka. (Maheb. 11:17-19) Phela o sa lebale gore Jehova ke mo a tshepisiye gore Isaka go nyoko ba papa wa setšhaba fote ka nako yonone Isaka ke mo a se na ngwana. Abhrahama ke mo a mo nyaka ka matla ga Jehova, tsotsone dya maka gore a di tshepe tsa gore Papage o nyoko maka tsa go loka. Ka taba la gore ne a na le tumelo o yye a theetsela le mo di roba.—Gen. 22:1-12.

12. Re ka mo kopisela ka mokgo mang ga Abhrahama? (Pisalema 73:28)

¹² Re ka mo kopisela ka mokgo mang ga Abhrahama? Le rune di nyaka re ya mahlong re tšhuta ka Jehova go fo tshwana naye. Mo re kene re maka ka mokgonone re ko ba re šutela thina naye fote re napa re mo nyaka tsa nkare ke moka. (Bala Pisalema 73:28.) Re nyoko tšhutisa lekwalo la rune ka go tseya dilo ka mokgo Modimo a di tseyang. (Maheb. 5:14) Mo re maka ka mokgonone re ka sa dumele mo motho ye mongwana a liketsa go re makisa tsa go befa. Re nyoko hloya le mong go maka se senyananyana sa gore se ka kwisa Papa wa rune go baba sa gore fote se ka sinya senghana so re nang naso naye. Mara re ka šupetsa byang gore re kwana nayo taba ya go maka tsa go loka?

13. Re ka karakara ka mokgo mang gore re kwane le go maka tsa go loka? (Diyema 15:9)

¹³ Sa Mabedi: Liketsa go maka tsa go loka letšatši le lengwana le le lengwana. Re ka thomisa go kwana ka matla le melawo ya Jehova ya go loka go fo tshwana le mo re tiwolola ka gonyana ka gonyana gore mmele wa rune wo tiyelele. Le wowa ke mmereko wa gore o ka wo maka ka gonyana ka gonyana ka moka matšatši. Byalo Jehova wa kwisisa, fote aa yemela gore re make dilo tsa gore re ka sa di kgone. (Pis. 103:14) O re tshepisa gore “o ba nyaka ka matla bo ba kwanang le go loka.” (Bala Diyema 15:9.) Mo nkare go na le tso re tipeyeleng gore re nyaka go di segelela ga mmereko wa Jehova di nyaka re karakare gore re thogo di segelela. Go fo ba ka mokgonone le ga taba ya go karakara gore re thogo maka tsa go loka. Fote Jehova o nyoko re gelepa gore di bonale gore go na le so re se makang a kene a re lefisele pelo gore re ye mahlong.—Pis. 84:5, 7.

14. King “sephemo sa dikguba sa go loka,” fote ke ntaba di nyaka re ba naso?

¹⁴ Ka taba la gore Jehova o re nyaka ka matla o re gopotsa gore go maka tsa go loka a yi letogo. (1 Joh. 5:3) Mara gwa re tšhireletsa fote ke selo so re se nyakang ka moka matšatši. O sa lebale dikobo tsa ntwa tsa go felegelela tso Pawulo wa lepostola a bolabodiyeng ka tsona. (Maef. 6:14-18) Gabutšibutši king so se tšhireletsang pelo ya lesole? Ke “sephemo sa dikguba sa go loka,” sa gore se tshwanisela melawo ya go loka ya Jehova. Go fo tshwana le sephemo sa dikguba sa gore se tšhireletsa pelo ya mannete melawo ya Jehova ya go loka le yona yi tšhireletsa pelo ya go tshwanisela go leng so motho a leng sona ka gare. Byalo, di nyaka o karakara ka matla gore ga dikobo tsago tsa ntwa go be le sephemo sa sekguba sa go loka!—Diy. 4:23.

15. Mara o ka se yapara ka mokgo mang sephemo sa sekguba sa go loka?

¹⁵ Mara o ka se yapara ka mokgo mang sephemo sa sekguba sa go loka? O ka maka ka mokgonone ka go latelela melawo ya Modimo mo o kene o segelela dipheto ka moka matšatši. Mo o segelela dipheto ga taba ya tso o nyakang go di bolabola, dikoša tso o nyakang go di theetsela, tso o di lebelelang mo o tijabodisa kela le ga dipuku tso o kgetang go di bala di nyaka o thomise o tiputsisa gore: ‘Nko ba ke tšhela ying ka ho pelong yaka? Ayitsano dilo tsowa Jehova wa di yamogela? Kela di hlohletsela dilo tsa go sa hlamatsega, bokgohlane, dipawu, go tinyakela tsa nna mong go leng dilo tso Jehova a reng a di ya loka?’ (Mafil. 4:8) Mo nkare dipheto tso o di segelelang di kwana le tso Jehova a di nyakang o ko ba o lisetsa gore melawo yage ya go loka yi tšhireletse pelo yago.

16-17. Jesaya 48:18 yi šihlela ka mokgo mang taba ya gore di ka sa re šiti go phela ka melawo ya Jehova?

¹⁶ Taba ya gore ayitsano o ko di kgoneng go ya mahlong o kene o berekisa melawo ya Jehova ya go loka ka moka matšatši mengwaga yi kene yi takamela ya go šekedisa? Lebelela mošupetso wo Jehova a wo berekisiyeng ga Jesaya 48:18. (Bala.) Jehova o re tshepisa gore go loka ga rune go ka “tshwana le meetši ya lewatle.” O fo nagana o yemme lerophong la lewatle ke mokane o lebelele meetši ma kene ma kakolega ma ya tlase le kgakala ma lategetsana. Ga seyemo sosone sa gore se bebiye, ayitsano o šekela ka taba la gore ka tšatši le lengwana di nyoko makega gore meetši yane ma fo yema ma re tse? Dho! Wa di tšiba tsa gore go fitiye mengwagangwaga meetši yane ma kene ma ya tlase le kgakala fote di ka sa makege gore ma fo yema poleke ka yyoši.

¹⁷ Byalo go loka gago go tshwana le meetši yane ya lewatle! Ka mokgo mang mara? Mo di nyaka o segelela sepheto thomisa o tiputsisa so Jehova a nyakang gore o se make. Ke mokane o make ka mokgonone. Le mo di ka thathafa ka matla go segelela sepheto sone Papago wa gore o go nyaka ka matla o nyoko dula a le ho thina gore a thogo go gelepa gore o sa thogathoge fote o ye mahlong o berekisa melawo yage ya go loka mo o kene o phela.—Jes. 40:29-31.

18. Ke ntaba di nyaka re kganela kgole le taba ya go yahlula ba bangwana re boya re tseya nkare re ya ba phala?

¹⁸ Sa Kararo: Lisetsa Jehova go be yene a yahlulang. Mo re kene re karakara ka matla gore re berekise melawo ya Jehova ya go loka mo re kene re phela di nyaka re kganela kgole le taba ya go yahlula ba bangwana re boya re timaka nkare re lukiye ka matla. Re sa tilikanisi le ba bangwana re boya re tseya nkare re ya ba phala, phela re sa lebale gore Jehova ke yene “ye a yahlulang lefase ka mokana ga lona” go seng rune. (Gen. 18:25) Jehova aa re neya mmereko wa go yahlula ba bangwana. Gabutšibutši Jeso o yitseri: “Lisetsa go yahlula gore le wene ba sa go yahlule.”—Mat. 7:1.b

19. Josefa o šupetsiye ka mokgo mang gore wa tshepa gore Jehova ke yene ye a di tšibang tsa go yahlula gabutši?

¹⁹ Tla re lebeleleneng mošupetso wo mongwana wa monna wa go loka ye ba reng ke Josefa. O yye a kganela kgole le taba ya go yahlula ba bangwana le mong ba gore ba yye ba mo tshwara bošidi. Bobhuti bage ba yye ba mo hlorisa ba mo rekisa gore go be lebhantiti fote ba maka gore papa bona a di tshepe tsa gore Josefa o kgwile. Ka nthago ga mengwaga, Josefa o yye a gahlana le ba gabo fote. Ka taba la gore ka nako yonone Josefa ne a na le matšhika ya go lawola ne di ka ba lula gore a busetse ga bobhuti bage ke mokane a ba yahlule go baba. Bobhuti wage le bona ne ba tšhugiye gore a ka fo kgeta go maka ka mokgonone le mo yi le gore ne ba šupetsa gore ba tisola ba resa ka tso ba di makiyeng. Mara Josefa o yye a maka gore ba sa šekele mo a ba botsa gore: “Le sa tšhoge. Anthe ke nna Modimo?” (Gen. 37:18-20, 27, 28, 31-35; 50:15-21) Josefa o yye a tinyanafatsa ke mokane a lisetsa Jehova gore go be yene ye a yahlulang.

20-21. Re ka maka byang gore o sa kraye re timaka nkare re lukiye ka matla?

²⁰ Go fo tshwana le Josefa le rune di nyaka re lisetse Jehova go be yene a yahlulang. Mo re beyisa, re ka sa di tšibi tsa gore king so se tšhofang magageru gore ma make dilo ka mokgo ma di makang. A re di kgone tsa go bona dipelo mara “Jehova o nyakolla gore re tšhofa king.” (Diy. 16:2) O kwana le batho ka mokana ga bona ba go tšwa ga ditšhaba le ditšo tsa mohlobohlobo. Fote Jehova o re hlohletsela gore re ‘re nyakanane ka matla.’ (2 Makor. 6:13) Re di nabela ka matla tsa gore re kwane le batho ka mokana ga bona bo ba leng ka mutšing wa Jehova fote re sa ba yahlule.

²¹ Fote tsotsone di rela gore le mong batho ba gore a yi ba ka phutegong re sa ba yahlule. (1 Thim. 2:3, 4) Nje o ka bolabola ka lešaga lago la gore a le dumele so o se dumelang o re, “Mo go le morenene yene a ka sa tsoge a yamogele nnete”? Tsone o ka sa di make, ka taba la gore go ko ba go le go phophoroga le go titseya nkare wene o lukiye ka matla. Jehova o sa na a thulele “batho ka mokana ga bona go gongwana le go gongwana lešuba la gore ba sokologe. (Meber. 17:30) O sa lebale gore mo o titseya nkare o lukiye go phala ba bangwana tsotsone ke mokgwa wa go sa loka.

22. Ke ntaba o tikemisela go karakara gore o make tsa go loka?

²² Re nabela nkare taba ya go nyaka melawo ya Jehova ya go loka yi ka maka gore re jabole yi boye yi hlohletsele ba bangwana yi ba gelepe gore ba šutele ga rune le ga Modimo wa rune. Re sa lisetse go ba “bo ba kwang tlala le bo ba wongweng tso tsa Modimo.” (Mat. 5:6) Fote o sa kamake gore Jehova o nyoko dula a jabola mo a kene a go bona o karakara gore o thogo maka tsa go loka. Mo lefase lowa le kene le fekemela ga taba ya go maka tsa go sa loka wene o sa hlagasele! O sa lebale gore “Jehova o ba nyaka ka matla bo ba kwanang le go loka.”—Pis. 146:8.