Le Wene o ka Phela go ya go Yye

1. Mo re ghayela ka taba ya go phela go ya go yye yo Jehova a re tshepisiyeng yona, tsotsone di re yama ke mokgo mang?

JEHOVA o tshepisa bo ba gore baa mo theetsela gore ba nyoko kraya “lephelo la go ya go yye.” (Marom. 6:23) Mo re ghayela ka tso Jehova a re neyang tsona, taba ya go mo nyaka ka matla yi napa yi fo ya yi hluhlutela. O fo nagana ka taba ke yowa: Papa wa rune wa legedimong o re nyaka ka matla la gore a se šiyo sa gore se ka re mamarollanya naye.

2. Taba ya go phela go ya go yye yo re tshepisiwweng yona, yi re gelepa mo go yitšobong?

² Taba ya go phela go ya go yye yo Modimo a re tshepisiyeng yona yi re gelepa gore re tiyisele dintshitshire tso re gahlanang natso gana byalo. Le mo manaba ya rune ma re tshosetsa ka gore ma nyoko re bolaya, tsotsone a di re make selo le ka gonyana. Ke ntaba mara? Ka taba la gore re ya di tšiba gore mo re ka kgwa re kene re tshepega ga Jehova, o nyoko re tsosa re na le tshepo ya gore le ka tšatši la mohlolo re ka sa sa tsoga re kgwile. (Joh. 5:28, 29; 1 Makor. 15:55-58; Maheb. 2:15) Ke ntaba re sa yi kamake taba ya gore le rune re ka phela go ya go yye? Lebelela tso di makang gore re sa kamake.

JEHOVA O NYOKO FO DULA A LE GONA

3. Ke ntaba re sa yi kamake taba ya gore Jehova a ka sa šitegi go maka gore re phele go ya go yye? (Pisalema 102:12, 24, 27)

³ Re ya di tšiba gore Jehova a ka sa šitegi go maka gore re phele go ya go yye, ka taba la gore ke yene a Makiyeng lephelo fote ke wa go ya go yye. (Pis. 36:9) Tsowa ke ditemanyana tsa Bhayibele tso di šupetsang gore Jehova ke mo a kene a le gona fote o nyoko fo dula a le gona. Pisalema 90:2 yi re Jehova “o ko dula a le gona go ya go yye.” Pisalema 102 le yona yi fo bolabola ka mokgonone. (Bala Pisalema 102:12, 24, 27.) Fote moporofeta Habakuku o ngwadiye ka Papa wa rune wa legedimong gore: “Wene Jehova ayitsano a yi wene wa go ya go yye? Wene Modimo waka, wa gore O Hlawolegiye, o ka sa tsoge o kgwile.”—Habak. 1:12.

4. Ayitsano mo re sa kwisisi taba ya gore Jehova ke botala a kene a le gona, tsotsone di tshwanele di re kone boroko? Hlatolla.

⁴ Ayitsano di ya go thathafela go kwisisa taba ya gore Jehova ke mo a kene a le gona fote ke “wa go ya go yye”? (Jes. 40:28) A yi mohlolo go tikwa ka mokgonone. Elikgu o yitseri ka Modimo: “Mengwaga yage le mo o ka nyaka go yi kwisisa o ka sa di kgone.” (Jobo 36:26) Mara tsone a di rele gore mo go na le so re sa se kwisising di ra gore taba ka mokana ga yona ke matsaka. Mo re beyisa, ayitsano mo re sa kwisisi gabutši ka mokgo ghezi yi berekang ka gona tsotsone di ra gore a go na selo so ba reng ke ghezi? Le ka gonyana! Le ga rune batho di ka re thathafela go kwisisa taba ya gore Jehova ke mo a kene a le gona fote o nyoko fo dula a le gona. Mara tsotsone a di rele gore Modimo a yi wa go phela go ya go yye. Taba ya gore Ye a Makiyeng dilo ke botala a kene a le gona, a ya tithega ka gore re ya yi kwisisa kela dho. (Marom. 11:33-36) Fote ke mo a kene a le gona dilo ka mokana ga tsona ho lefaseng di soko bane di ba gona, tsa go tshwana le letšatši le dinanedi. A re kamake gore Jehova ke yene “ye a Makiyeng lefase ka matšhika yage.” Fote ke mo a kene a le gona mo a soko bane a “yatlala magedimo.” (Jer. 51:15; Meber. 17:24) King se sengwana so se makang gore re sa kamake gore le rune re ka phela go ya go yye?

MO JEHOVA A ŠINYA A RE MAKA, O RE MAKELE GORE RE PHELE GO YA GO YYE

5. Ke tshepo ya mošaga mang yo monna wa mathomo le mosadi wage ne ba le nayo?

⁵ Ka mokana ga tsona tso Jehova a di makiyeng ho lefaseng ne di nyoko feleletsa di kgwile, mara mo go le batho ne ba ka sa tsoge ba kgwile. Ne a ba neyye tshepo ya go fo phela ba sa kgwe. Mara, Jehova o yye a pasopisa Adamo a re: “O sa ji ga mohlare wa go tšiba sa gabutši le sa gore a yi sa gabutši, ka taba la gore ka tšatši lo o jang ga wona o nyoko kgwa.” (Gen. 2:17) Hala Adamo le Efa ba yye ba theetsela Jehova, nke ba sa phela le lekgono lowa. Wa tšiba, re ko ba re sa yi lahla mo re ka tshepa taba ya gore, mo nako yi kene yi ya Jehova ne a nyoko ba dumelela gore ba je ga “mohlare wa lephelo.” Tsotsone ne di ko ba di rela gore ne ba sa yi kamake taba ya gore Modimo o ba tshepisiye gore ba nyoko “phela go ya go yye.”b—Gen. 3:22.

6-7. (a) King se sengwana so se šupetsang gore batho ne ba sa ba makela gore ba feleletse ba kgwile? (b) King sa go jabodisa sa gore o se yemele ka maahlo ya makhubedu? (Lebelela sethombhe.)

⁶ Di re tikisa dipelo go tšiba gore ba bangwana ga bo ba tsa sayense ba krayye gore monagano wa rune wo ka di kgona go tšhela dilo tsa go tlala ka matla go phala tso re ka di tšhutang gana byalo mo re kene re phela. Ka 2010, hlogotaba ye nngwana ga puku yo ba reng ke Scientific American Mind yi re monagano wa rune wo ka tšhela dilo tsa go tlala tsa gore di ka tseya kararo ya dimiliyoni kela 300 ya mengwaga ya matheto ya gore ma rekhodiwwe ya TV. Fote di ka makega gore monagano wa rune wo tšhela tsa go tlala go feta tsotsone. Di fo šupetsa gabutši gore Jehova o makiye monagano wa rune gore wo kgone go tshwara dilo tsa go tlala go phala tso re ka di tšhutang ka 70 ya mengwaga kela 80.—Pis. 90:10.

⁷ Fote Jehova o re makiye re na le selo sela sa go fo nabela go dula re phela. Mo Bhayibele yi bolabola ka motho yi re, Modimo o “makiye gore dipelo tsa bona di nabele go phela go ya go yye.” (Mmo. 3:11) Sosone ke sona so se makang gore re tseye likgu go le lenaba. (1 Makor. 15:26) Mo re ka tshwaragana le bolwele, ayitsano re napa re fo re di re tlele re nyoko yemela go kgwa? Nikise. Ga go tlala, re ya ga togotela fote ka dinako tse dingwana re kuma le maphilisi gore re thogo yalafa bolwele byone. Gabutšibutši, re ya garagara gore re sa kgwe. Fote mo lešaga la rune la gore ke motho ye monyana kela ye mogolo le hlokofala, di re tseya nako ya go lefa re kene re kwa go baba. (Joh. 11:32, 33) Ke nnete gore, re nabela go phela go ya go yye ka taba la gore ye a re Makiyeng wa gore o re nyaka ka matla o re makiye re le ka mokgonone, fote o nyoko maka gore tsotsone di kgonege. Mara go na le tse dingwana fote tso di makang gore re tshepe gore le rune re ka phela go ya go yye. Tla re lebeleleneng tse dingwana tso Jehova a yyeng a di maka ku botala, le tsa gore le gana byalo wa di maka go šupetsa gore aa soko tšhentšha ga tso ne a tikemisele go di maka go tlugisela botala.

TSO JEHOVA A NYAKANG GO DI MAKA A DI SOKO TŠHENTŠHA

8. Jesaya 55:11 yi re tšhutisa ying ka tso Jehova a tikemiseleng go re makela tsona?

⁸ Le mo Adamo le Efa ba sinnye ke mokane tsotsone dya maka gore bana ba bona ba feleletse ba kgwa, Jehova aa soko tšhentšha ga taba ya tso ne a tikemisele go di maka. (Bala Jesaya 55:11.) O sa na a tikemisele gore batho ba gore baa tshepega ba phele go ya go yye. Re napa re sa kamake selo mo re lebelela dilo tso Jehova a di hlayyeng le tso a di makiyeng gore a thogo segelela tso ne a tikemisele go di maka.

9. Modimo o yye a tshepisa ying? (Daniyele 12:2, 13)

⁹ Jehova o tshepisiye gore o nyoko tsosa bo ba kgwileng ke mokane a ba thulele lešuba la gore ba phele go ya go yye. (Meber. 24:15; Tito 1:1, 2) Monna wa go tshepega ye ba reng ke Jobo ke mo a sa kamake gore Jehova o hlologele go tsosa bo ba kgwileng. (Jobo 14:14, 15) Moporofeta Daniyele le yene ke mo a di tšiba gore batho ba nyoko tsusiwa ba na le tshepo ya go phela go ya go yye. (Pis. 37:29; bala Daniyele 12:2, 13.) Majuda ya dinako tsa Jeso le wona ne ma di tšiba tsa gore Jehova o nyoko neya malata yage ya go tshepega “lephelo la go ya go yye.” (Luk. 10:25; 18:18) Jeso le yene o bolabodiye ka tshepo yone gatleletlele, fote Papage o yye a mo tsosa.—Mat. 19:29; 22:31, 32; Luk. 18:30; Joh. 11:25.

10. Tsogo ya ku botala ne yi re šupetsa ying? (Lebelela sethombhe.)

¹⁰ Jehova ke yene wa go Neya Lephelo fote o na le matšhika ya go maka gore batho ba boyele ba phele. O yye a neya moporofeta Eliya matšhika ya gore a tsose morwayi wa mosadi wa go kgwela ke monna wa ku Zarephata. (1 Mag. 17:21-23) Ka nthago, Modimo o gelepiye moporofeta Eliša gore a tsose morwayi wa mosadi wa Lešunami. (2 Mag. 4:18-20, 34-37) Tsotsone le tse dingwana di fo šupetsa gabutši gore Jehova o na le matšhika ya gore a ka maka gore batho ba boyele ba phele. Nakwela Jeso a le ho lefaseng di yye dya fo ba lekgwaying gore Papage o mo neyye matšhika yane. (Joh. 11:23-25, 43, 44) Gana byalo Jeso o ku legedimong fote ba mmeyye gore a “lawole dilo ka mokana ga tsona legedimong le lefaseng.” Byalo, o mayemong ya gore a thogo maka tso di tshepisiwweng tsa gore “bo ba leng dilahlong” ba nyoko tsusiwa ba na le tshepo ya gore ba phele go ya go yye.—Mat. 28:18; Joh. 5:25-29.

11. Taba ya go lepolliwa yi re thulele lešuba la gore re tle re phele go ya go yye ka mokgo mang?

¹¹ Ke ntaba Jehova a yye a lisetsa Morwayi wage gore a kgwe go baba ka mokgo? Jeso o re wunyullele phetolo ya putsiso yone mo a re: “Modimo o nyakiye lefase ka matla a šinya a neyela ka Morwayi wa gore o fo ba a ntoši, gore ye mongwana le ye mongwana ye a dumelang gage a sa bolayiwi mara a kraye lephelo la go ya go yye.” (Joh. 3:16) Mo Modimo a šinya a re neya Morwayi wage gore a re lepolle ga tso re di sinnyeng ke mo a re thulela lešuba la gore re kraye lephelo la go ya go yye. (Mat. 20:28) Pawulo wa lepostola o yi hlatolliye yi kwagala gabutši taba yowa ya tso Modimo a tikemiseleng go di maka mo a šinya a ngwala gore: “Ka gore likgu le tlile ka motho ka wwoši, le tsa go tsoga ga bo ba kgwileng di nyoko tla ka motho ka wwoši. Go fo tshwana le mo batho ba kgwa ka taba la Adamo, le ka Kreste batho ka mokana ga bona ba nyoko phela.”—1 Makor. 15:21, 22.

12. Mmušo wa Modimo wo nyoko gelepa ka mokgo mang gore tso Jehova a tikemiseleng go re makela tsona di makege?

¹² Jeso o tšhutisiye bo ba mo latelelang gore ba rapelele Mmušo wa Modimo gore wo tle fote go makege tso Modimo a di nyakang ho lefaseng. (Mat. 6:9, 10) Se sengwana ga tso Modimo a tikemiseleng tsona ke gore o nyaka gore batho ba phele go ya go yye ho lefaseng. Gore Jehova a thogo segelela tsotsone o hlawodiye Morwayi wage gore a be Kgoši ya Mmušo wage. Modimo ke mo a kene a kgobaketsela batho ba 144 000 ho lefaseng gore ba bereke le Jeso gore go makege tso Modimo a di nyakang.—Kut. 5:9, 10.

13. King so Jehova a se makang gana byalo, fote king so wene di nyakang o se maka?

¹³ Gana byalo Jehova o tikgobaketsela “mogoba wo mogolo” wa batho fote o ba tšhutisa gore ba tle ba phele ka tlase ga Mmušo wage. (Kut. 7:9, 10; Jak. 2:8) Le mo batho ba go tlala ho lefaseng lekgono ba yahluganne ka taba la go kwana le dintwa mara bo ba mogoba wo mogolo ba liketsa ka matla gore ba hlule dilo tsone ka mokana ga tsona tsa go šupetsa go hlawolana go ya ka ditšhaba, ditšo le go fo kwa o nyenya motho nje. Ba napa ba šupetsa gabutši ka tso ba di makang gore ba tšhentšhiye digale tsa bona ba di maka matsepe. (Mmik. 4:3) Ba kganela kgole le taba ya go kenakena ga tsa dintwa tsa gore di fetsa maphelo ya batho, ke mokane ba gelepa batho gore ba kraye “lephelo la gabutši” ka go ba tšhutisa ka Modimo wa mannete le ka tso a tikemiseleng go di maka. (1 Thim. 6:19) Di ka makega gore mašaga ya bona ma ba phigise kela ba hlupega ka taba la go gayela sekwetše mo ba kene ba thega Mmušo wa Modimo mara Jehova o maka se sengwana gore ba kraye tso ba di hlokang. (Mat. 6:25, 30-33; Luk. 18:29, 30) Tsotsone di maka gore re sa kamake gore Mmušo wa Modimo ke wona-wona fote wo nyoko fo ya mahlong wo maka tso Jehova a tikemiseleng go di maka.

TSA GO BAFALA TSA KU MAHLONG

14-15. Taba ya gore Jehova o nyoko fetsa ka likgu yi ko makega ka mokgo mang?

¹⁴ Jeso gana byalo ke Kgoši ya Mmušo wa Modimo ku legedimong, fote o nyoko maka dilo ka mokana ga tsona tso Jehova a di tshepisiyeng. (2 Makor. 1:20) Go tlugisela ka 1914, Jeso ke mo a kene a hlula manaba yage. (Pis. 110:1, 2) Go se botala Jeso le bo a lawolang nabo ba nyoko fetsa ka batho ka mokana ga bona ba dipelo tse diphifadu.—Kut. 6:2.

¹⁵ Mo Jeso a Lawola ka Sekete sa Mengwaga o nyoko tsosa bo ba kgwileng ke mokane a gelepa ka mokana ga bona bo ba theetseleng Jehova gore ba felegelele. Ka nthago ga go liketsiwa la mafelelo, bo ba gore Jehova o ba yahludiye a kraya ba lukiye “ba nyoko dula ho lefaseng fote ba nyoko dula mo ga lona go ya go yye.” (Pis. 37:10, 11, 29) Sa go jabodisa ke gore, “lenaba la mafelelo lo ba reng ke likgu,” go nyoko “fela ka lona.”—1 Makor. 15:26.

16. Di nyaka re tšhofa king ga taba ya go berekela Jehova?

¹⁶ Re di bonne ga hlogotaba yowa gore Lentsu la Modimo ke lona le re neyang tshepo ya go phela go ya go yye. Tshepo yone yi ka re gelepa gore re dule re tshepega ga dinako tso tsa go thathafa tsa matšatši ya mafelelo. Mara gore re thogo jabodisa Jehova, di nyaka re sa tšhofe ke taba ya go fo re re nabela go dula re phela. Selo se segolo so se makang gore re dule re tshepega ga Jehova le ga Jeso ke gore a re timakisi mo re re re ba nyaka ka matla. (2 Makor. 5:14, 15) Tsotsone ke tsona tso di re tšhofang gore re ba yekisele re boye re botse ba bangwana ka tshepo yo re nang nayo. (Marom. 10:13-15) Mo re sa tinyakele tsa rune beng fote re sa konane, Jehova o nyoko jabolela go re beya mo lethekeng lage ke mokane re ba banghana bage go ya go yye.—Maheb. 13:16.

17. Ke wofeng mmereko wo ye mongwana le ye mongwana a nang nawo? (Matewu 7:13, 14)

¹⁷ Ayitsano le rune re nyoko ba gona ga bo ba nyoko krayang lephelo la go ya go yye? Jehova o re thulele lešuba lone. Byalo, di šalele rune gore re dule re le ga pata yone ya gore yi bakiye lephelong. (Bala Matewu 7:13, 14.) Lephelo le nyoko ba byang mo re phela go ya go yye? Re nyoko petapeta ka phetolo ya putsiso yone ga hlogotaba ya go latela.